အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အလွန်ဆိုးရွားသော ပြဿနာတစ်ခု – သစ္စာဖောက်ခြင်း (၁)

ငါ့အလုပ် ပြီးစီးလုပြီ။ နှစ်ပေါင်းစွာ သင်တို့နှင့်အတူ ကုန်ဆုံးခဲ့ရသော အချိန်ကာလသည်လည်း သည်းမခံနိုင်လောက်သော အတိတ်က အမှတ်ရစရာများ ဖြစ်ခဲ့လေပြီ။ ငါ့နှုတ်ကပတ်တော်တို့ကို ငါသည် ဆက်လက်၍ ထပ်တလဲလဲ ပြောဆိုကာ လုပ်ငန်းသစ်ကို မရပ်မနား ဆောက်ရွက်ခဲ့သည်။ မှန်ပေသည်၊ ငါ၏ အကြံပြုချက်သည် ငါလုပ်ဆောင်သော အရာတခုစီအတွက် မရှိမဖြစ် လိုအပ်သော အစိတ်အပိုင်းဖြစ်သည်။ ငါ၏ အကြံဉာဏ်မပါလျှင် သင်တို့အားလုံး လမ်းလွဲမည့်အပြင် ပို၍ ဆုံးရှုံးရလိမ့်မည်။ ငါ၏အလုပ် ပြီးဆုံးလု နီး၍ အဆုံးသတ်ပေတော့မည်။ အကြံဉာဏ် ပေးခြင်းကိုမူ ဆက်လက် လုပ်ဆောင်လိုသေးသည်။ ဤသို့ ဆိုရာ၌ သင်တို့ နားထောင်ရမည့် အကြံဉာဏ်များ ပေးလိုသည်ကို ဆိုလိုသည်။ ငါမျှော်လင့်သည်မှာ သင်တို့ သည် ငါပင်ပန်းစွာ ကြိုးစားအားထုတ်ခဲ့သမျှကို အလဟဿ မဖြစ်စေရန်နှင့် ငါပြုသော စောင့်ရှောက်မှုနှင့် ငါ၏ စိတ်တို့ကို သင်တို့နားလည်နိုင်ကာ၊ ငါ၏ နှုတ်ကပတ်တော်သည် လူသားတစ်ဦး ကျင့်ကြံပြုမူရမည့် အခြေခံမူဖြစ်သည်ဟု သင်တို့လက်ခံစေရန်သာ ဖြစ်သည်။ ငါ့နှုတ်ကပတ်တော်အား သင်တို့ နာခံလိုသည် ဖြစ်စေ၊ မနာခံလိုသည် ဖြစ်စေ၊ စိတ်ပါလက်ပါ လက်ခံသည် ဖြစ်စေ၊ မအီမသာ လက်ခံသည်ဖြစ်စေ၊ သင်တို့သည် ထိုနှုတ်ကပတ်တော်ကို အလေးအနက်ထားရမည်။ သို့မဟုတ်လျှင် သင်တို့၏ အလေးအနက် မထားခြင်း၊ လျစ်လျူရှုခြင်း စိတ်သဘောနှင့် အမူအကျင့်သည် ငါ့ကို စိတ်မချမ်းမြေ့ စေသည်သာမက စက်ဆုပ်ရွံရှာ စေလိမ့်မည်။ သင်တို့သည် ငါ့နှုတ်ကပတ်တော်ကို အဖန်တလဲလဲ – အကြိမ်ထောင်ချီ၍ – ဖတ်သည်သာမက အလွတ်ရသည်အထိ ကျက်မှတ်သည်ကို ငါလွန်စွာ မျှော်လင့်သည်။ ထိုနည်းအားဖြင့်သာ သင်တို့သည် ငါမျှော်လင့်ထားသည့်အတိုင်း ပြည့်မီနိုင်မည်ဖြစ်သည်။ သို့ရာတွင် ယခုအခါ သင်တို့ တစ်ဦး တစ်ယောက်မျှ ထိုကဲ့သို့ အသက်ရှင်ခြင်း မရှိသည့်အပြင် သင်တို့အားလုံးသည် မိမိ၏အလိုဆန္ဒ ပြည့်ဝသည့် အထိ အလွန်အကျွံ သောက်စားမူးယစ်ကာ ကိုယ်ကျင့်တရား ပျက်ပြားသော ဘဝတွင် နစ်မွန်းလျက်ရှိကာ သင်တို့၏ နှလုံးသားနှင့် စိတ်ဝိညာဉ် ချမ်းသာရေးအတွက် ငါ့နှုတ်ကပတ်တော်ကို မှီဝဲသူ အလျင်းမရှိပေ။ ထိုအကြောင်းကြောင့် လူသားမျိုးနွယ်၏ ပုံရိပ်မှန်သည် အမြဲတစေ ငါ့ကို သစ္စာဖောက်လျက် တစ်ဦး တစ်ယောက်မျှ ငါ၏နှုတ်ကပတ်တော်ကို အကြွင်းမဲ့ သစ္စာစောင့်သိရိုသေသူ တစ်ဦးတစ်ယောက်မျှ မရှိနိုင်ဟု ငါကောက်ချက်ချသည်။

''လူသားသည် စာတန်၏ ယိုယွင်းဖျက်စီးခြင်းကို ခံရသောကြောင့် လူ့အသွင်သဏ္ဍာန် မရှိတော့ချေ။'' လူထု အများစုက ဤအချက်ကို အနည်းအကျဉ်း သတိပြုမိထားကြသည်။ ဤနေရာတွင် ''သတိပြုမိသည်'' ဟု သုံးနှုန်းခြင်းသည် အမှန်အကန် သိရှိခြင်းမဟုတ်သော အပေါ်ယံ အသိအမှတ်ပြုခြင်းကို ရည်ညွန်းခြင်း ဖြစ်သည်။ သင်တို့တွင် မည်သူမျှ မိမိကိုယ်ကို တိတိကျကျ အကဲဖြတ်ခြင်း သို့မဟုတ် စေ့စပ်စွာ ဆန်းစစ် နိုင်ခြင်း မရှိသောကြောင့် ငါ၏နှုတ်ကပတ်တော်ကို တစ်ပိုင်းယုံကြည်ကာ တစ်ပိုင်းသံသယ ဖြစ်ကြသည်။ သို့ရာတွင် ယခုတစ်ကြိမ်တွင် ငါသည် မှန်ကန်သော အချက်အလက်များဖြင့် ဆိုးရွားလှသော သင်တို့၏ ပြဿနာကို ရှင်းပြမည်။ ထိုပြဿနာသည် သစ္စာဖောက်ခြင်း ဖြစ်သည်။ သင်တို့အားလုံးအတွက် ''သစ္စာဖောက်ခြင်း'' သည် ရင်းနှီးပြီးသားဖြစ်သည်။ အဘယ်ကြောင့်ဆိုသော် အများစုက ယခင်က သူတစ်ပါး အပေါ် သစ္စာဖောက်ခြင်း အမှုတစ်ခုခု ကိုလုပ်ခဲ့ဖူးသူများ ဖြစ်ကြသည်။ လင်ယောကျာ်းက မိမိမယားအပေါ် သစ္စာဖောက်ခြင်း၊ မယားက မိမိလင်သားအပေါ် သစ္စာဖောက်ခြင်း၊ သားဖြစ်သူက ဖခင်အပေါ် သစ္စာ ဖောက်ခြင်း၊ သမီးဖြစ်သူက မိခင်အပေါ် သစ္စာဖောက်ခြင်း၊ ကျွန်ဖြစ်သူက သခင်အပေါ် သစ္စာဖောက်ခြင်း၊ မိတ်ဆွေအချင်းချင်း တစ်ဦးအပေါ် တစ်ဦး သစ္စာဖောက်ခြင်း၊ ဆွေမျိုးသားချင်း သစ္စာဖောက်ခြင်း၊ ကုန်ရောင်းသူက ဝယ်သူအပေါ် သစ္စာဖောက်ခြင်း စသဖြင့်တို့ဖြစ်သည်။ ဤသာဓကများ အားလုံးတွင် သစ္စာဖောက်ခြင်း၏ အနှစ်သာရ ပါဝင်သည်။ အချုပ်အားဖြင့် သစ္စာဖောက်ခြင်း သည် တစ်ဦးတစ်ယောက်က ကတိသစ္စာကို ချိုးဖောက်ခြင်း၊ ကိုယ်ကျင့်တရား အခြေခံစည်းမျဉ်းကို ချိုးဖောက်ခြင်း၊ သို့မဟုတ် လူမှု ကျင့်ဝတ်ကို လွန်ဆန်ခြင်း စသည်တို့ ဖြစ်သည်။ ဤအပြုအမူများတွင် လူသားသဘာဝ ဆုံးရှုံးမှု ထင်ရှား သည်။ လူသားတစ်ဦး အနေဖြင့် အခြားလူသား တစ်ဦးအပေါ် သစ္စာဖောက်သည့် လုပ်ရပ် အမြဲတမ်း လုပ်ခဲ့သည် ဖြစ်စေ၊ သို့မဟုတ် အခြားသူများအပေါ် ကြိမ်ဖန်များစွာ သစ္စာဖောက်ခဲ့သည်ဖြစ်စေ၊ သင်တို့သည် ကမ္ဘာပေါ်တွင် မွေးဖွားလာသည် ဆိုကတည်းက သမ္မာတရားကို သစ္စာဖောက်မှု တစ်ခုခုကို ကျူးလွန်ပြီး ဖြစ်သည်။ သင်သည် မိဘနှင့် မိတ်ဆွေတို့ကို သစ္စာဖောက်ခြင်း ရှိတတ်သော်၊ သင်သည် တစ်ပါးသူများကို လည်း သစ္စာဖောက်နိုင်သူ ဖြစ်ပြီး၊ ထို့အပြင်၊ ငါ့ကိုသစ္စာဖောက်ကာ ငါရွံရှာသော အမှုများကို ပြုလုပ်နိုင်ချေ ရှိသူ ဖြစ်သည်။ တစ်နည်းပြောရလျှင် သစ္စာဖောက်ခြင်းသည် အပေါ်ယံ အကျင့်သီလ ပျက်ပြားခြင်းမျှသာ မဟုတ်ပေ။ သမ္မာတရားနှင့် ပဋိပက္ခဖြစ်ခြင်း ဖြစ်သည်။ ဤအမှုမျိုးသည် လူတို့၏ ငါ့ကို ဆန့်ကျင်ခြင်း သဘောနှင့် ငါ့ကိုအာခံခြင်း သဘော၏ အရင်းခံ အတိအကျ ဖြစ်သည်။ ထိုကြောင့် -သစ္စာဖောက်ခြင်းသည် လူ့သဘာဝ ဖြစ်သည်။ ထိုသဘာဝသည် ငါနှင့် သဟဇာတဖြစ်သူ၏ သဘာဝရန်သူ ဖြစ်သည်- ဟု ငါသည် အကျဉ်းချုပ် ပြောရခြင်းဖြစ်သည်။

ငါ့ကို အကြွင်းမဲ့မနာခံသော အပြုအမူများသည် သစ္စာဖောက်ခြင်းဖြစ်သည်။ ငါ့အပေါ် သစ္စာရှိခြင်း အား ထိခိုက်စေမည့် အပြုအမူများသည် သစ္စာဖောက်ခြင်း ဖြစ်သည်။ ငါ့ကို လိမ်လည်ခြင်းနှင့် ငါ့ကို လှည့်စားရန် အလိမ်အလည် စကားများ သုံးခြင်းသည် သစ္စာဖောက်ခြင်း ဖြစ်သည်။ အယူအဆ အမျိုးမျိုး ထားရှိခြင်းနှင့် ထိုအယူအဆများကို နေရာအနှံ့တွင် ဝါဒဖြန့်ခြင်းသည် သစ္စာဖောက်ခြင်း ဖြစ်သည်။ ငါ၏ သက်သေခံချက်များနှင့် ငါ့အလိုဆန္ဒကို အကာအကွယ် မပေးခြင်းသည် သစ္စာဖောက်ခြင်း ဖြစ်သည်။ တစ်စုံ တစ်ဦးက ငါ့ကို ပစ်ပယ်သည်ကို စိတ်ထဲတွင်ကျိတ်၍ ပြုံးခြင်းသည် သစ္စာဖောက်ခြင်း ဖြစ်သည်။ သင်တို့သည် ဤအမူအကျင့်များကို အချိန်မရွေး ပြုလုပ်နိုင်ချေရှိ၍၊ သင်တို့ကြားတွင် ယင်းတို့သည် သာမညအရာလည်း ဖြစ်သည်။ သင်တို့တစ်ဦးမျှ ဤအမူအကျင့်အား ပြဿနာတစ်ခုဟု မမှတ်ကြပေ။ သို့ရာတွင် ငါသည် ထိုသို့ မတွေးထင်။ ငါ့ကို သစ္စာဖောက်ခြင်းအား အရေးမကြီးသော အရာဟု ငါမသတ်မှတ်နိုင်ပေ။ ထို့အပြင် ထိုအမူ အကျင့်ကို ငါလျစ်လျူနိုင်မည် မဟုတ်ပေ။ ယခု ငါသည် သင်တို့အထဲတွင် အလုပ်လုပ်လျက် ရှိသော်လည်း သင်တို့သည် ပြောင်းလဲခြင်း မရှိပေ။ တစ်နေ့တစ်ချိန်တွင် သင်တို့အား ဂရုတစိုက် စောင့်ကြည့်သူ မရှိခဲ့လျှင် သင်တို့အားလုံး တောင်ကုန်းပေါ်မှ ဘုရင်များ[က] ဖြစ်လာကြမည်သာ မဟုတ်လော။ ထိုအခါတွင် သင်တို့ ဖန်တီးခဲ့သော ကပ်ကြီး၏ အရှုပ်ထုပ်ကြီးကို မည်သူတို့ ရှင်းကြမည်နည်း။ အချို့သော သစ္စာဖောက်မှုများ သည် ထပ်တလဲလဲဖြစ်သော အမူအကျင့်မဟုတ်ပဲ တစ်ခါတစ်လေ ဖြစ်တတ်သော အမူအကျင့်သာဖြစ်ပြီး မျက်နာပျက်စရာဖြစ်အောင် ရေးကြီးခွင်ကျယ် မမှတ်သင့်ဟု သင်တို့ထင်ကောင်း ထင်မည်။ အကယ်စင်စစ် ထိုသို့ယုံကြည်လျှင် သင်တို့သည် အသိတရားမဲ့သူများ ဖြစ်ကြသည်။ ထိုသို့တွေးလေလေ ပုန်ကန်မှုရုပ်သွင် ပေါ်လေလေ ဖြစ်သည်။ လူသားတို့၏ သဘာဝသည် သူတို့၏ဘဝ ဖြစ်သည်။ ထိုသဘာဝသည် သူတို့ ဆက်လက် ရှင်သန်နိုင်ရန် မှီခိုသည့် အခြေခံမူဖြစ်သည်။ ထိုသဘာဝကို သူတို့ပြောင်းလဲနိုင်စွမ်း မရှိပေ။ သစ္စာဖောက်ခြင်း သဘောသဘာဝသည်လည်း ထိုနည်း၎င်းပင်။ သင်သည် ဆွေမျိုးသားချင်းကို သော်၎င်း၊ မိတ်ဆွေ တစ်ဦးတစ်ယောက် ကိုသော်၎င်း၊ သစ္စာဖောက်မှု တစ်ခုခု ကျူးလွန်နိုင်ခြင်းသည် သင်၏ မွေးရာပါ သဘာဝ ဖြစ်သည့် သင့်ဘဝ၏ အစိတ်အပိုင်းတစ်ခုကို သက်သေပြခြင်း ဖြစ်သည်။ ဤအချက်ကို မည်သူမျှ ငြင်း၍မရပေ။ ဥပမာ လူတစ်ဦးတစ်ယောက်သည် သူတစ်ပါး၏ ဥစ္စာကို ခိုးချင်သော ဆန္ဒရှိလျှင် ထို ''ခိုးလိုစိတ်''သည် သူ့ဘဝ၏ အစိတ်အပိုင်းဖြစ်သည်။ တစ်ခါတစ်ရံ ခိုးတတ်၍ တစ်ခါတစ်ရံ မခိုးပဲနေမည်။ ခိုးသည်ဖြစ်စေ၊ မခိုးသည်ဖြစ်စေ၊ ခိုးခြင်းသည် အမူအကျင့် တစ်မျိုးမျှသာ ဖြစ်သည်ဟု သက်သေမပြနိုင်ပေ။ အမှန်မှာ ခိုးခြင်းသည် သူတို့ဘဝ၏ အစိတ်အပိုင်းဖြစ်သည်ကို သက်သေပြသည်။ သူတို့၏ သဘာဝဖြစ်သည်။ အချို့က မေးလိမ့်မည်။ ခိုးခြင်းသည် သူတို့၏ သဘာဝဖြစ်ခဲ့သော် တစ်ခါတစ်ရံ ပစ္စည်းကောင်းကို တွေ့လျက် အဘယ်ကြောင့် မခိုးကြသနည်းဟု မေးလိုကြမည်။ အဖြေမှာ ရိုးစင်းသည်။ မခိုးရခြင်း အကြောင်းရင်းမှာ အမျိုးမျိုး ရှိသည်။ ပစ္ခည်းက ထုထည်ကြီးလွန်းသောကြောင့် လူသူမတွေ့အောင် ခိုးထုတ်ရန် ခက်ခြင်း၊ သို့မဟုတ် ခိုးယူရန် အခွင့်ကောင်း မကြုံခြင်း၊ ပစ္စည်းတန်ဖိုး ကြီးလွန်းခြင်း၊ အစောင့်အကြပ် ထူထပ်ခြင်း၊ ထိုပစ္စည်းကောင်းမျိုးကို သူတို့ စိတ်မဝင်စားခြင်း၊ အသုံးပြုရန် အလျဉ်းမသင့်သေးခြင်း အစရှိသည်တို့ ဖြစ်သည်။ ဤအကြောင်းရင်းများက မခိုးရခြင်းအတွက် ဖြစ်နိုင်သော အကြောင်းရင်းများ ဖြစ်သည်။ ခိုးသည် ဖြစ်စေ၊ မခိုးသည်ဖြစ်စေ၊ ခိုးယူခြင်းသည် လူ့စိတ်တွင် လျှပ်တစ်ပြက် ဝင်ရောက်လာသော စိတ်ကူး တစ်ခု မျှသာ မဟုတ်ပေ။ အသစ်ပြုပြင်ရန် အလွန်ခဲယဉ်းသော သူတို့၏သဘာဝ ဖြစ်သည်။ ထိုလူမျိုးသည် တစ်ခါ ခိုးရရုံဖြင့် မကျေနပ်နိုင်ပေ။ ကောင်းသောပစ္စည်းနှင့် အခွင့်အခါကောင်း ကြုံလာတိုင်း သူတစ်ပါး၏ ဥစ္စာကို ရယူ ပိုင်ဆိုင်လိုစိတ် တဖွားဖွားပေါ်လာသည်။ ထိုကြောင့် ငါဆိုသည်မှာ ဤအကျင့်သည် ရံဖန်ရံခါ ပေါ်လာ တတ်သော အတွေးမဟုတ်။ ထိုသူ၏ သဘာဝအမူအကျင့် ဖြစ်သည်။

လူတိုင်းသည် မိမိ၏ နှုတ်နှင့် အပြုအမူအားဖြင့် မိမိ၏ အသွင်သဏ္ဍာန်အမှန်ကို ဖေါ်ပြတတ်ကြ သည်။ ယင်းအသွင်သဏ္ဍာန်အမှန်သည် သူတို့၏ သဘာဝဖြစ်သည်။ သင်သည် ဝေ့လည် ကြောင်ပတ် ပြောတတ်သူ ဖြစ်လျှင် သင့်တွင် ကောက်ကျစ်သော သဘာဝ ရှိသည်။ သင့်သဘာဝ ကောက်ကျစ် စဉ်းလဲလျှင် သင်သည် အလွန်ပါးနပ်၍ လှည့်ဖြားတတ်ကာ လူတကာကို လွယ်ကူစွာ လှည့်စားနိုင်သည်။ သင့်သဘာဝ အလွန် ယုတ်မာလျှင် သင့်စကားသည် နားထောင်ရ ချိုကောင်း ချိုနိုင်သော်လည်း၊ သင့်အပြုအမူများသည် ယုတ်မာမှုကို ဖုံးကွယ်နိုင်မည် မဟုတ်ပေ။ သင်၏သဘာဝသည် အလွန်ပျင်းရိခြင်း ရှိလျှင် သင်၏ ဝတ်ကျေ တမ်းကျေ လုပ်ဆောင်တတ်ခြင်းနှင့် ပျင်းရိခြင်း၏ အကျိုးဆက်ကို တာဝန်မယူလိုသောကြောင့် ရှောင်လွဲ သည့် စကားများကို ပြောမည်။ အလုပ်နှေးကွေး၍ ဝတ်ကျေတမ်းကျေ လုပ်တတ်ကာ သမ္မာတရားကို ဖုံးကွယ်ရာတွင် ကျွမ်းကျင်လိမ့်မည်။ သင့်သဘာဝသည် တည်ကြည်လေးနက်မှု ရှိလျှင် သင်ပြောသော စကားသည် အကျိုးသင့် အကြောင်းသင့်ရှိကာ သင်၏ လုပ်ဆောင်ချက်များလည်း သမ္မာတရားနှင့် ကိုက်ညီလိမ့်မည်။ သင့်သဘာဝသည် အလွန်သစ္စာရှိလျှင် သင့်စကား ရိုးသား၍ လုပ်ဆောင်ချက် လက်တွေ့ ကျကာ သင့်သခင်သည် သင့်အား လုံးဝယုံကြည် စိတ်ချလိမ့်မည်။ သင့်သဘာဝသည် လောဘရမ္မက် ကြီးလွန်း ၍ ငွေတပ်မက်ခြင်းရှိလျှင် သင့်စိတ်နှလုံးတွင် ထိုအရာများ ပြည့်နက်နေသဖြင့် လူတကာ၏ ရွံရှာမုန်းတီး၍ မေ့ပျောက်နိုင်ရန် ခက်ခဲသော ကိုယ်ကျင့်တရား ပျက်ပြားမှုများကို သင်အမှတ်တမဲ့ ကျူးလွန်တတ်သည်။ ငါမြွက်ဆိုခဲ့သည့်အတိုင်း သင့်တွင် သစ္စာဖောက်တတ်သော သဘာဝရှိနေလျှင် ထိုသဘာဝမှ လွတ်မြောက်နိုင် ရန် အလွန်ခက်ခဲသည်။ သင်တို့သည် မည်သူ တစ်ဦးတစ်ယောက်ကိုမျှ ပြစ်မှားခဲ့ခြင်း မရှိသောကြောင့် မိမိတွင် သိစ္စာဖောက်ခြင်း သဘာဝ အလျင်းမရှိဟု မိမိကံမိမိမယုံရာ။ ထိုသို့ယူဆလျှင် ပုန်ကန်ခြင်းဖြစ်သည်။ ငါမြွက်ဆိုခဲ့သမျှသည် လူအားလုံးကို ရည်ညွန်း၍ မြွက်ဆိုသော စကားဖြစ်သည်။ လူတစ်ဦး သို့မဟုတ် လူတစ်မျိုးကိုသာ ရည်ညွန်းခြင်းမဟုတ်။ အကြောင်းအရာ တစ်ခုအပေါ် သင်တို့ငါ့ကို သစ္စာမဖောက်ခဲ့ခြင်း သည် အရာရာတိုင်း၌ ငါ့အား သစ္စာဖောက်မည် မဟုတ်ဟု သက်သေပြနေခြင်း မဟုတ်ပေ။ အချို့လူများသည် အိမ်ထောင်ရေး အဆင်မပြေချိန်တွင် သမ္မာတရားကို ရှာဖွေရန် ယုံကြည်မှု ပျောက်ဆုံးကြသည်။ အချို့က မိသားစု ပျိုကွဲချိန်တွင် ငါ့ကို သစ္စာရှိရမည့် ဝတ္တရား ပျက်ကွက်ကြသည်။ အချို့က တဒင်္ဂ ပျော်ရွှင်မှုကို ရှာရန် ငါ့ကို စွန့်လွတ်သည်။ အချို့က အလင်းကိုခို၍ သန့်ရှင်းသော ဝိညာဉ်တော်၏ ဆောင်မမှု၌ မွေ့လျော်မည့်အစား အမှောင်ထုလွှမ်းသော ချိုင့်ဝှမ်းသို့ သာ၍ သက်ဆင်းလိုကြသည်။ အချို့က မိမိ၏ လောဘရမ္မက် အလိုကို ဖြည့်စွမ်းရန်အတွက် မိတ်ဆွေများ၏ အကြံပြုချက်ကို ပယ်ကာ အမြင်မှန်ရ၍ လှည့်ပြန်လာရန် ယခုတိုင် မတတ်စွမ်းနိုင်ပေ။ အချို့က ငါ၏ အကာအကွယ်ပေးမှုကို ရယူရန်အတွက် ငါ့နာမအောက်တွင် ခဏတစ်ဖြုတ် ခိုလှုံ၍၊ အချို့က ဘဝ ကိုတွယ်တာကာ သေရမည်ကို ကြောက်၍ အနည်းငယ်မျှ ဆက်ကပ်ကြသည်။ ဤအမူ အကျင့်များအပြင် အကျင့်ပျက်၊ သိက္ခာမဲ့သော လုပ်ရပ်များအားဖြင့် လူသားများသည် သူတို့၏ နက်ရှိုင်းသော စိတ်နှလုံးအတွင်း၌ ကာလကြာမြင့်စွာ ငါ့ကို သစ္စာဖောက်ခဲ့ကြသော လူသားတို့၏ အပြုအမူများသာ မဟုတ် လော။ မှန်လှပေသည်၊ လူသားတို့၏ သစ္စာဖောက်ခြင်းသည် ကြိုတင်စီစဉ်ထားခြင်း မဟုတ်သည်ကို ငါသိ သည်။ သို့ရာတွင် ယင်းအမူအကျင့်သည် သူတို့၏သဘာဝကို ဖေါ်ပြနေခြင်း ဖြစ်သည်။ မည်သူ တစ်ဦး တစ်ယောက်မျှ ငါ့အား သစ္စာမဖောက် လိုကြပေ။ ထို့အပြင် မည်သူ တစ်ဦးတစ်ယောက်မျှ ငါ့အား သစ္စာ ဖောက်ခြင်း တစ်ခုခုကို ကျူးလွန်ခဲ့မိခြင်းအား ကျေနပ်ပျော်ရွှင်ခြင်း မရှိပေ။ ထိုကဲ့သို့ မဟုတ်သည့်အပြင် သူတို့သည် ကြောက်ရွံ့လျက် တုန်လှုပ်နေကြပြီ မဟုတ်လော။ ထိုကြောင့် သင်တို့သည် ဤသစ္စာဖောက်မှု များမှ မည်သို့ ကယ်တင်နိုင်မည့် အကြောင်းနှင့် လက်ရှိအခြေအနေကို မည်သို့ ပြုပြင်ပြောင်းလဲနိုင်မည့် အကြောင်းကို သင်တို့ တွေးတောလျက် ရှိကြသည် မဟုတ်လော။

အောက်ခြေမှတ်စုများ-

(က) တရုတ်စကားပုံ- တိုက်ရိုက်အဓိပ္ပါယ်မှာ ''တောင်များကို သိမ်းပိုက်ပြီး သူတို့ကိုယ်ကို ဘုရင်များဟု ကြေငြာသော ဓားပြများ''

ယခင်က:ကမ္ဘာမြေကြီးရှိဘုရားသခင်ကို သိရှိနိုင်ပုံ

နောက်တစ်ခုသို့:ဆိုးရွားလှသော ပြဿနာ - သစ္စာဖေါက်ခြင်း (၂)

သင်နှစ်သက်နိုင်သည့် အရာများ