အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ဆိုးရွားလှသော ပြဿနာ - သစ္စာဖေါက်ခြင်း (၂)

လူ့သဘာဝသည် ငါ၏ အနှစ်သာရ နှင့် လုံးဝခြားနားသည်။ သို့ဖြစ်ခြင်းမှာ စာရိတ္တ ယိုယွင်းသော လူ့သဘာဝသည် လုံးလုံးလျားလျား စာတန်ထံမှလာခြင်းဖြစ်ကာ၊ လူ့သဘာဝကို စာတန်က စနစ်တကျစိုးမိုးပြီးဖျက်ဆီးထား ခြင်းကြောင့် ဖြစ်သည်။ ဆိုလိုသည်မှာ လူသည် စာတန်၏ ယုတ်မာမှု နှင့် အကျည်းတန်မှု အရိပ်အောက်တွင် ရှင်သန်နေသည်။ လူသည် အမှန်တရားလောကတွင်ကြီးထွားလာ၍ သန့်ရှင်းစင်ကြယ်သော ပတ်ဝန်းကျင်တွင် ကျင်လည်သူမဟုတ်ပေ။ ထို့ထက်ပိုပြီး၊ အလင်းအောက်တွင် အသက်ရှင် သူလည်း မဟုတ်ပေ။ ထိုကြောင့် လူတစ်ဦးစီ၏ မွေးရာပါသဘာဝတွင် အမှန်တရားကို ပိုင်ဆိုင်ခြင်းမရှိနိုင်ပေ။ ထို့အပြင် လူသားတို့သည် ဘုရားအား ကြောင်ရွံ့ရိုသေခြင်းနှင့် အမိန့်တော်ကိုနာခံခြင်း အနှစ်သာရ များဖြင့် မမွေးဖွားနိုင်ပေ။ ဆန့်ကျင်ဘက်ဖြစ်သာ ဘုရားအားတော်လှန်ခြင်း၊ မနာခံခြင်းနှင့် အမှန်တရား ကို မြတ်နိုးမှုမရှိခြင်း စသည်တို့လွှမ်းမိုး သောသဘာဝသည် သူတို့အားစိုးမိုးထားသည်။ ဤသဘာဝသည် ငါဖေါ်ပြလိုသော သစ္စာဖောက်ခြင်း ပြဿနာဖြစ်သည်။ သစ္စာဖောက်ခြင်းသည် လူတစ်ဦးစီ ဘုရားသခင်ကို တော်လှန်ခြင်း၏ အကြောင်းရင်းဖြစ်သည်။ ဤပြဿနာသည် လူတွင်သာရှိသည်။ ငါ၌မရှိ။ လူအလုံးစုံ တို့သည် လူ့လောကတွင် အသက်ရှင်နေကြသူများဖြစ်လျက် အားလုံးတွင် ဘုရားသခင်ကိုတော်လှန်သော သဘာဝရှိပြီး ခရစ်တော်တွင် အဘယ်ကြောင့် ထိုသဘာဝမရှိသည်ကို အချို့ကမေးခွန်းထုတ်လိုကြပေမည်။ ဤမေးခွန်းသည် သင််တို့အား ရှင်းလင်းစွာ ရှင်းပြရမည့်မေးခွန်းဖြစ်သည်။

လူသား၏ဖြစ်တည်ခြင်းသည် ၀ိညာဉ်တွင် လူ့ဇာတိဖြစ်တည်ခြင်းအပေါ်တွင် အခြေခံသည်။ တစ်နည်း အားဖြင့် လူတစ်ဦးသည် ၀ိညာဉ်ဝင်စားခြင်းကြောင့် လူ့ဇာတိမည်သော အသက်တာတစ်ခု ဖြစ်လာသည်။ လူတစ်ဦး၏ ခန္ဓာကိုယ်မွေးဖွားလာသော် ထိုအသက်တာသည် လူ့ဇာတိ ဆုံးခန်းတိုင်သည်အထိ ဆက်၍သွားသည်။ ဆုံးခန်းတိုင်ချိန်မှာ အခွံမျှသာဖြစ်သော မိမိခန္ဓာကိုယ်မှ ၀ိညာဉ်သည် စွန့်ခွါသွားချိန်ဖြစ်သည်။ ထိုဖြစ်စဉ်သည် အကြိမ်ကြိမ်ပြန်လည်ကာ လူတစ်ဦး၏ ၀ိညာဉ်သည် ဝင်ချည်ထွက်ချည် အကြိမ်ကြိမ်ဖြစ်ပျက်သည်။ ထိုနည်းဖြင့် လူသားအားလုံး ဆက်လက် ရှင်သန်ကြသည်။ လူ့ဇာတိအအသက်တာသည်လည်း ၀ိညာဉ်အသက်တာဖြစ်၍ ဇာတိအအသက်တာ တည်နိုင်အောင် ၀ိညာဉ်က ထောက်မသည်။ ဆိုလိုသည်မှာ လူ့သဘာဝသည် သူ၏ဝိညာဉ်မှလာခြင်း ဖြစ်သည်။ ဇာတိပကတိမှလာသည် မဟုတ်။ လူ၏ ၀ိညာဉ်သာလျှင် စာတန်၏ စုံစမ်းခြင်း၊ ဒုက္ခပေးခြင်းနှင့် စာရိတ္တဖျက်စီးခြင်းကို သိရှိခံစားသည်။ သွေးသားသည် ထိုအရာများကို သိရှိခံစားနိုင်ခြင်း မရှိပေ။ ထိုအကြောင်းကြောင့် လူသားများသည် မိမိမရည်စူးသော ညစ်ညမ်းမှု၊ ဒုစရိုက်မှုနှင့် အမှောင်ထုတွင် ကျင်လည်မှု တိုးပါပွားကာ၊ ငါနှင့်ဝေးသွားလေလေ သူတို့၏နေ့ရက်ကာလများ အမှောင်ထုအတွင်းသို့ ကျရောက်လေလေ ဖြစ်သည်။ လူ့ဝိညာဉ်များအားလုံးကို စာတန်က ဖမ်းချုပ်ထားသည်။ ဤအခြေအနေ မျိုးတွင် လူ၏ ဇာတိကိုလည်း စာတန်သိမ်းပိုက်ထားမည်မှာ ဆိုစရာမလိုပေ။ ဤလိုဇာတိ နှင့် ဤလိုလူသားများသည် ဘုရားသခင် ကို မတော်လှန်သော ဇာတိနှင့်၊ ကိုယ်တော်နှင့် သဟဇာတဖြစ်သောဇာတိ ရှိနိုင်မည်မဟုတ်ပေ။ ငါကိုယ်တိုင် စာတန်ကို လေထဲသို့လွှင့်ပစ်ခဲ့ရခြင်းသည် ငါ့အားသစ္စာဖောက် သောကြောင့် ဖြစ်သည်။ သို့ဆိုလျှင် လူသားများသည် ထိုဆိုးကျိုးမှ မိမိကိုယ်ကို မည်သို့ကယ်ထုတ်နိုင် လိမ့်မည်နည်း။ ထိုအကြောင်းကြောင့် လူ့သဘာဝသည် သစ္စာဖောက်ခြင်းဖြစ်သည်။ ထိုအကျိုး အကြောင်းကို သင်တို့သဘောပေါက်လျှင် ခရစ်တော်၏ အတွင်းသဘာဝကိုလည်း သင်တို့ယုံကြည် သင့်သည်ဟု ငါယုံကြည်သည်။ ဘုရား၏ ၀ိညာဉ်တော်က ဝတ်ဆင်သော ဇာတိသည် ဘုရား၏ ဇာတိပကတိဖြစ်သည်။ ဘုရား၏ ၀ိညာဉ်သည် အကြီးမြတ်ဆုံးဖြစ်သည်။ တန်ခိုး အလွန်ကြီးသည်။ သန့်ရှင်းမြင့်မြတ်သည်။ ဖြောင့်မတ်သည်။ ထိုနည်းတူစွာ သူ၏သွေးသားသည်လည်း အကြီးမြတ်ဆုံး ဖြစ်သည်။ တန်ခိုးအလွန်ကြီးသည်။ သန့်ရှင်းမြင့်မြတ်သည်။ ထိုသွေးသားသည် အမှန်တရား၊ လူသား အတွက် ကောင်းချီးမင်္ဂလာ ဖြစ်စေသောအရာ၊ သန့်ရှင်းသောအရာ၊ ဂုဏ်ရှိသောအရာနှင့် တန်ခိုး ကြီးသော အရာများကိုသာ ဆောင်ရွက်သည်။ အမှန်တရား၊ ကောင်းသောအကျင့်သီလနှင့် ဖြောင့်မတ် ခြင်းကို ချိုးဖေါက်သောအရာများကို မဆောင်ရွက်တတ်သည့်အပြင် ဘုရား၏ ၀ိညာဉ်တော်ကို သစ္စာဖောက်သည့် မည်သည့် အရာကိုမဆို မဆောင်ရွက်တတ်ပေ။ ဘုရား၏ ၀ိညာဉ်တော်သည် သန့်ရှင်းမြင့်မြတ်သောကြောင့် သူ၏သွေးသားစာရိတ္တပျက်ပြားအောင် စာတန် မစွမ်းဆောင်နိုင်ပေ။ ၀ိညာဉ်တော်၏ သွေးသားသည် လူ့သွေးသား နှင့် အတွင်းသဘာဝ မတူပေ။ စာတန်သည် ဘုရာ၏ သွေးသား စာရိတ္တပျက်ပြားအောင် ပြုလုပ်ရန် မစွမ်းချေ။ လူနှင့်ခရစ်တော်သည် တစ်နေရာတည်းတွ င် ရှိနေကြသည်မှန်သော်လည်း၊ လူသာလျှင် စာတန်၏ လွှမ်းမိုးခြင်း၊ အသုံးပြုခြင်းနှင့် ထောင်ချောက် ဆင်ဖမ်းခြင်းကို ခံရသည်။ ဆန့်ကျင်ဖက်အားဖြင့်၊ ခရစ်တော်မှာမူ စာတန်၏ စာရိတ္တဖျက်ဆီးခြင်းမှ ထာဝရ ကင်းလွတ်သည်။ အဘယ်ကြောင့်ဆိုသော် စာတန်သည် အမြင့်ဆုံးသောဘုရား စံမြန်းရာသို့ရောက်အောင် ဆန်တက် နိုင်စွမ်း မရှိသည့်အပြင် ဘုရားအပါးသို့ ချဉ်းကပ်နိုင်စွမ်းလည်း ဘယ်တော့မှရှိပေ။ ယနေ့သင်တို့အားလုံးနားလည် ရမည်မှာ ငါ့ကိုသစ္စာဖောက်သူများ ဖြစ်ကြသော လူသားများကသာ စာတန်၏စာရိတ္တဖျက်ဆီးခြင်းကို ခံရသည်။ ထိုပြဿနာသည် ခရစ်တော်အတွက် အကျုံးမဝင်ပေ။

စာတန်၏ စာရိတ္တဖျက်ဆီးခြင်းကိုခံရသော ၀ိညာဉ်အားလုံးသည် သူ၏ထိန်းချုပ်မှုအောက်တွင် ရှိကြသည်။ ခရစ်တော်အား ယုံကြည်သူများကိုသာ ရွေးနှုတ်ခြင်းခံရ၍ စာတန်၏တပ်စခန်းမှ ကယ်တင်ခြင်းခံရကာ၊ ယနေ့နိုင်ငံတော်သို့ ပြန်ရောက်ရှိလာကြသည်။ ဤလူစုသည် စာတန်သြဇာအောက်မှ လွတ်မြောက်လေပြီ။ သို့ပင်လျှင် လူ့သဘာဝသည် ဇာတိတွင် အမြစ်တွယ်နေဆဲပေ။ ဆိုလိုသည်မှာ သင်တို့၏ ၀ိညာဉ်များသည် ကယ်တင်ခြင်းရရှိပြီးဖြစ်သော်လည်း၊ သဘာဝအားဖြင့် ရုပ်သွင်ဟောင်းပေါ်လွင်နေကာ ငါ့အား သစ္စာဖောက်နိုင်ခြေ တစ်ရာ ရာခိုင်နှုန်းရှိသည်။ ထိုအကြောင်းကြောင့် ငါ့အမှုတော်သည် ကာလကြာရှည်ရခြင်းဖြစ်သည်။ အကြောင်းမှာ သင်တို့သဘာဝသည် အလွန်ခိုင်မာလွန်းသည်။ ယခုတွင် သင်တို့အားလုံးသည် တာဝန်ကျေပွန်နိုင်ရေးအတွက် အစွမ်းကုန်ဒုက္ခခံလျက်ရှိကြသော်လည်း ငြင်း၍မရသော အမှန်တရားမှာ - သင်တို့တစ်ဦးစီတွင် ငါ့ကိုသစ္စာဖောက်ကာ စာတန်၏နယ်မြေ သူ့တပ်စခန်းရှိရာသို့ ထွက်ပြေး၍ ဘဝဟောင်းသို့ ဦးပြန်လှည့်မည့် ဖြစ်နိုင်ခြေရှိသည်။ ထိုတစ်ချိန်တွင် ယခုသင်တို့ပိုင်ဆိုင်ကြသော လူ့ရုပ်သွင် တစ်ပိုင်းတစ်စမျှပင် သင်တို့၌ ကျန်ရှိတော့မည်မဟုတ်ပေ။ ပြင်းထန်သည့် အခြေအနေများတွင်၊ သင်တို့သည် ဖျက်ဆီးခြင်းကိုခံရမည့်အပြင် ထာဝရကျိန်ဆိုခြင်းကို ထွေးပိုက်ကာ လူဝင်စားခြင်း လုံးဝမဖြစ်နိုင်တော့သည့် ပြင်းထန်လှသောဒဏ်ခတ်ခြင်းကို ခံရလိမ့်မည်။ ဤပြဿနာသည် သင်တို့ ရှေ့တွင်ဆင်ထားသည့် ကျော့ကွင်းဖြစ်သည်။ သင်တို့အား ဤကဲ့သို့သတိပေးရခြင်း၏ရည်ရွယ်ချက်မှာ - နံပါတ်တစ်အနေဖြင့် ငါ၏ အမှုတော် အလဟသ မဖြစ်စေရန်နှင့်၊ နံပါတ်နှစ် အနေဖြင့် သင်တို့အားလုံး အလင်း၏နေ့ရက်များတွင် ဆက်လက်ရှင်သန်နိုင်စေရန် ဖြစ်သည်။ အမှန်မှာ - ငါ၏ အမှုတော် အလဟသ ဖြစ်သွားမည့်အရေးသည် အရေးပါလှသောပြဿနာတစ်ခု မဟုတ်သေးပေ။ အကြီးဆုံးပြဿနာမှာ - သင်တို့ ပျောရွှင်သောအသက်တာ ရရှိစေရန်နှင့် အံ့မခန်းဖွယ်အနာဂတ် ရရှိစေရန်ဖြစ်သည်။ ငါ့အမှုတော်သည် လူ့ဝိညာဉ်များကို ကယ်တင်သောအမှုတော် ဖြစ်သည်။ သင့်ဝိညာဉ် စာတန်လက်ထဲသို့ ကျရောက်ခဲ့သော် သင့်ခန္ဓာကိုယ်အတွက် အေးချမ်းသာယာသော နေ့ရက်များ ရှိနိုင်တော့မည်မဟုတ်ပေ။ သင့်ခန္ဓာကိုယ်အား ငါကာကွယ်လျှင် သင့်ဝိညာဉ်လည်း ငါစောင့်ရှောက်မှုအောက်တွင် တည်ရှိနေမည်။ ငါသည် သင့်အားရွံရှာလျှင် သင့်ခန္ဓာနှင့်ဝိညာဉ်သည် စာတန်လက်ထဲသို့ ချက်ချင်းကျရောက်သွားမည်။ ထိုအခါ သင်ဆိုက်ရောက်မည့်အခြေအနေကို သင်တွေးဝံ့သလော။ တစ်နေ့တစ်ချိန် သင်တို့၌ ငါ့နှုတ်ကပတ်တော်မရှိတော့လျှင် ငါလုံးဝအမျက်ပြေ သည့်အထိ နှစ်ဆ ညှင်းပန်းနှိပ်စက်မှုကို ခံစားစေရန် သင်တို့အား စာတန်လက်သို့ ဝကွက်အပ်မည်။ သို့မဟုတ် ကယ်တင်ရန်မဖြစ်နိုင်တော့သည့် လူသားများဖြစ်ကြသော သင်တို့၏နှလုံးသားသည် ငါ့အပေါ် သစ္စာဖောက်ခြင်းကို မစွန့်လွတ်ခြင်းကြောင့် သင်တို့အား ငါကိုယ်တိုင် ဒဏ်ခတ်မည်။

သင်တို့၏ အယောင်ဆောင်အသက်တာသည် ငါ့အား သစ္စာဖောက်မှု ကျူးလွန်နေသည်ကို မြင်တွေ့နိုင်ရန် သင်တို့အားလုံး မိမိကိုယ်ကို ဖြစ်နိုင်သမျှ အလျှင်အမြန် ဆန်းစစ်ကြလော့။ သင်တို့၏တုံ့ပြန်မှုကို ငါစိတ်ရှည်စွာ စောင့်နေမည်မဟုတ်။ ငါ့ကို ခါထုတ်ချင်သလော။ ငါသည် ပေါ့ပေါ့တန်တန် ပြုလုပ်သူ မဟုတ်။ ငါမိန့်တော်မူသည့်အတိုင်း တိတိကျကျ ငါဆောင်ရွက်သည်။ အမိန့်တော်သည် အလေးအနက် ထားစေရန်အတွက်ဖြစ်သည်။ သိပ္ပံစိတ်ကူးယဉ်ဝတ္ထုတစ်ခုကဲ့သို့ မှတ်ရန်မဟုတ်။ သင်တို့၏ စိတ်ကူးကို မဟုတ်၊ လက်တွေ့ လုပ်ဆောင်မှုကို ငါမြင်လိုသည်။ ထို့အပြင် ငါမေးသော အောက်ပါမေးခွန်းများကို သင်တို့ ဖြေဆိုရမည်။ ၁ - အကယ်၍ သင်သည် စစ်မှန်သောငါ၏ အမှုတော်ကို ဆောင်ရွက်သောသူ ဖြစ်သည် မှန်လျှင်၊ ငါ့အားသစ္စာ ရှိစွာဖြင့် ငါ့အမှုတော်ကိုဆက်ကပ် ရမည်။ ဝတ်ကျေတမ်းကျေဆောင်ရွက်ခြင်း နှင့် အဖျက်သဘောဆောင်သော လုပ်ရပ်မျိုး မရှိစေရ။ ၂ - အကယ်၍ သင်ဆောင်ရွက်သော အမှုတော်အပေါ်တွင် ငါဘယ်သောအခါမျှ အသိအမှတ်ပြုကာ ကြိုဆိုခြင်းမရှိသည်ကို သင်တွေ့ရှိသော် ငါ့အမှုတော်ကို ရာသက်ပန် နေ၍ ဆက်ကပ် နိုင်မည်လော။ ၃ - အကယ်၍ သင်ခွန်အားပိုမိုစိုက်ထုတ်၍ လုပ်ဆောင်ပါလျက် ငါသည် သင့်အပေါ် အေးတိအေးစက် နိုင်လွန်းလျှင် သင်သည် ထိုမတင်မကျ အခြေအနေတွင် ငါ့အတွက် ဆက်လက်အမှုတော်ဆောင်နိုင်ဦးမည်လော။ ၄ - အကယ်၍ သင်သည် ငါ့အတွက် စိုက်ထုတ်ထားခြင်းအတွက် ငါ့အား အသနားခံ၍ တောင်းဆိုခြင်းကို ငါကျေနပ်မှုမရှိခဲ့သော် သင်စိတ်ဓါတ်ကျကာ ငါ့ကိုစိတ်ပျက်မိသည်သာမက ဒေါသထွက်၍ ငါ့အား အော်ကြီးဟစ်ကျယ်ခံပြော မည်လော။ ၅ - အကယ်၍ သင်သည် ငါ့အားအစဉ်အမြဲသစ္စာရှိ၍ ငါ့အပေါ်မေတ္တာထားသော်လည်း သည်းထန်စွာဖျားနာခြင်း၊ ဘဝတွင်ဆင်းရဲခြင်း၊ မိတ်ဆွေများနှင့် ဆွေမျိုးသားချင်းများ၏ ပစ်ပယ်မှုကို ခံရခြင်းနှင့် ဘဝအကြောင်းမလှခြင်း စသည့်ဒဏ် အမျိုးမျိုးကို ခံစားခဲ့ရသော် ငါ့အားသစွာရှိခြင်းနှင့် ချစ် ခြင်း ဆက်လက်၍ မြဲမည်လော။ ၆ - အကယ်၍ ငါပြုသမျှသည် သင်စိတ်ကူးထားသည့်အရာများနှင့် တစ်ခုမျှကိုက်ညီမှုမရှိလျှင် ရှေ့ဆက်ရမည့် ဘဝခရီးကို မည်သို့ လျှောက်လှမ်းမည်နည်း။ ၇ - အကယ်၍ သင်မျှော်မှန်းထားသည့်အရာ တစ်ခုကိုမျှ မရရှိခဲ့သော် ငါ့၏နောက်လိုက်အဖြစ် ဆက်၍ ရပ်တည်နိုင်ကြမည်လော။ ၈ - အကယ်၍ ငါ့အမှုတော်၏ ဦးတည်ချက်နှင့် ထူးခြားမှုကို သင်နားလည် သဘောပေါက်ခြင်း မရှိခဲ့သော်၊ တစ်ဖက်စောင်းနှင်းသည့် ဝေဖန်ခြင်းနှင့် ကောက်ချက်ချခြင်းများနှင့် ကင်းရှင်းသော အမိန့်တော်ကိုနာခံတတ်သည့် အမှုဆောင်သူ ဖြစ်နိုင်မည်လော။ ၉ - ငါသည်လူသားများနှင့် အတူရှိနေစဉ် ငါမြွှက်ဆိုသမျှနှင့် ငါလုပ်ဆောင်သမျှကို သင်တန်ဖိုးထားကာ နှလုံးသွင်းနိုင်မည်လော။ ၁၀ - သင်သည် မည်သည့်အရာကိုမျှ မရရှိရင်တောင်မှ ငါ့အတွက် တစ်သက်လုံး ဒုက္ခခံလိုသည့်ဆန္ဒရှိသော ငါ့ကိုသစ္စာရှိသည့် နောက်လိုက်ကောင်း ဖြစ်နိုင်မည်လော။ ၁၁ - သင်သည် မိမိကြံအစည်နှင့် ဘဝရှေ့ရေးရပ်တည်နိုင်ရန်အတွက် ကိုယ်ပိုင်စီမံချက်များကို ငါ့အတွက် ငြင်းပယ်နိုင် မည်လော။ ဤမေးခွန်းများသည် သင်တို့ထံမှ ငါ၏ နောက်ဆုံးတောင်းဆိုချက်များဖြစ်ပြီး၊ သင်တို့အားလုံး ဖြေဆိုနိုင်မည်ဟု ငါမျှော်လင့်သည်။ ဤမေးခွန်းများမှ တစ်ခု နှစ်ခုကို သင်ဖြည့်စွမ်းနိုင်မည်ဆိုပါက ဆက်လက်ကြိုးစားအားထုတ်သင့်သည်။ အကယ်၍ မေးခွန်းတစ်ခုကိုပင်လျှင် ဖြည့်စွမ်းနိုင်ရည်မရှိပါမူ သင်သည် ငရဲကျမည့်လူအမျိုးအစားတွင် အမှန်ပါနေဝင်သူတစ်ဦးဖြစ်သည်။ ဤလိုလူမျိုးအား ငါဆက်ပြောစရာ အကြောင်းမရှိ။ အကြောင်းမှာ သူတို့သည် ငါနှင့်သဟဇာတ ဖြစ်နိုင်သူမဟုတ်ချေ။ ငါ့အား ကာလမရွေးသစ္စာဖောက်နိုင်သူ တစ်ဦးကို ငါသည် အဘယ်ကြောင့် အိမ်ပေါ်တွင် ခေါ်တင်ထားရမည်နည်း။ အခြေအနေ အတော်များများတွင် ငါ့အား သစ္စာ ဖောက်နိုင်သူများကိုမူ သူတို့အခြားအစီအစဉ်မချမှတ်မှီ သူတို့၏ လုပ်ဆောင်မှုကို ဦးစွာ လေ့လာအကဲခတ်ရ ဦးမည်။ သို့ရာတွင် သူတို့သည် မည်သည့်အခြေအနေတွင်မဆို ငါ့ကိုသစ္စာ ဖောက်နိုင်သူ ဖြစ်နေသရွေ့၊ ငါသည်သူတို့အား မမေ့မလျော့ စိတ်ထဲတွင်အမြဲမှတ်ကာ သူတို့ပြုသော ဒုစရိုက်အတွက် သူတို့အား ပေးချေရန် အခွင့်ကောင်းကို ငါစောင့်ကြည့်နေမည်။ ငါတင်ပြသော တောင်းဆိုချက်များသည် သင်တို့ကိုယ်တိုင် မိမိကိုယ်ကို ဆန်းစစ်နိုင်သော အချက်များဖြစ်သည်။ သင်တို့အားလုံး ထိုအချက်များ ကို လေးနက်စွာစဉ်းစား၍ ငါ့အား ဝတ်ကျေတမ်းကျေ မဆက်ဆံကြရန် ငါမျှော်လင့်သည်။ မကြာမီ အချိန်အတွင်း ငါ့တောင်းဆိုချက်များအပေါ် သင်တို့ပေးသည့်အဖြေကို ငါဆန်းစစ်မည်။ ထိုအချိန် ကျရောက်လာလျှင် သင်တို့ထံမှ မည်သည့်တောင်းဆိုမှုမျိုးကိုမဆို ငါပြုတော့မည်မဟုတ်ပေ။ လေးနက်စွာ သတိပေးဆုံးမခြင်းလည်း ပြုတော့မည် မဟုတ်ပေ။ ယင်းအစား၊ ငါ့အာဏာကို ငါအသုံးပြုတော့မည် ဖြစ်သည်။ နေမြဲနေစေရမည့်သူကို နေစေမည်။ ဆုပေးသင့်သူကို ပေးမည်။ စာတန်အား အပ်သင့်သူကို အပ်မည်။ ပြင်းထန်စွာ ဒဏ်ခတ်သင့်သူကို ပြင်းထန်စွာဒဏ်ခတ်၍ ဖျက်ဆီးသင့်သူကို ဖျက်ဆီးမည်။ ထိုနည်းဖြင့် ငါ၏နေ့ရက်ကာလများတွင် ငါ့အားအနှောင့်အယှက်ပေးသူ မရှိရလေအောင် ငါစီမံမည်။ ငါ့စကားတွေကို သင်ယုံသလော။ ဒဏ်ခတ်ခြင်းကို ယုံသလော။ ငါ့ကို လှည့်ဖျား၍ သစ္စာဖောက်ကြသော ဒုစရိုက်သားများအား ငါဒဏ်ခတ်မည်ကို ယုံသလော။ ထိုနေ့ရက် အမြန်ကျရောက်စေရန် သို့မဟုတ် ရွှေ့ဆိုင်းပေးရန် သင်မျှော်လင့်သလော။ သင်သည် ဒဏ်ခတ်ခြင်းကို အလွန်ကြောက်ရွံ့နေသူလော။ ဒဏ်ခတ်မှုခံရသော်လည်း ငါ့အား အာခံဦးမည့်သူလော။ ထိုနေ့ရက် ရောက်လာသောအခါ သြဘာသံ များနှင့် ရယ်မောသံများကြားတွင် သင်ရောက်ရှိနေမည်လော။ သို့မဟုတ် ငိုကြွေးသံများနှင့် သွားကြိတ် သံများ ကြားတွင် ရောက်ရှိနေမည်လော။ ထိုအကြောင်းကို သင်စဉ်းစားဘူးသလော။ သင့်အသက်တာ မည်သို့အဆုံးသတ်မည်ဟု သင်မျှော်လင့့်ထားသနည်း။ သင်သည် ငါ့ကို တစ်ရာ ရာခိုင်နှုှုန်း ယုံကြည် သလော၊ သို့မဟုတ် တစ်ရာ ရာခိုင်နှုန်း သံသယရှိသလော ဟူသည့်အကြောင်းကို လေးနက်စွာ စဉ်းစားဘူးသလော။ သင်၏ ကျင့်ကြံပြုမူမှုများသည် သင့်အပေါ် မည်သို့သော အကျိုးဆက်မျိုး သက်ရောက်စေမည်ကို သင်လေးလေးနက်နက်တွေးဘူးသလော။ ငါ့နှုတ်ကပတ်တော်အားလုံးဟာ တစ်ခုပြီးတစ်ခုခြင်း ပြည့်စုံလာသည်ကို သင်အမှန်ကြိုဆိုမည်လော။ သို့မဟုတ် ငါ့နှုတ်ကပတ်တော်များ တစ်ခုပြီးတစ်ခု ပြည့်စုံ လာမည်ကို အလွန်ကြောင်ရွံ့တုန်လှုပ်နေပြီလော။ ငါ့စကားအတိုင်း ပြည့်စုံလာစေခြင်းငှါ ငါအလျှင်အမြန် ထွက်ခွါသွားရန် သင်မျှော်လင့်သော် သင့်အပြောနှင့်အလုပ်များကို သင်မည်သို့ ယူဆမည်နည်း။ သင်သည် ငါအလျှင်အမြန်ထွက်ခွါသွားရန်ကိုလည်း မမျှော်လင့်၊ ငါ့စကား အလျှင်အမြန် ပြည့်စုံ စေရန် လည်းမမျှော်လင့်သော် အဘယ်ကြောင့် ငါ့ကို ယုံကြည်ရသနည်း။ သင်အဘယ်ကြောင့် ငါ့နောက်သို့ လိုက်နေသည်ကို သင်အမှန်အကန် သိပါ၏လော။ သင်၏အတွေ့အကြုံ ဗဟုသုတ ပိုမိုကျယ်ပြန့် လာစေရုံမျှသာ မျှော်ကိုးခြင်းဖြစ်သော် ဤဒုက္ခဆင်းရဲများနှင့် ဝမ်းနည်းဖွယ်ရာများကို ခံစရာမလိုပေ။ ထိုသို့ ဟုတ်သည်မှန်သော် သင်ကောင်းချီးမင်္ဂလာ ရစရာရှိ၍ ရှေ့ကြုံရမည့် ဘေးအန္တရာယ်မှ လွတ်မြောက် နိုင်ပေမည်။ သို့ရာတွင် မိမိ၏ ပြုမူကျင့်ကြံမှုကို အဘယ်ကြောင့် သင်ဂရုမစိုက်သနည်း။ ငါ့တောင်းဆိုချက်များ ပြည့်မှီအောင် သင်အသက်ရှင်နိုင်စွမ်းရှိမရှိ မိမိကိုယ်ကိုမိမိ အဘယ်ကြောင့် ဆန်းစစ်မှု မပြုသနည်း။ နောက်နောင် ငါပေးမည့်ကောင်းချီးမင်္ဂလာများကို ရယူနိုင်သည့်အရည်အချင်း သင်၌ ရှိမရှိကိုလည်း အဘယ်ကြောင့် မိမိကိုယ်ကိုမိမိ ဆန်းစစ်မှု မပြုရသနည်း။

ယခင်က:အလွန်ဆိုးရွားသော ပြဿနာတစ်ခု – သစ္စာဖောက်ခြင်း (၁)

နောက်တစ်ခုသို့:နိုင်ငံတော်ခေတ်၌ ဘုရားသခင်၏ရွေးချယ်ခံရသူများလိုက်နာရမည့် အုပ်ချုပ်မှုဆိုင်ရာ အမိန့်တော် ဆယ်ရပ်

သင်နှစ်သက်နိုင်သည့် အရာများ