အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ဘုရားသခင်၏လက်တွေ့ကျခြင်းကို အကြွင်းမဲ့နာခံနိုင်သောသူများသည် ဘုရားသခင်အား အမှန်တကယ်ချစ်သောသူများဖြစ်သည်

လက်တွေ့ကျခြင်းကိုသိခြင်းနှင့် ဘုရားသခင်၏အလုပ်ကို ရှင်းလင်းစွာမြင်နိုင်ခြင်းတို့အားလုံးကို သူ၏နှုတ်ကပတ်တော်တွင် တွေ့ရသည်။ သင်သည် ဘုရားသခင်၏ နှုတ်ကပတ်တော်၌သာ ဉာဏ်အလင်းကို ရရှိနိုင်သောကြောင့် သင့်ကိုယ်သင် သူ၏နှုတ်ကပတ်တော်များဖြင့် ပို၍တပ်ဆင်သင့်သည်။ ဘုရားသခင်၏ နှုတ်ကပတ်တော်များထဲမှရရှိသော သင်၏နားလည်မှုကို မိတ်သဟာယဖွဲ့ခြင်း၌ မျှဝေလော့။ သင်၏မိတ်သဟာယဖွဲ့ခြင်းအားဖြင့် အခြားသူများသည် ဉာဏ်အလင်းကို ရရှိနိုင်ပြီး ထိုအရာသည် လူများကို လမ်းကြောင်းထဲသို့ ပို့ဆောင်နိုင်သည်၊ ထိုလမ်းကြောင်းသည် လက်တွေ့ကျ၏။ ဘုရားသခင်သည် သင့်အတွက် ပတ်ဝန်းကျင်တခုကို မစီစဉ်မီ သင်တို့ အယောက်တိုင်းသည် သူ၏နှုတ်ကပတ်တော်များဖြင့် မိမိကိုယ်ကိုယ် တပ်ဆင်ခြင်းကို ဦးစွာ လုပ်ရမည်။ ထိုအရာသည် လူတိုင်းလုပ်သင့်သောအရာဖြစ်ပြီး အရေးတကြီးဦးစားပေးရမည့်အရာတခု ဖြစ်သည်။ ပထမဦးဆုံးလုပ်ရမည့်အရာမှာ သူ၏နှုတ်ကပတ်တော်များကို စားသောက်နိုင်ရန် ဖြစ်သည်။ သင်မလုပ်နိုင်သောအရာများအတွက် သူ၏နှုတ်ကပတ်တော်များထဲမှ လက်တွေ့လုပ်ဆောင်ခြင်းလမ်းကြောင်း တစ်ခုကို ရှာဖွေပြီး သင်နားမလည်သော အကြောင်းအရာများ သို့မဟုတ် သင်၌ရှိသောအခက်အခဲ တစ်စုံတစ်ရာအတွက် သူ၏နှုတ်ကပတ်တော်ထဲတွင် ကြည့်လော့။ ဘုရားသခင်၏နှုတ်ကပတ်တော်များအား သင့်အထောက်အပံ့ဖြစ်စေလော့။ ဘုရားသခင်၏ နှုတ်ကပတ်တော်များကို လက်တွေ့ကျသော အခက်အခဲများနှင့် ပြဿနာများကို ဖြေရှင်းဖို့ကူညီခွင့်ပြုပြီး သင့်ဘဝတွင် သူ၏နှုတ်ကပတ်တော်များကို သင့်အကူအညီဖြစ်လာရန် ခွင့်ပြုလော့။ ထိုကဲ့သို့ဖြစ်လာရန် သင့် ကြိုးပမ်းမှု လိုအပ်သည်။ ရလဒ်များကို ဘုရားသခင်၏နှုတ်ကပတ်တော်အား စားသောက်ခြင်းမှ ရရှိရမည်။ သင်သည် သူ့ရှေ့တွင် သင့်နှလုံးသားကို တည်ငြိမ်အောင်ထားပြီး ပြဿနာများ တွေ့ကြုံသောအခါ သူ၏ နှုတ်ကပတ်တော်များအတိုင်း လက်တွေ့လုပ်နိုင်ရမည်။ သင် မည်သည့်ပြသနာများကိုမျှ တွေ့ကြုံရခြင်း မရှိသောအခါတွင် စားသောက်ရုံသာ လုပ်လော့။ တစ်ခါတစ်ရံ သင်ဆုတောင်းပြီး ဘုရားသခင်၏မေတ္တာကို စဉ်းစားနိုင်သည်၊ သူ၏နှုတ်ကပတ်တော်များကို နားလည်ခြင်းအပေါ် မိတ်သဟာယဖွဲ့နိုင်သည်၊ သင့်အထဲတွင် ကြုံတွေ့ရသော ဉာဏ်အလင်းရခြင်းနှင့် အလင်းပေးခြင်းတို့အပေါ်နှင့် နှုတ်ကပတ်တော်များကို ဖတ်သောအခါ သင်ရရှိသော တုံ့ပြန်မှုတို့ကို မိတ်သဟာယဖွဲ့နိုင်ပြီး လူများကို လမ်းကြောင်းသို့ ပို့ဆောင်နိုင်သည်၊ ယင်းသည် လက်တွေ့ကျ၏။ ထိုကဲ့သို့လုပ်ဆောင်ခြင်း၏ ရည်ရွယ်ချက်သည် ဘုရားသခင်၏နှုတ်ကပတ်တော်များကို သင်၏ လက်တွေ့ကျသော အထောက်အပံ့ဖြစ်လာ ခွင့်ပြုရန် ဖြစ်သည်။

တစ်နေ့လုံးတွင် ဘုရားသခင့်ရှေ့၌ နာရီပေါင်းမည်မျှ သင်အမှန်တကယ် အကုန်ခံသနည်း။ ဘုရားသခင်ကို သင့်နေ့ရက်၏မည်မျှ ပေးသနည်း။ ဇာတိပကတိကို မည်မျှလောက် ပေးသနည်း။ လူတစ်ဦး၏နှလုံးသားသည် ဘုရားသခင်ဘက်သို့ အစဉ်ဦးတည်နေခြင်းသည် ဘုရား သခင်အားဖြင့် စုံလင်စေခြင်းသို့ဦးတည်သော လမ်းကြောင်းမှန်ပေါ်သို့ ပထမခြေလှမ်း ဖြစ်သည်။ သင်သည် သင့်နှလုံးသား၊ ကိုယ်ခန္ဓာနှင့် သင်၏စစ်မှန်သော မေတ္တာအားလုံးကို ဘုရားသခင်ထံ ဆက်ကပ်အပ်နှံနိုင်သည်၊ ထိုအရာများကို ဘုရားသခင်ရှေ့တွင် ချထားခြင်း၊ သူ့ကို အကြွင်းမဲ့နာခံခြင်းနှင့် သူ့အလိုတော်အား လုံးဝဆင်ခြင်ခြင်းတို့ကို လုပ်ဆောင်နိုင်သည်။ ဇာတိပကတိအတွက် မဟုတ်၊ မိသားစုအတွက် မဟုတ်၊ သင့်ကိုယ်ပိုင်ဆန္ဒများအတွက်လည်း မဟုတ်ဘဲ ဘုရားသခင့်အိမ်တော်၏ အကျိုးတို့အတွက် ဖြစ်သည်။ အရာရာတွင် ဘုရားသခင်၏ နှုတ်ကပတ်တော်ကို အခြေခံသဘောတရားအဖြစ်သော်လည်းကောင်း၊ အခြေခံအုတ်မြစ်အဖြစ်သော်လည်းကောင်း သင်ခံယူနိုင်သည်။ ထိုနည်းအားဖြင့် သင့်ရည်ရွယ်ချက်များနှင့် သင့်အမြင်များအားလုံးတို့သည် နေရာမှန်တွင် ရှိမည်ဖြစ်ပြီး သင်သည် ဘုရားသခင့်ရှေ့တွင် သူ၏ချီးမွမ်းမှုကို ရရှိသောသူဖြစ်လိမ့်မည်။ ဘုရားသခင်နှစ်သက်သူများသည် သူ့ထံသို့ အကြွင်းမဲ့ဦးတည်သူများ၊ အခြားမည်သည့်အရာကိုမျှ မဟုတ်ဘဲ ဘုရားသခင်အား ဆက်ကပ်သောသူများ ဖြစ်သည်။ ဘုရားသခင် မုန်းတီးသောသူများမှာ ဘုရားသခင်အကြောင်းကို စိတ်မပါတပါဖြစ်သောသူများနှင့် ဘုရားသခင်အား ပုန်ကန်သောသူများ ဖြစ်သည်။ သူ့အားယုံကြည်၍ သူ၌ အစဉ်မွေ့လျော်လိုသော်လည်း၊ သူ့အတွက် အပြည့်အဝ အသုံးမခံနိုင်သူများအား သူမုန်းတီး၏။ သူ့အား ချစ်သည်ဟုပြောသော်လည်း နှလုံးသားထဲတွင် သူ့အား ပုန်ကန်သူများ ဖြစ်သည်။ လှည့်ဖြားရန် စီကာပတ်ကုံးဖွဲ့နွဲ့သောစကားလုံးများကို သုံးသောသူများကို သူမုန်းတီးသည်။ ဘုရားသခင်အား စစ်မှန်သော ဆက်ကပ်ခြင်း သို့မဟုတ် စစ်မှန်သော နာခံခြင်း မရှိသောသူများသည် သစ္စာဖေါက်သောသူများ ဖြစ်သည်။ ထိုသူတို့သည် သဘာဝအားဖြင့် အလွန်မောက်မာကြသည်။ သာမန်၊ လက်တွေ့ကျသော ဘုရားသခင်ရှေ့၌ စစ်မှန်စွာ နာခံနိုင်ခြင်းမရှိသော သူများသည် သာ၍ပင် မောက်မာကြပြီး ထိုသူတို့သည် အထူးသဖြင့် ကောင်းကင်တမန်မင်း၏ မျိုးဆက်များ ဖြစ်ကြသည်။ ဘုရားသခင်အတွက် မိမိကိုယ်ကိုယ် အမှန်တကယ် အသုံးပြုသောသူများသည် ဘုရားသခင်ရှေ့တွင် ၎င်းတို့၏ ဖြစ်တည်ခြင်း တစ်ခုလုံးကို ထားသည်။ ထိုသူတို့သည် ဘုရားသခင်၏ မိန့်မြွက်စကားများအားလုံးကို စစ်မှန်စွာ နာခံပြီး ထိုသူတို့သည် ဘုရားသခင်၏ စကားများကို လက်တွေ့ကျင့်သုံးနိုင်ကြသည်။ ထိုသူတို့သည် ဘုရားသခင်၏နှုတ်ကပတ်များကို ၎င်းတို့၏ ဖြစ်တည်ခြင်းအုတ်မြစ် ဖြစ်စေပြီး ထိုသူတို့သည် ဘုရားသခင်၏ နှုတ်ကပတ်တော်ထဲတွင် လက်တွေ့ လုပ်ဆောင်ခြင်း အပိုင်းများကို စစ်မှန်စွာ ရှာဖွေနိုင်ကြသည်။ ဤကဲ့သို့သောသူသည် ဘုရားသခင်ရှေ့တွင် အမှန်တကယ် နေထိုင်သောသူ ဖြစ်သည်။ သင်လုပ်ဆောင်သောအရာသည် သင့်ဘဝအတွက် အကျိုးရှိပြီး၊ သင့်ဘ၀ စိတ်သဘောထားကို ပြောင်းလဲရန် သင့်စိတ်အတွင်း၌ဖြစ်သော လိုအပ်ချက်များနှင့် အားနည်းချက်များကို နှုတ်ကပတ်တော်များအား စားသောက်ခြင်းအားဖြင့် သင်ဖြည့်ဆည်းနိုင်လျှင် ဤအရာသည် ဘုရားသခင်၏အလိုတော်ကို ဖြည့်ဆည်းနိုင်သည်။ သင်သည် ဘုရားသခင်၏ သတ်မှတ်ချက်များ အတိုင်း လုပ်ဆောင်ပြီး ဇာတိပကတိကို ကျေနပ်စေခြင်းမရှိဘဲ ဘုရားသခင်၏အလိုတော်ကို ကျေနပ်စေလျှင် ဤအရာသည် သူ၏နှုတ်ကပတ်တော်များ၏ လက်တွေ့ကျခြင်းထဲသို့ ဝင်ရောက်ခြင်း ဖြစ်သည်။ ဘုရားသခင်၏ နှုတ်ကပတ်တော်များ၏ လက်တွေ့ကျခြင်းထဲသို့ ပို၍ လက်တွေ့ကျကျ ဝင်ရောက်ခြင်းအကြောင်းကို ပြောသောအခါ ယင်းမှာ သင်သည် သင့်တာဝန်ကို စွမ်းဆောင်နိုင်ပြီး ဘုရားသခင်၏သတ်မှတ်ချက်များကို ဖြည့်ဆည်းနိုင်ခြင်းကို ဆိုလိုသည်။ ဤကဲ့သို့သော လက်တွေ့ကျသော လုပ်ဆောင်မှုများကိုသာလျှင် ဘုရားသခင်၏နှုတ်ကပတ်တော်များ၏ လက်တွေ့ကျခြင်းထဲသို့ ဝင်ရောက်ခြင်းဟု ခေါ်နိုင်သည်။ ဤလက်တွေ့ကျခြင်းထဲသို့ သင်ဝင်ရောက်နိုင်လျှင် သင်၌ သမ္မာတရားရှိသည်။ ဤအရာသည် လက်တွေ့ကျခြင်းထဲသို့ ဝင်ရောက်ခြင်း အစဖြစ်၏၊ ဤလေ့ကျင့်ခြင်းကို သင်ပထမဦးစွာ လုပ်ဆောင်ရမည်ဖြစ်ပြီး ထို့နောက်မှ သင်သည် ပို၍ နက်နဲသော လက်တွေ့ကျခြင်းထဲသို့ ဝင်‌ရောက်နိုင်လိမ့်မည်။ ပညတ်တရားများကို မည်ကဲ့သို့ ထိန်းသိမ်းမည်နှင့် ဘုရားသခင်ရှေ့တွင် မည်ကဲ့သို့ သစ္စာရှိမည်တို့ကို ဆင်ခြင်လော့။ သင်မည်သည့် အချိန်တွင် နိုင်ငံတော်အတွင်းသို့ ဝင်ရောက်နိုင်မည်ဆိုသည်ကို အမြဲတမ်း မစဉ်းစားလေနှင့်။ သင့်စိတ်သဘောထား မပြောင်းလဲလျှင် သင်စဉ်းစားသောအရာတိုင်းသည် အကျိုးမရှိဖြစ်မည်။ ဘုရားသခင်၏ နှုတ်ကပတ်တော်၏ လက်တွေ့ကျခြင်းထဲသို့ ဝင်ရောက်ရန် ပထမဦးစွာ သင့်အတွေးများနှင့် စိတ်ကူးများ အားလုံးကို ဘုရားသခင်အတွက် ဖြစ်စေနိုင်ရမည်။ ဤအရာသည် အခြေခံကျဆုံးသော လိုအပ်မှု ဖြစ်သည်။

လက်ရှိတွင် စမ်းသပ်မှုများကြားတွင် ရောက်နေသောသူ အမြောက်အမြား ရှိသည်။ ထိုသူတို့သည် ဘုရားသခင်၏ အလုပ်ကို နားမလည်ကြပေ။ သို့သော် ငါပြောမည်၊ ဤအရာကို သင်နား မလည်လျှင် ဤအရာနှင့် ပတ်သက်၍ စီရင်ဆုံးဖြတ်ခြင်းများကို မလုပ်လျှင် ပို၍ကောင်းသည်။ သမ္မာတရားသည် အလင်းထဲသို့ ရောက်လာမည့် နေ့တစ်နေ့ ရှိကောင်းရှိလာနိုင်သည်။ ထိုအခါ သင်သည် ဤအရာကို သိလိမ့်မည်။ စီရင်ဆုံးဖြတ်ခြင်းများကို မလုပ်ဆောင်ခြင်းသည် သင့်အတွက် အကျိုးရှိသော်လည်း သင်သည် မတုန်မလှုပ် စောင့်၍သာမနေနိုင်။ သင်သည် တက်ကြွစွာ ဝင်ရောက်ရန် ကြိုးစားရမည်၊ ထိုကဲ့သို့သော ပုဂ္ဂိုလ်သာ လက်တွေ့ကျသော ဝင်ရောက်ခြင်း ရှိသောသူ ဖြစ်သည်။ ၎င်းတို့၏ တော်လှန်ပုန်ကန်မှုများကြောင့် လူများသည် လက်တွေ့ကျသောဘုရားသခင် အကြောင်းကို စိတ်ကူးများ အမြဲတမ်းပေါ်ပေါက်စေကြသည်။ ဤအရာအတွက် လူအားလုံးသည် မည်ကဲ့သို့ နာခံရမည် ဆိုသည်ကို သင်ယူဖို့ လိုအပ်သည်။ အဘယ့်ကြောင့်ဆိုသော် လက်တွေ့ကျသော ဘုရားသခင်သည် လူသားမျိုးနွယ်အတွက် အလွန်ကြီးသော စမ်းသပ်ခြင်းတခု ဖြစ်သောကြောင့် ဖြစ်သည်။ သင်သည် ခိုင်မြဲစွာ မရပ်တည်နိုင်လျှင် အရာအားလုံးသည် အဆုံးသတ်လိမ့်မည်၊ လက်တွေ့ကျသော ဘုရားသခင်၏ လက်တွေ့ကျခြင်းကို သင် နားလည်မှုမရှိလျှင် သင်သည် ဘုရားသခင်အားဖြင့် စုံလင်စေခြင်း မရှိနိုင်ပေ။ လူတို့သည် စုံလင်စေနိုင်ခြင်း ရှိမရှိဆိုသည့်အရာတွင် အရေးကြီးသော အဆင့်မှာ ဘုရားသခင်၏ လက်တွေ့ကျခြင်းကို နားလည်ခြင်း ဖြစ်သည်။ လူ့ဇာတိခံယူသော ဘုရားသခင်၏ ဤကမ္ဘာပေါ် သို့ လာခြင်း၏ လက်တွေ့ကျခြင်းသည် လူတစ်ဦးချင်းနှင့် အ‌ယောက်တိုင်းအတွက် စမ်းသပ်မှုတစ်ခု ဖြစ်သည်။ ဤဏ္ဍတွင် သင်ခိုင်မြဲစွာ ရပ်တည်နိုင်လျှင် သင်သည် ဘုရားသခင်ကို သိသောသူတစ်ယောက်နှင့် ဘုရားသခင်ကို အမှန် တကယ် ချစ်သောသူတစ်ယောက် ဖြစ်သည်။ ဤကဏ္ဍတွင် သင် ခိုင်မြဲစွာ မရပ်တည်နိုင်လျှင်၊ သင်သည် ဝိညာဉ်တော်၌သာ ယုံကြည်ပြီး ဘုရားသခင်၏ လက်တွေ့ကျခြင်း၌ ယုံကြည်ခြင်းမရှိနိုင်လျှင် ဘုရားသခင်၌ သင့်ယုံကြည်ခြင်း မည်မျှကြီးမားသည်ဆိုသော်လည်း အသုံးမဝင်ပေ။ မြင်နိုင်သော ဘုရားသခင်ကို သင်မယုံကြည်နိုင်လျှင် ဘုရားသခင်၏ဝိညာဉ်တော်ကို ယုံကြည်နိုင်မည်လော။ သင်သည် ဘုရားသခင်ကို လှည့်စားရန်ကြိုးပမ်းနေသည် မဟုတ်လော။ သင်သည် မြင်နိုင်သော၊ ထိတွေ့စမ်းသပ်နိုင်သော ဘုရားသခင်ကို မနာခံဘဲ ဝိညာဉ်တော်ကို နာခံနိုင်မည်လော။ ဝိညာဉ်တစ်ပါးသည် မမြင်နိုင်သော၊ ထိတွေ့စမ်းသပ်၍မရနိုင်သော အရာ ဖြစ်သည့်အတွက် သင်ဘုရား သခင်၏ဝိညာဉ်တော်ကို နာခံသည်ဟု ပြောသောအခါ သင်သည် အဓိပ္ပါယ်မရှိသော အရာကိုပြောနေခြင်းသာ မဟုတ်လော။ ပညတ်တော်များကို ထိန်းသိမ်းစောင့်ရှောက်ခြင်း၏ အဓိကသော့ချက်မှာ လက်တွေ့ကျသော ဘုရားသခင်ကို နားလည်မှုရှိခြင်း ဖြစ်သည်။ သင်သည် လက်တွေ့ကျသော ဘုရားသခင်ကို နားလည်မှုတစ်ခုရှိပြီ ဆိုလျှင် ပညတ်တော်များကို ထိန်းသိမ်းစောင့် ရှောက်နိုင်လိမ့်မည်။ ပညတ်တော်ကို ထိန်းသိမ်းစောင့်ရှောက်ခြင်းတွင် အပိုင်းနှစ်ပိုင်းပါဝင်သည်။ တစ်ပိုင်းသည် သူ့ဝိညာဉ်တော်၏ အနှစ်သာရ၌ ခိုင်မာသော ယုံကြည်ခြင်းကိုက ထိန်းသိမ်းနေပြီး သူ၏ရှေ့တော်တွင် ဝိညာဉ်တော်၏ စမ်းသပ်ခြင်းကို လက်ခံနိုင်နေခြင်းဖြစ်သည်။ အခြားအပိုင်းသည် လူ့ဇာတိခံအသွေးအသားကို စစ်မှန်သော နားလည်မှုရှိနိုင်ခြင်းနှင့် စစ်မှန်သောနာခံမှု ရရှိနိုင်ခြင်းတို့ ဖြစ်သည်။ ဇာတိပကတိရှေ့တွင် ဖြစ်စေ၊ ဝိညာဉ်တော်၏ရှေ့တွင် ဖြစ်စေ၊ ဘုရားသခင်ကို နာခံ၍ ကြောက်ရွံ့သော နှလုံးသားတို့ကို အမြဲတမ်း ထိန်းသိမ်းသင့်သည်။ သင်သည် လက်တွေ့ကျသော ဘုရားသခင်၏ လက်တွေ့ကျခြင်းအား နားလည်မှုရှိလျှင်၊ ဆိုလိုသည်က ဤစုံစမ်းခြင်းထဲ၌ ခိုင်မာစွာ ရပ်တည်ခြင်းရှိလျှင်၊ မည်သည့်အရာမျှ လွန်လွန်းမည် မဟုတ်ပေ။

လူအချို့က “ပညတ်တော်များသည် ထိန်းသိမ်းစောင့်ရှောက်ရန် လွယ်ကူသည်။ သင်သည် ဘုရားသခင်ရှေ့သို့ လာ၍ လက်ရိပ်ခြေရိပ်ပြရန် မလိုဘဲ ပွင့်ပွင့်လင်းလင်းနှင့် ကြည်ညိုကိုင်းရှိုင်းစွာ စကားပြောရန်သာလိုပြီး ထိုသို့လုပ်ခြင်းသည် ပညတ်တော်များကို ထိန်းသိမ်းစောင့်ရှောက်ခြင်း ဖြစ်သည်” ဟု ပြောကြသည်။ ထိုအရာ မှန်သလော။ သင်သည် နောက်ကွယ်တွင် ဘုရားသခင်ကို ဆန့်ကျင်သောအရာ တစ်ခုခုလုပ်ခြင်းကို ပညတ်တော်များကို ထိန်းသိမ်းစောင့်ရှောက်ခြင်းအဖြစ် မှတ်ယူလို့ရသလော။ သင်တို့သည် ပညတ်တော် ထိန်းသိမ်းစောင့် ရှောက်ခြင်းကိစ္စကို အပြည့်အဝနားလည်ရမည်။ ဤအရာသည် သင်လက်တွေ့ကျသော ဘုရားသခင်ကို နားလည်သလော၊ နားမလည်သလောဆိုသည်နှင့် ဆက်စပ်နေသည်။ သင်သည် လက်တွေ့ကျခြင်းအား နားလည်မှုရှိပြီး ဤစုံစမ်းခြင်းတွင် ထိခိုက်၊ လဲကျခြင်းမရှိလျှင် ဤအရာသည် သင်၌ ခိုင်မာသော သက်သေခံချက်ရှိသည်ဟု မှတ်ယူသည်။ ဘုရားသခင်အတွက် ထူးကဲစွာသက်သေခံခြင်းသည် လက်တွေ့ကျသောဘုရားသခင်ကို နားလည်ခြင်းရှိ၊ မရှိနှင့် အဓိကအားဖြင့် ဆက်စပ်နေပြီး၊ သာမန်သာမဟုတ်ဘဲ ပုံမှန်ဖြစ်သော ဤပုဂ္ဂိုလ်ရှေ့တွင် နာခံနိုင်ခြင်းရှိ၊ မရှိသာမက သေသည့်တိုင်အောင် နာခံမှု ရှိနိုင်သလော ဆိုသည်နှင့်ပင် အဓိကဆက်စပ်နေသည်။ ဤနာခံမှုအားဖြင့် ဘုရားသခင်အတွက် အမှန်တကယ် သက်သေခံလျှင် သင့်ကို ဘုရားသခင်က ရရှိပြီဟု ဆိုလိုသည်။ သေသည့်တိုင်အောင် နာခံနိုင်ခြင်း၊ ဘုရားသခင်ရှေ့တွင် ညည်းညူမှုများ မရှိခြင်း၊ စီရင်ဆုံးဖြတ်ခြင်းများ မလုပ်ဆောင်ခြင်း၊ အသရေပျက်အောင် လုပ်ကြံပြောဆိုမှု မရှိခြင်း၊ ထင် မြင်ယူဆမှုများမရှိခြင်းနှင့် အခြားရည်ရွယ်ချက်များမရှိခြင်းတို့သည် ဘုရားသခင်အား ဘုန်းတော် ထင်ရှားမှု ရရှိစေပါလိမ့်မည်။ လူများက အထင်အမြင်သေးခံရသော သာမန်ပုဂ္ဂိုလ်တစ်ဦးရှေ့တွင် နာခံခြင်းနှင့် အခြားထင်မြင်ယူဆချက်များမရှိဘဲ သေသည့် တိုင်အောင် နာခံနိုင်ခြင်းတို့သည် စစ်မှန်သော သက်သေခံခြင်း ဖြစ်သည်။ လူတို့ဝင်ရောက်ရန် ဘုရားသခင်လိုအပ်သော လက်တွေ့ကျခြင်းသည် သူ့ နှုတ်ကပတ်တော်များအား သင်နာခံနိုင်ခြင်း၊ သူ၏နှုတ်ကပတ်တော်များကို လက်တွေ့ကျင့်ကြံနိုင်ခြင်း၊ လက်တွေ့ကျသော ဘုရားသခင်၏ ရှေ့တွင် ပြပ်ဝပ်ကိုးကွယ်နိုင်ခြင်းနှင့် သင်၏ပျက်စီးခြင်းကို သင်သိနိုင်ခြင်း၊ သူ၏ရှေ့တွင် သင့်နှလုံးသားကို ဖွင့်ဟနိုင်ခြင်းနှင့် အဆုံးတွင် သူ့နှုတ်ကပတ်တော်များအားဖြင့် သူ၏ရရှိခြင်းကို ခံရခြင်းတို့ ဖြစ်သည်။ ဤနှုတ်ကပတ်တော်များက သင့်ကို အောင်နိုင်ပြီး ဘုရားသခင်အား အပြည့်အဝနာခံစေရန် သင့်ကို လုပ်ဆောင်သောအခါ ဘုရားသခင်သည် ဘုန်းတော်ထင်ရှားသည်။ ဤအရာအားဖြင့် ဘုရားသခင်က စာတန်ကို အရှက်ရစေပြီး သူ့အလုပ်ကို ပြီးမြောက်စေသည်။ လူ့ဇာတိခံသောဘုရားသခင်၏ လက်တွေ့ကျခြင်းအား မည်သည့်ထင်မြင်ယူဆချက်များမှ သင့်တွင် မရှိသောအခါ၊ ဆိုလိုသည်မှာ သင်သည် ဤစုံစမ်းခြင်းတွင် ခိုင်မာစွာ ရပ်တည်သောအခါ၊ သင်သည် ကောင်းသောသက်သေခံခြင်း ဖြစ်သည်။ သင်သည် လက်တွေ့ကျသော ဘုရားသခင်ကို အပြည့်အဝနားလည်ခြင်းရှိပြီး ပေတရုကဲ့သို့ သေသည့်တိုင်အောင် နာခံနိုင်သောနေ့တစ်နေ့ ရှိလျှင် သင်သည် ဘုရားသခင်အားဖြင့် ရရှိခြင်းခံရပြီး ဘုရားသခင်အားဖြင့် သင့်အား စုံလင်စေခြင်းခံရမည်။ သင်၏ ထင်မြင်ယူဆချက်များနှင့် ကိုက်ညီမှုမရှိသော ဘုရားသခင်လုပ်ဆောင်သောအရာသည် သင့်အတွက် စမ်းသပ်ခြင်း တစ်ခု ဖြစ်သည်။ ထိုအရာသည် သင်၏ထင်မြင်ယူဆချက်များနှင့် ကိုက်ညီမှုရှိလျှင် သင်သည် ဒုက္ခခံဖို့ သို့မဟုတ် စစ်ဆေးခြင်းခံဖို့ လိုအပ်မည်မဟုတ်ပေ။ သူ၏အလုပ်သည် အလွန်လက်တွေ့ကျပြီး သင့်ထင်မြင်ယူဆချက်များနှင့် ကိုက်ညီမှုမရှိသောကြောင့် သင်၏ထင်မြင်ယူဆချက်များကို စွန့်လွှတ်ရန် လိုအပ်ခြင်း ဖြစ်သည်။ ထို့ကြောင့် ဤအရာသည် သင့်အတွက် စမ်းသပ်မှုတခု ဖြစ်သည်။ လူအားလုံးသည် စုံစမ်းခြင်းထဲတွင် ရှိနေခြင်းသည် ဘုရားသခင်၏ လက်တွေ့ကျခြင်းကြောင့် ဖြစ်သည်။ သူ၏အလုပ်သည် လက်တွေ့ကျပြီး သဘာဝလွန်ခြင်း မဟုတ်ပေ။ သူ၏လက်တွေ့ကျသော နှုတ်ကပတ်တော်များ၊ သူ၏လက်တွေ့ကျသော မိန့်မြွက်စကားများကို ထင်မြင်ယူဆချက်များ မရှိဘဲ အပြည့်အဝနားလည်ခြင်းနှင့် သူ့အား သာ၍ စစ်မှန်စွာချစ်နိုင်ခြင်းအားဖြင့် သူ၏ အလုပ်သည် သာ၍လက်တွေ့ကျကာ၊ သင်သည် သူ့အားဖြင့် ရရှိခြင်းခံရလိမ့်မည်။ ဘုရားသခင်ရရှိမည့် လူအုပ်စုမှာ ဘုရားသခင်ကိုသိသောသူများ၊ ဆိုလိုသည်မှာ ဘုရားသခင်၏လက်တွေ့ကျခြင်းကို သိသောသူများ ဖြစ်ကြပြီး၊ ထိုထက်ပို၍ပင် ထိုသူတို့သည် ဘုရားသခင်၏လက်တွေ့ကျသောအလုပ်ကို နာခံနိုင်သောသူများ ဖြစ်သည်။

ဘုရားသခင်၏လူ့ဇာတိခံယူသောအချိန်အတွင်း လူများထံမှ သူလိုအပ်သော နာခံခြင်းသည် လူတို့စိတ်ကူးယဉ်သောအရာဖြစ်သည့် စီရင်ဆုံးဖြတ်ခြင်း သို့မဟုတ် ဆန့်ကျင်ခြင်းများ မလုပ်ခြင်း မဟုတ်ပေ။ ယင်းအစား၊ သူလိုအပ်သောအရာမှာ လူတို့သည် သူ၏နှုတ်ကပတ်တော်များကို ၎င်းတို့၏ဘဝအတွက် အခြေခံ သဘောတရားနှင့် ၎င်းတို့၏အသက်ရှင်ကျန်မှုအတွက် အခြေခံအုတ်မြစ်ဖြစ်စေရန်၊ သူ၏နှုတ်ကပတ်တော်များ၏အနှစ်သာရကို အပြည့်အဝလက်တွေ့ကျင့်သုံးရန်နှင့် သူ၏အလိုတော်ကို အကြွင်းမဲ့ ဖြည့်ဆည်းရန်တို့ ဖြစ်သည်။ လူ့ဇာတိခံဘုရားသခင်ကို နာခံရန် လူတို့အပေါ်သတ်မှတ်ချက်၏ ရှုထောင့်တခုသည် သူ၏နှုတ်ကပတ်တော်များကို လက်တွေ့ကျင့်ကြံခြင်းကို ရည်ညွန်းပြီး အခြားရှုထောင့်တခုမှာ သူ၏ သာမန်ဖြစ်ခြင်းနှင့် လက်တွေ့ကျခြင်းတို့ကို နာခံနိုင်ခြင်းတို့ကို ရည်ညွန်းသည်။ ဤအရာနှစ်ခုလုံးသည် အကြွင်းမဲ့ ဖြစ်ရမည်။ ဤရှု့ထောင့်နှစ်ခုလုံးကို အထမြောက်စေနိုင်သောသူများသည် ဘုရားသခင်အား စစ်မှန်သော ချစ်ခြင်းမေတ္တာ ရှိသောသူများ ဖြစ်သည်။ ထိုသူတို့သည် ဘုရားသခင်အားဖြင့် ရရှိခံရသော လူများအားလုံးဖြစ်ပြီး ထိုသူတို့အားလုံးသည် ဘုရားသခင်အား မိမိတို့ဘဝကို မိမိတို့ချစ်သကဲ့သို့ ချစ်သောသူများ ဖြစ်သည်။ လူ့ဇာတိခံသော ဘုရားသခင်သည် သူ့အလုပ်၌ သာမန်နှင့် လက်တွေ့ကျသော လူ့သဘာ၀ကို ဆောင်သည်။ ဤနည်းအားဖြင့် သူ၏သာမန်နှင့်လက်တွေ့ကျသော လူ့သဘာ၀နှစ်ခုလုံး၏ ပြင်ပအလွှာသည် လူများအတွက် ကြီးမားသော စမ်းသပ်ခြင်းတခု ဖြစ်လာသည်။ ထိုအရာသည် ထိုသူ့တို့အတွက် အကြီးမားဆုံးသော အခက်အခဲလည်း ဖြစ်လာသည်။ သို့သော် ဘုရားသခင်၏ သာမန်ဖြစ်ခြင်းနှင့် လက်တွေ့ကျခြင်းတို့သည် ရှောင်လွဲ၍မရနိုင်ပေ။ သူသည် အဖြေတခုကို ရှာတွေ့ရန် အရာအားလုံးကို ကြိုးစားခဲ့သော်လည်း အဆုံးတွင် သူ၏သာမန်လူသားဖြစ်ခြင်း၏ ပြင်ပအလွှာကို သူ့ကိုယ်မှ မစွန့်ပယ်နိုင်ခဲ့ပေ။ အဘယ်ကြောင့်ဆိုသော် အဆုံးတွင် သူသည် လူ့ဇာတိခံယူသော ဘုရားသခင် ဖြစ်ပြီး၊ ကောင်းကင်ဘုံ၌ရှိသော ဝိညာဉ်တော်ဘုရားမဟုတ်သောကြောင့် ဖြစ်သည်။ သူသည် လူများ မမြင်နိုင်သော ဘုရားမဟုတ်ဘဲ ဖန်ဆင်းခံအရာတခု၏ ပြင်ပအလွှာတစ်ခုကို ယူတင် ဝတ်ဆင်ထားသောဘုရား ဖြစ်သည်။ ဤနေရာတွင် သူ၏သာမန်လူသားဖြစ်ခြင်းအလွှာကို သူ့ကိုယ်မှ စွန့်ပယ်ခြင်းသည် လုံးဝလွယ်ကူသောအရာ မဟုတ်ပေ။ ထို့ကြောင့် မည့်သို့ပင်ဆိုစေကာမူ သူသည် သူလုပ်ချင်သောအရာကို ဇာတိပကတိ၏ ရှုထောင့်မှ လုပ်ဆဲဖြစ်သည်။ ဤအလုပ်သည် သာမန်နှင့် လက်တွေ့ကျသော ဘုရားသခင်၏ ဖေါ်ပြခြင်းဖြစ်သည့်အတွက် လူများမနာခံလျှင် မည်ကဲ့သို့ လက်ခံနိုင်မည်နည်း။ လူတို့သည် ဘုရားသခင်၏လုပ်ဆောင်မှုများအပေါ် မည်သို့တတ်နိုင်မည်နည်း။ သူသည် သူလုပ်ချင်သောအရာကို လုပ်၏၊ အမှုအရာတို့သည် သူကျေနပ်သည့်အတိုင်း ရှိကြ၏။ လူများမနာခံလျှင် ၎င်းတို့၌ အားထားယုံကြည်လောက်သော အခြားမည်သည့်အစီအစဉ်များ ရှိနိုင်ကြသနည်း။ ယခုထိ လူများကို ကယ်တင်နိုင်သောအရာသည် နာခံခြင်းသာ ဖြစ်သေးသည်။ အခြားပါးနပ်သော စိတ်ကူးများများ မရှိပေ။ ဘုရားသခင်သည် လူတို့အား စုံစမ်းချင်လျှင် လူတို့သည် မည်သို့ တတ်နိုင်မည်နည်း။ သို့သော် ဤအရာ အားလုံးသည် ကောင်းကင်ဘုံ၌ရှိသော ဘုရားသခင်၏ အကြံမဟုတ်ဘဲ လူ့ဇာတိခံဘုရားသခင်၏ အကြံသာ ဖြစ်သည်။ သူသည် ဤအရာကို လုပ်ချင်သည်၊ ထို့ကြောင့် မည်သူတစ်ဦးတယောက်ကမျှ မပြောင်းလဲနိုင်ပေ။ ကောင်းကင်ဘုံ၌ရှိသော ဘုရားသခင်သည် သူလုပ်ဆောင်သောအရာကို စွက်ဖက်ခြင်းမရှိသည့်အတွက်ကြောင့် လူများသည်သူ့အား ပို၍ပင် မနာခံသင့်ဘူးလော။ သူသည် လက်တွေ့ကျသောသူနှင့် သာမန်ဖြစ်သောသူ နှစ်ခုစလုံး ဖြစ်သော်လည်း သူသည် လူ့ဇာတိခံယူသောဘုရားသခင် အပြည့်အဝ ဖြစ်သည်။ သူ၏ကိုယ်ပိုင်အတွေးများအပေါ် အခြေခံ၍ သူသည် သူလုပ်ချင်သော မည်သည့်အရာကိုမဆို လုပ်ဆောင်သည်။ ကောင်းကင်ဘုံရှိဘုရားသခင်သည် သူ့အား တာဝန်အားလုံးကို လွှဲအပ်ပြီးဖြစ်သည်၊ သင်တို့သည် သူလုပ်ဆောင်သော မည်သည့်အရာကိုမဆို နာခံရမည်။ သူ၌ လူသားသဘာ၀ရှိ၍ သူသည် အလွန်သာမန်ဖြစ်သော်လည်း ဤအရာအားလုံးသည် သူတမင် စီစဉ်ထားသောအရာ ဖြစ်သည့်အတွက်ကြောင့် လူများသည် သူ့အား သဘောမတူသော မျက်လုံးပြူးကြီးများနှင့် မည်ကဲ့သို့ ကြည့်နိုင်မည်နည်း။ သူသည် သာမန်ဖြစ်ချင်သောကြောင့် သာမန်ဖြစ်၏။ သူသည် လူ့သဘာ၀၌ နေထိုင်ချင်သောကြောင့် လူ့သဘာ၀အတွင်း၌ နေထိုင်သည်။ သူသည် ဘုရား၏သဘောသဘာ၀၌ နေထိုင်ချင်သောကြောင့် ဘုရား၏သဘောသဘာ၀အတွင်း၌နေထိုင်သည်။ လူတို့သည် ထိုအရာကို ၎င်းတို့မြင်ချင်သလို မြင်နိုင်သည်။ ဘုရားသခင်သည် အမြဲတမ်း ဘုရားသခင်ဖြစ်မှာ ဖြစ်ပြီး လူတို့သည် အမြဲတမ်း လူများဖြစ်နေမည်။ သူ၏အနှစ်သာရကို အရေးမပါသော သာမန် အသေးစိတ်အချက် အလက်အချို့ကြောင့် မငြင်းပယ်နိုင်သလို သေးငယ်သောအချက်တစ်ခုကြောင့် ဘုရား၏ “ပုဂ္ဂိုလ်ဖြစ်ခြင်း” အပြင်သို့လည်း သူ့ကို မတွန်းပို့နိုင်ပေ။ လူတို့တွင် လူ၏လွတ်လပ်မှုရှိပြီး ဘုရားသခင်ထံတွင်လည်း ဘုရားသခင်၏ ဂုဏ်သိက္ခာ ရှိသည်။ ထိုအရာများသည် တစ်ခုနှင့်တစ်ခု ဝင်ရောက်စွက်ဖက်မှုမရှိပေ။ လူတို့သည် ဘုရားသခင်ကို ၎င်းတို့ အလိုရှိသည်အတိုင်း ပြစ်တင်ရှုတ်ချခြင်း သို့မဟုတ် နားလည်ခြင်း ရှိနိုင်သည်။ ၎င်းတို့သည် ဘုရားသခင်အား အနည်းငယ်ပို၍ သာမန်ကာလျှံကာ သည်းခံနိုင်ခြင်း မရှိသလော။ လေးနက်လွန်းမနေလေနှင့်၊ တစ်ဦးနှင့်တစ်ဦး သည်းခံသင့်သည်။ ထိုသို့ဖြစ်ပါက အရာအားလုံး ကျေအေးမည်မဟုတ်လော။ စိတ်ဝမ်းကွဲခြင်း တစ်ခုခု ရှိသေးသလော။ တစ်စုံတစ်ယောက်သည် ထိုကဲ့သေးငယ်သောအရာ တစ်ခုကိုပင် သည်းမခံနိုင်လျှင် စိတ်ထား မြင့်မြတ်သော ပုဂ္ဂိုလ်တစ်ဦး၊ စစ်မှန်သောပုဂ္ဂိုလ်တစ်ဦးဖြစ်ခြင်းကို ထိုသူတို့ မည်သို့ စဉ်းစားခြင်းပင် ပြုနိုင်မည်နည်း။ ဘုရားသခင်က လူသားမျိုးနွယ်အား ဒုက္ခပေးသည် မဟုတ်ဘဲ လူသားမျိုးနွယ်ကသာ ဘုရားသခင်အား ဒုက္ခပေးခြင်း ဖြစ်သည်။ သူတို့သည် အမြဲတမ်း တစ်ဆိတ်တစ်အိတ်လုပ်ခြင်းအားဖြင့် အမှုအရာများကို ကိုင်တွယ်ကြသည်၊ ၎င်းတို့သည် အရေးမကြီးသည်ကို အရေးကြီးသည့်အရာအဖြစ် အမှန်ပင်လုပ်ကြပြီး ယင်းသည် အလွန်မလိုအပ်သောအရာ ဖြစ်သည်။ ဘုရားသခင်က သာမန်နှင့် လက်တွေ့ကျသော လူ့သဘာ၀အထဲတွင် လုပ်ဆောင်သောအခါ သူလုပ်ဆောင်သောအရာသည် လူသားမျိုးနွယ်၏အလုပ်မဟုတ်ဘဲ ဘုရားသခင်၏အလုပ် ဖြစ်သည်။ သို့သော် လူတို့သည် သူ့အလုပ်၏ အနှစ်သာရကို မမြင်ဘဲ သူ၏လူ့သဘာ၀၏ပြင်ပအလွှာကိုသာ အမြဲတမ်း မြင်သည်။ ၎င်းတို့သည် ထိုကဲ့သို့ ထူးကဲသောအလုပ်ကို မမြင်ဖူးသော်လည်း ဘုရားသခင်၏သာမန်နှင့် ပုံမှန်လူ့သဘောသဘာ၀ကို မြင်ရန် မရမက တောင်းဆိုပြီး ၎င်းတို့သည် ထိုအရာကို လက်မလွှတ်ကြပေ။ ဤအရာကို ဘုရားသခင်အား နာခံခြင်းဟု မည်ကဲ့သို့ ခေါ်နိုင်မည်နည်း။ ကောင်းကင်ဘုံရှိဘုရားသခင်သည် မြေကြီးပေါ်ရှိဘုရားသခင်အဖြစ် ယခု “ပြောင်းလဲ” သွားပြီး မြေကြီးပေါ်ရှိဘုရားသခင်သည် ယခု ကောင်းကင်ပေါ်ရှိ ဘုရားသခင် ဖြစ်သည်။ ၎င်းတို့၏ပြင်ပပုံစံများ တူညီသည် သို့မဟုတ် ၎င်းတို့၏အလုပ်သည် မည်သည့်အရာကဲ့သို့ ဖြစ်သည်မှာ အရေးမကြီးပေ။ ယေဘုယျအားဖြင့် ဘုရားသခင်ကိုယ်တိုင်၏အလုပ်ကို လုပ်ဆောင်သောသူသည် ဘုရားသခင်ကိုယ်တိုင် ဖြစ်သည်။ သင်နာခံလိုသည်ဖြစ်စေ၊ မနာခံလိုသည်ဖြစ်စေ နာခံရမည်။ ဤအရာသည် သင်ရွေးချယ်ခွင့်ရှိ သောအရာ မဟုတ်ပေ။ လူတို့သည် ဘုရားသခင်အားနာခံရမည်။ လူတို့သည် ဘုရားသခင်အား ဟန်ဆောင်မှု အနည်းငယ်မျှမရှိဘဲ လုံးဝနာခံရမည်။

ယနေ့ လူ့ဇာတိခံယူသောဘုရားသခင် ရရှိချင်သောလူတစ်စုသည် သူ့အလိုနှင့်ကိုက်ညီ သောသူများ ဖြစ်သည်။ လူတို့သည် ကောင်းကင်ဘုံရှိဘုရားသခင်၏ စိတ်ကူးများနှင့် အမြဲတမ်း ပတ်သက်နေခြင်း၊ မရေရာမှုအတွင်း နေထိုင်ခြင်း သို့မဟုတ် လူ့ဇာတိခံဘုရားသခင်အား ဒုက္ခပေးခြင်းတို့ကို မလုပ်ဘဲ သူ့အလုပ်ကို နာခံခြင်းသာ လိုအပ်သည်။ သူ့ကိုနာခံနိုင်သောသူများသည် သူ့နှုတ်ကပတ်တော်များကို အကြွင်းမဲ့ နားထောင်သူများနှင့် သူ့အစီအစဉ်များကို နာခံသောသူများ ဖြစ်သည်။ ဤလူများသည် ကောင်းကင်ဘုံရှိဘုရားသခင်သည် မည်သည့်အရာနှင့် အမှန်တကယ်တူသည် သို့မဟုတ် ကောင်းဘုံရှိဘုရားသခင်သည် လူသားမျိုးနွယ်ထဲတွင် လက်ရှိ မည်သည့်အလုပ်မျိုးကို လုပ်ဆောင်နေသည်တို့ကို ဂရုမစိုက်ဘဲ မြေကြီးပေါ်ရှိဘုရားသခင်အား ၎င်းတို့၏နှလုံးသားများကို အပြည့်အဝပေးပြီး သူ့ရှေ့တွင် ၎င်းတို့၏ဖြစ်ခြင်း တစ်ခုလုံးကို ထားရှိသည်။ ထိုသူတို့သည် မိမိတို့ကိုယ်တိုင်၏လုံခြုံမှုကို မည်သည့်အခါမျှ မစဉ်းစားဘဲ လူ့ဇာတိခံဘုရားသခင်၏ သာမန်ဖြစ်ခြင်းနှင့် လက်တွေ့ကျခြင်းတို့ကို မည်သည့်အခါမျှ အရေးပေးလွန်းခြင်း မပြုပေ။ လူ့ဇာတိခံယူသော ဘုရားသခင်ကို နာခံသောသူများသည် သူ့အားဖြင့် စုံလင်စေခြင်းခံနိုင်သည်။ ကောင်းကင်ဘုံရှိဘုရားသခင်ကို ယုံကြည်သောသူများသည် မည်သည့်အရာမျှ ရရှိမည်မဟုတ်ပေ။ ဤသည်မှာ လူတို့အပေါ် ကတိတော်များနှင့် ကောင်းကြီးမင်္ဂလာများ ပေးအပ်သည်မှာ ကောင်းကင်ဘုံရှိဘုရားသခင် မဟုတ်ဘဲ မြေကြီး ပေါ်ရှိဘုရားသခင် ဖြစ်သောကြောင့် ဖြစ်သည်။ လူတို့သည် ကောင်းကင်ဘုံရှိဘုရားသခင်အား အမြဲတမ်း ချဲ့ထွင်ခြင်းနှင့် မြေကြီးပေါ်ရှိ ဘုရားသခင်အား သာမန်ပုဂ္ဂိုလ်တစ်ဦးအဖြစ် မြင်ခြင်းတို့ကို မလုပ်သင့်ပေ။ ဤအရာသည် မတရားပေ။ ကောင်းကင်ဘုံရှိဘုရားသခင်သည် ကြီးမြတ်ပြီး အံ့သြဖွယ်ဖြစ်၍ အံ့သြဖွယ်သော ဉာဏ်ပညာရှိ၏၊ သို့သော်လည်း ဤအရာမှာ လုံးဝမတည်ရှိပေ။ မြေကြီးပေါ်ရှိဘုရားသခင်သည် အလွန်သာမန်ဖြစ်၍ ထူးခြားမှု မရှိပေ၊ သူသည် အလွန်ပုံမှန်ဖြစ်သောသူလည်း ဖြစ်သည်။ သူ၌ ထူးကဲသောစိတ် သို့မဟုတ် မြေကြီးကို တုန်လှုပ်စေသော လုပ်ဆောင်မှုများ မရှိပေ။ သူသည် အလွန်ပုံမှန်ဖြစ်ကာ လက်တွေ့ကျသောနည်းလမ်းအားဖြင့် အလုပ်လုပ်ခြင်းနှင့် ပြောဆိုခြင်းသာ ရှိသည်။ သူ သည် မုန်တိုင်းအားဖြင့်စကားပြောခြင်း သို့မဟုတ် လေနှင့်မိုးတို့အား ခေါ်ဖိတ်ခြင်းတို့ မရှိသော်လည်း သူသည် ကောင်းကင်ဘုံရှိဘုရားသခင်၏ လူ့ဇာတိခံယူခြင်း အမှန်တကယ်ဖြစ်ပြီး သူသည် လူသားများကြားတွင် နေထိုင်သော ဘုရားသခင် အမှန်တကယ်ဖြစ်သည်။ လူတို့သည် ၎င်းတို့နားလည်နိုင်၍ ဘုရားအဖြစ် ၎င်းတို့ ကိုယ်ပိုင်စိတ်ကူးများနှင့်ကိုက်ညီသော သူကို ပုံကြီးချဲ့ခြင်း သို့မဟုတ် ၎င်းတို့ လက်မခံနိုင်၍ လုံးဝ စိတ်ကူးမယဉ် နိုင်သောသူအား နှိမ့်ကျသူအဖြစ် မမြင်ရပေ။ ဤအရာအားလုံးသည် လူတို့၏ တော်လှန်ပုန်ကန်ခြင်း ဖြစ်သည်၊ ထိုအရာသည် လူသားမျိုးနွယ်၏ ဘုရားသခင်အား ခုခံခြင်း၏ မြစ်ဖျားခံရာအားလုံး ဖြစ်သည်။

အောက်ခြေမှတ်စု(များ)-

က။ မူလစာသားတွင် “ခိုင်မာသောယုကြည်ခြင်း” ဟူသောစကားစု မပါပါ။

ယခင်က:အရာအားလုံးကို ဘုရားသခင်၏ နှုတ်ကပတ်တော်ဖြင့် စွမ်းဆောင်ရရှိသည်

နောက်တစ်ခုသို့:စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ