အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်

အကယ်၍ သင်သည် ဘုရားသခင်ကို ယုံကြည်ပါက ဘုရားသခင်ကို သင်နာခံရမည်၊ သမ္မာတရားကို လက်တွေ့ကျင့်သုံးကာ သင်၏တာဝန်အားလုံးကို ကျေပွန်အောင်ထမ်းဆောင်ရမည်။ ထိုမျှမက သင်တွေ့ကြုံသင့်သော အမှုအရာများကို သင်နားလည်ရမည်။ အကယ်၍ သင်သည် ကိုင်တွယ်ဖြေရှင်းခြင်း၊ ဆုံးမပဲ့ပြင်ခြင်းနှင့် တရားစီရင်ခြင်းတို့ကိုသာ တွေ့ကြုံခံစားရသော်လည်း၊ ဘုရားသခင်နှင့် မွေ့လျော်နိုင်စွမ်းသာ ရှိသော်လည်း သင့်ကို ဘုရားသခင် ဆုံးမပဲ့ပြင်သည့်အခါ သို့မဟုတ် ကိုင်တွယ်ဖြေရှင်းသည့်အအခါ ယင်းကဲ့သို့ ခံနေရကြောင်း သတိပြုမိနိုင်စွမ်းမရှိပါက ဤအရာမှာ လက်ခံနိုင်သည့်အရာ မဟုတ်ပါ။ ဤကဲ့သို့ စစ်ဆေးသော ဖြစ်စဉ်တွင် သင်သည် မားမားမတ်မတ် ရပ်တည်နိုင်ကောင်း ရပ်တည်နိုင်မည်။ ဤအရာမှာ မလုံလောက်သေးပါ၊ သင်ရှေ့သို့ချီတက်ရမည်။ ဘုရားသခင်ကို ချစ်ခြင်း သင်ခန်းစာမှာ အဆုံးမဲ့ဖြစ်ပြီး ၎င်းတွင် မည်သည့်အခါမျှ အဆုံးမရှိပါ။ ဘုရားသခင်ကို ယုံကြည်ခြင်းမှာ အလွန်ရိုးရှင်းသည်ဟု လူတို့က မြင်ကြသော်လည်း လက်တွေ့ကျသော အတွေ့အကြုံအချို့ကို ၎င်းတို့ ရကြသည့်အခါ ဘုရားသခင်ကို ယုံကြည်ခြင်းမှာ လူတို့ ထင်ထားသကဲ့သို့ မရိုးရှင်းကြောင်း ၎င်းတို့ သဘောပေါက်လာကြသည်။ လူကို စစ်ဆေးရန် ဘုရားသခင်အမှုပြုသည့်အခါ လူသည် ထိခိုက်ခံစားရသည်၊ ဘုရားသခင်အပေါ် သူ၏ချစ်ခြင်း သာ၍ကြီးမားလာပြီး ဘုရားသခင်၏ တန်ခိုးကြီးမားမှုသည် သူ့အထဲတွင် ပို၍ ပေါ်ထွက်လာသည်။ အနည်းငယ်အစစ်ဆေးခံရသော လူသည် ဘုရားသခင်ကို အနည်းငယ်ချစ်ပြီး သူ့အထဲတွင် ဘုရားသခင်၏ တန်ခိုးကြီးမားမှုသည် အနည်းငယ် ပေါ်ထွက်မည်။ အစစ်ဆေးခံရခြင်းနှင့် နာကျင်ခြင်း ကြီးမားပြီး အညှဉ်းဆဲခံရခြင်း များလေ၊ ဘုရားသခင်ကိုချစ်သော သူ၏စစ်မှန်သည့်ချစ်ခြင်းမှာ ပို၍နက်ရှိုင်းလေ၊ ဘုရားသခင်အပေါ် ထားရှိသော သူ၏ယုံကြည်ခြင်း ပို၍စစ်မှန်လေဖြစ်ပြီး ဘုရားသခင်ကိုသိသော ပညာသည် ပို၍ နက်ရှိုင်းလာလေ ဖြစ်မည်။ ကြီးမားသော စစ်ဆေးခြင်းနှင့် နာကျင်ခြင်းကို သာမက များစွာ ကိုင်တွယ်ဖြေရှင်းခြင်းနှင့် ဆုံးမပဲ့ပြင်ခြင်းကို ခံရသောသူများ၌ ဘုရားသခင်အပေါ် နက်နက်နဲနဲ ချစ်သောချစ်ခြင်းရှိကာ ဘုရားသခင်အကြောင်းကို ထိုးထွင်းသိမြင်နိုင်ပြီး အလွန်လေးနက်သော ပညာရှိကြောင်း သင်၏အတွေ့အကြုံများထဲမှ သင်မြင်ရမည်။ ကိုင်တွယ်ဖြေရှင်းခြင်း မခံဖူးသေးသော သူများ၌ ရှိသောပညာမှာ အပေါ်ယံဖြစ်ပြီး ၎င်းတို့သည် “ဘုရားသခင် အလွန်ကောင်းမြတ်တယ်၊ လူတွေ သူနဲ့မွေ့လျော်နိုင်ဖို့အတွက် သူတို့အပေါ် ကျေးဇူးတော် သွန်းလောင်းပေးတယ်” ဟူ၍သာ ပြောနိုင်ကြသည်။ အကယ်၍ လူတို့သည် ကိုင်တွယ်ဖြေရှင်းခြင်းနှင့် ဆုံးမပဲ့ပြင်ခြင်းကို ခံဖူးပါက ၎င်းတို့သည် ဘုရားသခင်ကို သိသည့် မှန်သောပညာအကြောင်း ပြောနိုင်ကြမည်။ ထို့ကြောင့် လူအထဲ၌ ဘုရားသခင်ပြုသောအမှုသည် ပို၍အံ့သြဖွယ်ကောင်းလေ၊ ယင်းအမှုသည် သာ၍တန်ဖိုးရှိပြီး အဓိပ္ပာယ်ရှိလေဖြစ်သည်။ ဘုရားသခင်ပြုသောအမှုသည် သင့်အတွက် သာ၍ပိတ်ဆီးနေပြီး သင်၏အယူအဆများနှင့် သဟဇာတမဖြစ်လေ၊ ယင်းအမှုသည် သင့်ကို သိမ်းပိုက်ရန်၊ သင့်ကို ရရန်နှင့် သင့်ကို စုံလင်ခြင်းသို့ရောက်စေရန် ပို၍ပြုနိုင်စွမ်းရှိလေဖြစ်သည်။ ဘုရားသခင်ပြုသောအမှု၏အဓိပ္ပာယ်မှာ အင်မတန် ကြီးမားလေခြင်း။ အကယ်၍ ဘုရားသခင်သည် လူကို ဤနည်းဖြင့် မစစ်ဆေးပါက၊ အကယ်၍ သူသည် ဤနည်းလမ်းအတိုင်း အမှုမပြုပါက၊ သူပြုသောအမှုသည် မထိရောက်ဘဲ အဓိပ္ပာယ်ကင်းမဲ့နေမည်။ ဤအရာမှာ နောက်ဆုံးသော ကာလအတောအတွင်း သူ၏ လက်ရွေးစင် လူစုတစ်စုမှာ သာမန်ထက်ပို၍ အဓိပ္ပာယ်ပြည့်ဝနေသည့် နောက်ခံအကြောင်းရင်းဖြစ်သည်။ ဘုရားသခင်သည် ဤလူစုကို ရွေးကောက်ပြီး ရယူလိမ့်မည်ဟု ယခင်က ဆိုခဲ့ခြင်းဖြစ်သည်။ သင်တို့အထဲတွင် သာ၍ကြီးသောအမှုကို သူပြုလေ၊ သင်တို့၏ ချစ်ခြင်းသည် သာ၍နက်ရှိုင်းပြီး စင်ကြယ်လေဖြစ်သည်။ ဘုရားသခင်ပြုသောအမှု ပို၍ကြီးမားလေ၊ လူသည် သူ၏ ဉာဏ်ပညာကို ပို၍မြည်းစမ်းရလေဖြစ်ပြီး ဘုရားသခင်ကို သိသော သူ၏ပညာ သာ၍နက်ရှိုင်းလေ ဖြစ်သည်။ နောက်ဆုံးသော ကာလအတောအတွင်း ဘုရားသခင်၏ နှစ် ၆၀၀၀ စီမံခန့်ခွဲမှု အစီအစဉ်သည် ဆုံးခန်းသို့ ရောက်ရှိလာမည်။ ၎င်းအစီအစဉ်သည် ထိုကဲ့သို့ အလွန် လွယ်လွယ်ကူကူ ပြီးဆုံးသွားနိုင်ခြေ ရှိပါသလား။ လူသားမျိုးနွယ်ကို သူသိမ်းပိုက်ပြီးသည့်အခါ သူ၏ အမှု အဆုံးသတ်သွားမည်လား။ ၎င်းသည် အလွန် ရိုးရှင်းနိုင်ပါသလား။ လူတို့သည် ၎င်းမှာ အလွန် ရိုးရှင်းကြောင်း ထင်မြင်ကြသော်လည်း ဘုရားသခင် ပြုသောအရာမှာ ထိုမျှလောက် မရိုးရှင်းပါ။ ဘုရားသခင်ပြုသော အမှု၏ မည်သည့် အစိတ်အပိုင်း ဖြစ်ပါစေ ထိုအမှု အလုံးစုံမှာ လူ၏ ဉာဏ်မမီနိုင်။ သင်၏ဉာဏ်ဖြင့် စဉ်းစား၍မီနိုင်ခဲ့ပါက ဘုရားသခင်ပြုသောအမှုမှာ အဓိပ္ပာယ် သို့မဟုတ် တန်ဖိုး ကင်းမဲ့နေမည်။ ဘုရားသခင် ပြုခဲ့သောအမှုမှာ ဉာဏ်ဖြင့်စဉ်းစား၍ မမီနိုင်ပါ၊ သင်၏အယူအဆများနှင့် ဆန့်ကျင်ကွဲလွဲနေမည်ဖြစ်ပြီး သင်၏အယူအဆများနှင့် မတိုက်ဆိုင်လေ၊ ဘုရားသခင်၏အမှုမှာ ပို၍လေးနက်ကြောင်း ပြသလေဖြစ်သည်။ သင်၏အယူအဆများနှင့် သဟဇာတဖြစ်ပါက ၎င်းမှာ လေးနက်မှုရှိမည်မဟုတ်ပါ။ ဘုရားသခင်ပြုသောအမှုမှာ အလွန် အံ့သြဖွယ်ဖြစ်ကြောင်း သင်ယနေ့ခံစားရပြီ၊ ၎င်းမှာ ပို၍အံ့သြဖွယ်ကောင်းလေ ဘုရားသခင်မှာ ဉာဏ်ဖြင့်စဉ်းစား၍ မမီနိုင်လေဖြစ်ကြောင်း သင်ခံစားရလေဖြစ်ပြီး ဘုရားသခင်၏ လုပ်ဆောင်ချက်များမှာ မည်မျှပင် ကြီးမြတ်ကြောင်းကို သင်မြင်ရလေဖြစ်သည်။ အကယ်၍ ဘုရားသခင်သည် လူကို သိမ်းပိုက်ရန် အပေါ်ယံ၊ ဝတ်ကျေတမ်းကျေ အမှုအချို့ကိုသာ ပြုခဲ့ပါက၊ ပြုလည်းပြုခဲ့မည်ဆိုပါက လူသည် ဘုရားသခင်ပြုသောအမှု၏ အဓိပ္ပာယ်ကို ရှုမြင်နိုင်စွမ်း ရှိမည်မဟုတ်။ ယခု သင်သည် အနည်းငယ်သော စစ်ဆေးခြင်းကို ခံနေရသော်လည်း ၎င်းသည် သင်၏အသက်တာ ကြီးထွားရင့်ကျက်ရန်အတွက် များစွာအကျိုးပြုသည်။ ထို့ကြောင့် သင်တို့အတွက် ယင်းကဲ့သို့ ခက်ခဲမှုမျိုးမှာ မရှိမဖြစ်အလိုအပ်ဆုံး ဖြစ်သည်။ ယနေ့ သင်သည် အနည်းငယ်သော စစ်ဆေးခြင်းကို ခံရသော်လည်း သင်သည် ဘုရားသခင်၏ လုပ်ဆောင်ချက်များကို နောက်မှ စစ်မှန်စွာ ရှုမြင်ရလိမ့်မည်ဖြစ်ပြီး နောက်ဆုံးတွင် “ဘုရားသခင်ရဲ့ လုပ်ဆောင်ချက်တွေဟာ သိပ်အံ့သြဖွယ်ကောင်းပါလား” ဟု သင်ဆိုလိမ့်မည်။ ထိုစကားလုံးများသည် သင်၏ စိတ်နှလုံးထဲမှ စကားလုံးများ ဖြစ်လိမ့်မည်။ ဘုရားသခင်၏ စစ်ဆေးခြင်း (အစေခံသူများ ကြုံတွေ့ရသည့် စမ်းသပ်မှု[က]နှင့် ပြစ်တင်ဆုံးမသည့် အချိန်များ) ကို ခေတ္တခဏ ခံရပြီးသည့်အခါ လူအချို့က “ဘုရားသခင်ကို ယုံကြည်ရတာ တကယ် ခက်ခဲပါလား” ဟု အဆုံးတွင် ဆိုကြလိမ့်မည်။ ဤသို့ “ခက်ခဲပါလား” ဟုဆိုခြင်းမှာ ဘုရားသခင်၏ လုပ်ဆောင်ချက်များမှာ ဉာဏ်ဖြင့်စဉ်းစား၍ မမီနိုင်ကြောင်း၊ ဘုရားသခင်ပြုသောအမှုမှာ အလွန်အဓိပ္ပာယ်ရှိပြီး တန်ဖိုးရှိကြောင်းနှင့် လူအနေဖြင့် အလွန်အမြတ်တနိုး တန်ဖိုးထားရန် ထိုက်တန်ကြောင်း ပြသခြင်းဖြစ်သည်။ အကယ်၍ အမှုများစွာကို ငါပြုခဲ့ပြီးသည့်နောက်တွင်လည်း သင်၌ အနည်းငယ်မျှ ပညာမရှိပါက ငါ၏အမှုသည် တန်ဖိုးရှိဦးမည်လော။ ၎င်းသည် သင့်ကို “ဘုရားသခင်ကို အစေခံဖို့ သိပ်ခက်တယ်၊ ဘုရားသခင်ရဲ့ လုပ်ဆောင်ချက်တွေဟာ အလွန်အံ့သြဖွယ်ကောင်းတယ်၊ ဘုရားသခင်ဟာ တကယ်ပဲ ဉာဏ်ပညာရှိတယ်။ ကိုယ်တော်ဟာ အလွန်ချစ်ဖို့ကောင်းတယ်” ဟူ၍ ဆိုစေလိမ့်မည်။ အချိန်အတိုင်းအတာတစ်ခုအထိ သင်ကြုံတွေ့ခံစားရပြီးသည့်နောက်တွင် အကယ်၍ ယင်းကဲ့သို့ စကားလုံးများကို သင်ပြောနိုင်ပါက ၎င်းသည် သင်၏အထဲတွင် ဘုရားသခင်၏အမှုကို ရရှိပြီးကြောင်း သက်သေပြနေခြင်းဖြစ်သည်။ ဧဝံဂလိတရားကို ဖြန့်ရန်အတွက် တစ်နေ့တွင် သင်ပြည်ပ၌ ရောက်ရှိနေပြီး တစ်စုံတစ်ဦးက သင့်ကို “ဘုရားသခင်အပေါ် မိတ်ဆွေရဲ့ ယုံကြည်ခြင်းဟာ ဘယ်လိုမျိုးလဲ” ဟု မေးသည့်အခါ “ဘုရားသခင် လုပ်တဲ့အရာတွေက အလွန် အံ့သြချီးမွမ်းဖွယ်ကောင်းတယ်” ဟူ၍ သင်ပြောနိုင်လိမ့်မည်။ သင်ဤသို့ပြောသည်ကို သူတို့ မြင်လျှင်မြင်ချင်း သင့်အထဲ၌ တစ်စုံတစ်ခု ရှိကြောင်းနှင့် ဘုရားသခင်ပြုသော အမှုအရာများမှာ အမှန်တကယ်ပင် ဉာဏ်ဖြင့်စဉ်းစား၍ မမီနိုင်ကြောင်းကို သူတို့ ခံစားရလိမ့်မည်။ ဤသည်မှာ စစ်မှန်စွာ သက်သေခံခြင်း ဖြစ်သည်။ ဘုရားသခင်ပြုသောအမှုမှာ ဉာဏ်ပညာဖြင့် ပြည့်နှက်နေကြောင်းနှင့် သင့်အထဲ၌ သူပြုသောအမှုမှာ သင့်ကို အမှန်တကယ် လက်ခံယုံကြည်စေခဲ့ကြောင်းနှင့် သင်၏စိတ်နှလုံးကို သိမ်းပိုက်နိုင်ခဲ့ကြောင်း သင်ဆိုလိမ့်မည်။ ဘုရားသခင်သည် လူသားတို့၏ ချစ်ခြင်းထက် သာ၍ ထိုက်တန်ခြင်းကြောင့် သူ့ကို အစဉ်အမြဲ သင်ချစ်လိမ့်မည်။ အကယ်၍ ထိုအရာများကို သင်ပြောနိုင်ပါက လူတို့၏ စိတ်နှလုံးကို သင်လှုပ်ရှားစေနိုင်မည်။ ဤအရာအားလုံးမှာ သက်သေခံခြင်း ဖြစ်သည်။ အကယ်၍ သင်သည် ထူးကဲသော သက်သေခံတစ်ဦး ဖြစ်နိုင်ပါက၊ လူအများ မျက်ရည်ကျအောင် လှုပ်ရှားစေနိုင်ပါက၊ သင်သည် ဘုရားသခင်ကို ချစ်သောသူ အမှန်ဖြစ်ကြောင်း ပြသခြင်းဖြစ်သည်။ ထိုသို့ဖြစ်ရသည့် အကြောင်းမှာ သင်သည် ဘုရားသခင်အတွက် ချစ်ခြင်းမေတ္တာ သက်သေခံတစ်ဦးအဖြစ် နေနိုင်စွမ်းရှိပြီး ဘုရားသခင်ပြုသော အမှုအရာများသည် သင့်အားဖြင့် ဖော်ပြနိုင်ခြင်းကြောင့် ဖြစ်သည်။ ထို့အပြင် သင်ထုတ်ဖော်ပြသသည့် အမူအရာအားဖြင့် အခြားလူများသည် ဘုရားသခင်ပြုသော အမှုအရာများကို ရှာနိုင်မည်၊ ဘုရားသခင်နှင့် နဖူးတွေ့ဒူးတွေ့ ကြုံတွေ့နိုင်မည့်အပြင် ၎င်းတို့ ရောက်ရှိနေသော မည်သည့် ပတ်ဝန်းကျင်တွင်မဆို မြဲမြံစွာ ရပ်တည်နိုင်ကြလိမ့်မည်။ ဤနည်းဖြင့် သက်သေခံခြင်းသာလျှင် စစ်မှန်စွာ သက်သေခံခြင်း ဖြစ်ပြီး ဤအရာသည် ယခု သင့်ကို အတိအကျ တောင်းဆိုထားသောအရာ ဖြစ်သည်။ ဘုရားသခင်ပြုသော အမှုအရာများမှာ အလွန့်အလွန် တန်ဖိုးရှိပြီး လူတို့ အမြတ်တနိုးတန်ဖိုးထားရန် ထိုက်တန်ကြောင်း၊ ဘုရားသခင်သည် အလွန် မြတ်နိုးဖွယ်ဖြစ်ပြီး အလွန်ပေါကြွယ်ဝကြောင်း၊ သူသည် စကားပြောနိုင်သည်သာမက သူသည် လူတို့၏စိတ်နှလုံးကို ပို၍စစ်ဆေးနိုင်ကြောင်း၊ သူတို့အပေါ် ဝမ်းမြောက်ခြင်းကို ယူဆောင်လာနိုင်ကြောင်းနှင့် သူတို့အား ရနိုင်ကြောင်း၊ သိမ်းပိုက်နိုင်ကြောင်းနှင့် စုံလင်ခြင်းသို့ ရောက်စေနိုင်ကြောင်းကို သင်ပြောသင့်သည်။ သင်၏အတွေ့အကြုံအားဖြင့် ဘုရားသခင်သည် အလွန်ချစ်မြတ်နိုးဖွယ်ကောင်းကြောင်းကို သင်မြင်လာမည်။ ထို့ကြောင့် ယခု ဘုရားသခင်ကို မည်မျှလောက် သင်ချစ်သနည်း။ ထိုအရာများကို သင်၏စိတ်နှလုံးထဲမှ သင်အမှန်တကယ် ပြောနိုင်သလော။ ထိုစကားလုံးများကို သင်၏စိတ်နှလုံး အတွင်းဆုံးထဲမှ ထုတ်ပြောနိုင်ပါက သင်သက်သေခံနိုင်စွမ်းရှိလိမ့်မည်။ သင်၏အတွေ့အကြုံသည် ဤအဆင့်သို့ ရောက်ပြီးသည့်အခါ သင်သည် ဘုရားသခင်အတွက် သက်သေခံတစ်ဦး ဖြစ်နိုင်စွမ်းရှိပြီး သက်သေခံရန် အရည်အချင်း ပြည့်မီလိမ့်မည်။ အကယ်၍ သင်၏တွေ့ကြုံခြင်း၌ ဤအဆင့်ကို သင်မရောက်ပါက သင်သည် အလွန်အဝေးတွင် နောက်ကျနေမည်။ စစ်ဆေးရာတွင် လူတို့၌ အားနည်းချက် ရှိခြင်းမှာ ပုံမှန်ဖြစ်သော်လည်း စစ်ဆေးပြီးနောက် “ဘုရားသခင်ဟာ သူလုပ်တဲ့အလုပ်မှာ အလွန် ဉာဏ်အမြော်အမြင်ရှိပါလား” ဟု သင်ပြောသင့်သည်။ အကယ်၍ ဤအရာကို လက်တွေ့ကျကျ အမှန်တကယ် သင်အသိအမှတ်ပြုနိုင်ပါက၊ ၎င်းသည် အဖိုးထိုက်ပြီး သင်၏အတွေ့အကြုံမှာ တန်ဖိုးရှိသည်။

သင်ယခုမည်သည်ကို မီအောင်လိုက်နေသနည်း။ သင်မီအောင်လိုက်သင့်သည်မှာ ဘုရားသခင်၏ လုပ်ဆောင်ချက်များကို သင်ဖော်ပြနိုင်စွမ်း ရှိ မရှိ၊ သင်သည် ဘုရားသခင်ကို ထုတ်ဖော်ပြသနိုင်သူနှင့် ပေါ်လွင်စေသူ ဖြစ်နိုင် မဖြစ်နိုင်နှင့် သူ၏ အသုံးပြုခြင်းကို ခံရန် သင့်လျော်မှု ရှိ မရှိအပေါ်တွင် ဖြစ်သည်။ ဘုရားသခင်သည် သင့်ထဲတွင် အမှန်တကယ် မည်မျှ အမှုပြုခဲ့ပြီးပြီနည်း။ သင်မည်မျှမြင်ပြီးပြီနည်း၊ သင်မည်မျှတို့ထိခြင်းကို ခံခဲ့ပြီးပြီနည်း။ သင်မည်မျှကြုံတွေ့ခဲ့ပြီး မြည်းစမ်းပြီးပြီနည်း။ ဘုရားသခင်သည် သင့်ကို စမ်းသပ်ခဲ့ပြီးသည်ဖြစ်စေ၊ ကိုင်တွယ်ဖြေရှင်းခဲ့ပြီးသည် ဖြစ်စေ၊ ဆုံးမပဲ့ပြင်ခဲ့ပြီးသည်ဖြစ်စေ မပြီးသည်ဖြစ်စေ၊ မည်သည့်အမှုဖြစ်ပါစေ သူ၏လုပ်ရပ်များနှင့် သူ၏အမှုတို့ကို သင့်အပေါ်တွင် ပြုပြီးခဲ့ခြင်းဖြစ်သော်လည်း ဘုရားသခင်ကို ယုံကြည်သူတစ်ဦး အနေဖြင့်၊ ဘုရားသခင်၏ စုံလင်စေခြင်းနောက်သို့ မီအောင်လိုက်လိုသူ တစ်ဦးတစ်ယောက်အနေဖြင့် သင်သည် လက်တွေ့ကျသော သင်၏ကိုယ်ပိုင် အတွေ့အကြုံအားဖြင့် ဘုရားသခင်၏ လုပ်ရပ်တို့ကို ထုတ်ဖော်နိုင်စွမ်းရှိသလော။ ဤအရာအားဖြင့် သင်၏အသက်တာထဲတွင် ဘုရားသခင်ကို ရှင်ခွင့်ပေးနိုင်သလော။ လက်တွေ့ကျသော သင်၏ကိုယ်ပိုင် အတွေ့အကြုံအားဖြင့် အခြားသူများကို သင်ထောက်ပံ့ပေးနိုင်သလော၊ ဘုရားသခင်၏အမှုအတွက် သင့်ကိုယ်သင် အသုံးခံနိုင်သလော။ ဘုရားသခင်၏ လုပ်ရပ်များကို သက်သေခံနိုင်ရန်အတွက် သူ၏ လုပ်ရပ်များမှာ မည်သည်တို့ ဖြစ်ကြောင်းကို သင်ဖော်ပြနိုင်စွမ်းရှိရမည်၊ သင်၏အတွေ့အကြုံ၊ အသိပညာနှင့် သင် သည်းညည်းခံခဲ့သော ဒုက္ခဆင်းရဲအားဖြင့်သာ ထိုသို့သက်သေခံနိုင်စွမ်းရှိမည်။ သင်သည် ဘုရားသခင်၏ လုပ်ရပ်တို့ကို သက်သေခံသောသူတစ်ဦး ဖြစ်ပါသလား။ သင်၌ ဤသို့ ပြင်းပြသော ဆန္ဒရှိပါသလား။ အကယ်၍ သင်သည် သူ၏ နာမတော်ကို သက်သေခံနိုင်သောသူဖြစ်သည် သာမက သူ၏ လုပ်ရပ်တို့ကိုလည်း သက်သေခံနိုင်ပြီး သူ၏လူတို့ကို သူတောင်းဆိုသော ပုံသဏ္ဌာန်ဖြင့် အသက်ရှင်နေထိုင်နိုင်ပါက သင်သည် ဘုရားသခင်အတွက် သက်သေခံတစ်ဦးဖြစ်သည်။ အကယ်စင်စစ် သင်သည် ဘုရားသခင်အတွက် မည်သို့ သက်သေခံသနည်း။ ဘုရားသခင်ကို အသက်တာထဲ၌ ရှင်ခွင့်ပြုရန် ရှာဖွေခြင်းနှင့် တောင့်တခြင်း၊ သင်ပြောသော စကားများအားဖြင့် ဘုရားသခင်၏ လုပ်ရပ်တို့ကို ဖော်ပြခြင်း၊ သူ၏လုပ်ရပ်တို့ကို လူတို့အား သိစေခြင်းနှင့် မြင်စေခြင်းစသည့် အရာအားလုံးကို အမှန်တကယ် သင်ရှာဖွေပါက ဘုရားသခင်သည် သင့်ကို စုံလင်ခြင်းသို့ရောက်စေမည်။ အကယ်၍ ဘုရားသခင်အားဖြင့် စုံလင်ခံရခြင်းနှင့် နောက်ပိတ်ဆုံးတွင် ကောင်းချီးမင်္ဂလာကို ခံစားရရန်သာ ရှာဖွေပါက ဘုရားသခင်အပေါ် သင်၏ယုံကြည်ခြင်း ရှုထောင့်မှာ မဖြူစင်ပါ။ လက်တွေ့ဘဝထဲတွင် ဘုရားသခင်၏လုပ်ဆောင်ချက်များကို မည်သို့ မြင်ရရန်၊ သူ၏ အလိုတော်ကို သင့်အား သူဖွင့်ပြသောအခါ သူ့ကို မည်သို့ ကျေနပ်စေရန်တို့ကို သင်လိုက်လျှောက် အသက်ရှင်သင့်သည်၊ သူ၏အံ့သြကြီးမြတ်ခြင်းနှင့် ဉာဏ်ပညာကို မည်သို့ သက်သေခံရန်နှင့် သင့်အပေါ် သူ၏ဆုံးမပဲ့ပြင်ခြင်းနှင့် ကိုင်တွယ်ဖြေရှင်းခြင်းတို့ကို မည်သို့ ထင်ရှားစေရန် သင် ရှာဖွေသင့်သည်။ ထိုအရာအားလုံးမှာ သင်နားလည်သဘောပေါက်ရန် ယခု ကြိုးစားသင့်သော အရာများဖြစ်သည်။ အကယ်၍ သူသည် သင့်ကို စုံလင်စေပြီးနောက် ဘုရားသခင်အပေါ်ရှိသော သင်၏ချစ်ခြင်း တစ်ခုတည်းကြောင့် ဘုရားသခင်၏ဘုန်းတော်ထဲတွင် ပါဝင်နိုင်ပါက၊ ၎င်းမှာ မလုံလောက်သေးဘဲ ဘုရားသခင်၏ သတ်မှတ်ချက်များနှင့် မကိုက်ညီနိုင်သေးပါ။ သင်သည် ဘုရားသခင်၏ လုပ်ရပ်များကို သက်သေခံနိုင်ရန်၊ သူ၏ တောင်းဆိုချက်များကို ဖြည့်ဆည်းနိုင်ရန်နှင့် လူတို့အပေါ် သူပြုခဲ့ပြီးသောအမှုတို့ကို လက်တွေ့ကျသည့် နည်းလမ်းဖြင့် ကြုံတွေ့ခံစားနိုင်ရန် လိုအပ်သည်။ နာကျင်ခြင်းဖြစ်စေ၊ မျက်ရည်များဖြစ်စေ၊ သို့တည်မဟုတ် ဝမ်းနည်းခြင်းဖြစ်စေ သင်သည် အားလုံးကို လက်တွေ့ကျကျ ကြုံတွေ့ခံစားရမည်။ ဤသည်မှာ သင်သည် ဘုရားသခင်၏ သက်သေခံတစ်ဦး ဖြစ်စေရန်အတွက်ပင် ဖြစ်သည်။ မည်သည့်အရာ၏ တိကျသော အုပ်စိုးမှုအောက်တွင် သင်ယခုဒုက္ခဆင်းရဲခံနေရပြီး စုံလင်ခြင်းကို ရှာဖွေနေသနည်း။ ၎င်းမှာ ဘုရားသခင်အတွက် သက်သေခံရန်အလို့ငှာ ဖြစ်သလော။ ၎င်းမှာ ဇာတိ ကောင်းချီးမင်္ဂလာများရဖို့ သို့မဟုတ် အနာဂတ်တွင် တက်လမ်းများရဖို့ ဖြစ်သလော။ သင်၏ ရည်ရွယ်ချက်များ၊ စိတ်ပါဝင်စားမှုများနှင့် မီအောင်လိုက်မည့် ပုဂ္ဂိုလ်ရေးရာပန်းတိုင်များ အားလုံးကို တည့်မတ်မှန်ကန်စေရမည်ဖြစ်ပြီး သင်၏ကိုယ်ပိုင်ဆန္ဒဖြင့် ဦးဆောင်၍မရနိုင်ပါ။ အကယ်၍ လူတစ်ဦးသည် ကောင်းချီးမင်္ဂလာများကို လက်ခံရရှိရန်နှင့် သြဇာအာဏာဖြင့် စိုးစံရန်အတွက် စုံလင်ခြင်းကို ရှာဖွေပြီး အခြားသူတစ်ဦးမှာ ဘုရားသခင် ကျေနပ်စေရန်၊ ဘုရားသခင်၏ လုပ်ရပ်များကို စစ်မှန်စွာ သက်သေခံသောသူ ဖြစ်ရန်အတွက် စုံလင်ခြင်းနောက်သို့ မီအောင်လိုက်ပါက ယင်းလိုက်လျှောက်နည်း နှစ်မျိုးနှစ်စားထဲမှ မည်သည့်အမျိုးအစားကို သင်ရွေးချယ်မည်နည်း။ အကယ်၍ သင်သည် ပထမအမျိုးအစားကို ရွေးချယ်ပါက သင်သည် ဘုရားသခင်၏ စံချိန်များနှင့် အလွန်ဝေးကွာနေသေးသည်။ ငါ၏လုပ်ရပ်များကို စကြဝဠာ တစ်ဝှမ်းလုံးတွင် ရှင်းလင်းစွာ သိစေရန်နှင့် ငါသည် စကြဝဠာထဲတွင် ရှင်ဘုရင်အဖြစ် အုပ်စိုးမည်ဟု ငါယခင်ကပြောခဲ့ပြီ။ သို့သော်လည်း သင်တို့အား အပ်နှံထားသည့်အမှုအရာမှာ ဘုရားသခင်၏ လုပ်ဆောင်ချက်များကို သွား၍သက်သေခံရန် ဖြစ်သည်၊ သင်တို့ ရှင်ဘုရင်များ ဖြစ်စေရန်နှင့် စကြဝဠာတစ်ခုလုံးတွင် ထင်ရှားမြင်သာစေရန် မဟုတ်ပါ။ စကြာဝဠာတစ်ခုလုံး ဘုရားသခင်၏ လုပ်ဆောင်ချက်များဖြင့် ပြည့်နှက်ပါစေ။ ထိုလုပ်ဆောင်ချက်များကို လူတိုင်းမြင်ပြီး ၎င်းတို့ကို လက်ခံပါစေ။ ဤအရာမှာ ဘုရားသခင် ကိုယ်တော်တိုင်နှင့်ပတ်သက်၍ ဆိုခဲ့ခြင်းဖြစ်ပြီး လူသားများ လုပ်သင့်သည့်အရာမှာ ဘုရားသခင်အတွက် သက်သေခံရန်ဖြစ်သည်။ ယခု သင် ဘုရားသခင်အကြောင်းကို မည်မျှ သိသနည်း။ ဘုရားသခင်အကြောင်းကို သင်မည်မျှ သက်သေခံနိုင်သနည်း။ လူကို စုံလင်ခြင်းသို့ရောက်စေသည့် ဘုရားသခင်၏ ရည်ရွယ်ချက်မှာ အဘယ်နည်း။ ဘုရားသခင်၏အလိုတော်ကို သင်နားလည်သည့်အခါ သူ၏အလိုတော်အပေါ် အရေးထားကြောင်း သင်မည်သို့ပြသင့်သနည်း။ အကယ်၍ သင်သည် စုံလင်ခြင်းသို့ရောက်ရန် ဆန္ဒရှိပြီး သင်၏အသက်ရှင်နေထိုင်မှုအားဖြင့် ဘုရားသခင်၏ လုပ်ဆောင်ချက်များကို သက်သေခံလိုသော ဆန္ဒရှိပါက၊ အကယ်၍ သင်၌ လှုံ့ဆော်ပေးသော စွမ်းအားရှိပါက အလွန် ခက်ခဲလွန်းသည်ဆိုသော အမှုအရာ မရှိပါ။ လူတို့ ယခု လိုအပ်နေသောအရာမှာ စိတ်ချယုံကြည်မှု ဖြစ်သည်။ အကယ်၍ လှုံ့ဆော်ပေးသော ဤစွမ်းအား သင်၌ရှိပါက မည်သည့် အနုတ်လက္ခဏာဆောင်သောအရာ၊ မတုန်မလှုပ်ဖြစ်ခြင်း၊ ပျင်းရိခြင်းနှင့် ဇာတိအယူအဆများ၊ ဘဝအမြင်များ၊ ဆန့်ကျင်ပုန်ကန်တတ်သော စိတ်သဘောထား၊ စိတ်ခံစားချက်များနှင့် အစရှိသည်တို့ကိုမဆို စွန့်လွှတ်ရန် လွယ်ကူပါသည်။

စမ်းသပ်ခြင်းများကို ခံနေရသည့်အခါ လူတို့ အားနည်းတတ်ကြခြင်း သို့မဟုတ် ၎င်းတို့အထဲတွင် အနုတ်လက္ခဏာဆောင်သောအရာများ ရှိတတ်ခြင်း၊ သို့မဟုတ် ဘုရားသခင်၏အလိုတော် သို့မဟုတ် ၎င်းတို့လက်တွေ့လုပ်ဆောင်ရမည့် လမ်းကြောင်းနှင့်ပတ်သက်ပြီး ရှင်းလင်းမှုကင်းမဲ့နေခြင်းမှာ သာမန်ဖြစ်သည်။ သို့သော် မည်သည့်ကိစ္စတွင်မဆို ယောဘကဲ့သို့ ဘုရားသခင်ပြုသောအမှုထဲတွင် ယုံကြည်ခြင်း ရှိပြီး ဘုရားသခင်ကို မငြင်းပယ်ရန် လိုအပ်သည်။ ယောဘသည် ခွန်အားနည်းခဲ့ပြီး သူမွေးဖွားသည့်နေ့ရက်ကို ကျိန်ဆဲခဲ့သော်လည်း လူ့ဘဝတွင် အရာခပ်သိမ်းမှာ ယေဟောဝါက အပ်နှင်းထားခြင်းဖြစ်ကြောင်းနှင့် ယေဟောဝါသည် ထိုအရာခပ်သိမ်းကို ယူသွားနိုင်သော အရှင် ဖြစ်ကြောင်းကို သူမငြင်းခဲ့ပါ။ မည်မျှပင် စမ်းသပ်ခံခဲ့ရသော်လည်း ဤယုံကြည်ချက်ကို ယောဘ ဆုပ်ကိုင်ထားခဲ့သည်။ ဘုရားသခင်၏နှုတ်ကပတ်တော်မှ သင်ကြုံတွေ့ရသည့် အမှုအရာများထဲတွင် မည်သည့် စစ်ဆေးခြင်း အမျိုးအစားကိုမဆို သင်ဖြတ်ကျော်နေပါစေ ဘုရားသခင်သည် လူသားတို့၏ ယုံကြည်ခြင်းကို အလိုရှိသည်။ ဤနည်းဖြင့် စုံလင်ခံရသော အရာတို့မှာ လူတို့၏ယုံကြည်ခြင်းနှင့် ပြင်းပြသောဆန္ဒများ ဖြစ်ကြသည်။ သင်မထိတွေ့နိုင် သို့မဟုတ် မြင်နိုင်သည့်အခါ ယင်းအခြေအနေများအောက်တွင် သင်၏ယုံကြည်ခြင်း လိုအပ်သည်။ တစ်စုံတစ်ရာကို ပကတိမျက်စိဖြင့် မမြင်နိုင်သည့်အခါ လူတို့၏ယုံကြည်ခြင်း လိုအပ်ပြီး သင်၏ကိုယ်ပိုင် အယူအဆများကို သင်လက်မလွှတ်နိုင်သည့်အခါ သင်၏ယုံကြည်ခြင်း လိုအပ်သည်။ ဘုရားသခင်ပြုသောအမှုကို သင်နားမလည်သည့်အခါ လိုအပ်သောအရာမှာ သင်၏ ယုံကြည်ခြင်းဖြစ်ပြီး သင်ခိုင်ခံ့စွာရပ်တည်ရန်နှင့် သက်သေရပ်တည်ရန် ဖြစ်သည်။ ယောဘ ဤအဆင့်သို့ ရောက်သည့်အခါ ဘုရားသခင်သည် သူထံ၌ ပေါ်လာခဲ့ပြီး သူ့ကို စကားပြောခဲ့သည်။ တစ်နည်းအားဖြင့် ဘုရားသခင်ကို သင်မြင်နိုင်ခြင်းမှာ သင်၏ယုံကြည်ခြင်းအထဲမှသာ ဖြစ်ပြီး သင်၌ ယုံကြည်ခြင်းရှိသည့်အခါ ဘုရားသခင်သည် သင့်ကို စုံလင်စေမည်။ ယုံကြည်ခြင်းမရှိပါက သူသည် ဤအရာကို မလုပ်ပေးနိုင်ပါ။ ရရန် သင်မျှော်လင့်ထားသော အရာမှန်သမျှကို သင့်အပေါ် ဘုရားသခင် အပ်နှင်းလိမ့်မည်။ အကယ်၍ သင်၌ ယုံကြည်ခြင်း မရှိပါက သင်သည် စုံလင်ခြင်းသို့ မရောက်နိုင်ဘဲ ဘုရားသခင်၏ လုပ်ရပ်တို့ကို မြင်နိုင်စွမ်းရှိမည်မဟုတ်ပါ၊ သူ၏ အနန္တတန်ခိုးကို လုံးဝမြင်နိုင်မည် မဟုတ်။ သင်၌ ယုံကြည်ခြင်းရှိပြီး သူ၏လုပ်ရပ်တို့ကို သင်၏လက်တွေ့ အတွေ့အကြုံထဲတွင် သင်ထိတွေ့နိုင်သောအခါ ဘုရားသခင်သည် သင့်ထံပေါ်လာကာ သင့်ကို အလင်းဖွင့်ပြပြီး အတွင်းထဲမှ လမ်းပြပေးမည်။ ထိုကဲ့သို့ ယုံကြည်ခြင်းမပါဘဲ ဘုရားသခင်သည် ထိုအမှုအရာကို ပြုနိုင်မည် မဟုတ်ပါ။ အကယ်၍ သင်သည် ဘုရားသခင်အပေါ် မျှော်လင့်ခြင်း ဆုံးရှုံးသွားပါက သင်သူ့ကို မည်ကဲ့သို့ နဖူးတွေ့ဒူးတွေ့ ကြုံတွေ့နိုင်မည်နည်း။ ထိုအတွက်ကြောင့် သင်၌ ယုံကြည်ခြင်း ရှိသည့်အခါနှင့် ဘုရားသခင်အပေါ် သံသယများ မသိုထားသည့်အခါမှသာ၊ သူပြုသော မည်သည့်အမှုအရာတွင်မဆို သူ့အပေါ် စစ်မှန်သောယုံကြည်ခြင်း သင်၌ရှိသည့်အခါမှာသာ သင်၏ အတွေ့အကြုံများထဲတွင် သင့်ကို ဖွင့်ပြပေးပြီး အလင်းပေးမည်ဖြစ်သည်၊ ထိုအခါမှသာ သင်သည် သူ၏ လုပ်ရပ်များကို မြင်နိုင်စွမ်းရှိမည်။ ထိုအရာများ အားလုံးမှာ ယုံကြည်ခြင်းအားဖြင့်သာ ရယူနိုင်ပြီး ယုံကြည်ခြင်းသည် စစ်ဆေးခြင်းအားဖြင့်သာ ရနိုင်သည်၊ စစ်ဆေးခြင်း မရှိဘဲ ယုံကြည်ခြင်း တိုးပွားနိုင်မည် မဟုတ်။ ယုံကြည်ခြင်းဆိုသည်မှာ မည်သည်ကို ရည်ညွှန်းသနည်း။ ယုံကြည်ခြင်းဆိုသည်မှာ တစ်စုံတစ်ရာကို လူသားတို့ မမြင်နိုင် သို့မဟုတ် မတို့ထိနိုင်သည့်အခါတွင် လည်းကောင်း၊ ဘုရားသခင်ပြုသောအမှုသည် လူသားတို့၏ အယူအဆများနှင့် မကိုက်ညီသည့် အခါတွင်လည်းကောင်း၊ ၎င်းကို လူသားတို့ လက်လှမ်းမမီသည့်အခါတွင်လည်းကောင်း လူတို့၌ ရှိသင့်သော စစ်မှန်သော ယုံကြည်ချက်နှင့် ဟန်မဆောင်သောစိတ်နှလုံးကို ဆိုလိုသည်။ ဤအရာမှာ ငါပြောသော ယုံကြည်ခြင်း ဖြစ်သည်။ လူတို့သည် ဆင်းရဲဒုက္ခရောက်စဉ်၊ အစစ်ဆေးခံရစဉ် ယုံကြည်ခြင်း လိုအပ်ပြီး၊ ယုံကြည်ခြင်းနှင့်အတူ စစ်ဆေးခြင်း ယှဉ်တွဲ၍လာသည်။ ၎င်းတို့ကို ခွဲခြား၍မရပါ။ ဘုရားသခင် မည်သို့ပင် အမှုပြုသည်ဖြစ်စေ၊ မည်သည့် ပတ်ဝန်းကျင်အမျိုးအစား၌ သင်ရှိနေသည်ဖြစ်စေ၊ သင်သည် အသက်ကို မီအောင်လိုက်နိုင်လိမ့်မည်၊ သင့်အထဲ၌ ဘုရားသခင်ပြုသောအမှု၏ တိုးတက်ပြောင်းလဲမှုကို မီအောင်လိုက်နိုင်ကာ သမ္မာတရားကို မီအောင်လိုက်နိုင်လိမ့်မည်။ ဘုရားသခင်ပြုသော အမှုအရာများကို သင် နားလည်ကာ သမ္မာတရားနှင့်အညီ သင် ကျင့်ကြံပြုမူနိုင်လိမ့်မည်။ ဤအရာမှာ သင်၏စစ်မှန်သော ယုံကြည်ခြင်း ဖြစ်ပြီး သင်သည် ဘုရားသခင်အပေါ် မျှော်လင့်ခြင်း မပျောက်ပြယ်သွားကြောင်း ဤအရာက ပြသပါသည်။ စစ်ဆေးခြင်းထဲတွင် သမ္မာတရားကို သင်ဆက်လက်ရှာဖွေပြီး ဘုရားသခင်ကို စစ်မှန်စွာ သင်ချစ်မြတ်နိုးနိုင်ကာ သူ့အပေါ် သံသယစိတ်များ တိုးပွားလာလိမ့်မည် မဟုတ်။ မည်သည့်အမှုကို သူပြုသည်ဖြစ်စေ၊ သူ့ကို ကျေနပ်စေရန် သင်သည် သမ္မာတရားကို လက်တွေ့ ဆက်လက်ကျင့်ကြံကာ သင်သည် သူ၏အလိုတော်ကို အလေးအနက်ထား ရှာဖွေပြီး သူ၏အလိုအတော်ကို အရေးထားလာလိမ့်မည်။ ဤအရာသည်သာလျှင် ဘုရားသခင်အပေါ် စစ်မှန်သောယုံကြည်ခြင်း ဖြစ်သည်။ ယခင်က သင်သည် ရှင်ဘုရင်တစ်ပါးအဖြစ် အုပ်စိုးလိမ့်မည်ဟု ဘုရားသခင် ပြောခဲ့စဉ်အခါက သင်သည် သူ့ကို ချစ်မြတ်နိုးခဲ့ပြီး သူသည် မိမိကိုယ်ကိုမိမိ သင့်ထံ အတိအလင်း ထင်ရှားပြသည့်အခါ သူ့နောက်သို့ သင်လိုက်လျှောက်ခဲ့သည်။ သို့သော်လည်း ယခုအခါ ဘုရားသခင်သည် ပုန်းကွယ်နေပြီး သူ့ကို သင်မမြင်နိုင်သည့်အခါ သင်ဒုက္ခလှလှ တွေ့လေပြီ။ ဤအချိန်တွင် ဘုရားသခင်အပေါ် သင်၏မျှော်လင့်ခြင်း ပျက်ပြယ်ပြီလား။ ထို့ကြောင့် အချိန်တိုင်းတွင် သင်သည် အသက်ကို မီအောင်လိုက်၍ ဘုရားသခင်၏ အလိုတော်ကို ကျေနပ်စေရန် ကြိုးထုတ်ရမည်ဖြစ်သည်။ ဤအရာကို စစ်မှန်သော ယုံကြည်ခြင်းဟုခေါ်ပြီး ၎င်းသည် အမှန်ကန်ဆုံးနှင့် အလွန်အလှပဆုံးသော ချစ်ခြင်းမေတ္တာအမျိုးအစား ဖြစ်သည်။

လူအားလုံးသည် ဘုရားသခင်၏ ရှေ့မှောက်၌ ၎င်းတို့၏စိတ်ဆုံးဖြတ်ချက်များကို ချမှတ်ကာ “ဘုရားသခင်ကို ဘယ်သူမှ မချစ်လဲ ငါကတော့ သူ့ကို ချစ်ရမယ်” ဟု ပြောခဲ့ဖူးကြသည်။ သို့သော် ယခုအခါ သင်သည် စစ်ဆေးခြင်းကို ကြုံရလေပြီ။ ၎င်းသည် သင်၏အယူအဆများနှင့် တစ်ထပ်တည်းမကျသဖြင့် သင် ဘုရားသခင်အပေါ် ယုံကြည်ခြင်း ပျက်ပြယ်လာသည်။ ဤအရာသည် စစ်မှန်သော ချစ်ခြင်းမေတ္တာဖြစ်သလော။ ယောဘ၏ လုပ်ဆောင်ချက်များအကြောင်းကို သင် အကြိမ်ပေါင်းများစွာ ဖတ်ခဲ့ပြီးပြီ၊ ထိုအကြောင်းကို သင်မေ့သွားပြီလော။ ယုံကြည်ခြင်းအထဲမှသာ စစ်မှန်သောချစ်ခြင်းမေတ္တာသည် ရုပ်လုံးပေါ်လာနိုင်သည်။ သင်ကြုံတွေ့သော စစ်ဆေးခြင်းများအားဖြင့် ဘုရားသခင်အပေါ် စစ်မှန်သော ချစ်ခြင်းမေတ္တာ တိုးပွားလာသည်၊ သင်၏အတွေ့အကြုံ အစစ်အမှန်များထဲမှ သင်၏ယုံကြည်ခြင်းအားဖြင့် ဘုရားသခင်၏အလိုတော်ကို သင်အရေးထားတတ်လာပြီး သင်၏ယုံကြည်ခြင်းအားဖြင့် သင်၏ ကိုယ်ပိုင် သွေးသားဇာတိကို စွန့်လွှတ်ကာ အသက်ကို မီအောင်လိုက်တတ်လာသည်၊ ဤအရာမှာ လူတို့ ပြုသင့်သော အရာဖြစ်သည်။ အကယ်၍ ဤအရာကို ပြုပါက သင်သည် ဘုရားသခင်၏ လုပ်ရပ်များကို မြင်နိုင်သော်လည်း သင်၌ ယုံကြည်ခြင်းမရှိပါက သင်သည် ထိုသို့ပြုနိုင်မည်မဟုတ်ဘဲ သူပြုသော အမှုအရာကို ကြုံတွေ့ခံစားနိုင်မည်မဟုတ်။ အကယ်၍ ဘုရားသခင်၏ အသုံးပြုခြင်းကို သင်ခံလိုပြီး စုံလင်ခြင်းသို့ ရောက်လိုပါက သင်၌ ဒုက္ခဆင်းရဲခံလိုစိတ်၊ ယုံကြည်လိုစိတ်၊ သည်းခံလိုစိတ်၊ နာခံလိုစိတ် သာမက ဘုရားသခင်ပြုသောအမှုကို ကြုံတွေ့ခံစားနိုင်စွမ်း၊ သူ၏အလိုတော်ကို နားလည်သဘောပေါက်နိုင်စွမ်းနှင့် သူ၏ဝမ်းနည်းပူဆွေးခြင်းကို အရေးထားလိုစိတ် စသည့် အရာအလုံးစုံကို ပိုင်ဆိုင်ရမည်။ လူတစ်ဦး စုံလင်ခြင်းသို့ ရောက်စေရန်မှာ မလွယ်ကူဘဲ သင် ကြုံတွေ့ရသော စစ်ဆေးခြင်းတစ်ခုစီတိုင်းတွင် သင်၏ယုံကြည်ခြင်းနှင့် ချစ်ခြင်းမေတ္တာကို လိုအပ်သည်။ အကယ်၍ ဘုရားသခင်ပြုသော စုံလင်ခြင်းသို့ သင်ရောက်လိုပါက ထိုသို့ရောက်ရန် အပြင်သို့ထွက်၍ လိုက်လံရှာဖွေရုံနှင့် ဘုရားသခင်အတွက် သင့်ကိုယ်သင် အသုံးခံရုံမျှဖြင့်လည်း မလုံလောက်ပါ။ စုံလင်ခြင်းသို့ ရောက်ရန်အလို့ငှာ ဘုရားသခင်ပြုပေးသော သူတစ်ဦးဖြစ်လာရန် သင်၌ အရာများစွာကို ပိုင်ဆိုင်ရမည်။ ဒုက္ခဆင်းရဲများနှင့် သင်ရင်ဆိုင်ရသည့်အခါ သွေးသားဇာတိအတွက် ထည့်သွင်းစဉ်းစားခြင်း မပြုရဘဲ ဘုရားသခင်ကို မကျေနပ်ကြောင်း ညည်းညူခြင်း မပြုရ။ ဘုရားသခင်သည် သင်မမြင်စေရန် သူ့ကိုယ်သူ ပုန်းကွယ်နေသည့်အခါ သူ့နောက်သို့ လိုက်ရန်၊ သင်၏ရှေ့ဦးမေတ္တာကို မတုံ့ဆိုင်းစေဘဲ သို့မဟုတ် မပျောက်ကွယ်စေဘဲ ၎င်းမေတ္တာကို ဆက်လက်ဆုပ်ကိုင်ထားရန် သင်၌ ယုံကြည်ခြင်းရှိရမည်။ ဘုရားသခင် မည်သည့်အရာကိုမဆို ပြုသည်ဖြစ်စေ သင်သည် သူ၏ အစီအစဉ်ကို ကျိုးနွံနာခံရကာ သူ့ကို မကျေနပ်ကြောင်း ညည်းညူမည့်အစား သင်၏ သွေးသားဇာတိကို ကိုယ်တိုင် ကျိန်ဆဲရန် ပို၍အလိုရှိရမည်။ စမ်းသပ်မှုများကို သင်ရင်ဆိုင်ရသည့်အခါ သင်မြတ်နိုးသောတစ်စုံတစ်ရာကို စွန့်ရန် သို့မဟုတ် ခါးသီးစွာ ငိုကြွေးရန် ဝန်လေးနေပါစေ ဘုရားသခင်ကို သင်ကျေနပ်စေရမည်။ ဤအရာကိုသာလျှင် စစ်မှန်သောချစ်ခြင်းမေတ္တာနှင့် ယုံကြည်ခြင်းဟု ခေါ်နိုင်သည်။ သင်၏ ဝိညာဉ်အသက်တာမှာ မည်သည့် အသက်တာဖြစ်ပါစေ၊ သင်၌ ဆင်းရဲဒုက္ခခံလိုစိတ် သာမက မှန်သောယုံကြည်ခြင်း ဦးစွာ ပိုင်ဆိုင်ရမည်ဖြစ်ပြီး သင်၌ သွေးသားဇာတိကို စွန့်လွှတ်လိုစိတ်ရှိရမည်။ ဘုရားသခင်၏အလိုတော်ကို ကျေနပ်စေနိုင်ရန်အတွက် ဆင်းရဲဒုက္ခများကို ကိုယ်တိုင်ကိုယ်ကျ ကြံ့ကြံ့ခံလိုစိတ်နှင့် သင်၏ပုဂ္ဂိုလ်ရေးရာအကျိုးအမြတ်များအား လက်လွှတ်ဆုံးရှုံးခြင်းကို ခံလိုစိတ် သင်၌ ရှိသင့်သည်။ အတိတ်တွင် ဘုရားသခင်ကို သင်မကျေနပ်စေနိုင်ခဲ့ခြင်းကြောင့် သင့်ကိုယ်သင် နောင်တရသည့် စိတ်နှလုံးလည်း သင်၌ ရှိရမည်ဖြစ်ပြီး သင့်ကိုယ်သင် ယခု နောင်တရတတ်ရန် လိုအပ်သည်။ ထိုအရာများထဲမှ တစ်စုံတစ်ခု ကင်းမဲ့နေခြင်း မရှိရမည့်အပြင် ဘုရားသခင်သည် ထိုအရာများအားဖြင့် သင့်ကို စုံလင်ခြင်းသို့ ရောက်စေလိမ့်မည်။ အကယ်၍ သင်၌ ထိုသတ်မှတ်ချက်များ ကင်းမဲ့နေပါက စုံလင်ခြင်းသို့ သင်ရောက်နိုင်မည်မဟုတ်။

ဘုရားသခင်ကို အစေခံသောသူ တစ်စုံတစ်ဦးသည် ဘုရားသခင်အဖို့အလို့ငှါ မည်သို့ ဒုက္ခခံမည်ကို သိသင့်ရုံမျှမက ဘုရားသခင်ကို ယုံကြည်ခြင်းဆိုသည်မှာ သူ့ကို ချစ်ရန် ရှာဖွေခြင်းအတွက်လည်း ဖြစ်သည်ကို ၎င်းတို့ နားလည်သင့်ကြောင်းကို ယခုအခါ လူအားလုံး မြင်ခဲ့ကြပြီဖြစ်သည်။ သင့်ကို ဘုရားသခင် အသုံးပြုခြင်းမှာ သင့်ကို စစ်ဆေးရုံ သို့မဟုတ် သင်ကို ဒုက္ခခံစေရုံသာ မဟုတ်ဘဲ သူ၏လုပ်ရပ်များကို သင်သိစေရန်၊ လူ့ဘဝ၏ အဓိပ္ပာယ်အမှန်ကို သိစေရန်နှင့် ဘုရားသခင်ကိုအစေခံခြင်းမှာ လွယ်သောအလုပ်မဟုတ်ကြောင်းကို အထူးသဖြင့် သိစေရန် ဖြစ်သည်။ ဘုရားသခင်ကို နဖူးတွေ့ဒူးတွေ့ ကြုံတွေ့ခြင်းဆိုသည်မှာ ကျေးဇူးတော်ကို ခံစားခြင်းအကြောင်း မဟုတ်ဘဲ သူ့ကို သင်ချစ်သည့်အတွက်ကြောင့် ဒုက္ခခံခြင်းအကြောင်း ဖြစ်သည်။ သင်သည် ဘုရားသခင်၏ကျေးဇူးတော်ကို ခံစားရသည့်အတွက် သူ၏ပြစ်တင်ဆုံးမခြင်းကိုလည်း ခံတတ်ရမည်၊ ထိုအရာအလုံးစုံကို သင်ကြုံတွေ့ရမည်။ သင့်အထဲတွင် ဘုရားသခင်၏ အလင်းဖွင့်ပြခြင်းကို သင်ကြုံတွေ့ခံစားနိုင်ပြီး သင့်ကို ကိုင်တွယ်ဖြေရှင်းခြင်းနှင့် သူ၏ တရားစီရင်ခြင်းဖြင့်လည်း သူ့ကို နဖူးတွေ့ဒူးတွေ့ ကြုံတွေ့နိုင်သည်။ ထိုနည်းဖြင့် သင်သည် အဘက်ဘက်ကို ကြုံတွေ့မည်ဖြစ်သည်။ ဘုရားသခင်သည် သင့်အပေါ်၌ တရားစီရင်ခြင်းအမှုကို ပြုခဲ့ပြီးသည် သာမက သင့်အား ပြစ်တင်ဆုံးမခြင်းအမှုကိုလည်း ပြုခဲ့ပြီးပြီဖြစ်သည်။ ဘုရားသခင်၏ နှုတ်ကပတ်တော်သည် သင့်ကို ကိုင်တွယ်ဖြေရှင်းခဲ့ပြီးသော်လည်း ၎င်းသည် သင့်ကို ဖွင့်ပြခဲ့ပြီး အလင်းပေးခဲ့ပြီးဖြစ်သည်။ သင်ထွက်ပြေးလိုသည့်အခါ ဘုရားသခင်၏ လက်တော်သည် သင့်ကို ဆက်၍ ဆွဲကိုင်ထားမည်ဖြစ်သည်။ ဤအမှုအားလုံး၏ ရည်ရွယ်ချက်မှာ လူနှင့်ပတ်သက်သော အမှုအရာမှန်သမျှသည် ဘုရားသခင်၏ သနားခြင်းကရုဏာတော်ကြောင့်သာ ဖြစ်ကြောင်းကို သင်သိစေရန်ဖြစ်သည်။ ဘုရားသခင်ကို ယုံကြည်ခြင်းဆိုသည်မှာ ဒုက္ခခံခြင်း၊ သို့မဟုတ် သူ့အတွက် များစွာလုပ်ဆောင်ခြင်း၊ သို့မဟုတ် သင်၏သွေးသားဇာတိ ငြိမ်သက်ခြင်းရရန်၊ သို့မဟုတ် သင့်အတွက် အရာခပ်သိမ်း အဆင်ပြေချောမွေ့စေရန်၊ အရာခပ်သိမ်း သက်တောင့်သက်သာရှိစေရန် ဖြစ်သည်ဟု သင်ထင်ကောင်းထင်နိုင်သော်လည်း ထိုအရာများသည် ဘုရားသခင်ကို ယုံကြည်ရန်အတွက် လူတို့၌ ရှိသင့်သော ရည်ရွယ်ချက်များ မဟုတ်ပါ။ အကယ်၍ ထိုအရာမှာ သင် ယုံကြည်သောအရာဖြစ်ပါက သင်၏အမြင်မှာ မမှန်ကန်ဘဲ သင်သည် စုံလင်ခြင်းသို့ အကယ်ပင် ရောက်နိုင်မည်မဟုတ်။ ဘုရားသခင်၏လုပ်ရပ်များ၊ ဘုရားသခင်၏ဖြောင့်မတ်သော စိတ်သဘောထား၊ သူ၏ဉာဏ်ပညာ၊ သူ၏နှုတ်ကပတ်တော်နှင့် သူ၏အံ့သြကြီးမြတ်ခြင်းနှင့် လူ၏ဉာဏ်ဖြင့်စဉ်းစား၍ မမီနိုင်ခြင်းစသည်တို့မှာ လူတို့ နားလည်သင့်သော အရာအားလုံး ဖြစ်သည်။ ဤနားလည်မှုကို အသုံးပြုကာ ပုဂ္ဂိုလ်ရေးရာ တောင်းခံချက်များ သာမက သင်၏စိတ်နှလုံးထဲမှ တစ်ဦးတစ်ယောက်စာ မျှော်လင့်ချက်များနှင့် အယူအဆများကို ရှင်းထုတ်လိုက်ပါ။ ထိုအရာများကို သင်သုတ်သင်ဖယ်ရှင်းလိုက်ခြင်းဖြင့်သာ ဘုရားသခင် တောင်းဆိုထားသော သတ်မှတ်ချက်များကို သင်ပြည့်မီနိုင်မည်။ ဤအရာအားဖြင့်သာ သင်အသက်ကိုရကာ ဘုရားသခင်ကို ကျေနပ်စေနိုင်မည်။ ဘုရားသခင်ကို ယုံကြည်ခြင်းဆိုသည်မှာ သူ့ကို ကျေနပ်စေရန်နှင့် သူသတ်မှတ်ထားသော စိတ်သဘောထားဖြင့် အသက်ရှင်နေထိုင်ရန်အတွက် ဖြစ်သည်၊ ထိုမှသာ သူ၏လုပ်ရပ်များနှင့် ဘုန်းတော်သည် မထိုက်တန်သော ဤလူအုပ်စုအားဖြင့် ထင်ရှားကောင်းထင်ရှားနိုင်ပါမည်။ ထိုအရာမှာ ဘုရားသခင်ကို ယုံကြည်ခြင်းအတွက် မှန်သော အမြင်ဖြစ်ပြီး သင်ရှာဖွေသင့်သော ပန်းတိုင်လည်း ဖြစ်သည်။ ဘုရားသခင်ကို ယုံကြည်သည့်အရာတွင် သင်၌ မှန်ကန်သော သဘောထားရှိသင့်ပြီး ဘုရားသခင်၏နှုတ်ကပတ်တော်ကို ခံရရန် ရှာဖွေသင့်ပါသည်။ သင်သည် ဘုရားသခင်၏နှုတ်ကပတ်တော်ကို စားသောက်ရန်နှင့် သမ္မာတရားဖြင့် အသက်ရှင်နေထိုင်နိုင်ရန် လိုအပ်ပြီး အထူးသဖြင့် သူ၏လက်တွေ့လုပ်ဆောင်ချက်များကို မြင်ရန်၊ စကြဝဠာတစ်ဝှမ်းလုံးတွင် သူ၏ အံ့သြဖွယ်ကောင်းသော လုပ်ဆောင်ချက်များကို မြင်ရန် သာမက သွေးသားဇာတိထဲတွင် သူလက်တွေ့ပြုသောအမှုတို့ကို မြင်ရန် လိုအပ်သည်။ လူတို့၏ အတွေ့အကြုံ အစစ်အမှန်များအားဖြင့် ၎င်းတို့သည် ၎င်းတို့အပေါ်၌ ဘုရားသခင်သည် သူ၏အမှုကို မည်ကဲ့သို့ ပြုကြောင်းနှင့် ၎င်းတို့အတွက် သူ၏အလိုတော်မှာ အဘယ်သို့ ဖြစ်ကြောင်းကို အသိအမှတ် ပြုနိုင်မည်။ ခပ်သိမ်းသော ဤအမှုတို့မှာ သူတို့၏ စာတန်နှင့်စပ်ဆိုင်သော ဖောက်ပြန်ပျက်စီးနေသည့် စိတ်သဘောထားကို သုတ်သင်ဖယ်ရှားပစ်ရန် ဖြစ်သည်။ သင့်အထဲမှ မသန့်ရှင်းခြင်းနှင့် မဖြောင့်မတ်ခြင်းကို သင့်ကိုယ်သင် ဖယ်ရှားပါ၊ သင်၏ မှားယွင်းသော ရည်ရွယ်ချက်များကို ခွာချပါ၊ ထို့နောက် သင်၌ ဘုရားသခင်အပေါ် မှန်သောယုံကြည်ခြင်း တိုးပွားလာနိုင်ပါသည်။ မှန်သော ယုံကြည်ခြင်းရှိမှသာ ဘုရားသခင်ကို သင်အမှန်တကယ် ချစ်နိုင်မည်။ သင်သည် ဘုရားသခင်ထဲ၌ ရှိသော ယုံကြည်ခြင်း အုတ်မြစ်ဖြင့်သာ သူ့ကို စစ်မှန်စွာ ချစ်နိုင်မည်။ သင်သည် ဘုရားသခင်ကို မယုံကြည်ဘဲ သူ့ကို ချစ်တတ်လာနိုင်သလော။ သင်သည် ဘုရားသခင်ကို ယုံကြည်သည့်အတွက် ၎င်းအရာနှင့်ပတ်သက်၍ သင်ယောင်ချာချာမဖြစ်ရ။ လူအချို့တို့သည် ဘုရားသခင်ကို ယုံကြည်ခြင်းဖြင့် သူတို့ထံ ကောင်းချီးမင်္ဂလာများ ရောက်ရှိလာကြောင်းကို မြင်လျှင်မြင်ချင်း စိတ်အားထက်သန်မှုဖြင့် ပြည့်ဝလာကြသော်လည်း စစ်ဆေးခြင်းများကိုလည်း ခံစားရမည် ဖြစ်ကြောင်းကို ၎င်းတို့ မြင်လျှင်မြင်ချင်း အားအင်အလုံးစုံ ကုန်ခန်းပျောက်ပြယ်သွားတတ်ကြသည်။ ထိုအရာမှာ ဘုရားသခင်ကို ယုံကြည်ခြင်း ဖြစ်သလော။ အဆုံးတွင် ဘုရားသခင်ကို ယုံကြည်ခြင်းဆိုသည်မှာ သူ၏ရှေ့မှောက်တွင် လုံးလုံးလျားလျား အကြွင်းမဲ့ နာခံခြင်းအကြောင်းပင် ဖြစ်သည်။ သင်သည် ဘုရားသခင်ကို ယုံကြည်သော်လည်း သူ့ကို ဆက်လက် တောင်းဆိုစရာများ ရှိသေးသည်၊ သင်မစွန့်ပယ်နိုင်သော ဘာသာရေးအယူအဆများစွာ၊ သင်လက်မလွှတ်နိုင်သော ပုဂ္ဂိုလ်ရေးရာ အကျိုးအမြတ်များ ရှိနေသေးပြီး သွေးသားဇာတိ ကောင်းချီးမင်္ဂလာများကို ဆက်လက် ရှာဖွေကာ သင်၏သွေးသာဇာတိကို ဘုရားသခင်က ကယ်မစေရန်၊ သင်၏စိတ်ဝိညာဉ်ကို ကယ်တင်စေရန် အလိုရှိနေသေးသည်။ ထိုအရာအားလုံးမှာ မှားယွင်းသောအမြင်ရှိသော လူများ၏ ဖော်ပြချက်များပင် ဖြစ်သည်။ ဘာသာရေးအယူဝါဒများရှိသော လူတို့သည် ဘုရားသခင်ကို ယုံကြည်ကြသော်လည်း ၎င်းတို့သည် စိတ်သဘောထား ပြောင်းလဲရန်အတွက် မရှာဖွေကြ၊ ဘုရားသခင်ကို သိသောပညာကို လေ့လိုက်လိုက်စားခြင်းမရှိကြဘဲ ၎င်းတို့၏သွေးသားဇာတိ အကျိုးအမြတ်တို့ကိုသာ ရှာဖွေကြသည်။ သင်တို့အထဲမှ များစွာတို့သည် ဘာသာရေးခံယူချက် အတန်းအစားထဲတွင်ရှိသော ယုံကြည်ခြင်းများ ရှိကြသည်။ ထိုအရာမှာ ဘုရားသခင်ကို အမှန်တကယ် ယုံကြည်ခြင်း မဟုတ်ပါ။ ဘုရားသခင်ကို ယုံကြည်ရန်အတွက် လူတို့၌ ဘုရားသခင်အတွက် ဒုက္ခခံလိုသော စိတ်နှလုံးကို ပိုင်ဆိုင်ရမည်ဖြစ်ပြီး ၎င်းတို့ကိုယ်ကို လက်လျှော့လိုစိတ် ရှိရမည်။ ၎င်းတို့ ထိုသတ်မှတ်ချက် နှစ်ချက်နှင့် မပြည့်မီသ၍ ၎င်းကို ဘုရားသခင်အား ယုံကြည်ခြင်းဟု မသတ်မှတ်နိုင်ဘဲ ၎င်းတို့သည် စိတ်သဘောထား ပြောင်းလဲခြင်းကို ရနိုင်ကြမည်မဟုတ်။ သမ္မာတရားကို စင်စစ် ရှာဖွေသောလူများ၊ ဘုရားသခင်ကို သိသောပညာကို ရှာဖွေပြီး အသက်ကို မီအောင်လိုက်သောလူများသာလျှင် ဘုရားသခင်ကို အမှန်တကယ် ယုံကြည်သောသူများ ဖြစ်ကြသည်။

သင့်အပေါ် စမ်းသပ်မှုများ ရောက်လာသည့်အခါ ၎င်းစမ်းသပ်မှုများကို ရင်ဆိုင်ရန် ဘုရားသခင် ပြုသောအမှုကို မည်ကဲ့သို့ သင်ပေါင်းစပ်မည်နည်း။ သင်အနုတ်လက္ခဏာဆန်သွားမည်လော သို့မဟုတ် လူသားမျိုးနွယ်အပေါ် ဘုရားသခင်၏ စစ်ဆေးခြင်းကို အပြုသဘောဆောင်သည့် ရှုထောင့်မှနေ၍ သင်နားလည်လိမ့်မည်လော။ သင်၏စစ်ဆေးခြင်းများအားဖြင့် သင်မည်သည်တို့ကို ရနိုင်သနည်း။ ဘုရားသခင်ကို သင်ချစ်သောချစ်ခြင်း ကြီးထွားလာမည်လော။ စစ်ဆေးခြင်းကို သင်ခံရသည့်အခါ ယောဘ၏ စမ်းသပ်မှုများကို သင့်အထဲတွင် ပေါင်းစပ်ကာ ဘုရားသခင်ပြုသော အမှုကို အလေးအနက် မှတ်ယူနိုင်မည်လော။ ယောဘ၏စမ်းသပ်မှုများအားဖြင့် ဘုရားသခင်သည် လူသားမျိုးနွယ်ကို မည်ကဲ့သို့ စမ်းသပ်ကြောင်းကို သင်မြင်နိုင်မည်လော။ ယောဘ၏ စမ်းသပ်မှုများထဲမှ သင့်ထံ မည်သည့် ပြင်းပြသောဆန္ဒမျိုးကို ယူဆောင်လာပေးသနည်း။ စစ်ဆေးခြင်းများကို သင်ခံနေရစဉ် ဘုရားသခင်အတွက် သက်သေရပ်တည်ရန် ဆန္ဒရှိမည်လော၊ သို့မဟုတ် သက်သောင့်သက်သာရှိသော ပတ်ဝန်းကျင်တွင် သွေးသားဇာတိအလိုကို ဖြည့်ဆည်းမည်လော။ ဘုရားသခင်ကို ယုံကြည်ခြင်းနှင့်သက်ဆိုင်သော သင်၏ အမြင်အမှန်မှာ အဘယ်နည်း။ ၎င်းယုံကြည်ခြင်းမှာ ဘုရားသခင်အတွက် အမှန်တကယ် ဖြစ်သလော၊ သွေးသားဇာတိအတွက် မဟုတ်သလော။ သင်၏ရှာဖွေခြင်းအတွက် ပစ်မှတ်တစ်ခု သင်၌ တကယ် ရှိသလော။ ဘုရားသခင်၏ စုံလင်စေခြင်းခံရရန် စစ်ဆေးခြင်းများကို သင်ခံလိုသလော၊ သို့မဟုတ် ဘုရားသခင်၏ ပြစ်တင်ဆုံးမခြင်းနှင့် ကျိန်ဆဲခြင်းကို သင်ခံလိုသလော။ ဘုရားသခင်အတွက် သက်သေခံခြင်း အမှုကို အမှန်တကယ် မည်ကဲ့သို့ သင်မြင်သနည်း။ အချို့သောပတ်ဝန်းကျင်များထဲ၌ ဘုရားသခင်အတွက် သက်သေခံတစ်ဦး စစ်မှန်စွာဖြစ်ရန် မည်သည်တို့ကို လူအများ ပြုသင့်သနည်း။ လက်တွေ့ကျသော ဘုရားသခင်သည် သင့်အထဲ၌ မြောက်များစွာသောအမှုတို့ကို အမှန်တကယ် ပြခဲ့ပြီဖြစ်သောကြောင့် သင်၌ အဘယ်ကြောင့် စွန့်ခွာသွားရန်အတွေး အမြဲရှိနေသနည်း။ ဘုရားသခင်အပေါ် သင်၏ယုံကြည်ခြင်းသည် ဘုရားသခင်အတွက် ဖြစ်သလော။ သင်တို့ အများစုအတွက်မူ ၎င်းမှာ တစ်ဦးချင်းစီ၏ အစီအစဉ်များနှင့် ပုဂ္ဂိုလ်ရေးရာ အကျိုးအမြတ်နောက်သို့ လိုက်ရန်အတွက် ဖြစ်သည်။ လူအနည်းအကျဉ်းတို့သည် ဘုရားသခင်ကို ဘုရားသခင်အဖို့ ယုံကြည်ကြသည်၊ ဤအရာမှာ ဆန့်ကျင်ပုန်ကန်မှု မဟုတ်သလော။

စစ်ဆေးခြင်းအမှုမှာ အဓိကအားဖြင့် လူတို့၏ယုံကြည်ခြင်း စုံလင်စေရန်နှင့် အဆုံးတွင် သင်စွန့်ခွာလိုသော်လည်း စွန့်ခွာ၍မရသည့် အဆင့်သို့ ရောက်စေရန် ဖြစ်သည်၊ ယင်းအဆင့်တွင် အချို့လူတို့သည် မဖြစ်စလောက် မျှော်လင့်ချက် ကင်းမဲ့ကြသော်လည်း ၎င်းတို့၏ယုံကြည်ခြင်း ဆက်ရှိနေမည်၊ ယင်းအဆင့်တွင် လူတို့သည် ၎င်းတို့၏ကိုယ်ပိုင်အနာဂတ်အပေါ် မျှော်လင့်ချက် ရှိတော့မည်မဟုတ်၊ ဤအချိန်မှသာ ဘုရားသခင်၏စစ်ဆေးခြင်း နိဂုံးချုပ်သွားမည်ဖြစ်သည်။ လူသားမျိုးနွယ်သည် သေခြင်းတစ်ဖက်ကမ်းနှင့် ရှင်ခြင်းတစ်ဖက်ကမ်းအကြားတွင် တဝဲလည်လည် ဖြစ်နေသည့် အဆင့်ကို မရောက်ကြသေး၊ ၎င်းတို့သည် သေခြင်းကို မမြည်းစမ်းရသေးသည့် အတွက်ကြောင့် စစ်ဆေးခြင်းမှာ အဆုံးမသတ်သေးပါ။ အစေခံသူများ၏ အဆင့်တွင် ရှိခဲ့သော သူများပင်လျှင် အဆုံးစွန် စစ်ဆေးခြင်းကို မခံကြရသေးသော်လည်း ယောဘသည် မည်သည့်အရာကိုမျှ အားကိုးအားထားပြုစရာ မရှိလောက်အောင်ပင် အစစ်ဆေးခံခဲ့ရသည်။ လူတို့သည် ၎င်းတို့၌ မျှော်လင့်ချက် မရှိဘဲ မည်သည့်အရာကိုမျှ အားကိုးအားထားပြုစရာ မရှိသည့် အတိုင်းအတာအထိ စစ်ဆေးခြင်းများကို ခံကြရမည်၊ ထိုမှသာ ၎င်းတို့မှာ စစ်မှန်သော စစ်ဆေးခြင်းများဖြစ်သည်။ အစေခံသူများ၏ ခေတ်ကာလအတောအတွင်း သင်၏စိတ်နှလုံးသည် ဘုရားသခင်၏ရှေ့မှောက်၌ အမြဲတစေ ဆိတ်ငြိမ်နေခဲ့သည်။ မည်သည့်အမှုကို ဘုရားသခင်ပြုခဲ့ပါစေ၊ သင့်အတွက် သူ၏အလိုတော်မှာ မည်သည့်အရာဖြစ်ပါစေ သူ၏အစီအစဉ်များကို အမြဲတမ်း သင်နာခံခဲ့ပြီး လမ်းဆုံးရောက်သည့်အခါ သင်သည် အရာခပ်သိမ်းကို နားလည်ခဲ့သည်။ ယောဘ ခံခဲ့ရသော စမ်းသပ်မှုများကို ခံရခြင်းမှာ ပေတရုခံခဲ့ရသော စမ်းသပ်မှုများကို ခံရခြင်းလည်း ဖြစ်သည်။ ယောဘ အစမ်းသပ်ခံခဲ့ရသည့်အခါ သူသည် သက်သေရပ်တည်ခဲ့ပြီး အဆုံးတွင် ယေဟောဝါသည် သူ့ကို ကိုယ်ထင်ပြခဲ့သည်။ သူသက်သေရပ်တည်ခဲ့ပြီးသည့် နောက်ပိုင်းမှသာ သူသည် ဘုရားသခင်၏မျက်နှာတော်ကို မြင်ရန် ထိုက်တန်ခဲ့သည်။ “ညစ်ညမ်းသောပြည်မှ ငါပုန်းရှောင်သော်လည်း သန့်ရှင်းသောနိုင်ငံတော်ကို ငါ့ကိုယ်ငါ ကိုယ်ထင်ပြမည်” ဟု အဘယ်ကြောင့် ပြောထားသနည်း။ ဆိုလိုသည်မှာ သင်သည် သန့်ရှင်းပြီး သက်သေရပ်တည်သည့်အခါမှသာ ဘုရားသခင်၏မျက်နှာတော်ကို မြင်ရသော ဂုဏ်အသရေကို ရနိုင်သည်။ အကယ်၍ ဘုရားသခင် အတွက် သက်သေမရပ်တည်နိုင်ပါက သူ၏မျက်နှာတော်ကို မြင်ရန် သင်၌ ဂုဏ်အသရေမရှိ။ အကယ်၍ စစ်ဆေးခြင်းများကို ခံနေရစဉ် သင်နောက်ကြောင်းပြန်လှည့်ပါက သို့မဟုတ် ဘုရားသခင်ကို မကျေနပ်ကြောင်း ညည်းညူပါက၊ သူ့အတွက် သက်သေခံရန် ပျက်ကွက်ပြီး စာတန်၏ လှောင်ပြောင်စရာ ဖြစ်နေပါက ဘုရားသခင်၏ပုံပန်းသဏ္ဌာန်ကို သင်ရနိုင်မည်မဟုတ်။ အကယ်၍ သင်သည် စမ်းသပ်မှုများကို ခံနေရသည့်အကြားမှ သူ၏သွေးသားဇာတိကို ကျိန်ဆဲခဲ့ပြီး ဘုရားသခင်ကို မကျေနပ်ကြောင်းညည်းညူခြင်း မပြုခဲ့ဘဲ သူ၏စကားများအားဖြင့် ညည်းညူခြင်း သို့မဟုတ် အပြစ်ကျူးလွန်ခြင်းမရှိဘဲ သူ၏သွေးသားဇာတိကို ရွံမုန်းနိုင်ခဲ့သည့် ယောဘကဲ့သို့သောသူ ဖြစ်ပါက၊ ယင်းသည် သက်သေရပ်တည်နေခြင်း ဖြစ်သည်။ စစ်ဆေးခြင်းများကို တိကျသော အတိုင်းအတာတစ်ခုအထိ ခံသည့်အခါ သင်သည် ယောဘကဲ့သို့ ဖြစ်နိုင်သေးသည်၊ ဘုရားသခင်၏ ရှေ့မှောက်တွင် လုံးလုံးလျားလျား နာခံမှုရှိကာ ဘုရားသခင်တောင်းဆိုသည့် အခြားသော လိုအပ်ချက်များ သို့မဟုတ် သင်၏ကိုယ်ပိုင် အယူအဆများ မရှိပါက ဘုရားသခင်သည် သင့်ထံ ပေါ်လာလိမ့်မည်။ ယခု သင့်ထံ ဘုရားသခင် အဘယ်ကြောင့် မပေါ်လာရခြင်းမှာ သင်၌ သင်၏ အယူအဆများစွာ၊ အခြေအမြစ်မရှိသော ကိုယ်ပိုင် အစွဲအလမ်းများ၊ တစ်ကိုယ်ကောင်းဆန်သော အတွေးအခေါ်များ၊ တစ်ဦးချင်း လိုအပ်ချက်များနှင့် ဇာတိဆန်သော စိတ်ဝင်စားမှုများကြောင့် သူ၏ မျက်နှာတော်ကို မြင်ရန် မထိုက်တန်။ အကယ်၍ ဘုရားသခင်ကို သင်မြင်ပါက သင်သည် သူ့ကို သင်၏ကိုယ်ပိုင် စိတ်ကူးစိတ်သန်းများဖြင့် တိုင်းထွာလိမ့်မည်၊ ဤသို့ဆိုလျှင် လက်ဝါးကပ်တိုင်ပေါ်တွင် သူ့ကို သံဖြင့် သင်ရိုက်နေခြင်းပင် ဖြစ်သည်။ အကယ်၍ သင်၏ အယူအဆများနှင့် တစ်ပြေးညီမဟုတ်သော အရာများစွာ သင့်အပေါ် ရောက်လာသော်လည်း ၎င်းတို့ကို ဘေးချိတ်ထားနိုင်ပြီး ထိုအရာများမှ ဘုရားသခင်၏ လုပ်ရပ်များကို သိပြီး စစ်ဆေးခြင်းများကို ခံနေရသည့်ကြားမှ ဘုရားသခင်ကို ချစ်သည့် သင်၏စိတ်နှလုံးကို ဖော်ထုတ်ပြသပါက ဤအရာမှာ သက်သေရပ်တည်ခြင်းပင် ဖြစ်သည်။ အကယ်၍ သင်၏ နေအိမ်၌ ငြိမ်သက်ခြင်း ရှိပါက၊ သွေးသားဇာတိ စည်းစိမ်များကို သင်ခံစားရပါက၊ မည်သူကမျှ သင့်ကို ညှင်းပန်းနှိပ်စက်ခြင်း မပြုပါဘဲ အသင်းတော်ထဲရှိ သင်၏ ညီအစ်ကိုမောင်နှမများက သင့်ကို နာခံပါက ဘုရားသခင်ကို ချစ်သည့် သင်၏စိတ်နှလုံးကို ပြသနိုင်မည်လော။ ဤအရာသည် သင့်ကို စစ်ဆေးနိုင်ပါသလား။ စစ်ဆေးခြင်းအားဖြင့်သာ ဘုရားသခင်ကို ချစ်သည့် သင်၏ချစ်ခြင်းမေတ္တာကို ပြသနိုင်ပြီး သင်၏စိတ်ကူးစိတ်သန်းများနှင့် မကိုက်ညီသောအမှုအရာများ ဖြစ်ပျက်ခြင်းအားဖြင့်သာ စုံလင်ခြင်းသို့ သင်ရောက်နိုင်သည်။ အနုတ်လက္ခဏာဆောင်သော အရာများစွာ၊ အခက်အခက် ဘေးအန္တရာယ်များစွာအားဖြင့်သာ ဘုရားသခင်သည် သင့်ကို စုံလင်ခြင်းသို့ ရောက်စေသည်။ စာတန်၏ လုပ်ရပ်များစွာ၊ စွပ်စွဲချက်များနှင့် လူများစွာထဲတွင် စာတန်၏ သရုပ်ပေါ်ခြင်းအားဖြင့် ဘုရားသခင်သည် သင့်ကို ပညာရစေကာ သင့်ကို ပကတိပြည့်စုံခြင်းသို့ ရောက်စေသည်။

အကယ်၍ သင်၏ အတွေ့အကြုံ အစစ်အမှန်ထဲတွင် ဘုရားသခင်၏ လုပ်ရပ်များကို သင်ထိတွေ့ပါက သူသည် သင့်ထံ ပေါ်လာကာ သင့်ကို အလင်းဖွင့်ပြပြီး အတွင်းထဲမှ လမ်းပြလိမ့်မည်။ အကယ်၍ သူ၏နှုတ်ကပတ်တော်ကို သင်မနာခံနိုင်ပါက ဤအမှုကို သူပြုနိုင်မည် မဟုတ်ပါ။ အကယ်၍ သင်၌ ယုံကြည်ခြင်း ကင်းမဲ့ပါက၊ အကယ်၍ သင်သည် ဘုရားသခင်အပေါ် မျှော်လင့်ခြင်း ပျောက်ပြယ်နေပါက သင်အဘယ်သို့ ကြုံတွေ့ခံစားနိုင်မည်နည်း။ အကယ်၍ သင်၌ ဘုရားသခင်အပေါ် မှန်သောယုံကြည်ခြင်းရှိပြီး သံသယများ မရှိပါက၊ အကယ်၍ သူ့အား သင်၏ စိတ်နှလုံးကို ဖွင့်ဟပေးပါက၊ သင့်ကို သူစုံလင်စေလိမ့်မည်။ လက်တွေ့ကျသော သင်၏ အတွေ့အကြုံထဲတွင် သာမက သင်၏ အသက်တာထဲတွင် သင့်ကို သူအလင်းဖွင့်ပြလိမ့်မည်။ လူတို့၏ လက်တွေ့ အသက်တာများထဲတွင် ၎င်းတို့၌ ကိုယ်ရေးကိုယ်တာ အခက်အခဲများစွာ ရှိကြသည်၊ ထိုအရာပင်မက ၎င်းတို့သည် ဘုရားသခင်ပြုသောအမှု၏ အတိုင်းအတာကို ရှင်းလင်းစွာ မမြင်နိုင်သဖြင့် ဤအချက်တွင် ယုံကြည်ခြင်း လိုအပ်သည်။ ယုံကြည်ခြင်းသည် စစ်ဆေးခြင်းများအားဖြင့်သာ လာသည်၊ အစစ်ဆေးခံရခြင်း မရှိဘဲ ယုံကြည်ခြင်း မတိုးပွားနိုင်။ အကယ်၍ သင်၌ လက်မလွှတ်နိုင်သော အယူအဆများရှိပြီး ဘုရားသခင်အပေါ် သံသယများ တိုးပွားလာပါက သင်သည် စစ်ဆေးခြင်းများကို ခံရကာ ထိုသို့ အစစ်ဆေးခံရသည့်အချိန်များတွင် သင်အလိုအပ်ဆုံးအရာမှာ ယုံကြည်ခြင်း ဖြစ်သည်။

သင်၏ ကျရှုံးခြင်း၊ အားနည်းခြင်း အတွေ့အကြုံများစွာနှင့် အနုတ်လက္ခဏာဆန်သော အချိန်နာရီများမှာ သင့်အတွက် ဘုရားသခင်၏စမ်းသပ်မှုများ ဖြစ်သည်ဟု ဆိုနိုင်ပါသည်။ ဤအရာမှာ အဘယ်ကြောင့်ဆိုသော် ခပ်သိမ်းသောအရာသည် ဘုရားသခင်ထံမှ လာခြင်းကြောင့်၊ အရာခပ်သိမ်းနှင့် အဖြစ်အပျက်အားလုံးသည် သူ၏လက်တော်ထဲတွင် ရှိသောကြောင့် ဖြစ်သည်။ သင်ကျရှုံးသည်ဖြစ်စေ၊ သင်အားနည်းပြီး သင်ခလုတ်တိုက်သည်ဖြစ်စေ ခပ်သိမ်းသောအမှုအရာသည် ဘုရားသခင်အပေါ် အခြေပြုထားပြီး သူ၏ လက်ထဲတွင် ရှိသည်။ ဘုရားသခင်ဘက်မှ ဤအရာသည် သင့်ကိုစမ်းသပ်မှုတစ်ခုဖြစ်ပြီး အကယ်၍ ထိုအရာကို သင်သတိမပြုမိပါက ၎င်းသည် စုံစမ်းနှောင့်ယှက်ခြင်း ဖြစ်လာလိမ့်မည်။ လူတို့ သတိပြုသင့်သော အနေအထား နှစ်မျိုးနှစ်စား ရှိသည်၊ တစ်ခုမှာ သန့်ရှင်းသောဝိညာဉ်တော်ထံမှ လာပြီး အခြားတစ်ခုမှာ စာတန်ထံမှ လာကောင်းလာနိုင်ပါသည်။ အနေအထား တစ်ခုမှာ သန့်ရှင်းသောဝိညာဉ်တော်သည် သင့်ကို အလင်းပေးကာ သင့်ကို သင့်ကိုယ်သင် သိစေသည်၊ သင့်ကိုယ်သင် ရွံမုန်းစေပြီး နောင်တရစေသည် သာမက ဘုရားသခင်အပေါ် စစ်မှန်သော ချစ်ခြင်းမေတ္တာရှိနိုင်ရန် ဘုရားသခင်အား ကျေနပ်စေရန် သင်၏စိတ်နှလုံးကို ပဲ့ပြင်ပေးသည်။ အခြားအနေအထားမှာ သင်သည် သင့်ကိုယ်သင် သိသော်လည်း သင်သည် အနုတ်လက္ခဏာဆန်ကာ အားနည်းနေသည်။ ၎င်းမှာ ဘုရားသခင်၏ စစ်ဆေးခြင်း ဖြစ်သည်ဟု ဆိုနိုင်ပါသည်။ ၎င်းမှာ စာတန်၏ စုံစမ်းနှောင့်ယှက်ခြင်း ဖြစ်သည်ဟုလည်း ဆိုနိုင်ပါသည်။ အကယ်၍ ဤအရာသည် ဘုရားသခင် သင့်ကို ကယ်တင်ခြင်း ဖြစ်ကြောင်းနှင့် သင်သည် ယခု သူ့အပေါ် အလွန့်အလွန် အကြွေးတင်နေကြောင်း လက်ခံပါက၊ အကယ်၍ သင်သည် ယခုမှစ၍ သူ့ကို အကြွေးပြန်ဆပ်ရန်နှင့် ယင်းကဲ့သို့ ဆိုးယုတ်ခြင်းထဲသို့ ဆက်၍ကျဆင်းခြင်း မရှိတော့ရန် ကြိုးစားပါက၊ သင်ကြိုးပမ်းအားထုတ်၍ သူ၏နှုတ်ကပတ်တော်များကို စားသောက်ပါက၊ အကယ်၍ သင်သည် သင့်ကိုယ်သင် အမြဲတမ်း ချို့တဲ့လိုအပ်နေသည်ဟု ယူဆပြီး သင်၌ တောင့်တသော စိတ်နှလုံးရှိပါက ဤအရာမှာ ဘုရားသခင်၏စမ်းသပ်မှုဖြစ်သည်။ ဒုက္ခဆင်းရဲခံရပြီးနောက် နောက်တစ်ဖန် သင်ရှေ့သို့ဆက်လှမ်းသည့်အခါ၊ ဘုရားသခင်သည် သင့်ကို ဆက်လက်၍ ဦးဆောင်လမ်းပြမည်၊ အလင်းပေးမည်၊ ဉာဏ်အလင်းဖွင့်ပေးပြီး အားဖြစ်စေမည်။ သို့သော်လည်း အကယ်၍ သင်သည် ၎င်းကို လက်မခံဘဲ အနုတ်လက္ခဏာဆန်ပါက၊ စိတ်ပျက်လက်ပျက်ဖြစ်ခြင်းသို့ သင့်ကိုယ်သင် လွယ်လွယ် ပစ်ပယ်ထားပါက၊ အကယ်၍ ဤနည်းဖြင့် သင်တွေးပါက စာတန်၏စုံစမ်းနှောင့်ယှက်ခြင်းသည် သင့်အပေါ် ရောက်လာမည်။ ယောဘသည် စမ်းသပ်မှုများကို ခံရသည့်အခါ ဘုရားသခင်နှင့် စာတန်တို့သည် တစ်ဦးနှင့်တစ်ဦး အလောင်းအစားလုပ်ခဲ့ကြပြီး ယောကို စမ်းသပ်ရန်၊ သူ့ကို ဒုက္ခဝေဒနာပေးရန် စာတန်ကို ဘုရားသခင် အခွင့်ပေးခဲ့သည်။ ယောဘကို စမ်းသပ်ခဲ့သည်မှာ ဘုရားသခင် ဖြစ်သော်လည်း သူ့ထံ အမှန်တကယ် ရောက်လာသူမှာ စာတန် ဖြစ်ခဲ့သည်။ စာတန်အတွက်ဟူမူကား ယောဘကို စုံစမ်းနှောင့်ယှက်ခြင်း ဖြစ်ခဲ့ပြီး ယောဘသည် ဘုရားသခင်၏ဘက်တွင် ရှိခဲ့သည်၊ အကယ်၍ ထိုသို့ မဟုတ်ခဲ့ပါက ယောဘသည် စုံစမ်းနှောင့်ယှက်ခြင်းထဲသို့ ကျရောက်ခဲ့မည်ဖြစ်သည်။ လူတို့သည် စုံစမ်းနှောင့်ယှက်ခြင်းထဲသို့ ကျရောက်လျှင်ကျရောက်ခြင်း ၎င်းတို့သည် ဘေးအန္တရာယ်ထဲသို့ ကျရောက်သွားကြသည်။ စစ်ဆေးခြင်းကို ခံရခြင်းမှာ ဘုရားသခင်ထံမှ စမ်းသပ်မှုဟု ဆိုနိုင်သော်လည်း အကယ်၍ သင်၌ ကောင်းသော အနေအထား မရှိပါက ၎င်းကို စာတန်ထံမှ စုံစမ်းနှောင့်ယှက်ခြင်းဟု ဆိုနိုင်ပါသည်။ အကယ်၍ သင်သည် ဗျာဒိတ်ရူပါရုံကို ရှင်းလင်းစွာမသိပါက စာတန်သည် သင့်ကို စွပ်စွဲကာ ရှုပ်ထွေးစေလိမ့်မည်။ သင်မသိလိုက်မီ စုံစမ်းနှောင့်ယှက်ခြင်းထဲသို့ သင်ကျရောက်သွားမည်။

အကယ်၍ ဘုရားသခင်ပြုသောအမှုကို သင်မကြုံတွေ့ရပါက စုံလင်ခြင်းသို့ မည်သည့်အခါမျှ သင်ရောက်နိုင်မည်မဟုတ်။ သင်၏အတွေ့အကြုံထဲတွင် အငယ်ဆုံး အသေးစိတ် အချက်အလက်များကိုလည်း စတင်လုပ်ဆောင်ရမည်၊ သင်၏အယူအဆများနှင့် များစွာသော စေ့ဆော်မှုများကို သင်မည်ကဲ့သို့ တိုးပွားလာစေသနည်း။ ထိုအရာများအတွက် သင်၌ သင့်လျော်သော မည်သည့် လက်တွေ့လုပ်ဆောင်မှုများ ရှိသနည်း။ အကယ်၍ ဘုရားသခင်ပြုသောအမှုကို သင် ကြုံတွေ့နိုင်ပါက ဤသည်မှာ သင်၌ ဝိညာဉ်အသက်တာရှိကြောင်း ဆိုလိုခြင်းဖြစ်သည်။ အကယ်၍ သင်၌ တက်ကြွမှုသာ ရှိပုံပေါ်ပါက ဤသည်မှာ မှန်သောဝိညာဉ်အသက်တာ မဟုတ်ဘဲ သင်သည် လုံးဝ မြဲမြံခိုင်ခံ့စွာ ရပ်တည်နိုင်မည် မဟုတ်ပါ။ ဘုရားသခင်ပြုသောအမှုကို အချိန်မရွေး၊ နေရာမရွေး ကြုံတွေ့နိုင်ပြီး ဆင်ခြင်နိုင်သည့်အခါမှ၊ သိုးထိန်းထံမှ သင်တို့ စွန့်ခွာနိုင်ကာ ဘုရားသခင်ကို အားကိုးပြီး သူတစ်ပါးအပေါ် မှီခိုရခြင်းမရှိဘဲ အသက်ရှင်နိုင်သည့်အခါမှ၊ ထို့အပြင် ဘုရားသခင်၏ လုပ်ရပ် အစစ်အမှန်များကို အမှန်တကယ် သင်တို့ မြင်နိုင်သည့်အခါမှသာ ဘုရားသခင်၏အလိုတော် ပြည့်စုံမည်ဖြစ်သည်။ ယခုအချိန်တွင်မူ လူအများစုသည် ၎င်းကို မည်ကဲ့သို့ ကြုံတွေ့ရမည်ကို မသိကြ။ ပြဿနာတစ်ခုကို ၎င်းတို့ တွေ့ကြုံရသည့်အခါ ၎င်းကို မည်သို့ ကိုင်တွယ်ဖြေရှင်းရမှန်း မသိကြ၊ ဘုရားသခင်ပြုသောအမှုကို ၎င်းတို့ ကြုံတွေ့နိုင်ခြင်း မရှိကြဘဲ ဝိညာဉ်ရေးရာ အသက်တာကို ဦးဆောင်လမ်းပြနိုင်ခြင်း မရှိကြ။ ဘုရားသခင်၏ နှုတ်ကပတ်တော်များနှင့် အမှုတို့ကို သင်၏ လက်တွေ့အသက်တာထဲသို့ ယူဆောင်ရမည်။

သင်၏ အတွင်းမှဝမ်းမြောက်မှုကို သင်ဆုံးရှုံးရခြင်း၊ ဘုရားသခင်၏ မျက်မှောက်တော်ကို သင်ဆုံးရှုံးရခြင်းနှင့် သင်သည် မှောင်မိုက်ထဲ၌ ရှိနေခြင်း စသဖြင့် တစ်ခါတစ်ရံ သင့်ကို သူသည် အချို့သော ခံစားချက်အမျိုးအစားကို ပေးသည်။ ဤသည်မှာ စစ်ဆေးခြင်းအမျိုးအစားတစ်ခု ဖြစ်သည်။ တစ်စုံတစ်ရာကို သင်လုပ်ဆောင်သည့်အခါ အလွဲလွဲအချော်ချော် ဖြစ်ခြင်း သို့မဟုတ် ဆက်မလုပ်နိုင်အောင် ရပ်တန့်သွားခြင်း ဖြစ်နေမည်။ ဤသည်မှာ ဘုရားသခင်၏ ဆုံးမပဲ့ပြင်ခြင်း ဖြစ်သည်။ တစ်စုံတစ်ရာကို သင်လုပ်ကောင်းလုပ်နေပြီး လုပ်နေသည့်အရာအတွက် အထူးတလည် ခံစားချက်မရှိသည့်အပြင် အခြားသူများ မသိသော်လည်း ဘုရားသခင် သိသည်။ သူသည် သင့်ကို အလွတ်မပေး၊ သင့်ကို သူဆုံးမပဲ့ပြင်လိမ့်မည်။ သန့်ရှင်းသောဝိညာဉ်တော် ပြုသောအမှုသည် အလွန်အသေးစိတ်ကျသည်။ သူသည် လူတို့၏ စကားနှင့် အပြုအမူတစ်ခုချင်းစီ၊ ၎င်းတို့၏ လုပ်ဆောင်မှုနှင့် ရွေ့လျားမှုတစ်ခုချင်းစီကိုသာမက ၎င်းတို့၏ အကြံအစည်နှင့် အတွေးအခေါ် တစ်ခုချင်းစီကို အလွန်တိတိကျကျလေ့လာကာ လူတို့အား ထိုအရာများကို အတွင်းထဲမှ သတိပြုမိစေသည်။ တစ်စုံတစ်ရာကို သင်တစ်ကြိမ်လုပ်သောအခါ အလွဲလွဲအချော်ချော် ဖြစ်နေသည်၊ ၎င်းကို နောက်တစ်ကြိမ် သင်လုပ်သောအခါတွင်လည်း အလွဲလွဲအချော်ချော် ဆက်ဖြစ်နေသည့်အခါ သန့်ရှင်းသောဝိညာဉ်တော် ပြုသောအမှုကို သင်တဖြည်းဖြည်း နားလည်လာမည်။ အကြိမ်များစွာ ဆုံးမပဲ့ပြင်ခံခြင်းအားဖြင့် သင်သည် ဘုရားသခင်၏အလိုအတော်နှင့်အညီ မည်သည်တို့ကို လုပ်ရမည်ကိုသာမက သူ၏အလိုတော်နှင့်မညီသောအရာမှာ မည်သည့်အရာ ဖြစ်ကြောင်း သင်သိလာမည်။ အဆုံးတွင် သင့်အထဲမှ သန့်ရှင်းသောဝိညာဉ်တော်၏ လမ်းပြမှုကို မှန်ကန်တိကျစွာ တုံ့ပြန်မှုများ ရှိလာမည်။ တစ်ခါတစ်ရံ သင်ဆန့်ကျင်ပုန်ကန်တတ်ပြီး ဘုရားသခင်၏ ပြစ်တင်ကြိမ်းမောင်းခြင်းကို အတွင်းထဲမှ ခံရလိမ့်မည်။ ဤအရာအားလုံးမှာ ဘုရားသခင်၏ ဆုံးမပဲ့ပြင်ခြင်းမှ လာသည်။ အကယ်၍ ဘုရားသခင်ကို သင်တန်ဖိုးမထားပါက၊ အကယ်၍ သူ၏အမှုကို သင်စော်ကားပါက၊ သူသည် သင့်ကို ဂရုစိုက်မည်မဟုတ်။ ဘုရားသခင်အပေါ် ပို၍ သင်အလေးထားလေ၊ သင့်ကို ပို၍ သူအလင်းဖွင့်ပြလေဖြစ်သည်။ ယခုအခါ အသင်းတော်ထဲတွင် ရှုပ်ထွေးနေပြီး ဇဝေဇဝါ ယုံကြည်ခြင်း ရှိကြသော လူအချို့ ရှိကြပြီး ၎င်းတို့သည် ဆုံးမပဲ့ပြင်းခြင်းကို မခံရဘဲ မမှန်ကန်သောအမှုအရာ မြောက်များစွာကို ပြုနေကြသဖြင့် သန့်ရှင်းသောဝိညာဉ်တော် ပြုသောအမှုကို ၎င်းတို့ထဲတွင် ရှင်းလင်းစွာ မမြင်နိုင်။ လူအချို့တို့သည် ဆုံးမပဲ့ပြင်ခြင်းကိုမခံရဘဲ အချင်းပွားကြသည်၊ ငွေကြေးနောက်လိုက်ကြပြီး ကြီးပွားရေးအတွက် အလုပ်လုပ်ကြသည်၊ ထိုသို့သော လူအမျိုးအစားသည် ပို၍ပင် စိုးရိမ်ရသည်။ လတ်တလောတွင် ၎င်းတို့၌ သန့်ရှင်းသော ဝိညာဉ်တော်ပြုသောအမှု မရှိကြသကဲ့သို့ ၎င်းတို့သည် အနာဂတ်တွင် စုံလင်ခြင်းသို့ရောက်ရန် ခက်ခဲကြလိမ့်မည်။ အတွင်း၌ သန့်ရှင်းသောဝိညာဉ်တော် ပြုသောအမှုကို မမြင်ရသော ဘုရားသခင်၏ ဆုံးမပဲ့ပြင်ခြင်းကိုလည်း မမြင်ရသော လူများစွာ ရှိသည်။ ၎င်းတို့သည် ဘုရားသခင်၏အလိုတော်ကို ရှင်းလင်းစွာ မသိဘဲ ဘုရားသခင်၏ အမှုကို မသိသောသူများ ဖြစ်သည်။ စစ်ဆေးခြင်းများကို ခံနေရစဉ် ခိုင်ခံ့စွာရပ်တည်နိုင်သောသူများ၊ ဘုရားသခင် မည်သည့်အမှုကို ပြုပါစေ သူ့နောက်သို့ လိုက်သောသူများနှင့် အနည်းဆုံးအနေဖြင့် ဘုရားသခင်ကို မစွန့်ခွာသွားသောသူ၊ သို့မဟုတ် ပေတရု ရရှိခဲ့သော အရာထဲမှ ၀.၁ ရာခိုင်နှုန်းကို ရရှိသောသူတို့မှာ ပြဿနာမရှိသောသူများ ဖြစ်သော်လည်း ၎င်းတို့သည် အသုံးပြုရန်အတွက် တန်ဖိုးမရှိကြ။ လူများစွာသည် အမှုအရာတို့ကို လျင်မြန်စွာနားလည်ကြသည်၊ ဘုရားသခင်အပေါ် မှန်သောချစ်ခြင်း ရှိကြပြီး ပေတရု၏အဆင့်ထက် ကျော်လွန်နိုင်ကြသည်။ ဤသို့သော အမှုမျိုးကို ဘုရားသခင် ပြုခြင်းဖြစ်ပြီး ဤသို့သော လူအမျိုးအစားသည် သူ၏ ဆုံးမပဲ့ပြင်ခြင်းနှင့် အလင်းဖွင့်ပြခြင်းကို ရရှိနိုင်ပြီး ဘုရားသခင်၏အလိုတော်နှင့်မညီသော အရာမှန်သမျှကို အလျင်အမြန် မှောက်လှန်နိုင်ကြသည်။ ဤလူအမျိုးအစားမှာ ရွှေနှင့်တူသည်၊ ဤလူအမျိုးအစားသာလျှင် အမှန်တကယ် တန်ဖိုးရှိလေစွ။ အကယ်၍ ဘုရားသခင်သည် များစွာသော အမှုအမျိုးမျိုးကို ပြုခဲ့ပြီးသော်လည်း သင်သည် သဲကဲ့သို့၊ ကျောက်တုံးကဲ့သို့ ဆက်ဖြစ်နေပါက သင်သည် အသုံးမရသောသူ ဖြစ်လေပါတကား။

အဆင်းနီသော နဂါးကြီးရှိသည့် တိုင်းပြည်တွင် ဘုရားသခင်ပြုသောအမှုမှာ အလွန် အံ့သြချီးမွမ်းဖွယ်ဖြစ်ပြီး လူ့ဉာဏ်ဖြင့်စဉ်းစား၍မမီနိုင်ပါ။ အသင်းတော်ထဲတွင် လူအမျိုးအစား ပေါင်းစုံရှိကြသည်၊ ထိုသူများအနက် အသင်းတော်၏ ဘဏ္ဍာငွေကို သုံးစွဲသူများ၊ အခြားသူတို့ကို လိမ်လည်လှည့်ဖြားသူများနှင့် ထိုမျှမက ရှိသေးသဖြင့် ဘုရားသခင်သည် လူအချို့တို့ကို သုတ်သင်ဖယ်ရှားမည်။ အကယ်၍ သင်သည် ဘုရားသခင်ပြုသောအမှုကို ရှင်းလင်းစွာ မသိပါက သင်အနုတ်လက္ခဏာဆန်နေမည်၊ ဤသည်မှာ ဘုရားသခင်ပြုသောအမှုကို လူနည်းစုထဲတွင်သာ မြင်နိုင်ခြင်းကြောင့်ဖြစ်သည်။ ထိုအချိန်တွင် မည်သူသည် ဘုရားသခင်ကို စစ်မှန်စွာ ချစ်ကြောင်း၊ မချစ်ကြောင်း သိသာထင်ရှားလာမည်။ ဘုရားသခင်ကို စစ်မှန်စွာ ချစ်သောသူများ၌ သန့်ရှင်းသော ဝိညာဉ်တော် ပြုသောအမှု တည်ရှိသည်၊ သူ့ကို စစ်မှန်စွာ မချစ်သောသူများမှာ သူပြုသောအမှုအားဖြင့် တစ်ကြိမ်လျှင် တစ်ဆင့်ချင်း ပေါ်လွင်လာမည်။ ၎င်းတို့သည် သုတ်သင်ဖယ်ရှားခြင်း ခံရသောသူများ ဖြစ်လိမ့်မည်။ ယင်းလူများသည် သိမ်းပိုက်ခြင်းအမှု ပြုနေစဉ်အတွင်း ပေါ်လွင်လာမည် ဖြစ်ပြီး ၎င်းတို့သည် စုံလင်ခြင်းသို့ ရောက်ရန်မထိုက်တန်။ ထို့အပြင် စုံလင်ခြင်းသို့ ရောက်သောသူများသည် ဘုရားသခင်၏ အကြွင်းမဲ့ရခြင်းကို ခံရသောသူများဖြစ်ပြီး ပေတရုကဲ့သို့ ဘုရားသခင်ကို ချစ်မြတ်နိုးနိုင်စွမ်း ရှိကြမည်။ သိမ်းပိုက်ခြင်းကိုခံရသောသူများ၌ ပင်ကိုချစ်ခြင်း မရှိဘဲ မတုန်မလှုပ်သော ချစ်ခြင်းသာ ရှိကြပြီး ၎င်းတို့သည် ဘုရားသခင်ကို ချစ်ရန် ဖိအားပေးခံကြရသည်။ ပင်ကိုချစ်ခြင်းသည် လက်တွေ့ အတွေ့အကြုံမှတစ်ဆင့် ရရှိသော နားလည်ခြင်းအားဖြင့် တိုးပွားလာခြင်းဖြစ်သည်။ ဤချစ်ခြင်းသည် လူတစ်ဦး၏စိတ်နှလုံးတွင် နေရာယူကာ ၎င်းတို့အား ဘုရားသခင်ကို ကိုယ်ပိုင်ဆန္ဒအလျောက် အပ်နှံစေသည်၊ ဘုရားသခင်၏ နှုတ်ကပတ်တော်များသည် သူတို့၏အုတ်မြစ်ဖြစ်ကာ ၎င်းတို့သည် ဘုရားသခင်အတွက် ဒုက္ခဆင်းရဲ ခံနိုင်ကြသည်။ ဤအရာများမှာ ဘုရားသခင်ပြုသော စုံလင်ခြင်းသို့ ရောက်သည့် သူတစ်စုံတစ်ဦး ပိုင်ဆိုင်သော အရာများ ဧကန်အမှန်ဖြစ်သည်။ အကယ်၍ အသိမ်းပိုက်ခံရရန်သာ သင်ရှာဖွေပါက ဘုရားသခင်အတွက် သင်သက်သေခံနိုင်မည် မဟုတ်၊ အကယ်၍ ဘုရားသခင်သည် လူတို့ကို သိမ်းပိုက်ခြင်းအားဖြင့် သူ၏ ကယ်တင်ခြင်း ရည်မှန်းချက်ကိုသာ ပြည့်စုံစေခဲ့ပါက၊ အစေခံသူတို့၏ အမှုအဆင့်မှာ လုံလောက်ခဲ့ပေမည်။ သို့သော်လည်း လူတို့ကို သိမ်းပိုက်ခြင်းမှာ ဘုရားသခင်၏ နောက်ဆုံးရည်မှန်းချက်ပန်းတိုင် မဟုတ်ပါ၊ သူ၏ နောက်ဆုံးရည်မှန်းချက်ပန်းတိုင်မှာ လူတို့ကို စုံလင်ခြင်းသို့ ရောက်စေရန်ဖြစ်သည်။ ထို့ကြောင့် ဤအဆင့်ကို သိမ်းပိုက်ခြင်းအမှုဟု ဆိုခြင်းထက် စုံလင်ခြင်းသို့ ရောက်စေသောအမှုနှင့် သုတ်သင်ဖယ်ရှားသောအမှုဟု ဆိုပါ။ လူအချို့တို့သည် အပြည့်အဝ သိမ်းပိုက်ခြင်းကို မခံရကြသေးဘဲ ၎င်းတို့ကို သိမ်းပိုက်နေစဉ်အချိန်တွင် လူတစ်စုသည် စုံလင်ခြင်းသို့ ရောက်ကြလိမ့်မည်။ ဤအမှုနှစ်မျိုးကို ပြိုင်တူပြုနေခြင်းဖြစ်သည်။ ယင်းသို့ အချိန်ကြာမြင့်စွာ အမှုပြုနေခဲ့စဉ် လူတို့သည် မထွက်ခွာကြသေး၊ ဤအချက်မှာ သိမ်းပိုက်ခြင်း ရည်မှန်းချက်ပန်းတိုင်မှာ အောင်မြင်ပြည့်စုံကြောင်း ပြသနေသည်၊ ဤသည်မှာ အသိမ်းပိုက်ခံရသည့် ဖြစ်ရပ်မှန်တစ်ခု ဖြစ်သည်။ စစ်ဆေးခြင်းများမှာ အသိမ်းပိုက်ခံရရန်အတွက် မဟုတ်ဘဲ ၎င်းတို့မှာ စုံလင်ခြင်းသို့ ရောက်ရန်အတွက် ဖြစ်သည်။ စစ်ဆေးခြင်းများ မရှိဘဲ လူတို့သည် စုံလင်ခြင်းသို့ မရောက်နိုင်။ ထို့ကြောင့် စစ်ဆေးခြင်းများမှာ အလွန် တန်ဖိုးရှိလေစွ။ ယနေ့ လူစုတစ်စုသည် စုံလင်ခြင်းသို့ ရောက်ကြသည်၊ လူစုတစ်စုသည် ရယူခြင်းကို ခံရသည်။ ယခင်က ဖော်ပြခဲ့သော ကောင်းချီးမင်္ဂလာ ဆယ်ပါးမှာ စုံလင်ခြင်းသို့ ရောက်သောသူ အားလုံးအတွက် ရည်ရွယ်ခဲ့ခြင်း ဖြစ်သည်။ ကမ္ဘာမြေကြီးပေါ်တွင် ၎င်းတို့၏ ပုံသဏ္ဌာန်ကို ပြောင်းလဲခြင်းအကြောင်းနှင့် သက်ဆိုင်သော အရာခပ်သိမ်းမှာ စုံလင်ခြင်းသို့ ရောက်သောသူတို့ကို ရည်ရွယ်ထားခြင်းဖြစ်သည်။ စုံလင်ခြင်းသို့ မရောက်သောသူတို့မှာ ဤအရာကို မရရှိနိုင်ကြ။

အောက်ခြေမှတ်ချက်များ-

(က) မူရင်းစာသားတွင် “၏ စမ်းသပ်မှု” ကို ချန်လှပ်ထားသည်။

ယခင်က:အရာအားလုံးကို ဘုရားသခင်၏ နှုတ်ကပတ်တော်ဖြင့် စွမ်းဆောင်ရရှိသည်

နောက်တစ်ခုသို့:နာကျင်သည့်စမ်းသပ်မှုများကို တွေ့ကြုံပြီးမှသာ သင်သည် ဘုရားသခင်၏နှစ်လိုဖွယ်ကောင်းခြင်းကို သိနိုင်မည်။

သင်နှစ်သက်နိုင်သည့် အရာများ