၁၉။ အရာရှိတစ်ဦး၏ နောင်တ

အနန္တတန်ခိုးရှင်ဘုရားသခင်က ပြောပါတယ်၊ “ကမ္ဘာကို ဖန်ဆင်းသည့်အချိန်မှ အစပြုပြီး ယနေ့ထက်ထိတိုင် ဘုရားသခင်၏ အလုပ်၌ သူလုပ်ဆောင်ခဲ့သမျှသည် ချစ်ခြင်းမေတ္တာ ဖြစ်သည်၊ လူကို မုန်းတီးသည့်စိတ် နည်းနည်းမျှ မရှိပေ။ သင်မြင်တွေ့ခဲ့သည့် ပြစ်တင်ဆုံးမမှုနှင့် တရားစီရင်မှုပင်လျှင် ချစ်ခြင်းမေတ္တာ ဖြစ်သည်၊ သာ၍စစ်သော၊ မှန်သော မေတ္တာဖြစ်သည်၊ ဤချစ်ခြင်းမေတ္တာသည် လူ့အသက်တာ၏ မှန်သောလမ်းထဲသို့ လူတို့ကို လမ်းပြပေးသည်။... သူလုပ်ခဲ့သော အလုပ်အားလုံးသည် လူ့အသက်တာ၏ မှန်သောလမ်းထဲသို့ လူတို့ကို လမ်းပြရန်အတွက် ရည်ရွယ်ပြီးလုပ်သည့် အလုပ်များ ဖြစ်သည်၊ ထိုသို့အားဖြင့် လူသားမျိုးနွယ်၏ ပုံမှန်ဘဝကို သူတို့ရရှိနိုင်ဖို့အတွက် ဖြစ်သည်၊ အဘယ်ကြောင့်ဆိုသော် လူသည် မည်သို့အသက်ရှင်ရမည်ကို မသိသောကြောင့် ဖြစ်သည်။ ထိုသို့ မည်သို့အသက်ရှင်ရမည်ကို မသိလျှင် သင်သည် အနှစ်မဲ့သော အသက်တာ၊ တန်ဖိုးမရှိသော၊ အဓိပ္ပာယ်ကင်းမဲ့သော အသက်တာကိုသာ ရှင်သန်နိုင်လိမ့်မည်ဖြစ်ပြီး၊ ပုံမှန်လူတစ်ဦးဖြစ်အောင် မည်သို့လုပ်ရမည်ကို သင်လုံးဝသိမည် မဟုတ်ပေ။ ယင်းသည် လူကို သိမ်းပိုက်သည့် အလုပ်အတွက် အရေးအကြီးဆုံးအရာ ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သိမ်းပိုက်ခြင်းအလုပ်၏ အတွင်းသမ္မာတရား (၄)”)

ကျွန်တော်က ကျေးလက်ဒေသမှာ မွေးပါတယ်။ မိဘတွေက ရိုးသားပြီး အလုပ်ကြိုးစားတဲ့ လယ်သမားတွေပါ။ ကျွန်တော်တို့က ဆင်းရဲတော့ တခြားရွာသားတွေက ကျွန်တော်တို့ကို အမြဲတမ်း အထင်သေးပြီး အနိုင်ကျင့်ကြတယ် “တစ်နေ့ကျရင် ငါ့ အကြောင်းပြမယ်။ တစ်နေ့ကျရင် ငါ့အပေါ် သူတို့အမြင်တွေ ပြောင်းလာကြရမယ်။” လို့ ကျွန်တော် တွေးခဲ့တယ်။ ဆယ်ကျော်သက်အရွယ်မှာ ကျွန်တော် စစ်တပ်ထဲ ဝင်ခဲ့တယ်။ ဘယ်လောက် ဆိုးဝါးတဲ့တာဝန်ဖြစ်ဖြစ်၊ ဘယ်လောက်ပဲ ပင်ပန်းပင်ပန်း၊ ရာထူးတိုးဖို့ မျှော်လင့်ချက်နဲ့ကျွန်တော် လုပ်တယ်။ ဒါပေမဲ့ နှစ်ချီကြာတဲ့အထိ တပ်သားပဲ ဖြစ်နေခဲ့တယ်။ နောက်တော့ ကျွန်တော် သဘောပေါက်လာတယ်။ ဝင်ငွေကောင်းပြီး ရာထူးတိုးဖို့ဆိုတာ အလုပ်ကြိုးစားလို့မဟုတ်ဘူး။ လာဘ်ထိုးမှ ရတာပါ။ အဲဒါကို ကျွန်တော် မကြိုက်ပေမဲ့ ရာထူးတိုးချင်တယ်။ ဒါနဲ့ ကိုယ့်ကိုယ်ကိုယ် စိတ်တင်းပြီး၊ အထက်လူကြီးကို ကျွန်တော် စုထားတာတွေအားလုံးနဲ့ လာဘ်ထိုးလိုက်တယ်။ ထင်တဲ့အတိုင်းပဲ၊ မကြာခင်မှာ ကျွန်တော် စစ်တက္ကသိုလ်တက်ဖို့ “အရည်အချင်းမီ” သွားတယ်။ ကျွန်တော် ကျောင်းပြီးပြီးချင်း ရောက်ခဲ့တဲ့ ဌာနတုန်းကဆို၊ လာဘ်ထိုးဖို့ ပိုက်ဆံမရှိတော့၊ ထမင်းချက်တာဝန် ယူခိုင်းခဲ့တာပါ။ “လက်ဆောင်ယူလာသူများကို အရာရှိများ ဒုက္ခမပေး” “မျက်နှာရအောင်လုပ်ခြင်းနှင့် မြှောက်ပင့်ခြင်းတို့ မပါဘဲ လုံးဝ ပြီးမြောက်အောင်မြင်ခြင်း မရှိ” ဆိုတာကို ကျွန်တော် ကောင်းကောင်းသိတယ်။ နေရာတစ်ခုခု ရချင်ရင်၊ လာဘ်ထိုးဖို့အတွက် ငွေရှာဖို့ကို ဘာပဲဖြစ်ဖြစ် ကျွန်တော် လုပ်ရမယ်။ မဟုတ်ရင် ဘယ်လောက်ပဲ အရည်အချင်းရှိရှိ ကျွန်တော် ဘယ်မှ ရောက်မှာမဟုတ်ဘူး။ ကျွန်တော် ရှေ့ရောက်ချင်ခဲ့တယ်။ ဒါကြောင့် ပိုက်ဆံရဖို့အတွက် တတ်နိုင်သမျှလုပ်ခဲ့တယ်။ အထက်လူကြီးတွေကို ဖားပြီး၊ သူတို့ ကြိုက်တတ်မှန်းသိတာတွေကို ကျွန်တော် ပေးတယ်။ ကျွန်တော်လုပ်နေတာက တရားမဝင်ဘူးဆိုတာ သိခဲ့ပါတယ်။ မိသွားပြီး ထောင်ချခံရမှာကို ကြောက်ခဲ့တယ်။ တစ်ချိန်လုံး ရင်တမမ ဖြစ်နေတာပေါ့။ ဒါပေမဲ့ အရာရှိတစ်ယောက် ဖြစ်လာမယ်ဆိုတဲ့ အတွေးနဲ့ပဲ ကျွန်တော် ရှေ့ဆက်ဖြစ်ခဲ့တယ်။ အချိန်ခဏကြာပြီး နောက်ဆုံးမှာတော့ ကျွန်တော် တပ်ရင်းမှူးဖြစ်လာခဲ့တယ်။ ကျွန်တော် အိမ်ပြန်ရောက်တိုင်း၊ ရွာသားတွေက ကျွန်တော့်ကို ဝိုင်းပြီး မြှောက်ကြတယ်။ ဖားကြတယ်။ ဒါတွေကြောင့် ကျွန်တော် တော်တော်ကို ဘဝင်မြင့်လာတဲ့အပြင်၊ ရည်မှန်းချက်တွေ၊ ဆန္ဒတွေလည်း ပိုကြီးလာတယ်။ လူတွေပြောသလိုပါပဲ။ “အရာရှိတစ်ဦး ဖြစ်လာခြင်းမှာ အစားကောင်းများနှင့် ဝတ်ကောင်းစားလှများအတွက် ဖြစ်သည်”။ ပြီးတော့ “အာဏာကို ရှိတုန်းသုံးပါ။ အာဏာမရှိတော့သည့်အခါ သင်သုံးနိုင်မည်မဟုတ်သောကြောင့်တည်း” တဲ့။ တစ်ပြားမှ မကုန်ဘဲ လိုချင်တာမှန်သမျှ ရနေတော့၊ အရာရှိဘဝရဲ့ အခွင့်ထူးတွေကို ကျွန်တော် စပြီး အကြိုက်တွေ့လာတယ်။ ကျွန်တော့်ဆီက တစ်ခုခုလိုချင်သူ မှန်သမျှ၊ ကျွန်တော့်ကို ကျွေးမွေးရတယ်၊ လာဘ်ထိုးရတယ်။ တပ်ရင်းမှူးနဲ့ ထောက်ပံ့ရေးအရာရှိတို့ အကြိုက်ဆုံးဖြစ်တဲ့ ကျွန်တော့်ရာထူးကို အသုံးချပြီးတော့ လက်အောက်ငယ်သားတွေကို ဟိုဟာ ဒီဟာခိုင်းဖို့ လုပ်ခဲ့တယ်။ ကျွန်တော်က ရိုးသားတဲ့ လယ်သမားတစ်ယောက်ရဲ့သား ဘဝကနေ လိုအင်မပြည့်နိုင်တဲ့၊ မရိုးဖြောင့်တဲ့၊ လှည့်စားတတ်တဲ့လူအဖြစ်ရောက်သွားခဲ့တယ်။

ကျွန်တော်က အလုပ်မှာပဲ အာဏာရှင်ဆန်ဆန် ပြုမူတာမဟုတ်ဘူး၊ အိမ်မှာလည်း ဇနီးကို ကောင်းကောင်းမဆက်ဆံခဲ့ဘူး။ ဘာအကြောင်းပြချက်မှ မရှိဘဲ၊ သူ့ကို ဖောက်ပြန်တယ်လို့ စွပ်စွဲပြီး၊ ကျွန်တော်တို့ကြားက စိတ်ဝမ်းကွဲမှုက ပိုကြီးလာတာပေါ့။ နောက်ဆုံးတော့ သူ မခံနိုင်တော့ဘဲ ကွာရှင်းချင်တယ်လို့ ကျွန်တော့်ကို ပြောတယ်။ ကျွန်တော့်ရဲ့ ပျော်ရွှင်တဲ့မိသားစုဟာ ပြိုကွဲရတော့မလိုဖြစ်ခဲ့တယ်။ ပြီးတော့ ကျွန်တော့်သားလည်း ဒုက္ခခံရမယ်။ ကျွန်တာ် စိတ်မကောင်းဖြစ်ပြီး ကျွန်တော့်ဘဝအပေါ် ပြန်တွေးနေမိတယ်။ ကျွန်တော်က ထူးချွန်အောင် လုပ်ဖို့၊ သူများထက်သာဖို့ကို ငယ်ငယ်ကတည်းက ဆုံးဖြတ်ထားတာပါ။ ကျွန်တော့်ဇနီးရော ကျွန်တော်ပါ အလုပ်ကောင်းတွေ ရထားတယ်။ အဆင်ပြေတဲ့ဘဝတစ်ခုမှာ နေကြတယ်။ လူတိုင်းက ကျွန်တော်တို့ကို အားကျကြတယ်။ ဒီတော့ ကျွန်တော် ပျော်ပြီး ကျေနပ်ခဲ့သင့်တာပေါ့။ ဘာဖြစ်လို့ ကျွန်တော့်ရင်ထဲမှာ အဓိပ္ပာယ်မဲ့သလို ဖြစ်ပြီး၊ ဒီလို နာကျင်မှုမျိုးနဲ့ ရှင်သန်နေရသေးတာလဲ။ ဒါ ကျွန်တော်လိုချင်ခဲ့တဲ့ဘဝလား။ ကျွန်တော်တို့ တကယ်တမ်းမှာ ဘယ်လို အသက်ရှင်သင့်တာလဲ။ ကျွန်တော် စိတ်ရှုပ်ထွေးပြီး လမ်းပျောက်သလိုခံစားရတယ်။ ဒါပေမဲ့ အဖြေရှာမရခဲ့ဘူး။ နောက်ပိုင်းမှာတော့ ကျွန်တော့်ဇနီးသည်က အနန္တတန်ခိုးရှင်ဘုရားသခင်ရဲ့ နိုင်ငံတော်ဧဝံဂေလိတရားကို လက်ခံခဲ့ပါတယ်။ ညီအစ်ကိုမောင်နှမတွေနဲ့ တစ်ချိန်လုံး စုရုံးပြီး မိတ်သဟာယပြုတယ်။ မကြာခင်မှာပဲ သူက တကယ်ကို အပြုသဘောဆောင်တဲ့သူတစ်ယောက်ဖြစ်လာခဲ့တယ်။ သူက ကျွန်တော်နဲ့ ထပ်ပြီး မငြင်းခုံတော့ဘူး။ ကွာရှင်းဖို့ကိစ္စကိုလည်းမပြောတော့ဘူး။ ကျွန်တော့်ဇနီး ပြောင်းလဲလာတာကို မြင်တော့၊ ဘုရားသခင်ကို ယုံကြည်ခြင်းဆိုတာ သိပ်ကောင်းလို့ပဲ ဖြစ်ရမယ်ဆိုပြီး စဉ်းစားမိတယ်။ ကျွန်တော်လည်း အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေကိုဖတ်ပြီး သူ့အပေါ် ယုံကြည်မှုရှိလာတယ်။

အသင်းတော်အသက်တာကို ကျွန်တော်စပြီး အသက်ရှင်လာတယ်။ အနန္တတန်ခိုးရှင်ဘုရားသခင်အသင်းတော်က ဒီလောကနဲ့ လုံးဝ ကွဲပြားတာကို ကျွန်တော် တွေ့ခဲ့ရတယ်။ ညီအစ်ကိုမောင်နှမတွေက ဘုရားနှုတ်ကပတ်တော်တွေကိုဖတ်ပြီး သမ္မာတရားကို မိတ်သဟာယပြုကြတယ်။ ဘုရားနှုတ်ကပတ်တော်နဲ့ သမ္မာတရားအားဖြင့် ပြုမူနေထိုင်ဖို့၊ ရိုးသားပွင့်လင်းဖို့၊ စစ်မှန်မှုရှိဖို့ သူတို့ အားထုတ်ကြတယ်။ သန့်စင်တဲ့နေရာတစ်ခုကို ရောက်လာသလို ကျွန်တော်ခံစားခဲ့ရတယ်။ ပြီးတော့ ကျွန်တော်တစ်ခါမှ မခံစားခဲ့ဖူးတဲ့ လွတ်မြောက်မှုကို ခံစားရတယ်။ ဝတ်ပြုအစည်းအဝေးတက်တာတွေ၊ ဘုရားနှုတ်ကပတ်တော်ဖတ်တာတွေကနေ ဘုရားသခင်ဆိုတာ သန့်ရှင်းပြီး ဖြောင့်မတ်တယ်၊ သူ အမုန်းတီးဆုံးက လူသားရဲ့ညစ်ညမ်းမှုနဲ့ ဖောက်ပြန်ပျက်စီးမှု ဖြစ်တယ်ဆိုတာကို ကျွန်တော် သိခဲ့ရတယ်။ စစ်တပ်ထဲမှာ ကျွန်တော် မကောင်းတဲ့အကျင့်တွေအများကြီးရခဲ့တယ်။ ကျွန်တော် နောင်တမရရင် ဘုရားက ကျွန်တော့်ကို စက်ဆုပ်ရွံရှာပြီး ဖယ်ရှင်းပစ်မယ်ဆိုတာ ကျွန်တော်သိခဲ့ပါတယ်။ အဲဒီနောက် ကျွန်တော် ဒီ ဘုရားနှုတ်ကပတ်တော်တွေကို ဖတ်ခဲ့ပါတယ်။ “ဤမျှညစ်ညမ်းသောမြေတွင် မွေးဖွားလာသောလူသားသည် လူ့အဖွဲ့အစည်း၏ ပြင်းထန်စွာ ထိခိုက်ဖျက်ဆီးခြင်းကို ခံခဲ့ရပြီးဖြစ်သည်။ လူသားသည် ပဒေသရာဇ်စနစ်ဆိုင်ရာ ကိုယ်ကျင့်တရားများ၏ လွှမ်းမိုးခြင်းခံရကာ ‘အဆင့်မြင့်ပညာသင်ကျောင်းများ’ တွင် သင်ယူခဲ့ကြသည်။ ခေတ်နောက်ကျသော စဉ်းစားတွေးတောခြင်း၊ ပျက်စီးယိုယွင်းသော စာရိတ္တ၊ လူ့ဘဝကို တန်ဖိုးမထားခြင်း၊ စက်ဆုပ်ဖွယ် အတွေးအခေါ်၊ လုံးဝဥဿုံ တန်ဖိုးမရှိသော ဘဝ၊ စာရိတ္တပျက်ပြားသော အသက်ရှင်ပုံနှင့် ဓလေ့စရိုက်များ၊ စသည်တို့ အားလုံးသည် လူ့နှလုံးသားအတွင်းသို့ ပြင်းပြင်းထန်ထန် ကျူးကျော်ဝင်ရောက်ကာ လူသား၏ အသိစိတ်ကို ပြင်းထန်စွာ တိုက်ခိုက်၍ အားလျော့စေခဲ့သည်။ အကျိုးဆက်မှာ လူသားသည် ဘုရားသခင်နှင့် ဝေးသည်ထက် ဝေးသွားသည့်အပြင် သူ့ကို ဆန့်ကျင်မှု ပိုမိုဆိုးရွားလာသည်။ လူ့စိတ်သဘောထားသည် တစ်နေ့ပြီးတစ်နေ့ ပိုမိုဆိုးယုတ်လာကာ ဘုရားသခင်အတွက် မည်သည့်အရာကိုမဆို လိုလိုချင်ချင် စွန့်လွှတ်လိုသည့်သူနှင့် ဘုရားသခင်ကို လိုလိုချင်ချင် နာခံလိုစိတ်ရှိသူ တစ်ဦးတစ်လေမျှ မရှိသည့်အပြင် ဘုရားသခင်၏ အသွင်သဏ္ဌာန်ကို လိုလိုချင်ချင် ရှာဖွေလိုသော ဆန္ဒရှိသူလည်း တစ်ဦးတစ်လေမျှ မရှိပေ။ ထိုသို့ပြုမည့်အစား လူသားသည် စာတန်၏ အုပ်စိုးမှုအောက်တွင် ပျော်ပါးကာ မည်သည့်အရာကိုမှ လုပ်ဆောင်ခြင်းမရှိပဲ၊ ရွှံ့နွံတောထဲ၌ ဇာတိပကတိ၏ ပျက်ဆီးယိုယွင်းခြင်းထံ မိမိကိုယ်ကို လုံးလုံးမြှုပ်နှံထားသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မပြောင်းလဲသော စိတ်သဘောထား ရှိခြင်းသည် ဘုရားသခင်နှင့် ရန်ဘက်ပြုခြင်းဖြစ်သည်”) ဒါကိုဖတ်ပြီး ကျွန်တော်က ဘာကြောင့် အရမ်းကို ဖောက်ပြန်ပျက်စီးနေသလဲဆိုတာ သိရပါတယ်။ စစ်တပ်မှာ ကျွန်တော် နေလာခဲ့တဲ့ နှစ်တွေကို ပြန်တွေးကြည့်တယ်။ ရှေ့ကိုရောက်ဖို့အတွက် နားလည်မှုနဲ့ဖြစ်လာတဲ့ စည်းမျဉ်းတွေကို လိုက်နာပြီး မကောင်းတာတွေ အများကြီးလုပ်တယ်။ မတရားတဲ့နည်းလမ်းနဲ့ရထားတဲ့ အကျိုးအမြတ်တွေကို ယူတယ်။ အပြစ်ထဲမှာ အရှက်မရှိအသက်ရှင်ရင်းနဲ့ ကျွန်တော်ဟာ သိပ်ကို အကျင့်ပျက်ပြီး ဆိုးယုတ်လာခဲ့တယ်။ ဘုရားနှုတ်ကပတ်တော်တွေဟာ ကောင်းမှုနဲ့ မကောင်းမှုကြားက ကွာခြားချက်ကို ပြပြီး ကျွန်တော့်မှာ ရှိတဲ့ အကျင့်ပျက်ခြင်းနဲ့ ဆိုးယုတ်ခြင်းရဲ့ ဇာစ်မြစ်ကို မြင်ခွင့်ပေးခဲ့ပါတယ်။ တကယ်တော့ စာတန်က အားလုံးရဲ့ အရင်းအမြစ်ဖြစ်နေပါတယ်။ နတ်ဆိုးတွေရဲ့ ဘုရင် စာတန်ဟာ ကျွန်တော်တို့ လူ့အဖွဲ့အစည်းကို ဆူပွက်နေတဲ့ အပြစ်လှောင်ကန်ကြီးထဲကျသွားအောင် ဖျက်ဆီးဖို့အတွက် ပညာရေးနဲ့ လွှမ်းမိုးမှုမျိုးစုံကို အသုံးပြုခဲ့ပါတယ်။ အာဏာရှိတဲ့လူတွေဟာ သောင်းကျန်းကြတယ်။ သာမန်လူတွေအပေါ် အနိုင်ကျင့်တယ်။ ရိုးသားသူတွေကတော့ ဖိနှိပ်ခံရပြီး ဘဝမှာ တိုးတက်မှုမရှိဘူး။ ကျွန်တော်တို့ လူ့အဖွဲ့အစည်းက အတွေးမှားတွေ၊ တလွဲအယူတွေနဲ့ ပြည့်နေပါတယ်။ “မိမိကိုယ်သာ ကိုးကွယ်ရာဖြစ်၏” “ဉာဏ်ကိုအသုံးချသူသည် ကာယခွန်အားကို အသုံးချသူအပေါ် အုပ်စိုးရသည်။” “ထင်ရှားကျော်ကြားမှုရရှိခြင်း သည် သူ၏ဘိုးဘေးများအတွက် ဂုဏ်အသရေ ယူဆောင်လာသည်”၊ “လူသားသည် အထက်သို့ ရုန်းကန်ဆန်တက်သည်- ရေသည်နိမ့်ရာသို့ စီးဆင်း၏” “လက်ဆောင်ယူလာသူများကို အရာရှိများ ဒုက္ခမပေး”၊ “မျက်နှာရအောင်လုပ်ခြင်းနှင့် မြှောက်ပင့်ခြင်းတို့ မပါဘဲ လုံးဝ ပြီးမြောက်အောင်မြင်ခြင်း မရှိ” “အရာရှိတစ်ဦး ဖြစ်လာခြင်းမှာ အစားကောင်းများနှင့် ဝတ်ကောင်းစားလှများအတွက် ဖြစ်သည်”။ ပြီးတော့ “အာဏာကို ရှိတုန်းသုံးပါ။ အာဏာမရှိတော့သည့်အခါ သင်သုံးနိုင်မည်မဟုတ်သောကြောင့်တည်း” ဆိုတာမျိုးတွေပေါ့။ ဒါတွေနဲ့ ကျွန်တော့်ပတ်ဝန်းကျင်က ဖိအားတွေရဲ့ လှည့်စားမှုကို ခံလိုက်ရတော့ ကျွန်တော်ကိုယ်တိုင် သတိမထားလိုက်မိဘဲ လမ်းပျောက်ခဲ့တာပါ။ ကျွန်တော့်အာဏာကို ကိုယ့်အကျိုးအမြတ်အတွက် အလွဲသုံးစားလုပ်ရင်း၊ အရာရှိတစ်ယောက် ဖြစ်ဖို့ဆိုရင် ကျွန်တော် ဘာမဆို လုပ်မှာပဲ။ ကျွန်တော်က လုံးဝ အကျင့်ပျက်သူ ဖြစ်လာတဲ့အပြင်၊ ခေါင်းပုံဖြတ် အမြတ်စားဖို့ပဲ အာရုံစိုက်ခဲ့တယ်။ ကျွန်တော့်ရဲ့ မကောင်းမှုတွေအပေါ် တကယ်ကို နောင်တရခဲ့ပါတယ်။ ဘုရားသခင်ဟာ ကျွန်တော့်ကို နောက်တစ်ခါပြန်စဖို့ အခွင့်အရေးပေးပြီး ကယ်တင်ခဲ့တဲ့အတွက် ကိုယ်တော့်ကို ကျေးဇူးတင်ပါတယ်။ ဒီလိုမဟုတ်ရင် ကျွန်တော့်ရဲ့အပြုအမူအတွက် ကျိန်ဆဲခံရပြီး အပြစ်ဒဏ်ပေးခံရမှာပဲ။ ဘုရားကို ကျွန်တော် သိပ်ပြီး ကျေးဇူးတင်ခဲ့မိတယ်။ ကျွန်တော့်ရဲ့ အကျင့်ကို ပြောင်းဖို့၊ စစ်တပ်ကနေ ထွက်ဖို့နဲ့ အလုပ်သစ်တစ်ခုရှာဖို့ ကျွန်တော် ဆုံးဖြတ်ခဲ့တယ်။ ဒါပေမဲ့ ကျွန်တော့်အထက်လူကြီးက ဒုတပ်မမှူးရာထူး တိုးပေးမယ်ဆိုပြီး၊ ကျွန်တော် ဆက်နေအောင် ကြိုးစားပါတယ်။ ကျွန်တော်လည်း ချီတုံချတုံဖြစ်သွားတယ်၊ “ဒုတပ်မမှူးတဲ့လား။ အဲဒါဆို အိပ်မက်က တကယ်ဖြစ်လာတော့မှာပဲ” ဆိုပြီး စဉ်းစားတယ်။ အဲဒီရာထူးကို စွန့်လွှတ်ဖို့ ကျွန်တော် ခဏလောက်တော့ ကြိုးစားခဲ့ရတယ်။ ဘာလုပ်ရမယ်ဆိုတာ မသိခဲ့ဘူး။ ဒါနဲ့ ဆုတောင်းပြီး ရှာဖွေဖို့အတွက် ဘုရားရှေ့ကို လာခဲ့ပါတယ်။ နောက်တော့ ကျွန်တော် ဒီ ဘုရားနှုတ်ကပတ်တော်တွေကို ဖတ်တယ်။ “အကယ်၍ သင်သည် ရာထူးအဆင့်အတန်းကြီးမြင့်သူ၊ နာမည်ဂုဏ်သတင်း ကျော်စောသူ၊ အသိပညာကြွယ်ဝသူ၊ များလှစွာသော ပစ္စည်းဥစ္စာများ ပိုင်ဆိုင်သူ၊ များစွာသောလူတို့၏ ထောက်ခံအားပေးခြင်းကို ခံရသောသူ ဖြစ်သော်လည်း ဘုရားသခင်၏ခေါ်တော်မူခြင်းနှင့် သူ၏တာဝန်ပေး စေခိုင်းချက်ကို လက်ခံရန်နှင့် ဘုရားသခင်စေခိုင်းသမျှကို လုပ်ဆောင်ရန် အတွက် ဘုရားသခင်၏အထံတော်သို့ သင်ရောက်လာခြင်းကို ထိုအရာများက တားဆီးထားခြင်းမရှိလျှင် သင်လုပ်ဆောင်သမျှသည် ကမ္ဘာပေါ်တွင် အရေးအပါဆုံးနှင့် လူသားတို့တွင် အဖြောင့်မတ်ဆုံး အရာပင် ဖြစ်လိမ့်မည်။ ရာထူးအဆင့်အတန်းနှင့် သင်၏ကိုယ်ပိုင် ရည်မှန်းချက်များကြောင့် ဘုရားသခင်၏ ခေါ်တော်မူခြင်းကို သင်ငြင်းဆန်ပါက သင်လုပ်ဆောင်သမျှသည် ကျိန်ဆဲခြင်းကို ခံရလိမ့်မည် ဖြစ်ပြီး ဘုရားသခင်၏ စက်ဆုပ်ရွံရှာခြင်းကိုပင် ခံရလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသားမျိုးနွယ်အားလုံး၏ ကံကြမ္မာအပေါ် ဘုရားသခင် တာဝန်ယူဦးဆောင်သည်”) “လူတို့သည် ကမ္ဘာမြေသို့ ရောက်လာကြပြီး ငါ့ကို တွေ့ဆုံရန်မှာ ကြုံတောင့်ကြုံခဲ ဖြစ်သကဲ့သို့၊ သမ္မာတရားကို ရှာဖွေရန်နှင့် ရရှိရန်အလို့ငှာ အခွင့်အရေးလည်း ရခဲလှပေသည်။ သင်တို့သည် ဤနှစ်လိုဖွယ်အချိန်ကို ယခုဘဝတွင် လိုက်စားရမည့် မှန်ကန်သည့်လမ်းကြောင်းအဖြစ် အဘယ်ကြောင့် တန်ဖိုးမထားကြသနည်း။ ပြီးလျှင် အဘယ်ကြောင့် သင်တို့သည် အစဉ်သဖြင့် သမ္မာတရားနှင့် တရားမျှတခြင်းအပေါ် အလွန်အထင်အမြင်သေးကြသနည်း။ လူတို့ကို ကစားသည့် မဖြောင့်မတ်မှုနှင့် ညစ်ညူးခြင်းတို့အတွက် သင်တို့သည် အဘယ်ကြောင့် အစဉ်အမြဲ မိမိတို့ကိုယ်ကိုယ် နင်းချေပြီး ဖျက်ဆီးနေကြသနည်း။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူငယ်နှင့် လူကြီးအတွက် နှုတ်ကပတ်တော်များ”) စကားလုံးတိုင်းက ကျွန်တော့်အသိစိတ်ကို ထိုးနှက်ပါတယ်။ ကျွန်တော် နိုးကြားလာတယ်။ “ဟုတ်တာပဲ” ဆိုပြီး တွေးမိတယ်၊ “သမ္မာတရားကို ဖော်ပြဖို့နဲ့ လူသားကို ကယ်တင်ဖို့အတွက် ကမ္ဘာမြေကို ကြွလာတဲ့ လူ့ဇာတိခံ ဘုရားသခင်ကို တွေ့ရတာ၊ သမ္မာတရားကို အားထုတ်ဖို့နဲ့ ဘုရားအတွက် အသုံးခံခွင့်ရတာ၊ ဒီလိုတွေ ငါ ကံကောင်းတယ်ဆိုတာ ဘုရားသခင်ရဲ့ ကြီးမားတဲ့ ချီးမြှောက်မှုနဲ့ ကျေးဇူးတော်ပဲပေါ့” ဖန်ဆင်းရှင်အတွက် ကိုယ့်ကိုယ်ကိုယ် အသုံးတော်ခံခြင်းထက် ဘယ်အရာက ပိုပြီး အဓိပ္ပါယ်ရှိနိုင်မလဲ။ ရာထူးအဆင့်တွေမှာ ဘယ်လောက်မြင့်တဲ့အထိပဲ တက်တက် ကျွန်တော် ပျော်နိုင်ပါ့မလား။ အာဏာကြီးတဲ့လူတွေ တော်တော်များများက သူတို့ ကျေနပ်သလို လုပ်ကြပြီး မကောင်းမှု မျိုးစုံလုပ်ကြတယ်။ ဒါပေမဲ့ နောက်ဆုံးတော့ သူတို့အားလုံး ကိုယ်နဲ့တန်တာကိုပဲ ရကြတယ်။ ပြီးတော့ အထက်ပိုင်းအရာရှိတော်တော်များများက တစ်ချိန်မှာ ချမ်းသာပြီး ကျော်ကြားခဲ့ကြတယ်။ ဒါပေမဲ့ အာဏာအတွက် အလုအယက်ယှဉ်ပြိုင်ရင်း၊ ရှုံးပြီဆိုတာနဲ့၊ တချို့က ထောင်ထဲမှာ လက်ဗလာနဲ့ အဆုံးသတ်ကြတယ်။ တချို့ကျတော့ ကိုယ့်ကိုယ်ကိုယ် သတ်သေကြတယ်။ ဒီလိုအရာမျိုးက အမြဲတမ်း ဖြစ်နေကျပါ။ ကျွန်တော်ကတော့ အထက်ကို ကုတ်ကပ်တက်နေခဲ့တာပါ။ ဒါပေမဲ့ ပိုပြီး မာနကြီးလာတယ်။ တစ်ကိုယ်ကောင်းဆန်ပြီး လှည့်စားတတ်လာတယ်။ အခု ဘုရားသခင်ဟာ ကျွန်တော့်အပေါ် သမ္မာတရားများစွာကို ပေးအပ်ခဲ့ပြီး အသက်တာမှာ မှန်ကန်တဲ့လမ်းကြောင်းကို ပြခဲ့တယ်။ ကျွန်တော် အရင်လိုမျိုး ဘယ်လို ဆက်သွားနိုင်မှာလဲ။ ကျွန်တော့်ဘဝရဲ့အချိန်အများစုမှာ စာတန်ရဲ့ အန္တရာယ်ပေးမှုနဲ့ လှည့်စားမှုကို ခံနေခဲ့ရတာ လူသားနဲ့မတူသလောက်နီးနီးဖြစ်တဲ့အထိပါပဲ။ အဲဒီအချိန်ကစပြီး ကျွန်တော် တခြားနည်းလမ်းနဲ့ပဲ အသက်ရှင်ချင်ခဲ့တယ်။ ဘုရားနောက် လိုက်ပြီး၊ သမ္မာတရားကို လက်တွေ့လုပ်ဆောင်ချင်တယ်။ ဘုရားနှုတ်ကပတ်တော်တွေနဲ့အညီ ပြုမူနေထိုင်ချင်ခဲ့တယ်။ ဒါကြောင့် အလုပ်ပြောင်းပြီးတော့ စစ်တပ်က အဆက်အသွယ်အားလုံး ဖြတ်လိုက်ဖို့ ဆုံးဖြတ်ခဲ့တယ်။ ဒါပေမဲ့ စာတန်က ကျွန်တော့်ကို တော်တော်ကို ဖျက်ဆီးခဲ့တာကြောင့် သူ့ရဲ့အဆိပ်ဖြစ်တဲ့ “ထင်ရှားကျော်ကြားမှု ရရှိခြင်းသည် သူ၏ဘိုးဘေးများအတွက် ဂုဏ်အသရေ ယူဆောင်လာသည်” ဆိုတာမျိုးက ကျွန်တော့်အတွက် တကယ့်ဘဝ ဖြစ်နေခဲ့ပါပြီ။ အသင်းတော်မှာဆို ကျွန်တော်က နေရာကောင်း ရဖို့ အမြဲတမ်း ပြိုင်နေခဲ့တာပဲ။ ဘုရားရဲ့ ထုတ်ဖော်ပြခြင်းနဲ့ တရားစီရင်ခြင်းကပဲ ကျွန်တော့်ရဲ့ အားထုတ်ပုံကို ပြုပြင်ပေးခဲ့တာပါ။

အချိန်ခဏလောက်အထိ အသင်းတော်မှာ ကျွန်တော့်တာဝန်ကို ထမ်းဆောင်ပြီးနောက်မှာ ဟိုအရင် ကျွန်တော်နဲ့ သိခဲ့ဖူးတဲ့ လူနှစ်ယောက်ကို တွေ့မိတယ်။ တစ်ယောက်က တော်တော်ငယ်တဲ့ အသင်းတော်ခေါင်းဆောင်ပဲ။ “မင်းတို့နှစ်ယောက်က အပြင်လောကမှာ ငါ့အောက်မှာရှိခဲ့တာ။ ဒါပေမဲ့ ဒီ အသင်းတော်မှာ မင်းတို့က ငါ့အထက်လူကြီးတွေဖြစ်နေတယ်။ ငါသာဆို မင်းတို့ထက် ပိုတော်တဲ့ခေါင်းဆောင် ဖြစ်မှာကွ” လို့ တွေးပြီး စိတ်မသက်မသာဖြစ်မိတယ်။ အဲဒီနေရာကို ရဖို့ ကျွန်တော့်အစွမ်းရှိသမျှ စပြီး ကြိုးစားခဲ့တယ်။ စစချင်း ကျွန်တော် အစီအစဉ်တစ်ခုဆွဲတယ်။ ဘုရားနှုတ်ကပတ်တော်တွေ ဖတ်ဖို့အတွက် နေ့တိုင်း မနက် ၅ နာရီမှာ ထတယ်။ ပြီးရင် တရားဒေသနာတွေကို နှစ်နာရီတိတိ နားထောင်တယ်။ ပြီးတော့ တစ်ပတ်ကို နှုတ်ကပတ်တော်ဓမ္မသီချင်း သုံးပုဒ် ရအောင်ကျက်တယ်။ ကျွန်တော့်တာဝန်မှာ ပိုပြီး တက်ကြွလာတယ်။ ဘယ်လောက်ပဲ ခက်ခဲခက်ခဲ၊ ပင်ပန်းပင်ပန်း၊ အသင်းတော်မှာ ကျွန်တော် လုပ်နိုင်သမျှကို ဦးဆောင်လုပ်တယ်။ ဝတ်ပြုအစည်းအဝေးတွေမှာ စစ်တပ်တုန်းက ကျွန်တော့်အတွေ့အကြုံတွေကို ပြောတယ်။ ကျွန်တော့်အရည်အချင်းတွေကို ကြွားတယ်။ အသင်းတော်ခေါင်းဆောင်တွေ မိတ်သဟာယပြုတာကို နှာခေါင်းရှုံ့တယ်။ တစ်ခါတလေမှာ ကျွန်တော်က ပိုကောင်းအောင်လုပ်နိုင်တယ်ဆိုတဲ့ပုံစံနဲ့ သူတို့ရဲ့ အတွေးအခေါ်နဲ့ အပြုအမူတွေကို အနုနည်းနဲ့ ချိုးနှိမ်တယ်။ ဒါဟာ အသင်းတော်ခေါင်းဆောင်တစ်ယောက်ဖြစ်ဖို့ မျှော်လင့်နေရင်းနဲ့ ကျော်ကြားမှုနဲ့ ဂုဏ်အဆင့်အတန်းအတွက် ကျွန်တော် ရုန်းကန်အားထုတ်တဲ့ ပုံစံပါပဲ။ တစ်ခါတော့ ခေါင်းဆောင်တစ်ယောက်က ကိစ္စတစ်ခုကို ကောင်းကောင်း မကိုင်တွယ်ခဲ့မှန်း ကျွန်တော် သတိပြုမိတယ်။ အဲဒီအတွက် ကျွန်တော် သူ့ကို ပြစ်တင်ရှုတ်ချလိုက်ပြီး နုတ်ထွက်သင့်တယ်ဆိုပြီး သွယ်ဝိုက်ပြောခဲ့တယ်။ နောက် ရွေးကောက်ပွဲမှာ ခေါင်းဆောင်တစ်ယောက်အဖြစ် အရွေးခံရဖို့ ကျွန်တော် မျှော်လင့်ခဲ့တယ်။ ညီအစ်ကိုမောင်နှမတွေက အဲဒါကို သိသွားတော့၊ ကျွန်တော့်အပြုအမူကို စိစစ်ကြတယ်။ ကျွန်တော်ဟာ လှည့်စားတတ်တယ်။ ရည်ရွယ်ချက်ကြီးပြီး အသင်းတော်ကို ချုပ်ကိုင်ချင်တယ်ဆိုပြီး ပြောကြတယ်။ အဖွဲ့ခေါင်းဆောင်အဖြစ် ကျွန်တော့်တာဝန်ကနေ ကျွန်တော် ထုတ်ပယ်ခံခဲ့ရတယ်။ ကျွန်တော် တကယ်ကို စိတ်ညစ်သွားတာပါ။ “ငါက ဂုဏ်သိက္ခာရှိတဲ့ တပ်ရင်းမှူးတစ်ယောက် ဖြစ်ခဲ့ဖူးတယ်။ ဒါပေမဲ့ အခုတော့ အသင်းတော်မှာ အဖွဲ့ခေါင်းဆောင်တောင် မဖြစ်နိုင်ဘူး” ဆိုပြီး စဉ်းစားမိတယ်။ ဒီလိုနဲ့ သုံးလေးလကြာပြီးနောက်မှာ ကျွန်တော် သည်းမခံနိုင်တော့ဘူး။ ညီအစ်ကိုမောင်နှမတွေကိုလည်း မမြင်ချင်တော့ဘူး။ ဝတ်ပြုအစည်းအဝေးတွေမှာ ကျွန်တော် စကားမပြောတော့ဘူး။ ကျွန်တော့် စိတ်ဝိညာဉ်ဟာ မှောင်မိုက်လာပြီး ဘုရားကို ကျွန်တော် မခံစားမိတော့ဘူး။ အဲဒီတော့မှ ကျွန်တော် စပြီး ကြောက်လာတယ်။ ဒါကြောင့် ဒီအမှောင်ကနေ ကျွန်တော့်ကို ခေါ်ဆောင်ဖို့ ဘုရားဆီမှာ အပြေးအလွှား တောင်းလျှောက်မိပါတယ်။

နောက်ပိုင်းမှာ ကျွန်တော် ဒီ ဘုရားနှုတ်ကပတ်တော်တွေကို ဖတ်ခဲ့တယ်- “သင်တို့ ရှာဖွေရာတွင်၊ တစ်ဦးချင်းစီ၌ များစွာသော အယူအဆများ၊ မျှော်လင့်ချက်များနှင့် အနာဂတ်များ ရှိကြသည်။ လက်ရှိအမှုမှာ ရာထူးအဆင့်အတန်းအပေါ် သင်တို့၏ တပ်မက်မှုနှင့် သင်တို့၏ လွန်ကဲသော အလိုဆန္ဒများကို ကိုင်တွယ်ဖြေရှင်းရန်အတွက် ဖြစ်သည်။ မျှော်လင့်ချက်များ၊ အဆင့်အတန်းနှင့် အယူအဆများအားလုံးသည် စာတန်ဆန်သော စိတ်သဘောထား၏ ဂန္တဝင်ကိုယ်စားပြုချက်များ ဖြစ်သည်။...ယခုတွင် သင်တို့သည် နောက်လိုက်များ ဖြစ်ကြပြီး အမှု၏ ဤအဆင့်ကို သိနားလည်မှုအချို့ ရရှိကြပြီးဖြစ်သည်။ သို့သော်၊ အဆင့်အတန်းအတွက် သင်တို့၏ တပ်မက်မှုကို သင်တို့ ဘေးမဖယ်ထားကြသေး။ သင်တို့၏ အဆင့်အတန်း မြင့်မားသည့်အခါ သင်တို့ ကောင်းစွာ ကြိုးစားကြသော်လည်း သင်တို့၏ အဆင့်အတန်း နိမ့်သည့်အခါ သင်တို့ မကြိုးစားကြတော့ပေ။ အဆင့်အတန်းနှင့်ဆိုင်သော ကောင်းချီးမင်္ဂလာများမှာ သင်တို့၏ စိတ်ထဲ၌ အမြဲရှိနေသည်။... ဤနည်းလမ်းဖြင့် သင်ရှာဖွေလေလေ ရိတ်သိမ်းမှု နည်းလေလေ ဖြစ်လိမ့်မည်။ အဆင့်အတန်းအတွက် လူတစ်ဦး၏ အလိုဆန္ဒ ကြီးမားလေလေ၊ ၎င်းတို့အား ပို၍ပြင်းထန်စွာ ကိုင်တွယ်ဖြေရှင်းရန် လိုလေလေ ဖြစ်ပြီး ၎င်းတို့သည် ကြီးမားသော စစ်ဆေးခြင်းကို ကြုံရလေလေဖြစ်သည်။ ထိုသို့သော လူတို့သည် အသုံးမကျသောသူများ ဖြစ်သည်။ ၎င်းတို့အနေဖြင့် ဤအရာများကို လုံးလုံးလျားလျား လက်လွှတ်ရန်အလို့ငှာ ၎င်းတို့အား လုံလောက်စွာ ကိုင်တွယ်ဖြေရှင်းပြီး တရားစီရင်ရမည် ဖြစ်သည်။ အကယ်၍ သင်တို့သည် ဤနည်းဖြင့် အဆုံးတိုင်အောင် လိုက်စားပါက၊ မည်သည့်အရာကိုမျှ ရိတ်သိမ်းရမည် မဟုတ်ပေ။ အသက်ကို မလိုက်စားသောသူများသည် ပြောင်းလဲခြင်း မခံရနိုင်သကဲ့သို့ သမ္မာတရားကို ဆာငတ်ခြင်းမရှိသော သူများသည် သမ္မာတရားကို မရနိုင်ကြပေ။ သင်သည် ကိုယ်တိုင်ကိုယ်ကျ ပြောင်းလဲခြင်းနှင့် ဝင်ရောက်ခြင်းကို လိုက်စားခြင်းအား အာရုံမစိုက်ဘဲ၊ ယင်းအစား လွန်ကဲသော တပ်မက်မှုများနှင့် ဘုရားသခင်အပေါ် သင်၏ချစ်ခြင်းမေတ္တာကို ကန့်သတ်ပြီး သူ့ထံ တိုးဝင်ချဉ်းကပ်ခြင်းကို တားဆီးသော အရာများအပေါ် သင် အမြဲတစေ အာရုံစိုက်၏။ ထိုအရာများသည် သင့်အား ပြောင်းလဲစေနိုင်သလော။ ၎င်းတို့သည် သင့်အား နိုင်ငံတော်ထဲသို့ ခေါ်ဆောင်လာနိုင်သလော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အဖြည့်ခံဖြစ်ရန် သင်အဘယ်ကြောင့် လိုလားခြင်းမရှိသနည်း”) ဘုရားနှုတ်ကပတ်တော်တွေက ကျွန်တော့်စိတ်နှလုံးထဲ ထိုးဖောက်ဝင်သွားတယ်။ ကျွန်တော် တော်တော် ရှက်ခဲ့ပါတယ်။ ရာထူးအတွက် ကျွန်တော် ယှဉ်ပြိုင်ခဲ့တယ်။ နောက်တော့ ညီအစ်ကိုမောင်နှမတွေရဲ့ ဖော်ထုတ်ပြီး ဆူပူတာကို ခံရတယ်၊ ပြီးတော့ တာဝန်ကနေ ထုတ်ပယ်ခံရတယ်။ ဒါ ကျွန်တော် လိုချင်ခဲ့တဲ့အရာမဟုတ်ဘူး။ ဒါပေမဲ့ တစ်ယောက်ယောက်က ကျွန်တော့်ကို ထိခိုက်စေချင်လို့လည်းမဟုတ်ဘူး။ ဘုရားရဲ့ ဖြောင့်မတ်တဲ့ တရားစီရင်ခြင်းနဲ့ အချိန်မီ ကယ်တင်ခြင်းကြောင့် ဖြစ်ခဲ့တာတွေပါ။ နောက်ဆုံးသောကာလ ဘုရားရဲ့အမှုတော်ဟာ ကျွန်တော်တို့ရဲ့ အတွေးအခေါ်ဟောင်း၊ အယူအဆဟောင်းတွေကို ပြောင်းလဲဖို့ဖြစ်ပါတယ်။ စာတန်ရဲ့လွှမ်းမိုးမှုကနေ ကယ်တင်ဖို့ဖြစ်ပါတယ်။ ဒါမှ ကျွန်တော်တို့ဟာ ဘုရားဆီက သမ္မာတရားနဲ့ အသက်ကို ရရှိပြီး အလင်းထဲမှာ နေထိုင်နိုင်မှာပါ။ ကျွန်တော်က မှန်တဲ့လမ်းကြောင်းကို လျှောက်နေတာမဟုတ်သလို သမ္မာတရားကို အားထုတ်ခြင်းမှာ အာရုံစူးစိုက်မှုလည်း မပြုခဲ့ပါဘူး။ ရာထူးနဲ့ နာမည်ကောင်းရဖို့ အားထုတ်နေတာပါ။ ရာထူးရဖို့အတွက် လှည့်ကွက်တွေလုပ်ပြီး မရိုးသားတဲ့နည်းတွေ သုံးခဲ့တယ်။ ဒါဟာ လူသားမျိုးနွယ်ကို ကယ်တင်ဖို့ဖြစ်တဲ့ ဘုရားရဲ့အလိုတော်နဲ့ လုံးလုံး ဆန့်ကျင်မနေဘူးလား။ ဒီလိုမျိုးဆက်သွားနေရင် ကျွန်တော် သမ္မာတရားကို ဘယ်တော့မှ မရဘဲ ဖယ်ရှင်းခံရမှာပါ။ ကျွန်တော် လမ်းလွဲခြင်းကို တားဆီးဖို့၊ လမ်းကြောင်းမှန်ပေါ် ပြန်တင်ပေးဖို့အတွက် ဘုရားသခင်က ညီအစ်ကိုမောင်နှမတွေကတစ်ဆင့် ကျွန်တော့်ကို ပြုပြင်၊ ကိုင်တွယ်ဖြေရှင်းခဲ့တယ်။ ကျွန်တော့် ရည်ရွယ်ချက်နဲ့ ဆန္ဒတွေကို ဖော်ထုတ်ခဲ့တယ်။ ကျွန်တော့်ရာထူးကို ယူဆောင်သွားခဲ့တယ်။ ဒါဟာ ကျွန်တော် ကိုယ့်ကိုယ်ကိုယ် ဆင်ခြင်သုံးသပ်ပြီး အကျင့်တွေ ပြောင်းဖို့အတွက်ပါ။ ဘုရားသခင်ဟာ ကျွန်တော်တို့စိတ်နှလုံးတွေထဲကို အမှန်တကယ် မြင်တယ်ဆိုတာ ကျွန်တော် သိခဲ့ရပါတယ်။ ဘုရားသခင်ရဲ့ ဖြောင့်မတ်ခြင်း၊ သန့်ရှင်းခြင်း၊ အနန္တတန်ခိုးရှိခြင်းနဲ့ ဉာဏ်ပညာတို့အပေါ်လည်း အမှန်တကယ် နားလည်မှုတချို့ရခဲ့တယ်။ ကျွန်တော့်ရာထူးဆုံးရှုံးတာနဲ့ပတ်သက်ပြီး အဖျက်သဘောဆောင်တာ၊ စိတ်ဖိစီးတာတွေမဖြစ်တော့ဘဲ အဲဒီအစား သမ္မာတရားကို အားထုတ်ချင်ပြီး ဘုရားရဲ့ စီစဉ်ညွှန်ကြားမှုနဲ့ အစီအစဉ်တွေကို နာခံချင်ခဲ့တယ်။

ခြောက်လကြာပြီးနောက်မှာ တခြားအသင်းတော်တစ်ခုမှာ အသင်းတော်အသက်တာကို ရှင်သန်ဖို့ ကျွန်တော် သွားခဲ့တယ်။ အဲဒီမှာ သူတို့က ခေါင်းဆောင်တွေ ရွေးချယ်ဖို့ လုပ်တော့မှာ။ အဲဒီမှာရှိတဲ့သူအားလုံးက ဘုရားအပေါ် ယုံကြည်ခဲ့တဲ့အချိန် ကျွန်တော့်လောက် မကြာသေးတာကို သိရတော့ ကျွန်တော် ပျော်သွားခဲ့တယ်။ ဒါနဲ့ ကျွန်တော် ရနိုင်ခြေရှိလိမ့်မယ်လို့ တွေးခဲ့တယ်။ အသက်တာအတွေ့အကြုံနဲ့ ယုံကြည်မှုနှစ်ကာလမှာ ကျွန်တော်က သူတို့ထက် သာတယ်။ ကျွန်တော့်ကိုပဲ အသင်းတော်ခေါင်းဆောင်အဖြစ် ရွေးသင့်တယ်လို့ ထင်မိတယ်။ ကျွန်တော့်အစွမ်းအစကို ကောင်းကောင်းပြလိုက်မယ်လို့ ပြင်နေတုန်းမှာပဲ၊ ကျွန်တော့်အရင်အသင်းတော်က အစ်မတစ်ယောက်က စီစီပီက လိုက်ဖမ်းနေလို့ဆိုပြီး၊ ဒီအသင်းတော်ဆီ ထွက်ပြေးလာတယ်။ ကျွန်တော် စဉ်းစားလိုက်တယ်။ “အရင်အသင်းတော်တုန်းက ရာထူးအတွက် ငါ ဘယ်လိုယှဉ်ပြိုင်ခဲ့တယ်ဆိုတာ သူသိတယ်။ အသင်းတော်ခေါင်းဆောင်ထပ်ဖြစ်ဖို့ ငါ ယှဉ်ပြိုင်နေတာကို သူမြင်ရင် ငါ့ရဲ့ အရင်က ကြားလို့မကောင်းတဲ့အပြုအမူတွေကို သူ ဖော်ထုတ်ပြမှာလား သူ အဲဒီလိုသာလုပ်ရင်၊ ငါ့နာမည် တော်တော် ထိခိုက်သွားလိမ့်မယ်” ပေါ့။ ရွေးချယ်စရာ မရှိတော့ဘူးဆိုတော့၊ ကျွန်တော့်အစီအစဉ်တွေကို စွန့်လွှတ်ပြီး၊ အခြေအနေကို ချိန်ဆကြည့်တယ်၊ “အရင်ဆုံး ငါ အဖွဲ့ခေါင်းဆောင် ဖြစ်အောင်လုပ်ပြီး အဲဒီကနေ ဆက်တက်မယ်” ပေါ့လေ။ ဒါပေမဲ့ အံ့သြစွာနဲ့ပဲ ကျွန်တော် အဖွဲ့ခေါင်းဆောင်အဖြစ်တောင် အရွေးမခံခဲ့ရဘူး။ အသင်းတော်မှာ တချို့ အလှည့်ကျတာဝန်တွေအတွက် လူမလုံလောက်ဘူး။ ဒါနဲ့ အသင်းတော်ခေါင်းဆောင်တွေက ကျွန်တော် ကူညီပေးချင်လားဆိုပြီး မေးလာတယ်။ မနာခံဘူးလို့ မြင်မှာစိုးပြီး ကျွန်တော် စိတ်မပါဘဲ လက်ခံခဲ့တယ်။ ကျွန်တော်က ဂုဏ်ရှိတဲ့ တပ်ရင်းမှူးဖြစ်ခဲ့ပေမဲ့ ဒီလို နိမ့်ကျတဲ့တာဝန်ကို လုပ်နေရတယ်။ ဒါတွေအားလုံးက ကျွန်တော့်အတွက် လွဲမှားနေသလိုပဲ။ သိပ်မကြာခင် ရဲတွေက ကျွန်တော်တို့ စုရုံးတဲ့နေရာကို စပြီး စောင့်ကြည့်လာလို့၊ အဲဒီနေရာမှာ စုရုံးလို့ မရတော့ဘူး။ အသင်းတော်ခေါင်းဆောင်က ကျွန်တော့်ကို တခြားအဖွဲ့တစ်ခုဆီ တာဝန်ချလိုက်တယ်။ ဧည့်ခံတဲ့တာဝန်တွေ လုပ်ရင်း၊ ညီအစ်ကိုမောင်နှမတွေနဲ့ စည်းဝေးဖို့ပေါ့။ ဒါ ကျွန်တော့်အတွက် အတော်များသွားပြီ။ နိမ့်ကျတဲ့ တာဝန်ကို လုပ်နေရရုံမကဘဲ အခု ဧည့်ခံတဲ့တာဝန်လုပ်ပြီး ညီအစ်ကိုမောင်နှမတွေနဲ့ စုဝေးရဦးမယ်။ ဒါ တော်တော် သိမ်ငယ်ချင်စရာကောင်းတယ်လို့ ကျွန်တော် ခံစားမိတယ်။ ဘာလို့ ဒီလောက်အထိ ကျွန်တော် ကျသွားရတာလဲ။ ဒီအတိုင်း ဆက်ဖြစ်နေရင်၊ ကျွန်တော့်အတွက် ဘယ်လိုအလားအလာတွေ ဖြစ်လာမလဲ။ ကျွန်တော် ပိုပိုပြီး စိတ်ညစ်လာတယ် ကျွန်တော် တတ်နိုင်တာဆိုလို့ ဘုရားဆီ အလောတကြီး ဆုတောင်းတာပဲ။ ကျွန်တော့်ကို ဉာဏ်အလင်းဖွင့်ပေးဖို့၊ လမ်းပြဖို့ တောင်းလျှောက်မိတယ်။

အဲဒီနောက် ဘုရားသခင်ရဲ့ ဒီ နှုတ်ကပတ်တော်တွေကို ကျွန်တော် ဖတ်ခဲ့တယ်။ “လူတို့သည် ၎င်းတို့ အသက်ရှင်ရန်အတွက် အမှီပြုခဲ့သော အတွေးအခေါ်များသည် ၎င်းတို့ သစ္စာဖောက်သောသူများ၊ သူရဲဘောကြောင်သောသူများနှင့် စက်ဆုပ်ဖွယ်ကောင်းသောသူများ ဖြစ်လာသည်အထိ ၎င်းတို့၏ စိတ်နှလုံးများကို နှစ်ပေါင်းများစွာ ပျက်စီးယိုယွင်းစေခဲ့သည်။ ၎င်းတို့၌ စိတ်ဓာတ်ခွန်အားနှင့် စိတ်ဆုံးဖြတ်ချက် ကင်းမဲ့ကြသည်သာမက ၎င်းတို့သည် လောဘကြီးလာကြပြီး၊ မောက်မာလာကြကာ၊ တစ်ဇွတ်ထိုး လုပ်လာကြလေသည်။ ၎င်းတို့၌ အတ္တကို ကျော်လွန်သော စိတ်ဆုံးဖြတ်ချက် တစ်ခုတစ်လေ လုံးဝကင်းမဲ့နေပြီး ထိုမျှမက ၎င်းတို့၌ ဤမှောင်မိုက် လွှမ်းမိုးမှုများ၏ ချုပ်ချယ်မှုများကို ဖယ်ရှားရန် သတ္တိ အနည်းငယ်ပင် မရှိကြချေ။ လူတို့၏ အတွေးအခေါ်များနှင့် အသက်တာများသည် ပုပ်သိုးလွန်းသည်မှာ ဘုရားသခင်အပေါ် ယုံကြည်ခြင်းနှင့်သက်ဆိုင်သော ၎င်းတို့၏ ရှုထောင့်အမြင်များမှာ သည်းမခံနိုင်အောင် အကျည်းတန်နေသေးသည်သာမက ဘုရားသခင်အပေါ် ယုံကြည်ခြင်းအကြောင်း ၎င်းတို့၏ ရှုထောင့်အမြင်များကို လူတို့ပြောကြသည့်အခါ ၎င်းမှာ တကယ်ပင် နားမခံနိုင်စရာ ဖြစ်သည်။ လူအားလုံးသည် သူရဲဘောကြောင်ကြသည်၊ အစွမ်းအစမရှိ၊ စက်ဆုပ်ရွံရှာဖွယ် ဖြစ်ကြသည်သာမက ခိုင်ခံ့ခြင်းလည်း မရှိကြပေ။ ၎င်းတို့သည် အမှောင်စွမ်းအားများကို ရွံရှာခြင်း မရှိကြသကဲ့သို့ အလင်းနှင့် သမ္မာတရားကို ချစ်ခြင်း မရှိကြ၊ ထိုသို့ဖြစ်ရမည့်အစား ၎င်းတို့ကို ထုတ်ပစ်ရန်အတွက် အစွမ်းကုန် လုပ်ဆောင်ကြသည်။ သင်တို့၏ လက်ရှိအတွေးအခေါ်များနှင့် ရှုထောင့်အမြင်များမှာ ‘ငါသည် ဘုရားသခင်ကို ယုံကြည်သည့်အတွက် ငါ့အား ကောင်းချီးမင်္ဂလာများကိုသာ သွန်းလောင်းပေးသင့်ပြီး ငါ၏ အဆင့်အတန်းသည် မည်သည့်အခါမျှ ကျဆင်းခြင်း မရှိမည့်အကြောင်းနှင့် ၎င်းသည် မယုံကြည်သူများ၏ အဆင့်အတန်းထက် ပို၍ မြင့်မားသည်မှာ သေချာစေသင့်သည်။’ ဟူ၍ ဤကဲ့သို့ပင် ဖြစ်သည် မဟုတ်လော။ သင်တို့သည် ထိုကဲ့သို့ ရှုထောင့်အမြင်မျိုးကို တစ်နှစ် သို့မဟုတ် နှစ်နှစ်သာမဟုတ်ဘဲ နှစ်ပေါင်းများစွာ သင်တို့အထဲ၌ သိုထားကြလေပြီ။ သင်တို့၏ အလဲအလှယ် သဘောတွေးခေါ်ပုံသည် အလွန်အကျွံ့ တိုးတက်လျက်ရှိသည်။ သင်တို့သည် ယနေ့ ဤအဆင့်သို့ ရောက်ခဲ့ကြသော်လည်း၊ တစ်နေ့ သင်၏ အဆင့်အတန်း ဆုံးရှုံးသွားကာ သင်၏နာမည် ပျက်စီးသွားမည်ကို ကြီးမားစွာပူပင်၍၊ သင်တို့သည် အဆင့်အတန်းကို လက်မလွှတ်သေးဘဲ၊ ၎င်းကို နေ့စဉ် ရှာဖွေရန်နှင့် လေ့လာရန် အမြဲတစေ ရုန်းကန်သည်။ လူတို့သည် ၎င်းတို့၏ သက်သောင့်သက်သာ ရှိလိုသောဆန္ဒကို မည်သည့်အခါမျှ ဘေးဖယ်ထားခဲ့ခြင်း မရှိကြပေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အဖြည့်ခံဖြစ်ရန် သင်အဘယ်ကြောင့် လိုလားခြင်းမရှိသနည်း”) “ယနေ့လမ်းကြောင်းကို သင်တို့ လျှောက်လှမ်းကြသည်နှင့်အမျှ၊ အသင့်တော်ဆုံးသော လိုက်စားမှုမျိုးမှာ အဘယ်နည်း။ သင်၏ လိုက်စားမှုတွင် သင့်ကိုယ်သင် မည်သည့် လူစားမျိုးကဲ့သို့ မြင်သင့်သနည်း။ စမ်းသပ်မှုများဖြစ်စေ အခက်အခဲဖြစ်စေ၊ သို့မဟုတ် ရက်စက်သော ပြစ်တင်ဆုံးမခြင်းနှင့် ကျိန်ဆဲခြင်းဖြစ်စေ သင့်အပေါ် ယနေ့ ကျရောက်သည့် အရာအားလုံးကို မည်သို့ ချဉ်းကပ်သင့်သည်ကို သင် သိသင့်၏။ ကိစ္စရပ်များအားလုံးတွင် ယင်းကို သေချာသုံးသပ်သင့်၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လေ့လာသင်ယူခြင်း မရှိသောသူများ နှင့် မည်သည့်အရာကိုမျှ မသိသောသူများ- ထိုသူတို့သည် သားရဲများပင် ဖြစ်သည် မဟုတ်လော”) ဘုရားနှုတ်ကပတ်တော်တွေကို ချင့်ချိန်စဉ်းစားပြီး ကိုယ့်ကိုယ်ကိုယ် ဆင်ခြင်သုံးသပ်ခဲ့တယ်။ “ဟုတ်ပြီ။ ကြိုးစားအားထုတ်တဲ့အခါမှာ ငါက ကိုယ့်ကိုယ်ကိုယ် ဘယ်လိုလူမျိုးအဖြစ် မြင်သင့်လဲ” ပေါ့။ ကျွန်တော် ကိုယ့်ကိုယ်ကိုယ် တပ်ရင်းမှူးတစ်ယောက်အဖြစ် အမြဲတမ်း မြင်တယ်။ အဆင့်အတန်းရှိတဲ့သူ တစ်ယောက်ပေါ့။ အဆင့်ရှိတဲ့ တာဝန်တစ်ခုကသာ ကျွန်တော့်အတွက် သင့်တော်တယ်။ အဆင့်ရှိတဲ့ လူတွေသာ ကျွန်တော်နဲ့ စုဝေးဖို့ တန်တယ်။ ဧည့်ခံရေးတာဝန်တွေ လုပ်တဲ့ ညီအစ်ကိုမောင်နှမတွေကို ကျွန်တော်က အထင်သေးတယ်။ သူတို့နဲ့ အတူရှိနေရတာက ကျွန်တော့်ကို အရေးမပါသလို ဖြစ်စေတယ်လို့ ထင်မိတာပါ။ ကျွန်တော့်မှာ အဆင့်အတန်း မရှိရင်၊ ကျွန်တော်က အဖျက်သဘောဆောင်ပြီး အတိုက်အခံလုပ်လာတယ်။ ဘဝက အဓိပ္ပာယ်မရှိဘူးလို့တောင် ခံစားရတယ်။ အဆင့်အတန်း၊ နာမည်ကောင်းနဲ့ အကျိုးအမြတ်ဆိုတာတွေကြောင့် ကျွန်တော့်ဦးနှောက်က ခပ်ချောင်ချောင် ဖြစ်နေခဲ့ပြီ။ လူ့သဘာဝလည်း ပျောက်ခဲ့တယ်။ ရွံစရာကောင်းလောက်အောင် ရုပ်ပျက်ဆင်းပျက်ဖြစ်ခဲ့တဲ့ ကျွန်တော်ပါ။ ကျွန်တော့်လိုလူတစ်ယောက်က အသင်းတော်ခေါင်းဆောင်တစ်ယောက်ဖြစ်ဖို့ ဘယ်လို ထိုက်တန်နိုင်မှာလဲ အသင်းတော်က လူ့အဖွဲ့အစည်းလိုမဟုတ်ဘူး။ အသင်းတော်မှာ သမ္မာတရားက လွှမ်းမိုးပါတယ်။ ခေါင်းဆောင်တစ်ယောက်ဟာ ကောင်းမွန်တဲ့လူ့သဘာဝရှိပြီး သမ္မာတရားကို အားထုတ်ရမယ်။ ဒါပေမဲ့ ကျွန်တော်လုပ်တာမှန်သမျှက အဆင့်အတန်းနောက်လိုက်ပြီး ခေါင်းဆောင်တစ်ယောက်ဖြစ်ဖို့ ယှဉ်ပြိုင်တာပဲ။ ကျွန်တော် ဘယ်လိုဖြစ်ပြီး ဆင်ခြင်တုံတရားမဲ့ရတာလဲ အရှက်မရှိဖြစ်ရတာလဲ။

နောက်ပိုင်းမှာ ကျွန်တော် ဒီ ဘုရားနှုတ်ကပတ်တော်တွေကို ဖတ်ခဲ့တယ်။ “ငါသည် လူတစ်ဦးစီ၏ ခရီး လမ်းဆုံးကို အသက်၊ အဆင့်မြင့်မှု၊ ဒုက္ခခံရသည့်ပမာဏနှင့် အနည်းဆုံးအဖြစ် သူတစ်ပါးမှ ၎င်းအပေါ် သနားစိတ်ပေါ်စေသည့် အတိုင်းအတာ တို့ကို အခြေပြု၍ ဆုံးဖြတ်ခြင်း မဟုတ်။ ၎င်းတို့တွင် သမ္မာတရား ရှိမရှိအပေါ်တွင် မူတည်၍ ဆုံးဖြတ်ခြင်းဖြစ်၏။ ဤအရာမှတပါး တခြားရွေးချယ်စရာ မရှိ။ ဘုရားသခင်၏အလိုကို မလိုက်သောသူ တို့အားလုံး အပြစ်ပေးခြင်း ခံရမည်ကို သင်သိရမည်။ ဤသည်မှာ မပြောင်းလဲနိုင်သော အချက်ဖြစ်၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့၏ လမ်းဆုံးပန်းတိုင်အတွက် လုံလောက်သော ကောင်းမှုများကို ပြင်ဆင်လော့”) ဘုရားသခင်ဟာ ကျွန်တော်တို့ အဆင့်အတန်း၊ ဘယ်လောက်အလုပ်လုပ်တယ်ဆိုတာတွေ အပေါ်မှာ အခြေခံပြီး ကျွန်တော်တို့ ပန်းတိုင်ကို ဆုံးဖြတ်တာမဟုတ်ဘူးဆိုတာ ဘုရားနှုတ်ကပတ်တော်တွေကနေ ကျွန်တော် နားလည်ခဲ့တယ်။ အဓိကက ကျွန်တော်တို့ သမ္မာတရားကို ရရှိသလား၊ ဘုရားကို နာခံသလားဆိုတာပဲ။ ဘုရားရဲ့ စိတ်သဘောထားဟာ အားလုံးအပေါ် ဖြောင့်မတ်တယ်ဆိုတာ ကျွန်တော် မြင်ခဲ့ရတယ်။ ဘာတာဝန်ကိုပဲ ကျွန်တော်တို့ လုပ်ရလုပ်ရ သမ္မာတရားကို ကျွန်တော်တို့ အမြဲတမ်း ကြိုးစားအားထုတ်ရမယ်။ သမ္မာတရား ရှိတယ်ဆိုရင် လူတစ်ယောက်ဟာ ဘာအဆင့်အတန်းမှ မရှိရင်တောင် ကယ်တင်ခံရနိုင်ပါသေးတယ်။ ဒါပေမဲ့ သမ္မာတရားကို အားမထုတ်ရင်တော့၊ ဂုဏ်အဆင့်အတန်း ဘယ်လောက်ပဲမြင့်မြင့် ဘယ်သူမှ ကယ်တင်မခံရနိုင်ဘူး။ အဆင့်အတန်းနောက်ကို အရူးအမူးလိုက်ခဲ့တာ ကျွန်တော် တော်တော် မိုက်တာပဲလို့ တွေးမိတယ်။ အဲဒီ အကျင့်ပျက်တဲ့ စစ်တပ်အရာရှိတွေကို ကျွန်တော် မုန်းခဲ့ဖူးတယ်။ ဒါပေမဲ့ ကျွန်တော် ရာထူးအဆင့်တွေ တက်လာတော့ ကိုယ်တိုင်က ဆိုးလာတယ်။ အဆုံးမှာ သူတို့လိုပဲ အကျင့်ပျက်တဲ့ အရာရှိတစ်ယောက်ဖြစ်လာတယ်။ အာဏာကြီးသူတချို့က သူတို့ ဂုဏ်အဆင့်အတန်းမရှိခင်မှာ သူတို့တာဝန်ကို ရိုးရိုးသားသားလုပ်နိုင်ကြတယ်။ ဒါပေမဲ့ သူတို့ အာဏာရတာနဲ့တစ်ပြိုင်နက် စပြီး အလွဲသုံးစားလုပ်တော့ သူတို့အပြစ်တွေက စုပုံလာတယ်။ အသင်းတော်က ထုတ်ခံရတဲ့ အန္တိခရစ်တွေအကြောင်း ကျွန်တော် တွေးမိတယ်။ သူတို့က ဂုဏ်အဆင့်အတန်း မရှိတဲ့အချိန်မှာ မကောင်းတာဘာမှမလုပ်တဲ့ပုံစံရှိတယ်။ ဒါပေမဲ့ အဲဒီအခြေအနေ ပြောင်းသွားတာနဲ့ သူများတွေအပေါ် အထက်စီးကနေ ဖိအားပေးပြီး ရန်မူတော့တာပဲ။ သူတို့ရာထူးတွေကို ထိန်းထားဖို့ ပြောဆို ပြုမူကြတယ်။ မကောင်းမှုလုပ်တယ်။ ဘုရားသခင်ရဲ့ အိမ်တော်ကို နှောင့်ယှက်ကြတယ်။ သမ္မာတရားမရှိရင် ကျွန်တော်တို့ဟာ ကိုယ့်ရဲ့ အကျင့်ပျက်တဲ့ စိတ်သဘောထားနဲ့ အမြဲတမ်း အသက်ရှင်နေကြတယ်ဆိုတာကို ဒါ က ပြနေပါတယ်။ အာဏာနဲ့ ဂုဏ်အဆင့်အတန်းကို ရတာနဲ့တစ်ပြိုင်နက် မမှန်မကန်ဖြစ်လာပြီး၊ မကောင်းမှု လုပ်ကြတယ်။ နောက်ဆုံးတော့ အပြစ်ဒဏ်ပေးခြင်း ခံကြရတာပဲ။ စစ်တပ်ထဲမှာ နေခဲ့တဲ့ အဲဒီနှစ်တွေတစ်လျှောက်လုံး အပေါ်ကို ရောက်ဖို့ ကြိုးစားရုန်းကန်ရင်းနဲ့၊ ကျွန်တော့်မှာ ဆိုးယုတ်တဲ့ စိတ်သဘောထား ပြည့်နေခဲ့တယ်။ လုံးဝကို မာနထောင်လွှားတယ်။ လှည့်စားတတ်တယ်။ တစ်ကိုယ်ကောင်းဆန်တယ်။ လောဘကြီးတယ်။ ကိုယ်က ရာထူးမြင့်တဲ့နေရာမှာ ရှိမှန်း သိပြီဆိုတာနဲ့၊ ရည်မှန်းချက်တွေက မြန်မြန်ဆန်ဆန် ကြီးလာတော့တာပဲ။ တပ်ထဲမှာ အရာရှိဘဝတုန်းက ကျွန်တော် အာဏာကို အလွဲသုံးစားလုပ်ခဲ့သလိုမျိုးပေါ့။ မကောင်းမှု လုပ်ရင်း၊ ဘုရားရဲ့စိတ်သဘောထားကို ပုန်ကန်ပြစ်မှားရင်း၊ အပြစ်ဒဏ်ပေးခံရရင်းနဲ့ပဲ ကျွန်တော် ဇာတ်သိမ်းသွားနိုင်တယ်။ ဒါတွေကို စဉ်းစားမိတော့ ကျွန်တော် ကြောက်လည်းကြောက်သလို ကျေးဇူးလည်းတင်လာတယ်။ ဘုရားသခင်က အခက်အခဲတွေ၊ ကျရှုံးမှုတွေကို ထပ်ခါထပ်ခါ သယ်ဆောင်လာပြီးတော့၊ ကျွန်တော့်ရည်ရွယ်ချက်တွေ၊ ဆန္ဒတွေ ပြည့်မလာအောင် တားဆီးခဲ့တာပါ။ ဒါဟာ ကျွန်တော့်အတွက် သူ့ရဲ့ ကယ်တင်ခြင်းနဲ့ ကာကွယ်ခြင်းပါပဲ။ ကျော်ကြားမှုနဲ့ ဂုဏ်အဆင့်အတန်းရဲ့ အနှစ်သာရနဲ့ အကျိုးဆက်တွေကို မြင်ခွင့်ပေးတဲ့ ဉာဏ်အလင်းဖွင့်ပြမှုအတွက် ဘုရားသခင်ကို ကျေးဇူးတင်ပါတယ်။ နောက်ပြီးတော့လည်း သမ္မာတရားကို ကြိုးစားအားထုတ်တာက ဘယ်လောက် အရေးကြီးတယ်ဆိုတာ ကျွန်တော် နောက်ဆုံးမှာ မြင်လာခဲ့တယ်။

အဲဒီအချိန်ကတည်းကစပြီး ကျွန်တော့်ရဲ့ ဖောက်ပြန်ပျက်စီးမှုကို ဖြေရှင်းဖို့ သမ္မာတရားကို အားထုတ်ခြင်းအပေါ် ကျွန်တော် အာရုံစူးစိုက်ခဲ့တယ်။ အသင်းတော်က ဘာ တာဝန်ပဲ ကျွန်တော့်ကို ခွဲပေးသည်ဖြစ်စေ ရာထူးအဆင့်ကို ကျွန်တော် အာရုံမစိုက်တော့ပါဘူး။ အဲဒီအစား သမ္မာတရားရဲ့ အခြေခံစည်းမျဉ်းတွေကို ရှာဖွေဖို့နဲ့ တာဝန်ကို ကောင်းကောင်းလုပ်ဖို့ အာရုံစိုက်ခဲ့ပါတယ်။ ဒီနည်းနဲ့ ကျွန်တော် စပြီး လက်တွေ့လုပ်ဆောင်တဲ့အခါမှာ ဘုရားသခင်ရဲ့ တည်ရှိမှုနဲ့ လမ်းညွှန်မှုကို ခံစားရတယ်။ ပြီးတော့ ပြောမပြတတ်တဲ့ ငြိမ်သက်မှုနဲ့ ဝမ်းမြောက်မှုကို ခံစားခဲ့ရတယ်။ အချိန်နည်းနည်းကြာပြီးနောက်မှာ တခြားလူတွေရှေ့မှာ ကျွန်တော်ဟာ ပိုပြီး နှိမ့်ချလာတာကို တွေ့ရတယ်။ ပြီးတော့ စစ်တပ်အရာရှိဖြစ်ခဲ့တာကိုလည်း မကြွားဝါတော့ဘူး။ ညီအစ်ကိုမောင်နှမတွေက ကျွန်တော့်အမှားတွေကို ထောက်ပြရင် ကျွန်တော် သတိရှိရှိနဲ့ ဘုရားသခင်ကို ဆုတောင်းပြီး နာခံတယ်။ ပြီးတော့ ဆင်ခြင်သုံးသပ်ပြီး ကိုယ့်ကိုယ်ကိုယ် သိဖို့ ကြိုးစားခဲ့တယ်။ တူညီတဲ့အဆင့်အတန်းမှာ သူများတွေနဲ့ အဆင်ပြေပြေ နေနိုင်လာတယ်။ ကိုယ်က သူများထက် သာတယ်လို့ မတွေးတော့ဘူး။ ကျွန်တော် သတိမထားလိုက်မိခင်မှာပဲ ကျွန်တော့်ရဲ့ ကြိုးစားအားထုတ်မှု အမြင်က ပြောင်းသွားခဲ့တယ်။ အဆင့်အတန်း၊ ကျော်ကြားမှုနဲ့ အကျိုးအမြတ်ဆိုတာတွေက ကျွန်တော့်ကို အများကြီး မှေးမှိန်စေခဲ့တာပါ။ ဒါတွေက ကျွန်တော့်ကို ဆက်ပြီး ချုပ်ကိုင်လို့မရတော့ဘူး။ ကျွန်တော့်ထက် ယုံကြည်ခြင်း အချိန်ကာလ နည်းတဲ့သူတွေက အသင်းတော်ခေါင်းဆောင်ဖြစ်တာကို မြင်ရင် ကျွန်တော် နည်းနည်း မနာလိုဖြစ်သေးတယ်။ ဒါပေမဲ့ ဆုတောင်းရင်း၊ သမ္မာတရားကို အားထုတ်ရင်းနဲ့၊ အဲဒီစိတ်ကို အမြန် စွန့်ပစ်နိုင်ခဲ့ပါတယ်။ အခု အိမ်မှာ ကျွန်တော့်တာဝန်ကို ကျွန်တော့်အမျိုးသမီးနဲ့အတူ လုပ်ဆောင်ပါတယ်။ လူသိသူသိ အလုပ်မျိုး မဟုတ်ပေမဲ့၊ ကျွန်တော် တကယ်ကို ကျေနပ်ပါတယ်။ ကျွန်တော်တို့ အသက်တာမှာ ဘုရားနှုတ်ကပတ်တော်ကို လွှမ်းမိုးခွင့်ပြုဖို့ ကျွန်တော်တို့ ကျင့်ကြံကြတယ်။ မှန်မှန်ကန်ကန်ပြောဆိုပြီး သမ္မာတရားနဲ့ကိုက်ညီတဲ့ ဘယ်သူကိုမဆို ကျွန်တော်တို့ နားထောင်ကြတယ်။ အနန္တတန်ခိုးရှင်ဘုရားသခင်က ကျွန်တော့်ကို ပြောင်းလဲခဲ့တာကို ကျွန်တော် တကယ် တွေ့ကြုံခံစားခဲ့ရပါတယ်။ ကျွန်တော့်ရဲ့ အိမ်ထောင်၊ ကျွန်တော့်မိသားစုကို သူ ကယ်တင်ခဲ့တယ်။ အတော် ဆိုးယုတ်တဲ့ လူတစ်ယောက်ဖြစ်တဲ့ ကျွန်တော့်ကို သူ ကယ်တင်ခဲ့တယ်။ ကျွန်တော်က သိပ်ကို မာနထောင်လွှားခဲ့တယ်။ စိတ်ကြီးဝင်ခဲ့တယ်။ အဆင့်အတန်းနဲ့ အကျိုးအမြတ်ကို စွဲလမ်းတယ်။ ကောက်ကျစ်ပြီး လောဘကြီးခဲ့တယ်။ ဘုရားသခင်ရဲ့ ကယ်တင်ခြင်းမပါဘဲ အသက်တာမှာ မှန်ကန်တဲ့လမ်းကြောင်းကို ကျွန်တော် လုံးဝ လျှောက်နိုင်မှာမဟုတ်ဘူး။ ပိုပြီး ဖောက်ပြန်ပျက်စီးတာ၊ ဆိုးယုတ်တာပဲ ဖြစ်လာမှာပါ။ နောက်ဆုံးမှာ ဘုရားက ကျိန်ဆဲပြီး အပြစ်ဒဏ်ပေးတဲ့အထိ မကောင်းမှုတွေကို အများကြီး လုပ်မိမှာပါ။ ဘုရားသခင်ရဲ့ ကယ်တင်ခြင်းနဲ့ ချစ်ခြင်းကို ဒီ အတွေ့အကြုံတွေကတစ်ဆင့် ကျွန်တော် တကယ်ကို ခံစားခဲ့ရပါတယ်။ သမ္မာတရားတချို့ကို လက်တွေ့လုပ်ဆောင်နိုင်တာ၊ လူသားပုံဏ္ဌာန်တစ်ခုနဲ့ နည်းနည်းလောက် အသက်ရှင်နေထိုင်နိုင်တာဟာ ဘုရားသခင်ရဲ့ တရားစီရင်ခြင်းနဲ့ ပြစ်တင်ဆုံးမခြင်းတွေကြောင့်ပါပဲ။ ကျေးဇူးတော်ကို ချီးမွမ်းပါတယ်။

အရှေ့သို့- ၁၅။ ဘုရားသခင်၏နှုတ်ကပတ်တော်အားဖြင့် မိမိကိုယ်ကိုယ် သိရှိခြင်း

နောက်တစ်ခုသို့- ၂၆။ ရှုံးနိမ့်မှုနှင့် တွေ့ကြုံရာတွင် ရုန်းထခြင်း

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

ခုနှစ်နှစ် စမ်းသပ်ခြင်းများက ကျွန်တော့်၏ စရိုက်မှန်များကို ထုတ်ဖော်ပြသည်

ချင်ဟွေး၊ ဟေလုံကျန်းစီရင်စု ၁၉၉၄ ခုနှစ်တွင်၊ ကျွန်တော့် အမေနှင့်အတူ နောက်ဆုံးသော ကာလ ဘုရားသခင်၏ အမှုတော်ကို ကျွန်တော် လက်ခံခဲ့ပါသည်။...

သမ္မာတရားကိုနားလည်ခြင်းဖြင့်သာ မိမိကိုယ်ကို စစ်မှန်စွာ သိမြင်ခြင်း

ဝန်ဝန်၊ ချန်းချူ မြို့၊ ဂျီလင်းစီရင်စု ကျွန်တော့်အမြင်တွင်တော့ ဖောက်ပြန်ပျက်ဆီးမှု တစ်စုံတစ်ရာ မမြင်ရသည့် အပြင်ပန်း...

ဘုရားသခင်၏ နှုတ်ကပတ်တော်များက လမ်းခရီးကို ဦးဆောင်သည်

ရှောင်ချင်၊ ရှန်းကျီ ဘုရားသခင်၏ နှုတ်ကပတ်တော်များက၊ “လူတို့ကို ဖော်ထုတ်ရာတွင် ဘုရားသခင်၏ ရည်ရွယ်ချက်မှာ ၎င်းတို့ကို ရှင်းပစ်ဖို့ရန် မဟုတ်၊...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်