အခန်း ၈၈

လူတို့သည် မည်သည့်အတိုင်းအတာထိ ငါ၏ခြေလှမ်း အရှိန်မြင့်လာပြီးဖြစ်သည်ကို လွယ်လွယ် စိတ်မကူးနိုင်ကြပေ- ဤသည်မှာ လူသားအနေဖြင့် ဉာဏ်မမီနိုင်သော အံ့ဩဖွယ်ရာတစ်ခု ပေါ်ပေါက်ခဲ့ခြင်း ဖြစ်၏။ ငါ၏ခြေလှမ်းသည် ကမ္ဘာလောကကို ဖန်ဆင်းချိန်ကတည်းက ဆက်လက်ဖြစ်ပေါ်ခဲ့ပြီး ငါ၏အမှုသည် ဘယ်သောအခါမျှ မရပ်တန့်ခဲ့ပေ။ စကြဝဠာ လောကကြီးတစ်ခုလုံးသည် တစ်နေ့ပြီးတစ်နေ့ ပြောင်းလဲနေပြီး၊ လူတို့သည်လည်း စဉ်ဆက်မပြတ် ပြောင်းလဲနေကြသည်။ ဤအရာ အားလုံးသည် ငါ၏အမှု၊ ငါ၏အစီအစဉ်၏တစ်စိတ်တစ်ပိုင်းဖြစ်ပြီး၊ ထို့အပြင် ၎င်းတို့သည် ငါ၏စီမံခန့်ခွဲမှုနှင့် သက်ဆိုင်ပြီး၊ ဤအရာတို့ကို အဘယ်လူသားမျှ မသိ၊ သို့မဟုတ် နားမလည်ကြပေ။ ငါကိုယ်တိုင် သင်တို့ကို ပြောသော အခါမှသာ၊ ငါသည် သင်တို့နှင့် မျက်နှာချင်းဆိုင် မိတ်သဟာယဖွဲ့သော အခါမှသာ သင်တို့သည် အနည်းငယ်မျှ သိကြရ၏။ သို့မဟုတ်ပါက၊ ငါ၏စီမံခန့်ခွဲမှုအစီအစဉ်အတွက် အသေးစိတ်အစီအစဉ်ကို မည်သူမျှ လုံးဝ မသိနိုင်ကြပေ။ ယင်းမှာ ငါ၏ကြီးစွာသော တန်ခိုးဖြစ်ပြီး၊ ထို့အပြင် ယင်းမှာ ငါ၏အံ့ဖွယ်ရာ လုပ်ဆောင်ချက်များ ဖြစ်သည်။ ဤအရာများသည် မည်သူမျှ မပြောင်းလဲနိုင်သောအရာများ ဖြစ်သည်။ ထို့ကြောင့် ယနေ့ ငါပြောသည့် အရာသည် အမှန်တကယ်ဖြစ်ပြီး၊ ဤအရာသည် တကယ်ကို မပြောင်းလဲနိုင်ပေ။ လူသားတို့၏အယူအဆများတွင် ငါနှင့်ဆိုင်သော အသိပညာ အနည်းငယ်မျှပင် မပါရှိ- ၎င်းတို့အားလုံးသည် အဓိပ္ပာယ်မရှိသော စကားများသာ ဖြစ်ကြ၏။ သင်တို့သည် လုံလောက်နေခဲ့ပြီ၊ အားရကျေနပ်ပြီဟု မထင်ကြနှင့်။ ဤအရာကို သင့်အား ငါပြောသည်- သင်တို့ သွားရမည့်ခရီး ဝေးသေး၏။ ငါ၏ စီမံခန့်ခွဲမှုအစီအစဉ်တစ်ခုလုံးနှင့် သက်ဆိုင်၍ အနည်းငယ်သာ သင်တို့ သိကြသည်၊ ထို့ကြောင့် သင်တို့သည် ငါပြောသည့်အရာကို နားထောင်ရမည် ဖြစ်ပြီး၊ ငါလုပ်ခိုင်းသော အရာမှန်သမျှကို လုပ်ကြရမည်။ အရာရာတိုင်းတွင် ငါ၏ဆန္ဒနှင့်အညီ ပြုမူကြလော့၊ ထိုအခါ ငါ၏ကောင်းချီးမင်္ဂလာများကို သင်တို့ ဧကန်မုချ ရကြလိမ့်မည်။ ယုံကြည်သော မည်သူမဆိုသည် ရရှိနိုင်သော်လည်း၊ မယုံကြည်သောသူ မည်သူမဆိုမူကား မိမိတို့အထဲတွင် ပြည့်မီပြီဟု ထင်မှတ်သည့် “ဗလာနတ္ထိ” သာ ရှိလိမ့်မည်။ ဤသည်မှာ ငါ၏ ဖြောင့်မတ်ခြင်းဖြစ်ပြီး၊ ငါ၏ဘုန်းအာနုဘော်၊ အမျက်ဒေါသနှင့် ငါ၏ ပြစ်တင်ဆုံးမခြင်းတို့ သာ၍ပင် ဖြစ်သည်။ ငါသည် မည်သူကိုမျှ အတွေးတစ်ခု သို့မဟုတ် လုပ်ဆောင်ချက်တစ်ခုကိုပင် အပြစ်ပေးခံရခြင်းမရှိဘဲ လုပ်ဆောင်ခွင့် ပြုလိမ့်မည်မဟုတ်။

ငါ၏နှုတ်ကပတ်တော်တို့ကို ကြားရသည့်အခါ၊ လူအများစုသည် စိုးရိမ်ပူပန်သည့် ရှစ်ခေါက်ချိုး မျက်နှာများဖြင့် ကြောက်ရွံ့ကာ တုန်လှုပ် ကြသည်။ ငါသည် သင့်ကို အမှန်တကယ် မတရားလုပ်ဖူးသလော။ သင်သည် အဆင်းနီသော နဂါးကြီး၏ သားသမီးတစ်ဦး မဟုတ်သည်မှာ ဖြစ်နိုင်သလော။ သင်သည် ကောင်းချင်ယောင်ဆောင်ခြင်းပင် ပြု၏။ ငါ၏သားဦးအဖြစ်ပင် သင်ဟန်ဆောင်သည်။ ငါ မျက်စိကန်းသည်ဟု သင်ထင်သလော။ ငါသည် လူတို့ကို မခွဲခြားနိုင်ဟု သင်ထင်သလော။ ငါသည် လူတို့၏ အတွင်းကျဆုံးသော နှလုံးသားများကို စိစစ်သော ဘုရားသခင်ဖြစ်သည်- ဤသည်မှာ ငါ၏သားတို့ကို ငါပြောသောအရာဖြစ်ပြီး အဆင်းနီသောနဂါးကြီး၏ သားသမီးများဖြစ်သော သင်တို့ကိုလည်း ငါပြောသောအရာ ဖြစ်သည်။ ငါသည် အမှား စိုးစဉ်းမျှ ပြုမိခြင်းမရှိဘဲ၊ အရာရာကို ရှင်းလင်းစွာ မြင်၏။ ငါလုပ်သောအရာကို ငါမသိဘဲနေမည်လော။ ငါ လုပ်သောအရာနှင့်ပတ်သက်၍ ငါသည် ရှင်းလင်းပြတ်သား၏။ ငါသည် စကြဝဠာနှင့် အရာခပ်သိမ်းတို့၏ ဖန်ဆင်းရှင်၊ ဘုရားသခင်ကိုယ်တော်တိုင် ဖြစ်သည်ဟု အဘယ်ကြောင့် ငါပြောသနည်း။ ငါသည် လူတို့၏ အတွင်းကျဆုံးသော နှလုံးသားများကို စစ်ဆေးသော ဘုရားသခင်ဖြစ်သည်ဟု အဘယ်ကြောင့် ငါပြောသနည်း။ ငါသည် လူတိုင်း၏အခြေအနေကို ကောင်းကောင်းသိ၏။ ငါသည် မည်သည့်အရာ လုပ်ရမည်၊ မည်သည့်အရာ ပြောရမည်ကို မသိဟု သင်တို့ထင်သလော။ ဤအရာသည် သင်တို့ပူပန်စရာ မဟုတ်။ ငါ၏လက်ဖြင့် အဆုံးစီရင်ခြင်း မခံရဖို့ ဂရုပြုကြလော့။ သင်တို့သည် ထိုသို့ ဆုံးရှုံးရလိမ့်မည် ဖြစ်သည်။ ငါ၏စီမံအုပ်ချုပ်ရေးဆိုင်ရာ အမိန့်များသည် ခွင့်မလွှတ်တတ်ပေ။ နားလည်သလော။ အထက်က အရာအားလုံးသည် ငါ၏စီမံအုပ်ချုပ်ရေးဆိုင်ရာ အမိန့်များ၏ အစိတ်အပိုင်းများ ဖြစ်သည်။ ယခင်က သင်တို့ နားမလည်ခဲ့ကြသောကြောင့် ၎င်းတို့ကို သင်တို့အား ငါပြောသောနေ့မှ စ၍၊ နောက်ထပ် ချိုးဖောက်မှုများ တစ်ခုတစ်လေ သင် ကျူးလွန်မိပါက၊ ဒဏ်ခတ်ခြင်း ရှိလာလိမ့်မည်ဖြစ်သည်။

ယခုတွင် ငါသည် သင်တို့အတွက် ငါ၏စီမံအုပ်ချုပ်ရေးဆိုင်ရာ အမိန့်များကို ပြဋ္ဌာန်းသည်။ (လူအမျိုးမျိုးတို့ကို အမျိုးမျိုးသော ပြစ်တင်ဆုံးမခြင်းများ သတ်မှတ်ပြီး၊ ၎င်းတို့သည် ပြဋ္ဌာန်းသော နေ့မှ စတင်သက်ရောက်မှုရှိသည်)

ငါသည် ငါ၏ကတိများကို တည်သကဲ့သို့၊ အရာရာသည် ငါ၏လက်ထဲတွင် ရှိ၏- သံသယရှိသူ မည်သူမဆို မုချ အဆုံးစီရင် ခံရလိမ့်မည်။ မည်သည့် စာနာထောက်ထားမှုအတွက်မျှ နေရာမရှိ။ ၎င်းတို့သည် ချက်ခြင်း မျိုးဖြုတ်ခံရလိမ့်မည်၊ ထိုသို့ဖြင့် မုန်းတီးမှုကို ငါ၏နှလုံးသားမှ ဖယ်ရှားပေမည်။ (ယခုအချိန်မှစ၍ အဆုံးစီရင်ခြင်းခံရသူ မည်သူမဆိုသည် ငါ၏နိုင်ငံသားတစ်ဦး ဖြစ်ရမည်မဟုတ်သကဲ့သို့၊ စာတန်၏ သားစဉ် မြေးဆက်တစ်ဦး ဖြစ်ရမည်ကို အတည်ပြုပြီးပြီ ဖြစ်သည်။)

သားဦးများအနေဖြင့်၊ သင်တို့သည် သင်တို့၏အနေအထားများကို ထိန်းသိမ်းထားသင့်ပြီး၊ သင်တို့၏ ကိုယ်ပိုင်တာဝန်များကို ကောင်းစွာ ဖြည့်ဆည်းသင့်ကာ၊ စပ်စုသောသူများ မဖြစ်သင့်ပေ။ ငါ၏စီမံခန့်ခွဲမှု အစီအစဉ်အတွက် သင်တို့သည် မိမိကိုယ်ကိုယ် ဆက်ကပ်သင့်ပြီး၊ သင်တို့သွားသည့်နေရာတိုင်းတွင် ငါ့အတွက် ကောင်းသောသက်သေခံခြင်းကို ပြုသင့်ကာ၊ ငါ၏နာမကို ဘုန်းထင်ရှားစေသင့်၏။ ရှက်ဖွယ်သော လုပ်ရပ်တို့ကို မကျူးလွန်နှင့်။ ငါ၏သားများနှင့် ငါ၏လူတို့အားလုံးအတွက် ပုံသက်သေ ဖြစ်လော့။ တစ်ခဏမျှပင် အကျင့်တရားမပျက်လေနှင့်။ သင်တို့သည် အယောက်တိုင်းရှေ့တွင် သားဦးများ၏ ပင်ကိုလက္ခဏာဆောင်လျက် အမြဲ ရှိရမည်ဖြစ်ကာ ဖော်လံဖားရမည်မဟုတ်။ ယင်းထက်၊ ခေါင်းမော့လျက် ရှေ့ဆက် ခြေလှမ်းလှမ်းသင့်၏။ ငါ၏နာမကို အရှက်ရစေရန်မဟုတ်ဘဲ၊ ငါ၏နာမကို ဘုန်းထင်ရှားစေကြရန် သင်တို့ကို တောင်းဆိုနေခြင်းဖြစ်သည်။ သားဦးများဖြစ်ကြသောသူတို့ အသီးသီးသည် ၎င်းတို့ တစ်ဦးချင်းကိုယ်တိုင် လုပ်ငန်းတာဝန် ရှိကြပြီး၊ အရာရာတိုင်းကို မလုပ်ဆောင်နိုင်ကြပေ။ ဤသည်မှာ သင်တို့ကို ငါပေးထားသော တာဝန်ဖြစ်ပြီး၊ ထိုတာဝန်ကို ခေါင်းရှောင်ရမည် မဟုတ်။ သင်တို့ကို ငါ ပေးအပ်ထားသည့် အရာကို ဖြည့်ဆည်းရန် သင်တို့သည် မိမိတို့ကိုယ်ကိုယ် စိတ်နှလုံးအကြွင်းမဲ့၊ ဉာဏ်စွမ်းရှိသမျှနှင့် အစွမ်းရှိသမျှဖြင့် ဆက်ကပ်ကြရမည်။

ယနေ့မှရှေ့ဆက်၍၊ စကြဝဠာလောကအနှံ့တွင် ငါ၏သားများအားလုံးနှင့် ငါ၏လူမျိုးအားလုံးကို ထိန်းကျောင်းခြင်းတာဝန်အား ဖြည့်ဆည်းဖို့ ငါ၏ သားဦးများထံ အပ်နှံလိမ့်မည်ဖြစ်ပြီး၊ ထိုတာဝန်ကို ဖြည့်ဆည်းဖို့ မိမိတို့၏ နှလုံးသားနှင့် စိတ်တစ်ခုလုံးကို ဆက်ကပ်နိုင်ခြင်း မရှိသူ မည်သူမဆိုအား ငါ ပြစ်တင်ဆုံးမမည် ဖြစ်သည်။ ဤသည်မှာ ငါ၏ဖြောင့်မတ်ခြင်း ဖြစ်၏။ ငါသည် ငါ၏သားဦးများအပေါ်တွင်ပင် သက်ညှာလိမ့်မည် မဟုတ်သကဲ့သို့၊ လျှော့ပေါ့ ပေးလိမ့်မည် မဟုတ်။

ငါ၏သားများနှင့် ငါ၏လူတို့ကြားတွင် ငါ၏သားများထဲမှတစ်ဦးကို လှောင်ပြောင်ကာ စော်ကားသောသူ ရှိပါက၊ ငါ၏ သားဦးများသည် ငါကိုယ်တိုင်အား ကိုယ်စားပြုကြသည့်အတွက် ငါသည် ထိုသူတို့ကို ပြင်းထန်စွာ အပြစ်ပေးမည်။ ငါ၏သားဦးများကို တစ်စုံတစ်ယောက်က ပြုသောအရာသည် ငါ့ကို ပြုခြင်းပင်ဖြစ်၏။ ဤသည်မှာ ငါ၏စီမံအုပ်ချုပ်ရေးဆိုင်ရာ အမိန့်များ ထဲမှ အပြင်းထန်ဆုံးသောအမိန့် ဖြစ်သည်။ ဤအမိန့်ကို ချိုးဖောက်သော ငါ၏သားများနှင့် ငါ၏လူများထဲမှ မည်သူမဆိုအပေါ် ငါ၏ဖြောင့်မတ်ခြင်းကို ငါ၏သားဦးများ၏ ဆန္ဒများနှင့်အညီ စီရင်ဖို့ ၎င်းတို့ကို ငါအခွင့်ပေးမည်။

ငါ့ကို ပေါ့ပြက်စွာ သဘောထားပြီး ငါ၏အစားအစာ၊ အဝတ်အစားနှင့် အိပ်စက်ခြင်းကိုသာ အာရုံစိုက်သူ၊ ငါ၏အပြင်ပန်း အရေးကိစ္စများကိုသာ အရေးစိုက်လုပ်ဆောင်ပြီး၊ ငါ၏ဝန်ထုပ်ဝန်ပိုးကို အလေးထားခြင်းမရှိသကဲ့သို့၊ ၎င်းတို့ကိုယ်တိုင်၏ လုပ်ငန်းတာဝန်များကို ကောင်းမွန်စွာ ဖြည့်ဆည်းရန် အာရုံမစိုက်သောသူ မည်သူမဆိုကို ငါသည် တဖြည်းဖြည်း စွန့်ပစ်မည်။ ဤသည်မှာ နားရှိသောသူအားလုံးတို့ကို ညွှန်ကြားခြင်းဖြစ်သည်။

ငါ့အတွက် အစေခံခြင်းကို ပြီးစီးအောင်လုပ်ဆောင်သောသူ မည်သူမဆိုသည် ရေးကြီးခွင်ကျယ်မလုပ်ဘဲ နာခံစွာ ဆုတ်ခွာကြလိမ့်မည်။ သတိထားလော၊ သို့မဟုတ်ပါက ငါသည် သင့်ကို ဖယ်ထုတ်လိမ့်မည်။ (ဤသည်ကား နောက်ဆက်တွဲ အမိန့်တစ်ခုဖြစ်သည်။)

ငါ၏ သားဦးများသည် ယခုမှစ၍ သံလှံတံကို ကောက်ကိုင်ကာ တိုင်းနိုင်ငံများနှင့် လူမျိုးအပေါင်းတို့ကို အုပ်စိုးရန်၊ တိုင်းနိုင်ငံများနှင့် လူမျိုးအပေါင်းတို့ကြားတွင် လျှောက်လှမ်းရန်နှင့်၊ တိုင်းနိုင်ငံများနှင့် လူမျိုးအပေါင်းတို့ကြားတွင် ငါ၏တရားစီရင်မှု၊ ဖြောင့်မတ်ခြင်းနှင့် ဘုန်းအာနုဘော်ကို ဖော်ဆောင်ရန်၊ ငါ၏ဩဇာအာဏာကို စတင် စီမံဆောင်ရွက်ကြလိမ့်မည်။ ငါ၏ စီမံခန့်ခွဲမှု အစီအစဉ်သည် ပြည့်စုံကာ ငါ၏ သားဦးများသည် ငါနှင့်အတူ စိုးစံနိုင်ကြသောကြောင့်၊ ငါ၏သားများနှင့် ငါ၏လူမျိုးတို့သည် ရပ်စဲခြင်းမရှိဘဲ၊ ငါ့ကို ကြောက်ရွံ့လိမ့်မည်၊ ငါ့ကို ချီးမွမ်းလိမ့်မည်၊ ငါ့ကို ကောင်းချီးဩဘာပေးကာ ဘုန်းထင်ရှားစေကြလိမ့်မည်။

ဤသည်မှာ ငါ၏စီမံအုပ်ချုပ်ရေးဆိုင်ရာအမိန့်များ၏ တစ်စိတ်တစ်ပိုင်း ဖြစ်ပြီး၊ ဤအမှု တိုးတက်သည်နှင့်အမျှ ၎င်းတို့ကို သင်တို့အား ငါပြောပြမည်။ အထက်က စီမံအုပ်ချုပ်ရေးဆိုင်ရာအမိန့်များမှ၊ ငါ၏ အမှုကို လုပ်ဆောင်သည့် ခြေလှမ်းအပြင်၊ မည်သည့်အဆင့်သို့ ငါ၏အမှု ရောက်ရှိပြီးဖြစ်သည်ကို သင်တို့ မြင်ရကြလိမ့်မည်။ ဤသည်မှာ အတည်ပြုချက်တစ်ခု ဖြစ်လိမ့်မည်။

ငါသည် စာတန်ကို တရားစီရင်နှင့်ပြီးဖြစ်သည်။ ငါ၏ အလိုသည် ပိတ်ဆီးခြင်း မခံရသကဲ့သို့၊ ငါ၏သားဦးတို့သည် ငါနှင့်အတူ ဘုန်းထင်ရှားခြင်း ရှိကြပြီးဖြစ်သောကြောင့် ငါသည် ကမ္ဘာလောကနှင့် စာတန်နှင့်ဆိုင်သည့် အရာခပ်သိမ်းတို့အပေါ် ငါ၏ဖြောင့်မတ်ခြင်းနှင့် ဘုန်းအာနုဘော်ကို ကျင့်သုံးနှင့်ပြီးဖြစ်သည်။ ငါသည် စာတန်အပေါ် နည်းနည်းမျှပင် မကူ သို့မဟုတ် လုံးဝ အာရုံစိုက်ခြင်း မရှိပေ (၎င်းသည် ငါနှင့် စကားပြောဆိုရန်ပင် မထိုက်တန်သောကြောင့် ဖြစ်သည်)။ ငါလုပ်ချင်သောအရာကိုသာ ငါဆက်လုပ် နေသည်။ ငါ၏အမှုသည် ချောမွေ့စွာဖြင့် တစ်ဆင့်ချင်း ရှေ့ဆက်နေသကဲ့သို့၊ ငါ၏အလိုသည် ကမ္ဘာမြေကြီးတစ်ခုလုံးအနှံ့ ပိတ်ဆီး၍မရပေ။ ဤအရာသည် စာတန်ကို အတိုင်းအတာတစ်ခုအထိ အရှက်ရစေခဲ့ပြီး၊ ၎င်းသည် လုံးဝ ဖျက်ဆီးခံရပြီး ဖြစ်သော်လည်း၊ ဤအရာကို၌က ငါ၏အလိုကို မဖြည့်ဆည်း ရသေးပေ။ ငါသည် ငါ၏သားဦးများအား ငါ၏စီမံအုပ်ချုပ်ရေးဆိုင်ရာ အမိန့်များကို ၎င်းတို့အပေါ် ဖော်ဆောင်ရန်လည်း အခွင့်ပေး၏။ တစ်ဖက်တွင်၊ စာတန်ကို ငါမြင်ခွင့်ပြုသည်မှာ ၎င်းအပေါ် ငါ၏အမျက်ဒေါသ ဖြစ်သည်။ အခြားတစ်ဖက်တွင်၊ ၎င်းကို ငါ၏ဘုန်းအား မြင်ခွင့်ပေးသည် (ငါ၏ သားဦးများသည် စာတန်၏ အရှက်ရခြင်းအဖို့ အထူးကဲဆုံးသော မျက်မြင်သက်သေများဖြစ်ကြသည်ကို မြင်ခွင့်ပေးသည်)။ ငါသည် ၎င်းကို ကိုယ်တိုင်ကိုယ်ကျ ပြစ်ဒဏ်မပေး။ ယင်းထက်၊ ငါ၏ သားဦးများကို ငါ၏ဖြောင့်မတ်ခြင်းနှင့် ဘုန်းအာနုဘော်အား ငါ ဖော်ဆောင်ခွင့်ပေးသည်။ စာတန်သည် ငါ၏သားများကို စော်ကားလေ့ရှိခဲ့၍၊ ညှဉ်းပန်းနှိပ်စက်လေ့ ရှိခဲ့သကဲ့သို့ ဖိနှိပ်လေ့ ရှိခဲ့သောကြောင့်၊ ယနေ့တွင် ၎င်း၏အစေခံခြင်း ပြီးဆုံးသည့်နောက်၊ ငါသည် ငါ၏အရွယ်ရောက်သော သားဦးများအား ၎င်းကို ဖယ်ထုတ်ခွင့်ပြုမည်။ စာတန်သည် ကျရှုံးခြင်းအပေါ် ဆန့်ကျင်နိုင်စွမ်း မရှိပေ။ ကမ္ဘာလောကထဲက တိုင်းနိုင်ငံအားလုံး ဆိုင်းတွသွားခြင်းသည် အကောင်းဆုံး သက်သေ ဖြစ်သည်။ တိုက်ခိုက်နေကြသော လူတို့နှင့် စစ်မက်ဖြစ်နေသော နိုင်ငံတို့သည် စာတန်၏နိုင်ငံတော် ပြိုလဲခြင်း၏ သိသာသော သရုပ်သကန်များဖြစ်ကြသည်။ ငါသည် ယခင်က နိမိတ်လက္ခဏာများနှင့် အံ့သြဖွယ်ရာများ မပြသခဲ့သည့်အကြောင်းရင်းမှာ စာတန်အပေါ် အရှက်ရစေရန်နှင့် ငါ၏နာမကို တစ်ဆင့်ချင်း ဘုန်းထင်ရှားစေရန် ဖြစ်သည်။ စာတန်သည် လုံးဝ အပြတ်ရှင်းခံရပြီးချိန်တွင်၊ ငါသည် ငါ၏ တန်ခိုးကို စတင် ပြသမည်- ငါပြောသောအရာ အမှန်ဖြစ်လာပြီး၊ လူသားအယူအဆများနှင့် ကိုက်ညီခြင်းမရှိသော သဘာဝလွန်အရာတို့သည် ပြည့်စုံလိမ့်မည် (ဤသည်မှာ မကြာမီ လာလတ္တံ့သော ကောင်းချီးများကို ရည်ညွှန်း၏)။ ငါသည် လက်တွေ့ကျသော ဘုရားသခင်ကိုယ်တိုင်ဖြစ်ကာ၊ ငါ၌ စည်းမျဉ်းများ မရှိသောကြောင့်၊ ပြီးလျှင် ငါသည် ငါ၏စီမံခန့်ခွဲမှု အစီအစဉ်ထဲက အပြောင်းအလဲများနှင့်အညီ စကားပြောဆိုသောကြောင့်၊ ယခင်က ငါပြောပြီးသောအရာသည် ပစ္စုပ္ပန်တွင် သေချာပေါက်သက်ဆိုင်ခြင်း မရှိပေ။ သင်၏ကိုယ်ပိုင်အယူအဆများကို မဖက်တွယ်လေနှင့်။ ငါသည် စည်းမျဉ်းများကို လိုက်နာသော ဘုရားသခင်တစ်ပါး မဟုတ်။ ငါနှင့်ပတ်သက်၍မူ၊ အရာရာအားလုံး လွတ်လပ်သည်၊ ထူးကဲသာလွန်ကာ၊ လုံးဝ လွတ်ငြိမ်းခွင့်ပေးထား၏။ ယမန်နေ့က ပြောခဲ့သောအရာသည် ယနေ့ ခေတ်ကုန်ခြင်း သို့မဟုတ် ယနေ့တွင် ဘေးဖယ်ထားခံရခြင်း ဖြစ်ကောင်း ဖြစ်လိမ့်မည် (သို့သော် ငါ၏စီမံအုပ်ချုပ်ရေးဆိုင်ရာအမိန့်များသည် ပြဋ္ဌာန်းထားသည့်အတွက် ဘယ်သောအခါမျှ ပြောင်းလဲလိမ့်မည်မဟုတ်)။ ဤအရာတို့သည် ငါ၏စီမံခန့်ခွဲမှုအစီအစဉ်ထဲက အဆင့်များ ဖြစ်သည်။ စည်းမျဉ်းစည်းကမ်းတို့ကို မဖက်တွယ်လေနှင့်။ နေ့ရက်တိုင်းတွင် အလင်းသစ်ရှိပြီး၊ ထုတ်ဖော်ပြမှုအသစ်များရှိကာ၊ ယင်းမှာ ငါ၏ အစီအစဉ်ဖြစ်သည်။ နေ့ရက်တိုင်းတွင် ငါ၏အလင်းသည် သင့်အထဲတွင် ထုတ်ဖော်ပြလိမ့်မည်ဖြစ်ပြီး၊ ငါ၏အသံသည် စကြဝဠာလောကဆီသို့ ထုတ်လွှင့်လိမ့်မည် ဖြစ်သည်။ နားလည်သလော။ ဤသည်မှာ သင်၏ ဝတ္တရား၊ သင့်ကို ငါပေးအပ်ထားသော တာဝန် ဖြစ်သည်။ သင်သည် ထိုအရာကို တစ်ခဏမျှပင် လျစ်လျူရှုခြင်း မပြုရ။ ငါလက်ခံသော လူတို့ကို ငါသည် အဆုံးတိုင်အောင် အသုံးပြုမည်ဖြစ်ပြီး၊ ဤအရာသည် ဘယ်သောအခါမျှ ပြောင်းလဲလိမ့်မည်မဟုတ်။ ငါသည် အနန္တတန်ခိုးရှင်ဘုရားသခင် ဖြစ်သောကြောင့်၊ အဘယ်လူစားမျိုးက ဘယ်အရာ လုပ်သင့်သည်ကို ငါသိသည့်အပြင်၊ အဘယ်လူစားမျိုးက ဘယ်အရာ လုပ်ဆောင်နိုင်သည်ကို ငါသိ၏။ ဤသည်မှာ ငါ၏အရာခပ်သိမ်း စွမ်းဆောင်နိုင်စွမ်းဖြစ်သည်။

အရှေ့သို့- အခန်း ၈၇

နောက်တစ်ခုသို့- အခန်း ၈၉

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

အလွန်ကြီးလေးသော ပြဿနာတစ်ခု- သစ္စာဖောက်ခြင်း (၂)

လူသား၏ သဘာဝဗီဇသည် ငါ၏ အနှစ်သာရနှင့် အတော်အတန် ကွဲပြား၏။ အဘယ်ကြောင့်ဆိုသော် လူသား၏ ဖောက်ပြန်ပျက်စီးသော သဘာဝမှာ စာတန်ထံမှ လုံးလုံးလျားလျား...

အမှုတော်နှင့် ဝင်ရောက်ခြင်း (၅)

ယနေ့ လူအယောက်စီတိုင်း လွတ်လပ်သောလောကတွင် နေထိုင်နိုင်ရေးအတွက် ဘုရားသခင်သည် လူတို့အား ဘဝ၏ မှန်ကန်သောလမ်းကြောင်းပေါ်သို့ လမ်းပြနေကြောင်း၊...

သင်သည် ဘုရားသခင်ကို ယုံကြည်သောကြောင့် သမ္မာတရားအတွက် အသက်ရှင်သင့်သည်

လူသားအားလုံး၌ တည်ရှိနေသော ဘုံပြဿနာမှာ ၎င်းတို့သည် သမ္မာတရားကို သဘောပေါက် နားလည်ပါလျက်နှင့် လက်တွေ့ကျင့်သုံးရန် ပျက်ကွက်ခြင်း ဖြစ်သည်။...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်— ကယ်တင်ရှင်၏ ပေါ်ထွန်းခြင်းနှင့် အမှုတော် ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်