သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

မေးခွန်း ၈- နောက်ဆုံးသော ကာလတွင် ဘုရားသခင် မိမိကိုယ်ကိုယ် လူ့ဇာတိခံယူခြင်းက စာတန်အုပ်စိုးသည့် ခေတ်ဟောင်းကို အဆုံးသတ်ရင်း၊ နိုင်ငံတော်ခေတ်ကို စတင်ပြီးဖြစ်သည်ဟု သင် သက်သေခံသည်။ ကျွန်ုပ်တို့ မေးလိုသည်မှာ အနန္တတန်ခိုးရှင် ဘုရားသခင်၏ နောက်ဆုံးသော ကာလ တရားစီရင်ခြင်း အမှုတော်က မရေရာသည့် ဘုရားသခင်၌ လူသားမျိုးနွယ်၏ ယုံကြည်ခြင်း ခေတ်နှင့် စာတန်အုပ်စိုးသည့် အမှောင်ခေတ်ကို အဘယ်သို့ အဆုံးသတ်ခဲ့ပါသနည်း။ ကျေးဇူးပြုပြီး အသေးစိတ် မိတ်သဟာယပြုဝေမျှပေးပါ။

အဖြေ-

နောက်ဆုံးသောကာလ၌ အနန္တတန်ခိုးရှင် ဘုရားသခင်၏ တရားစီရင်ခြင်း အမှုတော်တွင်၊ လူသားမျိုးနွယ်ကို သန့်စင်ခြင်း၊ ကယ်တင်ခြင်းနှင့်ဆိုင်သည့် သမ္မာတရားအားလုံးကို ကိုယ်တော် ဖော်ပြပြီးဖြစ်သည်။ ဘုရားသခင်၏ စီမံခန့်ခွဲမှု အစီအစဉ်၊ သူ၏ အလိုတော်၊ လူသားမျိုးနွယ်၏ နောက်ဆုံး ခရီးပန်းတိုင်အတွက် သူ၏ အစီအစဉ်များ၊ စသည်တို့၏ နက်နဲမှုအားလုံးကိုလည်း လူသားမျိုးနွယ်ထံ ဖွင့်ပြပြီးဖြစ်သည်။ ဤအရာက လူသားမျိုးနွယ်ကို ဘုရားသခင်နှင့် ၎င်းတို့ မျက်နှာချင်းဆိုင်ရသကဲ့သို့ ဖြစ်ခွင့်ပေးရင်း၊ ဘုရားသခင်နှင့် လူကြားက ကွာဟမှုကို လုံးဝ နိဂုံးချုပ်လိုက်လေသည်။ ထိုသို့သော အနန္တတန်ခိုးရှင် ဘုရားသခင်၏ အမှုတော်သည် မရေရာသော ဘုရားတစ်ပါးကို လူတို့ ယုံကြည်ခြင်း ခေတ်အား အမှန်တကယ် အဆုံးသတ်ပြီး၊ လူသားမျိုးနွယ်အပေါ် စာတန်၏ အုပ်စိုးမှုနှင့် ဖောက်ပြန်ပျက်စီးစေခြင်း၏ အမှောင်နှင့် ဆိုးယုတ်မှု ခေတ်ကိုလည်း အဆုံးသတ်ပြီဖြစ်သည်။ အနန္တတန်ခိုးရှင် ဘုရားသခင်၏ အမှုတော်သည် အမှန်တကယ် ခေတ်တစ်ခေတ်ကို အဆုံးသတ်ခြင်းနှင့် ခေတ်သစ်တစ်ခုကို အစပြုခြင်း ဖြစ်သည်။ သူ၏ နှုတ်ကပတ်တော်များမှ စာပိုဒ်အနည်းငယ်ကို ဖတ်ရှုကြပါစို့။ “ယနေ့တွင်သာ ငါကိုယ်တိုင်လူသားအကြားလာ၍ ငါ့နှုတ်ကပတ်တော်များကို ပြောဆိုသည့်အခါ လူသားသည် ၎င်းတို့၏ အတွေးများထဲ “ငါ့” အတွက် ပေးထားသည့်နေရာကို ဖယ်ရှားလျက်၊ ၎င်းအစား ၎င်းတို့၏အသိဉာဏ်တွင် လက်တွေ့ကျသော ဘုရားသခင်အတွက် နေရာတစ်နေရာဖန်တီးကာ ငါ့ကို အနည်းငယ်သိကြ၏။ လူသားတွင် အယူအဆများရှိကာ သိလိုစိတ်နှင့် ပြည့်နှက်နေ၏။ ဘုရားသခင်ကို မြင်လိုသည့် ဆန္ဒမရှိသူ မည်သူရှိမည်နည်း။ ဘုရားသခင်နှင့် ကြုံတွေ့လိုသည့် ဆန္ဒမရှိသူ မည်သူရှိမည်နည်း။ သို့သော် ဝိုးတဝါးနှင့် စိတ်ကူးသက်သက်ဟု လူသားမှခံစားရသော ဘုရားသခင်သာလျှင် လူသား၏နှလုံးသားတွင် သေချာသည့် နေရာတစ်ခုယူထားသော တစ်ခုတည်းသောအရာ ဖြစ်၏။ ငါမှရိုးရှင်းစွာမပြောလျှင် မည်သူက ဤသည်ကို သိမည်နည်း။ ငါအမှန်ပင် တည်ရှိကြောင်းကို မည်သူက စစ်မှန်စွာယုံကြည်မည်နည်း။ အကယ်စင်စစ် သံသယအရိပ်အမြွက်တစ်ခုမျှ မရှိဘဲ မည်သူယုံကြည်မည်နည်း။ လူသား၏နှလုံးသားတွင်ရှိသည့် ‘ငါ’ နှင့် လက်တွေ့ဘဝတွင်ရှိသည့် ‘ငါ’ တို့အကြား ကြီးမားသည့်ကွာခြားမှုရှိ၍ ၎င်းတို့နှစ်ခုအကြား မည်သူမျှ နှိုင်းယှဉ်နိုင်စွမ်း မရှိပေ။ ငါသည် လူ့ဇာတိ မခံယူခဲ့ပါက လူသားသည် ငါ့ကို မည်သည့်အခါမျှ သိမည်မဟုတ်ဘဲ၊ ငါ့အား သူသိလာသော်မှ ဤကဲ့သို့သော အသိသည် အယူအဆတစ်ခုမျှသာ ဖြစ်နေဦးမည် မဟုတ်လော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၁” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ) “လူသားသည် စာတန်၏ သွေးဆောင်ခြင်းနှင့် ဖျက်ဆီးခြင်းခံရသဖြင့်၊ အယူအဆများကိုစဉ်းစားနေခြင်းသည် သူ့အပေါ်လွှမ်းမိုးသွားခဲ့သဖြင့်၊ လူသားမျိုးနွယ်တစ်ရပ်လုံးကို ကိုယ်တိုင် သိမ်းပိုက်ရန်၊ လူသား၏အယူအဆအားလုံးကို ဖော်ထုတ်ရန်နှင့် လူသား၏စဉ်းစားခြင်းကို အစိတ်စိတ်အမွှာမွှာ ဆုတ်ဖြဲပစ်ရန်အလို့ငှာ ငါသည် လူ့ဇာတိခံယူခဲ့ပြီးဖြစ်၏။ ရလဒ်အနေဖြင့် လူသားသည် ငါ၏ရှေ့မှောက်တွင် ဝင့်ဝါစွာလျှောက်ပြခြင်း မပြုတော့ဘဲ၊ သူ၏ကိုယ်ပိုင်အယူအဆများကို အသုံးပြု၍ ငါ့အားအစေခံခြင်းလည်း မပြုတော့ပေ။ ထို့ကြောင့် လူသားတို့၏အယူအဆများတွင်ရှိသည့် “ငါ” ကို လုံးဝ ပပျောက်စေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၁” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ)

နိုင်ငံတော်တည်ထောင်ရာတွင် ငါသည် ငါ၏ဘုရားသဘောသဘာဝတွင် တိုက်ရိုက် လုပ်ဆောင်၍၊ ငါ၏နှုတ်ကပတ်တော်တို့ကို သိခြင်းအပေါ် အခြေခံ၍ လူတို့အားလုံးကို ငါ၏အရာအားလုံးနှင့် ဖြစ်ခြင်းတို့ကို သိခွင့်ပေးလျက်၊ အဆုံးတွင် ဇာတိခန္ဓာထဲတွင် ရှိသောငါ့ကို သိခွင့်ပေး၏။ ဤနည်းအားဖြင့် လူသားမျိုးနွယ်၏ မရေရာသောဘုရားသခင်၏ နောက်သို့ လိုက်ခြင်းကို အဆုံးသတ်၍၊ လူသား၏နှလုံးသားမှ ကောင်းကင်ဘုံရှိ ဘုရားသခင်၏နေရာကို အဆုံးသတ်၏။ ဤသည်မှာ လူသားအား ငါ၏ဇာတိပကတိ၌ ငါ၏လုပ်ဆောင်ချက်များကို သိခွင့်ပေးကာ ကမ္ဘာမြေကြီးပေါ်၌ ငါ၏အချိန်ကို ထိုသို့ အဆုံးသတ်၏ဟု ဆိုလိုသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၈” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ)

ဇာတိခန္ဓာနှင့်နေထိုင်သူ အားလုံးအတွက် မိမိတို့၏ စိတ်သဘောထားကို ပြောင်းလဲခြင်းသည် လိုက်လျှောက်ရမည့် ပန်းတိုင်များကို လိုအပ်ပြီး၊ ဘုရားသခင်ကို သိခြင်းသည် ဘုရားသခင်၏ လုပ်ဆောင်ချက် အမှန်များနှင့် ဘုရားသခင်၏ မျက်နှာတော်အမှန်အား မျက်မြင်တွေ့ခြင်းကို လိုအပ်သည်။ ဤနှစ်ခုစလုံးကို လူ့ဇာတိခံယူသော ဘုရားသခင်၏ ဇာတိခန္ဓာမှသာ စွမ်းဆောင်နိုင်ပြီး၊ နှစ်ခုစလုံးကို သာမန်ဖြစ်သော စစ်မှန်သည့် ဇာတိခန္ဓာဖြင့်သာ ဖြစ်မြောက်စေနိုင်သည်။ ဤသည်မှာ လူ့ဇာတိခံယူခြင်းကို လိုအပ်ရသည့် အကြောင်းရင်းနှင့် ဖောက်ပြန်ပျက်စီးသော လူသားမျိုးနွယ်က လူ့ဇာတိခံယူခြင်းကို လိုအပ်ရခြင်း အကြောင်းရင်းဖြစ်သည်။ လူသားတို့သည် ဘုရားသခင်ကို သိရန်လိုအပ်သဖြင့်၊ မရေရာဘဲ သဘာဝထက်လွန်ကဲသော ဘုရားများ၏ ပုံရိပ်များကို သူတို့၏နှလုံးသားများမှ လွင့်ပျောက်သွားအောင် ပြုရမည်၊ ထို့ပြင် သူတို့၏ ဖောက်ပြန်ပျက်စီးသော စိတ်သဘောထားကို ပယ်ထုတ်ပစ်ရန် လိုအပ်သဖြင့် သူတို့သည် ပထမဆုံးအနေနှင့် သူတို့၏ ဖောက်ပြန်ပျက်စီးသော စိတ်သဘောထားကို သိရမည်။ အကယ်၍ လူတို့၏နှလုံးသားများထဲမှ မရေရာသော ဘုရားများ၏ပုံရိပ်များကို ဖယ်ထုတ်ပစ်ရန်အတွက် လူသားကသာ လုပ်ဆောင်ပါက သူသည် သင့်လျော်သော အကျိုးသက်ရောက်မှုကို ရရှိမည်မဟုတ်ပေ။ လူသားတို့၏နှလုံးသားများထဲရှိ မရေရာသော ဘုရားများ၏ပုံရိပ်များကို စကားလုံးများဖြင့်သာ မြင်သာအောင်ပြခြင်း၊ ဖယ်ရှားခြင်း၊ သို့မဟုတ် အပြည့်အဝ နှင်ထုတ်ခြင်း မပြုနိုင်ပေ။ ထိုသို့ပြုလျှင် လူတို့ထံတွင် နက်ရှိုင်းစွာ အမြစ်စွဲနေသော ဤအရာများကို ပပျောက်စေရန်မှာ နောက်ဆုံးအချိန်အထိ ဖြစ်နိုင်မည်မဟုတ်ပေ။ ဤအရာတို့ကို လူတို့ တဖြည်းဖြည်း သိလာခွင့်ပေးရန် လက်တွေ့ကျသော ဘုရားသခင်နှင့် ဘုရားသခင်၏ ပုံရိပ်စစ်တို့သာလျှင် ဤမရေရာသော၊ သဘာဝလွန်သောအရာများကို အစားထိုးနိုင်ကာ၊ ဤနည်းအားဖြင့်သာ သတ်မှတ်ထားသော အကျိုးသက်ရောက်မှုကို ရရှိနိုင်သည်။ လူတို့သည် ယခင်အတိတ်က သူတို့ရှာဖွေခဲ့သော ဘုရားသခင်သည် ရေရာမှုမရှိဘဲ သဘာဝလွန်ဖြစ်နေသည်ကို အသိအမှတ်ပြုသည်။ ဤအကျိုးဆက်ကို ရယူနိုင်သည့်အရာမှာ လူတစ်ဦးဦး၏ သင်ကြားမှုဖြစ်ရန် မဆိုထားနှင့်၊ ဝိညာဉ်တော်၏ တိုက်ရိုက်လမ်းညွှန်မှုကြောင့်ပင် မဟုတ်ဘဲ၊ လူ့ဇာတိခံယူသော ဘုရားသခင်သာဖြစ်သည်။ လူ့ဇာတိခံယူသည့် ဘုရားသခင်သည် သူ၏အမှုကို တရားဝင်ဆောင်ရွက်သောအခါ လူသား၏အယူအဆများသည် ဖော်ထုတ်လှန်ထားခြင်း ခံရသည်၊ အကြောင်းမှာ လူ့ဇာတိခံယူသည့် ဘုရားသခင်၏ သာမန်ဖြစ်ခြင်းနှင့် စစ်မှန်ခြင်းသည် လူသား၏စိတ်ကူးထဲမှ မရေရာသော၊ သဘာဝလွန်သည့် ဘုရားနှင့် ပကတိဆန့်ကျင်ဘက် ဖြစ်နေခြင်းကြောင့်တည်း။ လူသား၏ မူလအယူအဆများကို လူ့ဇာတိခံယူသော ဘုရားသခင်နှင့် သူတို့၏ ဆန့်ကျင်ကွဲလွဲမှုဖြင့်သာ ထုတ်ဖော်နိုင်သည်။ လူ့ဇာတိခံယူသော ဘုရားသခင်နှင့် နှိုင်းယှဉ်ခြင်းမရှိဘဲ လူသား၏ အယူအဆများကို ထုတ်ဖော်နိုင်ခြင်းမရှိပေ၊ တစ်နည်းဆိုရသော် အမှန်တရားနှင့်နှိုင်းယှဉ်ပြခြင်းမရှိဘဲ မရေရာသော အရာများကို ထုတ်ဖော်နိုင်ခြင်းမရှိပေ။ မည်သူမျှ ဤအမှုကို စကားလုံးများသုံး၍ လုပ်နိုင်စွမ်းမရှိပေ၊ ထို့အပြင် မည်သူမျှ ဤအမှုကို စကားလုံးများသုံး၍ ရှင်းရှင်းလင်းလင်း ပြောနိုင်စွမ်းမရှိပေ။ ဘုရားသခင်ကိုယ်တော်တိုင်သာလျှင် သူ၏ကိုယ်ပိုင်အမှုကို လုပ်ဆောင်နိုင်ပြီး သူ့ကိုယ်စား ဤအမှုကို မည်သူကမျှ လုပ်ဆောင်ပေးနိုင်ခြင်းမရှိပေ။ လူသား၏ ဘာသာစကားသည် မည်မျှပင် ကြွယ်ဝနေစေကာမူ လူသားသည် ဘုရားသခင်၏စစ်မှန်မှုနှင့် သာမန်ဖြစ်မှုအကြောင်းကို ရှင်းရှင်းလင်းလင်း ပြောပြနိုင်စွမ်းမရှိပေ။ ဘုရားသခင်သည် လူသားတို့အလယ်တွင် ကိုယ်တိုင်အမှုပြုကာ သူ၏ပုံရိပ်နှင့် သူ၏ဖြစ်ခြင်းကို အပြည့်အဝ ပြသမှသာလျှင် လူသားသည် ဘုရားသခင်ကို ပို၍လက်တွေ့ကျကျသိကာ ပို၍ရှင်းလင်းစွာ တွေ့နိုင်မည်ဖြစ်သည်။ ဤရလဒ်ကို ဇာတိခန္ဓာရှိသည့် မည်သည့်လူကမျှ မရယူနိုင်ပေ။ ဘုရားသခင်၏ ဝိညာဉ်တော်သည်လည်း ဤရလဒ်ကို စွမ်းဆောင်နိုင်စွမ်း မရှိသည်မှာ အမှန်ပင်ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဖောက်ပြန်ပျက်စီးနေသော လူသားမျိုးနွယ်သည် လူ့ဇာတိခံယူထားသော ဘုရားသခင်အားဖြင့် ကယ်တင်ခြင်းကို အလိုအပ်ဆုံးဖြစ်သည်”)

လူအားလုံးသည် ငါ၏မိန့်မြွက်ချက်များကို လက်ခံပြီးနောက် ငါနှင့်သက်ဆိုင်သော သာ၍ကြီးမြတ်သည့် အသိပညာကို ရှိကြသောအချိန်သည် ငါ၏လူမျိုးက ငါ့ကို ထုတ်ဖော်အသက်ရှင်သောအချိန်ဖြစ်၏၊ ယင်းမှာ ဇာတိခန္ဓာ၌ ငါ၏အမှု ပြီးစုံသောအချိန်ဖြစ်ပြီး၊ ငါ၏ ဘုရားသဘောသဘာဝသည် ဇာတိခန္ဓာ၌ အလုံးစုံ အသက်ရှင်နေထိုင်သောအချိန် ဖြစ်သည်။ ဤအခိုက်အတန့်တွင်၊ လူအားလုံးသည် ဇာတိခန္ဓာထဲရှိ ငါ့ကိုသိရန် ကြိုးစားကြမည်ဖြစ်ပြီး လူ့ဇာတိ၌ ဘုရားသခင်ပေါ်ထွန်းသည်ဟု အမှန်စင်စစ်ပြောနိုင်ကြမည်ဖြစ်ကာ ဤသည်မှာ အသီးအပွင့် ဖြစ်ပေလိမ့်မည်။...နောက်ဆုံးတွင်၊ ဘုရားသခင်၏ လူတို့သည် အတင်းအကျပ်လုပ်သောအရာမဟုတ်ဘဲ စစ်မှန်ပြီး ၎င်းတို့၏ စိတ်နှလုံးများမှလာသော ချီးမွမ်းမှုကို ဘုရားသခင်အား ပေးနိုင်ကြလိမ့်မည်။ ဤသည်မှာ ဘုရားသခင်၏ အနှစ် ၆၀၀၀ စီမံခန့်ခွဲမှုအစီအစဉ်၏ နှလုံးသည်းခြာနေရာ၌ရှိသော အရာဖြစ်သည်။ ဆိုလိုသည်က၊ ထိုအရာမှာ မရေရာသောဘုရားကို ၎င်းတို့ ငြင်းပယ်ပြီး၊ ယနေ့နှင့် သက်ဆိုင်သူဖြစ်သကဲ့သို့ မနေ့နှင့် သက်ဆိုင်သူလည်းဖြစ်ပြီး၊ ထို့ထက်ပို၍ မနက်ဖြန်နှင့် ဆိုင်သောသူ၊ ထာဝရကာလမှ ထာဝရကာလတိုင် အမှန်တကယ် တည်ရှိသော ဘုရားသခင်ကို သိကြစေဘို့အလို့ငှာ၊ ဘုရားသခင့် လူ့ဇာတိခံယူခြင်း၏ အရေးပါမှုကို လူအားလုံးအား သိခွင့်ပေးခြင်း၊ ဇာတိပကတိ၌ ဘုရားသခင်၏ လုပ်ဆောင်ချက်များဟု ဆိုရမည်ဖြစ်သည့် ဘုရားသခင် လူ့ဇာတိခံယူသည်ကို ၎င်းတို့အား လက်တွေ့ကျကျ သိရှိစေခြင်းတည်းဟူသော ဤဘုရားသခင်၏ အနှစ် ၆၀၀၀ စီမံခန့်ခွဲမှုအစီအစဉ် ပုံပေါ်လာခြင်းဖြစ်ပေသည်။ ထို့နောက်တွင်မှ၊ ချမ်းသာခြင်းထဲသို့ ဘုရာသခင် ဝင်ရောက်ပေလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏စာအုပ်ထဲရှိ “အခန်း ၃” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များနှင့်သက်ဆိုင်သော နက်နဲမှုများ၏ အနက်ဖွင့်ဆိုချက်)

ဘုရားသခင် လူ့ဇာတိမခံမမီတွင် ယင်းမှာ လွန်ခဲ့သည့် နှစ်ပေါင်းနှစ်ထောင်က ဖြစ်သည်— လူသားမျိုးနွယ်အားလုံးသည် (ဣသရေလလူမျိုးများမှလွဲ၍) ဘုရားသခင်၏ တည်ရှိခြင်းနှင့် အရာခပ်သိမ်းတို့ကို သူ ဖန်ဆင်းကာ အုပ်စိုးသည် ဆိုသည်နှင့် စပ်လျဉ်း၍ လုံးဝ အမှောင်ထဲတွင် ရှိခဲ့ကြသည်။ လူသားများကို သဘာဝက ဖန်ဆင်းခဲ့သည်ဟု ယုံကြည်သော လူများစွာ ရှိခဲ့ကြသည်။ လူအများစုက ဝိညာဉ်ဆိုးများနှင့် ရုပ်တုဆင်းတု အမျိုးမျိုးတို့ကို ကိုးကွယ်ခဲ့သည်၊ အမွှေးနံ့သာကို သူတို့ မီးရှို့ပူဇော်ကာ ရှိခိုးဦးချခဲ့ကြပြီး၊ မှားယွင်းသော ဘုရားများကို ဂုဏ်ပြုသည့် ဗိမာန်များ နေရာတကာတွင် ရှိခဲ့လေသည်။ လူသားမျိုးနွယ်အားလုံးက စာတန်ကို ဝတ်ပြုကိုးကွယ်ပြီး အစေခံခဲ့ကြသည်အထိ၊ လူတို့က ဝိညာဉ်ဆိုးမျိုးစုံနှင့် စာတန်ကို စစ်မှန်သော ဘုရားအဖြစ် မှတ်ယူခဲ့ကြသည်။ လူသားမျိုးနွယ်သည် စာတန်၏ ထိန်းချုပ်မှုအောက်တွင် လုံးဝ ရှိခဲ့ပြီး ၎င်း၏ အုပ်စိုးမှုအောက်တွင် လုံးလုံးလျားလျား အသက်ရှင်ခဲ့ကြသည်။ အမှောင်နှင့် အပြစ်တရားထဲ သူတို့ ကျဆင်းခဲ့ကြသည်။ဤသည်မှာ ကျယ်ကျယ်ပြန့်ပြန့် လက်ခံထားကြသည့် အချက်ဖြစ်သည်။ ဘုရားသခင်က ဣသရေလနိုင်ငံ၌ သူ၏ ပညတ်တော်ခေတ် အမှုတော်ကို အပြီးသတ်ခဲ့ပြီးနောက်တွင်၊ ဣသရေလူတို့သည် စစ်မှန်သော ဘုရားသခင်ကို စတင် ကိုးကွယ်ပြီး အစေခံခဲ့ကြသည်။ သို့သော် ဘုရားသခင်သည် လူသားများမှတဆင့်သာ အမှုပြုခဲ့ပြီး၊ အမှုတော်ကို လုပ်ဆောင်ဖို့ လူ့ဇာတိမခံခဲ့ပါ။ ထို့ကြောင့်၊ ပညတ်တော်ခေတ်တွင် ဘုရားသခင်၏ အမှုတော် ရလဒ်များကို ဣသရေလလူတို့ အလယ်တွင်သာ ရရှိခဲ့သော်လည်း၊ တစ်ပါးအမျိုးသား လောကတစ်ခုလုံးက စာတန်ကို ကိုးကွယ်ကာ အစေခံနေကြဆဲဖြစ်ပြီး အမှောင်နှင့် အပြစ်တရားထဲတွင် ဆက်လက်အသက်ရှင်နေခဲ့ကြသည်— သူတို့သည် မိမိတို့ကိုယ်ကိုယ် မကယ်ထုတ်နိုင်ခဲ့ကြချေ။ လူသားမျိုးနွယ်ကို ရွေးနုတ်ခြင်း အမှုတော်အား လုပ်ဆောင်ရန် ပထမဆုံးကြိမ် သခင်ယေရှုအဖြစ် လောကထဲသို့ ဘုရားသခင် လူ့ဇာတိခံခဲ့သည်မှာ ဤနောက်ခံ အခြေအနေအောက်တွင် ဖြစ်သည်။ နောင်တလမ်းကို သူ ဟောပြောခဲ့သည်၊ “နောင်တရကြလော့- ကောင်းကင်နိုင်ငံတော် တည်လုနီးပြီ။” လူသားမျိုးနွယ်က ကယ်တင်ရှင်၏ ပေါ်ထွန်းခြင်းကို မြင်တွေ့နိုင်စေဖို့အလို့ငှာ သမ္မာတရားအချို့ကို သူ ဖော်ပြခဲ့ပြီး၊ ထို့နောက်တွင်မှ လူသားမျိုးနွယ်က ကောင်းကင်၊ မြေကြီးနှင့် အရာခပ်သိမ်းတို့ကို ဖန်ဆင်းခဲ့သူမှာ ဘုရားသခင် ဖြစ်ပြီး သူသည် ၎င်းတို့၏ အုပ်စိုးရှင် ဖြစ်သည်ဟု စတင်အသိအမှတ်ပြုလာခဲ့ကြသည်။ ထို့နောက်တွင်မှ လူများစွာက ဘုရားသခင်ကို စတင်ယုံကြည်ကာ ကိုးကွယ်ခဲ့ကြသည်၊ သို့သော် ဖောက်ပြန်ပျက်စီးသော လူသားမျိုးနွယ်ကြားတွင် ဘုရားသခင်ကို ငြင်းပယ်သူ၊ ဝိညာဉ်ဆိုးများကို ယုံကြည်ပြီး စာတန်နောက်လိုက်သူ လူများစွာ ရှိနေကြဆဲဖြစ်သည်။ စာတန်သည် လူသားမျိုးနွယ်ကို ဆက်လက် လှည့်ဖြားကာ ဖောက်ပြန်ပျက်စီးစေဆဲဖြစ်သည်။ ထို့အပြင်၊ ဘာသာရေးသမား အများစုက ဘုရားသခင်ကို ယုံကြည်သော်လည်း၊ သူ့ကို အမှန်တကယ် မသိကျွမ်းကြသလို၊ သူတို့သည် ဘုရားသခင်ကို စစ်မှန်သော နာခံခြင်းနှင့် ကိုးကွယ်ခြင်းမှ အလွန်ဝေးကွာနေကြပေသည်။ သို့သော်၊ သခင်ယေရှု၏ ပေါ်ထွန်းခြင်းနှင့် အမှုတော်တို့က ဘုရားသခင်၏ ပေါ်ထွန်းခြင်းကို မြင်ရသကဲ့သို့ပင် ကယ်တင်ရှင်၏ ပေါ်ထွန်းခြင်းကို ပထမဆုံးအကြိမ် လူတို့ကို မြင်တွေ့ခွင့်ပေးခဲ့သည်။ ဤသည်မှာ မည်သူမျှ ငြင်း၍မရသည့် အမှန်တရားတစ်ခု ဖြစ်သည်။ နောက်ဆုံးသော ကာလတွင်၊ ဘုရားသခင်သည် တစ်ဖန် လူ့ဇာတိခံခဲ့ပြီး— သူသည် အနန္တတန်ခိုးရှင် ဘုရားသခင် ဖြစ်သည်— နောက်ဆုံးသော ကာလ၏ တရားစီရင်ခြင်း အမှုတော်ကို လုပ်ဆောင်ခဲ့ပြီး၊ ထိုသို့ လုပ်ဆောင်ခြင်းဖြင့် နောက်ဆုံးတွင် ဘုရားသခင်သည် သူနှင့်အတူ စိတ်နှလုံး တစ်လုံးတစ်ဝတည်းဖြစ်သည့် လူအုပ်စုတစ်စုကို လူသားမျိုးနွယ်ကြားမှ ရယူခဲ့သည်။ ဤလူအုပ်စုသည် သူတို့ ကြုံရပြီးသည့် ဘုရားသခင်၏ တရားစီရင်ခြင်းနှင့် ပြစ်တင်ဆုံးမမှုတို့ကြောင့် ဘုရားသခင်၏ ဖြောင့်မတ်သော စိတ်သဘောထားနှင့်ဆိုင်သည့် စစ်မှန်သော သိနားလည်မှုတစ်ခုကို ရရှိကြပြီးဖြစ်ကာ၊ ဘုရားသခင်ကို လုံးဝ နာခံပြီး သူ့အားဖြင့် ရယူခံရပြီးသည့် လူများဖြစ်လာရင်း၊ ကိုယ်တော့်အတွက် ကြောက်ရွံ့ခြင်း စိတ်နှလုံးတစ်ခု ဖြစ်ပေါ်လာကြပြီးဖြစ်သည်။ ဤသည်မှာ ဖောက်ပြန်ပျက်စီးသော လူသားမျိုးနွယ်ကြား ဘုရားသခင် ရယူခဲ့သည့် ပထမဆုံးသော လူအုပ်စုဖြစ်ပြီး၊ ဘုရားသခင်၏ နောက်ဆုံးသော ကာလ တရားစီရင်ခြင်း အမှုတော်အားဖြင့် ပြုလုပ်ခံရသည့် ပထမဆုံးသော အောင်မြင်သော သူများဖြစ်ကြသည်။ အနန္တတန်ခိုးရှင် ဘုရားသခင်၏ ဖော်ပြချက်ဖြစ်သည့် နှုတ်ကပတ်တော်သည် လူ့ဇာတိ၌ ပေါ်လာ၏ သည် ကမ္ဘာလောကအနှံ့အပြား ပျံ့နှံ့ကာ ဖြန့်ဖြူးပြီးသည်နှင့်အမျှ၊ လူသားမျိုးနွယ်သည် စတင် နိုးထကြပြီးဖြစ်ကာ၊ သူတို့သည်ဘုရားသခင်၏ နှုတ်ကပတ်တော်များကို စိတ်ဝင်စားမှု ဖြစ်ပေါ်ကြပြီးဖြစ်သည်။ မှန်သော လမ်းခရီးကို စုံစမ်းစစ်ဆေးပြီး သမ္မာတရားကို ရှာဖွေနေကြသော လူများစွာရှိပြီး ဖောက်ပြန်ပျက်စီးသော လူသားမျိုးနွယ်အားလုံးသည် ဘုရားသခင်၏ ပလ္လင်တော်ရှေ့တွင် ရှိဖို့ရန် တဖြည်းဖြည်း တရားဝင် ပြန်လာကြရန် စတင်ရုံမျှ စတင်နေကြပြီဖြစ်သည်။ ဤသည်တို့မှာ ဘုရားသခင် လူ့ဇာတိခံဖြစ်လာခြင်းနှင့် လူသားမျိုးနွယ်ကြား နှုတ်ကပတ်တော်များကို မိန့်မြွက်ခြင်းတို့အားဖြင့် ရရှိသည့် ရလဒ်အားလုံးဖြစ်လေသည်။ ဘုရားသခင်၏ နှုတ်ကပတ်တော်များက အရာခပ်သိမ်းကို ဖြစ်ပျက်စေလိမ့်မည်၊ ယင်းမှာ သူ ဤသို့ ပြောဆိုရသည့် အကြောင်းရင်းဖြစ်သည်။ “ငါ၏စကားများ ပြီးပြည့်စုံသည့်အတွက် နိုင်ငံတော်သည် ကမ္ဘာမြေကြီးပေါ်တွင် တဖြည်းဖြည်း ဖြစ်တည်လာပြီး လူသည် တဖြည်းဖြည်းနှင့် ပုံမှန်အခြေအနေသို့ ပြန်ရောက်သွားသောကြောင့် ငါ၏စိတ်နှလုံးထဲမှ နိုင်ငံတော်သည် ကမ္ဘာမြေကြီးပေါ်တွင် တည်လေသည်။ နိုင်ငံတော်ထဲတွင် ဘုရားသခင်၏လူများ အားလုံးသည် ပုံမှန်လူ့အသက်တာအား ပြန်လည်ရရှိကြသည်။ အလွန်အေးသော ဆောင်းရာသီသည် ပျောက်ကွယ်သွားပြီး တစ်နှစ်ပတ်လုံး နွေဦးရာသီဖြစ်နေသည့် နွေဦးမြို့ကြီးများနှင့်ပြည့်သော လောကကြီးကို အစားထိုးလိုက်သည်။ လူတို့သည် ညို့မှိုင်းမှိုင်းနှင့် စိတ်ပျက်ဖွယ်ကောင်းသော လူ့လောကကြီးအား ရင်မဆိုင်ရတော့ဘဲ၊ လူ့လောကကြီး၏ ချမ်းစိမ့်စိမ့် အအေးဓာတ်ကိုလည်း သူတို့ မခံစားရတော့ပါ။ လူတို့သည် တစ်ဦးနှင့်တစ်ဦး ခိုက်ရန်မဖြစ်ကြ၊ နိုင်ငံများသည်လည်း တစ်နိုင်ငံနှင့်တစ်နိုင်ငံ စစ်မတိုက်ကြ၊ အစုလိုက်အပြုံလိုက်လူသတ်ခြင်းနှင့် အစုလိုက်အပြုံလိုက်လူသတ်ခြင်းမှ သွေးချောင်းစီးခြင်းလည်း မရှိတော့ပေ။ မြေတစ်ပြင်လုံးသည် ပျော်ရွှင်မှုနှင့်ပြည့်နေပြီး၊ နေရာတိုင်းတွင် လူများအကြား၌ နွေးထွေးမှုများနှင့် ပြည့်လျှံနေသည်။” (“အခန်း ၂၀” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ)

ငါသည် ငါ၏တန်ခိုးကို တရားဝင်ယူ၍ နိုင်ငံတော်တွင် ရှင်ဘုရင်အဖြစ် အုပ်စိုးသည့်အခါ ငါ၏လူတို့အားလုံးသည် အချိန်ကြာလာသည်နှင့်အမျှ ငါ့အားဖြင့် ပြည့်စုံစေခြင်းခံရလိမ့်မည်။ လောကနိုင်ငံအားလုံး ဖရိုဖရဲပြိုကွဲခြင်း ခံရသည့်အခါသည် ငါ၏နိုင်ငံတော်တည်ထောင်၍ ပုံဖော်ခြင်းခံရမည့်အချိန် အတိအကျဖြစ်လျက် ငါသည်လည်း ပုံသဏ္ဌာန်ပြောင်းလဲခြင်းခံရ၍ စကြဝဠာတစ်ခုလုံးသို့ လှည့်သည့်အချိန်အတိအကျလည်း ဖြစ်၏။ ထိုအချိန်တွင် လူတို့အားလုံးသည် ငါ၏ဘုန်းကြီးသော မျက်နှာကို၊ ငါ၏စစ်မှန်သော မျက်နှာကို မြင်ကြရလိမ့်မည်။” နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၄” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

အဆုံးတွင် ဘုရားသခင်သည် လူတို့ကို သူသည် သနားခြင်းနှင့် ချစ်ခြင်းကရုဏာနှင့်ပြည့်သော ဘုရားသခင်သာ မဟုတ်သည်ကိုလည်းကောင်း၊ ဉာဏ်ပညာနှင့် အံသြဖွယ်ရာများပြည့်သော ဘုရားသခင်သာမဟုတ်သည်ကိုလည်းကောင်း၊ သန့်ရှင်းသော ဘုရားသခင်သာ မဟုတ်သည်သာမက လူသားကို တရားစီရင်သော ဘုရားသခင်လည်းဖြစ်ကြောင်းကိုလည်းကောင်း ပြသရန်အတွက် စကြဝဠာတစ်ခုလုံးရှိ လူသားတို့အထဲတွင် ရှိနေသည့် မစင်ကြယ်သည့်အရာများနှင့် မဖြောင့်မတ်သည့်အရာအားလုံးတို့ကို မီးရှို့ဖျက်ဆီးပစ်လိမ့်မည် ဖြစ်သည်။ လူသားမျိုးနွယ်အကြားတွင်ရှိသည့် ဆိုးယုတ်သည့် သူများအတွက် သူသည် မီးရှို့ဖျက်ဆီးခြင်း၊ တရားစီရင်ခြင်းနှင့် အပြစ်ဒဏ်ပေးခြင်းပင်ဖြစ်ပြီး၊ စုံလင်စေခြင်း ခံရမည့်သူများအတွက်မူ သူသည် ဆင်းရဲဒုက္ခ၊ စစ်ဆေးပြုပြင်ခြင်းနှင့် စမ်းသပ်ခြင်းတို့ ဖြစ်သည်သာမက နှစ်သိမ့်ခြင်း၊ အစာအာဟာရ၊ နှုတ်ကပတ်တော်အားဖြင့် ထောက်ပံ့ခြင်း၊ ကိုင်တွယ်ဆုံးမခြင်းနှင့် ပြုပြင်ခြင်းလည်းဖြစ်ပေသည်။ ထို့ပြင် သုတ်သင်ရှင်းလင်းခြင်းခံရသောသူများအတွက် သူသည် အပြစ်ဒဏ်ပေးခြင်းနှင့် ဒဏ်ခတ်ခြင်းဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူ့ဇာတိခံယူခြင်းနှစ်ကြိမ်သည် လူ့ဇာတိခံယူခြင်း၏ ရည်ရွယ်ချက်ကို ပြည့်စုံစေသည်”)

လောကကြီး၏ လူများနှင့် တိုင်းနိုင်ငံများအားလုံးသည် ငါ၏ပလ္လင်ရှေ့မှောက်သို့ လှည့်ပြန်လာသောအခါ၊ ငါသည် ကောင်းကင်ဘုံ၏ ကြွယ်ဝမှုအားလုံးကို ယူငင်လျက် ယင်းအရာများကို လူ့လောကအပေါ်သို့ အပ်နှင်းပေးမည်၊ ထိုသို့အားဖြင့် ငါ၏ကျေးဇူးကြောင့်လျှင်၊ လူ့လောကသည် တုနှိုင်းမဲ့သော ကြွယ်ဝမှုနှင့် ပြည့်လျှံနေလိမ့်မည်။ သို့သော်လည်း လောကဟောင်း ဆက်လက်တည်ရှိနေသရွေ့ ငါ၏ဒေါသကို ၎င်း၏တိုင်းနိုင်ငံများအပေါ်သို့ ငါစေလွှတ်မည်ဖြစ်ပြီး၊ ငါ၏စီမံအုပ်ချုပ်ရေးဆိုင်ရာ အမိန့်များကို စကြဝဠာတစ်လျှောက်တွင် ပွင့်လင်းစွာ ထုတ်ပြန်ကြေညာမည်ဖြစ်ကာ၊ ၎င်းတို့ကို ချိုးဖောက်သည့် မည်သူမဆို ပြစ်တင်ဆုံးမခြင်း ခံရမည်ဖြစ်သည်။

ငါသည် ပြောဆိုရန် စကြဝဠာထံသို့ ငါ၏မျက်နှာကို လှည့်လေသောအခါ၊ လူသားမျိုးနွယ် အားလုံးသည် ငါ၏အသံကို ကြားပြီးနောက် ချက်ချင်း စကြဝဠာတစ်လျှောက်တွင် ငါပြုထားသည့် အလုပ်များ အားလုံးကို မြင်လေသည်။ ငါ၏အလိုနှင့် ဆန့်ကျင်သော သူတို့သည်၊ ဆိုလိုသည်မှာ၊ ငါ့ကို လူသား၏အပြုအမူများဖြင့် ဆန့်ကျင်သောသူများသည်၊ ငါ၏ပြစ်တင်ဆုံးမမှုအောက်သို့ ကျရောက်လိမ့်မည် ဖြစ်သည်။ ငါသည် ကောင်းကင်တစ်ခွင်ရှိသည့် မြောက်မြားလှစွာသောကြယ်များကို ယူငင်လျက် ၎င်းတို့ကို အသစ်ပြုပြင်မည်ဖြစ်ပြီး၊ ငါ့ကျေးဇူးကြောင့် နေနှင့် လသည်လည်း အသစ်ပြုပြင်ခြင်း ခံရလိမ့်မည်ဖြစ်ပြီး၊ မိုးကောင်းကင်သည် ယခင်ကဲ့သို့ ရှိတော့မည်မဟုတ်၊ ကမ္ဘာမြေကြီးပေါ်ရှိ အသင်္ချေများလှသော အရာများသည် အသစ်ပြုပြင်ခြင်း ခံရလိမ့်မည်။ ငါ၏နှုတ်ကပတ်တော်များမှတစ်ဆင့် ခပ်သိမ်းသောအရာတို့သည် ပြီးပြည့်စုံလင်လာကြလိမ့်မည်။ စကြဝဠာအတွင်းရှိ တိုင်းနိုင်ငံများစွာတို့သည် အသစ်တဖန် ပိုင်းကန့်ခံရလိမ့်မည်ဖြစ်ပြီး ငါ၏တိုင်းနိုင်ငံနှင့် အစားထိုးခြင်း ခံရပေလိမ့်မည်၊ ထိုသို့အားဖြင့် ကမ္ဘာမြေကြီးအပေါ်ရှိ တိုင်းနိုင်ငံများသည် ထာဝရ ပျောက်ကွယ်သွားလိမ့်မည်ဖြစ်ပြီး၊ ငါ့ကို ဝတ်ပြုကိုးကွယ်သော တိုင်းနိုင်ငံတစ်ခု ဖြစ်လာပေလိမ့်မည်။ ကမ္ဘာမြေကြီး၏ တိုင်းနိုင်ငံများအားလုံးသည် ဖျက်ဆီးခံရလိမ့်မည်ဖြစ်ပြီး၊ တည်ရှိတော့မည် မဟုတ်ချေ။ စကြဝဠာအတွင်းရှိ သက်ရှိလူသားများတွင် မာရ်နတ်နှင့် သက်ဆိုင်သော သူအားလုံးတို့သည် ရှင်းရှင်းသုတ်သင်ခြင်းကို ခံရလိမ့်မည်၊ စာတန်ကို ဝတ်ပြုကိုးကွယ်သော သူအားလုံးတို့သည် ငါ၏လောင်သောမီးဖြင့် အောက်သို့ချထားခြင်းကို ခံရလိမ့်မည်။ ဆိုလိုသည်မှာ ယခုတွင် စမ်းရေအတွင်း၌ရှိသော သူများမှလွဲ၍၊ ကျန်သောသူတို့သည် ပြာအဖြစ်သို့ ပြောင်းလဲခြင်းခံရလိမ့်မည်။ လူမျိုးများစွာတို့ကို ငါပြစ်တင်ဆုံးမသောအခါ ဘာသာရေးလောက၌ရှိသော သူတို့သည် ကွဲပြားခြားနားသော အတိုင်းအတာများဖြင့် ငါ၏နိုင်ငံတော်သို့ ပြန်လာကြမည်ဖြစ်ပြီး ငါ့အလုပ်များ၏ သိမ်းပိုက်ခြင်းကို ခံကြရလိမ့်မည်၊ အဘယ်ကြောင့်ဆိုသော် သန့်ရှင်းသောသူမှာ ဖြူသောမိုးတိမ်ကိုစီးလျက် ရောက်ရှိလာသည်ကို ထိုသူတို့ မြင်ခဲ့ပြီးဖြစ်လိမ့်မည် ဖြစ်သောကြောင့်ပင်တည်း။ လူသားမျိုးနွယ်အားလုံးသည် မိမိတို့၏ တူရာအမျိုးအစားနောက်သို့ လိုက်ကြလိမ့်မည်ဖြစ်ပြီး၊ သူတို့ပြုခဲ့သော အရာများအလိုက် ကွဲပြားသော ပြစ်တင်ဆုံးမခြင်းများကို ခံယူကြရမည် ဖြစ်သည်။ ငါ့တဘက်တွင် ရပ်တည်ခဲ့ကြသော သူများအားလုံးတို့သည် ပျက်စီးကြလိမ့်မည်ဖြစ်သည်။ ကမ္ဘာမြေကြီးပေါ်မှ ၎င်းတို့၏ အပြုအမူများတွင် ငါမပါဝင်ခဲ့သော သူများကမူ၊ သူတို့၏ မိမိတို့ကိုယ်ုမိမိ ကင်းလွတ်စေခဲ့ပုံကြောင့် ထိုသူတို့သည် ကမ္ဘာမြေကြီးပေါ်၌ ငါ၏သားများနှင့် ငါ့လူများ၏ အုပ်စိုးမှုအောက်တွင် ဆက်လက်တည်ရှိကြလိမ့်မည်။ ငါသည် လူအသင်္ချေထံသို့နှင့် တိုင်းနိုင်ငံအသင်္ချေထံသို့ ငါ့ကိုယ်ငါ ထုတ်ဖော်ပြသမည်၊ လူသားမျိုးနွယ်အားလုံးအတွက် ငါ၏ကြီးမြတ်သောအလုပ် စုံလင်သွားခြင်းကို သူတို့၏ကိုယ်ပိုင်မျက်စိနှင့် မြင်နိုင်ကြရန် ကြွေးကြော်ဖို့ အလို့ငှာ ကမ္ဘာမြေကြီးအပေါ်တွင် ငါ၏ကိုယ်ပိုင်အသံနှင့် မြွက်ဆိုမည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၆” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ)

ဘုရားသခင်၏ ပေါ်ထွန်းခြင်းနှင့် အမှုတော်တို့သည် မရေရာသော ဘုရားတစ်ပါးကို လူသားမျိုးနွယ်၏ ယုံကြည်ခြင်းခေတ်အပြင်၊ လူသားမျိုးနွယ်အပေါ် စာတန်၏ အုပ်စိုးခြင်းနှင့် ဖောက်ပြန်ပျက်စီးစေခြင်းနှင့်ဆိုင်သော အမှောင်နှင့် ဆိုးယုတ်မှု ခေတ်တို့ အမှန်ပင် ပါဝင်ခဲ့သည်ကို အနန္တတန်ခိုးရှင် ဘုရားသခင်၏ နှုတ်ကပတ်တော်များမှ ကျွန်ုပ်တို့အားလုံး မြင်နိုင်ပေသည်။ ယင်းက ဘုရားသခင်၏ ကိုယ်တိုင် ပေါ်ထွန်းခြင်းနှင့် အမှုတော်၊ ဘုရားနှုတ်ကပတ်တော်၏ အုပ်စိုးမှု ခေတ်ကို ဖွင့်လှစ်ပြီးဖြစ်သည်။ ဘာသာရေး လောကသည်လည်း အဘယ်ကြောင့် ဘုရားသခင်၏ နောက်ဆုံးသော ကာလ အမှုတော်အားဖြင့် ဖော်ထုတ်ခံရပြီး ဖယ်ရှားခံရကာ သူ၏ ရှုတ်ချခြင်းကိုပင် ခံခဲ့ရပါသနည်း။ ယင်းမှာ ဘာသာရေး လောကအတွင်းရှိ လူအများစုတို့က မိမိတို့ အယူအဆများနှင့်ဆိုင်သည့် ဘုရား၊ မရေရာသော ဘုရားတစ်ပါးကို ယုံကြည်ကြဆဲဖြစ်သော်လည်း၊ သူတို့၏ စိတ်နှလုံးများတွင် ဘုရားသခင်၏ စစ်မှန်သော ပုံရိပ်နှင့် သူ၏ မှန်ကန်သော စိတ်သဘောထားတို့က မတည်ရှိကြသောကြောင့် ဖြစ်သည်။ ထို့ကြောင့်၊ သူတို့သည် လူ့ဇာတိခံသော ဘုရားသခင်ကို ဆန့်ကျင်ကာ ရှုတ်ချနိုင်ကြပြီး၊ သူ့ကို ကားတိုင်တွင် တစ်ဖန် သံမှိုရိုက်နှက်နိုင်ကြလေသည်၊ ယင်းမှာ ဘုရားသခင်က၊ “ဘုရားသခင်ကို ကားတိုင်တင်ကြသော သူတို့၌ အမင်္ဂလာ ရှိစေသတည်း။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဆိုးသွမ်းသောများသူသည် အပြစ်ဒဏ်ပေးခြင်းကို ခံကြရလိမ့်မည်”) ဟု ပြောရင်း သူတို့ကို ကျိန်ဆဲခဲ့သည့် အကြောင်းရင်းဖြစ်သည်။ အနန္တတန်ခိုးရှင် ဘုရားသခင်၏ နောက်ဆုံးသော ကာလ ပေါ်ထွန်းခြင်းနှင့် အမှုတော်တို့သည် လူ့ဇာတိ၌ ပေါ်ထွန်းသော နှုတ်ကပတ်တော်နှင့်ဆိုင်သည့် အမှန်တရားကို ပြီးမြောက်စေပြီဖြစ်သည်။ ဘုရားသခင်၏ စိတ်သဘောထားကို လူသားမျိုးနွယ်အားလုံးအား ဘုရားသခင်၏ နှုတ်ကပတ်တော်များကို တွေ့မြင်ကာ ကြားနာဖို့နှင့် ကိုယ်တော်၏ တရားစီရင်ခြင်းနှင့် ပြစ်တင်ဆုံးမခြင်းတို့အတွင်းတွင် အသက်ရှင်ဖို့ အခွင့်ပေးရင်း၊ လူသားမျိုးနွယ် အားလုံးထံ ပွင့်ပွင့်လင်းလင်း ပြသထားပြီဖြစ်သည်။ လူသားမျိုးနွယ်ကြားတွင်၊ တစ်စုံတစ်ဦးက ဘုရားသခင်ကို ယုံကြည်သည်ဖြစ်စေ၊ မယုံကြည်သည်ဖြစ်စေ၊ သူတို့ ဘုရားသခင်နှင့် သက်ဆိုင်သည်ဖြစ်စေ၊ စာတန်နှင့် သက်ဆိုင်သည်ဖြစ်စေ လူအားလုံးသည် ဘုရားနှုတ်ကပတ်တော်များ၏ ဖော်ထုတ်ခြင်းမှတဆင့် သူတို့ အမျိုးအစားအလိုက် ခွဲခြားခံရကြလေသည်။ ဘုရားသခင်နှင့် သက်ဆိုင်သော သူအားလုံးသည် သူ၏ နှုတ်ကပတ်တော်များအားဖြင့် စတင်နိုးထကြပြီးဖြစ်ကာ၊ သူ့နှုတ်ကပတ်တော်များ၏ အဟာရမှ သူ့ကို တဖြည်းဖြည်း နားလည်ကြသည်၊ သူနှင့် မျက်နှာချင်းဆိုင်လာကြသည်။ အရာရာကို သူအုပ်စိုးပြီး လူတို့၏ ကံကြမ္မာများကို သူ အုပ်စိုးသည်ကို မြင်လေသည်။ လူတို့၏ ပုန်ကန်ပြစ်မှားမှုများကို သည်းမခံသည့် ဘုရားသခင်၏ ဖြောင့်မတ်ခြင်းနှင့် သန့်ရှင်းခြင်းတို့ကိုလည်း သူတို့အားလုံး မြင်ကြပြီးဖြစ်သည်။ လူအားလုံးသည် ဘုရားသခင်ထံ ပြန်လာကြလိမ့်မည်ဖြစ်ပြီး ကိုယ်တော်၏ နှုတ်ကပတ်တော်များက အရာခပ်သိမ်းကို ပြီးမြောက်လိမ့်မည်ဖြစ်သည်။ ဘုရားသခင်၏ လူတို့သည် ဘုရားသခင်ထံ ပြန်လာကြမ်လိမ့်မည်ဖြစ်ပြီး စာတန်၏ လူတို့သည် စာတန်ထံ ပြန်လာကြလိမ့်မည်။ ထို့နောက် မကြာမီတွင်၊ ဘုရားသခင်သည် ကောင်းသောသူတို့ကို ဆုချီးမြှင့်ကာ ဆိုးသောသူတို့ကို အပြစ်ပေးလိမ့်မည်ဖြစ်ပြီး စာတန်နှင့်ဆိုင်သော သူအားလုံးကို တိုက်ဖျက်ဖို့ ကပ်ဘေးကို သူ အသုံးပြုလိမ့်မည်။ ဆိုးယုတ်မှု၏ အင်အားစုအားလုံးသည် ကိုယ်တော်၏ ပြစ်တင်ဆုံးမခြင်းအားဖြင့် မလွဲမသွေ မှောက်လှန်ခံရလိမ့်မည်ဖြစ်ပြီး သူ၏ အမှုတော်ကို နာခံနိုင်ပြီး သူ့ဆီသို့ အမှန်တကယ် ပြန်လှည့်လာနိုင်သူအားလုံးကို သူ၏ နိုင်ငံတော်ထဲသို့ ဘုရားသခင် ခေါ်ဆောင်လိမ့်မည်။ ဤသည်မှာ မကြာမီ ဘုရားသခင် အပြီးသတ်မည့် အရာနှင့်ဆိုင်သော အမှန်တရားတစ်ခု ဖြစ်သည်။ နိုင်ငံတော်ခေတ်သည် လူသားမျိုးနွယ်ထံ ဘုရားသခင်၏ စိတ်သဘောထား ပွင့်ပွင့်လင်းလင်း ဖွင့်ပြသည့် ခေတ်ဖြစ်ပြီး၊ လူသားမျိုးနွယ်က ဘုရားသခင်ကို စတင် သိကျွမ်းခြင်း ခေတ်လည်း ဖြစ်သည်။ ထို့အပြင်၊ နိုင်ငံတော်ခေတ်သည် နှုတ်ကပတ်တော်များကို ဘုရားသခင် မိန့်မြွက်ခြင်းနှင့် လူတို့ထံ ပွင့်ပွင့်လင်းလင်း ပေါ်ထွန်းခြင်း ခေတ်ဖြစ်သည်။ ကမ္ဘာမြေပေါ် ဘုရားသခင်၏ အလိုတော် အထမြောက်ခြင်းအား မည်သည့် အင်အားစုကမျှ ဟန့်တားနိုင်စွမ်း မရှိပေ။ ခရစ်တော်၏ နိုင်ငံတော်သည် ကမ္ဘာမြေကြီးပေါ်တွင် ပေါ်ထွန်းနှင့်ပြီးဖြစ်ကာ၊ ဗျာဒိတ်ကျမ်းမှ ပရောဖက်ပြုချက်က လုံးဝ ပြည့်စုံပြီးဖြစ်သည်- “ဘုရား သခင်၏ တဲတော် သည် လူတို့တွင်ရှိ၏။ လူတို့နှင့်အတူ ကျိန်းဝပ်တော်မူမည်။ သူတို့သည် ကိုယ်တော်၏လူ ဖြစ်ကြလိမ့်မည်။ ဘုရားသခင်သည် ကိုယ်တော်တိုင် သူတို့နှင့်အတူရှိနေ၍ သူတို့၏ ဘုရားသခင် ဖြစ်တော်မူ မည်။ ဘုရားသခင်သည် သူတို့၏ မျက်စိ၌ မျက်ရည် ရှိသမျှတို့ကို သုတ်တော်မူမည်။ နောက်တဖန် သေဘေး မရှိရ။ စိက်မသာ ညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်း မရှိရ။ အကြောင်းမူကား၊ ရှေးဖြစ် ဘူးသောအရာတို့သည် ရွေသွားကြပြီ။” (ဗျာ ၂၁:၃-၄) အနန္တတန်ခိုးရှင် ဘုရားသခင် ပြောသည်မှာ- “နိုင်ငံတော်ထဲတွင် ဘုရားသခင်နှင့်အတူ ဘုရားသခင့်လူတို့၏ အသက်တာသည် မယှဉ်သာအောင် ပျော်ရွှင်ဖွယ်ကောင်း၏။ ရေတို့သည် လူတို့၏ ကောင်းချီးကြွယ်ဝသော အသက်တာများအတွက် ကခုန်လှုပ်ရှားကြ၏၊ တောင်တို့သည် လူတို့နှင့်အတူ ငါ၏ ကြွယ်ဝခြင်းကို မွေ့လျော်ကြ၏။ လူသားအားလုံးသည် ငါ၏နိုင်ငံတော်အပေါ် သူတို့၏သစ္စာစောင့်သိမှုကို ပြသလျက် လုံ့လစိုက်ထုတ်ကာ ကြိုးစားလုပ်ဆောင်နေကြ၏။ နိုင်ငံတော်ထဲတွင် ပုန်ကန်ခြင်းမရှိတော့၊ တော်လှန်ခြင်းမရှိတော့၊ ကောင်းကင်နှင့်မြေကြီးတို့သည် အချင်းချင်း၌ မှီခိုအားထားလျက်၊ ဘဝ၏ ကြီးစွာသောပျော်ရွှင်မှုများအားဖြင့် အတူတကွတည်မှီလျက် လူသားနှင့်ငါသည် နီးကပ်ကာ အတွင်းကျကျ ခံစားနေကြ၏...” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူတို့၊ အသင် လူအပေါင်းတို့” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ) နိုင်ငံတော်ထဲတွင်၊ ဘုရားသခင်သည် သူ၏ လူတို့ထံ မိမိကိုယ်ကိုယ် ပြသလိမ့်မည်ဖြစ်ပြီး လူသားမျိုးနွယ်ထဲမှ အသက်ရှင်ကျန်ရစ်သူတို့ကို ကမ္ဘာမြေပေါ် ၎င်းတို့၏ အသက်တာများတွင် သူ လမ်းပြလိမ့်မည်။ ကိုယ်တော်သည် သူတို့နှင့် အတူယှဉ်တွဲ အသက်ရှင်လိမ့်မည်၊ သူတို့နှင့်အတူ နေထိုင်ကာ၊ သူတို့နှင့်အတူ ဝမ်းမြောက်လိမ့်မည်။ ဘုရားသခင်နှင့်အတူ ရှိခြင်း၏ ပျော်ရွှင်ပြီး လှပသော အသက်တာကိုလည်း လူတို့ နှစ်သက်ခံစားကြလိမ့်မည်။ ဤသည်မှာ လူ့ဇာတိခံ ဘုရားသခင်က နောက်ဆုံးသောကာလတွင် စွမ်းဆောင်ရရှိမည့် အရာဖြစ်ပြီး၊ လူကို ဘုရားသခင် ပေးသည့် အကြီးမားဆုံးသော ကတိတော်နှင့် ကောင်းချီးမင်္ဂလာဖြစ်သည်။

ရုပ်ရှင်ဇာတ်ညွှန်း မေးခွန်းများအတွက် အဖြေများ မှ

ယခင်က:မေးခွန်း ၇- ခရစ်တော်က သမ္မာတရား၊ လမ်းခရီးနှင့် အသက်ဖြစ်သည်ဟု ဘုရားသခင်၏ လူ့ဇာတိခံ ခန္ဓာနှစ်ခုက သက်သေခံကြသည်။ ခရစ်တော်က သမ္မာတရား၊ လမ်းခရီးနှင့် အသက်ဖြစ်ခြင်းကို အဘယ်သို့ ကျွန်ုပ်တို့ နားလည်သင့်သနည်း။

နောက်တစ်ခုသို့:ဘုရားသခင်သည် လူသားမျိုးနွယ်ကို ကယ်တင်သောအမှုကို အဘယ်ကြောင့်ပြုသနည်း။

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ