အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ရှစ် လူအမျိုးမျိုးအဖုံဖုံတို့၏ နိဂုံးအဆုံးများနှင့် လူသားအား ပေးထားသော ဘုရားသခင်၏ ကတိများ

ဆက်စပ်သော ဘုရားသခင်၏ နှုတ်ကပတ်တော်များ-

ငါ့လုပ်ငန်းသည် နှစ်ပေါင်းခြောက်ထောင် ကြာညောင်းပြီး၊ လူသားမျိုးနွယ်တစ်ရပ်လုံးကို ဆိုးယုတ်သောသူ၏ ထိန်းချုပ်ခြင်းသည်လည်း နှစ်ပေါင်းခြောက်ထောင်ထက် မကြာစေရဟု ငါကတိပြုခဲ့သည်။ ထို့ကြောင့် ယခုအချိန်စေ့ပြီဖြစ်သည်။ ငါသည် ဆက်လက်လုပ်ဆောင်မည် မဟုတ်သကဲ့သို့ ထပ်၍ နှောင့်နှေးစေတော့မည် မဟုတ်။ နောက်ဆုံးသောကာလအတောအတွင်း ငါသည် စာတန်ကို နှိမ်နင်းမည်၊ ငါ၏ဘုန်းတန်ခိုးအားလုံးကို ပြန်လည်သိမ်းပိုက်မည်၊ ထို့ပြင် ဘေးဒုက္ခရောက်နေသော ဝိညာဉ်အားလုံး ဒုက္ခပင်လယ်မှ လွတ်မြောက်အောင် ကမ္ဘာပေါ်ရှိ ငါနှင့်သက်ဆိုင်သော ဝိညာဉ်အားလုံးကို ပြန်လည်သိမ်းယူမည်၊ ထိုသို့အားဖြင့် ကမ္ဘာပေါ်ရှိ ငါ့အလုပ်တစ်ခုလုံးကို အဆုံးသတ်မည်ဖြစ်သည်။ ဤနေ့မှစ၍ ကမ္ဘာပေါ်တွင် ငါသည် ဘယ်တော့မျှ လူ့ဇာတိခံယူမည်မဟုတ်၊ ထို့ပြင် အရာခပ်သိမ်းကို ထိန်းချုပ်သည့် ငါ၏ဝိညာဉ်ကို ကမ္ဘာပေါ်တွင် ဘယ်တော့မျှ လုပ်စေမည် မဟုတ်တော့ပါ။ ကမ္ဘာပေါ်တွင် တစ်ခုသာ ငါလုပ်ဆောင်မည်ဖြစ်သည်။ ငါသည် လူသားမျိုးနွယ်ကို အသစ်ပြန်ပြု မည်၊ ထိုလူသားမျိုးနွယ်သည် သန့်ရှင်းပြီး၊ ထိုသူတို့သည် ကမ္ဘာပေါ်ရှိ ငါ၏သစ္စာရှိသောမြို့ ဖြစ်လိမ့်မည်။ သို့သော် တစ်လောကလုံးကို ငါသည် အမြစ်ဖြတ်သုတ်သင်ပယ်ရှင်းမည် မဟုတ်ကြောင်းနှင့် လူသားမျိုးနွယ် တစ်ရပ်လုံးကို အမြစ်ဖြတ် သုတ်သင်ပယ်ရှင်းမည် မဟုတ်ကြောင်း သိထားလော့။ ကျန်ရှိသော သုံးပုံတစ်ပုံကို ငါထိန်းသိမ်းမည်၊ ငါ့ကိုချစ်ပြီး ငါက လုံးလုံးလျားလျား သိမ်းပိုက်ထားသော လူသုံးပုံတစ်ပုံကို ကမ္ဘာကြီး၏ ချမ်းသာကြွယ်ဝမှုနှင့် ပေါများစွာသော သိုးများ၊ ကျွဲနွားများဖြင့် အာဟာရဖြည့်တင်းပေးလျက် ပညတ်တော်အောက်တွင် ဣသရေလလူမျိုးများ ပြုခဲ့ကြသည့်အတိုင်း ကမ္ဘာပေါ်တွင် မျိုးပွား၊ တိုးပွားစေမည်။ ဤလူသားမျိုးနွယ်သည် ငါနှင့်အတူ ထာဝရ ကျန်ရစ်နေလိမ့်မည်၊ သို့သော် ၎င်းတို့မှာ စက်ဆုပ်ရွံရှာဖွယ်သော ယခုလူသားမျိုးနွယ်ကဲ့သို့မဟုတ်၊ ငါ၏ရယူခြင်းကို ခံခဲ့ရပြီးသောသူအားလုံး၏ အစုအဝေးဖြစ်သည့် လူသားမျိုးနွယ်ပင် ဖြစ်သည်။ ထိုကဲ့သို့သော လူသားမျိုးနွယ်သည် စာတန်ကို ငါအောင်နိုင်ပြီးနောက် ကမ္ဘာပေါ်တွင် တည်ရှိသည့် တစ်ခုတည်းသော လူသားမျိုးနွယ် ဖြစ်လိမ့်မည်ဖြစ်ပြီး၊ စာတန်၏ဝိုင်းရံထားခြင်း၊ နှောင့်ယှက်ခြင်း၊ ဖျက်ဆီးခြင်း ခံရတော့မည် မဟုတ်ပါ။ ထိုလူသားမျိုးနွယ်သည် ယနေ့တွင် ငါသိမ်းပိုက်ပြီးသောသူများ၊ ငါ၏ကတိကို ရရှိပြီးသောသူများ ဖြစ်ကြသည်။ ထို့ကြောင့် နောက်ဆုံးသောကာလအတောအတွင်း သိမ်းပိုက်ခြင်းခံရသော လူသားမျိုးနွယ်သည် လွတ်ငြိမ်းခွင့်ရမည့်သူများ ဖြစ်ကြပြီး၊ ငါ၏ ထာဝရ ကောင်းချီးမင်္ဂလာများကို ရရှိခံစားကြလိမ့်မည်။ ထိုအရာသည်သာ စာတန်အပေါ် ငါ့အောင်နိုင်ခြင်းကို ပြသသည့် တစ်ခုတည်းသော သက်သေအထောက်အထား ဖြစ်လိမ့်မည်ဖြစ်ပြီး၊ စာတန်နှင့် ငါ၏တိုက်ပွဲမှ တစ်ခုတည်းသော လက်ရပစ္စည်းများ ဖြစ်လာမည်။ စစ်ပွဲ၏ ဤလက်ရပစ္စည်းများသည် စာတန်အုပ်စိုးခြင်းမှ ငါကယ်တင်ပြီး၊ နှစ်ပေါင်းခြောက်ထောင်ကြာ ငါ့စီမံခန့်ခွဲမှု အစီအစဉ်၏ တစ်ခုတည်းသော အသီးအပွင့်နှင့် မြင်တွေ့နိုင်သော ရလဒ်တို့ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမျက်ဒေါသကျရောက်မည့်နေ့ကို အသွေးအသားရှိသောသူ အဘယ်သူမျှ လွတ်မြောက်နိုင်မည် မဟုတ်ပါ” မှ

ဘုရားသခင်နောက်သို့ အမှန်တကယ် လိုက်လျှောက်သူများသည် သူတို့အလုပ်၏ စမ်းသပ်မှုကို ခံနိုင်ရည် ရှိကြသည်၊ သို့ရာတွင် ဘုရားသခင်နောက်သို့ အမှန်တကယ် မလိုက်လျှောက်သူများမှာမူ ဘုရားသခင်၏ မည်သည့်စစ်ဆေးမှုကိုမျှ ခံနိုင်စွမ်းရည် မရှိကြပေ။ အနှေးနှင့်အမြန်ပင် သူတို့သည် ထုတ်ပယ်ခြင်း ခံရကြလိမ့်မည်။ ထိုအချိန်တွင် အောင်နိုင်သူများက နိုင်ငံတော်တွင် တည်ရှိနေလိမ့်မည်။ လူသားက ဘုရားသခင်ကို အမှန်တကယ် ရှာဖွေသည်၊ သို့မဟုတ် မရှာဖွေသည်ကို သူ့အလုပ်၏ စစ်ဆေးမှုအားဖြင့်၊ ဆိုလိုသည်မှာ ဘုရားသခင်၏ စစ်ဆေးမှုများဖြင့် ဆုံးဖြတ်ပေးပြီး လူက မိမိကိုယ်တိုင် ချမှတ်သည့် ဆုံးဖြတ်ချက်နှင့် လားလားမျှ မသက်ဆိုင်ပေ။ ဘုရားသခင်သည် မည်သူတစ်ဦးတစ်ယောက်ကိုမျှ စိတ်ကူးပေါက်ရာ မငြင်းပယ်ပေ။ သူလုပ်ဆောင်သမျှသည့် လူသားကို အကြွင်းမဲ့ လက်ခံယုံကြည်လာအောင် ပြုနိုင်စွမ်းရှိသည်။ သူသည် လူသားက မမြင်နိုင်သည့် မည်သည့်အရာကိုမျှ၊ သို့မဟုတ် လူသားက မယုံကြည်နိုင်သည့် မည်သည့်အလုပ်ကိုမျှ မလုပ်ဆောင်ပါ။ လူသား၏ ယုံကြည်ခြင်းက မှန်သည်၊ သို့မဟုတ် မမှန်သည်ကို အချက်အလက်များအားဖြင့် သက်သေပြသည်၊ ယင်းကို လူသားအနေဖြင့် မဆုံးဖြတ်နိုင်ပါ။ “ဂျုံစပါးပင်ကို ပေါင်းပင်ဖြစ်အောင် မပြုလုပ်နိုင်သကဲ့သို့၊ ပေါင်းပင်များကိုလည်း ဂျုံစပါးပင်ဖြစ်အောင် မပြုလုပ်နိုင်ပါ” ဆိုသည်မှာ ယုံမှားဖွယ်ရာ မရှိပေ။ ဘုရားသခင်ကို အမှန်တကယ် ချစ်မြတ်နိုးသူများအားလုံးသည် နောက်ဆုံးတွင် နိုင်ငံတော်အတွင်း တည်ရှိနေလိမ့်မည်ဖြစ်ပြီး၊ ဘုရားသခင်သည် သူ့ကို အမှန်တကယ် ချစ်မြတ်နိုးသည့် မည်သူကိုမဆို နှိပ်စက်မည် မဟုတ်ပါ။ သူတို့၏ မတူညီသည့် လုပ်ဆောင်မှုများနှင့် သက်သေခံချက်များကို အခြေခံပြီး၊ နိုင်ငံတော်အတွင်းရှိ အောင်မြင်သောသူများက ယဇ်ပရောဟိတ်များ၊ သို့မဟုတ် နောက်လိုက်များအဖြစ် အစေခံကြလိမ့်မည်။ ထို့ပြင် ဒုက္ခဆင်းရဲအလယ်တွင် အောင်မြင်သောသူများက နိုင်ငံတော်ထဲတွင် ယဇ်ပရောဟိတ်များအဖွဲ့ ဖြစ်လာလိမ့်မည်။ စကြဝဠာတစ်လျှောက်တွင် ဧဝံဂေလိတရားအလုပ် ပြီးဆုံးသည့်အချိန်တွင်၊ ယဇ်ပရောဟိတ်များအဖွဲ့ ပေါ်ပေါက်လာမည်။ ထိုအချိန်ရောက်လျှင်၊ လူ့အနေဖြင့် လုပ်ရမည်မှာ ဘုရားသခင်၏ နိုင်ငံတော်အတွင်း သူ၏တာဝန်ကို ထမ်းဆောင်ရန်နှင့် ဘုရားသခင်နှင့်အတူ နိုင်ငံတော်အတွင်း နေထိုင်ရန်ဖြစ်သည်။ ယဇ်ပရောဟိတ်များအဖွဲ့တွင် ယဇ်ပရောဟိတ် အကြီးအကဲများနှင့် ယဇ်ပရောဟိတ်များ ပါဝင်မည်ဖြစ်ပြီး၊ ကျန်ရှိသူများက ဘုရားသခင်၏လူများနှင့် သားများ ဖြစ်ကြလိမ့်မည်။ ဤအရာအားလုံးကို ဒုက္ခဆင်းရဲ ကြီးစွာခံစားရသည့်အချိန်တွင် ဘုရားသခင်အတွက် သူတို့ပြုသည့် သက်သေခံချက်များအားဖြင့် အဆုံးအဖြတ်ပေးခြင်းဖြစ်သည်။ ယင်းတို့သည် စိတ်ကူးတည့်ရာပေးသည့် ဂုဏ်ပုဒ်များ မဟုတ်ပေ။ လူ၏ အခြေအနေသည် အခြေကျသည်နှင့် တစ်ပြိုင်နက်၊ ဘုရားသခင်၏ အလုပ်သည် ရပ်ဆိုင်းသွားမည်ဖြစ်သည်၊ အကြောင်းမှာ လူတစ်ယောက်စီကို သူတို့၏ အမျိုးအစားအတိုင်း အဆင့်ခွဲထားပြီး သူတို့သည် မိမိတို့၏မူလအနေအထားကို ပြန်လည်ရောက်ရှိသွားသောကြောင့်ဖြစ်ကာ၊ ယင်းသည် ဘုရားသခင်ပြုသောအလုပ် အောင်မြင်ခြင်း၏ အမှတ်အသားဖြစ်သည်။ ဤကား ဘုရားသခင်ပြုသောအလုပ်၏ နောက်ဆုံးရလဒ်ဖြစ်ပြီး လူသား၏ လက်တွေ့လုပ်ဆောင်မှုဖြစ်သည့်အပြင် ဘုရားသခင့်အလုပ်၏ ရူပါရုံများနှင့် လူသား၏ပူးပေါင်းလုပ်ဆောင်မှုတို့ အကောင်အထည်ပေါ်လာခြင်းလည်းဖြစ်သည်။ အဆုံးမှာတော့၊ လူသားသည် ဘုရားသခင်၏ နိုင်ငံတော်တွင် ငြိမ်းချမ်းမှုကို တွေ့ရှိလိမ့်မည်၊ ဘုရားသခင်သည်လည်း သူ၏ကျိန်းဝပ်ရာအရပ်သို့ အနားယူရန် ပြန်သွားလိမ့်မည်။ ဤကား ဘုရားသခင်နှင့် လူသားအကြား အနှစ် ၆၀၀၀ ကျော် ပူးပေါင်းဆောင်ရွက်မှု၏ နောက်ဆုံးရလဒ်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အလုပ်နှင့် လူ၏လက်တွေ့လုပ်ဆောင်မှု” မှ

တရားစီရင်မှုက အဘယ်အရာဖြစ်သည်၊ သမ္မာတရားက အဘယ်အရာဖြစ်သည်ကို ယခု သင်နားလည်သလော။ သင်နားလည်သည်ဆိုပါလျှင် တရားစီရင်မှုကို ခံယူခြင်းငှာ ကျိုးကျိုးနွံနွံနှင့် နာခံဆက်ကပ်ရန် ငါအလေးအနက်တိုက်တွန်း၏။ သို့မဟုတ်လျှင် သင်သည် ဘုရားသခင်၏ ချီးကျူးခံရခြင်းအခွင့်ကို ဘယ်တော့မျှ ရလိမ့်မည်မဟုတ်၊ သို့မဟုတ် သူ၏နိုင်ငံတော်အတွင်းသို့ သင့်ကို သူက ဆောင်ယူလိမ့်မည်မဟုတ်။ တရားစီရင်ခြင်းတစ်ခုကိုသာ လက်ခံပြီး မည်သည့်အခါမျှ သန့်စင်၍မရသော သူတို့သည်၊ တစ်နည်းအားဖြင့်ဆိုလျှင်၊ တရားစီရင်ခြင်းအမှုအလယ်၌ ထွက်ပြေးသောသူများသည် ဘုရားသခင်၏ ထာဝရရွံရှာမှုနှင့် ငြင်းပယ်မှုကို ခံကြရလိမ့်မည်။ သူတို့၏ အပြစ်များသည် ဖာရိရှဲတို့ထက် သာလွန်များပြားကာ၊ ပို၍ကြီးလေးလှ၏၊ အကြောင်းမှာ ၎င်းတို့သည် ဘုရားသခင်ကို သစ္စာဖောက်ပြီး ပုန်ကန်ခဲ့သောကြောင့်ပင် ဖြစ်သည်။ အစေခံရန်ပင် မထိုက်တန်သည့် ထိုကဲ့သို့သောသူများသည် သာ၍ပြင်းထန်သော အပြစ်ဒဏ်ကို ခံယူရမည်ဖြစ်ပြီး၊ ထိုအပြစ်ဒဏ်မှာ ထာဝရအတွက်ဖြစ်သည်။ ဘုရားသခင်သည် သူ့အားတစ်ချိန်က သစ္စာစောင့်သိမှုကို ပြခဲ့ကြသော်လည်း သစ္စာဖောက်သွားသော မည်သည့်သစ္စာဖောက်များကိုမျှ အလွတ်ပေးလိမ့်မည် မဟုတ်ပေ။ ထိုကဲ့သို့သောလူတို့သည် ကိုယ်၊ စိတ်နှင့် ဝိညာဉ်တို့တွင် အပြစ်ဒဏ်ပေးခံရခြင်းအားဖြင့် ဒဏ်ခတ်ခံကြရလိမ့်မည်။ ယင်းသည် ဘုရားသခင်၏ ဖြောင့်မတ်သော စိတ်နေသဘောထားကို တိကျစွာ ထုတ်ဖော်ခြင်းမဟုတ်ပေလော။ ယင်းသည် လူသားကို တရားစီရင်ခြင်းနှင့် ထုတ်ဖော်ခြင်းတို့အတွက် ဘုရားသခင်၏ ရည်ရွယ်ချက်ပင် မဟုတ်လော။ ဘုရားသခင်သည် ယုတ်မာသောအမှုမျိုးစုံကို ပြုခဲ့သော ထိုသူအားလုံးတို့ကို တရားစီရင်ရာ အချိန်ကာလတွင် ဆိုးယုတ်သော ဝိညာဉ်များကြီးစိုးသော နေရာသို့ ပို့ဆောင်လိမ့်မည်။ ထိုဆိုးယုတ်သော ဝိညာဉ်များကို သူတို့၏ ခန္ဓာအသွေးအသားအား စိတ်ကြိုက်ဖျက်ဆီးခွင့်ကို ပေးလိမ့်မည်။ ထို့ပြင် ထိုသူတို့၏ ခန္ဓာကိုယ်များမှ အလောင်းကောင်အပုပ်နံ့ တထောင်းထောင်း ထုတ်လွှတ်နေမည်။ ယင်းကား သူတို့နှင့် ထိုက်တန်သော ဒဏ်ခတ်ခံရခြင်းပင်ဖြစ်သည်။ ဘုရားသခင်သည် သစ္စာမရှိသော ယုံကြည်သူအတုအယောင်များ၊ တမန်တော်အတုအယောင်များနှင့် အမှုတော်ဆောင်အတုအယောင်များ အယောက်စီတိုင်း၏ အပြစ်များကို မှတ်တမ်းစာအုပ်များထဲတွင် ရေးမှတ်လျက်ရှိ၏။ ထို့နောက် အချိန်ကျလေသောအခါ သူသည် ညစ်ညမ်းသော ဝိညာဉ်များအလယ်သို့ သူတို့ကို နှင်ထုတ်လေ၏။ ထိုညစ်ညမ်းသော ဝိညာဉ်များက သူတို့၏ ခန္ဓာတစ်ခုလုံးကို ညစ်ညမ်းစေရန် စိတ်ကြိုက်ပြုမူကြလေ၏။ ထိုသို့အားဖြင့် သူတို့သည် ပြန်လည်၍ လူဖြစ်ခြင်းနှင့်၊ အလင်းရောင်ကို ထပ်မံတွေ့ရှိခြင်း လုံးဝမရှိကြတော့စေရန်ဖြစ်သည်။ ခဏတစ်ဖြုတ်မျှ အစေခံခဲ့ကြသော်လည်း အဆုံးတိုင်သစ္စာရှိရန် မတတ်နိုင်ကြသော ထိုကြောင်သူတော်တို့ကို ဘုရားသခင်သည် ယုတ်မာသူတို့နှင့်အတူ ရေတွက်၏။ ထိုသို့အားဖြင့် သူတို့သည် ယုတ်မာသူတို့၏ တိုက်တွန်းခြင်းကို လိုက်ကြပြီး ပရမ်းပတာဖြစ်နေသော ထိုလူစု၏ အစိတ်အပိုင်း ဖြစ်လာစေရန်ဖြစ်၏။ နောက်ဆုံးတွင် ဘုရားသခင်သည် သူတို့ကို အပြီးတိုင် ချေမှုန်းလိမ့်မည်။ ခရစ်တော်အပေါ် မည်သည့်အခါကမျှ သစ္စာမခံခဲ့သော၊ သို့မဟုတ် မိမိတို့၏အစွမ်းခွန်အားကို မည်သည့်အခါကမျှ ဆပ်ကပ်မှုတစ်စုံတရာ မပြုခဲ့သော သူတို့ကို ဘုရားသခင်သည် ဖယ်ထုတ်၍ ဂရုမပြုဘဲ ခေတ်အကူးတွင် အပြီးတိုင်ချေမှုန်းလိမ့်မည်။ ထိုသူတို့သည် ဘုရားသခင်၏ နိုင်ငံတော်ထဲသို့ ဝင်ရာလမ်းကိုရရှိရန် မဆိုထားနှင့်၊ ကမ္ဘာမြေပေါ်တွင်ပင် တည်ရှိနေကြတော့မည် မဟုတ်ပေ။ ဘုရားသခင်အပေါ် မည်သည့်အခါကမျှ စိတ်ရင်းမမှန်ခဲ့ကြဘဲ ပတ်ဝန်းကျင်၏ တွန်းအားပေးမှုကြောင့် ဘုရားသခင်ကို အပေါ်ယံမျှသာ ဆက်ဆံခဲ့သောသူတို့သည် ဘုရားသခင်၏လူတို့အတွက် အစေခံသောသူတို့နှင့်အတူ ရေတွက်ခြင်းခံရ၏။ ထိုသူတို့ထဲမှ လူအနည်းငယ်သာ ရှင်ကျန်ရစ်မည်ဖြစ်ပြီး အများစုမှာမူ အစေခံရန် အရည်အချင်းမပြည့်မီကြသောသူတို့နှင့်အတူ ပျက်စီးကြလိမ့်မည်။ နောက်ဆုံးတွင် ဘုရားသခင်နှင့် စိတ်သဘောတူသူများ၊ ဘုရားသခင်၏ လူများ၊ ဘုရားသခင်၏ သားများနှင့် ယဇ်ပရောဟိတ်များအဖြစ် ဘုရားသခင်က ကြိုတင်ခွဲခန့်ထားသော သူများအားလုံးကို ဘုရားသခင်သည် သူ၏နိုင်ငံတော်အတွင်းသို့ ဆောင်သွင်းလိမ့်မည်။ သူတို့သည် ဘုရားသခင့်အမှု၏ စစ်ယူရရှိထားသောအရာ ဖြစ်လိမ့်မည်။ ဘုရားသခင်စီစဉ်ထားသော အမျိုးအစားတစ်မျိုးမျိုးအထဲ သတ်မှတ်ခြင်း မခံရနိုင်သောသူများကမူ မယုံကြည်သူများထဲသို့ ထည့်သွင်းရေတွက်ခြင်း ခံရလိမ့်မည်။ ထိုသူတို့၏ရလဒ်မှာ အဘယ်အရာဖြစ်မည်ကို သင်တို့အနေဖြင့် ဧကန်မုချ စိတ်ကူးကြည့်နိုင်သည်။ ငါပြောသင့်သည့် အရာတိုင်းကို သင်တို့အား ငါပြောခဲ့ပြီးလေပြီ၊ သင်တို့ရွေးချယ်သောလမ်းမှာ သင်တို့၏ဆုံးဖြတ်ချက်သာဖြစ်သည်။ သင်တို့နားလည်သင့်သည့်အရာမှာ ဤသို့ဖြစ်၏၊ ဘုရားသခင်၏အမှုသည် သူနှင့်အတူ မီအောင်မလိုက်နိုင်သောသူများကို လုံးဝစောင့်နေမည်မဟုတ်ကြောင်းနှင့် ဘုရားသခင်၏ ဖြောင့်မတ်သော စိတ်နေသဘောထားသည် မည်သူတစ်ဦးတစ်ယောက်ကိုမျှ ကရုဏာမထားကြောင်းပင်တည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရစ်တော်သည် တရားစီရင်ခြင်း အမှုကို သမ္မာတရားဖြင့် ဆောင်ရွက်၏” မှ

မိမိတို့၏ ဇာတိပကတိအကြောင်းကိုသာ တွေးတောပြီး သက်သောင့်သက်သာ နေရသည်ကို နှစ်သက်သူများ၊ မပြတ်သားသော ယုံကြည်ခြင်းရှိသူများ၊ ယုတ်ညံ့သော ဆေးပညာနှင့် မှော်အတတ်ကို ကျင့်သူများ၊ လူတကာနှင့် သောင်းပြောင်း လိင်ဆက်ဆံသူများ၊ ထို့ပြင် မသပ်မရပ် စုတ်စုတ်ပြတ်ပြတ်နေကြသူများ၊ ယေဟောဝါကို ပူဇော်ထားသည့်အရာများနှင့် သူ၏ပိုင်ဆိုင်မှုများကို ခိုးယူကြသူများ၊ တန်စိုးလက်ဆောင်ကို နှစ်သက်သူများ၊ ကောင်းကင်ဘုံသို့သွားရန် အကြောင်းမဲ့သက်သက် အိပ်မက်မက်ကြသူများ၊ မာနထောင်လွှားပြီး စိတ်ကြီးဝင်ကာ မိမိနာမည်ကြီးဖို့၊ မိမိချမ်းသာဖို့သာ ကြိုးစားကြသူများ၊ ရိုင်းသောစကားများကို ပျံ့အောင်လုပ်သူများ၊ ဘုရားသခင်ကိုယ်တော်တိုင်ကို စော်ကားပြောဆိုကြသူများ၊ မည်သည့်အလုပ်မျှ မလုပ်ဘဲ ဘုရားသခင်ကိုယ်တော်တိုင်ကို ဆန့်ကျင်ဝေဖန်မှုပြုပြီး အသရေဖျက်သူများ၊ အခြားသူများနှင့် အုပ်စုဖွဲ့ပြီး သီးခြားအဖွဲ့ဖွဲ့ရန် ကြိုးစားသူများ၊ ကိုယ့်ကိုယ်ကိုယ် ဘုရားသခင်ထက် ပိုမြင့်အောင် ချီးမြှောက်သူများ၊ ဘာကိုမျှ အလေးအနက်မထားဘဲ အသက်ရှင်နေသည့် ငယ်ရွယ်သော အမျိုးသားများနှင့် အမျိုးသမီးများ၊ ကာမဂုဏ်လိုက်စားမှုတွင် ပိတ်မိနေကြသော လူလတ်ပိုင်းနှင့် အသက်ကြီးသော အမျိုးသားများနှင့် အမျိုးသမီးများ၊ မိမိ၏နာမည်ကြီးမှုနှင့် ကြွယ်ဝချမ်းသာမှု၌ မွေ့လျော်ကာ အခြားသူများအကြား၌ ကိုယ်ပိုင်အဆင့်အတန်းကို ရှာဖွေကြသော အမျိုးသားများနှင့် အမျိုးသမီးများ၊ အပြစ်နွံထဲ၌ ပိတ်မိနေပြီး နောင်တမရကြသူများ၊ အစရှိသည့်သူများအားလုံးသည် ကယ်တင်ရန် မဖြစ်နိုင်သူများဖြစ်သည် မဟုတ်လော။ ကာမဂုဏ်လွန်ကျူးခြင်း၊ အပြစ်လွန်ကျူးခြင်း၊ ဆိုးယုတ်သော ဆေးပညာ၊ မှော်အတတ်၊ ရိုသေလေးမြတ်မှုမရှိသော အပြုအမူ၊ ရိုင်းစိုင်းသော စကားများ စသည့်အရာများအားလုံးသည် သင်တို့အကြား၌ အထိန်းအကွပ်မရှိ ဖြစ်နေကြပြီး သမ္မာတရားနှင့် အသက်နှင့်ဆိုင်သော နှုတ်ကပတ်တော်များကမူ သင်တို့အကြား နင်းခြေခံကြရသည်၊ ထို့ပြင် သန့်ရှင်းသောဘာသာစကားသည် သင်တို့အကြားတွင် ညစ်ညမ်းစေခြင်းကိုခံရ၏။ ညစ်ညမ်းမှုနှင့် မနာခံမှုတို့လွန်ကဲနေသည့် တစ်ပါးအမျိုးသားတို့။ အဆုံး၌ သင်တို့သည် မည်သည့်နေရာသို့ ရောက်ကြမည်နည်း။ ဇာတိပကတိကို ချစ်မြတ်နိုးကြသူများ၊ ဇာတိပကတိ၏ မကောင်းမှုများကို လွန်ကျူးသူများ၊ ကာမဂုဏ်လွန်ကျူးသည့် အပြစ်များထဲတွင် မိနေသောသူများသည် အဘယ်ကြောင့် ဆက်လက်အသက်ရှင်ရဲကြသနည်း။ သင်တို့ကဲ့သို့သောလူများသည် ကယ်တင်ရန် မဖြစ်နိုင်သည့် လောက်ကောင်များဖြစ်သည်ကို မသိကြသလော။ ဟိုဟိုသည်သည် တောင်းဆိုဖို့ရန် သင်တို့၌ မည်သည့်အရည်အချင်းများ ရှိသနည်း။ သမ္မာတရားကို ချစ်မြတ်နိုးခြင်းမရှိဘဲ ဇာတိပကတိကိုသာ ချစ်မြတ်နိုးကြသူများ၏ အတွင်း၌ ယနေ့တိုင် ပြောင်းလဲမှုအနည်းငယ်မျှပင် မရှိချေ။ သို့ဖြစ်၍ ထိုကဲ့သို့သောသူများကို မည်သို့ကယ်တင်၍ ရမည်နည်း။ ယနေ့ထိတိုင် အသက်လမ်းကို ချစ်မြတ်နိုးခြင်း မရှိသူများ၊ ဘုရားသခင်ကို မချီးမြှောက်သူများ၊ သူ့အတွက် သက်သေခံခြင်း မပြုသူများ၊ မိမိတို့၏ ဂုဏ်အဆင့်အတန်း အဖို့အလို့ငှာ လျှို့ဝှက်ကြံစည်ကြသူများနှင့် ကိုယ့်ကိုယ်ကိုယ် ချီးမွမ်းကြသူများသည် ယခင်အတိုင်း ဖြစ်နေကြဆဲပင် မဟုတ်လော။ သူတို့ကို ကယ်တင်ရာ၌ မည်သည့်တန်ဖိုးရှိသနည်း။ သင့်ကို ကယ်တင်၍ရနိုင်၊ မရနိုင်ဟူသည့် အချက်သည် သင်၌ အရည်အချင်း မည်မျှရှိသနည်း၊ သို့မဟုတ် သင်အလုပ်လုပ်သည်မှာ နှစ်ပေါင်းမည်မျှ ကြာပြီးဖြစ်သနည်း ဟူသည့်အချက်အပေါ်၌ မမူတည်ပေ၊ သင်မည်သူမည်ဝါဖြစ်ကြောင်း အထောက်အထားများအပေါ်၌ သာ၍ပင် မမူတည်ပေ။ သင်၏လိုက်လျှောက်မှုသည် အသီးအပွင့်ဖြစ်ထွန်းခြင်း ရှိမရှိဟူသည့်အချက်အပေါ်၌ မူတည်သည်။ ကယ်တင်ခြင်းခံရသူများသည် အသီးသီးသည့် “သစ်ပင်များ” ဖြစ်ကြောင်း၊ စိမ်းစိုသည့် သစ်ရွက်များနှင့် ဖွေးဖွေးလှုပ်အောင် ပန်းများပွင့်နေသော်လည်း အသီးမသီးသည့် သစ်ပင်များမဟုတ်ကြောင်းကို သင်သိသင့်သည်။ လမ်းပေါ်၌ နှစ်ပေါင်းများစွာ သင်အချိန်ကုန်ခဲ့လျှင်ပင် မည်သည့်အကျိုးရှိသနည်း။ သင်၏သက်သေခံချက်ကား အဘယ်မှာနည်း။ ဘုရားသခင်ကို သင်၏ရိုသေလေးမြတ်ခြင်းသည် သင့်ကိုယ်သင် ချစ်သော အချစ်နှင့် ရာဂစိတ်ပြင်းထန်သော သင်၏ဆန္ဒနှင့်ယှဉ်လျှင် အလွန်ပင်နည်းသည်။ ထိုကဲ့သို့သောသူသည် ကိုယ်ကျင့်တရားပျက်ယွင်းသူတစ်ဦး မဟုတ်လော။ ထိုသူတို့သည် ကယ်တင်ခြင်းအတွက် စံနမူနာ အဘယ်သို့ဖြစ်နိုင်မည်နည်း။ သင်၏သဘာဝသည် ပြောင်းလဲ၍မရ၊ သင်သည် အလွန်ပုန်ကန်တတ်ပြီး သင့်ကို ကယ်တင်ရန် မဖြစ်နိုင်ပေ။ ထိုလူအမျိုးအစားသည် သုတ်သင်ဖယ်ရှားခြင်းခံရမည့် အမျိုးအစားဖြစ်သည် မဟုတ်လော။ ငါ၏အမှုပြီးသည့်အချိန်သည် သင့်အတွက် နောက်ဆုံးသောကာလ ဆိုက်ရောက်မည့် အချိန်ဖြစ်သည် မဟုတ်လော။ သင်တို့အကြားတွင် ငါသည်အလုပ်များစွာကို လုပ်ခဲ့ပြီး နှုတ်ကပတ်တော်များစွာကို ပြောဆိုခဲ့၏။ ထိုအရာများထဲမှ မည်မျှသည် သင်တို့နားထဲသို့ ရောက်သနည်း။ ထိုအရာများထဲမှ မည်မျှကို သင်တို့နာခံဖူးကြသနည်း။ ငါ၏အမှု အဆုံးသတ်သည့်အချိန်သည် သင်ငါ့ကို ဆန့်ကျင်ခြင်း ရပ်တန့်သည့်အချိန်နှင့် ငါ့ကို အန်တုခြင်း ရပ်တန့်သည့်အချိန်လည်း ဖြစ်မည်။ ငါအမှုပြုနေစဉ်ကာလအတွင်း သင်တို့သည် ငါ့ကိုအမြဲဆန့်ကျင်သည်၊ ငါ၏နှုတ်ကပတ်တော်များကို မည်သည့်အခါမျှ သင်တို့ မလိုက်နာကြ။ ငါက ငါ့အမှုကိုပြုပြီး သင်က သင့်ကိုယ်ပိုင် “အလုပ်” ကိုလုပ်သည်၊ သင်၏ကိုယ်ပိုင်နိုင်ငံကို ဖန်တီးသည်။ အသင်မြေခွေးနှင့် ခွေးအုပ်များ၊ သင်တို့လုပ်သမျှသည် ငါ့ကို ဆန့်ကျင်သည့်အရာများ ဖြစ်သည်တကား။ သင်တို့ကိုသာ ချစ်သည့်သူများကို ထွေးပွေ့ထားရန် သင်တို့ အမြဲကြိုးစားနေကြသည်။ သင်တို့၏ ရိုသေလေးမြတ်ခြင်းက အဘယ်မှာရှိသနည်း။ သင်တို့လုပ်သမျှသည် မရိုးသားပေ။ သင်တို့၌ နာခံခြင်းသော်လည်းကောင်း၊ ရိုသေလေးမြတ်ခြင်းသော်လည်းကောင်း မရှိ၊ သင်တို့လုပ်သမျှသည် မရိုးသားသကဲ့သို့ ပြစ်မှားစော်ကားမူများ ဖြစ်သည်။ ယင်းကဲ့သို့သော သူများသည် ကယ်တင်ခြင်းခံရနိုင်ပါမည်လော။ လိင်ကိစ္စ၌ စောင့်စည်းမှု မရှိသော၊ ကာမရာဂစိတ်ပြင်းပြသော ယောက်ျားများသည် ၎င်းတို့၏ ကိုယ်ပိုင်ပျော်ရွှင်မှုအတွက် ကလက်တက်တက် ပြည့်တန်ဆာများကို အမြဲဆွဲခေါ်လိုကြသည်။ ထိုသို့သော လိင်ကိစ္စ၌ စောင့်စည်းမှုမရှိသည့် နတ်ဆိုးများကို ငါလုံးဝကယ်တင်မည်မဟုတ်။ ညစ်ညမ်းသော နတ်ဆိုးများဖြစ်သည့် သင်တို့ကို ငါမုန်းတီးသည်။ သင်တို့၏ ကာမရာဂစိတ်ပြင်းပြမှုနှင့် ကလက်တက်တက်ပြုမူမှုတို့သည် သင်တို့အား ငရဲသို့ ထိုးဆင်းသွားစေမည်ဖြစ်သည်။ သင်တို့ကိုယ်တိုင်အတွက် သင်တို့၌ ပြောစရာ မည်သည့်အရာရှိသနည်း။ ညစ်ညမ်းသော နတ်ဆိုးများဖြစ်သော၊ ဝိညာဉ်ဆိုးများဖြစ်သော သင်တို့သည် အလွန်ပင် စက်ဆုပ်ဖွယ် ကောင်းတော့သည်။ သင်တို့သည် ရွံရှာဖွယ်ဖြစ်သည်တကား။ ထိုကဲ့သို့သော အမှိုက်သရိုက်သည် မည်သို့ကယ်တင်ခြင်းခံရပါမည်နည်း။ အပြစ်တရား၏ ချုပ်နှောင်ခြင်းကို ခံနေရသူများသည် ကယ်တင်ခြင်း ခံရနိုင်သလော။ ယနေ့ ဤသမ္မာတရား၊ ဤလမ်းနှင့် ဤအသက်တို့သည် သင်တို့အတွက် ဆွဲဆောင်မှုမရှိပေ။ အပြစ်လွန်ကျူးခြင်း၊ ငွေကြေး၊ အဆင့်အတန်း၊ ကျော်ကြားမှုနှင့် ဥစ္စာတိုးပွားမှု၊ ဇာတိပကတိ၏ ပျော်ရွှင်မှုများ၊ အမျိုးသားများ၏ ခန့်ညားမှုနှင့် အမျိုးသမီးများ၏ ကလက်တက်တက် အပြုအမူများသည်သာ သင်တို့အတွက် ဆွဲဆောင်မှုရှိသော အရာများဖြစ်သည်။ ငါ၏နိုင်ငံတော်သို့ဝင်ရန် သင်တို့၌ မည်သို့သော အရည်အချင်းများ ရှိသနည်း။ သင်တို့၏ ဂုဏ်သိက္ခာအကြောင်း မဆိုနှင့် သင်တို့၏ ပုံသဏ္ဌာန်သည် ဘုရားသခင်၏ပုံသဏ္ဌာန်ထက်ပင် ပိုမိုကြီးမြတ်နေပြီး သင်တို့၏ အဆင့်အတန်းသည် ဘုရားသခင်၏အဆင့်အတန်းထက် မြင့်ကာ သင်တို့သည် လူများကိုးကွယ်သည့် ဆင်းတုသဖွယ် ဖြစ်လာနေသည်။ သင်သည် ကောင်းကင်တမန်မင်းဖြစ်နေပြီ မဟုတ်လော။ လူတို့၏ ရလဒ်များကို ထုတ်ဖော်ပြသောအခါ၌ တစ်နည်းအားဖြင့် ကယ်တင်ခြင်းအမှု ပြီးဆုံးခါနီးအချိန်၌ သင်တို့အနက်မှ လူအများအပြားသည် ကယ်တင်ရန် မဖြစ်နိုင်သည့် အသေကောင်များ ဖြစ်လိမ့်မည်ဖြစ်ပြီး သုတ်သင်ဖယ်ရှားခံရမည်။ ကယ်တင်ခြင်းအမှုကို လုပ်ဆောင်နေသည့် ကာလအတွင်း ငါသည် လူအားလုံးအပေါ်၌ ကြင်နာကာ ကောင်းမြတ်သည်။ အမှုပြီးဆုံးသည့်အခါ ကွဲပြားသောလူအမျိုးမျိုး၏ ရလဒ်များသည် ဖော်ထုတ်ပြခြင်းခံရပြီး၊ ထိုအချိန်၌ လူတို့၏ ရလဒ်များကို ထုတ်ဖော်ပြပြီးဖြစ်မည်ဖြစ်သည့်အတွက် ငါသည် ကြင်နာကောင်းမြတ်တော့မည် မဟုတ်ပေ၊ အယောက်စီတိုင်းကို ၎င်းတို့၏ အမျိုးအစားအလိုက် ခွဲထားပြီး ဖြစ်နေလိမ့်မည်၊ ကယ်တင်ခြင်းအမှုကို ပြုခြင်းသည် အဓိပ္ပာယ်ရှိမည် မဟုတ်တော့ပေ။ အဘယ်ကြောင့်ဆိုသော် ကယ်တင်ခြင်းခေတ်သည် ကုန်လွန်သွားပြီး ဖြစ်မည်ဖြစ်သောကြောင့်တည်း။ ယင်းခေတ်သည် ကုန်လွန်ပြီး ဖြစ်မည်ဖြစ်သည့်အတွက် ပြန်ရောက်လာမည် မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လက်တွေ့လုပ်ဆောင်ခြင်း (၇)” မှ

သို့သော်လည်း လောကဟောင်း ဆက်လက်တည်ရှိနေသရွေ့ ငါ၏ဒေါသကို ၎င်း၏တိုင်းနိုင်ငံများအပေါ်သို့ ငါစေလွှတ်မည်ဖြစ်ပြီး၊ ငါ၏စီမံအုပ်ချုပ်ရေးဆိုင်ရာ အမိန့်များကို စကြဝဠာတစ်လျှောက်တွင် ပွင့်လင်းစွာ ထုတ်ပြန်ကြေညာမည်ဖြစ်ကာ၊ ၎င်းတို့ကို ချိုးဖောက်သည့် မည်သူမဆို ပြစ်တင်ဆုံးမခြင်း ခံရမည်ဖြစ်သည်။

ငါသည် ပြောဆိုရန် စကြဝဠာထံသို့ ငါ၏မျက်နှာကို လှည့်လေသောအခါ၊ လူသားမျိုးနွယ် အားလုံးသည် ငါ၏အသံကို ကြားပြီးနောက် ချက်ချင်း စကြဝဠာတစ်လျှောက်တွင် ငါပြုထားသည့် အလုပ်များ အားလုံးကို မြင်လေသည်။ ငါ၏အလိုနှင့် ဆန့်ကျင်သော သူတို့သည်၊ ဆိုလိုသည်မှာ၊ ငါ့ကို လူသား၏အပြုအမူများဖြင့် ဆန့်ကျင်သောသူများသည်၊ ငါ၏ပြစ်တင်ဆုံးမမှုအောက်သို့ ကျရောက်လိမ့်မည် ဖြစ်သည်။ ငါသည် ကောင်းကင်တစ်ခွင်ရှိသည့် မြောက်မြားလှစွာသောကြယ်များကို ယူငင်လျက် ၎င်းတို့ကို အသစ်ပြုပြင်မည်ဖြစ်ပြီး၊ ငါ့ကျေးဇူးကြောင့် နေနှင့် လသည်လည်း အသစ်ပြုပြင်ခြင်း ခံရလိမ့်မည်ဖြစ်ပြီး၊ မိုးကောင်းကင်သည် ယခင်ကဲ့သို့ ရှိတော့မည်မဟုတ်၊ ကမ္ဘာမြေကြီးပေါ်ရှိ အသင်္ချေများလှသော အရာများသည် အသစ်ပြုပြင်ခြင်း ခံရလိမ့်မည်။ ငါ၏နှုတ်ကပတ်တော်များမှတစ်ဆင့် ခပ်သိမ်းသောအရာတို့သည် ပြီးပြည့်စုံလင်လာကြလိမ့်မည်။ စကြဝဠာအတွင်းရှိ တိုင်းနိုင်ငံများစွာတို့သည် အသစ်တဖန် ပိုင်းကန့်ခံရလိမ့်မည်ဖြစ်ပြီး ငါ၏တိုင်းနိုင်ငံနှင့် အစားထိုးခြင်း ခံရပေလိမ့်မည်၊ ထိုသို့အားဖြင့် ကမ္ဘာမြေကြီးအပေါ်ရှိ တိုင်းနိုင်ငံများသည် ထာဝရ ပျောက်ကွယ်သွားလိမ့်မည်ဖြစ်ပြီး၊ ငါ့ကို ဝတ်ပြုကိုးကွယ်သော တိုင်းနိုင်ငံတစ်ခု ဖြစ်လာပေလိမ့်မည်။ ကမ္ဘာမြေကြီး၏ တိုင်းနိုင်ငံများအားလုံးသည် ဖျက်ဆီးခံရလိမ့်မည်ဖြစ်ပြီး၊ တည်ရှိတော့မည် မဟုတ်ချေ။ စကြဝဠာအတွင်းရှိ သက်ရှိလူသားများတွင် မာရ်နတ်နှင့် သက်ဆိုင်သော သူအားလုံးတို့သည် ရှင်းရှင်းသုတ်သင်ခြင်းကို ခံရလိမ့်မည်၊ စာတန်ကို ဝတ်ပြုကိုးကွယ်သော သူအားလုံးတို့သည် ငါ၏လောင်သောမီးဖြင့် အောက်သို့ချထားခြင်းကို ခံရလိမ့်မည်။ ဆိုလိုသည်မှာ ယခုတွင် စမ်းရေအတွင်း၌ရှိသော သူများမှလွဲ၍၊ ကျန်သောသူတို့သည် ပြာအဖြစ်သို့ ပြောင်းလဲခြင်းခံရလိမ့်မည်။ လူမျိုးများစွာတို့ကို ငါပြစ်တင်ဆုံးမသောအခါ ဘာသာရေးလောက၌ရှိသော သူတို့သည် ကွဲပြားခြားနားသော အတိုင်းအတာများဖြင့် ငါ၏နိုင်ငံတော်သို့ ပြန်လာကြမည်ဖြစ်ပြီး ငါ့အလုပ်များ၏ သိမ်းပိုက်ခြင်းကို ခံကြရလိမ့်မည်၊ အဘယ်ကြောင့်ဆိုသော် သန့်ရှင်းသောသူမှာ ဖြူသောမိုးတိမ်ကိုစီးလျက် ရောက်ရှိလာသည်ကို ထိုသူတို့ မြင်ခဲ့ပြီးဖြစ်လိမ့်မည် ဖြစ်သောကြောင့်ပင်တည်း။ လူသားမျိုးနွယ်အားလုံးသည် မိမိတို့၏ တူရာအမျိုးအစားနောက်သို့ လိုက်ကြလိမ့်မည်ဖြစ်ပြီး၊ သူတို့ပြုခဲ့သော အရာများအလိုက် ကွဲပြားသော ပြစ်တင်ဆုံးမခြင်းများကို ခံယူကြရမည် ဖြစ်သည်။ ငါ့တဘက်တွင် ရပ်တည်ခဲ့ကြသော သူများအားလုံးတို့သည် ပျက်စီးကြလိမ့်မည်ဖြစ်သည်။ ကမ္ဘာမြေကြီးပေါ်မှ ၎င်းတို့၏ အပြုအမူများတွင် ငါမပါဝင်ခဲ့သော သူများကမူ၊ သူတို့၏ မိမိတို့ကိုယ်ုမိမိ ကင်းလွတ်စေခဲ့ပုံကြောင့် ထိုသူတို့သည် ကမ္ဘာမြေကြီးပေါ်၌ ငါ၏သားများနှင့် ငါ့လူများ၏ အုပ်စိုးမှုအောက်တွင် ဆက်လက်တည်ရှိကြလိမ့်မည်။ ငါသည် လူအသင်္ချေထံသို့နှင့် တိုင်းနိုင်ငံအသင်္ချေထံသို့ ငါ့ကိုယ်ငါ ထုတ်ဖော်ပြသမည်၊ လူသားမျိုးနွယ်အားလုံးအတွက် ငါ၏ကြီးမြတ်သောအလုပ် စုံလင်သွားခြင်းကို သူတို့၏ကိုယ်ပိုင်မျက်စိနှင့် မြင်နိုင်ကြရန် ကြွေးကြော်ဖို့ အလို့ငှာ ကမ္ဘာမြေကြီးအပေါ်တွင် ငါ၏ကိုယ်ပိုင်အသံနှင့် မြွက်ဆိုမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၆” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ယခုတွင် ငါ့လူများ၏ အလယ်၌ ငါသည် အနှံ့အပြား လျှောက်သွားလျက် ရှိသည်၊ ငါ့လူများ၏ အလယ်တွင် ငါနေသည်။ ယနေ့တွင် ငါ့အပေါ် စစ်မှန်သည့် ချစ်ခြင်းမေတ္တာရှိသော သူများ၊ ထိုကဲ့သို့သောသူများသည် မင်္ဂလာရှိကြ၏၊ ငါ့ကို နာခံကြသည့် သူများသည် မင်္ဂလာရှိကြ၏၊ ထိုသူတို့သည် ငါ၏နိုင်ငံတော်တွင် ဧကန် နေကြရလိမ့်မည်။ ငါ့အား သိကျွမ်းခြင်းရှိသော သူများသည် မင်္ဂလာရှိကြ၏၊ ထိုသူတို့သည် ငါ၏ နိုင်ငံတော်တွင် တန်ခိုးကို ကိုင်စွဲကြရလိမ့်မည်၊ ငါ့အား ရှာဖွေသော သူတို့သည် မင်္ဂလာရှိကြ၏၊ ထိုသူတို့သည် စာတန်၏ ချည်နှောင်ခြင်းများမှ ဧကန်မုချ လွတ်မြောက်လိမ့်မည် ဖြစ်ပြီး၊ ငါ၏ ကောင်းချီးမင်္ဂလာကို ခံစားကြလိမ့်မည်။ မိမိကိုယ်မိမိ ပစ်ပယ်နိုင်သော သူတို့သည် မင်္ဂလာရှိကြ၏၊ ထိုသူတို့သည် ငါ၏ အရာ အားလုံးအတွင်းသို့ ဧကန်ဝင်ကြရ လိမ့်မည်ဖြစ်ပြီး၊ ငါ့နိုင်ငံတော်၏ ဆုကျေးဇူးများကို အမွေခံကြရလိမ့်မည်။ ငါ့အတွက်ကြောင့်နှင့် ဟိုဟိုဒီဒီ အလုပ်ရှုပ်ကြသော သူတို့အား ငါအောက်မေ့မည်၊ ငါ့အတွက်ကြောင့်နှင့် အသုံးခံဖို့ရန် သွားသော ထိုသူတို့အား ရွှင်လန်းစွာ ငါထွေးပိုက်မည်၊ ငါ့အား ပေးလှူခြင်း ပြုကြသော သူ တို့အား ငါသည် ရွှင်လန်းခြင်းများ ပေးသနားမည်၊ ငါ၏ နှုတ်ကပတ် တော်များထဲတွင် ဝမ်းမြောက်ခြင်း ရှာတွေ့သော သူများကို ငါကောင်းချီးပေးမည်၊ ထိုသူတို့သည် ငါ့နိုင်ငံတော်ရှိ ခေါင်တိုင်အား ထောက်ထားဖို့ရန် မဏ္ဍိုင်များ ဧကန်ဖြစ်ကြလိမ့်မည်၊ ထိုသူတို့သည် ငါ၏အိမ်တော်ထဲ၌ အတိုင်းအဆမဲ့သော ဆုကျေးဇူးကို ရကြလိမ့်မည်၊ ထို့အပြင် မည်သူတစ်ဦး တစ်ယောက်ကမျှ သူတို့နှင့် နှိုင်းယှဉ်၍ မရနိုင်ကြ။ သင်တို့အား ပေးသနားသော ကောင်းချီးများကို သင်တို့ လက်ခံဖူးသလော။ သင်တို့အတွက် ပြုထားသော ကတိများကို သင်တို့ ရှာကြဖူး သလော။ ငါ့အလင်း၏ လမ်းပြပို့ဆောင်မှုအောက်တွင် သင်တို့သည် အမှောင်ထု စွမ်းအားများ၏ လည်ညှစ်ခြင်းကို ဧကန် ကျော်လွှားနိုင်လိမ့်မည်။ သင်တို့အား လမ်းပြနေသော အလင်းကို အမှောင်ထု၏ အလယ်တွင် သင်တို့သည် အမှန်ပင် ဆုံးရှုံးလိမ့်မည် မဟုတ်။ သင်တို့သည် ဖန်ဆင်းခြင်းအားလုံး၏ သခင် အမှန်ပင် ဖြစ်လိမ့်မည်။ သင်တို့သည် စာတန်၏ ရှေ့မှောက်တွင် အောင်နိုင်သူတစ်ယောက် အမှန်ပင် ဖြစ်လိမ့်မည်။ အဆင်းနီသော နဂါးကြီး၏ နိုင်ငံကျရှုံးချိန်တွင် သင်တို့သည် ငါ၏ အောင်မြင်ခြင်းအား သက်သေခံရန် မြောက်မြား လှစွာသော လူအုပ်ကြီး၏ အလယ်တွင် မတ်မတ်ရပ်နေလိမ့်မည်။ သင်တို့သည် သိနိမ်ပြည်တွင် တည်ကြည်လျက် မယိမ်းယိုင်ဘဲ ဧကန်ရှိကြလိမ့်မည်။ သင်တို့ ကျော်ဖြတ်ရသော ဝေဒနာများမှတစ်ဆင့်၊ ငါ့ထံမှ လာသော ကောင်းချီးများကို သင်တို့ အမွေခံကြရလိမ့်မည် ဖြစ်ပြီး၊ သင်တို့သည် စကြဝဠာ တစ်ဝှမ်းလုံးတွင် ငါ၏ ဘုန်းတော်ကို အမှန်ပင် တောက်ပစေကြလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၉” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ထ၍ ငါနှင့်အတူ ပူးပေါင်းလော့။ ငါ့အတွက် ရိုးသားစွာ မိမိကိုယ်ကို အသုံးခံသောသူများကို ငါသည်လည်း သဘောထား သေးသိမ်စွာ ဆက်ဆံမည်မဟုတ်။ ငါ့ထံသို့ မိမိကိုယ်ကို ရိုးသားစွာ ဆက်ကပ်သော သင့်အပေါ်၌ ငါ၏ကောင်းချီးအားလုံးကို သွန်းလောင်းပေးမည်။ မိမိကိုယ်ကို ငါ့ထံသို့ အကြွင်းမဲ့ ပေးအပ်ကြလော့။ သင်စားသောအရာဖြစ်စေ၊ သင်ဝတ်သောအရာဖြစ်စေ၊ သင်၏အနာဂတ်အားလုံးသည် ငါ့လက်ထဲ၌ရှိသည်။ သင်၏အဆုံးမဲ့ ဝမ်းမြောက်ခြင်းအတွက် ငါသည် အလုံးစုံတို့ကို စနစ်တကျ စီစဉ်ပေးမည်ဖြစ်၍ မကုန်ဆုံးနိုင်ချေ၊ အကြောင်းမူကား “ငါ့အတွက် ရိုးသားစွာ အသုံးခံသောသူကို ငါသည် ကောင်းချီးများစွာ ဧကန်ပေးမည်” ဟု ငါပြောနှင့်ပြီ။ အားလုံးသော ကောင်းချီးမင်္ဂလာများသည် ငါ့အတွက် မိမိကိုယ်ကို ရိုးသားစွာ ပေးဆပ်သောသူတိုင်း၏အပေါ်သို့ ရောက်ရှိလာသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၇၀” အစအဦး၌ ခရစ်တော်၏မိန့်မြွက်ချက်များ မှ

သင်တို့အတွက် ငါပြင်ဆင်ထားသောအရာဖြစ်သည့် ကမ္ဘာတစ်ဝှမ်းလုံးမှ ရှားပါးပြီး အဖိုးတန်သော ရတနာများအားလုံးကို သင်တို့အား ပေးအပ်မည်။ သင်တို့သည် ဤအရာအားလုံးကို လက်ရှိတွင် စိတ်ကူးကြံစည်ခြင်း၊ တွေးကြည့်ခြင်းငှာ တတ်နိုင်ကြမည်မဟုတ်သကဲ့သို့ ဤအရာကို မည်သည့်လူသားကမျှ ယခင်က မွေ့လျော်ခံစားဖူးခဲ့ခြင်းမရှိပေ။ ဤကောင်းချီးမင်္ဂလာများ သင်တို့အပေါ် ကျရောက်လာသောအခါ သင်တို့သည် အဆုံးမရှိ ပီတိဖြစ်လိမ့်မည်၊ သို့သော်လည်း ဤအရာအားလုံးသည် ငါ၏တန်ခိုး၊ ငါ၏လုပ်ဆောင်မှုများ၊ ငါ၏ဖြောင့်မတ်ခြင်းနှင့် ထို့ထက်သာ၍ပင် ငါ၏ဘုန်းအာနုဘော် ဖြစ်သည်ကို မေ့လျော့ခြင်းမရှိနှင့်။ (ကျေးဇူးပြုရန် ငါရွေးချယ်သော သူတို့အပေါ်တွင် ငါကျေးဇူးပြုမည်ဖြစ်ပြီး ကရုဏာစိတ်ထားရန် ငါရွေးချယ်သောသူတို့အပေါ်တွင် ငါကရုဏာစိတ်ထားမည်။) ထိုအချိန်တွင် သင်တို့၌ မိဘများရှိကြလိမ့်မည်မဟုတ်၊ သွေးသားရင်းချာများလည်း ရှိကြလိမ့်မည်မဟုတ်။ သင်တို့အားလုံးသည် ငါချစ်သောလူတို့ဖြစ်ကြကာ ငါ၏ချစ်သားများ ဖြစ်ကြသည်။ ထိုအချိန်မှစ၍ မည်သူကမျှ သင်တို့ကို ဖိနှိပ်ဝံ့မည်မဟုတ်။ ထိုအချိန်သည် သင်တို့အတွက် လူကြီးများအဖြစ် ကြီးပြင်းရန်အချိန် ဖြစ်လိမ့်မည်ဖြစ်ပြီး သင်တို့သည် တိုင်းနိုင်ငံများကို သံလှံတံနှင့် အုပ်စိုးရန်အချိန် ဖြစ်လိမ့်မည်။ ငါ၏ချစ်သားတို့ကို အဘယ်သူသည် နှောင့်ယှက်ဝံ့သနည်း။ ငါ၏ချစ်သားတို့ကို အဘယ်သူသည် တိုက်ခိုက်ဝံ့သနည်း။ ဖခင်သည် ဘုန်းထင်ရှားခြင်းရှိပြီးဖြစ်သောကြောင့် သူတို့အားလုံးသည် ငါ၏ချစ်သားတို့ကို ရိုသေလေးမြတ်ကြလိမ့်မည်။ အဘယ်သူတစ်ဦးတစ်ယောက်ကမျှ စိတ်ကူးနိုင်မည်မဟုတ်သော အရာများအားလုံးသည် သင်တို့၏မျက်စိများရှေ့တွင် ပေါ်လာလိမ့်မည်။ ၎င်းတို့သည် အကန့်အသတ်မဲ့၊ မကုန်ခန်းနိုင်ဘဲ အဆုံးအစမဲ့လိမ့်မည်။ များမကြာမီတွင် သင်တို့သည် နေဒဏ်ကြောင့် ညှိုးရော်ခြင်းနှင့် အပူချိန်၏ နှိပ်စက်ညှဉ်းပန်းခြင်းကို သည်းခံရန် မလိုအပ်တော့မည်မှာ အသေအချာပင်ဖြစ်သည်။ သင်တို့သည် အအေးဒဏ်ကိုသော်လည်းကောင်း၊ မိုးဒဏ်ကိုသော်လည်းကောင်း ခံစားရလိမ့်မည်မဟုတ်၊ ဆီးနှင်း၊ သို့မဟုတ် လေတိုက်ခတ်ခြင်းသည် သင်တို့ထံသို့ ရောက်လာမည်မဟုတ်။ ဤအရာမှာ သင်တို့ကို ငါချစ်သောကြောင့်ဖြစ်ပြီး ၎င်းသည် ငါ့ချစ်ခြင်းမေတ္တာဖြင့်ပြီးသော လောကလုံးလုံးဖြစ်လိမ့်မည်။ သင်တို့အလိုရှိသော အရာအားလုံးကို ငါပေးမည်၊ ထို့ပြင် သင်တို့လိုအပ်သော အရာအားလုံးကို ငါပြင်ဆင်ပေးမည်။ ငါသည် မဖြောင့်မတ်ဟု အဘယ်သူသည် ပြောဝံ့သနည်း။ ငါ၏အမျက်ဒေါသသည် (ဆိုးယုတ်သော သူတို့အပေါ်) ထာဝရတည်မြဲလိမ့်မည် ဖြစ်သည်ဟု ယခင်က ငါပြောခဲ့ပြီးဖြစ်သောကြောင့် ငါသည် သင့်ကို ချက်ချင်းကွပ်မျက်မည်ဖြစ်ပြီး အနည်းငယ်မျှပင် သက်ညှာပေးမည် မဟုတ်။ သို့သော်လည်း ငါ၏ချစ်ခြင်းမေတ္တာသည်လည်း (ငါ၏ ချစ်သားတို့အတွက်) ထာဝရအစဉ်အဆက် တည်မြဲလိမ့်မည်ဖြစ်ကာ ငါသည် အနည်းငယ်မျှပင် ချုပ်တည်းထားမည် မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၈၄” အစအဦး၌ ခရစ်တော်၏မိန့်မြွက်ချက်များ မှ

သိမ်းပိုက်ခြင်းအမှုပြီးဆုံးသည်နှင့် လူသားသည် လှပသောကမ္ဘာသို့ ခေါ်ဆောင်ခြင်းခံရလိမ့်မည်။ ဤအသက်တာသည် ကမ္ဘာမြေကြီးပေါ်တွင် ရှိနေဆဲဖြစ်မည်မှာ အမှန်ပင်ဖြစ်သော်လည်း ယနေ့လူသား၏အသက်တာနှင့် လုံးဝတူညီမည် မဟုတ်ပေ။ ဤသည်မှာ လူသားမျိုးနွယ် တစ်ရပ်လုံးအပေါ် သိမ်းပိုက်ခဲ့ပြီးနောက် လူသားမျိုးနွယ်တွင်ရှိမည့် အသက်တာဖြစ်သည်။ ယင်းသည် ကမ္ဘာမြေကြီးတွင် လူသားအတွက် အသစ်စတင်ခြင်းဖြစ်မည်။ ထို့အပြင် လူသားမျိုးနွယ်အနေဖြင့် ဤအသက်တာမျိုးရခြင်းမှာ လူသားမျိုးနွယ်သည် လောကဘုံအသစ်သို့ ဝင်ရောက်ခဲ့ပြီဖြစ်ကြောင်း သက်သေဖြစ်လိမ့်မည်။ ဤသည်မှာ လူသားနှင့် ဘုရားသခင်အတွက် ကမ္ဘာမြေကြီးပေါ်တွင် အသက်တာသစ် စတင်ခြင်း ဖြစ်လိမ့်မည်။ ဤမျှလှပသောအသက်တာ၏ အကြောင်းရင်းမှာ လူသားသည် သန့်စင်ခံရ၍ သိမ်းပိုက်ခြင်းခံရပြီးနောက် ဖန်ဆင်းရှင်ရှေ့မှောက်တွင် နာခံ၍ ဖြစ်ရမည်။ ထို့ကြောင့် သိမ်းပိုက်ခြင်းအမှုသည် လူသားမျိုးနွယ်က အံ့သြဖွယ်ကောင်းသော ခရီးပန်းတိုင်သို့ မဝင်ရောက်မီ ဘုရားသခင်အမှု၏ နောက်ဆုံးအဆင့် ဖြစ်သည်။ ဤသို့သော အသက်တာသည် ကမ္ဘာမြေကြီးတွင် လူသား၏အနာဂတ် အသက်တာဖြစ်၏၊ ၎င်းသည် ကမ္ဘာပေါ်တွင် အလှပဆုံးသော အသက်တာဖြစ်၏၊ လူသားတောင့်တသော အသက်တာဖြစ်၏၊ ကမ္ဘာ့သမိုင်းတွင် လူသားအနေဖြင့် တစ်ခါမျှ မရရှိဖူးသော အသက်တာဖြစ်၏၊ ၎င်းသည် အနှစ် ၆၀၀၀ စီမံခန့်ခွဲခြင်းအမှု၏ နောက်ဆုံးရလဒ်ဖြစ်၏၊ လူသားမျိုးနွယ်အနေဖြင့် လိုချင်တောင့်တဆုံးဖြစ်၍ ဘုရားသခင်က လူသားကို ပေးခဲ့သော ကတိလည်းဖြစ်၏။ သို့ရာတွင် ဤကတိသည် ချက်ချင်းမဖြစ်ပေါ်နိုင်ပေ၊ နောက်ဆုံးသောကာလ၏အမှု ပြီးဆုံးပြီး လူသားသည် လုံးဝသိမ်းပိုက်ခံရပြီးမှ၊ ဆိုလိုသည်မှာ စာတန် လုံးဝရှုံးနိမ့်ပြီးမှ လူသားသည် အနာဂတ်ခရီးပန်းတိုင်သို့ ဝင်ရောက်လိမ့်မည်။ လူသားသည် သန့်စင်ခံရပြီးသည့်အခါတွင် အပြစ်ရှိသော သဘောသဘာဝ ကင်းမဲ့လိမ့်မည်။ အဘယ်ကြောင့်ဆိုသော် ဘုရားသခင်သည် စာတန်အပေါ် အနိုင်ရရှိခဲ့ပြီးဖြစ်လိမ့်မည် ဖြစ်သောကြောင့်ဖြစ်၏၊ ယင်းမှာ ရန်လိုသည့် အင်အားစုများ၏ ဝင်ရောက်စွက်ဖက်ခြင်းတို့ ရှိမည်မဟုတ်ဟု ဆိုလိုပြီး၊ လူသား၏ ဇာတိခန္ဓာကို တိုက်ခိုက်နိုင်မည့် ရန်လိုသည့် အင်အားစုများလည်း ရှိလိမ့်မည် မဟုတ်ဟု ဆိုလိုသည်။ ထို့ကြောင့် လူသားသည် လွတ်လပ်၍ သန့်ရှင်းလိမ့်မည်၊ သူသည် ထာဝရကာလသို့ ဝင်ရောက်ပြီး ဖြစ်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသား၏သာမန်ဘဝကို နဂိုအတိုင်း ပြန်ဖြစ်လာစေခြင်းနှင့် သူ့ကို အံ့သြဖွယ်ကောင်းသော ခရီးပန်းတိုင်သို့ ခေါ်ဆောင်သွားခြင်း” မှ

လူသားတို့ကို သူတို့၏ မူလရုပ်ဆင်းသဏ္ဌာန်အတိုင်း ပြန်ဖြစ်စေပြီးသည့်အခါ၊ လူသားတို့သည် သူတို့၏ သက်ဆိုင်ရာတာဝန်များကို ထမ်းဆောင်နိုင်သည့်အခါ၊ သူတို့၏ ကိုယ်ပိုင်နေရာကို ထိန်းသိမ်းပြီး ဘုရားသခင်၏ အစီအစဉ်များအားလုံးကို နာခံသည့်အခါ၊ ဘုရားသခင်သည် ကမ္ဘာမြေကြီးပေါ်တွင် သူ့ကိုကိုးကွယ်သူ လူတစ်စုကို ရယူပြီးဖြစ်လိမ့်မည်ဖြစ်ကာ ကမ္ဘာမြေကြီးပေါ်တွင် သူ့ကို ကိုးကွယ်သော နိုင်ငံတော်ကိုလည်း တည်ထောင်ပြီးဖြစ်လိမ့်မည်။ သူသည် ကမ္ဘာမြေကြီးပေါ်တွင် အဆုံးမရှိသည့် အောင်မြင်ခြင်းကို ရရှိလိမ့်မည်ဖြစ်ပြီး သူ့ကိုဆန့်ကျင်သူတို့သည် ထာဝရကာလတိုင် ပျက်စီးကြလိမ့်မည်။ ဤအရာသည် လူသားအား သူဖန်ဆင်းခြင်း၏ မူလရည်မှန်းချက်ကို နဂိုအတိုင်းပြန်ဖြစ်စေလိမ့်မည်။ ယင်းသည် အရာခပ်သိမ်းအား သူဖန်ဆင်းခြင်း၏ မူလရည်မှန်းချက်ကို နဂိုအတိုင်း ပြန်ဖြစ်စေလိမ့်မည်ဖြစ်ပြီး ကမ္ဘာမြေကြီးပေါ်တွင် အရာခပ်သိမ်းအကြား သူ၏အာဏာနှင့် သူ၏ရန်သူများအကြား သူ၏အာဏာကိုလည်း နဂိုအတိုင်း ပြန်ဖြစ်စေလိမ့်မည်။ ယင်းတို့သည် သူ၏ လုံးဝဥဿုံ အောင်မြင်ခြင်း၏ သင်္ကေတများဖြစ်သည်။ ထိုအချိန်မှစ၍ နောင်တွင် လူသားသည် အနားယူခြင်းထဲသို့ ဝင်ရောက်လိမ့်မည်ဖြစ်ပြီး လမ်းကြောင်းမှန်ကို လိုက်လျှောက်သော အသက်တာအတွင်းသို့ ဝင်ရောက်လိမ့်မည်။ ဘုရားသခင်သည်လည်း အဆုံးမရှိသော အနားယူခြင်းထဲသို့ လူသားနှင့်အတူ ဝင်ရောက်ကာ ဘုရားသခင်နှင့် လူသားတို့ အတူတကွမျှဝေသည့် ထာဝရအသက်ထဲသို့ ဝင်ရောက်လိမ့်မည်။ ကမ္ဘာမြေကြီးပေါ်ရှိ ညစ်ညမ်းမှုနှင့် မနာခံခြင်းတို့သည် ကမ္ဘာမြေကြီးပေါ်ရှိ ငိုကြွေးခြင်းတို့ကဲ့သို့ပင် ကွယ်ပျောက်သွားလိမ့်မည်။ ကမ္ဘာမြေကြီးပေါ်ရှိ ဘုရားသခင်ကို ဆန့်ကျင်သောအရာအားလုံး တည်ရှိတော့မည်မဟုတ်ပေ။ ဘုရားသခင်နှင့် သူကယ်တင်ထားသော လူများသာလျှင် ကျန်ရှိလိမ့်မည်။ သူ၏ ဖန်ဆင်းခြင်းသာလျှင် ကျန်ရှိလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် လူသားသည် အနားယူခြင်းထဲသို့ အတူတကွ ဝင်ရောက်ကြလိမ့်မည်” မှ

ဘုရားသခင်ကို ချစ်သော သူများသာလျှင် ဘုရားသခင်အတွက် သက်သေခံနိုင်ကြသည်။ သူတို့သာလျှင် ဘုရားသခင်၏ သက်သေခံများ ဖြစ်ကြသည်။ သူတို့သာလျှင် ဘုရားသခင်၏ ကောင်းချီးပေးခြင်းကို ခံရပြီး ဘုရားသခင်၏ ကတိတော်များကို သူတို့သာလျှင် လက်ခံရရှိနိုင်ကြသည်။ ဘုရားသခင်ကို ချစ်သောသူများသည် ဘုရားသခင်နှင့် အနီးစပ်ဆုံးလူများ ဖြစ်သည်။ သူတို့သည် ဘုရားသခင်၏ ချစ်မြတ်နိုးခြင်းကို ခံရသောသူများဖြစ်ပြီး ဘုရားသခင်နှင့်အတူ ကောင်းချီးမင်္ဂလာများကို ခံစားမွေ့လျော်နိုင်သည်။ ထိုသို့သောသူများသာလျှင် ထာဝရကာလတိုင် အသက်ရှင်နိုင်မည်ဖြစ်ပြီး သူတို့သာလျှင် ဘုရားသခင်၏ ဂရုစိုက်မှုနှင့် ကာကွယ်မှုအောက်တွင် အစဉ်အမြဲ နေထိုင်လိမ့်မည် ဖြစ်သည်။ ဘုရားသခင်သည် လူတို့ ချစ်ဖို့ဖြစ်ပြီး၊ ဘုရားသခင်သည် လူသားတိုင်း၏ ချစ်ခြင်းမေတ္တာကိုရရှိရန် ထိုက်တန်သူဖြစ်သည်။ သို့သော် လူသားတိုင်းသည် ဘုရားသခင်ကို ချစ်နိုင်ကြသည် မဟုတ်ပေ။ လူတိုင်းသည် ဘုရားသခင်အတွက် သက်သေခံနိုင်ခြင်း မရှိသကဲ့သို့ ဘုရားသခင်နှင့်အတူ တန်ခိုးအာဏာကို ကိုင်စွဲထားနိုင်ခြင်းလည်း မရှိပေ။ ဘုရားသခင်ကို စစ်မှန်စွာ ချစ်သောသူများသည် ဘုရားသခင်နှင့် ပတ်သက်၍ သက်သေခံနိုင်ပြီး၊ ဘုရားသခင်၏ လုပ်ငန်းအတွက် သူတို့၏ ကြိုးပမ်းအားထုတ်မှုများကို လုံးလုံးလျားလျား ပေးအပ်မြှုပ်နှံထားနိုင်သဖြင့် သူတို့သည် ကောင်းကင်အောက် မည်သည့်နေရာတွင်မဆို ၎င်းတို့ကို ဆန့်ကျင်ရဲသူမရှိဘဲ သွားလာ၍ မြေကြီးပေါ်၌ အာဏာကို စွဲကိုင်နိုင်ပြီး ဘုရားသခင်၏ လူများအားလုံးကို အုပ်ချုပ်နိုင်သည်။ ထိုလူများသည် ကမ္ဘာတစ်ဝှမ်းမှ စုဝေးရောက်ရှိလာပြီး၊ ဘာသာစကားအမျိုးမျိုးကို ပြောကြကာ၊ အသားအရောင် အမျိုးမျိုးရှိကြသည်။ သို့သော် သူတို့ဖြစ်တည်ခြင်း၏ အဓိပ္ပာယ်သည် တူပြီး၊ သူတို့ထံတွင် ဘုရားသခင်ကို ချစ်သောနှလုံးသား ရှိကြသည်။ သူတို့သည် တူညီသော သက်သေကိုခံကြပြီး၊ တူညီသော စိတ်ဆုံးဖြတ်ချက်နှင့် တူညီသော ဆန္ဒလည်း ရှိကြသည်။ ဘုရားသခင်ကို ချစ်သောသူများသည် ကမ္ဘာအနှံ့အပြား လွတ်လပ်စွာ လျှောက်လှမ်းသွားလာနိုင်ကြသည်၊ ဘုရားသခင်အတွက် သက်သေခံသောသူများသည် စကြဝဠာတစ်ဝှမ်းတွင် လှည့်လည်သွားလာနိုင်ကြသည်။ ထိုလူတို့သည် ဘုရားသခင်၏ ချစ်ခြင်းကို ခံရသောသူများဖြစ်ပြီး၊ ဘုရားသခင်၏ ကောင်းချီးပေးခြင်းကို ခံရကာ သူတို့သည် ဘုရားသခင်၏ အလင်းထဲတွင် တစ်သက်လုံး နေထိုင်သွားမည် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်သောသူများသည် သူ၏အလင်းထဲတွင် ထာဝရနေထိုင်လိမ့်မည်” မှ

ဘုရားသခင်အားဖြင့် ပြီးပြည့်စုံလင်လတံ့သော သူတို့သည် သူ၏ ကောင်းချီးမင်္ဂလာများနှင့် အမွေအနှစ်ကို ရရှိမည့်သူများ ဖြစ်ကြ၏။ ဆိုလိုသည်မှာ သူတို့က ဘုရားသခင်၏ အရာအားလုံးနှင့် ဖြစ်ခြင်းကို ခံယူကြကာ၊ ထိုအရာသည် သူတို့အထဲတွင် ရှိသောအရာများ ဖြစ်လာ၏။ ဘုရားသခင်၏ နှုတ်ကပတ်တော် အားလုံးသည် သူတို့၏အထဲတွင် ပြုပြင်ပုံသွင်းသည်။ ဘုရားသခင်၏ ဖြစ်ခြင်းမှာ မည်သို့ပင်ဖြစ်ပါစေ၊ သူဖြစ်သည့်အတိုင်းကို သင်တို့သည် တိတိကျကျ သိမှတ်နိုင်ကြသည်။ ထိုသို့ဖြင့် သမ္မာတရားကို လက်တွေ့ကျင့်သုံးကြသည်။ ဤလူမျိုးသည်ပင်လျှင် ဘုရားသခင် စုံလင်စေသူ၊ ရရှိသောသူဖြစ်၏။ ယင်းကဲ့သို့သော လူသာလျှင် ဘုရားသခင် ပေးအပ်သည့် အောက်ပါ ကောင်းချီးမင်္ဂလာများကို အမွေခံဖို့ရန် အရည်အချင်းပြည့်မီကြသည်။

၁။ အလုံးစုံသော ဘုရားသခင်မေတ္တာရခြင်း။

၂။ အရာရာ၌ ဘုရားသခင်အလိုနှင့်အညီ လုပ်ဆောင်ခြင်း။

၃။ ဘုရားသခင်လမ်းပြမှု ရရှိခြင်း၊ ဘုရားသခင်၏ အလင်းထဲ အသက်ရှင်ခြင်းနှင့် ဘုရားသခင်၏ ဉာဏ်ပညာအလင်း ဖွင့်ပြခံရခြင်း။

၄။ မြေကြီးပေါ်တွင် ဘုရားသခင်ချစ်သော ပုံသဏ္ဌာန်နှင့် တစ်ထပ်တည်း အသက်ရှင်ခြင်း၊ ဘုရားသခင်အတွက် ကားတိုင်၌ ကွပ်မျက်ခံလျက် ဘုရားသခင်မေတ္တာအတွက် ပြန်ပေးဆပ် အသေခံထိုက်သော ပေတရုကဲ့သို့ ဘုရားသခင်ကို အမှန်အကန်ချစ်ခြင်း။ ပေတရုကဲ့သို့ ဘုန်းအသရေ ထပ်တူ ပိုင်ဆိုင်ခြင်း။

၅။ ကမ္ဘာပေါ်မှ လူအပေါင်းတို့၏ ချစ်ခင်နှစ်သက်ခံရခြင်း၊ ရိုသေခံရခြင်းနှင့် အားကျလေးစားခံရခြင်း။

၆။ မရဏာနှင့် မရဏနိုင်ငံ၏ ချည်နှောင်ခြင်း ဟူသမျှကို အောင်မြင်ခြင်း၊ စာတန်၏ အလုပ်ကို အခွင့်မပေးခြင်း၊ ဘုရားသခင်၏ ပိုင်ဆိုင်မှုခံရခြင်း၊ လန်းဆန်း ရှင်သန်သော ဝိညာဉ်နှင့်အတူ အသက်ရှင်ခြင်း၊ စိတ်ပူပန်မှု ခံစားချက်များ ကင်းဝေးခြင်း။

၇။ ဘုရားသခင်၏ ဘုန်းတော်နေ့ရက် ကြွလာခြင်းကို ရှုမြင်ပြီးသည့်သဖွယ်၊ ဘဝတစ်လျှောက်တွင် အချိန်တိုင်း၌ နှုတ်မြွက်မမီသော ပီတိနှင့် စိတ်တက်ကြွမှုရှိခြင်း။

၈။ ဘုရားသခင်နှင့်အတူ ဘုန်းတော်ရရှိခြင်း၊ ဘုရားသခင်ချစ်သော သန့်ရှင်းသူတို့နှင့် ထပ်တူညီမျှ မျက်နှာရခြင်း။

၉။ မြေကြီးပေါ်က ဘုရားသခင်ချစ်မြတ်နိုးသူ ဖြစ်လာခြင်း၊ ဆိုလိုသည်မှာ ဘုရားသခင်နှစ်သက် မြတ်နိုးသော သားဖြစ်လာခြင်း။

၁၀။ အသွင်ပြောင်းကာ တတိယကောင်းကင်သို့ ဘုရားသခင်နှင့်အတူ ကြွသွားခြင်း၊ ဇာတိပကတိကို ကျော်လွန်ခြင်း။

ဘုရားသခင်၏ ကောင်းချီးမင်္ဂလာကို အမွေခံနိုင်သော သူတို့သာလျှင် ဘုရားသခင်အားဖြင့် ပြီးပြည့်စုံလင်ခံရ၍ ဘုရားသခင်၏ ရရှိခြင်း ခံရသူတို့ပင်ဖြစ်ကြ၏။ သင်သည် တစ်စုံတစ်ရာကို ရရှိပြီးပြီလော။ ဘုရားသခင်က သင့်ကို အဘယ်အတိုင်းအတာထိ ပြီးပြည့်စုံလင်စေခဲ့သနည်း။ ဘုရားသခင်က လူကို ကြုံရာကျပန်း ပြီးပြည့်စုံလင်စေသည် မဟုတ်။ လူမြင်တွေ့နိုင်သော အခြေအနေများနှင့် မြင်သာသော ရလဒ်များရှိသည်။ ၎င်းသည် လူမှ ယုံကြည်သကဲ့သို့ မဟုတ်ပေ၊ ဘုရားသခင်ကို လူက ယုံကြည်နေသရွေ့၊ လူသည် ဘုရားသခင်အားဖြင့် ပြီးပြည့်စုံလင်ခြင်းခံနိုင်၍ ဘုရားသခင်၏ ရရှိခြင်းခံရနိုင်ပြီး ဘုရားသခင်၏ ကောင်းချီးမင်္ဂလာများနှင့် အမွေဥစ္စာများကို ဤလောကတွင် ရရှိနိုင်သည်။ ယင်းသည် အလွန်တရာမှပင် ခက်ခဲသော အမှုဖြစ်ကာ၊ အသွင်ပြောင်းခြင်းနှင့် ပတ်သက်လာပါက သာ၍ခဲယဉ်းသည့် အမှုဖြစ်သည်။ လက်ရှိအချိန်တွင် သင်တို့ အဓိကအားဖြင့် ရှာဖွေသင့်သည့်အရာမှာ အရာရာ၌ ဘုရားသခင်၏ စုံလင်အောင်ပြုပေးခြင်းကို ခံရရန်ဖြစ်ပြီး လူအပေါင်းတို့အားဖြင့်၊ အမှုကိစ္စဟူသမျှနှင့် တွေ့ကြုံရသည့် အရာခပ်သိမ်းအားဖြင့် ဘုရားသခင်၏ စုံလင်စေခြင်းကို ခံရရန်ဖြစ်သည်။ ထိုသို့အားဖြင့် သာ၍များပြားသော ဘုရားသခင်၏ဖြစ်ခြင်းသည် သင်တို့အတွင်းသို့ ပေါင်းစည်းလာရန်ဖြစ်သည်။ ဘုရားသခင်ထံမှ သာ၍များပြားပြီး သာ၍ကြီးမားသော ကောင်းချီးမင်္ဂလာများကို အမွေခံရရန် အရည်အချင်းမပြည့်စုံမီ သင်တို့သည် ဘုရားသခင်၏ အမွေဥစ္စာကို မြေကြီးပေါ်တွင် အရင်ရရှိရမည်။ ထိုအရာများအားလုံးသည် သင်တို့အနေဖြင့် ရှေးဦးစွာ ရှာဖွေသင့်သည့်အရာများ ဖြစ်ကြပြီး ရှေးဦးစွာ နားလည်သင့်သည့် အရာများဖြစ်ကြသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပြီးပြည့်စုံလင်စေခြင်း ခံရပြီးသော သူတို့ဆီသို့ ကတိတော်များ” မှ

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ