အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အမှောင်လွှမ်းမိုးမှုမှ ရုန်းထွက်ပါ၊ သို့ပြုလျှင် သင်သည် ဘုရားသခင်၏ ပိုင်ဆိုင်ခြင်း ခံရလိမ့်မည်

အမှောင်လွှမ်းမိုးမှုဆိုသည်မှာ အဘယ်နည်း။ “အမှောင်လွှမ်းမိုးမှု” ဆိုသည်မှာ စာတန်၏စွမ်းအားဖြစ်သည်၊ လူတို့၏ လှည့်ဖြားခြင်း၊ ဖောက်ပြန်ပျက်စီးခြင်း၊ ချည်နှောင်ခြင်းနှင့် ထိန်းချုပ်ခြင်းတို့ဖြစ်သည်၊ စာတန်၏စွမ်းအားဆိုသည်မှာ သေခြင်းတရား၏ ရောင်ဝါလက္ခဏာရှိသော လွှမ်းမိုးမှုတစ်ခုကို ရည်ညွှန်းခြင်းဖြစ်သည်။ စာတန်၏အုပ်စိုးမှုအောက်၌ နေကြသော ထိုသူအားလုံးတို့သည် ပျက်စီးကိန်းကြုံရလိမ့်မည်။

ဘုရားသခင်ကို ယုံကြည်ခြင်းရှိလာပြီးနောက် သင်သည် အမှောင်လွှမ်းမိုးမှုမှ မည်ကဲ့သို့ လွတ်မြောက်နိုင်မည်နည်း။ သင်သည် ဘုရားသခင်ကို ရိုးသားစွာ ဆုတောင်းပြီးနောက် သင်သည် သင်၏စိတ်နှလုံးကို သူ့အား အပြည့်အဝ အပ်နှံသည်။ ထိုအချိန်တွင် သင့်စိတ်နှလုံးသည် ဘုရားသခင်၏ ဝိညာဉ်တော်အားဖြင့် လှုပ်ရှားသည်၊ သင်သည် သင့်ကိုယ်သင် အပြည့်အဝအပ်နှံလိုပြီး ထိုအခိုက်အတန့်လေးတွင် သင်သည် အမှောင်လွှမ်းမိုးမှုမှ လွတ်မြောက်ခဲ့ပြီး ဖြစ်သည်။ လူသားလုပ်သမျှ အလုံးစုံသည် ဘုရားသခင်ကို ကျေနပ်နှစ်သိမ့်စေခြင်းဖြစ်ပြီး ဘုရားသခင်၏ လိုအပ်ချက်များနှင့် အံဝင်ဂွင်ကျဖြစ်နေပါက သူသည် ဘုရားသခင်၏ နှုတ်ကပတ်တော်များအတွင်း နေထိုင်သူတစ်ဦးဖြစ်ပြီး သူသည် ဘုရားသခင်၏ စောင့်ရှောက်ကာကွယ်မှုအောက်တွင် နေထိုင်သူတစ်ဦးဖြစ်သည်။ လူသားတို့သည် ဘုရားသခင်၏ နှုတ်ကပတ်တော်များကို မကျင့်သုံးနိုင်ဘဲ သူ့ကို အစဉ်လိမ်ညာနေခြင်း၊ သူ့အား စဉ်းစားဆင်ခြင်မှုတွင် သာမန်ကာလျှံကာ ပုံစံဖြင့် ပြုမူဆောင်ရွက်ခြင်းနှင့် သူ၏တည်ရှိမှုကို မယုံကြည်ခြင်းတို့ရှိပါက ထိုကဲ့သို့သော လူများအားလုံးသည် အမှောင်လွှမ်းမိုးမှုအောက်တွင် နေထိုင်နေသူများ ဖြစ်ကြသည်။ ဘုရားသခင်၏ ကယ်တင်ခြင်းကို မရရှိသေးသော လူများအားလုံးသည် စာတန်၏ အုပ်စိုးမှုအောက်တွင် နေထိုင်ကြသည်။ ဆိုလိုသည်မှာ သူတို့အားလုံး အမှောင်လွှမ်းမိုးမှုအောက်တွင် နေထိုင်ကြသည်။ ဘုရားသခင်၌ မယုံကြည်သူတို့သည် စာတန်၏ အုပ်စိုးမှုအောက်တွင် နေထိုင်လျက်ရှိသည်။ ဘုရားသခင်တည်ရှိမှုကို ယုံကြည်သောသူများပင်လျှင် ဘုရားသခင်၏ အလင်းအတွင်းနေထိုင်ခြင်း ဖြစ်ချင်မှ ဖြစ်နိုင်ပေသည်။ အဘယ်ကြောင့်ဆိုသော် သူ့ကိုယုံကြည်သူများသည် ဘုရားသခင်၏ နှုတ်ကပတ်တော်များအတွင်း နေထိုင်သည်ဟု မဆိုနိုင်ဘဲ သူတို့သည် ဘုရားသခင်ကို နာခံမှုရှိနိုင်သူများ ဟုတ်ချင်မှဟုတ်မည် ဖြစ်သောကြောင့်ဖြစ်သည်။ လူသည် ဘုရားသခင်၌ ယုံကြည်ရုံသာဖြစ်ပြီး ဘုရားသခင်ကို သိရှိရန် ပျက်ကွက်ခဲ့မှုကြောင့် သူသည် စည်းမျဉ်းဟောင်းအတွင်းတွင်၊ အသက်မရှိသော စကားလုံးများအတွင်းတွင်၊ မည်းမှောင်ပြီး ရေရာမှုမရှိသော ဘဝအတွင်းတွင် နေထိုင်နေဆဲဖြစ်ပြီး ဘုရားသခင်အားဖြင့် အပြည့်အဝ စင်ကြယ်ခြင်း သို့မဟုတ် ဘုရားသခင်အားဖြင့် အပြည့်အဝရရှိခြင်း မရှိပေ။ ထို့ကြောင့် ဘုရားသခင်ကို မယုံကြည်သူများသည် အမှောင်လွှမ်းမိုးမှုအောက်တွင် နေထိုင်ကြသည်ဆိုခြင်းအား ပြောစရာပင်မလိုသည့် အချိန်တွင်၊ ဘုရားသခင်ကို ယုံကြည်သူများပင်လျှင် သန့်ရှင်းသောဝိညာဉ်တော်သည် သူတို့အပေါ်တွင် အလုပ်များ ထမ်းရွက်မှု မရှိသေးသည့်အတွက် ယင်းလွှမ်းမိုးမှုအောက်တွင်ပင် ရှိနေနိုင်သေးသည်။ ဘုရားသခင်၏ ကျေးဇူးတော် သို့မဟုတ် ဘုရားသခင်၏ ကရုဏာကို မရရှိကြသေးသူများနှင့် သန့်ရှင်းသော ဝိညာဉ်တော်၏ အလုပ်ကို မမြင်နိုင်သေးသူတို့ အားလုံးသည် အမှောင်လွှမ်းမိုးမှုအောက်တွင် နေထိုင်လျက်ရှိကြသည်။ ဘုရားသခင်၏ ကျေးဇူးတော်ကို ခံစားမှုသာ ရှိသော်လည်း သူ့ကို မသိသေးပါက ထိုသူတို့သည်လည်း အချိန်အများစုတွင် အမှောင်၏ လွှမ်းမိုးမှုအောက်တွင် နေထိုင်လျက်ရှိကြသည်။ လူတစ်ဦးသည် ဘုရားသခင်ကို ယုံကြည်သော်လည်း သူ့အသက်တာ၏ အများစုကို အမှောင်လွှမ်းမိုးမှု အောက်တွင် အသုံးပြုခဲ့ပါက ထိုသူ၏ တည်ရှိမှုတွင် အဓိပ္ပာယ်ပျောက်ဆုံးသွားပြီး၊ ဘုရားသခင်၏ တည်ရှိမှုကို မယုံကြည် သူတို့ကိုမူ ထည့်ပြောစရာပင် မလိုတော့ပေ။

ဘုရားသခင်၏ အလုပ်ကို လက်မခံနိုင်သောသူအားလုံး သို့မဟုတ် ဘုရားသခင်၏ အလုပ်ကို လက်ခံသော်လည်း သူ၏တောင်းဆိုချက်များကို ဖြည့်ဆည်းရန် မတတ်နိုင်သောသူအားလုံးတို့သည် အမှောင်လွှမ်းမိုးမှုအောက်တွင် နေထိုင်လျက်ရှိကြသည်။ သမ္မာတရားကို လိုက်စားသူတို့နှင့် ဘုရားသခင်၏ လိုလားချက်များကို ဖြည့်စွမ်းနိုင်သူများသာလျှင် သူ၏ကောင်းချီးများကို ရရှိကြပြီး သူတို့သာလျှင် အမှောင်လွှမ်းမိုးမှုမှ လွတ်မြောက်ကြလိမ့်မည်။ လွတ်မြောက်မှု မရှိသေးသောသူများ၊ အချို့သောအရာများ၏ ထိန်းချုပ်မှုကို အစဉ်အမြဲ ခံနေရသောသူများနှင့် ဘုရားသခင်အား သူတို့၏ စိတ်နှလုံးများကို မဆက်ကပ်နိုင်သော သူများသည် စာတန်၏ ချုပ်နှောင်မှုအောက်တွင် ရှိသူများနှင့် သေခြင်းတရား ရောင်ဝါလက္ခဏာအောက်တွင် နေထိုင်သူများ ဖြစ်ကြသည်။ မိမိကိုယ်တိုင်၏ တာဝန်ဝတ္တရားများအပေါ် သစ္စာမရှိသူ၊ ဘုရားသခင်၏ တာဝန်ပေး စေခိုင်းချက်အပေါ် သစ္စာမရှိသူနှင့် အသင်းတော်တွင် သူတို့၏ လုပ်ငန်းတာဝန်ကို ထမ်းဆောင်ခြင်း မရှိသူများသည် အမှောင်လွှမ်းမိုးမှုအောက်တွင် နေထိုင်ကြသည်။ အသင်းတော် အသက်တာကို တမင်သက်သက် နှောင့်ယှက်သူ၊ ညီအစ်ကို မောင်နှမများအကြားရှိ ဆက်ဆံရေးများကို တမင်သက်သက် ဖျက်ဆီးသူ၊ သို့မဟုတ် ကိုယ်ပိုင်ဂိုဏ်းဂဏများ စုစည်းသူတို့သည် အမှောင်လွှမ်းမိုးမှုအောက်တွင် ပိုမိုနက်ရှိုင်းစွာပင် နေထိုင်ကြသည်။ သူတို့သည် စာတန်၏ ချုပ်နှောင်မှုအတွင်း နေထိုင်လျက်ရှိနေသည်။ ဘုရားသခင်နှင့် တော်လျော်သော ဆက်ဆံရေး မရှိသူ၊ လွန်ကျူးသောဆန္ဒများ အစဉ်အမြဲရှိသူ၊ အစဉ်အမြဲ အခွင့်အရေးလိုချင်သူနှင့် သူတို့၏ စိတ်သဘောထားများ ပြောင်းလဲရန် မည်သည့်အခါမျှ ရှာဖွေခြင်း မရှိသူများသည် အမှောင်လွှမ်းမိုးမှုအောက်တွင် နေထိုင်လျက်ရှိကြသည်။ အစဉ်အမြဲ ပေါ့ပေါ့ဆဆ လုပ်တတ်သူ၊ သူတို့၏ သမ္မာတရားကို ကျင့်သုံးရာတွင် လေးနက်မှုမရှိသူနှင့် ဘုရားသခင်၏ အလိုကို ပြည့်ဝအောင် ရှာဖွေခြင်းမပြုဘဲ သူတို့၏ အသွေးအသားကိုသာ ကျေနပ်နှစ်သိမ့်စေတတ်သူများသည်လည်း အမှောင်လွှမ်းမိုးမှုအောက်တွင် နေထိုင်သူများဖြစ်ပြီး သေခြင်းတရား ဖုံးလွှမ်းနေသူများ ဖြစ်သည်။ ဘုရားသခင်၏ အမှုတော်ကို ထမ်းဆောင်ရာတွင် မဖြောင့်မှန်သော၊ လိမ်လည်လှည့်ဖျားသော လုပ်ဆောင်မှုကိုလုပ်သူ၊ ဘုရားသခင်ကိစ္စရပ်များကို သာမန်ကာလျှံကာ လုပ်သူ၊ ဘုရားသခင်ကို လိမ်လည်လှည့်ဖျားသူနှင့် ကိုယ့်ကိုယ်ကိုယ်သာ စဉ်းစားသော သူများသည်လည်း အမှောင်လွှမ်းမိုးမှုအောက်တွင် နေထိုင်သူများ ဖြစ်ကြသည်။ ဘုရားသခင်ကို ရိုးဖြောင့်စွာ ချစ်မြတ်နိုးခြင်း မပြုနိုင်သူများ၊ သမ္မာတရားကို မလိုက်စားသူများနှင့် သူတို့၏ စိတ်သဘောထားကို ပြောင်းလဲခြင်း၌ အာရုံမစိုက်သူများ အားလုံးသည်လည်း အမှောင်လွှမ်းမိုးမှုအောက်တွင် နေထိုင်လျက် ရှိကြသည်။

ဘုရားသခင်၏ ချီးမြှောက်ခြင်းကို သင်လိုချင်ပါက သင်သည် ပထမဦးစွာ စာတန်၏ အမှောင်လွှမ်းမိုးမှုမှ လွတ်မြောက်ရမည်၊ ဘုရားသခင်ထံ သင့်စိတ်နှလုံးကို ဖွင့်ပြီး ဘုရားသခင်ကို အပြည့်အဝ ဦးတည်ရမည်။ သင်လက်ရှိလုပ်နေသော အရာများကို ဘုရားသခင်က ချီးမွမ်းပါသလော။ သင်၏စိတ်နှလုံးကို ဘုရားသခင်ထံ ဆက်ကပ်ထားပြီးပြီလော။ သင်လုပ်ဆောင်ပြီးခဲ့သော အရာများသည် ဘုရားသခင်က သင့်ကို အလိုရှိသော အရာများဖြစ်သလော။ ယင်းတို့သည် သမ္မာတရားနှင့် ကိုက်ညီပါသလော။ အချိန်တိုင်းတွင် သင်သည် သင့်ကိုယ်သင် စစ်ဆေးရမည်၊ ဘုရားသခင်၏ နှုတ်ကပတ်တော်များ စားသောက်ခြင်းကို အာရုံစူးစိုက်ရမည်၊ သူ၏ ရှေ့မှောက်တွင် သင်၏ စိတ်နှလုံးကို ချထားရမည်၊ သူ့ကို ရိုးသားစွာ ချစ်မြတ်နိုးရမည်၊ နောက်ပြီး သင့်ကိုယ်သင် ဘုရားသခင်အတွက် သစ္စာရှိစွာ အသုံးခံရမည်။ ထိုသို့သော လူများသည် ဘုရားသခင်၏ ချီးမြှောက်ခြင်းကို အမှန်စင်စစ် ရလိမ့်မည်။

ဘုရားသခင်ကို ယုံကြည်သော်လည်း သမ္မာတရားကို မလိုက်စားသောသူ အားလုံးတို့သည် စာတန်၏စွမ်းအားမှ လွတ်မြောက်ခြင်းငှာ နည်းလမ်းမရှိပေ။ မိမိတို့၏ ဘဝကို ရိုးသားစွာ အသက်ရှင်သန်ခြင်းမရှိသူ၊ အခြားသူများ၏ နောက်တွင်တစ်မျိုး ပြုမူသော်လည်း ထိုသူများ၏ရှေ့တွင် တစ်မျိုးတစ်ဖုံပြုမူသူ၊ အနှစ်သာရအားဖြင့် စဉ်းလဲကာ ကောက်ကျစ်ပြီး ဘုရားသခင်ကို သစ္စာမရှိသော်လည်း နှိမ့်ချ၍ သည်းခံပြီး ချစ်ခြင်းမေတ္တာ၏ ပုံရိပ်သဏ္ဌာန်ကို ပြသသော ထိုသူအားလုံးတို့သည် အမှောင်လွှမ်းမိုးမှုအောက်တွင် နေထိုင်သူများ၏ပုံစံကို ကိုယ်စားပြုသူများ ဖြစ်ကြသည်။ ထိုသူတို့သည် မြွေနှင့် အဆင်းသဏ္ဌာန် တူကြ၏။ သူတို့ကိုယ်ပိုင် အကျိုးရလဒ်အတွက်သာ ဘုရားသခင်၌ ယုံကြည်သူ၊ မိမိကိုယ်ကို ဖြောင့်မတ်သည်ဟု ယူဆပြီး မောက်မာသူ၊ ကိုယ့်ကိုယ်ကိုယ် ဟိတ်ဟန်ထုတ်ပြသူများနှင့် သူတို့၏ အနေအထားကိုသာ ကာကွယ်သူများသည် စာတန်ကို ချစ်သူနှင့် သမ္မာတရားကို ဆန့်ကျင်သူများ ဖြစ်ကြသည်။ သူတို့သည် ဘုရားသခင်ကို ဆန့်ကျင်ပြီး စာတန်နှင့် လုံးဝ သက်ဆိုင်ကြသည်။ ဘုရားသခင်၏ ဝန်ထုပ်ဝန်ပိုးတို့ကို အာရုံမစိုက်သောသူများ၊ ဘုရားသခင်ကို စိတ်နှလုံးအကြွင်းမဲ့ အစေမခံသူများ၊ သူတို့၏ ကိုယ်ပိုင်အကျိုးစီးပွားနှင့် သူတို့မိသားစု အကျိုးစီးပွားများကိုသာ အစဉ်အမြဲ စိုးရိမ်သူများ၊ မိမိတို့ကိုယ်ကို ဘုရားသခင်အတွက် အသုံးခံရန် အရာအားလုံး စွန့်လွှတ်နိုင်စွမ်း မရှိသူများနှင့် သူ၏နှုတ်ကပတ်တော်နှင့် မည်သည့်အခါမျှ မနေထိုင်သူများတို့သည် ဘုရားသခင်၏ နှုတ်ကပတ်တော် ပြင်ပတွင် နေထိုင်နေသူများဖြစ်သည်။ ထိုသို့သော လူများသည် ဘုရားသခင်၏ ချီးမြှောက်ခြင်းကို မခံရနိုင်ကြ။

ဘုရားသခင်သည် လူကို ဖန်ဆင်းခဲ့သောအခါ၊ သူ၏ ချမ်းသာမှုကို စံစားစေရန်နှင့် သူ့ကို စစ်မှန်စွာ ချစ်မြတ်နိုးစေရန် အတွက်ဖြစ်သည်။ ထိုနည်းအားဖြင့် လူများတို့သည် သူ၏အလင်းတွင် နေထိုင်နိုင်လိမ့်မည်။ ယနေ့တွင် ဘုရားသခင်ကို ချစ်မြတ်နိုးခြင်း မပြုနိုင်သူများ၊ သူ၏ဝန်ထုပ်ဝန်ပိုးများကို အာရုံမစိုက်သူများ၊ ဘုရားသခင်အား သူတို့၏ စိတ်နှလုံးအကြွင်းမဲ့ မဆက်ကပ်နိုင်သူများ၊ ဘုရားသခင်၏ စိတ်နှလုံးကို မိမိကိုယ်ပိုင်ကဲ့သို့ မဆောင်ယူနိုင်သူများ၊ ဘုရားသခင်၏ ဝန်ထုပ်ဝန်ပိုးများကို သူတို့ကိုယ်ပိုင်ဝန်အဖြစ် မထမ်းနိုင်သူများ၊ ဘုရားသခင်၏ အလင်းသည် ထိုသို့သော လူများအပေါ် လင်းလက်လိမ့်မည် မဟုတ်ရာ သူတို့အားလုံးသည် အမှောင်လွှမ်းမိုးမှုအောက်တွင် နေထိုင်နေသူများ ဖြစ်ကြသည်။ သူတို့သည် ဘုရားသခင်၏အလိုနှင့် လုံးလုံးဆန့်ကျင်သော လမ်းကြောင်းပေါ်တွင် ရှိကြပြီး၊ သူတို့လုပ်ဆောင်သမျှ အားလုံးတို့တွင် သမ္မာတရား စိုးစဉ်းမျှမရှိပေ။ သူတို့သည် စာတန်နှင့်အတူ ရွံ့နွံထဲတွင် လူးလွန့်နေကြပြီး၊ အမှာင်လွှမ်းမိုးမှုအောက်တွင် နေထိုင်နေကြသောသူများဖြစ်သည်။ သင်သည် ဘုရားသခင်၏ နှုတ်ကပတ်တော်ကို အစဉ်အမြဲ စားသောက်နိုင်ရုံသာမက သူ၏အလိုကို ဖြည့်စွမ်းနိုင်ပြီး သူ၏နှုတ်ကပတ်တော်ကို ကျင့်သုံးနိုင်လျှင် သင်သည် ဘုရားသခင်နှင့် သက်ဆိုင်ပြီး သင်သည် ဘုရားသခင်၏ နှုတ်ကပတ်တော်အတွင်း နေထိုင်သူ တစ်ဦးဖြစ်သည်။ သင်သည် စာတန်၏ အုပ်စိုးမှုအောက်မှ လွတ်မြောက်ပြီး ဘုရားသခင်၏ အလင်းအောက်တွင် နေထိုင်လိုပါသလော။ ဘုရားသခင်၏ နှုတ်ကပတ်တော်အတွင်း သင်နေထိုင်ပါက၊ သို့ဖြစ်လျှင် သန့်ရှင်းသော ဝိညာဉ်တော်သည် သူ၏အလုပ်ကို လုပ်ဆောင်ရန် အခွင့်အလမ်းရလိမ့်မည်၊ သင်သည် စာတန်၏ လွှမ်းမိုးမှုအောက်တွင် နေထိုင်ပါက၊ သို့ဖြစ်လျှင် သန့်ရှင်းသော ဝိညာဉ်တော်သည် မည်သည့်အလုပ်ကိုမျှလုပ်ရန် အခွင့်အလမ်းရှိမည် မဟုတ်ပေ။ သန့်ရှင်းသော ဝိညာဉ်တော်က လူသားများအပေါ် လုပ်ဆောင်သောအလုပ်၊ သူက လူသားများအပေါ် ထွန်းတောက်စေသော အလင်းရောင်နှင့် သူက လူသားများအပေါ်ပေးသော ယုံကြည်မှုသည် အချိန်အခိုက်အတန့်လေးသာ ကြာမြင့်သည်။ သူတို့သည် သတိမထား၊ ဂရုမစိုက်ပါက သန့်ရှင်းသော ဝိညာဉ်တော်က လုပ်ဆောင်သော အလုပ်သည် သူတို့ကို ဖြတ်ကျော်သွားလိမ့်မည်။ လူများသည် ဘုရားသခင်၏ နှုတ်ကပတ်တော်အတွင်း နေထိုင်လျှင်၊ သို့ဖြစ်ပါက သန့်ရှင်းသော ဝိညာဉ်တော်သည် သူတို့နှင့်အတူရှိပြီး သူတို့အပေါ် အလုပ်လုပ်လိမ့်မည်။ လူများသည် ဘုရားသခင်၏ နှုတ်ကပတ်တော်အတွင်း နေထိုင်ခြင်းမရှိပါက သို့ဖြစ်လျှင် သူတို့သည် စာတန်၏ ချည်နှောင်မှုအတွင်းတွင် နေထိုင်နေကြရသည်။ ယိုယွင်းပျက်စီးသော စိတ်သဘောထားနှင့် နေထိုင်သူများသည် သန့်ရှင်းသော ဝိညာဉ်တော်၏ မျက်မှောက် သို့မဟုတ် အလုပ်ကို မရရှိနိုင်ပေ။ သင်သည် ဘုရားသခင် နှုတ်ကပတ်တော် အဝန်းအဝိုင်းတွင် နေထိုင်နေပါက၊ သင်သည် ဘုရားသခင် လိုအပ်သော အခြေအနေအတွင်း နေထိုင်နေပါက သို့ဖြစ်လျှင် သူသည် သင့်ကို ပိုင်ဆိုင်ပြီး သူ၏ အလုပ်သည် သင့်အပေါ်တွင် လုပ်ဆောင်ခြင်း ခံရလိမ့်မည်။ သင်သည် ဘုရားသခင်လိုအပ်ချက် အဝန်းအဝိုင်းအတွင်း နေထိုင်ခြင်းရှိမည့်အစား စာတန်၏ အုပ်စိုးမှုအောက်တွင် နေထိုင်ပါက၊ သို့ဖြစ်လျှင် သင်သည် စာတန်၏ ပျက်စီးယိုယွင်းမှုအောက်တွင် အသေအချာ နေထိုင်လျက်ရှိနေသည်။ ဘုရားသခင်၏ နှုတ်ကပတ်တော်အတွင်း နေထိုင်ခြင်းနှင့် သူ့အား သင်၏စိတ်နှလုံးကို ပေးခြင်းအားဖြင့်သာ သူ၏လိုအပ်ချက်ကို သင်ဖြည့်ဆည်းနိုင်မည်၊ ဘုရားသခင်ပြောကြားသကဲ့သို့ သင်လုပ်ဆောင်ရမည်၊ ဘုရားသခင်၏ နှုတ်ကပတ်တော်များကို သင်၏ဖြစ်တည်မှုနှင့် သင့်အသက်တာ၏ လက်တွေ့ဘဝတို့၏ အခြေခံအဖြစ်သင် လုပ်နိုင်မည်ဖြစ်ပြီး၊ သို့မှသာလျှင် သင်သည် သူနှင့် သက်ဆိုင်လိမ့်မည်။ သင်သည် ဘုရားသခင်၏အလိုနှင့်အညီ ရိုးသားစွာ ကျင့်ကြံလျှင် သူသည် သင့်အပေါ်တွင် အလုပ်လုပ်မည်ဖြစ်ပြီး သင်သည် ဘုရားသခင်၏ ကောင်းချီးမင်္ဂလာအောက်တွင် နေထိုင်ရလိမ့်မည်၊ ဘုရားသခင်၏ မျက်နှာအလင်းရောင်အောက်တွင် နေထိုင်ရလိမ့်မည်၊ သန့်ရှင်းသော ဝိညာဉ်တော် လုပ်ဆောင်သော အလုပ်ကို နားလည်ဆုပ်ကိုင်နိုင်မည် သာမက ဘုရားသခင် မျက်မှောက်၏ ပျော်ရွှင်မှုကို ခံစားနိုင်လိမ့်မည်။

အမှောင်လွှမ်းမိုးမှုအောက်မှ လွတ်မြောက်ရန် ပထမဦးစွာ သင်သည် ဘုရားသခင်ကို သစ္စာရှိရမည်ဖြစ်ပြီး သမ္မာတရားကို လိုက်စားလိုသည့် စိတ်ပြင်းပြမှု ရှိရမည်၊ သို့မှသာလျှင် သင်သည် မှန်ကန်သော အခြေအနေတွင် ရှိလိမ့်မည်။ မှန်ကန်သော အခြေအနေတွင် နေထိုင်ခြင်းသည် အမှောင်လွှမ်းမိုးမှုမှ လွတ်မြောက်ရန်အတွက် ကြိုတင်သတ်မှတ်ချက်ဖြစ်သည်။ မှန်ကန်သော အခြေအနေတွင် မရှိခြင်း ဆိုသည်မှာ သင်သည် ဘုရားသခင်အား သစ္စာမရှိဘဲ သင်သည် သမ္မာတရားကို ရှာလိုစိတ်ပြင်းပြမှု မရှိခြင်းဖြစ်သည်။ ထိုအခါ အမှောင်လွှမ်းမိုးမှုမှ လွတ်မြောက်ရေးမှာ မေးခွန်းထုတ်စရာမလိုဘဲ ဖြစ်သွားသည်။ လူသား၏ အမှောင်လွှမ်းမိုးမှုအောက်မှ လွတ်မြောက်ခြင်းသည် ငါ၏ နှုတ်ကပတ်တော်များကို အခြေခံပြီး ငါ၏ နှုတ်ကပတ်တော်များနှင့်အညီ လူသည် ကျင့်သုံးနိုင်ခြင်း မရှိလျှင် သူတို့သည် အမှောင်လွှမ်းမိုးမှု၏ ချည်နှောင်ခြင်းမှ လွတ်မြောက်လိမ့်မည် မဟုတ်ပေ။ မှန်ကန်သော အခြေအနေတွင် နေထိုင်ရန်မှာ ဘုရားသခင်၏ နှုတ်ကပတ်တော်များ၏ လမ်းညွှန်မှုအောက်တွင် နေထိုင်ရန်၊ ဘုရားသခင်ကို သစ္စာရှိသော အခြေအနေတွင် နေထိုင်ရန်၊ သမ္မာတရားကို ရှာဖွေသော အခြေအနေတွင် နေထိုင်ရန်၊ ဘုရားသခင်အတွက် ရိုးသားစွာ အသုံးခံခြင်းဖြင့် လက်တွေ့ဘဝတွင် နေထိုင်ရန်၊ ဘုရားသခင်ကို အမှန်စင်စစ် ချစ်မြတ်နိုးသော အခြေအနေတွင် နေထိုင်ရန်ဖြစ်သည်။ ယင်းအခြေအနေများနှင့် ယင်းလက်တွေ့ဘဝအတွင်းတွင် နေထိုင်သူများသည် သမ္မာတရားအတွင်း နက်ရှိုင်းစွာ ဝင်ရောက်လာသည်နှင့်အမျှ တဖြည်းဖြည်း ပြောင်းလဲလာလိမ့်မည်ဖြစ်ပြီး၊ သူတို့သည် အလုပ်၏ နက်ရှိုင်းလာမှုနှင့်အတူ တဖြည်းဖြည်းနှင့် ဘုရားသခင်၏ အသေအချာ ရယူခြင်းခံရသည်အထိ ပြောင်းလဲလာပြီး သူတို့သည် ဘုရားသခင်ကို စစ်မှန်စွာ ချစ်မြတ်နိုးခြင်းသို့ ရောက်ရှိလိမ့်မည်။ အမှောင်လွှမ်းမိုးမှုအောက်မှ လွတ်မြောက်ပြီးသူများသည် ဘုရားသခင်၏အလိုကို တဖြည်းဖြည်း နားလည်ဆုပ်ကိုင်လာနိုင်လိမ့်မည်၊ ဘုရားသခင်၏အလိုကို တဖြည်းဖြည်း နားလည်လာလိမ့်မည်၊ ထို့နောက် ဘုရားသခင်နှင့် တဖြည်းဖြည်း ပိုမိုရင်းနှီးကျွမ်းဝင်လာလိမ့်မည်။ သူတို့သည် ဘုရားသခင်အပေါ် အယူအဆများမရှိဘဲ သူ့ကို ဆန့်ကျင်မှုများ မရှိတော့ရုံသာမက၊ သူတို့၏ စိတ်နှလုံးတွင် မှန်ကန်သော ချစ်ခြင်းမေတ္တာများ ဖြစ်ထွန်းလာသည့်အတွက် သူတို့ယခင်က ရှိခဲ့သော အယူအဆများနှင့် ဆန့်ကျင်မှုများကို သူတို့သည် ပိုမို၍ မုန်းတီးရွံရှာလာကြလိမ့်မည်။ အမှောင်လွှမ်းမိုးမှုမှ ရုန်းမထွက်နိုင်သူတို့သည် သူတို့အသွေးအသား၏ သိမ်းပိုက်မှုကို ခံကြရမည်ဖြစ်ပြီး သူတို့သည် ဆန့်ကျင်တော်လှန်ခြင်း အပြည့်ရှိလိမ့်မည်။ သူတို့၏စိတ်နှလုံးများသည် လူသားအယူအဆများနှင့် ဘဝဒဿနများသာမက သူတို့၏ ကိုယ်ပိုင်ရည်ရွယ်ချက်များနှင့် စဉ်းစားဆင်ခြင်ခြင်းများဖြင့် ပြည့်နေလိမ့်မည်။ ဘုရားသခင်သည် လူ၏တစ်ခုတည်းသောချစ်ခြင်းကိုသာ လိုအပ်ပြီး သူသည် လူသားကို သူ၏ နှုတ်ကပတ်တော်များနှင့် သူ့အပေါ် လူ့ချစ်ခြင်းမေတ္တာတို့၏ သိမ်းပိုက်မှုကို ခံစေလိုသည်။ ဘုရားသခင်၏ နှုတ်ကပတ်တော်များအတွင်း နေထိုင်ရန်၊ သူ၏နှုတ်ကပတ်တော်များအတွင်းမှ လူသားရှာဖွေသင့်သည့်အရာကို ရှာဖွေတွေ့ရှိရန်၊ သူ့နှုတ်ကပတ်တော်များ၏ ရလဒ်အဖြစ် ဘုရားသခင်ကို ချစ်မြတ်နိုးရန်၊ ဘုရားသခင်၏ နှုတ်ကပတ်တော်များအတွက် ရုန်းကန်ကျော်လွှားရန်၊ ဘုရားသခင်၏ နှုတ်ကပတ်တော်များအတွက် ရှင်သန်ရန်၊ ယင်းတို့မှာ လူသားရသင့်သည့် အားလုံးသော အရာများဖြစ်သည်။ အရာရာကို ဘုရားသခင်၏ နှုတ်ကပတ်တော်များ အပေါ်တွင် တည်ဆောက်ရမည်၊ သို့မှသာလျှင် လူသည် ဘုရားသခင်၏ လိုအပ်ချက်များကို ဖြည့်ဆည်းနိုင်လိမ့်မည်။ လူသည် ဘုရားသခင်၏ နှုတ်ကပတ်တော်များ ယူတင်ထားခြင်းမရှိပါက၊ သူသည် ဘာမျှမဟုတ်ဘဲ စာတန်က ပိုင်ဆိုင်သော လောက်ကောင်သာ ဖြစ်လိမ့်မည်။ သင်၏ကိုယ်ပိုင်စိတ်နှလုံးအတွင်း ချိန်တွယ်ကြည့်ပါ၊ သင့်အတွင်းတွင် ဘုရားသခင်၏ နှုတ်ကပတ်တော်မည်မျှသည် အမြစ်တွယ်နေပြီနည်း။ ဘုရားသခင်၏ နှုတ်ကပတ်တော်များနှင့်အညီ မည်သည့်အရာများတွင် သင်နေထိုင်လျက်ရှိနေသနည်း။ ဘုရားသခင်၏ နှုတ်ကပတ်တော်များနှင့်အညီ မည်သည့် အရာများတွင် သင်မနေထိုင်ဘဲ ရှိနေသနည်း။ ယင်းတို့သည် သင့်ကို အပြည့်အဝ ဆုပ်ကိုင်မထားလျှင် သူတို့မည်သည့် အတိုင်းအတာအထိ သင့်ကို ဆုပ်ကိုင်ထားကြသနည်း။ သင်၏ နေ့စဉ်အသက်တာတွင် သင့်ကို စာတန်က ထိန်းချုပ်ထားသလော၊ သို့မဟုတ် သင့်ကို ဘုရားသခင်၏ နှုတ်ကပတ်တော်များက လမ်းညွှန်နေပါသလော။ သင်၏ဆုတောင်းခြင်းများသည် သူ၏နှုတ်ကပတ်တော်များမှ အစပြုပါသလော။ ဘုရားသခင် နှုတ်ကပတ်တော်များ၏ အလင်းမှတစ်ဆင့် သင်၏ အနှုတ်လက္ခဏာဆောင်သော အခြေအနေမှ သင်ရုန်းထွက်လာပြီးပြီလော။ သင့်တည်ရှိမှု၏ အခြေခံအဖြစ် ဘုရားသခင်၏ နှုတ်ကပတ်တော်များကို ယူရန်မှာ လူတိုင်းအတွက် ဝင်ရောက်ရန်ဖြစ်သည်။ သင်၏ အသက်တာတွင် ဘုရားသခင်၏ နှုတ်ကပတ်တော်များ မရှိပါက၊ သို့ဖြစ်လျှင် သင်သည် အမှောင်လွှမ်းမိုးမှုအောက်တွင် နေထိုင်နေခြင်းဖြစ်သည်၊ သင်သည် ဘုရားသခင်အား ပုန်ကန်ခြားနားနေသည်၊ သင်သည် ဘုရားသခင်အား ဆန့်ကျင်နေသည်၊ သင်သည် သူ၏နာမကို သိက္ခာချနေသည်၊ ထိုသို့သောလူများ၏ ဘုရားသခင်အပေါ် ယုံကြည်မှုသည် ဖျက်ဆီးခြင်းနှင့် နှောင့်ယှက်ခြင်းသာလျှင်ဖြစ်သည်။ သင့်အသက်တာ၏မည်မျှကို သူ၏နှုတ်ကပတ်တော်နှင့်အညီ နေထိုင်ခဲ့ပြီးပြီနည်း။ သင့်အသက်တာ၏ မည်မျှကို သူ၏နှုတ်ကပတ်တော်နှင့်မညီဘဲ နေထိုင်ခဲ့သနည်း။ ဘုရားသခင်၏ နှုတ်ကပတ်တော်များက သင့်ကိုတောင်းဆိုထားသည့်အရာ၏ မည်မျှကို သင်ဖြည့်ဆည်းပေးခဲ့ပြီးပြီနည်း။ သင့်အတွင်း မည်မျှပျောက်ဆုံးခဲ့သနည်း။ ယင်းအရာများကို အနီးကပ် လေ့လာခဲ့ပြီးပြီလော။

အမှောင်လွှမ်းမိုးမှုမှ လွတ်မြောက်ရန်၊ ရှုထောင့်တစ်ခုမှာ ယင်းအတွက် သန့်ရှင်းသော ဝိညာဉ်တော်၏ အလုပ်လိုအပ်ပြီး၊ အခြားရှုထောင့်တစ်ခုမှာ ယင်းသည် လူသား၏ တစိုက်မတ်မတ် ပူးပေါင်းဆောင်ရွက်မှု လိုအပ်သည်။ လူသည် မှန်ကန်သော လမ်းကြောင်းတွင် ရှိမနေဟု အဘယ်ကြောင့် ငါပြောသနည်း။ ပထမအချက်မှာ၊ လူသားမျိုးနွယ်သည် အစဉ်တစိုက် အမှောင်လွှမ်းမိုးမှုအောက်တွင် နေထိုင်ခဲ့ပြီး၊ စာတန်၏ချည်နှောင်မှုကို နှစ်ပေါင်းထောင်ချီခံခဲ့ရသည်ဖြစ်ရာ လူသားတစ်ဦးသည် မှန်ကန်သော လမ်းကြောင်းတွင်ရှိခဲ့လျှင် အချိန်ကြာမြင့်စွာကပင် ဝင်ရောက်ရန် လိုအပ်လျက်ရှိသော လုပ်ငန်းစဉ်ဖြစ်သည့် သူ၏စိတ်နှလုံးကို ဘုရားသခင်ထံ ဆက်ကပ်ခြင်းကို လုပ်နိုင်လိမ့်မည်။ သို့ဖြစ်ရာ ယင်းဝင်ရောက်မှုကို တစ်ရက် သို့မဟုတ် နှစ်ရက်ဖြင့် မရနိုင်ပေ။ ငါသည် ဤအကြောင်းအရာကို ယနေ့ ထုတ်ပြောရခြင်းမှာ အမှောင်လွှမ်းမိုးမှုသည် မည်သည်ဖြစ်ပြီး အလင်းအတွင်း နေထိုင်ခြင်းမှာ မည်သည်ဖြစ်သည်နှင့် စပ်လျဉ်းသည့် ယင်းကိစ္စရပ်များကို ပိုင်းခြားသိမြင်လာသည့်အခါ လူသားအတွက် ဝင်ရောက်မှုသည် ဖြစ်နိုင်ခြေရှိလာသဖြင့် လူများသည် သူတို့၏ ကိုယ်ပိုင်အခြေအနေကို နားလည်ဆုပ်ကိုင်နိုင်ရန် ဖြစ်သည်။ ယင်းမှာ သင်တို့သည် စာတန်၏ လွှမ်းမိုးမှုမှ မလွတ်မြောက်နိုင်သေးမီ ယင်းလွှမ်းမိုးမှုမှာ အဘယ်အရာဖြစ်သည်ကို သင်တို့သိရန် လိုအပ်သောကြောင့် ဖြစ်သည်။ သို့မှသာလျှင် သင့်အနေဖြင့် သင့်ကိုယ်သင် ယင်းမှ တဖြည်းဖြည်း ပထုတ်နိုင်မည့် လမ်းကြောင်းရှိမည် ဖြစ်သည်။ ထို့နောက်တွင် မည်သည့်အရာ လုပ်ရမည်ဆိုသည်မှာ လူသားတို့ ကိုယ်တိုင်အတွက် ကိစ္စရပ်ဖြစ်တော့သည်။ သင်သည် အစဉ်အမြဲ အပြုသဘောဆောင်သော ရှုထောင့်မှ ဝင်ရောက်ရမည်ဖြစ်ပြီး သင်သည် မည်သည့်အခါမျှ မလှုပ်မယှက် စောင့်ဆိုင်းနေရန် မဟုတ်ပေ။ ဤနည်းလမ်းဖြင့်သာလျှင် သင်သည် ဘုရားသခင်၏ ရယူခြင်းကို ခံရနိုင်သည်။

ယခင်က:လူ့ဇာတိခံယူထားသော ဘုရားသခင်နှင့် ဘုရားအသုံးပြုသောလူတို့ကြား ပဓာနကျသည့် ကွာခြားချက်

နောက်တစ်ခုသို့:ဘုရားသခင်အား ယုံကြည်ခြင်း၌ ဘာသာရေး ထုံးတမ်းဓလေ့များထက် လက်တွေ့အရှိတရားအပေါ်တွင် အာရုံစိုက်သင့်သည်

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ