အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ငါးဆယ့်ကိုးခုမြောက်သော မိန့်မြွက်ချက်

သင်တွေ့ထိသော ပတ်ဝန်းကျင်များထဲ၌ ငါ၏ အလိုကို ပို၍ ရှာဖွေလော့၊ သို့ပြုလျှင် သင်သည် ငါ၏ ထောက်ခံမှုကို ဧကန် ရရှိလိမ့်မည်။ သင်သည် သွား၍ ရှာဖွေကာ ငါ့အား ရိုသေလေးမြတ်သော စိတ်နှလုံးသားတစ်ခု ထားရှိသည့် ကာလပတ်လုံး သင်၌ မရှိသော အရာမှန်သမျှ သင့်ကို ငါပေးအပ်မည်။ ယခုအခါ အသင်းတော်သည် နည်းလမ်းတကျဖြစ်သော လက်တွေ့လုပ်ဆောင်မှုတစ်ခုထဲသို့ ဝင်ရောက်လာပြီး ခပ်သိမ်းသော အရာမှန်သမျှသည် မှန်သော လမ်းကြောင်းပေါ်သို့ ရောက်ရှိလာပြီ ဖြစ်သည်။ ဖြစ်ပေါ်လာမည့် အရာများ၏ နမူနာတစ်ခု သင်၌ ရှိခဲ့သည့် အချိန်ကကဲ့သို့ အမှုအရာများသည် မဟုတ်တော့ပေ။ သင်တို့၌ ရှုပ်ထွေးခြင်း သို့မဟုတ် ထိုးထွင်းသိမြင်မှု ကင်းမဲ့ခြင်း ဆက်၍ မရှိစေရ။ အရာခပ်သိမ်းတွင် လက်တွေ့အရှိတရားထဲသို့ ဝင်ရောက်ရန် သင်တို့ကို ငါအဘယ်ကြောင့် တောင်းဆိုထားသနည်း။ ဤအရာကို သင် စစ်မှန်စွာ သင် တွေ့ကြုံဖူးပြီလော။ ငါသည် သင်တို့အား ဖြည့်ဆည်းပေးသကဲ့သို့ပင် သင်တို့ကို ငါတောင်းဆိုထားသော အရာတွင် သင်တို့သည် ငါ့ကို အမှန်တကယ် ဖြည့်ဆည်းပေးနိုင်သလော။ လိမ်လည်လှည့်ဖြားခြင်း မပြုကြနှင့်။ သင်တို့အတွက် ထပ်တလဲလဲ ငါ၏ စိတ်ရှည်သည်းခံခြင်းမှလွဲ၍ အခြားအရာ မရှိသော်လည်း မည်သည့်အရာသည် သင်တို့အတွက် ကောင်းသည်ကို သင်တို့သည် အဖန်ဖန် မပြောနိုင်ကြဘဲ ကျေးဇူးတင်ကြောင်း ပြသရန် ပျက်ကွက်ကြသည်။

ငါ၏ ဖြောင့်မတ်ခြင်း၊ ငါ၏ ဘုန်းအာနုဘော်၊ ငါ၏ တရားစီရင်ခြင်းနှင့် ငါ၏ ချစ်ခြင်းစသည့် ငါ၏အလုံးစုံနှင့် ငါ၏ဖြစ်ခြင်းကို သင်အမှန်တကယ် မြည်းစမ်းပြီးပြီလော။ သင်သည် အမှန်ပင် အလွန် ထောက်ထားမှု မရှိသည့်အပြင် ငါ၏ အလိုကို သတိမူမိခြင်း မရှိပေ။ ငါပြင်ဆင်သော စားပွဲများကို သင်တို့ကိုယ်တိုင် မြည်းစမ်းရမည် ဖြစ်ကြောင်း သင်တို့ကို ငါအကြိမ်ကြိမ် ပြောခဲ့ပြီးသော်လည်း သင်တို့သည် ၎င်းတို့ကို အဖန်ဖန် ငြင်းပယ်ကြပြီး ကောင်းသော ပတ်ဝန်းကျင်နှင့် မကောင်းသော ပတ်ဝန်းကျင်ကို ခွဲခြား၍ မပြောနိုင်ကြပေ။ ယင်းပတ်ဝန်းကျင်များထဲမှ မည်သည်ကို သင်တို့ကိုယ်တိုင် ဖန်တီးသနည်း။ ထို့အပြင် မည်သည့်အရာတို့ကို ငါ၏ လက်ဖြင့် စီမံထားသနည်း။ သင်တို့ကိုယ်သင်တို့ မကာကွယ်ကြနှင့်။ ငါသည် အရာခပ်သိမ်းကို အပြည့်အဝ ရှင်းရှင်းလင်းလင်း မြင်ပြီး သင်သည် သွား၍ မရှာခြင်းကြောင့်သာ ဖြစ်သည်။ နောက်ထပ် ငါမည်သည့်အရာကို ဆိုနိုင်သနည်း။

ငါ၏ အလိုကို သတိမူသော သူအားလုံးကို ငါအမြဲနှစ်သိမ့်မည်ဖြစ်ပြီး ငါသည် ၎င်းတို့ကို ဒုက္ခဆင်းရခံရရန် သို့မဟုတ် ထိခိုက်နစ်နာရန် အခွင့်ပေးမည် မဟုတ်။ ယခု အရေးပါသော အရာမှာ သင်တို့သည် ငါ၏ အလိုနှင့်အညီ လုပ်ဆောင်နိုင်ရန်ဖြစ်ပြီး ဤသို့ပြုသောသူများသည် ငါ၏ကောင်းချီးမင်္ဂလာများကို ဧကန်ရရှိကာ ငါ၏ကာကွယ်မှုအောက်တွင် ရှိကြလိမ့်မည် ဖြစ်သည်။ သင်တို့ထဲမှ မည်သူသည် ငါ့အတွက် ရာနှုန်းပြည့် အမှန်တကယ် အသုံးခံနိုင်ပြီး ငါ့အတွက် မိမိတို့၏ အရာအားလုံးကို ဆက်ကပ်နိုင်သနည်း။ သင်တို့ အားလုံးသည် စိတ်မပါ့တပါဖြစ်နေကြပြီး သင်တို့၏ အတွေးများသည် တဝဲလည်လည် ဖြစ်ကာ အိမ်၊ အပြင်လောက၊ အစားအစာနှင့် အဝတ်များအကြောင်း တွေးနေကြသည်။ သင်သည် ငါ့ရှေ့တွင် ငါ့အတွက် အမှုအရာများကို လုပ်ဆောင်နေသော်လည်း သင်၏ စိတ်နှလုံးထဲတွင် သင်သည် အိမ်ရှိ သင်၏ ဇနီးသည်၊ သားသမီးနှင့် မိဘများအကြောင်းကို တွေး၍နေသေးသည်။ ၎င်းတို့ အားလုံးသည် သင်၏ ဥစ္စာဖြစ်သလော။ ၎င်းတို့ကို ငါ၏ လက်ထဲသို့ သင်အဘယ်ကြောင့် မအပ်နှံသနည်း။ ငါ့ကို သင်အလုံအလောက် မယုံကြည်သလော။ ထိုသို့မဟုတ်လျှင် ငါသည် သင့်အတွက် မဆီလျော်သော စီစဉ်ပြင်ဆင်မှုများကို ပြုလိမ့်မည်ဟူ၍ သင်စိုးရိမ်သောကြောင့် ဖြစ်သလော။ သင်သည် သင်၏အိမ်ကို အဘယ်ကြောင့် အမြဲတစေ သတိရသနည်း။ ထို့အပြင် အခြားသူများကိုပင် သတိရလိုက်သေးသည်။ ငါသည် သင်၏ စိတ်နှလုံးထဲမှ တိကျသောနေရာတစ်ခုကို ယူထားပါ၏လော။ ထို့အပြင် သင့်အထဲ၌ အုပ်စိုးရန်နှင့် သင်၏ ဖြစ်တည်ခြင်းအလုံးစုံထဲတွင် နေရာယူရန် ငါ့အား ခွင့်ပြုသည့်အကြောင်း သင်ဆိုသေးသည်၊ ဤအရာအားလုံးမှာ လှည့်စားသော မုသားများပင် ဖြစ်သည်။ သင်တို့ထဲမှ မည်မျှသည် သင်တို့၏ စိတ်နှလုံးအကြွင်းမဲ့ဖြင့် အသင်းတော်အတွက် ဖြစ်ကြသနည်း။ ထို့အပြင် သင်တို့ထဲမှ မည်သူသည် ကိုယ့်အတွက် မတွေးဘဲ ယခုကာလ၏ နိုင်ငံတော်အတွက် ဖြစ်ကြသနည်း။ ဤအကြောင်းကို အလွန် သေချာစွာ စဉ်းစားလော့။

သင်တို့သည် ငါ့ကို ဤအတိုင်းအတာအထိ တွန်းပို့ခဲ့ကြသဖြင့် ငါသည် ငါ၏လက်ကို အသုံးပြု၍သာ သင်တို့ကို လိုက်၍ စေ့ဆော်ပေးနိုင်သည်၊ သင်တို့ကို ငါလိုက်၍ချော့တော့မည် မဟုတ်ပေ။ အဘယ်ကြောင့်ဆိုသော် ငါသည် ဉာဏ်ပညာနှင့်ပြည့်စုံသော ဘုရားသခင် တစ်ဆူ ဖြစ်၍ ငါ့ကို သင်တို့ မည်ကဲ့သို့ သစ္စာရှိသည်အပေါ်မူတည်ပြီး လူအမျိုးမျိုးတို့ကို နည်းလမ်း အမျိုးမျိုးဖြင့် ငါဆက်ဆံသည်။ ငါသည် အန္တတန်ခိုးရှင် ဘုရားသခင်ဖြစ်သည်၊ မည်သူသည် ငါ၏ ရှေ့ဆက်ခြေလှမ်းများကို ဟန့်တားဝံ့သနည်း။ ငါ့ကို သစ္စာမစောင့်သိဝံ့သောသူ မည်သူမဆိုအပေါ်၌ ငါ၏ စီမံအုပ်ချုပ်ရေးဆိုင်ရာ အမိန့်များသည် ယခုမှစ၍ ဧကန် သက်ရောက်မည် ဖြစ်သဖြင့် ၎င်းတို့အား ငါ၏ အန္တတန်ခိုးကို သိစေမည်။ ငါအလိုရှိသောအရာမှာ လူအမြောက်အမြားမဟုတ်၊ ရွေးချယ်ထားသော လူနည်းစု ဖြစ်သည်။ သစ္စာမရှိသော၊ မရိုးဖြောင့်သောသူ မည်သူမဆို၊ ကောက်ကျစ်သော အမူအကျင့်နှင့် လိမ်လည်လှည့်ဖြားမှု ပြုသောသူ မည်သူမဆိုကို ငါစွန့်ပစ်ပြီး အပြစ်ဒဏ်ပေးမည်။ ငါသည် သက်ညှာသည် သို့မဟုတ် ငါသည် ချစ်ခင်၍ ကြင်နာသည်ဟု ဆက်၍ မထင်ကြနှင့်၊ ဤသည်မှာ သင်တို့သည် သင်တို့ကိုယ်ကို လိုက်လျောနေခြင်းသာ ဖြစ်သည်။ သင့်ကို ငါချော့လေ သင်သည် ပို၍ အနုတ်လက္ခဏာဆန်ပြီး မတုန်မလှုပ်ဖြစ်ကာ သင်သည် သင့်ကိုယ်သင် စွန့်လွှတ်ရန် အလိုမရှိ ဖြစ်လာမည် ဖြစ်ကြောင်းကို ငါသိသည်။ လူတို့သည် ဤအတိုင်းအတာအထိ ခက်ခဲလာသည့်အခါ ငါသည် ၎င်းတို့ကို အချိန်တိုင်း စေ့ဆော်ပြီး ဆွဲခေါ်ခြင်းကိုသာ ပြုနိုင်သည်။ ဤအရာကို သိကြလော့။ ယခုမှစတင်ကာ ငါသည် တရားစီရင်သော ဘုရားသခင် ဖြစ်သည်၊ ငါသည် လူတို့ စိတ်ကူးများထဲမှ သက်ညှာသော၊ ကြင်နာပြီး ချစ်တတ်သော ဘုရားသခင် မဟုတ်တော့ပေ။

ယခင်က:ငါးဆယ့်ခုနစ်ခုမြောက် မိန့်မြွက်ချက်

နောက်တစ်ခုသို့:ခြောက်ဆယ်တစ်ခုမြောက်သော မိန့်မြွက်ချက်

သင်နှစ်သက်နိုင်သည့် အရာများ