အခန်း ၆၀

အသက်တာကြီးထွားခြင်းသည် လွယ်ကူသော အရာမဟုတ်။ နည်းစနစ်လိုအပ်သည့်အပြင် သင်တို့သည် အဖိုးအခပေး၍ ငါနှင့်အတူ တစ်သားတည်း စုပေါင်းလုပ်ဆောင်ခြင်းဖြင့် ငါ၏ချီးမြှောက်မှုကို ခံကြရမည်။ ကောင်းကင်သည်လည်းကောင်း၊ မြေကြီးသည်လည်းကောင်း အရာခပ်သိမ်းတို့သည် ငါ၏နှုတ်ထွက်စကားအားဖြင့် ပြည့်စုံစွာ ထူထောင်ခဲ့သည် ဖြစ်သောကြောင့် ငါနှင့်တကွ အရာရာကို အောင်မြင်နိုင်သည်။ ငါ၏တစ်ခုတည်းသောဆန္ဒမှာ သင်တို့သည် လျင်မြန်စွာကြီးထွား၍ ငါ့ပုခုံးပေါ်မှဝန်ကို သင်တို့ယူထမ်းကာ ငါ့အလုပ်များကို ငါ့ကိုယ်စားလုပ်ပေးခြင်းဖြင့် ငါ့ကို ကျေနပ်စေမည်ဖြစ်သည်။ သားသည် ဖခင်၏ဝန်ကို ငြင်းဆိုမည်လော။ ဖခင်သည်လည်း သားအတွက် နေ့ညမပြတ် မလုပ်ဘဲ နေမည်လော။ သို့သော် သင်တို့သည် ငါ၏အလိုကို နားမလည်ကြ။ ငါ၏ဝန်များအတွက် ကိုယ်ချင်းမစာကြ။ ငါ့စကားများကို အလေးမထားဘဲ ငါပြောသည့်အတိုင်း မလုပ်ဆောင်ကြ။ အမြဲတစေ သင်တို့သည် မိမိသဘောအတိုင်း ပြုကြ၏။ တစ်ကိုယ်ကောင်းဆန်လှပါတကား။ သင်တို့သည် မိမိအတွက်သာ စဉ်းစားကြသည်။

သင်သည် ငါ၏အလိုကို အမှန်တကယ် နားလည်သလော။ သို့မဟုတ် နားမလည်ဟန်ဆောင် နေကြသလော။ အဘယ်ကြောင့် ပေါ့ပျက်သောအပြုအမူကို အမြဲတမ်း ဆောင်ရွက်နေကြသနည်း။ ဤသို့ ငါ့ရှေ့မှာ အသက်ရှင်ခြင်းသည် တရားမျှတမှုရှိသပါသလော။ သင်၏ဖျားနားခြင်းအကြောင်းအရင်းကို တွေ့ရှိသောအခါ အဘယ်ကြောင့် ကုသမှုအတွက် ငါ့နှင့်အတူ မိတ်သဟာယ မဖွဲ့သနည်း။ သင့်ကို ငါပြောပြမည်၊ ယနေ့မှစ၍ သင်တို့သည် ကိုယ်ခန္ဓာဖျားနာခြင်းမရှိရပေ။ အကယ်၍ သင်တို့၏ကိုယ်ခန္ဓာ အစိတ်အပိုင်းတချို့၌ မကျန်းမမာဖြစ်ခဲ့လျှင် ပြင်ပအကြောင်းအရင်းကို ရှာဖို့ အလုပ်မရှုပ်ကြနှင့်။ ထိုသို့ပြုမည့်အစား ငါ့ထံသို့လာ၍ ငါ၏ရည်ရွယ်ချက်ကိုသိရန် ရှာကြလော့။ ဤအရာကို သင်တို့မှတ်မိမည်လော။ ငါ၏ကတိသည်ကား၊ ယနေ့မှစ၍ သင်တို့သည် ရုပ်ပိုင်းဆိုင်ရာ ခန္ဓာကိုယ်ကို လုံးဝထားခဲ့ပြီး ဝိညာဉ်ရေးရာလောကသို့ လျှောက်သွားရမည်။ ဆိုလိုရင်းမှာ ဖျားနာခြင်းဖြင့် သင်တို့၏ ခန္ဓာကိုယ်ကို ဝန်လေးစေတော့မည် မဟုတ်တော့ပေ။ သင်တို့ ပျော်ရွှင်ပါသလော။ ဝမ်းမြောက်ပါသလော။ ဤအရာသည် ငါ၏ကတိ ဖြစ်သည့်အပြင် သင်တို့ ကြာမြင့်စွာ မျှော်လင့်ခဲ့သော အရာလည်းဖြစ်၏။ ယနေ့ မင်္ဂလာရှိသော သင်တို့အပေါ် အောင်မြင်စွာ ပြီးမြောက်စေပြီ။ အံ့ဩဖွယ်ကောင်းသော၊ တိုင်းတာ၍ မရနိုင်သော အရာပင်ဖြစ်သည်။

ငါ၏အလုပ်သည် တစ်ချိန်ပြီးတစ်ချိန်၊ နေ့ညမရပ်တန့်ပဲ တိုးတတ်နေသည်။ အကြောင်းမူကား သင့်ကို ငါ၏စိတ်နှလုံးနှင့် ညီညွှတ်စေခြင်းအားဖြင့် သင်တို့သည် ငါ၏စိတ်နှလုံးကို မကြာမီ နှစ်သိမ့်မည့်အကြောင်း ငါသည် အဆောတလျင် အလိုရှိ၏။ ငါ့သားတို့။ ငါ၏ကောင်းမြတ်ခြင်းကောင်းကြီးများကို ဝေမျှခံစားဖို့ သင်တို့အတွက် အချိန်ကျရောက်ပြီ။ ယခင်က သင်တို့သည် ငါ့နာမအတွက် ဒုက္ခဆင်းရဲ ခံခဲ့ရသော်လည်း ယခု သင်တို့ကို စမ်းသပ်သောနေ့ရက်များ ကုန်ဆုံးပြီ။ ငါ့သား၏ဦးခေါင်းပေါ်မှ ဆံတစ်ချည်ကိုပင်ဖြစ်စေ အန္တရာယ်ပြုဝံ့သောသူအား ငါသည် အလွယ်တကူ ခွင့်မလွှတ်၊ အလွတ်မပေး။ ဤအရာသည် ငါ၏ အုပ်ချုပ်မှုဆိုင်ရာအမိန့် ဖြစ်သောကြောင့် ဖောက်ဖျက်သောသူသည် မိမိကိုယ်ကို အန္တရာယ်ပြုခြင်းပင်ဖြစ်သည်။ ငါ့သားတို့။ သင်တို၏ စိတ်နှလုံးကျေနပ်မှုအတွက် ဝမ်းမြောက်ကြလော့။ ဝမ်းမြောက်ခြင်းဖြင့် ဟစ်ကြွေးကြလော့၊ သီဆိုကြလော့။ သင်တို့အား အဘယ်သူမျှ ဖိနှိပ်ခြင်း ခြိမ်ခြောက်ခြင်း မပြုတော့ပေ။ ညှဉ်းပန်းနှိပ်စက်ခြင်းလည်း မခံရတော့ပေ။ သင်တို့သည် ငါ့ကိုယုံကြည်ရာတွင် ကြောက်ရွံ့ခြင်းမရှိတော့ဘဲ၊ ထိုယုံကြည်ခြင်းသည်လည်း ဤလောက၌က လူသိရှင်ကြား ဖြစ်ရလိမ့်မည်။ စကြဝဠာကိုလွှမ်းမိုးသော မိုးခြိမ်းသံအတွက် ငါ၏ သန့်ရှင်းသောနာမကို ခေါ်ကြလော့။ သင်တို့ကို နှိမ်၍ ညှဉ်းပန်းနှိပ်စက်ပြီး ဖျက်ဆီးသောသူတို့ကို သိစေကြလော့။ ယနေ့ သင်တို့သည် ထိုသူတို့၏ အထက်၌ရပ်လျက် ထိုသူတို့ကို အုပ်ချုပ်သည်ကိုလည်းကောင်း၊ အစိုးရသည်ကိုလည်းကောင်း၊ အထူးသဖြင့် တရားစီရင်ရသည်ကိုလည်းကောင်း သိစေကြလော့။

သင်တို့သည် မိမိတို့၏ ဝင်ခြင်းထွက်ခြင်းကိုသာ ဂရုစိုက်သင့်သည်။ ငါသည် ပို၍ကောင်းသော ကောင်းကြီးများကို သင်တို့အားပေး၍ သင်တို့သည် ဝမ်းမြောက်ကြမည်။ သင်တို့သည်လည်း ထိုကောင်းကြီးများ၏ အနှိုင်းမဲ့ချိုမြိန်မှုကို မြည်းစမ်း၍သော်လည်းကောင်း၊ ၎င်းတို့၏ အဆုံးမဲ့နက်နဲမှုကို ခံစား၍သော်လည်းကောင်း၊ ၎င်းတို့သည် နားလည်သဘောပေါက်ရန် ခက်ခဲကြောင်းကိုလည်းကောင်း ထိုကောင်းကြီးများအားဖြင့် သိရှိခွင့် ရကြမည်ဖြစ်သည်။

အောက်ခြေမှတ်စု(များ)-

က။ မူရင်းစာသားတွင် “လောက၌” ဟူသော စကားရပ် မပါရှိပါ။

အရှေ့သို့- အခန်း ၅၉

နောက်တစ်ခုသို့- အခန်း ၆၁

သင်သည် သခင် ပြန်ကြွလာခြင်းကို ကြိုဆိုသည့်နည်းလမ်း၊ ဘုရားသခင်နှင့် သာ၍ နီးစပ်သော ပေါင်းသင်းဆက်ဆံရေးတစ်ခုကို တည်ထောင်သည့်နည်းလမ်း၊ ဘုရားသခင်ထံ ဆုတောင်းသည့်နည်းလမ်း စသည်တို့ကို သင်ယူလေ့လာ လိုပါသလား။ ကျွန်ုပ်တို့ကို ဆက်သွယ်လိုက်ဖို့ အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

နောက်ဆက်တွဲ- ဘုရားသခင်၏ တရားစီရင်မှုနှင့် ပြစ်တင်ဆုံးမမှု၌ ဘုရားသခင်၏ ပုံသဏ္ဌာန်ကို မြင်ခြင်း

သခင်ယေရှုခရစ်တော်နောက်သို့ လိုက်ကြကုန်သည့် သန်းရာပေါင်းများစွာသော အခြားသူများကဲ့သို့ပင် ငါတို့သည် ကျမ်းစာထဲမှ ဥပဒေသများနှင့်...

ယေရှု၏ဝိညာဉ်ခန္ဓာကို သင်တွေ့မြင်သည့်အချိန်တွင် ဘုရားသခင်သည် ကောင်းကင်နှင့်မြေကြီးကို အသစ်တစ်ဖန် ပြုလုပ်ပြီးဖြစ်လိမ့်မည်

သင်သည် ယေရှုကိုမြင်တွေ့လိုသလော။ ယေရှုနှင့်အတူနေလို သလော။ ယေရှုပြောသည့် နှုတ်ကပတ်တော်များကို ကြားလိုသလော။ သို့ဖြစ်ပါက ယေရှုတစ်ဖန်ကြွလာမည်ကို...

လူ့ဇာတိခံယူထားသော ဘုရားသခင်နှင့် ဘုရားအသုံးပြုသောလူတို့ကြား ပဓာနကျသည့် ကွာခြားချက်

ဘုရားသခင်၏ ဝိညာဉ်တော်သည် ကမ္ဘာမြေပေါ်၌ အလုပ်လုပ်နေသည်နှင့်အညီ ရှာဖွေနေခဲ့သည်မှာ နှစ်ပေါင်းများစွာဖြစ်ပြီး ခေတ်ကာလများတစ်လျှောက်...

ရွက်ကြွေများ ၎င်းတို့အမြစ်များဆီ ပြန်သွားကြချိန် ပြုခဲ့သမျှ မကောင်းမှုအားလုံးကို သင်နောင်တရလတ္တံ့

သင်တို့ကြား၌ ငါလုပ်ခဲ့သော အလုပ်ကို သင်တို့ရှိသမျှသည် ကိုယ်တိုင်ကိုယ်ကျ တွေ့ကြုံကြရပြီ၊ ငါပြောခဲ့သော စကားများကို သင်တို့ကိုယ်တိုင်...

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလခရစ်တော်၏ မိန့်မြွက်ချက်များ (လက်ရွေးစင်များ) နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်