အခန်း ၆၀

အသက်တာကြီးထွားခြင်းသည် လွယ်ကူသော အရာမဟုတ်။ နည်းစနစ်လိုအပ်သည့်အပြင်၊ သင်တို့သည် အဖိုးအခပေးနိုင်ပြီး ငါနှင့်အတူ တစ်စိတ်တစ်ဘောတည်း စုပေါင်းလုပ်ဆောင်ရန်နှင့် ထိုသို့ဖြင့် ငါ၏ချီးမွမ်းခြင်းကို ရရှိကြလိမ့်မည်။ မိုးကောင်းကင်၊ မြေကြီးနှင့် အရာခပ်သိမ်းတို့သည် ငါမိန့်မြွက်သည့် နှုတ်ကပတ်တော်များအားဖြင့် တည်ထောင်ပြီး စုံလင်ခြင်းသို့ ရောက်ရပြီး၊ ငါနှင့်အတူ အရာရာကို အောင်မြင်နိုင်သည်။ ငါ၏တစ်ခုတည်းသောဆန္ဒမှာ သင်တို့သည် လျင်မြန်စွာကြီးထွား၍ ငါ့ပုခုံးပေါ်မှဝန်ကို ယူတင်ကာ ငါ၏အလုပ်ကို ငါ့ကိုယ်စား လုပ်ပေးရန်ဖြစ်ပြီး ထိုအခါမှသာ ငါ့ကို ကျေနပ်စေမည်ဖြစ်သည်။ သားသည် ဖခင်၏ဝန်တို့ကို ငြင်းဆိုမည်လော။ ဖခင်သည်လည်း သားအတွက် နေ့ညမပြတ် အလုပ်မလုပ်ဘဲ နေမည်လော။ သို့ပါလျက် သင်တို့သည် ငါ၏အလိုတော်ကို နားလည်ခြင်း တကယ်မရှိကြသည့်အပြင် ငါ၏ဝန်များကို မငဲ့ကွက်ကြ။ ငါ့နှုတ်ကပတ်တော်များကို အလေးမထားသည့်အပြင် ငါပြောသည့်အတိုင်း မလုပ်ဆောင်ကြပေ။ သင်တို့သည် အမြဲတစေ အနှောင်အဖွဲ့ ကင်းလွတ်ကြ၏။ တစ်ကိုယ်ကောင်းဆန်လှပါတကား။ သင်တို့သည် မိမိအတွက်သာ စဉ်းစားကြသည်။

သင်သည် ငါ၏အလိုတော်ကို အမှန်တကယ် နားလည်သလော၊ သို့မဟုတ် နားမလည်ဟန်ဆောင် နေသလော။ အဘယ်ကြောင့် ပေါ့ပျက်သောအပြုအမူ၌ အမြဲတမ်း ပါဝင်နေကြသနည်း။ ထိုသို့ပြုမူရာ၌သင်သည် ငါ့ရှေ့မှာ မှန်ကန်စွာ ပြုလုပ်နေသည်ဟု သင်၏အသိစိတ်က ဆိုပါသလော။ သင်၏ဖျားနားခြင်း အကြောင်းအရင်းကို တွေ့ရှိသောအခါ သင်သည် အဘယ်ကြောင့် ကုသမှုအတွက် ငါ့အား ပြောဆိုဆွေးနွေးမှု မပြုရသနည်း။ သင့်ကို ငါပြောပြမည်- ယနေ့မှစ၍ သင်တို့သည် ကိုယ်ခန္ဓာ၌ နောက်ထပ်အနာရောဂါများ ရှိမည်မဟုတ်ပေ။ အကယ်၍ သင်တို့၏ အစိတ်အပိုင်းတချို့က နေထိုင်မကောင်းဖြစ်ခဲ့လျှင် ပြင်ပအကြောင်းအရင်းကို ရှာဖို့ မိမိကိုယ်ကိုယ် အလုပ်မရှုပ်စေနှင့်။ ထိုအစား ငါ့ရှေ့မှောက်သို့လာ၍ ငါ၏ရည်ရွယ်ချက်ကိုသိရန် ကြိုးပမ်းကြလော့။ ဤအရာကို သင်တို့မှတ်မိမည်လော။ ငါ၏ကတိသည်ကား- ယနေ့မှစ၍ သင်တို့သည် ရုပ်ပိုင်းဆိုင်ရာ ခန္ဓာကိုယ်ကို လုံးဝထားခဲ့ပြီး ဝိညာဉ်ရေးရာလောကသို့ ဝင်သွားရမည်။ ဆိုလိုရင်းမှာ သင်တို့၏ ခန္ဓာကိုယ်ကို ဖျားနာခြင်းဖြင့် ဝန်လေးစေတော့မည် မဟုတ်တော့ပေ။ သင်သည် ယင်းအတွက် ပျော်ရွှင်ပါသလော။ ဝမ်းမြောက်ပါသလော။ ဤသည်မှာ ငါ၏ကတိတော် ဖြစ်သည်။ ထိုမျှမက ယင်းသည် သင်တို့ ကြာမြင့်စွာ မျှော်လင့်ခဲ့ဖူးသော အရာလည်းဖြစ်၏။ ယနေ့တွင် ယင်းမှာ မင်္ဂလာရှိသော သင်တို့၌ပြီးမြောက်အောင်မြင်ပြီဖြစ်သည်။ အဘယ်မျှ အံ့ဩဖွယ်ကောင်းပြီး ဉာဏ်မမီနိုင်ဖွယ် ကောင်းလိုက်သနည်း။

ငါ၏အလုပ်သည် အချိန်နှင့်အမျှ၊ နေ့ရောညပါ တိုးတက်နေကာ၊ မည်သည့်အခါမျှ မရပ်တန့်ပေ။ ဤသည်မှာ ငါ၏ အရေးတကြီးဆန္ဒသည် သင့်ကို ငါ၏စိတ်နှလုံးနှင့် ညီညွှတ်စေခြင်းအားဖြင့် ငါ၏စိတ်နှလုံးသည် သင်တို့အားဖြင့် မကြာမီ နှစ်သိမ့် ခြင်းရှိရန် ဖြစ်၏။ ငါ့သားတို့။ သင်တို့အနေဖြင့် ငါ၏ ကောင်းမြတ်ခြင်းကောင်းချီးများကို ဝေမျှခံစားရန်အတွက် အချိန်ကျရောက်လေပြီ။ အတိတ်တွင် သင်တို့သည် ငါ့နာမအတွက် ဒုက္ခဆင်းရဲခံခဲ့ရသော်လည်း ယခုတွင်မူ သင်တို့၏ စမ်းသပ်ခံရခြင်း နေ့ရက်များ ကုန်ဆုံးပြီ။ တစ်စုံတစ်ဦးသည် ငါ့သားတို့၏ ဦးခေါင်းထက်မှ ဆံချည်တစ်မျှင်ကိုပင် အန္တရာယ်ပြုဝံ့ပါအံ့၊ ထိုသိုတို့ကို ငါသည် အလွယ်တကူ ခွင့်မလွှတ်သည်သာမက၊ ထိုသူတို့သည် လုံးဝ ပြန်ထနိုင်မည် မဟုတ်ချေ။ ဤသည်မှာ ငါ၏ စီမံအုပ်ချုပ်ရေးဆိုင်ရာ အမိန့်ဖြစ်သောကြောင့် ယင်းကို ဖောက်ဖျက်သောသူသည် မိမိကိုယ်ကို အန္တရာယ်ပြုခြင်းပင်ဖြစ်သည်။ ငါ့သားတို့။ သင်တို့ စိတ်ရှိသမျှ မြူးထူးပျော်ရွှင်ကြလော့။ ဝမ်းမြောက်ခြင်းဖြင့် သီဆိုဟစ်ကြွေးကြလော့။ သင်တို့သည် နောက်ထပ် အနိုင်ကျင့်ခံရခြင်းနှင့် ဖိနှိပ်ခြင်းကို ခံရတော့မည်မဟုတ်သည့်အပြင်၊ သင်တို့သည် ညှဉ်းပန်းနှိပ်စက်ခြင်းကိုလည်း နောက်ထပ် ခံရတော့မည် မဟုတ်ပေ။ သင်တို့သည် ငါ့အပေါ် ယုံကြည်ခြင်း၌ နောက်ထပ် မကြောက်ရွံ့ရတော့ပေ။ သင်သည် သင့်ယုံကြည်ခြင်းကို လူသိရှင်ကြား ထုတ်ဖော်ပြောသင့်ပေသည်။ စကြဝဠာကြီးနှင့် ကမ္ဘာမြေစွန်းတို့အား တုန်ဟည်းသွားလောက်သည်အထိငါ၏ သန့်ရှင်းသောနာမကို ကျယ်လောင်စွာ ခေါ်ကြလော့။ ထိုသူတို့ အထင်အမြင်သေး၍ ထိုသူတို့၏ ဖျက်ဆီးခြင်းနှင့် ညှဉ်းပန်းနှိပ်စက်ခြင်းကို ခံခဲ့ရသောသူတို့သည် ယနေ့တွင် ထိုသူတို့၏ အထက်၌ရပ်လျက် ထိုသူတို့ကို အုပ်ချုပ်သည်ကိုလည်းကောင်း၊ အစိုးရသည်ကိုလည်းကောင်း၊ အထူးသဖြင့် တရားစီရင်ရသည်ကိုလည်းကောင်း သိမြင်စေကြလော့။

ဝင်ရောက်ခြင်းကိုသာ သင်တို့ စိတ်ဝင်စားကြလော့၊ သို့ပြုလျှင် သင်တို့ခံစားမွေ့လျော်ဖို့ရာ စောင့်ဆိုင်းနေသည့် ပို၍ကောင်းမွန်သော ကောင်းချီးများကို သင်တို့အပေါ် ငါနှင်းအပ်၍၊ သင်တို့သည်လည်း အနှိုင်းမဲ့သော ချိုမြိန်မှု၊ အကန့်အသတ်မရှိသော နက်နဲရာများနှင့်၊ ဉာဏ်မမီနိုင်သော နက်နဲသိမ်မွေ့မှုတို့ကို အရသာပိုခံစားနိုင်ကြမည်ဖြစ်သတည်း။

အရှေ့သို့- အခန်း ၅၉

နောက်တစ်ခုသို့- အခန်း ၆၁

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

လူသား၏ ပင်ကို ကိုယ်ပိုင်လက္ခဏာနှင့် ၎င်း၏ တန်ဖိုး- ထိုအရာများသည် အမှန်တကယ် မည်သည့်အရာများနှင့် တူပါသနည်း

သင်တို့သည် ရွှံ့မြေမှ ဖယ်ထုတ်ခြင်းကို ခံခဲ့ကြရပြီး၊ မည်သို့ပင်ဖြစ်ပါစေ၊ သင်တို့သည် အနည်အနှစ်မှ ရွေးချယ်ခြင်း ခံခဲ့ရသည့် ညစ်ညမ်းကာ ဘုရားသခင်...

နာကျင်သည့်စမ်းသပ်မှုများကို တွေ့ကြုံခြင်းဖြင့်သာ ဘုရားသခင်၏နှစ်လိုဖွယ်ကောင်းခြင်းကို သိနိုင်မည်

ယနေ့ ဘုရားသခင်ကို သင်မည်မျှချစ်သနည်း။ ထို့ပြင် သင့်အထဲ၌ ဘုရားသခင်လုပ်ဆောင်ထားသော အရာအားလုံးကို သင်မည်မျှသိသနည်း။ ဤအရာများမှာ သင့်အနေဖြင့်...

လူသားမျိုးနွယ်တစ်ရပ်လုံး၏ ကံကြမ္မာအပေါ် ဘုရားသခင် တာဝန်ယူဦးဆောင်သည်

ငါတို့၏ဖြစ်တည်မှုအလုံးစုံသည် ဘုရားသခင်ထံမှလာပြီး ဘုရားသခင်၏ အချုပ်အခြာအာဏာကြောင့် တည်ရှိသည့်အတွက်၊ လူသားမျိုးနွယ်ဝင်များနှင့်...

အရာအားလုံးကို ဘုရားသခင်၏ နှုတ်ကပတ်တော်ဖြင့် စွမ်းဆောင်ရရှိသည်

ဘုရားသခင်သည် မတူညီသော ခေတ်များနှင့်အညီ၊ သူ၏ နှုတ်ကပတ်တော်များကို ပြောဆိုပြီး သူ၏ အမှုကို လုပ်ဆောင်သည်၊ ပြီးလျှင် မတူညီသော ခေတ်များတွင်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်