အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ခြောက်ဆယ်တစ်ခုမြောက်သော မိန့်မြွက်ချက်

သင်တို့သည် မိမိ၏အခြေနေကိုသိရှိသောအချိန်တွင် ငါ၏အလိုကိုအောင်မြင်ရရှိသွားမည်။ အမှန်စင်စစ် ငါ၏အလိုသည် နားလည်သဘောပေါက်၍ ခက်ခဲသည်မဟုတ်။ ငါ၏ရည်ရွယ်ချက်နှင့်အညီ သင်သည် အတိတ်ကာလ၌ ရှာဖွေခြင်း မရှိခဲ့သောကြောင့်သာဖြစ်သည်။ ငါအလိုရှိသည်မှာ လူသားများ၏ အတွေးအခေါ်များ သို့မဟုတ် အယူအဆများကို မဟုတ်။ ထိုမျှမက သင်၏ငွေ သို့မဟုတ် ပိုင်ဆိုင်မှုများကိုလည်း သာ၍ ငါအလိုရှိသည်မဟုတ်။ သင်၏ နှလုံးသားကိုသာ ငါအလိုရှိအပ်သည်ကို သင်နားလည်သလော။ ဤအရာသည် ငါ၏အလိုဖြစ်ပြီးထို့ထက်ပို၍ ငါရရှိလိုသောအရာလည်ဖြစ်သည်။ လူတို့သည် မိမိတို့၏စိတ်ထဲမှ အယူအဆများအားဖြင့် ငါ့ကိုတရားစီရင်ပြီး မိမိအတိုင်းအတာများအားဖြင့် ငါ၏ဝိညာဉ်အသက်တာကို ချိန်တွက်ကြသည်။ ဤအရာသည် လူသားနှင့်ပတ်သက်၍ဖြေရှင်းရန် အခက်ခဲဆုံးသောအရာဖြစ်သည်ကိုလည်းကောင်း၊ ဤအရာသည် ငါသည်အမုန်းတီးဆုံးနှင့် စက်ဆုပ်ရွံရှာဆုံးသော အရာဖြစ်သည်ကိုလည်းကောင်း သင်သိသလော။ အကြောင်းမူကား ဤအရာသည် စာတန်၏အမြင်သာဆုံးသော စိတ်သဘာထားဖြစ်သည်။။ သင်တို့၏ ဝိညာဉ်အသက်တာသည်လဲ သေးငယ်သောကြောင့် သင်တို့သည် စာတန်၏စဉ်းလဲသော အကြံအစည်းများထဲသို့ မကြာခဏ ကျရောက်တတ်ကြသည်။ ထိုအရာတို့ကို သင်တို့သည် ခွဲခြားသိမြင်ခြင်း မရှိကြပေ။ စာတန်၏ လိမ်လည်လှည့်စားမှုကို မခံရခြင်းအလို့ငှာ ငါသည် သင်တို့ကိုအချိန်တိုင်း၊ အရာရာတိုင်း၌ သတိရှိရန် အကြိမ်ကြိမ်ပြောခဲ့သည်။ သို့သော်လည်း သင်တို့သည်နားမထောင်ဘဲ ငါပြောသောအရာကို ပေါ့ဆစွာလျစ်လျူရှုသောကြောင့် သင်တို့၏ အသက်တာ၌ ဆုံးရှုံးမှုကြုံတွေ့ခြင်းနှင့် ဇာတ်သိမ်းပြီး၊ အလွန်နောက်ကျမှ နောင်တရကြသည်။ သို့ဖြစ်သော်လည်း သင်၏ အနာဂါတ်တွင် ရှာဖွေမှုအတွက် ဤအရာကို သင်ခန်းစာအဖြစ် မှတ်ယူရန်မှာ သင့်အတွက်ကောင်းလိမ့်မည် မဟုတ်လော။ သင့်ကို ငါပြောမည်၊ လွယ်ကူစွာ အနှုတ်။လက္ခဏာဆောင်ခြင်းသည် သင်၏အသက်တာအတွက် ဆုံးရှုံးမှုကိုယူဆောင်လာ၍ အပြင်းထန်ဆုံးသောအရာ ဖြစ်လာလိမ့်မည်။ ဤအရာကို သိရှိခြင်းအားဖြင့် သင်သည် နိုးထရမည် မဟုတ်လော။

လူတို့သည် လျင်မြန်သောရလဒ်အတွက် စိတ်မရှည်ကြဘဲ မိမိ၏မျက်စိရှေ့တွင် ရှိသောအရာကိုသာ မြင်တတ်ကြသည်။ ငါသည် အာဏာရှိသူများကို ပြစ်ဒဏ်ပေးခြင်းစတင်ပြီဟု ငါပြောသောအခါ သင်တို့သည်ပိုမိုစိတ်စော၍ “အဘယ်ကြောင့် ထိုသူတို့သည် အာဏာရှိနေသေးသနည်း၊ ဘုရားသခင်သည် အချည်နှီးသောစကားများ ပြောနေသည် မဟုတ်လော” ဟုမေးကြသည်။ လူသား၏အယူအဆများသည် အလွန်ခိုင်မာစွာ အမြစ်တွယ်နေသည်။ ငါပြောသော ဆိုလိုရင်းကို သင်တို့နားမလည်။ ငါပြစ်ဒဏ်ပေးသောသူတို့မှာ ဆိုးသွမ်းသောသူများ၊ ငါ့ကိုတော်လှန်သောသူများ၊ ငါ့ကိုမသိသောသူများသာဖြစ်ပြီး၊ ငါ့ကိုယုံကြည်သော်လည်း သမ္မာတရားကို မရှာဖွေသောသူတို့ကိုမူ ငါလျစ်လျူရှု၏။ သင်တို့သည် အမှန်စင်စစ်အသိမဲ့သူများ ဖြစ်ကြသည်။ ငါပြောခဲ့သောအရာကို လုံး၀နားမလည်ကြပေ။ ဤသို့ဖြစ်နေသော်လည်း သင်တို့သည် မိမိတို့၏ကျောကိုပုတ်၍ မိမိကိုယ်ကိုရင့်ကျက်ပြီဟုလည်းကောင်း၊ အမှုအရာများကို နားလည်းပြီဟုလည်းကောင်း၊ ငါ၏အလိုကိုနားလည်းနိုင်ပြီဟုလည်းကောင်း ယူဆနေကြသည်။ အရာအားလုံးနှင့် ကိစ္စရပ်များသည် ခရစ်တော်အတွက် အစေခံပေးကြသည်ကို ငါသည် မကြာခဏပြောပြသော်လည်း ဤနှုတ်ကပတ်တော်များကို စစ်မှန်စွာ သင်နားလည်သလော။ ဤနှုတ်ကပတ်တော်များကို အမှန်စင်စစ် သင်သိသလော။ ငါသည် မည်သူကိုမျှ မဆင်မခြင် ပြစ်ဒဏ်ကိုမပေးကြောင်း ငါပြောခဲ့ပြီ။ စကြဝဠာတစ်ခုလုံးတွင်ရှိသော သူတိုင်းသည် ငါ၏လျော်ကန်သော စီစဉ်ချက်များကိုလိုက်လျှောက်ကြသည်။ ငါ၏ပြစ်ဒဏ်ပေးခြင်းကို ခံသောသူများ၊ ခရစ်တော်အတွက် အစေခံသောသူများ (ထိုသူတို့ကို ငါမကယ်တင်)၊ ငါရွေးကောက်သောသူများ၊ ငါရွေးကောက်သော်လည်း နောက်၌သုတ်သင်ခြင်းကို ခံရသောသူများ ဖြစ်လာကြသည့် သူအားလုံးတို့ကို ငါ့လက်၌ ငါကိုင်ထားသည်။ ငါရွေးကောက်ထားပြီး ပို၍ ငါနားလည်းထားသောသင့်ကိုမူ ပြောစရာပင်မလို။ ယခုကာလတွင်လည်းကောင်း၊ နောင်ကာလတွင်လည်းကောင်း ငါပြုသမျှတို့သည် အမြော်အမြင်ရှိသော ငါ၏ စီစဉ်မှုများကို လိုက်လျှောက်ကြသည်။ သင်သည်အဘယ်အရာမျှ ငါ့အတွက်ကြိုတင်ပြင်ဆင်ဖို့ မလိုပေ။ သင်၏ ပျော်ရွှင်မှုကိုသာ စောင့်ဆိုင်းလော့။ ဤသည်မှာ သင်ထိုက်တန်သောအရာဖြစ်သည်။ ငါ့အပိုင်ဖြစ်သောအရာများကို ငါအုပ်စိုး၍ ငါ့အပေါ်အခြားအယူအဆများရှိသောသူများကိုလည်းကောင်း၊ ငါကိုစောဒကတတ်သော သူများကိုလည်းကောင်း ငါသည်ပေါ့တန်စွာ ချမ်းသာခွင့်မပေး။ ငါ၏အုပ်ချုပ်မှုအမိန့်များ၏အစီအစဉ်သည် ယခုအခြေနေကို ရောက်ရှိလာသည်နှင့်အမျှ ငါသည် ဤနေ့ရက်များတွင် မကြာခဏဒေါသထွက်လျက်ရှိသည်။ ငါ၌ ခံစားချက်များမရှိဟု မထင်ကြနှင့်။ အဘယ်အရာ၊ အဘယ်ပုဂ္ဂိုလ်၊ အဘယ်အဖြစ်အပျက်မျှ ငါ၏ရှေ့ဆက်ခြေလှမ်းများကို ဟန့်တားရန် မဝံ့ရဲကြဟု ငါပြောခဲ့ပြီ။ ငါပြောသည်အတိုင်း ငါလုပ် ဤအရာသည် ငါ၏ဖြစ်ခြင်းဖြစ်ကာ ထို့ထက်မက ငါ့စိတ်သဘောထား၏ အထင်ရှားဆုံးသရုပ်သကန်ဖြစ်သည်။ ငါသည် လူသားအာလုံးတို့ကို ညီတူညီမျှဆက်ဆံသည်။ သင်တို့သည် ငါ၏သားများဖြစ်သည်နှင့်အမျှ ငါသည် အားလုံးကိုချစ်သည်။ အဘယ်မည်သော ဖခင်သည် သူ့သား၏ဘ၀အတွက် တာဝန်မယူဘဲ နေမည်နည်း။ အဘယ်မည်သော ဖခင်သည် သူ့သား၏အနာဂါတ်အတွက် နေ့နေ့ညညအလုပ်မလုပ်ဘဲ အဘယ်သူနေမည်နည်း။ သင်တို့အကြားတွင် အဘယ်သူသိနိုင်မည်နည်း။ ငါ့စိတ်နှလုံး၏စာနာမှုကို အဘယ်သူပြသနိုင်မည်နည်း။ သင်တို့သည် မိမိတို့၏ သွေးသားပျော်ရွှင်မှုအတွက် အစီအစဉ်များနှင့် အကြံအစညါများကို အဆက်မပြတ်ပြုလျက်ရှိကြပြီး ငါ၏စိတ်နှလုံးကို ဘာဆိုဘာမျှ နားမလည်းကြပေ။ ငါ၏စိတ်နှလုံးကို အစိတ်စိတ်အမွှာမွှာဖြစ်သည်ထိ သင်တို့အတွက် ငါပူပန်သော်လည်း သင်တို့သည်အသွေးသား ပျော်ရွှင်မှုဖြစ်သော စားသောက်ခြင်း၊ အိပ်ပျော်ခြင်းနှင့် ဝတ်ဆင်ခြင်းများကို တမ်းတနေကြသည်။ သင်တို့၌အသေးငယ်ဆုံးသော အသိတရားပင် မရှိကြသလော။ အကယ်၍ ဤသို့ဖြစ်လျှင် သင်တို့သည် လူ့အဝတ်အစားကိုဝတ်ဆင်သော သားရဲတိရိစ္ဆာန်များသာဖြစ်သည်။ ငါပြောသောစကားသည် မသင့်လျော်သောစကားမဟုတ်သောကြောင့် သင်တို့သည် ခံနိုင်ရည် ရှိသင်သည်။ ဤသို့ပြောဆိုခြင်းသည် သင်တို့ကိုကယ်တင်ဖို့အကောင်းဆုံးနည်းလမ်း ဖြစ်သကဲ့သို့ ငါ၏ ဉာဏ်ပညာတည်ရာဖြစ်ကာ၊ စာတန်၏ သေစေနိုင်လောက်သော အားနည်းချက်များကို ငါထိုးနှက်ရာ၊ စာတန်ကိုအနိုင်ယူ၍ လုံးလုံးလျားလျား ဖျက်ဆီးရာလည်းဖြစ်၏။ သင်၏စရိုက်ဟောင်းကို စွန့်လွှတ်ပြီး လူသစ်သဏ္ဍာန်ဆောင်ကာ အသက်ရှင်ဖို့ရန် ငါ့ကိုမှီခိုကြောင်း သေချာအောင်ပြုပြီး နောင်တရနေသရွေ့ ငါ၏စိတ်နှလုံးသည် အပြည့်အဝ ကျေနပ်အားရမည်ဖြစ်သည်။ ဤအရာသည် ပုံမှန်လူ့သဘာဝဖြင့် ရှင်သန်ခြင်း၊ ငါ့နာမကို သက်သေခံခြင်းဖြစ်သောကြောင့် ငါ့ကိုအပျော်ရွှင်စေဆုံးသော အရာလည်းဖြစ်သည်။

အချိန်တိုင်း ငါနှင့်နီးကပ်စွာနေရမည်။ ငါ၏အဟုန်သည် တနေ့တခြား မြန်ဆန်လာသည်ကို တွေ့ရလိမ့်မည်။ ဝိညာဉ်ရေးရာမိတ်သဟာယကို ခေတ္တခဏပျက်ကွက်လျှင် ငါ၏တရားစီရင်ခြင်းကို ချက်ချင်းခံရလိမ့်မည်။ ဤအချက်၌ သင်သည်အပြည့်အဝနားလည်းမှုရှိသည်။ ငါသည် သင့်ကိုပြစ်တင်ဆုံးမသည်မှာ မေတ္တာမထားသောကြောင့်မဟုတ်။ ငါသည်သင့်ကို ချစ်သောကြောင့် ဆုံးမပဲ့ပြင်ခြင်းသာ ဖြစ်သည်။ ထိုသို့မပြုလျှင် သင်သည်မကြီးထွားဘဲ၊ သန့်ရှင်းသော ဝိညာဉ်တော်၏ ထိန်းချုပ်ထားခြင်းမရှိဘဲ၊ အမြဲတမ်း ကိုယ်ကျင့်သိက္ခာမရှိဖြစ်လိမ့်မည်။ ဤအရာသည်လည် ငါဉာဏ်ပညာ၏ ရှုထောင့်တစ်ခု သာ၍ပင်ဖြစ်သည်။

ယခင်က:ငါးဆယ့်ခုနစ်ခုမြောက် မိန့်မြွက်ချက်

နောက်တစ်ခုသို့:ခြောက်ဆယ့်သုံးခုမြောက် မိန့်မြွက်ချက်

သင်နှစ်သက်နိုင်သည့် အရာများ