ဘုရားသခင်ရဲ့ နာမတော်သစ်ကို အခုတော့ ကျွန်မ သိပြီ

22.08.2020

ကျွန်မ ငယ်ငယ်လေးကတည်းက သခင့်ကို ယုံကြည်ပြီး မိဘတွေနဲ့အတူ ဝတ်ပြုအစည်းအဝေးတွေ တက်ခဲ့တယ်။ ဒီလိုနဲ့ အထက်တန်းကျောင်းပြီးတော့ ခရစ်ယာန်ကောလိပ်တစ်ခုကို ကျွန်မ တက်ခဲ့တယ်။ စာသင်ချိန်တစ်ချိန်မှာ သင်းအုပ်ဆရာက ကျွန်မတို့ကို ပြောတယ်။ “ဟေဗြဲသြဝါဒစာ အခန်းကြီး ၁၃ အပိုဒ် ၈ မှာ ‘ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။’ တဲ့ သခင်ယေရှုဟာ တစ်ပါးတည်းသော ကယ်တင်ရှင်ဖြစ်ပါတယ်။ ခေတ်တွေ ဘယ်လိုပြောင်းပြောင်း သူ့ရဲ့ အမည်နာမက ဘယ်တော့မှ ပြောင်းမှာမဟုတ်ဘူး။ သခင်ယေရှုရဲ့ အမည်နာမကို ယုံမှပဲ ဆရာတို့က ကယ်တင်ခြင်းရနိုင်တယ်...” ဆိုပြီးတော့ ပြောတယ်။ ဒါကို ကျွန်မ ကြားပြီးတဲ့နောက်မှာ ကျွန်မတို့ဟာ သခင်ယေရှုရဲ့ အမည်နာမကို ထိန်းသိမ်းခြင်းအားဖြင့်ပဲ ကယ်တင်ခြင်းခံရနိုင်တယ်၊ ကိုယ်တော်ရဲ့အမည်နာမကို ဘယ်တော့မှ ငြင်းပယ်လို့မရဘူးဆိုပြီး ကျွန်မ ခိုင်ခိုင်မာမာ ယုံကြည်ခဲ့တယ်။ စာသင်ခန်းပြင်ပမှာဆိုရင် မိတ်သဟာယဖွဲ့တာ၊ ကျမ်းစာလေ့လာတာနဲ့ ဧဝံဂေလိ အဖွဲ့တွေမှာ တက်တက်ကြွကြွပါဝင်ခဲ့တယ်။ တရားဟောကြားတာ၊ ဝတ်ပြုအစည်းအဝေးလုပ်တာတွေမှာ တစ်ခုမှ ကျွန်မ မပျက်ကွက်ခဲ့ဘူး။ ဒါပေမဲ့ အချိန်ကြာလာတော့ သင်းအုပ်ဆရာနဲ့ အကြီးအကဲတွေပြောတာတွေက ထပ်နေတာကို ကျွန်မ တွေ့လိုက်ရတယ်။ အလင်းသစ်ရတာမျိုး တစ်ခါမှ မဖြစ်ခဲ့ဘူး။ ကျွန်မရဲ့ စိတ်ဝိညာဉ်ကလည်း လုံးဝကို အာဟာရမပြည့်ဝခဲ့ဘူး။ ညီအစ်ကို မောင်နှမတချို့ဆိုရင် အားလျော့လာကြပြီး ဝတ်ပြုအစည်းအဝေးတွေဆီကို မသွားကြတော့ဘူး။ ပြီးတော့ ကူညီတာ ပံ့ပိုးတာတွေလည်း သိပ်မရကြဘူး။ တချို့ဆိုရင် ဝတ်ပြုအစည်းအဝေးလုပ်နေတုန်းမှာတောင် အိပ်ပျော်သွားကြတယ်။ ပြီးရင် အစည်းအဝေးပြီးတဲ့အချိန်မှာ လူတွေကို အာမခံတွေ၊ ကုန်ပစ္စည်းတွေ ရောင်းကြတယ်။ အသင်းတော်မှာဖြစ်နေတဲ့ ဒီအခြေအနေကို မြင်ရတော့ ကျွန်မ စိတ်တိုပြီး စိတ်ပျက်မိတယ်။ ကျွန်မ စိတ်ထဲမှာတော့ “ခရစ်ယာန်တစ်ယောက်က ဝိညာဉ်အသက်တာမှာ တိုးတက်မှုကို မရှာဖွေဘဲ လောကီအရာတွေနဲ့ ငွေတွေကိုပဲ အမြဲတမ်း တောင့်တနေရင် ခရစ်ယာန်လို့ ခေါ်နိုင်ပါဦးမလား။ ပြီးတော့ သင်းအုပ်ဆရာနဲ့ အကြီးအကဲတွေက ဒီလိုတွေဖြစ်နေတာကို သိပေမဲ့ ဂရုမစိုက်ကြဘူး။ အဲဒါက သခင့်အလိုတော်နဲ့ ကိုက်ညီရဲ့လား။ ဒါက ဘယ်လိုလုပ်ပြီး ဘုရားရှင်ကို ကိုးကွယ်ခြင်းဖြစ်ပါ့မလဲ။” ဆိုပြီး တွေးမိတယ်။ အချိန်ကြာတဲ့အထိ ဝတ်ပြုအစည်းအဝေးတွေကနေ အာဟာရဖြည့်စွက်မှု မရတော့ ကျွန်မရဲ့ စိတ်ဝိညာဉ်က ညှိုးနွမ်းလာတယ်။ အလုပ်လည်း များနေတယ်။ ဒီလိုနဲ့ ဝတ်ပြုအစည်းအဝေးကို ထပ်ပြီး မသွားဖြစ်တော့ဘူး။ ဒါနဲ့ပတ်သက်ပြီး ကျွန်မ စိတ်မကောင်းဘူး။ အဲဒါနဲ့ ကျွန်မ အိမ်မှာ ကျမ်းစာဖတ်ပြီး သခင့်ကို ဆုတောင်းတယ်။ ရည်ရွယ်ချက်၊ မျှော်လင့်ချက်တွေ အားလုံး ပျောက်ဆုံးသွားသလို၊ လမ်းပျောက်ပြီး ကူရာမဲ့ဖြစ်နေသလို အမြဲတမ်း ခံစားခဲ့ရတယ်။

အဲဒီလိုနဲ့ ၂၀၁၇ ခုနစ် အောက်တိုဘာလမှာ အနန္တတန်ခိုးရှင်ဘုရားသခင်အသင်းတော်က အစ်မလီနဲ့ အစ်မဝမ်ကို အွန်လိုင်းမှာ တွေ့ခဲ့တယ်။ သခင့်နှုတ်ကပတ်တော်တွေနဲ့ပတ်သက်တဲ့ သူတို့ရဲ့ မိတ်သဟာယက လက်တွေ့ကျပြီး ဉာဏ်အလင်းရတာကို ကျွန်မ တွေ့လိုက်ရတယ်။ ကျွန်မ သခင့်ကို ယုံကြည်လာတာ နှစ်တွေတော်တော်ကြာပြီ။ သခင့်နှုတ်ကပတ်တော်နဲ့ပတ်သက်ပြီး ဒီလို ရှင်းရှင်းလင်းလင်း မိတ်သဟာယဖွဲ့တာ တစ်ခါမှ မကြားဖူးခဲ့ဘူး။ သူတို့မှာ သန့်ရှင်းသောဝိညာဉ်တော်ရဲ့ လမ်းပြမှုရှိတယ်လို့ ကျွန်မခံစားခဲ့ရတယ်။ အဲဒါနဲ့ ကျွန်မ သူတို့နဲ့ အွန်လိုင်းမှာ ခဏခဏ တွေ့ခဲ့ပါတယ်။

ဝတ်ပြုအစည်းအဝေးတစ်ခုမှာ ကျွန်မ နည်းနည်းနောက်ကျပြီးမှ ဝင်ဖြစ်လိုက်တယ်။ ဒါပေမဲ့ ကျွန်မ ဝင်ပြီးတာနဲ့ အစ်မလီက ဒီလိုပြောတာကို ကြားလိုက်ရတယ်။ “လူသားမျိုးနွယ်ကို ကယ်တင်ဖို့အတွက် ဘုရားသခင်ရဲ့ စီမံခန့်ခွဲမှုအစီအစဉ်ကို ခေတ်သုံးခေတ်မှာ ခွဲခြားထားပါတယ်။ ခေတ်တစ်ခုစီတိုင်းမှာ ကိုယ်တော်က အမှုသစ်ကို ပြုပြီး နာမတော်အသစ်တစ်ခု ယူတယ်။ ခေတ်ကို ပြောင်းဖို့၊ သူ့ရဲ့အမှုတော်ကို ကိုယ်စားပြုဖို့အတွက် ဘုရားသခင်က သူ့ရဲ့ အမည်နာမကို အသုံးပြုပါတယ်။ သူ့ရဲ့အမှုတော်က ရှေ့ကိုဆက်သွားနေပြီး သူ့ရဲ့အမည်နာမက သူလုပ်ဆောင်တဲ့ မတူညီတဲ့ အမှုတွေ တစ်လျှောက်မှာ ပြောင်းလဲပါတယ်။ ပညတ်တော်ခေတ်မှာ ဘုရားသခင်က ယေဟောဝါဆိုတဲ့ နာမတော်နဲ့ ဥပဒေနဲ့ ပညတ်တော်တွေကို ကြေငြာခဲ့တယ်။ ဘုရားသခင်က ပညတ်တော်ခေတ်ကို အဆုံးသတ်ပြီး ကျေးဇူးတော်ခေတ်မှာ ရွေးနုတ်ခြင်းအမှုကို ပြုတဲ့အခါမှာ သူ့ရဲ့ နာမတော်က ယေဟောဝါမဟုတ်တော့ဘဲ ယေရှုဖြစ်ပါတယ်။ အခု နောက်ဆုံးသောကာလမှာ ဘုရားသခင်ရဲ့ အမှုတော်က ရှေ့ကို တစ်ခါထပ်ပြီး သွားနေပါတယ်။ ယေရှုရဲ့ ရွေးနုတ်ခြင်းအမှုကို အခြေခံပြီး ဘုရားသခင်ရဲ့ အိမ်တော်ကစတဲ့ တရားစီရင်ခြင်းအမှုကို သူ လုပ်ဆောင်နေတယ်။ ကျေးဇူးတော်ခေတ်ကို သူ အဆုံးသတ်ခဲ့ပြီး နိုင်ငံတော်ခေတ်ကို အစပြုခဲ့တယ်။ သူ့ရဲ့အမည်နာမကလည်း ဒီဖြစ်ရပ်နဲ့အတူ ပြောင်းလဲသွားတယ်။ ယေရှုမဟုတ်တော့ဘဲ အနန္တတန်ခိုးရှင်ဘုရားသခင် ဖြစ်သွားပါတယ်။” ဆိုပြီးတော့ ပြောတယ်။ ဘုရားရဲ့ နာမတော်က ပြောင်းလဲခဲ့တယ်လို့ သူ ပြောတာကို ကြားရတော့ ကျွန်မ စိတ်ထဲမှာ “မဖြစ်နိုင်ဘူး။ သမ္မာကျမ်းစာမှာ ရှင်းရှင်းလင်းလင်း ပြောထားတယ်။ ‘ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။’ တဲ့ (ဟေဗြဲသြဝါဒစာ ၁၃:၈) သခင်ယေရှုရဲ့ အမည်နာမက ဘယ်တော့မှ မပြောင်းလဲနိုင်ဘူး။ ဒါပေမဲ့ ဘုရားရဲ့ နာမတော်က အခု ပြောင်းလဲသွားပြီလို့ အစ်မက ပြောနေတာလား။ ကျွန်မတို့ ဆုတောင်းတဲ့အခါမှာ သခင်ယေရှုလို့ မခေါ်ဘဲ အနန္တတန်ခိုးရှင်ဘုရားသခင်လို့ ခေါ်တယ်ဆိုရင် သမ္မာကျမ်းစာနဲ့ ကိုက်ညီရဲ့လား” ဆိုပြီး တွေးမိတယ်။ အဲဒီမှာ အစ်မလီက နှိုင်းယှဉ်ချက်တစ်ခုနဲ့ ကျွန်မကို ရှင်းပြတယ်။ “အစ်မ ကျောင် အစ်မရဲ့ ကုမ္ပဏီက အစ်မကို စီမံရေးခေါင်းဆောင်အဖြစ် တစ်နှစ်ခန့်တယ်၊ ပြီးတော့ မန်နေဂျာအဖြစ် တစ်နှစ်ခန့်တယ်၊ ပြီးတော့ ဒါရိုက်တာအဖြစ် တစ်နှစ်ခန့်တယ်ဆိုရင် အစ်မရဲ့ ရာထူးက အလုပ်ရဲ့လိုအပ်ချက်အရ ပြောင်းသွားမယ်။ အစ်မရဲ့ အလုပ်ပြောင်းတဲ့အခါ ရာထူးလည်း ပြောင်းသွားတယ်။ အရင်က လူတွေက အစ်မကို စီမံရေးခေါင်းဆောင် ဒါမှမဟုတ် မန်နေဂျာဆိုပြီး ခေါ်ကြမယ်။ ဒါပေမဲ့အခုဆိုရင် လူတွေက အစ်မကို ဒါရိုက်တာလို့ ခေါ်ကြမယ်။ လူတွေက အစ်မကို အမျိုးမျိုးခေါ်ကြမယ်။ ဒါပေမဲ့ အစ်မက ပြောင်းလဲသွားမလား။ အစ်မက အစ်မပဲ ဖြစ်နေဦးမှာမဟုတ်ဘူးလား။ တဲ့။ ဒါက ခေတ်တစ်ခုစီမှာ ဘုရားသခင်က အမည်နာမတစ်ခုယူတဲ့ ပုံစံပါပဲ။ ဘုရားသခင်ရဲ့ အမှုတော်က ပြောင်းလဲပြီး သူ့နာမတော်ကလည်း ပြောင်းသွားတယ်။ ဒါပေမဲ့ သူက တစ်ပါးတည်းသော ဘုရားသခင်ပါပဲ။” တဲ့ အားလုံးက ရှင်းလင်းလာတယ်။ ဒါပေမဲ့ ယေရှုရဲ့ နာမတော်က ပြောင်းလဲတာကို စဉ်းစားမိတဲ့အခါ ကျွန်မ လက်မခံနိုင်ဘူးဖြစ်နေတယ်။ ကျွန်မ စိတ်ထဲမှာ “အစ်မ ပြောတာကို ကျွန်မ ဂရုမစိုက်ဘူး။ သခင်ယေရှုရဲ့ နာမတော်ကိုပဲ ကျွန်မ ထိန်းသိမ်းထားမယ်။ အလွယ်တကူနဲ့တော့ လက်မခံဘူး” ဆိုပြီး တွေးမိတယ်။ အစည်းအဝေးပြီးတဲ့နောက်မှာ အစ်မလီကို အွန်လိုင်းမှာ ဘလော့လိုက်တယ်။

ဒါပေမဲ့ နောက်တစ်ရက် ညနေမှာ ကျွန်မ အိမ်ရှေ့ကို အစ်မနှစ်ယောက်ရောက်လာပြီး အနန္တတန်ခိုးရှင်ဘုရားသခင်ရဲ့ နောက်ဆုံးသောကာလ ဧဝံဂေလိတရားကို ဟောတယ်။ ယေရှုရဲ့ အမည်နာမက မပြောင်းလဲနိုင်ဘူးလို့ ကျွန်မက မြင်တော့ သူတို့ကို သိပ်မကြိုက်မိဘူး။ သူတို့ ဘာပြောပြော ကျွန်မ မကြားချင်ခဲ့ဘူး။ သူတို့က ပြန်ခါနီးကျတော့ ပြောတယ်။ “အစ်မ သခင်က ပြောခဲ့တယ်။ ‘တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကိုခေါက်ကြလော့။ ခေါက်လျှင်ဖွင့်မည်။’ တဲ့ (ရှင်မဿဲခရစ်ဝင် ၇:၇) အစ်မ ဘာကြောင့် လက်မခံလဲတော့ မသိပါဘူး။ ဒါပေမဲ့ အစ်မ သေချာ စူးစမ်းကြည့်ဖူးရဲ့လား။” တဲ့။ သူတို့ ပြန်သွားပြီးတဲ့နောက်မှာ သူတို့ ပြောခဲ့တာကိုပဲ ကျွန်မ တွေးနေမိတယ်။ စိတ်မသက်မသာလည်းဖြစ်နေတယ်။ အနန္တတန်ခိုးရှင်ဘုရားသခင်အသင်းတော်က လူတွေဆီကနေ ကျွန်မ ကြားခဲ့ရတဲ့ မိတ်သဟာယတွေအားလုံးနဲ့ ကျွန်မ စိတ်ဝိညာဉ်က ဘယ်လောက် အာဟာရပြည့်ဝနေသလဲဆိုတာကို စဉ်းစားမိတယ်။ သူတို့ဖတ်ပြတဲ့ အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေက သမ္မာတရားဖြစ်ပြီး သန့်ရှင်းသောဝိညာဉ်တော်ရဲ့ မိန့်မြွက်ချက်တွေဖြစ်တယ်ဆိုတာကို ကျွန်မ စိတ်နှလုံးထဲကနေ သိနေတယ်။ သူတို့ကို ဒီလိုမျိုး ငြင်းပယ်နေရင် ကျွန်မက ဘယ်လိုလုပ်ပြီး သမ္မာတရား ရှာဖွေသူ ဖြစ်တော့မလဲ။ ဝတ်ပြုအစည်းအဝေးတစ်ခုမှာ အစ်မလီက မိတ်သဟာယပြုတာကို ကျွန်မ သတိရတယ်။ “ဘုရားသခင်ရဲ့ သိုးဟာ ဘုရားရဲ့အသံတော်ကို ကြားတယ်။ ကျွန်မတို့ဟာ သခင် ပြန်ကြွလာခြင်းကို ကြိုဆိုချင်ရင် သူ့ရဲ့အသံတော်ကို နားထောင်ဖို့ သင်ယူရမယ်။ ပညာရှိသော သတို့သမီးတွေက ကိုယ်တော့်ရဲ့အသံတော်ကိုကြားလို့ သခင့်နောက်ကို လိုက်ကြတယ်။ ဒါ ကျေးဇူးတော်ခေတ်တုန်းက ပေတရုလိုပါပဲ။ ပေတရုက ဘုရားရဲ့ နှုတ်ကပတ်တော်တွေကို ကြားပြီး အသံတော်ကို သတိပြုမိလို့ သခင့်နောက်ကို လိုက်ခဲ့တာမဟုတ်ဘူးလား။” တဲ့။ ဒါကို သဘောပေါက်ပြီးတော့ ကျွန်မ သမ္မာကျမ်းစာကို အမြန်ယူပြီး ဗျာဒိတ်ကျမ်း အခန်းကြီး ၃ အပိုဒ် ၂၀ကနေ ၂၂ ကိုဖွင့်ဖတ်လိုက်တယ်။ “ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။...ဝိညာဉ်တော်သည် အသင်းတော်တို့အား အဘယ်သို့ မိန့်တော်မူသည်ကို နားရှိသောသူ မည်သည် ကား ကြားပါစေ။” ဆိုပြီး ပြောထားတယ်။ ကျွန်မ ဒီ နှစ်ပိုဒ်ကို သေချာ ဆင်ခြင်ကြည့်တယ်။ သန့်ရှင်းသောဝိညာဉ်တော်က နောက်ဆုံးသောကာလမှာ စကားပြောလိမ့်မယ်၊ သူရဲ့စကားတွေကို ကျွန်မတို့ နားထောင်သင့်တယ်လို့ သခင်က ပြောတယ်။ သခင် ပြန်ကြွလာတာကို ကျွန်မ ကြားရတာ ကံကောင်းလို့ပါ။ ဒါဆိုရင် ဘာကြောင့် ကျွန်မက ကိုယ့်အယူအဆတွေကြောင့် နောက်ဆုတ်နေချင်ပြီး ကိုယ်နားမလည်တဲ့ ဘယ်အရာကိုမဆို နားမထောင်ချင်နေရတာလဲ။ ကျွန်မ စဉ်းစားမိတယ်။ “ဘုရားသခင်ရဲ့ နာမတော် ပြောင်းလဲတာကို ငါ အခု နားမလည်နိုင်ရင် ငါ အရင်ဦးဆုံး လေ့လာကြည့်ပြီး နားလည်အောင်လုပ်ရမယ်။ ပြီးရင် ဘာလုပ်မယ်ဆိုတာ ဆုံးဖြတ်မယ်။” ပေါ့။ ပြီးတော့ ကျွန်မ ရှင်မဿဲ အခန်းကြီး ၇ အပိုဒ် ၇ ကို ဖတ်လိုက်တယ်။ “တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကိုခေါက်ကြလော့။ ခေါက်လျှင်ဖွင့်မည်။” ကျွန်မ စဉ်းစားတယ်။ “သခင်က တကယ် ပြန်ကြွလာပြီး ငါ့တံခါးကို ခေါက်နေတယ်။ ငါက ဘာမှ မကြားနိုင် မမြင်နိုင်ဖြစ်ပြီး တံခါးကို မဖွင့်အောင်လို့ ငါ့အယူအဆတွေနဲ့ငါ မျက်ကန်း၊ နားမကြားဖြစ်အောင်လုပ်နေရင် သခင်က ငါ့ကို စွန့်ခွာမှာမဟုတ်ဘူးလား။” ဆိုပြီးတော့။ အဲဒီညက ကျွန်မ တစ်မှေးမှ အိပ်မပျော်ခဲ့ဘူး။ ဧဝံဂေလိတရားကို ငြင်းပယ်တာနဲ့ပတ်သက်ပြီး ကျွန်မ စိတ်မသက်မသာဖြစ်နေရတယ်။ ကျွန်မ တွေးမိတယ်။ “ငါ မှားနေနိုင်လား။ အနန္တတန်ခိုးရှင်ဘုရားသခင်က တကယ်ပဲ ပြန်ကြွလာတဲ့ သခင်ယေရှုပဲလား။” ဆိုပြီးတော့။ စိတ်ထဲမှာ အဲဒီလိုတွေ တွေးရင်းနဲ့ သခင့်ဆီကို ဆုတောင်းလိုက်တယ်။ လမ်းပြပြီး ဉာဏ်အလင်းပေးဖို့ တောင်းလျှောက်လိုက်တယ်။

ပြီးတော့ နိုင်ငံတော် ဆင်းသက်လာခြင်း ဧဝံဂေလိတရားတော် လို့ခေါ်တဲ့ အနန္တတန်ခိုးရှင်ဘုရားသခင် အသင်းတော်ရဲ့ တရားဝင် ဝဘ်ဆိုဒ်ကို သွားလိုက်တယ်။ ပြီးတဲ့အခါမှာ ဘုရားရဲ့ နာမတော်တွေနဲ့ပတ်သက်တဲ့ ကျမ်းပိုဒ်တစ်ခုကို ဖတ်လိုက်တယ်။ “အချို့က ဘုရားသခင်၏ အမည်နာမသည် ပြောင်းလဲခြင်းမရှိဟု ပြော၏။ သို့ဖြစ်လျှင် ယေဟောဝါ၏အမည်သည် အဘယ်သို့ ယေရှုဖြစ်လာခဲ့သနည်း။ မေရှိယ ကြွလာမည်ကို ပရောဖက်ပြုထားခဲ့၏၊ သို့ဖြစ်လျှင် ယေရှုဟူသော အမည်ရှိသည့် လူသားတစ်ဦး အဘယ်ကြောင့် ကြွလာခဲ့သနည်း။ ဘုရားသခင်၏ နာမသည် အဘယ်ကြောင့် ပြောင်းလဲခဲ့သနည်း။ ထိုသို့သော အမှုကို အချိန်ကြာမြင့်စွာက ဆောင်ရွက်ခဲ့သည် မဟုတ်လော။ ယနေ့တွင် ဘုရားသခင်သည် သာ၍သစ်လွင်သောအမှုကို မပြုနိုင်သလော။ ယမန်နေ့၏ အမှုသည် ပြောင်းလဲနိုင်သကဲ့သို့၊ ယေဟောဝါ၏ အမှုမှ ယေရှု၏အမှု လိုက်လာနိုင်ပေသည်။ ထိုသို့ဆိုလျှင် ယေရှု၏အမှုကိုလည်း အခြားအမှုက မဆက်ခံနိုင်သလော။ ယေဟောဝါ၏နာမသည် ယေရှုအဖြစ်သို့ ပြောင်းလဲနိုင်ခဲ့ပါက၊ ယေရှု၏နာမသည်လည်း မပြောင်းလဲနိုင်သလော။ ဤအရာမှ မည်သည့်အရာမျှ မထူးဆန်းပေ။ ယင်းမှာ လူတို့သည် ရိုးအလွန်းကြခြင်းသာ ဖြစ်သည်။ ဘုရားသခင်သည် အစဉ်အမြဲ ဘုရားသခင်ဖြစ်လိမ့်မည်။ သူ၏အမှု မည်သို့ပြောင်းလဲသည်ဖြစ်စေ၊ ပြီးလျှင် သူ၏ အမည်နာမ မည်သို့ ပြောင်းလဲနိုင်သည်ကို ပဓာနမထားဘဲ၊ သူ၏စိတ်သဘောထားနှင့် ဉာဏ်ပညာတို့သည် မည်သည့်အခါတွင်မျှ ပြောင်းလဲလိမ့်မည်မဟုတ်။ ဘုရားသခင်ကို ယေရှု၏နာမဖြင့်သာ ခေါ်ဆိုနိုင်သည်ဟု သင်ယုံကြည်ပါက၊ သင်၏ အသိပညာသည် အလွန် နည်းပါးလွန်းလှပေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ကျွန်မ ဖတ်ပြီးတဲ့နောက်မှာ စိတ်ထဲမှာ တော်တော်ခံစားရတယ်။ ပညတ်တော်ခေတ်မှာ ဘုရားရဲ့နာမတော်က ယေဟောဝါဖြစ်ပြီး အဲဒီနာမည်နဲ့ ဣသရေလတွေကို ဘုရားက ဦးဆောင်ခဲ့ပုံကို ကျွန်မ စဉ်းစားမိတယ်။ ဒါပေမဲ့ သခင်ယေရှုက သူ့ရဲ့အမှုကို လုပ်ဆောင်ဖို့ ကြွလာတဲ့အခါမှာ ဘုရားသခင်ရဲ့ နာမတော်က ယေဟောဝါကနေ ယေရှုဆိုပြီး ပြောင်းမသွားဘူးလား။ ကျွန်မ တွေးမိတယ်။ “ဒါတွေအားလုံးက ဘယ်လိုသဘောမျိုးလဲ။ နောက်ဆုံးသောကာလမှာ သခင်က တကယ်ကို အမည်နာမအသစ် ရှိနိုင်သလား။ အနန္တတန်ခိုးရှင်ဘုရားသခင်က တကယ်ကို သခင်ယေရှုပေါ်ထွန်းခြင်းဖြစ်ပြီးတော့ ငါက စူးစမ်းလေ့လာမကြည့်ဘူးဆိုရင် သခင့်ကို ကြိုဆိုဖို့ အခွင့်အရေးကို ငါတကယ် ဆုံးရှုံးရရင် ဘယ်လောက် မိုက်မဲတဲ့သူ ဖြစ်မလဲ။” ပေါ့။ အနန္တတန်ခိုးရှင်ဘုရားသခင်ရဲ့ နောက်ဆုံးသောကာလအမှုတော်ကို လေ့လာဖို့ ကျွန်တော် ချက်ချင်းပဲ ဆုံးဖြတ်လိုက်တယ်။

အနန္တတန်ခိုးရှင်ဘုရားသခင် အသင်းတော်က အစ်ကိုချန်းကို အွန်လိုင်းကနေ ကျွန်တော် ဆက်သွယ်ခဲ့တယ်။ ကျွန်တော် နားမလည်နေတဲ့ဟာကို ဝတ်ပြုအစည်းအဝေးတစ်ခုမှာ သူ့ကို ပြောပြလိုက်တယ်။ “သမ္မာကျမ်းစာမှာက ‘ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။’ (ဟေဗြဲသြဝါဒစာ ၁၃:၈) လို့ ပြောထားတယ်။ သခင်ယေရှုရဲ့ နာမတော်က မပြောင်းလဲနိုင်ဘူး။ သူအခု ကြွလာရင် ယေရှုလို့ပဲ ခေါ်သင့်တယ်။ ဘယ်လိုဖြစ်ပြီး သူ့ကို အနန္တတန်ခိုးရှင်ဘုရားသခင်လို့ ခေါ်လို့ရမှာလဲ။ သခင်ယေရှုရဲ့ နာမတော်ကိုပဲ ကျွန်တော် အမြဲတမ်း ဆုတောင်းပြီး ခေါ်ဆိုတယ်။ ဒီတော့ တခြားနာမည်တစ်ခုကို ကျွန်တော် ဘယ်လိုလုပ် ဆုတောင်းလို့ရမှာလဲ။” ဆိုပြီး ပြောလိုက်တယ်။ အဲဒီမှာ အစ်ကိုချန်းက ဘုရားနှုတ်ကပတ်တော် နှစ်ပိုဒ်ကို ပို့လိုက်တယ်။ “ဘုရားသခင်သည် မပြောင်းလဲနိုင်ဘူး ပြောသူများရှိသည်။ ယင်းမှာ မှန်သော်လည်း ယင်းမှာ ဘုရားသခင်၏ စိတ်သဘောထားနှင့် သူ၏ အနှစ်သာရ မပြောင်းလဲနိုင်ခြင်းကို ဆိုလိုသည်။ ကိုယ်တော်၏ နာမတော်နှင့် အလုပ်ကို ပြောင်းလဲခြင်း သည် သူ၏ အနှစ်သာရ ပြောင်းလဲသွားပြီဟု သက်သေမခံပေ။ တစ်နည်းအားဖြင့်ဆိုသော် ဘုရားသခင်သည် အစဉ်အမြဲ ဘုရားသခင်ဖြစ်ပြီး ယင်းသည် မည်သည့်အခါမှ မပြောင်းလဲပေ။ အကယ်၍ သင်က ဘုရားသခင်၏ အလုပ်သည် ပြောင်းလဲခြင်းမရှိဟု ဆိုပါက၊ သူသည် သူ၏ နှစ်ခြောက်ထောင် စီမံခန့်ခွဲမှု အစီအစဉ်ကို အပြီးသတ်နိုင်စွမ်း ရှိပါမည်လော။ ဘုရားသခင်သည် ထာဝရ ပြောင်းလဲခြင်းမရှိကြောင်း သင်သိသော်လည်း ဘုရားသခင်သည် အစဉ်အမြဲ အသစ်ဖြစ်ပြီး မည်သည့်အခါမျှ မဟောင်းနွမ်းသည်ကို သင်သိပါသလော။ ဘုရားသခင်၏ အလုပ်သည် မပြောင်းလဲပါက သူသည် လူသားမျိုးနွယ်ကို ယနေ့အချိန်အထိ လမ်း တစ်လျှောက်လုံး ဦးဆောင်နိုင်ခဲ့ပါမည်လော။ ဘုရားသခင်သည် မပြောင်းလဲနိုင်ဟု ဆိုလျှင် ကိုယ်တော်သည် အဘယ်ကြောင့် ခေတ်နှစ်ခေတ်၏ အလုပ်ကို ပြီးစီးအောင် လုပ်ခဲ့နိုင်သနည်း။...သို့ဖြစ်ရာ နှုတ်ကပတ်တော်ဖြစ်သော ‘ဘုရားသခင်သည် အစဉ်အမြဲ အသစ်ဖြစ်ပြီး မည်သည့်အခါမျှ ဟောင်းနွမ်းခြင်းမရှိ’ ဆိုသည်မှာ သူ၏ အလုပ်ကို ရည်ညွှန်းပြီး နှုတ်ကပတ်တော်ဖြစ်သော ‘ဘုရားသခင်သည် ပြောင်းလဲခြင်းမရှိ’ ဆိုသည်မှာ ဘုရားသခင်၏ ပင်ကိုဖြစ်သော အရာအားလုံးနှင့် ဖြစ်ခြင်းကို ရည်ညွှန်းသည်။ မည်သို့ပင်ဖြစ်စေ သင်သည် နှစ်ခြောက်ထောင်အလုပ်ကို နေရာတစ်ခုအပေါ်တွင် မပြုလုပ်နိုင် သို့မဟုတ် သေဆုံးနေသော စကားလုံးများဖြင့် ယင်းကို ဘောင်ခတ်ခြင်းမပြုနိုင်ပေ။ ယင်းမှာ လူသား၏ တုံးအမှုဖြစ်သည်။ ဘုရားသခင်သည် လူသား ထင်မြင်သကဲ့သို့ ရိုးရှင်းခြင်း မရှိဘဲ မည်သည့် ခေတ်တစ်ခုတွင်မဆို သူ၏ အလုပ်သည် တရစ်ဝဲဝဲ စွဲကျန်ရစ်ခြင်း မရှိပေ။ ဥပမာအားဖြင့် ယေဟောဝါသည် ဘုရားသခင်၏ နာမတော် အဖြစ် အစဉ်အမြဲ ရပ်တည်မနေနိုင်ပေ။ ဘုရားသခင်သည် ယေရှု နာမတော် အောက်တွင် သူ၏ အလုပ်ကို လုပ်နိုင်သေးသည်။ ယင်းမှာ ဘုရားသခင်၏ အလုပ်သည် အစဉ်အမြဲ ရှေ့သို့ တိုးတက်ခြင်းဖြင့် ရွေ့လျား နေသည့် လက္ခဏာ ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏)

ဖတ်ပြီးတဲ့နောက်မှာ အစ်ကိုချန်းက ဒီလို မိတ်သဟာယဖွဲ့ပါတယ်။ “ဘုရားသခင်သည် မပြောင်းလဲနိုင် ဆိုတဲ့စကားက ဘုရားသခင်ရဲ့ စိတ်သဘောထားနဲ့ အနှစ်သာရကို ဆိုလိုတာပါ။ သူ့ရဲ့ နာမတော်က ဘယ်တော့မှ မပြောင်းလဲနိုင်ဘူးလို့ ဆိုလိုတာမဟုတ်ပါဘူး။ ဘုရားသခင်က အမြဲတမ်း အသစ်ဖြစ်ပြီး ဘယ်တော့မှ ဟောင်းမသွားဘူး။ သူ့ရဲ့ အမှုတော်က အမြဲတမ်း ရှေ့ဆက်နေပြီး နာမတော်က အမှုတော်နဲ့အတူ ပြောင်းလဲပါတယ်။ ဒါပေမဲ့ ဘုရားရဲ့ နာမတော်က ဘယ်လိုပဲ ပြောင်းလဲနိုင်ပါစေ သူ့ရဲ့ စိတ်သဘောထားနဲ့ အနှစ်သာရက ဘယ်တော့မှ မပြောင်းလဲနိုင်ဘူး။ ဘုရားသခင်က ထာဝရ ဘုရားသခင်ပါပဲ။ မပြောင်းလဲနိုင်ဘူးဆိုတာ ဒါကို ပြောတာပါ။ ဘုရားသခင်က မပြောင်းလဲနိုင်ဘူးဆိုတာ ဘာကို ဆိုလိုတယ်ဆိုတာ ကျွန်တော်တို့ နားမလည်ရင် ဘုရားသခင်ရဲ့ အမှုတော်က အမြဲတမ်းအသစ်ဖြစ်ပြီး ဘယ်တော့မှ မဟောင်းဘူးဆိုတာကို နားမလည်ရင် ကျွန်တော်တို့ဟာ ကိုယ့်အယူအဆတွေအပေါ် အခြေခံပြီး ဘုရားရဲ့ အမှုတော်ကို ဘောင်ခတ်တတ်ကြပါတယ်။ ပြီးတော့ ဘုရားကို အာခံပြီး ဝေဖန်တာတောင် လုပ်တတ်ကြတယ်။ ဖာရိရှဲတွေက ကျမ်းစာကို ဖက်တွယ်ပြီးတော့ မေရှိယကို စောင့်မျှော်ခဲ့ကြတယ်။ ဒါပေမဲ့ သခင် ကြွလာတဲ့အခါ သူ့နာမည်က မေရှိယမဟုတ်ဘဲ ယေရှုဖြစ်တယ်။ အဲဒါနဲ့ သူတို့က ကိုယ်တော်ကို ငြင်းပယ်ပြီး ရှုတ်ချခဲ့ကြတယ်။ ကိုယ်တော်ရဲ့ စကားတွေနဲ့ လုပ်ဆောင်မှုတွေက သြဇာအာဏာနဲ့ တန်ခိုးရှိတာကို သူတို့ သိပေမဲ့ မစူးစမ်းရုံတင်မကဘဲ အာခံရှုတ်ချခဲ့ကြတယ်။ နောက်ဆုံးတော့ ယေရှုကို ကားတိုင်မှာ သံနဲ့ရိုက်ဖို့အတွက် ရောမသားတွေနဲ့ ပေါင်းကြံခဲ့ကြပြီး ဆိုးဝါးတဲ့ လုပ်ရပ်ကြီးကို ကျူးလွန်ခဲ့ကြတယ်။ ကျွန်တော်တို့က သမ္မာကျမ်းစာကို အခု ဖက်တွယ်နေပြီး ယေရှုရဲ့နာမတော်က ဘယ်တော့မှ မပြောင်းလဲနိုင်ဘူး၊ သူသာ ကယ်တင်ရှင်ဖြစ်တယ်လို့ ယုံကြည်ပြီးတော့ အနန္တတန်ခိုးရှင်ဘုရားသခင်ရဲ့ နောက်ဆုံးသောကာလအမှုတော်ကို ငြင်းပယ်ပြီး ရှုတ်ချရင် ကျွန်တော်တို့က ဖာရိရှဲတွေလိုပဲ ဖြစ်သွားမှာမဟုတ်လား။ ဒါဆိုရင် ကျွန်တော်တို့က ဘုရားကို အာခံပြီး ဘုရားရဲ့ စိတ်သဘောထားကို ပုန်ကန်ပြစ်မှားမိဖို့ များနေမှာပဲ။” ဆိုပြီးတော့ မိတ်သဟာယဖွဲ့တယ်။

ကျွန်မ နောက်ဆုံးတော့ နားလည်သွားတယ်။ သမ္မာကျမ်းစာထဲမှာ “ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။” လို့ ပြောတာက ဘုရားသခင်ရဲ့ စိတ်သဘောထားနဲ့ အနှစ်သာရကို ဆိုလိုတာ။ ဘုရားရဲ့ နာမတော်က ဘယ်တော့မှ မပြောင်းလဲနိုင်ဘူးလို့ ဆိုလိုတာမဟုတ်ဘူး။ သင်းအုပ်ဆရာတွေရဲ့ တရားဒေသနာတွေက သူတို့ရဲ့ ကိုယ်ပိုင်အယူအဆနဲ့ စိတ်ကူးထင်မြင်မှုတွေအပေါ် အခြေခံထားပြီး သမ္မာကျမ်းစာကိုလည်း တကယ်တမ်း နားမလည်ဘူးဆိုတာ ကျွန်မ သိခဲ့ရတယ်။

အဲဒီမှာ အစ်ကိုချန်းက ဘုရားနှုတ်ကပတ်တော် တချို့ဖတ်ပြတယ်။ “ခေတ်တစ်ခုစီတိုင်းတွင်၊ ဘုရားသခင်သည် အလုပ်သစ်ကို လုပ်ဆောင်ပြီး အမည်သစ် ခေါ်ဆိုခံရသည်။ မတူသောခေတ်များတွင် တူညီသော အလုပ်ကို သူ့အနေဖြင့် မည်သို့လျှင် လုပ်နိုင်မည်နည်း။ အဘယ်သို့လျှင် အဟောင်းကို သူတွယ်ဖက်ထားနိုင်မည်နည်း။ ယေရှုအမည်နာမကို ရွေးနုတ်ခြင်းအလုပ် လုပ်ရန်အတွက် ယူထားခြင်းဖြစ်ရာ၊ နောက်ဆုံးသောကာလတွင် သူပြန်လည်ကြွလာသောအခါ ထိုအမည်ကိုပင် ခေါ်နေဆဲဖြစ်မည်လော။ သူသည် ရွေးနုတ်ခြင်းအလုပ်ကို လုပ်နေဆဲ ဖြစ်မည်လော။ ယေဟောဝါနှင့် ယေရှုသည် တစ်လုံးတစ်ဝတည်းဖြစ်သော်လည်း မတူညီသော ခေတ်များတွင် မတူညီသောနာမတော်များဖြင့် ခေါ်ဆိုခံရခြင်းမှာ အဘယ်ကြောင့်နည်း။ ယင်းသို့ ခေါ်ဆိုခံရခြင်းမှာ သူတို့အလုပ်၏ ခေတ်များသည် မတူညီခြင်းကြောင့် မဟုတ်သလော။ အမည်တစ်ခုတည်းက ဘုရားသခင်ကို လုံးလုံးလျားလျား ကိုယ်စားပြုနိုင်သလော။ ထိုသို့ဖြစ်သောကြောင့် ဘုရားသခင်ကို မတူညီသော ခေတ်တစ်ခေတ်တွင် မတူသော အမည်တစ်ခုဖြင့် ခေါ်ဆိုရလိမ့်မည်ဖြစ်ပြီး၊ ခေတ်ကို ပြောင်းလဲရန်နှင့် ကိုယ်စားပြုရန် အမည်နာမကို အသုံးပြုရမည်။ အကြောင်းမှာ မည်သည့်အမည် တစ်ခုကမျှ ဘုရားသခင်ကိုယ်တော်တိုင်ကို အပြည့်အဝ ကိုယ်စားမပြုနိုင်သောကြောင့်ဖြစ်ပြီး အမည်တစ်ခုချင်းသည် သက်ဆိုင်ရာခေတ်တွင် ဘုရားသခင် စိတ်သဘောထား၏ ယာယီရှုထောင့်ကိုသာလျှင် ကိုယ်စားပြုနိုင်သောကြောင့် ဖြစ်သည်။ ယင်းအမည် လုပ်ရမည့်အလုပ် အားလုံးမှာ သူ၏အလုပ်ကို ကိုယ်စားပြုရန်ဖြစ်သည်။ သို့ဖြစ်ရာ ဘုရားသခင်သည် ခေတ်တစ်ခုလုံးကို ကိုယ်စားပြုရန် သူ၏စိတ်သဘောထားနှင့် လိုက်လျောညီထွေရှိစေမည့် မည်သည့်နာမတော်ကိုမဆို ရွေးချယ်နိုင်သည်။” “‘ယေဟောဝါ’ ဆိုသည်မှာ ဣသရေလ၌ ငါအမှုပြုစဉ်အတွင်း ခံယူခဲ့သောနာမဖြစ်ပြီး လူသားအပေါ် သနားညှာတာကာ ကျိန်ဆဲ၍ လူသား၏ဘဝကို လမ်းပြပေးနိုင်မည့် ဣသရေလ အမျိုးသား (ဘုရားသခင်ရွေးချယ်ထားသောလူမျိုး) တို့၏ ဘုရားသခင်ဟု အဓိပ္ပာယ်ရသည်။ ကြီးမြတ်လှသော တန်ခိုးကို ပိုင်ဆိုင်ပြီး ဉာဏ်ပညာနှင့် ပြည့်ဝသည့် ဘုရားသခင်ဟု အဓိပ္ပာယ်ရသည်။ ‘ယေရှု’ သည် ဧမာနွေလဖြစ်ပြီး လူသားတို့ကို ရွေးနုတ်ပေး၍ ချစ်ခြင်းမေတ္တာ၊ သနားကရုဏာစိတ်များဖြင့် ပြည့်ဝသည့် အပြစ်ဖြေရာယဇ်ဟု ဆိုလိုသည်။ သူသည် ကျေးဇူးတော်ခေတ်၏ အမှုကို ထမ်းဆောင်ခဲ့ကာ၊ ကျေးဇူးတော်ခေတ်ကို ပုံဆောင်ခဲ့ပြီး၊ စီမံခန့်ခွဲမှု အစီအစဉ်၏ တစ်စိတ်တစ်ဒေသကိုသာ ကိုယ်စားပြုနိုင်သည်။...ကျေးဇူးတော်ခေတ်မှ လူများအား ပြန်လည် မွေးဖွားစေပြီး ကယ်တင်ခြင်းခံရစေရန်အတွက် ယေရှု၏ အမည်နာမ ရှိနေခဲ့ခြင်းဖြစ်ကာ ထိုနာမသည် လူသားမျိုးနွယ် တစ်ရပ်လုံးကို ရွေးနုတ်ခြင်းအတွက် အထူးနာမတစ်ခုဖြစ်သည်။ ထို့ကြောင့် ယေရှု၏အမည်နာမသည် ရွေးနုတ်ခြင်းကို ကိုယ်စားပြုပြီး ကျေးဇူးတော်ခေတ်ကို သင်္ကေတပြုသည်။ ယေဟောဝါဟူသော အမည်နာမက ပညတ်တရားအောက်တွင် နေထိုင်ခဲ့သော ဣသရေလ လူမျိုးတို့အတွက် အထူးအမည်နာမဖြစ်သည်။ ခေတ်တစ်ခေတ် စီတိုင်းတွင်နှင့် အမှု၏အဆင့်တစ်ခုစီတိုင်းတွင် ငါ၏နာမသည် အခြေအမြစ် ကင်းမဲ့ခြင်းမရှိဘဲ ကိုယ်စားပြုသော အဓိပ္ပာယ်ကို ဆောင်သည်- အမည်နာမတစ်ခုစီက ခေတ်ကာလတစ်ခုကို ကိုယ်စားပြု သည်။ ‘ယေဟောဝါ’ က ပညတ်တော်ခေတ်ကို ကိုယ်စားပြု၍ ဣသရေလအမျိုးသားတို့ ကိုးကွယ်ကြသော ဘုရားသခင်ကို ရိုသေသမှုပြုကာ သုံးခြင်းဖြစ်သည်။ ‘ယေရှု’ သည် ကျေးဇူးတော်ခေတ်ကို ကိုယ်စားပြုပြီး ကျေးဇူးတော်ခေတ်အတွင်းက ရွေးနုတ်ခံခဲ့ရသူ အားလုံးနှင့်ဆိုင်သော ဘုရားသခင်၏နာမဖြစ်သည်။ နောက်ဆုံးသော ကာလအတွင်း ကယ်တင်ရှင်ယေရှု ကြွလာရန်အတွက် လူသားတို့ တောင့်တနေဆဲဖြစ်ပြီး ယုဒပြည်တွင်ရှိခဲ့သော ရုပ်သွင်အတိုင်း သူကြွလာရန် မျှော်မှန်းနေဆဲဖြစ်ပါက ရွေးနုတ်ရာခေတ်တွင် နှစ်ပေါင်း ခြောက်ထောင် စီမံခန့်ခွဲမှု အစီအစဉ် တစ်ခုလုံး ရပ်တန့်သွားမည်ဖြစ်ကာ ရှေ့ဆက်တိုးတက်နိုင်တော့မည် မဟုတ်ပေ။ ထို့အပြင် နောက်ဆုံးသော ကာလသည် မည်သည့်အခါမျှ ရောက်လာလိမ့်မည် မဟုတ်တော့ဘဲ ခေတ်ကာလသည်လည်း မည်သည့်အခါမျှ အဆုံးသတ်တော့မည် မဟုတ်ပေ။ အဘယ်ကြောင့်ဆိုသော် ကယ်တင်ရှင်ယေရှုသည် လူသားမျိုးနွယ်တို့၏ ရွေးနုတ်ခြင်းနှင့် ကယ်တင်ခြင်းအတွက်သာ ဖြစ်သောကြောင့်ဖြစ်သည်။ ကျေးဇူးတော်ခေတ်မှ အပြစ်သားအားလုံး အဖို့အလို့ငှာ ယေရှု၏နာမကို ငါခံယူခဲ့ခြင်းဖြစ်ကာ ယင်းနာမသည် လူသားမျိုးနွယ် တစ်ရပ်လုံးကို အဆုံးသတ်တစ်ခုဆီသို့ ငါဆောင်ကြဉ်းမည့် နာမမဟုတ်ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏)

ပြီးတော့ အစ်ကိုချန်းက မိတ်သဟာယဖွဲ့တယ်။ “ဘုရားသခင်ရဲ့ စီမံခန့်ခွဲမှုအစီအစဉ်ကို ခေတ်သုံးခေတ်မှာ ခွဲခြားထားပါတယ်။ အမှုတော်တစ်ဆင့်ကို သူလုပ်ဆောင်ပြီး ခေတ်တစ်ခုစီမှာ သူ့ရဲ့ စိတ်သဘောထား တစ်ပိုင်းကို ဖော်ပြတယ်။ ခေတ်တစ်ခုစီမှာ သူ ယူတဲ့ နာမတော်တွေက အဲဒီခေတ်မှာရှိတဲ့ သူ့ရဲ့ အမှုတော်နဲ့ စိတ်သဘောထားကို ကိုယ်စားပြုပါတယ်။ ဒါပေမဲ့ အဲဒါက ဘုရားသခင်ရဲ့ အလုံးစုံကို ကိုယ်စားမပြုနိုင်ပါဘူး။ ပညတ်တော်ခေတ်မှာ ဘုရားရဲ့နာမတော်က ယေဟောဝါဖြစ်တယ်။ ဒီနာမတော်က ပညတ်တော်ခေတ်က ဘုရားရဲ့ အမှုတော်ကို ကိုယ်စားပြုခဲ့တယ်။ ဘုန်းအာနုဘော်ဖြစ်တဲ့၊ အမျက်ဒေါသဖြစ်တဲ့၊ ညှာတာတတ်တဲ့၊ ကျိန်ဆဲတတ်တဲ့ သူ့ရဲ့ စိတ်သဘောထား ရှုထောင့်တွေကိုလည်း ကိုယ်စားပြုခဲ့တယ်။ ဥပဒေနဲ့ ပညတ်တော်တွေကို ကြေညာဖို့၊ ကမ္ဘာပေါ်မှာရှိတဲ့ လူတွေရဲ့ ဘဝတွေကို ဦးဆောင်ဖို့ ယေဟောဝါဆိုတဲ့ အမည်နာမကို ဘုရားသခင် အသုံးပြုခဲ့ပါတယ်။ လူတွေရဲ့ အပြုအမူတွေကို စည်းမျဉ်းတွေနဲ့ ထိန်းသိမ်းခဲ့ပြီး လူတိုင်းက ဘုရားကို ဘယ်လိုကိုးကွယ်ရမယ်ဆိုတာ သိခဲ့ကြတယ်။ ဒါပေမဲ့ အဲဒီခေတ်ရဲ့ အဆုံးမှာ လူတွေက စာတန်ကြောင့် ပိုပိုပြီး အကျင့်ပျက်လာကြတယ်။ ဥပဒေနဲ့ ပညတ်တော်တွေကို မထိန်းသိမ်းနိုင်ကြတော့ဘူး။ လူတိုင်းက စီရင်ခံရပြီး သေခြင်း ခံရမယ့် အန္တရာယ်မှာရှိနေကြတယ်။ လူကို ဥပဒေတွေကနေ ကယ်တင်ဖို့အတွက် ဘုရားသခင်က လူ့ဇာတိခံယူပြီး ယေရှုဆိုတဲ့ အမည်နာမနဲ့ ရွေးနုတ်ခြင်းအမှုကို လုပ်ဆောင်ခဲ့တယ်။ ကျေးဇူးတော်ခေတ်နဲ့ ပညတ်တော်ခေတ်ကို အစပြုခဲ့တယ်။ သခင်ယေရှုက နောင်တလမ်းကို ပေးအပ်ခဲ့တယ်။ ဖျားနာသူကို ကုသပြီး နတ်ဆိုးတွေကို နှင်ထုတ်ခဲ့တယ်။ လူတွေရဲ့ အပြစ်တွေကို ခွင့်လွှတ်ခဲ့တယ်။ ဘုရားသခင်ရဲ့ ညှာတာပြီး ချစ်တတ်တဲ့ စိတ်သဘောထားကိုလည်း သူ ဖော်ပြခဲ့တယ်။ နောက်ဆုံးမှာ ကားစင်တင်ခံခဲ့ရပြီး လူသားမျိုးနွယ်အားလုံးကို ရွေးနုတ်ခြင်းအမှု ပြီးပြည့်စုံခဲ့တယ်။ ယေရှုကို ကယ်တင်ရှင်အဖြစ် လက်ခံသူ၊ သူ့ရဲ့အမည်နာမနဲ့ ဆုတောင်းသူ၊ ဝန်ချသူ၊ နောင်တရသူတွေအားလုံးဟာ သူတို့အပြစ်တွေ ခွင့်လွှတ်ခြင်းခံရပြီး သခင် ပေးသနားတဲ့ ငြိမ်သက်ခြင်းနဲ့ ဝမ်းမြောက်မှုကို ရရှိကြတယ်။ သခင်ယေရှုက ရွေးနုတ်ခြင်းအမှုကို ပြုခဲ့တာဖြစ်ပြီး နောက်ဆုံးသောကာလမှာ လူသားမျိုးနွယ်ကို တရားစီရင်ပြီး သန့်စင်ခြင်းအမှုကို ပြုခဲ့တာမဟုတ်တဲ့အတွက် ကျွန်တော်တို့ ရဲ့ ယုံကြည်မှုက ကျွန်တော်တို့ အပြစ်တွေ ခွင့်လွှတ်ခြင်းခံရတယ်လို့ အဓိပ္ပာယ်ရပေမဲ့ ကျွန်တော်တို့ရဲ့ အပြစ်ပြုတတ်တဲ့ သဘာဝက ကျန်နေပါတယ်။ အပြစ်ပြုလိုက်၊ ဝန်ချလိုက်ဖြစ်တဲ့ ဆိုးဝါးတဲ့ သံသရာထဲမှာပဲ ကျွန်တော်တို့ ရှင်သန်နေတုန်းပါ။ ကျွန်တော်တို့တွေဟာ အချိန်ပြည့် လိမ်ညာ လှည့်စားနေကြတုန်းပဲ။ လောကီအရာတွေနောက်ကို ကျွန်တော်တို့ လိုက်ကြတယ်။ မနာလို၊ မုန်းတီးကြတယ် စသဖြင့်ပေါ့။ အပြစ်ထဲမှာ ကျွန်တော်တို့ အသက်ရှင်ကြတယ်။ လွတ်မြောက်ဖို့ မတတ်နိုင်ကြဘူး။ ဒါကြောင့် ဘုရားသခင်ရဲ့ နိုင်ငံတော်ထဲကို ဝင်ရောက်နိုင်ဖို့အတွက် ကျွန်တော်တို့တွေကို အပြစ်ရဲ့ ချည်နှောင်မှုကနေ အပြီးသတ်ကယ်တင်ပြီး သန့်စင်ဖို့အတွက် ဘုရားသခင်ဟာ တရားစီရင်ခြင်းနဲ့ သန့်စင်ခြင်းအမှုကို ပြုဖို့ နောက်ဆုံးသောကာလမှာ နောက်တစ်ခါ လူ့ဇာတိခံယူခဲ့ပါတယ်။ နိုင်ငံတော်ခေတ်ကို စတင်ခဲ့ပြီး ကျေးဇူးတော်ခေတ်ကို အဆုံးသတ်ခဲ့တယ်။ သူ့ရဲ့အမည်နာမကလည်း အနန္တတန်ခိုးရှင်ဘုရားသခင်ဆိုပြီး ပြောင်းလဲခဲ့တယ်။ ဒါဟာ ဗျာဒိတ်ကျမ်းထဲက ဒီ ပရောဖက်ပြုချက်တွေကို အတိအကျကို ပြည့်စုံစေတာပါ။ ‘ငါသည် အာလဖဖြစ်၏။ ဩမေဃလည်း ဖြစ်၏ ဟု အနန္တတန်ခိုးနှင့်ပြည့်စုံတော်မူ၍၊ ပစ္စုပ္ပန်၊ အတိတ်၊ အနာဂတ်ကာလအစဉ် ရှိတော်မူသော ထာဝရ အရှင် ဘုရားသခင် မိန့်တော်မူ၏။’ (ဗျာဒိတ်ကျမ်း ၁:၈) ‘အကြင်သူသည် အောင်မြင်၏။ ထိုသူကို ငါသည်ငါ၏ဘုရား သခင်ဗိမာန်တော်၌ တိုင်ဖြစ်စေမည်။ နောင်တဖန်သူသည်ပြင်သို့ မရွေ့ရ။ ငါ၏ ဘုရားသခင် နာမတော်ကို၎င်း၊ ငါ၏ဘုရားသခင့်အထံတော် မှထွက်၍၊ ကောင်းကင်ဘုံမှ ဆင်းသက်သော ယေရုရှလင် မြို့သစ် တည်းဟူသော၊ ငါ၏ဘုရားသခင် မြို့တော်၏ နာမကို၎င်း၊ ငါ၏နာမသစ်ကို၎င်း၊ ထိုသူအပေါ်၌ ငါသည် အက္ခရာတင်မည်။’ (ဗျာဒိတ်ကျမ်း ၃:၁၂)”

ကျွန်မ အမြင်တွေ ပွင့်သွားပြီး နောက်ဆုံးသောကာလမှာ သခင်က သူ့ရဲ့အမည်နာမကို ပြောင်းလဲလိုက်တာကို သိသွားခဲ့တယ်။ ဒီ ကျမ်းပိုဒ်တွေကို ကျွန်မ အရင်က ဖတ်ခဲ့ပါတယ်။ ဒါဆို ဘာကြောင့် နားမလည်ခဲ့တာလဲ။ သခင်က နောက်ဆုံးသောကာလမှာ ပြန်ကြွလာတဲ့အခါ အနန္တတန်ခိုးရှင်ဆိုပြီး အမည်နာမအသစ် ရှိလာမယ် ဆိုပြီး ရှင်းရှင်းလင်းလင်း ပရောဖက်ပြုထားတာပဲ။ ဒါပေမဲ့ ကျွန်မက “ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။” (ဟေဗြဲသြဝါဒစာ ၁၃:၈) ဆိုတာကို အမြဲယုံကြည်ထားပြီး ယေရှုရဲ့ အမည်နာမက ဘယ်တော့မှ မပြောင်းလဲနိုင်ဘူးလို့ သတ်မှတ်ခဲ့တာ။ ကျွန်မက နောက်ဆုံးသောကာလ ဘုရားရဲ့ အမှုတော်ကို တစ်ချိန်လုံး ငြင်းပယ်ပြီး အာခံနေခဲ့တာပဲ။ ကျွန်မ တော်တော်ကို အသိနည်းခဲ့တာပဲ။ အခုတော့ ကျွန်မ သိခဲ့ပြီ။ ဘုရားသခင်ဟာ အမှုတော်အသစ်တစ်ခုကို အစပြုတဲ့အခါတိုင်းမှာ အမည်နာမအသစ်တစ်ခုယူတယ်။ ခေတ်ကို ပြောင်းဖို့၊ အဲဒီခေတ်မှာရှိတဲ့ သူ့ရဲ့အမှုတော်နဲ့ စိတ်သဘောထားကို ကိုယ်စားပြုဖို့ ဒီအမည်နာမကို သူ အသုံးပြုတယ်။ ခေတ်တစ်ခုစီတိုင်းမှာ ဘုရားသခင် ယူဆောင်တဲ့အမည်နာမဟာ တော်တော်ကို အရေးပါတယ်ဆိုတာ ကျွန်မ သဘောပေါက်ခဲ့တယ်။ ဘုရားရဲ့ အမည်နာမက မပြောင်းလဲနိုင်ဘူး၊ နောက်ဆုံးသောကာလမှာ သူက ယေရှုအဖြစ်ကြွလာမယ်ဆိုတဲ့ ကိုယ့်အယူအဆအတိုင်း သွားရင် ဘုရားရဲ့ အမှုတော်က ဘယ်လိုလုပ် ရှေ့ဆက်တော့မလဲ။ ကျေးဇူးတော်ခေတ်ပဲ အမြဲတမ်းဖြစ်နေမယ်မဟုတ်လား။ ဒါကို ကျွန်မ သဘောပေါက်သွားတဲ့အခါမှာ အနန္တတန်ခိုးရှင်ဘုရားသခင်ဆိုတဲ့ နောက်ဆုံးသောကာလ ဘုရားသခင်ရဲ့ အမည်နာမအသစ်နဲ့ပတ်သက်ပြီး ဘာ သံသယမှ မရှိတော့ဘူး။

နောက်တော့ အစ်ကိုချန်းက ဘုရားနှုတ်ကပတ်တော် တစ်ပိုဒ်ကို ဖတ်ပြတယ်။ “ငါ့အား တစ်ခါက ယေဟောဝါဟု သိရှိခဲ့ကြသည်။ ငါ့ကို မေရှိယဟုလည်း လူအများ ခေါ်ခဲ့ကြသည့်အပြင် ထိုသူများက ငါ့အားလေးစားပြီး ချစ်မြတ်နိုးခဲ့ကြသည့်အတွက် ကယ်တင်ရှင်ယေရှု ဟုလည်း တစ်ချိန်က ခေါ်ခဲ့ကြသည်။ သို့သော်လည်း ယနေ့တွင် ငါသည် လူအများ အတိတ်က သိခဲ့ကြသည့် ယေဟောဝါလည်းမဟုတ်၊ ယေရှုလည်းမဟုတ်ပေ- ငါသည် နောက်ဆုံးသောကာလတွင် တစ်ဖန်ပြန်ကြွလာခဲ့သည့် ဘုရားသခင်၊ ထိုခေတ်ကို အဆုံးသတ်မည့် ဘုရားသခင်ဖြစ်ပေသည်။ ငါသည် မြေကြီးစွန်းမှ ထမြောက်တော်မူသော၊ ငါ၏အလုံးစုံသော စိတ်နေသဘောထားနှင့် ပြည့်ဝသော၊ သြဇာအာဏာနှင့် ပြည့်ဝသော၊ ဂုဏ်သိက္ခာ၊ ဘုန်းအာနုဘော်တို့နှင့် ပြည့်နှက်နေသော ဘုရားသခင် ကိုယ်တော်တိုင်ဖြစ်သည်။ လူအများသည် ငါနှင့် မည်သည့်အခါမျှ ဆက်ဆံခြင်း၊ သိကျွမ်းဖူးခြင်း မရှိကြ၊ ငါ၏စိတ်နေသဘောထားကို အမြဲတစေ မသိရှိခဲ့ကြပေ။ ကမ္ဘာမြေကြီးကို ဖန်ဆင်းခဲ့သည့် အချိန်မှစ၍ ယနေ့တိုင် မည်သည့်ပုဂ္ဂိုလ် တစ်ဦးတစ်ယောက်မျှ ငါ့အား မြင်ဖူးခဲ့ခြင်း မရှိပေ။ ဤသည်မှာ နောက်ဆုံးသောကာလအတွင်း လူသားတို့ထံ ပေါ်ထွန်းလာခဲ့သော်လည်း လူသားတို့အကြားတွင် ဖုံးကွယ်ထားသော ဘုရားသခင် ဖြစ်ပေသည်။ သူသည် လောင်ကျွမ်းနေသော နေမင်းနှင့် တောက်လောင်နေသော မီးကဲ့သို့၊ တန်ခိုးနှင့်ပြည့်လျက်၊ သြဇာအာဏာဖြင့် ပြည့်လျှံလျက် လူသားတို့အကြားတွင် အမှန်တကယ် စစ်မှန်စွာ နေထိုင်လျက်ရှိသည်။ ငါ့နှုတ်ကပတ်တော်များအားဖြင့် တရားစီရင်ခြင်းမခံရမည့် လူပုဂ္ဂိုလ်၊ သို့မဟုတ် အရာဝတ္ထုတစ်ခုမျှမရှိပါ၊ မီး၏လောင်ကျွမ်းခြင်းအားဖြင့် သန့်စင်ခြင်း မခံရမည့် လူပုဂ္ဂိုလ်၊ သို့မဟုတ် အရာဝတ္ထုလည်း တစ်ခုမျှမရှိပါ။ တိုင်းနိုင်ငံအားလုံးသည် နောက်ဆုံးတွင် ငါ့နှုတ်ကပတ်တော်များကြောင့် ကောင်းချီးပေးခံရမည်ဖြစ်ပြီး ငါ့နှုတ်ကပတ်တော်များကြောင့်ပင် တစ်စစီ ကြေမွပျက်စီး သွားလိမ့်မည် ဖြစ်သည်။ ဤနည်းအားဖြင့် နောက်ဆုံးသောကာလ၌ ငါသည် ပြန်ကြွလာသော လူအပေါင်းတို့၏ ကယ်တင်ရှင်ဖြစ်သည်၊ လူသားမျိုးနွယ် အပေါင်းတို့ကို သိမ်းပိုက်သော အနန္တတန်ခိုးရှင် ဘုရားသခင်ဖြစ်သည်၊ ထို့အပြင် ငါသည် တစ်ချိန်က လူသားတို့အတွက် အပြစ်ဖြေရာယဇ် ဖြစ်ခဲ့သော်လည်း နောက်ဆုံးသောကာလတွင် ခပ်သိမ်းသောအရာတို့ကို လောင်ကျွမ်းစေသည့် နေမင်း၏ မီးတောက်မီးလျှံများလည်း ဖြစ်လာ သကဲ့သို့ ခပ်သိမ်းသောအရာတို့ကို ဖော်ထုတ်သည့် ဖြောင့်မတ်ခြင်း၏ နေမင်းလည်း ဖြစ်လာသည်ကို လူသားအားလုံး တွေ့ရလိမ့်မည်။ ယင်းက နောက်ဆုံးသောကာလရှိ ငါ၏အမှုပင်ဖြစ်သည်။ ငါသည် ဖြောင့်မတ်သော ဘုရားသခင်၊ လောင်ကျွမ်းနေသောနေမင်းနှင့် တောက်လောင်နေသော မီးတောက်မီးလျှံဖြစ်သည်ကို လူအားလုံး တွေ့မြင်နိုင်ရန်အလို့ငှာ ဤအမည်နာမကို ငါခံယူခဲ့ပြီး ဤစိတ်နေသဘောထားကို ငါပိုင်ဆိုင် ထားသည်။ လူအားလုံးသည် ငါ့အား စစ်မှန်သည့် တစ်ဆူတည်းသော ဘုရားသခင်အဖြစ် ဝတ်ပြုကိုးကွယ်စေရန်နှင့် ငါ၏စစ်မှန်သော မျက်နှာကို တွေ့မြင်နိုင်စေရန်အလို့ငှာ ဖြစ်သည်- ငါသည် ဣသရေလအမျိုးသားတို့၏ ဘုရားသခင်အဖြစ်သာမဟုတ်၊ ရွေးနုတ်ရှင်အဖြစ်သာ မဟုတ်ဘဲ ငါသည် ကောင်းကင်၊ မြေကြီးနှင့် ပင်လယ်ပြင်တစ်ခွင်လုံးမှ အားလုံးသော သတ္တဝါများ၏ ဘုရားသခင် ဖြစ်ပေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏)

ပြီးတော့ အစ်ကိုချန်းက မိတ်သဟာယဖွဲ့တယ်။ “နောက်ဆုံးသောကာလမှာ အနန္တတန်ခိုးရှင်ဘုရားသခင်က နိုင်ငံတော်ခေတ်ရဲ့ တရားစီရင်ခြင်းအမှုကို စတင်ခဲ့ပြီး လူသားမျိုးနွယ်ကို သန့်စင်ပြီး ကယ်တင်ဖို့ လိုအပ်တဲ့ သမ္မာတရားအားလုံးကို ဖော်ပြပါတယ်။ လူကို ကယ်တင်ဖို့ ဘုရားရဲ့ စီမံခန့်ခွဲမှုရဲ့ နက်နဲမှုကို ဖွင့်ပြပြီး စာတန်ကြောင့် လူသားမျိုးနွယ်ရဲ့ ဖောက်ပြန်ပျက်စီးမှုနဲ့ လူက အပြစ်ပြုပြီး ဘုရားကို အာခံရခြင်း အကြောင်းရင်းကို ဖော်ထုတ်ပြတယ်။ ဖောက်ပြန်ပျက်စီးတဲ့ လူသားမျိုးနွယ်ရဲ့ ပုန်ကန်ခြင်းနဲ့ မဖြောင့်မတ်ခြင်းကို သူ တရားစီရင်တယ်။ အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေက လူတွေကို သူတို့ရဲ့ စိတ်သဘောထားတွေ ပြောင်းဖို့ နည်းလမ်းကို ပြသပေးတယ်။ အနန္တတန်ခိုးရှင်ဘုရားသခင်ရဲ့ နာမတော်ကို လက်ခံပြီး ဘုရား နှုတ်ကပတ်တော်တွေရဲ့ တရားစီရင်ခြင်း၊ ပြစ်တင်ဆုံးမခြင်း၊ စမ်းသပ်ခြင်းနဲ့ စစ်ဆေးခြင်းတွေကို ကြုံရတဲ့သူအားလုံး၊ အပြစ်တွေ ပယ်ရှင်းပြီး သန့်စင်ခံရသူအားလုံးဟာ ကပ်ဘေးဆိုးကြီးတွေကနေ လွတ်မြောက်လိမ့်မယ်။ ဘုရားရဲ့ ကောင်းချီးတွေနဲ့ ကတိတော်တွေကို ခံစားဖို့အတွက် သူ့ရဲ့နိုင်ငံတော်ဆီကို သူတို့ကို ဘုရားက ခေါ်ဆောင်လိမ့်မယ်။ အနန္တတန်ခိုးရှင်ဘုရားသခင်ရဲ့ နောက်ဆုံးသောကာလ အမှုတော်ကို လက်ခံဖို့ ငြင်းဆန်တဲ့ အဲဒီ မကောင်းတဲ့သူတွေ၊ အန္တိခရစ်တွေနဲ့ မယုံကြည်သူတွေ၊ သူ့ကို အာခံ၊ ရှုတ်ချ၊ စော်ကားပြီး အသေရဖျက်တဲ့သူတွေဟာ ကပ်ဘေးကြီးထဲမှာ ငိုကြွေးပြီး အံသွားခဲကြိတ်ကြရမယ်။ ဘုရားရဲ့ ဖျက်ဆီးခြင်းကို ခံကြရလိမ့်မယ်။ ဘုရားသခင်ဟာ လူကို အပြီးသတ် သန့်စင်ပြီး ကယ်တင်ဖို့၊ ကျွန်တော်တို့ရဲ့ ဆိုးယုတ်တဲ့ အကျင့်ပျက် စိတ်သဘောထားတွေကို ဖယ်ရှားပြီး ဘုရားရဲ့ နိုင်ငံတော်ဆီကို ခေါ်ဆောင်ဖို့အတွက် ပုန်ကန်ပြစ်မှားမှုကို သည်းမခံတဲ့ သူ့ရဲ့ ဖြောင့်မတ်တဲ့၊ ဘုန်းအာနုဘော်ဖြစ်တဲ့ စိတ်သဘောထားနဲ့အတူ လူေရှေ့မှာ ပေါ်ထွန်းဖို့အတွက် နောက်ဆုံးသောကာလမှာ အနန္တတန်ခိုးရှင်ဘုရားသခင်ဆိုတဲ့ အမည်နာမကို ယူခဲ့ပါတယ်။ ဘုရားသခင်ဟာ တစ်ဦးချင်းစီကို အမျိုးအစားအလိုက် ခွဲခြားပြီး ဒီ ဆိုးယုတ်တဲ့ ခေတ်ကို အဆုံးသတ်လိုက်ပါတယ်။ ဒီလိုနဲ့ သူ့ရဲ့ နှစ် ၆၀၀၀ စီမံခြင်းနဲ့ လူကို ကယ်တင်ခြင်းအမှုတစ်ခုလုံးက ပြီးပြည့်စုံခဲ့တယ်။ ဒါဟာ ဘုရားသခင်က အားလုံးကို ဖန်ဆင်းပြီး အုပ်စိုးရုံတင်မကဘဲ လူသားမျိုးနွယ်အပေါ် စကားပြောပြီး အလုပ်လုပ်နိုင်တယ်ဆိုတာ လူတိုင်း သိကြဖို့အတွက်ပါ။ သူဟာ လူအတွက် အပြစ်ဖြေရာယဇ်ဖြစ်နိုင်တယ်။ လူကို သန့်စင်ပြီး စုံလင်စေနိုင်တယ်။ ဘုရားသခင်ဟာ ပထမဆုံးနဲ့ နောက်ဆုံးဖြစ်တယ်။ သူ့ရဲ့ အံ့ဖွယ်လုပ်ရပ်တွေ၊ အနန္တတန်ခိုးရှိခြင်း၊ ဉာဏ်ပညာတွေ ကို ဘယ်သူကမှ ဉာဏ်မမီနိုင်ပါဘူး။ ဒါဟာ နိုင်ငံတော်ခေတ်မှာ အနန္တတန်ခိုးရှင်ဘုရားသခင်ဆိုတဲ့ အမည်နာမကို ယူခြင်းရဲ့ အရေးပါမှုပါပဲ။ နောက်ဆုံးသောကာလမှာ ဘုရားရဲ့ အမှုတော်ကို လက်ခံသူတွေ၊ အနန္တတန်ခိုးရှင်ဘုရားသခင်ရဲ့ နာမတော်ကို ဆုတောင်းပြီး သူ့ရဲ့နှုတ်ကပတ်တော်တွေကို ဖတ်သူတွေအားလုံးက သန့်ရှင်းသော ဝိညာဉ်တော်ရဲ့ လုပ်ဆောင်မှုနဲ့ သက်စမ်းရေရဲ့ အာဟာရကို ရရှိနိုင်ပါတယ်။ ဒါပေမဲ့ ကျေးဇူးတော်ခေတ် လက်ရှိအသင်းတော်တွေ ခြောက်ကပ်နေခြင်းက တစ်ခါမှ မဖြစ်ဖူးပါဘူး။ ယုံကြည်သူတွေရဲ့ ယုံကြည်ခြင်းက အေးစက်လာတယ်။ တရားဟောဆရာတွေက ဘာမှပြောစရာမရှိဘူး။ ဘယ်သူကမှ ဆုတောင်းတဲ့အခါမှာ တို့ထိခံရခြင်းမရှိဘူး။ လူတွေဟာ လောကီအရာတွေအားဖြင့် ပိုပိုပြီး သွေးဆောင်ခံနေရတယ်။ ဒါဟာ သူတို့က သိုးသငယ်ရဲ့ ခြေလှမ်းတွေနောက်ကို အမီ မလိုက်နိုင်လို့၊ အနန္တတန်ခိုးရှင်ဘုရားသခင်ရဲ့ တရားစီရင်ခြင်းအမှုကို လက်မခံရသေးလို့ပါ။ ဒါကြောင့် သက်စမ်းရေရဲ့ အာဟာရကို သူတို့ မရရှိနိုင်ဘူး။ ဘယ်မှသွားစရာမရှိတဲ့ အမှောင်ထုထဲကိုပဲ သူတို့ ကျဆင်းကြရတယ်။”

အစ်ကိုချန်းရဲ့ မိတ်သဟာယမှာ အနန္တတန်ခိုးရှင်ဘုရားသခင် ယေဟောဝါ နဲ့ ယေရှု တို့အားလုံးက တစ်ပါးတည်းသော ဘုရားသခင်ပဲဆိုတာ ကျွန်မကို ပြပါတယ်။ ဘုရားက မတူညီတဲ့ ခေတ်တွေမှာ မတူညီတဲ့ အမှုလုပ်ဖို့ မတူညီတဲ့ အမည်နာမတော်တွေကို ယူဆောင်ခြင်းပါ။ ဒါပေမဲ့ သူ့ရဲ့အမည်နာမက ဘယ်လိုပဲပြောင်းလဲနိုင်ပါစေ သူ့ရဲ့ လက္ခဏာနဲ့ အနှစ်သာရက ဘယ်တော့မှ မပြောင်းလဲပါဘူး။ ဘုရားက ဘုရားပါပဲ။ ခေတ်တစ်ခုစီက ဘုရားရဲ့ အမည်နာမက အရေးပါပါတယ်။ အထူးသဖြင့် ဘုရားက နိုင်ငံတော်ခေတ်မှာ အနန္တတန်ခိုးရှင်ဘုရားသခင် အမည်နာမကို ယူပြီး ဘုရားအိမ်တော်က စတဲ့ တရားစီရင်ခြင်းအမှုကို လုပ်ဆောင်တာက ကျွန်မတို့တွေ အပြစ်ကနေလွတ်ပြီး ဘုရားရဲ့ ကယ်တင်ခြင်းခံရဖို့ အရေးပါပါတယ်။ ကျွန်မ နှစ်ချီပြီးတော့ ဝတ်ပြုအစည်းအဝေးတွေနဲ့ တရားဟောချက်တွေမှာ တော်တော် အာဟာရမပြည့်ဝဖြစ်ခဲ့တာကို ပြန်စဉ်းစားမိတယ်။ ညီအစ်ကိုမောင်နှမတွေရဲ့ ယုံကြည်ခြင်းက အားလျော့လာပြီး တရားဟောဆရာတွေကလည်း ဘာမှပြောစရာမရှိဘူး။ ဒါတွေအားလုံးက သန့်ရှင်းသောဝိညာဉ်တော်ရဲ့ လုပ်ဆောင်မှုက ရှေ့ဆက်သွားခဲ့လို့ပါ။ ကျွန်မတို့က သိုးသငယ်ရဲ့ ခြေလှမ်းတွေနောက်ကို အမီမလိုက်ခဲ့ဘူး။ ဘုရားသခင်ရဲ့ လက်ရှိ နှုတ်ကပတ်တော်တွေနဲ့ ကျွန်မတို့ အားမပြည့်ခဲ့ဘူး။ ဒါကြောင့် အမှောင်ထဲကို ကျွန်မတို့ ကျရောက်ခဲ့ရတယ်။ အဲဒီအချိန်မှာပဲ အနန္တတန်ခိုးရှင်ဘုရားသခင်ဟာ ပြန်ကြွလာတဲ့ သခင်ယေရှုဖြစ်တယ်ဆိုတာ ကျွန်မ သေချာသွားပြီး အနန္တတန်ခိုးရှင်ဘုရားသခင်ကို ကျွန်မ သေချာ လက်ခံခဲ့ပါတယ်။ အဲဒီအချိန်ကစပြီး အနန္တတန်ခိုးရှင်ဘုရားသခင်ရဲ့ အမည်နာမကို ဆုတောင်းပြီး သူ့ရဲ့နှုတ်ကပတ်တော်တွေကို နေ့စဉ် ဖတ်တယ်။ သက်စမ်းရေရဲ့ ရေလောင်းခြင်းကို ကျွန်မ ခံရပြီး သိုးသငယ်ရဲ့ စားပွဲကို တက်ရောက်ခဲ့ပါတယ်။ အနန္တတန်ခိုးရှင်ဘုရားသခင်ရဲ့ ကျေးဇူးတော်ပါပဲ။

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

နောက်ဆုံးသောကာလတွင် ဘုရားသခင်၏ ကယ်တင်ခြင်းကို လက်ခံပြီးနောက် ကျွန်ုပ်တို့သည် အသက်တာအသစ်ကို ရရှိသည်။

ကျူရီချူး၊ မလေးရှား ကျွန်မက အလှဖန်တီးရှင်တစ်ယောက် ဖြစ်ပြီး၊ ကျွန်မ ခင်ပွန်းက လယ်သမားတစ်ယောက်ဖြစ်သည်။ ကျွန်မတို့က မလေးရှားရှိ အမျိုးသမီးများ...

သန့်စင်ခြင်းဆီသို့ လမ်း

သခင်ဟာ သန့်ရှင်းတယ်၊ ဒါ့ကြောင့် သူ့နှုတ်ကပတ်တော်ကို လက်တွေ့မလုပ်ဆောင်နိုင်တဲ့၊ သူ့ကို မကြာခဏ ဆန့်ကျင်နေတဲ့လူတွေဟာ ကောင်းကင် နိုင်ငံတော်ကို ဘယ်လိုလုပ်ပြီး ချီဆောင်ခံရနိုင်မှာလဲ။ ပြောင်းလဲခဲ့ပြီး၊ ဘုရားသခင်ရဲ့ အလိုတော်ကို လုပ်တဲ့ သူတွေသာ ကောင်းကင် နိုင်ငံတော်ကို ဝင်ရောက်နိုင်မှာပါ" ဟု ကျွန်တော့်အမျိုးသမီးကို ပြောလိုက်သည်။

ဘုရားသခင်တွင် တိကျသောလိင် ရှိပါသလား၊ အနက်ပြန်ခြင်းအသစ်ကို ကျွန်တော် ရှာဖွေတွေ့ရှိသည် (အပိုင်း ၁)

ဘိုအဲန်း၊ ဘရာဇီးလ်နိုင်ငံ ထံမှ အယ်ဒီတာ့ မှတ်စု- “ဘုရားသခင်တွင် တိကျသော လိင် ရှိပါသလား” ဟူသည့်မေးခွန်းနှင့် ပတ်သက်လာသောအခါ ခရစ်ယာန်များစွာက...