အဖြေ-

စစ်မှန်သော လမ်းခရီးကို စုံစမ်းစစ်ဆေးနေချိန်တွင်၊ တရုတ်ကွန်မြူနစ်ပါတီနှင့် ဘာသာရေးလောက၏ သင်းအုပ်ဆရာများနှင့် အကြီးအကဲအများစုက ဆန့်ကျင်ရှုတ်ချသည့် အရာမှာ စစ်မှန်သော လမ်းခရီး မဖြစ်နိုင်ဟု လူများစွာတို့က ယုံကြည်ကြသည်။ ထိုသို့သော အမြင်များနှင့် စိတ်ကူးများအတွက် ဘုရားနှုတ်ကပတ်တော်များထဲတွင် အခြေခံအကြောင်းရင်း တစ်ခုတစ်လေ ရှိပါသလား။ ယင်းတို့သည် သမ္မာတရား အခြေခံသဘောတရားနှင့် ကိုက်ညီပါသလား။ ဤလူတို့က စစ်မှန်သော လမ်းခရီးကို လေ့လာစုံစမ်းကြသည့်အခါ၊ သခင်ယေရှု၏ နှုတ်ကပတ်တော်များအပေါ် အခြေခံ၍ ထိုသို့မလုပ်ဆောင်ကြသကဲ့သို့၊ ဤနှုတ်ကပတ်တော်များက သမ္မာတရား ဟုတ်မဟုတ်၊ ယင်းတို့က အသင်းတော်များံသို့ သန့်ရှင်းသော ဝိညာဉ်တော်၏ နှုတ်ကပတ်တော်များ ဟုတ်မဟုတ်ကို ကြည့်ရန် အနန္တတန်ခိုးရှင် ဘုရားသခင် ဖော်ပြသည့်အရာကိုလည်း နားမထောင်ကြပေ။ ထိုအစား၊ တရုတ်ကွန်မြူနစ်ပါတီနှင့် ဘာသာရေးလောက၏ သင်းအုပ်ဆရာများနှင့် အကြီးအကဲများ၏ စကားများကို ၎င်းတို့ အရေးစိုက်ကြလေသည်။ ဤသည်မှာ အဓိပ္ပာယ်မဲ့သည် မဟုတ်ပါလား။ တရုတ်ကွန်မြူနစ်ပါတီသည် ဆိုးယုတ်သော အုပ်ချုပ်မှုစနစ်တစ်ခု၊ ဘုရားသခင်ကို ခုခံသည့် မကောင်းဆိုးဝါးများ ဖြစ်သည်။ ပြီးလျှင် ဘာသာရေးလောက၏ သင်းအုပ်ဆရာများနှင့် အကြီးအကဲများက မည်သည့်အရာ ဖြစ်သနည်း။ ၎င်းတို့သည် ဖာရိရှဲများနှင့် အန္တိခရစ်များ‌ဖြစ်ကြသည်။ တရုတ်ကွန်မြူနစ်ပါတီနှင့် ဘာသာရေးလောက၏ သင်းအုပ်ဆရာများနှင့် အကြီးအကဲများသည် ဘုရားသခင်ကို ဆန့်ကျင်သည့် နတ်ဆိုးများသာ ဖြစ်ကြသည်၊ ၎င်းတို့သည် ဘုရားသခင်ကို ရန်လိုသည့် ဆိုးယုတ်သော အင်အားစုများသာ ဖြစ်သည်။ တရုတ်ကွန်မြူနစ်ပါတီနှင့် ဘာသာရေးလောက၏ သင်းအုပ်ဆရာများနှင့် အကြီးအကဲများ၏ ဆိုးယုတ်သော စကားများကို စစ်မှန်သော လမ်းခရီးအား အကဲဖြတ်ခြင်းအတွက် စံနှုန်းအဖြစ် လူတို့ အသုံးပြုပါက၊ ဤအရာက ၎င်းတို့အား အလွန့်အလွန် မိုက်မဲပြီး အလွန်အမင်း ဆိုးယုတ်စေသည် မဟုတ်ပါလား။ သခင်ယေရှု ပေါ်ထွန်းခဲ့ပြီး စတင်အမှုပြုခဲ့သည့် အချိန်တွင်၊ သခင်ယေရှုသည် မေရှိယမဟုတ်ဟု ဆိုခဲ့ကြသည့် ယုဒဘာသာ၏ ယဇ်ပရောဟိတ် အကြီးအကဲများနှင့် ကျမ်းပြုဆရာများ၏ ရှုတ်ချခြင်းကို သူခံခဲ့ရပြီး၊ သူ့ကို ကားတိုင်တွင် သံမှိုရိုက်နှက်ရာ၌ ရောမအာဏာပိုင်များနှင့် ပူးပေါင်းဆောင်ရွက်ဖို့ ကြိုးစားသည်အထိပင် လုပ်ဆောင်ခဲ့ကြပုံကို ပြန်တွေးကြည့်ပါ။ ၎င်းတို့၏ စကားများကို ကြားပြီးသည့်နောက်တွင်၊ သခင်ယေရှု ကားစင်တင်ခံခဲ့ရသည့် အကျိုးဆက်ကြောင့်၊ များစွာသော ဂျူးတို့သည် သခင်ယေရှုကို စတင် ငြင်းပယ်ကာ ရှုတ်ချခဲ့ကြပြီး၊ ဘုရားသခင်၏ ကျိန်ဆဲခြင်းနှင့် အပြစ်ပေးခြင်းကို ခံခဲ့ကြရသည်။ ဂျူးများသည် မည်သည့် အမှားကို ပြုခဲ့ကြသနည်း။ ၎င်းတို့သည် ဆိုးယုတ်သော အုပ်ချုပ်မှုစနစ်နှင့် ရာထူးကြီး ယဇ်ပရောဟိတ် အကြီးအကဲများနှင့် ကျမ်းပြုဆရာတို့၏ စကားများကို နားထောင်ခဲ့ကြပြီး၊ သခင်ယေရှု၏ ပေါ်ထွန်းခြင်းနှင့် အမှုတော်တို့ကို ငြင်းပယ်ခဲ့ကြသည်။ ၎င်းတို့သည် သခင်ယေရှု ဖော်ပြသည့် နှုတ်ကပတ်တော်များကို နားမထောင်ခဲ့ကြသကဲ့သို့၊ သခင်ယေရှု၏ လမ်းခရီးကို မစစ်ဆေးခဲ့ကြဘဲ၊ ထိုအစား တန်ခိုးအာဏာနှင့် ရာထူးကြီးများ စွဲကိုင်ထားသည့် ဖောက်ပြန်ပျက်စီးသော သူတို့၏ စကားများအပေါ် အခြေခံ၍ ခိုင်မာသည့်အဆိုများကို ပြုလုပ်ခဲ့ကြသည် — ထိုသို့ဖြင့် အားလုံးထဲတွင် အမိုက်မဲဆုံးနှင့် အယုတ်ညံ့ဆုံး အမှားကို ပြုလုပ်မိခဲ့ကြသည်။ ယနေ့တွင်၊ စစ်မှန်သော လမ်းခရီးကို ကျွန်ုပ်တို့ ဆန်းစစ်သည့်အခါ၊ စစ်မှန်သော လမ်းခရီးကို မစစ်ဆေးမိအောင် ၎င်းတို့ လှည့်ဖြားသည်ကို ကျွန်ုပ်တို့ ခံရဖို့အလို့ငှာ၊ တရုတ်ကွန်မြူနစ်ပါတီနှင့် သင်းအုပ်ဆရာများ၊ အကြီးအကဲများ၏ ဆိုးယုတ်သော စကားများနှင့် ကောလာဟလများကို ယုံကြည်ခြင်းသည် မိုက်မဲမည် မဟုတ်ပါလား။ ဤသည်မှာ ဂျူးလူမျိုးများက ယဇ်ပရောဟိတ် အကြီးအကဲများနှင့် ကျမ်းပြုဆရာများကို ယုံကြည်ပြီး သခင်ယေရှုကို ငြင်းပယ်ကာ ရှုတ်ချခဲ့ကြချိန် ပြုလုပ်ခဲ့ကြသည့် အမှားနှင့် တူပေမည်။ ဤသည်မှာ အလွန့်အလွန် မိုက်မဲပြီး အဓိပ္ပာယ်မဲ့ပေမည်။

ကျွန်ုပ်တို့အားလုံး သိကြသည့်အတိုင်း၊ တရုတ်ကွန်မြူနစ်ပါတီသည် ယင်း၏ ဖန်တီးသူ စာတန်ဝါဒီ တစ်ဦးဖြစ်သည့် မားစ်၏ ဘုရားမဲ့ နိုင်ငံရေး ပါတီတစ်ခု ဖြစ်သည်။ လူအားလုံးက ၎င်းကို အစားထိုး ယုံကြည်ကာ နာခံပြီး မိမိတို့၏ ကယ်တင်ရှင်အဖြစ် ကြည်ညိုကြဖို့အလို့ငှာ၊ တရုတ်ကွန်မြူနစ်ပါတီသည် ဘာသာရေး ယုံကြည်ခြင်းအားလုံး ပျက်စီးရာပျက်စီးကြောင်းကို လူသိရှင်ကြား တောင်းဆိုလာသည်။ ထိုသို့ဖြင့် မားစ်သည် ဘုရားသခင်ကို ဆန့်ကျင်သည့် မကောင်းဆိုးဝါး စစ်စစ်တစ်ဦး ဖြစ်ခဲ့သည်။ သူသည် ကွန်မြူနစ်ပါတီ၏ ဘိုးဘေးနှင့် ဆရာသခင် ဖြစ်သောကြောင့်၊ ၎င်း၏ အသင်းသားများ သေဆုံးသောအခါ၊ မာ့စ်ထံသို့ ပြန်သွားကြလိမ့်မည် ဖြစ်သည်။ တရုတ်ကွန်မြူနစ်ပါတီသည် အာဏာရလာကတည်းက၊ ဘုရားသခင်ကို ပွင့်ပွင့်လင်းလင်း ငြင်းပယ်၊ ရှုတ်ချပြီး ပြစ်မှားစော်ကားလေသည်။...အထူးသဖြင့် နောက်ဆုံးသော ကာလ ခရစ်တော်တည်းဟူသော အနန္တတန်ခိုးရှင် ဘုရားသခင်က တရုတ်ပြည်၌ ပေါ်ထွန်းကာ အမှုပြုကတည်းက၊ တရုတ်ကွန်မြူနစ်ပါတီသည် ခရစ်တော်ကို လိုက်လံဖမ်းဆီးရာတွင် သာ၍ပင် ထိန်းမနိုင်သိမ်းမရ ဖြစ်လာပြီး ဖြစ်သည်။ ယင်းသည် အနန္တတန်ခိုးရှင် ဘုရားသခင် အသင်းတော်မှ ခရစ်ယာန်များကို လူမဆန်စွာ ဖိနှိပ်ကာ ညှဉ်းပန်းနှိပ်စက်ပြီး၊ အနန္တတန်ခိုးရှင် ဘုရားသခင် အသင်းတော်ကို ချေမှုန်းသုတ်သင်ဖို့ ကြိုးပမ်းမှု တစ်ခုအနေဖြင့် ဘုရားသခင်၏ နောက်ဆုံးသော ကာလ အမှုတော်ကို ရှုတ်ချကာ သိက္ခာချဖို့ ကောလာဟလမျိုးစုံကို လုပ်ကြံဖန်တီးလေသည်။ ဤအချက်များက တရုတ်ကွန်မြူနစ်ပါတီသည် သမ္မာတရားကို အဆုံးစွန် စက်ဆုပ်ပြီး ဘုရားသခင်ကို အဆုံးစွန် ဆန့်ကျင်သည့် ယုတ်ညံ့ ဆိုးယုတ်သော အုပ်ချုပ်မှုစနစ် ဖြစ်သည်ကို သက်သေပြပေသည်။ ထို့ကြောင့် တရုတ်ကွန်မြူနစ်ပါတီက အနန္တတန်ခိုးရှင် ဘုရားသခင်၏ အမှုတော်ကို သာ၍ တစ်ဟုန်ထိုး ဖိနှိပ်၊ ရှုတ်ချကာ ဖယ်ရှင်းဖို့ ကြိုးစားလေလေ၊ အနန္တတန်ခိုးရှင် ဘုရားသခင်၏ ပေါ်ထွန်းခြင်းနှင့် အမှုတော်က သမ္မာတရားဖြစ်ကြောင်း၊ စစ်မှန်ကြောင်းနှင့် လူသားကို လုံးဝ သန့်စင်စေကာ ကယ်တင်နိုင်စွမ်းရှိကြောင်း သက်သေက သာ၍ ကြီးမားလေလေ ဖြစ်သည်။ ဘာသာရေးလောက၏ သင်းအုပ်ဆရာများနှင့် အကြီးအကဲများကို ကြည့်ကြစို့။ မည်သည့် မကောင်းမှုကို ၎င်းတို့ ကျူးလွန်မိကြပြီနည်း။ ဘုရားသခင်၏ အမှုတော်ကို ၎င်းတို့ မည်သို့ သဘောထားကြလေပြီနည်း။ ၎င်းတို့သည် တရုတ်ကွန်မြူနစ်ပါတီဘက်တွင် ရပ်တည်ကြပြီး၊ ၎င်းတို့ ပိုင်ဆိုင်သည်မှာ တရုတ်ကွန်မြူနစ်ပါတီအတွက် အားပေးသည့် အလှမ်းကွာသော ဟစ်ကြော်သံတစ်ခု ဖြစ်သည်။ ၎င်းတို့သည် ဘုရားသခင်၏ အမှုတော်ကို ဆန့်ကျင်ရာတွင်၊ ရှုတ်ချပြီး သိက္ခာချရာတွင်၊ မရေမတွက်နိုင်သည့် မကောင်းသော လုပ်ရပ်များကို ကျူးလွန်ရင်း အနန္တတန်ခိုးရှင် ဘုရားသခင်အဖို့ သက်သေခံကြသူတို့ကို ဖမ်းဆီးပြီး နှိပ်စက်ရာတွင် တရုတ်ကွန်မြူနစ်ပါတီနှင့် ပူးပေါင်းဆောင်ရွက်ဖို့ အစွမ်းကုန် လုပ်ဆောင်ကြပြီး ဖြစ်သည်။ ဤအရာက၊ ယုဒဘာသာ၏ ခေါင်းဆောင်များကဲ့သို့ပင် ဘာသာရေး လောက၏ ခေါင်းဆောင်များသည် ခရစ်တော်ကို ဆန့်ကျင်ကာ ရှုတ်ချရာတွင် အဓိက လက်သည်များ ဖြစ်ကြောင်းနှင့်၊ သမ္မာတရားကို စက်ဆုပ်ကာ ဘုရားသခင်ကို ဆန့်ကျင်သည့် အန္တိခရစ်များ ဖြစ်ကြကြောင်းတို့ကို သက်သေပြပေသည်။ ယခုခေတ်တွင်ပင်၊ ဘာသာရေးလောကထဲက လူများစွာတို့သည် ဘာသာရေးလောက ခေါင်းဆောင်များ၏ ဆိုးယုတ်သော မျက်နှာများကို မသိမမြင်နိုင်ကြသကဲ့သို့၊ ၎င်းတို့၏ ထိန်းချုပ်ခြင်းနှင့် လှည့်စားခြင်းတို့ ဆက်လက်ခံကြရလေသည်။ ၎င်းတို့သည် အမှန်တကယ် မိုက်မဲပြီး မသိနားမလည် ဖြစ်ကြပေသည်။ ၎င်းတို့သည် သေဆုံးလုဆဲဆဲ ဖြစ်ကြပြီး၊ ယင်းကို သိပင်မသိကြချေ။

သို့ဆိုလျှင် စစ်မှန်သော လမ်းခရီးနှင့် ယုံမှားစေသော လမ်းခရီး များကြား ကျွန်ုပ်တို့ မည်သို့သာ ခွဲခြားကြသနည်း။ ဤသည်မှာ ဘုရားနှုတ်ကပတ်တော်များအပေါ် အခြေခံပြု လုပ်ဆောင်ရပေမည်။ တရုတ်ကွန်မြူနစ်ပါတီ မကောင်းဆိုးဝါးများနှင့် ဘာသာရေးလောက၏ သင်းအုပ်ဆရာများ၊ ခေါင်းဆောင်များ၏ ဆိုးယုတ်သော စကားများအပေါ် အခြေပြု မလုပ်ဆောင်ရပေ။ ဤသည်မှာ ဘုရားသခင်ကို ယုံကြည်သူများ ပိုင်ဆိုင်သင့်သည့် သာမန်အသိ၏ အနိမ့်ဆုံးအဆင့် ဖြစ်သည်။ စစ်မှန်သော လမ်းခရီးနှင့် ယုံမှားစေသော လမ်းခရီးတို့ကြား ခွဲခြားသိမြင်ပုံနှင့် စပ်လျဉ်း၍၊ အနန္တတန်ခိုးရှင် ဘုရားသခင်က ပြောသည်မှာ- “ထိုသို့သောအရာကို စုံစမ်းရန် မခက်ခဲသော်လည်း၊ ငါတို့ တစ်ဦးချင်းစီအနေဖြင့် ဤသမ္မာတရားတစ်ရပ်ကိုသိရန် လိုအပ်ပေသည်- လူ့ဇာတိခံ ဘုရားသခင်ဖြစ်သော သူသည် ဘုရားသခင်၏ အနှစ်သာရကို ပိုင်ဆိုင်ရမည်ဖြစ်ပြီး၊ လူ့ဇာတိခံ ဘုရားသခင်ဖြစ်သော သူသည် ဘုရားသခင်၏ ဖော်ပြခြင်းကို ပိုင်ဆိုင်လိမ့်မည် ဖြစ်သည်။ ဘုရားသခင်သည် ဇာတိပကတိ ဖြစ်သွားသည့်အတွက် သူလုပ်ဆောင်ရန် ရည်ရွယ်သည့်အမှုကို သူ လုပ်ဆောင်မည်ဖြစ်ပြီး၊ ဘုရားသခင်သည် ဇာတိပကတိ ဖြစ်သွားသည့် အတွက်၊ သူ၏ဖြစ်ခြင်းကို ဖော်ပြမည်ဖြစ်ကာ လူသားထံ သမ္မာတရားကို ယူဆောင်လာနိုင်မည်၊ သူ့အပေါ် အသက်ကို အပ်နှင်းနိုင်မည်ဖြစ်ပြီး၊ သူ့အတွက် လမ်းခရီးကို ညွှန်ပြနိုင်မည်ဖြစ်သည်။ ဘုရားသခင်၏ အနှစ်သာရ မရှိသည့် ဇာတိပကတိသည် လူ့ဇာတိခံ ဘုရားသခင် တကယ် မဟုတ်ပေ။ ဤအရာနှင့် သက်ဆိုင်၍ သံသယဖြစ်ဖွယ် မရှိချေ။ ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ်မဟုတ် ဆိုသည်ကို လူသားက စုံစမ်းရန် ရည်ရွယ်ပါက၊ သူဖော်ပြသော စိတ်နေသဘောထားနှင့် သူပြောဆိုသော နှုတ်ကပတ်တော်များမှ ဤအရာကို အတည်ပြုရမည်ဖြစ်သည်။ ဆိုလိုသည်မှာ၊ ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ် မဟုတ် ဆိုသည်နှင့် မှန်ကန်သော လမ်းခရီး ဟုတ် မဟုတ် ဆိုသည်ကို အတည်ပြုရန်၊ သူ၏ အနှစ်သာရအရ ခွဲခြားရမည်ဖြစ်သည်။ ထို့ကြောင့် ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ် မဟုတ် ဆိုသည်ကို ဆုံးဖြတ်ရာတွင် သူ၏ အပြင်ပန်းသွင်ပြင်ထက် သူ၏အနှစ်သာရတွင် (သူ၏အမှု၊ သူ၏ မိန့်မြွက်ချက်များ၊ သူ၏စိတ်သဘောထားနှင့် အခြား ရှုထောင့်များစွာ) အဓိကအချက် တည်ရှိပေသည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ကျမ်းဦးစကား) အနန္တတန်ခိုးရှင် ဘုရားသခင်၏ နှုတ်ကပတ်တော်များက စစ်မှန်သော လမ်းခရီးကို လေ့လာစုံစမ်းခြင်းနှင့် စပ်လျဉ်းသည့် အခြေခံသဘောတရားများကို အလွန်ရှင်းလင်းစွာ ထုတ်ဖော် ပြောဆိုသည်။ အနန္တတန်ခိုးရှင် ဘုရားသခင်၏ အမှုတော်က စစ်မှန်သော လမ်းခရီး ဟုတ်မဟုတ်ဆိုသည်ကို ဆုံးဖြတ်ရာတွင်၊ အဓိကသော့ချက်မှာ အနန္တတန်ခိုးရှင် ဘုရားသခင် ဖော်ပြသည့် စကားများက သမ္မာတရား ဟုတ်မဟုတ်၊ ဘုရားသခင်၏ အသံတော် ဟုတ်မဟုတ် ဆိုသည်ကို ကြည့်ရန် ဖြစ်သည်။ ဤသည်မှာ အရေးအပါဆုံးနှင့် အဓိကအကျဆုံး ဖြစ်သည်။ အနန္တတန်ခိုးရှင် ဘုရားသခင်၏ စကားများက သမ္မာတရားနှင့် ဘုရားသခင်၏ အသံတော်ဖြစ်သည်ကို လူတို့ သတိပြုနိုင်ပြီး ဘုရားသခင်၏ နောက်ဆုံးသော ကာလအမှုတော်ကို လက်ခံနိုင်ကြပါက၊ ၎င်းတို့သည် သခင့်ကို ကြိုဆိုပြီး ဘုရားသခင်ရှေ့မှောက် ချီဆောင်ခံရသည့် ပညာရှိ သတို့သမီးများ ဖြစ်ကြပေသည်။ ၎င်းတို့အနေဖြင့် တရုတ်ကွန်မြူနစ်ပါတီနှင့် ဘာသာရေးလောက၏ သင်းအုပ်ဆရာများနှင့် အကြီးအကဲတို့၏ စကားများကို ခေါင်းမာစွာ ယုံကြည်ကြပြီး၊ ဘုရားသခင်၏ အသံတော်ကို နားထောင်ခြင်းအား အာရုံမစိုက်ကြသကဲ့သို့၊ အနန္တတန်ခိုးရှင် ဘုရားသခင်၏ နောက်ဆုံးသော ကာလ အမှုတော်ကို မစစ်ဆေး၊ မရှာဖွေကြပါက၊ ၎င်းတို့သည် နောက်ဆုံးတွင် ဘုရားသခင်၏ စွန့်ပစ်ခြင်းနှင့် ဖယ်ရှင်းခြင်း ခံရမည့်၊ ခါးသီးသော မျက်ရည်များ ငိုကြွေးကာ မိမိတို့၏ သွားများ ခဲကြိတ်လျက်၊ ကပ်ဘေးများထဲသို့ ကျဆင်းကြရမည့် မိုက်မဲသော သတို့သမီးများ ဖြစ်ကြပေသည်။