အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှဂန္တဝင်နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၁၁။ သမ္မာတရား၏ စစ်မှန်မှုထဲသို့ ဝင်ရောက်ခြင်းနှင့် ပတ်သက်သည့် ဂန္တဝင် နှုတ်ကပတ်တော်များ

(၈) ဘုရားသခင်ကို မည်သို့မည်ပုံ နာခံရန်နှင့် ပတ်သက်သည့် နှုတ်ကပတ်တော်များ

၉၂။ သန့်ရှင်းသော ဝိညာဉ်တော်၏အမှုသည် နေ့စဉ်နှင့်အမျှ ပြောင်းလဲနေပြီး အဆင့်တစ်ခုစီတိုင်းနှင့်အတူ သာ၍အဆင့်မြင့်လာလေ့ရှိသည်။ မနက်ဖြန်နေ့၌ ဖော်ပြမည့် ဖွင့်ပြမှုသည် ယနေ့ဖော်ပြသော ဖွင့်ပြမှုထက် ပို၍အဆင့်မြင့်ပြီး တစ်ဆင့်ပြီးတစ်ဆင့် ပို၍အဆင့်မြင့်လာလေသည်။ ဘုရားသခင်သည် ထိုသို့လုပ်ဆောင်ခြင်းအားဖြင့် လူသားကို စုံလင်အောင်ပြုသည်။ အကယ်၍ လူသားက အမီမလိုက်နိုင်လျှင် အချိန်မရွေး နောက်ချန်ထားခြင်း ခံရနိုင်သည်။ လူသား၌ နာခံတတ်သော နှလုံးသားမရှိလျှင် အဆုံးတိုင်အောင် လိုက်နိုင်မည် မဟုတ်။ အတိတ်ခေတ်သည် ကုန်လွန်သွားခဲ့ပြီ ဖြစ်သည်။ ယနေ့ခေတ်သည် ခေတ်သစ်ဖြစ်၏။ ခေတ်သစ်၌ အမှုသစ်ကို ပြုရပေမည်။ အထူးသဖြင့် လူသားကို စုံလင်အောင်ပြုမည့် နောက်ဆုံးသောခေတ်၌ ဘုရားသခင်သည် အမှုသစ်ကို သာ၍သာ၍လျင်မြန်စွာ လုပ်ဆောင်လိမ့်မည်။ သို့ဖြစ်၍ လူသားအနေဖြင့် နှလုံးသားထဲ၌ နာခံခြင်း မရှိလျှင် ဘုရားသခင်၏ ခြေလှမ်းများကို လိုက်လျှောက်ဖို့ ခက်မည်ဖြစ်သည်။ ဘုရားသခင်သည် မည်သည့်စည်းမျဉ်းစည်းကမ်းများကိုမျှ မလိုက်နာသကဲ့သို့၊ သူလုပ်ဆောင်သည့် အမှု၏ အဆင့်တိုင်းကိုလည်း မပြောင်းလဲသည့်အရာအဖြစ် မသတ်မှတ်ပေ။ စင်စစ်အားဖြင့် သူလုပ်သော အမှုသည် အမြဲအသစ်ဖြစ်နေလေ့ရှိပြီး၊ အမြဲအဆင့်မြင့်နေလေ့ရှိသည်။ အဆင့်တစ်ခုစီတိုင်းနှင့်အတူ သူလုပ်သောအမှုသည် ပို၍ပို၍လက်တွေ့ကျလာပြီး၊ လူသား၏ လိုအပ်ချက်များနှင့်လည်း ပို၍ပို၍ ကိုက်ညီလာလေ့ရှိသည်။ ထိုသို့သောအမှုမျိုးကို ကိုယ်တိုင်ကြုံတွေ့ခံစားပြီးမှသာ လူသားသည် သူ၏စိတ်သဘောထား၌ နောက်ဆုံးအသွင်သဏ္ဌာန်ပြောင်းလဲမှုကို ရရှိနိုင်သည်။ အသက်တာနှင့်ပတ်သက်သော လူသား၏အသိသည် ပိုပိုအဆင့်မြင့်လာသကဲ့သို့၊ ဘုရားသခင်၏ အမှုသည်လည်း ထိုနည်းတူစွာပင် ပိုပို၍ အဆင့်မြင့်လာသည်။ ထိုနည်းလမ်းအားဖြင့်သာ လူသားကို စုံလင်အောင် ပြုလုပ်နိုင်ပြီး၊ ဘုရားသခင် အသုံးပြုဖို့အတွက် သင့်တော်သောသူ ဖြစ်လာနိုင်သည်။ ဘုရားသခင်သည် ထိုနည်းလမ်းဖြင့် အလုပ်လုပ်သည်မှာ တစ်ဖက်၌ လူသား၏အယူအဆများကို တန်ပြန်ရန်နှင့် ပြောင်းပြန်လှန်ရန်အတွက်ဖြစ်ပြီး၊ တစ်ဖက်၌မူ လူသားကို ပို၍အဆင့်မြင့်သော၊ ပို၍စစ်မှန်သော အခြေအနေသို့ရောက်အောင်၊ ဘုရားသခင်ကို ယုံကြည်ခြင်းဆိုင်ရာ အဆင့်အမြင့်ဆုံးဘုံသို့ ဦးဆောင်သွားရန်အတွက်ဖြစ်သည်။ ထိုသို့အားဖြင့် အဆုံး၌ ဘုရားသခင်၏ အလိုတော်မှာ ပြည့်စုံနိုင်ရန်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို စစ်မှန်သော နှလုံးသားနှင့် နာခံသောသူတို့သည် ဘုရားသခင်ပိုင်သောသူများ ဧကန်အမှန် ဖြစ်ကြလိမ့်မည်” မှ

၉၃။ ဘုရားသခင်လုပ်သော အမှုသည် အချိန်ကာလကိုလိုက်၍ ကွဲပြား၏။ အကယ်၍ သင်သည် ကာလအဆင့်တစ်ခု၌ အလွန်နာခံသော်လည်း နောက်ကာလအဆင့်တစ်ခု၌မူ နာခံမှုအလွန်နည်းလျှင်၊ သို့မဟုတ် နာခံခြင်း လုံးဝမရှိလျှင် ဘုရားသခင်က သင့်ကို စွန့်ခွာသွားမည် ဖြစ်သည်။ ဘုရားသခင် ဤအဆင့်သို့ တက်သောအခါ၌ သင်မီအောင်လိုက်လျှင် နောက်အဆင့်တစ်ဆင့်သို့ သူတက်သောအခါတွင်လည်း သင်သည် ဆက်ပြီးမီအောင်လိုက်ရမည်။ သို့မှသာ သင်သည် သန့်ရှင်းသော ဝိညာဉ်တော်ကို နာခံသောသူ ဖြစ်မည်။ သင်သည် ဘုရားသခင်ကို ယုံသောကြောင့်၊ သင်သည် တစ်သမတ်တည်း နာခံရမည်။ စိတ်ပါလျှင် နာခံလိုက်၊ စိတ်မပါလျှင် မနာခံဘဲနေလိုက် မလုပ်ရ။ ထိုသို့သော နာခံမှုသည် ဘုရားသခင်၏ သဘောကျမှုကို ရမည်မဟုတ်။ သင်သည် ငါမိတ်သဟာယပြုသော အမှုသစ်ကို မီအောင်မလိုက်နိုင်ဘဲ ယခင်က ဆိုရိုးစကားများကို ဆက်လက်စွဲကိုင်နေလျှင် သင့်အသက်တာ၌ တိုးတက်မှု မည်သို့ရှိနိုင်မည်နည်း။ ဘုရားသခင်၏အမှုမှာ သူ၏နှုတ်ကပတ်တော်များအားဖြင့် သင့်ကို ထောက်ပံ့ပေးဖို့ဖြစ်သည်။ သူ၏နှုတ်ကပတ်တော်များကို သင်နာခံပြီး လက်ခံသောအခါ သန့်ရှင်းသော ဝိညာဉ်တော်သည် သင့်အထဲတွင် ဧကန်အမှန် အလုပ်လုပ်လိမ့်မည်။ သန့်ရှင်းသော ဝိညာဉ်တော်သည် ငါပြောသည့်နည်းအတိုင်း တသွေမတိမ်း အလုပ်လုပ်သည်။ ငါပြောထားသည့်အတိုင်း လုပ်ဆောင်ပါ။ ထိုအခါ သန့်ရှင်းသော ဝိညာဉ်တော်သည် သင့်အထဲ၌ ချက်ချင်းအလုပ်လုပ်လိမ့်မည်။ သင်တို့ မြင်နိုင်ဖို့အတွက် အလင်းသစ်ကို ငါပေးပြီး ပစ္စုပ္ပန်အချိန်၌ရှိသော အလင်းထဲသို့ သင်တို့ကို ငါခေါ်ဆောင်နေသည်။ ထိုအလင်းထဲသို့ သင်ဝင်လာသောအချိန်၌ သန့်ရှင်းသော ဝိညာဉ်တော်သည် သင့်အထဲ၌ ချက်ချင်း အလုပ်လုပ် လိမ့်မည်။ “ငါကတော့ သင်ပြောတဲ့အတိုင်း လုပ်မှာ မဟုတ်ဘူး” ဟု ပြောပြီး၊ ဆိုဆုံးမရ ခက်ကောင်း ခက်နိုင်သည့် သူအချို့ရှိသည်။ ထိုသို့ဖြစ်လျှင် ငါက သင့်ကို သင် ယခု လမ်းဆုံးသို့ ရောက်နေပြီ၊သင်သည် သွေ့ခြောက်နေသည်၊ သင့်မှာ အသက်မရှိတော့ ဟု ပြောလိုသည်။ ထို့ကြောင့် သင်၏ စိတ်သဘောထား ပြောင်းလဲလာသည်ကို ကြုံတွေ့ခံစားရသောအခါ၌ ပစ္စုပ္ပန်ကာလ၌ ရှိသောအလင်းကို မီအောင်လိုက်ဖို့သည် အရေးအကြီးဆုံးဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို စစ်မှန်သော နှလုံးသားနှင့် နာခံသောသူတို့သည် ဘုရားသခင်ပိုင်သောသူများ ဧကန်အမှန် ဖြစ်ကြလိမ့်မည်” မှ

၉၄။ သန့်ရှင်းသောဝိညာဉ်တော်ပြောသည့်အရာဟူသမျှကို ရှာဖွေကာ လိုက်လျှောက်နိုင်လျှင်၊ သင်သည် သူ့ကို နာခံသောသူဖြစ်သည်။ ဤနည်းအားဖြင့် သင်သည် သင်၏သဘောထားများကို ပြောင်းလဲနိုင်မည်ဖြစ်သည်။ လူသား၏စိတ်သဘောထားသည် သန့်ရှင်းသောဝိညာဉ်တော်၏ မျက်မှောက်နှုတ်ကပတ်တော်များဖြင့် ပြောင်းလဲသည်။ အကယ်၍ သင်သည် အတိတ်မှအတွေ့အကြုံအဟောင်းများနှင့် စည်းမျဉ်းများကို အစဉ် ထိန်းသိမ်းထားပါက သင်၏စိတ် သဘောထားသည် ပြောင်းလဲလိမ့်မည်မဟုတ်။ အကယ်၍ သန့်ရှင်းသောဝိညာဉ်တော်သည် ယနေ့တွင် လူအားလုံးကို သာမန်လူသားတစ်ယောက်၏ အသက်တာသို့ဝင်ရန် ပြောကြားသော်လည်း၊ သင်သည် အပေါ်ယံကိုသာ ဆက်၍ အာရုံစိုက်ပြီး လက်တွေ့ဘဝအတွက် ဇဝေဇဝါဖြစ်နေကာ ၎င်းကို အလေးအနက် မထားပါက၊ သူ၏နှုတ်ကပတ်တော်အတိုင်း လိုက်လျှောက်မှုမရှိသည့်သူသာ ဖြစ်ကာ သန့်ရှင်းသောဝိညာဉ်တော် ဦးဆောင်သည့် လမ်းကြောင်းကိုဝင်ရောက်ခြင်းရှိသည့်သူမဟုတ်ပေ။ သင်၏ စိတ်သဘော ထားပြောင်းလဲနိုင်ခြင်းရှိ၊ မရှိသည် သင်မှ သန့်ရှင်းသောဝိညာဉ်တော်၏ မျက်မှောက် နှုတ်ကပတ်တော်များကို ထိန်းသိမ်းနိုင်မှုနှင့် စစ်မှန်သောနားလည်မှုရှိ၊ မရှိတို့ပေါ်တွင် မူတည်သည်။ ဤအရာသည် ယခင်သင်တို့နားလည်ထားသည်နှင့် ခြားနားသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စိတ်သဘောထားပြောင်းလဲသွားသောသူများသည် ဘုရားသခင့် နှုတ်ကပတ်တော်များ၏ စစ်မှန်မှုထဲသို့ ဝင်ရောက်ခဲ့ပြီးသောသူများဖြစ်သည်” မှ

၉၅။ လက်တွေ့ဘဝ ပြဿနာများကို ရင်ဆိုင်ရသည့်အခါ ဘုရားသခင်၏ အခွင့်အာဏာနှင့် သူ၏အချုပ်အခြာအာဏာကို သင် မည်သို့သိပြီး နားလည်သင့်ပါသနည်း။ ဤပြဿနာများကို မည်သို့နားလည်ရမည်၊ ကိုင်တွယ်ရမည်၊ တွေ့ကြုံရမည်ကို သင်မသိလျှင် သင့်၏ ရည်ရွယ်ချက်၊ ဆန္ဒနှင့် ဘုရားသခင်၏ အချုပ်အခြာအာဏာနှင့် အစီအစဉ်များကို သင်အမှန်တကယ် လိုက်လျှောက်ခြင်းတို့ကို ပြဖို့ သင် မည်သို့စိတ်သဘောထားမျိုး ခံယူသင့်သနည်း။ ပထမဆုံး စောင့်ဖို့အတွက် သင် သင်ယူရပါမည်။ ထို့နောက် ရှာဖွေဖို့ သင်ယူရမည်။ ထို့နောက် လိုက်လျှောက်ဖို့ သင်ယူရမည်။ “စောင့်ခြင်း” က ဘုရားသခင်၏ အချိန်ကို စောင့်ခြင်းကို ဆိုလိုသည်။ ဘုရားသခင်က သင့်အတွက် စီစဉ်ထားသည့် လူတွေ၊ အဖြစ်အပျက်တွေ၊ အကြောင်းအရာတွေကို စောင့်စားခြင်းဖြစ်သည်။ သူ၏အလိုကို သင့်ဆီကို ထုတ်ဖော်ပြသဖို့ စောင့်ခြင်း ဖြစ်သည်။ “ရှာဖွေခြင်း” က သူချပြပေးခဲ့သည့် လူများ၊ အဖြစ်အပျက်များ၊ အကြောင်းအရာများမှ တစ်ဆင့် သင့်အတွက် ထည့်သွင်းစဉ်းစားပေးတတ်သည့် ဘုရားသခင်၏ ရည်ရွယ်ချက်များကို လေ့လာကြည့်ရှုခြင်းနှင့် နားလည်ခြင်း၊ ဤအရာတွေကနေတစ်ဆင့် အမှန်တရားကို နားလည်ခြင်း၊ လူသားက ဘယ်အရာကို ပြီးမြောက်အောင် ပြုလုပ်ရမည်ဆိုတာနှင့် သူတို့ထိန်းသိမ်းရမည့် နည်းလမ်းကို နားလည်ခြင်း၊ ဘုရားသခင်က လူသားများထံမှ မည်သည့်ရလဒ်များကို လိုချင်သနည်းနှင့် လူသားများထံမှ ရယူဖို့ မည်သည့်ပြီးမြောက်မှုများကို လိုချင်သနည်း ဆိုတာကို နားလည်ခြင်းတို့ကို ဆိုလိုသည်။ “လိုက်လျှောက်ခြင်း” က ဘုရားသခင် ကိုင်တွယ်ညွှန်ကြားသည့် လူများ၊ အဖြစ်အပျက်များ၊ အကြောင်းအရာများကို လက်ခံခြင်း၊ သူ့၏ အချုပ်အခြာအာဏာကို လက်ခံခြင်းနှင့် ဤအချက် မှတစ်ဆင့် ဖန်ဆင်းရှင်က လူသားကံကြမ္မာကို မည်သို့ အုပ်ချုပ်သည်ဆိုတာကို သိလာခြင်း၊ သူ့၏ဘဝနှင့် လူသားများကို သူ မည်သို့ထောက်ပံ့သည်၊ လူသားအတွက် သမ္မာတရားကို သူမည်သို့ လုပ်ဆောင်သည်ကို သိလာခြင်းတို့ကို ရည်ညွှန်းပါသည်။ ဘုရားသခင်၏ စီစဉ်မှုနှင့် အချုပ်အခြာအာဏာ အောက်က အရာအားလုံးသည် သဘာဝနိယာမများကို နာခံသည်။ သင့်အတွက် အရာအားလုံးကို ဘုရားသခင် စီစဉ်ပြီး အုပ်ချုပ်ခွင့်ပြုဖို့ စိတ်ပိုင်းဖြတ်ထားလျှင် သင်စောင့်တတ်ဖို့ သင်ယူရပါမည်။ ရှာဖွေတတ်ဖို့ သင်ယူရမည်။ လိုက်လျှောက်တတ်ဖို့ သင်ယူရမည်။ ၄င်းသည် ဘုရားသခင်၏ အခွင့်အာဏာကို လိုက်လျှောက်ချင်သည့် လူတိုင်း ခံယူရမည့် သဘောထား၊ ဘုရားသခင်၏ အချုပ်အခြာအာဏာနှင့် စီစဉ်မှုတို့ကို လက်ခံချင်သည့် လူတိုင်း ပိုင်ဆိုင်ရမည့် အခြေခံ အရည်အသွေးတို့ ဖြစ်ပါသည်။ ဤသဘောထားကို ကိုင်ဆောင်ဖို့၊ ဤ လို အရည်အသွေး တစ်ခုကို ပိုင်ဆိုင်ဖို့၊ သင်တို့ ပိုကြိုးစားရပါမည်။ ဤကဲ့သို့လုပ်မှသာ စစ်မှန်သည့် အမှန်တရားကို သင်တို့ ဝင်ရောက်မှာ ဖြစ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၃)” မှ

၉၆။ ဖန်ဆင်းခြင်း၏သခင်က ဖန်ဆင်းခံအရာများကို ပြုမူဆက်ဆံပုံ၌ အဆုံးစွန် ဥပဒေသတစ်ခု ရှိပြီး ဤသည်မှာ အခြေခံအကျဆုံး ဥပဒေသလည်းဖြစ်သည်။ ဖန်ဆင်းခံအရာများကို သူပြုမူဆက်ဆံပုံသည် သူ၏ စီမံခန့်ခွဲမှုအစီအစဉ်နှင့် သူ၏ တောင်းဆိုချက်များအပေါ်တွင် လုံးလုံးလျားလျား အခြေခံသည်။ ကိုယ်တော်သည် မည်သူ့ကိုမျှ ဆွေးနွေးတိုင်ပင်စရာ မလိုသည့်အပြင် သူသည် သူနှင့် သဘောတူညီမှု ရယူရန် မည်သူ့ကိုမျှ မလိုအပ်ပေ။ သူသည် သူပြုရမည့် မည်သည့်အရာကိုမဆို ပြုလုပ်ပြီး လူတို့ကို သူပြုမူဆက်ဆံရမည့် မည်သည့်ပုံစံနှင့်မဆို ပြုမူဆက်ဆံသည်၊ ထို့ပြင် သူပြုလုပ်သမျှနှင့် လူတို့ကို သူပြုမူဆက်ဆံပုံ ဟူသမျှမှာ ဥပဒေသများ၊ ဖန်ဆင်းခြင်း၏သခင် အလုပ်လုပ်သည့် ဥပဒေသများနှင့် အားလုံးတစ်ပြေးညီဖြစ်သည်။ ဖန်ဆင်းခံအရာများ ပြုလုပ်သင့်သည့် တစ်ခုတည်းသောအရာက ကျိုးနွံနာခံရန်ဖြစ်သည်၊ သူတို့၌ အခြား မည်သည့်ရွေးချယ်မှုမှ မရှိသင့်ပါ။ ဤအရာက ဘာကိုပြသနည်း။ ဖန်ဆင်းခြင်း၏ သခင်သည် အစဉ်အမြဲပင် ဖန်ဆင်းခြင်း၏ သခင်ဖြစ်နေလိမ့်မည်။ သူသည် မည်သည့် ဖန်ဆင်းခံအရာအပေါ်မဆို သူသဘောတွေ့သလို စီစဉ်ညွှန်ကြားဖို့နှင့် အုပ်ချုပ်ဖို့ တန်ခိုးအာဏာနှင့် အရည်အချင်းများကို ပိုင်ဆိုင်ပြီး ထိုသို့ပြုရန် အကြောင်းပြချက် တစ်ခုမျှ မလိုအပ်ချေ။ ဤသည်မှာ သူ၏ အခွင့်အာဏာပင်ဖြစ်သည်။ ဖန်ဆင်းခံအရာများအနေဖြင့်ကား အဘယ်သို့နည်း။ ဖန်ဆင်းခံအရာ တစ်ခုတစ်လေကမျှ ဖန်ဆင်းရှင် ပြုမူပုံအပေါ် သို့မဟုတ် သူပြုသည့်အရာ မှန်သည်မှားသည်အပေါ် စီရင်ချက်ချရန် အရည်အချင်းမပြည့်မီ သို့မဟုတ် တန်ခိုးအာဏာ မရှိရုံသာမက၊ မည်သည့်ဖန်ဆင်းခံအရာများကမျှ ဖန်ဆင်းခြင်းသခင်၏ အုပ်ချုပ်ခြင်းခံရရန်၊ စီစဉ်ညွှန်ကြားခြင်းခံရရန် သို့မဟုတ် ကြိုတင်စီမံခြင်းခံရရန် သင့်မသင့်ဟူသည်ကို ရွေးချယ်ရန် အရည်အချင်း မပြည့်မီပါပေ။ အလားတူပင် ဖန်ဆင်းခံအရာ တစ်ခုတစ်လေကမျှ ဖန်ဆင်းခြင်းသခင်၏ အုပ်ချုပ်ခြင်းခံရပုံနှင့် ကြိုတင်စီမံခြင်းခံရပုံကို ရွေးချယ်ရန် အရည်အချင်းများ မရှိပါချေ။ ဤသည်မှာ အမြင့်ဆုံး အမှန်တရားပင် ဖြစ်သည်။ ဖန်ဆင်းခြင်း၏သခင်က ဖန်ဆင်းခံအရာများအပေါ် မည်သည့်အရာ ပြုလုပ်ထားသည်ဖြစ်စေ၊ ထို့ပြင် သူ မည်သို့ပြုလုပ်ထားသည်ဖြစ်စေ သူဖန်ဆင်းခဲ့သည့် လူသားများ ပြုလုပ်သင့်သမျှ အရာတစ်ခုမှာ- ဖန်ဆင်းခြင်း၏သခင်က နေရာတကျ တည်ထားစေသည့် ဤအဖြစ်မှန်ကို ရှာဖွေရန်၊ ကျိုးနွံနာခံရန်၊ သိနားလည်ရန်နှင့် လက်ခံရန်သာ ဖြစ်ပါသည်။ နောက်ဆုံးရလဒ်ကား သူ၏ စီမံခန့်ခွဲမှုအစီအစဉ်ကို မည်သည့် ဖျက်ဆီးပိတ်ဆို့မှုမှမရှိဘဲ ရှေ့လျှောက် တိုးတက်ခရီးပေါက်စေခြင်းအားဖြင့် ဖန်ဆင်းခြင်း၏ သခင်က သူ၏ စီမံခန့်ခွဲမှုအစီအစဉ်ကို ပြီးမြောက်ကာ သူ၏အလုပ်ကို ပြည့်စုံစေပြီးဖြစ်မည် ဟူသည့်အချက်ပင် ဖြစ်လိမ့်မည်။ ထိုအတောအတွင်း၌ ဖန်ဆင်းခံ အရာများက ဖန်ဆင်းရှင်၏ အုပ်ချုပ်မှုနှင့် ကြိုတင်စီမံမှုများကို လက်ခံပြီး ဖြစ်သောကြောင့်လည်းကောင်း၊ ထို့ပြင် သူ၏ အုပ်ချုပ်မှုနှင့် ကြိုတင်စီမံမှုများအား ကျိုးနွံနာခံထားပြီး ဖြစ်သောကြောင့်လည်းကောင်း သူတို့သည် သမ္မာတရားကို ရရှိပြီး ဖြစ်လိမ့်မည်၊ ဖန်ဆင်းရှင်၏ အလိုတော်ကို နားလည်ပြီးဖြစ်လိမ့်မည်၊ ထို့ပြင် သူ၏ စိတ်နေသဘောထားကို သိကျွမ်းလာပြီး ဖြစ်လိမ့်မည်ဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရှာဖွေခြင်းအားဖြင့်သာ ဘုရားသခင်၏အမှုများကို သင်သိနိုင်သည်” မှ

၉၇။ ဘုရားသခင်ညွှန်ကြားခဲ့သသည့်အတိုင်း နောဧလုပ်ခဲ့သောအခါ ဘုရားသခင်၏ ရည်ရွယ်ချက်မှာ အဘယ်အရာဖြစ်သည်ကို သူမသိခဲ့ပေ။ ဘုရားသခင်သည် အဘယ်အရာလုပ်ချင်သည်ကို သူမသိခဲ့ပေ။ ဘုရားသခင်သည် သူ့ကို အမိန့်တစ်ခုသာပေးခဲ့ပြီး တစ်ခုခုလုပ်ဖို့ ညွှန်ကြားခဲ့သည်။ သို့ရာတွင် ရှင်းပြချက်များ မပါဘဲနှင့် သူထလုပ်ခဲ့သည်။ သူသည် ဘုရားသခင်၏ရည်ရွယ်ချက်များကို နားလည်ဖို့ တိတ်တဆိတ် မကြိုးစားခဲ့သကဲ့သို့ ဘုရားသခင်ကို ခုခံခြင်း သို့မဟုတ် စိတ်နှစ်ခွလည်း မရှိခဲ့ပေ။ သူသည် သန့်စင်ပြီး ရိုးရှင်းသည့် နှလုံးသားနှင့် သင့်လျော်သလို လုပ်ခဲ့ခြင်းဖြစ်သည်။ ဘုရားသခင်က သူ့ကို လုပ်ခိုင်းသမျှကို သူလုပ်ခဲ့သည်၊ ဘုရားသခင်၏နှုတ်ကပတ်တော်များကို နာခံခြင်းနှင့် နားထောင်ခြင်းတို့က အလုပ်လုပ်သည့်နေရာတွင် သူ၏ခံယူချက်ဖြစ်သည်။ ဤသည်မှာ ဘုရားသခင် တာဝန်ပေးစေခိုင်းသည့်အရာနှင့် ပတ်သက်ပြီး ရိုးရှင်းစွာနှင့် တည့်မတ်စွာ သူကိုင်တွယ်သည့် ပုံစံပင်ဖြစ်သည်။ သူ၏အပြုအမူများ၏ အနှစ်သာရဖြစ်သည့် သူ၏အနှစ်သာရသည် နာခံခြင်းဖြစ်ပြီး၊ ကြိုတွက်ခြင်းနှင့် ခုခံခြင်း မဟုတ်သည့်အပြင် မိမိ၏ ကိုယ်ပိုင်အကျိုးအမြတ်၊ မိမိ၏အမြတ်အစွန်းနှင့် ဆုံးရှုံးခြင်းတို့ကို တွေးခြင်းမဟုတ်ပေ။ ထို့အပြင် ဘုရားသခင်က ကမ္ဘာကို ရေလွှမ်းမိုးခြင်းနှင့် ဖျက်ဆီးမည်ဟုပြောသည့်အခါ မည်သည့်အချိန်တွင် ပြုမည်နည်းဟု သူမမေးခဲ့ပေ။ သို့မဟုတ် အကုန်သိဖို့ မကြိုးစားခဲ့ပေ။ ကမ္ဘာကို မည်သို့ ဖျက်ဆီးမည်နည်းဆိုသည်ကိုလည်း လုံးဝ မမေးခဲ့ပေ။ ဘုရားသခင်ညွှန်ကြားခဲ့သည့်အတိုင်းသာ သူလုပ်ဆောင်ခဲ့သည်။ ဘုရားသခင်သည် ထိုအရာကို မည်သို့ပင် လုပ်စေလိုသည်ဖြစ်စေ၊ မည်သည့်အရာနှင့် လုပ်စေလိုသည်ဖြစ်စေ ဘုရားသခင်တောင်းဆိုသည့်အတိုင်း အတိအကျ သူလုပ်ခဲ့ပြီး ချက်ချင်းပင် စတင်လုပ်ဆောင်ခဲ့သည်။ ဘုရားသခင်ကို ကျေနပ်စေလိုသည့် သဘောထားနှင့် သူသည် ဘုရားသခင်၏ ညွှန်ကြားချက်များအတိုင်း ပြုမူလုပ်ဆောင်ခဲ့သည်။ ကပ်ဘေးမှ လွတ်မြောက်ဖို့ရန် သူလုပ်ခဲ့ခြင်းလော။ မဟုတ်ပေ။ ကမ္ဘာကြီးကို မည်မျှကြာကြာ ဖျက်ဆီးမည်ဆိုသည့်အကြောင်း ဘုရားသခင်ကို သူမေးခဲ့သလော။ မမေးခဲ့ပေ။ သင်္ဘောကို တည်ဆောက်ဖို့ မည်မျှကြာမည်ဆိုသည်ကို သိခဲ့သလော သို့မဟုတ် ဘုရားသခင်ကို မေးခဲ့သလော။ ထိုအရာကိုလည်း သူမသိခဲ့ပေ။ သူသည် နာခံ၍ နားထောင်ခဲ့ကာ သင့်လျော်သလို လုပ်ဆောင်ခဲ့ခြင်းသာဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

၉၈။ ယောဘသည် ဘုရားသခင်နှင့် အရောင်းအဝယ်များအကြောင်း မပြောသည့်အပြင် ဘုရားသခင်ထံ တောင်းခံချက်များနှင့် တောင်းဆိုချက်များကို တင်ခဲ့ခြင်း မရှိပေ။ ဘုရားသခင်၏နာမကို သူချီးမွမ်းခြင်းသည် အရာခပ်သိမ်းအပေါ် အုပ်စိုးသော ဘုရားသခင်၏ ကြီးမြတ်သော တန်ခိုးနှင့် အာဏာကြောင့် ဖြစ်ခဲ့ပြီး ကောင်းချီးမင်္ဂလာများကို သူရခဲ့ခြင်း ရှိမရှိ သို့မဟုတ် ဘေးဒုက္ခ ဆိုက်ရာက်ခဲ့ခြင်း ရှိမရှိအပေါ် မမူတည်ခဲ့ပေ။ ဘုရားသခင်သည် လူတို့အား ကောင်းချီးပေးခြင်း သို့မဟုတ် ၎င်းတို့အပေါ် ဘေးဒုက္ခ ကျရောက်စေခြင်း ရှိသည်ဖြစ်စေ မရှိသည်ဖြစ်စေ ဘုရားသခင်၏ တန်ခိုးနှင့် အာဏာသည် ပြောင်းလဲခြင်း မရှိသဖြင့် လူပုဂ္ဂိုလ်တစ်ဦး၏ အခြေအနေများကို ပဓာနမထားဘဲ ဘုရားသခင်၏ နာမကို ချီးမွမ်းသင့်သည်။ လူသားသည် ဘုရားသခင်၏ ကောင်းချီးမင်္ဂလာကို ခံရခြင်းမှာ ဘုရားသခင်၏ အချုပ်အခြာအာဏာကြောင့် ဖြစ်ပြီး လူသားအပေါ် ဘေးဒုက္ခကျရောက်သည့်အခါတွင်လည်း ၎င်းမှာ ဘုရားသခင်၏ အချုပ်အခြာအာဏာကြောင့်ပင် ဖြစ်သည်။ ဘုရားသခင်၏ တန်ခိုးနှင့် အာဏာသည် လူသား၏ ခပ်သိမ်းသောအရာအပေါ် အုပ်စိုး၍ ပြင်ဆင်မူ၏၊ မတည်တံ့သော လူသား၏ ကံကြမ္မာမှာ ဘုရားသခင်၏ တန်ခိုးနှင့် အာဏာ ထုတ်ဖော်ခြင်းပင် ဖြစ်ပြီး တစ်စုံတစ်ဦး၏ သဘောထားကို ပဓာနမထားဘဲ ဘုရားသခင်၏ နာမကို ချီးမွမ်းသင့်သည်။ ဤသည်မှာ ယောဘခံစားခဲ့ရပြီး သူ၏အသက်တာ နှစ်များအတောအတွင်း သိလာခဲ့ခြင်း ဖြစ်သည်။ ယောဘ၏ အတွေးအခေါ်နှင့် လုပ်ရပ်အားလုံးကို ဘုရားသခင် ကြားခဲ့ပြီး ယင်းတို့သည် ဘုရားသခင်ရှေ့သို့ ရောက်ခဲ့ကာ ဘုရားသခင်က အရေးကြီးသည်ဟု အမြင်ခံခဲ့ရသည်။ ဘုရားသခင်သည် ယောဘ၏ ဤအသိပညာကို မြတ်နိုးခဲ့ပြီး ယင်းကဲ့သို့ စိတ်နှလုံးမျိုးရှိသည့်အတွက် ယောဘကို တန်ဖိုးထားခဲ့သည်။ ဤစိတ်နှလုံးသည် ဘုရားသခင်၏ အမိန့်ကို အမြဲတစေ စောင့်ဆိုင်းခဲ့ပြီး နေရာအားလုံး၌၊ မည်သည့်အချိန် သို့မဟုတ် မည်သည့်နေရာ ဖြစ်ပါစေ ၎င်းသည် သူ့အပေါ် ကျရောက်မည့် အရာမှန်သမျှကို လက်ခံကြိုဆိုခဲ့သည်။ ယောဘသည် ဘုရားသခင်ထံ တောင်းဆိုချက်များ တင်ခြင်းကို မပြုခဲ့ပေ။ သူ့ကိုယ်သူ တောင်းဆိုခဲ့သောအရာမှာ ဘုရားသခင်ထံမှလာသော အစီအစဉ်အားလုံးကို စောင့်ဆိုင်းရန်၊ လက်ခံရန်၊ ရင်ဆိုင်ရန်နှင့် နာခံရန်ဖြစ်သည်၊ ဤအရာမှာ သူ၏တာဝန်ဖြစ်သည်ဟု ယောဘယုံကြည်ခဲ့ပြီး ၎င်းမှာ ဘုရားသခင် အလိုရှိခဲ့သောအရာပင် ဧကန်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၂)” မှ

၉၉။ ဘုရားသခင်၏လူ့ဇာတိခံယူသောအချိန်အတွင်း လူများထံမှ သူလိုအပ်သော နာခံခြင်းသည် လူတို့စိတ်ကူးယဉ်သောအရာဖြစ်သည့် စီရင်ဆုံးဖြတ်ခြင်း သို့မဟုတ် ဆန့်ကျင်ခြင်းများ မလုပ်ခြင်း မဟုတ်ပေ။ ယင်းအစား၊ သူလိုအပ်သောအရာမှာ လူတို့သည် သူ၏နှုတ်ကပတ်တော်များကို ၎င်းတို့၏ဘဝအတွက် အခြေခံ သဘောတရားနှင့် ၎င်းတို့၏အသက်ရှင်ကျန်မှုအတွက် အခြေခံအုတ်မြစ်ဖြစ်စေရန်၊ သူ၏နှုတ်ကပတ်တော်များ၏အနှစ်သာရကို အပြည့်အဝလက်တွေ့ကျင့်သုံးရန်နှင့် သူ၏အလိုတော်ကို အကြွင်းမဲ့ ဖြည့်ဆည်းရန်တို့ ဖြစ်သည်။ လူ့ဇာတိခံဘုရားသခင်ကို နာခံရန် လူတို့အပေါ်သတ်မှတ်ချက်၏ ရှုထောင့်တခုသည် သူ၏နှုတ်ကပတ်တော်များကို လက်တွေ့ကျင့်ကြံခြင်းကို ရည်ညွန်းပြီး အခြားရှုထောင့်တခုမှာ သူ၏ သာမန်ဖြစ်ခြင်းနှင့် လက်တွေ့ကျခြင်းတို့ကို နာခံနိုင်ခြင်းတို့ကို ရည်ညွန်းသည်။ ဤအရာနှစ်ခုလုံးသည် အကြွင်းမဲ့ ဖြစ်ရမည်။ ဤရှု့ထောင့်နှစ်ခုလုံးကို အထမြောက်စေနိုင်သောသူများသည် ဘုရားသခင်အား စစ်မှန်သော ချစ်ခြင်းမေတ္တာ ရှိသောသူများ ဖြစ်သည်။ ထိုသူတို့သည် ဘုရားသခင်အားဖြင့် ရရှိခံရသော လူများအားလုံးဖြစ်ပြီး ထိုသူတို့အားလုံးသည် ဘုရားသခင်အား မိမိတို့ဘဝကို မိမိတို့ချစ်သကဲ့သို့ ချစ်သောသူများ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏လက်တွေ့ကျခြင်းကို အကြွင်းမဲ့နာခံနိုင်သောသူများသည် ဘုရားသခင်အား အမှန်တကယ်ချစ်သောသူများဖြစ်သည်” မှ

၁၀၀။ ဘုရားသခင်အတွက် ထူးကဲစွာသက်သေခံခြင်းသည် လက်တွေ့ကျသောဘုရားသခင်ကို နားလည်ခြင်းရှိ၊ မရှိနှင့် အဓိကအားဖြင့် ဆက်စပ်နေပြီး၊ သာမန်သာမဟုတ်ဘဲ ပုံမှန်ဖြစ်သော ဤပုဂ္ဂိုလ်ရှေ့တွင် နာခံနိုင်ခြင်းရှိ၊ မရှိသာမက သေသည့်တိုင်အောင် နာခံမှု ရှိနိုင်သလော ဆိုသည်နှင့်ပင် အဓိကဆက်စပ်နေသည်။ ဤနာခံမှုအားဖြင့် ဘုရားသခင်အတွက် အမှန်တကယ် သက်သေခံလျှင် သင့်ကို ဘုရားသခင်က ရရှိပြီဟု ဆိုလိုသည်။ သေသည့်တိုင်အောင် နာခံနိုင်ခြင်း၊ ဘုရားသခင်ရှေ့တွင် ညည်းညူမှုများ မရှိခြင်း၊ စီရင်ဆုံးဖြတ်ခြင်းများ မလုပ်ဆောင်ခြင်း၊ အသရေပျက်အောင် လုပ်ကြံပြောဆိုမှု မရှိခြင်း၊ ထင် မြင်ယူဆမှုများမရှိခြင်းနှင့် အခြားရည်ရွယ်ချက်များမရှိခြင်းတို့သည် ဘုရားသခင်အား ဘုန်းတော် ထင်ရှားမှု ရရှိစေပါလိမ့်မည်။ လူများက အထင်အမြင်သေးခံရသော သာမန်ပုဂ္ဂိုလ်တစ်ဦးရှေ့တွင် နာခံခြင်းနှင့် အခြားထင်မြင်ယူဆချက်များမရှိဘဲ သေသည့် တိုင်အောင် နာခံနိုင်ခြင်းတို့သည် စစ်မှန်သော သက်သေခံခြင်း ဖြစ်သည်။ လူတို့ဝင်ရောက်ရန် ဘုရားသခင်လိုအပ်သော လက်တွေ့ကျခြင်းသည် သူ့ နှုတ်ကပတ်တော်များအား သင်နာခံနိုင်ခြင်း၊ သူ၏နှုတ်ကပတ်တော်များကို လက်တွေ့ကျင့်ကြံနိုင်ခြင်း၊ လက်တွေ့ကျသော ဘုရားသခင်၏ ရှေ့တွင် ပြပ်ဝပ်ကိုးကွယ်နိုင်ခြင်းနှင့် သင်၏ပျက်စီးခြင်းကို သင်သိနိုင်ခြင်း၊ သူ၏ရှေ့တွင် သင့်နှလုံးသားကို ဖွင့်ဟနိုင်ခြင်းနှင့် အဆုံးတွင် သူ့နှုတ်ကပတ်တော်များအားဖြင့် သူ၏ရရှိခြင်းကို ခံရခြင်းတို့ ဖြစ်သည်။ ဤနှုတ်ကပတ်တော်များက သင့်ကို အောင်နိုင်ပြီး ဘုရားသခင်အား အပြည့်အဝနာခံစေရန် သင့်ကို လုပ်ဆောင်သောအခါ ဘုရားသခင်သည် ဘုန်းတော်ထင်ရှားသည်။ ဤအရာအားဖြင့် ဘုရားသခင်က စာတန်ကို အရှက်ရစေပြီး သူ့အလုပ်ကို ပြီးမြောက်စေသည်။ လူ့ဇာတိခံသောဘုရားသခင်၏ လက်တွေ့ကျခြင်းအား မည်သည့်ထင်မြင်ယူဆချက်များမှ သင့်တွင် မရှိသောအခါ၊ ဆိုလိုသည်မှာ သင်သည် ဤစုံစမ်းခြင်းတွင် ခိုင်မာစွာ ရပ်တည်သောအခါ၊ သင်သည် ကောင်းသောသက်သေခံခြင်း ဖြစ်သည်။ သင်သည် လက်တွေ့ကျသော ဘုရားသခင်ကို အပြည့်အဝနားလည်ခြင်းရှိပြီး ပေတရုကဲ့သို့ သေသည့်တိုင်အောင် နာခံနိုင်သောနေ့တစ်နေ့ ရှိလျှင် သင်သည် ဘုရားသခင်အားဖြင့် ရရှိခြင်းခံရပြီး ဘုရားသခင်အားဖြင့် သင့်အား စုံလင်စေခြင်းခံရမည်။ သင်၏ ထင်မြင်ယူဆချက်များနှင့် ကိုက်ညီမှုမရှိသော ဘုရားသခင်လုပ်ဆောင်သောအရာသည် သင့်အတွက် စမ်းသပ်ခြင်း တစ်ခု ဖြစ်သည်။ ထိုအရာသည် သင်၏ထင်မြင်ယူဆချက်များနှင့် ကိုက်ညီမှုရှိလျှင် သင်သည် ဒုက္ခခံဖို့ သို့မဟုတ် စစ်ဆေးခြင်းခံဖို့ လိုအပ်မည်မဟုတ်ပေ။ သူ၏အလုပ်သည် အလွန်လက်တွေ့ကျပြီး သင့်ထင်မြင်ယူဆချက်များနှင့် ကိုက်ညီမှုမရှိသောကြောင့် သင်၏ထင်မြင်ယူဆချက်များကို စွန့်လွှတ်ရန် လိုအပ်ခြင်း ဖြစ်သည်။ ထို့ကြောင့် ဤအရာသည် သင့်အတွက် စမ်းသပ်မှုတခု ဖြစ်သည်။ လူအားလုံးသည် စုံစမ်းခြင်းထဲတွင် ရှိနေခြင်းသည် ဘုရားသခင်၏ လက်တွေ့ကျခြင်းကြောင့် ဖြစ်သည်။ သူ၏အလုပ်သည် လက်တွေ့ကျပြီး သဘာဝလွန်ခြင်း မဟုတ်ပေ။ သူ၏လက်တွေ့ကျသော နှုတ်ကပတ်တော်များ၊ သူ၏လက်တွေ့ကျသော မိန့်မြွက်စကားများကို ထင်မြင်ယူဆချက်များ မရှိဘဲ အပြည့်အဝနားလည်ခြင်းနှင့် သူ့အား သာ၍ စစ်မှန်စွာချစ်နိုင်ခြင်းအားဖြင့် သူ၏ အလုပ်သည် သာ၍လက်တွေ့ကျကာ၊ သင်သည် သူ့အားဖြင့် ရရှိခြင်းခံရလိမ့်မည်။ ဘုရားသခင်ရရှိမည့် လူအုပ်စုမှာ ဘုရားသခင်ကိုသိသောသူများ၊ ဆိုလိုသည်မှာ ဘုရားသခင်၏လက်တွေ့ကျခြင်းကို သိသောသူများ ဖြစ်ကြပြီး၊ ထိုထက်ပို၍ပင် ထိုသူတို့သည် ဘုရားသခင်၏လက်တွေ့ကျသောအလုပ်ကို နာခံနိုင်သောသူများ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏လက်တွေ့ကျခြင်းကို အကြွင်းမဲ့နာခံနိုင်သောသူများသည် ဘုရားသခင်အား အမှန်တကယ်ချစ်သောသူများဖြစ်သည်” မှ

၁၀၁။ ယနေ့ လူ့ဇာတိခံယူသောဘုရားသခင် ရရှိချင်သောလူတစ်စုသည် သူ့အလိုနှင့်ကိုက်ညီ သောသူများ ဖြစ်သည်။ လူတို့သည် ကောင်းကင်ဘုံရှိဘုရားသခင်၏ စိတ်ကူးများနှင့် အမြဲတမ်း ပတ်သက်နေခြင်း၊ မရေရာမှုအတွင်း နေထိုင်ခြင်း သို့မဟုတ် လူ့ဇာတိခံဘုရားသခင်အား ဒုက္ခပေးခြင်းတို့ကို မလုပ်ဘဲ သူ့အလုပ်ကို နာခံခြင်းသာ လိုအပ်သည်။ သူ့ကိုနာခံနိုင်သောသူများသည် သူ့နှုတ်ကပတ်တော်များကို အကြွင်းမဲ့ နားထောင်သူများနှင့် သူ့အစီအစဉ်များကို နာခံသောသူများ ဖြစ်သည်။ ဤလူများသည် ကောင်းကင်ဘုံရှိဘုရားသခင်သည် မည်သည့်အရာနှင့် အမှန်တကယ်တူသည် သို့မဟုတ် ကောင်းဘုံရှိဘုရားသခင်သည် လူသားမျိုးနွယ်ထဲတွင် လက်ရှိ မည်သည့်အလုပ်မျိုးကို လုပ်ဆောင်နေသည်တို့ကို ဂရုမစိုက်ဘဲ မြေကြီးပေါ်ရှိဘုရားသခင်အား ၎င်းတို့၏နှလုံးသားများကို အပြည့်အဝပေးပြီး သူ့ရှေ့တွင် ၎င်းတို့၏ဖြစ်ခြင်း တစ်ခုလုံးကို ထားရှိသည်။ ထိုသူတို့သည် မိမိတို့ကိုယ်တိုင်၏လုံခြုံမှုကို မည်သည့်အခါမျှ မစဉ်းစားဘဲ လူ့ဇာတိခံဘုရားသခင်၏ သာမန်ဖြစ်ခြင်းနှင့် လက်တွေ့ကျခြင်းတို့ကို မည်သည့်အခါမျှ အရေးပေးလွန်းခြင်း မပြုပေ။ လူ့ဇာတိခံယူသော ဘုရားသခင်ကို နာခံသောသူများသည် သူ့အားဖြင့် စုံလင်စေခြင်းခံနိုင်သည်။ ကောင်းကင်ဘုံရှိဘုရားသခင်ကို ယုံကြည်သောသူများသည် မည်သည့်အရာမျှ ရရှိမည်မဟုတ်ပေ။ ဤသည်မှာ လူတို့အပေါ် ကတိတော်များနှင့် ကောင်းကြီးမင်္ဂလာများ ပေးအပ်သည်မှာ ကောင်းကင်ဘုံရှိဘုရားသခင် မဟုတ်ဘဲ မြေကြီး ပေါ်ရှိဘုရားသခင် ဖြစ်သောကြောင့် ဖြစ်သည်။ လူတို့သည် ကောင်းကင်ဘုံရှိဘုရားသခင်အား အမြဲတမ်း ချဲ့ထွင်ခြင်းနှင့် မြေကြီးပေါ်ရှိ ဘုရားသခင်အား သာမန်ပုဂ္ဂိုလ်တစ်ဦးအဖြစ် မြင်ခြင်းတို့ကို မလုပ်သင့်ပေ။ ဤအရာသည် မတရားပေ။ ကောင်းကင်ဘုံရှိဘုရားသခင်သည် ကြီးမြတ်ပြီး အံ့သြဖွယ်ဖြစ်၍ အံ့သြဖွယ်သော ဉာဏ်ပညာရှိ၏၊ သို့သော်လည်း ဤအရာမှာ လုံးဝမတည်ရှိပေ။ မြေကြီးပေါ်ရှိဘုရားသခင်သည် အလွန်သာမန်ဖြစ်၍ ထူးခြားမှု မရှိပေ၊ သူသည် အလွန်ပုံမှန်ဖြစ်သောသူလည်း ဖြစ်သည်။ သူ၌ ထူးကဲသောစိတ် သို့မဟုတ် မြေကြီးကို တုန်လှုပ်စေသော လုပ်ဆောင်မှုများ မရှိပေ။ သူသည် အလွန်ပုံမှန်ဖြစ်ကာ လက်တွေ့ကျသောနည်းလမ်းအားဖြင့် အလုပ်လုပ်ခြင်းနှင့် ပြောဆိုခြင်းသာ ရှိသည်။ သူ သည် မုန်တိုင်းအားဖြင့်စကားပြောခြင်း သို့မဟုတ် လေနှင့်မိုးတို့အား ခေါ်ဖိတ်ခြင်းတို့ မရှိသော်လည်း သူသည် ကောင်းကင်ဘုံရှိဘုရားသခင်၏ လူ့ဇာတိခံယူခြင်း အမှန်တကယ်ဖြစ်ပြီး သူသည် လူသားများကြားတွင် နေထိုင်သော ဘုရားသခင် အမှန်တကယ်ဖြစ်သည်။ လူတို့သည် ၎င်းတို့နားလည်နိုင်၍ ဘုရားအဖြစ် ၎င်းတို့ ကိုယ်ပိုင်စိတ်ကူးများနှင့်ကိုက်ညီသော သူကို ပုံကြီးချဲ့ခြင်း သို့မဟုတ် ၎င်းတို့ လက်မခံနိုင်၍ လုံးဝ စိတ်ကူးမယဉ် နိုင်သောသူအား နှိမ့်ကျသူအဖြစ် မမြင်ရပေ။ ဤအရာအားလုံးသည် လူတို့၏ တော်လှန်ပုန်ကန်ခြင်း ဖြစ်သည်၊ ထိုအရာသည် လူသားမျိုးနွယ်၏ ဘုရားသခင်အား ခုခံခြင်း၏ မြစ်ဖျားခံရာအားလုံး ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏လက်တွေ့ကျခြင်းကို အကြွင်းမဲ့နာခံနိုင်သောသူများသည် ဘုရားသခင်အား အမှန်တကယ်ချစ်သောသူများဖြစ်သည်” မှ

၁၀၂။ ဘုရားသခင်ကို လူတို့ နာခံနိုင်သည် မနာခံနိုင်သည်ကို တိုင်းတာရာတွင်၊ ကြည့်ရှုရမည့် အဓိကအရာမှာ ဘုရားသခင်ထံမှ တစ်ခုခုကို ၎င်းတို့ အလွန်အကျွံ လိုချင်၊ မလိုချင် ဆိုသည်နှင့် ၎င်းတို့တွင် အခြားရည်ရွယ်ချက် အမျိုးအစားများ ရှိ၊ မရှိဆိုသည့်အရာ ဖြစ်သည်။ ဘုရားသခင်ကို လူတို့ အမြဲ တောင်းဆိုမှုများ ပြုလျှင်၊ ယင်းက သူ့ကို ၎င်းတို့ မနာခံသေးကြောင်း သက်သေပြ၏။ သင့်အပေါ် မည်သည့်အရာ ဖြစ်ပျက်သည်မဆို၊ သင်သည် ထိုအရာကို ဘုရားသခင်ထံမှာ လက်မခံနိုင်လျှင်၊ သမ္မာတရားကို သင် မရှာဖွေနိုင်လျှင်၊ သင်၏ ကိုယ်ပိုင် ဓမ္မဓိဋ္ဌာန်မကျသော တွေးခေါ်မြော်မြင်ချက်မှ အမြဲပြောဆိုပြီး သင်သာ မှန်ကန်သည်ဟု အမြဲခံစားနေလျှင်၊ ဘုရားသခင်ကို သံသယပင် ထားနိုင်စွမ်းရှိနိုင်သေးလျှင်၊ သင်သည် ဒုက္ခရောက်လိမ့်မည်ဖြစ်သည်။ ထိုသို့သော လူတို့သည် မာနအထောင်လွှားဆုံးနှင့် ဘုရားသခင်ကို မနာခံဆုံးသော သူများ ဖြစ်ကြ၏။ ဘုရားသခင်အပေါ် အမြဲတောင်းဆိုမှုများ ပြုကြသည့် လူများသည် ဘုရားသခင်ကို မည်သည့်အခါမျှ အမှန်တကယ် မနာခံနိုင်ကြပေ။ သင်သည် ဘုရားသခင်အပေါ် တောင်းဆိုမှုများပြုလျှင်၊ ဤအရာက သင်သည် ဘုရားသခင်နှင့် အပေးအယူလုပ်သည်၊ သင်၏ ကိုယ်ပိုင်အတွေးများကို သင်ရွေးချယ်နေပြီး သင်၏ ကိုယ်ပိုင်အတွေးအများအတိုင်း သင် ပြုမူသည်ကို သက်သေပြ၏။ ဤတွင်၊ ဘုရားသခင်ကို သင် သစ္စာဖောက်ပြီး နာခံမှုမရှိပေ။ ဘုရားသခင်အပေါ် တောင်းဆိုမှုများပြုခြင်း၌ အဓိပ္ပါယ်မရှိချေ၊ သူက ဘုရားသခင်ဖြစ်သည်ကို သင် အမှန်တကယ် ယုံကြည်လျှင်၊ သူ့အပေါ် တောင်းဆိုမှုများကို သင် လုပ်ဝံ့လိမ့်မည်မဟုတ်သကဲ့သို့၊ ထိုတောင်းဆိုမှုများက ကျိုးကြောင်းဆီလျော်သည်ဖြစ်စေ မဆီလျော်သည်ဖြစ်စေ၊ သူ့အပေါ် တောင်းဆိုမှုများပြုဖို့ သင် အရည်အချင်းရှိလိမ့်မည်လည်း မဟုတ်ပေ။ သင်၌ စစ်မှန်သောယုံကြည်မှုရှိပြီး သူက ဘုရားသခင်ဖြစ်သည်ကို ယုံကြည်လျှင်၊ သူ့ကို ကိုးကွယ်ပြီး နားခံဖို့မှတပါး ရွေးချယ်စရာ ရှိလိမ့်မည်မဟုတ်။ ယနေ့ လူတို့သည် ရွေးချယ်မှုတစ်ခု ရှိသည်သာမက၊ ၎င်းတို့၏ ကိုယ်ပိုင် အတွေးများနှင့်အညီ ပြုမူရန် ဘုရားသခင်ကို တောင်းဆိုခြင်းပင်ပြုကြပြီး၊ ၎င်းတို့၏ ကိုယ်ပိုင်အတွေးများကို ရွေးချယ်လျက် ဘုရားသခင်အနေဖြင့် ၎င်းတို့အဆိုအရ ပြုမူရန် တောင်းဆိုကြကာ၊ ဘုရားသခင်၏ ရည်ရွယ်ချက်အတိုင်း ပြုမူရန် မိမိတို့ကိုယ်ကိုယ် မသတ်မှတ်ကြချေ။ ထို့ကြောင့်၊ ၎င်းတို့အတွင်းတွင် စစ်မှန်သော ယုံကြည်မှုမရှိသကဲ့သို့၊ ဤယုံကြည်မှုအတွင်းတွင် ပါရှိသော အနှစ်သာရလည်း မရှိချေ။ ဘုရားသခင်ကို သင် သာ၍နည်းပါးသော တောင်းဆိုမှုများ ပြုလုပ်နိုင်သည့်အခါ၊ သင်၏ ယုံကြည်ခြင်းနှင့် နာခံမှုတို့ တိုးပွားလိမ့်မည်ဖြစ်ပြီး၊ သင်၏ အသိသည်လည်း အတော်အတန် ပုံမှန်ဖြစ်လာလိမ့်မည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူတို့သည် ဘုရားသခင်ကို အလွန်မြောက်မြားစွာ တောင်းဆိုကြသည်” မှ

၁၀၃။ ၎င်းတို့၏ ယုံကြည်ခြင်းတွင်၊ ဘုရားသခင်အား နာခံခြင်းကို ရှာဖွေခြင်းမပြုသူများသည် ဘုရားသခင်ကို ဆန့်ကျင်ကြသည်။ ဘုရားသခင်ကို နာခံမှု ရရှိစေရန် ဘုရားသခင်က လူတို့အား သမ္မာတရားကို ရှာဖွေရန်၊ ဘုရားသခင်၏ နှုတ်ကပတ်တော်ကို ဆာလောင်မွတ်သိပ်ကြရန်၊ ဘုရားသခင်၏ နှုတ်ကပတ် တော်ကို စားကြသောက်ကြရန်၊ ၎င်းတို့ကို လက်တွေ့ကျင့်သုံးရန် တောင်းဆိုသည်။ သင်၏ အရင်းခံအကြောင်းများသည် အမှန်စဉ်စစ် ဤကဲ့သို့ဖြစ်လျှင်၊ ဘုရားသခင်သည် သင့်ကို အသေအချာ ချီးမြှောက်ပြီး၊ သင့်အပေါ်သို့ အသေအချာ ကရုဏာ သက်ရောက်ပါလိမ့်မည်။ ဤသည်ကို မည်သူမျှ သံသယဖြစ်စရာ အကြောင်း မရှိနိုင်ပါ။ မည်သူမျှလည်း ပြောင်းလဲ၍မရပါ။ အကယ်၍ သင်၏ အခြေခံအကြောင်းရင်း များသည် ဘုရားသခင်ကို နာခံရန်မဟုတ်ဘဲ၊ သင့်မှာ အခြားရည်ရွယ်ချက်များရှိပါက၊ သင်ပြောသမျှ လုပ်သမျှ၊ သင်၏ဘုရားသခင်ရှေ့ ဆုတောင်းခြင်းများနှင့် သင်လုပ်သမျှတိုင်းသည်၊ ဘုရားသခင်နှင့် ဆန့်ကျင်ဘက်ဖြစ်မည်။ သင်သည် ညင်သာစွာ စကားပြောပြီး၊ သိမ်မွေ့သူ ဖြစ်လင့်ကစား၊ သင်လုပ်သမျှနှင့် မျက်နှာအမူအရာသည် မှန်ကန်ပုံရနိုင်ပြီး၊ သင်သည် နာခံသူတစ်ယောက်ဟု ထင်ရနိုင်သော်လည်း၊ ဘုရားသခင်အပေါ် ယုံကြည်ခြင်းနှင့် သက်ဆိုင်သည့် သင်၏ အရင်းခံအကြောင်းများ နှင့် သင်၏ အမြင်နှင့် ပတ်သက်၍ သင်လုပ်သမျှသည် ဘုရားသခင်နှင့် ဆန့်ကျင်ဘက်ဖြစ်ပြီး၊ ဆိုးယုတ်၏။ သိုးကဲ့သို့ နာခံမည်ဟု ထင်ရ သော်လည်း ၎င်းတို့စိတ်ထဲတွင် ဆိုးယုတ် သော ရည်ရွယ်ချက်များ ကိန်းအောင်းနေသောသူများသည် သိုးရေ ခြုံထားသော ဝံပုလွေများဖြစ်ကြပြီး၊ ၎င်းတို့သည် ဘုရားသခင်ကို တိုက်ရိုက်စော်ကားကြကာ ဘုရားသခင်သည် ၎င်းတို့ တစ်ဦးတစ်ယောက်ကိုမျှ ချမ်းသာပေးမည်မဟုတ်ပေ။ သန့်ရှင်းသောဝိညာဉ်တော်က ၎င်းတို့တစ်ဦးချင်းကို ဖေါ်ထုတ်လိမ့်မည်။ ထို့ကြောင့် သူတော်ကောင်း ယောင်ဆောင်သူ တစ်ဦးချင်းသည် အမှန်တကယ်ပင် အလွန်မုန်တီးခြင်းခံရပြီး၊ သန့်ရှင်းသော ဝိညာဉ်တော်၏ ပစ်ပယ်ခြင်း ခံရမည်ကို အားလုံး တွေ့ကြနိုင်လိမ့်မည်။ ပူပန်ခြင်းမရှိပါနှင့်။ ဘုရားသခင်က ၎င်းတို့ တစ်ဦးချင်းကို ကိုင်တွယ်၍ အလှည့်ကျ ဖြေရှင်းလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် ဘုရားသခင်ကို ယုံကြည်ရာတွင် ဘုရားသခင်ကို နာခံသင့်သည်” မှ

ယခင်က:(၇) ရိုးသားသော လူတစ်ဦး မည်သို့မည်ပုံ ဖြစ်ရန် နှင့် ပတ်သက်သည့် နှုတ်ကပတ်တော်များ

နောက်တစ်ခုသို့:(၉) သင်၏ တာဝန်ကို ပြည့်ဝစွာ ဖြည့်ဆည်းခြင်းနှင့် ပတ်သက်သည့် နှုတ်ကပတ်တော်များ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ