အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှဂန္တဝင်နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၁၁။ သမ္မာတရား၏ စစ်မှန်မှုထဲသို့ ဝင်ရောက်ခြင်းနှင့် ပတ်သက်သည့် ဂန္တဝင် နှုတ်ကပတ်တော်များ

(၁၃) ဘုရားသခင်အား ချစ်ခင်ကြင်နာမှုကို မည်သို့မည်ပုံရှာဖွေလိုက်စားရန်နှင့် ပတ်သက်သည့် နှုတ်ကပတ်တော်များ

၁၆၀။ ဘုရားသခင်သည် လူသားတို့ ယုံကြည်ရုံအတွက်သာ မဟုတ်၊ လူသားတို့ ချစ်ခင်ရန်အတွက်လည်း ဖြစ်သည်။ သို့ရာတွင် ဘုရားသခင်ကို ယုံကြည်သော သူများစွာတို့သည် ဤ “လျှို့ဝှက်ချက်” ကို ရှာဖွေတွေ့ရှိနိုင်စွမ်း မရှိကြပေ။ လူတို့သည် ဘုရားသခင်အား မချစ်ရဲကြ၊ ဘုရားသခင်အား ချစ်ရန် အတွက်လည်း မကြိုးစားကြပေ။ ဘုရားသခင်နှင့် ပတ်သက်၍ ချစ်ခင်ဖွယ်ရာများ များစွာရှိသည်ကို သူတို့သည် တစ်ခါမျှ ရှာဖွေတွေ့ ရှိခဲ့ခြင်း မရှိပေ။ ဘုရားသခင်သည် လူသားတို့ကို ချစ်သောဘုရား ဖြစ်ကြောင်း၊ ဘုရားသခင်သည် လူသားတို့ ချစ်ရန်အတွက် ဖြစ်ကြောင်းကို သူတို့ တစ်ခါမှ ရှာဖွေတွေ့ရှိခဲ့ခြင်း မရှိပေ။ ဘုရားသခင်၏ ချစ်ခင်နှစ်သက်ဖွယ်ကောင်းမှုများကို သူ၏လုပ်ငန်းတွင် ဖော်ပြထားသည်။ လူတို့သည် ဘုရားသခင်၏ လုပ်ငန်းကို ကြုံတွေ့ ခံစားရမှသာလျှင် သူ၏ ချစ်ခင်နှစ်သက်ဖွယ်ကောင်းမှုကို ရှာဖွေတွေ့ရှိကြမည် ဖြစ်သည်။ သူတို့၏ တကယ့် အတွေ့အကြုံများအားဖြင့် သာလျှင် ဘုရားသခင်၏ ချစ်ခင်နှစ် သက်ဖွယ်ကောင်းမှုကို အသိအမှတ်ပြုနိုင်မည် ဖြစ်သည်။ ဘုရားသခင်၏ ချစ်ခင်နှစ်လိုဖွယ်ကောင်းမှုကို လက်တွေ့ဘဝတွင် စောင့်ကြည့် လေ့လာခြင်း မရှိဘဲနှင့် မည်သူမျှ ဘုရားသခင်၏ ချစ်ခင်နှစ်လိုဖွယ်ကောင်းမှုကို ရှာဖွေတွေ့ရှိနိုင်မည် မဟုတ်ပေ။ ဘုရားသခင်၌ ချစ်စရာကောင်းသော အချက်များစွာ ရှိပါသည်။ သို့ရာတွင် သူနှင့်အမှန်တကယ် ဆက်သွယ်မှု မရှိဘဲ လူတို့သည် ဘုရားသခင်၏ ချစ်ခင်နှစ်လိုဖွယ်ကောင်းမှုကို ရှာဖွေတွေ့ရှိနိုင်စွမ်း ရှိမည်မဟုတ်ပေ။ ဆိုလိုသည့်အရာမှာ အကယ်၍ ဘုရားသခင်သည် လူသား အဖြစ် မခံယူခဲ့ပါက လူတို့သည် ဘုရားသခင်နှင့် အမှန်တကယ် ဆက်သွယ်နိုင်စွမ်း ရှိမည် မဟုတ်ပေ။ ဘုရားသခင်နှင့် အမှန်တကယ် မဆက်သွယ်နိုင်ပါက ဘုရားသခင်၏ လုပ်ငန်းကိုလည်း တွေ့ကြုံနိုင်မည် မဟုတ်ပေ။ သို့ဖြစ်လျှင် ဘုရားသခင် အပေါ်ထားသော သူတို့၏ ချစ်ခြင်းမေတ္တာသည်လည်း မှားယွင်းမှုနှင့် စိတ်ကူးယဉ်မှု အမြောက်အများဖြင့်သာ စွန်းထင်းနေမည် ဖြစ်သည်။ ကောင်းကင်ဘုံတွင်ရှိသော ဘုရားသခင်၏ ချစ်ခြင်းမေတ္တာသည် ကမ္ဘာမြေပေါ်တွင်ရှိသော ဘုရားသခင်၏ ချစ်ခြင်းမေတ္တာလောက် မစစ်မှန်ပေ။ အကြောင်းရင်းမှာ ကောင်းကင်ဘုံမှ ဘုရားသခင်နှင့် ပတ်သက်သော လူတို့၏ အသိဉာဏ်သည် သူတို့ ကိုယ်ပိုင်မျက်လုံးများဖြင့် မြင်သည့် အရာများ၊ သူတို့ ကိုယ်တိုင် ကြုံတွေ့ခဲ့သည့် အရာများထက် သူတို့၏ စိတ်ကူးယဉ်မှုများ အပေါ်တွင်သာ တည်ဆောက်ထားသောကြောင့် ဖြစ်သည်။ ဘုရားသခင်သည် ကမ္ဘာကြီးပေါ်သို့ ရောက်လာချိန်တွင် လူတို့သည် သူ၏ စစ်မှန်သော လုပ်ဆောင်ချက်များနှင့် သူ၏ ချစ်ခင်နှစ်လိုဖွယ်ကောင်းမှုတို့ကို တွေ့မြင်ကြရသည်။ သူ၏ လက်တွေ့ကျပြီး သာမာန်ဖြစ်သည့် ပင်ကိုယ်စရိုက်အားလုံးကို တွေ့ခွင့်ရကြသည်။ ဤအရာများအားလုံးသည် ကောင်းကင်ဘုံတွင်ရှိသော ဘုရားသခင်နှင့်ပတ်သက်သော အသိထက် အဆထောင်ပေါင်းများစွာ ပို၍ စစ်မှန်ပါသည်။ လူတို့သည် ကောင်းကင်ဘုံမှ ဘုရားသခင်ကို မည်မျှပင် ချစ်စေကာမူ ထိုချစ်ခြင်းမေတ္တာသည် စစ်မှန်သောအရာ တစ်စုံတစ်ခုမျှ မရှိသောအရာ၊ လူသားတို့၏ အတွေးအထင်များဖြင့်သာ ပြည့်နေသောအရာ ဖြစ်သည်။ ကမ္ဘာကြီးပေါ်မှ ဘုရားသခင်ကို အနည်းငယ်သာ ချစ်လျှင်မူ ထိုချစ်ခြင်းသည် စစ်မှန်သော ချစ်ခြင်း ဖြစ်သည်။ အနည်းငယ်သာ ဖြစ်လင့်ကစား စစ်မှန်သည့် ချစ်ခြင်းမေတ္တာ ဖြစ်နေသေးသည်။ ဘုရားသခင်သည် စစ်မှန်သောအလုပ်မှ တဆင့် သူ့ကို လူများ သိလာအောင် လုပ်ဆောင်ပြီး၊ ထိုအသိမှတဆင့် လူတို့၏ ချစ်ခြင်းမေတ္တာကို ရယူသည်။ ပေတရုကဲ့သို့ပင် ဖြစ်သည်- အကယ်၍ ပေတရုသည် ယေရှုနှင့်အတူ မနေခဲ့လျှင်ယေရှုကို ချစ်မြတ်နိုးရန် မဖြစ်နိုင်ပေ။ ထို့အတူ ယေရှုအပေါ်၌ ထားသော သူ၏ သစ္စာရှိမှုသည်လည်း ယေရှုနှင့် ဆက်နွယ်ခဲ့မှု အပေါ်တွင် တည်ဆောက်ထားသောအရာ ဖြစ်သည်။ လူတို့ သူ့ကို ချစ်လာစေရန်အတွက် ဘုရားသခင်သည် လူတို့ဆီသို့ ကြွဆင်းလာပြီး၊ လူတို့နှင့်အတူ နေထိုင်လျက်ရှိသည်။ ဘုရားသခင်က လူတို့ကို မြင်တွေ့၊ ကြုံဆုံစေသည့် အရာအားလုံးသည် ဘုရားသခင်၏ လက်တွေ့ကျမှုပင် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်သောသူများသည် သူ၏အလင်းထဲတွင် ထာဝရနေထိုင်လိမ့်မည်” မှ

၁၆၁။ ဘုရားသခင်ကို ချစ်ခြင်း သင်ခန်းစာထက် မည်သည့်သင်ခန်းစာမှ မကြီးမြှင့်ပေ။ လူတို့ ဘဝတစ်လျှောက်လုံး ယုံကြည်ခြင်းမှ သင်ယူရရှိခဲ့သော သင်ခန်းစာသည် ဘုရားသခင်ကို မည်ကဲ့သို့ ချစ်ရမည်ပင် ဖြစ်သည်ဟုပြောနိုင်ပါသည်။ ဆိုလိုသည်မှာ သင်သည် ဘုရားသခင်ကို ယုံကြည်လျှင် ဘုရားသခင်ကို ချစ်ရမည်။ သင်က ဘုရားသခင်ကို ယုံကြည်မှုသာရှိပြီး မချစ်ဘူးဆိုလျှင်၊ ဘုရားသခင်အား သိမြင်မှုကို မရရှိဘူးဆိုလျှင်၊ သင့်နှလုံးသားထဲမှလာသော စစ်မှန်သည့် ချစ်ခြင်းမေတ္တာနှင့် ဘုရားသခင်ကို တစ်ခါမျှ မချစ်ခဲ့ဘူးဆိုလျှင် ဘုရားသခင်အပေါ် သင်၏ယုံကြည်မှုက အဓိပ္ပာယ်မရှိပေ။ ဘုရားသခင်အပေါ် သင်၏ ယုံကြည်ခြင်းမှာ သင်က ဘုရားသခင်ကို မချစ်ဘူးဆိုလျှင် သင်သည် အလဟဿ အသက်ရှင်နေတာဖြစ်ပြီး သင်၏ ဘဝတစ်ခုလုံးသည် သက်ရှိအားလုံးထက် အနိမ့်ကျဆုံးဖြစ်သည်။ သင့်ဘဝ တစ်လျှောက်လုံး၌ သင်က ဘုရားသခင်ကို တစ်ခါမျှ မချစ်ခဲ့ဖူး၊ သို့မဟုတ် စိတ်မကျေနပ်စေခဲ့ဘူးဆိုလျှင် သင် အသက်ရှင်သန်နေရသည်မှာ အဘယ်အဓိပ္ပာယ်ရှိမည်နည်း။ ပြီးလျှင် ဘုရားသခင်အပေါ် သင်၏ ယုံကြည်ခြင်းက အဘယ်အဓိပ္ပာယ်ရှိမည်နည်း။ အလကားသက်သက် ဖြစ်မနေဘူးလော။ ဆိုလိုသည်မှာ လူတွေသည် ဘုရားသခင်ကို ယုံကြည်ပြီး ချစ်မြတ်နိုးမည်ဆိုလျှင် သူတို့သည် ပေးဆပ်မှုများ ပြုလုပ်ရမည်ဖြစ်သည်။ အပေါ်ယံပုံစံနှင့် ပြုမူဖို့ ကြိုးစားနေခြင်းထက် မိမိတို့နှလုံးသားအတွင်းထဲမှ စစ်မှန်သော ထိုးထွင်းဉာဏ်ကို ရှာဖွေသင့်သည်။ သင်က သီချင်းဆိုခြင်းနှင့် ကခြင်းကို စိတ်အားထက်သန်ပြီး အမှန်တရားကို လက်တွေ့ မကျင့်သုံးဘူးဆိုလျှင် ဘုရားသခင်ကို ချစ်ပါသည်ဟု သင်ဆိုနိုင်ပါမည်လော။ ဘုရားသခင်ကို ချစ်ခြင်းသည် အရာအားလုံးထဲ၌ ဘုရားသခင်၏ အလိုတော်ကို ကြိုးစားရှာဖွေခြင်း၊ သင်၌ တစ်ခုခုဖြစ်သည့်အခါ နက်နက်နဲနဲ စူးစမ်းခြင်း၊ ဘုရားသခင်၏ အလိုတော်ကို နားလည်သဘောပေါက်ဖို့ ကြိုးစားခြင်း၊ ဤကိစ္စ၌ ဘုရားသခင်၏ အလိုတော်က အဘယ်နည်းဆိုသည်ကို သိဖို့ကြိုးစားခြင်း၊ သူက သင့်ကို မည်သည့်အရာများ ရရှိစေချင်သည်နှင့် သူ၏အလိုတော်ကို သင်မည်ကဲ့သို့ သတိထားသင့်သည် စသည်တို့ကို သိဖို့ကြိုးစားခြင်းတို့ လိုအပ်သည်။ ဥပမာ- သင့်အနေဖြင့် အခက်အခဲကိုတောင့်ခံရမည့်အရာတစ်ခု ဖြစ်ပျက်လာပါက ထိုအချိန်တွင် ဘုရားသခင်၏အလိုတော်သည် အဘယ်အရာဖြစ်သည်နှင့် သူ၏အလိုတော်နှင့်ပတ်သက်၍ သင်မည်ကဲ့သို့ သတိရှိသင့်ပုံတို့ကို သင်နားလည်သင့်သည်။ သင့်အနေဖြင့် ကိုယ့်ကိုယ်ကိုယ် ကျေနပ်အားရနေ၍ မရပေ။ ပထမဆုံး သင့်ကိုယ်သင် ဘေးဖယ်ထားလိုက်ပါ။ ဇာတိပကတိထက် ဆိုးဝါးသောအရာ ဘာမျှမရှိပေ။ သင်သည် ဘုရားသခင်ကို ကျေနပ်စေဖို့ ကြိုးစားလုပ်ဆောင်ရမည်ဖြစ်ပြီး သင်၏တာဝန်ကို ဖြည့်စွမ်းရပါမည်။ ဤကဲ့သို့အတွေးများနှင့်ဆိုလျှင် ဘုရားသခင်သည် ဤကိစ္စနှင့်ပတ်သက်၍ အထူးဉာဏ်ပွင့်ခြင်းကို သင့်အားပေးလိမ့်မည်ဖြစ်ပြီး သင့်နှလုံးသားသည်လည်း သက်သာခြင်းကို တွေ့ရှိလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်” မှ

၁၆၂။ “ချစ်ခြင်းမေတ္တာ” ဟူသည့် အရာမှာ လုံးဝဖြူစင်သည့် အပြစ်ဆိုဖွယ်ရာမရှိသော စိတ်ခံစားမှု တစ်ခုကို ရည်ညွှန်းသည်၊ သင့်နှလုံးသားဖြင့် သူတစ်ပါးကို သင်ချစ်သည့်နေရာ၊ သင်ခံစားသည့်နေရာနှင့် သူတစ်ပါးအတွက် သင်စဉ်းစားပေးသည့်နေရာ၌ အသုံးပြုသော အရာလည်း ဖြစ်သည်။ ချစ်ခြင်းမေတ္တာ၌ သတ်မှတ်ချက်များမရှိ၊ အတားအဆီးမရှိ ထို့ပြင် အကွာအဝေးလည်းမရှိပေ။ ချစ်ခြင်းမေတ္တာသည် မသင်္ကာစရာမရှိ၊ လိမ်ညာမှုမရှိ၊ ထို့ပြင် ကောက်ကျစ်စဉ်းလဲမှုလည်း မရှိပေ။ ချစ်ခြင်းမေတ္တာ၌ အကွာအဝေး မရှိသည့်အပြင် မစင်ကြယ်မှု လုံးဝမရှိပေ။ အကယ်၍ သင်သည် ချစ်ခြင်းမေတ္တာထားပါက၊ လိမ်လည်လှည့်ဖြားမည် မဟုတ်၊ မညည်းညူ၊ သစ္စာမဖောက်ဖျက်၊ ဆန့်ကျင်ပုန်ကန်မှု မလုပ်၊ တောင်းဆိုမှု မလုပ်ပေ၊ သို့မဟုတ် တစ်စုံတစ်ရာ ရယူရန် သို့မဟုတ် ပမာဏ တစ်ခုခု ရယူရန်အတွက် ကြိုးပမ်းမည်မဟုတ်ချေ။ သင်သည် သူတစ်ပါးအပေါ် မေတ္တာထားပါက၊ ဝမ်းမြောက်ဝမ်းသာစွာ စွန့်လွှတ်အနစ်နာခံပြီး အခက်အခဲ ဟူသမျှ ကြံ့ကြံ့ခံလိမ့်မည်၊ ထို့ပြင် သင်သည် ငါနှင့် သဟဇာတ ဖြစ်လာလိမ့်မည်။ ငါ့အတွက် သင်၏အရာအားလုံးကို သင်စွန့်လိမ့်မည်၊ သင့်မိသားစု၊ သင့်အနာဂတ်၊ သင့်ငယ်ရွယ်နုပျိုမှုနှင့် သင့်အိမ်ထောင်ရေး စသည်တို့ကို သင်စွန့်လိမ့်မည်။ သို့မဟုတ်ပါက သင့်ချစ်ခြင်းမေတ္တာမှာ မေတ္တာစစ် မေတ္တာမှန် မဖြစ်နိုင်ဘဲ ယင်းအစား လိမ်ညာမှုနှင့် သစ္စာဖောက်ဖျက်မှုပင် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခေါ်ခြင်းခံရသူ များသော်လည်း ရွေးကောက်ခံရသူ နည်းပါး၏” မှ

၁၆၃။ လူတို့က ဘုရားသခင်ကို သူတို့၏ နှလုံးသားနှင့် ဆက်သွယ်သည့်အခါ၊ သူတို့၏ နှလုံးသားသည် သူ့ထံ လုံးဝ လှည့်လာနိုင်သည့်အခါ၊ ဤသည်မှာ ဘုရားသခင်အတွက် လူသား၏ ချစ်ခြင်း၏ ပထမအဆင့် ဖြစ်သည်။ အကယ်၍ သင်က ဘုရားသခင်ကို ချစ်မြတ်နိုးလိုပါက ပထမဆုံး သင့်နှလုံးသားကို သူ့ဘက်ကို လှည့်လာနိုင်ရမည်။ ဘုရားသခင်ထံ သင့်နှလုံးသားကို လှည့်ခြင်းဆိုသည်မှာ အဘယ်နည်း။ သင့်နှလုံးသားထဲ၌ မီအောင်လိုက်သော အရာရာတိုင်းက ဘုရားသခင်ကို ရရှိခြင်းနှင့် ချစ်ခြင်းအတွက် ဖြစ်သည့်အခါပင်ဖြစ်ပြီး ဤသည်မှာ သင်က ဘုရားသခင်ထံ သင့်နှလုံးသားကို လုံးဝလှည့်ပြီး ဖြစ်သည်ဆိုခြင်းအား ပြသည်။ ဘုရားသခင်နှင့် သူ၏ နှုတ်ကပတ်တော်များမှလွဲ၍ သင့်နှလုံးသားထဲ၌ အခြားအရာ ဘာမျှမရှိလုနီးပါးဖြစ်သည် (မိသားစု၊ ချမ်းသာမှု၊ လင်ယောင်္ကျား၊ ဇနီးမယား၊ သို့မဟုတ် အခြားအရာများ)။ ရှိနေလျှင်ပင် ထိုအရာများက သင့်နှလုံးသားကို မသိမ်းပိုက်နိုင်ချေ။ ထို့အပြင် သင်သည် မိမိ၏ အလားအလာများကို မတွေးဘဲ ဘုရားသခင်အား ချစ်ခြင်းကိုသာ မီအောင်လိုက်သည်။ ထိုအချိန်၌ သင်သည် ဘုရားသခင်ထံ သင်၏ နှလုံးသားကို လုံးဝလှည့်လိုက်ပြီး ဖြစ်လိမ့်မည်။ သင်က သင့်နှလုံးသား၌ သင့်အတွက် အစီအစဉ်များ ဆွဲနေသေးသည်ဆိုပါစို့၊ သင်က သင်ကိုယ်တိုင်၏ အကျိုးအမြတ်အတွက် ဤသို့စဥ်းစားရင်း အမြဲတမ်းကြိုးစားအားထုတ်နေခြင်း ဖြစ်သည်၊ “ဘုရားသခင်ဆီကနေ သေးငယ်တဲ့ တောင်းဆိုမှုတစ်ခုကို ကျွန်တော် ဘယ်အချိန် ပြုလုပ်နိုင်မလဲ။ ကျွန်တော့်ရဲ့ မိသားစုက ဘယ်အချိန်မှာ ချမ်းသာလာမှာလဲ။ အဝတ်အစား ကောင်းကောင်းတွေ ကျွန်တော် ဘယ်လိုရမှာလဲ။...” သင်က ထိုအခြေအနေ၌ နေထိုင်နေပါလျှင် သင့်နှလုံးသားက ဘုရားသခင်ထံ အပြည့်အဝ လှည့်မလာသေးဟု ပြနေသည်။ သင့်နှလုံးသားထဲ၌ ဘုရားသခင်၏ နှုတ်ကပတ်တော်များသာ ရှိပြီး ဘုရားသခင်ကို သင်ဆုတောင်းနိုင်ကာ တစ်ချိန်လုံး သူနှင့် နီးစပ်လာပါက၊ သူက သင့်နှင့် အလွန် ရင်းနှီးနေသည့်အလား၊ ဘုရားသခင်က သင့်အတွင်း၌ ရှိနေပြီး သင်က သူ့အတွင်း၌ ရှိနေသည့်အလား ဆိုပါက၊ အကယ်၍ သင်က ဤအဆင့်မျိုး၌ ရှိသည်ဆိုလျှင် သင့်နှလုံးသားက ဘုရားသခင်၏ မျက်မှောက်ထဲ၌ ရှိနေသည်ဟု ဆိုလိုသည်။ အကယ်၍ သင်က ဘုရားသခင်ကို ဆုတောင်းပြီး သူ၏နှုတ်ကပတ်တော်များကို နေ့စဉ်စားသောက်ပါက၊ အသင်းတော် အလုပ်များကို အမြဲတမ်း စဉ်းစားနေပါက၊ ဘုရားသခင်၏ အလိုကို ထောက်ထားပါက၊ သူ့ကိုစစ်မှန်စွာ ချစ်ပြီး သူ့နှလုံးသားကို ကျေနပ်စေဖို့ရန် သင့်နှလုံးသားကို အသုံးပြုပါက၊ သင်၏ နှလုံးသားသည် ဘုရားသခင်နှင့် သက်ဆိုင်ပေသည်။ အကယ်၍ သင်၏နှလုံးသားသည် အခြားအရာများ၏ နေရာယူထားခြင်းကို ခံထားရပါက၊ သင့်နှလုံးသားကို စာတန်က နေရာယူထားဆဲဖြစ်ပြီး ဘုရားသခင်ထံ အမှန်တကယ် မလှည့်ထားချေ။ လူတစ်ယောက်၏ နှလုံးသားသည် ဘုရားသခင်ထံ အမှန်တကယ် လှည့်ပြီးသည့်အခါ သူတို့၌ ဘုရားသခင်အတွက် စစ်မှန်ပြီး အလိုအလျောက်ဖြစ်သော ချစ်ခြင်း ရှိမည်ဖြစ်ပြီး ဘုရားသခင်၏ အမှုကို ထောက်ထားနိုင်မည် ဖြစ်သည်။ သူတို့၌ မိုက်မဲပြီး အသိတရားမဲ့သော အခြေအနေများ ရှိနေမည်ဖြစ်သော်လည်း သူတို့သည် ဘုရားသခင် အိမ်တော်၏ အကျိုးတို့အတွက်၊ သူ၏ အမှုအတွက်နှင့် မိမိတို့၏ စိတ်သဘောထား ပြောင်းလဲမှုအတွက် ထောက်ထားနိုင်စွမ်း ရှိမည်ဖြစ်သည်။ သူတို့၏ နှလုံးသားသည် လုံးဝ မှန်ကန်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်အတွက် စစ်မှန်သောချစ်ခြင်းသည် အလိုအလျောက် ဖြစ်သည်” မှ

၁၆၄။ လူတွေအပေါ်မှာ ဖြစ်ပျက်သည့် အရာတိုင်းသည် သူ့အတွက် သူတို့၏ သက်သေခံမှုမှာ ခိုင်မြဲစွာရပ်တည်ဖို့ ဘုရားသခင် အလိုရှိတဲ့ အချိန်ပင်ဖြစ်သည်။ လက်ရှိအချိန်မှာ သင်က ကြီးမားသည့် အရာများ ဘာမျှမဖြစ်။ ကြီးမားသည့် သက်သေခံမှုများ မရှိ။ သို့သော်လည်း သင်၏ နေ့စဉ်အသက်တာ အသေးစိတ်သည် ဘုရားသခင်အပေါ် သက်သေခံခြင်းနှင့် ဆက်စပ်နေသည်။ သင်က သင့်ညီအစ်ကို မောင်နှမများ၊ သင့်မိသားစုအဖွဲ့ဝင်များနှင့် သင့်ဘေးမှာရှိတဲ့ လူတိုင်း၏ လေးစားမှုကို ရယူနိုင်လျှင်၊ တစ်နေ့မှာ မယုံကြည်သူများ ရောက်လာပြီး သင်လုပ်ဆောင်သမျှအားလုံးကို လေးစားပြီး ဘုရားသခင် လုပ်ဆောင်သည့် အရာအားလုံးက အံ့သြဖွယ် ဖြစ်သည်ဆိုသည်ကို မြင်လျှင် သင်သည် သက်သေခံပြီး ဖြစ်သည်။ သင်သည် ထိုးထွင်းဉာဏ်မရှိ၊ အရည်အချင်းက နိမ့်ကျသော်လည်း ဘုရားသခင်၏ သင့်ကို ပြည့်စုံစေခြင်းမှတစ်ဆင့် သင်သည် သူ့ကို ကျေနပ်စေနိုင်ပြီး သူ့အလိုကို သတိပြုမိမည် ဖြစ်သည်။ အနိမ့်ကျဆုံး အရည်အချင်းရှိသူတို့မှာ သူလုပ်ဆောင်ခဲ့သည့် ကြီးမြတ်သော လုပ်ဆောင်မှုကို လူများက မြင်မည်ဖြစ်သည်။ လူများက ဘုရားသခင်ကို သိလာပြီး၊ စာတန်ကို အောင်နိုင်သူများဖြစ်လာကာ၊ ဘုရားသခင်ကို အတိုင်းအတာ တစ်ခုအထိ သစ္စာရှိလာကြသည်။ ဤကဲ့သို့ လူအုပ်စုများထက် အဘယ်အရာမျှ ပိုမိုကောင်းမွန်သည့် ကျောထောက်နောက်ခံ မဖြစ်တော့ပေ။ ဤသည်မှာ အကြီးမားဆုံးသော သက်သေခံချက် ဖြစ်ပါလိမ့်မည်။ သင်က ကြီးမားသည့် အလုပ်များကို မလုပ်နိုင်သော်လည်း၊ ဘုရားသခင်ကို ကျေနပ်စေနိုင်သည်။ တစ်ခြားလူများက သူတို့၏ အယူအဆများကို ဘေးဖယ်မထားနိုင်သော်လည်း သင်က ဘေးဖယ်ထားနိုင်သည်။ တစ်ခြားလူများက သူတို့၏ အမှန်တကယ် အတွေ့အကြုံများမှာ ဘုရားသခင်ကို သက်သေမခံနိုင်သော်လည်း သင်က ဘုရားသခင်၏ ချစ်ခြင်းမေတ္တာကို ပြန်လည်ပေးဆပ်ပြီး သူ့အပေါ်မှာ ခိုင်မာသည့် သက်သေခံမှုကို ပြုလုပ်ဖို့အတွက် သင်၏ အမှန်တကယ် အရေးပါမှုနှင့် အပြုအမူတို့ကို အသုံးပြုနိုင်သည်။ ဤအချက်ကသာ ဘုရားသခင်ကို အမှန်တကယ် ချစ်ခြင်းအနေနှင့် အသိအမှတ်ပြုနိုင်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်” မှ

၁၆၅။ လူသားသည် မှောင်မိုက်လွှမ်းမိုးမှု အရိပ်အောက်နှင့် မည်သို့မျှ လွတ်မြောက်နိုင်ခြင်း မရှိသည့် စာတန်လွှမ်းမိုးမှု၏ အချုပ်အနှောင်တွင် နေနေခဲ့ပါသည်။ စာတန်၏ပြောင်းလဲမှု ခံရပြီးနောက် လူသား၏ စိတ်နေသဘောထားသည် တိုး၍အကျင့်ပျက်လာနေ၏။ လူသားသည် အကျင့်ပျက်သည့် စာတန်ဆန်သော စိတ်နေသဘောထားဖြင့် ဘုရားသခင်ကို စစ်မှန်စွာမချစ်နိုင်ဘဲ အမြဲရှိနေခဲ့သည်ဟု ဆိုနိုင်သည်။ သို့ဖြစ်၍ လူသားသည် ဘုရားသခင်ကို ချစ်လိုပါက မိမိကိုယ်ကို သူတစ်ပါးထက် သာ၍ဖြောင့်မှန်သည်၊ သာ၍ အရေးပါသည် ဟူသောစိတ်၊ ဝင့်ဝါစိတ်၊ အထင်ကြီးစိတ်တို့ကို ပယ်ချွတ်ရမည်ဖြစ်သည်။ ၎င်းတို့အားလုံးမှာ စာတန်၏ စိတ်နေသဘောထားများ ဖြစ်သည်။ သို့မဟုတ်ပါက လူသား၏ ချစ်ခြင်းသည် မသန့်စင်သော ချစ်ခြင်း၊ စာတန်၏ ချစ်ခြင်းဖြစ်ပြီး ဘုရားသခင်က လုံးဝ လက်မခံနိုင်သော ချစ်ခြင်းဖြစ်၏။ စုံလင်စေရန် တိုက်ရိုက် လုပ်ဆောင်ခြင်း၊ ကိုင်တွယ်ဖြေရှင်းခြင်း၊ ရိုက်နှက်ဆုံးမခြင်း၊ ချိုးဖဲ့ခြင်း၊ ပြုပြင်ခြင်း၊ ဆုံးမပဲ့ပြင်ခြင်း၊ စစ်ဆေးခြင်း မရှိဘဲ သို့မဟုတ် သန့်ရှင်းသော ဝိညာဉ်တော်က သန့်စင်ခြင်း မရှိဘဲ မည်သူမျှ ဘုရားသခင်ကို စစ်မှန်စွာ ချစ်နိုင်မည် မဟုတ်ပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဖောက်ပြန်ပျက်ဆီးသော လူသားသည် ဘုရားသခင်ကို ကိုယ်စားပြုခြင်းငှာ မတတ်စွမ်းနိုင်” မှ

၁၆၆။ ယနေ့တွင် လူအများစု၌ ထိုအသိပညာ မရှိကြပေ။ ဒုက္ခဝေဒနာခံစားရခြင်းမှာ တန်ဖိုးမရှိဟု ၎င်းတို့ယုံကြည်ကြသည်၊ ၎င်းတို့သည် လောကကြီး၏ စွန့်ပစ်ခြင်းကိုခံကြရသည်၊ ၎င်းတို့၏ နေအိမ်အသက်တာ၌ သောကရောက်ကြသည်၊ ၎င်းတို့သည် ဘုရားသခင်၏ ချစ်မြတ်နိုးခြင်းခံရသူများ မဟုတ်ဘဲ ၎င်းတို့၏ မျှော်လင့်ချက်များမှာ စိတ်ဓာတ်ကျဖွယ်ရာဖြစ်၏။ အချို့သူများ၏ ဒုက္ခဝေဒနာခံစားရခြင်းမှာ အဆင့်တစ်ခုသို့ ရောက်ရှိပြီး ၎င်းတို့၏အတွေးများသည် သေခြင်းတရားဘက်သို့ လှည့်သွားကြသည်။ ဤသည်မှာ ဘုရားသခင်ကို အမှန်တကယ် ချစ်မြတ်နိုးခြင်းမဟုတ်ပေ။ ထိုသို့သော လူများသည် သူရဲဘောကြောင်သူများဖြစ်ပြီး၊ ၎င်းတို့၌ ဇွဲလုံ့လဝီရိယ မရှိကြပေ၊ ၎င်းတို့သည် အားနည်းပြီး အစွမ်းမရှိသူများဖြစ်လေတကား။ ဘုရားသခင်သည် လူသားများ သူ့ကို ချစ်မြတ်နိုးရန် စိတ်ပြင်းပြသော်လည်း လူသားများသည် သူ့ကိုချစ်လေ၊ လူသားက ဒုက္ခဝေဒနာ ပိုခံစားရလေဖြစ်ပြီး၊ လူသားများသည် သူ့ကိုချစ်လေ၊ စမ်းသပ်မှုပိုကြီးလေဖြစ်သည်။ သင်သူ့ကိုချစ်လျှင် ဒုက္ခဝေဒနာမျိုးစုံ သင့်အပေါ်သို့ ကျရောက်လိမ့်မည်ဖြစ်ပြီး သင်သူ့ကို မချစ်လျှင်၊ သင့်အတွက် အရာရာ အဆင်ပြေချောမွေ့နေ၍ သင့်ပတ်ပတ်လည်၌ အရာခပ်သိမ်းငြိမ်းချမ်းကောင်း ငြိမ်းချမ်းနေလိမ့်မည်။ ဘုရားသခင်ကို သင်ချစ်သည့်အခါ၊ သင့်ပတ်ပတ်လည်၌ ရှိနေသည့်အရာများစွာကို ကျော်လွှားနိုင်မည်မဟုတ်ဟု သင်ခံစားရလိမ့်မည်၊ သင်၏ဝိညာဉ်အသက်တာ အလွန်နုနယ်သည့်အတွက် သင်သည် စစ်ဆေးခြင်းကို ခံရလိမ့်မည်။ ထိုမျှမက သင်သည် ဘုရားသခင်ကို ကျေနပ်အားရစေနိုင်ခြင်း မရှိဘဲ ဘုရားသခင်၏ အလိုတော်မှာ အလွန်မြင့်မားပြီး လူတို့လက်လှမ်းမမီနိုင်ဟု သင်အမြဲ ထင်မြင်ယူဆလိမ့်မည်။ ဤအရာအားလုံးကြောင့် သင်သည် စစ်ဆေးခြင်းခံရမည်၊ သင့်အတွင်း၌ အားနည်းချက် များစွာရှိပြီး ဘုရားသခင်၏ အလိုတော်ကို ဖြည့်ဆည်းပေးနိုင်ခြင်း မရှိသောအရာများစွာ ရှိသည့်အတွက်၊ သင်သည် အတွင်း၌ စစ်ဆေးခြင်းကို ခံရလိမ့်မည်။ စစ်ဆေးခြင်းဖြင့်သာ သန့်စင်စေခြင်းသို့ ရောက်နိုင်ကြောင်းကို သင်တို့ ရှင်းလင်းစွာ တွေ့မြင်ကြရမည်။ ထို့ကြောင့် ဤနောက်ဆုံးသောကာလအတောအတွင်း သင်တို့သည် ဘုရားသခင်ကို သက်သေခံကြရမည်။ သင်တို့၏ဒုက္ခဝေဒနာ မည်မျှပင် ကြီးမားပါစေ၊ သင်တို့သည် ဆုံးခန်းတိုင်အောင် လျှောက်သွားသင့်သည်၊ သင်တို့၏နောက်ဆုံးထွက်သက်၌ပင်လျှင် သင်တို့သည် ဘုရားသခင်ကို သစ္စာရှိပြီး ဘုရားသခင်၏ထိန်းချုပ်မှုအောက်၌ ရှိနေရမည်။ ဤအရာသည်သာ ဘုရားသခင်ကို အမှန်တကယ် ချစ်မြတ်နိုးခြင်းဖြစ်ပြီး ခိုင်မာ၍ ထူးကဲသည့် သက်သေခံချက်ဖြစ်သည်။ သင်သည် စာတန်၏စုံစမ်းနှောင့်ယှက်ခြင်း ခံရသည့်အချိန်တွင် “ကျွန်ုပ်၏စိတ်နှလုံးသည် ဘုရားသခင်နှင့်သက်ဆိုင်ပြီး၊ ဘုရားသခင်သည် ကျွန်ုပ်ကိုရရှိပြီးဖြစ်သည်။ ကျွန်ုပ်သည် သင့်ကို ကျေနပ်မှုမပေးနိုင်၊ ကျွန်ုပ်၏ဖြစ်တည်သမျှကို ဘုရားသခင် ကျေနပ်မှုရှိစေရန် ဆက်ကပ်ရမည်” ဟု သင်ပြောသင့်သည်။ သင်သည် ဘုရားသခင်ကို ကျေနပ်မှုပေးလေ၊ ဘုရားသခင်သည် သင့်ကို ပို၍ကောင်းချီးပေးလေဖြစ်ပြီး၊ ဘုရားသခင်ကို ချစ်မြတ်နိုးသည့် သင်၏ခွန်အားလည်း ပိုကြီးမားလာလေဖြစ်သည်။ ထို့နည်းတူ၊ သင်၌ ယုံကြည်ခြင်းနှင့် စိတ်ဆုံးဖြတ်ချက် ရှိပြီး၊ ဘုရားသခင်ကို ချစ်ခြင်းဖြင့် အသက်တာကို ကုန်ဆုံးစေခြင်းထက် မည်သည့်အရာကမျှ မထိုက်တန်၊ သို့မဟုတ် အရေးမပါဟု သင်ခံစားရလာလိမ့်မည်။ လူသားသည် သောကမရှိစေရန် ဘုရားသခင်ကို ချစ်မြတ်နိုးရမည်ဟု ဆိုနိုင်ပါသည်။ သင်သည် အကြိမ်များစွာ သင်၏ဇာတိပကတိ အားနည်းပြီး သင်သည် အမှန်တကယ်ဖြစ်သော ဒုက္ခပြဿနာများ၏ ဝန်းရံခြင်းကို ခံရသော်လည်း၊ ယင်းအချိန်ကာလများတွင် သင်သည် ဘုရားသခင်ကို အမှန်တကယ် အားကိုးပြီး သင့်ဝိညာဉ်အတွင်း သင်သည်နှစ်သိမ့်ခြင်းခံရ၍ သင်သည် စိတ်ချသေချာမှုနှင့် သင်၌ အားကိုးမှီခိုရန် တစ်စုံတစ်ရာရှိကြောင်းကို ခံစားရမည်။ ဤနည်းလမ်းအားဖြင့် သင်သည် ပတ်ဝန်းကျင်အခြေအနေများစွာကို အောင်မြင်ကျော်လွှားနိုင်ပြီး၊ သင်ခံစားရသည့် ပြင်းထန်သောဝေဒနာအတွက် ဘုရားသခင်ကို သင်ညည်းညူတော့မည် မဟုတ်ပေ။ သင်သည် သီဆိုကခုန်ပြီး ဆုတောင်းပဌနာပြုရန်၊ စုဝေးပြီး ပြောဆိုဆွေးနွေးရန်၊ ဘုရားသခင်အကြောင်း ဆင်ခြင်ရန် ဆန္ဒရှိလာ၍ သင့်ပတ်လည်၌ ဘုရားသခင် စီစဉ်ပေးထားသည့် လူများ၊ ကိစ္စများနှင့် အရာများအားလုံးမှာ အံကိုက်ဖြစ်နေကြောင်းကို သင်ခံစားရလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် နာကျင်သည့်စမ်းသပ်မှုများကို တွေ့ကြုံခြင်းဖြင့်သာ ဘုရားသခင်၏နှစ်လိုဖွယ်ကောင်းခြင်းကို သိနိုင်မည်” မှ

၁၆၇။ လူသားသည် စာတန်၏လွမ်းမိုမူ အောက်သို့ အလွယ်တကူ အများဆုံး ကျရောက်နိုင်သည်မှာ ဤခါးသီးသော စစ်ဆေးမှုအတွင်းဖြစ်၏— ထို့ကြောင့် ထိုသို့စစ်ဆေးစဉ်အတွင်း သင်သည်ဘုရားသခင်ကို မည်သို့ ချစ်သင့်သနည်း။ သင်သည် သင်၏ စိတ်ဆန္ဒကို လှုံ့ဆော်ပြီး သင်၏ နှလုံးသားကို ဘုရားသခင်၏ ရှေ့မှောက်တွင် ထား၍ သူ့ထံတွင် သင့်၏ နောက်ဆုံးအချိန်ကို ဆက်ကပ်အပ်နှံ့သင့်သည်။ ဘုရားသခင်က သင့်ကို မည်သို့ စစ်ဆေးပါလေ့စေ၊ သင်သည် ဘုရားသခင်၏ အလိုတော်ကို ဖြည့်ဆည်းရန် သမ္မာတရားကို လက်တွေ့ လုပ်ဆောင်ခြင်းငှာ တတ်စွမ်းနိုင်သင့်ပြီး ဘုရားသခင်ကို ရှာဖွေရန် နှင့် ဘုရားသခင်နှင့်အတူ မိတ်သဟာယဖွဲ့ခြင်းကို ကြိုးစားရန် သင်သည် ကိုယ်တိုင် လုပ်ဆောင်သင့်သည်။ ယခုလို အချိန်တွင် သင်သည် မတုန်မလှုပ် ငြိမ်ခံလေလေ အပျက်သဘောဆောင် လေလေဖြစ်ပြီး သင့်အတွက် ဆုတ်ယုတ်ဖို့ ပိုလွယ်ကူ လေလေဖြစ်သည်။ သင်သည် ကောင်းစွာ မဆက်ကပ်သော်လည်း သင့်အတွက် သင်၏ လုပ်ဆောင်မှုကို ဆက်ကပ်ရန် လိုအပ်သောအခါ သင်သည် သင်လုပ်နိုင်သမျှကို လုပ်ပြီး သင်၏ ဘုရားသခင်အပေါ်ချစ်ခြင်းထက် ဘာကိုမျှ မသုံးဘဲ ဤအရာကို လုပ်ဆောင်မည်။ အခြားလူများ မည်သည်ရာ ပြောပါလေ့စေ၊ သင်သည် ကောင်းစွာ လုပ်ဆောင်ခဲ့သည် သို့မဟုတ် သင်သည် ဆိုးရွားစွာ လုပ်ဆောင်ခဲ့သည်ဟု ပြောကြပါလေ့စေ၊ သင်၏ စိတ်ဓတ်လှုံ့ဆော်မှုသည် မှန်ကန်သည်။ သင်သည် ဘုရားသခင်ကိုယ်စား ပြုမူနေသည့်အတွက် ကိုယ်တိုင် ဖြောင့်မတ်သူ မဟုတ်။အခြားသူများက သင့်ကို နားလည်မူလွဲသောအခါ သင်သည် ဘုရားသခင်ထံ ဆုတောင်းရန် တတ်စွမ်းနိုင်ပြီး- “အိုး ဘုရားသခင် အခြားသူများက အကျွနုပ်ကို သည်းခံဖို့၊ သို့မဟုတ် ကျွနုပ်ကို ကောင်းကောင်း ဆက်ဆံဖို့၊ ကျွနုပ်ကို နားလည်ပေးဖို့ သို့မဟုတ် ထောက်ခံဖို့ ကျွနုပ်မတောင်းဆိုပါ။ ကျွနုပ် နှလုံးသားထဲတွင် ကိုယ်တော့်ကို ချစ်နိုင်ဖို့သာလျှင် တောင်းဆိုပါသည်။ သို့မှသာ ကျွနုပ်သည် နှလုံးသားထဲတွင် သေချာခြင်းရှိပြီး ကျွနုပ့််၏ သိစိတ်သည် ရှင်းလင်းမည်။ အခြားသူများက ကျွနုပ်ကို ချီးကျူးဖို့၊ သို့မဟုတ် ကျွနုပ်ကိုကို သဘောထား ကြီးမားသူဟု မြင်ပေးဖို့ မတောင်းဆိုပါ။ ကျွနုပ်နှလုံးသားက ကိုယ်တော့်ကို စိတ်ကျေနပ်စေဖို့သာလျှင် အကျွနုပ် မှီအောင်လိုက်ပါသည်။ ကျွနုပ်လုပ်နိုင်သမျှ အားလုံးကို လုပ်ခြင်းအားဖြင့် ကျွနုပ့််၏အပိုင်းကို ဆောင်ရွက်ပါသည်။ အကျွနုပ်သည် အရူး၊ အမိုက်၊ ဉာဏ်ပညာနည်းပါးသူ၊ အကန်းဖြစ်သော် လည်း ကိုယ်တော် ချစ်ဖို့ကောင်းသည်ကို သိ၍ ကိုယ်တော့်ကို ကျွနုပ်ရှိသမျှ အားလုံးနှင့် ဆက်ကပ်ဖို့ ဆန္ဒရှိပါသည်” ဟု ပြောမည်ဖြစ်သည်။ ဤနည်းအားဖြင့် သင်သည် ဆုတောင်းပြီးသည်နှင့် တပြိုင်နက်၊ ဘုရားသခင်အတွက် သင်၏ ချစ်ခြင်းမေတ္တာသည် ပေါ်ထွက်လာပြီး သင်၏စိတ်နှလုံးထဲတွင် သေချာမှုကို ပို၍ ခံစားရသည်။ ဤသည်မှာ ဘုရားသခင်ကို ချစ်ခြင်းအား လုပ်တွေ့လုပ် ဆောင်ခြင်း အဓိပ္ပါယ်ပင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စစ်ဆေးခြင်းကိုကြုံတွေ့မှသာလျှင် လူသားများသည် ဘုရားသခင်ကို အမှန်တကယ်ချစ်နိုင်” မှ

၁၆၈။ လူသားသည် စစ်ဆေးစဉ်အတွင်း ဘုရားသခင်ကို မည်သို့ ချစ်သင့်သနည်း။ သူ၏ စစ်ဆေး ခြင်းကို လက်ခံ၍ ဘုရားသခင်ကို ချစ်ရန် သန္နိဌာန် ကို အသုံးပြုခြင်းဖြင့် စစ်ဆေးစဉ်အတွင်း သင်သည် အတွင်းပိုင်းတွင် ဓားတစ်လက်က သင့်နှလုံးသားကို မွှေနှောက်သကဲ့သို့ ငြင်းပန်းနှိပ်စက်ခံရသော်လည်း သင်သည် သင့်နှလုံးသားကို အသုံးပြုခြင်းဖြင့် ဘုရားသခင်ကို ကျေနပ်စေရန် ဆန္ဒရှိမည်။ ဤသည်ကား သူ့ကို ချစ်ခြင်းဖြစ်ပြီး သင်သည် ဇာတိပကတိကို ဂရုစိုက်ရန် ဆန္ဒရှိမည်မဟုတ်ပေ။ ဤအရာသည် ဘုရားသခင်ကို ချစ်ခြင်းအား လက်တွေ့လုပ်ဆောင်ခြင်း အဓိပ္ပာယ်ပင်ဖြစ်သည်။ သင်သည် အတွင်းပိုင်းကို နာကျင်စေပြီး သင်၏ နာကျင်ခံစားမူသည် အတိုင်းအတာတစ်ခုထိ ရောက်ခဲ့သော်လည်း ဘုရားသခင်၏ ရှေ့မှောက်ကို လာရန် ဆန္ဒရှိဆဲဖြစ်ပြီး အိုး ဘုရားသခင် ကျွန်ုပ်သည် ကိုယ်တော်ကို မစွန့်ပစ်နိုင်ပါ။ ကျွန်ုပ်အထဲတွင် မှောင်မိုက် ခြင်းရှိသော်လည်း ကိုယ်တော်ကို ကျေနပ်စေရန် ဆန္ဒရှိပါသည်။ ကိုယ်တော်သည် ကျွနုပ်၏ နှလုံးသားကို သိပါသည်။ ကိုယ်တော်သည် ကိုယ်တော်၏ ချစ်ခြင်းမေတ္တာကို ကျွန်ုပ်အထဲတွင် ပို၍မြှုပ်နှံလိမ့်မည်ဟု ဆုတောင်းသည်။ ဤအရာသည် စစ်ဆေးစဉ်အတွင်း လက်တွေ့လုပ်ဆောင်မူဖြစ်သည်။ အကယ်၍ သင်သည် ဘုရားသခင်ကို ချစ်ခြင်းအား အခြေခံအုတ်မြစ်အဖြစ် အသုံးပြုလျှင် စစ်ဆေးခြင်းသည် သင့်ကို ဘုရားသခင်ထံ ပိုနီးစပ်အောင် ဆောင်ကျဉ်း သွားနိုင်ပြီး ဘုရားသခင်နှင့် ပို၍ရင်းနှီးအောင် သင့်ကို လုပ်ပေးနိုင်သည်။ သင်သည် ဘုရားသခင်ကို ယုံကြည်သည့်အတွက် သင်၏နှလုံးသားကို ဘုရားသခင်ရှေ့မှောက်တွင် အပ်နှင်းရမည်။ အကယ်၍ သင်သည် သင်၏နှလုံးသားကို ဘုရားသခင် ရှေ့မှောက်တွင် ပေးပြီး ချခင်းထားလျှင် စစ်ဆေးစဉ်အတွင်း ဘုရားသခင်ကို ငြင်းပယ်ရန်၊ သို့မဟုတ် ဘုရားသခင်ကို စွန့်ပစ်ရန်မှာ သင့်အတွက် မဖြစ်နိုင်ပေ။ ဤနည်းအားဖြင့်၊ ဘုရားသခင်နှင့် သင်၏ ဆက်ဆံရေးသည် ပို၍နီးစပ်လာမည်၊ ပို၍ပုံမှန်ဖြစ်လာမည်။ ဘုရားသခင်နှင့် သင်၏ မိတ်သဟာယဖွဲ့မှုသည် ပို၍ ကြိမ်ဖန်များလာမည်။ အကယ်၍ သင်သည် ဤနည်းလမ်းအတိုင်း အစဉ်အမြဲ လက်တွေ့လုပ်ဆောင်လျှင် ဘုရားသခင်၏ အလင်း၌ ပို၍ အချိန်သုံးလာမည်၊ သူ့နူတ်ကပတ်တော်၏ လမ်းပြမူအောက်တွင် ပို၍ အချိန်ယူလာမည်၊ သင်၏ စိတ်သဘောထားတွင်လည်း ပို၍ ပို၍ ပြောင်းလဲမူများဖြစ်၍ သင်၏ အသိပညာသည် တစ်နေ့ထက်တစ်နေ့ ပို၍ တိုးလာမည်။ နေ့ရက်ရောက်လာ၍ ဘုရားသခင်၏ စမ်းသပ်ခြင်းသည် သင့်အပေါ် ရုတ်တရက် ကျရောက်သောအခါ သင်သည် ဘုရားသခင်ဘက်မှ ရပ်တည်ပေးနိုင်ရုံသာမက ဘုရားသခင်ကို သက်သေခံ နိုင်မည်။ ထိုအချိန်တွင် သင်သည် ယောဘ နှင့် ပေတရုသဖွယ် ဖြစ်မည်။ ဘုရားသခင်ကို သက်သေခံရင်း သင်သည် သူ့ကို အမှန်တကယ် ချစ်မည်ဖြစ်ပြီး သင့်ဘဝကို သူ့အတွက် ကျေနပ်စွာ စတေးခံမည်။ သင်သည် ဘုရားသခင်၏ သက်သေဖြစ်ကာ ဘုရားသခင် ချစ်သော သူတစ်ဦးဖြစ်မည်။ စစ်ဆေးခြင်းကို ကြုံတွေ့ခံစားထားသော ချစ်ခြင်းမေတ္တာသည် သန်မာ၍ အားမနည်းပေ။ ဘုရားသခင်က သင့်ကို သူ၏ စမ်းသပ်မှုထံ မည်သည့်အချိန်သို့မဟုတ် မည်သို့အပ်နှံခဲ့သည်ကို ဂရုမစိုက်ဘဲ သင်သည် ရှင်မလား၊ သေမလားဆိုသည်ကို ဂရုမစိုက်နိုင်ပဲ ဘုရားသခင်အတွက် အရာအားလုံးကို ဝမ်းမြောက်စွာ ဘေးချိတ်ပြီး ဘုရားသခင်အတွက် အရာအားလုံးကို တပျော်တပါး သည်းခံမည်ဖြစ်သည်။ ဤကဲ့သို့ သင်၏ချစ်ခြင်းမေတ္တာသည် သန့်ရှင်းပြီး သင်၏ ယုံကြည်ချက်သည် စစ်မှန်မည်။ သို့မှသာ သင်သည် ဘုရားသခင်က အစစ်အမှန် ချစ်ကာ အမှန်တကယ် စုံလင်စေသော သူတစ်စုံ တစ်ယောက်ဖြစ်လာမည်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စစ်ဆေးခြင်းကိုကြုံတွေ့မှသာလျှင် လူသားများသည် ဘုရားသခင်ကို အမှန်တကယ်ချစ်နိုင်” မှ

၁၆၉။ ဘုရားသခင် မည်သို့ပင် အမှုပြုသည်ဖြစ်စေ၊ မည်သည့် ပတ်ဝန်းကျင်အမျိုးအစား၌ သင်ရှိနေသည်ဖြစ်စေ၊ အကယ်၍ သင်သည် အသက်ကို မီအောင်လိုက်နိုင်ပါက၊ သင့်အတွင်း၌ ဘုရားသခင် လုပ်ဆောင်သောအမှုကို ခံယူရရှိရန်အတွက် ကြိုးပမ်းနိုင်ကာ၊ သမ္မာတရားကို မီအောင်လိုက်နိုင်ပြီးဘုရားသခင်ပြုသော အမှုအရာများကို သင် နားလည်ကာ သမ္မာတရားနှင့်အညီ သင် ကျင့်ကြံပြုမူနိုင်ပါက၊ ဤအရာမှာ သင်၏စစ်မှန်သော ယုံကြည်ခြင်း ဖြစ်ပြီး သင်သည် ဘုရားသခင်အပေါ် မျှော်လင့်ခြင်း မပျောက်ပြယ်သွားကြောင်း ဤအရာက ပြသပါသည်။ စစ်ဆေးခြင်းအားဖြင့် သမ္မာတရားကို သင်ဆက်လက် မီအောင်လိုက်မှသာ ဘုရားသခင်ကို စစ်မှန်စွာ သင်ချစ်မြတ်နိုးနိုင်ကာ သူ့အပေါ် သံသယစိတ်များ တိုးပွားလာမည် မဟုတ်ဘဲ၊ အကယ်၍ မည်သည့်အမှုကို သူပြုသည်ဖြစ်စေ၊ သူ့ကို ကျေနပ်စေရန် သင်သည် သမ္မာတရားကို လက်တွေ့ ဆက်လက်ကျင့်ကြံကာ သင်သည် သူ၏အလိုတော်ကို အလေးအနက်ထား ရှာဖွေပြီး သူ၏အလိုအတော်ကို အရေးထားနိုင်ပါက၊ ဤအရာမှာ သင်သည် ဘုရားသခင်အပေါ် စစ်မှန်သောယုံကြည်ခြင်း ရှိကြောင်း ဆိုလိုခြင်း ဖြစ်သည်။ ယခင်က သင်သည် ရှင်ဘုရင်တစ်ပါးအဖြစ် အုပ်စိုးလိမ့်မည်ဟု ဘုရားသခင် ပြောခဲ့စဉ်အခါက သင်သည် သူ့ကို ချစ်မြတ်နိုးခဲ့ပြီး သူသည် မိမိကိုယ်ကိုမိမိ သင့်ထံ အတိအလင်း ထင်ရှားပြသည့်အခါ သူ့နောက်သို့ သင်လိုက်လျှောက်ခဲ့သည်။ သို့သော်လည်း ယခုအခါ ဘုရားသခင်သည် ပုန်းကွယ်နေပြီး သူ့ကို သင်မမြင်နိုင်သည့်အခါ သင်ဒုက္ခလှလှ တွေ့လေပြီ။ ဤအချိန်တွင် ဘုရားသခင်အပေါ် သင်၏မျှော်လင့်ခြင်း ပျက်ပြယ်ပြီလား။ ထို့ကြောင့် အချိန်တိုင်းတွင် သင်သည် အသက်ကို မီအောင်လိုက်၍ ဘုရားသခင်၏ အလိုတော်ကို ကျေနပ်စေရန် ကြိုးထုတ်ရမည်ဖြစ်သည်။ ဤအရာကို စစ်မှန်သော ယုံကြည်ခြင်းဟုခေါ်ပြီး ၎င်းသည် အမှန်ကန်ဆုံးနှင့် အလွန်အလှပဆုံးသော ချစ်ခြင်းမေတ္တာအမျိုးအစား ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်” မှ

၁၇၀။ ပေတရု နောင်တအရဆုံးက အဘယ်နည်း။ ပေတရုက ယေရှုကို “သင်သည် အသက်ရှင်သည့် ဘုရား၏သားတော်ပဲ။” ဆိုသည်ကိုပြောပြီး မကြာခင် (၎င်းကို ကျမ်းစာထဲ၌ ဤကဲ့သို့ မှတ်တမ်းမတင်ထားသော်လည်း) ယေရှုက ပေတရုကို မေးခွန်းနောက်တစ်ခု ထပ်မေးခဲ့သည်။ ၎င်းက “ပေတရု သင်ငါ့ကို ချစ်ခဲ့ဖူးရဲ့လား။” ဟူ၍ဖြစ်သည်။ ကိုယ်တော် ဘာကိုဆိုလိုသလဲ ဆိုသည်ကို ပေတရု နားလည်ပြီး ယခုလိုပြောခဲ့သည်။ “အရှင်၊ ကောင်းကင်ဘုံအဖကို တစ်ချိန်တုန်းက ကျွန်ုပ်ချစ်ခဲ့ပါသည်၊ သို့သော်လည်း အရှင့်ကိုတော့ ဘယ်တုန်းကမျှ မချစ်ခဲ့ဖူးကြောင်းကို ဝန်ခံပါသည်။” ယေရှုက ပြန်ပြောပုံမှာ “လူတို့သည် ကောင်းကင်ဘုံအဖကို မချစ်လျှင် မြေကြီးပေါ်က သားတော်ကို မည်ကဲ့သို့ ချစ်မည်နည်း၊ တဖန် ဖခမည်းတော် စေလွတ်တော်မူသည့် သားတော်ကို မချစ်လျှင် ကောင်းကင်ဘုံအဖကို မည်ကဲ့သို့ ချစ်နိုင်မည်နည်း။ မြေကြီးပေါ်က သားတော်ကို လူတို့ အမှန်တကယ် ချစ်နိုင်မှသာလျှင် ကောင်းကင်ဘုံက အဖကိုလည်း ချစ်နိုင်မည်ဖြစ်သည်။” ၎င်းကို ပေတရုကြားရသည့်အချိန်၌ သူ့ထံတွင် ပျောက်ဆုံးနေခဲ့သည့်အရာကို ပေတရု သတိရလာခဲ့သည်။ “ကောင်းကင်ဘုံအဖကို တစ်ချိန်တုန်းက ကျွန်ုပ်ချစ်ခဲ့ပါသည်၊ သို့သော်လည်း အရှင့်ကိုတော့ ဘယ်တုန်းကမျှ မချစ်ခဲ့ဖူးပေ။” ဆိုသည့် စကားနှင့်ပတ်သက်ပြီး ကျခဲ့သည့် မျက်ရည်များအတွက် သူအမြဲတစေ နောင်တရနေခဲ့သည်။ ယေရှု ပြန်လည်ရှင်ပြန်ထမြောက်လာပြီး ကောင်းကင်ဘုံသို့ တက်သွားပြီးသည့်နောက် ၎င်းတို့နှင့် ပတ်သက်ပြီး ပို၍ပင် နောင်တရ ဝမ်းနည်းနေခဲ့ရသည်။ အတိတ်က အလုပ်များ၊ လက်ရှိအခြေအနေများကို ပြန်တွေးပြီး ယေရှုထံ၌ မကြာခဏ ဆုတောင်းသည်။ ဘုရားသခင်၏ အလိုတော်ကို မဖြည့်ဆည်းနိုင်ဘဲ ဘုရားသခင်၏ စံနှုန်းများအတိုင်း မတိုင်းတာခဲ့သည့်အတွက် သူသည် အကြွေးတင်သကဲ့သို့ ခံစားရပြီး အမြဲနောင်တရနေခဲ့သည်။ ဤပြဿနာများသည် သူ၏အကြီးဆုံးဝန်ထုပ် ဖြစ်ခဲ့သည်။ သူက “တစ်နေ့ ကျွန်ုပ်ထံတွင် ရှိသမျှနှင့် ကျွန်ုပ်တွင်ဖြစ်သမျှကို ကိုယ်တော့်ဆီကို အပ်နှံပါမည်၊ တန်ဖိုးအကြီးဆုံးဖြစ်မည့်အရာကို ကိုယ်တော့်ကို ကျွန်ုပ်ပေးအပ်ပါမည်။” ဟုဆိုပြီးနောက် “ဘုရားသခင် ကျွန်ုပ်တွင် ယုံကြည်ခြင်းတစ်ခုနှင့် အချစ်တစ်ခုပဲရှိပါသည်။ အကျွန်ုပ်၏ အသက်တာသည် ဘာမျှ တန်ဖိုးမရှိသကဲ့သို့ ခန္ဓာသည်လည်း တန်ဖိုးမရှိပေ။ ကျွန်ုပ်တွင် ယုံကြည်ခြင်းတစ်ခုနှင့် အချစ်တစ်ခုပဲရှိပါသည်။ ကျွန်ုပ်၏စိတ်ထဲ၌ ကိုယ်တော့်ကို ယုံကြည်ခြင်းနှင့် နှလုံးသားထဲ၌ ကိုယ်တော့်ကို ချစ်ခြင်းသာ ရှိပါသည်၊ ကျွန်ုပ်တွင် ဤအရာနှစ်ခုသာ ကိုယ်တော့်ကို ပေးစရာရှိပြီး ကျန်တာ ဘာမျှမရှိပါ။” ဟု ဆက်ပြောသည်။ ပေတရုက ယေရှု၏ စကားတို့ကြောင့် အကြီးအကျယ် နှစ်သိမ့်ခြင်း ခံစားခဲ့ရသည်။ အကြောင်းမှာ ယေရှုကားစင်အတင်မခံရခင်က သူပြောခဲ့ဖူးသည်၊ “ငါသည် ဤကမ္ဘာက မဟုတ်သကဲ့သို့ သင်သည်လည်း ဤကမ္ဘာက မဟုတ်ပေ။” နောက်ပိုင်း ပေတရုနာကျင်မှုကို အကြီးအကျယ်ခံစားရစဉ် ယေရှုက ထပ်ပြောသည် “ပေတရု သင်မေ့သွားပြီလော။ ငါသည် ဤကမ္ဘာက မဟုတ်ပေ၊ ငါသည် အလုပ်ရှိ၍သာ ဤနေရာမှ စောစောထွက်ခွာသွားရခြင်း ဖြစ်သည်။ သင်သည်လည်း ဤကမ္ဘာက မဟုတ်ဘူးဆိုသည်ကို သင်မေ့သွားပြီလော။ ငါသင့်ကိုပြောသည်မှာ နှစ်ကြိမ်ရှိပြီ၊ သင်မမှတ်မိတော့ဘူးလော။” ပေတရုက သူပြောသည့်စကားများကိုကြားပြီး ပြန်ပြောသည် “ကျွန်ုပ်မမေ့သေးပေ။” ယေရှုက ထပ်ပြောသည် “သင်သည် ငါ့အနား၌ အတူရှိစဉ်ကာလနှင့် ကောင်းကင်ဘုံတို့တွင် ငါနှင့်အတူရှိသည့် ပျော်ရွှင်စရာအချိန်များကို ခံစားခဲ့ရပြီးပြီ။ သင် ငါ့ကို သတိရသကဲ့သို့ ငါလည်း သင့်ကို သတိရသည်။ သတ္တဝါများသည် ငါ့အရှေ့၌ ဖော်ပြခံရဖို့ မထိုက်တန်သော်လည်း အပြစ်ကင်းစင်ပြီး နှစ်လိုဖွယ်ကောင်းသည့်သူများကို မည်သို့ မချစ်ဘဲ နေနိုင်မည်နည်း။ ငါ့ကတိကို သင်မေ့သွားပြီလော။ ဤကမ္ဘာအတွက် ငါပေးထားသည့် တာဝန်များကို သင်လက်ခံရမည်၊ ငါယုံကြည်စွာ ပေးအပ်ခဲ့သည့် တာဝန်များကို ပြီးစီးအောင် လုပ်ရမည်။ တစ်နေ့ သင့်ကို ငါ့အနား၌ရှိဖို့ သေချာပေါက် ငါဦးဆောင်သွားမည်။” ၎င်းတို့ကို ကြားရပြီးနောက် ပေတရုသည် ပို၍ပင် နှစ်သိမ့်ခြင်းခံစားရပြီး ပိုမိုကြီးမားသည့် စိတ်ခွန်အားကို ရရှိခဲ့သည်။ ထိုကဲ့သို့ပင် သူ ကားစင်ပေါ်၌ “ဘုရားသခင်၊ အရှင့်ကို လုံလောက်အောင် မချစ်နိုင်ခဲ့ပေ။ အကျွန်ုပ်၏အသက်ကို ပေးအပ်ဖို့ တောင်းဆိုခဲ့လျှင်တောင်မှ ကျွန်ုပ်၏ချစ်ခြင်းသည် မလုံလောက်သေးပေ။ တာဝန်များကို ပြီးဆုံးခြင်းမရှိဘဲ ကျွန်ုပ်ဝိညာဉ်ကို ဘယ်ကိုပင် စေခိုင်းစေခိုင်း၊ ကိုယ်တော့်ကတိတော်များကို ကိုယ်တော်တည်သည်ဖြစ်စေ မတည်သည်ဖြစ်စေ၊ ကိုယ်တော် ဘာကိုပဲ ဆက်လုပ်ဆက်လုပ် အရှင့်ကို ကျွန်ုပ်ယုံကြည်စွာ ချစ်ပါသည်။” ဟု သူပြောနိုင်ခဲ့သည်။ သူကိုင်စွဲထားသည်တို့က သူ၏ ယုံကြည်ခြင်းနှင့် စစ်မှန်သောချစ်ခြင်း ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယေရှုကို ပေတရု သိလာသည့်အကြောင်း” မှ

၁၇၁။ သူ့အသက်ဆုံးခါနီး၊ စုံလင်စေခြင်းကို ခံရပြီးနောက် ပေတရုက “အို ဘုရားသခင်၊ နှစ်အနည်းငယ် ကျွန်ုပ်အသက်ဆက်ရှင်ရမည်ဆိုလျှင် ကျွန်ုပ်သည် ကိုယ်တော်ကို ပိုမိုဖြူစင်စွာနှင့် ပိုမိုလေးနက်စွာ ချစ်ခင်လိုပါသည်” ဟု ဆိုခဲ့သည်။ ကားတိုင်ပေါ်၌ တင်ရခံနီးအချိန်တွင် စိတ်နှလုံးထဲမှ သူဆုတောင်းသည်မှာ “အို ဘုရားသခင်၊ ကိုယ်တော်၏အချိန် ယခု ကျရောက်ပါပြီ၊ ကျွန်ုပ်အတွက် ကိုယ်တော် ပြင်ဆင်ထားသောအချိန် ကျရောက်ပါပြီ။ ကျွန်ုပ်သည် ကိုယ်တော်အတွက် အသေခံရမည်၊ ဤသက်သေခံချက်ကို ကျွန်ုပ်ပြုရမည်၊ ပြီးလျှင် ကျွန်ုပ်၏ ချစ်ခြင်းမေတ္တာသည် ကိုယ်တော်၏ တောင်းဆိုချက်များကို ဖြည့်ဆည်းနိုင်လိမ့်မည်၊ ချစ်ခြင်းသည်လည်း ပိုမိုဖြူစင်လာနိုင်မည်ဟု ကျွန်ုပ်မျှော်လင့်ပါသည်။ ယနေ့၊ ကိုယ်တော်အတွက် အသေခံနိုင်ခြင်းနှင့် ကိုယ်တော်အတွက် ကားစင်တင်ခံရခြင်းတို့သည် ကျွန်ုပ်အတွက် နှစ်သိမ့်စိတ်ချမှုကို ပေးပါသည်။ အဘယ်ကြောင့်ဆိုသော် ကိုယ်တော်အတွက် ကားတိုင်ပေါ်တွင် အသေခံခြင်းနှင့် ကိုယ်တော်၏အလိုကို ဖြည့်ဆည်းနိုင်ခြင်းအပြင် ကျွန်ုပ်ကိုယ်ကို ကိုယ်တော့်လက်သို့ အပ်နိုင်ခြင်းနှင့် ကျွန်ုပ်၏အသက်ကို ကိုယ်တော့်ကို ဆက်ကပ်နိုင်ခြင်းတို့ထက် မည်သည့်အရာကမျှ ကျွန်ုပ်အား ပို၍ကျေနပ်အားရစေမည် မဟုတ်ပါ။ အို ဘုရားသခင်၊ ကိုယ်တော်သည် အလွန်ချစ်ခင်ဖွယ် ဖြစ်၏။ ကိုယ်တော်သည် ကျွန်ုပ်ကို အသက်ရှင်ခွင့်ပေးခဲ့ပါက၊ ကိုယ်တော့်ကို ပို၍ပင်ချစ်ရန် ကျွန်ုပ်လိုလားပါလိမ့်မည်။ ကျွန်ုပ် အသက်ရှင်နေသရွေ့ ကိုယ်တော့်ကို ချစ်နေပါမည်။ ကိုယ်တော့်ကို ပိုမိုလေးနက်စွာ ချစ်လိုပါသည်။ ကိုယ်တော်သည် ကျွန်ုပ်ကို တရားစီရင်ပြီး ပြစ်တင်ဆုံးမကာ စမ်းသပ်သည်၊ အကြောင်းမှာ ကျွန်ုပ်သည် မဖြောင့်မှန်ဘဲ အပြစ်ကျူးလွန်ခဲ့သောကြောင့် ဖြစ်သည်။ ထို့ပြင် ကိုယ်တော်၏ ဖြောင့်မတ်သော စိတ်သဘောထားကို ပိုမို၍ သိသာထင်ရှားစွာ ကျွန်ုပ်မြင်လာပါသည်။ ကိုယ်တော်ကို ကျွန်ုပ် ပိုမိုနက်ရှိုင်းစွာ ချစ်လာနိုင်စေသည့်အတွက် ဤသည်မှာ ကျွန်ုပ်အဖို့ ကောင်းချီးမင်္ဂလာတစ်ခုဖြစ်ပြီး ကိုယ်တော် ကျွန်ုပ်ကို မချစ်လျှင်ပင် ဤနည်းအတိုင်း ကိုယ်တော့်ကို ကျွန်ုပ်ချစ်လိုပါသည်။ ကျွန်ုပ်သည် ကိုယ်တော်၏ ဖြောင့်မတ်သော စိတ်သဘောထားကို ရှုမြင်လိုပါသည်။ ယင်းက ကျွန်ုပ်အား လေးနက်သောအသက်တာကို သာ၍ အသက်ရှင်နိုင်စေသောကြောင့် ဖြစ်ပါသည်။ ကျွန်ုပ်သည် ကိုယ်တော့်အတွက် ကားတိုင်တင်ခံရပြီး ကိုယ်တော့်အတွက် အသေခံခြင်းသည် အဓိပ္ပာယ်ပြည့်ဝသောကြောင့် ကျွန်ုပ်၏ လက်ရှိအသက်တာသည် ပိုမိုလေးနက်လာသည်ဟု ကျွန်ုပ်ခံစားရပါသည်။ သို့သော် ကိုယ်တော့်အကြောင်းကို အနည်းငယ်သာ ကျွန်ုပ်သိသည့်အတွက်၊ ကိုယ်တော်၏ အလိုတော်များကို ပြည့်စုံစွာ မဖြည့်ဆည်းနိုင်ကြောင်းနှင့် ကိုယ်တော့်ကို အနည်းငယ်သာ ပြန်လည်ပေးဆပ်ခဲ့ကြောင်းတို့ကို သိသည့်အတွက် ကျွန်ုပ်ကျေနပ်အားရခြင်း မရှိသေးပါ။ ကျွန်ုပ်၏အသက်တာတွင် ကိုယ်တော့်ကို အလုံးစုံ ပြန်လည်ပေးဆပ်ရန် မတတ်စွမ်းနိုင်ခဲ့ပါ၊ ဝေးလှပါသေးသည်။ ဤအခိုက်အတန့်တွင် နောက်ကြောင်း ပြန်လှည့်ကြည့်သည့်အခါ ကျွန်ုပ်သည် ကိုယ်တော့်အပေါ် အလွန်ပင် အကြွေးတင်နေကြောင်း ခံစားရပါသည်။ ဤအခိုက်တန့်တွင် ကျွန်ုပ်၏ အမှားများအားလုံးနှင့် ကိုယ်တော့်ကို ပြန်လည်မပေးဆပ်ရသေးသည့် ချစ်ခြင်းမေတ္တာများအားလုံးကို ပြန်လည်ပြင်ဆင်ရန် ဆောင်ရွက်ရပါမည်” ဟူ၍ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပေတရု၏ အတွေ့အကြုံများ- သူသိသော ပြစ်တင်ဆုံးမခြင်းနှင့် တရားစီရင်ခြင်းအကြောင်း” မှ

၁၇၂။ ဘုရားသခင်ကို ချစ်သော သူများသာလျှင် ဘုရားသခင်အတွက် သက်သေခံနိုင်ကြသည်။ သူတို့သာလျှင် ဘုရားသခင်၏ သက်သေခံများ ဖြစ်ကြသည်။ သူတို့သာလျှင် ဘုရားသခင်၏ ကောင်းချီးပေးခြင်းကို ခံရပြီး ဘုရားသခင်၏ ကတိတော်များကို သူတို့သာလျှင် လက်ခံရရှိနိုင်ကြသည်။ ဘုရားသခင်ကို ချစ်သောသူများသည် ဘုရားသခင်နှင့် အနီးစပ်ဆုံးလူများ ဖြစ်သည်။ သူတို့သည် ဘုရားသခင်၏ ချစ်မြတ်နိုးခြင်းကို ခံရသောသူများဖြစ်ပြီး ဘုရားသခင်နှင့်အတူ ကောင်းချီးမင်္ဂလာများကို ခံစားမွေ့လျော်နိုင်သည်။ ထိုသို့သောသူများသာလျှင် ထာဝရကာလတိုင် အသက်ရှင်နိုင်မည်ဖြစ်ပြီး သူတို့သာလျှင် ဘုရားသခင်၏ ဂရုစိုက်မှုနှင့် ကာကွယ်မှုအောက်တွင် အစဉ်အမြဲ နေထိုင်လိမ့်မည် ဖြစ်သည်။ ဘုရားသခင်သည် လူတို့ ချစ်ဖို့ဖြစ်ပြီး၊ ဘုရားသခင်သည် လူသားတိုင်း၏ ချစ်ခြင်းမေတ္တာကိုရရှိရန် ထိုက်တန်သူဖြစ်သည်။ သို့သော် လူသားတိုင်းသည် ဘုရားသခင်ကို ချစ်နိုင်ကြသည် မဟုတ်ပေ။ လူတိုင်းသည် ဘုရားသခင်အတွက် သက်သေခံနိုင်ခြင်း မရှိသကဲ့သို့ ဘုရားသခင်နှင့်အတူ တန်ခိုးအာဏာကို ကိုင်စွဲထားနိုင်ခြင်းလည်း မရှိပေ။ ဘုရားသခင်ကို စစ်မှန်စွာ ချစ်သောသူများသည် ဘုရားသခင်နှင့် ပတ်သက်၍ သက်သေခံနိုင်ပြီး၊ ဘုရားသခင်၏ လုပ်ငန်းအတွက် သူတို့၏ ကြိုးပမ်းအားထုတ်မှုများကို လုံးလုံးလျားလျား ပေးအပ်မြှုပ်နှံထားနိုင်သဖြင့် သူတို့သည် ကောင်းကင်အောက် မည်သည့်နေရာတွင်မဆို ၎င်းတို့ကို ဆန့်ကျင်ရဲသူမရှိဘဲ သွားလာ၍ မြေကြီးပေါ်၌ အာဏာကို စွဲကိုင်နိုင်ပြီး ဘုရားသခင်၏ လူများအားလုံးကို အုပ်ချုပ်နိုင်သည်။ ထိုလူများသည် ကမ္ဘာတစ်ဝှမ်းမှ စုဝေးရောက်ရှိလာပြီး၊ ဘာသာစကားအမျိုးမျိုးကို ပြောကြကာ၊ အသားအရောင် အမျိုးမျိုးရှိကြသည်။ သို့သော် သူတို့ဖြစ်တည်ခြင်း၏ အဓိပ္ပာယ်သည် တူပြီး၊ သူတို့ထံတွင် ဘုရားသခင်ကို ချစ်သောနှလုံးသား ရှိကြသည်။ သူတို့သည် တူညီသော သက်သေကိုခံကြပြီး၊ တူညီသော စိတ်ဆုံးဖြတ်ချက်နှင့် တူညီသော ဆန္ဒလည်း ရှိကြသည်။ ဘုရားသခင်ကို ချစ်သောသူများသည် ကမ္ဘာအနှံ့အပြား လွတ်လပ်စွာ လျှောက်လှမ်းသွားလာနိုင်ကြသည်၊ ဘုရားသခင်အတွက် သက်သေခံသောသူများသည် စကြဝဠာတစ်ဝှမ်းတွင် လှည့်လည်သွားလာနိုင်ကြသည်။ ထိုလူတို့သည် ဘုရားသခင်၏ ချစ်ခြင်းကို ခံရသောသူများဖြစ်ပြီး၊ ဘုရားသခင်၏ ကောင်းချီးပေးခြင်းကို ခံရကာ သူတို့သည် ဘုရားသခင်၏ အလင်းထဲတွင် တစ်သက်လုံး နေထိုင်သွားမည် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်သောသူများသည် သူ၏အလင်းထဲတွင် ထာဝရနေထိုင်လိမ့်မည်” မှ

ယခင်က:(၁၂) ဘုရားသခင်ကို သိကျွမ်းခြင်းနှင့် ပတ်သက်သည့် နှုတ်ကပတ်တော်များ

နောက်တစ်ခုသို့:(၁၄) တရားစီရင်ခြင်းနှင့် ပြစ်တင်ဆုံးမခြင်း၊ စမ်းသပ်မှုများနှင့် စစ်ဆေးမှုများကို မည်သို့မည်ပုံဖြတ်သန်းရန်နှင့် ပတ်သက်သည့် နှုတ်ကပတ်တော်များ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ