အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှဂန္တဝင်နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၁၁။ သမ္မာတရား၏ စစ်မှန်မှုထဲသို့ ဝင်ရောက်ခြင်းနှင့် ပတ်သက်သည့် ဂန္တဝင် နှုတ်ကပတ်တော်များ

(၁၂) ဘုရားသခင်ကို သိကျွမ်းခြင်းနှင့် ပတ်သက်သည့် နှုတ်ကပတ်တော်များ

၁၄၉။ ဘုရားသခင်ကို ယုံကြည်ခြင်းသည် ဘုရားသခင်ကို သိကျွမ်းခြင်းအတွက် ပထမခြေလှမ်းဖြစ်သည်။ ဘုရားသခင်ကို ဤကနဦးယုံကြည်ခြင်းမှ သူ့ကို အလေးနက်ဆုံးယုံကြည်ခြင်းသို့ တိုးတက်သည့်ဖြစ်စဉ်သည် ဘုရားသခင်ကို သိကျွမ်းလာသည့်ဖြစ်စဉ်နှင့် ဘုရားသခင်၏အမှုကို တွေ့ကြုံခံစားရသည့်ဖြစ်စဉ်ဖြစ်သည်။ အကယ်၍ သင်သည် ဘုရားသခင်ကို သိကျွမ်းလာခြင်းအတွက်မဟုတ်ဘဲ သူ့ကို ယုံကြည်ခြင်းအတွက်သာ ဘုရားသခင်ကိုယုံကြည်ခြင်းဖြစ်ပါက သင်၏ယုံကြည်ခြင်းတွင် စစ်မှန်မှုမရှိပေ၊ ထို့ပြင် သင်၏ယုံကြည်ခြင်းသည် စင်ကြယ်လာနိုင်မည် မဟုတ်ပေ၊ ဤအချက်ကို သံသယဖြစ်စရာမလိုပေ။ လူသားအနေဖြင့် ဘုရားသခင်၏အမှုကို တွေ့ကြုံသည့်ဖြစ်စဉ်အတွင်းတွင် အကယ်၍ သူသည် ဘုရားသခင်ကို တဖြည်းဖြည်းသိကျွမ်းလာပါက သူ၏စိတ်သဘောထားသည် တဖြည်းဖြည်းပြောင်းလဲလာကာ သူ၏ယုံကြည်မှုသည် တိုး၍စစ်မှန်လာလိမ့်မည်။ ဤနည်းအားဖြင့် ဘုရားသခင်ကို သူ၏ယုံကြည်ခြင်းအရာတွင် လူသားသည် အောင်မြင်သွားသောအခါ သူသည် ဘုရားသခင်ကို အပြည့်အဝ ရရှိသွားပြီး ဖြစ်ပါလိမ့်မည်။ ဘုရားသခင်သည် သူ၏အမှုကို လူကိုယ်တိုင်လုပ်ဆောင်ခြင်းငှာ ဒုတိယအကြိမ်လူ့ဇာတိခံယူရန် ဤမျှ ကြီးမားစွာကြိုးပမ်းခဲ့ရခြင်း၏ အကြောင်းရင်းမှာ လူသားသည် သူ့ကိုသိကျွမ်းလာစေရန်နှင့် သူ့ကို တွေ့မြင်လာစေရန် ဖြစ်သည်။ ဘုရားသခင်ကို သိကျွမ်းခြင်းက သည် ဘုရားသခင့်အမှု၏နိဂုံးအဆုံးတွင် ရရှိရမည့် နောက်ဆုံးသော ရလဒ်ဖြစ်သည်။ ယင်းသည် ဘုရားသခင်အနေဖြင့် လူသားမျိုးနွယ်ကို တောင်းဆိုသည့် နောက်ဆုံးသတ်မှတ်ချက် ဖြစ်သည်။ ဘုရားသခင်သည် ထိုသို့လုပ်သည့် အကြောင်းရင်းမှာ သူ၏နောက်ဆုံး သက်သေခံချက်အတွက်ဖြစ်သည်၊ လူသားတို့သည် နောက်ဆုံး၌ သူ့ထံသို့ လုံးဝပြန်လှည့်လာစေရန် ဤအမှုကို သူပြုခြင်းဖြစ်သည်။ လူသားသည် ဘုရားသခင်ကို သိကျွမ်းခြင်းအားဖြင့်သာ ဘုရားသခင်ကိုချစ်လာနိုင်ပြီး၊ ဘုရားသခင်ကို ချစ်ရန်အတွက် သူသည် ဘုရားသခင်ကိုသိကျွမ်းရမည်ဖြစ်သည်။ သူသည် မည်သို့ရှာဖွေသည်ဖြစ်စေ၊ သို့မဟုတ် မည်သည့်အရာကိုရရှိရန် ရှာဖွေသည်ဖြစ်စေ၊ သူသည် ဘုရားသခင်နှင့်ပတ်သက်သော အသိဉာဏ်ကို ရရှိနိုင်ရမည်ဖြစ်သည်။ ဤနည်းအားဖြင့်သာ လူသားသည် ဘုရားသခင်၏စိတ်နှလုံးကို ကျေနပ်စေနိုင်မည် ဖြစ်သည်။ ဘုရားသခင်ကို သိခြင်းအားဖြင့်သာ လူသား၌ ဘုရားသခင်အပေါ် စစ်မှန်သည့် ယုံကြည်ခြင်း ရှိနိုင်မည်ဖြစ်ပြီး၊ ဘုရားသခင်ကို သိကျွမ်းခြင်းအားဖြင့်သာ လူသားသည် ဘုရားသခင်ကို စစ်မှန်စွာ ရိုသေလေးမြတ်၍ နာခံနိုင်မည်ဖြစ်သည်။ ဘုရားသခင်ကိုမသိသော သူတို့သည် ဘုရားသခင်ကို စစ်မှန်စွာနာခံနှင့် ရိုသေလေးမြတ်ခြင်းတို့ကို မည်သည့်အခါမျှ ရရှိမည်မဟုတ်ပေ။ ဘုရားသခင်ကိုသိကျွမ်းခြင်းတွင် သူ၏စိတ်သဘောထားကိုသိခြင်း၊ သူ၏အလိုတော်ကို နားလည်ခြင်းနှင့် သူ၏ဖြစ်ခြင်းကိုသိခြင်းတို့ ပါဝင်သည်။ သို့သော်လည်း တစ်စုံတစ်ယောက်သည် မည်သည့်ရှုထောင့်ကပင် သိကျွမ်းလာစေကာမူ၊ ထိုရှုထောင့်တစ်ခုစီအတွက် လူတို့အနေဖြင့် အဖိုးအခပေးရန်နှင့် နာခံရန်စိတ်ဆန္ဒကိုလိုအပ်ကာ ထိုအရာမပါပါက မည်သူမျှ အဆုံးထိ ဆက်လက်လိုက်လျှောက်နိုင်လိမ့်မည်မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကိုသိသောသူများသာလျှင် ဘုရားသခင်အတွက် သက်သေကို ခံနိုင်ကြသည်” မှ

၁၅၀။ လက်တွေ့ကျသော ဘုရားသခင်အကြောင်း သင်ဘာသိသင့်သနည်း။ လက်တွေ့ကျသော ဘုရားသခင်ဆိုသည်မှာ ဝိညာဉ်တော်၊ ပုဂ္ဂိုလ်တော်နှင့် နှုတ်ကပတ်တော်တို့ ပေါင်းစပ်ထားသည့်သူ ဖြစ်သည်။ ဤသည်မှာ လက်တွေ့ကျသော ဘုရားသခင်၏ အနက်အမှန် ဖြစ်သည်။ အကယ်၍ သင်သည် ပုဂ္ဂိုလ်တော်ကိုသာ သိပြီး၊ သူ၏ အလေ့အကျင့်များနှင့် ပင်ကိုအရည်အသွေး တို့ကိုသာ သိပြီး၊ ဝိညာဉ်တော်၏ အလုပ်ကိုမသိလျှင် သို့မဟုတ် လူ့ဇာတိတွင် ဝိညာဉ်တော် အဘယ်အလုပ် လုပ်သည်ကို သင်မသိလျှင်၊ ဝိညာဉ်တော်နှင့် နှုတ်ကပတ်တော်ကိုသာ သင်အာရုံစိုက်ပြီး လက်တွေ့ကျသော ဘုရားသခင်၌ ဘုရားသခင်၏ ဝိညာဉ်တော် အလုပ်လုပ်ခြင်းကို မသိဘဲ ဝိညာဉ်တော် ရှေ့တွင်သာ သင်ဆုတောင်းလျှင် ယင်းမှာ လက်တွေ့ကျသော ဘုရားသခင်ကို သင်မသိကြောင်း သက်သေပင်ဖြစ်ပါသည်။ လက်တွေ့ကျသော ဘုရားသခင်အကြောင်းသိခြင်းတွင် ကိုယ်တော်၏ နှုတ်ကပတ်တော်များကို သိခြင်းနှင့် တွေ့ကြုံခြင်း၊ သန့်ရှင်းသော ဝိညာဉ်တော်အလုပ်၏ စည်းမျဉ်းများနှင့် ဥပဒေသများကို နားလည်ခြင်း၊ လူ့ဇာတိထဲတွင် ဘုရားသခင်၏ ဝိညာဉ်တော် မည်ကဲ့သို့ အလုပ်လုပ်ပုံကို နားလည်ခြင်းတို့ ပါဝင်သည်။ ထို့ကြောင့် ဘုရားသခင်၏ လူ့ဇာတိထဲတွင် ပြုလုပ်သည့် အမှုအရာတိုင်းကို ဝိညာဉ်တော်က စီမံခန့်ခွဲကြောင်းနှင့် ကိုယ်တော်မိန့်တော်မူသော စကားတို့မှာ ဝိညာဉ်တော်၏ တိုက်ရိုက်ဖော်ပြချက် ဖြစ်ကြောင်းတို့ကို သိရမည် ဖြစ်ကြောင်းလည်း ပါဝင်သည်။ ထို့ကြောင့် လက်တွေ့ကျသော ဘုရားသခင်အကြောင်း သင်သိလိုပါက လူ့သဘာဝအားဖြင့်ဖြစ်စေ၊ ဘုရားသခင်၏ သဘောသဘာဝ အားဖြင့်ဖြစ်စေ ဘုရားသခင် မည်သို့ အလုပ်လုပ်သည် ဆိုသည်ကို ရှေးဦးစွာ သင်သိရမည်ဖြစ်ပြီး၊ ထို့ကြောင့်ပင် လူသားများအားလုံး ဆက်ဆံရသည့် ဝိညာဉ်တော်၏ ဖော်ပြချက်များကို ဤအချက်က အလေးထားခြင်း ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လက်တွေ့ကျသော ဘုရားသခင်ဆိုသည်မှာ ဘုရားသခင် ကိုယ်တော်တိုင် ဖြစ်သည်ကို သင်သိသင့်သည်” မှ

၁၅၁။ ဘုရားသခင်၏ ပိုင်ဆိုင်မှုများနှင့် ဖြစ်တည်မှု၊ ဘုရားသခင်၏ အနှစ်သာရ၊ ဘုရားသခင်၏ စိတ်သဘောထား စသည်တို့အားလုံးကို ကိုယ်တော်၏ နှုတ်ကပတ်တော်များမှ တဆင့် လူသားအားလုံးကို သိစေပြီး ဖြစ်သည်။ လူသည် ဘုရားသခင်၏ နှုတ်ကပတ်တော်ကို တွေ့ကြုံခံစား ရပါက ထိုနှုတ်ကပတ်တော်တို့ကို ကျင့်ကြံနေစဉ် ဘုရားသခင်ဟောကြားသော နှုတ်ကပတ်တော်၏ နောက်ကွယ်မှ ရည်ရွယ်ချက်ကို နားလည်လာလိမ့်မည်။ ဘုရားသခင် နှုတ်ကပတ်တော်၏ အရင်းအမြစ်နှင့် နောက်ခံအကြောင်းကို နားလည်လာလိမ့်မည်။ ဘုရားသခင် နှုတ်ကပတ်တော်၏ ရည်ရွယ်ထားသည့်ရလဒ်တို့ကို နားလည်လာပြီး ကျေးဇူးတင်လာပါလိမ့်မည်။ လူသားတို့အတွက်၊ အမှန်တရားနှင့် အသက်တာကို ရရှိဖို့အတွက်လည်းကောင်း၊ ဘုရားသခင်၏ ပြုလုပ်လိုသည်များကို နားလည်သဘောပေါက်ခြင်း၊ ကိုယ်တော်၏ အစီအစဉ်အောက်တွင် သူ၏သဘောထားကို ပြောင်းလဲခံရခြင်းနှင့် ဘုရားသခင်၏ အချုပ်အချာ အာဏာနှင့် စီစဉ်ခြင်းများကို နာခံနိုင်စွမ်း ရှိလာခြင်းတို့အတွက် လည်းကောင်း၊ ယင်းတို့မှာ လူသားတို့ တွေ့ကြုံရမည့်၊ နားလည်သဘောပေါက်ရမည့်၊ ရယူရမည့် အရာအားလုံးပင်ဖြစ်ပါသည်။ လူသားသည် ယင်းအရာများတို့ကို တွေ့ကြုံခြင်းများ၊ နားလည်သဘောပေါက်ခြင်းများ၊ ရယူခြင်းများ ပြုလုပ်သည်နှင့် တချိန်တည်းမှာပင် ဘုရားသခင်ကို တဖြည်းဖြည်းနားလည် လာပါလိမ့်မည်။ ဤအချိန်တွင် ထိုသူသည် ကိုယ်တော့်အကြောင်း အမျိုးမျိုးသော အသိပညာ အဆင့်များကိုလည်း ရရှိလာပါလိမ့်မည်။ ဤနားလည်ခြင်းနှင့် အသိပညာတို့သည် ထိုသူ စိတ်ကူးလိုက်ရာမှ သို့မဟုတ် စီကုံးရေးသားရာမှ ထွက်ပေါ်လာသည့် အရာမဟုတ်။ သို့သော် ၎င်း၏ စိတ်ထဲတွင် ဖြစ်ပေါ်လာသည့် ကျေးဇူးတင်ခြင်း၊ တွေ့ကြုံခြင်း၊ ခံစားခြင်းနှင့် သူ့အတွင်း၌ပင် ထောက်ခံခြင်းတို့ မှ ဖြစ်ပေါ်လာရခြင်း ဖြစ်ပါသည်။ ယင်းတို့ကို ကျေးဇူးတင်ခြင်း၊ တွေ့ကြုံခြင်း၊ ခံစားခြင်းနှင့် အတည်ပြုခြင်းတို့နောက်တွင် ဘုရားသခင်အကြောင်း လူသားတို့ အသိပညာသည် အနှစ်သာရကို ရယူသည်။ ဤအချိန်တွင် သူရယူသည့် အသိပညာမှာ အမှန်တကယ်၊ အစစ်အမှန်နှင့် တိကျမှန်ကန်မှု ရှိသည့် အသိပညာဖြစ်သည်။ ထို့ပြင် ဘုရားသခင် အကြောင်းကို စစ်မှန်သော နားလည်ခြင်းနှင့် အသိပညာတို့ကို ကိုယ်တော်၏ နှုတ်ကပတ်တော်တို့အပေါ် ကျေးဇူးတင်ခြင်း၊ တွေ့ကြုံခြင်း၊ ခံစားခြင်းနှင့် အတည်ပြုခြင်းတို့မှတဆင့် ရယူခြင်းသည် သာလျှင် လူသားနှင့် ဘုရားသခင်အကြား စစ်မှန်သည့် ဆက်ဆံရေး ဖြစ်ပါသည်။ ဤကဲ့သို့ ဆက်ဆံရေးမျိုးတွင် လူသားသည် ဘုရားသခင်၏ ရည်ရွယ်ချက်များကို အမှန်တကယ် သဘောပေါက် နားလည်လာပြီး ဘုရားသခင်၏ ပိုင်ဆိုင်မှုနှင့် ဖြစ်တည်မှုကို အမှန် သိနားလည်လာသည်။ ဘုရားသခင်၏အနှစ်သာရကို အမှန် နားလည်လာသည်။ ဘုရားသခင်၏ စိတ်သဘောထားကို တဖြည်းဖြည်း သဘောပေါက် နားလည်လာသည်။ ထို့နောက် ဖန်ဆင်းထားသော အရာအားလုံးတို့အပေါ် ဘုရားသခင်၏ အုပ်စိုးမှုအကြောင်း မှန်ကန်သော အနက်အဓိပ္ပာယ်အပေါ် သေချာသည့်အဆင့်သို့ ရောက်ရှိလာသည်။ ထို့ပြင် ဘုရားသခင်၏ ကိုယ်ပိုင်လက္ခဏာနှင့် အနေအထား တို့ နှင့်ပတ်သက်သည့် အသိပညာအပေါ် ခြေခြေမြစ်မြစ် သိရှိလာသည်။ ဤကဲ့သို့ ဆက်ဆံရေးမျိုးဖြစ်ပေါ်စဉ် ကိုယ်တော်အား ဘွားကနဲပေါ်လာသည်ဟု မမြင်တော့ခြင်း သို့မဟုတ် ကိုယ်တော့်အပေါ် မိမိ၏ကိုယ်ပိုင် သံသယများကို အလိုမလိုက်တော့ခြင်း သို့မဟုတ် ကိုယ်တော့်အား နားလည်မှုလွဲခြင်း၊ သို့မဟုတ် ကိုယ်တော့်အား ပြစ်တင်ရှုတ်ချခြင်း သို့မဟုတ် ကိုယ်တော့်ကို ဝေဖန်ခြင်း သို့မဟုတ် ကိုယ်တော့်ကို သံသယရှိခြင်းတို့ မရှိတော့ဘဲ လူသားသည် ဘုရားသခင်နှင့် ပတ်သက်သည့် သူ့အမြင်ကို တစ်ဆင့်ပြီးတစ်ဆင့် ပြောင်းလဲလာသည်။ အကျိုးဆက်မှာ လူသားသည် ဘုရားသခင်နှင့် ငြင်းခုံခြင်း နည်းလာမည်။ ဘုရားသခင်နှင့် ပဋိပက္ခဖြစ်မှု နည်းလာမည်။ ဘုရားသခင်ကို ပုန်ကန်လိုသည့် အခိုက်အတန့်များ နည်းလာမည်။ အပြန်အလှန်အားဖြင့် လူသား၏ ဘုရားသခင်အပေါ် ဂရုစိုက်ခြင်းနှင့် နာခံခြင်းတို့မှာ တိုး၍ကြီးထွားလာပြီး ဘုရားသခင်ကို ကြည်ညိုမှုမှာ ပို၍စစ်မှန်လာပြီး ပို၍လည်း နက်ရှိုင်းလာပါလိမ့်မည်။ ဤကဲ့သို့ ဆက်ဆံရေးမျိုးအတွင်း လူသားသည် အမှန်တရား၏ အထောက်အပံ့နှင့် အသက်တာနှစ်ခြင်းမင်္ဂလာကို ရယူလိမ့်မည်သာမက တစ်ချိန်တည်းမှာပင် ဘုရားသခင်အကြောင်း မှန်ကန်သည့် အသိပညာကိုလည်း ရရှိလိမ့်မည် ဖြစ်ပါသည်။ ဤကဲ့သို့ဆက်ဆံရေးမျိုးအတွင်း လူသား၏သဘောထား ပြောင်းလဲသွားပြီး ကယ်တင်ခြင်းခံရမည့်အပြင် တချိန်တည်းတွင် ဘုရားသခင်ကို အမှန်တကယ် ကြည်ညိုခြင်းနှင့် ဖန်ဆင်းရှင်ကို ကိုးကွယ်ခြင်းတို့ ရှာမှီးလိမ့်မည်။ ဤကဲ့သို့ ဆက်ဆံရေးမျိုး ရှိခြင်းအားဖြင့် လူသား၏ ဘုရားသခင်အပေါ် ယုံကြည်ခြင်းသည် စာရွက်အလွတ် တစ်ရွက်၊ သို့မဟုတ် အလုပ်မပါသည့် အပြောသက်သက်နှုတ်ကတိ၊ သို့မဟုတ် မျက်စိမှိတ်ပြီး ကောက်ကောက်ပါအောင် လိုက်ခြင်းနှင့် ပုဂ္ဂိုလ်ရေးရာ ကိုးကွယ်ခြင်း ပုံမျိုး မဟုတ်တော့ချေ။ ဤကဲ့သို့ ဆက်ဆံရေးမျိုးသည်သာ လူသား၏အသက်တာကို တစ်ရက်ပြီးတစ်ရက် ရင့်ကျက်လာစေပြီး၊ ယခုအချိန်မှသာ သူ၏သဘောထား တဖြည်းဖြည်းချင်း ပြောင်းလဲလာပါလိမ့်မည်။ ထို့ပြင် ဘုရားသခင်အပေါ် သူ၏ယုံကြည်ခြင်းသည် ဝိုးတိုးဝါးတား မရေရာသော ယုံကြည်ခြင်းမှ အမှန်တကယ် ကြည်ညိုခြင်း၊ စစ်မှန်သော နာခံခြင်းနှင့် ဂရုစိုက်ခြင်းဆီသို့ တစ်ဆင့်ပြီးတစ်ဆင့် ပြောင်းလဲသွားမှာ ဖြစ်ပြီး ဘုရားသခင်ကို ရှာဖွေရာ၌ လူသားသည်လည်း ခံယူသူအဖြစ်မှ ပြုလုပ်သူအဖြစ်သို့၊ ဖြစ်လာမှ ပြုလုပ်သူအဖြစ်မှ အပြုသဘောဆောင်သော အလုပ်များကို လုပ်သူအဖြစ်သို့ တဖြည်းဖြည်းချင်း တိုးတက် ပြောင်းလဲသွားပါလိမ့်မည်။ ဤကဲ့သို့ ဆက်ဆံရေးမျိုးဖြင့်သာ ဘုရားသခင်၏အကြောင်း မှန်ကန်သော အသိပညာဖြင့်၊ ဘုရားသခင်ကို အမှန်တကယ် သဘောပေါက် နားလည်နိုင်သည့် အခြေအနေသို့ ရောက်ပါလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သိခြင်းသည် ကိုယ်တော်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ သွားရာလမ်းဖြစ်၏” မှ

၁၅၂။ ယေရှု၏ နောက်တော်သို့ လိုက်နေသည့်အချိန်မှာပင် ပေတရုသည် ယေရှုအပေါ် ထင်မြင်ချက်များစွာရှိခဲ့ကာ ယေရှုကို သူ့အမြင်အတိုင်း အမြဲစီရင်နေခဲ့ခြင်းဖြစ်သည်။ သူသည် ဝိညာဉ်တော်နှင့်ပတ်သက်ပြီး အတိုင်းအတာတစ်ခုထိ နားလည်မှုရှိသော်လည်း “ကောင်းကင်ဘုံအဖ စေလွှတ်သည့်သူနောက်ကို ကျွန်ုပ်လိုက်ရမည်။ သန့်ရှင်းသောဝိညာဉ်တော် ရွေးချယ်သည့်သူကို ကျွန်ုပ်ဝန်ခံရမည်။” ဆိုပြီး ပြောခဲ့သကဲ့သို့ ပေတရုသည် အလင်းပြခံရခြင်း မဟုတ်သေးပေ။ သူသည် ယေရှုလုပ်ခဲ့သည့် အရာများနှင့် ပတ်သက်ပြီး နားမလည်ခဲ့သလို သူသည် အလင်းပြခြင်းလည်း မခံရသေးပေ။ အချိန်အနည်းငယ်ကြာ ကိုယ်တော့်နောက်သို့ လိုက်ပြီးသည့်နောက်တွင်မူ သူသည် ယေရှု ဘာတွေလုပ်ခဲ့သနည်း၊ ဘာတွေပြောခဲ့သနည်း ဆိုသည်နှင့် ယေရှုကိုယ်တော်တိုင်၏ အကြောင်းကို စိတ်ဝင်စားမှု မြင့်တက်လာခဲ့သည်။ ယေရှုသည် ချစ်ခြင်းမေတ္တာနှင့် လေးစားမှုတို့ကို ဖြစ်ပေါ်စေကြောင်း သူခံစားလာခဲ့ရသကဲ့သို့ သူသည် ကိုယ်တော်နှင့်ပူးပေါင်းဖို့နှင့် ကိုယ်တော့်အနား၌ နေဖို့အပြင် သူ့ကို အထောက်အပံ့နှင့် အကူအညီပေးသည့် ယေရှု၏စကားတို့ကို နားထောင်ဖို့ သူနှစ်သက်လာခဲ့သည်။ ယေရှုနောက်ကိုလိုက်သည့် အချိန်မှာပင် ပေတရုသည် ယေရှု၏ စကားတော်များ၊ လုပ်ရပ်များ၊ လုပ်ရှားမှုများနှင့် ဖော်ပြပုံများဖြစ်သည့် ယေရှု၏ သက်တော်စဉ်အကြောင်းကို လေ့လာကာ နှလုံးသွင်းမှတ်သားလာခဲ့သည်။ ယေရှုသည် သာမန်လူတို့နှင့် မတူသည့်အကြောင်းကို သူအတွင်းကျကျ နားလည်လာခဲ့သည်။ ကိုယ်တော်၏ လူသားပုံစံသည် သာမန်ထက် အလွန်ထူးခြားနေသော်လည်း ကိုယ်တော်သည် လူသားတို့အတွက် ချစ်ခြင်း၊ နှစ်သက်ခြင်းနှင့် သည်းခံခြင်းတို့နှင့် ပြည့်နှက်နေခဲ့သည်။ ကိုယ်တော် ပြောသမျှနှင့် လုပ်သမျှသည် လူတိုင်းအတွက် အထောက်အကူ ဖြစ်ခဲ့ပြီး ပေတရုသည် သူအရင်က မမြင်ဖူး မတွေ့ဖူးသည့် အရာများကို ယေရှုနား၌ မြင်တွေ့ခဲ့ရသည်။ ယေရှုသည် တော်ဝင်ပုံစံနှင့် သာမန်ထက်ထူးသည့် လူသားဖြစ်ခြင်းတို့ မရှိသော်ငြားလည်း ကိုယ်တော်သည် မိမိနှင့်ပတ်သက်၍ သာမန်ထက်ထူးခြားပြီး ပုံမှန်မဟုတ်သည့်ဟန်ပန် အမှန်တကယ် ရှိနေခဲ့ခြင်းကို ပေတရု တွေ့မြင်ခဲ့ရသည်။ ပေတရုအနေဖြင့် ၎င်းကို ပြည့်ပြည့်စုံစုံ မရှင်းပြနိုင်သော်လည်း သာမန်လူသားများ လုပ်ဆောင်ခြင်းနှင့် အလွန်ပင် ကွဲကွဲပြားပြား လုပ်ဆောင်သည့်အတွက် လူတိုင်းနှင့်မတူဘဲ ကွဲပြားခြားနားနေသည့် ယေရှု၏ လုပ်ဆောင်ချက်များကို ပေတရု မြင်တွေ့ခဲ့ရသည်။ ယေရှုနှင့် တွေ့ဆုံခဲ့သည့်အချိန်မှစ၍ ပေတရုက ယေရှု၏ စရိုက်လက္ခဏာတို့သည် သာမန်လူများနှင့် မတူခြားနားကြောင်းကိုလည်း သတိပြုမိခဲ့သည်။ သူသည် အမြဲတစေ တည်တည်ငြိမ်ငြိမ်ရှိပြီး အလောတကြီး မည်သည့်အခါမျှ မလုပ်ဆောင်ခဲ့သကဲ့သို့ မည်သည့်အခါမျှ ချဲ့ကားမပြောဘဲ ကိစ္စတစ်ခုခုကိုလည်း အရေးမကြီးလေဟန် မှေးမှိန်ပစ်ခြင်းမျိုး မလုပ်သည့်အပြင် မိမိဘဝကို သာမန်ဆန်ပြီး နှစ်လိုဖွယ်ကောင်းအောင် နေထိုင်ခဲ့သည်။ စကားပြောသည့်အခါတွင်လည်း ယေရှုသည် ရည်မွန်ပြီး ယဉ်ကျေးသိမ်မွေ့သကဲ့သို့ ပွင့်လင်းပြီး ရွှင်လန်းတက်ကြွသော်လည်း သဘောရိုးပြီး၊ မိမိအလုပ်ကို လုပ်သည့်အခါတွင်လည်း သူ့ဂုဏ်သိက္ခာကို မည်သည့်အခါမျှ မကျအောင် လုပ်ခဲ့သည်။ ယေရှုက တစ်ခါတစ်ရံ နှုတ်နည်းသော်လည်း အခြားအချိန်များတွင် ဆက်တိုက် စကားပြောဆိုတတ်ခြင်းကိုလည်း ပေတရုတွေ့ဖူးသည်။ တစ်ခါတစ်ရံ ကိုယ်တော် အလွန်ပျော်ရွှင်သည့် အခါမျိုး၌ ချိုးငှက်တစ်ကောင်ကဲ့သို့ လျင်မြန်သွက်လက် တက်ကြွနေသလို၊ ဝမ်းနည်းသည့်အခါ၌ ရာသီဥတုဒဏ် အဆက်မပြတ်ခံထားရသည့် ငှက်မိခင်ကဲ့သို့မျိုး စကားတစ်ခွန်းမျှ မပြောဘဲ နေသည့်အချိန်များလည်း ရှိခဲ့သည်။ ကိုယ်တော် ဒေါသထွက်သည့်အချိန်မျိုးတွင်မူ ရန်သူများကို ချေမှုန်းဖို့ ဆန္ဒစောနေသည့် ရဲရင့်သည့်စစ်သားပုံပေါက်နေသကဲ့သို့ တစ်ခါတစ်ရံတွင် ဟိန်းဟောက်နေသည့် ခြင်္သေ့တစ်ကောင်လိုမျိုးလည်း ဖြစ်နေတတ်သည်။ တစ်ခါတစ်ရံပြုံးပြီး တစ်ခါတစ်ရံ ကိုယ်တော်သည် ဆုတောင်းပြီး ငိုကြွေးနေတတ်သူဖြစ်သည်။ ယေရှု ဘယ်လိုပင် ဖြစ်နေပါစေ၊ ပေတရုသည် ကိုယ်တော့်အပေါ် လေးစားမှုများနှင့် အဆုံးမဲ့အချစ်များ ထားရှိမှုသည် ကြီးထွားလာနေခဲ့သည်။ ယေရှု၏ ကရုဏာ၊ ခွင့်လွှတ်မှုနှင့် စည်းကမ်းရှိမှုတို့သည် ပေတရုအား ယေရှုအပေါ် အမှန်တကယ် ချစ်လာစေသကဲ့သို့ ကိုယ်တော့်ကို စစ်မှန်စွာ ကြည်ညိုလျက် မျှော်လင့်တောင့်တနေစေသည်။ ယေရှု၏ ရယ်မောသံသည် ပေတရုကို ပျော်ရွှင်ခြင်းများနှင့် ပြည့်နှက်နေစေခဲ့သည်၊ ယေရှု၏ ဝမ်းနည်းမှုများသည် သူ့ကို ပူဆွေးခြင်းသို့ ရောက်စေခဲ့သည်၊ ယေရှု၏ အမျက်ဒေါသသည် သူ့ကို ကြောက်ရွံစေသည်။ ဟုတ်ပါသည်။ ပေတရုသည် ယေရှု၏အနားတွင် နှစ်အနည်းငယ်နေထိုင်ပြီးမှသာ ၎င်းတို့ကို တစ်ဖြည်းဖြည်း သိကျွမ်းလာခဲ့ခြင်းပင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယေရှုကို ပေတရု သိလာသည့်အကြောင်း” မှ

၁၅၃။ ပေတရုဟာ ယေရှုနောက်ကို နှစ်အနည်းငယ်လိုက်ခဲ့ပြီး လူတွေမှာ မရှိတဲ့အရာတွေကို ယေရှုဆီမှာ တွေ့ခဲ့ရတယ်။ သူ့နောက်ကို တစ်နှစ်ကြာ လိုက်ပြီးတဲ့နောက်မှာ ယေရှုက သူ့ကို တမန်တော် ၁၂ ပါးရဲ့ ခေါင်းဆောင်အဖြစ် ရွေးချယ်ခဲ့တယ်။ (ဒါက ယေရှုရဲ့ စိတ်နှလုံးသားနဲ့ သက်ဆိုင်တဲ့ ကိစ္စဖြစ်ပြီး လူတွေက ဒါကို လုံးဝမမြင်နိုင်ကြဘူး။) ယေရှုရဲ့ အပြုအမူတိုင်းဟာ သူ့ဘဝအတွက် စံနမူနာ ယူစရာဖြစ်ခဲ့ပြီး၊ အထူးသဖြင့် ယေရှုရဲ့ တရားဒေသနာတွေဟာ သူ့နှလုံးသားမှာ ထွင်းထုထားခဲ့ပါတယ်။ သူဟာ ယေရှုအပေါ် အလွန်ကို စိတ်နှစ်မြုပ်ပြီး အလွန်ကိုပဲ ထည့်သွင်း စဉ်းစားပေးတတ်ပါတယ်။ ယေရှုအပေါ်မှာ အထွန့်တက် ငြင်းခုန်ခြင်း တစ်ခါမှ မရှိခဲ့ဘူး။ ဒါကြောင့် ပေတရုဟာ သူဘယ်သွားသွား ယေရှုရဲ့ သစ္စာရှိတဲ့ အဖော်တစ်ယောက် ဖြစ်ခဲ့တယ်။ ပေတရုဟာ ယေရှုရဲ့ သင်ကြားချက်တွေ၊ သူ့ရဲ့ နူးညံ့တဲ့ စကားလုံးတွေနဲ့ သူဘာစားတယ်၊ ဘာဝတ်တယ် ဆိုတာတွေ၊ သူ့ရဲ့ နေ့စဉ်ဘဝနဲ့ သူ့ရဲ့ ခရီးသွားခြင်းတို့ကို လေ့လာကြည့်ရှု ခဲ့ပါတယ်။ ယေရှုရဲ့ စံနမူနာအတိုင်း သူတတ်နိုင်သမျှ လိုက်လျှောက်တယ်။ သူဟာ ဘဝင်မမြင့်ဘူး။ ဒါပေမဲ့ သူ့ရဲ့အရင်က ဟောင်းနွမ်းနေပြီဖြစ်တဲ့ အရာတွေအားလုံးကို ထားခဲ့ပြီး၊ ယေရှုရဲ့ စကားလုံးနဲ့ လုပ်ဆောင်မှု စံနမူနာတွေကို လိုက်လျှောက်ခဲ့တယ်။ အဲဒီအချိန်တုန်းက ပေတရုဟာ ကောင်းကင်၊ မြေကြီးနဲ့ ရှိသမျှအရာ အားလုံးဟာ အနန္တဘုန်းတန်ခိုးရှင်ရဲ့ လက်ထဲမှာရှိတယ်ဆိုတာကို ခံစားခဲ့ရတယ်။ ဒါကြောင့် သူ့မှာ ကိုယ်ပိုင် ရွေးချယ်မှု မရှိခဲ့ဘူး။ ဒါပေမဲ့ ယေရှုရဲ့ အပြုအမူအားလုံးကို သူ့ရဲ့ စံနမူနာအဖြစ် ထားခဲ့တယ်။ ယေရှုဟာ သူလုပ်ခဲ့တဲ့အပေါ်မှာ ဘဝင်မြင့်ခြင်း မရှိသလို၊ သူ့ကိုယ်သူ ကြွားဝါခြင်းလည်းမရှိဘူး၊ ဒါတွေကို မပြုလုပ်ဘဲ သူဟာ လူတွေကို ချစ်ခြင်းမေတ္တာနဲ့ ထိတွေ့တယ်ဆိုတာကို သူ့အသက်တာကနေ သူတွေ့မြင်နိုင်ခဲ့တယ်။ မတူညီတဲ့ အခြေအနေတွေမှာ ပေတရုဟာ ယေရှုက ဘယ်လိုလူမျိုးလဲဆိုတာကို မြင်နိုင်ခဲ့ပါတယ်။ ဒါကြောင့်ပဲ ယေရှုမှာ ရှိသမျှအရာ အားလုံးဟာ ပေတရုအတွက် စံနမူနာယူစရာတွေပဲ ဖြစ်လာခဲ့တာပါ။ သူတွေ့ကြုံရတာတွေထဲမှာ သူဟာ သခင်ယေရှုရဲ့ ချစ်ခင် နှစ်သက်ဖွယ်ကောင်းမှုကို ပိုပိုပြီး ခံစားခဲ့ရတယ်။ သူက ဒီလိုမျိုးပြောတယ်- “စကြာဝဠာမှာ အနန္တတန်ခိုးရှင်ကို ငါရှာဖွေခဲ့ပြီး ကောင်းကင်၊ မြေကြီးနဲ့ အရာအားလုံးရဲ့ အံ့သြဖွယ်ရာတွေကို တွေ့မြင်ခဲ့ရတယ်။ ဒါကြောင့် အနန္တတန်ခိုးရှင်ရဲ့ ချစ်ခင် နှစ်သက်ဖွယ်ကောင်းမှုကို လေးလေးနက်နက် ခံစားခဲ့ရတယ်။ ဒါပေမဲ့ ငါ့နှလုံးသားမှာ ဘယ်တုန်းကမှ စစ်မှန်တဲ့ ချစ်ခြင်းမရှိခဲ့ဘူး။ အနန္တတန်ခိုးရှင်ရဲ့ ချစ်ခင် နှစ်သက်ဖွယ်ကောင်းမှုကို ငါ့မျက်လုံးနဲ့ တစ်ခါမှ မမြင်ခဲ့ဖူးဘူး။ ဒီနေ့တော့ အနန္တတန်ခိုးရှင်ရဲ့ အမြင်မှာ ငါ့ကို သူမျက်နှာသာပေးပြီး ကြည့်ရှုစောင့်မခဲ့ပြီ၊ ဘုရားရဲ့ ချစ်ခင် နှစ်သက်ဖွယ် ကောင်းမှုကို နောက်ဆုံးမှာ ခံစားခဲ့ရပြီးတော့ လူသားအားလုံးက သူ့ကို ချစ်ဖို့အတွက် သက်သက်ပဲ အရာအားလုံးကို ဖန်ဆင်းခဲ့ခြင်း မဟုတ်ဘူးဆိုတာ သိရှိခဲ့ရတယ်။ ငါရဲ့ နေ့စဉ်အသက်တာမှာ သူ့ရဲ့ အဆုံးမရှိတဲ့ ချစ်ခင် နှစ်လိုဖွယ်ကောင်းမှုကို တွေ့ရှိခဲ့တယ်။ ဒီနေ့ အခြေအနေမျိုးအထိပဲ ကန့်သတ်ထားတာမျိုး ဘယ်လို ဖြစ်နိုင်မှာလဲ။”

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပေတရု၏ အသက်တာ” မှ

၁၅၄။ လူတို့က ဘုရားသခင်ကို နားမလည်သောအခါ၊ သူ၏စိတ်သဘောထားကို မသိသောအခါတွင် သူတို့၏နှလုံးသားသည် သူ့အတွက် လုံးဝ အမှန်တကယ် ဖွင့်ဟထားနိုင်မှာမဟုတ်ပေ။ ဘုရားသခင်ကို သူတို့နားလည်လိုက်သည်နှင့် ဘုရားသခင်ရဲ့နှလုံးသားထဲ၌ရှိသောအရာကို စတင်နားလည်လာပြီး စိတ်ဝင်စားမှုနှင့်အတူ ယုံကြည်ခြင်းနှင့် စတင်ကျေနပ်ခံစားလာလိမ့်မည်။ ဘုရားသခင်၏ နှလုံးသားထဲ၌ရှိသောအရာကို နားလည်ပြီး ကျေနပ်ခံစားရသောအခါတွင် သင်၏နှလုံးသားက နည်းနည်းချင်း တဖြည်းဖြည်းနှင့် သူ့အတွက် ဖွင့်ဟလာပါလိမ့်မည်။ သင့်နှလုံးသားက သူ့အတွက် ဖွင့်ဟသောအခါတွင် ဘုရားသခင်နှင့် သင်၏ခွန်းတုံ့ဖလှယ်မှုများ၊ ဘုရားသခင်ကို သင်၏တောင်းဆိုမှုများ၊ သင်ကိုယ်တိုင်၏ လွန်ကျူးသောဆန္ဒများက မည်မျှရှက်စရာကောင်းသည်၊ မည်မျှ စက်ဆုပ်ဖွယ်ဖြစ်သည်ဆိုသည်ကို သင်ခံစားရလိမ့်မည်။ သင့်နှလုံးသားက ဘုရားသခင်အတွက် အမှန်တကယ် ဖွင့်ဟလာသောအခါတွင် သူ့နှလုံးသားသည် အဆုံးအစမရှိသော ကမ္ဘာတစ်ခုကဲ့သို့ဆိုသည်ကို သင်မြင်ရမည်။ သင်ယခင်က တစ်ခါမျှ မတွေ့ကြုံဖူးသော နယ်ပယ်ထဲသို့ သင်ဝင်ရောက်သွားလိမ့်မည်။ ၎င်းနယ်ပယ်ထဲတွင် လိမ်ညာခြင်းမရှိ။ လှည့်စားခြင်းမရှိ။ မှောင်မိုက်ခြင်းမရှိ။ ဆိုးယုတ်ခြင်း မရှိ။ ရိုးသားဖြူစင်ခြင်းနှင့် ယုံကြည်ခြင်း၊ အလင်းနှင့် ရိုးသားဖြောင့်မတ်ခြင်း၊ မှန်ကန်ဖြောင့်မတ်ခြင်းနှင့် ကြင်နာခြင်းတို့သာ ရှိသည်။ ချစ်ခြင်းနှင့် ဂရုစိုက်မှုတို့ဖြင့် ပြည့်နေသည်။ ကြင်နာခြင်းနှင့် သည်းခံခြင်းတို့ဖြင့် ပြည့်နေသည်။ ထိုမှတစ်ဆင့် သင်သည် အသက်ရှင်ရခြင်း၏ ပျော်ရွှင်မှုနှင့် ဝမ်းမြောက်မှုကို ခံစားရသည်။ ဤအရာတို့က ဘုရားသခင်ဆီသို့ သင့်နှလုံးသားကို ဖွင့်ဟသောအခါ၌ သင့်ကို သူဖွင့်ပြမည့်အရာများဖြစ်သည်။ အဆုံးအစမရှိသော ဤကမ္ဘာသည် ဘုရားသခင်၏ အသိဉာဏ်ပညာတို့နှင့် ပြည့်နေသည်။ သူ၏ အတိုင်းအဆမရှိဘုန်းတန်ခိုးတို့နှင့် ပြည့်နေသည်။ သူ၏ချစ်ခြင်းနှင့် သူ၏ အာဏာတို့နှင့်လည်း ပြည့်နေပါသည်။ ဘုရားသခင်၏ အရာအားလုံးနှင့်ဖြစ်ခြင်း၏ အချက်အလက်တိုင်းနှင့် သူ့ကို ဘယ်အရာက ဝမ်းမြောက်စေသည်၊ သူ ဘယ်အတွက်ကြောင့်စိတ်ပူပြီး ဘာကြောင့် ဝမ်းနည်းလာသည်၊ သူဘာကြောင့် စိတ်ဆိုးလာသည် စသည်တို့ကို ဤနေရာတွင် သင်မြင်နိုင်သည်။ ၎င်းသည် သူတို့၏နှလုံးသားကို ဖွင့်ဟပြီး ဘုရားသခင်ကို ဝင်ခွင့်ပေးသောသူ တစ်ယောက်ချင်းစီတိုင်းက မြင်နိုင်သောအရာ ဖြစ်ပါသည်။ သင်က သူ့ကို ဖွင့်ဟပေးမှသာ ဘုရားသခင်က သင့်နှလုံးသားထဲကို ဝင်လာနိုင်ပါသည်။ သူက သင့်နှလုံးသားထဲကို ဝင်ရောက်လာလျှင် ဘုရားသခင်၏ အရာအားလုံးနှင့်ဖြစ်ခြင်းကိုသာ သင်မြင်နိုင်ပြီး သင့်အတွက် သူ၏အလိုတော်ကိုသာ သင်မြင်နိုင်သည်။ ထိုအချိန်တွင် ဘုရားသခင်နှင့်ပတ်သက်သော အကြောင်းအရာတိုင်းက အလွန်တန်ဖိုးရှိသည်၊ သူ၏ အရာအားလုံးနှင့်ဖြစ်ခြင်းသည် တန်ဖိုးထားရန် အလွန်ထိုက်တန်သည်ဆိုသည်ကို သင်တွေ့လာပါလိမ့်မည်။ ၎င်းနှင့် နှိုင်းယှဉ်လိုက်လျှင် သင့်ပတ်ဝန်းကျင်၌ရှိသောလူများ၊ သင့်ဘဝတွင်ရှိသော အရာဝတ္ထုနှင့် အဖြစ်အပျက်များ၊ သင်ချစ်ရသောသူပင်လျှင်ပါဝင်ပြီး၊ သင်၏အဖော်၊ သင်ချစ်သော အရာတို့သည် ထုတ်ဖော်ပြောရန်ပင် မထိုက်တန်ပေ။ ၎င်းတို့က အလွန်သေးငယ်ပြီး အလွန်နိမ့်ကျပါသည်။ မည်သည့်ရုပ်ဝတ္ထုပစ္စည်းများကမှ သင့်ကို နောက်တစ်ကြိမ် ဆွဲဆောင်နိုင်မှာ မဟုတ်တော့ဟု သင်ခံစားရလိမ့်မည်။ ဤပစ္စည်းများက သူတို့အတွက် အဖိုးအခကို ပေးဆပ်စေရန် သင့်ကို ပြုလုပ်နိုင်မှာ မဟုတ်တော့ချေ။ ဘုရားသခင်၏ နှိမ့်ချခြင်းတွင် သူ၏ကြီးမြတ်မှုနှင့် သာလွန်မှုကို သင်မြင်ရလိမ့်မည်။ တစ်ဖန်လွန်စွာသေးငယ်သည်ဟု သင်ယုံကြည်ထားသော သူလုပ်ဆောင်ခဲ့သည့်အရာတစ်ခုခုတွင် သူ၏အဆုံးအစမရှိသော ဉာဏ်ပညာနှင့် သူ၏သည်းခံခြင်းကို မြင်ရလိမ့်မည်။ သူ၏ စိတ်ရှည်မှု၊ သူ၏ သည်းခံမှု၊ သင့်အပေါ် သူ၏နားလည်မှုကို သင်မြင်ရလိမ့်မည်။ ၎င်းက သင့်အတွင်း၌ သူ့အတွက် အချစ်တစ်ခု ဖြစ်ပေါ်စေလိမ့်မည်။ ထိုနေ့တွင် လူသားမျိုးနွယ်သည် ညစ်ညမ်းနေသော ကမ္ဘာ၌ အသက်ရှင်နေရခြင်းကို၊ သင့်ဘေး၌ရှိသောလူတို့နှင့် သင့်ဘဝ၌ဖြစ်ပျက်နေသောအရာများ၊ သင်ချစ်သောသူများ၊ သင့်အတွက် သူတို့၏အချစ်များ၊ သူတို့၏ အကာအကွယ်ဟုခေါ်သောအရာများ၊ သို့မဟုတ် သင့်အတွက် သူတို့၏ စိုးရိမ်ခြင်းများသည် ပြောပြရန်ပင် မထိုက်တန်ဟုဆိုသည်နှင့်၊ ဘုရားသခင်သာလျှင် သင်ချစ်ခင်မြတ်နိုးရသောသူဖြစ်ပြီး သင်တန်ဖိုးအထားဆုံးက ဘုရားသခင်သာဖြစ်ကြောင်းကို သင်ခံစားရပါလိမ့်မည်။ ထိုအချိန်ရောက်လာသောအခါတွင် တစ်ချို့လူတို့က ဤကဲ့သို့ပြောကြလိမ့်မယ်ဆိုသည်ကို ငါမြင်သည်။ ဘုရားသခင်၏ ချစ်ခြင်းက အလွန်ကြီးမြတ်သည်။ သူ၏အနှစ်သာရသည် အလွန်သန့်ရှင်းမြင့်မြတ်သည်။ ဘုရားသခင်ထံတွင် လှည့်စားခြင်း၊ ဆိုးယုတ်ခြင်း၊ မနာလိုခြင်း၊ ခိုက်ရန်ဒေါသဖြစ်ခြင်းတို့ မရှိဘဲ ဖြောင့်မတ်ခြင်းနှင့် စစ်မှန်ခြင်းသာရှိပြီး ဘုရားသခင်၏ အရာအားလုံးနှင့်ဖြစ်ခြင်းဖြစ်သော အရာရာတိုင်းကို လူသားတို့က ဆာငတ်တောင့်တသင့်သည်။ လူသားတို့သည် ဤအရာအပေါ်တွင် အားထုတ်ကြိုးပမ်းသင့်ပြီး မျှော်လင့်ချက်ကြီးမားစွာ ထားရှိသင့်သည်။ ဤအရာကို ရယူနိုင်ရန်အတွက် လူသားမျိုးနွယ်၏ အရည်အချင်းကို မည်သည့်အပေါ်တွင် အခြေခံပြီး တည်ဆောက်ထားသနည်း။ ဘုရားသခင်၏ စိတ်သဘောထားအပေါ် လူသားတို့၏ နားလည်မှုအခြေခံအချက်နှင့် ဘုရားသခင်၏ အနှစ်သာရအပေါ် သူတို့၏ နားလည်မှုအပေါ်တွင် တည်ဆောက်ထားသည်။ ထို့ကြောင့် ဘုရားသခင်၏ စိတ်သဘောထားနှင့် သူ၏အရာအားလုံးနှင့်ဖြစ်ခြင်းကို နားလည်ခြင်းသည် လူတိုင်းအတွက် တစ်သက်တာလုံး သင်ကြားရမည့် သင်ခန်းစာဖြစ်ပြီး သူတို့၏ စိတ်သဘောထားတို့ကို ပြောင်းလဲရန် ကြိုးပမ်းသူတို့နှင့် ဘုရားသခင်ကို သိရန် ကြိုးပမ်းသောသူတိုင်း အားထုတ်ကြိုးပမ်းသော တစ်သက်လုံး ကြိုးပမ်းရမည့် ပန်းတိုင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၃)” မှ

၁၅၅။ သင်သည် ဘုရားသခင်ကို သိလိုပြီး သူ့ကို စစ်မှန်စွာနားလည်လိုပါက ဘုရားသခင်၏ အမှုအဆင့်သုံးဆင့်ကိုသာ ကန့်သတ်မထားလေနှင့်၊ ထို့အပြင် တစ်ချိန်တစ်ခါက ဘုရားသခင် ပြုလုပ်ခဲ့သော အမှုအကြောင်း ဇာတ်လမ်းများကိုသာ ကန့်သတ်မထားလေနှင့်။ သင်သည် သူ့ကို ဤနည်းဖြင့် သိရန်ကြိုးစားပါက သင်သည် ဘုရားသခင်အား ကန့်သတ်ချက်တစ်ရပ်အထိ ဘောင်ခတ်နေခြင်းဖြစ်သည်။ သင်သည် ဘုရားသခင်အား အလွန်အရေးမပါဟု မြင်နေခြင်းဖြစ်သည်။ ဤသို့သောအကျိုးဆက်များက သင့်ထံ မည်သည့်လွှမ်းမိုးမှုများ ယူဆောင်လာမည်နည်း။ သင်သည် ဘုရားသခင်၏ အံ့သြဖွယ်ရာကောင်းခြင်းနှင့် လွှမ်းမိုးမှုတို့ကို မည်သည့်အခါမျှ သိနိုင်မည် မဟုတ်ပေ၊ ထို့အပြင် သင်သည် ဘုရားသခင်၏ တန်ခိုးနှင့် အနန္တတန်ခိုးနှင့် သူ့အာဏာ၏အတိုင်းအတာတို့ကို မည်သည့်အခါမျှ သိနိုင်မည် မဟုတ်ပေ။ ထိုကဲ့သို့သော နားလည်မှုတစ်ရပ်သည် ဘုရားသခင်သည် အရာခပ်သိမ်းကိုအုပ်ချုပ်သူဟူသော သမ္မာတရားကို သင်၏လက်ခံနိုင်စွမ်းအပြင် ဘုရားသခင်၏ စစ်မှန်သော ကိုယ်ပိုင်လက္ခဏာနှင့် အနေအထားကို သင်၏သိခြင်းတို့အပေါ် သက်ရောက်မှုရှိလိမ့်မည်။ တစ်နည်းအားဖြင့် ဘုရားသခင်ကို သင်၏နားလည်ခြင်းသည် အတိုင်းအတာနည်းပါးလျှင် သင်ရရှိနိုင်သည့်အရာသည်လည်း နည်းပါး၏။ ထို့ကြောင့် သင်သည် အတိုင်းအတာချဲ့၍ သင်၏နယ်ပယ်ကို ဖွင့်ရမည်။ ဘုရားသခင်၏အမှု၏ အတိုင်းအတာဖြစ်စေ၊ ဘုရားသခင်၏ စီမံခန့်ခွဲမှုနှင့် ဘုရားသခင်၏အုပ်ချုပ်မှု၊ သို့မဟုတ် ဘုရားသခင်၏ အုပ်ချုပ်ခြင်းနှင့် စီမံခန့်ခွဲခြင်းခံရသော အရာခပ်သိမ်းဖြစ်စေ၊ သင်သည် အားလုံးကို သိလာရန်နှင့် ယင်း၌ဘုရားသခင်၏ လုပ်ဆောင်မှုများကို သိလာရန် ဆောင်ရွက်သင့်သည်။ ဤကဲ့သို့သော နားလည်နည်း တစ်ရပ်အားဖြင့် ဘုရားသခင်သည် ၎င်းတို့အကြား အရာခပ်သိမ်းကို အုပ်ချုပ်နေသည်၊ စီမံခန့်ခွဲနေပြီး ထောက်ပံ့နေသည်ဟု သင်မရည်ရွယ်ဘဲ ခံစားရလိမ့်မည်။ တစ်ချိန်တည်းမှာပင် သင်သည် အရာခပ်သိမ်း၏ အစိတ်အပိုင်းတစ်ရပ်နှင့် အရာခပ်သိမ်း၏ အဖွဲ့ဝင်တစ်ဦးဖြစ်ကြောင်းကိုလည်း စစ်မှန်စွာခံစားရလိမ့်မည်။ ဘုရားသခင်သည် အရာခပ်သိမ်းကို ထောက်ပံ့ပေးစဉ် သင်သည်လည်း ဘုရားသခင်၏ အုပ်ချုပ်မှုနှင့် ထောက်ပံ့မှုကို လက်ခံသည်။ ယင်းသည် မည်သူမျှ မငြင်းနိုင်သည့် အမှန်တရားဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၈)” မှ

၁၅၆။ ဘုရားသခင်၏ သြဇာအာဏာ၊ ဘုရားသခင်၏ တန်ခိုးအစွမ်း၊ ဘုရားသခင်၏ ကိုယ်ပိုင်ဝိသေသလက္ခဏာနှင့် ဘုရားသခင်၏ အနှစ်သာရတို့ကို သင်၏ တွေးတောကြံဆခြင်းကို အမှီပြုခြင်းအားဖြင့် မည်သည့်အခါမျှ နားမလည်နိုင်ပေ။ သင်သည် ဘုရားသခင်၏ သြဇာအာဏာကို သိရန်အတွက် တွေးတောကြံဆခြင်းကို အမှီမပြုနိုင်သည့် အတွက် ဘုရားသခင်၏ သြဇာအာဏာကို မည်သည့်နည်းလမ်း အမှန်တကယ် သင်သိကျွမ်းနိုင်မည်နည်း။ ဘုရားသခင်၏ နှုတ်ကပတ်တော်တို့ကို စားခြင်းနှင့် သောက်ခြင်းမှတစ်ဆင့်၊ မိတ်သဟာယ ပြုလုပ်ခြင်းမှတစ်ဆင့်၊ ဘုရားသခင်၏ နှုတ်ကပတ်တော်တို့ကို ကြုံတွေ့ခြင်းမှတစ်ဆင့် သင်သည် ဘုရားသခင်၏ သြဇာအာဏာကို တဖြည်းဖြည်းကြုံတွေ့ပြီး အတည်ပြုနိုင်လိမ့်မည်။ ထို့ကြောင့် သင်သည် တဖြည်းဖြည်း နားလည်လာပြီး ပိုမို သိကျွမ်းလာလိမ့်မည်။ ဤသည်မှာ ဘုရားသခင်၏ သြဇာအာဏာကို သိကျွမ်းရန် တစ်ခုတည်းသောနည်းလမ်း ဖြစ်သည်။ ဖြတ်လမ်း မရှိပေ။ သင်တို့ကို တွေးတောခြင်း မပြုလုပ်ရန် တောင်းဆိုခြင်းက ပျက်စီးခြင်းကို သင်တို့ဤအတိုင်း ထိုင်စောင့်ရန် သို့မဟုတ် ဘာမျှမလုပ်ရန်ပြောခြင်းနှင့် မတူညီပေ။ စဉ်းစားရန်၊ ကြံစည်တွေးတောရန် သင်၏ ဦးနှောက်ကို အသုံးမပြုခြင်းသည် ကောက်ချက်ချရန် ယုတ္တိရှိမှုကို အသုံးပြုခြင်း၊ ခွဲခြမ်းစိတ်ဖြာသုံးသပ်ရန် အသိပညာကို အသုံးပြုခြင်း၊ အခြေခံ စည်းမျဉ်းအနေနှင့် သိပ္ပံကို အသုံးပြုခြင်းကို ဆိုလိုခြင်းမဟုတ်ဘဲ သင်ယုံကြည်သည့် ဘုရားသခင်က သြဇာအာဏာရှိသည်ဆိုသည်ကို နားလည်ခြင်း၊ စိစစ်ခြင်း၊ အတည်ပြုခြင်း၊ ဘုရားသခင်၏ နှုတ်ကပတ်တော်တို့မှ တစ်ဆင့်၊ သမ္မာတရားမှတစ်ဆင့်၊ ဘဝတွင် သင်ကြုံတွေ့ရသည့် အရာရာတိုင်းမှတစ်ဆင့် သူ၏ သြဇာအာဏာသည် သူကိုယ်တိုင် စစ်မှန်သည့် ဘုရားသခင်ဖြစ်သည်ဆိုသည်ကို သက်သေပြပြီး သင့်ကံကြမ္မာအပေါ်တွင် ဘုရားသခင်သည် အချုပ်အခြာအာဏာကို ကိုင်ဆောင်ထားသည်ဆိုသည်ကို အတည်ပြုခြင်းသာ ဖြစ်သည်။ ဤသည်မှာ ဘုရားသခင်အပေါ် နားလည်မှုကို ရရှိနိုင်မည့် တစ်ခုတည်းသော နည်းလမ်းဖြစ်သည်။ အချို့က သူတို့သည် ဤဦးတည်ချက်ကို ရောက်ရှိရန် ရိုးရှင်းသည့် နည်းလမ်းတစ်ခုကို ရှာဖွေချင်ကြသည်ဟု ပြောလိမ့်မည်။ သို့ရာတွင် ဤသို့သောနည်းလမ်းကို သင်တို့ စဉ်းစားနိုင်သလော။ သင့်ကို ငါပြောမည်။ စဉ်းစားရန်မလိုပေ။ အခြားနည်းလမ်းမရှိ။ တစ်ခုတည်းသောနည်းလမ်းက သူဖော်ပြသည့် နှုတ်ကပတ်တော်တိုင်း၊ သူလုပ်ဆောင်သည့် အရာရာတိုင်းမှတစ်ဆင့် ဘုရားသခင်၏အရာအားလုံးနှင့် ဖြစ်ခြင်းကို အသိဉာဏ်ရှိရှိဖြင့် တည်ကြည်စွာနှင့် သိပြီး ဟုတ်မှန်ကြောင်းထင်ရှားစေခြင်းဖြစ်သည်။ ဤသည်မှာ ဘုရားသခင်ကို သိရန် တစ်ခုတည်းသော နည်းလမ်းဖြစ်သည်။ အကြောင်းမှာ ဘုရားသခင်၏အရာအားလုံးနှင့် ဖြစ်ခြင်း၊ ဘုရားသခင်၏ အရာရာတိုင်းသည် အနှစ်မရှိ ဗလာဖြစ်ခြင်းမရှိဘဲ စစ်မှန်သောကြောင့် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၁)” မှ

၁၅၇။ လူတို့၏ နှလုံးသားထဲတွင် ဘုရားသခင်အပေါ် မည်မျှနားလည်သနည်းဆိုသည်က သူတို့နှလုံးသားထဲတွင် ဘုရားသခင်က နေရာမည်မျှယူထားသနည်းဆိုသည်ကို သတ်မှတ်သည်။ သူတို့နှလုံးသားထဲတွင် ဘုရားသခင်ကို သိခြင်းအဆင့်က မည်မျှကြီးသည်ဆိုခြင်းက သူတို့နှလုံးသားထဲတွင် ဘုရားသခင်က မည်မျှကြီးမြတ်သည် ဆိုခြင်းပင်ဖြစ်သည်။ သင်သိသည့် ဘုရားက အနှစ်မဲ့ပြီး ဝိုးတိုးဝါးတားဖြစ်နေလျှင် သင်ယုံကြည်သည့် ဘုရားသည်လည်း အနှစ်မဲ့ပြီး ဝိုးတိုးဝါးတားဖြစ်နေမည်ဖြစ်သည်။ သင်သိသည့် ဘုရားသည် သင်၏ ကိုယ်ပိုင်နယ်ပယ်မှာသာ ကန့်သတ်ခြင်းခံထားရသည်ဆိုလျှင် သူက အလွန်သေးငယ်သည့် ဘုရားဖြစ်ပြီး စစ်မှန်သည့် ဘုရားသခင်နှင့် ဘာမျှမသက်ဆိုင်ပေ။ ထို့ကြောင့် ဘုရားသခင်၏ အမှန်တကယ် လုပ်ဆောင်ချက်များကို သိခြင်း၊ ဘုရားသခင်၏ စစ်မှန်မှုနှင့် သူ၏ အတိုင်းအဆမဲ့တန်ခိုးကြီးမားမှုကို သိခြင်း၊ ဘုရားသခင်ကိုယ်တော်တိုင်၏ ဝိသေသလက္ခဏာအမှန်ကို သိခြင်း၊ သူ၏အရာအားလုံးနှင့်ဖြစ်ခြင်းကို သိခြင်း၊ အရာအားလုံးကြားတွင် သူထုတ်ဖော်ပြသခဲ့သည့်အရာကို သိခြင်း၊ ဤအရာများသည် ဘုရားသခင်သည် သိမြင်ရန် ကြိုးစားသည့်သူ တစ်ယောက်ချင်းစီတိုင်းအတွက် အလွန်အရေးကြီးသည်။ ဤအရာများသည် လူများ သမ္မာတရား၏ စစ်မှန်မှုထဲကို ဝင်ရောက်နိုင်မှု ရှိမရှိအပေါ်တွင် တိုက်ရိုက် ဆက်စပ်မှု ရှိနေသည်။ သင်က ဘုရားသခင်အပေါ် သင်၏နားလည်မှုကို စကားလုံးများသက်သက်အဖြစ်သာ ကန့်သတ်ထားလျှင်၊ သင်၏ နည်းပါးသော ကိုယ်ပိုင်အတွေ့အကြုံအပေါ်တွင်၊ သင်ရေတွက်သည့် ဘုရားသခင်၏ကျေးဇူးတော် သို့မဟုတ် ဘုရားသခင်အပေါ် သင်၏ နည်းပါးသော သက်သေခံခြင်းအပေါ်တွင်သာ ကန့်သတ်ထားလျှင် သင်ယုံကြည်သည့် ဘုရားသခင်သည် စစ်မှန်သည့်ဘုရားသခင် လုံးဝမဟုတ်ဟု ငါပြောမည်။ သူကိုယ်တော်တိုင်နှင့် သင်ယုံကြည်သည့် ဘုရားသခင်သည် စိတ်ကူးသက်သက် ဘုရားသခင် တစ်ပါးဖြစ်ပြီး စစ်မှန်သည့်ဘုရားသခင် မဟုတ်ဟုလည်း ဆိုနိုင်သည်။ အဘယ်ကြောင့်ဆိုလျှင် စစ်မှန်သည့်ဘုရားသခင်သည် အရာအားလုံးကို အုပ်စိုးသည့်၊ အရာအားလုံးကြားတွင် လျှောက်သွားသည့်၊ အရာအားလုံးကို စီမံသည့်သူဖြစ်သည်။ သူသည် လူသားအားလုံး၏ ကံကြမ္မာကို ချုပ်ကိုင်ထားသည့်သူဖြစ်သည်။ အရာအားလုံး၏ ကံကြမ္မာကို ချုပ်ကိုင်ထားသည့်သူဖြစ်သည်။ ငါပြောဆိုနေသည့် ဘုရားသခင်၏ အမှုနှင့် လုပ်ဆောင်ချက်များသည် လူများ၏ သေးငယ်သည့်အပိုင်းမှာသာ ကန့်သတ်မထားပေ။ ဆိုလိုသည်မှာ လက်ရှိအချိန်၌ သူ့နောက်ကိုလိုက်နေသည့်လူများထံ၌သာ ကန့်သတ်မထားပေ။ သူ၏ လုပ်ဆောင်ချက်များသည် အရာအားလုံးအထဲတွင်၊ အရာအားလုံး၏ ရှင်သန်ရပ်တည်မှုတွင်၊ အရာအားလုံး၏ ပြောင်းလဲခြင်းနိယာမများထဲတွင် ထုတ်ဖော်ပြသခြင်းခံရသည်။ သင်သည် အရာအားလုံးထဲတွင် ဘုရားသခင်၏ လုပ်ဆောင်ချက်မှန်သမျှကို မမြင်နိုင်လျှင် သို့မဟုတ် မသိမြင်နိုင်လျှင် သူ၏ မည်သည့်လုပ်ဆောင်ချက်ကိုမျှ သင်သက်သေခံနိုင်မည်မဟုတ်ပေ။

သင်သည် ဘုရားသခင်အတွက် မည်သည့်သက်သေမျှ မခံနိုင်ဘူးဆိုလျှင်၊ သင်သိသည့် သေးငယ်သည့် ဘုရားဟုခေါ်သည့်အရာကို ဆက်လက်ပြောဆိုနေလျှင်၊ သင်၏ကိုယ်ပိုင် စိတ်ကူးထဲတွင်သာ ကန့်သတ်ထားပြီး သင်၏ကျဉ်းမြောင်းသည့် စိတ်အတွင်းမှာပဲရှိသည့်ဘုရား၊ ဤကဲ့သို့သော ဘုရားမျိုးကို ဆက်ပြောဆိုနေလျှင် ဘုရားသခင်သည် သင်၏ယုံကြည်မှုကို ဘယ်တော့မျှ ချီးမြှောက်မည် မဟုတ်ပေ။ သင်သည် ဘုရားသခင်အတွက် သက်သေခံသည့်အခါတွင် သင်က ဘုရားသခင်၏ကျေးဇူးတော်ကို မည်သို့နှစ်သက်ခံစားသည်၊ ဘုရားသခင်၏ဆုံးမမှုနှင့် ပြစ်ဒဏ်ခတ်မှုကို မည်သို့လက်ခံသည်၊ သူ့အတွက် သင်၏ သက်သေခံခြင်း၌ သူ၏ ကောင်းချီးများကို မည်သို့နှစ်သက်ခံစားသည် စသည်တို့ကိုသာ အသုံးပြုလျှင်၊ ဤအရာသည် အင်မတန် မလုံလောက်ဘဲ သူ့ကိုကျေနပ်စေရန် အဝေးကြီးလိုပါသေးသည်။ သင်သည် ဘုရားသခင်၏အလိုတော်နှင့်ကိုက်ညီသည့် ဘုရားသခင်အတွက် သက်သေခံခြင်းပြုလုပ်လိုလျှင်၊ စစ်မှန်သည့် ဘုရားသခင်ကိုယ်တော်တိုင်၏ သက်သေကိုခံလိုလျှင် ဘုရားသခင်၏ လုပ်ဆောင်ချက်များမှတစ်ဆင့် သူ၏ အရာအားလုံးနှင့်ဖြစ်ခြင်းကို သင်မြင်ရမည်။ အရာအားလုံးအပေါ်တွင် သူ၏အုပ်ချုပ်မှုမှ ဘုရားသခင်၏ အခွင့်အာဏာကို သင်တွေ့မြင်ပြီး လူသားအားလုံးအတွက် သူမည်သို့ ပံ့ပိုးပေးသည်ဆိုသည့် သမ္မာတရားကို သင်မြင်ရမည်။ သင်သည် အသက်တာ၌ သင်၏လိုအပ်ချက်များ၊ စားစရာ၊ သောက်စရာများက ဘုရားသခင်ထံမှ လာသည်ဆိုသည်ကိုသာ အသိအမှတ်ပြုပြီး အရာအားလုံးကို အသုံးပြု၍ လူသားအားလုံးအတွက် ဘုရားသခင် ထောက်ပံ့သည်ဆိုသည့် သမ္မာတရား၊ အရာအားလုံးအပေါ်တွင် သူ၏အုပ်ချုပ်မှုနှင့် လူသားများကို သူဦးဆောင်သည်ဆိုသည်ကို သင်မသိမြင်ပါက သင်သည် ဘုရားသခင်အတွက် ဘယ်တော့မျှ သက်သေခံနိုင်မည် မဟုတ်ပေ။ ယခု ဤအရာအားလုံးကို သင်နားလည်ပြီမဟုတ်လော။ ဤအရာများအားလုံးကို ပြောရသည့် ရည်ရွယ်ချက်က မည်သို့နည်း။ ဤအရာများကို သင်တို့ ခပ်ပေါ့ပေါ့မထားရန်၊ ယခုပြောခဲ့သည့် ခေါင်းစဉ်များက အသက်တာထဲသို့ သင်တို့၏ကိုယ်ပိုင်ဝင်ရောက်ခြင်းနှင့် မသက်ဆိုင်ဟု မမြင်စေရန်၊ ဤခေါင်းစဉ်များကို ဗဟုသုတတစ်မျိုးသက်သက် သို့မဟုတ် အယူဝါဒသက်သက်တစ်ခုအနေနှင့် မခံယူစေရန်အတွက် ဖြစ်သည်။ သင်သည် ဤကဲ့သို့ သဘောထားမျိုးနှင့် ဤအရာများကို နားထောင်လျှင် ဘာတစ်ခုမျှ ရမည်မဟုတ်ပေ။ ဘုရားသခင်ကိုသိရန် ဤကြီးမားသည့် အခွင့်အလမ်းကြီးကို သင်ဆုံးရှုံးရမည်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၉)” မှ

၁၅၈။ ဘုရားသခင်ကို သိနားလည်ရန်မှာ လွယ်ကူသောအရာမဟုတ်ဟု လူတွေ ခဏခဏ ပြောတတ်ကြသည်။ သို့သော်လည်း၊ ဘုရားသခင်သည် သူ၏ လုပ်ဆောင်ချက်များကို လူမြင်တွေ့နိုင်ရန် မကြာခဏ ခွင့်ပြုသောကြောင့် ဘုရားသခင်ကို သိနားလည်ခြင်းသည် ခက်ခဲသောကိစ္စ လုံးဝမဟုတ်ဟု ကျွန်ုပ်ဆိုသည်။ ဘုရားသခင်သည် လူသားမျိုးနွယ်နှင့် သူ၏ အပြန်အလှန်ဆွေးနွေးခြင်းကို ဘယ်သောအခါမှ မရပ်စဲဖူးပေ၊ သူသည် သူ့ကိုယ်သူ လူသားထံမှ ဘယ်သောအခါမှ မဖုံးကွယ်ဖူးသကဲ့သို့ သူ့ကိုယ်သူလည်း မကွယ်၀ှက်ဖူးပေ။ သူ၏ အတွေးများ၊ သူ၏ စိတ်ကူးများ၊ သူ၏ နှုတ်ကပတ်တော်များနှင့် သူ၏ လုပ်ဆောင်ချက်များ အားလုံးကို လူသားမျိုးနွယ် တစ်ရပ်လုံးအား ထုတ်ဖော်သည်။ ထို့ကြောင့် လူသားသည် ဘုရားသခင်ကို သိနားလည်ရန် ဆန္ဒရှိသရွေ့၊ သူသည် လမ်းစဥ်များနှင့် နည်းလမ်းများမျိုးစုံဖြင့် ဘုရားသခင်ကို နားလည်သိမြင်လာနိုင်သည်။ ဘုရားသခင်သည် သူ့ကို တမင်ရှောင်သည်၊ ဘုရားသခင်သည် လူ့လောကမှ သူ့ကိုယ်သူ တမင်ဖုံးကွယ်ထားသည်၊ သူ့ကို လူသားနားလည်သိမြင်ရန် ခွင့်ပြုဖို့ ဘုရားသခင်တွင် ရည်ရွယ်ချက်မရှိဟု လူသားသည် ကြောင်းကျိုးမမြင် ထင်ရသည့်အကြောင်းမှာ- လူသည် ဘုရားသခင် မည်သူဖြစ်သည်ကို မသိသောကြောင့်သာမက ဘုရားသခင်ကို နားလည်ရန် ဆန္ဒလည်း မရှိသောကြောင့် ဖြစ်သည်၊ ထို့ထက်ပို၍ သူသည် ဖန်ဆင်းရှင်၏ အတွေးများ၊ နှုတ်ကပတ်တော်များ သို့မဟုတ် လုပ်ဆောင်ချက်များတို့ကို စိတ်မဝင်စားသောကြောင့်ပင် ဖြစ်သည်။ ... မှန်မှန်ကန်ကန် ပြောရလျှင် လူတစ်ယောက်က ဖန်ဆင်းရှင်၏ နှုတ်ကပတ်တော်များနှင့် လုပ်ဆောင်ချက်များအပေါ် အာရုံစိုက်ပြီး နားလည်ရန် သူတို့၏ အားနေသောအချိန်ကိုသာ အသုံးပြုကာ၊ ဖန်ဆင်းရှင်၏ အတွေးများနှင့် သူ့နှလုံးသား၏ အသံတော်ကို အနည်းငယ်အာရုံစိုက်မှု ပြုမည်ဆိုပါက- ဘုရားသခင်၏ အတွေးများ၊ နှုတ်ကပတ်တော်များနှင့် လုပ်ဆောင်ချက်များမှာ ထင်ရှားပြီး ပွင့်လင်းမြင်သာကြောင်း သူတို့ သဘောပေါက်မိရန် ခက်ခဲလိမ့်မည်မဟုတ်ပေ။ အလားတူ ဖန်ဆင်းရှင်သည် လူသားအကြားတွင် အမြဲတမ်းရှိသည်၊ သူသည် လူသားနှင့် ဖန်ဆင်းရာ တစ်ခုလုံးအား အမြဲ စကားစမြည် ပြောနေသည်၊ ထို့ပြင် သူသည် နေ့စဥ် အမှုသစ်များ ပြုလုပ်နေသည်ကို သဘောပေါက်မိရန် အနည်းငယ် အားထုတ်ကြိုးပမ်းရလိမ့်မည်။ သူ၏ အနှစ်သာရနှင့် စိတ်သဘောထားတို့ကို လူသားနှင့် အပြန်အလှန် ဆွေးနွေးခြင်းတွင် ဖော်ပြထားသည်၊ သူ၏ အတွေးများနှင့် စိတ်ကူးများကို သူ၏ လုပ်ဆောင်ချက်များတွင် ပြည့်စုံစွာ ထုတ်ဖော်ထားသည်၊ သူသည် လူသားမျိုးနွယ်နှင့်အတူ အမြဲတမ်းပါရှိပြီး စောင့်ကြည့်နေသည်။ ငါသည် ကောင်းကင်တွင် တည်ရှိပြီး၊ ငါသည် ငါ၏ ဖန်ဆင်းရာထဲတွင် တည်ရှိသည်ဟု သူသည် လူသားမျိုးနွယ်နှင့် ဖန်ဆင်းရာ အားလုံးတို့ကို သူ၏ အသံတိတ်စကားလုံးများဖြင့် ညင်ညင်သာသာ စကားပြောသည်။ ငါသည် အိပ်ဖန်စောင့်ပေးနေသည်၊ ငါသည် စောင့်ဆိုင်းနေသည်၊ ငါသည် သင်၏ အပါးတွင် ရှိနေသည်...သူ၏ လက်များမှာ နွေးထွေးပြီး သန်မာသည်၊ သူ၏ ခြေသံတို့မှာ ပေါ့ပါးသည်၊ သူ၏အသံမှာ နူးညံ့ပြီး ယဥ်ကျေးသိမ်မွေ့သည်၊ သူ၏ အသွင်သဏ္ဌာန်မှာ လူသားမျိုးနွယ် အားလုံးကို လက်ခံပွေ့ဖက်ရင်း ဖြတ်သွားလှည့်ပတ်သည်၊ သူ၏ မျက်နှာထားမှာ လှပပြီး နူးညံ့သိမ်မွေ့သည်။ သူသည် ဘယ်သောအခါမှ ထွက်ခွာမသွားသကဲ့သို့ သူသည် ပျောက်ကွယ်လည်း မသွားဖူးပါ။ သူသည် နေ့ရောညပါ လူသားမျိုးနွယ်၏ သစ္စာရှိသော အဖော်ပင် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၂)” မှ

၁၅၉။ တစ်နေ့နေ့တွင်မူ ဖန်ဆင်းရှင်မှာ ပဟေဠိမဟုတ်ကြောင်း၊ ဖန်ဆင်းရှင်ကို သင့်ထံမှ ဝှက်ထားခြင်း မည်သည့်အခါကမျှ မရှိကြောင်း၊ ဖန်ဆင်းရှင်သည် သူ့မျက်နှာတော်အား သင့်ထံတွင် မည်သည့်အခါကမျှ ဖုံးကွယ်မထားကြောင်း၊ ဖန်ဆင်းရှင်သည် သင်နှင့်မဝေးကွာကြောင်း၊ ဖန်ဆင်းရှင်သည် သင့်အတွေးထဲက အဆက်မပြတ် တမ်းတသော်လည်း သင့်ခံစားချက်များဖြင့် လက်လှမ်းမမီနိုင်သည့်သူ မဟုတ်တော့ကြောင်း၊ ကိုယ်တော်သည် အစစ်အမှန်ဖြစ်ပြီး သင်၏ ဝဲဘက်နှင့်ယာဘက်ကို အမှန်တကယ် စောင့်ရှောက်နေကြောင်း၊ သင့်ဘဝကို ပံ့ပိုးပေးနေကြောင်းနှင့် သင့်ကံကြမ္မာကို ထိန်းချုပ်နေကြောင်း သင်ခံစားလာရပါလိမ့်မည်။ ကိုယ်တော်သည် ဝေးလံလှသော မိုးကုပ်စက်ဝိုင်းတွင် ရှိနေသည်မဟုတ်။ ကိုယ်တော်သည် မိမိကိုယ်ကို တိမ်တောင်မြင့်မြင့်ကြားတွင် ဝှက်ထားသည်မဟုတ်။ ကိုယ်တော်သည် သင့်နံဘေးတွင် ရှိနေသည်။ သင့်အတွက် အရာရာ ဦးဆောင်လျက်ရှိသည်။ ကိုယ်တော်သည် သင့်မှာရှိသမျှ ခပ်သိမ်းသောအရာဖြစ်သည်။ သင့်မှာရှိသော တစ်ခုတည်းသောအရာလည်း ဖြစ်သည်။ ထိုကဲ့သို့သော ဘုရားသခင်သည် သင့်စိတ်နှလုံးဖြင့် ကိုယ်တော့်အား ချစ်ခွင့်၊ ကိုယ်တော့်အားဆည်းကပ်ခွင့်၊ နီးကပ်စွာ ဆုပ်ကိုင်ခွင့်၊ ကြည်ညိုခွင့်၊ ကိုယ်တော့်ကို ဆုံးရှုံးမှာ ကြောက်ရွံ့ခွင့် တို့ကို ပေးသည်။ ကိုယ်တော့်ကို စွန့်ခွာရန်၊ ကိုယ်တော့်ကို မနာခံရန်၊ ကိုယ်တော့်ကို ရှောင်ဖယ်ရန် သို့မဟုတ် ကိုယ်တော့်ကို အဝေးတွင်ထားရန် ဆန္ဒများ ဖြစ်ပေါ်မလာစေပါ။ သင့်အတွက် လိုအပ်သည်မှာ သင်သည် ကိုယ်တော်ကို အလေးဂရုထားရန်၊ နာခံရန်၊ ကိုယ်တော်သင့်ကို ပေးသမျှ တုံ့ပြန်ရန်နှင့် ကိုယ်တော့် အုပ်စိုးမှုထံတွင် ကျိုးနွံနာခံရန်ဖြစ်ပါသည်။ ကိုယ်တော်၏ လမ်းညွှန်မှု၊ ပံ့ပိုးမှု၊ စောင့်ကြည့်မှု၊ ကိုယ်တော်၏ ကာကွယ်စောင့်ရှောက်မှု၊ သင့်အတွက်ဆုံးဖြတ်ပေးခြင်းနှင့် သိက္ခာအပ်နှင်းပေးခြင်းတို့ကို သင် ငြင်းပယ်လိမ့်မည် မဟုတ်တော့ချေ။ သင့်အတွက် လိုအပ်သည် အားလုံးမှာ သင်သည် ကိုယ်တော်၏နောက်သို့ လိုက်လျှောက်ရန်၊ ကိုယ်တော်၏ ဘယ်ဘက် သို့မဟုတ် ညာဘက်တွင် နေ၍ အတူတူ လျှောက်လှမ်းရန်၊ သင်၏တစ်ခုတည်းသော အသက်တာအဖြစ် ကိုယ်တော့်ကို လက်ခံရန်၊ သင်၏ တစ်ဦးတည်းသော အရှင်သခင်၊ သင်၏ တစ်ဦးတည်းသော ဘုရားသခင်အဖြစ် ကိုယ်တော့်ကို လက်ခံရန်ပင် ဖြစ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သိခြင်းသည် ကိုယ်တော်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ သွားရာလမ်းဖြစ်၏” မှ

အောက်ခြေမှတ်စု(များ)-

က။ မူရင်းစာသားတွင် “ဘုရားသခင်ကိုသိကျွမ်းခြင်းအမှု” ဟုရေးသားထားသည်။

ယခင်က:(၁၁) ဘုရားသခင်နှင့် လူသား၏ဆက်ဆံရေးအကြောင်း နှုတ်ကပတ်တော်များ

နောက်တစ်ခုသို့:(၁၃) ဘုရားသခင်အား ချစ်ခင်ကြင်နာမှုကို မည်သို့မည်ပုံရှာဖွေလိုက်စားရန်နှင့် ပတ်သက်သည့် နှုတ်ကပတ်တော်များ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ