“သမ္မာတရားကို လိုက်စားရန်နည်းလမ်း” တွင်ပါရှိသော “လက်လွှတ်ခြင်း” အကြောင်းအရာနှင့်ပတ်သက်၍ “မိမိနှင့် ဘုရားသခင်ကြားရှိ အတားအဆီးများနှင့် ဘုရားသခင်အပေါ် မိမိ၏ ရန်လိုမုန်းတီးမှုကို လက်လွှတ်ခြင်း” ဟူသော ခေါင်းစဉ်အတွင်းရှိ အယူအဆများနှင့် စိတ်ကူးများ ပါဝင်ပတ်သက်သည့် အကြောင်းအရာအထိ ငါတို့ မိတ်သဟာယဖွဲ့ခဲ့ကြသည်။ ပြီးခဲ့သည့် အကြိမ်အနည်းငယ်က “လူ့ဇာတိခံထားသော ဘုရားသခင်နှင့်ပတ်သက်သည့် အယူအဆများနှင့် စိတ်ကူးများကို လက်လွှတ်ခြင်း” အကြောင်းကို ငါတို့ မိတ်သဟာယဖွဲ့ခဲ့ကြသည်။ ယနေ့တွင် ဤအရာနှင့်ပတ်သက်၍ ငါတို့ ဆက်လက် မိတ်သဟာယဖွဲ့ကြမည်။ လူ့ဇာတိခံထားသော ဘုရားသခင်နှင့်ပတ်သက်သည့် အယူအဆများနှင့် စိတ်ကူးများနှင့်စပ်လျဉ်း၍ လူ့ဇာတိခံထားသော ဘုရားသခင်၏ ပုံမှန် လူ့သဘာဝ ပါဝင်ပတ်သက်သည့် အကြောင်းအရာအချို့ကို ငါတို့ မိတ်သဟာယဖွဲ့ခဲ့ကြသည် မှန်သလော။ သို့ဆိုလျှင် ပြီးခဲ့သည့်အကြိမ်က ငါတို့ မည်သည့်အရာကို မိတ်သဟာယဖွဲ့ခဲ့ကြသနည်း။ လူ့ဇာတိခံထားသော ဘုရားသခင်၏ ပုံမှန် လူ့သဘာဝ၏ အသက်ရှင်နေထိုင်ခြင်းနှင့် ထုတ်ဖော်ချက်များ ပါဝင်ပတ်သက်သည့် အသေးစိတ် သရုပ်သကန်အချို့အပြင် လူ့ဇာတိခံထားသော ဘုရားသခင်၏ ပုံမှန် လူ့သဘာဝအတွင်းရှိ ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ စည်းမျဉ်းအချို့အကြောင်းကို ငါတို့ မိတ်သဟာယဖွဲ့ခဲ့ကြပြီး ထို့နောက် သူ၏ လူ့သဘာဝအရ လူ့ဇာတိခံထားသော ဘုရားသခင် မလုပ်ဆောင်သည့် အရာများအကြောင်းကို ငါတို့ မိတ်သဟာယဖွဲ့ခဲ့ကြသည်။ ဤကဏ္ဍများနှင့်ပတ်သက်၍ မိတ်သဟာယဖွဲ့ခြင်းက ဘုရားသခင် လူ့ဇာတိခံထားသောယူသည့် ဇာတိပကတိ၏ စိတ်သဘောထား အနှစ်သာရနှင့် သူ၏ ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ စည်းမျဉ်းများအပြင် သူ၏ အသေးစိတ် သရုပ်သကန်များနှင့် ထုတ်ဖော်ချက်အချို့ကို လူတို့ ပို၍ ကောင်းမွန်စွာ နားလည်စေရန် ကူညီပေးသည်။ လူ့ဇာတိခံထားသော ဘုရားသခင်၏ ဤသရုပ်သကန်များအကြောင်းကို ငါတို့ မိတ်သဟာယဖွဲ့သောအခါ၊ အဖြစ်မှန်များ ပုံစံဖြင့်ဖြစ်စေ၊ ဥပမာများ ပုံစံဖြင့်ဖြစ်စေ၊ အမှုအရာများကို လုပ်ဆောင်ခြင်းအတွက် အသေးစိတ် စည်းမျဉ်းများ ပုံစံဖြင့်ဖြစ်စေ ယင်းတို့သည် ဘဝရှိ အမျိုးမျိုးသော အသေးအဖွဲ ကိစ္စရပ်များနှင့် ပါဝင်ပတ်သက်နေသည်။ ယင်းတို့သည် လူတို့၏ အယူအဆများနှင့် စိတ်ကူးများထဲတွင် တည်ရှိသော ကြီးကျယ်ခမ်းနားသည့်၊ ရှေ့ဆောင်လမ်းပြဖြစ်သော စွမ်းဆောင်မှုများ သို့မဟုတ် လေးစားအားကျဖွယ်ကောင်းသော မွန်မြတ်သည့် လုပ်ရပ်များ တစ်ခုတလေနှင့်မျှ ပါဝင်ပတ်သက်ပုံမရပေ။ လူ့ဇာတိခံထားသော ဘုရားသခင်၏ သရုပ်သကန်များအားလုံးသည် အလွန် သာမန်ဖြစ်ပြီး အလွန် ရိုးရှင်းပေသည်။ လူ့ဇာတိခံထားသော ဘုရားသခင်သည် ဤသာမန်ဖြစ်သော၊ ဖောက်ပြန်ပျက်စီးသည့် လူသားမျိုးနွယ်ကြားတွင် အသက်ရှင်နေထိုင်သောကြောင့်ပင် သူ၏ ဤပုံမှန်ဖြစ်ပြီး လက်တွေ့ကျသော သရုပ်သကန်များသည် တစ်ဖက်တွင် ဘုရားသခင် လူ့ဇာတိခံယူသည့် ဇာတိပကတိ၏ လူ့သဘာဝနှင့်ဆိုင်သော ရှောင်လွှဲ၍မရသည့် သရုပ်သကန်များဖြစ်ပြီး အခြားတစ်ဖက်တွင် လူသားမျိုးနွယ်ကြား၌ အသက်ရှင်နေထိုင်သော လူ့ဇာတိခံထားသော ဘုရားသခင်၏ ပုံမှန် လိုအပ်ချက်တစ်ခု ဖြစ်သည်။ သေချာပေါက် ဤပုံမှန်ဖြစ်ပြီး လက်တွေ့ကျသော သရုပ်သကန်များသည် ဘုရားသခင်ကို သိကျွမ်းခြင်းနှင့်ပတ်သက်သည့် အချက်အလက် သို့မဟုတ် လမ်းကြောင်းအချို့ကိုလည်း လူတို့အား ပံ့ပိုးပေးသည်။ ယင်းတို့က လူတို့ကြားရှိ လူ့ဇာတိခံထားသော ဘုရားသခင်၏ လက်တွေ့ကျသော အသက်ရှင်နေထိုင်ခြင်းနှင့် ကျင့်ကြံပြုမူခြင်းဆိုင်ရာ လက်တွေ့ကျသော စည်းမျဉ်းများမှတစ်ဆင့် ဘုရားသခင်၏ လက်တွေ့ကျမှုနှင့် သာမန်ဖြစ်မှုကို လူတို့အား သိကျွမ်းခွင့်ပေးသည့်အပြင် ကောင်းကင်ဘုံရှိ ဘုရားသခင်ကိုလည်း သိကျွမ်းခွင့်ပေးကာ ကောင်းကင်ဘုံရှိ ဘုရားသခင်ကို ပို၍ တိကျမှန်ကန်စွာ နားလည်နိုင်စေပြီး မြေကြီးပေါ်ရှိ ပုံမှန်ဖြစ်သော၊ သာမန် လူတစ်ဦးအနေဖြင့် သူ၏ အနှစ်သာရကို တိကျမှန်ကန်စွာ နားလည်နိုင်စေသည်။

အချို့လူများက “လူ့ဇာတိခံထားသော ဘုရားသခင်၏ ပုံမှန် လူ့သဘာဝ ပါဝင်ပတ်သက်သည့် ကိုယ်တော် ပြောဆိုသော ဤအရာများနှင့် ဥပမာများအားလုံးသည် အလွန် သာမန်ဖြစ်ပါသည်၊ ယင်းတို့အားလုံးသည် နေ့စဉ်ဘဝရှိ အလွန် အရေးမပါပြီး ထူးခြားမှုမရှိသော အရာများ ဖြစ်ကြပါသည်။ နက်နဲပြီး ဉာဏ်မမီနိုင်ဟု ခံစားရသော သို့မဟုတ် အထူးသဖြင့် ကြီးကျယ်ခမ်းနားပုံရသော အဖြစ်မှန်အချို့အကြောင်းကို ကိုယ်တော် ပြောပြနိုင်ပါသလော” ဟု ပြောကြသည်။ ဤအရာနှင့်ပတ်သက်၍ ငါပြောသည်မှာ ယခုအချိန်အထိ ထိုသို့သောအရာများ အမှန်တကယ် မရှိခဲ့သေးပေ။ လူ့ဇာတိခံထားသော ဘုရားသခင်သည် ပုံမှန် လူ့သဘာဝ၏ လက်တွေ့အရှိတရား၌လည်းကောင်း၊ တိကျသော နေထိုင်မှု ပတ်ဝန်းကျင်တစ်ခုတွင်လည်းကောင်း အသက်ရှင်နေထိုင်ပြီး ဘုရားသခင်ကိုယ်တိုင်၏ အလုပ်ကို လုပ်ဆောင်ခြင်းမှလွဲ၍ သူသည် မိမိ၏ ကျန်ရှိသောအချိန်များကို ညီအစ်ကိုမောင်နှမများနှင့် ဆက်သွယ်ပြောဆိုခြင်း သို့မဟုတ် အသင်းတော်ရှိ အသေးအဖွဲ ပြဿနာအချို့ကို ကိုင်တွယ်ဖြေရှင်းခြင်းတို့ ပြုလုပ်လျက် သူ၏ ပုံမှန် လူ့သဘာဝ အသက်တာ၏ နယ်ပယ်အတွင်း၌ ကုန်ဆုံးစေသည်။ သို့ဖြစ်၍ သူ ကျင့်ကြံပြုမူပြီး အမှုအရာများကို လုပ်ဆောင်သည့် စည်းမျဉ်းများနှင့် ခံယူချက်များ ပါဝင်ပတ်သက်သော ငါတို့ မိတ်သဟာယဖွဲ့ခဲ့သည့် ဥပမာများမှလွဲ၍ သူသည် သင်တို့ စိတ်ကူးသည့် ကြီးကျယ်ခမ်းနားသော၊ ရှေ့ဆောင်လမ်းပြဖြစ်သော စွမ်းဆောင်မှုများ သို့မဟုတ် ထူးကဲသော လုပ်ရပ်များ တစ်ခုတလေကိုမျှ လုပ်ဆောင်ခြင်း မရှိပေ။ ဤသည်မှာ လူတို့အတွက် မမျှော်လင့်သောအရာ ဖြစ်ကောင်းဖြစ်နိုင်ပြီး ယင်းက လူတို့၏ အယူအဆများနှင့် စိတ်ကူးများနှင့် ကိုက်ညီမှု မရှိကောင်းမရှိနိုင်သော်လည်း ဤသည်မှာ အမှန်တကယ် ဖြစ်ပျက်နေသည့် အခြေအနေပင် ဖြစ်သည်။ လူ့ဇာတိခံထားသော ဘုရားသခင်၏ အကြောင်းအရာနှင့်ပတ်သက်သည့် ငါတို့၏ မိတ်သဟာယသည် သူ၏ ပုံမှန် လူ့သဘာဝအတွင်းရှိ လူ့ဇာတိခံထားသော ဘုရားသခင်၏ သရုပ်သကန်အချို့၊ အသက်ရှင်နေထိုင်ခြင်းနှင့် ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ အသေးစိတ် စည်းမျဉ်းများကို အဓိကအားဖြင့် အလေးထားခဲ့သည်။ ဤသည်မှာ လောကတွင် ကြီးမြတ်သော ပုဂ္ဂိုလ်များနှင့် ကျော်ကြားသော လူများ၏ လုပ်ရပ်များကို ပြန်လည်ပြောပြသည့် ပုံစံနှင့် ကွဲပြားသည်။ လောကရှိ လူတို့သည် ကြီးမြတ်သော၊ ကျော်ကြားသော သို့မဟုတ် ထူးချွန်သော ပုဂ္ဂိုလ်အချို့အကြောင်းကို ပြောဆိုကြသောအခါ၊ ၎င်းတို့ မည်မျှ တစ်မူထူးခြားသည်၊ ထူးကဲသည်နှင့် ကြီးမြတ်သည်ဟူသည်ကို ၎င်းတို့ အစဉ်သဖြင့် ပြောဆိုကြပြီး ၎င်းတို့၏ စန်းအကြောင်းကို ပြောဆိုကြကာ ၎င်းတို့ မည်မျှ မြင့်မြတ်ပြီး ကြီးကျယ်ခမ်းနားသည်ဟူသည်ကို အဓိက အာရုံစိုက်ကြသည်။ သို့ရာတွင် လူ့ဇာတိခံထားသော ဘုရားသခင် ပါဝင်ပတ်သက်သည့် ငါတို့ ပြောဆိုသောအရာသည် ထိုထူးချွန်သော ပုဂ္ဂိုလ်များနှင့် ကြီးမြတ်သော လူများအကြောင်းကို လောကက ပြောဆိုသည့်အရာနှင့် လုံးဝ ဆန့်ကျင်ဘက်ဖြစ်သည်။ လူ့ဇာတိခံထားသော ဘုရားသခင်သည် မည်မျှ ပုံမှန်ဖြစ်သည်၊ လက်တွေ့ကျသည်၊ သာမန်ဖြစ်ပြီး ထူးကဲခြင်းမရှိသည်ဟူသည်ကို ငါတို့ အဓိကအားဖြင့် ပြောဆိုကြသည်။ ငါတို့သည် ခိုင်လုံသော ဥပမာများကိုသာ၊ ထိုအရာတွင် နေ့စဉ်ဘဝမှ အသေးအဖွဲ ဥပမာများကိုသာ ပြောဆိုကြပြီး သူ၏ ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းတွင် ပါဝင်ပတ်သက်သည့် စည်းမျဉ်းများနှင့် အမြင်များမှာ အဘယ်အရာများဖြစ်သည်ကို ပြောဆိုကြသည်။ ဤအတွေးအခေါ်များနှင့် အမြင်များ၊ စည်းမျဉ်းများနှင့် ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ နည်းလမ်းများအားလုံးသည် ပုံမှန် လူ့သဘာဝ၏ အသိစိတ်နှင့် ဆင်ခြင်တုံတရားအပေါ် အခြေခံထားသည်။ သူ မည်သို့ ကျင့်ကြံပြုမူသည်နှင့် အမှုအရာများကို သူ မည်သို့ လုပ်ဆောင်သည်ဟူသည်ကို ငါတို့ အဓိကအားဖြင့် ပြောဆိုကြသည်။ သို့ရာတွင် လောက၌ မည်သို့ ကျင့်ကြံပြုမူရမည်ဟူသည်ကို ပြောဆိုသူ အလွန်နည်းပါးသည်။ အချို့လူများက ဤအကြောင်းအရာနှင့်ပတ်သက်၍ ပြောဆိုခဲ့လျှင်ပင် ၎င်းတို့သည် အသေးစိတ် ဥပမာများစွာကို မပေးနိုင်ခဲ့ကြဘဲ ကျင့်ကြံပြုမူခြင်းဆိုင်ရာ မည်သည့်စည်းမျဉ်းများကိုမဆို ဖော်ပြနိုင်ဖို့ဆိုသည်မှာ သာ၍ပင် ဝေးသေးသည်။ ကျော်ကြားသော လူများနှင့် ကြီးမြတ်သော ပုဂ္ဂိုလ်များက ၎င်းတို့ ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းတွင် မည်သည့် အပြုသဘောဆောင်သော စည်းမျဉ်းများ၊ အပြုသဘောဆောင်သော နည်းလမ်းများ၊ သို့မဟုတ် မှန်ကန်သော အတွေးအခေါ်များနှင့် အမြင်များ ရှိကြသည်ဟူသည်ကို ၎င်းတို့ မပြောဆိုကြပေ။ ၎င်းတို့၏ အောင်မြင်မှုများ၊ ၎င်းတို့၏ ပင်ကိုစွမ်းရည်နှင့် သင်ယူလေ့လာမှု၊ ပြီးလျှင် ၎င်းတို့၏ စိတ်ဓာတ်အကြောင်းကိုသာ ၎င်းတို့ ပြောဆိုကြပြီး ဤအရာများကြောင့် လူသားမျိုးနွယ်ကြားတွင် ၎င်းတို့က မည်သို့သော လွှမ်းမိုးသည့် နေရာကို ရယူထားသည်ဟူသည်ကိုလည်း ၎င်းတို့ ပြောဆိုကြသည်။ ၎င်းတို့ ပြောဆိုသည့်အရာသည် ယနေ့ ငါတို့ မိတ်သဟာယဖွဲ့နေသည့် လူ့ဇာတိခံထားသော ဘုရားသခင် ပိုင်ဆိုင်ပြီး သယ်ဆောင်ထားသော ပုံမှန် လူ့သဘာဝနှင့် လုံးဝ ဆန့်ကျင်ဘက်ဖြစ်သည်။ ဘုရားသခင် လူ့ဇာတိခံယူသည့် ဇာတိပကတိက သင်တို့ကို သိရှိပြီး နားလည်ခွင့်ပေးသည့်အရာမှာ သူ၏ ပုံမှန်ဖြစ်ပြီး လက်တွေ့ကျသော လူ့သဘာဝအတွင်း၌ အသက်ရှင်နေထိုင်ပြီး ပိုင်ဆိုင်ထားသော ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ စည်းမျဉ်းများနှင့် ခံယူချက်များ ဖြစ်သည်။ ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ ဤစည်းမျဉ်းများနှင့် ခံယူချက်များသည် သူ ကယ်တင်ရန် ရည်ရွယ်ထားသော လူသားမျိုးနွယ်အတွက် ဘုရားသခင်၏ တောင်းဆိုချက်များနှင့် အပြည့်အဝ ကိုက်ညီသည်။ ဘုရားသခင် လူ့ဇာတိခံယူသည့် ဇာတိပကတိသည် ထိုသို့သော လူ့သဘာဝကို ပိုင်ဆိုင်ပြီး ဤပုံမှန်ဖြစ်ပြီး လက်တွေ့ကျသော လူ့သဘာဝအတွင်း၌ သူ၏ ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ စည်းမျဉ်းများနှင့် ခံယူချက်များနှင့်အတူ အမျိုးမျိုးသော အတွေးများနှင့် အမြင်များကို ပိုင်ဆိုင်သည်။ ဤအရာကြောင့်သာလျှင် သူသည် ဘုရားသခင်ကိုယ်တိုင်၏ အလုပ်ကို လုပ်ဆောင်ရာတွင် ဘုရားသခင်ကို ကိုယ်စားပြုနိုင်ပြီး ဤခေတ်ကာလတွင် လူ့ဇာတိခံထားသော ဘုရားသခင် ကောင်းမွန်စွာ ထမ်းဆောင်သင့်သည့် အလုပ်နှင့် အမှုတော်ကို ထိုသို့သော လူ့သဘာဝအတွင်း၌ ပြီးမြောက်နိုင်ကာ ဤခေတ်ကာလတွင် ဘုရားသခင် ဖော်ပြရန် ရည်ရွယ်ထားသော ကိုယ်စားပြုသည့် စိတ်သဘောထားကို လူသားမျိုးနွယ်အား အပြည့်အဝ သိရှိစေနိုင်ပြီး သေချာပေါက်ပင် ဤအလုပ်အဆင့်တွင် ဘုရားသခင် လုပ်ဆောင်ရန် ရည်ရွယ်ထားသော သမ္မာတရားကို ဖော်ပြသည့် အလုပ်အတွက် အပြည့်အဝ အရည်အချင်းပြည့်မီနိုင်ခြင်း ဖြစ်သည်။ ဘုရားသခင် လူ့ဇာတိခံယူသည့် ဇာတိပကတိက အသက်ရှင်နေထိုင်ပြီး ထုတ်ဖော်ကာ ပိုင်ဆိုင်ထားသော လူ့သဘာဝ အနှစ်သာရသည် ငါတို့ မိတ်သဟာယဖွဲ့နေခဲ့သည့် ဤပုံမှန်ဖြစ်မှု၊ လက်တွေ့ကျမှုနှင့် သာမန်ဖြစ်မှု မဟုတ်ခဲ့လျှင် သို့မဟုတ် သူသည် ငါတို့ မိတ်သဟာယဖွဲ့နေခဲ့သည့် ကျင့်ကြံပြုမူခြင်းဆိုင်ရာ ဤစည်းမျဉ်းများနှင့် ခံယူချက်များကို မပိုင်ဆိုင်ခဲ့ဘဲ ထိုအစား ဘာသာတရား မရှိသူများ ပြောဆိုပြီး ရိုသေလေးစားကြသည့် ကျော်ကြားသော လူများနှင့် ကြီးမြတ်သော ပုဂ္ဂိုလ်များ၏ လူ့သဘာဝ အနှစ်သာရကို ပိုင်ဆိုင်ခဲ့ပါက မည်သည့်ရလဒ် ဖြစ်ပေါ်မည်နည်း။ (ဘုရားသခင်ကို ကြောက်ရွံ့ပြီး မကောင်းမှုကို ရှောင်ကြဉ်ခြင်း လမ်းခရီးကို လျှောက်လှမ်းရန် သူသည် ကျွန်ုပ်တို့ကို ဦးဆောင်နိုင်မည် မဟုတ်ပါ။) ယင်းက လုံးဝ ကွဲပြားခြားနားသော အခြေအနေတစ်ခုကို ဖြစ်ပေါ်စေလိမ့်မည်။ ဘုရားသခင် လူ့ဇာတိခံယူသည့် ဇာတိပကတိသည် ဘာသာတရားမရှိသော ကြီးမြတ်သည့် ပုဂ္ဂိုလ် သို့မဟုတ် ကျော်ကြားသော လူတစ်ဦး၏ လူ့သဘာဝ အနှစ်သာရကို ပိုင်ဆိုင်သည်ဟု ဆိုပါစို့၊ ထိုသူသည် မြင့်မြတ်ပြီး ထူးကဲကာ တစ်မူထူးခြားသည့်အပြင် နက်နဲပြီး ဉာဏ်မမီနိုင်သော လူတစ်ဦး ဖြစ်သည်။ ဤလူစားမျိုးသည် ၎င်းတို့ ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းတွင် စည်းမရှိဘဲ အစဉ်သဖြင့် လိမ်ညာတတ်ကာ၊ စည်းကမ်းလိုက်နာသော သို့မဟုတ် ကောင်းစွာပြုမူသော ပုံစံဖြင့် ကျင့်ကြံပြုမူခြင်း သို့မဟုတ် အမှုအရာများကို လုပ်ဆောင်ခြင်း မရှိသည့်အပြင် မိမိတို့၏ နေရာကို သိခြင်း သို့မဟုတ် တာဝန်ကျေပွန်စွာ ပြုမူခြင်း မရှိပေ၊ ပြီးလျှင် ၎င်းတို့၏ လိုက်စားမှုများ၊ အတွေးများနှင့် အမြင်များသည် ဘာသာတရား မရှိသူများ၏ အရာများနှင့် အတူတူပင်ဖြစ်ပြီး မြင့်မြတ်ပြီး ကြီးကျယ်ခမ်းနားသော အရာများကိုသာ လိုက်စားကာ ဆုကျေးဇူးများ၊ အသိပညာနှင့် သဘာဝလွန် စွမ်းရည်များကို အာရုံစိုက်ကြသည်။ ဤလူစားမျိုးသည် သင်တို့ကို မည်သို့သော လမ်းကြောင်းပေါ်သို့ ဦးဆောင်သွားမည်နည်း။ (၎င်းတို့သည် ကျွန်ုပ်တို့ကို ကယ်တင်ခြင်း လမ်းကြောင်းပေါ်သို့ ဦးဆောင်နိုင်မည် မဟုတ်ပါ။ ဆန့်ကျင်ဘက်အနေဖြင့် ၎င်းတို့နောက်သို့ လိုက်သောသူများသည် တိုး၍ ဖောက်ပြန်ပျက်စီးလာပြီး ကောက်ကျစ်ဆိုးယုတ်လာမည်သာ ဖြစ်ပါသည်။) ထိုသို့သော လူတစ်ဦးတွင် ကျင့်ကြံပြုမူခြင်းဆိုင်ရာ အပြုသဘောဆောင်သော စည်းမျဉ်းများ မရှိပေ၊ ၎င်းတို့၏ ကျင့်ကြံပြုမူခြင်းဆိုင်ရာ နည်းလမ်းများနှင့် စည်းမျဉ်းများသည် အပြုသဘောမဆောင်ဘဲ စာတန်ဆန်ပေသည်။ သို့ဖြစ်၍ စာတန်နှင့်ဆိုင်သော ဤသူ၏ ကျင့်ကြံပြုမူခြင်းဆိုင်ရာ စည်းမျဉ်းများနှင့် ခံယူချက်များသည် ၎င်းတို့၏ လူ့သဘာဝ အနှစ်သာရကို အလွန် ကိုယ်စားပြုလေသည်။ ဤသို့သော လူ့သဘာဝ အနှစ်သာရရှိသည့် လူတစ်ဦး၏ လိုက်စားမှုများနှင့် လျှောက်လှမ်းသော လမ်းကြောင်းမှာ အဘယ်အရာများ ဖြစ်သနည်း။ ယင်းတို့သည် စာတန်၏ အရာများနှင့် လုံးဝ အတူတူပင် ဖြစ်သည်။ ၎င်းတို့၏ လိုက်စားမှုများနှင့် ၎င်းတို့ လျှောက်လှမ်းသော လမ်းကြောင်းအားလုံးသည် စာတန်ထံမှ လာပြီး စာတန်နှင့် သဟဇာတဖြစ်ကြသည်။ သို့ဆိုလျှင် ၎င်းတို့နောက်သို့ လိုက်သောသူများသည် ၎င်းတို့၏ ဦးဆောင်မှုနောက်သို့ လိုက်ပြီး ၎င်းတို့ကဲ့သို့ တူညီသော လိုက်စားမှုများ ရှိကာ တူညီသော လမ်းကြောင်းကို လျှောက်လှမ်းကြမည် မဟုတ်လော။ (ဟုတ်ပါသည်။) ထိုလူတို့သည် ၎င်းတို့၏ ဦးဆောင်မှုနောက်သို့ လိုက်ကြမည်ဖြစ်ပြီး ၎င်းတို့၏ ကျင့်ကြံပြုမူခြင်းဆိုင်ရာ စည်းမျဉ်းများကို အတုယူကာ ၎င်းတို့ကဲ့သို့ပင် အသိပညာ၊ အဆင့်အတန်း၊ သဘာဝလွန်ဖြစ်မှုနှင့် မြင့်မြတ်ပြီး ကြီးကျယ်ခမ်းနားသော အရာများ၊ ထူးကဲသော အရာအားလုံးနှင့် လူတို့အတွက် နက်နဲပြီး ဉာဏ်မမီနိုင်ပုံရသော အရာအားလုံးကို လိုက်စားကြမည် ဖြစ်သည်။ ထိုသို့သော လူတစ်ဦးနောက်သို့ လိုက်ခြင်းအားဖြင့် မည်သူမျှ ကယ်တင်ခြင်း မရရှိနိုင်ပေ၊ ထိုအစား ၎င်းတို့သည် တိုး၍ ယိုယွင်းပျက်စီးလာကြမည် ဖြစ်သည်။ ထိုသို့သော အုပ်စုကို အသင်းတော်တစ်ခုဟု ခေါ်ဆို၍ မရနိုင်ပေ၊ အဓိကအားဖြင့် ၎င်းတို့အားလုံးသည် ဘုရားသခင်၏ အလုပ်မှ မိမိတို့ကိုယ်ကို ကင်းကွာစေခဲ့ပြီးဖြစ်မည်ဖြစ်ကာ သန့်ရှင်းသော ဝိညာဉ်တော်၏ အလုပ် ရှိမည်မဟုတ်သောကြောင့် ဖြစ်သည်။ ၎င်းတို့ နောက်သို့လိုက်သည့် ခေါင်းဆောင်သည် ဘုရားသခင် တည်ထောင်ထားသူ မဟုတ်ဘဲ ဘုရားသခင် စေလွှတ်ထားသူ ဖြစ်ဖို့ဆိုသည်မှာ သာ၍ပင် ဝေးသေးသည်။ ၎င်းတို့အားလုံးက မိမိတို့ကိုယ်ကို အသင်းတော်တစ်ခုဟု ခေါ်ဆိုလျှင်ပင် ယင်းမှာ အသုံးဝင်မည် မဟုတ်ပေ၊ ဘုရားသခင်သည် ၎င်းတို့ကို လျစ်လျူရှုလိမ့်မည်။ ၎င်းတို့အားလုံးက မိမိတို့ကိုယ်ကို အသင်းတော်တစ်ခုဟု မည်မျှပင် ခေါ်ဆိုပါစေ ဘုရားသခင်သည် ၎င်းတို့ကို အသိအမှတ်ပြုမည် မဟုတ်သည့်အပြင် သန့်ရှင်းသော ဝိညာဉ်တော်သည်လည်း ၎င်းတို့အပေါ် အလုပ်လုပ်မည် မဟုတ်ပေ။ ထိုခေါင်းဆောင်သည် လူတို့ကို ၎င်းတို့ ကြိုက်နှစ်သက်သည့် မည်သည့်အရာကိုမဆို လုပ်ဆောင်ရန် သွန်သင်လိမ့်မည်၊ ၎င်းတို့သည် မိမိတို့အတွင်း၌ ပိုင်ဆိုင်ထားသည့် မည်သည့်အရာကိုမဆို လူတို့အား ပံ့ပိုးပေးလိမ့်မည်ဖြစ်ပြီး ယင်းမှာ လူတို့က ၎င်းတို့ထံမှ ရရှိမည့်အရာပင် ဖြစ်သည်။ ၎င်းတို့တွင် သမ္မာတရား မရှိသည့်အပြင် လူတို့အား မည်သည့် အပြုသဘောဆောင်သော အရာများကိုမျှ ပံ့ပိုးပေးနိုင်မည် မဟုတ် သို့မဟုတ် ၎င်းတို့ကို မှန်ကန်သော ဦးတည်ချက်သို့ လမ်းပြနိုင်မည် မဟုတ်ပေ၊ သို့ဖြစ်၍ လူတို့အနေဖြင့် ၎င်းတို့ထံမှ သမ္မာတရားကို ရရှိရန်မှာ မဖြစ်နိုင်ပေ။ အလွန်ဆုံးအနေဖြင့် လူတို့သည် ၎င်းတို့ထံမှ အသိပညာ အနည်းငယ်ကိုသာ ရရှိနိုင်မည်ဖြစ်ပြီး ဘာသာတရားမရှိသည့် လောကမှ အတတ်ပညာဆိုင်ရာ ကျွမ်းကျင်မှုအချို့ သို့မဟုတ် သီးခြား နယ်ပယ်တစ်ခုရှိ စွမ်းရည်အချို့ကိုသာ သင်ယူနိုင်ကြမည် ဖြစ်သည်။ အချုပ်အားဖြင့်ဆိုရလျှင် ပုံမှန်ဖြစ်မှုနှင့် လက်တွေ့ကျမှုကိုဖြစ်စေ၊ ဘုရားသဘောသဘာဝ အနှစ်သာရကို မိမိတို့၏ အသက်အဖြစ်ဖြစ်စေ မပိုင်ဆိုင်သော ဤသို့သောသူကို လူ့ဇာတိခံထားသော ဘုရားသခင်ဟု ခေါ်ဆို၍ မရနိုင်ပေ၊ ၎င်းသည် လူတို့ကို ဘုရားသခင်၏ ရှေ့မှောက်သို့ ခေါ်ဆောင်လာနိုင်မည် မဟုတ်သည့်အပြင် လူတို့ကို ကယ်တင်ခြင်း လမ်းကြောင်းပေါ်သို့လည်း ဦးဆောင်နိုင်မည် မဟုတ်ပေ။ ဤအဖြစ်မှန်များကို ကြည့်လျှင် လူသားမျိုးနွယ်ကြား၌ ဘုရားသခင် လူ့ဇာတိခံယူသည့် ဇာတိပကတိမှလွဲ၍ သူ၏ အလုပ်ကို လုပ်ဆောင်ရန် ဘုရားသခင်ကို ကိုယ်စားပြုနိုင်သူ တစ်ဦးတစ်ယောက် ရှိသလော။ (မရှိပါ။) လူသားမျိုးနွယ်ကို ၎င်းတို့၏ ဖောက်ပြန်ပျက်စီးသော စိတ်သဘောထားများမှ ကယ်တင်ရန် ဘုရားသခင်ကို ကိုယ်စားပြုနိုင်သူ တစ်ဦးတစ်ယောက် ရှိသလော။ (မရှိပါ။) သာမန် လူသားမျိုးနွယ်ဝင် မည်သူမဆို ပိုင်ဆိုင်ထားသော အသက်နှင့် လူ့သဘာဝ အနှစ်သာရတို့သည် အားလုံး တစ်ထပ်တည်းနီးပါး တူညီကြ၏၊ ထိုသို့သော အသက်နှင့် လူ့သဘာဝ အနှစ်သာရအားလုံးသည် စာတန်၏ ဖောက်ပြန်ပျက်စီးစေခြင်းကို ခံထားရပြီး ဖြစ်သည်၊ လူတို့အတွက်မူ ဖောက်ပြန်ပျက်စီးသော စိတ်သဘောထားများသည် ၎င်းတို့၏ အသက်ပင် ဖြစ်သည်။ သို့ဖြစ်၍ လူတို့၏ လူ့သဘာဝ ရှုထောင့်မှ ကြည့်သည်ဖြစ်စေ၊ လူတို့၏ အသက်အနှစ်သာရ ရှုထောင့်မှ ကြည့်သည်ဖြစ်စေ လူသားမျိုးနွယ်အားလုံးအလယ်တွင် လူ့ဇာတိခံထားသော ဘုရားသခင်၏ ဤအလုပ်အတွက် အရည်အချင်းပြည့်မီသူ တစ်ဦးတစ်ယောက်မျှ မရှိသည့်အပြင် ဖောက်ပြန်ပျက်စီးသော လူသားမျိုးနွယ်ကို ဖောက်ပြန်ပျက်စီးမှုမှ ကယ်တင်ရန် ဘုရားသခင်ကို ကိုယ်စားပြုနိုင်သည့် ဖောက်ပြန်ပျက်စီးသော လူသား တစ်ဦးတစ်ယောက်မျှလည်း မရှိပေ။ သဘာဝကျစွာပင် ဤအဖြစ်မှန်များက လူတို့ကို ပြောပြသည့်အရာမှာ မည်သည့် ဖောက်ပြန်ပျက်စီးသော လူသားကမျှ အပြုသဘောဆောင်သော အရာများမှာ အဘယ်အရာဖြစ်ပြီး အပျက်သဘောဆောင်သော အရာများမှာ အဘယ်အရာဖြစ်သည်ကို လူသားမျိုးနွယ်အား မပြောပြနိုင်သည့်အပြင် မည်သည့် ဖောက်ပြန်ပျက်စီးသော လူသားကမျှ သမ္မာတရားမှာ အဘယ်အရာဖြစ်သည် သို့မဟုတ် ဘုရားသခင်၏ ရည်ရွယ်ချက်များ အမှန်တကယ်မှာ အဘယ်အရာဖြစ်သည်ကို လူတို့အား မပြောပြနိုင်ဟူ၍ ဖြစ်သည်။ ဖောက်ပြန်ပျက်စီးသော လူသားများက အခြားလူတို့အား ပံ့ပိုးပေးသည့်အရာမှာ အသိပညာအပြင် ဖောက်ပြန်ပျက်စီးသော လူသားမျိုးနွယ် လိုက်စားသည့် အမျိုးမျိုးသော ကျွမ်းကျင်မှုများ၊ စွမ်းရည်များ သို့မဟုတ် ဆုကျေးဇူးများနှင့် ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ အမျိုးမျိုးသော နည်းဗျူဟာများ၊ လောကီဆိုင်ရာ ဆက်ဆံမှုများအတွက် အတွေးအခေါ်များနှင့် စာတန်ထံမှ လာသော အမျိုးမျိုးသော အတွေးအခေါ်များနှင့် အမြင်များသာ ဖြစ်သည်။ လူမျိုးနွယ်အားလုံးမှ လူသားများတွင် တူညီသော လက္ခဏာရပ်တစ်ခု ရှိကြ၏။ ဤဘုံလက္ခဏာရပ်မှာ အဘယ်အရာ ဖြစ်သနည်း။ ၎င်းတို့အားလုံးသည် မိမိတို့ကြားရှိ နှိုင်းယှဉ်ချက်အရ အပြုသဘောဆောင်သော သို့မဟုတ် နှိုင်းယှဉ်ချက်အရ ရည်ရွယ်ချက်ကောင်းသော၊ ရှေးရိုးစွဲဖြစ်သော၊ ပြီးလျှင် ရိုးရာဖြစ်သောအရာများကို အပြုသဘောဆောင်သော အရာများအဖြစ် မှတ်ယူကြပြီး သမ္မာတရားနှင့် ဘုရားသခင်၏ ရည်ရွယ်ချက်များကို ယင်းတို့ဖြင့် အစားထိုးရန် ကြိုးစားကြသည်။ ဤအရာများကို စွဲကိုင်ထားခြင်းအားဖြင့် ၎င်းတို့သည် မှန်သော လမ်းခရီးကို ရရှိပြီးဖြစ်ကာ ကယ်တင်ခြင်း ရရှိနိုင်သည်ဟု လူတို့ ယုံကြည်ကြသည်။ အမှန်တွင် ဤအရာများသည် လူသားမျိုးနွယ်အတွက် ဘုရားသခင်၏ တောင်းဆိုချက်များနှင့် လုံးဝ သက်ဆိုင်ခြင်း မရှိပေ။ သင် မြင်သလော၊ လူသားမျိုးနွယ်ကြားတွင် လူတို့သည် မည်မျှပင် လိမ္မာပါးနပ်ပါစေ၊ ၎င်းတို့၏ ဆုကျေးဇူးများ မည်မျှပင် ကြီးမားပါစေ၊ ၎င်းတို့ မည်မျှပင် ပင်ကိုစွမ်းရည်ရှိပြီး အသိပညာကြွယ်ဝပါစေ၊ ၎င်းတို့၏ လူ့သဘာဝသည် အပြင်ပန်းတွင် မည်မျှပင် ကြင်နာပြီး သဘောထားပြည့်ဝပုံရပါစေ သမ္မာတရားကို နားလည်နိုင်သူ တစ်ဦးတစ်ယောက်မျှ မရှိသည့်အပြင် အပြုသဘောဆောင်သော အရာများမှာ အဘယ်အရာဖြစ်ပြီး အပျက်သဘောဆောင်သော အရာများမှာ အဘယ်အရာဖြစ်သည်ကို ပိုင်းခြားသိမြင်နိုင်သူ တစ်ဦးတစ်ယောက်မျှ မရှိပေ။ ဘုရားသခင်သည် သူ၏ အလုပ်ကို မလုပ်ဆောင်မီနှင့် ဘုရားသခင်သည် သူ၏ နှုတ်ကပတ်တော်များကို မဖော်ပြမီက လူတိုင်းနီးပါးသည် ရိုးရာယဉ်ကျေးမှုကို အပြုသဘောဆောင်သော အရာတစ်ခုအဖြစ် မှတ်ယူခဲ့ကြပြီး အချို့လူများက ရိုးရာယဉ်ကျေးမှုကို သမ္မာတရားအဖြစ်ပင် ရိုသေလေးစားခဲ့ကြသည်။ ထို့ကြောင့် သင် မည်သို့ပင် ကြည့်ရှုပါစေ ဤသမ္မာတရားများကို ဖော်ပြပြီး ပုံမှန် လူ့သဘာဝအတွင်း၌ ဤအလုပ်ကို လုပ်ဆောင်နေသူမှာ လူ့ဇာတိခံထားသော ဘုရားသခင် မဟုတ်ဘဲ ထိုအစား လူသားမျိုးနွယ်ဝင် မည်သူမဆို ဤအလုပ်ကို လုပ်ဆောင်နေခြင်းဖြစ်ပါက ၎င်းတို့သည် လူတို့ကို ဘုရားသခင်၏ နှုတ်ကပတ်တော်များနှင့် ရည်ရွယ်ချက်များမှ သွေဖည်သော လမ်းကြောင်းပေါ်သို့သာ ဦးဆောင်သွားကြမည် ဖြစ်သည်။

ရိုးရှင်းသော ဥပမာတစ်ခုကို ကြည့်ကြစို့။ လူတို့သည် အကအစီအစဉ်တစ်ခုအတွက် ဝတ်စုံများကို ရွေးချယ်ရန် တောင်းဆိုခံရပါက ၎င်းတို့ မည်သို့ ရွေးချယ်ကြမည်နည်း။ သဘောတရားအရ ဘုရားသခင်ကို ယုံကြည်သူများသည် အကအစီအစဉ်တစ်ခုကို အထူးသဖြင့် အွန်လိုင်းတွင် လွှင့်တင်မည့် ဗီဒီယိုတစ်ခုအတွက် ထုတ်လုပ်သောအခါ ၎င်းတို့ ဝတ်ဆင်သည့် အဝတ်အစားများနှင့် ၎င်းတို့၏ အမူအရာသည် ဘုရားသခင်၏ လူများကို ကိုယ်စားပြုကြောင်း လူတိုင်း သိကြသည်။ သို့ဖြစ်၍ ရွေးချယ်ထားသော ဝတ်စုံများသည် အများနှင့်မတူ တမူထူးသော ဝတ်စုံများ မဟုတ်ဘဲ ဂုဏ်သိက္ခာရှိပြီး ဖြောင့်မတ်တည်ကြည်သင့်သည်။ ဂုဏ်သိက္ခာရှိပြီး ဖြောင့်မတ်တည်ကြည်ခြင်းနှင့်ပတ်သက်လာလျှင် ယင်းတွင် ပါဝင်ပတ်သက်နေသည့်အရာ များစွာရှိသည်။ လူတို့၏ အယူအဆများအရဆိုလျှင် မည်သို့သော အဝတ်အစားမျိုးကို ဂုဏ်သိက္ခာရှိပြီး ဖြောင့်မတ်တည်ကြည်သည်ဟု ယူဆသနည်း။ ယင်းမှာ အမျိုးမျိုးသော လူမျိုးစုများက အများဆုံး ဝတ်ဆင်ကြသည့် အဝတ်အစား၊ အတော်အတန် ရိုးရာဆန်ပြီး ရှေးရိုးစွဲဖြစ်ကာ လူတိုင်းအတွက် သင့်လျော်ပုံရသည့် အဝတ်အစား ဖြစ်သည်။ ယင်းမှာ အများနှင့်မတူ တမူထူးခြင်း သို့မဟုတ် ခေတ်ရေစီးကြောင်းနောက် အလွန်အမင်း လိုက်ခြင်း မရှိပေ။ ဤသည်မှာ လူတို့၏ အယူအဆများအရ၊ ၎င်းတို့က ဂုဏ်သိက္ခာရှိပြီး ဖြောင့်မတ်တည်ကြည်သော အဝတ်အစားအဖြစ် ယူဆသည့်အရာ ဖြစ်သည်။ အစီအစဉ်များအတွက် ဝတ်စုံများ ရွေးချယ်ခြင်းနှင့်ပတ်သက်၍ အသင်းတော်ရှိ ညီအစ်ကိုမောင်နှမ အများစု၏ အမြင်များမှာ အဘယ်အရာများ ဖြစ်သနည်း။ သင် မြင်သလော၊ ရုပ်ရှင်တစ်ခု ရိုက်ကူးသောအခါ ဝတ်စုံများအတွက် တာဝန်ခံသူက ကိုင်စွဲထားသော အမြင်များသည် အမှန်တကယ်တွင် လူအများစု၏ အမြင်များကို ကိုယ်စားပြုသည်။ ၎င်း ရွေးချယ်သည့် အဝတ်အစား ဒီဇိုင်းများအားလုံးသည် ရှစ်ဆယ်ဝန်းကျင်နှင့် ကိုးဆယ်ဝန်းကျင် နှစ်များတွင် လူအများစုက အများဆုံး ဝတ်ဆင်ကြသည့် အရာများ ဖြစ်ကြသည်။ အရောင်များမှာ အများအားဖြင့် အပြာရောင်၊ ကာကီရောင် သို့မဟုတ် မီးခိုးရောင်ဖြစ်ပြီး ယင်းတို့ မည်မျှ ရင့်သည် သို့မဟုတ် နုသည်ဟူသည့် ကွဲပြားမှုများသာ ရှိသည်။ ယေဘုယျအားဖြင့် ယင်းမှာ ထိုရိုးရှင်းသော အရောင်နှစ်ရောင် သို့မဟုတ် သုံးရောင်သာ ဖြစ်သည်။ ၎င်းတို့သည် အဘယ်ကြောင့် တောက်ပသော အရောင်အချို့ကို မရွေးချယ်ကြသနည်း။ လူတို့၏ အယူအဆများအရ ဘုရားသခင်ကို ယုံကြည်သူများအားလုံးသည် ဂုဏ်သိက္ခာရှိပြီး ဖြောင့်မတ်တည်ကြည်သော လူကောင်းများ ဖြစ်ကြသည်၊ သို့ဖြစ်၍ ၎င်းတို့သည် မိမိတို့၏ အဝတ်အစားများအတွက် ဤအများဆုံးဖြစ်ပြီး သာမန်အဖြစ်ဆုံးသော အရောင်အနည်းငယ်ကို ရွေးချယ်သင့်သည်။ သင် မြင်သလော၊ ဝတ်စုံများ၏ ဒီဇိုင်းနှင့် အရောင်ကို ရွေးချယ်ခြင်းကဲ့သို့သော ဤမျှ ရိုးရှင်းသည့် ကိစ္စရပ်တစ်ခုက လူတို့၏ စိတ်နှလုံးထဲရှိ ဘုရားသခင်ကို ယုံကြည်ခြင်းနှင့်ပတ်သက်သော အယူအဆများနှင့် မှားယွင်းပြီး အဓိပ္ပာယ်မဲ့သည့် အတွေးအခေါ်များနှင့် အမြင်များကို လုံးဝ ထုတ်ဖော်ပြသသည်။ ဆိုလိုသည်မှာ လူတို့သည် မိမိတို့အတွင်း၌ အလွန် လေးနက်သော အယူအဆတစ်ခုကို ထားရှိကြသည်၊ ဘုရားသခင်ကို ယုံကြည်ခြင်းသည် ရှေးဟောင်းနည်းလမ်းများကို စွဲကိုင်ထားရန်နှင့် ရိုးရာကို ပြန်လည်ထိန်းသိမ်းရန် လိုအပ်သည်ဟု လူများစွာက ယုံကြည်ကြသည်။ ၎င်းတို့၏ အယူအဆများအရ ရိုးရာဖြစ်သော၊ ရှေးဟောင်းဖြစ်သော၊ ခေတ်နောက်ကျသော၊ ပြီးလျှင် ဟောင်းနွမ်းဆွေးမြည့်သော အရာများသာလျှင် အပြုသဘောဆောင်သော အရာများဖြစ်ပြီး ဤအရာများသာလျှင် ဘုရားသခင်ကို နှစ်သက်စေသည့်အရာများ ဖြစ်သည်။ ဤသည်မှာ လူအများစု တွေးထင်သည့်အရာ ဖြစ်သလော။ (ဟုတ်ပါသည်။) ဤသည်မှာ လူတို့၏ စိတ်ထဲတွင် ရှိသည့်အရာ ဖြစ်သည်။ လူတိုင်းက ထိုရိုးရာဖြစ်သော၊ ခေတ်နောက်ကျသော၊ ရှေးဟောင်းဖြစ်သော၊ ပြီးလျှင် ခေတ်မမီတော့သော အရာများကို အပြုသဘောဆောင်သော အရာများအဖြစ် သတ်မှတ်ကြသည်။ ထို့ကြောင့် အစီအစဉ် ထုတ်လုပ်ရာတွင် လူတို့သည် အရှင်းလင်းဆုံးနှင့် အခြေခံအကျဆုံး ကိစ္စရပ်များထဲမှ တစ်ခုဖြစ်သည့် ဝတ်စုံများ၏ အရောင်များနှင့် ဒီဇိုင်းများနှင့်ပတ်သက်၍ တိကျမှန်ကန်သော ရွေးချယ်မှုများကိုပင် မပြုလုပ်နိုင်ကြပေ။ ၎င်းတို့အားလုံးသည် ဤကိစ္စရပ်ကို မိမိတို့၏ အယူအဆများကို အသုံးပြု၍ တိုင်းတာကြပြီး အထူးသဖြင့် ရှေးရိုးစွဲဖြစ်ကြသည့်အပြင် အထူးသဖြင့် မိုက်မဲကာ ခေါင်းမာကြသည်။ ငါ့ကို ပြောလော့၊ လူတို့တွင် ဘုရားသခင်နှင့်ပတ်သက်သည့် အယူအဆ မည်မျှ ရှိရမည်နည်း။ လူတို့ သတ်မှတ်ထားသော အပြုသဘောဆောင်သည့် အရာများနှင့် ဘုရားသခင် ကြိုက်နှစ်သက်သည်ဟု လူတို့ ထင်သည့်အရာများအားလုံးသည် လူတို့၏ အယူအဆများထဲတွင် စိတ်ကူးထားသည့်အတိုင်း ရိုးရာယဉ်ကျေးမှု ဖြစ်သည်၊ သို့မဟုတ် လောကီလူများက လက်ခံပြီး အသိအမှတ်ပြုထားသည့် လူသားမျိုးနွယ်ကြားရှိ အရာများ ဖြစ်ကြသည်၊ ယင်းတို့သည် သမ္မာတရားနှင့် လုံးဝ သက်ဆိုင်ခြင်း မရှိပေ။ သို့ဖြစ်၍ ငါ့ကို ပြောလော့၊ ငါသည် ရိုးရာကို လိုက်နာသူတစ်ဦးလော သို့မဟုတ် ခေတ်သစ်ကို လိုက်နာသူတစ်ဦးလော။ (ဘုရားသခင်သည် ရိုးရာကို လိုက်နာသူတစ်ဦး မဟုတ်သည့်အပြင် ခေတ်သစ်ကို လိုက်နာသူတစ်ဦးလည်း မဟုတ်ပါ။) အချို့လူများက “ကိုယ်တော် မိတ်သဟာယဖွဲ့ခဲ့သည့်အရာမှတစ်ဆင့် ကိုယ်တော်သည် ပစ္စုပ္ပန်တွင် အသက်ရှင်နေထိုင်သောကြောင့် ကိုယ်တော်က ရိုးရာယဉ်ကျေးမှုကို မကြိုက်နှစ်သက်ကြောင်း ကျွန်ုပ်တို့ သိရပါသည်။ အနည်းဆုံးအနေဖြင့် ကိုယ်တော်သည် ရိုးရာမဆန်သည့်အပြင် ကိုယ်တော်သည် ရှေးဟောင်းနည်းလမ်းများကို စွဲကိုင်ထားခြင်း မရှိပါ” ဟု ပြောကြသည်။ ငါသည် ရိုးရာမဆန်ဟု သင်တို့ ပြောကြသည်၊ သို့ဆိုလျှင် ငါသည် ခေတ်သစ်ကို လိုက်နာသူတစ်ဦးလော။ (မဟုတ်ပါ။) ငါသည် ခေတ်သစ်ကို လိုက်နာသူတစ်ဦး မဟုတ်ကြောင်း သင် မည်သို့ သိနိုင်သနည်း။ (ယနေ့ လောကရှိ လူတို့သည် ခေတ်ရေစီးကြောင်းများကို အတော်အတန် နှစ်သက်ကြသော်လည်း ဘုရားသခင်က ကျွန်ုပ်တို့ကို ဂုဏ်သိက္ခာရှိပြီး ဖြောင့်မှန်ရန် သွန်သင်သည်၊ ယင်းက ခေတ်ရေစီးကြောင်းများနှင့် ဆန့်ကျင်ဘက် ဖြစ်နေပါသည်။) ယနေ့ခေတ် လူများသာ ခေတ်ရေစီးကြောင်းများကို ကြိုက်နှစ်သက်ကြသည် မဟုတ်၊ ရှေးခေတ်က လူများလည်း ခေတ်ရေစီးကြောင်းများကို ကြိုက်နှစ်သက်ခဲ့ကြသည်။ ဘာသာတရား မရှိသူများအားလုံးသည် ခေတ်ရေစီးကြောင်းများကို ကြိုက်နှစ်သက်ကြသည်။ ခေတ်ရေစီးကြောင်းများကို ကြိုက်နှစ်သက်ခြင်းက လူတစ်ဦးသည် ခေတ်သစ်ကို လိုက်နာသူတစ်ဦးဖြစ်သည်ဟု မဆိုလိုပေ။ သို့ဆိုလျှင် ဤမေးခွန်းကို မည်သို့ ဖြေဆိုသင့်သနည်း။ ယင်းကို အနည်းငယ် ဆင်ခြင်သုံးသပ်လော့။ ငါ ရှေးဟောင်း အဝတ်အစား ဝတ်ဆင်သည်ကို သင် မြင်ဖူးသလော။ ငါ ရိုးရာ အဝတ်အစား ဝတ်ဆင်သလော။ ငါ ခေတ်သစ် အဝတ်အစားကို ဝတ်ဆင်သည်။ ဤသည်မှာ လူ့ဇာတိခံထားသော ဘုရားသခင်၏ ပုံမှန် လူ့သဘာဝနှင့် ပါဝင်ပတ်သက်နေသည်။ လူ့ဇာတိခံထားသော ဘုရားသခင်သည် မည်သည့်ခေတ်ကာလတွင် အသက်ရှင်နေထိုင်သည်ဖြစ်စေ၊ ထိုခေတ်ကာလရှိ လူတို့သည် အခြေခံ လိုအပ်ချက်များကို ကိုင်တွယ်ဖြေရှင်းခြင်းနှင့်ပတ်သက်၍ မည်သည့် တိုးတက်မှုအဆင့်သို့ ရောက်ရှိနေသည်ဖြစ်စေ သူ၏ ပုံမှန် လူ့သဘာဝသည် ဤအရာအတွက် ၎င်းတို့ကဲ့သို့ တူညီသော နည်းလမ်းကို သဘာဝကျစွာ ကျင့်သုံးသည်၊ သူသည် နောက်သို့ ဆုတ်သွားမည် မဟုတ်ပေ။ ဤသည်မှာ ပုံမှန် လူ့သဘာဝ၏ သရုပ်သကန်တစ်ခု မဟုတ်လော။ (ဟုတ်ပါသည်။) သူ၏ ပုံမှန် လူ့သဘာဝတွင် ဆင်ခြင်တုံတရား ရှိသည်၊ သို့ဖြစ်၍ အခြေခံ လိုအပ်ချက်များနှင့်ပတ်သက်လာလျှင် မည်သည့်အရာကို ရွေးချယ်ရန် သင့်လျော်သည်ဟူသည်ကို သူ သဘာဝကျစွာ သိရှိသည်။ ဤသည်မှာ ရှုထောင့်တစ်ရပ်အရ ဖြစ်သည်။ အခြားတစ်ရပ်အရ ယင်းမှာ ရိုးရာဖြစ်စေ၊ ခေတ်သစ်ဖြစ်စေ ယင်းသည် ပုံစံတစ်ခု မဟုတ်ဘဲ အတွေးအခေါ် ရေစီးကြောင်းတစ်ခုနှင့် အမြင်ရှုထောင့်တစ်ခုကို ကိုယ်စားပြုသည်။ သို့ဆိုလျှင် ရိုးရာသည် အပြုသဘောဆောင်သလော၊ သို့မဟုတ် ခေတ်သစ်သည် အပြုသဘောဆောင်သလော။ ငါ မြင်သည့်ပုံစံအရဆိုလျှင် မည်သည့်အရာကမျှ အပြုသဘောမဆောင်ပေ။ မည်သည့်အရာကမျှ သမ္မာတရားနှင့် သက်ဆိုင်ခြင်း မရှိပေ၊ နှစ်ခုစလုံးကို စာတန်၏ လွှမ်းမိုးမှုအောက်တွင် ဖောက်ပြန်ပျက်စီးသော လူသားမျိုးနွယ်က ထုတ်လုပ်ထားခြင်း ဖြစ်သည်။ ယင်းမှာ ရိုးရာ အတွေးများနှင့် အမြင်များဖြစ်စေ၊ ခေတ်သစ် အတွေးများနှင့် အမြင်များဖြစ်စေ ဘုရားသခင်ထံမှ မလာသော မည်သည့်အရာမဆိုသည် အပျက်သဘောဆောင်သော အရာတစ်ခုဖြစ်ပြီး အပြုသဘောဆောင်သော အရာတစ်ခု မဟုတ်ပေ။ ယင်းမှာ ရိုးရာ အခြေခံ လိုအပ်ချက်များဖြစ်စေ၊ ခေတ်သစ် အခြေခံ လိုအပ်ချက်များဖြစ်စေ ယင်းတို့၏ ရည်ရွယ်ချက်မှာ ပုံမှန် လူ့သဘာဝ၏ လိုအပ်ချက်များကို ဖြည့်ဆည်းပေးရန် အမြဲတစေ ဖြစ်သည်။ လူ့ဇာတိခံထားသော ဘုရားသခင်သည် မည်သည့်ခေတ်ကာလတွင် မွေးဖွားလာသည်ဖြစ်စေ သူသည် ပုံမှန်ဖြစ်ပြီး လက်တွေ့ကျသော လူ့သဘာဝအတွင်း၌ အသက်ရှင်နေထိုင်ပြီး သူ၏ ကျင့်ကြံပြုမူခြင်းနှင့် အမှုအရာများကို လုပ်ဆောင်ခြင်းဆိုင်ရာ စည်းမျဉ်းများသည် ပြောင်းလဲခြင်း မရှိပေ။ သူ လုပ်ဆောင်သည့် အရာအားလုံးနှင့် အရာခပ်သိမ်းအပေါ် သူ၏ ဆက်ဆံမှုတွင် သူသည် ဘုရားသခင်၏ နှုတ်ကပတ်တော်များနှင့်ဆိုင်သော စည်းမျဉ်းများနှင့် သူ၏ အတွင်းပိုင်း အသက်စိတ်သဘောထားမှ ပေါ်ထွက်လာသော စည်းမျဉ်းများအတိုင်း ပြုမူဆောင်ရွက်သည်၊ သူသည် ရိုးရာကို ထိန်းသိမ်းခြင်း သို့မဟုတ် လိုက်နာခြင်း မရှိသည့်အပြင် ခေတ်သစ်ကို လိုက်နာခြင်း သို့မဟုတ် ခေတ်ရေစီးကြောင်းများနောက် လိုက်ခြင်းလည်း မရှိပေ။ ထို့ကြောင့် လူ့ဇာတိခံထားသော ဘုရားသခင်က သူ၏နောက်သို့ လိုက်သောသူများအပေါ် တောင်းဆိုချက်များသည် ရိုးရာအပေါ် အခြေခံထားခြင်း မရှိသည့်အပြင် ခေတ်သစ်၏ လွှမ်းမိုးမှုကိုလည်း ခံရခြင်း မရှိပေ။ သူ ပိုင်ဆိုင်ပြီး မိတ်သဟာယဖွဲ့သော အမျိုးမျိုးသော အတွေးအခေါ်များနှင့် အမြင်များ သို့မဟုတ် သမ္မာတရားများသည် ဘုရားသခင်ထံမှ၊ ဘုရားသခင်၏ ဘုရားသဘောသဘာဝ အနှစ်သာရနှင့် ဘုရားသခင်၏ အသက်ထံမှ အားလုံး မြစ်ဖျားခံသည်၊ ယင်းတို့သည် ရိုးရာယဉ်ကျေးမှုနှင့်ဖြစ်စေ၊ ခေတ်သစ် အသိပညာနှင့်ဖြစ်စေ လုံးဝ သက်ဆိုင်ခြင်း မရှိပေ။

ဘုရားအိမ်တော်က ထုတ်လုပ်သော အကအစီအစဉ်များအတွက် ရွေးချယ်ထားသည့် ဝတ်စုံများကို ကြည့်သောအခါ သင်တို့သည် မည်သည့်စည်းမျဉ်းများကိုမဆို ပိုင်းခြားသိမြင်နိုင်ခဲ့သလော။ ထိုဒီဇိုင်းများနှင့် ထိုအရောင်များကို အဘယ်ကြောင့် ရွေးချယ်ခဲ့သနည်း။ ဤနေရာရှိ စည်းမျဉ်းများကို နားလည်နိုင်ပါက သင်တို့သည် သမ္မာတရား အနည်းငယ်ကို အမှန်တကယ် နားလည်ပြီး သင်တို့တွင် ဝိညာဉ်ရေးရာ နားလည်သဘောပေါက်မှု ရှိသည်၊ ဤမျှ ရိုးရှင်းသော ကိစ္စရပ်တစ်ခုရှိ စည်းမျဉ်းများကိုပင် နားမလည်နိုင်ပါက သင်သည် အစွမ်းအစ အလွန်ညံ့ဖျင်းသော နားဝေတိမ်တောင်ဖြစ်သည့် လူတစ်ဦးဖြစ်ပြီး နှစ်ပေါင်းများစွာ တရားဒေသနာများကို နားထောင်ခဲ့သော်လည်း သမ္မာတရားကို သင် နားမလည်ခဲ့ပေ။ ပထမဆုံးအနေဖြင့် ငါတို့ အကအစီအစဉ်များ ထုတ်လုပ်သောအခါ ဖျော်ဖြေသူများ ဝတ်ဆင်သည့် အဝတ်အစားများသည် ရိုးရာဖြစ်သလော သို့မဟုတ် ခေတ်သစ်ဖြစ်သလော။ (ယင်းတို့သည် ခေတ်သစ်ဖြစ်ပါသည်။) ယင်းတို့အားလုံးသည် ခေတ်သစ် အဝတ်အစားများ ဖြစ်သည်၊ ထိုအရာတွင် သာမန်ဖြစ်သော၊ နေ့စဉ်ဝတ် အဝတ်အစားများ ဖြစ်ကြသည်။ အချို့လူများက နားမလည်ဘဲ “ကျွန်ုပ်တို့၏ အကအစီအစဉ်များသည် အနုပညာ အစီအစဉ်များ ဖြစ်သည်၊ သို့ဆိုလျှင် ဖျော်ဖြေသူများသည် စင်မြင့်ဝတ်စုံများအစား သာမန်ဖြစ်သော၊ နေ့စဉ်ဝတ် အဝတ်အစားများကို အဘယ်ကြောင့် ဝတ်ဆင်ကြသနည်း။ ပုတီးစေ့များနှင့် မှန်စီရွှေချများ ပါရှိသော ဝတ်စုံများသည် အထူးသဖြင့် လှပတင့်တယ်ပါသည်။ ထိုနိုင်ငံတော်အဆင့် အကအဖွဲ့များက စင်မြင့်ပေါ်တွင် ဝတ်ဆင်သည့် ဝတ်စုံများကို ကြည့်ပါ၊ ယင်းတို့သည် လှပတင့်တယ်သည်၊ သေသပ်လှပပြီး ခမ်းနားထည်ဝါကာ မီးရောင်များ ထိုးလိုက်သောအခါ မျက်စိကျိန်းမတတ် တောက်ပနေပုံရပါသည်။ ကျွန်ုပ်တို့ အစီအစဉ်များ ထုတ်လုပ်သောအခါ ကျွန်ုပ်တို့၏ ဖျော်ဖြေသူများကလည်း ထိုသို့သော ဝတ်စုံများကို ဝတ်ဆင်ပါက ယင်းက ၎င်းတို့ကို ပို၍ ကြည့်ကောင်းစေပြီး ဘုရားသခင်ကို ပို၍ ဘုန်းထင်ရှားစေမည် မဟုတ်လော။ ယင်းက ဘုရားအိမ်တော်၏ တန်ခိုးကို ပို၍ ကောင်းမွန်စွာ သရုပ်ဖော်ပြမည် မဟုတ်လော၊ ပြီးလျှင် ဘာသာတရား မရှိသူများ သို့မဟုတ် ဘာသာရေးသမားများကို ဘုရားအိမ်တော်၏ ခွန်အားကို ပို၍ ကောင်းမွန်စွာ မြင်တွေ့ခွင့်ပေးမည် မဟုတ်လော” ဟု ပြောကြသည်။ ဤအမြင်ရှုထောင့်သည် မှန်ကန်သလော။ (မဟုတ်ပါ။) ပထမဦးစွာ ဤအရာကို ငါ့ကို ပြောလော့၊ ငါတို့ အကအစီအစဉ်များ ထုတ်လုပ်သောအခါ ဖျော်ဖြေသူများသည် လှပတင့်တယ်သော ဝတ်စုံများအစား သာမန်ဖြစ်သော၊ နေ့စဉ်ဝတ် အဝတ်အစားများကို အဘယ်ကြောင့် ဝတ်ဆင်ကြသနည်း။ (ညီအစ်ကိုမောင်နှမများအားလုံးသည် ကခုန်သောအခါ အထူးသဖြင့် လှပတင့်တယ်သော ဝတ်စုံများကို ဝတ်ဆင်ကြပါက ပရိသတ်သည် အဝတ်အစားများနှင့် ဖျော်ဖြေသူများ မည်သို့ ပုံပေါက်သည်ဟူသည့်အပေါ် အာရုံစိုက်ကြပါလိမ့်မည်။ သို့သော် ၎င်းတို့သည် သာမန် အဝတ်အစားများကို ဝတ်ဆင်ပြီး ဂုဏ်သိက္ခာရှိကာ ဖြောင့်မှန်သော လူများကဲ့သို့ ပုံပေါက်ပါက ပရိသတ်သည် ဤအပြင်ပန်းအရာများ၏ ဆွဲဆောင်ခြင်းကို ခံရမည်မဟုတ်ဘဲ ၎င်းတို့၏ စိတ်များကို ဘုရားသခင်၏ နှုတ်ကပတ်တော်များအပေါ် အာရုံစိုက်ကြပါလိမ့်မည်။) သင်သည် တစ်ခုတော့ဖြင့် မှန်သည်၊ လှပတင့်တယ်သော ဝတ်စုံများကို မဝတ်ဆင်ခြင်းမှာ လူတို့က ပုံစံနှင့် အပြင်ပန်းအသွင်အပြင်အပေါ် အာရုံစိုက်ခြင်းမှ တားဆီးရန် ဖြစ်သည်။ အရေးအကြီးဆုံးဖြစ်သည့် အခြားအချက်တစ်ချက်လည်း ရှိသေးသည်၊ ယင်းမှာ အကဖြစ်စေ သီချင်းဖြစ်စေ ငါတို့ အစီအစဉ်များ ထုတ်လုပ်သောအခါ ရည်ရွယ်ချက်မှာ အဘယ်အရာ ဖြစ်သနည်း။ (ဘုရားသခင်အတွက် သက်သေခံရန် ဖြစ်ပါသည်။) ဤသည်မှာ တစ်ခုတည်းသော ပန်းတိုင် ဖြစ်သည်။ ကခုန်ခြင်းဖြစ်စေ၊ သီချင်းဆိုခြင်းဖြစ်စေ ယင်းအားလုံးသည် ဘုရားသခင်အတွက် သက်သေခံရန် ဖြစ်သည်။ ယင်းမှာ မည်သည့်ပုဂ္ဂိုလ်ကိုမဆို ပေါ်လွင်ထင်ရှားစေရန် မဟုတ်သည့်အပြင် မည်သူ့ကိုမဆို စိတ်ကျေနပ်စေရန်လည်း မဟုတ်ပေ၊ ယင်းမှာ ဘုရားသခင်အတွက် သက်သေခံရန်သာ ဖြစ်သည်။ သို့ဖြစ်၍ ဖျော်ဖြေသူများအနေဖြင့် ဘုရားသခင်အတွက် သက်သေခံခြင်း ရည်ရွယ်ချက်ကို ဖြစ်မြောက်အောင်မြင်စေသည့် ရိုးရှင်းသော၊ ကိုယ်နှင့် ကွက်တိဖြစ်သော၊ ဂုဏ်သိက္ခာရှိပြီး ဖြောင့်မှန်သော၊ ပြီးလျှင် သေသပ်လှပသော အဝတ်အစားများကို ဝတ်ဆင်ရန် လုံလောက်ပေသည်။ သဘောသဘာဝအရ ငါတို့ ထုတ်လုပ်သော အစီအစဉ်များသည် ဖျော်ဖြေရေး အစီအစဉ်များ မဟုတ်ပေ။ ဖျော်ဖြေရေး အစီအစဉ်များဟူသည်မှာ အဘယ်အရာများ ဖြစ်သနည်း။ ဖျော်ဖြေရေး အစီအစဉ်များဟူသည်မှာ လူတို့က မိမိတို့၏ အားလပ်ချိန်များတွင် အပန်းဖြေရန်အတွက် ကြည့်ရှုသည့်အရာများ ဖြစ်သည်၊ ယင်းတို့သည် လူတို့ကို နှစ်သက်စေရန်သာ ဖြစ်သည်။ လူတို့ အနားယူသောအခါ ၎င်းတို့သည် ပျော်ရွှင်ရန်၊ အပန်းဖြေရန်၊ စိတ်ချမ်းသာရန်၊ မိမိတို့၏ စိုးရိမ်ပူပန်မှုများကို မေ့ပျောက်ရန်နှင့် စိတ်ဖိစီးမှုများကို ဖြေဖျောက်ရန် အစီအစဉ်တစ်ခုကို ကြည့်ရှုကြသည်။ ထို့နောက်တွင် ၎င်းတို့သည် ယင်းအပေါ် စွဲလမ်းနေခြင်း သို့မဟုတ် ယင်းနှင့်ပတ်သက်၍ မည်သည့်ခံစားချက်မျှ မရှိဘဲ ၎င်းတို့ လုပ်ဆောင်ရမည့် မည်သည့်အလုပ်ကိုမဆို ပြန်လည်လုပ်ဆောင်ကြသည်။ ဤသည်မှာ ဖျော်ဖြေရေး အစီအစဉ်များ ဖြစ်သည့်အရာ ဖြစ်သည်။ ငါတို့ လုပ်ဆောင်သော အစီအစဉ်များနှင့်ပတ်သက်၍မူ မည်သို့နည်း။ ပုံစံအရ ယင်းတို့သည် ဖျော်ဖြေရေးဖြစ်သော်လည်း အနှစ်သာရအရ ယင်းတို့သည် အများပြည်သူကို စိတ်ကျေနပ်စေရန် မဟုတ်သည့်အပြင် အနုပညာ စွမ်းရည်ကို ကြွားဝါရန်လည်း မဟုတ်ပေ။ ငါတို့ ထုတ်လုပ်သော အစီအစဉ်များ၏ ပန်းတိုင်မှာ ဘုရားသခင်အတွက် သက်သေခံရန် ဖြစ်သည်။ ဥပမာအားဖြင့် ဓမ္မသီချင်း အစီအစဉ်များ ထုတ်လုပ်သောအခါ ဘုရားနှုတ်ကပတ်တော် ဓမ္မသီချင်းများ၏ ရည်ရွယ်ချက်မှာ ဘုရားနှုတ်ကပတ်တော်များ၏ သမ္မာတရားကို သက်သေခံရန်နှင့် ဖြန့်ချိရန်ဖြစ်ပြီး လူတို့ကို ဘုရားသခင်၏ ရှေ့မှောက်သို့ လာခွင့်ပေးရန် ဖြစ်သည်၊ အတွေ့အကြုံဆိုင်ရာ ဓမ္မသီချင်းများ၏ ရည်ရွယ်ချက်မှာ ဘုရားသခင်၏ အလုပ်က အောင်မြင်သည့် အကျိုးသက်ရောက်မှုများနှင့် ဘုရားသခင်၏ အလုပ်က လူတို့တွင် ဖြစ်ပေါ်စေခဲ့သည့် ရလဒ်များကို သက်သေခံရန် ဖြစ်သည်။ အချုပ်အားဖြင့်ဆိုရလျှင် ငါတို့ မည်သို့သော အစီအစဉ်မျိုးကို ထုတ်လုပ်သည်ဖြစ်စေ ယင်းတို့သည် ဖျော်ဖြေရေး အစီအစဉ်များ သက်သက် မဟုတ်ပေ။ ယင်းတို့၏ ရည်ရွယ်ချက်မှာ လူတို့၏ အာရုံစိုက်မှုကို ဖမ်းစားရန် သို့မဟုတ် လူတို့ အချိန်ဖြုန်းရန်နှင့် မိမိတို့ကိုယ်ကို ဖျော်ဖြေရန် ကူညီပေးဖို့ မဟုတ်ဘဲ၊ အနုပညာ စွမ်းရည်ကို ကြွားဝါရန်ဖြစ်ဖို့ဆိုသည်မှာ သာ၍ပင် ဝေးသေးသည်။ ငါတို့ ထုတ်လုပ်သော အစီအစဉ်များအတွက် ပန်းတိုင်တစ်ခုတည်းသာ ရှိသည်၊ ယင်းမှာ ဘုရားသခင်၏ နှုတ်ကပတ်တော်များကို ဖြန့်ချိရန်နှင့် ဘုရားသခင်၏ အလုပ်ကို သက်သေခံရန်ဖြစ်ပြီး ဘုရားသခင်သည် လူ့ဇာတိခံယူပြီးဖြစ်ကာ အလုပ်အဆင့်သစ်တစ်ခုကို လုပ်ဆောင်နေခဲ့ကြောင်းကို ပို၍များသော လူများအား သိရှိခွင့်ပေးရန်၊ ဘုရားသခင်၏ အလုပ်သည် လူတစ်စုကို ရယူပြီးဖြစ်ကြောင်းနှင့် ဘုရားသခင်သည် ယခု အလုပ်လုပ်ပြီး စကားပြောနေကြောင်းကို ပို၍များသော လူများအား သိရှိခွင့်ပေးရန် ဖြစ်သည်။ ဤသည်မှာ ငါတို့ ထုတ်လုပ်သော အစီအစဉ်များ၏ တစ်ခုတည်းသော ရည်ရွယ်ချက် ဖြစ်သည်။ ဤသည်မှာ ငါတို့ ထုတ်လုပ်သော အစီအစဉ်များ၏ ရည်ရွယ်ချက်ဖြစ်သောကြောင့် လူတို့သည် လှပတင့်တယ်သော အဝတ်အစားများကို ဝတ်ဆင်ပြီး မိတ်ကပ်အထူကြီး လိမ်းကာ အမျိုးမျိုးသော ဝတ်စားဆင်ယင်မှုများ ရှိပါက ယင်းက ဘုရားသခင်အတွက် သက်သေခံခြင်း ပန်းတိုင်နှင့် ပဋိပက္ခဖြစ်နေသည် မဟုတ်လော။ (ဟုတ်ပါသည်။) ယင်းမှာ ပဋိပက္ခတစ်ခု ဖြစ်သည်။ ထို့ကြောင့် ငါတို့သည် ဖျော်ဖြေသူများ ဝတ်ဆင်သည့်အရာကို အာရုံမစိုက်ကြပေ။ ငါတို့ အာရုံစိုက်သည့် တစ်ခုတည်းသောအရာမှာ အဘယ်အရာ ဖြစ်သနည်း။ အစီအစဉ်များက တင်ဆက်သည့်အရာဖြစ်သော ညီအစ်ကိုမောင်နှမများ၏ အမူအရာ၊ အကလှုပ်ရှားမှုများနှင့် အစီအစဉ်များ၏ ပုံစံတို့သည် လူတို့၏ အာရုံစိုက်မှုကို ဆွဲဆောင်နိုင်ခြင်း ရှိမရှိဟူသည်နှင့် ယင်းတို့က လူတို့ကို ကြိုက်နှစ်သက်စေပြီး စိတ်ဝင်စားလာစေနိုင်ခြင်း ရှိမရှိဟူသည်ကိုသာ ငါတို့ အာရုံစိုက်ကြသည်၊ ထိုသို့ဖြင့် လူတို့ကို ကောင်းမွန်သော အထင်အမြင်တစ်ခု ပေးကာ ဘုရားသခင်၏ အလုပ်ကို စုံစမ်းစစ်ဆေးရန်၊ ဘုရားသခင်၏ နှုတ်ကပတ်တော်များကို လက်ခံရန်နှင့် ညီအစ်ကိုမောင်နှမများနှင့်အတူ ဓမ္မသီချင်းများ သီဆိုပြီး ဘုရားသခင်ကို ကိုးကွယ်ရန် လိုလားလာစေဖို့ လူတို့ကို ကူညီပေးသည်၊ ဤသည်မှာ ငါတို့ ဖြစ်မြောက်အောင်မြင်လိုသော ရည်ရွယ်ချက် ဖြစ်သည်။ ဤရည်ရွယ်ချက်ကို ဖြစ်မြောက်အောင်မြင်ရန်အလို့ငှာ ဖျော်ဖြေသူများ၏ ဝတ်စားဆင်ယင်မှုများနှင့် အသွင်အပြင်နှင့်ပတ်သက်လာလျှင် ၎င်းတို့သည် ဂုဏ်သိက္ခာရှိပြီး ဖြောင့်မှန်ကာ သန့်ရှင်းပြီး သပ်ရပ်ပုံရရုံသာ လိုအပ်ပြီး အထူးသဖြင့် ကောင်းမွန်သော အမူအရာတစ်ခု ရှိရုံသာ လိုအပ်သည်၊ ကျန်ရှိသောအရာများဖြစ်သည့် လှပတင့်တယ်သော ဝတ်စုံများ၊ မိတ်ကပ်အထူကြီးနှင့် အမျိုးမျိုးသော ဝတ်စားဆင်ယင်မှုများနှင့်ပတ်သက်၍မူ ထိုအရာများအားလုံးတွင် အပျက်သဘောဆောင်သော အကျိုးသက်ရောက်မှုများ ရှိကြသည်။ မည်သည့် အပျက်သဘောဆောင်သော အကျိုးသက်ရောက်မှုများ ရှိသနည်း။ ကခုန်သော ညီအစ်မများအားလုံးသည် နတ်သမီးများကဲ့သို့ ဝတ်စားဆင်ယင်ထားပြီး ညီအစ်ကိုများအားလုံးသည် ရုပ်ချောသော ကောင်လေးများ သို့မဟုတ် လူချမ်းသာ အမွေစားအမွေခံများကဲ့သို့ ဝတ်စားဆင်ယင်ထားပါက လူတို့သည် ဤအရာကို မြင်သောအခါ “သင်တို့က ကြွားဝါနေကြသည်။ သင်တို့က မကောင်းသော ရည်ရွယ်ချက်များကို ထားရှိနေကြသည် မဟုတ်လော။ သင်တို့က လူတို့ကို သွေးဆောင်ဖြားယောင်းနေကြသည် မဟုတ်လော” ဟု တွေးကြလိမ့်မည်။ လူတို့တွင် ဤအတွေးများ ရှိပါက ယင်းမှာ မကောင်းပေ။ ညီအစ်ကိုမောင်နှမများသည် ဂုဏ်သိက္ခာရှိပြီး ဖြောင့်မှန်ကာ သေသပ်လှပပြီး သင့်လျော်သော ပုံစံဖြင့် ဝတ်စားဆင်ယင်ကြသည်။ ယေဘုယျအားဖြင့် ၎င်းတို့သည် ကြော့ရှင်းနေပုံမရသော်လည်း ၎င်းတို့သည် အထူးသဖြင့် သန့်ရှင်းသည်၊ သပ်ရပ်သည်၊ ဂုဏ်သိက္ခာရှိပြီး မျက်စိပသာဒကြသည်။ လူတို့သည် ၎င်းတို့ကို ကြည့်သောအခါ ဤလူတို့တွင် ကောင်းမွန်သော ကိုယ်နှုတ်အမူအရာ ရှိကြောင်း၊ ၎င်းတို့သည် ဘုရားသခင်ကို ယုံကြည်သူများဖြစ်ကြောင်းနှင့် ၎င်းတို့ ထုတ်လုပ်နေသော အစီအစဉ်သည် ကလိမ်ကကျစ်ကျသော သို့မဟုတ် ဆိုးယုတ်သောအရာတစ်ခု မဟုတ်ဘဲ ဘုရားသခင်အတွက် သက်သေခံသည့် အစီအစဉ်တစ်ခုဖြစ်ကြောင်းကို ၎င်းတို့ မြင်တွေ့ကြသည်။ သင် မြင်သလော၊ ဘာသာတရားမရှိသော အစီအစဉ်များအားလုံးသည် မျက်စပစ်ပြခြင်း၊ အဝေးမှ အနမ်းပေးခြင်း သို့မဟုတ် ဖျော်ဖြေသူများ၏ ခန္ဓာကိုယ် အချိုးအစားများကို ကြွားဝါခြင်းတို့နှင့်သာ သက်ဆိုင်သည်။ ကခုန်နေစဉ်တွင် ၎င်းတို့၏ အတတ်ပညာကို ကြွားဝါခြင်းအပြင် ဖျော်ဖြေသူများသည် ၎င်းတို့၏ စန်းများကိုလည်း ကြွားဝါကြပြီး အပြုသဘောဆောင်သော လမ်းပြမှု စိုးစဉ်းမျှကိုပင် မပေးကြပေ။ ဆန့်ကျင်ဘက်အနေဖြင့် ငါတို့ ထုတ်လုပ်သော အစီအစဉ်များသည် လုံးလုံးလျားလျား အပြုသဘောဆောင်သော လမ်းပြမှုကို ပေးပို့သည်။ ကြည့်ရှုသူများသည် မသင့်လျော်သော အတွေးများကို ထားရှိလိုလျှင်ပင် ၎င်းတို့သည် ထိုသို့ပြုလုပ်ရန် မည်သည့်အခွင့်အရေး သို့မဟုတ် ဟာကွက်များကိုမျှ မတွေ့ရှိကြပေ။ ၎င်းတို့သည် ဖျော်ဖြေသူများ၏ ခန္ဓာကိုယ် အချိုးအစားများနှင့် မျက်နှာသွင်ပြင်များကို ကြည့်ရှုလိုပါက ၎င်းတို့ သေချာ ကြည့်၍မရနိုင်ပေ၊ ၎င်းတို့သည် မည်သူက ၎င်းတို့၏ စန်းများကို ကြွားဝါနေသည်ကို ကြည့်လိုပါက ၎င်းတို့သည် ထိုအရာကိုလည်း မမြင်နိုင်ကြပေ။ ၎င်းတို့သည် လုံးဝ ဂုဏ်သိက္ခာရှိပြီး ဖြောင့်မှန်သော အမူအရာကို တင်ဆက်သည့် အပြုံးဟူသော မျက်နှာအမူအရာ တစ်ခုတည်းကိုသာ မြင်တွေ့ကြရသည်။ အရေးအကြီးဆုံးမှာ ငါတို့၏ အစီအစဉ်များသည် ကြွားဝါရန် သို့မဟုတ် မည်သူ့ကိုမဆို နှစ်သက်စေရန် မဟုတ်ဘဲ ဘုရားသခင်အတွက် သက်သေခံရန် ဖြစ်သည်၊ ဤသည်မှာ အဓိက စည်းမျဉ်းတစ်ခု ဖြစ်သည်။ ထို့အပြင် အကအဖွဲ့အတွက် ငါတို့ ရွေးချယ်ခဲ့သည့် အဝတ်အစား ဒီဇိုင်းများဖြစ်သော တီရှပ်များ၊ အားကစားအင်္ကျီများနှင့် အားကစားဘောင်းဘီရှည်များနှင့်ပတ်သက်၍ လူတို့သည် ယင်းတို့ကို ဝတ်ဆင်ပြီး ကခုန်ရာတွင် အတော်အတန် သက်တောင့်သက်သာရှိသည်ဟု ခံစားရနိုင်သော်လည်း လူငယ်အချို့က မိမိတို့၏ ကိုယ်ပိုင် အကြိုက်များအပေါ် အခြေခံ၍ ယင်းတို့ကို သိပ်ကြိုက်နှစ်သက်မည် မဟုတ်ပေ။ ဤဒီဇိုင်းများသည် အလွန် သာမန်ဖြစ်သည်၊ ယင်းမှာ နေ့စဉ်ဝတ် ပေါ့ပေါ့ပါးပါး အဝတ်အစား၊ အိမ်နေရင်း အဝတ်များသာဖြစ်သည်ဟု ၎င်းတို့ ခံစားရသော်လည်း ဤသည်မှာ ဂုဏ်သိက္ခာရှိပြီး ဖြောင့်မှန်သော အဝတ်အစားများ အတိအကျပင် ဖြစ်သည်။ တီရှပ်များ၊ ဆွယ်တာအင်္ကျီများနှင့် ချွေးခံဘောင်းဘီရှည်များသည် ယနေ့ခေတ်တွင် အများဆုံးဖြစ်သော ပေါ့ပေါ့ပါးပါး အဝတ်အစား ဒီဇိုင်းများ ဖြစ်ကြသည်။ ငါတို့သည် ဤဒီဇိုင်းများကို အဘယ်ကြောင့် ရွေးချယ်ကြသနည်း။ ဤပေါ့ပေါ့ပါးပါး အဝတ်အစား ဒီဇိုင်း ပထမဆုံး ပေါ်ပေါက်လာချိန်မှစ၍ ယခုအချိန်အထိ အနည်းဆုံး ဆယ်စုနှစ်အချို့ ကြာမြင့်နေလောက်ပြီနိုင်ကြောင်းကို ငါ သတိပြုမိခဲ့သည်။ နောက်ထပ် ဆယ်စုနှစ်အနည်းငယ် ကြာလျှင်ပင် ယင်းသည် ခေတ်နောက်ကျမည် သို့မဟုတ် ခေတ်မမီတော့မည် မဟုတ်ဟူသော အချက်ကို ထည့်သွင်းစဉ်းစားခြင်းကြောင့် ယခု ငါတို့၏ အစီအစဉ်များအတွက် ဤဒီဇိုင်းကို ငါတို့ ရွေးချယ်ကြခြင်း ဖြစ်သည်။ ထို့အပြင် ဤဒီဇိုင်းသည် အသက်အရွယ်အုပ်စု အားလုံးနှင့် လူမှုအဆင့်အတန်း အားလုံးမှ လူများအတွက် သင့်လျော်သည်၊ ၎င်းတို့သည် သာမန်လူများဖြစ်စေ သို့မဟုတ် အထက်တန်းလွှာ လူများဖြစ်စေ ၎င်းတို့အားလုံးသည် ၎င်းတို့၏ နေ့စဉ်ဘဝများတွင် အိမ်၌ ထိုသို့သော အဝတ်အစားများကို ဝတ်ဆင်ကြသည်။ ထို့အပြင် ဤအဝတ်အစားများသည် ပွယောင်းပြီး ကခုန်ရန်အတွက် သက်သောင့်သက်သာ ရှိသည်။ သို့ဖြစ်၍ ငါတို့သည် စင်မြင့်ဝတ်စုံများအတွက် ဤအဝတ်အစား ဒီဇိုင်းကို နောက်ဆုံးတွင် ဆုံးဖြတ်ခဲ့ကြသည်။ စင်မြင့်ပေါ်တွင် ယင်းတို့ကို ဝတ်ဆင်သူများက ယင်းတို့ကို ကြိုက်နှစ်သက်သည်ဖြစ်စေ မကြိုက်နှစ်သက်သည်ဖြစ်စေ ဤဒီဇိုင်းသည် စင်မြင့်အတွက် သင့်လျော်သည်၊ ဆိုလိုသည်မှာ ကြည့်ရှုသူများဖြစ်စေ၊ ဝတ်ဆင်သူများဖြစ်စေ ထိုသို့သော အဝတ်အစားများနှင့်ပတ်သက်၍ မည်သည့်အပြစ်အနာအဆာကိုမျှ မရှာတွေ့နိုင်ကြပေ။ ဝတ်ဆင်သူများက “ကျွန်ုပ်တို့အတွက် ကိုယ်တော် ရွေးချယ်ပေးသော ဤအဝတ်အစားများသည် အလွန် အမြင်မတင့်တယ်ပါ၊ ကျွန်ုပ်၏ နေ့စဉ်ဘဝတွင် ထိုသို့သော အဝတ်အစားများကို ကျွန်ုပ် လုံးဝ ဝတ်ဆင်မည် မဟုတ်ပါ” ဟု ပြောကောင်းပြောနိုင်သည်။ ထိုအရာအတွက် ငါ၏ အဖြေမှာ သင်၏ နေ့စဉ်ဘဝတွင် သင် ဝတ်ဆင်သည့်အရာကို ငါ ဝင်ရောက်မစွက်ဖက်ပေ။ သင် ဝတ်ဆင်သည့်အရာနှင့် သင် ကြိုက်နှစ်သက်သည့်အရာက သင် မည်သူဖြစ်သည်ကို ကိုယ်စားပြုသည်၊ ယင်းတို့က သင်၏ လူ့သဘာဝနှင့် အနှစ်သာရကို ကိုယ်စားပြုသည်။ သင်သည် ရိုးရှင်းသော၊ မျက်စိပသာဒဖြစ်သော၊ ဂုဏ်သိက္ခာရှိပြီး ဖြောင့်မှန်သော အဝတ်အစားများကို ကြိုက်နှစ်သက်ခြင်း မရှိဘဲ ထိုအစား အများနှင့်မတူ တစ်မူထူးသော အဝတ်အစားများကို ကြိုက်နှစ်သက်ပါက သင်သည် အတော်အတန် သမားရိုးကျ မဟုတ်ပေ။ သင်သည် မိမိ၏ ရင်ဘတ်နှင့် ကျောကို ဖော်ထားခြင်း၊ သင်၏ ဆံပင်ကို ဖြန့်ချထားခြင်းနှင့် နေကာမျက်မှန် အကြီးကြီးများကို တပ်ဆင်ခြင်းတို့ကို ကြိုက်နှစ်သက်ပြီး အကျော်အမော်တစ်ဦးကဲ့သို့ အစဉ်သဖြင့် ပြုမူပါက သင်သည် ဘုရားအိမ်တော်သားတစ်ဦး မဟုတ်ဟု ငါပြောသည်။ သင်သည် ဂုဏ်သိက္ခာရှိပြီး ဖြောင့်မှန်ခြင်းကို မကြိုက်နှစ်သက်ပေ၊ အနည်းဆုံးအနေဖြင့် သင်သည် ငါနှင့် သဟဇာတမဖြစ်ပေ။ ဂုဏ်သိက္ခာရှိပြီး ဖြောင့်မှန်ခြင်း၊ ပြီးလျှင် သေသပ်လှပပြီး သင့်လျော်ခြင်း ဤသည်မှာ အဝတ်အစား ဒီဇိုင်းများကို ရွေးချယ်ခြင်းအတွက် စည်းမျဉ်း ဖြစ်သည်။ သို့ဆိုလျှင် အဝတ်အစား အရောင်များကို မည်သို့ ရွေးချယ်သင့်သနည်း။ အချို့လူများက “အဖြူရောင်က သန့်ရှင်းခြင်းကို ကိုယ်စားပြုသည်၊ အစိမ်းရောင်က အသက်ကို ကိုယ်စားပြုသည်၊ အနီရောင်က ပွဲလမ်းသဘင်ကို ကိုယ်စားပြုပြီး အဝါရောင်က ခင်မင်ရင်းနှီးမှုကို ကိုယ်စားပြုသည်၊ သို့ဖြစ်၍ ကျွန်ုပ်တို့သည် ဤအရောင်များကိုသာ ရွေးချယ်သင့်သည်” ဟု ပြောကြသည်။ ဤသည်မှာ အဓိပ္ပာယ်မရှိသောအရာ သက်သက်ဖြစ်သည်ဟု ငါပြောသည်၊ အရောင်များသည် မည်သည့်အရာကိုမျှ ကိုယ်စားမပြုပေ။ သို့ဆိုလျှင် ဝတ်ဆင်ရမည့်အရောင်များနှင့်ပတ်သက်သည့် စည်းမျဉ်းမှာ အဘယ်အရာ ဖြစ်သနည်း။ ယင်းမှာ အလွန် ရိုးရှင်းသည်၊ စည်းမျဉ်းတစ်ခုတည်းသာ ရှိသည်၊ ယင်းမှာ ကင်မရာတွင် သန့်ရှင်းပုံရရမည် ဖြစ်သည်။ အထူးသဖြင့် အရောင်အချို့သည် အလွန် ရင့်ပြီး အတော်အတန် တောက်ပကာ လူတို့သည် ၎င်းတို့၏ နေ့စဉ်ဘဝများတွင် ယင်းတို့ကို ရှားရှားပါးပါး ဝတ်ဆင်ကောင်း ဝတ်ဆင်နိုင်သော်လည်း စင်မြင့် အကျိုးသက်ရောက်မှုနှင့် ယင်းတို့ ပံ့ပိုးပေးသည့် အမြင်အာရုံ အကျိုးသက်ရောက်မှုတို့အတွက် ဤအရောင်များကို ငါတို့ ရွေးချယ်ခဲ့ကြသည်။ ရှုထောင့်တစ်ရပ်အရ ဤအရောင်များသည် အတော်အတန် ရင့်ပြီး တောက်ပသောကြောင့် ယင်းတို့ ပံ့ပိုးပေးသည့် စင်မြင့် အကျိုးသက်ရောက်မှုမှာ ကောင်းမွန်သည်။ အခြားရှုထောင့်တစ်ရပ်အရ ဤအရောင်အများစုသည် အလွန် ထူးဆန်းခြင်း မရှိပေ၊ မှိုင်းသော အရောင်များ မရှိသည့်အပြင် လူတို့ကို စက်ဆုပ်ရွံရှာစေသည့် အရောင်များလည်း မရှိပေ၊ သို့ဖြစ်၍ ဤနည်းလမ်းဖြင့် ထုတ်လုပ်ထားသော ဗီဒီယိုများသည် ကောင်းမွန်သော အကျိုးသက်ရောက်မှုတစ်ခု ရှိကြသည်။

ငါ ယခုလေးတင် မိတ်သဟာယဖွဲ့ခဲ့သည့်အရာမှာ အကအစီအစဉ် ဝတ်စုံများကို ရွေးချယ်ခြင်းအတွက် စည်းမျဉ်းများ ဖြစ်သည်။ ဤအရာများထဲမှ မည်သည့်ကဏ္ဍများကို သင်တို့ ရှင်းလင်းစွာ မြင်တွေ့ခဲ့ရသနည်း။ ငါ့ကို ပြောလော့၊ ငါ စဉ်းစားခဲ့သည့် ဤစည်းမျဉ်းများသည် သင့်လျော်သလော။ (သင့်လျော်ပါသည်။) ယင်းမှာ ဘုရားသခင်အတွက် သက်သေခံခြင်း၊ ဘုရားသခင်ကို အရှက်မရစေခြင်းနှင့် အကောင်းဆုံး ရလဒ်များကို အောင်မြင်ခြင်းဟူသည့် စည်းမျဉ်းများအပေါ် အဓိကအားဖြင့် အခြေခံလည်ပတ်နေသည် မဟုတ်လော။ (ဟုတ်ပါသည်။) ဤအရာနှင့်ပတ်သက်၍ လွဲချော်သော သို့မဟုတ် အစွန်းရောက်သော ကဏ္ဍတစ်ခုတလေ ရှိသလော။ (မရှိပါ။) ရှေးဟောင်းနည်းလမ်းများကို စွဲကိုင်ထားခြင်းနှင့်ဆိုင်သည့် အစိတ်အပိုင်းတစ်ခုတလေ ရှိသလော။ (မရှိပါ။) ယင်းမှာ မည်သည့်နည်းနှင့်မျှ လွဲချော်ခြင်း သို့မဟုတ် ရှေးဟောင်းနည်းလမ်းများကို စွဲကိုင်ထားခြင်း မရှိပေ။ သို့ဆိုလျှင် ဝတ်စုံများ ရွေးချယ်ခြင်းအတွက် ငါတို့၏ ဤစည်းမျဉ်းများသည် ရိုးရာကို လိုက်နာသလော၊ သို့မဟုတ် ခေတ်သစ်ကို လိုက်နာသလော။ (ယင်းတို့သည် ရိုးရာကိုဖြစ်စေ၊ ခေတ်သစ်ကိုဖြစ်စေ မလိုက်နာပါ၊ ကျွန်ုပ်တို့ ထုတ်လုပ်သော အစီအစဉ်များသည် ဘုရားသခင်အတွက် သက်သေခံခြင်း ရလဒ်ကို အောင်မြင်နိုင်သရွေ့ ယင်းမှာ အကောင်းဆုံး ဖြစ်ပါသည်။) သင်တို့ နောက်ဆုံးတွင် နားလည်သွားကြပြီ၊ ဤအစီအစဉ်များ၏ ရည်ရွယ်ချက်မှာ ဘုရားသခင်အတွက် သက်သေခံရန်ဖြစ်ပြီး အခြားမည်သည့်အရာမျှ မဟုတ်ပေ။ ဘုရားသခင်အတွက် သက်သေခံခြင်းသည် ငါတို့အနေဖြင့် ဘုရားသခင်ကို အရှက်မရစေရ သို့မဟုတ် ဘုရားအိမ်တော်ကို အမြင်မတင့်တယ်စေရဟူသည်ကို ထည့်သွင်းစဉ်းစားရန် လိုအပ်သည်။ သေချာပေါက်ပင် ငါတို့သည် ဝတ်စုံများ၏ အထည်သားနှင့် ဒီဇိုင်းမှာ ဝတ်ဆင်ရန် သက်သောင့်သက်သာ ရှိသင့်သည်ကိုလည်း ထည့်သွင်းစဉ်းစားရမည်။ ဆိုလိုသည်မှာ သင် ဤအဝတ်အစားများကို ဝတ်ဆင်ထားသည်ကို မြင်တွေ့ရသော ဂုဏ်သိက္ခာရှိပြီး ဖြောင့်မှန်သည့် မည်သူမဆိုက ယင်းတို့ကို လက်သင့်ခံနိုင်ဖွယ်ဖြစ်သည်ဟု တွေးထင်လိမ့်မည်၊ သင်သည် ဘုရားသခင်ကို ယုံကြည်သူတစ်ဦးကဲ့သို့ ပုံပေါက်ပြီး ဘာသာတရား မရှိသူတစ်ဦး သို့မဟုတ် ရုပ်ရှင်သရုပ်ဆောင် သို့မဟုတ် အဆိုတော်တစ်ဦးကဲ့သို့ ပုံပေါက်မည့်အစား ဘုရားသခင်၏ လူများကို ကိုယ်စားပြုနိုင်သည်ဟု တွေးထင်လိမ့်မည်၊ ပြီးလျှင် တစ်ချက်ကြည့်ရုံဖြင့် သင်သည် ဂုဏ်သိက္ခာရှိပြီး ဖြောင့်မှန်သော လူတစ်ဦးဖြစ်ကြောင်းကို လူတစ်ဦးက သိနိုင်ပေသည်။ ဤအရာကို အကဲဖြတ်ကြည့်သော် အမှုအရာများကို သဘောထားပြုမူခြင်းအတွက် ငါ၏ အမြင်ရှုထောင့်များနှင့် ငါ၏ ပုံမှန် လူ့သဘာဝအတွင်း၌ ငါလိုက်နာသော စည်းမျဉ်းများသည် သင်တို့နှင့် အတူတူပင်ဖြစ်သည်ဟု သင်တို့ ထင်သလော။ (မထင်ပါ။) ယင်းတို့သည် သေချာပေါက် အတူတူ မဟုတ်ပေ။ သို့ဖြစ်၍ ငါ့ကို ပြောလော့၊ ငါလိုက်နာသော ဤစည်းမျဉ်းများသည် မြင့်မြတ်ပြီး ကြီးကျယ်ခမ်းနားသလော။ ယင်းတို့သည် ထူးကဲသလော။ ယင်းတို့သည် လုံးဝ မြင့်မြတ်ပြီး ကြီးကျယ်ခမ်းနားခြင်း မရှိပေ။ ယင်းတို့သည် အထူးသဖြင့် ပုံမှန်ဖြစ်ကြသည်။ ငါကျင့်သုံးသော စည်းမျဉ်းများနှင့် အမှုအရာများကို လုပ်ဆောင်ရာတွင် ငါအောင်မြင်လိုသော ရလဒ်များအားလုံးသည် အလွန် လက်တွေ့ကျပြီး ငါသည် မည်သည့်အခါမျှ မကြွားဝါပေ။ ငါတို့သည် သင်တို့အားလုံး အမှုအရာများကို ရှုမြင်သည့်ပုံစံအတိုင်း လုပ်ဆောင်ရမည်ဆိုလျှင် အစီအစဉ်များအတွက် ဝတ်စုံများကို ရွေးချယ်ရာတွင် ငါတို့သည် ရိုးရာဆန်ပြီး ရှေးဟောင်းနည်းလမ်းများကို စွဲကိုင်ထားမည်၊ သို့မဟုတ် လောကီ ခေတ်ရေစီးကြောင်းများနောက် လိုက်ကြမည် ဖြစ်သည်။ အချို့လူများက “မျက်လုံး အမည်းရောင် ဆိုးခြင်း၊ မျက်တောင်တုများ တပ်ခြင်း၊ နှာခေါင်းကွင်းများနှင့် နားကွင်းအကြီးကြီးများ တပ်ဆင်ခြင်းတို့သည် လောကတွင် ရေပန်းစားပါသည်။ ကျွန်ုပ်တို့သည်လည်း ညီအစ်ကိုမောင်နှမများကို ရုပ်ချောပြီး လှပစေရန် ဝတ်စားဆင်ယင်ပေးသင့်ပါသည်။ ၎င်းတို့၏ အဝတ်အစားများသည် လှပတင့်တယ်သင့်သည်သာမက ၎င်းတို့၏ မိတ်ကပ်သည်လည်း သွေးဆောင်ဖြားယောင်းနိုင်စွမ်း ရှိသင့်ပါသည်။ လောကီ အဆိုတော်များနှင့် ရုပ်ရှင်သရုပ်ဆောင်များက ၎င်းတို့ထက် ပိုသာသွားခြင်းမျိုး မဖြစ်သင့်ဘဲ ၎င်းတို့က ပို၍ပင် အဆင့်အတန်းမြင့်ကာ ခမ်းနားထည်ဝါပုံရသင့်ပါသည်။ ဘုရားသခင်ကို ယုံကြည်သူများသည် ထိုသူတို့ထက် ပို၍ မွန်မြတ်သင့်သည်၊ သို့ဖြစ်၍ ဤသည်မှာ ဖျော်ဖြေသူများကို ဝတ်စားဆင်ယင်ပေးသောအခါ ကျွန်ုပ်တို့ လျှောက်လှမ်းသင့်သည့် ဦးတည်ချက် ဖြစ်ပါသည်” ဟု ပြောကြသည်။ သို့ဆိုလျှင် ဤဖျော်ဖြေသူများသည် ၎င်းတို့အပေါ်တွင် လှပတင့်တယ်သော အရာတစ်ခုတလေမျှ မပါဘဲ စင်မြင့်ပေါ်သို့ ထွက်သွားရခြင်းမှာ အဘယ်ကြောင့်နည်း။ အကြောင်းမှာ ငါသည် ဤနေရာတွင် အရာအားလုံးကို စိစစ်နေသောကြောင့် ဖြစ်သည်။ ၎င်းတို့သည် ခေတ်သစ်ကို လိုက်နာသူများဖြစ်စေ၊ ရိုးရာကို လိုက်နာသူများဖြစ်စေ ၎င်းတို့အားလုံးသည် ဘေးဖယ်ထားခြင်း ခံရပြီးဖြစ်သည်၊ ၎င်းတို့တွင် မိမိတို့၏ “ကျွမ်းကျင်မှုများ” ကို ကြွားဝါရန် အခွင့်အရေး တစ်စက်မျှ မရှိပေ။ ၎င်းတို့သည် ငါ၏ ချုပ်တည်းခြင်းကို ခံရပြီးဖြစ်သည်။ သင်တို့သည် စိစစ်ခြင်းကို လုပ်ဆောင်သူများဖြစ်ပါက ဤလူများအား ၎င်းတို့၏ “ကျွမ်းကျင်မှုများ” ကို ကြွားဝါရန် အခွင့်အရေး ပေးမည်လော။ (မပေးပါ။) အဘယ်ကြောင့် မပေးမည်နည်း။ (အခွင့်အရေး ပေးခံရပါက ၎င်းတို့သည် လမ်းကြောင်းမှ သွေဖည်သွားကြပါလိမ့်မည်။ ၎င်းတို့သည် ဘုရားအိမ်တော်က သတ်မှတ်ထားသော စည်းမျဉ်းများကို လိုက်နာကြမည် မဟုတ်ပါ။) အခွင့်အရေး ပေးခံရပါက ၎င်းတို့သည် ဖျော်ဖြေသူများကို နတ်ဆိုးများကဲ့သို့ ဝတ်စားဆင်ယင်ပေးကြလိမ့်မည်။ ၎င်းတို့သည် လူ့အဖွဲ့အစည်းတွင် ရေပန်းစားသော အရာများကဲ့သို့ ဖျော်ဖြေရေး အစီအစဉ်များကို ထုတ်လုပ်ကြလိမ့်မည်ဖြစ်ပြီး ဘုရားသခင်အတွက် သက်သေခံရန် ရည်ရွယ်ထားသော အစီအစဉ်များကို အများပြည်သူကို နှစ်သက်စေသည့် ဖျော်ဖြေရေး အစီအစဉ်များအဖြစ်သို့ ပြောင်းလဲပစ်ကာ ယင်းတို့တွင် ပါဝင်သူများကို နတ်ဆိုးများနှင့် သရဲတစ္ဆေများကဲ့သို့ ပုံပေါက်စေကြလိမ့်မည်။ ထိုအခါ အစီအစဉ်များသည် ကြည့်ရှု၍ ကောင်းနေဦးမည်လော။ အစီအစဉ်များသည် သဘောသဘာဝအရ ပြောင်းလဲသွားလိမ့်မည်၊ ယင်းတို့သည် ဘုရားသခင်အတွက် သက်သေခံနေမည် မဟုတ်ဘဲ ဘုရားသခင်ကို အရှက်ရစေမည်ဖြစ်ပြီး ယင်းတို့သည် ကျိန်ဆဲခံရရန်နှင့် ပိတ်ပင်ခံရရန် ထိုက်တန်လိမ့်မည်။ ဤသည်မှာ တာဝန်တစ်ခုကို ထမ်းဆောင်ခြင်း မဟုတ်ဘဲ မကောင်းမှုပြုခြင်း ဖြစ်လိမ့်မည်။ သင်တို့ နားလည်သလော။ (နားလည်ပါသည်။) သင်တို့သည် ဤမျှ အသေးအဖွဲ ကိစ္စရပ်တစ်ခုကိုပင် နားမလည်ခဲ့ကြပေ။ ယခု ငါက ယင်းကို ပို၍ ရှင်းလင်းပြီး ရိုးရှင်းစွာ ပြောပြပြီးဖြစ်သဖြင့် အချို့လူများက “ဪ ဤသို့ပါတကား။ ဘုရားအိမ်တော်က ၎င်း၏ အကအစီအစဉ်များအတွက် ထိုသို့သော ဝတ်စုံများကို အဘယ်ကြောင့် ရွေးချယ်သည်ကို ယခု ကျွန်ုပ် သိပါပြီ” ဟု ရုတ်တရက် သဘောပေါက်သွားကြသည်။ မည်သည့်ခေတ်ကာလဖြစ်ပါစေ လူတို့ လိုက်နာသင့်သည့် စည်းမျဉ်းမှာ အဘယ်အရာ ဖြစ်သနည်း။ ယင်းမှာ အရာခပ်သိမ်းတွင် ဘုရားသခင်၏ နှုတ်ကပတ်တော်ကို စည်းမျဉ်းအဖြစ် ခံယူရန် ဖြစ်သည်။ အလုပ်တစ်ခုတလေကို လုပ်ဆောင်ရာတွင် သို့မဟုတ် ကိစ္စရပ်တစ်ခုတလေကို ကိုင်တွယ်ဖြေရှင်းရာတွင် သင်၏ ပထမဆုံး ပန်းတိုင်မှာ လူတို့ကို တည်ဆောက်ပေးရန် ဖြစ်သင့်ပြီး သင်၏ ဒုတိယ ပန်းတိုင်မှာ ဘုရားသခင်၏ အလုပ်ကို သက်သေခံရန် ဖြစ်သင့်သည်။ ဤသည်တို့မှာ စည်းမျဉ်းနှစ်ခု ဖြစ်သည်။ သို့ဖြစ်၍ ကိစ္စရပ်အားလုံးတွင် ဤသည်တို့မှာ လူတို့ လိုက်နာသင့်သည့် စည်းမျဉ်းနှစ်ခု ဖြစ်သည်။ သို့ဆိုလျှင် လူ့ဇာတိခံ ဘုရားသခင်၏ ပုံမှန် လူ့သဘာဝအတွင်း၌ ပိုင်ဆိုင်ထားသော ပုံမှန်ဖြစ်မှုနှင့် လက်တွေ့ကျမှုတို့သည်လည်း ဤစည်းမျဉ်းများကို လိုက်နာခြင်းတွင်သာ တည်ရှိသည်။ စည်းမျဉ်းများသည် ပြောင်းလဲခြင်း မရှိပေ၊ လူ့ဇာတိခံ ဘုရားသခင်သည် ရိုးရာကိုဖြစ်စေ ခေတ်သစ်ကိုဖြစ်စေ မလိုက်နာပေ။ ငါ၏ ပုံမှန် လူ့သဘာဝအတွင်း၌ ငါလိုက်နာသော စည်းမျဉ်းမှာ အသိစိတ်နှင့် ဆင်ခြင်တုံတရား၏ နယ်ပယ်အတွင်း၌ ငါ့ကိုယ်ငါ ကျင့်ကြံပြုမူပြီး အမှုအရာများကို လုပ်ဆောင်ရန် ဖြစ်သည်။ သို့ဆိုလျှင် ဘုရားအိမ်တော်၏ အလုပ်ကို လုပ်ဆောင်ရာတွင် ငါသည် မည်သည့်စည်းမျဉ်းများကို လိုက်နာသနည်း။ ယင်းမှာ ငါလုပ်ဆောင်သည့် အရာခပ်သိမ်းတွင် လူတို့ကို အကျိုးပြုရန်၊ ၎င်းတို့ကို အကျိုးပြုပြီး တည်ဆောက်ပေးသည့် အရာများကို လုပ်ဆောင်ရန် ဖြစ်သည်။ ထို့အပြင် ယင်းမှာ ဘုရားသခင်အတွက် သက်သေခံခြင်းနှင့် ဘုရားသခင်၏ နှုတ်ကပတ်တော်များကို ဖြန့်ချိခြင်းဆိုင်ရာ စည်းမျဉ်းများကို လိုက်နာလျက် ဘုရားသခင်အတွက် သက်သေခံခြင်း အလုပ်ကို လုပ်ဆောင်ရန် ဖြစ်သည်။ ဤသည်မှာ အမှန်ဖြစ်သည်ဟု သင်တို့ ပြောမည်လော။ (ဟုတ်ပါသည်။) ဤသို့ မိတ်သဟာယဖွဲ့ခြင်းအားဖြင့် သင်တို့သည် ယခု ငါ့ကို ပို၍ ကောင်းမွန်စွာ နားလည်ပြီလော။ (နားလည်ပါသည်။) ငါသည် ဤအရာများအကြောင်းကို အသေးစိတ် မပြောပြပါက သင်တို့သည် ယင်းတို့အပေါ် ရှင်းလင်းမည် မဟုတ်ပေ။ သင်တို့သည် ဤမျှ ရိုးရှင်းသော ကိစ္စရပ်တစ်ခုကိုပင် ဉာဏ်မမီနိုင်ကြပေ။ အမှန်တွင် ယင်းမှာ လုံးဝ နက်နဲသိမ်မွေ့ခြင်း မရှိပေ၊ ယင်းတို့အားလုံးသည် အလွန် လက်တွေ့ကျပြီး သာမန်ဖြစ်သည်။ ယင်းသည် မည်မျှ သာမန်ဖြစ်သနည်း။ ယင်းသည် ပုံမှန် လူ့သဘာဝ၏ ဆင်ခြင်တုံတရားနှင့် အလွန် ကိုက်ညီသည်။ ဆိုလိုသည်မှာ အကယ်၍ သင်သည် ပုံမှန် လူ့သဘာဝ၏ ဆင်ခြင်တုံတရား ရှိပါက ယင်းကို သင် နားလည်နိုင်သော်လည်း သင်၌ မရှိပါက ယင်းကို နားလည်ရန် သင့်အတွက် အလွန် ခက်ခဲလိမ့်မည်၊ မည်သည့်အရာ ဖြစ်ပျက်နေသည်ကို သင် နားမလည်နိုင်မီ ယင်းကို ငါက ရှင်းလင်းပြီး စေ့စေ့စပ်စပ် ရှင်းပြရမည်ဖြစ်ကာ သင့်အတွက် ရှင်းလင်းစွာ ပြောပြပြီး အသေးစိတ် ရှင်းပြရမည် ဖြစ်သည်။ ယင်းမှာ သမ္မာတရား စည်းမျဉ်းများ၏ အဆင့်သို့ပင် မရောက်ရှိသော ဤမျှ ရိုးရှင်းသည့် ကိစ္စရပ်တစ်ခု ဖြစ်သော်လည်း သင်တို့သည် ယင်းကို ရှင်းလင်းစွာ မရှင်းပြနိုင်သေးပေ။ ဤနေရာတွင် မည်သည့်အရာ ဖြစ်ပျက်နေသနည်း။ ဤကိစ္စရပ်သည် နက်နဲသိမ်မွေ့ပြီး ဉာဏ်မမီနိုင်ခြင်း ဖြစ်သလော။ (မဟုတ်ပါ။) သို့ဆိုလျှင် သင်တို့သည် ယင်းကို အဘယ်ကြောင့် အသေအချာ မရှင်းပြနိုင်ကြသနည်း။ ယေဘုယျအားဖြင့် ပြောရလျှင် ယင်းမှာ သင်တို့သည် သမ္မာတရားကို နားမလည်သောကြောင့် ဖြစ်သည်။ ပို၍ အသေးစိတ်ကျသော အဆင့်တွင် ယင်းမှာ သင်တို့၏ ပုံမှန် လူ့သဘာဝနှင့် ဆင်ခြင်တုံတရားတို့တွင် အချို့သောအရာများ ကင်းမဲ့နေပြီး အပြစ်အနာအဆာများ ရှိနေသောကြောင့် ဖြစ်သည်။ ဂုဏ်သိက္ခာရှိပြီး ဖြောင့်မှန်ခြင်းနှင့်ပတ်သက်လာလျှင် သင်တို့သည် ရိုးရာနှင့် ရှေးဟောင်းနည်းလမ်းများကို စွဲကိုင်ထားကြသည်။ ပုံမှန် လူ့သဘာဝနှင့်ပတ်သက်လာလျှင် ပုံမှန် လူ့သဘာဝ ရှိခြင်းဆိုသည်မှာ အရူးတစ်ယောက်ကဲ့သို့ ဟန်ဆောင်မှုကင်းခြင်းဖြစ်သည်ဟု သင်တို့ ထင်ကြသည်။ ဤသည်က သင်တို့၏ အစွမ်းအစသည် အမှန်တကယ် ညံ့ဖျင်းကြောင်းနှင့် သင်တို့တွင် မည်သည့် သဘောပေါက်နားလည်နိုင်စွမ်းမျှ မရှိကြောင်းကို ပြသနေသည် မဟုတ်လော။ (ဟုတ်ပါသည်။) ယင်းမှာ ပြဿနာ အတိအကျပင် ဖြစ်သည်။ ကောင်းပြီ၊ ထိုအရာနှင့်ပတ်သက်၍ လုံလောက်ပြီ။

ပြီးခဲ့သည့်တစ်ကြိမ်တွင် “လူ့ဇာတိခံထားသော ဘုရားသခင်ကို ဖောက်ပြန်ပျက်စီးသော လူသားမျိုးနွယ်နှင့် တစ်တန်းတည်း မဖော်ပြခြင်း” ဟူသော ခေါင်းစဉ်အတွင်းရှိ လူ့ဇာတိခံထားသော ဘုရားသခင်၏ “ကျိတ်မကြံစည်ခြင်း” အကြောင်းအရာနှင့်ပတ်သက်၍ ငါတို့ မိတ်သဟာယဖွဲ့ခဲ့ကြသည်။ ယနေ့တွင် “အခြားသူများကို မတိုက်ခိုက်ခြင်း” အကြောင်းအရာနှင့်ပတ်သက်၍ ငါတို့ မိတ်သဟာယဖွဲ့ကြမည်။ အခြားသူများကို မတိုက်ခိုက်ခြင်းသည် လူ့ဇာတိခံထားသော ဘုရားသခင်၏ ပုံမှန် လူ့သဘာဝက ပိုင်ဆိုင်ထားသော အနှစ်သာရနှင့် အသက်ရှင်နေထိုင်ခြင်း၏ အစိတ်အပိုင်းတစ်ခုဖြစ်ပြီး လူတို့ကို ဆက်ဆံရာတွင် ပုံမှန် လူ့သဘာဝ၏ အသိစိတ်နှင့် ဆင်ခြင်တုံတရားက လိုက်နာသော စည်းမျဉ်းများထဲမှ တစ်ခုဖြစ်သည်။ ဆိုလိုသည်မှာ လူ့ဇာတိခံထားသော ဘုရားသခင်သည် အနည်းဆုံးအနေဖြင့် သင်နှင့် အေးအေးချမ်းချမ်း ပေါင်းသင်းဆက်ဆံနိုင်သည်။ သင်သည် မည်သို့သော လူစားမျိုးဖြစ်ပါစေ၊ သင်သည် အစွမ်းအစ ပိုကောင်းသူဖြစ်စေ၊ အစွမ်းအစ ပိုညံ့ဖျင်းသူဖြစ်စေ၊ လူ့သဘာဝ ပိုကောင်းသူဖြစ်စေ၊ လူ့သဘာဝ ပိုညံ့ဖျင်းသူဖြစ်စေ လူ့ဇာတိခံထားသော ဘုရားသခင်သည် သင့်ကို မှန်ကန်စွာ ဆက်ဆံနိုင်ပြီး သင်နှင့် သင့်မြတ်စွာ ပေါင်းသင်းဆက်ဆံနိုင်သည်။ သင့်ထံတွင် အပြစ်အနာအဆာ သို့မဟုတ် ချို့ယွင်းချက်အချို့ ရှိကြောင်း၊ သို့မဟုတ် သင်၏ လူ့သဘာဝအတွင်း၌ ဆိုးရွားသော အနှစ်သာရအချို့ပင် ရှိကြောင်း၊ သို့မဟုတ် သင်သည် ဒုစရိုက်အမှုအချို့ကို ကျူးလွန်ခဲ့ကြောင်းကို ငါ တွေ့ရှိပါက အခွင့်အရေးရှိလျှင် သို့မဟုတ် အခြေအနေများက ခွင့်ပြုလျှင် ငါသည် သင်နှင့် ပွင့်လင်းစွာ မိတ်သဟာယဖွဲ့မည်။ သင်သည် ယင်းကို လက်ခံနိုင်ပါက ငါသည် သင်၏ ပြဿနာများကို ပွင့်လင်းစွာ ဖော်ထုတ်မည်ဖြစ်ပြီး ယင်းတို့ကို ဖြေရှင်းရန် လမ်းကြောင်းကို သင့်အား ထောက်ပြမည်။ သို့သော် သင်သည် ယင်းကို လက်ခံနိုင်ခြင်း မရှိပါက ငါသည် သင့်လျော်သော အချိန်တစ်ခုတွင် သင့်ကို သတိပေးရန်၊ သင့်ကို ဖော်ထုတ်ရန်နှင့် သင့်ကို နှိုးဆော်ရန်အလို့ငှာ ငါတွေ့ရှိထားသော လက်တွေ့ဘဝ ပြဿနာတစ်ခုကို အသုံးပြုကောင်း အသုံးပြုမည်ဖြစ်ပြီး သင်၏ ပြဿနာမှာ သင်၏ လူ့သဘာဝ၊ သင်၏ အစွမ်းအစနှင့် ပတ်သက်သည့် ပြဿနာဖြစ်စေ၊ သင်၏ ဖောက်ပြန်ပျက်စီးသော စိတ်သဘောထားနှင့်ပတ်သက်သည့် ပြဿနာတစ်ခုဖြစ်စေ အဘယ်အရာဖြစ်သည်ကို သင့်အား သိရှိခွင့်ပေးမည်။ သင့်တွင် မည်သည့်ပြဿနာ ရှိသည်ဟူသည့်အပေါ် အခြေခံ၍ ငါသည် သင့်ကို သတိပေးပြီး ဆုံးမမည်ဖြစ်ကာ သင်၏ မလုံလောက်မှုများ သို့မဟုတ် သင်၏ ပြဿနာမှာ မည်သည့်နေရာတွင် ရှိသည်ကို သင့်အား သိရှိခွင့်ပေးမည်ဖြစ်ပြီး ထို့နောက် ဤပြဿနာမျိုး၏ အနှစ်သာရမှာ အဘယ်အရာဖြစ်သည်နှင့် ဤပြဿနာရှိသော လူများအပေါ် ဘုရားသခင်၏ သဘောထားမှာ အဘယ်အရာဖြစ်သည်ကို သင့်အား ငါပြောပြမည်။ သင်သည် ယင်းကို လက်ခံရန် လိုလားပြီး ဇာတိပကတိကို ပုန်ကန်ကာ သမ္မာတရားကို လက်တွေ့လုပ်ဆောင်နိုင်ပါက လက်တွေ့လုပ်ဆောင်ခြင်း လမ်းကြောင်းအပြင် ဤပြဿနာမျိုးကို မည်သို့ ကိုင်တွယ်ပြီး ဖြေရှင်းရမည်ဟူသည်ကို သင့်အား ငါပြောပြမည်။ ငါသည် သင်၏ ပြဿနာများနှင့် ချို့ယွင်းချက်များကို သင့်အား နိုင်ကွက်အဖြစ် သို့မဟုတ် အမြတ်ထုတ်ရန် အားနည်းချက်များအဖြစ် အမိအရအသုံးချမည် မဟုတ်ဘဲ ထို့နောက် အခါအားလျော်စွာ သင့်ကို လှောင်ပြောင်ခြင်း သို့မဟုတ် သရော်ခြင်း သို့မဟုတ် ယင်းတို့နှင့်ပတ်သက်၍ ခနဲ့တဲ့တဲ့ မှတ်ချက်များ ပေးခြင်းတို့ကို ပြုလုပ်မည် မဟုတ်ပေ။ ငါသည် ထိုသို့ ပြုလုပ်မည် မဟုတ်ပေ၊ ငါသည် သင်နှင့် သင်၏ လက်ရှိ ပြဿနာများကို တရားမျှတပြီး ဓမ္မဓိဋ္ဌာန်ကျစွာ ဆက်ဆံမည်။ ငါသည် သင့်ကို သတိပေးချက်အချို့ ပေးသော်လည်း သင်သည် သတိပြုမိခြင်း ကင်းမဲ့ပြီး ငါပြောခဲ့သည့်အရာက သင်နှင့် သက်ဆိုင်မှု တစ်ခုတလေ ရှိသည်ဟု မခံစားရပါက သို့မဟုတ် သင်၏ ပြဿနာနှင့်ဆိုင်သော သဘောသဘာဝသည် ပြင်းထန်ဆိုးရွားကြောင်း သင့်အား ငါပြောပြသော်လည်း သင်သည် ယင်းကို လက်ခံခြင်း မရှိဘဲ သင်သည် ယင်းကို ငြင်းပယ်ကာ အတိုက်အခံလုပ်ပြီး ငြင်းခုံရန်နှင့် မှန်ကြောင်းရှင်းချက်ထုတ်ရန် ဆင်ခြေများကိုပင် ပေးလာပါက ငါသည် အခြေအနေအရ အမှုအရာများကို အကဲဖြတ်မည်။ သင် လုပ်ဆောင်သော အလုပ်သည် အလွန် အရေးကြီးပြီး သင်၏ ပြဿနာက အသင်းတော်၏ အလုပ်ကို ထိခိုက်စေခဲ့ပါက သင်သည် ဤတာဝန်အတွက် သင့်လျော်ခြင်း ရှိမရှိဟူသည်ကို ငါ ထည့်သွင်းစဉ်းစားမည်။ သို့သော် သင်သည် သာမန် ယုံကြည်သူတစ်ဦးမျှသာ ဖြစ်ပြီး သင် လုပ်ဆောင်သော တာဝန်နှင့် သင်၏ သရုပ်သကန်များသည် အသင်းတော်၏ အလုပ် သို့မဟုတ် ဘုရားသခင် ရွေးချယ်ထားသော လူများအပေါ် ကြီးမားသော သက်ရောက်မှု မရှိဘဲ ယင်းမှာ သင်၏ ကိုယ်ရေးကိုယ်တာ ပြဿနာမျှသာ ဖြစ်ပါက ငါသည် စေတနာဖြင့် သင့်ကို သတိပေးချက်များနှင့် အကူအညီ ပေးမည်။ သင်သည် ယင်းကို အလေးအနက် မထားပါက ငါသည် သင့်အပေါ် မည်သည့် အာဃာတမျှ ထားရှိမည် မဟုတ်သည့်အပြင် သေချာပေါက်ပင် ဖြစ်နိုင်သမျှ နည်းလမ်းတိုင်းကို ကြိုးစား၍ သင့်အား ယင်းကို အတင်း လက်ခံခိုင်းမည် မဟုတ်ပေ။ ငါသည် ဤကိစ္စရပ်ကို အလွန် ဆင်ခြင်တုံတရားရှိစွာ သဘောထားပြုမူမည်ဖြစ်ပြီး စေတနာဖြင့် သင့်ကို သတိပေးချက်များနှင့် အကူအညီ ဆက်လက် ပေးမည်။ သင်၏ ပြဿနာနှင့်ဆိုင်သော အနှစ်သာရသည် သင်ကိုယ်တိုင် သို့မဟုတ် အခြားသူများအတွက် အပျက်သဘောဆောင်သော အကျိုးဆက်များကို ဖြစ်ပေါ်စေမည်ကို ငါ မြင်တွေ့နိုင်ပါက သင် အရူးလုပ်ခံရသည်ကို ကြည့်နေမည့်အစား ငါ၏ အသိစိတ်က လှုံ့ဆော်မှုကြောင့် စေတနာဖြင့် သင့်ကို သတိပေးချက်များနှင့် အကူအညီ ပေးမည်။ ငါသည် “သင်က မျှော်လင့်ချက် မရှိပါ၊ ဘုရားသခင်က သင့်ကို ရွံရှာသည်၊ ပြီးလျှင် သင်သည် ပျက်စီးခြင်းသို့ရောက်မည့်သူ ဖြစ်သည်” ဟု ပြောလျက် သင့်ကို ဖြစ်ကတတ်ဆန်း သတ်မှတ်မည် မဟုတ်သည့်အပြင် “အသင် နတ်ဆိုး၊ အသင် စာတန်၏ သားစဉ်မြေးဆက်၊ ဘုရားသခင်ကို အတိုက်အခံလုပ်သော သင်” ဟု ပြောလျက် ငါ၏ ပါးစပ်ဟကာ သင့်ကို ကျိန်ဆဲမည့်အရေးက သာ၍ပင် ဝေးသေးသည်။ ငါသည် ဤအရာကို လုံးဝ လုပ်ဆောင်မည် မဟုတ်ပေ။ ငါ၏ ပင်ကိုလက္ခဏာသည် အထူးသီးခြားဖြစ်သောကြောင့် ငါသည် မိမိကိုယ်ကို အလွန် ဆင်ခြင်တုံတရားရှိစွာ မကြာခဏ ချုပ်တည်းသည်၊ လူတစ်ဦးကို ငါ မည်သို့ ဆက်ဆံသည်နှင့် ၎င်းကို ငါ မည်သို့ စကားပြောဆိုသည်ဟူသည်မှာ ၎င်းက မည်သူဖြစ်သည်ဟူသည့်အပေါ် မူတည်ရမည်၊ ဤသည်မှာ ကဏ္ဍတစ်ရပ် ဖြစ်သည်။ ထို့အပြင် ငါသည် မည်သူ့ကိုမျှ ဖြစ်ကတတ်ဆန်း သတ်မှတ်၍မဖြစ်ပေ။ ပြီးလျှင် အခြားတစ်ချက်အနေဖြင့် ငါ၏ လေသံ၊ စကားလုံး ရွေးချယ်မှု သို့မဟုတ် စကားအသုံးအနှုန်းမှတစ်ဆင့် ငါပြောဆိုပြီး လုပ်ဆောင်သည့်အရာသည် စေတနဖြင့် ဖြစ်ပြီး မလိုမုန်းထားခြင်း ကင်းမဲ့ကြောင်းကို အခြားသူအား ငါ ခံစားရစေရမည်။ ငါ၏ ကြံရွယ်ချက်နှင့်ပတ်သက်၍မူ ငါသည် သင့်ကို ကူညီရန် စိတ်ရင်းခံဖြင့် ကြိုးစားနေခြင်း ဖြစ်သည်၊ သင် လမ်းလွဲသွားသည်ကို ငါ မမြင်လိုသည့်အပြင် သင် အားနည်းလာကာ တွေဝေလာသည်ကိုဖြစ်စေ၊ အမှုအရာများနှင့် ကြုံတွေ့ရသောအခါ သင်၏ ဦးတည်ရာကို ပျောက်ဆုံးသွားသည်ကိုပင်ဖြစ်စေ၊ လမ်းလွဲသွားသည်ကိုပင်ဖြစ်စေ ငါ မမြင်လိုပေ။ ထိုအစား ငါ မိတ်သဟာယဖွဲ့ပြီး သင့်ကို ကူညီပြီးနောက်တွင် သင်သည် မိမိကိုယ်ကို မှန်ကန်စွာ ရှုမြင်နိုင်ရန်၊ အပျက်သဘောဆောင်ခြင်းထဲသို့ ကျဆင်းခြင်းမှ ရှောင်ကြဉ်နိုင်ရန်၊ သင်၏ ဖောက်ပြန်ပျက်စီးသော စိတ်သဘောထားများနှင့် သင့်တွင်ရှိသော ပြဿနာများကို တိကျမှန်ကန်စွာ နားလည်မှု ရှိနိုင်ရန်နှင့် မိမိကိုယ်ကို မှန်ကန်စွာ ဆက်ဆံနိုင်ရန်၊ ပြီးလျှင် ဘုရားသခင်၏ နှုတ်ကပတ်တော်များမှ လက်တွေ့လုပ်ဆောင်ခြင်း လမ်းကြောင်းတစ်ခုကို ရှာဖွေနိုင်ရန်နှင့် ဘုရားသခင်၏ နှုတ်ကပတ်တော်များအတိုင်း သင်၏ ဖောက်ပြန်ပျက်စီးသော စိတ်သဘောထားများနှင့် သင်၏ ပြဿနာများကို တဖြည်းဖြည်း ဖြေရှင်းနိုင်ရန်အပြင် အခြားသူများနှင့် အခင်အမင်မပျက် ပေါင်းသင်းဆက်ဆံနိုင်ပြီး ၎င်းတို့ကို ကူညီပေးနိုင်ရန် ငါ မျှော်လင့်သည်။ ဆိုလိုသည်မှာ လူတို့နှင့် ဆက်သွယ်ပြောဆိုသောအခါ ငါပြောဆိုပြီး လုပ်ဆောင်သည့်အရာက ၎င်းတို့အား ဘုရားသခင်၏ ရည်ရွယ်ချက်များကို နားလည်စေရန်၊ ဘုရားသခင်က လူတို့အား မည်သည့်စည်းမျဉ်းများကို သတ်မှတ်သည်ကိုလည်းကောင်း၊ လူတို့တွင်ရှိသော အမျိုးမျိုးသော ပြဿနာများအပေါ် ဘုရားသခင်၏ သဘောထားများနှင့် အမြင်ရှုထောင့်များမှာ အဘယ်အရာ ဖြစ်သည်ကိုလည်းကောင်း၊ ဘုရားသခင်၏ တောင်းဆိုချက်များနှင့် ကိုက်ညီရန်၊ ဘုရားသခင်ကို စိတ်ကျေနပ်စေရန်အလို့ငှာ လူတို့သည် ဤပြဿနာများကို မည်သို့ ကိုင်တွယ်ဖြေရှင်းသင့်သည်ကိုလည်းကောင်း၊ ၎င်းတို့၏ ပြဿနာများကို ဖြေရှင်းရန် သမ္မာတရားကို ၎င်းတို့ မည်သို့ ရှာဖွေသင့်သည်ကိုလည်းကောင်း သိရှိစေနိုင်ရန် သေချာစေဖို့ ငါ ကြိုးပမ်းအားထုတ်သည်။ ငါ၏ ရည်မှန်းချက်မှာ လူတို့သည် အမျိုးမျိုးသော လူများ၊ ဖြစ်ရပ်များနှင့် အမှုအရာများကို ကိုင်တွယ်ဖြေရှင်းသောအခါနှင့် ၎င်းတို့၏ ဖောက်ပြန်ပျက်စီးသော စိတ်သဘောထားများ ထုတ်ဖော်ခံရသောအခါ ဤပြဿနာများကို မှန်ကန်စွာ သဘောထားပြုမူပြီး ဖြေရှင်းရန် ၎င်းတို့ကို ကူညီပေးဖို့ဖြစ်ပြီး နောက်ဆုံး ရလဒ်မှာ ၎င်းတို့သည် သမ္မာတရားနှင့် ဘုရားသခင်ကို ကျိုးနွံနာခံရန် ဖြစ်သည်။ သေချာပေါက်ပင် ဤနှစ်များတစ်လျှောက် အလုပ်လုပ်ခြင်းနှင့် စကားပြောဆိုခြင်းတို့တွင် ငါ ထိတွေ့ဆက်ဆံခဲ့ရသော အမျိုးမျိုးသော လူများအပေါ် အခြေခံ၍ အဖြစ်မှန်တစ်ခုကို ငါ အသိအမှတ်ပြုလာခဲ့သည်၊ ငါသည် လူတို့နှင့် မည်မျှပင် တည်ငြိမ်စွာ စကားပြောဆိုပြီး ဆွေးနွေးပါစေ၊ မည်သူ့ကိုမဆို ကူညီလိုရာတွင် ငါ၌ စေတနာ မည်မျှရှိပါစေ၊ မည်သို့သော စိတ်သဘောထားမျိုး ရှိပါစေ ငါပြောဆိုသည့်အရာနှင့် ယင်းကို ငါပြောဆိုရသည့် အကြောင်းရင်းကို ခံစားသိရှိနိုင်သူ သို့မဟုတ် နားလည်နိုင်သူ အလွန်နည်းပါးပြီး ထို့နောက် ငါပြောဆိုခဲ့သော နှုတ်ကပတ်တော်များ၊ ၎င်းတို့နှင့်အတူ ငါ မိတ်သဟာယဖွဲ့ခဲ့သော အကြောင်းအရာများမှတစ်ဆင့် ၎င်းတို့၏ လက်တွေ့ဘဝတွင် တိုးတက်မှု ပြုလုပ်နိုင်သူ သို့မဟုတ် စစ်မှန်ပြီး လက်တွေ့ကျသော အကူအညီကို ရရှိနိုင်သူ အလွန်နည်းပါးသည်။ သို့သော် လူတို့သည် ငါနှင့် ဆက်သွယ်ပြောဆိုခြင်းနှင့် ထိတွေ့ဆက်ဆံခြင်းမှတစ်ဆင့် နောက်ဆုံးတွင် မည်မျှပင် ရိတ်သိမ်းပြီး ရရှိပါစေ၊ လူတို့နှင့် ထိတွေ့ဆက်ဆံခြင်းအတွက် ငါ၏ စည်းမျဉ်းများသည် ပြောင်းလဲခြင်း မရှိပေ။ အချို့လူများက “သို့ဆိုလျှင် ကိုယ်တော်သည် ကိုယ်တော်၏ နည်းလမ်းကို အဘယ်ကြောင့် မပြောင်းလဲသနည်း” ဟု ပြောကြသည်။ ငါ့ကို ပြောလော့၊ ငါသည် ငါ၏ နည်းလမ်းကို အဘယ်ကြောင့် မပြောင်းလဲသနည်း။ ငါသည် ငါ၏ နည်းလမ်းကို ပြောင်းလဲသင့်သလော။ လူတို့ကို စကားပြောဆိုသောအခါ မောရှေထံ ပညတ်တော်ဆယ်ပါးကို ကြေညာသကဲ့သို့ မြင့်မားသော နေရာတစ်ခုမှနေ၍ ငါ စကားပြောဆိုသင့်သလော။ ငါ၏ အသံသည် ကောင်းကင်ရှိ မိုးခြိမ်းသံကဲ့သို့ ဖြစ်သင့်သလော၊ သို့မဟုတ် လူတို့ ကြောက်ရွံ့လာစေရန်၊ ငါပြောဆိုသည့်အရာကို လွယ်ကူစွာ မှတ်မိစေရန်နှင့် လက်တွေ့လုပ်ဆောင်ရန် လိုလားပြီး ကျိုးနွံနာခံနိုင်စေရန်အလို့ငှာ လေသံတစ်မျိုးမျိုးကို ငါ ကျင့်သုံးသင့်သလော။ သို့မဟုတ် လူတို့နှင့် ဆက်သွယ်ပြောဆိုသောအခါ ငါသည် ၎င်းတို့ကို ကျိန်ဆဲခြင်းနှင့် သတ်မှတ်ခြင်း လေသံဖြင့် အစဉ်သဖြင့် စကားပြောဆိုပါက လူတို့သည် ၎င်းတို့၏ သင်ခန်းစာကို ရရှိကြမည်လော။ ထိုအခါ ၎င်းတို့သည် ယင်းကို လက်ခံနိုင်ကြမည်လော။ (လက်မခံနိုင်ပါ။) အဘယ်ကြောင့် လက်မခံနိုင်သည်ကို သင်တို့ သိကြသလော။ ယခင်က ယေဟောဝါသည် မောရှေမှတစ်ဆင့် ပညတ်တော်ဆယ်ပါးကို ထုတ်ပြန်ခဲ့စဉ်က ဣသရေလလူတို့သည် ကောင်းကင်တွင် မိုးခြိမ်းသံကို ကြားခဲ့ရပြီး လျှပ်စီးလက်သည်ကို မြင်တွေ့ခဲ့ကြသည်၊ ဤအရာက ၎င်းတို့အား ယေဟောဝါကို ပုန်ကန်ခြင်းနှင့် ဝေဖန်ခြင်းမှ တားဆီးခဲ့သလော။ သင် စကားပြောဆိုရန် အသုံးပြုသည့် နည်းလမ်း၊ သင်၏ စကားများ၏ အကြောင်းအရာ သို့မဟုတ် စကားပြောဆိုရာတွင် သင်၏ ကြံရွယ်ချက်က မည်သို့ပင်ရှိစေကာမူ နားထောင်သူနှင့်ပတ်သက်လျှင် ၎င်းသည် သမ္မာတရားကို လက်ခံရန်နှင့် အပြုသဘောဆောင်သော အရာများကို ချစ်မြတ်နိုးရန် လိုလားစိတ်နှင့် လိုအပ်ချက်တို့ ပုဂ္ဂလဓိဋ္ဌာန်ကျကျ ရှိပါက၊ ၎င်း၏ စိတ်နှလုံးထဲတွင် ဤလိုအပ်ချက် ရှိပါက သင်သည် စကားပြောဆိုရန် မည်သည့်နည်းလမ်းကို အသုံးပြုသည်ဖြစ်စေ ၎င်းသည် ယင်းကို လက်ခံနိုင်လိမ့်မည်ဖြစ်ပြီး ယင်းကို လွယ်ကူစွာ မှတ်မိလိမ့်မည်။ သို့ရာတွင် ၎င်း၏ စိတ်နှလုံးထဲတွင် ဤလိုအပ်ချက် မရှိပါက ၎င်းသည် အပြုသဘောဆောင်သော အရာများနှင့် အပျက်သဘောဆောင်သော အရာများမှာ အဘယ်အရာဖြစ်သည်ကို သိရှိလျှင်ပင် သင်ပြောဆိုသည့်အရာသည် မည်မျှပင် မှန်ကန်ပါစေ၊ ယင်း၏ အရင်းအမြစ်နှင့် ကြံရွယ်ချက်တို့သည် မည်မျှပင် ခိုင်လုံပါစေ ၎င်းသည် သင်ပြောဆိုသည့် အရာကို တစ်ခုမျှ လက်ခံမည် မဟုတ်သည့်အပြင် ယင်းကို နှလုံးသွင်းမည်လည်း မဟုတ်ပေ။ ထို့ကြောင့် ငါ၏ ရှုထောင့်မှကြည့်လျှင် ဤအရာများကို လုပ်ဆောင်ခြင်းအတွက် ငါ၏ စည်းမျဉ်းမှာ ငါသည် မည်သူနှင့်မဆို ပုံမှန် မိတ်သဟာယဖွဲ့ရန် ဖြစ်သည်။ လူတစ်ဦးသည် ငါ့ထံမှ မည်သည့်အရာကို ရရှိနိုင်ပြီး ရိတ်သိမ်းနိုင်သည်ဟူသည်နှင့် ၎င်းသည် သမ္မာတရားကို ရရှိနိုင်ခြင်း ရှိမရှိဟူသည်နှင့်ပတ်သက်၍မူ အဓိကအချက်မှာ ၎င်းသည် သမ္မာတရားကို ချစ်မြတ်နိုးခြင်း ရှိမရှိဟူသည့်အပေါ်တွင် တည်ရှိပြီး ၎င်းတွင် ပုံမှန် လူ့သဘာဝ၏ လိုအပ်ချက်များ ရှိမရှိဟူသည့်အပေါ်တွင်လည်း တည်ရှိသည်။ ၎င်းသည် အပြုသဘောဆောင်သော အရာများကို မွေးရာပါ ချစ်မြတ်နိုးပါက ငါသည် ၎င်းနှင့် ဤကဲ့သို့ ပုံမှန် ထိတွေ့ဆက်ဆံပြီး စကားပြောဆိုသောအခါ ၎င်းသည် ငါပြောခဲ့သည့်အရာ၊ ဤစကားများ၏ နောက်ကွယ်ရှိ စည်းမျဉ်းများမှာ အဘယ်အရာဖြစ်သည်နှင့် ၎င်းကို လုပ်ဆောင်ရန် ငါ မည်သည့်အရာကို တိုက်တွန်းနှိုးဆော်ခဲ့သည်ဟူသည်တို့ကို စဉ်းစားသုံးသပ်နိုင်လိမ့်မည်၊ ၎င်းသည် နောက်ပိုင်းတွင် ဤအရာများကို စဉ်းစားသုံးသပ်လိမ့်မည်၊ ယင်းတို့ကို စိတ်ထဲတွင် မှတ်ထားလိမ့်မည်ဖြစ်ပြီး ထို့နောက် ဤနှုတ်ကပတ်တော်များအတိုင်း လက်တွေ့လုပ်ဆောင်လိမ့်မည်။ ဤသူသည် ၎င်း၏ လူ့သဘာဝတွင် အပြုသဘောဆောင်သော အရာများအတွက် လိုအပ်ချက် မရှိပါက ငါ မည်သည့်အရာကို ပြောသည်ဖြစ်စေ ယင်းမှာ အသုံးမဝင်ပေ။ ငါသည် ၎င်းကို ပြုပြင်လျှင်ဖြစ်စေ၊ ဆုံးမပဲ့ပြင်လျှင်ဖြစ်စေ သို့မဟုတ် ရိုက်နှက်ဆုံးမလျှင်ပင် ယင်းက မည်သည့်အရာကိုမျှ မဖြစ်စေပေ။ ရိုက်နှက်ဆုံးမခြင်း ခံရပြီးနောက်တွင် ၎င်းသည် အပြင်ပန်း၌ ကောင်းစွာပြုမူပြီး နာခံပုံရကောင်းရနိုင်သော်လည်း ၎င်း၏ စိတ်နှလုံးထဲတွင် အပြုသဘောဆောင်သော အရာများအတွက် လိုအပ်ချက် မရှိသောကြောင့် အမှုအရာများ ပြီးဆုံးသွားသည်နှင့်တစ်ပြိုင်နက် ၎င်း၏ စိတ်နှလုံးထဲတွင် အပြုသဘောဆောင်သော စကားများ၊ အပြုသဘောဆောင်သော အရာများ သို့မဟုတ် သမ္မာတရား စည်းမျဉ်းများ၏ အရိပ်အယောင် တစ်ခုတလေမျှ မရှိဘဲ ၎င်း ယခင်က ဖြစ်ခဲ့သည့်ပုံစံသို့ အလျင်အမြန် ပြန်သွားလိမ့်မည်။ ထို့ကြောင့် ဤကဲ့သို့သော လူများအတွက် သင် မည်မျှပင် ပြောဆိုပါစေ ၎င်းတို့အနေဖြင့် ပုံမှန် လူ့သဘာဝ၏ လိုအပ်ချက်များကို ဖြစ်ပေါ်လာစေရန် ၎င်းတို့ကို သင် မပြောင်းလဲနိုင်ပေ။ ဤသည်မှာ ကဏ္ဍတစ်ရပ် ဖြစ်သည်။ ထို့အပြင် အခြားသူများကို မတိုက်ခိုက်ခြင်းသည် အခြေခံအားဖြင့် သင်တို့ကို ငါ မည်သို့ ဆက်ဆံသည်နှင့်ပတ်သက်သည့် ငါ၏ စည်းမျဉ်းများထဲမှ တစ်ခုဖြစ်သည်။ သင်သည် မည်သို့သော လူစားမျိုးဖြစ်ပါစေ၊ သင်သည် သမ္မာတရားကို လိုက်စားသည်ဖြစ်စေ မလိုက်စားသည်ဖြစ်စေ၊ ငါသည် သင်၏ ပြဿနာတစ်ခုခုကို ဖော်ထုတ်လျှင်ပင် ယင်းမှာ သင်သည် ဤပြဿနာကို သေချာစွာ နားလည်ပြီး သိရှိနိုင်ရန်၊ အနာဂတ်တွင် သင်၏ တာဝန်ကို ထမ်းဆောင်စဉ်အတွင်း တိုးတက်မှု ပြုလုပ်နိုင်ရန်၊ တစ်ပုံစံတည်းသော အမှားများကို ထပ်မံပြုလုပ်ခြင်းမှ ရပ်တန့်ရန်နှင့် အသင်းတော်၏ အလုပ်ကို နှောင့်ယှက်ခြင်း သို့မဟုတ် ဖျက်ဆီးခြင်းမှ ရပ်တန့်ရန်အလို့ငှာ ဤပြဿနာ၏ အနှစ်သာရကို စိစစ်ရန်မျှသာ ဖြစ်သည်၊ ယင်းမှာ သင့်ကို ကူညီရန်ဖြစ်ပြီး သင့်ကို ပြဿနာရှာရန် သို့မဟုတ် သင့်အား တိုက်ခိုက်ရာတွင် အသုံးပြုရန် တစ်ခုခုကို ရှာဖွေဖို့ မဟုတ်ပေ။ သို့ဖြစ်၍ ငါသည် အတိတ်က ဖြစ်ပျက်ခဲ့သော အရာများကို ထုတ်ပြောလျှင်ပင် ယင်းမှာ သင်၏ စိတ်အားထက်သန်မှုကို လျော့ပါးစေရန် သို့မဟုတ် သင့်ကို နာကျင်စေရန် မဟုတ်ဘဲ သင့်အား မိမိ၏ ပြဿနာများ၏ အနှစ်သာရကို သိရှိစေရန်၊ သမ္မာတရား၏ ကဏ္ဍတစ်ရပ်ကို သေချာစွာ နားလည်မှု ရရှိစေရန်၊ မိမိကိုယ်ကို နားလည်မှု ရှိစေရန်၊ ဘုရားသခင်၏ ရည်ရွယ်ချက်များနှင့်အညီ မည်သို့ ပြုမူရမည်ကို သိရှိစေရန်နှင့် နောက်ဆုံးတွင် ဘုရားသခင်၏ နှုတ်ကပတ်တော်များနှင့်ဆိုင်သော စည်းမျဉ်းများအတိုင်း တိကျမှန်ကန်စွာ လက်တွေ့လုပ်ဆောင်စေရန် ဖြစ်သည်။ လူ့ဇာတိခံထားသော ဘုရားသခင်သည် အခြားသူများကို မည်သည့်အခါမျှ မတိုက်ခိုက်ဟူသော အဖြစ်မှန်နှင့်ပတ်သက်၍ သင်တို့တွင် နားလည်သဘောပေါက်မှု တစ်ခုတလေ ရှိသလော။ (ကျွန်ုပ်တို့တွင် အနည်းငယ် ရှိပါသည်။)

အခြားသူများကို မတိုက်ခိုက်ခြင်းအပြင် လူ့ဇာတိခံထားသော ဘုရားသခင်သည် လူတို့ကို အခါအားလျော်စွာ အားပေးတိုက်တွန်းသည်။ အချို့လူများသည် မရင့်ကျက်သော ဝိညာဉ်ရင့်ကျက်မှုများ ရှိကြပြီး ထိခိုက်လွယ်ကြသည်၊ ၎င်းတို့သည် ၎င်းတို့၏ လူ့သဘာဝအရ သိပ်မခိုင်မာကြပေ၊ ၎င်းတို့သည် အမှုအရာများကို လုပ်ဆောင်ရာတွင် ဇွဲလုံ့လ ကင်းမဲ့ကြသည်၊ သို့မဟုတ် ၎င်းတို့သည် အမျိုးမျိုးသော အရာများ၏ ဘောင်ခတ်ခြင်းကို မကြာခဏ ခံရကြသည်၊ သမ္မာတရားကို မည်သို့ ရှာဖွေရမည်ကို မသိကြသည့်အပြင် ၎င်းတို့၏ တာဝန်များကို ပုံမှန် မထမ်းဆောင်နိုင်ကြပေ။ ထိုသို့သော အခြေအနေများအောက်တွင် ၎င်းတို့သည် ကိစ္စရပ်တစ်ခုခုအတွင်း၌ ပိတ်မိနေပြီး ယင်း၏ ဘောင်ခတ်ခြင်းကို ခံရခြင်းမျိုး နောက်ထပ် မဖြစ်စေရန်အလို့ငှာ ရှေ့ဆက်ရမည့် လမ်းကြောင်းကို ၎င်းတို့အား မြင်တွေ့ခွင့်ပေးရန် ငါသည် ၎င်းတို့ကို အားပေးတိုက်တွန်းမှုအချို့ ပေးမည်။ သင်သည် ဤအားပေးတိုက်တွန်းသော စကားများကို ကြားရသောအခါ ငါပြောဆိုသည့်အရာသည် သင် လက်လှမ်းမမီနိုင်သောအရာဖြစ်သည်ဟု ခံစားရနိုင်သော်လည်း ငါ၏ ရည်မှန်းချက်မှာ သင်၏ အတွေးအခေါ်များနှင့် အယူအဆများကြောင့် ဖြစ်ပေါ်လာသော ဝန်ထုပ်ဝန်ပိုးများကို လက်လွှတ်ရန်၊ ထိုအရာများ၏ ဘောင်ခတ်ခြင်းကို နောက်ထပ် မခံရတော့ဘဲ ယင်းတို့ကို ချန်ထားရစ်ရန်နှင့် ထို့နောက် ဘုရားသခင်၏ ရည်ရွယ်ချက်များကို ဖြည့်ဆည်းဖို့ သင်၏ တာဝန်ထဲသို့ သင်၏ ခွန်အားအားလုံးကို ထည့်သွင်းရန် သင့်ကို ကူညီပေးဖို့ ဖြစ်သည်။ အချို့လူများသည် ယခင်က ကျရှုံးခြင်း လမ်းကြောင်းများကို လျှောက်လှမ်းခဲ့ဖူးသည်၊ သို့မဟုတ် ဘုရားအိမ်တော်၏ စည်းမျဉ်းများကို ချိုးဖောက်သော အရာများကို လုပ်ဆောင်ခဲ့ဖူးသည်၊ သို့မဟုတ် သိသာထင်ရှားသော ပုန်ကန်သည့် အပြုအမူအချို့ ရှိခဲ့ဖူးသည်၊ ပြီးလျှင် အချို့လူများသည် ၎င်းတို့၏ လုပ်ရပ်များဖြင့် အဖျက်အမှောင့်လုပ်ခြင်းများနှင့် အနှောင့်အယှက်များကိုပင် ဖြစ်စေခဲ့ပြီး အသင်းတော်၏ အလုပ်အတွက် ဆုံးရှုံးမှုအချို့ကို ဖြစ်စေခဲ့သည်။ ငါသည် ဤအရာများကို ငါ၏ မိတ်သဟာယတွင် တစ်ခါတစ်ရံ ထုတ်ပြောပါက ငါ၏ ရည်ရွယ်ချက်မှာ သင်၏ စိတ်အားထက်သန်မှုကို လျော့ပါးစေရန် မဟုတ်သည့်အပြင် ငါသည် အာဃာတ ထားရှိနေခြင်းလည်း မဟုတ်ပေ၊ ထိုအစား ငါ၏ ရည်ရွယ်ချက်မှာ တစ်ပုံစံတည်းသော အမှားများကို မပြုလုပ်ရန် အခြားသူများကို သတိပေးဖို့ ဥပမာတစ်ခုအနေဖြင့် သင်၏ အခြေအနေနှင့်ဆိုင်သော အဖြစ်မှန်များကို အသုံးပြုရန် ဖြစ်သည်၊ ငါ၏ ရည်ရွယ်ချက်မှာ သမ္မာတရား၏ ကဏ္ဍတစ်ရပ်ကို ရှင်းလင်းစွာ မိတ်သဟာယဖွဲ့ရန်၊ သင် လျှောက်လှမ်းခဲ့သော လမ်းကြောင်းသည် မှားယွင်းကြောင်းနှင့် ယင်းက မည်သို့ မှားယွင်းသည်ဟူသည်ကို ဤအရာမှတစ်ဆင့် ပို၍များသော လူများအား မြင်တွေ့ခွင့်ပေးရန်ဖြစ်ပြီး ထိုသို့ဖြင့် ၎င်းတို့သည် ယင်းမှ သင်ခန်းစာများ ရယူနိုင်ကြမည်ဖြစ်ကာ ထို့နောက် တစ်ပုံစံတည်းသော လမ်းကြောင်းကို မလျှောက်လှမ်းရန် ပို၍များသော လူများအား သတိပေးဖို့နှင့် အမှုအရာများကို လုပ်ဆောင်ရာတွင် ၎င်းတို့ မည်သည့်စည်းမျဉ်းများကို လိုက်နာသင့်သည်ဟူသည်ကို ၎င်းတို့အား သတိပေးရန် ဖြစ်သည်။ အထူးသဖြင့် လူတို့၏ အမျိုးမျိုးသော ဖောက်ပြန်ပျက်စီးသည့် စိတ်သဘောထားများကို မိတ်သဟာယဖွဲ့ပြီး ဖော်ထုတ်သောအခါ ငါပေးသော ဥပမာများ သို့မဟုတ် ငါ မိတ်သဟာယဖွဲ့သော အသေးစိတ် အခြေအနေတစ်ခုသည် လူများစွာနှင့် ပါဝင်ပတ်သက်ကောင်း ပါဝင်ပတ်သက်နိုင်သည်၊ သို့မဟုတ် သတ်သတ်မှတ်မှတ်ဖြစ်သော လူအချို့နှင့် အမှုအရာအချို့ ပါဝင်ပတ်သက်ကောင်း ပါဝင်ပတ်သက်နိုင်သည်။ ဤအရာများအကြောင်းကို မိတ်သဟာယဖွဲ့ခြင်း၏ ရည်ရွယ်ချက်မှာ သင်တို့ကို အရှက်ခွဲရန်နှင့် သင်တို့ကို အရှက်ရစေရန် အခွင့်အရေးတစ်ခုကို ရှာဖွေဖို့ မဟုတ်ပေ၊ ငါ ထုတ်ပြောသော အဖြစ်မှန်များ သို့မဟုတ် ငါ ဖော်ထုတ်သော အခြေအနေများနှင့်ပတ်သက်၍မူ ယင်းတို့သည် ငါတို့ မိတ်သဟာယဖွဲ့နေသည့် အကြောင်းအရာနှင့် သမ္မာတရား၏ ကဏ္ဍတို့နှင့်သာ သက်ဆိုင်မှု ရှိကြသည်။ ငါသည် သင့်ကို ပုဂ္ဂိုလ်ရေးအရ မသိရှိခြင်း ဖြစ်နိုင်ပြီး ထိုသို့သောအရာက သင့်အပေါ် ဖြစ်ပျက်ခဲ့ကြောင်းကို ငါ မသိရှိခြင်း ဖြစ်နိုင်သော်လည်း ငါပေးခဲ့သော ဥပမာ သို့မဟုတ် ငါ ဖော်ထုတ်ခဲ့သော အခြေအနေသည် သင့်အပေါ် တိုက်ဆိုင်စွာ ဖြစ်ပျက်ခဲ့ခြင်းဖြစ်ပြီး သင်သည် မိမိကိုယ်ကို ယင်းနှင့် နှိုင်းယှဉ်ချိန်ဆလေသည်။ အချို့လူများသည် မိမိတို့ကိုယ်ကို ထိုသို့သောအရာများနှင့် နှိုင်းယှဉ်ချိန်ဆသောအခါ ၎င်းတို့က “တစ်စုံတစ်ယောက်က ကျွန်ုပ်အကြောင်းကို တိုင်ပြောခဲ့သလော။ ဤအရာက ကျွန်ုပ်အပေါ် ဖြစ်ပျက်ခဲ့ကြောင်းနှင့် ကျွန်ုပ်တွင် ဤပြဿနာရှိပြီး ဤအခြေအနေတွင် ရှိနေခဲ့ကြောင်းကို ကိုယ်တော် မည်သို့ သိသနည်း” ဟု တွေးကြသည်။ ဤကဲ့သို့သောအရာက သီးခြား လူတစ်ဦးအပေါ် ဖြစ်ပျက်ခဲ့ကြောင်း သို့မဟုတ် ၎င်းသည် ဤကဲ့သို့သော အခြေအနေတွင် ရှိနေခဲ့ကြောင်းကို ငါ အမှန်တကယ် မသိရှိသော်လည်း ငါ မိတ်သဟာယဖွဲ့သော သမ္မာတရားများတွင် ဤအခြေအနေ၊ ဤပြဿနာမျိုး သို့မဟုတ် ဤအသေးစိတ် ဥပမာအမျိုးအစား ပါဝင်ပတ်သက်နေသည်၊ သို့မဟုတ် ငါ ဖော်ထုတ်သော ပြဿနာများတွင် ယင်းတို့ ပါဝင်နေသည်ဟု ငါပြောသည်။ ဤကဲ့သို့သော အခြေအနေနှင့် ဤအသေးစိတ် ဥပမာအမျိုးအစားသည် ကိုယ်စားပြုမှုဖြစ်ပြီး လူတို့ကို အချို့သော လူများ၊ ဖြစ်ရပ်များနှင့် အမှုအရာများကို သိရှိရန်နှင့် လူစားတစ်မျိုးမျိုး၏ အနှစ်သာရကို လုံလောက်စွာ သိရှိစေနိုင်သောကြောင့် ဥပမာများ ပေးသောအခါ အသင်းတော်တွင် ဖြစ်ပျက်ခဲ့သော အသေးစိတ် ဖြစ်ရပ်အချို့ကို ကိုးကားခြင်း သို့မဟုတ် အသေးစိတ် အခြေအနေအချို့ကို ဆွေးနွေးခြင်းမှ ငါ ရှောင်လွှဲ၍မရနိုင်ပေ။ ထိုသို့ဖြစ်ရာ အချို့သော လူများ၊ ဖြစ်ရပ်များနှင့် အမှုအရာများ ပါဝင်ပတ်သက်နေမည်မှာ ရှောင်လွှဲ၍မရနိုင်ပေ။ သို့သော် ငါ့တွင် လူအချို့ကို တိုက်ခိုက်ရန် ရည်ရွယ်ချက် စိုးစဉ်းမျှ မရှိပေ၊ ငါ၏ ရည်မှန်းချက်မှာ လူတို့ကို သတိပေးရန်နှင့် တိုက်တွန်းနှိုးဆော်ရန်သာဖြစ်ပြီး ဘုရားသခင် ရွေးချယ်ထားသော လူအများစုကို အကျိုးခံစားရခွင့်ပေးရန် ဖြစ်သည်။ တရားဒေသနာများ ဟောကြားပြီး မိတ်သဟာယဖွဲ့နေစဉ်တွင် ငါသည် ဥပမာအချို့ကို ပေးသောအခါ ယင်းမှာ မည်သည့် သီးခြား လူတစ်ဦးကိုမဆို ရည်ရွယ်ခြင်း လုံးဝ မဟုတ်ပေ၊ ယင်းမှာ သမ္မာတရားကို မိတ်သဟာယဖွဲ့ရန်နှင့် ပြဿနာတစ်ခုခု၏ အနှစ်သာရကို ဖော်ထုတ်ရန် သက်သက်သာဖြစ်ပြီး ထိုသို့ဖြင့် သင်တို့သည် ပြဿနာ၏ အနှစ်သာရကို ပို၍ ရှင်းလင်းနိုင်ပြီး ပို၍ ကောင်းမွန်စွာ နားလည်နိုင်မည် ဖြစ်သည်။ ပြဿနာ၏ အနှစ်သာရကို နားလည်ခြင်းမှတစ်ဆင့် သင်သည် ဤပြဿနာရှိသူအဖြစ် မိမိကိုယ်ကို သတ်မှတ်သည်ဖြစ်စေ၊ ပါဝင်ပတ်သက်နေသော လူများ၊ ဖြစ်ရပ်များနှင့် အမှုအရာများကို သင် ထိုးထွင်းသိမြင်သည်ဖြစ်စေ သင်သည် သက်ဆိုင်ရာ သမ္မာတရား စည်းမျဉ်းများအတိုင်း လက်တွေ့လုပ်ဆောင်လာနိုင်သည်၊ သင်၏အတွင်းရှိ ပြဿနာများကို ဖြေရှင်းရန် ယင်းတို့ကို အသုံးပြုနိုင်ပြီး သမ္မာတရား လက်တွေ့ကျမှုထဲသို့ ဝင်ရောက်ခြင်းကို ဖြစ်မြောက်အောင်မြင်နိုင်သည်။ ငါသည် မည်သို့သော ပြဿနာမျိုးကို မိတ်သဟာယဖွဲ့သည်ဖြစ်စေ၊ ယင်းမှာ သင်၏အတွင်း၌ တည်ရှိသော ပြဿနာတစ်ခုဖြစ်စေ၊ အခြားသူများ၏အတွင်း၌ တည်ရှိသော ပြဿနာတစ်ခုဖြစ်စေ ငါသည် သမ္မာတရားကို မိတ်သဟာယဖွဲ့ရန်နှင့် ပြဿနာတစ်မျိုးမျိုး၏ အနှစ်သာရနှင့် လက်တွေ့ကျမှုကို ပို၍ ကောင်းမွန်စွာ နားလည်ရန် သင်တို့ကို ကူညီပေးဖို့သာ ယင်းကို လုပ်ဆောင်သည်၊ ယင်းမှာ မည်သည့် သီးခြား ပုဂ္ဂိုလ် သို့မဟုတ် မည်သည့် သီးခြား လူစားမျိုးကိုမဆို ရည်ရွယ်ခြင်း မဟုတ်ပေ။ သေချာပေါက်ပင် ပြဿနာတစ်ခုအကြောင်းကို မိတ်သဟာယဖွဲ့သောအခါ ငါပေးသော ဥပမာအတွက် မူလပုံစံသည် သင့်အပေါ် ဖြစ်ပျက်ခဲ့သောအရာတစ်ခု ဖြစ်နိုင်ပြီး ဥပမာတစ်ခု ပံ့ပိုးပေးရန် ဤကိစ္စရပ်ကို ငါ အသုံးပြုခဲ့ခြင်း ဖြစ်နိုင်သည်။ သို့သော် ဤဥပမာကို ပေးရာတွင် ငါသည် သင်တစ်ဦးတည်းနှင့်သာ သက်ဆိုင်သော ပြဿနာတစ်ခုကို ဖော်ထုတ်နေခြင်း မဟုတ်ပေ၊ ထိုအစား သင်၏ ပြဿနာသည် လူတိုင်းတွင် တွေ့ရသော ပြဿနာများကိုလည်းကောင်း၊ လူသားမျိုးနွယ်တစ်ရပ်လုံးတွင် တွေ့ရသော ပြဿနာများကိုလည်းကောင်း ကိုယ်စားပြုသည်။ သေချာပေါက်ပင် ပြဿနာကို ဖော်ထုတ်ခြင်း၏ ရည်ရွယ်ချက်မှာ ပြဿနာကို ဖြေရှင်းရန်သာဖြစ်ပြီး သင့်ကို တိုက်ခိုက်ရန် မဟုတ်ပေ။ သို့ဖြစ်၍ သင်သည် ဤကဲ့သို့သော အခြေအနေနှင့် ကြုံတွေ့ရသောအခါ ယင်းကို မှန်ကန်စွာ သဘောထားပြုမူသင့်သည်၊ ဤသည်မှာ ငါ၏ အလုပ် ဖြစ်သည်။ ငါ၏ အလုပ်မှာ တစ်ဖက်တွင် သမ္မာတရားအားလုံး၊ သမ္မာတရား၏ ကဏ္ဍအားလုံးကို သင်တို့အား ပံ့ပိုးပေးရန်ဖြစ်ပြီး အခြားတစ်ဖက်တွင် သင်တို့အတွင်းရှိ ပြဿနာများ၊ ဖောက်ပြန်ပျက်စီးသော လူသားမျိုးနွယ်၏ အမျိုးမျိုးသော အခြေအနေများနှင့် ၎င်းတို့အတွင်းရှိ ဖောက်ပြန်ပျက်စီးသော စိတ်သဘောထားများအားလုံးအပြင် ဖောက်ပြန်ပျက်စီးသော စိတ်သဘောထားများ ပါဝင်ပတ်သက်သည့် ပြဿနာများကို ဖော်ထုတ်ရန် ဖြစ်သည်။ ဤသည်မှာ ငါ၏ အလုပ် ဖြစ်သည်။ သမ္မာတရားကို ပံ့ပိုးပေးခြင်းအပြင် ငါ၏ အလုပ်တွင် ဖောက်ပြန်ပျက်စီးသော လူသားမျိုးနွယ်၏ ဖောက်ပြန်ပျက်စီးမှုနှင့်ဆိုင်သော လက်တွေ့အရှိတရားကို ဖော်ထုတ်ခြင်းလည်း ပါဝင်သောကြောင့် ဤအလုပ်နှင့်ပတ်သက်လာလျှင် ငါ၏ ကြံရွယ်ချက်များသည် ကောင်းမွန်သည်။ သင်တို့သည် ပြဿနာ၏ အနှစ်သာရကို ရှင်းလင်းစွာ မြင်တွေ့နိုင်ပြီး သင်တို့၏ ဖောက်ပြန်ပျက်စီးသော စိတ်သဘောထားများကို ပုန်ကန်နိုင်စွမ်း ရှိလာစေရန်အလို့ငှာ သင်တို့ကို ကူညီရန်နှင့် ထောက်ပံ့ရန်၊ သင်တို့ကို သတိပေးရန်နှင့် သင်တို့အတွက် ပံ့ပိုးပေးရန် ငါ အလိုရှိသည်၊ ထိုသို့ဖြင့် သင်တို့သည် မိမိတို့၏ ဖောက်ပြန်ပျက်စီးသော စိတ်သဘောထားများအတွင်း၌ နောက်ထပ် အသက်ရှင်နေထိုင်ခြင်း မရှိတော့ဘဲ မိမိတို့ကိုယ်ကို ပြောင်းလဲနိုင်သည်၊ သင်တို့၏ လက်ထဲရှိ ဆိုးယုတ်မှုကို လက်လွှတ်နိုင်သည်၊ ဘုရားသခင်ထံ နောင်တရ၍ပြုပြင်နိုင်ပြီး ဘုရားသခင် သတ်မှတ်ထားသော စည်းမျဉ်းများအတိုင်း လက်တွေ့လုပ်ဆောင်နိုင်ကာ သမ္မာတရားကို ကျိုးနွံနာခံခြင်းနှင့် ဘုရားသခင်ကို ကျိုးနွံနာခံခြင်းတို့ကို အောင်မြင်နိုင်သည်။

သင်တို့၏ မည်သည့်ပြဿနာများကို ငါ ဖော်ထုတ်သည်ဖြစ်စေ၊ ဤပြဿနာများကို ဖော်ထုတ်ရာတွင် မည်သည့်နည်းလမ်း သို့မဟုတ် လေသံကို ငါ အသုံးပြုသည်ဖြစ်စေ ကယ်တင်ခြင်း လမ်းကြောင်းပေါ်တွင် စတင်လျှောက်လှမ်းဖို့ သင်တို့ကို ကူညီရန်နှင့် ထောက်ပံ့ပေးရန်ဟူသည့် စည်းမျဉ်းနှင့် စေ့ဆော်ချက်အပေါ် အခြေခံ၍ ငါ ထိုသို့လုပ်ဆောင်ခြင်း ဖြစ်သည်။ ငါ့တွင် မည်သည့် မလိုမုန်းထားမှုမျှ မရှိပေ၊ ယင်းမှာ လုံးဝ စေတနာသက်သက်ဖြင့်သာ လုပ်ဆောင်ခြင်း ဖြစ်သည်။ တစ်စုံတစ်ဦး သို့မဟုတ် လူအမျိုးအစားတစ်မျိုးမျိုးအတွင်းရှိ ပြဿနာ၏ အနှစ်သာရကို ဖော်ထုတ်ရာတွင် တစ်ခါတစ်ရံ ငါအသုံးပြုသော စကားများသည် ထိုမျှ ယဉ်ကျေးသိမ်မွေ့ခြင်း မရှိလျှင်ပင် ငါ၏ ရည်ရွယ်ချက်မှာ မည်သူ့ကိုမျှ တိုက်ခိုက်ရန် သို့မဟုတ် ဖိနှိပ်ရန် မဟုတ်ဘဲ လူတို့တွင် ပိုင်းခြားသိမြင်မှု ရှိနိုင်ရန်နှင့် ၎င်းတို့၏ ဖောက်ပြန်ပျက်စီးသော စိတ်သဘောထားများကို ဖယ်ရှားနိုင်ရန်အလို့ငှာ ပြဿနာ၏ အနှစ်သာရကို စိစစ်ရန် ဖြစ်သည်။ ဤအရာအတွင်း၌ မည်သည့် အကြံအစည်မျှ မရှိ၊ သင့်အား တိုက်ခိုက်ရန် သို့မဟုတ် ဖိနှိပ်ရန် မည်သည့် ရည်ရွယ်ချက်မျှ မရှိသည့်အပြင် သင်၏ အရှက်ကွဲစေမည့်အရာများကို ဖွင့်ချရန် သို့မဟုတ် သင့်အား အရှက်ရစေရန် မည်သည့် ရည်ရွယ်ချက်မျှ မရှိပေ။ ပြဿနာအချို့နှင့်ပတ်သက်၍ မိတ်သဟာယဖွဲ့ရာတွင် လူအမျိုးအစားတစ်မျိုးမျိုး၏ အပြုအမူ သို့မဟုတ် စိတ်သဘောထားနှင့် အနှစ်သာရတို့၏ စရိုက်လက္ခဏာကို ငါ သတ်မှတ်လျှင်ပင် ထိုစရိုက်လက္ခဏာကို သတ်မှတ်ချက်သည် ဓမ္မဓိဋ္ဌာန်ကျသော အမှန်တရားများနှင့် အပြည့်အဝ ကိုက်ညီလေသည်။ ဥပမာအားဖြင့် သင်သည် မာနထောင်လွှားပြီး မိမိကိုယ်ကို မှန်ကန်သည်ဟု ယူမှတ်ပါက၊ အာဏာရှင်ဆန်ဆန် အစဉ်သဖြင့် ပြုမူပြီး အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို ဖြစ်စေသည့် အရာများကို လုပ်ဆောင်ထားပါက၊ ပြီးလျှင် ငါက သင့်အား “သင်သည် ဤသို့ ဆက်လက်လုပ်ဆောင်ပြီး မည်သို့ပင်ဖြစ်စေ နောင်တရ၍ပြုပြင်ရန် ငြင်းပယ်လျှင် ဤသည်မှာ သင်၏ အနှစ်သာရဖြစ်ပြီး သင့်အပေါ် ဘုရားသခင်၏ သဘောထားမှာ သင့်ကို ဘေးဖယ်ထားရန် သို့မဟုတ် ပစ်ပယ်ရန် ဖြစ်သည်” ဟု ပြောဆိုပါက ဤစကားများသည် သင့်အား တိုက်ခိုက်နေခြင်း ဖြစ်သလော။ မဟုတ်ပေ။ ဤအရာများကို သီးခြားအကြောင်းအရာ တစ်ခုအောက်တွင် ပြောဆိုထားခြင်းဖြစ်ပြီး ဤနည်းလမ်းအတိုင်း ပြောဆိုထားသော်လည်း သင့်အား ငါပေးသော ထောက်ပံ့မှုနှင့် အကူအညီအပြင် သင့်အတွက် ငါ၏ မျှော်လင့်ချက်များသည် ပြောင်းလဲသွားခြင်း မရှိပေ၊ သင့်အား နောင်တရ၍ပြုပြင်ရန် အခွင့်အရေးတစ်ခု ပေးထားဆဲ ဖြစ်သည်။ သင်သည် ကြီးစွာသောနောင်တရပြီး လမ်းကြောင်းပြောင်းကာ ပြောင်းလဲသွားပါက သင်နှင့် သင့်လျော်သည့် မည်သည့်တာဝန်မျိုးကိုမဆို ဘုရားအိမ်တော်က သင့်အား မြှင့်တင်ပေးဦးမည် ဖြစ်သည်။ ထိုအရာကို ငါ မည်သည့်အခါမျှ တားဆီးပိတ်ပင်မည် မဟုတ်ပေ။ လူတိုင်းသည် ဘုရားသခင်ကို စတင်ယုံကြည်ပြီး သမ္မာတရားကို နားမလည်သေးချိန်တွင် အမှားအချို့ ပြုလုပ်တတ်ကြသော်လည်း အချို့လူများသည် နောင်တရ၍ပြုပြင်နိုင်ကြပြီး ကောင်းသောအရာအချို့ကို လုပ်ဆောင်ကာ ကောင်းမှုအချို့ကို ပြုထားကြသည်။ ညီအစ်ကိုမောင်နှမများက “ဤသူသည် အမှန်ပင် နောင်တရ၍ပြုပြင်ပြီးဖြစ်ကာ ယခင်က ဖြစ်ခဲ့သည့်ပုံစံနှင့် ကွဲပြားခြားနားပါသည်။ ယခင်က ၎င်းသည် မာနထောင်လွှားပြီး အကျင့်ပျက်ပြီး လူသားပုံသဏ္ဌာန် ကင်းမဲ့ခဲ့သည်။ ၎င်းသည် ဆိုးယုတ်သောအရာအချို့ကို လုပ်ဆောင်ခဲ့ပြီး ထိုသို့ဖြင့် အသင်းတော်၏ အလုပ်ကို အဖျက်အမှောင့်လုပ်ကာ နှောင့်ယှက်ခဲ့၍ ဘုရားသခင်၏ ပူဇော်သက္ကာများကို ဆုံးရှုံးမှုများ ဖြစ်စေခဲ့သောကြောင့် အသင်းတော်က ၎င်းကို ရှင်းလင်းပစ်ခဲ့သည်။ သို့သော် ရှင်းလင်းပစ်ခြင်း ခံရပြီးနောက်တွင် ၎င်းသည် ကြီးစွာသော နောင်တကို ခံစားခဲ့ရပြီး ယခုအခါ နောင်တရ၍ပြုပြင်ပြီ ဖြစ်သည်။ ၎င်းသည် ဆုံးရှုံးမှုများအတွက် လျော်ကြေးပေးရန်ပင် ဦးဆောင်လုပ်ကိုင်ခဲ့ပြီး ၎င်းကို တစ်ဖန် ပြန်လည်လက်ခံရန် အသင်းတော်ကို တောင်းဆိုခဲ့ကာ မကောင်းမှုကို မည်သည့်အခါမျှ ထပ်မလုပ်တော့ကြောင်း ကတိပေးခဲ့သည့်အပြင် အသင်းတော်တွင် အစေခံဖြစ်ရန် လိုလားပြီး ဘုရားအိမ်တော်က ၎င်းကို လုပ်ဆောင်ခိုင်းသည့် မည်သည့်အရာကိုမဆို ကျိုးနွံနာခံသည်” ဟု ပြောဆိုလျက် ၎င်းကို ထောက်ခံအကြံပြုသည်ဟု ဆိုကြပါစို့။ ၎င်းတို့နှင့် အတော်အတန် ရင်းနှီးသော လူများက ၎င်းတို့အကြောင်းကို စေ့စေ့စပ်စပ် နားလည်သဘောပေါက်ပြီးနောက် ၎င်းတို့ကို ထောက်ခံအကြံပြုလိုပါက ၎င်းတို့ အမှန်တကယ် နောင်တရ၍ပြုပြင်ပြီးဖြစ်ကာ ယခု ဘုရားအိမ်တော်၏ အလုပ်အတွက် ၎င်းတို့ကို လိုအပ်နေပါက ၎င်းတို့ကို တစ်ဖန် ပြန်လည်အသုံးပြုနိုင်သည်ဟု ငါ ပြောသည်။ ငါ တားဆီးပိတ်ပင်မည် မဟုတ်ပေ။ လူအနည်းငယ်က ငါ့အပေါ် ပုဂ္ဂိုလ်ရေးအရ သိပ်၍ ရင်းနှီးဖော်ရွေမှုမရှိသော အရာများကို လုပ်ဆောင်ခဲ့လျှင်ပင် ၎င်းတို့သည် မြှင့်တင်ပေးခြင်းခံရရန် အခြေအနေများနှင့် ကိုက်ညီပါက ငါသည်လည်း ထိုနည်းတူ တားဆီးပိတ်ပင်မည် မဟုတ်ပေ။ ၎င်းတို့ကို အခွင့်အရေးတစ်ခု ငါ ပေးမည်။ သို့ဖြစ်၍ တရားဒေသနာများတွင်ဖြစ်စေ၊ လက်တွေ့ဘဝတွင်ဖြစ်စေ၊ မည်သည့် ပတ်ဝန်းကျင်တွင်ဖြစ်စေ၊ မည်သည့်အခြေအနေတွင်ဖြစ်စေ ငါသည် သင့်အား တရားမျှတပြီး ဖြောင့်မတ်မှန်ကန်စွာ ဆက်ဆံမည် ဖြစ်သည်။ ပတ်ဝန်းကျင်က ခွင့်ပြုသော အခြေအနေများတွင် ငါသည် စေတနာဖြင့် သင်တို့ကို ကူညီမည်၊ သို့မဟုတ် သင်တို့၏ တာဝန်များတွင် သင်တို့ မည်သည့်အခြေအနေရှိသည်ကို မေးမြန်းမည် ဖြစ်သည်။ ယင်းသည် အထူး အလုပ်ပတ်ဝန်းကျင်တစ်ခုတွင် ဖြစ်ပါက ငါသည် သင်တို့ကို ကူညီရန်နှင့် ထောက်ပံ့ရန် ငါ၏ အကောင်းဆုံးကို လုပ်ဆောင်မည်ဖြစ်ပြီး အတတ်ပညာဆိုင်ရာ အလုပ်အချို့တွင် သင်တို့ကို လမ်းညွှန်နည်းပြခြင်း၊ လမ်းပြခြင်း သို့မဟုတ် အကူအညီတို့ကို ပေးမည် ဖြစ်သည်။ တစ်ခါတစ်ရံ ငါလုပ်ဆောင်နေသည့်အရာမှာ သင်တို့နှင့် အမြင်ချင်းဖလှယ်ခြင်းနှင့် သင်တို့နှင့် အယူအဆများ ဖလှယ်ခြင်း ဖြစ်သည်။ တစ်ခါတစ်ရံ ငါက “သင် လုပ်ဆောင်ထားသော အလုပ်သည် လက်ခံနိုင်ဖွယ် မရှိပါ” ဟု ပြောလျှင်ပင် ငါသည် အမှန်တရားကို ပြောဆိုနေခြင်းသာဖြစ်ပြီး ပွင့်ပွင့်လင်းလင်း ပြောခြင်းဖြစ်သည်။ သင်တို့ကို ဖိနှိပ်ရန် ထိုသို့သောအရာများကို ငါ ပြောနေခြင်း မဟုတ်ဘဲ သင်တို့နှင့် အယူအဆများ ဖလှယ်ရန် သို့မဟုတ် အမြင်ချင်းဖလှယ်ရန် ဖြစ်သည်။ သင်တို့၏ အစွမ်းအစ၊ ပင်ကိုစွမ်းရည်များ၊ သင်တို့ သင်ယူထားသော အသိပညာ၊ သင်တို့တွင်ရှိသော အခြေခံအသိ သို့မဟုတ် သင်တို့ စုဆောင်းရရှိထားသော အတွေ့အကြုံတို့ကို အပြည့်ဝဆုံး အသုံးချနိုင်ရန်အလို့ငှာ သင်တို့ကို စကားပြောရန်နှင့် သင်တို့ကိုယ်သင်တို့ အသုံးချရန် အခွင့်အရေးများပေးဖို့ ငါ အကောင်းဆုံး လုပ်ဆောင်သည်။ ရလဒ်များ မကောင်းပါက ငါက “သင် လုပ်ဆောင်ထားသော အလုပ်သည် သိပ်မကောင်းလှပေ။ ပို၍ ချင့်ချိန်စဉ်းစားပြီး ရှာဖွေလော့၊ ပြီးလျှင် ယင်းကို သင် ပို၍ ကောင်းမွန်အောင် လုပ်နိုင်ခြင်း ရှိမရှိ ကြည့်လော့” ဟုသာ ပြောသည်။ သင်တို့သည် ငါနှင့် ဆက်သွယ်ပြီး အပြန်အလှန် ဆက်ဆံသောအခါ အသက်တာတွင်ဖြစ်စေ၊ သင်တို့၏ တာဝန်ကို ထမ်းဆောင်သည့် လုပ်ငန်းစဉ်တွင်ဖြစ်စေ သင်တို့ အကျိုးကျေးဇူး ရရှိနိုင်ရန်အလို့ငှာ ငါသည် သင်တို့ကို အဆုံးစွန်သော ထောက်ပံ့မှု၊ ပံ့ပိုးမှုနှင့် အကူအညီတို့ကို အစဉ် ပေး၏။ ဤသည်မှာ အလုပ်တွင် ငါ၏ စည်းမျဉ်းဖြစ်ပြီး ငါ၏ နေ့စဉ်ဘဝတွင်လည်း ထိုနည်းတူပင် ဖြစ်သည်။ တစ်ခါတစ်ရံ ငါသည် လူများနှင့် အပြန်အလှန် ဆက်ဆံပြီး ဆက်သွယ်သောအခါ အခြေခံ လိုအပ်ချက်များ၊ ကျန်းမာရေးကောင်းမွန်အောင် နေထိုင်ခြင်း၊ ဆေးဝါး စသည်တို့ကဲ့သို့သော ပြင်ပအရာများ ပါဝင်သည့် နေ့စဉ်ဘဝမှ အသေးအဖွဲ ကိစ္စရပ်များအကြောင်းကို ငါတို့ ရှောင်လွှဲ၍မရဘဲ ပြောဆိုကြမည်ဖြစ်ပြီး အချို့လူများက ဘဝ၏ အသေးအဖွဲ ကိစ္စရပ်များနှင့်ပတ်သက်၍ အမြင်ရှုထောင့်များ၊ ဆိုရိုးစကားများ သို့မဟုတ် အခြေခံအသိအချို့ကို ဖော်ပြကြသည်။ အခြေခံအသိ၏ ကဏ္ဍအားလုံးနှင့်ပတ်သက်၍ ငါသည် ငါ၏ ကိုယ်ပိုင် အမြင်ရှုထောင့်များကို ဖော်ပြရုံမျှသာ ဖြစ်သည်။ ငါပြောသည့်အရာ မှန်သည်ဟု သင် ထင်ပါက သင် ယင်းကို ခံယူနိုင်သည်။ ငါပြောသည့်အရာ မှားသည်ဟု သင် ထင်ပါက၊ ငါသည် သင့်အား ဖိနှိပ်ရန် ငါ၏ ပင်ကိုလက္ခဏာနှင့် အဆင့်အတန်းကို အသုံးပြုမည် မဟုတ်ဘဲ “ငါပြောသမျှ အရာအားလုံး မှန်သည်။ ငါ မည်သည့် လေသံကို အသုံးပြုသည်ဖြစ်စေ၊ ငါပြောသည့်အရာကို သင် နှစ်သက်သည်ဖြစ်စေ ငါသည် သင့်အား ဘေးအန္တရာယ်ဖြစ်စေနိုင်မည် သို့မဟုတ် သင့်အား မတရားလုပ်နိုင်မည် မဟုတ်ပေ။ သင် ယင်းကို ခံယူရမည်” ဟု သင့်အား ပြောဆိုမည် မဟုတ်ပေ။ ငါ ဤသို့ လုပ်ဆောင်မည် မဟုတ်ပေ၊ အမှုအရာများကို ၎င်းတို့၏ သဘာဝအတိုင်း ဖြစ်ပျက်ခွင့်ပေးမည် ဖြစ်သည်။ ဥပမာအားဖြင့် သင် ချက်ပြုတ်ရာတွင် ဆား အလွန်အကျွံ ထည့်ပြီး ဆား အလွန်အကျွံ စားခြင်းက သင်၏ ကျန်းမာရေးအတွက် ဆိုးရွားသည်ဟု ငါ ပြောသည်။ အချို့လူများက ဤအရာကို လက်မခံကြပေ၊ ၎င်းတို့က ဆားကို လျှော့သုံးပါက အစားအစာသည် အရသာမရှိဘဲ ပေါ့ပျက်ပျက်ဖြစ်မည်ဟု ခံစားကြရသည်။ ၎င်းတို့သည် ကိုယ့်အကြိုက်နှင့်ကိုယ် မရမက စားသောက်ကြသည်။ သင် ထိုသို့လုပ်ဆောင်ခွင့်ရှိပြီး ငါ ဝင်ရောက်စွက်ဖက်မည် မဟုတ်ဟု ငါ ပြောသည်။ “ဆား အလွန်အကျွံ စားခြင်းက သင်၏ ကျန်းမာရေးအတွက် ဆိုးရွားသည်” ဟူသော ဆိုရိုးစကားသည် သမ္မာတရား၏ အဆင့်အထိ မရောက်သော်လည်း ယင်းမှာ ဘဝတွင် အခြေခံအသိ ဖြစ်သည်။ လူတို့အတွက် ဘုရားသခင် ဖန်ဆင်းထားသော ဤရုပ်ခန္ဓာကိုယ်နှင့်ပတ်သက်၍ ယင်းအတွက် တစ်နေ့လျှင် လိုအပ်သော သတ်မှတ်ထားသည့် ဆားပမာဏတစ်ခု ရှိသည်။ ဤပမာဏထက် ကျော်လွန်ပါက လူတစ်ဦး၏ ခန္ဓာကိုယ်ကို ထိခိုက်ပျက်စီးစေမည်ဖြစ်ပြီး အကျိုးဆက်များ ဖြစ်ပေါ်စေမည် ဖြစ်သည်။ အာဟာရဓာတ်များ ချို့တဲ့နေသည်ဟု အစဉ် ခံစားရသဖြင့် အာဟာရပြည့်ဝသော အစားအစာများကို အဆက်မပြတ် စားသောက်နေသူများလည်း ရှိသည်။ အဆုံးတွင် ၎င်းတို့၏ အလွန်အကျွံ အာဟာရဓာတ် စားသုံးမှုက ကျန်းမာရေး ပြဿနာများကို ဖြစ်ပေါ်စေပြီး ၎င်းတို့သည် ပြုပြင်ပြောင်းလဲမှုများ လုပ်ဆောင်ရလေသည်။ ဘုရားသခင် ဖန်ဆင်းထားသော ဤရုပ်ခန္ဓာကိုယ် လိုအပ်သည့် အာဟာရဓာတ် ပမာဏသည် လူသားမျိုးနွယ်အတွက် ဘုရားသခင် ဖန်ဆင်းထားသော ကောက်နှံ၊ ဟင်းသီးဟင်းရွက်၊ သစ်သီးနှင့် အသားတို့၏ အချိုးအစားများနှင့် ဆက်စပ်နေသည်။ သင်သည် ဤအချိုးအစားများအတိုင်း စားသောက်ပါက အခြေခံ ကျန်းမာရေးကို သင် ထိန်းသိမ်းထားနိုင်သည်။ သင်သည် ဤအချိုးအစားများကို လျစ်လျူရှုပြီး သင်၏ အကြိုက်များအတိုင်း မဆင်မခြင် ဖြစ်သလို စားသောက်ပါက သင်၌ ကျန်းမာရေး ပြဿနာများ ဖြစ်ပေါ်လာလိမ့်မည်။ ငါသည် ဤအမှန်တရားများကို သင့်အား ပြောပြသော်လည်း သင်က ယင်းတို့ကို မခံယူပေ။ သင်က “တရားဒေသနာများ ဟောကြားခြင်းနှင့် သမ္မာတရားကို မိတ်သဟာယဖွဲ့ခြင်းသည် ကိုယ်တော်၏ အားသာချက် ဖြစ်သော်လည်း ကိုယ်တော်သည် နေ့စဉ်ဘဝ၏ ဤကိစ္စရပ်များကို နားမလည်ပါ။ ဤအရာက သမ္မာတရားနှင့် မသက်ဆိုင်သောကြောင့် ကိုယ်တော်၏စကားကို ကျွန်ုပ် နားထောင်ရန် မလိုအပ်ပါ” ဟု တွေးသည်။ သင်သည် ယင်းကို ခံယူရန် ရွေးချယ်နိုင်ပြီး သင့်အကြိုက်နှင့်သင် သင် အသက်ရှင်နေထိုင်နိုင်သော်လည်း သင်သည် ငါ၏ စကားများကို မခံယူနိုင်ပါက အနှေးနှင့်အမြန်ဆိုသလို သင်၌ ကျန်းမာရေး ပြဿနာများ ဖြစ်ပေါ်လာလိမ့်မည်ကို သင် သိရမည်ဟု ငါ ပြောသည်။ သင်၏ ရွေးချယ်မှုအတွက် သင် အဖိုးအခ ပေးဆပ်ရလိမ့်မည်။ ငါသည် ငါ၏ အမြင်ရှုထောင့်များကို ဖော်ပြနေခြင်းမျှသာ ဖြစ်သည်။ သင့်အား ဖိနှိပ်ရန် ငါ၏ အဆင့်အတန်းကို ငါ အသုံးပြုမည် မဟုတ်ပေ။ အခြားတစ်ချက်အနေဖြင့် သင်သည် ငါ၏ အမြင်ရှုထောင့်များကို မခံယူပါက ငါသည် သင့်အား အတင်းအကျပ် ခံယူစေမည်မဟုတ်သည့်အပြင် အပြုသဘောဆောင်သောအရာများကို လက်မခံသည့်အတွက် သင်သည် အလွန် မိုက်မဲပြီး ခေါင်းမာသည်ဟုလည်း ငါ ပြောမည် မဟုတ်ပေ။ အမှန်တွင် သင်သည် ထိုသို့ အမှန်တကယ် ဖြစ်သော်လည်း ငါ မည်သည့်အခါမျှ ထိုသို့ မပြောပေ။ နေ့စဉ်ဘဝရှိ အသေးအဖွဲ ကိစ္စတစ်ခုခုနှင့်ပတ်သက်၍ ငါသည် တစ်ဆိတ်ကိုတစ်အိတ် လုပ်မည် မဟုတ်ဘဲ ထို့နောက် သင့်အား ဩဝါဒခြွေပြီး လူတတ်ကြီးလုပ်ကာ ပြောဆိုမည် မဟုတ်ပေ။ ငါ ထိုသို့ လုပ်ဆောင်မည် မဟုတ်ပေ၊ အကြောင်းမှာ ယင်းမှာ ငါ၏ တာဝန် မဟုတ်သောကြောင့် ဖြစ်သည်။ ငါသည်လည်း ထိုသို့ မလုပ်ဆောင်လိုပေ။ မိတ်သဟာယဖွဲ့ခြင်းနှင့် တရားဒေသနာများ ဟောကြားခြင်းအားဖြင့် ငါ၏ တာဝန်ကို ငါ ကောင်းမွန်စွာ ဖြည့်ဆည်းပြီးသားဖြစ်သည်၊ ဤသည်မှာ ငါ၏ အမှုတော် နယ်ပယ်အတွင်း၌ ရှိသည်။ နေ့စဉ် သင် စားသောက်သည့်အရာနှင့်ပတ်သက်၍မူ သင်ကိုယ်တိုင် ထိုအရာကို ကိုင်တွယ်ဖြေရှင်းလော့။ လူသားမျိုးနွယ်အတွက် ဘုရားသခင် ဖန်ဆင်းထားသည့်အရာနှင့် မည်သည့်ပမာဏများဖြင့် ဖန်ဆင်းထားသည်ဟူသည်အပြင် ရာသီတစ်ခုစီတွင် မည်သည့် အစားအစာများနှင့် ဒေသထွက်ကုန်များကို ထုတ်လုပ်သည်ဟူသည်တို့နှင့်ပတ်သက်၍ ဤအရာအားလုံးကို သင် မည်သို့ အသုံးပြုသည်ဟူသည်မှာ သင်၏ ကိုယ်ပိုင်ကိစ္စ ဖြစ်သည်။ သင့်ဘာသာ ယင်းတို့ကို ခွဲဝေသုံးစွဲနိုင်သည်။ သင်၏ လူ့သဘာဝနှင့်ဆိုင်သော အသိစိတ်နှင့် ဆင်ခြင်တုံတရားတို့သည် ပုံမှန်ဖြစ်ပြီး ကောင်းမွန်ပါက သင်သည် ယင်းတို့ကို ချင့်ချိန်၍ အသုံးပြုပြီး ခွဲဝေသုံးစွဲလိမ့်မည်။ သင်၏ ဆင်ခြင်တုံတရားသည် မကောင်းမွန်ပါက သင်သည် ယင်းတို့ကို အလွန်အကျွံဖြစ်သော နည်းလမ်းဖြင့် အသုံးပြုမည် သို့မဟုတ် ခွဲဝေသုံးစွဲမည်ဖြစ်ပြီး ဤအရာက အဆုံးတွင် သင်၏ ရုပ်ခန္ဓာကိုယ်အပေါ် မည်သည့် အကျိုးဆက်များ ဖြစ်ပေါ်စေသည်ဖြစ်စေ သင်တစ်ဦးတည်းသာ ခံစားရမည် ဖြစ်သည်။ သို့ဖြစ်၍ ဤကိစ္စရပ်နှင့်ပတ်သက်လာလျှင် ငါသည် အလွန် ဆင်ခြင်တုံတရားရှိသည်။ ငါသည် မိမိ၏ အမြင်ရှုထောင့်များကိုသာ သင့်အား ပြောပြပြီး ယင်းတို့ကို ခံယူရန် သင့်အား အတင်းအကျပ် လုပ်မည် မဟုတ်ပေ။ တစ်ခါတစ်ရံ သင်တို့တွင် ဆိုးရွားသော နေထိုင်မှုအလေ့အထအချို့ ရှိသည်ကို ငါ မြင်သောအခါ သင်တို့အား ယင်းတို့ကို အတင်းအကျပ် ပြောင်းလဲခိုင်းမည် မဟုတ်ပေ၊ ငါသည် ရိုးရှင်းသော သတိပေးချက်တစ်ခုကိုသာ ပေးမည် ဖြစ်သည်။ သင်တို့က ယင်းကို မခံယူပါက သို့မဟုတ် မပြောင်းလဲပါက ငါ နောက်ထပ် ပြောမည် မဟုတ်ပေ။ နေထိုင်မှုအလေ့အထများကို ပြုပြင်ရန် အမှန်တကယ် အလွန် လွယ်ကူသည်။ မှားယွင်းသော သို့မဟုတ် မလိုလားအပ်သော နေထိုင်မှုအလေ့အထများကို ပြုပြင်သင့်သည်၊ ဤသည်မှာ အပြုသဘောဆောင်သောအရာများကို လက်ခံသည့် သဘောထားတစ်ခု ဖြစ်သည်။ အပြုသဘောဆောင်သောအရာများကို လက်ခံရန် သဘောထားနှင့် လိုလားစိတ် ရှိခြင်းသည် ပုံမှန် လူ့သဘာဝအတွင်း၌ ရှိသင့်သော အခြေခံ ဆင်ခြင်တုံတရား၏ အစိတ်အပိုင်းတစ်ခု ဖြစ်သည်။ အချို့လူများသည် အပြုသဘောဆောင်သောအရာများကို တစ်ဖက်နားမှ ဝင်ပြီး တစ်ဖက်နားမှ ထွက်သွားခွင့်ပေးကြသည်။ ၎င်းတို့သည် ယင်းတို့ကို အလေးအနက် မထားကြသည့်အပြင် ၎င်းတို့၏ မှားယွင်းသော အလေ့အကျင့် နည်းလမ်းများနှင့် မှားယွင်းသော အမှုအရာများ လုပ်ဆောင်သည့် နည်းလမ်းများကိုပင် ဆက်လက် စွဲကိုင်ထားကြသည်။ အချို့လူများက “ကျွန်ုပ်သည် ဤကဲ့သို့ နှစ်ပေါင်းများစွာ အသက်ရှင်နေထိုင်ခဲ့ပြီး မည်သည့် အကျိုးဆက်မျှ မရှိခဲ့ပါ” ဟုပင် ပြောဆိုကြသည်။ ဤသည်မှာ စိတ်သဘောထားဆိုင်ရာ ပြဿနာတစ်ခု ဖြစ်သည်။ ဤသည်မှာ မည်သည့် စိတ်သဘောထားမျိုး ဖြစ်သနည်း။ ယင်းမှာ ခေါင်းမာခြင်းနှင့် စိတ်နှလုံးမာကျောခြင်း စိတ်သဘောထားဖြစ်ပြီး မှန်ကန်သော အမြင်ရှုထောင့်များ သို့မဟုတ် အပြုသဘောဆောင်သောအရာများကို လက်မခံခြင်း ဖြစ်သည်။ ဤသည်မှာ ဖောက်ပြန်ပျက်စီးသော စိတ်သဘောထားတစ်ခုကို ညွှန်ပြနေပြီး သင်သည် ယင်းကို ပြောင်းလဲကာ ဖယ်ရှားရမည်ဟု သင့်အား ငါ ပြောသည်။ သင်၏ မှားယွင်းသော အလေ့အကျင့် နည်းလမ်းများနှင့် သင်၏ ထိုစိတ်နှလုံးမာကျောသော သဘောထားတို့ကို ပြောင်းလဲရမည်၊ ထိုသို့မှသာ သင်သည် စစ်မှန်သော ပြောင်းလဲမှု ရှိနိုင်မည် ဖြစ်သည်။

အချို့လူများသည် အခြားသူများကို တိုက်ခိုက်ရန် နှစ်သက်ကြသည်၊ ဤသည်မှာ မကောင်းပေ။ သင်တို့ မှားယွင်းသောအရာတစ်ခုခု လုပ်ဆောင်သည်ကို ငါ မြင်ပါက ငါသည် ငါ၏ အမြင်ရှုထောင့်များကို ဆင်ခြင်တုံတရားရှိစွာ ဖော်ပြမည်ဖြစ်ပြီး သင်တို့ကို စေတနာဖြင့် သတိပေးမည် ဖြစ်သည်။ ဤသည်မှာ အမှုအရာများကို ငါ လုပ်ဆောင်သည့် နည်းလမ်း ဖြစ်သည်။ ထို့အပြင် အချို့သော ပြဿနာများက သင်တို့၏ ဖောက်ပြန်ပျက်စီးသော စိတ်သဘောထားများကို ဖော်ထုတ်ရန် လိုအပ်ပါက ငါသည် ယင်းတို့ကို အားနာနေမည်မဟုတ်ဘဲ ဖော်ထုတ်မည် ဖြစ်သည်၊ ဤသည်မှာ လူတို့အပေါ် တာဝန်ယူခြင်း ဖြစ်သည်။ လူတို့၏ ပြဿနာများကို ငါ ဖော်ထုတ်သောအခါ ပြဿနာများ၏ အနှစ်သာရကို ငါ ဖော်ထုတ်ပြီး ၎င်းတို့ အမှန်တကယ် မည်သို့ရှိသည်ကို ငါ ပြသသည်၊ ငါသည် စည်းမျဉ်းစည်းကမ်းများကို အသုံးမချသကဲ့သို့ အမှုအရာများကို ပုံကြီးချဲ့ခြင်းလည်း မပြုပေ။ ဤသည်မှာ ငါ၏ အလုပ် နယ်ပယ်အတွင်း၌ ရှိသောကြောင့် ငါ ဤသို့ လုပ်ဆောင်ခြင်း ဖြစ်သည်၊ ဖော်ထုတ်သင့်သည့်အရာကို ငါ ဖော်ထုတ်ပြီး ပြောဆိုရန် လိုအပ်သည့်အရာထက် စကားတစ်ခွန်းမျှ လျှော့၍ ငါ မပြောပေ။ သို့ဖြစ်၍ အမှုအရာများကို လုပ်ဆောင်ရာတွင် ငါ့၌ စည်းမျဉ်းများ ရှိသည်။ တစ်ဖက်တွင် နေ့စဉ်ဘဝ၌ ငါ၏ အမြင်ရှုထောင့်များမှာ အဘယ်အရာဖြစ်သည်ကို သင့်အား သိခွင့်ပေးလျက် ဤကိစ္စရပ်များကို ဆင်ခြင်တုံတရား စည်းမျဉ်းအပေါ် အခြေခံ၍ ငါ သဘောထားပြုမူသည်။ သင်သည် အာရုံစိုက်ပြီး နှလုံးသွင်းကာ ပုံမှန် လူ့သဘာဝ၏ ဆင်ခြင်တုံတရား ရှိပါက ငါ့အနေဖြင့် ယင်းနှင့်ပတ်သက်၍ တရားဒေသနာတစ်ခု ဟောကြားရန် မလိုအပ်ဘဲ သင်သည် ဤအတွေးများနှင့် အမြင်များကို လက်ခံမည် သို့မဟုတ် မှန်ကန်စွာ ကိုင်တွယ်မည် ဖြစ်သည်။ အခြားတစ်ဖက်တွင် အလုပ်၌ သင်တို့၏ ပြဿနာများကို ငါ ရှောင်လွှဲမည် မဟုတ်သည့်အပြင် သင်တို့ကို အရှက်ရစေမည်ကို ကြောက်ရွံ့၍ စကားပြောရန် နောက်တွန့်နေမည်လည်း မဟုတ်ပေ။ သင်တို့သည် ဤကဏ္ဍရှိ ပြဿနာများကို သိရှိလာနိုင်ရန်နှင့် သင်တို့၏ ဖောက်ပြန်ပျက်စီးသော စိတ်သဘောထားများကို ဖယ်ရှားနိုင်ရန်အလို့ငှာ သင်တို့၏ ပြဿနာများနှင့် သင်တို့၏ ဖောက်ပြန်ပျက်စီးသော စိတ်သဘောထားများကို ငါ ဖော်ထုတ်မည် ဖြစ်သည်။ ငါ၏ ရည်မှန်းချက်မှာ သင်တို့ကို မှန်ကန်သော လမ်းကြောင်းတစ်ခုပေါ်သို့ လျှောက်လှမ်းနိုင်စေရန် ဖြစ်သည်။ အသက်တာတွင်ဖြစ်စေ၊ အလုပ်တွင်ဖြစ်စေ သင်တို့၌ ပြဿနာတစ်ခု ရှိသည်ဖြစ်စေ ယင်းက ဖောက်ပြန်ပျက်စီးသော စိတ်သဘောထားများ သို့မဟုတ် သမ္မာတရားနှင့် သက်ဆိုင်ပါက ငါသည် ထိုပြဿနာကို ရှောင်လွှဲမည် မဟုတ်ပေ၊ ယင်းနှင့်ပတ်သက်၍ သင်တို့နှင့် ရှင်းလင်းစွာ ငါ မိတ်သဟာယဖွဲ့မည် ဖြစ်သည်။ ငါ မည်သို့ မိတ်သဟာယဖွဲ့သည်ဖြစ်စေ သို့မဟုတ် ပြဿနာတစ်ခုကို ငါ မည်သို့ ကိုင်တွယ်သည်ဖြစ်စေ ငါ့၌ ငါ၏ နည်းလမ်းများနှင့် စည်းမျဉ်းများ ရှိသည်။ ငါ၏ တာဝန်ကို ငါ ကောင်းမွန်စွာ ဖြည့်ဆည်းရမည့်အချိန် ရောက်သောအခါ ငါသည် ထိုသို့လုပ်ဆောင်ရန် မိမိကိုယ်တိုင် တာဝန်ယူဆောင်ရွက်၏။ သင်တို့ကို အရှက်ရစေမည်ကို ငါ မစိုးရွံ့ပေ။ သင်တို့သည် ယင်းတို့ကို သိရှိလာနိုင်ရန်အလို့ငှာ သင်တို့၏ ပြဿနာများနှင့် ဖောက်ပြန်ပျက်စီးသော စိတ်သဘောထားများကို ငါ ဖော်ထုတ်မည် ဖြစ်သည်။ ဤသည်မှာ ငါ၏ တာဝန် ဖြစ်သည်။ သင်တို့၏ ပြဿနာများသည် ဖောက်ပြန်ပျက်စီးသော စိတ်သဘောထားများ သို့မဟုတ် သမ္မာတရား စည်းမျဉ်းများနှင့် မသက်ဆိုင်ပါက သင်တို့သည် မိမိတို့ အလိုရှိသည့်အတိုင်း ရွေးချယ်မှုများ ပြုလုပ်ရန်နှင့် လက်တွေ့လုပ်ဆောင်ရန် လွတ်လပ်မှုနှင့် အခွင့်အရေး ရှိသည်၊ ငါ ဝင်ရောက်စွက်ဖက်မည် မဟုတ်ပေ။ သို့ဖြစ်၍ သင်တို့၏ ပြဿနာများကို ငါ ဖော်ထုတ်သည်ဖြစ်စေ၊ မဖော်ထုတ်သည်ဖြစ်စေ ယင်းက သင်တို့ကို တိုက်ခိုက်ခြင်း၊ သင်တို့ကို ဘောင်ခတ်ခြင်း သို့မဟုတ် သင်တို့ကို ဖိနှိပ်ခြင်းတို့နှင့် မသက်ဆိုင်ပေ။ နေ့စဉ်ဘဝတွင် အခြေခံ လိုအပ်ချက်များကဲ့သို့သော စည်းမျဉ်းများနှင့် မသက်ဆိုင်သည့် ကိစ္စရပ်များအတွက် သင်တို့ကိုယ်တိုင် ရွေးချယ်ရန် လုံလောက်သော လွတ်လပ်ခွင့်ကို သင်တို့ကို ငါ ပေးသည်။ သို့ရာတွင် ယင်းက စည်းမျဉ်းနှင့်ဆိုင်သော ကိစ္စရပ်တစ်ခုနှင့် သက်ဆိုင်ပါက၊ ဆိုလိုသည်မှာ ယင်းက ဖောက်ပြန်ပျက်စီးသော စိတ်သဘောထားများနှင့် သက်ဆိုင်ပါက သို့မဟုတ် အလုပ်လုပ်ဆောင်ခြင်း၊ သင်တို့၏ တာဝန်ကို ထမ်းဆောင်ခြင်း၊ ဘုရားသခင် သို့မဟုတ် သမ္မာတရားအပေါ် သင်တို့၏ သဘောထားနှင့် သက်ဆိုင်ပါက ငါသည် ယင်းနှင့်ပတ်သက်၍ မိတ်သဟာယဖွဲ့သင့်သည်။ သင် မြင်သလော၊ ငါသည် တစ်စုံတစ်ခုကို မည်သို့ လုပ်ဆောင်သည်ဖြစ်စေ ငါသည် ယင်းအပေါ် အလေးအနက် စဉ်းစားသည် မဟုတ်လော။ ငါ့၌ စည်းမျဉ်းများ ရှိသည်။ သမ္မာတရားနှင့်ဖြစ်စေ၊ ဘုရားသခင် သို့မဟုတ် သမ္မာတရားအပေါ် သင်တို့၏ သဘောထားနှင့်ဖြစ်စေ၊ အသင်းတော် အလုပ်နှင့် သင်တို့၏ တာဝန်ကို ထမ်းဆောင်ခြင်းအပေါ သင်တို့၏ သဘောထားနှင့်ဖြစ်စေ မသက်ဆိုင်သည့် မည်သည့်အရာအတွက်မဆို ငါ ဝင်ရောက်စွက်ဖက်ခြင်း မရှိပေ၊ ငါ၏ ကိုယ်ပိုင်ကိစ္စကိုသာ ငါ ဂရုစိုက်သည်။ အထူးသဖြင့် ပုဂ္ဂိုလ်ရေးရာ ရွေးချယ်မှုနှင့် ပုဂ္ဂိုလ်ရေးရာ အကြိုက် ကိစ္စရပ်များနှင့်ပတ်သက်လာလျှင် ငါ မည်သည့်အခါမျှ ဝင်ရောက်စွက်ဖက်ခြင်း မရှိပေ။ ဥပမာအားဖြင့် အချို့သော ညီအစ်မများသည် ၎င်းတို့၏ ဆံပင်ကို အရှည်ထားရန်၊ ကျစ်ဆံမြီးကျစ်ရန် သို့မဟုတ် ဆံထုံးထုံးရန် နှစ်သက်ကြပြီး အချို့သော ညီအစ်ကိုများသည် ၎င်းတို့၏ ဆံပင်ကို အတိုထားရန် သို့မဟုတ် ခေါင်းတုံးတုံးရန် နှစ်သက်ကြသည်၊ သင်တို့သည် ထိုသို့လုပ်ဆောင်ခွင့် ရှိပြီး ငါ မည်သည့်အခါမျှ ဝင်ရောက်မစွက်ဖက်ပေ။ အချို့သော ညီအစ်ကိုမောင်နှမများသည် အစားအသောက် ဇီဇာကြောင်ကြပြီး အစားအစာ တစ်မျိုးမျိုးကို စားရန် အထူး နှစ်သက်ကြသည် သို့မဟုတ် ၎င်းတို့တွင် မကောင်းသော နေထိုင်မှုအလေ့အထ တစ်ခုခု ရှိကြသည်၊ ဤအရာများကိုလည်း ငါ မည်သည့်အခါမျှ ဝင်ရောက်မစွက်ဖက်ပေ။ ဤဆိုးရွားသော နေထိုင်မှုအလေ့အထက ၎င်းတို့၏ ကျန်းမာရေး၊ ၎င်းတို့၏ တာဝန်ထမ်းဆောင်မှု သို့မဟုတ် အသင်းတော်၏ အလုပ်ကို ထိခိုက်စေပါက ငါသည် ၎င်းတို့ကို သတိပေးပြီး ကူညီရမည် သို့မဟုတ် ညီအစ်ကိုမောင်နှမများကို ၎င်းတို့အား ကူညီခိုင်းရမည် ဖြစ်သည်။ သို့ရာတွင် အချို့လူများသည် ညီအစ်ကိုမောင်နှမများက ၎င်းတို့ကို ကူညီသောအခါ လက်မခံကြပေ၊ ၎င်းတို့သည် ဘောင်ခတ်ခံရပြီး ဖိအားပေးခံရသည်ဟု ခံစားရကြောင်းပင် ပြောဆိုကြသည်၊ အဆုံးတွင် ၎င်းတို့သည် မည်သူ့ကိုမျှ မပြောဘဲ အသင်းတော်မှ တိတ်တဆိတ် ထွက်ခွာသွားကြပြီး ညီအစ်ကိုမောင်နှမများအားလုံး စိတ်ဓာတ်ကျသွားကြသည်။ ငါက “သင် စိတ်ဓာတ်ကျခြင်းသည် မှားယွင်းသည်။ ငါတို့သည် လူတို့၏ လွတ်လပ်ခွင့်ကို ဝင်ရောက်မစွက်ဖက်ပေ။ ၎င်းတို့ ထွက်ခွာလိုပါက ထွက်ခွာသွားပါစေ၊ ယင်းမှာ ၎င်းတို့၏ ရွေးချယ်မှု ဖြစ်သည်။ ငါ လုံးဝ စိတ်ဓာတ်မကျပါ” ဟု ပြောသည်။ ငါ အဘယ်ကြောင့် စိတ်ဓာတ်မကျသနည်း။ အကြောင်းမှာ ၎င်းတို့ကို ကူညီခြင်းသည် ငါ၏ တာဝန်ဝတ္တရားဖြစ်ပြီး ငါ၏ လူ့သဘာဝတွင် ငါ လုပ်ဆောင်သင့်သည့်အရာ ဖြစ်သည်ဟု ငါ ခံစားရသောကြောင့် ဖြစ်သည်။ ၎င်းတို့အား ငါပေးသော အကူအညီသည် မျက်နှာသာပေးခြင်း သို့မဟုတ် ပရဟိတ တစ်မျိုးမျိုး မဟုတ်ပေ၊ ၎င်းတို့၏ အခြေအနေအကြောင်း ကြားသိရသောအခါ ၎င်းတို့ကို ကူညီရန် သင်တို့ကို ငါ တာဝန်ပေးအပ်ရမည် ဖြစ်သည်။ ၎င်းတို့သည် အသင်းတော်တွင် အချိန်ပြည့် တာဝန်ထမ်းဆောင်နေကြသည်။ ၎င်းတို့၏ ဆိုးရွားသော နေထိုင်မှုအလေ့အထက ၎င်းတို့၏ ကျန်းမာရေးကို ထိခိုက်စေပြီး ၎င်းတို့၌ ကျန်းမာရေး ပြဿနာများ ဖြစ်ပေါ်လာပါက ညီအစ်ကိုမောင်နှမများသည် မေတ္တာဖြင့် ၎င်းတို့ကို မကူညီသင့်သလော။ ဤသည်မှာ လူသားများအတွက် အခြေခံ လူမှုရေး ကိုယ်ကျင့်တရား ဖြစ်သည်။ သို့သော် ၎င်းတို့သည် ဤအကူအညီမျိုးကို လက်မခံဘဲ ၎င်းတို့၏ စိတ်နှလုံးထဲတွင် မနှစ်မြို့ဟူ၍ဖြစ်စေ၊ ဖိအားပေးခံရသည်ဟူ၍ဖြစ်စေ ခံစားရပါက ငါတို့သည် ၎င်းတို့ကို အတင်းအကျပ် ပေးမည်မဟုတ်သကဲ့သို့ ၎င်းတို့၏ လွတ်လပ်ခွင့်ကိုလည်း ဝင်ရောက်စွက်ဖက်မည် မဟုတ်ပေ။ သို့ဆိုလျှင် ၎င်းတို့ အသင်းတော်မှ ထွက်ခွာသွားသောအခါ အချို့လူများက အဘယ်ကြောင့် စိတ်ဓာတ်ကျကြသနည်း။ ၎င်းတို့အပေါ် သင်၏ တာဝန်နှင့် ဝတ္တရားကို ကောင်းမွန်စွာ ဖြည့်ဆည်းခြင်းသည် ၎င်းတို့အပေါ် မျက်နှာသာပေးခြင်း တစ်မျိုးဖြစ်သည်ဟု သင် ခံစားရသောကြောင့် သင် စိတ်ဓာတ်ကျခြင်း ဖြစ်သည်။ ၎င်းတို့သည် ယင်းကို ကျေးဇူးမတင်ခဲ့ကြ၊ ဤမျက်နှာသာပေးမှုကို လက်မခံခဲ့ကြသည့်အပြင် သင် အလိုရှိသည့်အတိုင်း မလုပ်ဆောင်ခဲ့ကြသဖြင့် သင်၏ ခံစားချက်များနှင့် သင်၏ မာနကို ထိခိုက်စေခဲ့သည်။ ဆိုရိုးစကားရှိသကဲ့သို့ပင် ၎င်းတို့သည် သင်၏ စေတနာကို ပစ်ပယ်ခဲ့ကြသဖြင့် သင် စိတ်ဓာတ်ကျခြင်း ဖြစ်သည်။ ငါ လုံးဝ စိတ်ဓာတ်မကျပေ။ ဤအရာကို ငါ သဘောပေါက်နားလည်ပုံသည် သင်တို့နှင့် ကွဲပြားသည်။ ဤကိစ္စရပ်မှ သင်ခန်းစာတစ်ခုကို ငါ ရယူရမည်ဖြစ်ပြီး အနာဂတ်တွင် ဤသို့သော မိုက်မဲသည့်အရာမျိုးကို ထပ်မလုပ်တော့ဟု ငါ ပြောသည်။ လူတိုင်းတွင် ကိုယ့်ရည်သန်မျှော်မှန်းချက်နှင့်ကိုယ် ရှိကြသည်။ သင်သည် လူတို့ကို သင်၏ ထိန်းချုပ်မှုအောက်တွင် ထားရှိပြီး ၎င်းတို့က ပျော်ရွှင်နေကာ သင့်ကို ချီးမွမ်းနေလိမ့်မည်ဟု မျှော်လင့်၍ မရနိုင်ပေ၊ ရနိုင်သလော။ ယင်းမှာ လုံးဝ ရယ်ဖွယ်ကောင်းပေလိမ့်မည်။ သင်သည် လူတို့ကို လွတ်လပ်ခွင့်ပေးရမည်ဖြစ်ပြီး ၎င်းတို့ကို လွတ်လပ်စွာ ရွေးချယ်ခွင့် ပေးရမည်။ သင်ပြောသည့်အရာ မှန်သည်ဟု ၎င်းတို့ ခံစားရပါက ၎င်းတို့သည် ယင်းကို လက်ခံရန် ရွေးချယ်နိုင်ပြီး ဤစကားများအတိုင်း လက်တွေ့လုပ်ဆောင်နိုင်သည်၊ သင်ပြောသည့်အရာ မှားသည်ဟု ၎င်းတို့ ခံစားရပါက ၎င်းတို့သည် ယင်းကို လက်မခံရန်လည်း ရွေးချယ်နိုင်သည်။ ၎င်းတို့တွင် ရွေးချယ်ပိုင်ခွင့် ရှိသည်။ သင်၏ စေတနာကို ၎င်းတို့အား အတင်းအကျပ် လက်မခံခိုင်းသင့်ပေ။ ၎င်းတို့ ယင်းကို လက်ခံသည်ဖြစ်စေ၊ မလက်ခံသည်ဖြစ်စေ ယင်းမှာ သဘောထားနှင့်ဆိုင်သော ကိစ္စတစ်ရပ် ဖြစ်သည်၊ ၎င်းတို့သည် ထိုသို့လုပ်ဆောင်ခွင့်ရှိသည်။ အလွန်ဆုံးအနေဖြင့် သင်သည် ၎င်းတို့ကဲ့သို့သော လူများ၌ရှိသည့် ပြဿနာများနှင့်ပတ်သက်၍ မိတ်သဟာယဖွဲ့နိုင်ပြီး ဤလူစားမျိုးထံမှ သင် ရယူထားသော သင်ခန်းစာများနှင့် ၎င်းတို့၌ သင် မြင်တွေ့ခဲ့ရသော ပြဿနာများ၏ အနှစ်သာရတို့နှင့်ပတ်သက်၍ သင် မိတ်သဟာယဖွဲ့နိုင်သည်၊ ယင်းက လူတို့ကို မည်သို့ ပိုင်းခြားသိမြင်ရမည်ကိုလည်းကောင်း၊ လူတို့ကို မည်သို့ ရှုမြင်ရမည်ကိုလည်းကောင်း၊ ဘုရားနှုတ်ကပတ်တော်များ၏ စည်းမျဉ်းများနှင့်အညီ ဤသို့သော လူများကို မည်သို့ ဆက်ဆံရမည်ကိုလည်းကောင်း သင်ယူရန်နှင့် မိုက်မဲသောအရာများကို ထပ်မလုပ်တော့ရန် သင့်အား ထောက်ကူပေးသည်။ သို့ဆိုလျှင် သင်တို့ မည်သည့်နေရာတွင် မှားယွင်းသွားသနည်း။ သင်တို့ မည်သူ့ကို ကူညီသည်ဖြစ်စေ သင်တို့သည် ခံစားချက်များအပေါ် အခြေခံ၍ ပြုမူပြီး “ငါ့၌ မေတ္တာ မည်မျှရှိသည်ကိုလည်းကောင်း၊ ငါ မည်မျှ မေတ္တာကြီးမားသည်ကိုလည်းကောင်း ကြည့်လော့” ဟုပင် တွေးသည်။ ဤသည်မှာ စည်းမျဉ်းများနှင့်အညီ ပြုမူခြင်း မဟုတ်ဘဲ သင်တို့၏ ကိုယ်ပိုင် အလိုဆန္ဒနှင့် အကြိုက်များအပေါ် အခြေခံ၍ လူတို့ကို ဆက်ဆံခြင်း ဖြစ်သည်၊ ဤသည်မှာ ခံစားချက်များအပေါ် အခြေခံ၍ အမှုအရာများကို လုပ်ဆောင်ခြင်း ဖြစ်သည်။ ငါ မည်သူနှင့် စကားပြောသည်ဖြစ်စေ သို့မဟုတ် ဆက်ဆံသည်ဖြစ်စေ ငါသည် စည်းမျဉ်းများအပေါ် အခြေခံ၍ စကားပြောပြီး ပြုမူသည်၊ ဤအရာထဲသို့ ခံစားချက်များ ဝင်ရောက်မလာပေ။ စကားပြောခြင်းနှင့် ပြုမူခြင်းတို့တွင် ငါသည် အသိစိတ်၊ စေတနာတို့ဖြင့် လုံးလုံးလျားလျား ပြုမူပြီး ဤသည်မှာ လူတိုင်းနှင့်ပတ်သက်၍ ငါ ကျင့်သုံးသင့်သော လုပ်နည်းကိုင်နည်း ဖြစ်သည်။ အထူးသဖြင့် ၎င်းတို့၏ တာဝန်ကို ပုံမှန် ထမ်းဆောင်နေကြသော ညီအစ်ကိုမောင်နှမများနှင့်ပတ်သက်၍ ဤသည်မှာ ငါ ပြုမူသင့်သည့် ပုံစံ အတိအကျ ဖြစ်သည်။ ဤသည်မှာ ငါ၏ တာဝန်ဝတ္တရားနှင့် တာဝန် ဖြစ်သည်။ ငါ ဤတာဝန်ကို ကောင်းမွန်စွာ ဖြည့်ဆည်းသရွေ့ ယင်းမှာ လုံလောက်သည်။ ၎င်းတို့သည် လက်ခံရန် ရွေးချယ်နိုင်သည် သို့မဟုတ် ငြင်းပယ်ရန် ရွေးချယ်နိုင်သည်၊ ငါသည် လူတို့ကို အတင်းအကျပ် မခိုင်းပေ။ ၎င်းတို့ လက်ခံပါက ငါ ပျော်ရွှင်သည်၊ ၎င်းတို့ လက်မခံပါက ငါ ဝမ်းနည်းမသွားပေ။ ငါ လုပ်ဆောင်နေခဲ့သည့် အရာအားလုံးမှာ စည်းမျဉ်းများနှင့်အညီ ငါ လုပ်ဆောင်သင့်သည့် အရာအချို့ကို လုပ်ဆောင်နေခြင်း ဖြစ်သည်၊ ငါသည် မိမိ၏ တာဝန်ကို ကောင်းမွန်စွာ ဖြည့်ဆည်းနေခြင်းမျှသာ ဖြစ်သည်။ သင်တို့ နားလည်သလော။ (နားလည်ပါသည်။)

မည်သည့် ပတ်ဝန်းကျင်ဖြစ်ပါစေ လူများနှင့် အပြန်အလှန် ဆက်ဆံသောအခါ ငါသည် လူအမျိုးအစားအားလုံးနှင့် အမှုအရာအမျိုးအစားအားလုံးကို စည်းမျဉ်းများနှင့်အညီ ဆက်ဆံနိုင်သည်။ အသက်တာတွင် ငါသည် လူတို့ကို အကူအညီအချို့ ပေးလျှင်ပင် သို့မဟုတ် လူတို့ကို တည်ဆောက်ပေးသည့် စကားအချို့ ပြောလျှင်ပင် ဤသည်မှာလည်း စည်းမျဉ်းများနှင့်အညီ အမှုအရာများကို လုပ်ဆောင်ခြင်း၏ အစိတ်အပိုင်းတစ်ခု ဖြစ်သည်၊ ယင်းမှာ ခံစားချက်များကြောင့် ပြုမူခြင်း မဟုတ်ပေ။ လူတို့၏ သဘာဝ အနှစ်သာရကို ဖော်ထုတ်ခြင်း၊ လူတို့၏ ဖောက်ပြန်ပျက်စီးသော စိတ်သဘောထားများကို ဖော်ထုတ်ခြင်းနှင့် အသေးစိတ် ကိစ္စရပ်များတွင် လူတို့၏ အမျိုးမျိုးသော ဖောက်ပြန်ပျက်စီးခြင်း ထုတ်ဖော်ပြမှုများနှင့် ဖောက်ပြန်ပျက်စီးသော အခြေအနေများအပြင် အမျိုးမျိုးသော ပြဿနာများ၏ အနှစ်သာရကို ဖော်ထုတ်ခြင်းကဲ့သို့သော သမ္မာတရားကို မိတ်သဟာယဖွဲ့ခြင်းနှင့်ပတ်သက်၍လည်း ငါသည် စည်းမျဉ်းများနှင့်အညီ ပြုမူသည်၊ ငါသည် ခံစားချက်များကြောင့် ပြုမူခြင်း မဟုတ်သည့်အပြင် လူ့အလိုဆန္ဒဖြင့် ပြုမူခြင်းလည်း မဟုတ်ပေ။ လူတို့သည် အမှုအရာများကို လုပ်ဆောင်သောအခါ ၎င်းတို့သည် မည်သူနှင့် ဆက်ဆံနေရသည်ဟူသည်နှင့် ၎င်းတို့၏ ကိုယ်ပိုင် စိတ်ခံစားချက်နှင့် အကြိုက်များအပေါ် အခြေခံ၍ အစဉ် ပြုမူကြသည်။ ၎င်းတို့သည် မိမိတို့ သဘောကျပြီး အဆင်ပြေသောသူများကို မျက်နှာသာပေးကြပြီး ဤလူများကို အချို့သော အကျိုးကျေးဇူးများ ပြုပေးကြသော်လည်း ၎င်းတို့ မနှစ်သက်ဘဲ အဆင်မပြေနိုင်သောသူများကိုမူ တိုက်ခိုက်ပြီး ဖယ်ကြဉ်ကြသည်၊ ၎င်းတို့သည် လူတို့ကို တရားမျှတစွာ မဆက်ဆံနိုင်ကြပေ။ ၎င်းတို့သည် ခံစားချက်များအပေါ် အခြေခံ၍ ပြုမူကြသည် သို့မဟုတ် ဒုစရိုက်အမှုများကို ကျူးလွန်ကြသည်၊ အချုပ်အားဖြင့် ၎င်းတို့သည် အမှုအရာများကို စည်းမျဉ်းများနှင့်အညီ မလုပ်ဆောင်ကြပေ။ အသင်းတော်ရှိ ညီအစ်ကိုမောင်နှမများနှင့် ငါ ပေါင်းသင်းဆက်ဆံသောအခါ ၎င်းတို့သည် မည်သူပင်ဖြစ်ပါစေ ငါသည် ၎င်းတို့ကို စည်းမျဉ်းများနှင့်အညီ ဆက်ဆံနိုင်သည်။ ထိုနည်းတူစွာ ဘာသာတရား မရှိသူများနှင့် အပြန်အလှန် ဆက်ဆံပြီး ပေါင်းသင်းဆက်ဆံသောအခါ ငါ့၌ စည်းမျဉ်းများနှင့် စည်းများလည်း ရှိသည်။ ၎င်းတို့သည် ထိပ်တိုက်ရင်ဆိုင်သော စကားအချို့ သို့မဟုတ် ရိုင်းစိုင်းသော၊ ယဉ်ကျေးသိမ်မွေ့မှုမရှိသော သို့မဟုတ် ရိုသေလေးစားမှုမရှိသော စကားများကို ပြောဆိုလျှင်ပင် ငါသည် ပါးကိုက်လျှင် နားပြန်ကိုက်မည်ဟူ၍ တုံ့ပြန်မည် မဟုတ်ပေ။ အမှုအရာများကို ပြီးမြောက်စေရန် ၎င်းတို့နှင့် ငါ အပြန်အလှန် ဆက်ဆံရမည်ဆိုပါက ငါသည် ၎င်းတို့နှင့် အပြန်အလှန် ဆက်ဆံမည် ဖြစ်သည်၊ ငါသည် အမှုအရာများကို ပြီးမြောက်စေရန် မလိုအပ်ပါက ၎င်းတို့ကို ရှောင်ရှားရန်နှင့် ငြင်းပယ်ရန် ငါ ရွေးချယ်မည် ဖြစ်သည်။ လူတစ်ဦးသည် ကိုယ်ကျင့်စရိုက် နိမ့်ကျပြီး အခြားသူများထံမှ အစဉ် အချောင်ယူလိုကာ အကျိုးကျေးဇူးများကို တောင်းဆိုလိုပါက၊ ပြီးလျှင် ငါက ၎င်းကို ကူညီလျှင်ပင် ၎င်းသည် ယင်းကို မှန်ကန်စွာ မဆက်ဆံနိုင်သေးပါက သို့မဟုတ် မပြောင်းလဲနိုင်သေးပါက၊ ဆိုလိုသည်မှာ ၎င်း၏ လူ့သဘာဝသည် ဆိုးရွားပါက ငါသည် ၎င်းနှင့် ခပ်ကင်းကင်းနေလိုက်သည်။ အချုပ်အားဖြင့် ငါသည် ညီအစ်ကိုမောင်နှမများနှင့် အပြန်အလှန် ဆက်ဆံနေသည်ဖြစ်စေ၊ ဘာသာတရား မရှိသူများနှင့် အပြန်အလှန် ဆက်ဆံနေသည်ဖြစ်စေ ငါသည် စည်းမျဉ်းများနှင့်အညီ ပြုမူနိုင်သည်၊ အနည်းဆုံးအနေဖြင့် လူ့သဘာဝ၏ အသိစိတ်နှင့် ဆင်ခြင်တုံတရားတို့၏ စည်းများနှင့်အညီ လူများနှင့် ငါ အပြန်အလှန် ဆက်ဆံသည်။ သင်တို့သည် ဤသို့ လုပ်ဆောင်နိုင်သလော။ (မလုပ်ဆောင်နိုင်ပါ။) ဖောက်ပြန်ပျက်စီးသော လူသားများသည် မည်သူနှင့် အပြန်အလှန် ဆက်ဆံသည်ဖြစ်စေ ၎င်းတို့သည် မိမိတို့၏ ကိုယ်ပိုင် အကျိုးစီးပွားများကို အစဉ် ကာကွယ်ကြသည်၊ သို့မဟုတ် စည်းမျဉ်းများမရှိဘဲ ခံစားချက်များနှင့် အကြိုက်များအပေါ် အခြေခံ၍ လူတို့ကို ဆက်ဆံကြသည်။ ယင်းသည် အဆင်ပြေပြီး ကောင်းမွန်သော ဆက်ဆံရေးရှိသည်ဟု ၎င်းတို့ ခံစားရသော ညီအစ်ကို သို့မဟုတ် ညီအစ်မတစ်ဦး ဖြစ်ပါက ၎င်းတို့သည် ထိုသူကို ကူညီနိုင်သည်၊ ထိုသူကို မေတ္တာထားနိုင်သည်၊ ထိုသူကို ပစ္စည်းများ ပေးနိုင်ပြီး ထိုသူနှင့် ရင်းနှီးသော အဆက်အသွယ် ရှိနိုင်သည်။ သို့သော် ထိုသူက ၎င်းတို့၏ ခံစားချက်များကို ထိခိုက်စေသည့် အရာတစ်ခုခုကို လုပ်ဆောင်ပါက ၎င်းတို့က “သူတို့ကို ကျွန်ုပ် မည်သည့်အခါမျှ ထပ်မတွေ့တော့ပါ၊ သူတို့နှင့်လည်း မည်သည့်အခါမျှ ထပ်၍ အပြန်အလှန် မဆက်ဆံတော့ပါ။ ကျွန်ုပ် အမှန်တကယ်ပင် နောင်တရပါသည်။ ယခင်က သူတို့ကို ကျွန်ုပ် အလွန် ကောင်းခဲ့ပြီး များစွာ ကူညီခဲ့သည့်တိုင် သူတို့က ကျွန်ုပ်ကို ဤကဲ့သို့ ဆက်ဆံကြသေးသည်။ သူတို့သည် ကျေးဇူးကန်းသည့်သူ၊ ကျေးဇူးမသိတတ်သည့် လူယုတ်မာပင် ဖြစ်သည်” ဟု ပြောဆိုကြသည်။ ၎င်းတို့သည် လူတို့ကို တရားမျှတစွာ ဆက်ဆံရန် စည်းမျဉ်းများနှင့်အညီ မပြုမူနိုင်ကြပေ။ ၎င်းတို့သည် တစ်စုံတစ်ဦးအပေါ် ကောင်းသောအခါ ခံစားချက်များကြောင့် ထိုသို့လုပ်ဆောင်ကြပြီး ၎င်းတို့သည် တစ်စုံတစ်ဦးအပေါ် ဆိုးပါက ယင်းမှာ ၎င်းတို့၏ ပုဂ္ဂိုလ်ရေး နှစ်သက်မှုကြောင့် ဖြစ်သည်၊ ၎င်းတို့ လုပ်ဆောင်သမျှ အရာအားလုံးမှာ ၎င်းတို့၏ ခံစားချက်များကို ဖြည့်ဆည်းရန်သာ ဖြစ်သည်။ သို့ဖြစ်၍ ၎င်းတို့သည် တစ်စုံတစ်ဦးကို ကူညီပြီး ၎င်းတို့အား အကျိုးပြုသော်လည်း ထိုသူက ကျေးဇူးမသိတတ်ရုံသာမက ၎င်းတို့၏ ခံစားချက်များကိုပါ ထိခိုက်စေပါက ၎င်းတို့သည် အလွန် ဝမ်းနည်းပြီး နာကျင်ကြလိမ့်မည်ဖြစ်ကာ ၎င်းတို့၏ ကြိုးပမ်းအားထုတ်မှုများ အချည်းနှီးဖြစ်သွားသည်ဟု ခံစားရလျက် ညည်းညူကြလိမ့်မည်။ ၎င်းတို့သည် ယင်းကို လက်ခံရန် လိုလားမည်မဟုတ်ဘဲ ဤအရာကို မည်သည့်အခါမျှ ထပ်လုပ်မည် မဟုတ်ပေ။ ငါ့ကို ပြောလော့၊ ငါသည် ဤအခြေအနေမျိုးနှင့် ကြုံတွေ့ရပါက ငါ မည်သို့ ကိုင်တွယ်မည်နည်း။ ပထမဦးစွာ သင်တို့သည် ဤကိစ္စရပ်ကို အချင်းချင်း မျက်နှာသာပေးကြသည့် လူများ၏ အမြင်ရှုထောင့်မှ အကဲဖြတ်၍မရပေ၊ ဤအခြေအနေမျိုးကို ခံစားချက်များအပေါ် အခြေခံ၍ သင်တို့ မဆုံးဖြတ်နိုင်ပေ။ သင်တို့သည် ဤသို့သော လူများကို ခံစားချက်များအပေါ် အခြေခံ၍ ပိုင်းခြားသိမြင်ပြီး ရှုမြင်ခြင်း ပြုမည့်အစား ဘုရားနှုတ်ကပတ်တော်များနှင့် သမ္မာတရား စည်းမျဉ်းများအပေါ် အခြေခံ၍ ပိုင်းခြားသိမြင်ရမည်၊ ၎င်းတို့၏ လူ့သဘာဝနှင့် ၎င်းတို့ လျှောက်လှမ်းသော လမ်းကြောင်းအပြင် ဘုရားသခင်အပေါ်၊ သမ္မာတရားအပေါ်နှင့် ၎င်းတို့၏ တာဝန်အပေါ် ၎င်းတို့၏ သဘောထားကို သင်တို့ ပိုင်းခြားသိမြင်ရမည်ဖြစ်သည်။ တစ်စုံတစ်ဦးကို ဤနည်းလမ်းအတိုင်း ရှုမြင်ခြင်းသည် များစွာ ပို၍ တိကျမှန်ကန်သည်။ ယင်းမှာ လူတစ်ဦး သို့မဟုတ် ကိစ္စရပ်တစ်ခုကို ခံစားချက်များ သို့မဟုတ် သင်၏ ပုဂ္ဂိုလ်ရေး အမြတ်အစွန်းများနှင့် ဆုံးရှုံးမှုများအပေါ် အခြေခံ၍ အကဲဖြတ်ခြင်း မဟုတ်ဘဲ ဘုရားနှုတ်ကပတ်တော်များနှင့် သမ္မာတရား စည်းမျဉ်းများအပေါ် အခြေခံ၍ ၎င်းတို့ကို အကဲဖြတ်ခြင်း ဖြစ်သည်။ လူတစ်ဦး သို့မဟုတ် ကိစ္စရပ်တစ်ခုကို ဤနည်းလမ်းအတိုင်း ရှုမြင်ခြင်းသည် တိကျပြီး စည်းမျဉ်းများနှင့် အညီဖြစ်လေသည်။ သင်သည် လူများနှင့် အမှုအရာများကို ဤနည်းလမ်းအတိုင်း ရှုမြင်သောအခါ သင် တစ်ချိန်က ကူညီခဲ့ဖူးသူတစ်ဦးသည် ကျေးဇူးမသိတတ်သောကြောင့် သင် ဝမ်းနည်းပြီး နာကျင်မည်မဟုတ်သကဲ့သို့ တစ်စုံတစ်ဦးထံမှ မျက်နှာသာပေးမှုတစ်ခုကို တစ်ချိန်က သင် ရရှိခဲ့ဖူးသောကြောင့် ၎င်းတို့အပေါ် ကြီးစွာသော ကျေးဇူးတင်မှုကို ခံစားရမည် မဟုတ်ပေ၊ ထိုအစား သင်သည် ၎င်းတို့ကို စည်းမျဉ်းများနှင့်အညီ မှန်ကန်စွာ ဆက်ဆံနိုင်လိမ့်မည်။ “ညောင်စေ့လောက် ကျေးဇူးပြုခံရရင် ညောင်ပင်ကြီးလောက် ကျေးဇူးပြန်ဆပ်ရမည်” ဟူသော ဆိုရိုးစကားတစ်ခု ရှိသည်။ သာမန်လူများသည် ရိုးရာယဉ်ကျေးမှု၏ ထိုသို့သော အတွေးများနှင့် အမြင်များ၏ ဆင်ခြင်တွေးခေါ်မှုစနစ်အတွင်း၌ အသက်ရှင်နေထိုင်ကြဆဲ ဖြစ်သည်။ ၎င်းတို့သည် အမှုအရာများကိုဖြစ်စေ၊ လူများကိုဖြစ်စေ ဘုရားနှုတ်ကပတ်တော်များ သို့မဟုတ် သမ္မာတရားအပေါ် အခြေခံ၍ မရှုမြင်ကြသည့်အပြင် လူတို့ကို စည်းမျဉ်းများနှင့်အညီ မဆက်ဆံကြပေ။ သင်သည် လူတို့ကို မည်သို့ ဆက်ဆံသည်ဟူသည်နှင့်ပတ်သက်လာလျှင် ၎င်းတို့ကို မလိမ်လည်ခြင်း၊ ၎င်းတို့ကို ဘေးအန္တရာယ် မဖြစ်စေခြင်း၊ ၎င်းတို့ကို မရိုက်နှက်ခြင်း၊ ၎င်းတို့ကို မဆဲဆိုခြင်း သို့မဟုတ် ၎င်းတို့အပေါ် ဆိုးယုတ်သောအရာများ မလုပ်ဆောင်ခြင်းအပြင် သင်သည် ၎င်းတို့အပေါ် ကောင်းမွန်ရမည်ဟု ၎င်းတို့ ယုံကြည်ကြသည်။ အထူးသဖြင့် တစ်စုံတစ်ဦးက သင့်အား မျက်နှာသာပေးခဲ့ပါက သင်သည် ယင်းကို နှစ်ဆ ပြန်လည်ပေးဆပ်သင့်သည်၊ သို့မဟုတ်ပါက သင်သည် ကျေးဇူးမသိတတ်သူ ဖြစ်သည်ဟူ၍တည်း။ လူတို့ကို ဤနည်းလမ်းများအတိုင်း ဆက်ဆံခြင်းသည် လူတို့အပေါ် ကောင်းမွန်ခြင်းအဖြစ် သတ်မှတ်နိုင်သလော။ (မသတ်မှတ်နိုင်ပါ။) သို့ဆိုလျှင် အမှန်တကယ် လူတို့အပေါ် ကောင်းခြင်းဟူသည်မှာ အဘယ်နည်း။ ယင်းမှာ လူ့ခံစားချက်များကြောင့် တစ်စုံတစ်ဦးကို ချစ်ခြင်း၊ ဂရုစိုက်ခြင်းနှင့် စောင့်ရှောက်ခြင်း မဟုတ်ဘဲ ဘုရားနှုတ်ကပတ်တော်များနှင့်အညီ စည်းမျဉ်းများအပေါ် အခြေခံ၍ အမှုအရာများကို လုပ်ဆောင်ခြင်း ဖြစ်သည်။ လူအများစုသည် စည်းမျဉ်းများအပေါ် အခြေခံ၍ အမှုအရာများကို မလုပ်ဆောင်နိုင်ကြပေ၊ လူတို့သည် အမှုအရာများကို စည်းမျဉ်းများအပေါ် အခြေခံ၍ မဟုတ်ဘဲ ခံစားချက်များအပေါ် အခြေခံ၍သာ လုပ်ဆောင်ကြသည်။ ခံစားချက်များအပေါ် အခြေခံ၍ အမှုအရာများကို လုပ်ဆောင်ခြင်းနှင့် စည်းမျဉ်းများအပေါ် အခြေခံ၍ အမှုအရာများကို လုပ်ဆောင်ခြင်းတို့သည် အလွန် ကွဲပြားခြားနားသည်၊ ယင်းတို့သည် မတူညီသော လမ်းကြောင်းနှစ်ခု ဖြစ်သည်။ ခံစားချက်များအပေါ် အခြေခံ၍ အမှုအရာများကို လုပ်ဆောင်ခြင်းသည် လူ့အလိုဆန္ဒဖြင့် ရောနှောနေသည်၊ သင်သည် တစ်စုံတစ်ဦးကို ကူညီသောအခါ ယင်းမှာ သင်၏ ပုဂ္ဂိုလ်ရေး ခံစားချက်များ၏ လိုအပ်ချက်များကို ဖြည့်ဆည်းရန်ဖြစ်သည်၊ ယင်းမှာ ကိစ္စရပ်များကို ဘက်မလိုက်ဘဲ ကိုင်တွယ်ဖြေရှင်းခြင်း မဟုတ်ပေ။ ဤသူက သင့်အပေါ် ကြီးစွာသော ကျေးဇူးတင်မှုကို ခံစားရပါက သင်သည် ၎င်းအပေါ် ဆက်လက်၍ ကောင်းနေမည် ဖြစ်သည်၊ ၎င်းက ယင်းကို ကျေးဇူးမတင်ဘဲ သင်၏ စိတ်နှလုံးကို နာကျင်စေကာ သင်၏ ခံစားချက်များကို ထိခိုက်စေပါက သင်သည် ၎င်းကို နောက်ထပ် ကူညီမည် မဟုတ်ပေ။ သို့ဆိုလျှင် သင်သည် စည်းမျဉ်းများမရှိဘဲ ပြုမူနေခြင်း မဟုတ်လော။ (ဟုတ်ပါသည်။) ဤသည်မှာ စည်းမျဉ်းများမရှိဘဲ ပြုမူခြင်း ဖြစ်သည်။ သို့ဆိုလျှင် စည်းမျဉ်းများနှင့်အညီ အမှုအရာများကို လုပ်ဆောင်ခြင်းဟူသည်မှာ အဘယ်နည်း။ ယင်းမှာ လူတစ်ဦးအနေဖြင့် သင်၏ တာဝန်ကို ကောင်းမွန်စွာ ဖြည့်ဆည်းခြင်း၊ လိုအပ်သလို အခြားသူများကို ကူညီခြင်းနှင့် ၎င်းတို့ အလိုရှိသည့်အတိုင်း ယင်းကို ယူဆခွင့်ပေးခြင်း ဖြစ်သည်။ ၎င်းတို့သည် သင်၏ အကူအညီကို လက်ခံရန် လိုလားပါက ယင်းမှာ ကောင်းမွန်သည်၊ ၎င်းတို့သည် ယင်းကို လက်ခံရန် မလိုလားပါက ၎င်းတို့သည် ကောင်းချီးမခံစားရဟု သင် မပြောသင့်သည့်အပြင် သင်သည် စိတ်အနှောင့်အယှက်ဖြစ်ခြင်း၊ ဝမ်းနည်းခြင်း သို့မဟုတ် စိတ်ပျက်ခြင်းတို့ မဖြစ်သင့်ဘဲ ၎င်းတို့ကို မှန်ကန်စွာ ဆက်ဆံသင့်ဆဲ ဖြစ်သည်။ ဤသည်မှာ စည်းမျဉ်းများနှင့်အညီ အမှုအရာများကို လုပ်ဆောင်ခြင်း ဖြစ်သည်။ “အခြားသူများကို မတိုက်ခိုက်ခြင်း” ဟူသော ဤစည်းမျဉ်းကို သင်တို့ နားလည်ပြီလော။ (နားလည်ပါပြီ။)

လူ့ဇာတိခံယူသော ဘုရားသခင်၏ ဇာတိပကတိသည် လူတို့အကြားတွင် အသက်ရှင်နေထိုင်ပြီး ၎င်းတို့နှင့် အပြန်အလှန် ဆက်ဆံကာ ဆက်သွယ်သောအခါ ထားရှိသော စည်းမျဉ်းများထဲမှ တစ်ခုမှာ ၎င်းတို့ကို မတိုက်ခိုက်ခြင်း ဖြစ်သည်။ အခြားသူများကို မတိုက်ခိုက်ခြင်းတွင် လူတို့ကို ဆက်ဆံခြင်းနှင့် သမ္မာတရားကို မိတ်သဟာယဖွဲ့ခြင်းတို့အတွက် စည်းမျဉ်းများ ပါဝင်သည်။ အခြားသူများကို မတိုက်ခိုက်ခြင်းအပြင် လူ့ဇာတိခံ ဘုရားသခင်တွင် လူတို့ကို ဆက်ဆံခြင်းအတွက် အခြား စည်းမျဉ်းတစ်ခု ရှိပြီး ယင်းမှာ လက်စားမချေခြင်း ဖြစ်သည်။ လူတို့သည် လက်စားချေခြင်း ကိစ္စရပ်ကို မည်သို့ ရှုမြင်ကြသနည်း။ တစ်စုံတစ်ဦးသည် အနိုင်ကျင့်ခံရပါက သို့မဟုတ် နာကျင်အောင်လုပ်ခြင်း ခံရပြီးနောက် ခိုင်လုံသော အကြောင်းပြချက်ဖြင့် ပြန်လည်တိုက်ခိုက်ပါက သို့မဟုတ် ပြန်လည်ချေပပါက လူတို့သည် ဤအရာကို လက်ခံနိုင်ဖွယ်ရှိသည်ဟု ထင်ကြသလော။ (ထင်ကြပါသည်။) သို့သော် ဘုရားသခင်နှင့်ပတ်သက်၍ ဤသည်မှာ လူတို့ကို ဆက်ဆံပုံနည်းလမ်းအတွက် စည်းမျဉ်းတစ်ခု ဖြစ်သလော။ (မဟုတ်ပါ။) လူသားမျိုးနွယ်အကြားတွင် မည်သူမဆို လက်စားချေနိုင်ပြီး လူတိုင်း ထိုသို့လုပ်ဆောင်နိုင်စွမ်း ရှိကြသည်၊ လူတိုင်းတွင် လက်စားချေလိုသည့် ပင်ကိုသဘာဝအပြင် လက်စားချေလိုသည့် ရည်ရွယ်ချက်နှင့် လိုအင်ဆန္ဒတို့လည်း ရှိကြသည်။ တစ်စုံတစ်ဦးက သင့်အား နှုတ်ဖြင့် စော်ကားထားပါက သို့မဟုတ် သင့်အား နာကျင်အောင်လုပ်ထားပါက သင်သည် ယခုချက်ချင်း လက်စားမချေနိုင်လျှင်ပင် သင့်၌ သိက္ခာရှိကြောင်း၊ သင်သည် အနိုင်ကျင့်ခံရမည့် သို့မဟုတ် မလောက်လေးမလောက်စား လုပ်ခံရမည့်သူ မဟုတ်ကြောင်း၊ သင်သည် လူအတစ်ဦး မဟုတ်ကြောင်းနှင့် သင့်၌ ပုံမှန် လူ့သဘာဝ၏ ဆင်ခြင်တုံတရား ရှိပြီး အမှုအရာများကို သိမြင်ကာ ဆုံးဖြတ်ချက်များ ချမှတ်နိုင်ကြောင်း ၎င်းတို့ကို အသိပေးရန် သင်သည် ထိုသို့လုပ်ဆောင်ဖို့ အခွင့်အရေးတစ်ခုကို ရှာဖွေနေဦးမည် ဖြစ်သည်။ သို့ဆိုလျှင် လူတို့အပေါ် လက်စားချေလိုသည့် ဤအတွေးများသည် မည်သို့ ဖြစ်ပေါ်လာသနည်း။ ယင်းတို့သည် ပုံမှန် လူ့သဘာဝ၏ အသိစိတ်နှင့် ဆင်ခြင်တုံတရားမှ လာသလော၊ သို့မဟုတ် စာတန်ဆန်ပြီး ဖောက်ပြန်ပျက်စီးသည့် စိတ်သဘောထားများ၏ တဇောက်ကန်းဖြစ်ခြင်းမှ လာသလော။ (စာတန်ဆန်ပြီး ဖောက်ပြန်ပျက်စီးသည့် စိတ်သဘောထားများ၏ တဇောက်ကန်းဖြစ်ခြင်းမှ လာပါသည်။) ဤသည်မှာ သိသာထင်ရှားသည်။ တစ်စုံတစ်ဦးသည် အခြားသူများ၏ အနိုင်ကျင့်ခြင်း၊ အချောင်ယူခြင်း သို့မဟုတ် လှည့်စားခြင်းကို ခံရပါက ၎င်း၌ မည်သည့် အဆင့်အတန်းမျှ မရှိချိန်၌ ၎င်းသည် လက်စားချေရန် အခွင့်အရေး ရှိမည်မဟုတ်သည့်အပြင် ၎င်း၏ အခြေအနေများကလည်း ယင်းကို ခွင့်ပြုမည် မဟုတ်ပေ၊ သို့ဖြစ်၍ ၎င်းသည် ဤအရာအားလုံးကို ၎င်း၏ စိတ်နှလုံးထဲတွင် မျိုသိပ်ထားလိမ့်မည်ဖြစ်ပြီး ယင်းတို့သည် အမုန်းတရား တစ်မျိုးအဖြစ်သို့ ပြောင်းလဲသွားသည်။ ဤအမုန်းတရားကြောင့်လည်းကောင်း၊ ၎င်းသည် ဤမတရားသော ဆက်ဆံမှုကို ရရှိခဲ့သောကြောင့်လည်းကောင်း လူ့အဖွဲ့အစည်းအပေါ်၊ လူသားမျိုးနွယ်အပေါ်နှင့် ၎င်းက ရန်သူအဖြစ် ရှုမြင်သော လူတိုင်းအပေါ် ရန်လိုလာနိုင်သည်။ မည်သူမဆို အဆင့်အတန်း ရှသောအခါ၊ အခြေအနေများက ခွင့်ပြုသောအခါနှင့် ၎င်းတို့တွင် ထိုသို့လုပ်ဆောင်ရန် အခွင့်အရေး ရှိသောအခါ ၎င်းတို့ကို တစ်ချိန်က နာကျင်စေခဲ့သော သို့မဟုတ် အထင်သေးခဲ့သောသူများကို ၎င်းတို့၏ လက်တုံ့ပြန်ခြင်းကို ခံစားရစေပြီး ထိုသူတို့နှင့် ထိုက်တန်သော အပြစ်ဒဏ်ကို ရရှိစေလျက် ၎င်းတို့သည် လက်စားချေသည့် လုပ်ရပ်များကို ကျူးလွန်နိုင်စွမ်း ရှိကြသည်။ ဤနည်းလမ်းအတိုင်း အသက်ရှင်နေထိုင်ခြင်းသည် သိက္ခာရှိခြင်းဖြစ်သည်ဟုလည်းကောင်း၊ ၎င်းတို့သည် ဤအာဃာတ၏ ဝန်ထုပ်ဝန်ပိုးကို နောက်ဆုံးတွင် ဖယ်ရှားလိုက်ပြီဟုလည်းကောင်း ၎င်းတို့ ခံစားကြရသည်။ လူသားမျိုးနွယ်အကြားတွင် ဤသို့လုပ်ဆောင်သော မည်သူမဆိုသည် လူ့အဖွဲ့အစည်း၏ သို့မဟုတ် ၎င်းတို့ အသိစိတ်၏ ပြစ်တင်ရှုတ်ချခြင်းကို ခံရမည် မဟုတ်ပေ။ သို့ဖြစ်၍ လက်စားချေခြင်းသည် မလျော်ကန်သော၊ ရှက်ဖွယ်ကောင်းသော အရာတစ်ခု မဟုတ်ဟု လူတို့ ယုံကြည်ကြသည့်အပြင် ယင်းကို အပြုသဘောဆောင်သော သို့မဟုတ် အပျက်သဘောဆောင်သော အရာတစ်ခုအဖြစ်လည်း ၎င်းတို့ မသတ်မှတ်ကြပေ။ သို့ရာတွင် ကျေးဇူးတော်ခေတ်မှ ဤအမှုအဆင့်အထိ ဘုရားသခင် ပြောဆိုထားသော စကားများအားလုံးတွင် အခြားသူများအပေါ် လက်စားချေရန် လူတို့ကို ပြောဆိုထားသည့် စာကြောင်းတစ်ကြောင်းကိုမျှ သင် ရှာတွေ့နိုင်မည် မဟုတ်ပေ။ ဘုရားသခင်သည် လူတို့ကို “တစ်စုံတစ်ဦးက သင့်အား နာကျင်စေပါက သို့မဟုတ် တစ်စုံတစ်ဦးက သင့်အား လှည့်စားခဲ့ပါက သင်သည် လက်စားချေရမည်၊ သင်သည် ၎င်းတို့ကို လက်တုံ့ပြန်ရမည်၊ သွားတစ်ချောင်းအတွက် သွားတစ်ချောင်း၊ မျက်လုံးတစ်လုံးအတွက် မျက်လုံးတစ်လုံး ဖြစ်သည်” ဟု မည်သည့်အခါကမျှ မပြောဆိုခဲ့ဖူးပေ။ လက်စားချေခြင်းသည် လူတို့ကို မည်သို့ ဆက်ဆံရမည်ဟူသည်နှင့်ပတ်သက်၍ ဘုရားသခင်က သင့်အား ပြောဆိုထားသော စည်းမျဉ်းများထဲမှ တစ်ခု ဖြစ်သလော။ (မဟုတ်ပါ။) ကျေးဇူးတော်ခေတ်တွင် အခြားသူများကို မည်သို့ ဆက်ဆံရမည်ဟူသည်နှင့်ပတ်သက်၍ ဘုရားသခင်သည် လူတို့ကို မည်သည့်အရာ ပြောဆိုခဲ့သနည်း။ စိတ်ရှည်ခြင်း၊ သည်းခံခွင့်လွှတ်ခြင်းနှင့် မေတ္တာတို့ဖြင့် ဖြစ်သည်။ အခြား မည်သည့်အရာ ရှိသေးသနည်း။ (သင်၏ ရန်သူများကို ချစ်လော့၊ ပြီးလျှင် တစ်စုံတစ်ဦးက သင်၏ ဘယ်ဘက်ပါးကို ရိုက်ပါက ညာဘက်ပါးကိုပါ ၎င်းတို့ထံ လှည့်ပေးလော့ဟူ၍ ဖြစ်ပါသည်။) အခြား မည်သည့်အရာ ရှိသေးသနည်း။ အခြားသူများကို အကြိမ်ခုနစ်ဆယ် ခုနစ်လီမြောက်အောင် ခွင့်လွှတ်လော့။ “အကြိမ်ခုနစ်ဆယ် ခုနစ်လီမြောက်အောင်” ဟူသော ကိန်းဂဏန်းသည် တင်စားချက်တစ်ခုသာ ဖြစ်သည်၊ ယင်းက ထိုမျှလောက် များပြားသော အကြိမ်အရေအတွက်ကို အမှန်တကယ် ဆိုလိုခြင်း မဟုတ်ပေ။ သင့်အပေါ် အမှားတစ်စုံတစ်ရာ လုပ်ဆောင်ထားသူအားလုံးကို ခွင့်လွှတ်စေရန်၊ ၎င်းတို့ကို အကြိမ်အရေအတွက် အကန့်အသတ်မရှိ ခွင့်လွှတ်စေရန် ဘုရားသခင်က ဤသို့ ပြောဆိုခြင်း ဖြစ်သည်၊ ဤသည်မှာ စည်းမျဉ်းတစ်ခု ဖြစ်သည်။ စိတ်ရှည်ခြင်း၊ သည်းခံခွင့်လွှတ်ခြင်း၊ အလျှော့ပေးခြင်း၊ သင်၏ ရန်သူများကို ချစ်ခြင်း၊ ဘယ်ဘက်ပါးကို ရိုက်ခံရသောအခါ ညာဘက်ပါးကို လှည့်ပေးခြင်းနှင့် အခြားသူများကို အကြိမ်ခုနစ်ဆယ် ခုနစ်လီမြောက်အောင် ခွင့်လွှတ်ခြင်းဟူသည့် ဤအရာများသည် ကျေးဇူးတော်ခေတ်တွင် မကြာခဏ ပြောဆိုခဲ့ရသည့်အရာများ ဖြစ်သည်။ သို့ဆိုလျှင် လူတို့ကို ဆက်ဆံခြင်းအတွက် စည်းမျဉ်းများကို ဤစကားများမှ ရယူနိုင်သလော။ အခြားသူများကို ဆက်ဆံရာတွင် လိုက်နာရန် လူတို့ကို ဘုရားသခင် တောင်းဆိုသည့် စည်းမျဉ်းများမှာ အဘယ်အရာများ ဖြစ်သနည်း။ ယင်းတို့တွင် သွားတစ်ချောင်းအတွက် သွားတစ်ချောင်း၊ မျက်လုံးတစ်လုံးအတွက် မျက်လုံးတစ်လုံး ဖြစ်သည်ဟူသောအရာ ပါဝင်သလော။ (မပါဝင်ပါ။) ယင်းတို့တွင် ၎င်းတို့ ပြုမူသည့်အတိုင်း ၎င်းတို့ကို ပြန်လည်တုံ့ပြန်ခြင်း ပါဝင်သလော။ (မပါဝင်ပါ။) ယင်းတို့တွင် လက်စားချေခြင်း ပါဝင်သလော။ (မပါဝင်ပါ။) ဤအရာများထဲမှ တစ်ခုမျှ မပါဝင်ပေ။ ကျေးဇူးတော်ခေတ်တွင် ဘုရားသခင် ပြောဆိုခဲ့သော ဤအရာတစ်ခုစီသည် အသေးစိတ် အပြုအမူနှင့် လက်တွေ့လုပ်ဆောင်မှု အမျိုးအစားတစ်ခု ဖြစ်သော်လည်း ယင်းတို့အားလုံးသည် အခြားသူများကို ဆက်ဆံခြင်းနှင့်ပတ်သက်၍ ဘုရားသခင်က လူတို့ကို ပြောဆိုထားသော စည်းမျဉ်းများ ဖြစ်ကြသည်။ သို့ဖြစ်၍ နောက်ဆုံးသော ကာလရှိ ဤအမှု အဆင့်တွင် အခြားသူများကို မည်သို့ ဆက်ဆံရမည်ဟူသည်နှင့်ပတ်သက်၍ ဘုရားသခင်သည် လူတို့ကို မည်သည့်အရာ ပြောဆိုသနည်း။ လူတို့ကို တရားမျှတစွာ ဆက်ဆံရန်၊ ၎င်းတို့၏ အားနည်းချက်များနှင့် ချို့ယွင်းချက်များကို မကြည့်ဘဲ ၎င်းတို့၏ အားသာချက်များနှင့် ကောင်းကွက်များကို ကြည့်ရန် ဖြစ်သည်။ အသေးစိတ် အခြား မည်သည့်အရာ ရှိသေးသနည်း။ အခြားသူများကို မလှည့်စားရန်၊ မငြင်းခုံရန် သို့မဟုတ် မတိုက်ခိုက်ရန်နှင့် အခြားသူများနှင့် သဟဇာတဖြစ်စွာ ပူးပေါင်းဆောင်ရွက်ရန်တို့ ဖြစ်သည်။ ဤအရာများအားလုံးသည် လူတို့ကို မည်သို့ ဆက်ဆံရမည်ဟူသည်နှင့်ပတ်သက်သော အသေးစိတ်ကျသည့် စည်းမျဉ်းများ ဖြစ်သလော။ (ဟုတ်ပါသည်။) မည်သည့်ခေတ်ပင်ဖြစ်ပါစေ အခြားသူများကို မည်သို့ ဆက်ဆံရမည်ဟူသည်နှင့်ပတ်သက်၍ ဘုရားသခင် ပေးထားသော အသေးစိတ်ကျသည့် စည်းမျဉ်းများထဲမှ တစ်ခုကမျှ လက်စားချေရန် လူတို့ကို မပြောဆိုပေ။ “လူတစ်ဦးက သင့်အား နာကျင်အောင်ပါက ၎င်းတို့ကို နာကျင်စေလော့၊ လူတစ်ဦးက သင့်အား ရိုက်ပါက သင်သည် ၎င်းတို့ကို ပြန်ရိုက်ရမည်၊ ၎င်းတို့က သင့်အား ထိုးကြိတ်ပါက ၎င်းတို့ကို ပြန်လည်ထိုးကြိတ်လော့၊ ၎င်းတို့က သင့်အား ဆဲဆိုပါက ၎င်းတို့ကို ပြန်လည်ဆဲဆိုလော့” ဟု တစ်ခုကမျှ မပြောဆိုပေ။ ဘုရားသခင်သည် ဤကဲ့သို့သော စကားတစ်ခွန်းကိုမျှ မည်သည့်အခါမျှ မပြောဆိုခဲ့ဖူးပေ။ အခြားသူများနှင့် သဟဇာတဖြစ်စွာ ပူးပေါင်းဆောင်ရွက်ရန်နှင့် လူတို့ကို တရားမျှတစွာ ဆက်ဆံရန် ဘုရားသခင်က သင့်အား တောင်းဆိုသည်။ တစ်ဖက်လူသည် သင် အထင်သေးသောသူတစ်ဦး၊ သင့်အား တစ်ချိန်က နာကျင်စေခဲ့သော သို့မဟုတ် လှည့်စားခဲ့သောသူတစ်ဦး သို့မဟုတ် သင့်အား တိုက်ခိုက်ခဲ့သော သို့မဟုတ် သင့်အား ဝေဖန်ကဲ့ရဲ့ခဲ့သောသူတစ်ဦး ဖြစ်နိုင်သည်။ သို့သော် ၎င်းသည် ဘုရားသခင်ကို အမှန်တကယ် ယုံကြည်သောသူတစ်ဦး ဖြစ်နေသရွေ့ သင်သည် ၎င်းကို တရားမျှတစွာ ဆက်ဆံသင့်ပြီး ၎င်းနှင့် သဟဇာတဖြစ်စွာ ပူးပေါင်းဆောင်ရွက်သင့်သည်။ ဤသည်မှာ စည်းမျဉ်းဖြစ်ပြီး ဤသည်မှာ ပုံမှန် လူ့သဘာဝရှိသော လူတစ်ဦးအနေဖြင့် ၎င်းတို့ အခြားသူများကို ဆက်ဆံပုံတွင် ပိုင်ဆိုင်သင့်ပြီး စောင့်ထိန်းသင့်သည့် စည်းမျဉ်း ဖြစ်သည်။ ပုံမှန် လူ့သဘာဝ၏ အသိစိတ်နှင့် ဆင်ခြင်တုံတရားရှိသော လူများသည် ဤသမ္မာတရား စည်းမျဉ်းများကို လက်ခံကြလိမ့်မည်ဖြစ်ပြီး အခြားသူများကို တရားမျှတစွာ ဆက်ဆံခြင်းကို လက်တွေ့လုပ်ဆောင်ကြလိမ့်မည်။ ပုံမှန် လူ့သဘာဝ၏ အသိစိတ်နှင့် ဆင်ခြင်တုံတရားကို မပိုင်ဆိုင်သောသူများသည် ဤစကားများကို ကြားသောအခါ ယင်းတို့ကို အယူဝါဒ တစ်မျိုး သို့မဟုတ် ဘာသာရေး သွန်သင်ချက်တစ်ခုအဖြစ် သဘောထားကြလိမ့်မည်။ တစ်စုံတစ်ဦးက သမ္မာတရားကို လက်မခံနိုင်သော လူများ၏ အကျိုးစီးပွားများ၊ မာန၊ အဆင့်အတန်း သို့မဟုတ် သိက္ခာကို ထိပါးနှောင့်ယှက်ပါက ၎င်းတို့သည် ၎င်းတို့၏ ကိုယ်ပိုင် တဇောက်ကန်းဖြစ်ခြင်းကို ဖော်ထုတ်ကြလိမ့်မည်။ ၎င်းတို့သည် လက်စားချေပြီး တစ်ဖက်လူထံမှ ပြန်လည်ပေးဆပ်မှုကို တောင်းဆိုမည်သာမက ၎င်းတို့၏ လက်တုံ့ပြန်မှုကို အရှိန်မြှင့်တင်လျက် တစ်ဖက်လူကို နှစ်ဆပင် ကလဲ့စားချေကြလိမ့်မည်။ တစ်စုံတစ်ဦးက ၎င်းတို့ကို နာကျင်စေခဲ့ပါက၊ ၎င်းတို့ကို စိတ်ခုစေခဲ့ပါက၊ ၎င်းတို့ကို အရိုအသေတန်၍ စော်ကားခဲ့ပါက သို့မဟုတ် ၎င်းတို့နှင့် နှုတ်ဖြင့်ဖြစ်စေ၊ ကိုယ်ထိလက်ရောက်ဖြစ်စေ အငြင်းပွားကာ ရုန်းရင်းဆန်ခတ်ဖြစ်ခဲ့ပါက ၎င်းတို့သည် လက်စားချေပြီး ထိုသူကို နှစ်ဆ ကလဲ့စားချေကြလိမ့်မည်။ ၎င်းတို့သည် လူတို့ကို ဆက်ဆံပုံနှင့်ပတ်သက်၍ ဘုရားသခင် တောင်းဆိုထားသော စည်းမျဉ်းများကို လုံးဝ မစောင့်ထိန်းနိုင်ကြပေ။

လူ့ဇာတိခံ ဘုရားသခင်သည် လူတို့အပေါ် လက်စားမချေခြင်းဟူသော အကြောင်းအရာနှင့် သက်ဆိုင်သည့် လက်တွေ့ ဥပမာများစွာလည်း ရှိသည်။ အခြားသူများကို ဆက်ဆံရန်နည်းလမ်းနှင့်ပတ်သက်၍ လူတို့အပေါ် ဘုရားသခင်၏ တောင်းဆိုချက်မှာ ၎င်းတို့သည် လက်စားမချေခြင်း စည်းမျဉ်းကို စောင့်ထိန်းသင့်သည်ဟူ၍ ဖြစ်သည်၊ အကြောင်းမှာ လူ့ဇာတိခံ ဘုရားသခင်သည် သူ၏ လက်တွေ့ဘဝနှင့် အလုပ် ပတ်ဝန်းကျင်တွင် ဤသို့သော ပုံမှန် လူ့သဘာဝနှင့် ဤသို့သော လူ့သဘာဝ အနှစ်သာရကို ပိုင်ဆိုင်သောကြောင့် ဖြစ်သည်။ သူသည် ဤသို့သော လူ့သဘာဝ အနှစ်သာရကို ပိုင်ဆိုင်သည်ဟူသည်မှာ အဘယ်အရာကို ဆိုလိုသနည်း။ ယင်းမှာ သူသည် လူတို့ကို မည်သို့ ဆက်ဆံသည်ဟူသည်နှင့်ပတ်သက်၍ ဤသို့သော ကျင့်ကြံပြုမူခြင်း စည်းမျဉ်းကို တစ်သဝေမတိမ်း စောင့်ထိန်းနိုင်ပြီး လူသားမျိုးနွယ်အကြားနှင့် လူအုပ်စုများအကြား သူ မည်သို့ အသက်ရှင်နေထိုင်သည်ဟူသည်နှင့်ပတ်သက်၍ ဤကျင့်ကြံပြုမူခြင်း စည်းမျဉ်းကို တစ်သဝေမတိမ်း စောင့်ထိန်းနိုင်သည်ဟု ဆိုလိုသည်။ ဤသည်မှာ အကြောင်းမူကား သူ၌ ဤသို့သော အသက်အနှစ်သာရ ရှိသောကြောင့်ဖြစ်ပြီး သူ၌ ဤသို့သော အသက်အနှစ်သာရ ရှိသောကြောင့် သူ၏ အသက်ရှင်နေထိုင်မှုတွင် ဤသို့သော လက်တွေ့ကျမှု ရှိခြင်းလည်း ဖြစ်သည်။ လူ့ဇာတိခံ ဘုရားသခင်သည် လူတို့အကြားတွင် လက်တွေ့ကျကျ အသက်ရှင်နေထိုင်သည်၊ သူသည် လူများနှင့် ဆက်ဆံပြီး ဆက်သွယ်ရသည့် စစ်မှန်သော ဘဝတစ်ခုကို ဦးဆောင်သည်၊ သူသည် လေဟာနယ်တစ်ခုထဲတွင် အသက်ရှင်နေထိုင်ခြင်း မဟုတ်ပေ။ ဇာတိပကတိ၌ အသက်ရှင်နေထိုင်လျက် သူသည် လူများနှင့် ရှောင်လွှဲ၍မရဘဲ ထိတွေ့မည်၊ ဆက်သွယ်မည်ဖြစ်ပြီး ဆက်ဆံမည် ဖြစ်သည်။ ဖောက်ပြန်ပျက်စီးသော လူသားမျိုးနွယ်နှင့် အပြန်အလှန် ထိတွေ့ပြီး ဆက်ဆံသောအခါ သူသည် ရှောင်လွှဲ၍မရဘဲ မတရား ဆက်ဆံခံရမည်၊ အရိုအသေတန်ခြင်း ခံရမည်၊ ခွဲခြားဆက်ဆံခံရမည်၊ လှည့်စားခံရမည်၊ အနိုင်ကျင့်ခံရမည်ဖြစ်ပြီး လက်တွေ့အရှိတရားနှင့် ကွဲလွဲနေသော နည်းလမ်းများဖြင့် ဝေဖန်ကဲ့ရဲ့ခံရမည် ဖြစ်သည်။ ဤသို့သော မတရား ဆက်ဆံမှုကို ငါ မည်သို့ ကိုင်တွယ်သနည်း။ ဤနှစ်များတစ်လျှောက် လူတို့အကြားတွင် အသက်ရှင်နေထိုင်လျက် ဘာသာတရား မရှိသူများအကြား ငါ ကြုံတွေ့ခဲ့ရသော အမျိုးမျိုးသော မတရား ဆက်ဆံမှုများကို မဆိုထားနှင့်၊ မိသားစု အခြေအနေ၊ ဒေသခံ အသင်းတော်နှင့် ငါ ထိတွေ့ဆက်ဆံနိုင်ခဲ့သော အထက်အဆင့် ခေါင်းဆောင်များနှင့် အမှုဆောင်များအားလုံးအပြင် သာမန် ညီအစ်ကိုမောင်နှမများအရသာ ကြည့်လျှင်ပင် ငါ့ကို ပြောလော့၊ လူတိုင်းက ငါ့ကို တရားမျှတစွာ ဆက်ဆံနိုင်ခဲ့ကြသလော။ (မဆက်ဆံနိုင်ခဲ့ကြပါ။) သေချာပေါက် မဆက်ဆံနိုင်ခဲ့ပေ။ ငါသည် သင်တို့နှင့် တူညီသည်၊ ငါသည် သာမန် ယုံကြည်သူတစ်ဦး ဖြစ်ခဲ့ဖူးပြီး မိသားစုဝင်တစ်ဦးလည်း ဖြစ်ခဲ့ဖူးသည်။ ငါသည် မိသားစုဝင်တစ်ဦး ဖြစ်ခဲ့စဉ်က အမျိုးမျိုးသော မတရား ဆက်ဆံမှုများကို ကြုံတွေ့ခဲ့ရသည်။ မိသားစုတစ်ခုတွင် မောင်နှမများအကြား အင်အားအကြီးဆုံးသူက ဆုံးဖြတ်ပိုင်ခွင့်ရှိပြီး ဟန်ဆောင်မှုကင်းကာ အသိတရားရှိသောသူသည် အစဉ် အနိုင်ကျင့်ခံရပြီး မတရား ဆက်ဆံခံရသည်။ မိသားစု အခြေအနေအတွင်း၌ အသေးစိတ် အဖြစ်အပျက်အချို့ကို ငါ မှတ်မိသည်။ ဤအဖြစ်အပျက်များတွင် သင်သည် နိုင်လိုမင်းထက်ပြုပါက အကြောင်းပြချက်မရှိဘဲ ရမ်းကားသောင်းကျန်းပါက သင်သည် အနိုင်ကျင့်ခံရမည် သို့မဟုတ် မတရား ဆက်ဆံခံရမည် မဟုတ်ပေ။ သို့သော် သင်သည် အသိတရားရှိပြီး ဤအဖြစ်အပျက်များကို ဆင်ခြင်တုံတရားရှိစွာ သဘောထားပြုမူပါက အနိုင်ကျင့်ခံရမည် ဖြစ်သည်။ အခြားသူများက အကြောင်းပြချက်မရှိ ရမ်းကားသောင်းကျန်းပါက ၎င်းတို့သည် သင့်အား အတင်းအဓမ္မ အခွင့်ကောင်းယူကြလိမ့်မည်ဖြစ်ပြီး အရှက်မဲ့စွာ ပြုမူကြလိမ့်မည်။ အရှက်မဲ့စွာ မည်သို့ ပြုမူရမည်ကို ငါ မသိပေ၊ အသတရားရှိရန်နှင့် ထိုသို့သော ကိစ္စရပ်များကို ဆင်ခြင်တုံတရားရှိစွာ သဘောထားပြုမူရန်သာ ငါ သိသည်၊ သို့သော် အသိတရားရှိခြင်းက ငါ အနိုင်ကျင့်ခံရမည်ဟု ဆိုလိုသည်။ ဤလောကကို ကြည့်လော့၊ မည်သည့် လူအုပ်စုပင်ဖြစ်ပါစေ တရားမျှတမှုနှင့် ဖြောင့်မတ်ခြင်းတို့က အာဏာစွဲကိုင်ထားခြင်း မရှိပေ။ အရှက်မဲ့စွာ ပြုမူနိုင်သူ၊ ရမ်းကားသောင်းကျန်းနိုင်သူနှင့် ကျိုးကြောင်းမဆီလျော်သော ငြင်းခုံမှုများကို ဇွတ်အတင်း ပြောဆိုနိုင်သူ မည်သူမဆိုသည် အသာစီးရလေသည်။ သင်သည် ပို၍ အသိတရားရှိလေလေ၊ တရားမျှတမှု၊ အသိစိတ်နှင့် ဆင်ခြင်တုံတရားတို့ကို သင် ပို၍ တန်ဖိုးထားလေလေ၊ သင် ခြေကုပ်ရရန် ပို၍ ခက်ခဲလေလေဖြစ်မည်ဖြစ်ပြီး သင်သည် ပို၍ အနိုင်ကျင့်ခံရလေလေ ဖြစ်မည်။ မိသားစုအတွင်း၌ ငါ့အတွက်လည်း ဤကဲ့သို့ပင် ဖြစ်ခဲ့သည်၊ အခြား မိသားစုဝင်များ၏ အနိုင်ကျင့်ခြင်းကို ငါ ခံခဲ့ရသည်။ ဒေသခံ အသင်းတော်တွင် ငါ့ကို အစဉ် ခွဲခြားဆက်ဆံသော လူအချို့လည်း ရှိခဲ့သည်။ ၎င်းတို့ကို ငါ မစော်ကားခဲ့ဖူးသည့်အပြင် ၎င်းတို့ကို ငါ မနာကျင်စေခဲ့ဖူးပေ။ ထိုအချိန်က ငါသည် ငယ်ရွယ်ပြီး အနည်းငယ် တက်ကြွကာ စိတ်အားထက်သန်စွာ ပြုမူခဲ့ပြီး စုဝေးပွဲများကို တက်ရောက်ရန်နှင့် အမျိုးမျိုးသော လှုပ်ရှားမှုများတွင် ပါဝင်ရန် လိုလားခဲ့သောကြောင့်သာ အချို့လူများသည် ငါ့ကို အာဃာတဖြင့် အစဉ် ကြည့်ခဲ့ကြပြီး ငါ့ကို ဘုကြည့်ကြည့်ခဲ့ကြ၏။ ထို့အပြင် ၎င်းတို့သည် ငါ့ကို ဆဲဆိုခဲ့ကြပြီး ငါ့ကွယ်ရာတွင် ငါ့ကို ဝေဖန်ကဲ့ရဲ့ခဲ့ကြကာ ရွံရှာဖွယ်ကောင်းသော အရာအမျိုးမျိုးကို ပြောဆိုခဲ့ကြသည်။ နောက်ပိုင်းတွင် ငါသည် အခြားနေရာများရှိ အသင်းတော်များသို့ သွားရောက်ပြီး ထိုနေရာရှိ ဒေသခံ ညီအစ်ကိုမောင်နှမများနှင့်အတူ နေထိုင်သောအခါတွင်လည်း ထိုနည်းတူပင် ဖြစ်ခဲ့သည်။ ငါ မည်သည့်အရာကို လုပ်ဆောင်သည်ဖြစ်စေ အချို့လူများက အယူအဆများ ဖြစ်ပေါ်လာခဲ့ကြပြီး အချို့က ငါ့ကို လှောင်ပြောင်ခဲ့ကြသည်၊ ငါ့ကို နှိမ်ခဲ့ကြပြီး ငါ့ကွယ်ရာတွင် ငါ့ကို ဝေဖန်ကဲ့ရဲ့ခဲ့ကြသည်။ ငါသည် မည်မျှ မတရား ဆက်ဆံခံခဲ့ရသည်ဖြစ်စေ နှစ်များတစ်လျှောက် ငါ့ကို တစ်ချိန်က နာကျင်အောင်လုပ်ခဲ့ဖူးသူ တစ်ယောက်ကိုမျှ ငါ မည်သည့်အခါမျှ လက်စားမချေခဲ့ဖူးပေ။ အချို့လူများသည် ငါ့ကို ဆဲဆိုခဲ့နိုင်သည် သို့မဟုတ် ငါ့ကို ဝေဖန်ကဲ့ရဲ့ခဲ့နိုင်သည်၊ သို့မဟုတ် ငါ့အကြောင်း အလွန် ရွံရှာဖွယ်ကောင်းသော အရာများကိုပင် ပြောဆိုခဲ့ကောင်း ပြောဆိုခဲ့နိုင်သော်လည်း ၎င်းတို့အပေါ် ငါ မည်သည့်အခါမျှ လက်စားမချေခဲ့ဖူးပေ။ လက်စားမချေခြင်းဟူသည်မှာ အဘယ်အရာကို ဆိုလိုသနည်း။ မည်သည့် အပြုအမူ ပုံစံများက လက်စားချေခြင်း ဖြစ်သနည်း။ လက်စားချေခြင်း၏ အပြုအမူ ပုံစံများစွာ ရှိသည်။ လက်စားချေခြင်း တစ်မျိုးမှာ လူတို့၏ အတိတ်မှ အမှားများကို ၎င်းတို့ရှေ့တွင် ပြန်ဖော်ခြင်း၊ ယခု ငါ့၌ အဆင့်အတန်း ရှိနေပြီဖြစ်ကြောင်း၊ အတိတ်မှ ၎င်းတို့ ငါ့ကို ဆဲဆိုပြီး ဝေဖန်ကဲ့ရဲ့ခဲ့စဉ်က ငါ မည်သို့ ခံစားခဲ့ရကြောင်းနှင့် ယခု ငါ့၌ အဆင့်အတန်း ရှိနေပြီဖြစ်သဖြင့် ၎င်းတို့ကို ငါ ကိုင်တွယ်ပြီး ၎င်းတို့အပေါ် လက်စားချေလိုပါက အလွန် လွယ်ကူမည်ဖြစ်ကြောင်း ၎င်းတို့ကို သိခွင့်ပေးခြင်း ဖြစ်ပေမည်။ သို့သော် ငါသည် ထိုသို့ မည်သည့်အခါမျှ မလုပ်ဆောင်ခဲ့ဖူးသည့်အပြင် လုပ်ဆောင်မည်လည်း မဟုတ်ပေ။ ငါ အဘယ်ကြောင့် ထိုသို့ မလုပ်ဆောင်မည်နည်း။ လူအမျိုးအစားအားလုံးကို ဆက်ဆံခြင်းအတွက် ငါ၏ စိတ်နှလုံးထဲတွင် စည်းမျဉ်းများ ရှိသည်။ လူတစ်ဦး၏ လူ့သဘာဝသည် ဆိုးရွားပြီး ဆိုးယုတ်သောသူတစ်ဦး ဖြစ်ပါက ၎င်းအနေဖြင့် ငါ့ကို နာကျင်အောင်လုပ်ခြင်းသည် ကိစ္စကြီးတစ်ခု မဟုတ်ပေ။ သို့သော် ၎င်းသည် အသင်းတော်ကို နှောင့်ယှက်ပါက၊ ဘုရားအိမ်တော်၏ အကျိုးစီးပွားများကို ထိခိုက်စေပါက၊ အသင်းတော်၏ စီမံအုပ်ချုပ်ရေးဆိုင်ရာ အမိန့်များကို ချိုးဖောက်ပါက၊ အသင်းတော် စည်းမျဉ်းများကို ချိုးဖောက်ပါက သို့မဟုတ် အလုပ် အစီအစဉ်များကို ဆန့်ကျင်ပါက ဘုရားအိမ်တော်တွင် စီမံအုပ်ချုပ်ရေးဆိုင်ရာ အမိန့်များ ရှိသောကြောင့် ယင်းက ၎င်းကို သဘာဝကျကျ ကိုင်တွယ်ဖြေရှင်းလိမ့်မည်။ ညီအစ်ကိုမောင်နှမများသည် မျက်ကန်းဖြစ်ပြီး ပိုင်းခြားသိမြင်မှု မရှိဘဲ ၎င်းကို ခေါင်းဆောင်တစ်ဦးအဖြစ် ရွေးချယ်လိုပါက ခေါင်းဆောင်များ ရွေးချယ်ခြင်းအတွက် ဘုရားအိမ်တော်၏ စည်းမျဉ်းများနှင့်ပတ်သက်၍ ၎င်းနှင့် ငါ မိတ်သဟာယဖွဲ့မည် ဖြစ်သည်။ ညီအစ်ကိုမောင်နှမများသည် ဤသူနှင့်ပတ်သက်လာလျှင် ပိုင်းခြားသိမြင်မှု ရှိပါက ထိုသူကို ရွေးကောက်ပွဲမှ နုတ်ထွက်ရန် ၎င်းတို့ တောင်းဆိုနိုင်သည်၊ ၎င်းတို့တွင် ပိုင်းခြားသိမြင်မှု မရှိဘဲ ထိုသူကို ရွေးချယ်ပါက ထိုသူကို ခေါင်းဆောင်တစ်ဦးအဖြစ် စမ်းလုပ်ကြည့်ခွင့် ပေးလိုက်လော့။ ညီအစ်ကိုမောင်နှမများသည် ဆင်းရဲဒုက္ခ လုံလုံလောက်လောက် ခံစားရသည်နှင့်တစ်ပြိုင်နက် ၎င်းတို့သည် ထိုသူကို သဘာဝကျကျ ပိုင်းခြားသိမြင်နိုင်ကြလိမ့်မည်ဖြစ်ပြီး ထိုသူကို ဖယ်ရှားကြလိမ့်မည်။ တစ်ဖက်တွင် ဤအရာက ညီအစ်ကိုမောင်နှမများကို သင်ခန်းစာတစ်ခု သင်ယူခွင့်ပေးသည်၊ ၎င်းတို့သည် လူတို့ကို မည်သို့ ပိုင်းခြားသိမြင်ရမည်နှင့် သိရှိရမည်ဟူသည်ကို သင်ယူနိုင်ကြသည်။ အခြားတစ်ဖက်တွင် ဤသည်မှာ ဘုရားအိမ်တော်၏ စီမံအုပ်ချုပ်ရေးဆိုင်ရာ အမိန့်များနှင့် လူအမျိုးအစားအားလုံးကို ကိုင်တွယ်ဖြေရှင်းခြင်းအတွက် ဘုရားအိမ်တော်၏ စည်းမျဉ်းများကို တစ်သဝေမတိမ်း စောင့်ထိန်းခြင်း ဖြစ်သည်။ ပြီးလျှင် ဤနေရာတွင် ပို၍ပင် အရေးကြီးသော အခြားအချက်တစ်ခု ရှိသည်၊ ဘုရားအိမ်တော်ဖြစ်သော အသင်းတော်သည် သန့်ရှင်းသော ဝိညာဉ်တော် အလုပ်လုပ်သော နေရာတစ်ခု၊ ဘုရားသခင် အာဏာစွဲကိုင်ထားသော နေရာတစ်ခု ဖြစ်သည်၊ ယင်းမှာ ဘုရားသခင်၏ အိမ်တော် ဖြစ်သည်။ ယင်းမှာ ဘုရားသခင်၏ အိမ်တော်ဖြစ်သည်ဟု ဆိုရာတွင် အဘယ်အရာကို ဆိုလိုသနည်း။ ယင်းမှာ သမ္မာတရားက အာဏာစွဲကိုင်သည်ဟု ဆိုလိုပြီး ယင်းက သမ္မာတရားသည် ဤနေရာတွင် ဆုံးဖြတ်ပိုင်ခွင့်ရှိသည်ဟု တစ်ဖန် ဆိုလိုသည်။ အသင်းတော်သို့ လာသူတိုင်းတွင် သင့်လျော်သော အဆုံးသတ်နှင့် ခရီးဆုံးပန်းတိုင်တစ်ခု ရှိသည်။ လူတစ်ဦးက ခေါ်ထားခံရသည်ဖြစ်စေ၊ ထွက်ခွာသွားသည်ဖြစ်စေ သို့မဟုတ် နေရစ်သည်ဖြစ်စေ၊ မည်သူမဆို မည်သည့် ပတ်ဝန်းကျင်တွင် ရှိနေသည်ဖြစ်စေ၊ ပြီးလျှင် ဘုရားအိမ်တော်က ၎င်းတို့ကို မည်သို့ ကိုင်တွယ်ဖြေရှင်းသည်ဖြစ်စေ ဤအရာအားလုံးအတွက် ဘုရားသခင်တွင် သူ့အချိန်နှင့်သူ ရှိသည်။ လူတစ်ဦးက ငါ့ကို နာကျင်အောင် လုပ်ခဲ့သည်၊ ငါ့ကို စော်ကားခဲ့သည်၊ ငါ့ကို ဆဲဆိုခဲ့သည် သို့မဟုတ် ငါ့ကို လုပ်ကြံစွပ်စွဲပြီး ငါ့ကွယ်ရာတွင် ငါ့ကို ဝေဖန်ကဲ့ရဲ့ခဲ့သည်ဟူသော အမှန်တရားသည် ငါ၏ မျက်စိထဲတွင် စည်းမျဉ်းများကို ချိုးဖောက်ခြင်းအဖြစ် မသတ်မှတ်ပေ။ သို့ဆိုလျှင် စည်းမျဉ်းများကို ချိုးဖောက်ခြင်းဟူသည်မှာ အဘယ်နည်း။ ယင်းမှာ ဘုရားအိမ်တော်၏ အကျိုးစီးပွားများကို ထိခိုက်စေခြင်းနှင့် စီမံအုပ်ချုပ်ရေးဆိုင်ရာ အမိန့်များကို ချိုးဖောက်ခြင်း ဖြစ်သည်။ ဘုရားအိမ်တော်တွင် သမ္မာတရားက အာဏာစွဲကိုင်သည်။ အနှေးနှင့်အမြန်ဆိုသလို ဆိုးယုတ်သောသူများသည် ကံကြွေးထိုက်လိမ့်မည်၊ လူတိုင်းသည် ၎င်းတို့၏ လုပ်ရပ်များနှင့်အညီ ၎င်းတို့နှင့် ထိုက်တန်သော အပြစ်ဒဏ်ကို ရရှိကြလိမ့်မည်။ လူအမျိုးအစားအားလုံးကို ကိုင်တွယ်ဖြေရှင်းခြင်းသည် အသင်းတော်၏ ကိစ္စဖြစ်ပြီး ခေါင်းဆောင်များနှင့် အမှုဆောင်များ လုပ်ဆောင်သင့်သည့် အလုပ် ဖြစ်သည်၊ ငါ တိုက်ရိုက် လုပ်ဆောင်ရန် မလိုအပ်ပေ။ ဤသည်မှာ ဤကဲ့သို့သော အရာများကို ဆက်ဆံခြင်းအတွက် ငါ၏ စည်းမျဉ်း ဖြစ်သည်။ အတိတ်မှ တစ်စုံတစ်ဦးက ငါ့ကို မည်သည့်အရာ လုပ်ဆောင်ခဲ့သည်ဖြစ်စေ၊ ပြောဆိုခဲ့သည်ဖြစ်စေ၊ ရိုသေလေးစားမှု ရှိသည်ဖြစ်စေ၊ စော်ကားသည်ဖြစ်စေ၊ သင့်လျော်သည်ဖြစ်စေ၊ မသင့်လျော်သည်ဖြစ်စေ ငါသည် ၎င်းတို့ကို တရားမျှတစွာ ဆက်ဆံနိုင်သည်။ သင်သည် ဘုရားအိမ်တော်တွင် အသင်းတော် အသက်တာကို အသက်ရှင်နေထိုင်သရွေ့ သို့မဟုတ် သင်သည် ဘုရားသခင်ကို အချိန်တိုလေးသာ ယုံကြည်ခဲ့ပြီး သမ္မာတရားကို နားမလည်သေးပါက၊ ပြီးလျှင် သန့်ရှင်းသော ဝိညာဉ်တော်၏ အလုပ်က ထိုအဆင့်အထိ တိုးတက်မလာသေးပါက သင်သည် ဘုရားအိမ်တော်တွင် ကျန်ရစ်နိုင်သည်။ လူတို့၏ အဆုံးသတ်များကို နောက်ဆုံးတွင် ကြေညာရမည့်အချိန် မရောက်လာမီ ငါ စောင့်ဆိုင်းနိုင်သည်။ သင်၏ အဆုံးသတ်ကို ဆုံးဖြတ်ရန် လုံလောက်သော သက်သေအထောက်အထားအဖြစ် ငါ့အပေါ် သင်၏ သဘောထားကိုသာ ငါ အသုံးပြုမည် မဟုတ်ပေ။ သို့ဖြစ်၍ ငါ့ကို တစ်ချိန်က နာကျင်စေခဲ့ဖူးသူ မည်သူ့ကိုမျှ ငါ လက်စားချေမည် မဟုတ်ပေ၊ ၎င်းတို့ကို စည်းမျဉ်းများနှင့်အညီ ငါ ဆက်ဆံမည် ဖြစ်သည်။

ငါသည် အသင်းတော်ရှိ လူအချို့နှင့် ထိတွေ့ဆက်ဆံခဲ့ဖူးသည်၊ ၎င်းတို့ထဲမှ အချို့သည် ငါ့ကို အတော်လေး ရိုင်းစိုင်းစွာနှင့် အရိုအသေတန်စွာ စကားပြောဆိုကြသည်။ ငါ့အပေါ် ၎င်းတို့တွင် ဤသို့သော သဘောထားမျိုး ရှိသည်ကို မြင်ရသဖြင့် ၎င်းတို့ကို ငါ လျစ်လျူရှုခဲ့သည်။ ငါ့ကို ပြောလော့၊ ယင်းက ၎င်းတို့အပေါ် ငါ့၌ ဆိုးရွားသော သဘောထားတစ်ခု ရှိသည်ဟု ဆိုလိုသလော။ (မဟုတ်ပါ။) သို့ဆိုလျှင် ၎င်းတို့၏ သဘောထားကြောင့် ၎င်းတို့ကို ငါ ပြုပြင်ပြီး ဆုံးမပဲ့ပြင်သင့်သလော။ ငါသည် ထိုသို့သောအရာကို အမှန်တကယ် မည်သည့်အခါမျှ မလုပ်ဆောင်ခဲ့ဖူးပေ။ နောက်ဆုံးတွင် ဖြစ်ပျက်ခဲ့သည့်အရာမှာ အချို့သော ညီအစ်ကိုမောင်နှမများသည် ယင်းကို မခံမရပ်နိုင် ဖြစ်လာခဲ့ကြခြင်း ဖြစ်သည်။ ၎င်းတို့က ငါ့ဘက်မှ ရပ်တည်ပေးခဲ့ကြပြီး “ဘုရားသခင်ကို စကားပြောဆိုရာတွင် ဤသူက မည်သို့ဖြစ်၍များ ဤသဘောထားမျိုး ရှိနိုင်သနည်း။ ၎င်းကို ဖယ်ရှားလိုက်ပါ” ဟု ပြောဆိုခဲ့ကြသည်။ ညီအစ်ကိုမောင်နှမများသည် အလွန် ဒေါသထွက်ခဲ့ကြသည်။ ထိုသူ၏ တစ်သမတ်တည်းဖြစ်သော အပြုအမူအပေါ် အခြေခံ၍ ၎င်းတို့သည် ၎င်းတို့ကို စည်းမျဉ်းများနှင့်အညီ ဖယ်ရှားခဲ့ကြသည်။ ညီအစ်ကိုမောင်နှမများက ၎င်းတို့ကို ဖယ်ရှားခဲ့သည်ကို မြင်ရသဖြင့် ငါ၏ စိတ်နှလုံးထဲတွင် “ဤသူ၏ ပုံမှန် လူ့သဘာဝ သရုပ်သကန်များသည် သိပ်မကောင်းလှဟု ထင်ရသည်။ ညီအစ်ကိုမောင်နှမများသည် ငါ့အပေါ် ၎င်း၌ ဆိုးရွားသော သဘောထားတစ်ခု ရှိရုံမျှဖြင့် ၎င်းကို ကိုင်တွယ်ဖြေရှင်းမည် မဟုတ်ပေ၊ ဤသူ၏ အပြုအမူသည် အမှုအရာအများစုနှင့်ပတ်သက်လာလျှင် ညံ့ဖျင်းသည်ဟု ယူဆရသည်” ဟု ငါ သိခဲ့သည်။ အသင်းတော်သည် ၎င်းကို ကိုင်တွယ်ဖြေရှင်းရာတွင် စည်းမျဉ်းများနှင့်အညီ ပြုမူနေခြင်း ဖြစ်သည်၊ ဤအရာနှင့်ပတ်သက်၍ ငါ ပြောစရာ မရှိခဲ့ပေ။ ညီအစ်ကိုမောင်နှမများက ယင်းကို ကိုင်တွယ်ဖြေရှင်းရန် ရွေးချယ်ခဲ့ပုံကို ငါ လေးစားပြီး ၎င်းတို့၏ ဆုံးဖြတ်ချက်ကို ငါ လေးစားသည်။ သို့သော် ဤလေးစားမှုသည် ငါ့အပေါ် ရိုင်းစိုင်းသောသူတစ်ဦးကို သင်တို့ ကိုင်တွယ်ဖြေရှင်းခဲ့သောကြောင့် မဟုတ်ပေ၊ ငါ လေးစားသည့်အရာမှာ လူတို့ကို ကိုင်တွယ်ဖြေရှင်းခြင်းအတွက် အသင်းတော်၏ စည်းမျဉ်းများ ဖြစ်သည်။ ငါ့ကို ပြောလော့၊ လူတို့ကို ငါ ဆက်ဆံပုံနည်းလမ်းဖြစ်သည့် ဤစည်းမျဉ်းသည် မှန်ကန်သလော။ (မှန်ကန်ပါသည်။) လူတို့ကို ဆက်ဆံပုံနည်းလမ်းနှင့်ပတ်သက်လာလျှင် အတိတ်က ငါ့ကို ဝေဖန်ခဲ့သော သို့မဟုတ် ငါ့ကို နှုတ်ဖြင့် စော်ကားခဲ့သောသူများကို ကိုင်တွယ်ဖြေရှင်းရန် ဒေသခံ အသင်းတော် ခေါင်းဆောင်များကို ငါ မည်သည့်အခါမျှ မပြောဆိုခဲ့ဖူးပေ။ ဆန့်ကျင်ဘက်အနေဖြင့် ဒေသခံ အသင်းတော်တစ်ခုက ၎င်းတို့အထဲမှ အချို့သော ပုဂ္ဂိုလ်များကို ဧဝံဂေလိ ညွှန်ကြားရေးမှူးများ သို့မဟုတ် ခေါင်းဆောင်များနှင့် အမှုဆောင်များအဖြစ် မြှင့်တင်ပြီး ရွေးချယ်ပါက ငါ တားဆီးပိတ်ပင်မည် မဟုတ်ပေ၊ ၎င်းတို့ကို အခွင့်အရေးတစ်ခု ငါ ပေးသည်။ ဤသည်မှာ ငါ၏ ဇာတိမြို့ရှိ အသင်းတော်မှ လူများအတွက် အထူးသဖြင့် မှန်ကန်သည်၊ ၎င်းတို့သည် ၎င်းတို့ လုပ်ဆောင်သင့်သည့် မည်သည့် တာဝန်များကိုမဆို လုပ်ဆောင်ကြရုံမျှသာ ဖြစ်သည်။ ငါ့ကို တစ်ချိန်က နာကျင်စေခဲ့ဖူးသော သို့မဟုတ် ပြစ်မှားခဲ့ဖူးသောသူများအပေါ် လက်စားချေရန် မည်သူ့ကိုမျှ ငါ အခွင့်အာဏာ မပေးခဲ့ဖူးပေ၊ ဤကဲ့သို့သော အရာတစ်ခုကိုမျှ ငါ မည်သည့်အခါမျှ မလုပ်ဆောင်ခဲ့ဖူးပေ။ ငါ၏ စိတ်နှလုံးထဲတွင် ဤအရာကို ငါ မည်သို့ ရှုမြင်သနည်း။ အကယ်၍ ထိုသို့သော လူများသည် သမ္မာတရားကို အမှန်တကယ် လိုက်စားပြီး ၎င်းတို့၏ စိတ်သဘောထားများ ပြောင်းလဲပါက ၎င်းတို့ ကယ်တင်ခြင်း ရရှိရန် မျှော်လင့်ချက် ရှိသည်။ ယခင်က ၎င်းတို့ ငါ့ကို ပြောဆိုခဲ့သော ရွံရှာဖွယ်ကောင်းသည့် စကားများအားလုံးမှာ ၎င်းတို့၏ ဖောက်ပြန်ပျက်စီးသော စိတ်သဘောထားများကြောင့် ဖြစ်ပေါ်လာသည့် ၎င်းတို့ လူ့သဘာဝ၏ ပြဿနာများ ဖြစ်သည်။ ထိုအချိန်က ၎င်းတို့သည် သမ္မာတရားကို နားမလည်ခဲ့ကြသည့်အပြင် အားလုံးတွင် ရက်စက်ကြမ်းကြုတ်သော စိတ်သဘောထားများ ရှိခဲ့ကြသည်။ ၎င်းတို့ အထင်သေးသောသူများကို ရွံရှာဖွယ်ကောင်းသည့် စကားအချို့ ပြောဆိုပြီး မသင့်လျော်သောအရာအချို့ လုပ်ဆောင်ကြမည်မှာ ရှောင်လွှဲ၍မရပေ။ အထူးသဖြင့် ၎င်းတို့ မနာလိုဖြစ်သော သို့မဟုတ် အထင်သေးသောသူများ မြှင့်တင်ပေးခြင်းခံရသောအခါ ၎င်းတို့၏ စိတ်နှလုံးထဲတွင် မနာလိုခြင်း၊ ဝန်တိုခြင်းနှင့် အမုန်းတရားတို့ ပေါ်ပေါက်လာခဲ့သည်။ ထို့နောက် ၎င်းတို့၏ ဖောက်ပြန်ပျက်စီးသော စိတ်သဘောထားများက ၎င်းတို့ကို ကြီးစိုးပြီး ပြုမူဆောင်ရွက်ရန် ၎င်းတို့ကို တွန်းအားပေးမည်ဖြစ်ကာ ၎င်းတို့သည် နတ်ဆိုးဆန်သော စကားများကို ပြောဆိုကြလိမ့်မည်။ ဤသည်မှာ ၎င်းတို့၏ ဖောက်ပြန်ပျက်စီးသော စိတ်သဘောထားများနှင့် ၎င်းတို့၏ ရည်မှန်းချက်များနှင့် လိုအင်ဆန္ဒများကြောင့် ဖြစ်ပေါ်လာခြင်း ဖြစ်သည်။ ၎င်းတို့တွင် ဘုရားသခင်ကို ကြောက်ရွံ့သော စိတ်နှလုံး စိုးစဉ်းမျှ မရှိခဲ့ဟူသော အချက်နှင့် ပေါင်းစပ်လိုက်သောအခါ ၎င်းတို့သည် မည်သည့် ရွံရှာဖွယ်ကောင်းသည့် စကားကိုမဆို ပြောဆိုနိုင်ခဲ့ကြသည်၊ ၎င်းတို့၏ ဒေါသကို ပွင့်အံချရန် ကူညီပေးသည့် မည်သည့်အရာကိုမဆို၊ ၎င်းတို့၏ အမုန်းတရားကို လျော့ပါးစေသည့် မည်သည့်အရာကိုမဆိုနှင့် ၎င်းတို့၏ ရည်မှန်းချက်များကို ဖြစ်မြောက်အောင်မြင်စေသည့် မည်သည့်အရာကိုမဆို ၎င်းတို့ ပြောဆိုကြလိမ့်မည်။ လူတို့သည် မည်သည့် ရွံရှာဖွယ်ကောင်းသည့် စကားများကို ပြောဆိုခဲ့သည်ဖြစ်စေ သို့မဟုတ် ငါ့ကွယ်ရာတွင် မည်သည့် မကောင်းသောအရာများကို လုပ်ဆောင်ခဲ့သည်ဖြစ်စေ ယင်းက ဖောက်ပြန်ပျက်စီးသော စိတ်သဘောထားများ၏ ပုံမှန် ထုတ်ဖော်ပြမှု နယ်ပယ်အတွင်း၌ ကျရောက်ပြီး ဘုရားသခင် ခွင့်လွှတ်နိုင်သောအရာတစ်ခု ဖြစ်ပါက ဘုရားသခင်သည် အရာခပ်သိမ်းအပေါ် အချုပ်အခြာအာဏာ ကိုင်စွဲထားသည်ကို ထောက်သော် ဘုရားသခင်သည် ၎င်းတို့ကို အခွင့်အရေးများ ပေးမည်ဖြစ်ပြီး ၎င်းတို့ကို မြှင့်တင်ပေးခြင်းခံရစေကာ ပျိုးထောင်ခံရစေပြီး အသုံးပြုခံရစေ၍ အချို့လူများသည် စုံလင်အောင် ပြုလုပ်ပေးခြင်းကိုပင် ခံရနိုင်သည်။ သို့ရာတွင် ဤထုတ်ဖော်ပြမှုများသည် ပုံမှန် လူ့သဘာဝ၏ ဖောက်ပြန်ပျက်စီးသော စိတ်သဘောထားများ၏ နယ်ပယ်ထက် ကျော်လွန်ပြီး ဘုရားသခင်၏ ပြစ်တင်ရှုတ်ချခြင်းကို ခံရပါက ဘုရားသခင်သည် ဤအရာအားလုံးကို စိစစ်သည်ကိုထောက်သော် ဘုရားသခင်သည် ဤလူများကို မည်သည့်အရာ လုပ်ဆောင်မည်၊ သို့မဟုတ် ၎င်းတို့အတွက် သူ မည်သည့်အရာ စီစဉ်မည်နှင့် ၎င်းတို့ကို သူ မည်သို့ ကိုင်တွယ်ဖြေရှင်းမည်ဟူသည်မှာ ဘုရားသခင်အပေါ်တွင် မူတည်သည်။ ဤအရာနှင့်ပတ်သက်၍ ငါ စိုးရိမ်ပူပန်ရန် မလိုအပ်သည့်အပြင် ငါ ဝင်ရောက်စွက်ဖက်ရန်လည်း မလိုအပ်ပေ။ သို့ဖြစ်၍ ငါသည် မတရား ဆက်ဆံမှုအချို့ကို ကြုံတွေ့ရသောအခါ သို့မဟုတ် ငါ့ကို တိုက်ခိုက်ပြီး ငါ့ကို ပြစ်တင်ရှုတ်ချသည့် စကားများကို ကြားရသောအခါ ငါ၏ စိတ်နှလုံးထဲတွင် ဝမ်းနည်းမှု သို့မဟုတ် စိတ်မကောင်းဖြစ်မှု အနည်းငယ်ကို ငါ ခံစားရသော်လည်း မည်သည့်အရာကိုမျှ စည်းမျဉ်းများကို ချိုးဖောက်၍ လုပ်ဆောင်မည် မဟုတ်ပေ။ ငါသည် ဤအရာများကို မှတ်မိရုံသာမက ၎င်းတို့၏ အပြုအမူမှတစ်ဆင့် ဖော်ထုတ်ခံရသော ဤလူများ၏ လူ့သဘာဝ အနှစ်သာရကိုလည်း ငါ ပိုမို နက်ရှိုင်းစွာ ကြည့်ရှုသည်။ သို့ရာတွင် ၎င်းတို့၏ ဤအပြုအမူများနှင့် ထုတ်ဖော်ပြမှုများအားလုံး၊ ၎င်းတို့၏ လူ့သဘာဝနှင့် ၎င်းတို့၏ စိတ်သဘောထား အနှစ်သာရတို့အပေါ် နောက်ဆုံးတွင် မည်သည့် အဆုံးအဖြတ် ပေးမည်ဟူသည်နှင့် ၎င်းတို့၏ နောက်ဆုံး အဆုံးသတ်မှာ အဘယ်အရာ ဖြစ်မည်ဟူသည်နှင့်ပတ်သက်၍ ယင်းကို ကိုင်တွယ်ဖြေရှင်းရန် ငါ့၌ နည်းလမ်းတစ်ခုတည်းသာ ရှိသည်၊ ယင်းအားလုံးကို ဘုရားသခင်ထံ ငါ လွှဲအပ်ထားသည်။ ဤသည်မှာ ဘုရားသခင်သည် အရာခပ်သိမ်းအပေါ် အချုပ်အခြာအာဏာ ကိုင်စွဲထားသောကြောင့်ဖြစ်ပြီး လူတိုင်း၏ ကံကြမ္မာသည် ဘုရားသခင်၏ လက်ထဲတွင် ရှိကာ ဘုရားသခင်သည် လူအားလုံး၏ ကံကြမ္မာများအပေါ် အချုပ်အခြာအာဏာ ကိုင်စွဲထားသောကြောင့် ဖြစ်သည်။ သင်တို့၏ မည်သည့် အဆုံးသတ်များကိုမျှ ငါ မဆုံးဖြတ်ပေ။ ငါသည် ဤအရာအားလုံးကို ထိုးထွင်းသိမြင်နိုင်ပြီး ငါ၏ စိတ်နှလုံးထဲတွင် ယင်းကို သတ်မှတ်ကာ အဆုံးအဖြတ်ပေးနိုင်သည့်အပြင် သင်နှင့်ပတ်သက်၍ ငါ၏ စိတ်နှလုံးထဲတွင် ထင်မြင်ချက်များ ရှိနိုင်သော်လည်း ငါသည် သင့်အား မည်သည့်အခါမျှ လူသိရှင်ကြား စရိုက်လက္ခဏာကို မသတ်မှတ်ပေ၊ ငါ ထိုသို့ မလုပ်ဆောင်ပေ။ အသင်းတော်က သင့်အား ကိုင်တွယ်ဖြေရှင်းလိုပါက ငါ၏ ထင်မြင်ချက်များကို ငါ ပေးနိုင်သော်လည်း အသင်းတော်က သင့်အား ကိုင်တွယ်ဖြေရှင်းခြင်းကို ငါ ဝင်ရောက်မစွက်ဖက်သည့်အပြင် တားဆီးပိတ်ပင်ခြင်းလည်း မရှိပေ။ တစ်ချိန်တည်းမှာပင် သင့်အပေါ် သူ၏ အချုပ်အခြာအာဏာကို ကျင့်သုံးနေသော ဘုရားသခင်၏ ဝိညာဉ်တော်ကို ငါ ဝင်ရောက်မစွက်ဖက်ပေ။ ငါသည် ဤစည်းမျဉ်းများအပေါ် အခြေခံ၍ လူတို့ကို ဆက်ဆံသည်၊ သို့ဖြစ်၍ ငါ့အပေါ် လုပ်ဆောင်ခဲ့သော မတရားသည့်အရာများနှင့် ငါနှင့် အပြန်အလှန် ဆက်ဆံခဲ့ဖူးသူများက ငါ့ကို ပြောဆိုခဲ့သော ရွံရှာဖွယ်ကောင်းသည့် စကားများသည် ငါ့ထံတွင် ရပ်တန့်သွားသည်၊ ပြီးလျှင် တစ်လက်မမျှ ရှေ့ဆက်မသွားပေ။ ယင်းတို့သည် တစ်လက်မမျှ ရှေ့ဆက်မသွားပေဟူသည်မှာ အဘယ်အရာကို ဆိုလိုသနည်း။ ယင်းမှာ မည်သူက ငါ့အကြောင်း ရွံရှာဖွယ်ကောင်းသည့် စကားများကို ပြောဆိုခဲ့သည်ဖြစ်စေ၊ ငါ့ကို အနိုင်ကျင့်ခဲ့သည်ဖြစ်စေ၊ ငါ့ကို စော်ကားခဲ့သည်ဖြစ်စေ၊ ငါ့ကို နာကျင်စေခဲ့သည်ဖြစ်စေ ငါသည် ၎င်းတို့အပေါ် လက်စားချေရန် မဆိုထားနှင့်၊ ယင်းကို မည်သူ့ကိုမျှ မည်သည့်အခါမျှ ထုတ်မပြောခဲ့ဖူးသည်ကို ဆိုလိုသည်။ အချို့လူများက “ထိုအချိန်မှစ၍ နှစ်ပေါင်းများစွာ ကြာခဲ့ပြီ၊ ကိုယ်တော်သည် ဤလူများအကြောင်းကို မေ့သွားခဲ့ပြီလော” ဟု ပြောဆိုကြသည်။ လူတစ်ဦး၏ အသက်တာတွင် နက်ရှိုင်းစွာ စွဲမှတ်သွားစေပြီး မည်သည့်အခါမျှ မေ့ပျောက်၍မရနိုင်သော အရာအချို့ အစဉ် ရှိလိမ့်မည်။ ငါသည် ဤအရာများကို မေ့သွားခဲ့ခြင်း မဟုတ်သည့်အပြင် ယင်းတို့ကို ငါ မခံစားနိုင်ခြင်းလည်း မဟုတ်ပေ၊ ယင်းတို့ကို ငါ နားမလည်ခြင်းမှာ သာ၍ပင် မဟုတ်ပေ။ ငါ၏ စိတ်နှလုံးသည် နာကြည်းမှုနှင့် လက်စားချေခြင်းကဲ့သို့သော အရာများ ကင်းမဲ့နေသောကြောင့် ငါသည် နာကြည်းမှုကို မထားရှိနိုင်ခြင်းနှင့် လက်စားမချေနိုင်ခြင်း ဖြစ်သည်၊ ဤသည်မှာ လူတို့ကို ငါ ဆက်ဆံပုံနည်းလမ်းနှင့်ပတ်သက်၍ ငါ၏ စည်းမျဉ်း ဖြစ်လာခဲ့သည်။ ဤစည်းမျဉ်း၏ ကဏ္ဍတစ်ခုမှာ လူတိုင်းကို တရားမျှတစွာ ဆက်ဆံခြင်း ဖြစ်သည်။ လူအားလုံး၏ ကံကြမ္မာကို ဘုရားသခင်၏ လက်ထဲတွင် ကိုင်စွဲထားသည်။ လူတိုင်း၏ အဆုံးသတ်နှင့် ပန်းတိုင်သည် ၎င်းတို့ လုပ်ဆောင်ခဲ့သည့်အရာ၊ ၎င်းတို့၏ သရုပ်သကန်များ၊ သမ္မာတရားအပေါ်နှင့် ဘုရားသခင်အပေါ် ၎င်းတို့၏ သဘောထားနှင့် ၎င်းတို့ လျှောက်လှမ်းသော လမ်းကြောင်းတို့နှင့် ဆက်စပ်နေသည်၊ ယင်းတို့ကို ဤအချက်များက ဆုံးဖြတ်သည်။ မည်သူမဆို ငါ့အပေါ် လုပ်ဆောင်ခဲ့သည့်အရာသည် ၎င်းတို့၏ အဆုံးသတ်နှင့် ခရီးဆုံးပန်းတိုင်ကို တိုင်းတာရန်အတွက် စံတစ်ခု သို့မဟုတ် အချက်တစ်ခု မဟုတ်ပေ။ သို့ဖြစ်၍ လက်စားမချေခြင်းနှင့်ပတ်သက်လာလျှင် အရေးကြီးဆုံးအချက်မှာ လူအမျိုးအစားအားလုံးကို ငါ ဆက်ဆံပုံနည်းလမ်းနှင့်ပတ်သက်၍ ငါ့၌ ကိုယ့်စည်းမျဉ်းနှင့်ကိုယ် ရှိခြင်း ဖြစ်သည်။ သင်သည် ငါ့ကို နာကျင်စေခဲ့ပါက၊ ငါ့ကို ဒုက္ခပေးခဲ့ပါက၊ ငါ့ကို လှည့်စားခဲ့ပါက သို့မဟုတ် ငါ့ကို စော်ကားခြင်း သို့မဟုတ် ဆဲဆိုခြင်းပင် ပြုခဲ့ပါက သင့်အပေါ် ငါ လက်စားချေမည် မဟုတ်ပေ၊ အကြောင်းမှာ လက်စားချေခြင်းသည် လူတို့ကို ငါ ဆက်ဆံပုံနည်းလမ်းနှင့်ပတ်သက်၍ ငါ၏ စည်းမျဉ်း မဟုတ်သောကြောင့်ဖြစ်သည့်အပြင် အခြားသူများကို ဆက်ဆံပုံနည်းလမ်းနှင့်ပတ်သက်၍ ဘုရားသခင်က လူတို့ကို သွန်သင်သည့် စည်းမျဉ်းလည်း မဟုတ်သောကြောင့် ဖြစ်သည်။ သို့ဖြစ်၍ အခြားသူများကို ဆက်ဆံပုံနည်းလမ်းနှင့်ပတ်သက်သော စည်းမျဉ်းများကို ဘုရားသခင်က လူတို့ကို မပြောဆိုမီ ဘုရားသခင်သည်လည်း လူတို့ကို သူ ဆက်ဆံပုံနည်းလမ်းနှင့်ပတ်သက်၍ သူ့စည်းမျဉ်းနှင့်သူ ရှိလေသည်။ ဘုရားနှုတ်ကပတ်တော်များတွင်နှင့် ဘုရားသခင်က လူတို့ကို သွန်သင်သည့် စည်းမျဉ်းများအားလုံးတွင် အခြားသူများအပေါ် လက်စားချေခြင်းကဲ့သို့သော စည်းမျဉ်းမျိုး မရှိပေ။ ဤသည်မှာ အမှန်ဖြစ်သည်ဟု သင်တို့ ပြောမည်လော။ (ပြောပါမည်။) အမျိုးမျိုးသော ကိစ္စရပ်များကို ငါ ကိုင်တွယ်ဖြေရှင်းပြီး လူအမျိုးအစားအားလုံးကို ငါ ဆက်ဆံသည့် စည်းမျဉ်းများသည် နှစ်များတစ်လျှောက် ငါ မိတ်သဟာယဖွဲ့ခဲ့သော သမ္မာတရား စည်းမျဉ်းများနှင့် ပဋိပက္ခဖြစ်နေသလော။ (မဖြစ်ပါ။)

လူ့ဇာတိခံ ဘုရားသခင်သည် သူ၏ ပုံမှန် လူ့သဘာဝတွင် လက်စားမချေဘဲ နေနိုင်သည်။ ဖောက်ပြန်ပျက်စီးသော လူသားများအတွက် ထိုသို့လုပ်ဆောင်ရန် လွယ်ကူသလော။ (မလွယ်ကူပါ။) အဘယ်ကြောင့် မလွယ်ကူသနည်း။ (အခြားလူများနှင့် အပြန်အလှန် ဆက်ဆံသောအခါ ဖောက်ပြန်ပျက်စီးသော လူသားများသည် ၎င်းတို့၏ ဖောက်ပြန်ပျက်စီးသော စိတ်သဘောထားများနှင့် တဇောက်ကန်းဖြစ်ခြင်းအပေါ် အများအားဖြင့် မှီခိုကြသည်၊ သို့ဖြစ်၍ ၎င်းတို့သည် အခြားသူများအပေါ် လက်စားချေရန် အတော်လေး လွယ်ကူပါသည်။) ဖောက်ပြန်ပျက်စီးသော လူသားများတွင် ရက်စက်ကြမ်းကြုတ်သော စိတ်သဘောထားတစ်ခု ရှိသည်၊ သို့ဖြစ်၍ ၎င်းတို့သည် လက်စားချေခြင်းမှ မရှောင်ကြဉ်နိုင်ကြပေ။ လူတို့ကို ဆက်ဆံပုံနည်းလမ်းနှင့်ပတ်သက်၍ ဘုရားသခင်က လူတို့ကို ပြောဆိုသည့် စည်းမျဉ်းများမှာ အဘယ်အရာဖြစ်သည်ကို ၎င်းတို့ သိကြသော်လည်း ၎င်းတို့တွင် ရက်စက်ကြမ်းကြုတ်သော စိတ်သဘောထားတစ်ခု ရှိသောကြောင့် ၎င်းတို့သည် ယင်းတို့ကို မစောင့်ထိန်းနိုင်ကြပေ။ သင် စကားပြောသောအခါ ၎င်းတို့ကို နာကျင်စေရန် ရည်ရွယ်ချက် မရှိလျှင်ပင်၊ သင် သတိမထားဘဲ ၎င်းတို့ကို နာကျင်စေသည့် အရာတစ်ခုခုကို ပြောဆိုမိပါက ၎င်းတို့သည် အရှက်ရမှုကြောင့် ဒေါသထွက်ကြလိမ့်မည်ဖြစ်ပြီး သင့်အပေါ် လက်စားချေလိုကြလိမ့်မည်။ ၎င်းတို့သည် သင့်အား တိုက်ခိုက်ရန်အလို့ငှာ ယင်းကို ပြဿနာကြီးတစ်ခု ဖြစ်လာစေရန်လည်း ကြိုးစားကြလိမ့်မည်၊ ၎င်းတို့သည် သင်၏ ကွယ်ရာတွင် သင့်အား အသရေဖျက်ပြီး အပုပ်ချကြလိမ့်မည်ဖြစ်ကာ သင်သည် မည်မျှ ရည်မှန်းချက်ကြီးပြီး ကောက်ကျစ်ကြောင်း ပြောဆိုလျက် အခြားသူများအား သင့်အကြောင်း မကောင်းပြောကြလိမ့်မည်ဖြစ်သော်လည်း စင်စစ်အားဖြင့် လုံးဝ ထိုသို့မဟုတ်ချေ။ သင်သည် ၎င်းတို့ကို နာကျင်စေသည့် အရာတစ်ခုခုကို ရည်ရွယ်ချက်မရှိဘဲ ပြောဆိုခဲ့ခြင်းမျှသာ ဖြစ်သည်၊ သင့်၌ မည်သည့် မလိုမုန်းထားမှုမျှ မရှိခဲ့သည့်တိုင် ၎င်းတို့သည် သင့်အပေါ် လက်စားချေနိုင်ကြသည်။ သင် မြင်သလော၊ ဤသို့သော လူများ၏ ရက်စက်ကြမ်းကြုတ်သော စိတ်သဘောထားသည် ကြောက်မက်ဖွယ် မကောင်းပေလော။ (ကောင်းပါသည်။) အချို့လူများသည် အခြားသူများအပေါ် လက်စားချေရန်အလို့ငှာ ဆင်ခြင်တုံတရားမဲ့နိုင်သည်၊ အရှက်မဲ့စွာ ပြုမူနိုင်ပြီး ဒေါသတကြီး အော်ဟစ်ကာ ရမ်းကားသောင်းကျန်းနိုင်သည်၊ ဤသည်မှာ စည်းမျဉ်းများနှင့် မကိုက်ညီပေ။ ဖောက်ပြန်ပျက်စီးသော လူသားများသည် ဤနည်းလမ်းအတိုင်း မကြာခဏ ပြုမူကြသည်၊ မှန်သလော။ လက်စားချေရမည့် အခြေအနေနှင့် ရင်ဆိုင်ရသောအခါ ငါ မည်သို့ ပြုမူသနည်း။ အခြားသူများက ငါ့ကို မည်သို့ ဆက်ဆံသည်ဖြစ်စေ ငါသည် ၎င်းတို့အပေါ် လက်စားမချေသည့်အပြင် အရှက်မဲ့စွာလည်း မပြုမူပေ။ မည်သည့်အချိန်တွင်ဖြစ်စေ ငါ၏ ကျင့်ကြံပြုမူခြင်း စည်းမျဉ်းများသည် ပြောင်းလဲ၍မရနိုင်ပေ။ ငါသည် ဆင်ခြင်တုံတရားရှိရမည်ဖြစ်ပြီး လူ့သဘာဝ၏ ဆင်ခြင်တုံတရား နယ်ပယ်အတွင်း၌ ငါ ကျင့်ကြံပြုမူကာ အမှုအရာများကို လုပ်ဆောင်ရမည်။ သင်သည် ဆင်ခြင်တုံတရားမဲ့ပြီး လူ့သဘာဝ မရှိသောကြောင့်သာ သင့်အပေါ် လက်စားချေရန် လူ့သဘာဝ ကင်းမဲ့သော နည်းလမ်းများကို ငါ အသုံးပြု၍မရနိုင်ပေ၊ ယင်းမှာ မသင့်လျော်ပေ။ ငါသည် ငါ၏ အလုပ်ကို စွဲကိုင်ထားရမည်ဖြစ်ပြီး ငါ၏ ကျင့်ကြံပြုမူခြင်း စည်းမျဉ်းများကို စွဲကိုင်ထားရမည်။ သင်သည် လူ့သဘာဝ မရှိဘဲ လူတစ်ဦး ပြုမူသင့်သည့်အတိုင်း မပြုမူရုံဖြင့် ငါ၏ ကျင့်ကြံပြုမူခြင်း စည်းမျဉ်းများကို ငါ စွန့်လွှတ်မည် မဟုတ်ပေ။ ငါ ပြုမူသင့်သည့်အတိုင်း ဆက်လက် ကျင့်ကြံပြုမူမည် ဖြစ်သည်၊ ငါ၏ ကျင့်ကြံပြုမူခြင်း စည်းမျဉ်းများသည် ပြောင်းလဲခြင်းမရှိဘဲ တည်ရှိနေသည်။ ဤသည်မှာ အိမ်တွင် ငါ ပြုမူခဲ့သည့် ပုံစံ အတိအကျ ဖြစ်သည်။ ပန်းကန်ဆေးခြင်း၊ အိမ်ရှင်းလင်းခြင်းနှင့် သန့်ရှင်းရေးလုပ်ခြင်းကဲ့သို့သော အရာများနှင့်ပတ်သက်လာလျှင် အခြားသူများက မည်မျှပင် ရမ်းကားသောင်းကျန်းသည်ဖြစ်စေ၊ ၎င်းတို့ မည်မျှပင် ဆင်ခြင်တုံတရားမဲ့သည်ဖြစ်စေ ငါသည် မိမိလုပ်ဆောင်သင့်သည့်အရာကို ဆက်လက် လုပ်ဆောင်ခဲ့ပြီး ငါသည် မတရား ဆက်ဆံခံခဲ့ရသောကြောင့် မည်သူ့ကိုမျှ ငါ မည်သည့်အခါမျှ လက်စားမချေခဲ့ဖူးပေ။ အဆုံးတွင် မိဘများက ငါ့ကို မည်သည့် အမည်နာမ ပေးခဲ့ကြသနည်း။ ငါသည် သဘောထားကြီးသည်ဟု ၎င်းတို့ ပြောဆိုခဲ့ကြသည်။ ယနေ့တိုင် ဤစကားများကို ငါ ရှင်းလင်းစွာ မှတ်မိနေသည်။ ဤသည်မှာ လူတို့ကို ဆက်ဆံခြင်းအတွက် ငါ၏ စည်းမျဉ်းဖြစ်ပြီး ယနေ့တိုင် ပြောင်းလဲခြင်းမရှိဘဲ တည်ရှိနေသည်။ ငါသည် အိမ်တွင် ဤနည်းလမ်းအတိုင်း ပြုမူခဲ့ရုံသာမက နောက်ပိုင်းတွင် အမျိုးမျိုးသော အသင်းတော်များသို့ ငါ သွားရောက်ပြီး ညီအစ်ကိုမောင်နှမများနှင့် ထိတွေ့ဆက်ဆံသောအခါတွင်လည်း ဤစည်းမျဉ်းသည် ပြောင်းလဲခြင်း မရှိခဲ့ပေ။ ငါ့ကို ပြောလော့၊ ဤအရာကို လူ့သဘာဝ အနှစ်သာရက ဆုံးဖြတ်သလော။ (ဟုတ်ပါသည်။) သင်တို့သည် ဤအရာကို လုပ်ဆောင်နိုင်သလော။ (မလုပ်ဆောင်နိုင်ပါ။) ယင်းမှာ ခက်ခဲသည်၊ မှန်သလော။ သင် ကြိုးစားရင်းဖြင့် ခြေကုန်လက်ပန်းကျသွားလျှင်ပင် ယင်းကို မလုပ်ဆောင်နိုင်ပေ။ လူတို့သည် ၎င်းတို့၏ မာနအတွက် တိုက်ပွဲဝင်ရန်နှင့် ၎င်းတို့မှန်ကြောင်း ငြင်းခုံရန်သာ အလိုရှိကြသည့်တိုင် ၎င်းတို့သည် ကျင့်ကြံပြုမူခြင်း၏ စည်းများနှင့် စည်းမျဉ်းများကို မေ့လျော့ကြသည်။ မည်သူကမျှ ကျင့်ကြံပြုမူခြင်း၏ စည်းများနှင့် စည်းမျဉ်းများကို မည်သည့်အခါမျှ မစောင့်ထိန်းခဲ့ဖူးပေ။ အဘယ်ကြောင့် မည်သူကမျှ ယင်းတို့ကို မစောင့်ထိန်းသနည်း။ အကြောင်းမှာ လူတို့အတွင်းရှိ အသက်သည် ပုံမှန် လူ့သဘာဝနှင့် စည်းမျဉ်းများ ကင်းမဲ့နေသောကြောင့် ဖြစ်သည်။ လူတို့၏ အသက်သည် စာတန်ထံမှ လာသော ၎င်းတို့၏ ဖောက်ပြန်ပျက်စီးသည့် စိတ်သဘောထားများ ဖြစ်သည်။ သင် မည်သည့်အရာကို လုပ်ဆောင်သည်ဖြစ်စေ သင်၏ အပြုအမူကို ကြီးစိုးပြီး လမ်းပြသည့် စည်းမျဉ်းသည် ဖောက်ပြန်ပျက်စီးသော စိတ်သဘောထားများထံမှ အစဉ် လာသည်။ သင် မည်သည့် အကြောင်းပြချက်ကို အသုံးပြုသည်ဖြစ်စေ၊ သင်၏ လုပ်ရပ်များ၏ အခြေခံမှာ အဘယ်အရာဖြစ်သည်ဖြစ်စေ ယင်းအားလုံးသည် ဖောက်ပြန်ပျက်စီးသော စိတ်သဘောထားများထံမှ လာသည်။ သို့ဖြစ်၍ စည်းမျဉ်းများနှင့်အညီ လူများနှင့် အပြန်အလှန် ဆက်ဆံခြင်းသည် ဖောက်ပြန်ပျက်စီးသော လူသားများအတွက် အလွန် ခက်ခဲလွန်းသည်။ သင် မြင်သလော၊ ငါပြောဆိုသော ဘဝရှိ ဤအရာများသည် အလွန် သာမန်ဖြစ်ပုံမရပေလော။ သို့သော် ဖောက်ပြန်ပျက်စီးသော လူသားမျိုးနွယ်အကြားတွင် ဤနည်းလမ်းအတိုင်း ပြုမူခြင်းကို သဘောထားကြီးခြင်းအဖြစ် သတ်မှတ်ခံရသည်။ ဤသဘောထားကြီးခြင်း အရည်အသွေးသည် လူအများစုတွင် ရှိပင်မရှိသည့်အပြင် မရရှိနိုင်သောအရာတစ်ခု ဖြစ်သည်၊ ၎င်းတို့သည် ရိုသေလေးစားမှုကို ပြသနိုင်ရန်မှာ သာ၍ပင် မဖြစ်နိုင်ပေ။ ၎င်းတို့သည် စည်းမျဉ်းများနှင့်အညီ အခြားသူများနှင့် အပြန်အလှန် ဆက်ဆံနိုင်ခြင်း၏ စံကို အလွန်ပင် မပြည့်မီကြပေ၊ အကြောင်းမှာ ဤအရာများသည် ဖောက်ပြန်ပျက်စီးသော လူ့သဘာဝတွင် လုံးဝ မရှိသောကြောင့် ဖြစ်သည်။ ယင်းမှာ လူတို့သည် စည်းမျဉ်းများကို မစွဲကိုင်နိုင်ခြင်း မဟုတ်ဘဲ ၎င်းတို့တွင် စည်းမျဉ်းများ မရှိခြင်းသာ ဖြစ်သည်။ သင် မည်သည့်အရာကို ပြောဆိုသည်ဖြစ်စေ၊ လုပ်ဆောင်သည်ဖြစ်စေ၊ သင် မည်သည့်အရာနှင့် ကြုံတွေ့ရသည်ဖြစ်စေ သင်၏ ဖောက်ပြန်ပျက်စီးသော စိတ်သဘောထားများ ထုတ်ဖော်လေသည်။ သင်၏ ပုဂ္ဂိုလ်ရေး နှစ်သက်မှုများ၊ ခံစားချက်များ၊ အကျိုးစီးပွားများ၊ အချည်းနှီး ဂုဏ်မောက်ခြင်းနှင့် မာန၊ ကျော်ကြားမှု၊ အကျိုးအမြတ်နှင့် အဆင့်အတန်းအတွက် တောင့်တမှု၊ သင်၏ ရည်မှန်းချက်များနှင့် လိုအင်ဆန္ဒများအပြင် လက်စားချေရန်နှင့် လူတို့ကို လိုက်လံတိုက်ခိုက်ရန် သင်၏ လိုအင်ဆန္ဒတို့အားလုံးက ယင်းတို့ဘာသာ ပြသကြသည်။ ဤအရာများသည် သင် ပြောဆိုပြီး လုပ်ဆောင်သည့်အရာကို တာဝန်ယူကာ ကြီးစိုးသည်၊ ယင်းက သင်၏ စိတ်နှလုံးသည် ဤဖောက်ပြန်ပျက်စီးသော စိတ်သဘောထားများ၏ အပြည့်အဝ နေရာယူခြင်းကို ခံရကြောင်း ပြသနေသည်။ သို့ဖြစ်၍ သင်သည် ဆုံးရှုံးမှုတစ်ခုကို ခံစားရသောအခါ သင်၏ ဒေါသကို မမျိုသိပ်နိုင်ပေ၊ သင်သည် အရှုံးမပေးမီ မည်သူက အသာစီးရသည်ကို ကြည့်ရန် မရမက တိုက်ပွဲဝင်သည်။ အဆုံးတွင် မည်သည့်အရာ ဖြစ်ပျက်သနည်း။ သင်၏ မာနကို ပြန်လည်ရယူရန်၊ သင်၏ ဂုဏ်သိက္ခာကို ပြန်လည်ရရှိရန်နှင့် သင်၏ ကိုယ်ပိုင် အကျိုးစီးပွားများကို ကာကွယ်ရန်အလို့ငှာ သင်သည် အသိစိတ်၏ စည်းများကို ဖောက်ထွက်ပြီး တစ်ဖက်လူနှင့် ရူးသွပ်စွာ ယှဉ်ပြိုင်ကာ တိုက်ခိုက်လိမ့်မည်ဖြစ်သည့်အပြင် မည်သည့် ယုတ်ညံ့မှုမျိုးကိုမဆို ကျူးလွန်လျက် အရှက်အကြောက်ကင်းမဲ့စွာ လက်စားချေခြင်းကိုပင် ပြုလိမ့်မည်။ ပြီးလျှင် သင် လက်စားချေသောအခါ သင်သည် ဒေါသသူပုန်ထသည်အထိ ၎င်းတို့ကို ဆဲဆိုသည်။ သင်သည် ၎င်းတို့ကို ဆဲဆိုလေလေ၊ သင်၏ အမုန်းတရားကို မလျော့ပါးစေဟု သင် ခံစားရလေလေ ဖြစ်သည်၊ သင်သည် ၎င်းတို့ကို ဆဲဆိုလေလေ၊ သင်၏ ဒေါသက ပို၍ ကြီးမားလာလေလေ ဖြစ်သည်၊ သင်သည် ၎င်းတို့ကို ဆဲဆိုလေလေ၊ သင်၏ အမုန်းတရားက ပို၍ နက်ရှိုင်းလာလေလေ ဖြစ်ပြီး ထို့နောက်တွင် ရိုက်နှက်ရန် အချိန်ရောက်လာသည်။ ကိုယ်ထိလက်ရောက် ရန်ပွဲတစ်ခု ဖြစ်ပွားသည်နှင့်တစ်ပြိုင်နက် ရန်ငြိုး ပေါ်ပေါက်လာသည်၊ အခြေအနေသည် နောက်ဆုတ်ရန် နည်းလမ်းမရှိဘဲ အဖတ်ဆယ်၍မရနိုင်အောင် ဖြစ်လာသည်။ သို့ဖြစ်၍ လက်စားချေခြင်းသည် အခြေခံအားဖြင့် ဖောက်ပြန်ပျက်စီးသော လူသားမျိုးနွယ်၏ သီးသန့် နယ်ပယ် ဖြစ်သည်။ သင်သည် လက်စားချေနိုင်သည်ဟူသော အမှန်တရားက သင်၏ အသိစိတ်နှင့် ဆင်ခြင်တုံတရားတို့သည် သင့်အပေါ် ထိန်းချုပ်မှု မရှိကြောင်း သက်သေပြနေသည်။ ထို့အပြင် သင်တို့ထဲမှ အချို့သည် အသိစိတ်နှင့် ဆင်ခြင်တုံတရားကို လုံးဝ မပိုင်ဆိုင်ကြပေ။ သို့ဖြစ်၍ သင်သည် အခြေအနေအချို့နှင့် ကြုံတွေ့ရသောအခါ တစ်ဖက်လူက သင်၏ အကျိုးစီးပွားများကို ထိခိုက်သရွေ့ သို့မဟုတ် သင်၏ မာနကို ထိပါးသရွေ့ သင်သည် ၎င်းတို့ကို စည်းမျဉ်းများနှင့်အညီ မဆက်ဆံနိုင်ရုံသာမက ထိုသို့လုပ်ဆောင်ရန် အသိစိတ်နှင့် ကိုယ်ကျင့်တရားတို့၏ စည်းများကို ဖောက်ထွက်လျက် အရှက်အကြောက်ကင်းမဲ့စွာ လက်စားချေပြီး သင်၏ လက်စားချေမှုသည် အထူးသဖြင့် ခိုင်လုံသည်ဟုပင် တွေးထင်သည်။ သင်သည် သမ္မာတရား စည်းမျဉ်းများနှင့် ကျင့်ကြံပြုမူခြင်း စည်းမျဉ်းများကို ဒုစရိုက်အမှုများဖြင့် အဆက်မပြတ် အစားထိုးသည်။ သင် အသက်ရှင်နေထိုင်သည့်အရာမှာ နတ်ဆိုးတစ်ကောင်၏ မျက်နှာနှင့် အသွင်အပြင် ဖြစ်သည့်တိုင် သင်သည် အနိုင်ရပြီး အသာစီးရခဲ့သည်ဟု ခံစားရဆဲ ဖြစ်သည်။ လက်တွေ့တွင် ဘုရားသခင်သည် ဤအရာကို မည်သို့ ရှုမြင်သနည်း။ မည်သည့် အပြုအမူမျိုးနှင့် ကျင့်ကြံပြုမူသည့် မည်သည့် နည်းလမ်းက ဘုရားသခင်၏ အမြင်တွင် အပြုသဘောဆောင်သောအရာများ ဖြစ်ပြီး ဘုရားသခင်၏ အသိအမှတ်ပြုခြင်းကို ခံရသနည်း။ ဤသည်မှာ အခရာအကျဆုံးနှင့် အရေးကြီးဆုံးအရာ ဖြစ်သည်။ အပေါ်ယံတွင် အချို့လူများသည် အလွန် လိမ္မာပါးနပ်သောကြောင့်၊ အပြောအဆို ကောင်းသောကြောင့်၊ ၎င်းတို့၏ အချည်းနှီး ဂုဏ်မောက်ခြင်းနှင့် မာနကို မည်သို့ ကာကွယ်ရမည်ကို သိသောကြောင့်၊ လူတို့အပေါ် လက်စားချေရန် အခွင့်အရေးများကို မည်သို့ ရှာဖွေရမည်ကို သိသောကြောင့်၊ ရမ်းကားသောင်းကျန်းရန်နှင့် အရှက်မဲ့စွာ ပြုမူရန် မည်သို့ လုပ်ဆောင်ရမည်ကို သိသောကြောင့် ၎င်းတို့သည် မည်သည့်အရာနှင့် ကြုံတွေ့ရသည်ဖြစ်စေ မည်သည့်အခါမျှ ဆုံးရှုံးမှုများကို မခံစားရသည့်အပြင် ၎င်းတို့သည် မည်သည့် နာကျင်မှုကိုမျှ ခံစားရခြင်းမရှိဘဲ သက်သောင့်သက်သာနှင့် အေးချမ်းမှုကို ပျော်မွေ့ခံစားနိုင်ကြသည်။ ၎င်းတို့သည် မိမိတို့ကို ရန်စသော သို့မဟုတ် ၎င်းတို့ကို နာကျင်စေသော မည်သူ့ကိုမဆို ပြန်လည်တိုက်ခိုက်နိုင်ပြီး အပြင်ပန်း ဂုဏ်သတင်းရော၊ လက်တွေ့ အကျိုးကျေးဇူးများကိုပါ ရရှိကာ ၎င်းတို့၏ မာနကို ထိခိုက်ခံရရန် မည်သည့်အခါမျှ ခွင့်မပြုကြပေ။ သို့ရာတွင် ၎င်းတို့သည် သမ္မာတရားကို မည်သည့်အခါမျှ လက်ခံမည်၊ မဟုတ်၊ လူတို့ကို စည်းမျဉ်းများနှင့်အညီ ဆက်ဆံမည် မဟုတ်ပေ၊ ပြီးလျှင် အသိစိတ်နှင့် ကိုယ်ကျင့်တရားတို့၏ စည်းများကို ကျော်လွန်သွားသည့် အရာများကိုပင် လုပ်ဆောင်နိုင်ကြသည်။ မိမိ၏ ကိုယ်ပိုင် မာနနှင့် အကျိုးစီးပွားများကို ကာကွယ်ရန်အလို့ငှာ လက်စားချေခြင်းနှင့် လူတို့ကို နာကျင်စေခြင်းဟူသည့် ဤအရာအားလုံးသည် ဘုရားသခင်၏ အမြင်တွင် ဒုစရိုက်အမှုများ ဖြစ်ကြသည်။ သင်သည် မိမိ၏ အချည်းနှီး ဂုဏ်မောက်ခြင်းနှင့် မာနကို ကာကွယ်ခဲ့ကောင်း ကာကွယ်ခဲ့နိုင်ပြီး သင်၏ ဇာတိပကတိ အကျိုးစီးပွားများကို ထိန်းသိမ်းခဲ့ကောင်း ထိန်းသိမ်းခဲ့နိုင်သော်လည်း သင်သည် ဘုရားသခင် သွန်သင်သည့် စည်းမျဉ်းများနှင့်အညီ မည်သည့်အခါမျှ မကျင့်ကြံခဲ့ဖူးသည့်အပြင် လူတို့ကို မည်သည့်အခါမျှ မဆက်ဆံခဲ့ဖူးပေ။ သို့ဆိုလျှင် ဘုရားသခင်သည် ဤအရာကို မည်သို့ ရှုမြင်သနည်း။ သင်သည် သူ၏ ရှေ့မှောက်တွင် ဘုရားသခင်၏ အသိအမှတ်ပြုခြင်းကို မည်သည့်အခါမျှ မရရှိခဲ့ဖူးပေ။ သင်သည် အလွန် လိမ္မာပါးနပ်လွန်းပြီး အလွန် အကြံအစည်ကြီးလွန်းသည်။ သင်သည် အပြင်ပန်း ဂုဏ်သတင်း၊ လက်တွေ့ အကျိုးကျေးဇူးများနှင့် ပုဂ္ဂိုလ်ရေး အကျိုးစီးပွားများအတွက် ယှဉ်ပြိုင်ပြီး သင်၏ မာနအတွက် တိုက်ပွဲဝင်သည်။ သင်၏ အချည်းနှီး ဂုဏ်မောက်ခြင်းနှင့် မာနကို ကာကွယ်ခြင်းအလို့ငှာ သင်သည် ဘုရားသခင်က သင့်အား သွန်သင်သည့် ကျင့်ကြံပြုမူခြင်း စည်းမျဉ်းများကို မည်သည့်အခါမျှ နှလုံးမသွင်းသည့်အပြင် ယင်းတို့ကို မည်သည့်အခါမျှ မစောင့်ထိန်းပေ။ သို့ဖြစ်၍ အချို့လူများ၏ ဇာတိပကတိ အကျိုးစီးပွားများသည် မည်သည့် ဆုံးရှုံးမှုကိုမျှ လုံးဝ ခံစားခဲ့ရပုံမပေါ်သည့်အပြင် ၎င်းတို့သည် အထူးသဖြင့် အောင်မြင်သော၊ အံ့သြဖွယ်ကောင်းပြီး လေးစားဖွယ်ကောင်းသော ဘဝတစ်ခုကို အသက်ရှင်နေထိုင်နေပုံရသော်လည်း ၎င်းတို့တွင် ဘုရားနှုတ်ကပတ်တော်များ၏ အသက်ပေးသော သမ္မာတရား စိုးစဉ်းမျှ မရှိပေ၊ ၎င်းတို့သည် ယင်းကို မရရှိခဲ့ကြပေ။ ၎င်းတို့တွင် အမှုအရာများကို သဘောပေါက်နားလည်နိုင်စွမ်းလည်း မရှိပေ၊ ၎င်းတို့သည် ယင်းကို သဘောမပေါက်နိုင်သည့်အပြင် ယင်းကို နားမလည်ကြပေ။ ဤသည်မှာ လူတစ်ဦး၏ အသက်တာနှင့်ပတ်သက်လာလျှင် ဆုံးရှုံးမှုတစ်ခုကို ခံစားရခြင်း မဟုတ်လော။ (ဟုတ်ပါသည်။) ၎င်းတို့သည် သမ္မာတရားကို မရရှိခဲ့ကြ၊ ၎င်းတို့၏ အသက်တာသည် ဆုံးရှုံးမှုတစ်ခုကို ခံစားခဲ့ရပြီး ဘုရားသခင်က ၎င်းတို့ကို ကောင်းချီးမပေးသည့်တိုင် ၎င်းတို့သည် အတော်လေး ထက်မြက်သည်ဟုလည်းကောင်း၊ ၎င်းတို့သည် မည်သည့် ဆုံးရှုံးမှုကိုမျှ မခံစားခဲ့ရဟုလည်းကောင်း ၎င်းတို့ ခံစားရဆဲ ဖြစ်သည်။ ထိုသို့သော လူများသည် အမိုက်မဲဆုံး ဖြစ်ကြသည်။

လူ့ဇာတိခံ ဘုရားသခင်က လူတို့ကို ဆက်ဆံသည့် စည်းမျဉ်းများမှတစ်ဆင့် နေ့စဉ်ဘဝတွင် ငါ ကျင့်ကြံပြုမူသည့်ပုံစံကို သင်တို့ အနည်းငယ် ပို၍ နားလည်သလော။ (နားလည်ပါသည်။) သို့ဆိုလျှင် လူတို့ကို ဆက်ဆံရာတွင် မည်သည့်စည်းမျဉ်းများကို စောင့်ထိန်းသင့်သည်ဟူသည့်အပေါ် သင်တို့ အနည်းငယ် ပို၍ ရှင်းလင်းသွားသလော။ (ရှင်းလင်းသွားပါသည်။) အချို့လူများက သင့်ကို အားနည်းသည်၊ သူရဲဘောကြောင်သည်၊ အနိုင်ကျင့်ရန် လွယ်ကူသည်ဟု ထင်ပြီး ၎င်းတို့ ဤသို့တွေးသည်ကို သင် ခံစားနိုင်လျှင်ပင်၊ ပြီးလျှင် ဤသည်မှာ သင့်ကို ၎င်းတို့ ဆက်ဆံသည့်ပုံစံလည်း ဖြစ်လျှင်ပင် သင်သည် လူတို့ကို တရားမျှတစွာ ဆက်ဆံခြင်း စည်းမျဉ်းကို စောင့်ထိန်းသင့်ဆဲဖြစ်သည်။ သင်သည် ၎င်းတို့ကို ကူညီနိုင်ပါက ၎င်းတို့ကို ကူညီရန် သမ္မာတရားနှင့်ပတ်သက်၍ မိတ်သဟာယဖွဲ့သင့်သည်။ ၎င်းတို့သည် သမ္မာတရားကို လက်ခံသောသူများ သို့မဟုတ် အပြုသဘောဆောင်သောအရာများကို ချစ်မြတ်နိုးသောသူများ မဟုတ်ပါက သင်သည် ၎င်းတို့ကို စည်းမျဉ်းများနှင့်အညီ မှန်ကန်စွာ ဆက်ဆံသင့်ဆဲဖြစ်သည်။ အချိန်တိုင်းတွင် ပို၍ ဘက်စုံလွှမ်းခြုံသော သဘောဖြင့် ပြောရလျှင် ဘုရားသခင်သည် အရာခပ်သိမ်းအပေါ်တွင်လည်းကောင်း၊ လူအားလုံး၏ ကံကြမ္မာများအပေါ်တွင်လည်းကောင်း အချုပ်အခြာအာဏာ ကိုင်စွဲထားသည်ကို ငါ ခိုင်မာစွာ ယုံကြည်သည်။ လူသားမျိုးနွယ်၏ ကံကြမ္မာ၊ လူတစ်ဦးစီတိုင်း၏ ကံကြမ္မာသည် ဘုရားသခင်၏ လက်ထဲတွင် ရှိကြောင်းကိုလည်းကောင်း၊ မည်သူမျှ ဘုရားသခင်၏ အချုပ်အခြာအာဏာနှင့် စီစဉ်ညွှန်ကြားခြင်းမှ မလွတ်မြောက်နိုင်ကြောင်းကိုလည်းကောင်း၊ မည်သူမျှ ဘုရားသခင်၏ မျက်စိဖြင့် စေ့စေ့စပ်စပ် ကြည့်ရှုစစ်ဆေးခြင်းမှ မလွတ်မြောက်နိုင်ကြောင်းကိုလည်းကောင်း ငါ၏ စိတ်နှလုံးထဲတွင် ငါ အတည်ပြုနိုင်သည်။ ပို၍ လိုရင်းတိုရှင်းဖြစ်သော ရှုထောင့်မှ ယင်းကို ကြည့်လျှင် ဘုရားအိမ်တော်သည် ဘုရားသခင်၏ နှုတ်ကပတ်တော်များက အာဏာကိုင်စွဲပြီး သမ္မာတရားက အာဏာကိုင်စွဲသည့် နေရာတစ်ခု ဖြစ်သည်။ ပို၍ တိတိကျကျ ပြောရလျှင် ဘုရားအိမ်တော်တွင် စီမံအုပ်ချုပ်ရေးဆိုင်ရာ အမိန့်များရှိသည်၊ အသင်းတော်တွင် စည်းမျဉ်းစည်းကမ်းများ ရှိပြီး ကာလတိုင်းတွင် အလုပ် အစီအစဉ်များ ရှိသည်။ ဘုရားအိမ်တော်က လူအမျိုးအစားအားလုံးကို မည်သို့ ဆက်ဆံသည်နှင့် ပတ်သက်လာလျှင် ဘုရားအိမ်တော်က ၎င်းတို့ကို သမ္မာတရား စည်းမျဉ်းများနှင့်အညီ ဖြစ်နိုင်သမျှ အကြီးမားဆုံးသော အတိုင်းအတာအထိ ကိုင်တွယ်မည်ဖြစ်ပြီး ရှင်းလင်းပစ်ခြင်း သို့မဟုတ် ကိုင်တွယ်ခြင်း ခံရသင့်သည့် လူတစ်ဦးတစ်ယောက်ကိုမျှ အလွတ်ပေးမည်မဟုတ်ပေ။ အန္တိခရစ်များ၊ ဆိုးယုတ်သောလူများနှင့် မယုံကြည်သူများအပြင် သမ္မာတရားကို မချစ်မြတ်နိုးသောသူများ၊ ညံ့ဖျင်းသော လူ့သဘာဝရှိသူများနှင့် သမ္မာတရားကို မလိုက်စားသောသူများ အားလုံးသည် ဘုရားသခင်၏ မျက်စိထဲတွင် ဖယ်ရှားရှင်းလင်းခြင်း၏ ပစ်မှတ်များ ဖြစ်ကြသည်။ အနှေးနှင့်အမြန်ဆိုသလို ဤလူများသည် ဖယ်ရှားရှင်းလင်းခြင်းနှင့် ရှင်းလင်းပစ်ခြင်း ခံရမည်ဖြစ်ပြီး သမ္မာတရားကို အမှန်တကယ် လိုက်စားသောသူများ သို့မဟုတ် အနည်းဆုံးအနေဖြင့် ဘုရားသခင်အတွက် အလုပ်လုပ်ပေးရန် လိုလားပြီး လက်ခံနိုင်ဖွယ်ရှိသော လူ့သဘာဝရှိသူများမှာမူ ဘုရားအိမ်တော်တွင် ဖန်ဆင်းခံများ၏ တာဝန်ကို ဆက်လက် ထမ်းဆောင်ကြလိမ့်မည်။ လူ့လောကနှင့်ပတ်သက်၍မူ ယင်းသည် ဘုရားသခင်၏ အချုပ်အခြာအာဏာအောက်တွင် ရှိသည်။ အသင်းတော်နှင့်ပတ်သက်၍မူ ဘုရားအိမ်တော်တွင် စီမံအုပ်ချုပ်ရေးဆိုင်ရာ စည်းမျဉ်းစည်းကမ်းများနှင့် သမ္မာတရား စည်းမျဉ်းများ ရှိသည်။ သို့ဖြစ်၍ အခြားလူများကို မည်သို့ ဆက်ဆံသင့်သည်ဟူသည့်အရာနှင့် ပတ်သက်၍ ဤသည်တို့မှာ စောင့်ထိန်းရမည့် စည်းမျဉ်းနှစ်ခု ဖြစ်သည်။ ဤကဏ္ဍနှင့်ပတ်သက်၍ သင်တို့ ရှင်းလင်းသလော။ (ရှင်းလင်းပါသည်။) ဘဝတွင် အချို့သော လူများနှင့် ထိတွေ့ဆက်ဆံခြင်းနှင့် ပတ်သက်၍မူ ငါသည် နှစ်မြို့ဖွယ်မကောင်းသော အခြေအနေအချို့ကို ကြုံတွေ့ရပါက သို့မဟုတ် တစ်စုံတစ်ဦးက ငါ၏ အမြင်များနှင့် မကိုက်ညီသောအရာများကို ပြောဆိုပါက ငါသည်လည်း ယင်းကို မှန်ကန်စွာ ကိုင်တွယ်မည်ဖြစ်သည်။ နောက်ပိုင်းတွင် သင်ပြောခဲ့သည့်အရာနှင့်ပတ်သက်၍ ငါ စဉ်းစားတွေးဆကာ ဆင်ခြင်သုံးသပ်ပြီး အတည်ပြုချက်ရယူပြီးနောက် မှန်ကန်ကြောင်း ဆုံးဖြတ်ပါက ငါသည် ယင်းကို လက်ခံမည်ဖြစ်သည်။ သင်ပြောခဲ့သည့်အရာက မှားယွင်းပါက ငါသည် သင့်ကို စည်းမျဉ်းများနှင့်အညီ ဆက်ဆံမည်ဖြစ်သည်။ သင်နှင့် ထိတွေ့ဆက်ဆံသည့် လုပ်ငန်းစဉ်တွင် ပွတ်တိုက်မှု၊ ပဋိပက္ခ သို့မဟုတ် နှစ်မြို့ဖွယ်မကောင်းခြင်း တစ်ခုခု ရှိပြီး ယင်းက သမ္မာတရား၊ အသင်းတော်၏ အလုပ် သို့မဟုတ် သင်၏ ဖောက်ပြန်ပျက်စီးသော စိတ်သဘောထားများနှင့် ပတ်သက်နေပါက သင်သည် သမ္မာတရားကို နားလည်နိုင်ရန်နှင့် သင့်အတွင်း၌ တည်ရှိနေသော ပြဿနာများကို ရှင်းလင်းစွာ မြင်နိုင်ရန်အလို့ငှာ အခါအခွင့်သင့်လျှင် ငါသည် သင်နှင့် မိတ်သဟာယဖွဲ့မည်ဖြစ်သည်။ ဤအခွင့်အရေး မည်သည့်အခါမျှ ပေါ်မလာပါက သို့မဟုတ် ဤအရာနှင့်ပတ်သက်၍ သင်နှင့် မိတ်သဟာယဖွဲ့ရန် မလိုအပ်ပါက သင် ထိုသို့လုပ်ဆောင်ရန် လိုလားလျှင် သင်ကိုယ်တိုင် ရှာဖွေနိုင်သည်။ သင်၏ စိတ်သဘောထားက အတော်အတန် မာနထောင်လွှားပါက သို့မဟုတ် သင်သည် ငါ့မျက်နှာကိုကြည့်ကာ ရိုင်းစိုင်းစွာ ပြောဆိုပြီး ငါ့ကို ပုန်ကန်ပြစ်မှားပါက စိတ်ချလော့၊ ငါသည် သင့်ကို စည်းမျဉ်းများနှင့်အညီ ဆက်ဆံမည်ဖြစ်သည်။ သင်က ငါ့ကို ပုန်ကန်ပြစ်မှားသောကြောင့် သို့မဟုတ် အတိတ်က ငါ့ကို ပုန်ကန်ပြစ်မှားခဲ့ရုံဖြင့် သင့်ကို ငါ လုံးဝ ပြုပြင်မည်မဟုတ်ပေ။ ထိုသို့သောအရာကို ငါ လုပ်ဆောင်မည်မဟုတ်ပေ။ သင်သည် ငါ့ကို ပုန်ကန်ပြစ်မှားခဲ့ပါက ယင်းမှာ တမင်ရည်ရွယ်ခြင်း ရှိမရှိကို ငါ ကြည့်ရမည်ဖြစ်သည်။ ယင်းက တမင်ရည်ရွယ်ခြင်းမရှိခဲ့ပါက ငါသည် ယင်းကို မည်သည့်အခါမျှ မဖြစ်ပျက်ခဲ့သကဲ့သို့ သဘောထားမည်ဖြစ်သည်။ သင်သည် မိုက်မဲနေခဲ့သည်၊ ဆင်ခြင်တုံတရား ကင်းမဲ့နေခဲ့ပြီး မစဉ်းစားဘဲ ပြောဆိုခဲ့ခြင်းဖြစ်သည်ဟုသာ ငါ ယူဆလိုက်မည်။ သင် ပြောဆိုလိုက်သည်နှင့်တစ်ပြိုင်နက် သင်၏ စကားများ၏ သဘောသဘာဝမှာ အဘယ်အရာဖြစ်သည်ကို သင် မသိခဲ့သည့်အပြင် သင် မည်သည့်အရာကို ပြောနေသည်ကို သင် မသိခဲ့ပေ။ ယင်းမှာ အဓိပ္ပာယ်မရှိသော စကားများသက်သက်သာ ဖြစ်သည်။ သို့ရာတွင် ယင်းက တမင်ရည်ရွယ်ခြင်းဖြစ်ပါက သင်သည် ငါနှင့်ပတ်သက်၍သာ ဤသို့ တွေးပြီး ပြုမူခြင်း ဟုတ်မဟုတ်ကိုဖြစ်စေ၊ သင်သည် လူများစွာအပေါ်၊ အသင်းတော်အပေါ်နှင့် ဘုရားအိမ်တော်အပေါ် ရန်လိုခြင်း ဟုတ်မဟုတ်ကိုဖြစ်စေ ကြည့်ရန်အလို့ငှာ ငါသည် ဤကိစ္စကို လူတိုင်းနှင့် မိတ်သဟာယဖွဲ့ပြီး ဆွေးနွေးရမည်ဖြစ်သည်။ အသေးစိတ် အခြေအနေမှာ အဘယ်အရာဖြစ်သည်ကို ငါ နားလည်ရမည်ဖြစ်သည်။ သင်သည် ငါ့အပေါ်၌သာ ရန်လိုခြင်းဖြစ်ပါက ငါသည် သင့်ကို စောင့်ကြည့်လေ့လာမည်ဖြစ်သည်။ ငါသည် သင့်ကို နောင်တရရန် အခွင့်အရေးတစ်ခု ဦးစွာ ပေးမည်ဖြစ်ပြီး သင်သည် အမှန်တကယ် မည်သည့်လူစားမျိုး ဖြစ်သည်ကိုလည်း ငါ ကြည့်ရှုမည်ဖြစ်သည်။ သင်သည် ငါ့အပေါ် ရန်လိုသည့်အပြင် ဘုရားအိမ်တော်၊ အသင်းတော်နှင့် ညီအစ်ကိုမောင်နှမများအားလုံးအပေါ်လည်း ရန်လိုပါက၊ ဘုရားအိမ်တော်ကို လှောင်ရယ်စရာအဖြစ် အစဉ် မြင်တွေ့လိုပြီး ငါ့ကို လှောင်ရယ်စရာအဖြစ် အစဉ် မြင်တွေ့လိုပါက၊ အဆင်းနီသော နဂါးကြီးနှင့် ဘာသာရေးလောကက ငါ့အကြောင်း အခြေအမြစ်မရှိသော ကောလာဟလများကို လုပ်ကြံဖန်တီးသည့်အခါ သင်က လက်ခုပ်တီးပြီး အားပေးကာ ယင်းတို့ကို ညီအစ်ကိုမောင်နှမများကြားတွင်ပင် ဖြန့်ဝေလျက် ငါ့ကို တမင်တကာ အသရေဖျက်ပြီး ညီအစ်ကိုမောင်နှမများကို အထင်အမြင်မှားစေလျှင်လည်း ငါသည် စည်းမျဉ်းများနှင့်အညီ ပြုမူမည်ဖြစ်သည်။ ငါသည် သင့်အပေါ် လက်စားချေမည်မဟုတ်ပေ။ တရားမျှတပြီး ကျိုးကြောင်းဆီလျော်သည့် ဘုရားအိမ်တော်၏ စီမံအုပ်ချုပ်ရေးဆိုင်ရာ အမိန့်များနှင့်အညီ သင့်ကို ငါ ကိုင်တွယ်မည်ဖြစ်သည်။ ငါသည် ခေါင်းဆောင်များနှင့် အမှုဆောင်များကို စီမံအုပ်ချုပ်ရေးဆိုင်ရာ အမိန့်များကို ရှာဖွေကြည့်ရှုစေမည်၊ သန့်ရှင်းသော ဝိညာဉ်တော် အသုံးပြုသည့်လူကို ဤကိစ္စအား ပိုင်းခြားသိမြင်ပြီး ကိုင်တွယ်စေမည်ဖြစ်ကာ ယင်းကို နောက်ဆုံးတွင် မည်သို့ ကိုင်တွယ်သည်ဟူသောအရာကို အသင်းတော်နှင့် ဘုရားအိမ်တော်ထံ ငါ လွှဲအပ်ထားမည်ဖြစ်သည်။ ငါသည် အမှုအရာများကို စည်းမျဉ်းများနှင့်အညီ လုပ်ဆောင်သည်။ စိတ်ချလော့၊ ငါသည် လူတို့ကို အကြွင်းမဲ့ တရားမျှတမှုဖြင့် ဆက်ဆံသည်။ လူတစ်ဦးသည် ဘုရားသခင်ကို အမှန်တကယ် ယုံကြည်ပြီး သမ္မာတရားကို လိုက်စားသော လူကောင်းတစ်ဦးဖြစ်ပါက ထိုသူသည် ဘုရားအိမ်တော်တွင် သေချာပေါက် ကျန်ရစ်မည်ဖြစ်သည်။ သို့သော် လူတစ်ဦးသည် ဘုရားအိမ်တော်အပေါ်တွင်လည်းကောင်း၊ ဘုရားသခင်အပေါ်တွင်လည်းကောင်း ရန်လိုကာ စာတန်နှင့် သက်ဆိုင်ပြီး ဆိုးယုတ်သော မကောင်းဆိုးဝါးဖြစ်သည့် ဆိုးယုတ်သောသူတစ်ဦး ဖြစ်ပါက ဘုရားအိမ်တော်သည် ထိုသို့သောသူ တစ်ဦးကိုမျှ လုံးဝ အလွတ်ပေးမည်မဟုတ်ပေ။ သင်တို့ နားလည်သလော။ (နားလည်ပါသည်။) သင်သည် အန္တိခရစ်များ၊ ဆိုးယုတ်သောလူများ၊ ဆိုးယုတ်သော မကောင်းဆိုးဝါးများ သို့မဟုတ် စာတန်၏ အစေခံများ အမျိုးအစားတွင် ပါဝင်ပါက သင့်ကို ငါ ဆက်ဆံသည့်ပုံစံတွင် ငါသည်လည်း စည်းမျဉ်းများနှင့်အညီ ပြုမူမည်ဖြစ်သည်။ ငါသည် သင့်ကို မတရားလုပ်မည်မဟုတ်ပေ။ သင်သည် ငါ့ကို ရည်ရွယ်ခြင်းမရှိဘဲ ပုန်ကန်ပြစ်မှားခဲ့ခြင်း ဖြစ်သည်၊ သို့မဟုတ် ငါ့အပေါ် ပုဂ္ဂိုလ်ရေးအရ အပျက်သဘောဆောင်သော ထင်မြင်ချက်များနှင့် အမြင်များ ရှိရုံမျှသာ ဖြစ်သည်ဟူသောအရာကို ငါ နားလည်ရမည်ဖြစ်သည်။ ငါသည် ရွက်ကြမ်းရည်ကျိုသာ ရှိကာ သာမန်ဖြစ်ပြီး ပုံမှန်ဖြစ်သော အသွင်အပြင်ရှိ၍ အရပ်အမောင်း မမြင့်မားသည့်အပြင် ဂုဏ်သတင်းကြီးသော နောက်ခံမရှိဘဲ နိမ့်ကျသော ဇာစ်မြစ်မှ လာပြီး သာမန်လူတစ်ဦး ဖြစ်သောကြောင့် သင်က ငါ့ကို အထင်သေးပြီး အရိုအသေတန်သော စကားများကို ပြောဆိုလျက် ငါ့ကို ထပ်တလဲလဲ ပုန်ကန်ပြစ်မှားခြင်း ဟုတ်မဟုတ်ကိုဖြစ်စေ၊ သင်သည် အသင်းတော်တစ်ခုလုံးနှင့် ဘုရားအိမ်တော်အပေါ် ဆိုးရွားသော အတွေးများနှင့် ရန်လိုမှု ရှိခြင်းကြောင့် ဟုတ်မဟုတ်ကိုဖြစ်စေ ငါ နားလည်ရမည်ဖြစ်သည်။ သင့်အကြောင်းကို ငါ လေ့လာရမည်ဖြစ်သည်။ သင်က ငါ့ကို ပုန်ကန်ပြစ်မှားပြီးနောက်တွင် အသင်းတော်အပေါ်၊ ညီအစ်ကိုမောင်နှမများအပေါ်၊ သင်၏ တာဝန်အပေါ်နှင့် ဘုရားအိမ်တော်၏ အမျိုးမျိုးသော အလုပ်ကဏ္ဍများအပေါ် နောက်ကွယ်တွင် သင်၏ သဘောထားမှာ အဘယ်အရာဖြစ်သည်ကို ငါ ကြည့်ရမည်ဖြစ်သည်။ သင့်အကြောင်းကို တိကျသော နားလည်မှုတစ်ခု ငါ ရရှိသည်နှင့်တစ်ပြိုင်နက် သင့်ကို စည်းမျဉ်းများနှင့်အညီ ငါ ကိုင်တွယ်မည်ဖြစ်သည်။ ငါသည် သင့်ကို လုံးဝ မတရားလုပ်မည်မဟုတ်ပေ။ သင်သည် ရှင်းလင်းပစ်ခြင်း ခံရလျှင်ပင် ယင်းမှာ သင့်ကို မတရားလုပ်ခြင်း မဟုတ်ပေ။ ဘုရားအိမ်တော်သည် သင့်ကို ကိုင်တွယ်ရာတွင် အကြွင်းမဲ့ တိကျမှန်ကန်လိမ့်မည်ဖြစ်သည်။ သို့သော် သင့်ကို မကိုင်တွယ်မီ ငါသည် ငါ့ဘာသာ ဓမ္မဓိဋ္ဌာန်မကျဘဲ “အသင်းတော်မှ ၎င်းကို ဖယ်ရှားလော့” ဟု လုံးဝ ပြောဆိုမည်မဟုတ်ပေ။ ဤအရာကို ငါ လုံးဝ လုပ်ဆောင်မည်မဟုတ်ပေ။ ဤကိစ္စကို လေ့လာရန်၊ စုံစမ်းစစ်ဆေးရန်၊ ကိုင်တွယ်ရန်နှင့် ဖြေရှင်းရန်အလို့ငှာ ဘုရားအိမ်တော်၏ လုပ်ထုံးလုပ်နည်းများကို ငါ လိုက်နာပြီး နောက်ဆုံးတွင် ဤကိစ္စကို စည်းမျဉ်းများနှင့်အညီ ကိုင်တွယ်ခဲ့ကြောင်း လူတိုင်းကို အသိအမှတ်ပြုစေမည်ဖြစ်သည်။ မိမိတို့၏ တာဝန်များမှ ဖြုတ်ချခြင်း၊ ကိုင်တွယ်ခြင်းနှင့် ရှင်းလင်းပစ်ခြင်း ခံရသူများကို သင်တို့ ကြည့်ရှုနိုင်ပြီး ၎င်းတို့ကို ဘုရားအိမ်တော်က ကိုင်တွယ်ခဲ့သည့်နည်းလမ်းသည် ငါ့အပေါ် ၎င်းတို့၏ သဘောထားနှင့် တစ်စုံတစ်ရာ ပတ်သက်မှု ရှိမရှိဟူသည်ကို ကြည့်ရှုနိုင်သည်။ ထို့အပြင် အချို့လူများသည် ဘုရားသခင်ကို နှစ်အတော်ကြာ ယုံကြည်ခဲ့ကြသည့်တိုင် ၎င်းတို့သည် ဘာသာတရား မရှိသူများကဲ့သို့ ငါ့ကို စကားပြောဆိုကြဆဲဖြစ်သည်။ ယင်းကို ငါ ကြားရသည့်အခါ ငါ၏ စိတ်နှလုံးထဲတွင် အလွန်အမင်း မနှစ်မြို့မှုကို ငါ ခံစားရသော်လည်း ၎င်းတို့ကို မျက်နှာချင်းဆိုင် ပြုပြင်ခဲ့ခြင်းမရှိသည့်အပြင် ၎င်းတို့ကို ငါ မည်သည့်အခါမျှ အရေးယူခဲ့ခြင်းလည်း မရှိပေ။ ငယ်ရွယ်ပြီး တဇောက်ကန်းဖြစ်သော လူအချို့လည်း ရှိကြပြီး ၎င်းတို့ စကားပြောသည့် မည်သူ့ကိုမဆို “ဟေ့လူ” ဟု ခေါ်ဝေါ်ကြကာ ရည်မွန်သည့် အသိအမြင် ကင်းမဲ့လျက် ယဉ်ကျေးမှုဆိုင်ရာ အပြုအမူများကို မည်သည့်အခါမျှ မသင်ယူခဲ့ဖူးသူများကဲ့သို့ ထင်ရသည်။ ဤကဲ့သို့သော လူများကိုလည်း ငါ ပြုပြင်ခဲ့ခြင်းမရှိပေ။ ထိုသို့သောအရာကို ငါ မည်သည့်အခါမျှ မလုပ်ဆောင်ခဲ့ဖူးပေ။ အချုပ်အားဖြင့်ဆိုရလျှင် သင်တို့သည် ဘုရားသခင်ကို မည်မျှကြာအောင် ယုံကြည်ခဲ့သည်ဖြစ်စေ၊ သင်တို့တွင် အခြေခံအုတ်မြစ် တစ်ခုခု ရှိသည်ဖြစ်စေ မရှိသည်ဖြစ်စေ၊ သင်တို့၏ လူ့သဘာဝက မည်သို့ရှိသည်ဖြစ်စေ၊ သင်တို့ မည်သည့်တာဝန်ကို ထမ်းဆောင်သည်ဖြစ်စေ၊ ငါသည် သင်တို့နှင့် တစ်ကြိမ်သာ ဆုံတွေ့ခဲ့သည်ဖြစ်စေ၊ သင်တို့နှင့် အကြိမ်များစွာ ထိတွေ့ဆက်ဆံခဲ့ဖူးသည်ဖြစ်စေ ငါသည် သင်တို့၏ သဘာဝ အနှစ်သာရကို အနည်းနှင့်အများ သဘောပေါက်ပြီး တိကျသော အမြင်တစ်ခု ရှိကာ အချို့သော ပုဂ္ဂိုလ်များနှင့်ပတ်သက်၍ ၎င်းတို့၏ စရိုက်လက္ခဏာကို သတ်မှတ်ချက်တစ်ခုပင် ငါ့ထံတွင် ရှိသည်။ လူတစ်ဦး၏ သဘာဝ အနှစ်သာရကို ငါ သဘောပေါက်ပြီး ယင်းနှင့်ပတ်သက်၍ တိကျသော အမြင်တစ်ခု ရှိခြင်းသည် ထိုသူ၏ အဆုံးသတ်နှင့် မသက်ဆိုင်သော်လည်း သူ၏ စရိုက်လက္ခဏာကို သတ်မှတ်ချက်တစ်ခု ရှိခြင်းကမူ သက်ဆိုင်လေသည်။ ၎င်းတို့တွင် ဤသို့သော သရုပ်သကန်များနှင့် ထုတ်ဖော်ချက်များ ရှိသောကြောင့် ၎င်းတို့ကို ဆက်ဆံရန် ငါ့တွင် စည်းမျဉ်းများရှိပြီး ၎င်းတို့၏ စရိုက်လက္ခဏာကို သတ်မှတ်ချက်တစ်ခု ရှိသည်။ လူများအတွက် ငါ့တွင် စည်းမျဉ်းများရှိပြီး ၎င်းတို့၏ စရိုက်လက္ခဏာကို ငါ သတ်မှတ်သော်လည်း ငါက လူတစ်ဦးကို ကိုင်တွယ်သည်ကို သင် မြင်ဖူးသလော။ ငါသည် မည်သူ့ကိုမျှ မည်သည့်အခါမျှ မကိုင်တွယ်ခဲ့ဖူးပေ။ ဘုရားသခင်၏ အချုပ်အခြာအာဏာနှင့် သူ၏ အစီအစဉ်များကို ငါ စောင့်ဆိုင်းသည်။ ထို့အပြင် ဤကိစ္စများကို အသင်းတော်ထံ ငါ လွှဲအပ်ထားသည်။ အသင်းတော်က ၎င်းတို့ကို စည်းမျဉ်းများနှင့်အညီ ကိုင်တွယ်လိမ့်မည်ဖြစ်သည်။ လူတို့ကို မည်သို့ ဆက်ဆံရမည်ဟူသည့် ငါ၏ စည်းမျဉ်းနှင့်ပတ်သက်၍ သင်တို့ မည်သို့ ထင်သနည်း။ (ယင်းက သမ္မာတရား စည်းမျဉ်းများနှင့် ကိုက်ညီပါသည်၊ ဆိုလိုသည်မှာ ဘုရားသခင်သည် အရာခပ်သိမ်းအပေါ် အချုပ်အခြာအာဏာ ကိုင်စွဲထားပြီး စီစဉ်သည်ဟူ၍ ဖြစ်ပါသည်။) မှန်ပေသည်၊ ဘုရားသခင်သည် အရာခပ်သိမ်းအပေါ် အချုပ်အခြာအာဏာ ကိုင်စွဲထားပြီး စီစဉ်သည်။ အရာခပ်သိမ်းကို ဘုရားသခင်၏ အချုပ်အခြာအာဏာနှင့် အစီအစဉ်များထံ လွှဲအပ်ထားသင့်သည်။ ဤစည်းမျဉ်းများတွင် သမ္မာတရားကို ကျိုးနွံနာခံခြင်း၊ ဘုရားသခင်၏ စီစဉ်ညွှန်ကြားခြင်းများနှင့် အစီအစဉ်များကို ကျိုးနွံနာခံခြင်းတို့လည်း ပါဝင်သည်။ သင်တို့တွင် ဤအသိအမြင်နှင့် ဤသဘောထား ရှိရမည်သာမက ဤနည်းလမ်းအတိုင်းလည်း ပြုမူပြီး လက်တွေ့လုပ်ဆောင်ရမည်ဖြစ်သည်။

လူ့ဇာတိခံ ဘုရားသခင်တွင် ဘုရားသခင်၏ အသက်ရှိပြီး ဘုရားသဘောသဘာဝ အနှစ်သာရကို သူ၏ အသက်အဖြစ် ပိုင်ဆိုင်သည်။ ရှေးဦးစွာ သူကိုယ်တိုင် လုပ်ဆောင်သည့် အရာခပ်သိမ်းတွင် သူ၌ရှိသော စည်းမျဉ်းများ၊ အမြင်ရှုထောင့်များနှင့် နည်းလမ်းများသည် သမ္မာတရား စည်းမျဉ်းများကို မချိုးဖောက်နိုင်ပေ။ သူ၏ ပုံမှန် လူ့သဘာဝ၏ ပင်ကိုစရိုက်နှင့် ဖော်ပြသည့်ပုံစံက မည်သို့ပင် ရှိသည်ဖြစ်စေ၊ မည်သည့်လူစားမျိုးကြားတွင် သူ နေထိုင်သည်ဖြစ်စေ ရှေးဦးစွာ သူ လိုက်နာသော စည်းမျဉ်းများသည် သမ္မာတရား စည်းမျဉ်းများကို မချိုးဖောက်နိုင်ပေ။ ယင်းတို့သည် ဘုရားသခင်၏ အသက်၊ ဘုရားသခင်၏ အနှစ်သာရတို့နှင့် သဟဇာတဖြစ်သည်။ လူ့ဇာတိခံ ဘုရားသခင်သည် သင်တို့အား မည်သို့ ကျင့်ကြံပြုမူရမည်ကို သွန်သင်ပေးသောကြောင့် သူကိုယ်တိုင်သည် အစကတည်းက ထိုသို့သောသူတစ်ဦး ဖြစ်ရမည်ဖြစ်သည်။ သူသည် ထိုသို့သောသူတစ်ဦးဖြစ်ရန် သင်တို့ကို သွန်သင်ပေးနိုင်ခြင်းမှာ သူ၌ ထိုသို့သော အသက်ရှင် နေထိုင်ခြင်းနှင့် ထိုသို့သော အနှစ်သာရ ရှိသောကြောင့် ဖြစ်သည်။ ဤအချက်တစ်ခုတည်းတွင်ပင် ဘုရားသခင် လူ့ဇာတိခံယူသည့် ဇာတိပကတိ၌ သင်တို့ကို လူ့ဘဝ၏ မှန်ကန်သော လမ်းကြောင်းပေါ်သို့ ဦးဆောင်ရန်၊ သင်တို့ကို ကယ်တင်ခြင်း လမ်းကြောင်းပေါ်သို့ ဦးဆောင်ရန်နှင့် သင်တို့ကို ဘုရားသခင်၏ ရှေ့မှောက်သို့ ခေါ်ဆောင်လာရန် လုံလောက်သော စွမ်းရည်နှင့် အခြေအနေများ ရှိပြီး သင်တို့အား ဘုရားသခင်ကို ကျိုးနွံနာခံသော သဘောထားနှင့် စိတ်နှလုံးတစ်ခု ရှိစေနိုင်သည်။ သင်တို့သည် ငါ ပြောခဲ့သော ဤစကားများနှင့် ငါ ဟောကြားခဲ့သော ဤတရားဒေသနာများကို လက်တွေ့လုပ်ဆောင်နိုင်ပြီး အကျိုးရရှိနိုင်ပါက ဤစကားများသည် သင်တို့၏ ဖောက်ပြန်ပျက်စီးသော စိတ်သဘောထားများကို ဖယ်ရှားရန်နှင့် ဘုရားသခင်ကို ကြောက်ရွံ့ပြီး မကောင်းမှုကို ရှောင်ကြဉ်သောသူများ ဖြစ်လာစေရန် သင်တို့အား လုံလောက်စွာ စွမ်းဆောင်ပေးနိုင်သည်။ ဘုရားသခင် လူ့ဇာတိခံယူသည့် ဇာတိပကတိသည် ပုံမှန် လူ့သဘာဝနှင့် လက်တွေ့ဘဝတွင် အသက်ရှင်နေထိုင်ပြီး ဤအသက်ရှင်နေထိုင်သည့် နည်းလမ်းနှင့် တည်ရှိမှု ပုံစံက လူများနှင့် အကန့်အသတ်ဖြင့်သာ ထိတွေ့ဆက်ဆံခွင့်ပေးသော်လည်း ကန့်သတ်ထားသော လူအရေအတွက်နှင့် ထိတွေ့ဆက်ဆံနေစဉ် လူတို့ကို ဆက်ဆံပုံနည်းလမ်းအတွက် သူ လိုက်နာသော အမျိုးမျိုးသော စည်းမျဉ်းများသည် လူကို ဘုရားသခင် သွန်သင်ပေးသည့် ကျင့်ကြံပြုမူခြင်း စည်းမျဉ်းများနှင့် ဆန့်ကျင်ဘက်ဖြစ်ခြင်း သို့မဟုတ် ပဋိပက္ခဖြစ်ခြင်း မရှိဘဲ ယင်းတို့နှင့် သဟဇာတဖြစ်လေသည်။ ထို့ကြောင့် လူအမျိုးအစားအားလုံး၏ ပုံမှန် လူ့သဘာဝ၏ ထုတ်ဖော်ချက်များ သို့မဟုတ် ဖောက်ပြန်ပျက်စီးသော စိတ်သဘောထားများ၏ ထုတ်ဖော်ချက်များနှင့် ပတ်သက်လာလျှင် ယင်းတို့က ငါ့ကို ပုဂ္ဂိုလ်ရေးအရ ပုန်ကန်ပြစ်မှားသည်ဖြစ်စေ၊ ရိုင်းစိုင်းသည်ဖြစ်စေ၊ ယင်းတို့က ငါ၏ ကိုယ်ပိုင် ပင်ကိုစရိုက်၊ နှစ်သက်မှုများ သို့မဟုတ် ထိုအချိန်က ခံစားချက်များနှင့် ကိုက်ညီသည်ဖြစ်စေ၊ မကိုက်ညီသည်ဖြစ်စေ ငါသည် လူတိုင်းကို မှန်ကန်စွာ ဆက်ဆံနိုင်သည်။ သင်သည် ငါ့ကို အစဉ် သံသယရှိပါက၊ ငါ့ကို သတိထားရှောင်ပါက၊ ငါ့ကို အကောက်ကြံပါက၊ သို့မဟုတ် ငါက သင့်ကို အကောက်ကြံနေသည်ဟု အစဉ် ထင်ပါက ငါသည် သင့်ကို မှန်ကန်စွာ ဆက်ဆံနိုင်ဆဲဖြစ်သည်။ သင်သည် မည်သည့် ဖောက်ပြန်ပျက်စီးသော စိတ်သဘောထားမျိုးကို ထုတ်ဖော်သည်ဖြစ်စေ၊ သင်သည် လိမ်ညာသည်ဖြစ်စေ၊ ငါ့ကို သံသယရှိသည်ဖြစ်စေ၊ ငါ့အကြောင်း မှန်းဆသည်ဖြစ်စေ၊ ငါ့ကို သတိထားပြီး ငါ့ကို အစဉ် ရှောင်ရှားလိုသည်ဖြစ်စေ၊ သင်၏ စိတ်နှလုံးထဲတွင် ငါ့ကို အကောက်ကြံသည်ဖြစ်စေ ငါသည် သင့်ကို မှန်ကန်စွာ ဆက်ဆံနိုင်သည်။ သင့်အပေါ် လက်စားချေရန် သင်၏ နည်းလမ်းများကို ငါ လုံးဝ အသုံးပြုမည်မဟုတ်ပေ။ မျက်လုံးတစ်လုံးအတွက် မျက်လုံးတစ်လုံး၊ သွားတစ်ချောင်းအတွက် သွားတစ်ချောင်းဟူ၍ ငါ လုပ်ဆောင်မည်မဟုတ်ပေ။ သင် မည်သည့်အရာကို တွေးတောနေသည်ကို သိလျှင်ပင်၊ ငါ့ကို သင် မည်သို့ အကောက်ကြံပြီး ဆက်ဆံလိုသည်ကို သိလျှင်ပင်၊ ထို့အပြင် သင်က ငါ့ကို အလွန် စိမ်းကားသော အကြည့်များဖြင့် ကြည့်သည်ကို မြင်လျှင်ပင် ငါသည် သင့်ကို မှန်ကန်စွာ ဆက်ဆံနိုင်ဆဲဖြစ်သည်။ စိတ်ချလော့၊ ငါသည် သင့်အပေါ် လုံးဝ လက်စားချေမည်မဟုတ်ပေ။ သင့်အပေါ် လက်စားမချေခြင်းအားဖြင့် ငါသည် အမှန်တကယ်တွင် သင့်ကို အမြတ်ထုတ်ရန် အခွင့်အရေးတစ်ခုကို ရှာဖွေနေခြင်းဖြစ်ပြီး သင့်ကို အကောက်ကြံနေခြင်း ဖြစ်သည်ဟု သင် ခံစားရကောင်း ခံစားရနိုင်သည်။ သင် ထိုသို့ တွေးသည်မှာ မှားယွင်းသည်။ သင်သည် ငါ့အကြောင်း မှန်းဆနေခြင်း ဖြစ်သည်။ လူတို့ကို ဆက်ဆံပုံနည်းလမ်းဖြစ်သည့် ငါ၏ စည်းမျဉ်းများကို သင်တို့ကို ငါ ပြောပြပြီးဖြစ်သည်။ ယခု ငါ့ကို သင်တို့ နားလည်သလော။ (နားလည်ပါသည်။) သို့ဆိုလျှင် ငါသည် ပေါင်းသင်းဆက်ဆံရန် အလွန် လွယ်ကူသလော။ လူတို့က ငါ့ကို ကိုင်တွယ်ဆက်ဆံရန် လွယ်ကူသည်ဟု ထင်ကြသလော။ (ဘုရားသခင်သည် ကျွန်ုပ်တို့ကို ရိုးသားစစ်မှန်မှုဖြင့် ဆက်ဆံပါသည်၊ ထို့ကြောင့် ကျွန်ုပ်တို့သည် ဘုရားသခင်အပေါ် ပွင့်လင်းပြီး ရိုးသားသင့်ပါသည်။) ဤစည်းမျဉ်းသည် မှန်ကန်သည်။ သို့သော် သင်သည် ပွင့်လင်းပြီး ရိုးသားမှု မရှိနိုင်ပါက ငါ့ကို ပြောလော့၊ ငါသည် သင့်ကို ပြုပြင်ပြီး အတိတ်က သင်လုပ်ဆောင်ခဲ့သော မနှစ်မြို့ဖွယ်ကောင်းသည့် အရာတစ်ခုခုကို ဖော်ထုတ်မည်လော။ (မဖော်ထုတ်ပါ။) ဤသူသည် အလွန် တွက်ကပ်သည်၊ စကားလုံးတိုင်းကို ညှစ်ထုတ်ရသည့်အလား တုံ့ဆိုင်းတုံ့ဆိုင်း ပြောဆိုတတ်ပြီး လူများအပေါ် ပွင့်လင်းဖြောင့်မတ်မှု မရှိဟု ငါ့ဘာသာ တွေးလျက် ငါ၏ စိတ်နှလုံးထဲတွင် သင့်အပေါ် အဆိုးမြင်လိမ့်မည်ဖြစ်သည်။ သို့သော် ငါ၏ စိတ်နှလုံးထဲတွင် သင့်အပေါ် အဆိုးမြင်လျှင်ပင် ငါသည် သင့်ကို အပြစ်လိုက်ရှာမည် မဟုတ်ချေ။ လူအများစုက သင်သည် ဘုရားအိမ်တော်တွင် သင်၏ တာဝန်ကို လက်ခံနိုင်ဖွယ်ရှိအောင် ကောင်းမွန်စွာ ထမ်းဆောင်နေသည်ဟု သတင်းပို့သော်လည်း သင်၏ စိတ်သဘောထားက အနည်းငယ် လှည့်ဖြားတတ်ကာ သင်သည် ငါ့အပေါ် ပွင့်လင်းဖြောင့်မတ်မှု မရှိဘဲ ငါ့ရှေ့တွင် အစဉ် ကိုယ်ရည်သွေးပြီး ကြွားလုံးထုတ်ပါက ငါသည် သင့်ကို မှန်ကန်စွာ ဆက်ဆံနိုင်ဆဲဖြစ်မည်ဖြစ်ပြီး အချိန်ကြာလာသည်နှင့်အမျှ ပြောင်းလဲရန် အခွင့်အရေးများကို သင့်အား ပေးမည်ဖြစ်သည်။ သင်တို့ မည်သည့် ဖောက်ပြန်ပျက်စီးသော စိတ်သဘောထားများကို ထုတ်ဖော်သည်ကို ကြည့်ပြီးနောက် “ငါသည် အသေးအဖွဲ အမှားလေးကိုမျှ သည်းမခံနိုင်ပေ။ သင့်ထံတွင် မည်သည့် ဖောက်ပြန်ပျက်စီးသော စိတ်သဘောထားများ ရှိသည်ဖြစ်စေ ငါက တစ်ချက်ကြည့်ရုံဖြင့် ထိုးထွင်းသိမြင်နိုင်သည်။ သင်က ငါ့ကို မယုံကြည်ပါက သင်၏ စိတ်နှလုံးထဲတွင် သင် မည်သည့်အရာကို တွေးနေသည်ကို ငါ ဖော်ထုတ်မည်ဖြစ်ပြီး ငါ မှန်မမှန်ကို သင် ကြည့်နိုင်သည်” ဟု ငါ လုံးဝ ပြောဆိုမည်မဟုတ်ပေ။ ငါသည် ဤအရာများကို မလုပ်ဆောင်ပေ။ လူတို့၏ ဖောက်ပြန်ပျက်စီးသော စိတ်သဘောထားများ၏ အမျိုးမျိုးသော သရုပ်သကန်များကို ငါ မှန်ကန်စွာ သဘောထားပြုမူသည်၊ ယင်းတို့တွင် ၎င်းတို့၏ စကား၊ ၎င်းတို့၏ အပြုအမူနှင့် ၎င်းတို့၏ အတွေးများနှင့် အမြင်များ၌ ထုတ်ဖော်သော အရာများ ပါဝင်သည်။ သင်သည် သမ္မာတရားကို လိုက်စားပြီး အပြုသဘောဆောင်သောအရာများကို ချစ်မြတ်နိုးသောသူတစ်ဦး ဖြစ်ပါက သင်သည် ဤဖောက်ပြန်ပျက်စီးသော စိတ်သဘောထားများနှင့် သင်၏ အခြေအနေများကို သမ္မာတရား စည်းမျဉ်းများနှင့်အညီ တဖြည်းဖြည်း ပြောင်းလဲလိမ့်မည်ဖြစ်သည်။ အကယ်၍ သင်သည် သမ္မာတရားကို လိုက်စားသောသူတစ်ဦး မဟုတ်ပါက သင့်ကို အတင်းအကျပ် ရေလောင်းပေးလျှင်ပင် အချည်းနှီးသာ ဖြစ်လိမ့်မည်။ သင် ပြောင်းလဲလိမ့်မည်မဟုတ်ပေ။ ငါ၏ ရှေ့မှောက်တွင် ငါ့အပေါ် သင် မည်မျှ ယဉ်ကျေးပြီး ရည်မွန်သည်ဖြစ်စေ အသုံးမဝင်ပေ၊ ယင်းက သင် သမ္မာတရားကို လက်တွေ့လုပ်ဆောင်ခြင်း သို့မဟုတ် သမ္မာတရားကို ကျိုးနွံနာခံခြင်းအတွက် အစားထိုးစရာ မဟုတ်ပေ။ သင်သည် ငါ့ရှေ့တွင် ယဉ်ကျေးသည်ဖြစ်စေ၊ မယဉ်ကျေးသည်ဖြစ်စေ ငါသည် သင့်ကို မှန်ကန်စွာ ဆက်ဆံမည်ဖြစ်သည်။ ယခင်က မိမိတို့၏ သေးငယ်သော ဝိညာဉ်ရင့်ကျက်မှုနှင့် သမ္မာတရားကို နားလည်မှု ကင်းမဲ့ခြင်းတို့ကြောင့် ငါနှင့် ထိတွေ့ဆက်ဆံပြီး ဆက်သွယ်ပြောဆိုသောအခါ ဖောက်ပြန်ပျက်စီးသော စိတ်သဘောထားများစွာကို ထုတ်ဖော်ခဲ့ကြကာ ပုန်ကန်မှုနှင့် အတိုက်အခံလုပ်ခြင်း များစွာကိုလည်း ပြသခဲ့ကြသည့် လူအချို့ ယခင်က ရှိခဲ့သည်။ သို့သော် နောက်ပိုင်းတွင် ၎င်းတို့သည် နောင်တရ၍ပြုပြင်ပြီး နောက်ပြန်လှည့်လာခဲ့ကြကာ နှစ်အနည်းငယ်ကြာပြီးနောက် ၎င်းတို့သည် သမ္မာတရားအချို့ကို နားလည်ပြီး ပြောင်းလဲခဲ့ကြသည်။ မမျှော်လင့်ဘဲ ဘုရားအိမ်တော်က ၎င်းတို့ကို တစ်ဖန် မြှင့်တင်ပေးခဲ့သည်။ ၎င်းတို့ မြှင့်တင်ပေးခြင်းခံရကြောင်း ငါ ကြားသောအခါ ငါ၏ စိတ်နှလုံးထဲတွင် အလွန် ဝမ်းသာခဲ့သည်။ သင် မြင်သလော၊ ငါသည် အငြိုးအတေး မထားပေ၊ ဟုတ်သည် မဟုတ်လော။ (မထားပါ။) ငါသည် ၎င်းတို့ကို မှန်ကန်စွာ ဆက်ဆံနိုင်ဆဲဖြစ်သည်။ “ယခင်က သင်သည် ငါ့အပေါ် အရိုအသေတန်ခဲ့သည်၊ ငါပြောသည့် အရာတစ်ခုမျှ သင် နားမထောင်ခဲ့ပေ၊ ပြီးလျှင် ငါ့ကို စိတ်ထိခိုက်စေသည့် အရာများစွာကို သင် လုပ်ဆောင်ခဲ့သည်။ ယခု သင်သည် တစ်ဖန် ရာထူးတိုးခံရပြီ။ ယခင်က သင်လုပ်ဆောင်ခဲ့သော ထိုအရာများအားလုံးကို ငါ သိကြောင်း သင့်ကို ငါ အသိပေးရမည်။ ယင်းတို့ကို ငါ မေ့သွားပြီဟု မထင်နှင့်” ဟု ငါ မပြောဆိုပေ။ ငါသည် ဤအရာများကို မလုပ်ဆောင်ပေ။ ထိုအစား ငါသည် ၎င်းတို့ကို နှစ်သိမ့်ပေးပြီး “အလေးအနက် လိုက်စားလော့။ စိတ်ထဲတွင် မည်သည့်ဖိစီးမှုမျှ မရှိစေနှင့်” ဟု ပြောဆိုသည်။ လူတို့တွင် ဝိညာဉ်ရင့်ကျက်မှု သေးနုပ်ပြီး သမ္မာတရားကို နားမလည်သောအခါ ၎င်းတို့အားလုံးသည် ပုန်ကန်မှုကို ထုတ်ဖော်ကြလိမ့်မည်၊ အကြောင်းမှာ လူတို့သည် ဖောက်ပြန်ပျက်စီးသော စိတ်သဘောထားများ၏ ထိန်းချုပ်မှုအောက်တွင် အသက်ရှင်ကြပြီး မိမိတို့၏ စိတ်နှလုံးထဲတွင် သမ္မာတရားက အာဏာစွဲကိုင်ခြင်း မရှိသောသူများသည် မိမိတို့ကိုယ်ကို တာဝန်ယူ ထိန်းချုပ်နိုင်ခြင်း မရှိဘဲ မိမိတို့ဆန္ဒမပါသည့် အမှုအရာများကို ပြောဆိုပြီး လုပ်ဆောင်ကြသောကြောင့် ဖြစ်သည်။ ဤသည်မှာ ဖောက်ပြန်ပျက်စီးသော စိတ်သဘောထားများဖြင့် အသက်ရှင်သောသူများ ဖြစ်သည့်ပုံစံ ဖြစ်သည်။ ထို့ကြောင့် သမ္မာတရားကို သင်တို့၏ လိုက်စားမှုတွင် စိတ်ထဲ၌ မည်သည့်ဖိစီးမှုမျှ မရှိစေနှင့်။ ငါသည် မည်သည့်လူကိုမဆို၊ သို့မဟုတ် မည်သည့် လူမျိုးနွယ်ကိုမဆို ဘက်လိုက်သောအမြင်ဖြင့် လုံးဝ ကြည့်မည်မဟုတ်ပေ။ သင်၏ ပညာအရည်အချင်း အဆင့်အတန်း သို့မဟုတ် သင်၏ အတိတ်ကို ငါ မကြည့်ပေ။ သင်၏ လူ့သဘာဝ အနှစ်သာရနှင့် သင်၏ လိုက်စားမှုအပြင် သမ္မာတရားအပေါ် သင်၏ သဘောထား၊ ဘုရားသခင်အပေါ် သင်၏ သဘောထားနှင့် သင်၏ တာဝန်အပေါ် သင်၏ သဘောထားတို့ကိုသာ ငါ ကြည့်သည်။ သင်သည် တစ်ချိန်က မိမိ၏ တာဝန်ကို ထမ်းဆောင်ရာတွင် ဝတ်ကျေတမ်းကျေလုပ်ခဲ့ပြီး ဘုရားအိမ်တော်အတွက် ဆုံးရှုံးမှုအချို့ကို ဖြစ်စေခဲ့ပါက သို့မဟုတ် သင်၏ တာဝန်ကို ထမ်းဆောင်စဉ် အဖျက်အမှောင့်လုပ်ခြင်းများနှင့် နှောင့်ယှက်ခြင်းများကို ဖြစ်စေသည့် ဒုစရိုက်အမှုများကိုပင် ကျူးလွန်ခဲ့ပါက ထိုအရာများသည် ငါ၏ စိတ်ထဲတွင် ကွက်ကွက်ကွင်းကွင်း ရှိနေပြီး ငါ၏ မှတ်ဉာဏ်ထဲတွင် စွဲထင်နေသော်လည်း သင့်ကို ငါ ရှုမြင်သည့်ပုံစံတွင် ထိုအရာများ၏ လွှမ်းမိုးခြင်း သို့မဟုတ် အထင်အမြင်မှားစေခြင်းကို ငါ ခံရမည်မဟုတ်ပေ။ ငါသည် သင့်အပေါ် ဘက်ပေါင်းစုံမှ လွှမ်းခြုံ၍ ကြည့်ရှုမည်ဖြစ်သည်။ သင်သည် ယခု သင်၏ တာဝန်ကို မည်သို့ ထမ်းဆောင်ပြီး သင်၏ တာဝန်ကို မည်သို့ သဘောထားပြုမူသည်ဟူသောအရာနှင့် သင်သည် တစ်ချိန်ကကဲ့သို့ ဝတ်ကျေတမ်းကျေလုပ်နေဆဲ ရှိမရှိဟူသောအရာကို ကြည့်ရှုလျက် သမ္မာတရား စည်းမျဉ်းများနှင့်အညီ သင့်ကို ငါ ရှုမြင်မည်ဖြစ်သည်။ ယခင်က သင်သည် ဘုရားအိမ်တော်၏ အကျိုးစီးပွားများကို မကာကွယ်နိုင်ခဲ့ဘဲ အလွန်အမင်း သတိထားကာ ပြုမူပြီး လူ့အကြိုက်လိုက်သူတစ်ဦး ဖြစ်ရန် ကြိုးစားခဲ့သည်။ ယခု သင်သည် မိမိကိုယ်ကို ပြုပြင်ပြောင်းလဲပြီးပြီလော။ သမ္မာတရား စည်းမျဉ်းများနှင့်အညီ သမ္မာတရားအချို့ကို သင် လက်တွေ့လုပ်ဆောင်နိုင်သလော။ သင်သည် ဇာတိပကတိ သက်သောင့်သက်သာရှိမှုကို အစဉ် တပ်မက်လေ့ရှိသည်။ ယခု သင်သည် ဆင်းရဲဒုက္ခကို ခံနိုင်ရည်ရှိသလော။ သင်သည် ရိုးသားစစ်မှန်စွာ အသုံးခံနေခဲ့သလော။ သင်၏ တာဝန်ကို ထမ်းဆောင်သည့် လုပ်ငန်းစဉ်တွင် သမ္မာတရားကို သင် ရှာဖွေနိုင်သလော။ သင့်တွင် သစ္စာစောင့်သိခြင်းနှင့် ရိုးသားစစ်မှန်ခြင်း အနည်းငယ် ရှိသလော။ ယခင်ကနှင့် နှိုင်းယှဉ်လျှင် သင်သည် တိုးတက်မှုရှိပြီး ပြောင်းလဲခဲ့ပြီလော။ ဤသည်တို့မှာ ငါ ကြည့်ရှုသောအရာများ ဖြစ်သည်။ သင်သည် ယခင်က အစဉ် ဝတ်ကျေတမ်းကျေလုပ်ခဲ့ကာ သက်သောင့်သက်သာရှိမှုတွင် မွေ့လျော်ခံစားခဲ့ပြီး ဘုရားအိမ်တော်၏ အကျိုးစီးပွားများကို မကာကွယ်ခဲ့သည့်အပြင် ယခုတိုင် ဤသို့ ဖြစ်နေဆဲဖြစ်ပါက ငါ၏ စိတ်နှလုံးထဲတွင် သင့်အပေါ် နှစ်လိုသော ခံစားချက် တစ်ခုမျှ ငါ ရှိမည်မဟုတ်ပေ။ သင်သည် ယခင်က ထိုသို့ဖြစ်ခဲ့ပါက သင့်အပေါ် ငါ အဆိုးမြင်ခဲ့သော်လည်း ယခု သင် ပြောင်းလဲသွားပြီဖြစ်သဖြင့် ငါ အတော်လေး ဝမ်းသာသည်။ ပြီးလျှင် “ယခုမှစ၍ ဤကဲ့သို့ လိုက်စားလော့။ ယခင်က သင်၏ ဝိညာဉ်ရင့်ကျက်မှုသည် သေးနုပ်လွန်းခဲ့သည်၊ သင်သည် ငယ်ရွယ်ပြီး ရင့်ကျက်မှုမရှိခဲ့ပေ၊ ပြီးလျှင် သင်သည် မကောင်းသောအရာများကို လုပ်ဆောင်လျက် သောင်းကျန်းခဲ့ရုံသာ ဖြစ်သည်။ ဤအရာများအားလုံးသည် သင့်အတွက် သင်ခန်းစာများ ဖြစ်သည်။ သင်၏ ဝတ်ကျေတမ်းကျေလုပ်ခြင်းနှင့် သင်၏ ဒုစရိုက်အမှုများကို ဖြေရှင်းရန် သင်သည် သမ္မာတရားကို လိုက်စားသင့်ပြီး ထိုအခါ သင်သည် အမှန်တကယ် ပြောင်းလဲသွားလိမ့်မည်” ဟု ပြောပြလျက် သင့်ကိုပင် ငါ နှစ်သိမ့်ပေးမည်ဖြစ်သည်။ ငါသည် သင့်ကို နှစ်သိမ့်ပေးပြီး အားပေးမည်ဖြစ်သည်။ ထိုဆိုးယုတ်သောလူများသာဆိုလျှင် သင် ပြောင်းလဲသွားသည်ကို မြင်သောအခါ ၎င်းတို့သည် သင့်ကို မနာလိုဖြစ်ပြီး သင့်ကို မုန်းတီးကြလိမ့်မည်ဖြစ်သည်။ ၎င်းတို့သည် သင့်အပေါ် ယဉ်ကျေးမည်မဟုတ်ဘဲ “အတိတ်က သင်လုပ်ဆောင်ခဲ့သော မနှစ်မြို့ဖွယ်ကောင်းသည့် အရာများကို ငါ ဖော်ထုတ်ရမည်ဖြစ်ပြီး ယခင်က သင် မည်မျှ အကျည်းတန်ခဲ့သည်ကို လူတို့ကို ပြသရမည်။ ဤအရာအားလုံးအကြောင်းကို ငါ မသိဟု မယူဆနှင့်” ဟု ပြောဆိုကြလိမ့်မည်။ သင် မြင်သလော၊ ဖောက်ပြန်ပျက်စီးသော လူသားများသည် ဉာဏ်ကောင်းဟန်ဆောင်ရန်၊ သေးသိမ်သော လှည့်ကွက်များ သုံးရန်၊ မိမိတို့ အရေးပါကြောင်းကို သိသာစေရန်၊ လူတို့၏ အားနည်းချက်များကို ဖော်ထုတ်ရန်နှင့် လူတို့၏ မနှစ်မြို့ဖွယ်ကောင်းသော အတိတ်များကို တူးဖော်ရန် နှစ်သက်ကြလေ့ရှိကြ၏။ ငါသည် ထိုသို့သောအရာများကို အမှန်တကယ် မည်သည့်အခါမျှ မလုပ်ဆောင်ပေ။ လူတို့အား ထိုသို့သော စကားများကို ငါ မည်သည့်အခါမျှ မပြောဆိုပေ။ ၎င်းတို့သည် မိမိတို့၏ စိတ်နှလုံးထဲတွင် ငြိမ်သက်မှုကို ခံစားရစေရန်နှင့် သမ္မာတရားကို လိုက်စားခြင်းသည် ကောင်းမွန်သည်ဟု ခံစားရစေရန်အလို့ငှာ ၎င်းတို့ကို အားပေးရန်နှင့် နှစ်သိမ့်ပေးရန်သာ ငါ ကြိုးစားသည်။ ၎င်းတို့ အနည်းငယ် ပြောင်းလဲသွားသည်ကို ငါ မြင်သောအခါ ၎င်းတို့ တိုးတက်မှုရှိကြောင်းကို ၎င်းတို့ကို အသိပေးလျက်၊ ၎င်းတို့ကို တွန်းအားနှင့် ယုံကြည်မှုအချို့ ပေးလျက် ၎င်းတို့ကို ငါ အားပေးရမည်ဖြစ်သည်။ ငါ့ကို ပြောလော့၊ လူတို့ကို ဤနည်းဖြင့် ဆက်ဆံရာတွင် ငါသည် စည်းမျဉ်းများအတွင်း၌ ပြုမူနေခြင်း ဖြစ်သလော။ (ဟုတ်ပါသည်။) ငါသည် သဘာဝကျခြင်း သို့မဟုတ် တဇောက်ကန်းဖြစ်ခြင်းကြောင့် ပြုမူသလော။ (မဟုတ်ပါ။) အချို့လူများက “ကိုယ်တော်သည် မှတ်ဉာဏ် မကောင်းခြင်းကြောင့်လော။ ကိုယ်တော်က ဤအရာများကို ဂရုမစိုက်ခြင်းများ ဖြစ်မည်လော။ သို့မဟုတ် ကိုယ်တော်သည် သဘာဝအရ သဘောထားကြီးခြင်း ဖြစ်သလော” ဟု ပြောဆိုကြသည်။ ငါ့ကို ပြောလော့၊ ဤအရာက ပင်ကိုစရိုက်၊ သဘောထားကြီးခြင်း သို့မဟုတ် မှတ်ဉာဏ်တို့နှင့် တစ်စုံတစ်ရာ ပတ်သက်မှု ရှိသလော။ (မဟုတ်ပါ။) လူတစ်ဦးသည် သဘာဝအရ သဘောထားကြီးပြီး ကောင်းမွန်သော ပင်ကိုစရိုက် ရှိလျှင်ပင် ၎င်းတို့သည် ဖောက်ပြန်ပျက်စီးသော စိတ်သဘောထားများ၏ ထိန်းချုပ်မှုအောက်တွင် အသက်ရှင်ပါက ၎င်းတို့သည် လူတို့ကို စည်းမျဉ်းများနှင့်အညီ ဆက်ဆံနိုင်ခြင်း သို့မဟုတ် မှန်ကန်သော လမ်းကြောင်းပေါ်သို့ စတင်လျှောက်လှမ်းရန် လူတို့ကို အခွင့်အရေးများ ပေးနိုင်ခြင်း မရှိသေးပေ။ ၎င်းတို့သည် ဤအရာကို မစွမ်းဆောင်နိုင်ပေ။ အများဆုံးအနေဖြင့် ဖောက်ပြန်ပျက်စီးသော လူသားများက “သင်၏ အားနည်းချက်များကို ငါ ဖော်ထုတ်မည်မဟုတ်ပေ။ သို့မဟုတ်ပါက လူတို့က ငါ့ကို လှောင်ပြောင်ကြလိမ့်မည်” ဟု ပြောဆိုကြလိမ့်မည်။ ၎င်းတို့သည် ထိုသို့ ကျင့်ကြံပြုမူခြင်းက ၎င်းတို့ကို သေးသိမ်ပြီး သဘောထားကြီးမှု ကင်းမဲ့သည့်ပုံ ပေါက်စေမည်ကို စိုးရိမ်လျက် မာနကြောင့်လည်းကောင်း၊ လောကရှိ လူထုအမြင်၏ ဖိအားကြောင့်လည်းကောင်း ဤအရာကို လုပ်ဆောင်ကြခြင်း ဖြစ်သည်။ ၎င်းတို့သည် လူတို့၏ အားနည်းချက်များကို ဖော်ထုတ်ခြင်းမှ ရှောင်ကြဉ်ခြင်းမှာ မိမိတို့၏ ကိုယ်ပိုင် မာနကို ကာကွယ်ရန်အတွက်သာ ဖြစ်သော်လည်း ၎င်းတို့သည် လူများအတွက် မှန်ကန်သော လမ်းကြောင်းအချို့ကို ထောက်ပြနိုင်သလော။ (မထောက်ပြနိုင်ပါ။) လူအများစုအတွက်မူ ၎င်းတို့သည် လက်စားချေခြင်းမှ ရှောင်ကြဉ်နိုင်ပါက အတော်လေး ကောင်းမွန်နေပြီဖြစ်သည်။ အခြားလူများကို ကူညီရန် သို့မဟုတ် ၎င်းတို့အတွက် ကောင်းကျိုးလိုလားရန် ၎င်းတို့ကို တောင်းဆိုခြင်းမှာ ၎င်းတို့ မစွမ်းဆောင်နိုင်သောအရာ ဖြစ်သည်။ အများဆုံးအနေဖြင့် ၎င်းတို့က “သင် အဆင်ပြေသည်ဖြစ်စေ၊ မပြေသည်ဖြစ်စေ ငါနှင့် မည်သို့မျှ မသက်ဆိုင်ပေ” ဟု ခံစားကြရသည်။ အချို့လူများက “ငါသည် ကိုယ်ကျင့်တရားကောင်းမွန်ပြီး နှိမ့်ချသောသူတစ်ဦး ဖြစ်သည်။ လူတို့အပေါ် ငါ လက်စားမချေနိုင်ပေ” ဟု ထုတ်ဖော်ပြောကြသော်လည်း ၎င်းတို့၏ စိတ်နှလုံးထဲတွင် “သင့်အတွက် အမှုအရာများ အဆင်မပြေဖြစ်ပါစေ။ သင် အဆင်ပြေပါက ငါ၏ အတွင်း၌ စိတ်မသက်မသာ ဖြစ်လိမ့်မည်။ သင် သေမည့်နေ့ နောက်ဆုံးတွင် ရောက်လာသည့်အခါ ငါ ဝမ်းသာလိမ့်မည်” ဟု တွေးကြသည်။ ၎င်းတို့၏ စကားများသည် မေတ္တာကရုဏာ၊ ဖြောင့်မတ်ခြင်းနှင့် ကိုယ်ကျင့်တရားတို့ဖြင့် ပြည့်နှက်နေသော်လည်း ၎င်းတို့၏ စိတ်နှလုံးများမှာမူ စဉ်းလဲပြီး ရက်စက်ကြမ်းကြုတ်သည်။ ၎င်းတို့သည် နားထောင်ကောင်းသော စကားများကိုသာ ပြောဆိုကြသော်လည်း ၎င်းတို့၏ စိတ်နှလုံးများမှာ မည်သူ့ထက်မဆို ပို၍ မလိုမုန်းထားကြသည်။ ဤသည်ကို ပျားရည်လူးသော လျှာနှင့် သည်းခြေကဲ့သို့ ခါးသက်သော စိတ်နှလုံးရှိခြင်းဟု ခေါ်သည်။ ယင်းကို ကြောင်သူတော်သူတစ်ဦး ဖြစ်ခြင်းဟု ခေါ်သည်။ သင် မြင်သလော၊ ဖောက်ပြန်ပျက်စီးသော လူသားများသည် သမ္မာတရား စည်းမျဉ်းများကို အခြေခံ၍ အခြားလူများကို ဆက်ဆံနိုင်ကြသလော။ ဖောက်ပြန်ပျက်စီးသော လူသားများသည် အပြောတစ်မျိုး၊ အလုပ်တစ်မျိုး လုပ်ဆောင်ကြသည်။ အပြင်ပန်းတွင် မိမိတို့ကိုယ်ကို လေးစားဖွယ်ကောင်းသည်၊ ယဉ်ကျေးသိမ်မွေ့သည်၊ မြင့်မြတ်သည်ဟု ထင်ရစေရန် ၎င်းတို့သည် နားထောင်ကောင်းသော စကားအချို့ကို ပြောဆိုကြသော်လည်း ၎င်းတို့၏ စိတ်နှလုံးထဲတွင် ထိုသို့ မတွေးကြဘဲ အခြားသူများကို ချောက်ချရန် အမှုအရာများကို တိတ်တဆိတ် လုပ်ဆောင်ကြသည်။ ထို့ကြောင့် ဘာသာတရား မရှိသူများက လူတို့ကို ဆက်ဆံသည့်နည်းလမ်းနှင့် ပတ်သက်လာလျှင် ၎င်းတို့သည် သင့်အပေါ် လက်စားမချေလျှင်ပင် သင့်အတွက် ကောင်းကျိုးလိုလားမည်လည်း မဟုတ်ပေ။ ၎င်းတို့က လူတို့ကို ဆက်ဆံသည့်နည်းလမ်းသည် သမ္မာတရား စည်းမျဉ်းများနှင့် မကိုက်ညီပေ။ သင် အဆင်ပြေနေသည်ကို ၎င်းတို့ မြင်သောအခါ ၎င်းတို့၏ စိတ်နှလုံးထဲတွင် စိတ်မသက်မသာဖြစ်ပြီး မနာလိုဖြစ်ကြသည်။ သင် အဆင်မပြေဖြစ်နေသည်ကို ၎င်းတို့ မြင်သောအခါ ၎င်းတို့ အခွင့်အရေးရပါက သင်၏ ဒဏ်ရာများအပေါ် ဆားပက်ကြလိမ့်မည် သို့မဟုတ် သင့်ကို အကြိမ်အနည်းငယ်ပင် ကန်ကျောက်ကြလိမ့်မည်ဖြစ်ပြီး ထိုအခါမှသာ ၎င်းတို့၏ အမုန်းတရား ပြေလျော့သွားသည်ဟု ခံစားကြရလိမ့်မည်။ ၎င်းတို့အတွက် လက်စားချေခြင်းမှ ရှောင်ကြဉ်ရန် အတော်လေး ခက်ခဲပြီး လူတို့အပေါ် စည်းမျဉ်းရှိရန် စွမ်းဆောင်နိုင်ဖို့မှာ ၎င်းတို့အတွက် ပို၍ပင် ခက်ခဲသည်။ ၎င်းတို့သည် ထိုသို့သော လူ့သဘာဝကို မပိုင်ဆိုင်ကြပေ။

လူ့ဇာတိခံ ဘုရားသခင်သည် သာမန်လူတစ်ဦး ဖြစ်လာခဲ့သည်။ သူ၏ နေ့စဉ်ဘဝတွင် သူက လူတို့ကို ဆက်ဆံသည့်နည်းလမ်းသည် အနည်းဆုံးအနေဖြင့် အသိစိတ်နှင့် ဆင်ခြင်တုံတရား၏ နယ်ပယ်အတွင်း၌ ရှိသည်။ ယင်းသည် ဤစံနှုန်းအောက်သို့ လုံးဝ ကျဆင်းသွားမည်မဟုတ်ဘဲ ယင်း၏ အထက်တွင်သာ ရှိနိုင်သည်။ လူ့ဇာတိခံ ဘုရားသခင်သည် လူတို့ကို သမ္မာတရား စည်းမျဉ်းများနှင့်အညီ ဆက်ဆံသည်မှာ သိသာထင်ရှား၏။ သူ၌ ဘုရားသဘောသဘာဝ အနှစ်သာရ ရှိသောကြောင့် သူသည် သင့်ကို သမ္မာတရား စည်းမျဉ်းများနှင့်အညီ ဆက်ဆံရန် ပို၍ပင် စွမ်းဆောင်နိုင်ပြီး သင့်ကို လုံးဝ အပြစ်ရှာမည် မဟုတ်ချေ။ ယင်းမှာ ဘုရားအိမ်တော်က လူအမျိုးအစားအားလုံးကို ဆက်ဆံသည့်ပုံစံနှင့် တူညီသည်၊ အဆင့်တိုင်းရှိ ခေါင်းဆောင်များနှင့် အမှုဆောင်များကို ဖြုတ်ချခြင်း၊ လူတို့၏ တာဝန်ခန့်အပ်မှုများကို ပြုပြင်ခြင်း သို့မဟုတ် ၎င်းတို့ကို ဖြုတ်ချခြင်း၊ လူအမျိုးအစားအားလုံးကို ဖယ်ရှားခြင်း စသည်တို့အားလုံးကို စည်းမျဉ်းများနှင့်အညီ လုပ်ဆောင်ပြီး မည်သူတစ်ဦးတစ်ယောက်၏ နှစ်သက်မှုများအပေါ် အခြေခံ၍ ဆုံးဖြတ်ခြင်း မဟုတ်ပေ။ ဤဆုံးဖြတ်ချက်များကို အသင်းတော်ရှိ လူအများစုက သဘောတူကြခြင်းဖြစ်သည်။ သို့ဖြစ်၍ ဘုရားအိမ်တော်တွင် သမ္မာတရားက အကြွင်းမဲ့ အာဏာကိုင်စွဲသည်။ ဤသည်မှာ မှန်ကန်သည်။ ပုံမှန် လူ့သဘာဝရှိသော လူများပင်လျှင် ပုံမှန်လူများ ပိုင်ဆိုင်သည့် အသိစိတ် စံနှုန်းနှင့် ကိုက်ညီသော နည်းလမ်းဖြင့် အမှုအရာများကို လုပ်ဆောင်နိုင်ကြပြီး သမ္မာတရား စည်းမျဉ်းများ ပါဝင်လာသောအခါ ၎င်းတို့သည် ပုံမှန်လူများ၏ အသိစိတ်နှင့် ဆင်ခြင်တုံတရား စံနှုန်းများကို စောင့်ထိန်းနိုင်ကြဆဲဖြစ်သည်၊ သို့ဆိုလျှင် လူ့ဇာတိခံ ဘုရားသခင် ယူတင်ဝတ်ဆင်ထားသော ပုံမှန် လူ့သဘာဝအတွက် ဤအရာက မည်မျှ ပို၍ မှန်ကန်လိုက်မည်နည်း။ အသင်းတော်၏ အလုပ်၊ သင်တို့ ထမ်းဆောင်သော တာဝန်များ၊ သင်တို့၏ ဖောက်ပြန်ပျက်စီးသော စိတ်သဘောထားများနှင့် ပတ်သက်သည့် ကိစ္စရပ်များနှင့် စပ်လျဉ်း၍ သူသည် သင်တို့ကို စည်းမျဉ်းများနှင့်အညီ ဆက်ဆံရန် သာ၍ပင် စွမ်းဆောင်နိုင်သည်။ သာမန်ဖြစ်ပြီး ပုံမှန်ဖြစ်သော လူတစ်ဦးဖြစ်သည့် ငါသည် သင်တို့နှင့် မည်သို့ ထိတွေ့ဆက်ဆံသည်ဟူသောအရာနှင့် ပတ်သက်လာလျှင် ငါသည် သမ္မာတရားကို မည်သို့ မိတ်သဟာယဖွဲ့သည်ဖြစ်စေ၊ မည်သည့် ပြဿနာအမျိုးအစားများကို ကိုင်တွယ်သည်ဖြစ်စေ ငါ့ကို ပြောလော့၊ ငါ၏ ဤပုံမှန် လူ့သဘာဝသည် သင်တို့၏ ယုံကြည်ကိုးစားမှုနှင့် ထိုက်တန်သလော။ (ထိုက်တန်ပါသည်။) သင်တို့သည် ငါ့ကို သတိထားရှောင်ကြဉ်ရန် ကာကွယ်ရေးစည်းမျဉ်းတစ်ခု တည်ဆောက်ဖို့ လိုအပ်သလော။ (မလိုအပ်ပါ။) သို့ဖြစ်၍ ဤအရာကို သင်တို့ကို ငါ ပြောပြမည်။ ငါနှင့် စကားပြောဆိုပြီး ထိတွေ့ဆက်ဆံသောအခါ သင်သည် ပွင့်လင်းပြီး ရိုးသားရန်သာ လိုအပ်သည်။ သင့်အကြောင်းကို ငါ မည်မျှ သိသည်ဖြစ်စေ၊ သင့်အကြောင်း ငါ သိသောအရာက မည်သည့်အရာဖြစ်သည်ဖြစ်စေ ငါသည် သင့်ကို စည်းမျဉ်းများနှင့်အညီ ဆက်ဆံမည်ဖြစ်သည်။ သင်သည် ငါ့အပေါ် မည်သည့် သဘောထားရှိသည်ဖြစ်စေ ငါသည် သင့်ကို စည်းမျဉ်းများနှင့်အညီ ဆက်ဆံမည်သာဖြစ်သည်။ သင် စိတ်ချနိုင်သည်။ ငါ့ကို သတိထားရှောင်ရန် မလိုအပ်ပေ။ ငါ၏ ဘုရားသဘောသဘာဝ အနှစ်သာရနှင့် ဘုရားသဘောသဘာဝ အသက်ကို ဘေးဖယ်ထားလျက် သာမန်လူတစ်ဦးဖြစ်သည့် ငါ၏ ဤပုံမှန်ဖြစ်ပြီး လက်တွေ့ကျသော စရိုက်က ပိုင်ဆိုင်သည့် လူ့သဘာဝ အနှစ်သာရသက်သက်ကပင် သင်တို့ ယုံကြည်စိတ်ချနိုင်သောအရာ ဖြစ်သည်။ ငါတို့ ဆွေးနွေးနေသည့်အရာက မည်သည့်အရာဖြစ်သည်ဖြစ်စေ သင်သည် ရှုပ်ထွေးသော စိတ်နေသဘောထား မရှိသင့်ပေ။ သင်သည် ရိုးရှင်းပြီး ပွင့်လင်းရန်သာ လိုအပ်သည်။ သင်သည် အခက်အခဲ တစ်ခုခုကို ရင်ဆိုင်နေရပါက ယင်းတို့အကြောင်းကို တိုက်ရိုက်သာ ပြောဆိုလော့။ သူစိမ်းတစ်ဦးကို သင် သတိထားရှောင်သကဲ့သို့ ငါ့ကို သတိထားရှောင်ရန် မလိုအပ်ပေ။ သင်သည် ငါ့ကို အစဉ် သတိထားရှောင်ပါက သင့်ကို ငါ ပြောပြမည့် အရာတစ်ခု ရှိသည်။ သင်သည် မိုက်မဲလွန်းပြီး သင်သည် မျက်ကန်းဖြစ်နေသည်။ ငါ မည်သည့်အလုပ်ကို လုပ်ဆောင်သည်ကို သင် မသိသလော။ သင်သည် ငါ့ကို သတိထားရှောင်လေလေ၊ နောက်ဆုံးတွင် သင်သည် သမ္မာတရားကို ရရှိရန် စွမ်းဆောင်နိုင်မှု နည်းပါးလေလေ ဖြစ်လိမ့်မည်။ ဤသည်မှာ မိမိကိုယ်ကို နှောင့်နှေးစေပြီး မိမိကိုယ်ကို ဖျက်ဆီးနေခြင်း မဟုတ်လော။ သင်သည် လူ့ဇာတိခံ ဘုရားသခင်၏ ဇာတိပကတိကို အစဉ် သံသယရှိပြီး သတိထားရှောင်ကာ သူက သမ္မာတရားကို မည်သို့ ပြောဆိုပြီး မိတ်သဟာယဖွဲ့သည်ဖြစ်စေ သင်သည် စေ့စေ့စပ်စပ် ကြည့်ရှုစစ်ဆေးသည့် သဘောထားကို အစဉ် ထိန်းသိမ်းထား၍ သူပြောသည့်အရာသည် သမ္မာတရားဖြစ်ကြောင်း သင် အသိအမှတ်ပြုလျှင်ပင် ယင်းကို လက်မခံပါက သန့်ရှင်းသော ဝိညာဉ်တော်သည် သင့်ကို ဉာဏ်ပွင့်စေမည် သို့မဟုတ် ကောင်းချီးပေးမည် မဟုတ်သည့်အပြင် ဆန့်ကျင်ဘက်အနေဖြင့် ဘုရားသခင်သည် သူ၏ မျက်နှာကို သင့်ထံမှ ဖုံးကွယ်ထားမည်ဖြစ်ပြီး သင့်ကို လျစ်လျူရှုမည်ဖြစ်သည်။ သင်က ငါ့ကို မယုံကြည်ပါက ယင်းကို စမ်းကြည့်ပြီး ဤသို့ ဟုတ်မဟုတ်ကို ကြည့်လော့။ သင်သည် ပုံမှန် လူ့သဘာဝရှိသော ဤသာမန်လူဖြစ်သည့် ငါနှင့် ထိတွေ့ဆက်ဆံသောအခါ စည်းမျဉ်းများ မရှိဘဲ ငါနှင့် မည်သို့ ထိတွေ့ဆက်ဆံရမည်ကို သင် မသိသည့်အပြင် သင့်ကို ဘုရားသခင် သွန်သင်ပေးသည့် စည်းမျဉ်းများနှင့်အညီ ငါ့ကို မည်သို့ ဆက်ဆံရမည်ကို သင် မသိပါက သင်သည် ကောင်းကင်ဘုံရှိ ဘုရားသခင်ကိုလည်း ထိုနည်းအတိုင်း ဆက်ဆံမည် မဟုတ်လော။ (ဟုတ်ပါသည်။) သင်သည် ကောင်းကင်ဘုံရှိ ဘုရားသခင်နှင့် ထိုနည်းအတိုင်း ထိတွေ့ဆက်ဆံပါက အကျိုးဆက်များမှာ အဘယ်အရာ ဖြစ်မည်နည်း။ (ကျွန်ုပ်တို့သည် ပြစ်တင်ရှုတ်ချခြင်းနှင့် ဒဏ်ခတ်ခြင်းကို ခံရပါမည်။) သင် ထပ်မှားပြန်ပြီ။ ဘုရားသခင်သည် လူတို့ကို ထင်ရာမြင်ရာ ဒဏ်ခတ်ခြင်း မပြုပေ။ သို့ရာတွင် သင်သည် ဘုရားသခင်၏ စစ်မှန်သော ပုံသဏ္ဌာန်ကို မြင်တွေ့ရန် အခွင့်အရေး မည်သည့်အခါမျှ ရရှိမည်မဟုတ်သည့်အပြင် သင် မည်သည့်အခါမျှ အရည်အချင်းပြည့်မီမည်လည်း မဟုတ်ပေ။ ဤသည်မှာ အမှန်တရားတစ်ခု ဖြစ်သည်။ သင်သည် ဘုရားသခင်၏ စစ်မှန်သော ပုံသဏ္ဌာန်ကို မြင်တွေ့ရန် မည်သည့်အခါမျှ အရည်အချင်းပြည့်မီမည် မဟုတ်ပေ၊ သင်သည် ဘုရားသခင်၏ ကျောကိုပင် မြင်တွေ့နိုင်မည် မဟုတ်ပေ။ ဤသည်မှာ အဘယ်အရာကို ဆိုလိုသနည်း။ ယင်းက ဘုရားသခင်သည် သင့်ကို သူ၏ ဖန်ဆင်းခံတစ်ဦးအဖြစ် မည်သည့်အခါမျှ အသိအမှတ်ပြုမည်မဟုတ်ကြောင်း ဆိုလိုသည်။ ယောဘသည် ယေဟောဝါ၏ ကျောကို မြင်တွေ့ခဲ့ရခြင်းက အဘယ်အရာကို ဆိုလိုသနည်း။ အာဗြဟံသည် ဘုရားသခင်၏ ကိုယ်ပိုင်အသံက သူ့ကို စကားပြောဆိုသည်ကို ကြားခဲ့ရခြင်းက အဘယ်အရာကို ဆိုလိုသနည်း။ (ဘုရားသခင်က ၎င်းတို့ကို အသိအမှတ်ပြုခဲ့သည်ဟု ဆိုလိုပါသည်။) ယင်းက ၎င်းတို့သည် ဘုရားသခင်နှင့် စကားပြောဆိုရန်၊ ကောင်းကင်ဘုံရှိ ဘုရားသခင်နှင့်၊ သူ၏ စစ်မှန်သော ပုံသဏ္ဌာန်နှင့်၊ ဘုရားသခင်၏ ဝိညာဉ်တော်နှင့် စကားပြောဆိုရန် အရည်အချင်းပြည့်မီခဲ့ကြောင်း ဆိုလိုသည်။ ဘုရားသခင်သည် ၎င်းတို့ကို ဖန်ဆင်းခံများအဖြစ် အသိအမှတ်ပြုပြီး လက်ခံခဲ့သည်။ ဘုရားသခင်သည် ၎င်းတို့ကို ဖန်ဆင်းခံများအဖြစ် အသိအမှတ်ပြုခဲ့သည်။ ဘုရားသခင်သည် ၎င်းတို့ကို ရယူခဲ့သည်။ ဤအရာ၏ အရေးပါမှုသည် အလွန် နက်နဲလှပေသည်။ ဘုရားသခင်သည် ၎င်းတို့ကို မြင်တွေ့လိုခဲ့ပြီး ၎င်းတို့နှင့် စကားပြောဆိုလိုခဲ့သည်။ ဘုရားသခင်သည် ကောင်းကင်ဘုံမှ စကားပြောဆိုသော သူ၏ အသံကို ၎င်းတို့ကို ကြားခွင့်ပေးလိုခဲ့သည်။ ဘုရားသခင်သည် သူ၏ ဝိညာဉ်ခန္ဓာကို ၎င်းတို့ကို မြင်တွေ့ခွင့်ပေးရန်၊ ယင်းကို ၎င်းတို့ထံ ထုတ်ဖော်ပြသရန် လိုလားခဲ့သည်။ ဤသည်မှာ လူသားများအတွက် ကြီးမားသော ကောင်းချီးတစ်ခု ဖြစ်ပါတကား။ ဤသည်မှာ ကြီးမားလှသော ဂုဏ်ကျေးဇူးတစ်ခုပါတကား။ သင်တို့သည် ဤအရာကို ရှာဖွေသလော။ သင်တို့သည် ယင်းကို ရှာဖွေရန် မဝံ့ရဲကောင်း မဝံ့ရဲနိုင်သော်လည်း သင်တို့တွင် ဤဆန္ဒ ရှိရမည်ဖြစ်သည်။ သို့ဆိုလျှင် ဤဆန္ဒကို အကောင်အထည်ဖော်ရန် သင် မည်သို့ လက်တွေ့လုပ်ဆောင်သင့်သနည်း။ ပထမဦးစွာ သာမန်ဖြစ်ပြီး ပုံမှန်ဖြစ်သော လူတစ်ဦးဖြစ်သည့် လူ့ဇာတိခံ ဘုရားသခင်ကို သင် ဆက်ဆံသည့်နည်းလမ်းဖြင့် သင်၏ လက်တွေ့လုပ်ဆောင်မှုကို စတင်လော့။ သင်သည် သူနှင့် မည်သို့ ထိတွေ့ဆက်ဆံပြီး သူ့ကို မည်သို့ ဆက်ဆံသင့်သနည်း။ သင်သည် သူ့ကို သူ၏ ထိတွေ့ကိုင်တွယ်၍ရသော ပုံသဏ္ဌာန်ဖြင့် မြင်တွေ့ရသောအခါ သူနှင့် ပုံမှန် ထိတွေ့ဆက်ဆံနိုင်ကာ သူနှင့်ပတ်သက်သည့် အရာအားလုံးကို လက်ခံနိုင်၍ သူနှင့် ပွင့်လင်းပြီး ရိုးသားနိုင်ပြီး သူနှင့် ထိတွေ့ဆက်ဆံပြီး ပေါင်းသင်းဆက်ဆံရာတွင် မည်သည့် အတားအဆီးမျှ သို့မဟုတ် အခက်အခဲမျှ မရှိပါက ဘုရားသခင်၏ ရှေ့မှောက်တွင်၊ အနည်းဆုံး ငါ၏ အမြင်တွင် ငါသည် သင်နှင့် ထိတွေ့ဆက်ဆံရန် လိုလားမည်ဖြစ်သည်။ ငါသည် သင့်ကို အော့ကြောလန်သည်ဟု ခံစားရမည်မဟုတ်ပေ။ ထိုအခါ သင်သည် ဘုရားသခင်၏ အသံကို ကြားရန်၊ ကောင်းကင်ဘုံမှ စကားပြောဆိုသော ဘုရားသခင်၏ ကိုယ်ပိုင်အသံကို ကြားရန်နှင့် ဘုရားသခင်၏ ပုံသဏ္ဌာန်ကို မြင်တွေ့ရန် အခွင့်အရေး ရရှိကောင်း ရရှိနိုင်ပြီး အရည်အချင်းပြည့်မီကောင်း ပြည့်မီနိုင်သည်။ သေချာသည်မှာ ယခုအချိန်တွင် သင်တို့သည် ဤပန်းတိုင်နှင့် ဝေးကွာနေဆဲဖြစ်သည်။ သင်တို့ကို လမ်းကြောင်းတစ်ခု ငါ ပေးနေခြင်းသာ ဖြစ်သည်။ သင်တို့သည် သာမန်လူတစ်ဦးဖြစ်သည့် ငါ တင်ပြသော ဤအခက်အခဲကိုပင် မကျော်လွှားနိုင်ဘဲလျက် သင်က ကောင်းကင်ဘုံရှိ ဘုရားသခင်ကို မြင်တွေ့လိုပါက သင့်ကို ငါ ပြောပြရမည့် အရာတစ်ခု ရှိသည်။ လုံးဝ မဖြစ်နိုင်ပေ။ ယင်းမှာ အမှန်တကယ်ပင် စိတ်ကူးယဉ်သက်သက်သာ ဖြစ်သည်။

ကောင်းပြီ၊ ယနေ့အတွက် ငါတို့၏ မိတ်သဟာယကို ဤနေရာတွင် အဆုံးသတ်ကြစို့။ နှုတ်ဆက်ပါသည်။

၂၀၂၄ ခုနှစ်၊ စက်တင်ဘာလ ၁၄ ရက်