အခန်း ၈

ဘုရားသခင်သည် သူ၏နှုတ်ကပတ်တော်ကို ဝိညာဉ်တော်၏ ရှုထောင့်မှနေ၍ ပြောကြားသည့်အခါ၊ သူ၏လေသံသည် လူသားမျိုးနွယ်အားလုံးကို ဦးတည်ထားခြင်းဖြစ်၏။ ဘုရားသခင် သည် သူ၏နှုတ်ကပတ်တော်ကို လူသား၏ ရှုထောင့်မှ နေ၍ ပြောကြားသည့်အခါ၊ သူ၏လေသံသည် သူ့ဝိညာဉ်တော်၏ ဦးဆောင် လမ်းပြမှုနောက် လိုက်သူအားလုံးကို ဦးတည်ထားခြင်း ဖြစ်၏။ ဘုရားသခင်သည် သူ၏နှုတ်ကပတ်တော်ကို (လေ့လာသူ တစ်ဦးဟု လူတို့ရည်ညွှန်းသည့်) တတိယပုဂ္ဂိုလ်၏ရှုထောင့်မှနေ၍ ပြောကြား သည့်အခါ၊ လူတို့သည် သူ့အား အစီရင်ခံသူတစ်ဦး အဖြစ်မြင်စေရန် သူသည် လူတို့အား သူ၏နှုတ်ကပတ်တော်ကို တိုက်ရိုက်ပြသ၍၊ သူ၏နှုတ်မှ လူသားမသိသည့်အရာများ၊ လူသားမှ မတွေးတတ် အောင် ခက်ခဲနက်နဲသည့်အရာများ အကန့်အသတ်မရှိ ထွက်လာပုံ ရ၏။ ဤသို့ မဟုတ်ပေဘူးလော။ ဘုရားသခင်သည် သူ၏ နှုတ်ကပတ်တော်ကို ဝိညာဉ်တော်၏ ရှုထောင့်မှနေ၍ ပြောကြား သည့်အခါ လူသားမျိုးနွယ်အားလုံးကို အံ့သြစေ၏။ “ငါ့အပေါ် လူသား၏ ချစ်ခြင်းမေတ္တာသည် နည်းပါးလွန်း၍ ငါ့အပေါ် သူ၏ယုံကြည်မှုသည်လည်း သနားဖွယ်ကောင်းလောက်အောင် သေးငယ်၏။ ငါ့နှုတ်ကပတ်တော်များ၏ တိုက်ခိုက်မှုမှာ လူသား၏ အားနည်းချက်များအပေါ် ဦးတည်ထားခြင်း မဟုတ်ပါက၊ သူသည် သဗ္ဗညုတဉာဏ်ရှိ၍ ကမ္ဘာမြေကြီးပေါ်ရှိ ကိစ္စရပ်များအကြောင်း အားလုံးသိသည့်အလား၊ ဝါကြွား၍ ချဲ့ကားပြောဆိုကာ၊ လူတတ် လုပ်လျက်၊ ကြီးကျယ်သော အယူအဆများကို ထွင်လုံးထုတ် လိမ့်မည်။” ဤနှုတ်ကပတ်တော်များသည် လူသား၏ စစ်မှန်သော သဘောထားကိုပြ၍ လူသား၏နှလုံးသားတို့တွင် ဘုရားသခင်၏ အနေအထားကို ဖော်ပြရုံမက၊ လူသားမျိုးနွယ်၏ ဘဝတစ်ရပ်လုံးကို ဟင်းလင်းဖော်ထုတ်၍လည်းပြ၏။ လူပုဂ္ဂိုလ်တစ်ဦးစီမှ ၎င်းတို့သည် သာမန်ထက်ထူးကဲသည်ဟု ယုံကြည်၍ အမှန်စင်စစ်အားဖြင့် “ဘုရားသခင်” ဟုခေါ်သော စကားတစ်လုံးရှိကြောင်းကိုပင် မသိသောကြောင့် ထိုသူတို့သည် ကြီးကျယ်သော အယူအဆများကို ထွင်လုံးထုတ်ကြ၏။ သို့ရာတွင် ဤသို့ “ကြီးကျယ်သော အယူအဆများကို ထွင်လုံးထုတ်ကြခြင်း” သည် လူသားများနားလည် သည့်သဘောဖြင့် “စကားပြောနေခြင်း” မဟုတ်ပေ။ ထိုသို့ဖြစ် မည့်အစား၊ လူသားမျိုးနွယ်သည် စာတန်၏ဖျက်ဆီးခြင်းကို ခံခဲ့ရ ခြင်းကြောင့် ၎င်းတို့ လုပ်ဆောင်သမျှသည် ဘုရားသခင်အား မနာခံဘဲ ဘုရားသခင်အား တိုက်ရိုက်ဆန့်ကျင်ကာ၊ လူသားပြုလုပ် သည့်အရာ၏ အနှစ်သာရသည် စာတန်ထံမှလာ၍ ဘုရားသခင်အား ဆန့်ကျင်ကာ၊ လွတ်လပ်မှု၏ အပြုအမူတစ်ရပ်ဖြစ်လျက်၊ ဘုရားသခင်၏အလိုကို ဆန့်ကျင်သည်ဟု ဆိုလို၏။ ဤအချက် ကြောင့် လူသားအားလုံး ကြီးကျယ်သော အယူအဆများ ကို ထွင်လုံးထုတ်ကြသည်ဟု ဘုရားသခင်က ပြောခြင်းဖြစ်၏။ သူ့နှုတ်ကပတ်တော်များ၏ တိုက်ခိုက်မှုမှာ လူသား၏အားနည်းချက် များအပေါ် ဦးတည်ထားသည်ဟု ဘုရားသခင်က အဘယ်ကြောင့် ပြောသနည်း။ အဘယ်ကြောင့်ဆိုသော်၊ ဘုရားသခင်၏ ရည်ရွယ်ချက် နှင့်အညီ၊ အကယ်၍ သူသည် လူသား၏နှလုံးသားအတွင်းကမ္ဘာတွင် ကွယ်ဝှက်ထားသည့် အရာများကို မဖော်ပြပါက၊ မည်သည့်လူသားမျှ နာခံမည်မဟုတ်ပေ။ ထို့ကြောင့် ၎င်းတို့သည် မိမိကိုယ်ကို နားလည်ကြမည်မဟုတ်ဘဲ၊ ဘုရားသခင်ကိုလည်း ရိုသေလေးမြတ် လိမ့်မည် မဟုတ်ပေ။ ဤသည်မှာ အကယ်၍ လူသား၏ ရည်ရွယ်ချက်များအား ဖွင့်ဟလှစ်ပြခြင်းမရှိပါက၊ လူသားသည် မည်သည့်အရာကိုမျှ လုပ်ဝံ့မည်မဟုတ်ဟု ဆို၍ရသည်။ ကောင်းကင်ဘုံ၊ သို့မဟုတ် ဘုရားသခင်ကိုပင်လျှင် ကျိန်ချင် ကျိန်လိမ့်မည်။ ဤသည်တို့မှာ လူသား၏အားနည်းချက်များ ဖြစ်၏။ ထို့ကြောင့် ဘုရားသခင်က ဤသို့ပြော၏- “ငါ၏ စိတ်နှလုံးနှင့် ညီညွတ်၍ ငါအသုံးပြုရန် သင့်တော်သူများကို မရပ်မနားရှာဖွေရန် ငါ၏ခြေလှမ်းများသည် စကြဝဠာထောင့်စွန်းအားလုံးကို လျှောက် နင်း၏။” နောက်ပိုင်းတွင် နိုင်ငံတော်ကို အမြောက်ပစ်ဖောက် ဂုဏ်ပြုခြင်း တရားဝင်မြည်ဟီးသည့်အကြောင်းနှင့် ဤပြောဆိုချက် တို့ပေါင်းစပ်၍ ဘုရားသခင်၏ဝိညာဉ်သည် ကမ္ဘာမြေကြီးပေါ်တွင် အမှုအသစ်လုပ်ဆောင်နေခြင်းကို ပြသ၏။ လူသားများက ၎င်းတို့၏ ရုပ်ပိုင်းဆိုင်ရာ မျက်လုံးများဖြင့် ယင်းကို မတွေ့နိုင်ခြင်းသာ ဖြစ်သည်။ ဝိညာဉ်သည် ကမ္ဘာမြေကြီးပေါ်တွင် အမှုအသစ်ကို ဆောင်ရွက်နေသည်ဟု ဆိုသဖြင့် စကြဝဠာတစ်ခုလုံး သည်လည်း ကြီးမားစွာသော အပြောင်းအလဲနှင့် ကြုံရ၏- ဘုရားသခင်၏ သားများနှင့် ဘုရားသခင်၏လူများသည် ဘုရားသခင် ၏ လူ့ဇာတိ ခံယူမှုကို သက်သေခံရန် စတင်လက်ခံရုံမက၊ ဘာသာတရားတိုင်း၊ ဂိုဏ်းဂဏတိုင်း၊ လူတန်းစားတိုင်းနှင့် နေရာတိုင်းသည်လည်း၊ အတိုင်းအတာကွဲပြား၍၊ လက်ခံကြ၏။ ဤသည်မှာ ဝိညာဉ်လောက ရှိ စကြဝဠာ၏ ကြီးမားသော လှုပ်ရှားမှု တစ်ရပ်ဖြစ်၏။ ၎င်းသည် ဘာသာရေးလောကတစ်ခုလုံးကို ဗဟိုအချက်အချာအထိ တုန်လှုပ် စေပြီး၊ ဤသည်မှာ အတိတ်က “မြေငလျင်လှုပ်ခြင်း” ဟု ဖော်ပြခဲ့ခြင်းအဓိပ္ပာယ်၏ အစိတ်အပိုင်း တစ်ရပ်ဖြစ်၏။ ၎င်းနောက်၊ ကောင်းကင်တမန်တို့သည် ၎င်းတို့၏ တရားဝင်အလုပ်ကို စတင်၍ ဣသရေလအမျိုးတို့သည် ၎င်းတို့၏ မူရင်းနိုင်ငံသို့ ပြန်ကြကာ၊ မည်သည့်အခါမျှ ခြေဦးတည့်ရာ လှည့်လည်သွားနေခြင်း နောက်တစ်ဖန်မပြုတော့ဘဲ ပါဝင်သူ အားလုံးတို့သည် လမ်းပြမှုကို စတင်လက်ခံကြ၏။ ကွဲပြားသည်မှာ၊ အဲဂုတ္တုလူတို့သည် ငါ၏ကယ်တင်ခြင်း နယ်ပယ်အတိုင်းအတာမှ စတင်ခွဲထွက်ကြ၏။ ဤသည်မှာ ငါ၏ပြစ်တင်ဆုံးမခြင်းကို လက်ခံရန်ဖြစ်၏ (သို့သော် ၎င်းမှာ တရားဝင် မစတင်ရသေးပါ)။ ထို့ကြောင့် ကမ္ဘာမြေကြီးတွင် ကြီးမားသည့်အပြောင်းအလဲများ တစ်ပြိုင်နက်ဖြစ်ပေါ်သော ဤကာလအတွင်း နိုင်ငံတော်ကို အမြောက်ပစ်ဖောက်ဂုဏ်ပြုခြင်း တရားဝင်မြည်ဟီးခြင်းဖြစ်၏။ ဤသည်မှာ “ခုနစ်ဆပြင်းထန်သော ဝိညာဉ် စတင်လုပ်ကိုင်သည့် အချိန်” ဟု လူတို့ခေါ်ခဲ့သော အချိန်ဖြစ်၏။ ဘုရားသခင်က ကယ်ဆယ်ရေးအမှု ဆောင်ရွက်တိုင်း၊ ဤအဆင့်များတွင် (သို့မဟုတ် အကူးအပြောင်းကာလများတွင်) မည်သူကမျှ သန့်ရှင်းသော ဝိညာဉ်တော်၏ လုပ်ဆောင်ချက်ကို ခံစား၍မရပေ။ ထို့ကြောင့်၊ ဘုရားသခင်၏ နှုတ်ကပတ်တော် ဖြစ်သည့် “လူသား မျှော်လင့်ချက် ကင်းမဲ့သည့်အခါ” မှာ မှန်ပုံရ၏။ ထို့အပြင်၊ လူသားအနေဖြင့် မျှော်လင့်ချက်ကင်းမဲ့သည့် ဤအကူး အပြောင်း အဆင့်တစ်ခုစီတွင်၊ သို့မဟုတ် ဤရေစီးကြောင်းသည် မှားယွင်း သည်ဟု ၎င်းတို့ခံစားရသည့်အခါ၊ ဘုရားသခင်သည် အသစ်စတင်၍ သူ့အမှု၏နောက်တစ်ဆင့် ဆောင်ရွက်၏။ ဖန်းဆင်းချိန်မှ ယခုအထိ၊ ဘုရားသခင်၏ ကယ်ဆယ်ရေးအမှုကို ဆောင်ရွက်ခြင်းနှင့် သူ အမှုဆောင်သည့်နည်းလမ်းများကို ပြောင်းလဲခြင်းသည် ဤနည်း အားဖြင့် တူညီသည်။ လူအများစုမှာ ကွဲပြားသောအတိုင်းအတာဖြင့် ၎င်း၏ရှုထောင့်အချို့ကို နားလည်နိုင် သော်လည်း၊ အဆုံးတွင် မည်သို့ပင်ဆိုစေ သူတို့၏ဝိညာဉ်အသက်တာ သေးငယ်လွန်းသဖြင့် သူတို့သည် ပြင်းထန်သောရေစီး၌ မျောပါ သွား၏။ ထိုသူတို့သည် ဘုရားသခင်၏အမှု၏အဆင့်များကို နားလည် နိုင်ခြင်း မရှိသည့် အတွက် ဖယ်ရှားခြင်း ခံရ၏။ သို့ရာတွင် ဤသည်မှာလည်း ဘုရားသခင်၏ လူသားအား သန့်စင်သည့်နည်း ဖြစ်၍၊ လူသား၏ အယူအဆဟာင်းများအပေါ် ဘုရားသခင်၏ တရားစီရင်ခြင်းဖြစ်၏။ လူတို့တွင် အခြေခံအုတ်မြစ် ရှိလေလေ၊ ၎င်းတို့အတွက် ဘေးဖယ်ထားရန်ခက်သည့် ဘုရားသခင်အပေါ် ၎င်းတို့၏ အယူအဆများ ကြီးမားလေလေဖြစ်၏။ ဟောင်းသော အရာများကို ဖက်တွယ်ထား၍၊ အသစ်သောအလင်းကို လက်ခံရန်မှာ ၎င်းတို့ အတွက် ခက်ခဲ၏။ အခြားတစ်ဘက်တွင်မူ၊ အကယ်၍ တစ်ဦး တစ်ယောက်သည် မတ်တတ်ရပ်နေပါက၊ ၎င်းတွင် အခြေခံအုတ်မြစ် ရှိရမည်ဖြစ်၏။ သို့ရာတွင်၊ လူအများစုမှာ ၎င်းတို့၏အယူအဆများကို ဘေးဖယ်ထားရန် ပြဿနာရှိ၏။ ဤသည်မှာ ရှင်းလင်း၍ အလွယ်တကူ မြင်နိုင်သော ယနေ့လူ့ဇာတိခံယူသည့် ဘုရားသခင် အကြောင်း ၎င်းတို့၏ အယူအဆများအတွက် အထူးပင်မှန်ကန်၏။

ယနေ့ဖွင့်ဟချက်တွင်၊ ဘုရားသခင်သည် ရူပါရုံများအကြောင်း များစွာပြောပြီး၊ အသေးစိတ်ဖော်ပြစရာ မလိုပေ။ အသင်းတော် တည်ထောင်ခြင်းသည် နိုင်ငံတော် တည်ထောင်ရန်အတွက် အခြေခံအုတ်မြစ်ချခြင်း မည်သို့ဖြစ်ကြောင်း ဘုရားသခင်က အဓိကပြော၏။ ပို၍အတိအကျပြောရလျှင်၊ အသင်းတော် တည်ဆောက်နေစဉ်တွင် အဓိကရည်မှန်းချက်မှာ၊ လူတို့သည် ၎င်းတို့၏ ကိုယ်ပိုင်မျက်လုံးများဖြင့် လူ့ဇာတိခံ ဘုရားသခင်ကို မသိခဲ့ရသော်လည်း၊ ၎င်းတို့၏နှလုံးသားရော စကားအားဖြင့်ပါ လူတို့အား အခိုင်အမာယုံကြည်စေရန်ဖြစ်၏။ သူတို့၏နှလုံးသားများ တွင် ယုံကြည်ခြင်းကို ကိုင်စွဲထားသော်လည်၊ သူတို့သည် လူ့ဇာတိခံယူသော ဘုရားသခင်ကို မသိကြပေ။ အဘယ်ကြောင့် ဆိုသော်၊ ၎င်းအဆင့်တွင် သူသည် လူပုဂ္ဂိုလ်တစ်ဦးနှင့် ခွဲခြား၍မရသောကြောင့်ဖြစ်သည်။ နိုင်ငံတော်ခေတ်တွင် အားလုံးတို့ သည် ၎င်းတို့၏နှလုံးသားများ၊ ၎င်းတို့၏ပြောဆိုချက်နှင့် ၎င်းတို့၏ မျက်လုံးများတွင် အခိုင်အမာယုံကြည်မှုကို ပြရမည်ဖြစ်၏။ အားလုံး ၎င်းတို့၏နှလုံးသားများ၊ ၎င်းတို့၏ပြောဆိုချက်နှင့် ၎င်းတို့၏မျက်လုံး များတွင် အခိုင်အမာယုံကြည်မှုကို ပြရန်၊ ၎င်းတို့ကို ၎င်းတို့၏ ရုပ်ပိုင်းဆိုင်ရာ မျက်လုံးများဖြင့် ဇာတိပကတိ၌ အသက်ရှင်လျက် ရှိသည့် ဘုရားသခင်ကို သိခွင့်ပေးရမည် ဆိုသည်မှာ ဤနေရာတွင် ထင်ရှားသည်။ လူတို့တွင် အခြားရွေးချယ်စရာမရှိသောကြောင့် လူတို့သည် မလုပ်မနေလုပ်ရသည့် အခြေအနေတစ်ရပ်တွင် ရှိသည့် အခါ၊ သို့မဟုတ် လူတို့တွင် ပေါ့တန်သောယုံကြည်ခြင်း ရှိသည့် အခါတွင် ဤသည်ကို ရရှိနိုင်မည် မဟုတ်ပေ။ ထိုသို့ဖြစ်မည့်အစား၊ နားလည်ခြင်းအားဖြင့် လူတို့သည် ၎င်းတို့၏နှလုံးသားနှင့် နှုတ်ကပတ်တော်အားဖြင့် အခိုင်အမာယုံကြည်ကြလိမ့်မည်။ ထို့ကြောင့်၊ ဆောက်လုပ်ခြင်း၏ ယခုအဆင့်တွင် ရိုက်နှက်ခြင်း၊ သို့မဟုတ် သတ်ဖြတ်ခြင်း မရှိပေ။ ထိုသို့ဖြစ်မည့်အစား၊ ၎င်းသည် လူတို့အား ဘုရားသခင်၏ နှုတ်ကပတ်တော်အားဖြင့် ဉာဏ်အလင်း ရရှိခွင့်ပေး၍၊ ဤနည်းအားဖြင့် သူတို့သည် မသိစိတ်တွင် လူ့ဇာတိခံယူသော ဘုရားသခင်အား သိလာနိုင်ရေးအတွက် ဆည်းပူးလေ့လာနိုင်မည် ဖြစ်သည်။ ထို့ကြောင့် ဘုရားသခင် အတွက်မူ၊ အမှု၏ဤအဆင့်သည် များစွာပို၍လွယ်ကူ၏၊ သဘာဝ အတိုင်း ဖြစ်ခွင့်ပြု၍ လူသားမျိုးနွယ်နှင့် ဆန့်ကျင်ခြင်းမပြုပေ။ အဆုံးတွင်၊ ၎င်းသည် လူသားအား ဘုရားသခင်ကို သဘာဝ အလျောက် သိလာစေမည်ဖြစ်သဖြင့် မစိုးရိမ်ပါနှင့်။ ကြောင့်ကြစိတ် ပေါ်မလာပါနှင့်။ ဘုရားသခင်သည် “ဝိညာဉ်လောက၏တိုက်ပွဲကို ငါ၏လူအားလုံးအကြားတွင် ရိုးရှင်းအောင် တိုက်ရိုက်လုပ်ထားကာ” ဟု ပြောစဉ်က လူတို့သည် လမ်းကြောင်းမှန်ပေါ် ရောက်၍ ဘုရားသခင်ကို စတင်သိကျွမ်းသည့်အခါဟု သူဆိုလိုသည်။ ၎င်းတွင် လူတစ်ဦးစီသည် အတွင်းတွင် စာတန်၏သွေးဆောင်ခြင်း ခံရမှု သာမက၊ အသင်းတော်ကိုယ်တိုင်၌ပင် စာတန်၏သွေးဆောင်မှု ခံရနိုင်ကြောင်း ပါဝင်၏။ သို့ရာတွင်၊ ဤသည်မှာ လူတိုင်းသွားရ မည့်လမ်းကြောင်း ဖြစ်သောကြောင့် မည်သူမျှ ထိတ်လန့်ရန် မလိုပေ။ စာတန်၏သွေးဆောင်မှုသည် ပုံစံအမျိုးမျိုးဖြင့် လာကောင်း လာနိုင်၏၊ တစ်စုံတစ်ဦးသည် ဘုရားသခင်ပြောဆိုသည့် အရာကို တမင်လျစ်လျူရှုခြင်း၊ သို့မဟုတ် စွန့်ပစ်ခြင်း ပြုကောင်း ပြုနိုင်၏။ ထို့အပြင် သူသည် အခြားသူများ၏ အပြုသဘောဆောင်သည့် စိတ်ဓာတ်ကို လျော့နည်းသွားစေရန် အဖျက်သဘောဆောင်သည့် အရာများ ပြောကောင်း ပြောနိုင်သည်။ သို့ရာတွင်၊ သာမန်အားဖြင့် သူသည် အခြားသူများအား သိမ်းသွင်းလေ့မရှိပေ။ ဤအရာများသည် လူတို့အတွက် သိမြင်ရန်ခက်ခဲ၏။ ဤသို့ဖြစ်ရခြင်း၏ အဓိကအကြောင်းရင်းမှာ- သူသည် အစည်းအဝေးတက်ရန် ပြောဖို့မလိုဘဲ အစည်းအဝေးတက်နေဦးမည်ဖြစ်သော်လည်း ရူပါရုံများနှင့်ပတ်သက်လျှင်မူ သူသည် ရှင်းလင်းခြင်း မရှိပေ။ အသင်းတော်ကို သူ့ထံမှကာကွယ်မထားလျှင်၊ အသင်းတော် တစ်ခုလုံးသည် သူ၏အဖျက်သဘောကြောင့် ဘုရားသခင်အား စိတ်မပါ့တပါတုံ့ပြန်ရန် တိမ်းယိုင်သွားနိုင်၏။ ထိုသို့ဖြစ်ခြင်းဖြင့် ဘုရားသခင်၏ နှုတ်ကပတ်တော်အပေါ် ဂရုမပြုတော့ဘဲ ဤသည်မှာ စာတန်၏ သွေးဆောင်မှုထဲသို့ လုံးဝကျဆင်းသွားခြင်း ဖြစ်လိမ့်မည်။ သူသည် ဘုရားသခင်အပေါ် တိုက်ရိုက်ပုန်ကန်ချင်မှ ပုန်ကန်မည် ဖြစ်သော်လည်း ဘုရားသခင်၏ နှုတ်ကပတ်တော်ကို သဘောမပေါက်နိုင်ဘဲရှိကာ ဘုရားသခင်ကို မသိသောကြောင့်၊ သူသည် ညည်းညူကောင်း ညည်းညူနိုင်သည်၊ သို့မဟုတ် သူ၏နှလုံးသားတွင် ခံပြင်းစိတ် ရှိနေစေနိုင်သည်။ ဘုရားသခင်သည် သူ့အားစွန့်ပစ်သွားခဲ့သဖြင့် သူသည် ဉာဏ်အလင်းနှင့် အလင်းပေးခြင်းတို့ လက်ခံရရှိနိုင်စွမ်း မရှိဟု ပြောကောင်း ပြောနိုင်သည်။ သူသည် စွန့်ခွာလိုနိုင်သော်လည်း၊ တိတ်ဆိတ်သော ကြောက်ရွံ့စိတ်သည် သူ့အတွင်း ရှိနေကာ၊ ဘုရားသခင်၏အမှုသည် ဘုရားသခင်ထံမှမဟုတ်ဘဲ နတ်ဆိုးတို့၏အမှုဖြစ်သည်ဟု သူ ပြောကောင်း ပြောနိုင်၏။

ဘုရားသခင်သည် အဘယ်ကြောင့် ပေတရုအကြောင်း မကြာခဏပြောသနည်း။ ထို့အပြင် ယောဘသည်ပင်လျှင် ၎င်းကဲ့သို့ဖြစ်ရန် မနီးစပ်ပေဟု သူအဘယ်ကြောင့်ပြောသနည်း။ ထိုသို့ပြောခြင်းသည် ပေတရု၏ လုပ်ဆောင်ချက်များအပေါ် လူတို့အား ဂရုပြုစေသည်သာမက၊ ၎င်းတို့၏နှလုံးသားများတွင် ရှိနေသည့် နမူနာအားလုံးကို ဘေးဖယ်ထားစေသည်။ ၎င်းနမူနာများ တွင် အကြီးမားဆုံးသော ယုံကြည်ခြင်းရှိသူ ယောဘ၏ နမူနာကိုပင် ဘေးသို့ဖယ်ထားသင့်၏။ ဤနည်းအားဖြင့်သာ လူတို့သည် ပေတရုအားအတုယူရန် အရာခပ်သိမ်းကို ဘေးဖယ် နိုင်သည့် ပိုမိုကောင်းမွန်သော ရလဒ်ရနိုင်မည်ဖြစ်ကာ၊ ဤနည်းအားဖြင့် ဘုရားသခင်ကိုသိခြင်းအတွက် တစ်ဆင့်ပိုမို နီးကပ်ရန် လာကြပေမည်။ ဘုရားသခင်အားသိရန် ပေတရုအသုံးပြုခဲ့သည့် အလေ့အထကို ဘုရားသခင်မှ လူတို့နှင့် မိတ်ဆက်ပေးခဲ့၏။ ၎င်း၏ရည်မှန်းချက်မှာ လူတို့အား ရည်ညွှန်းရန်အရာတစ်ခု ပေးရန်ဖြစ်၏။ ထို့နောက် ဘုရားသခင်က “သို့ရာတွင် သင်သည် ငါ့နှုတ်ကပတ်တော်များအပေါ် စိမ်းကား၍ စာနာစိတ်ကင်းပါက၊ သင်သည် ငါ့ကို ဆန့်ကျင်သည်မှာ သေချာ၏။ ဤသည်မှာ အမှန်တရား ဖြစ်၏” ဟု ဆက်၍ပြောသောအခါ စာတန်က လူတို့အား သွေးဆောင်မည့် နည်းများအနက် နည်းတစ်ခုကို ကြိုတင်ဟောကိန်းထုတ်ခြင်းဖြစ်၏။ ဤနှုတ်ကပတ်တော်များအတွင်းတွင် ဘုရားသခင်သည် စာတန်က အသုံးပြုရန် ကြိုးစားမည့် ပါးနပ်သော အကြံအစည်များကို ကြိုတင်ပြော၍ ဤအရာအား သတိပေးချက်တစ်ရပ်ဟု ယူဆရန် လူတို့အား နှိုးဆော်လိုက်၏။ ဘုရားသခင်၏နှုတ်ကပတ်တော်အပေါ် လူတိုင်းစိမ်းကားမည်မဟုတ်သော်လည်း မည်သို့ပင်ဖြစ်စေကာမူ လူအချို့သည် ဤသွေးဆောင်မှု၏ ဖမ်းဆီးခြင်းခံရမည်ဖြစ်၍ အဆုံးတွင် ဘုရားသခင်က “ငါ၏နှုတ်ကပတ်တော်များကို သင်တို့ မသိလျှင်၊ သင်တို့ လက်မခံလျှင်၊ ထို့အပြင် လက်တွေ့ ကျင့်သုံးခြင်း မရှိလျှင်၊ သင်တို့သည် ငါ၏ပြစ်တင်ဆုံးမခြင်းကို ခံရမည့်အရာ ဖြစ်မည်မှာ မလွဲဧကန်ဖြစ်၏။ သင်သည် စာတန်၏သားကောင် ဖြစ်သွားမည်မှာ သေချာ၏” ဟု အလေးအနက်ထား၍ ထပ်မံပြော ဆို၏။ ဤသည်မှာ လူသားမျိုးနွယ်အား ဘုရားသခင်မှ အကြံပြုချက်ဖြစ်သော်လည်း အဆုံးတွင် ဘုရားသခင်ကြိုတင် ပြောကြားခဲ့သည့်အတိုင်း လူတို့၏ တစ်စိတ်တစ်ဒေသသည် စာတန်၏သားကောင်များ ဖြစ်လာကြလိမ့်မည်။

အရှေ့သို့- ပေတရု၏ အသက်တာနှင့်ပတ်သက်၍

နောက်တစ်ခုသို့- အခန်း ၉

သင်သည် သခင် ပြန်ကြွလာခြင်းကို ကြိုဆိုသည့်နည်းလမ်း၊ ဘုရားသခင်နှင့် သာ၍ နီးစပ်သော ပေါင်းသင်းဆက်ဆံရေးတစ်ခုကို တည်ထောင်သည့်နည်းလမ်း၊ ဘုရားသခင်ထံ ဆုတောင်းသည့်နည်းလမ်း စသည်တို့ကို သင်ယူလေ့လာ လိုပါသလား။ ကျွန်ုပ်တို့ကို ဆက်သွယ်လိုက်ဖို့ အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

လက်တွေ့လုပ်ဆောင်ခြင်း (၈)

သင်တို့သည် သမ္မာတရား၏ ရှုထောင့်အမျိုးမျိုးကို နားမလည်ကြသေးသကဲ့သို့ သင်တို့၏ လက်တွေ့လုပ်ဆောင်မှုတွင် အမှားများနှင့် သွေဖည်မှုများ...

လမ်းကြောင်း … (၆)

မျက်မှောက်ခေတ်ထိ ငါတို့ ခေါ်ဆောင်ခံရကြသည်မှာ ဘုရားသခင်၏ အမှုကြောင့်ဖြစ်ပြီး၊ ဤအကြောင်းကြောင့် ငါတို့သည် ဘုရားသခင်၏ စီမံခန့်ခွဲမှု...

နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်

အသက်၏ လမ်းခရီးသည် မည်သူမဆို ပိုင်ဆိုင်နိုင်သည့် အရာတစ်ခု မဟုတ်သကဲ့သို့၊ မည်သူမဆို အလွယ်တကူ ရယူနိုင်သောအရာ တစ်ခုလည်း မဟုတ်ပေ။ ဤသည်မှာ...

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလခရစ်တော်၏ မိန့်မြွက်ချက်များ (လက်ရွေးစင်များ) နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်