အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၁

ဘုရားသခင်က "မည်သူမျှ ငါ၏နှုတ်ကပတ်တော်များ၏ အရင်းအမြစ် သို့မဟုတ် ၎င်းတို့ နောက်ကွယ်မှ ရည်ရွယ်ချက်ကို နားလည်သဘောပေါက်နိုင်ခြင်း မရှိ" ဟု ဆိုခဲ့သကဲ့သို့ပင် ဖြစ်သည်။ ၎င်းသည် ဘုရားသခင်၏ဝိညာဉ်တော်၏ လမ်းညွှန်မှုကြောင့်သာ မဟုတ်ခဲ့ပါက၊ သူ၏နှုတ်ကပတ်တော်များ ပေါ်ထွန်းမှုကြောင့်သာ မဟုတ်ခဲ့ပါက အရာခပ်သိမ်းသည် သူ၏ပြစ်တင်ဆုံးမမှုအောက်တွင် သေကြေပျက်စီးခဲ့ကြလိမ့်မည် ဖြစ်သည်။ ဘုရားသခင်သည် လူသားကို အဘယ်ကြောင့် အချိန်ကြာမြင့်စွာ စမ်းသပ်သနည်း။ ငါးလတိုင်တိုင်လော။ ဤအရာမှာ ငါတို့၏ မိတ်သဟာယဖွဲ့ခြင်း၏ ဆုံချက် ဖြစ်သည့်အပြင် ဘုရားသခင်၏ ဉာဏ်ပညာ၌ အဓိကကျသော အချက်တစ်ချက် ဖြစ်သည်။ ငါတို့ ယူဆနိုင်သည်မှာ ဤစမ်းသပ်မှုကြောင့်သာ မဟုတ်ခဲ့ဘဲ၊ ဖောက်ပြန်ပျက်စီးသော လူသားတို့ကို ဘုရားသခင်၏ တိုက်ခိုက်ခြင်း၊ သတ်ခြင်းနှင့် အဝေးသို့ကန်ထုတ်ခြင်း မရှိခဲ့ပါက၊ အကယ်၍ အသင်းတော်ကို ယနေ့တိုင် ဆက်လက် တည်ဆောက်နေခဲ့ပါက ယင်းသည် မည်သည့်အရာကို ပြီးမြောက်စေလိမ့်မည်နည်း။ ထို့ကြောင့် သူ၏စကား ပထမစာကြောင်းတွင် ဘုရားသခင်သည် လိုရင်းကို တန်းပြောပြီး ဤလများ၏အမှု၏ အလိုရှိသောအကျိုးဆက်ကို ရှင်းပြပြီး ၎င်းမှာ မခံနိုင်လောက်အောင်ပင် မှန်ကန်ပေသည်။ ၎င်းသည် ဤအချိန်ကာလအတောအတွင်း ဘုရားသခင်၏ လုပ်ဆောင်ချက်များ၏ ဉာဏ်ပညာကို ပြသခြင်း ဖြစ်သည်၊ ယင်းလုပ်ဆောင်ချက်များမှာ စမ်းသပ်မှုအားဖြင့် ကျိုးနွံနာခံခြင်းနှင့် စစ်မှန်သော သစ္စာပြုခြင်းကို သာမက နာကျင်သော စစ်ဆေးခြင်းအားဖြင့် ဘုရားသခင်ကို ပို၍ကောင်းစွာနားလည်ပုံကို လေ့လာသင်ယူရန် လူတို့အား သင်ကြားပေးခြင်း ဖြစ်သည်။ လူတို့သည် မျှော်လင့်ချက်ကုန်ခြင်းကို ပို၍ ခံစားရလေလေ၊ ၎င်းတို့ကိုယ်ကိုယ် ပို၍နားလည်နိုင်လေလေဖြစ်သည်။ ထို့အပြင် အမှန်ပြောရပါက ၎င်းတို့သည် ပို၍ နာကျင်သော စစ်ဆေးခြင်းကို ရင်ဆိုင်ရလေလေ ၎င်းတို့၏ ဖောက်ပြန်ပျက်စီးခြင်းကို ပို၍နားလည်နိုင်လေလေဖြစ်ပြီး၊ ထိုသို့ပြုရာ၌ ၎င်းတို့သည် ဘုရားသခင်အတွက် အစေခံတစ်ဦးပင် ဖြစ်ရန် မထိုက်တန်ကြောင်းနှင့် ဤကဲ့သို့သော အစေခံနေခြင်းမှာ သူ၏ ချီးမြှောက်ခြင်း ဖြစ်ကြောင်းကိုပင် သိကြရသည်။ ထို့ကြောင့် ဤအရာကို ရရှိပြီးနောက်၊ လူသားသည် မိမိကိုယ်ကိုယ် လျော့နည်းစေပြီးနောက် ဘုရားသခင်သည် ဖုံးကွယ်မထားဘဲ ထင်ရှားစွာမြင်ရလျက်၊ သနားခြင်းကရုဏာ နှုတ်ကပတ်တော်များကို မြွက်ဆိုသည်။ လပေါင်းများစွာ ကုန်လွန်ပြီးနောက် ဘုရားသခင်၏ အသစ်သော[က] အမှုပြုပုံပြုနည်းသည် ယနေ့ စတင်သည်မှာ ထင်ရှားပေ၏၊ ဤအရာမှာ အားလုံးအတွက် မြင်သာသည်။ အတိတ်တွင် ဘုရားသခင်က "ငါ၏လူများဟု အခေါ်ခံရသည့် အခွင့်အရေးကို ရရန် မလွယ်ကူပေ" ဟူ၍ မကြာခဏ ဆိုခဲ့သည်၊ ထို့ကြောင့် သူသည် အစေခံများဟု ရည်ညွှန်းခံရသော လူများ၌ ဤနှုတ်ကပတ်တော်များကို ပြည့်စုံစေခဲ့ပြီးသောကြောင့် အမှားအယွင်း တစ်စုံတစ်ရာ မရှိဘဲ ဘုရားသခင်ကို ယုံကြည်နိုင်သည်ဟု လူအပေါင်း မြင်နိုင်လေမည်။ ဘုရားသခင် ပြောသောအရာမှန်သမျှသည် မတူညီသောအတိုင်းအတာများအထိ ဖြစ်လာပြီး သူ၏နှုတ်ကပတ်တော်များမှာ အနည်းငယ်မျှ အနှစ်သာရမဲ့ခြင်း မရှိပေ။

လူသားအပေါင်းတို့သည် စိတ်ကယောက်ကယက်ဖြစ်ပြီး စိတ်ထိခိုက်ကြသောအခါ ဘုရားသခင်ထံမှ ဤနှုတ်ကပတ်တော်များသည် မိမိတို့ကိုယ်ကိုယ် မျှော်လင့်ချက်မဲ့သည်ဟု သဘောပေါက်သောသူ အားလုံး၏ အရှိုက်ကိုထိမှန်ပြီး ၎င်းတို့ကို ပြန်လည်နိုးကြားစေသည်။ နောက်ထပ် သံသယကို ဖယ်ရှင်းပစ်ရန် ဘုရားသခင်က "၎င်းတို့သည် ငါ၏လူများဟု ရည်ညွှန်းခြင်းကို ခံရသော်လည်း ဤအမည်နာမသည် ငါ၏ ‘သားများ’ ဟု အခေါ်ခံရခြင်းထက် လုံးဝ နိမ့်ကျခြင်း မရှိပေ" ဟု ဖြည့်သွင်းပြောဆိုခဲ့သည်။ ဘုရားသခင်တစ်ပါးတည်းသာ သူ၏သြဇာအာဏာကို ကာကွယ်နိုင်ကြောင်းနှင့် လူတို့သည် ၎င်းကို ဖတ်ပြီးသည့်အခါ ဤအရာမှာ လုပ်နည်းတစ်ခု မဟုတ်ဘဲ အဖြစ်မှန်တစ်ခု ဖြစ်သည်ဟူ၍ ၎င်းတို့ ပို၍ခိုင်မာစွာ ယုံကြည်ကြကြောင်း လူတစ်ဦးအနေဖြင့် မြင်နိုင်သည်။ ထို့အပြင် လူတို့၏ အမြင်အာရုံများသည် မှုန်ဝါးခြင်း မရှိစေရန် သူ၏လုပ်ပုံလုပ်နည်းအသစ်တွင် လူအားလုံး၏ ကိုယ်ပိုင်လက္ခဏာများကို ရှင်းလင်းစွာဖော်ပြထားသည်။ လူတစ်ဦးသည် ဘုရားသခင်၏ ဉာဏ်ပညာကို ဤအရာ်မှ မြင်နိုင်သည်။ ဤနည်းဖြင့် ဘုရားသခင်သည် လူသားတို့၏ စိတ်နှလုံးကို ထွင်းဖောက်မြင်နိုင်ကြောင်း၊ ၎င်းတို့ ပြုသမျှ နှင့် တွေးသမျှသည် ရုပ်သေးရုပ်များကဲ့သို့ပင် ဘုရားသခင်၏ ကြိုးကိုင်ညွှန်ကြားခြင်းကို ခံကြရသည်ကို ၎င်းတို့ ပို၍ကောင်းစွာ နားလည်နိုင်ကြမည် ဖြစ်သည်၊ ဤသည်မှာ ဧကန်မုချ ဖြစ်သည်။

အစသို့ ပြန်သွားပါက ဘုရားသခင် ပထမဦးဆုံး ပြောခဲ့သောအရာမှာ သူ့အမှု၏ပထမအဆင့် ဖြစ်သည့် "အသင်းတော်ကို သန့်စင်ခြင်း" ပြီးဆုံးပြီဖြစ်သည်။ "အခြေအနေတို့သည် တစ်ချိန်တုန်းကလို အခြေအနေမျိုး မဟုတ်တော့ပါ၊ ငါ၏ အမှုသည်လည်း အသစ်သော စတင်ခြင်းသို့ ဝင်ရောက်ခဲ့လေပြီ။" ဤထွက်ဆိုချက်မှ ဘုရားသခင်၏အမှုသည် စမှတ်အသစ်တစ်ခုသို့ ဝင်ရောက်ခဲ့ပြီး ဖြစ်ကြောင်းနှင့် သူသည် အသင်းတော်ကို တည်ဆောက်ပြီသောအခါ နိုင်ငံတော်ခေတ်၏ အသက် စတင်လိမ့်မည် ဖြစ်ကြောင်း သူ့အမှု၏ နောက်တစ်ဆင့်အတွက် အသေးစိတ်အစီအစဉ်များကို ငါတို့အား ညွှန်ပြခဲ့ပြီး များမကြာမီ လူတစ်ဦးအနေဖြင့် မြင်နိုင်သည်။ "အဘယ်ကြောင့်ဆိုသော် ယခုသည် အသင်းတော်တည်ဆောက်သည့်ခေတ် မဟုတ်တော့ဘဲ နိုင်ငံတော်ကို အောင်မြင်စွာ တည်ဆောက်ပြီးသောခေတ် ဖြစ်သည်။" ထို့အပြင် လူတို့သည် ကမ္ဘာမြေကြီးပေါ်၌ ရှိနေသေးသောကြောင့် ၎င်းတို့၏ စုဝေးခြင်းများကို အသင်းတော်ဟု ဆက်လက်၍ ရည်ညွှန်းမည် ဖြစ်ကြောင်းနှင့် ဤနည်းဖြင့် လူတို့၏ စိတ်ကူးများထဲမှ လက်တွေ့မကျသော နိုင်ငံတော် ပေါ်ထွန်းမှု မဖြစ်အောင်တားဆီးစေမည် ဖြစ်ကြောင်း သူက ဖော်ပြခဲ့ပြီးဖြစ်သည်။ ဆက်လက်၍ ရူပါရုံများ အကြောင်းကို ငါ မိတ်သဟယဖွဲ့မည်။

ယခုအခါ နိုင်ငံတော် တည်ဆောက်သည့်ခေတ် ဖြစ်ပြီး အသင်းတော် တည်ဆောက်သည့်ခေတ် အဆုံးဖြစ်သည်၊ သို့သော်လည်း စုဝေးခြင်းအားလုံးကို အဘယ်ကြောင့် အသင်းတော်ဟု ခေါ်ဦးမည်နည်း။ ယခင်က အသင်းတော်ကို နိုင်ငံတော်အတွက် ရှေ့ပြေးအဖြစ် ရည်ညွှန်းခဲ့ကြသည်၊ အသင်းတော် မရှိပါက နိုင်ငံတော်ရှိနိုင်မည်မဟုတ်ပေ။ နိုင်ငံတော်ခေတ်သည် ဘုရားသခင်် သူ၏အမှုတော်ကို လူ့ဇာတိ၌ လုပ်ဆောင်ခြင်းဖြင့် အစပြုပြီး လူ့ဇာတိခံယူသော ဘုရားသခင်သည် နိုင်ငံတော်ခေတ်ကို ဖြစ်ထွန်းစေခြင်းဖြစ်သည်။ သူ ယူဆောင်သော အရာမှာ နိုင်ငံတော်ခေတ် ဖြစ်သည်၊ နိုင်ငံတော် တရားဝင် သက်ဆင်းခြင်း မဟုတ်ပေ။ ဤအရာမှာ စိတ်ကူးကြည့်ရန် မခက်ခဲပေ၊ ပြောခဲ့ပြီးသော လူများမှာ နိုင်ငံတော်ခေတ်၏ လူများ ဖြစ်ကြသည်၊ နိုင်ငံတော်ကိုယ်တိုင်၏ လူများ မဟုတ်ပေ။ ထို့ကြောင့် ကမ္ဘာမြေကြီးပေါ်မှ စုဝေးခြင်းများကို အသင်းတော်ဟု ဆက်၍ ရည်ညွှန်းခြင်းမှာ အဓိပ္ပာယ်ရှိပေသည်။ အတိတ်က သူသည် သူ၏ သာမန်လူ့သဘာဝအားဖြင့် ပြုမူလုပ်ဆောင်ခဲ့ပြီး သူ့ကို ဘုရားသခင်ကိုယ်တော်တိုင်အဖြစ် မြင်တွေ့ခဲ့ခြင်း မရှိသဖြင့် နိုင်ငံတော်ခေတ်သည် လူသားအကြား၌ အစပြုခြင်း မရှိခဲ့သေးချေ၊ တစ်နည်းဆိုသော် ငါ ပြောခဲ့သည့်အတိုင်း ငါ၏ ဝိညာဉ်တော်သည် ငါ၏လူ့ဇာတိ၌ တရားဝင် စတင်ကာ အမှုမပြုခဲ့သေးခြင်း ဖြစ်သည်။ ယခုအခါ ဘုရားသခင် ကိုယ်တော်တိုင်ကို မြင်တွေ့ခဲ့ပြီ ဖြစ်သောကြောင့် နိုင်ငံတော်သည် လူသားအကြား၌ အမှန်ဖြစ်ပေါ်လာပြီဖြစ်သည်။ ငါသည် ဘုရားသဘောသဘာဝအားဖြင့် စတင်ကာ အမှုပြုမည်ဖြစ်သောကြောင့် ဘုရားသခင်သဘောသဘာဝထဲမှ ငါ၏နှုတ်ကပတ်တော်များနှင့် ငါလုပ်ဆောင်ချက်များကို နားလည်သောသူများကို နိုင်ငံတော်ခေတ်ထဲမှ ငါ၏လူများဟု သိကြကြောင်း၊ ထို့ကြောင့် ဤသည်မှာ "ငါ၏လူများ" ဟူသော ဝေါဟာရ ဖြစ်ပေါ်လာပုံ ဖြစ်ကြောင်း ဤအရာက ဖော်ပြသည်။ ဤအဆင့်တွင် ငါသည် ငါ၏ဘုရားသဘောသဘာဝအားဖြင့် အဓိက အမှုပြု၍ စကားပြောသည်။ လူသားသည် ငါ၏အစီအစဉ်ကို ဝင်ရောက်စွက်ဖက်ခြင်းမပြုနိုင်သကဲ့သို့ နှောင့်ယှက်ခြင်းလည်း မပြုနိုင်ရာ။ ဘုရားသခင်၏ နှုတ်ကပတ်တော်သည် တိကျသောအဆင့်တစ်ခုသို့ ရောက်သောအခါ သူ၏နာမကို မြင်တွေ့ရပြီး လူသားမျိုးနွယ်အတွက် သူ၏စမ်းသပ်မှုများ စတင်သည်။ ဤအရာမှာ ဘုရားသခင်၏ ဉာဏ်ပညာ၏ အကြီးမားဆုံးသော ဥပမာပေတည်း။ ဤအရာသည် နောက်ထပ်တစ်ဆင့် အစအဦးအတွက် သာမက နောက်ဆုံးအဆင့်၏ အဆုံးသတ်အတွက် ခိုင်ခံ့သော အုတ်မြစ်တစ်ခုချပြီး အမြစ်ိချ်ခြင်းဖြစ်သည်။ လူတို့သည် ထိုအရာကို လုံးဝ သိခဲ့မည်မဟုတ်၊ ဤအရာသည် တရားစီရင်ခြင်းခေတ်၏ ပထမနှင့် ဒုတိယ အစိတ်အပိုင်းများ၏ ဆုံမှတ်ဖြစ်သည်။ လူသားကို လ အနည်းငယ် စစ်ဆေးမှုမပြုဘဲ ငါသည် ငါ၏ဘုရားသဘောသဘာဝအားဖြင့် အမှုပြုနိုင်ခဲ့ခြင်း မရှိပေ။ ဤစစ်ဆေးခြင်းလများသည် ငါ့အမှု၏ နောက်ထပ်အဆင့်အတွက် လမ်းဖွင့်ပေး်သည်။ ဤ လအနည်းငယ်ပြုသောအမှု၏ အဆုံးမှာ အမှု၏ နောက်ထပ်အဆင့်ထဲသို့ ပို၍ အတွင်းကျကျ ဝင်သည့် လက္ခဏာတစ်ခု ဖြစ်သည်။ အကယ်၍ လူတစ်ဦးသည် ဘုရားသခင်၏ နှုတ်ကပတ်တော်များကို စစ်မှန်စွာ နားလည်ပါက သူသည် ဤလများကို အသုံးပြု၍ သူ့အမှု၏ နောက်တစ်ဆင့်ကို အစပြုမည်ဖြစ်သောကြောင့် ပို၍ အကျိုးကျေးဇူးများနိုင်ခြေ ရှိကြောင်း နားလည်သဘောပေါက်နိုင်ပါသည်။ ငါ၏ လူ့သဘာဝကို တားဆီးပိတ်ဆို့ခြင်းသည် ငါ၏အမှု၏ နောက်တစ်ဆင့်အတွက် အတားအဆီး တစ်ခုကို ဖန်တီးပေးခဲ့ခြင်းကြောင့် နာကျင်သော ဤစစ်ဆေးခြင်းလများအားဖြင့် နှစ်ဖက်စလုံးသည် စိတ်ဓာတ်မြှင့်တင်ခြင်းကို ခံရပြီး ထိုအရာမှ အကျိုးရရှိကြသည်။ လူတို့သည် ယခုမှသာ ငါ၏အမည်နာမကို စတင်ကာ တန်ဖိုးထားခြင်းဖြစ်သည်။ ထို့ကြောင့် သူ၏ ကလောင်တံကို လှည့်၍ ဘုရားသခင်သည် လူသားအား "အစေခံ" ဟု မခေါ်တော့ဘဲ "သူ၏လူများ" ဟု ခေါ်မည်ဟု ပြောခဲ့သောအခါ ၎င်းတို့အားလုံးသည် ဝမ်းမြောက်ခြင်းဖြင့် မွှန်ထူသွားကြလေ၏။ ဤအရာမှာ လူသား၏ ပျော့ကွက်ဖြစ်ခဲ့သည်။ ဘုရားသခင်သည် ၎င်းကို ဖမ်းဆီးခဲ့ပြီး ဖြစ်သည်။

လူသားမျိုးနွယ်အားလုံးကို ဆက်လက်၍ လက်ခံယုံကြည်စေရန်နှင့် လူအချို့တို့၏ ၀တ်ပြုခြင်းထဲမှ မစင်ကြယ်မှုများကို ထောက်ပြရန် ဘုရားသခင်သည် ဆက်တိုး၍ လူသားမျိုးနွယ်၏ အမျိုးမျိုးသော အကျည်းတန်သည့် အင်္ဂါရပ်များကို ထောက်ပြခဲ့ပြီး ဤနည်းဖြင့် "လူမည်မျှသည် ငါ့ကို စစ်မှန်စွာ ချစ်ကြသနည်း။ မည်သူသည် မိမိတို့၏ အနာဂတ်ကို ထည့်သွင်းစဉ်းစား၍ မပြုမူဘဲ နေသနည်း။ မည်သူသည် မိမိတို့၏ စမ်းသပ်မှုကာလများအတွင်း မည်သည့်အခါမျှ မညည်းညူဘဲနေဖူးသနည်း" စသဖြင့် ဤကဲ့သို့သော သူ၏နှုတ်ကပတ်တော်များကို ပြည့်မီစေခဲ့သည်။ ဤနှုတ်ကပတ်တော်များမှ လူသားတို့သည် ၎င်းတို့ကိုယ်တိုင်၏ မနာခံခြင်း၊ သစ္စာမရှိခြင်းနှင့် မိဘတို့အားရိုသေမှု ကင်းမဲ့ခြင်းတို့ကို မြင်နိုင်သောကြောင့် လမ်း၏ တစ်ဆင့်ချင်း၌ သူ့ကို ရှာဖွေသောသူအားလုံး နောက်သို့လိုက်သော ဘုရားသခင်၏ သနားခြင်းကရုဏာနှင့် ချစ်ခြင်းမေတ္တာကို မြင်ကြလေသည်။ ဤအရာကို "လူတစ်စုသည် နောက်ပြန်ဆုတ်တော့မည့်အခါ၊ ငါ၏ ပြောဆိုပုံကို ပြောင်းလဲရန် မျှော်လင့်ကြသောသူအားလုံး မျှော်လင့်ချက် ဆုံးရှုံးကြသောအခါ၊ ငါသည် ကယ်တင်ခြင်း နှုတ်ကပတ်တော်များကို မြွက်ဆိုပြီး ငါ့ကို စစ်မှန်စွာ ချစ်သောသူအားလုံးကို ငါ၏နိုင်ငံတော်၊ ငါ၏ပလ္လင်ရှေ့သို့ ဆောင်လာသည်။" ဟူသော ဤနှုတ်ကပတ်တော်များမှ မြင်နိုင်သည်။ ဤနေရာတွင် "ငါ့ကို စစ်မှန်စွာ ချစ်သောသူများ" ဟူသော စကားနှင့် "လူမည်မျှသည် ငါ့ကို စစ်မှန်စွာ ချစ်ကြသနည်း" ဟူသည့် အဖြေမတောင်းသော မေးခွန်းတို့မှာ ဆန့်ကျင်ကွဲလွဲမှု မရှိပေ။ ၎င်းမှာ စစ်မှန်သောသူများ၌ မစင်ကြယ်မှုများ ရှိကြောင်းကို ညွှန်ပြခြင်းဖြစ်သည်။ ၎င်းမှာ ဘုရားသခင်သည် တစ်စုံတစ်ရာကိုမျှ မသိသကဲ့သို့ မဟုတ်ပေ။ ဘုရားသခင်သည် လူသားတို့၏ အတွင်းကျဆုံး စိတ်နှလုံးကို မြင်နိုင်သောကြောင့် "စစ်မှန်သော" ဟူသည့် စကားလုံးမှာ လူသားမျိုးနွယ်၏ ဖောက်ပြန်ပျက်စီးမှုကို ရည်ညွှန်း၍ ငေါ့တော့တော့ အသုံးပြုထားခြင်း ဖြစ်သဖြင့် လူအပေါင်းတို့သည် ဘုရားသခင်အပေါ် ၎င်းတို့၏ အကြွေးတင်ရှိခြင်းကို ပို၍ကောင်းစွာ မြင်နိုင်သည်၊ ပို၍ အပြစ်တင်ခြင်းကို ခံယူနိုင်သည်သာမက ၎င်းတို့စိတ်နှလုံးထဲမှ မကျေမချမ်းဖြစ်ခြင်းမှာ စာတန်ထံမှ လုံးလုံးလျားလျား လာသည်ဟူသော အချက်ကို နားလည်နိုင်မည်ဖြစ်သည်။ လူတို့သည် "၀တ်ပြုခြင်း" ဟူသော စကားလုံးကို မြင်သည့်အခါ အံ့သြကြသည်။ ၎င်းတို့က၊ "ကျွန်ုပ်သည် ကောင်းကင်ဘုံနှင့် မြေကြီးကို အကြိမ်မည်မျှ ကြိမ်းမောင်းခဲ့ပြီးပြီနည်း။ ထို့အပြင် ကျွန်ုပ် ထွက်ခွာလိုခဲ့သော်လည်း ဘုရားသခင်၏ စီမံခန့်ခွဲမှုအမိန့်များကို ကျွန်ုပ်ကြောက်ရွံ့သဖြင့် အဆင်ပြေသလိုနေခဲ့ပြီး လူစုလူဝေးနောက်လိုက်ကာ ဘုရားသခင် ဖြေရှင်းပေးခြင်းကို စောင့်ဆိုင်ခဲ့သော အကြိမ်မည်မျှ ရှိသနည်း။ အကယ်၍ အမှန်တကယ် မျှော်လင့်ချက် မရှိခဲ့ပါက ကျွန်ုပ်သည် တဖြည်းဖြည်း နုတ်ထွက်မည်။ ယခုအခါ ဘုရားသခင်သည် ကျွန်ုပ်တို့ကို သူ၏ သစ္စာရှိသောလူများဟု ခေါ်သည်၊ ထို့ကြောင့် ဘုရားသခင်သည် လူသားတို့၏ အတွင်းဆုံးစိတ်နှလုံးကို ထွင်းဖောက်၍ အမှန်တကယ် မြင်နိုင်ကြောင်း ဆိုလိုသလော" ဟု တွေးကြသည်။ ဘုရားသခင်သည် ဤကဲ့သို့ နားလည်မှုလွဲခြင်းမျိုး မဖြစ်အောင်တားဆီးရန်အတွက် လူအမျိုးမျိုးတို့၏ အတွင်းအခြေအနေများကို အဆုံးမှသာ ထောက်ပြခဲ့ခြင်း ဖြစ်သည်။ ယင်းက မိမိတို့၏ စိတ်နှလုံးထဲ၌ ပထမဦးစွာ သံသယရှိခဲ့သော်လည်း မိမိတို့၏ စကားများ၌ ပျော်ရွှင်သောလူသားမျိုးနွယ်ကို စိတ်နှလုံး၊ စကားများနှင့် မျက်စိတို့၌ လက်ခံယုံကြည်သော အဆင့်တစ်ခုသို့ ဝင်ရောက်စေသည်။ ဤနည်းအားဖြင့် ဘုရားသခင်၏နှုတ်ကပတ်တော်အပေါ် လူသား၏ ထင်မြင်ချက်မှာ ပို၍လေးနက်လာပြီး ၎င်းနှင့်အညီ လူသားသည် ပို၍ ကြောက်ရွံ့ခြင်း၊ ပို၍ကြည်ညိုခြင်း ရှိလာပြီး ဘုရားသခင်အပေါ် ပို၍ ကောင်းမွန်စွာ နားလည််လာခဲ့သည်။ နောက်ဆုံးတွင် အနာဂတ်အတွက် လူသား့၏ ကြောက်ရွံ့ခြင်းကို သက်သာပြေပျောက်စေရန် ဘုရားသခင်က "သို့သော်လည်း အတိတ်က အတိတ်တွင်ကျန်ခဲ့လေပြီ၊ ယခုအချိန်မှာ ပစ္စုပ္ပန်ကာလအချိန်ဖြစ်သည်၊ အတိတ်ကို လွမ်းဆွေးနေခြင်းငှာ မဖြစ်သင့်တော့၊ အနာဂတ်ကိုလည်း တွေးပူနေရန် မလိုတော့ပါ" ဟု ဆိုခဲ့သည်။ ဤကဲ့သို့ အရေးတကြီးဖြစ်၍ ဟန်ချက်ညီသော်လည်း တိုတောင်းသော ပြောပုံဆိုပုံသည် ပို၍ပင် ကြီးမားသော အကျိုးဆက်တစ်ခု ရှိပြီး သူ၏နှုတ်ကပတ်တော်ကို ဖတ်ရှုသူမှန်သမျှကို ၎င်းတို့၏ မျှော်လင့်ချက်ကုန်သည့် အခြေအနေ၌ နောက်ထပ်တဖန် အလင်းကို မြင်စေပြီးနောက် ဘုရားသခင်၏ ဉာဏ်ပညာနှင့် လုပ်ဆောင်ချက်များကို မြင်စေသည်၊ ထို့နောက် "ဘုရားသခင်၏လူများ" ဟူသော အမည်ကို ရစေပြီးနောက် ၎င်းတို့၏စိတ်နှလုံးထဲမှ သံသယများကို ဖယ်ရှင်းပေး၍ ၎င်းတို့၏ အမျိုးမျိုးသော အတွင်းအခြေအနေများမှု ၎င်းတို့ကိုယ်ကိုယ် သိစေသည်။ ဤအခြေအနေများသည် ဝမ်းနည်းခြင်းနှင့်ပူးဆွေးခြင်း နှင့် ပျော်ရွင်ခြင်းနှင့်ဝမ်းမြောက်ခြင်း နှစ်မျိုးစလုံး တစ်လှည့်စီ ပေါ်ထွက်သည်။ ဘုရားသခင်သည် ဤအခန်း၌ လူတို့၏ အသက်ပါသော ပုံကြမ်းတစ်ခုကို အမိအရ ရိုက်ကူးခဲ့ပြီးဖြစ်သည်။ ၎င်းမှာ ပြည့်စုံသည့် အခြေအနေအထိ ထင်ရှား်၍ လူတို့ မရရှိနိုင်သော အရာတစ်ခု ဖြစ်သည်။ ၎င်းသည် လူသား၏စိတ်နှလုံး၏ အတွင်းဆုံးမှ လျှို့ဝှက်ချက်များကို အမှန်တကယ် ဖော်ထုတ်ပေး်သည်။ ဤအရာမှာ လူသား လုပ်နိုင်သော အရာံတစ်ခုလော။

ပို၍ အရေးကြီးသည်မှာ အောက်ပါစာပုဒ် ဖြစ်သည်၊ ထိုအထဲတွင် ဘုရားသခင်သည် လူတို့အား သူ၏စီမံခန့်ခွဲမှုအမိန့်ကို တိုက်ရိုက် ထုတ်ဖော်ထားသည်။ ထို့အပြင် ဤသည်မှာ အရေးကြီးဆုံး အပိုင်းဖြစ်သည်၊ "လူသားတို့ထဲတွင် လက်တွေ့ကို ဆန့်ကျင်သောသူများ၊ ငါ၏ လမ်းညွှန်မှုကို မနာခံသောသူများတို့သည် ဇာတ်သိမ်းလှမည် မဟုတ်သည့်အပြင် မိမိတို့အတွက် ဒုက္ခများကိုသာ သယ်ဆောင်လာမည်။ စကြဝဠာတစ်ခုလုံးတွင် ဖြစ်ပျက်နေသော အရာအားလုံးတို့တွင် ငါမဆုံးဖြတ်ဘဲ ပြီးမြောက်သွားမည့်အရာ တစ်ခုမျှပင်မရှိချေ။" ဤအရာမှာ ဘုရားသခင်၏ စီမံခန့်ခွဲမှုအမိန့် မဟုတ်သလော။ ၎င်းမှာ ဤစီမံခန့်ခွဲမှု အမိန့်ကို ဆန့်ကျင်၍ ပြုမူသောသူများ၏ မရေမတွက်နိုင်သော ဥပမာများ ရှိကြောင်းကို ပြခြင်းဖြစ်သည်။ ထို့အပြင် ၎င်းမှာ အယောက်တိုင်းအား ၎င်းတို့၏ ကံကြမ္မာအကြောင်း မတွေးကြရန် သတိပေးခြင်း ဖြစ်သည်။ အကယ်၍ တစ်စုံတစ်ဦးသည် ဘုရားသခင်၏ စီစဉ်ညွှန်ကြားခြင်းကို ရှောင်ရှားလိုပါက နောက်ဆက်တွဲအကျိုးများမှာ စိတ်ကူး၍ပင် မရနိုင်လောက်အောင် ကြောက်မက်ဖွယ်ကောင်းလိမ့်မည် ဖြစ်သည်။ ထို့ကြောင့် ၎င်းသည် ဤနှုတ်ကပတ်တော်များထဲ၌ အသိဉာဏ်ပွင့်လင်းစေခြင်းနှင့် အလင်းပေးခြင်းကို တွေ့ကြုံခံစားရသောသူ အားလုံးကို ဘုရားသခင်၏ စီမံခန့်ခွဲမှုအမိန့်ကို ပို၍ ကောင်းမွန်စွာ နားလည်စေသည် သာမက သူ၏ ဘုန်းအာနုဘော်ကို ပြစ်မှား၍ မရကြောင်းကို နားလည်စေခြင်းဖြင့် ပို၍ အတွေ့အကြုံရင့်ကျက်ပြီး တည်ကြည်လာကာ ပြင်းထန်သော အအေးဒဏ်၏ ခြိမ်းခြောက်မှုကို အံတုသော ရာသီဥတုဒဏ်ခံထင်းရှူးပင်တစ်ပင်ကဲ့သို့ စိမ်းလန်းစိုပြေကာ သဘာဝ၏ စိမ်းစိုရှင်သန်တက်ကြွမှုကို ဆက်လက်၍ တိုးပွားစေမည်ဖြစ်သည်။ ဤထွက်ဆိုချက်သည် လူအများစုကို ဝင်္ကပါတစ်ခုထဲ၌ ၎င်းတို့ ခြေဦးတည့်ရာ သွားခဲ့ပြီးသကဲ့သို့ မူးနောက်တွေဝေစေသည်၊ ယင်းမှာ ဘုရားသခင်၏ နှုတ်ကပတ်တော်များထဲ၌ ပါဝင်သောအကြောင်းအရာသည် အတော်လျင်မြန်စွာ ပြောင်းလဲသည့်အတွက်ကြောင့် လူဆယ်ဦးတွင် ကိုးဦးသည် ၎င်းတို့၏ ပျက်စီးသော စိတ်သဘောထားကို နားလည်ရန် ကြိုးပမ်းသည့်အခါ ဝင်္ကပါတစ်ခုထဲသို့ ဝင်ရောက်သွားကြသောကြောင့်ဖြစ်သည်။ ပို၍အဆင်ပြေချောမွေ့စွာ အမှုပြုနိုင်ရန်အလို့ငှာ လူသား၏ သံသယများကို ဖယ်ရှင်းခြင်းဖြင့် အားလုံးသည် ဘုရားသခင်၏ သစ္စာရှိမှုကို ဆက်လက်၍ နားလည်နိုင်စေရန်၊ သူသည် စာပုဒ်အဆုံးတွင် "ငါ့ကို အမှန်တကယ် ချစ်ခင်သော ထိုသူတို့ တစ်ယောက်ချင်းစီသည် ငါ၏ ပလ္လင်ရှေ့မှောက်သို့ အရောက်ပြန်လာကြလတ္တံ့" ဟူ၍ အသားပေးဖော်ပြလေသည်။ ထို့ကြောင့် သူ၏အမှုကို လများစွာ ကြုံတွေ့ခဲ့ပြီးသော သူအားလုံးသည် ၎င်းတို့၏ ဝမ်းနည်းခြင်းမှ တခဏချင်းတွင် သက်သာပြေပျောက်မည် ဖြစ်သည်၊ လေထုထဲ၌ မြောနေသကဲ့သို့ ခံစားခဲ့ရသော ၎င်းတို့စိတ်နှလုံးများသည် ကျောက်တုံးတစ်တုံး မာကြောသော မြေပြင်ပေါ်သို့ ပြုတ်ကျသကဲ့သို့ အိမ်ပြန်ကြလေမည်၊ ၎င်းတို့၏ ကံကြမ္မာ နှင့်ပတ်သက်၍ မစိုးရိမ်တော့ပေ၊ ထို့အပြင် ဘုရားသခင်သည် အချည်းနှီးသော နှုတ်ကပတ်တော်များကို ပြောမည်ဟု မယုံကြည်ကြတော့ပေ။ လူသားတို့သည် မိမိကိုယ်ကိုယ်ဖြောင့်မတ်သည်ဟု ထင်သောကြောင့် ၎င်းတို့သည် ဘုရားသခင်အပေါ် ၀တ်ပြုခြင်းကို အဆုံးစွန် ပြသနိုင်သည်ဟု မယုံကြည်သောသူ တစ်ဦးတစ်ယောက်မျှ မရှိပေ၊ ဤအကြောင်းကြောင့် ဘုရားသခင်သည် "စစ်မှန်စွာ" ဟူသော စကားလုံးကို တမင်တကာ အသားပေးခြင်း ဖြစ်သည်၊ ၎င်းမှာ ပို၍ ကြီးမားသော အကျိုးရလဒ်များကို ရရှိရန် ဖြစ်သည်။ ဤသည်မှာ သူ၏အမှုထဲမှ နောက်တစ်ဆင့်အတွက် လမ်းခင်းပေးရန် နှင့် အုတ်မြစ်ချရန် ဖြစ်သည်။

အောက်ခြေမှတ်စုများ-

(က) မူရင်းစာသားတွင် "အသစ်သော" ဟူသည့် စကားလုံး မပါပေ။

ယခင်က:အခန်း ၄၇

နောက်တစ်ခုသို့:အခန်း ၃

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ