အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

တတိယမြောက် မိန့်မြွက်ချက်၏ အနက်ဖွင့်ဆိုချက်

ယနေ့သည် ကျေးဇူးတော်ခေတ်မဟုတ်တော့သလို ကရုဏာတော်ခေတ်လည်း မဟုတ်တော့ဘဲ ဘုရားသခင်၏ လူတို့ ထုတ်ဖော်ခံရသော နိုင်ငံတော်ခေတ်၊ ဘုရားသခင်က ဘုရားသဘော သဘာဝမှတဆင့် အမှုအရာများကို တိုက်ရိုက်လုပ်ဆောင်သော ခေတ်ဖြစ်သည်။ ထို့ကြောင့်၊ ဘုရားသခင်နှုတ်ကပတ်တော်များ၏ ဤကျမ်းပိုဒ်ထဲတွင် ဘုရားသခင်သည် သူ့နှုတ်ကပတ်တော်များကို လက်ခံသူအားလုံးအား ဝိညာဉ်ရေးရာလောကထဲသို့ ဦးဆောင်လမ်းပြလေသည်။ အဖွင့်စာပိုဒ်တွင်၊ သူသည် ဤပြင်ဆင်မှုများကို ကြိုတင်ပြုလုပ်ထားပြီး အကယ်၍ တစ်ဦးတစ်ယောက်သည် ဘုရားသခင့်နှုတ်ကပတ်တော်၏ အသိပညာကို ပိုင်ဆိုင်လျှင် ၎င်းတို့သည် ဖရဲသီးကိုရဖို့ နွယ်ပင်အတိုင်း လိုက်မည်ဖြစ်ပြီး ဘုရားသခင်က သူ၏လူတို့အထဲတွင် အဘယ်အရာ စွမ်းဆောင်ရန် ဆန္ဒရှိသည်ကို တိုက်ရိုက်နားလည်သဘောပေါက်မည်ဖြစ်သည်။ ယခင်က၊ လူတို့သည် “အစေ ခံများ” ဟူသော အမည်မှတဆင့် စမ်းသပ်ခံကြရပြီး၊ ၎င်းတို့ အစမ်းသပ်ခံဖြစ်ပြီးနောက် ယနေ့တွင် ၎င်းတို့၏ လေ့ကျင့်မှု တရားဝင် စတင်ပြီဖြစ်သည်။ ထို့အပြင်၊ လူတို့သည် အတိတ်ကာလ နှုတ်ကပတ်တော်များ၏ အခြေခံအုတ်မြစ်ကို အခြေပြု၍ ဘုရားသခင်၏ အမှုတော်နှင့်ဆိုင်သည့် ပို၍ ကြီးမြတ်သော အသိပညာတစ်ခု ရှိရမည်ဖြစ် ပြီး၊ နှုတ်ကပတ်တော်နှင့် ဇာတိအဖြစ်တော် ၊ သန့်ရှင်းသော ဝိညာဉ်တော်နှင့် ဇာတိအဖြစ်တော်တို့ကို တစ်ခုတည်းသော နှုတ်၊ တစ်ခုတည်းသော စိတ်နှလုံး၊ တစ်ခုတည်းသော လုပ်ဆောင်ချက်နှင့် တစ်ခုတည်းသော အရင်းအမြစ်ဟူသော ခွဲခြားမရနိုင်သည့် အရာတစ်ခုလုံးအဖြစ် ကြည့်ကြရမည်။ ဤသတ်မှတ်ချက်သည် ဖန်ဆင်းခြင်းကတည်းက ဘုရားသခင်က လူနှင့်သက်ဆိုင်၍ ပြုလုပ်ခဲ့သော အမြင့်မားဆုံး သတ်မှတ်ချက်ဖြစ်သည်။ ဤအရာမှ ဘုရားသခင်က သူ၏လူတို့ပေါ် သူ၏ အားထုတ်မှုအပိုင်း သုံးစွဲဖို့ ဆန္ဒရှိကြောင်း၊ ၎င်းတို့ထဲ၌ နိမိတ်လက္ခဏာနှင့် အံ့ဖွယ်သောအရာအချို့ကို ပြသဖို့ ဆန္ဒရှိကြောင်း၊ ပို၍ အရေးကြီးသည်မှာ၊ ဘုရားသခင့် အမှုတော်နှင့် နှုတ်ကပတ်တော်များအလုံးစုံအား လူအားလုံး လိုက်နာစေဖို့ ဆန္ဒရှိကြောင်းကို တွေ့မြင်နိုင်ပေသည်။ တစ်ဖက်တွင် ဘုရားသခင်ကိုယ်တော်တိုင်သည် သူ၏သက်သေခံချက်ကို ထိန်းထားပြီး အခြားတစ်ဖက်တွင် သူ၏လူများအပေါ် သတ်မှတ်ချက်များကို သူပြဋ္ဌာန်းကာ ဘုရားသခင်၏ စီမံအုပ်ချုပ်ရေးဆိုင်ရာ အမိန့်များကို လူစုထံသို့ တိုက်ရိုက်ထုတ်ပြန်သည်။ ထို့ကြောင့်၊ သင်တို့သည် ငါ၏ လူများဟု သမုတ်ခြင်းခံရကတည်းက၊ အမှုအရာတို့သည် ဖြစ်မြဲအတိုင်းမဟုတ်တော့ပေ၊ ငါ့ဝိညာဉ်၏ မိန့်မြွက်ချက်များကို သင်တို့သည် နားစွင့်ကာ နာခံသင့်ကြ၏၊ ငါ့အမှုကို နီးနီးကပ်ကပ် လိုက်လျှောက်ပြီး ငါတို့သည် ပင်ကိုအားဖြင့် တစ်ဦးတည်းဖြစ်ကာ ကွဲပြားခြားနားခြင်းမရှိသည့်အတွက် ငါ၏ ဝိညာဉ်နှင့် ငါ၏ဇာတိခန္ဓာတို့အား သင်တို့ မခွဲခြားသင့်ပေ။ ဤအရာ၌၊ လူတို့ကို လူ့ဇာတိခံ ဘုရားသခင်အား လျစ်လျူရှုခြင်းမှ တားဆီးဖို့ရန်အတွက် “ငါတို့သည် ပင်ကိုအားဖြင့် တစ်ဦးတည်းဖြစ်ကာ ကွဲပြားခြားနားခြင်းမရှိ” ဆိုသည့်အပေါ် အလေးထားမှုတစ်ခု တစ်ဖန် ရှိလေ၏။ အဘယ့်ကြောင့်ဆိုသော် ထိုသို့လျစ်လျူရှုခြင်းသည် လူ့အားနည်းချက်တစ်ခုဖြစ်ပြီး ဘုရားသခင်၏ စီမံအုပ်ချုပ်ရေးဆိုင်ရာ အမိန့်များတွင် ဤအရာကို တစ်ကြိမ်ထပ်မံ စာရင်းသွင်းထားလေသည်။ ထို့နောက်၊ ဘုရားသခင်က “၎င်းတို့သည် ဆုံးရှုံးခြင်းကို ခံစားရမည်ဖြစ်ပြီး မိမိတို့ကိုယ်ပိုင် ခါးသောခွက်မှသာ သောက်သုံးနိုင်လိမ့်မည်” ဟု မိန့်ဆိုခြင်းအားဖြင့် ဘာမျှဖုံးကွယ်ခြင်းမရှိဘဲ၊ ဘုရားသခင်၏ စီမံအုပ်ချုပ်မှုဆိုင်ရာ အမိန့်များကို ပုန်ကန်ပြစ်မှားခြင်း၏ အကျိုးဆက်များကို လူတို့အား ဘုရားသခင်က အသိပေး လေသည်။ လူသည် အားနည်းသောကြောင့်၊ ဤနှုတ်ကပတ်တော်များကို ကြားပြီးနောက်တွင် “ခါးသောခွက်” မှာ လူတို့ကို ခေတ္တခဏ တွေးဆစေဖို့ လုံလောက်သည့်အတွက် သူ၏ စိတ်နှလုံးထဲ၌ ဘုရားသခင်ကို ပို၍သတိမမူဘဲ မနေနိုင်ပေ။ လူတို့သည် ဘုရားသခင် မိန့်ဆိုသော ဤ “ခါးသောခွက်” နှင့်သက်ဆိုင်၍ နှုတ်ကပတ်တော်များအားဖြင့် တရားစီရင်ခံရခြင်း သို့မဟုတ် နိုင်ငံတော်မှ နှင်ထုတ်ခံရခြင်း၊ သို့မဟုတ် အချိန်ကာလအပိုင်းအခြားတစ်ခုစာ အဆက်အသွယ်ဖြတ်ခံရခြင်း သို့မဟုတ် စာတန်အားဖြင့် တစ်ဦးတစ်ယောက်၏ အသွေးအသားဖောက်ပြန်ဖျက်ဆီးခံရပြီး ဝိညာဉ်ဆိုးများအားဖြင့် ဝင်ပူးခံရခြင်း၊ သို့မဟုတ် ဘုရားသခင့်ဝိညာဉ်တော်၏ စွန့်ပစ်ခံရခြင်း သို့မဟုတ် မရဏနိုင်ငံ၌ တစ်ဦးတစ်ယောက်၏ခန္ဓာ အဆုံးသတ်ပြီး အပ်နှံခံရခြင်း စသည့် အနက်ဖွင့်ဆိုချက်များစွာ ရှိကြလေသည်။ ဤသည်တို့မှာ လူတို့၏ ဦးနှောက်များဖြင့် ရရှိနိုင်သည့် အနက်ဖွင့်ဆိုချက်များဖြစ်သည်၊ ထို့ကြောင့် ၎င်းတို့၏ စိတ်ကူးများထဲတွင်၊ လူတို့သည် ယင်းတို့ထက် လွန်၍ သွားနိုင်စွမ်း မရှိကြချေ။ သို့သော်၊ ဘုရားသခင်၏ အကြံအစည်သည် လူ့အကြံအစည်များနှင့် မတူချေ၊ တစ်နည်းဆိုရလျှင် ခါးသောခွက်သည် အထက်ပါ မည်သည့်အရာကိုမျှ ရည်ညွှန်းခြင်းမဟုတ်ဘဲ၊ ဘုရားသခင်၏ ကိုင်တွယ်ဖြေရှင်း ခြင်းကို ရရှိပြီးနောက် ဘုရားသခင်ကို လူတို့ သိကျွမ်းခြင်း အတိုင်းအတာကို ရည်ညွှန်းခြင်းဖြစ်သည်။ ပိုရှင်းလင်းသွားအောင်ပြောရလျှင်၊ တစ်စုံတစ်ဦးသည် ဘုရားသခင်၏ ဝိညာဉ်တော်နှင့် သူ၏ နှုတ်ကပတ်တော်များကို ထင်ရာမြင်ရာ ခွဲခြားသောအခါဖြစ်စေ၊ အမှုတော်နှင့် ဇာတိအဖြစ်တော် သို့မဟုတ် ဝိညာဉ်တော်နှင့် မိမိကိုယ်ကို ယူတင်ဝတ်ဆင်သော ဇာတိခန္ဓာတို့ကိုဖြစ်စေ ခွဲခြားသောအခါ ဤလူသည်ဘုရားသခင်ကို သူ၏နှုတ်ကပတ်တော်များထဲ၌ သိကျွမ်းနိုင်စွမ်းမရှိသည်သာမက၊ ဘုရားသခင်ကို အနည်းငယ် သံသယဖြစ်နေ၏၊ ယင်းနောက်တွင် ၎င်းတို့သည် အချိန်တိုင်းတွင် မျက်ကန်းဖြစ်လာကြသည်။ ယင်းမှာ လူတို့တွေးထင်သကဲ့သို့ ၎င်းတို့ တိုက်ရိုက် အဆက်ဖြတ်ခံရခြင်း မဟုတ်ဘဲ ဘုရားသခင်၏ ပြစ်တင်ဆုံးမမှုထဲသို့ ၎င်းတို့ တဖြည်းဖြည်း ကျရောက်ကြခြင်းဖြစ်သည်၊ တစ်နည်းဆိုရလျှင် ကြီးမားသောကပ်ဘေးထဲသို့ ၎င်းတို့ သက်ဆင်းခြင်းဖြစ်ပြီး ဝိညာဉ်ဆိုး ဝင်ပူးခြင်းခံရသောသူတို့ကဲ့သို့၊ ၎င်းတို့ သွားသည့်နေရာတိုင်း၌ အရာဝတ္ထုများကို တိုက်မိရင်း ဦးခေါင်းမပါသည့် ယင်ကောင်တစ်ကောင်ကဲ့သို့ဖြစ်ပြီး မည်သူမျှ ၎င်းတို့နှင့် သဟဇတမဖြစ်နိုင်ပေ။ ဤသို့ဖြစ်သော်ငြားလည်း၊ ၎င်းတို့သည် စွန့်ခွာနိုင်စွမ်း မရှိကြသေးပေ။ ၎င်းတို့၏ စိတ်နှလုံးများထဲတွင်၊ အမှုအရာတို့သည် ဖော်မပြနိုင်လောက်အောင် ခက်ခဲပြီး၊ ၎င်းတို့ စိတ်နှလုံးများထဲ၌ ပြောမထွက်နိုင်အောင်ဆိုးရွားသော ဒုက္ခဝေဒနာရှိနေသော်လည်း ၎င်းတို့၏ နှုတ်များကို ဖွင့်မဟနိုင်သကဲ့သို့ဖြစ်ကာ မိန်းမောခြင်း၌ တစ်နေ့လုံး အချိန်ကုန်လွန်စေရင်း ဘုရားသခင်ကို မခံစားနိုင်ကြပေ။ ယင်းမှာ ၎င်းတို့သည် ပျော်မွေ့မှုမရှိသော်ငြား အသင်းတော်ကို မစွန့်ခွာဝံ့စေဖို့အလို့ငှာ ဤသို့သော အခြေအနေများအောက်တွင် ဘုရားသခင်၏ စီမံအုပ်ချုပ်မှုအမိန့်များက ၎င်းတို့ကို ခြိမ်းခြောက်ခြင်းဖြစ်ပေသည်။ ဤသည်မှာ “အတွင်း၊ အပြင် တိုက်ခိုက်ခြင်း” ဟု ခေါ်သောအရာဖြစ်ပြီး လူတို့အတွက် သည်းခံဖို့ရာ အလွန်အမင်း ခက်ခဲသောအရာဖြစ်သည်။ ဤနေရာ၌ ပြောခဲ့ပြီးသောအရာသည် လူတို့၏ အယူအဆ များနှင့် ကွဲပြားသောအရာဖြစ်ပြီး ယင်းမှာ အဘယ့်ကြောင့်ဆိုသော် ထိုအခြေအနေများအောက်တွင် ၎င်းတို့သည် ဘုရားသခင်ကို ရှာဖွေဖို့ သိနေကြဆဲဖြစ်သောကြောင့် ဖြစ်သည်၊ ဤသည်မှာ ဘုရားသခင်က ၎င်းတို့ကို ကျောခိုင်း သောအချိန်တွင် ဖြစ်ပြီး၊ ပို၍အရေးကြီးသောအရာမှာ မယုံကြည်သူတစ်ဦးကဲ့သို့ပင် ၎င်းတို့သည် ဘုရားသခင်ကို လုံးဝခံစားနိုင်စွမ်း မရှိကြခြင်းဖြစ်၏။ ဘုရားသခင်သည် ထိုသို့သောလူကို တိုက်ရိုက်မကယ်တင်ပါ၊ ၎င်းတို့၏ ခါးသောခွက် အလွတ်ဖြစ်သွားသည့်အချိန်သည် ၎င်းတို့၏ နောက်ဆုံးသောနေ့ရက် ဆိုက်ရောက်ပြီဖြစ်သည့် အချိန်ဖြစ်သည်။ သို့သော် ဤအခိုက်အတန့်တွင်၊ ၎င်းတို့သည် အနည်းငယ်မျှ ပိုမိုပျော်မွေ့ရန် ဆန္ဒရှိရင်း ဘုရားသခင်၏အလိုတော်ကို ရှာဖွေဆဲဖြစ်သော်လည်း အထူးသီးသန့် အခြေအနေများမရှိလျှင် ဤအချိန်သည် အတိတ်နှင့် ကွဲပြားခြားနားပေသည်။

ဤအရာနောက်တွင်၊ ဘုရားသခင်သည် အပြုသဘောဆောင်သော ရှုထောင့်များကို အားလုံးထံ ရှင်းပြသည်၊ ထို့ကြောင့် ယခင်က အစေခံများ၌ အသက်မရှိဟု ဘုရားသခင် ဆိုခဲ့သော်လည်း ယနေ့တွင် ဘုရားသခင်သည် “အတွင်း၌ ပါရှိသော အသက်” နှင့်သက်ဆိုင်၍ ရုတ်တရက် ပြောဆိုသည့်အတွက် ၎င်းတို့သည် နောက်ထပ်တစ်ကြိမ် အသက်ကို ရရှိကြလေသည်။ အသက်အကြောင်း ပြောဆိုမှသာလျှင် လူတို့သည် ၎င်းတို့အတွင်း၌ ဘုရားသခင်၏ အသက် ရှိနိုင်သေးသည်ကို သိရှိကြသည်။ ဤနည်းအားဖြင့် ဘုရားသခင်ကို ချစ်သည့် ၎င်းတို့၏ ချစ်မေတ္တာသည် နှစ်တိုးများစွာဖြင့် တိုးပွားပြီး ဘုရားသခင့် ချစ်ခြင်းမေတ္တာနှင့် ကရုဏာတော်၏ ပိုမိုကြီးမားသော အသိပညာကို ၎င်းတို့ရရှိကြပေသည်။ ထို့ကြောင့် ဤနှုတ်ကပတ်တော်များကို ရှုမြင်ပြီးနောက်တွင်၊ လူအားလုံးသည် ၎င်းတို့၏ ယခင်အမှားများကို နောင်တရကြပြီး နောင်တမျက်ရည်များ တိတ်တဆိတ် စီးဆင်းကြလေသည်။ အများစုကလည်း ၎င်းတို့၏ စိတ်များ၌ ဘုရားသခင်ကို ကျေနပ်စေမည်ဟု တိတ်တဆိတ် စိတ်ပိုင်းဖြတ်ထားကြ၏။ တစ်ခါတစ်ရံတွင်၊ ဘုရားသခင်၏ နှုတ်ကပတ်တော်များသည် လူတို့၏အတွင်းပိုင်းအကျဆုံး စိတ်နှလုံးကို ထိုးဖောက်ပြီး လူတို့အတွက် လက်ခံရန်ခဲယဉ်းစေကာ ၎င်းတို့ကို အေးအေးချမ်းချမ်းနေဖို့ ခက်ခဲစေလေသည်။ တစ်ခါတစ်ရံ၊ ဘုရားသခင်၏ နှုတ်ကပတ်တော်များသည် စစ်မှန်ပြီး လေးနက်ကာ လူတို့၏ စိတ်နှလုံးများကို နွေးထွေးစေသည်၊ ယင်းမှာ ၎င်းတို့ကို လူတို့ ဖတ်ရှုပြီးနောက်တွင် သိုးသငယ်တစ်ကောင်က နှစ်များစွာ ပျောက်ဆုံးပြီးနောက် ၎င်း၏မိခင်ကို ပြန်တွေ့ရသည့် အချိန်ကဲ့သို့ ဖြစ်လေသည်။ ၎င်းတို့ မျက်လုံးများတွင် မျက်ရည်များ ပြည့်နေပြီး ၎င်းတို့ကို စိတ်ခံစားချက်များက လွှမ်းမိုးကာ ရှိုက်ငိုမှုများနှင့် ဖိစီးလျက် ဘုရားသခင်ကို ၎င်းတို့၏ သစ္စာရှိခြင်းအား ပြသဖို့ရန်အတွက် ၎င်းတို့၏ စိတ်နှလုံးများ၌ နှစ်များစွာ ရှိနေခဲ့သော ဖော်မပြနိုင်သည့် နာကျင်မှုဝေဒနာမှ လွတ်မြောက်ဖို့ရန်အတွက် ဘုရားသခင်၏ ထွေးပွေ့မှုထဲသို့ မိမိကိုယ်ကို ပစ်ဝင်ရန် လှုပ်ရွနေကြလေသည်။ လပေါင်းအချို့ စမ်းသပ်မှုခံရခြင်းကြောင့်၊ ၎င်းတို့သည် အနည်းငယ် စိတ်ထိခိုက်မှုလွန်ကဲနေကြပြီး ယခုလေးတင် စိတ်ဒဏ်ရာ ခံစားခဲ့ရသကဲ့သို့ဖြစ်ကာ နှစ်ပေါင်းများစွာ အိပ်ရာထက် လဲလျောင်းနေခဲ့ရသည့် လူမမာတစ်ဦးကဲ့သို့ဖြစ်ကြသည်။ ၎င်းတို့၏ ဘုရားသခင့် နှုတ်ကပတ်တော်ပေါ် ယုံကြည်ခြင်းကို ခိုင်မြဲစေရန် ဘုရားသခင်က အောက်ပါအတိုင်း အကြိမ်များစွာ အလေးပေးခဲ့သည်၊ “ငါ့အမှု၏ နောက်အဆင့်သည် ချောချာမွေ့မွေ့နှင့် အဆီးအတားမရှိ ရှေ့ဆက်နိုင်ရန်အလို့ငှာ၊ ငါ့နောက်သို့လိုက်သောသူတို့ကို စမ်းသပ်ရန် အလုပ်လုပ်ခြင်း နည်းစနစ်ကို အသုံးပြုရင်း ငါသည် ငါ့အိမ်၌ ရှိသောသူတို့ကို စမ်းသပ်ဖို့ရန် နှုတ်ကပတ်တော်၏ စစ်ဆေးခြင်းကို ငါအသုံးချသည်။” ဤနေရာတွင်၊ ဘုရားသခင်က “ငါ့အိမ်၌ ရှိသောသူတို့ကို စမ်းသပ်” ဟု ဆိုခဲ့သည်၊ ဤနှုတ်ကပတ်တော်များကို နီးကပ်စွာ ဖတ်ရှုမည်ဆိုလျှင် လူတို့သည် အစေခံသူများကဲ့သို့ ပြုမူသောအခါ ဘုရားသခင်၏ အိမ်တော်တွင်းရှိ လူများဖြစ်နေဆဲဖြစ်ကြောင်း ပြောနေပေသည်။ ထို့အပြင်၊ ဤနှုတ်ကပတ်တော်များက လူတို့ကို ၎င်းတို့၏ စိတ်နှလုံးများထဲ၌ အတိုင်းအတာတစ်ခုအထိ စိတ်သက်သာရာရစေရင်း “ဘုရားသခင်၏ လူများ” ဟူသောအမည်အပေါ် ဘုရားသခင်၏ မှန်ကန်မှုကို အလေးပေးထားပေသည်။ ထို့ကြောင့်၊ ၎င်းတို့သည် ဘုရားသခင်၏ နှုတ်ကပတ်တော်များကို ဖတ်ရှုပြီးချိန် သို့မဟုတ် “ဘုရားသခင်၏လူများ” သည် ထုတ်ဖော်ခံရဖို့ လိုအပ်နေသေးသည့်အချိန်တွင် အဘယ်ကြောင့် ဘုရားသခင်သည် လူတို့ထဲ၌ သရုပ်သကန်များစွာကို အဆက်မပြတ်ထောက်ပြခဲ့သနည်း။ ယင်းမှာ ဘုရားသခင်သည် လူ၏ စိတ်နှလုံးထဲသို့ နက်ရှိုင်းစွာ ကြည့်ရှုတတ်သည့် ဘုရားဖြစ်သည်ကို ဖော်ပြဖို့အတွက်သာ ဖြစ်သလော။ ဤသည်မှာ အကြောင်းပြချက်၏ အစိတ်အပိုင်းမျှသာဖြစ်ပြီး ဤနေရာတွင် ယင်းသည် ဒုတိယတန်းစားအရေးပါမှုသာဖြစ်သည်။ ဘုရားသခင်သည် လူအားလုံးတို့ကို လုံးလုံး ယုံကြည်လက်ခံစေရန် သို့မဟုတ် လူတိုင်း ဘုရားသခင်၏နှုတ်ကပတ်တော်များမှ ၎င်းတို့၏ ကိုယ်ပိုင်ချွတ်ယွင်းချက်များကို သိလာပြီး အသက်တာနှင့် ပတ်သက်၍ ၎င်းတို့၏ ယခင် ကိုယ်ပိုင် မပြည့်စုံခြင်းများကို သိလာဖို့ရန်အလို့ငှာဖြစ်ပြီး ပို၍ အရေးကြီးသည်မှာ နောက်လာမည့် အမှုတော်အဆင့်အဘို့ အခြေခံအုတ်မြစ်ကို ချရန်အလို့ငှာဖြစ်ပေသည်။ လူတို့သည် မိမိကိုယ်ကို သိရှိခြင်း အုတ်မြစ်ပေါ် အခြေပြုပြီး ဘုရားသခင်ကို သိရှိရန်နှင့် ဘုရားသခင်ကို အတုယူ ဆည်းပူးဖို့ရန် ကြိုးစား၍သာ ပြုနိုင်ကြပေသည်။ ဤနှုတ်ကပတ်တော်များကြောင့် လူတို့သည် အပျက်သဘောဆောင်ပြီး မတုန်မလှုပ် အဖြစ်မှ အပြုသဘောဆောင်ပြီး တက်ကြွသောအဖြစ်သို့ ပြောင်းလဲသွားကြပြီး ဤအရာက ဘုရားသခင့်အမှုတော်၏ ဒုတိယအဆင့်အတွက် အမြစ်များကို စိုက်ပျိုးပေးလေသည်။ ယင်းမှာ အခြေခံအုတ်မြစ်အဖြစ် အမှုတော်၏ ဤအဆင့်နှင့်အတူ၊ ဘုရားသခင့် အမှုတော်၏ ဒုတိယပိုင်းမှာ လွယ်ကူသောအရာ ဖြစ်လာပြီး အားထုတ်မှု အနည်းငယ်မျှသာ လိုအပ်သည်ဟု ပြောနိုင်သည် ။ ထို့ကြောင့် လူတို့သည် ၎င်းတို့ စိတ်နှလုံးများအတွင်းရှိ ဝမ်းနည်းမှုကို ထုတ်ပယ်ကာ အပြုသဘောဆောင်ပြီး တက်ကြွလာသောအခါ ဘုရားသခင်သည် မိမိလူတို့အပေါ် အခြားသတ်မှတ်ချက်များကို ပြဋ္ဌာန်း ရန်အတွက် ဤအခွင့်အရေးကို အများဆုံးအသုံးချလေသည်-“ငါ့နှုတ်ကပတ်တော်များကို မည်သည့်အချိန် သို့မဟုတ် မည်သည့်နေရာတွင်မဆို ထုတ်ပြန် ဖော်ပြထား၏။ ထို့ကြောင့် ငါ့ရှေ့မှောက်တွင် သင်တို့သည်လည်း အချိန်တိုင်း မိမိကိုယ်ကို သိသင့်ကြပေသည်။ အကြောင်းမှာ ယနေ့သည် စင်စစ်အားဖြင့် ယခင်ပေါ်ခဲ့သောအရာနှင့် မတူဘဲ သင်သည် သင်၏ဆန္ဒရှိသမျှကို ဖြစ်မြောက်အောင် နောက်ထပ် လုပ်ဆောင်နိုင်မည်မဟုတ်တော့။ ယင်းအစား သင်သည် ငါ့နှုတ်ကပတ်တော်၏ လမ်းညွှန်မှုအောက်၌ သင်၏ခန္ဓာကိုယ်အား ထိုး၍နှိပ်စက်ကာ ငါ၏နှုတ်ကပတ်တော်ကို အဓိကအထောက်အပံ့အဖြစ် အသုံးပြုရမည်ဖြစ်ပြီး မဆင်မခြင် ပြုမူရမည်မဟုတ်။” ဤအရာ၌၊ ဘုရားသခင်က “ငါ့နှုတ်ကပတ်တော်များ” ကို အဓိက အလေးပေးထား၏၊ အတိတ်ကာလတွင်လည်း၊ ဘုရားသခင်သည် “ငါ့နှုတ်ကပတ်တော်များ” ကို အကြိမ်ပေါင်းများစွာ ဖော်ညွှန်းခဲ့ပြီး၊ ထို့ကြောင့် လူအသီးသီးက ဤအရာကို အာရုံမစိုက်ဘဲ မနေနိုင်ကြပေ။ ထို့ကြောင့်၊ ဘုရားသခင့်အမှုတော် နောက်တစ်ဆင့်၏ ဗဟိုချက်ကို ညွှန်ပြထားပေသည်။ လူအားလုံးသည် ဘုရားသခင်၏နှုတ်ကပတ်တော်များကို အာရုံစိုက်ရမည်ဖြစ်ပြီး အခြားမည်သည့် ချစ်မြတ်နိုးသောအရာမျှ မရှိရ။ အားလုံးက ဘုရားသခင်၏နှုတ်တော်မှ မိန့်မြွက်သော စကားများကို ချစ်ခင်မြတ်နိုးရမည်ဖြစ်ပြီး ၎င်းတို့ကို ဆော့ကစားရမည်မဟုတ်၊ ထို့ကြောင့် လူတစ်ဦးက ဘုရားသခင်၏နှုတ်ကပတ်တော်ကို ဖတ်ရွတ်ပြီး လူများစွာက အာမင်ဟုဆိုကာ နာခံကြသောအခါတွင် ယခင် အသင်းတော်ထဲက အခြေအနေများ အဆုံးသတ်လိမ့်မည်ဖြစ်သည်။ ယင်းအချိန်တွင်၊ လူတို့သည် ဘုရားသခင်၏ နှုတ်ကပတ်တော်များကို သိကျွမ်းခြင်းမရှိခဲ့ကြသော်လည်း ၎င်းတို့ကိုယ်၎င်းတို့ ကာကွယ်ဖို့ရန် လက်နက်တစ်ခုအဖြစ် အသုံးပြုခဲ့ကြ၏။ ဤအရာကို ပြောင်းပြန်လှန်ဖို့ရန်အတွက်၊ ဘုရားသခင်သည် ကမ္ဘာမြေပေါ်တွင် လူနှင့်သက်ဆိုင်၍ သစ်လွင်ပြီး ပိုမိုမြင့်မားသည့် အသစ်သော တောင်းဆိုချက်များကို ပြုလုပ်လေသည်။ ဘုရားသခင်၏ မြင့်မားသော စံချိန်စံညွှန်းများနှင့် တင်းကြပ်သော သတ်မှတ်ချက်များကို မြင်တွေ့ပြီးနောက် အပျက်သဘောဆောင်ပြီး မတုန်မလှုပ်ဖြစ်ခြင်းမှ လူတို့ကို တားဆီးဖို့ရန်အတွက် ဘုရားသခင်က၊ “အမှုအရာတို့သည် ယနေ့ထိ ဖြစ်လာကြပြီဖြစ်သည့်အတွက်၊ အတိတ်က သင်၏ လုပ်ဆောင်ချက်များနှင့် လုပ်ရပ်များအတွက် သင်သည် အလွန်အမင်း နာကျင်ထိခိုက်ကာ ဝမ်းပန်းတနည်း ခံစားဖို့ရန် မလိုအပ်။ ငါ၏ သဘောထားကြီးခြင်းသည် ပင်လယ်နှင့် မိုးကောင်းကင်ကဲ့သို့ အကန့်အသတ်မဲ့ဖြစ်ပြီး လူ၏ လုပ်ရပ်များနှင့် ငါ့အား သိရှိမှုအတိုင်းအတာကို ငါသည် ငါ၏လက်ဖမိုးကဲ့သို့ အကျွမ်းဝင်ခြင်းမရှိသည်များ ဖြစ်နိုင်သလော” ဟုဆိုရင်း အကြိမ်ပေါင်းများစွာ လူတို့ကို အားပေးခဲ့သည်။ ဘုရားသခင်သည် လူတို့၏ စိတ်နှလုံးများအတွင်းရှိ အားနည်းချက်များကို ဖမ်းကိုင်ခြင်းအားဖြင့် မိန့်ကြားတော်မူသောကြောင့်၊ ဤလေးနက်ပြီး စစ်မှန်သော နှုတ်ကပတ်တော်များက၊ လူတို့၏ စိတ်များကို ဖွင့်ဟပေးပြီး ၎င်းတို့ကို စိတ်ပျက်ခြင်းမှ ဘုရားသခင်အတွက် ချစ်ခြင်းမေတ္တာရှိခြင်း၊ အပြုသဘောဆောင်ပြီး တက်ကြွသောအဖြစ်သို့ ၎င်းတို့ကို ချက်ချင်း ခေါ်ဆောင်သွားလေသည်။ ယင်းကို သတိပြုမိခြင်းမရှိဘဲ၊ လူတို့သည် ၎င်းတို့၏ အတိတ်က လုပ်ရပ်များကြောင့် ဘုရားသခင်၏ရှေ့မှောက်တွင် ရှက်ကြောက်ခြင်းကို အမြဲခံစားကြရပြီး နောင်တကို အဖန်ဖန် ဖော်ပြကြလေသည်။ ထို့ကြောင့် လူတို့က ဘုရားသခင်၏နှုတ်ကပတ်တော်များကို မာကျောပြီး အသက်မဲ့သည်ဟု မခံစားဘဲ ခက်ထန်ပြီး နူးညံ့ကာ ရှင်းလင်းပြတ်သားပြီး အသက်ပါသည်ဟု ခံစားစေရန်အလို့ငှာ ဘုရားသခင်သည် ဤနှုတ်ကပတ်တော်များကို အထူးသဖြင့် သဘာဝကျကျနှင့် ပုံမှန် ထုတ်ဖော်ပြသပေသည်။

ဖန်ဆင်းခြင်းမှ ယနေ့အချိန်ထိ၊ ဘုရားသခင်သည် လူသားအတွက် အရာခပ်သိမ်းကို ဝိညာဉ်လောကမှ တိတ်တဆိတ် စီစဉ်ပေးခဲ့ပြီး လူသားထံ ဝိညာဉ်ရေးရာလောက၏အမှန်တရားကို ဘယ်သောအခါမျှ ဖော်မပြခဲ့ပေ။ သို့သော်၊ ယနေ့တွင် ဘုရားသခင်သည် ယင်းအတွင်းရှိ ဖြစ်ပွားနေသော စစ်ပွဲကို ရုတ်တရက် အကြမ်းဖျင်းဖော်ပြပြီး၊ ယင်းက လူတို့အား ၎င်းတို့၏ ဦးခေါင်းများကို အလိုလို ကုတ်စေကာ ဘုရားသခင်သည် လေးနက်ပြီး နားလည်ရခက်သည်ဟူသော ၎င်းတို့၏ အသိကို တိုးပွားစေပြီး ၎င်းတို့အတွက် ဘုရားသခင့် နှုတ်ကပတ်တော်များ၏ အရင်းအမြစ်ကို ရှာတွေ့ဖို့ ပို၍ပင် ခက်ခဲစေလေသည်။ ဝိညာဉ်လောက၏ စစ်ပွဲဖြစ်နေသော အခြေအနေက လူအားလုံးကို ဝိညာဉ်ထဲသို့ ခေါ်ဆောင်သည်ဟု ဆိုနိုင်ပေသည်။ ဤသည်မှာ အနာဂတ် အမှုတော်၏ ပထမဦးဆုံး အရေးကြီးသည့် အစိတ်အပိုင်းဖြစ်ပြီး၊ ယင်းအားဖြင့် ဝိညာဉ်ရေးရာလောကသို့ လူများဝင်နိုင်သည့် သဲလွန်စဖြစ်သည်။ ဘုရားသခင့်အမှုတော်၏ နောက်အဆင့်က ဝိညာဉ်ကို အဓိကပစ်မှတ်ထားကြောင်း ဤအရာမှ တွေ့မြင်နိုင်ပြီး၊ ယင်း၏ အဓိကရည်မှန်းချက်မှာ ဇာတိပကတိအတွင်းရှိ ဘုရားသခင့်ဝိညာဉ်တော်၏ အံ့ဖွယ်လုပ်ဆောင်မှုများနှင့် သက်ဆိုင်သည့် သာ၍ကြီးမြတ်သောအသိပညာကို လူအားလုံးအား ပေးရန်ဖြစ်ပြီး၊ ဤအကြောင်းကြောင့် ဘုရားသခင်ကို သစ္စာရှိသူအားလုံးကို စာတန်၏မိုက်မဲမှုနှင့် သဘောသဘာဝနှင့်ပတ်သက်၍ ပို၍ကြီးမြတ်သောအသိပညာကို ပေးရန်ဖြစ်သည်။ ၎င်းတို့သည် ဝိညာဉ်ရေးရာလောကထဲ၌ မမွေးဖွားခဲ့သော်လည်း၊ စာတန်ကို ရှုမြင်ရသကဲ့သို့ ၎င်းတို့ ခံစားရပြီး၊ ၎င်းတို့ ဤခံစားချက်ရှိသည်နှင့်တစ်ပြိုင်နက်၊ ဘုရားသခင်သည် အခြားနည်းလမ်းများမှ ချက်ချင်းပင် ပြောင်းလဲစကားပြောပြီး၊ လူတို့သည် ဤစဉ်းစားတွေးခေါ်မှုလမ်းစဉ်ကို ရရှိသည်နှင့်တစ်ပြိုင်နက် ဘုရားသခင်က၊ “ငါသည် အဘယ်ကြောင့် သင်တို့ကို ထိုသို့ အရေးတကြီး လေ့ကျင့်ပေးနေသနည်း။ ဝိညာဉ်ရေးရာလောက၏ အချက်အလက်များကို သင်တို့အား အဘယ်ကြောင့် ငါပြောသနည်း။ အဘယ်ကြောင့် ငါသည် သင်တို့ကို အထပ်ထပ်အခါခါ သတိပေးပြီး တိုက်တွန်းသနည်း” ဟု မေးလသည်။ ဆက်လက်၍ လူတို့၏ ဦးနှောက်များတွင် မေးခွန်းပေါင်းများစွာ ထွက်ပေါ်စေသော မေးခွန်းတသီတတန်းများ အလုံးစုံဖြစ်သည့် - ဤအသံအနေအသံထားဖြင့် ဘုရားသခင် အဘယ်ကြောင့် စကားပြောသနည်း၊ အသင်းတော်ကို တည်ဆောင်ခြင်းကာလအတွင်းတွင် လူတို့ကို သူ၏တောင်းဆိုချက်များအကြောင်းမဟုတ်ဘဲ ဝိညာဉ်ရေးရာလောကအကြောင်းကိစ္စများကို သူအဘယ်ကြောင့် ပြောဆိုသနည်း။ အဘယ်ကြောင့် ဘုရားသခင်သည် နက်နဲသောအရာများကို ထုတ်ဖော်ပြောဆိုခြင်းအားဖြင့် လူတို့၏ အယူအဆများကို မထိုးနှက်ဘဲ နေရသနည်း။ ရိုးရှင်းစွာ အနည်းငယ်ပို၍ အတွေးနယ်ချဲ့ခြင်းအားဖြင့်၊ ဘုရားသခင့်အမှုတော် အဆင့်များ၏ အသိပညာအနည်းငယ်ကို လူတို့ဆည်းပူးကြလေသည်၊ ဤအကြောင်းကြောင့် အနာဂတ်တွင် စုံစမ်းခြင်းများနှင့် ၎င်းတို့ကြုံတွေ့ရသောအခါ ၎င်းတို့ထဲတွင် စာတန်ကို ရွံ့မုန်းခြင်း၏ စစ်မှန်သော အသိတစ်ခု မွေးဖွားလာသည်။ ထို့အပြင် အနာဂတ်တွင် စမ်းသပ်မှုများနှင့် ၎င်းတို့ ကြုံတွေ့ရသောအခါတွင်ပင်လျှင် ဘုရားသခင်ကို ၎င်းတို့ သိနိုင်ကြဆဲဖြစ်ပြီး စာတန်ကို သာ၍ နက်ရှိုင်းစွာ ရွံ့ရှာမုန်းတီးတတ်ကြပြီး ထို့ကြောင့် စာတန်ကို ကျိန်ဆဲကြလေသည်။

အဆုံးတွင် လူသားထံ ဘုရားသခင်၏အလိုတော်ကို လုံးဝ ထုတ်ဖော်ပြသခြင်းဖြစ်သည် - “ငါ၏ နှုတ်ကပတ်တော်တစ်ခုစီတိုင်းအား သင်တို့၏ စိတ်ဝိညာဉ်များအတွင်း၌ အမြစ်တွယ်စေကာ ဖူးပွင့်လာစေဖို့အခွင့်ပေးရင်း ယနေ့ နှုတ်ကပတ်တော်များ၏ လမ်းညွှန်မှုအောက်တွင် သင်တို့အတွင်းရှိ မစင်ကြယ်မှုများကို ထုတ်ပစ်ရန်နှင့်၊ ထို့ထက် ပိုအရေးကြီးသည်မှာ ပိုမိုအသီးသီးဖို့ရန် လိုအပ်ပေသည်။ ယင်းမှာ ငါတောင်းဆိုသောအရာသည် တောက်ပပြီး စိမ်းလန်းစိုပြေသည့် ပန်းများမဟုတ်ဘဲ အလျှံပယ် အသီး၊ ထို့ထက်ပို၍၊ ပုပ်မသွားသော အသီးဖြစ်သောကြောင့် ဖြစ်သည်”။ သူ၏လူတို့အား ဘုရားသခင်၏ ထပ်ခါသလဲလဲ တောင်းဆိုမှုများအနက်၊ အားလုံးတွင် ဤသည်မှာ အပြည့်စုံဆုံးသောအရာဖြစ်ပြီး၊ အလယ်ဗဟို အချက်ဖြစ်ကာ လွယ်ကူရှင်းလင်းသော ပုံစံဖြင့် တင်ပြပေးထားသောအရာ ဖြစ်သည်။ ငါသည် လူ့သဘာဝထဲ၌ အလုပ်လုပ်ခြင်းမှ အပြည့်အဝ ဘုရားသဘောသဘာဝထဲ၌ အလုပ်လုပ်ခြင်းသို့ ကူးပြောင်းခဲ့ပြီဖြစ်သည်၊ ထို့ကြောင့် အတိတ်တွင် ငါ၏ ရိုးစင်းသော ပြောစကားများထဲ၌ မည်သည့် ထပ်မံဖြေရှင်းချက်မျှ ဖြည့်စွက်ရန်မလိုအပ်ခဲ့သလို လူအများစုက ငါ့နှုတ်ကပတ်တော်များ၏ အဓိပ္ပာယ်ကို နားလည်သဘောပေါက်နိုင်ခဲ့ကြ၏။ ရလဒ်မှာ ယခင်အချိန်က သတ်မှတ်ထားသည့်အရာအားလုံးမှာ လူတို့အနေဖြင့် ငါ၏နှုတ်ကပတ်တော်ကို သိရှိရန်ဖြစ်ပြီး စစ်မှန်မှုကို ပြောဆိုနိုင်စွမ်းရှိရန်ဖြစ်သည်။ သို့သော်၊ ဤအဆင့်သည် အလွန်အမင်း ကွဲပြားခြားနား၏။ ငါ၏ဘုရားသဘောသဘာဝက လုံးဝလွဲပြောင်းယူခဲ့ပြီဖြစ်ပြီး လူ့သဘာဝကို ပါဝင်လုပ်ဆောင်ဖို့ရန် နေရာမပေးတော့ပါ။ ထို့ကြောင့် ငါ၏လူတို့အလယ်မှ လူများအနေဖြင့် ငါ၏နှုတ်ကပတ်တော်များ၏ စစ်မှန်သောအဓိပ္ပာယ်ကို နားလည်ရန် ဆန္ဒရှိလျှင်၊ ၎င်းတို့သည် အဆုံးစွန်သော အခက်အခဲရှိကြလေသည်။ ငါ၏ မိန့်မြွက်ခြင်းများမှတစ်ဆင့်သာ၊ ၎င်းတို့သည် ဉာဏ်ပွင့်ခြင်းနှင့် အလင်းပေးခြင်းကို ရရှိနိုင်ကြပြီး၊ ဤလမ်းကြောင်းမှတစ်ဆင့် မဟုတ်လျှင်၊ ငါ့နှုတ်ကပတ်တော်များ၏ ရည်ရွယ်ချက်ကို နားလည်သဘောပေါက် သည့် မည်သည့်အတွေးအခေါ်များမဆိုသည် အချည်းနှီး စိတ်ကူးယဉ်မှု များ ဖြစ်ကြ၏။ လူအားလုံးသည် ငါ၏မိန့်မြွက်ချက်များကို လက်ခံပြီးနောက် ငါနှင့်သက်ဆိုင်သော သာ၍ကြီးမြတ်သည့် အသိပညာကို ရှိကြသောအချိန်သည် ငါ၏လူမျိုးက ငါ့ကို ထုတ်ဖော်အသက်ရှင်သောအချိန်ဖြစ်၏၊ ယင်းမှာ ဇာတိခန္ဓာ၌ ငါ၏အမှု ပြီးစုံသောအချိန်ဖြစ်ပြီး၊ ငါ၏ ဘုရားသဘောသဘာဝသည် ဇာတိခန္ဓာ၌ အလုံးစုံ အသက်ရှင်နေထိုင်သောအချိန် ဖြစ်သည်။ ဤအခိုက်အတန့်တွင်၊ လူအားလုံးသည် ဇာတိခန္ဓာထဲရှိ ငါ့ကိုသိရန် ကြိုးစားကြမည်ဖြစ်ပြီး လူ့ဇာတိ၌ ဘုရားသခင်ပေါ်ထွန်းသည်ဟု အမှန်စင်စစ်ပြောနိုင်ကြမည်ဖြစ်ကာ ဤသည်မှာ အသီးအပွင့် ဖြစ်ပေလိမ့်မည်။ ဤသည်မှာ ဘုရားသခင်က အသင်းတော်တည်ဆောက်ခြင်းကို ငြီးငွေ့လာခဲ့ပြီဆိုသည့် နောက်ထပ် သက်သေအထောက်အထားဖြစ်ပြီး ယင်းမှာ - “ဖန်လုံအိမ်အတွင်းရှိ ပန်းတို့သည် ကြယ်များကဲ့သို့ မရေမတွက်နိုင်အောင်များပြားပြီး ကမ္ဘာလှည့်ခရီးသည် များအားလုံးကို ဆွဲဆောင်ကြသော်လည်း ၎င်းတို့ ညှိုးနွမ်းသည်နှင့် တစ်ပြိုင်နက် လှည့်ဖြားတတ်သော စာတန်၏ အကြံအစည်များကဲ့သို့ စုတ်ဖွာလာကြပြီး ၎င်းတို့ကို အဘယ်သူမျှ စိတ်ဝင်စားခြင်း မရှိကြချေ” ဟူ၍ ဖြစ်သည်။ ဘုရားသခင်သည် အသင်းတော် တည်ဆောက်ခြင်းကာလအတွင်း ကိုယ်တိုင်ကိုယ်ကျ အလုပ်လုပ်ခဲ့သော်လည်း၊ သူသည် အမြဲသစ်လွင်ပြီး ဘယ်သောအခါမျှ မဟောင်း သောဘုရားသခင်ဖြစ်သောကြောင့်၊ အတိတ်၏ ကိစ္စရပ်များအတွက် တသလွမ်းဆွတ်မှုမရှိပေ။ အတိတ်ကို လူတို့ ပြန်လည်တွေးတောခြင်းအား တားဆီးရန်၊ သူသည် “စာတန်၏ အကြံအစည်များကဲ့သို့ စုတ်ဖွာလာကြပြီး” ဟူသော စကားလုံးများကို အသုံးပြုခဲ့သည်၊ ယင်းက ဘုရားသခင်သည် အယူဝါဒကို လိုက်နာခြင်းမရှိကြောင်း ပြသသည်။ လူအချို့က ဘုရားသခင်၏အလိုတော်ကို လွဲမှားစွာ အဓိပ္ပာယ်ကောက်ကြပြီး၊ ဘုရားသခင်ကိုယ်တော်တိုင် လုပ်ဆောင်ပြီးမြောက်သောအရာဖြစ်သည့်အတွက် “၎င်းတို့ ညှိုးနွမ်းသည်နှင့် တစ်ပြိုင်နက်၊ ၎င်းတို့ကို အဘယ်သူမျှ စိတ်ဝင်စားခြင်း မရှိကြချေ” ဟု ဘုရားသခင်က အဘယ်ကြောင့် ဆိုသနည်းဟူ၍ မေးကောင်းမေးနိုင်ပေသည်။ ဤနှုတ်ကပတ်တော်များက လူတို့ကို ထုတ်ဖော်ချက်တစ်ခု ပေး၏။ အရေးကြီးဆုံးသောအရာမှာ ၎င်းတို့က လူတို့အား သစ်လွင်ပြီး မှန်ကန်သည့် စတင်ရာအမှတ်တစ်ခုကို ရရှိဖို့ အခွင့်ပေးခြင်းဖြစ်ပြီး၊ ထို့နောက်မှသာ ဘုရားသခင်၏အလိုတော်ကို ၎င်းတို့ ကျေနပ်စေနိုင်ကြမည်ဖြစ်သည်။ နောက်ဆုံးတွင်၊ ဘုရားသခင်၏ လူတို့သည် အတင်းအကျပ်လုပ်သောအရာမဟုတ်ဘဲ စစ်မှန်ပြီး ၎င်းတို့၏ စိတ်နှလုံးများမှလာသော ချီးမွမ်းမှုကို ဘုရားသခင်အား ပေးနိုင်ကြလိမ့်မည်။ ဤသည်မှာ ဘုရားသခင်၏ နှစ် ၆၀၀၀ စီမံခန့်ခွဲမှုအစီအစဉ်၏ နှလုံးသည်းခြာနေရာ၌ရှိသော အရာဖြစ်သည်။ ဆိုလိုသည်က၊ ထိုအရာမှာ မရေရာသောဘုရားကို ၎င်းတို့ ငြင်းပယ်ပြီး၊ ယနေ့နှင့် သက်ဆိုင်သူဖြစ်သကဲ့သို့ မနေ့နှင့် သက်ဆိုင်သူလည်းဖြစ်ပြီး၊ ထို့ထက်ပို၍ မနက်ဖြန်နှင့် ဆိုင်သောသူ၊ ထာဝရကာလမှ ထာဝရကာလတိုင် အမှန်တကယ် တည်ရှိသော ဘုရားသခင်ကို သိကြစေဘို့အလို့ငှာ၊ ဘုရားသခင့် လူ့ဇာတိခံယူခြင်း၏ အရေးပါမှုကို လူအားလုံးအား သိခွင့်ပေးခြင်း၊ ဇာတိပကတိ၌ ဘုရားသခင်၏ လုပ်ဆောင်ချက်များဟု ဆိုရမည်ဖြစ်သည့် ဘုရားသခင် လူ့ဇာတိခံယူသည်ကို ၎င်းတို့အား လက်တွေ့ကျကျ သိရှိစေခြင်းတည်းဟူသော ဤဘုရားသခင်၏ နှစ် ၆၀၀၀ စီမံခန့်ခွဲမှုအစီအစဉ် ပုံပေါ်လာခြင်းဖြစ်ပေသည်။ ထို့နောက်တွင်မှ၊ ချမ်းသာထဲသို့ ဘုရာသခင် ဝင်ရောက်ပေလိမ့်မည်။

ယခင်က:လေးဆယ့်ခုနှစ်ခုမြောက် မိန့်မြွက်ချက်

နောက်တစ်ခုသို့:ငါးခုမြောက်သော မိန့်မြွက်ချက်အား ရှင်းလင်းချက်

သင်နှစ်သက်နိုင်သည့် အရာများ