အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၁၃

ဘုရားသခင်သည် အဆင်းနီသောနဂါးကြီးမှ ဆင်းသက်လာသူအားလုံးကို မုန်းတီး၍ သူသည် အဆင်းနီသော နဂါးကြီးကို သာ၍မုန်းတီး၏။ ဤသည်မှာ ဘုရားသခင်၏နှလုံးသားအတွင်းမှ အမျက်ဒေါသ၏ အရင်းမြစ်ဖြစ်သည်။ ဘုရားသခင်သည် အဆင်းနီသောနဂါးကြီးနှင့်သက်ဆိုင်သည့်အရာခပ်သိမ်းကို လုံးလုံးလျားလျား မီးရှို့ဖျက်ဆီးရန် ကန့်နှင့်ရောနှောသော မီးအိုင်အတွင်းသို့ လွှင့်ပစ်လိုက်ချင်ပုံရသည်။ ဘုရားသခင်သည် သူ၏လက်ကိုဆန့်၍ သူကိုယ်တိုင် ချေမှုန်းချင်ပုံရသည့်အချိန်များပင် ရှိ၏- ထိုအရာသည်သာ သူ၏နှလုံးသားရှိ အမုန်းတရားကို ဖျောက်ဖျက်နိုင်မည်ဖြစ်သည်။ အဆင်းနီသောနဂါးကြီး၏ အိမ်တွင်ရှိသူ တစ်ဦးစီတိုင်းသည် လူ့သဘောသဘာဝ ကင်းမဲ့နေသော သားရဲကြီးဖြစ်၍ ဤသည်ကြောင့် ဘုရားသခင်သည် “ငါ၏လူတို့အားလုံးအကြားနှင့် ငါ၏သားအားလုံးအကြား၊ ဆိုလိုသည်မှာ၊ လူသားမျိုးနွယ်တစ်ရပ်လုံးမှ ငါရွေးချယ်ခဲ့ပြီးသူများအကြား၊ သင်သည် အနိမ့်ဆုံးအုပ်စုတွင် ပါဝင်၏” ဟုပြောရန် သူ၏ဒေါသကို ခိုင်မာစွာ ဖိနှိမ်ထားခြင်းဖြစ်သည်။ ဘုရားသခင်သည် အဆင်းနီသောနဂါးကြီးနှင့် ၎င်းကိုယ်တိုင်၏နိုင်ငံတွင် အဆုံးအဖြတ်ပေးသော တိုက်ပွဲကို စတင်ခဲ့ပြီးဖြစ်ကာ သူ၏အစီအစဉ်အကောင်အထည်ပေါ်သည့်အခါ သူသည် ၎င်းကို လူသားမျိုးနွယ်အား ဖျက်ဆီးခွင့် သို့မဟုတ် ၎င်းတို့၏ဝိညာဉ်တို့အား ဖျက်ဆီးခွင့်မပြုတော့ဘဲ ၎င်းအား ဖျက်ဆီးလိမ့်မည်။ ဘုရားသခင်သည် အိပ်ပျော်လျက်ရှိသည့် သူ၏လူတို့အားကယ်တင်ရန် ၎င်းတို့အား အော်မခေါ်သည့်နေ့ဟူ၍ မရှိပေ။ သို့သော် ၎င်းတို့အားလုံးသည် အိပ်ဆေးလုံးများ သောက်ထားခဲ့သည့်အလား လေးကန်နှေးကွေးသော အနေအထားတွင် ရှိနေကြ၏။ သူသည် ၎င်းတို့အား ခဏတာမျှပင် မနှိုးပါက ၎င်းတို့သည် မည်သည်ကိုမျှ မသိကြဘဲ ၎င်းတို့၏ အိပ်ပျော်သည့်အနေအထားသို့ ပြန်သွားကြ၏။ သူ၏လူအားလုံးတို့သည် သုံးပုံနှစ်ပုံ အကြောသေနေပုံရကြ၏။ ၎င်းတို့ကိုယ်တိုင်၏လိုအပ်ချက်များ သို့မဟုတ် ၎င်းတို့ကိုယ်တိုင်၏ချို့တဲ့မှုများ၊ သို့မဟုတ် မည်သည့်အရာကို ဝတ်ဆင်ရမည် သို့မဟုတ် မည်သည့်အရာကို စားရမည်ကိုပင် မသိကြပေ။ ဤသည်မှာ အဆင်းနီသောနဂါးကြီးသည် လူတို့အားဖျက်ဆီးရန် ကြီးမားသော အားစိုက်မှုကို ပြုလုပ်ခဲ့ပြီးကြောင်း ပြ၏။ ၎င်း၏ အကျည်းတန်မှုသည် တရုတ်နိုင်ငံ၏ ဒေသတိုင်းအထိ ရောက်ရှိ၏။ ၎င်းသည် လူတို့အား စိတ်ပင်တိုစေလျက် ဤအကျင့်ပျက်၍ ရိုင်းပျသောနိုင်ငံတွင် နေလိုစိတ်မရှိရန်ပင် ပြုလုပ်ခဲ့၏။ ဘုရားသခင် အမုန်းတီးဆုံးအရာမှာ အဆင်းနီသောနဂါးကြီး၏ အနှစ်သာရဖြစ်၍ ဤသည်ကြောင့် သူသည် လူတို့အား သူ၏အမျက်ဒေါသကို နေ့စဉ် သတိပေး၍ လူတို့သည် သူ၏အမျက်ဒေါသမျက်လုံးအောက်တွင် နေ့စဉ်နေကြရ၏။ သို့ပေငြားလည်း လူအများစုသည် ဘုရားသခင်ကို ရှာဖွေရန် မသိသေးဘဲ ထိုင်နေ၍ ခွံ့ကျွေးခံရရန် စောင့်၍သာနေကြ၏။ သေလုနီးပါး ငတ်မွတ်နေသော်လည်း ၎င်းတို့သည် မိမိတို့ကိုယ်တိုင်၏အစာကို သွားရှာရန် လိုလိုလားလား ရှိမည်မဟုတ်ပေ။ လူတို့၏အသိစိတ်များသည် ရှေးမဆွကပင် စာတန်၏ဖျက်ဆီးခြင်းကို ခံရ၍ စိမ်းကားသည့်နှလုံးများရှိသွားရန် အနှစ်သာရအားဖြင့် ပြောင်းလဲခံခဲ့ရသည်။ ဘုရားသခင်မှ “ငါသည် သင့်အား လှုံ့ဆော်ခဲ့ခြင်းမရှိပါက သင်သည် နိုးကြားခဲ့ခြင်း ရှိဦးမည်မဟုတ်ဘဲ အေးခဲနေသောအနေအထားတွင်ကဲ့သို့ ရှိနေခဲ့မည်ဖြစ်၍ ဆောင်းခိုနေသည့် အနေအထားတွင်ကဲ့သို့ ထပ်မံရှိနေဦးမည်” ဟုပြောသည်မှာ အံ့သြဖွယ်ရာမဟုတ်ပေ။ ဤသည်မှာ လူတို့သည် ဆောင်းရာသီကို ကျော်လွန်ရန် ဆောင်းခိုနေသော တိရစ္ဆာန်များကဲ့သို့ ဖြစ်၍ စားရန် သို့မဟုတ် သောက်ရန် မတောင်းဆိုကြပေ။ ဤသည်မှာ ဘုရားသခင်၏လူတို့၏ လက်ရှိအခြေအနေ အတိအကျပင် ဖြစ်၏။ ထို့ကြောင့်ပင် ဘုရားသခင်သည် လူတို့အား အလင်းရှိ လူ့ဇာတိခံဘုရားသခင်ကိုယ်တိုင်ကိုသာ သိရန် သတ်မှတ်ထားခြင်းဖြစ်၏။ သူသည် လူတို့အား များစွာ ပြောင်းလဲရန် သို့မဟုတ် ၎င်းတို့၏ဘဝတွင် ကြီးမားသော ကြီးထွားမှုများဖြစ်ရန် သတ်မှတ်ချက် မရှိပေ။ ၎င်းသည် ညစ်ပတ်ပေရေသော အဆင်းနီသောနဂါးကြီးကို ရှုံးနိမ့်စေ၍ ဘုရားသခင်၏ ကြီးမားသော တန်ခိုးကို သာ၍ ထင်ရှားစေလောက်သည်။

လူတို့သည် ဘုရားသခင်၏နှုတ်ကပတ်တော်တို့ကို ဖတ်သောအခါ ၎င်းတို့သည် တိုက်ရိုက်အနက်အဓိပ္ပာယ်ကိုသာ နားလည်နိုင်ကြကာ ၎င်းတို့၏ ဝိညာဉ်ပိုင်းဆိုင်ရာ အဓိပ္ပာယ်ကိုမူ နားလည်နိုင်စွမ်းမရှိပေ။ “တလိပ်လိပ်ထနေသောလှိုင်းများ” ဟူသည့်စကားလုံးများသည် သူရဲကောင်းတိုင်းကို အကြံအိုက်စေခဲ့သည်။ ဘုရားသခင်၏အမျက်ဒေါသကို ပြသသည့်အခါ သူ၏နှုတ်ကပတ်တော်များ၊ သူ၏ လုပ်ဆောင်ချက်များနှင့် သူ၏ စိတ်နေသဘောထားတို့သည် တလိပ်လိပ်ထနေသော လှိုင်းများပင် မဟုတ်လော။ ဘုရားသခင်သည် လူသားမျိုးနွယ်အပေါ် တရားစီရင်သည့်အခါ ဤသည်မှာ သူ၏အမျက်ဒေါသကို ဖော်ထုတ်ပြသနေခြင်း မဟုတ်လော။ ဤသည်မှာ တလိပ်လိပ်ထနေသော ထိုလှိုင်းများ စတင်သက်ရောက်မှုရှိသည့် အချိန်ပင် မဟုတ်လော။ လူသား၏ပျက်စီးခြင်းကြောင့် တလိပ်လိပ်ထနေသော လှိုင်းများအလယ်၌ နေထိုင်ခြင်းမရှိသူသည် အဘယ်သူနည်း။ ဆိုလိုသည်မှာ ဘုရားသခင်၏ အမျက်ဒေါသအလယ်၌ နေထိုင်မှုမပြုသူမှာ အဘယ်သူနည်း။ ဘုရားသခင်သည် လူသားမျိုးနွယ်အပေါ် ကပ်ဘေးချမှတ်ပေးလိုသည့်အခါ လူတို့တွေ့သည့်အရာမှာ “လူးလွန့်နေသော တိမ်နက်များ” ပင် မဟုတ်လော။ လူသားအကြား ကပ်ဘေးမှ ထွက်ပြေးခြင်းမပြုသူ မည်သူရှိသနည်း။ ဘုရားသခင်၏ အမျက်ဒေါသသည် လူသားတို့အပေါ် သည်းထန်သောမိုးကဲ့သို့ သွန်းလောင်းချ၍ လေပြင်းကဲ့သို့ ဟိုဟိုသည်ဟည် တိုက်ခတ်၏။ လူတို့အားလုံးသည် ဝေ့လည်နေသော နှင်းမုန်တိုင်းနှင့် ကြုံတွေ့ခဲ့ရသည့်အလား ဘုရားသခင်၏ နှုတ်ကပတ်တော်အားဖြင့် သန့်စင်ခြင်းခံရ၏။ လူသားမျိုးနွယ်အတွက် နားမလည်နိုင်ဆုံးသောအရာမှာ ဘုရားသခင်၏ နှုတ်ကပတ်တော်များဖြစ်၏။ သူ၏နှုတ်ကပတ်တော်အားဖြင့် သူသည် လောကကိုဖန်ဆင်းခဲ့ကာ၊ သူ၏နှုတ်ကပတ်တော်အားဖြင့်လည်း သူသည် လူသားမျိုးနွယ်အားလုံးကို လမ်းပြကာ သန့်စင်၏။ အဆုံးတွင် သူသည် သူ၏နှုတ်ကပတ်တော်များအားဖြင့် စကြဝဠာတစ်ခုလုံးအား ပြန်လည်သန့်စင်စေမည်။ ဘုရားသခင်၏ဝိညာဉ်တော် တည်ရှိခြင်းသည် အနှစ်သာရ ကင်းမဲ့နေသည် မဟုတ်ကြောင်းကို သူ့နှုတ်ကပတ်တော်များ၏ အစိတ်အပိုင်းတိုင်း၌ တွေ့နိုင်၏။ ဘုရားသခင်၏ နှုတ်ကပတ်တော်များတွင်သာ လူတို့သည် အသက်ရှင်ကျန်နည်း အနည်းငယ်ကို တွေ့နိုင်၏။ သူ၏နှုတ်ကပတ်တော်များတွင် အသက်အတွက် ထောက်ပံ့မှုပါသဖြင့် လူတို့အားလုံးသည် သူ၏နှုတ်ကပတ်တော်များကို တန်ဖိုးထားနိုင်ကြ၏။ လူသားသည် သူ၏နှုတ်ကပတ်တော်များအပေါ် အာရုံစိုက်လေလေ၊ သူသည် လူသားကို ပြဿနာများ ပိုပေးလေလေ ဖြစ်မည်- ဤသည်မှာ ၎င်းတို့အား ဘာပြောရမှန်း လုံးဝ မသိတော့စေဘဲ တုံ့ပြန်ရန် အချိန် မရှိဖြစ်စေမည်။ သူ၏ကျန်ရှိနေသော နှုတ်ကပတ်တော်များကို မဆိုနှင့်၊ ဘုရားသခင်၏ ကြိမ်ဖန်တလဲ မေးခြင်းသည် လူတို့အား အကြောင်းအရာများကို အချိန်အတော်ကြာ စဉ်းစားစေလောက်၏။ ဘုရားသခင်၌ အရာခပ်သိမ်းသည် ပြည့်ဝလျက် ကြွယ်ဝကာ ချို့တဲ့နေသည့်အရာ တစ်ခုမျှမရှိပေ။ သို့ရာတွင် လူတို့သည် ဤသည်ကို အတော်အတန် မွေ့လျော်နိုင်စွမ်း မရှိပေ။ ၎င်းတို့သည် သူ၏နှုတ်ကပတ်တော်များကို အပေါ်ယံသာ သိကြ၏။ ၎င်းတို့သည် ကြက်၏အရေခွံကိုသာ မြင်နိုင်ပြီး ကြက်သားမစားနိုင်ကြသည့်အလား ဖြစ်၏။ ဤသည်မှာ လူတို့၏ကောင်းချီးမင်္ဂလာများသည် နည်းပါးလွန်းကာ ၎င်းတို့သည် ဘုရားသခင်အား အကယ်စင်စစ် မွေ့လျော်နိုင်ခြင်း မရှိကြောင်းကို ပြ၏။ လူတို့၏အတွေးအခေါ်များတွင် ၎င်းတို့တစ်ဦးစီသည် ၎င်းတို့၏နှလုံးသားများအတွင်း ဘုရားသခင်တစ်မျိုးကို စွဲကိုင်ထား၏။ ထို့ကြောင့် မရေရာသည့်ဘုရားသခင်မှာ မည်သို့ဟူသည်ကို သို့မဟုတ် စာတန်၏ ပုံရိပ်မှာ မည်သို့ဟူသည်ကို မည်သူမျှ မသိပေ။ ထို့ကြောင့် ဘုရားသခင်မှ “အဘယ်ကြောင့်ဆိုသော် သင်ယုံကြည်သည့်အရာမှာ စာတန်၏ ပုံရိပ်သာဖြစ်၍ ဘုရားသခင်ကိုယ်တိုင်နှင့် မည်သို့မျှ မသက်ဆိုင်ပေ” ဟုပြောသည့်အခါ လူတို့အားလုံးသည် နှစ်ပေါင်းများစွာ ယုံကြည်ခဲ့သည်ကို အံ့အားသင့်ကြ၏။ သို့သော် ၎င်းတို့ယုံကြည်ခဲ့သည်မှာ စာတန်ဖြစ်ကာ ဘုရားသခင်ကိုယ်တိုင် မဟုတ်သည်ကို မသိခဲ့ကြသေးပေ။ ၎င်းတို့သည် ရုတ်တရက် ဟာတာတာ ခံစားရသော်လည်း မည်သို့ပြောရမည်မှန်း မသိခဲ့ကြပေ။ ၎င်းအချိန်တွင် ၎င်းတို့သည် ထပ်မံ၍ ဇဝေဇဝါစတင်ဖြစ်ကြ၏။ ဤနည်းဖြင့် လုပ်ကိုင်ခြင်းဖြင့်သာ လူတို့သည် အသစ်သောအလင်းကို ပိုမိုကောင်းမွန်စွာ လက်ခံနိုင်ကြသောကြောင့် ဟောင်းသောအရာများကို ငြင်းဆိုနိုင်ကြ၏။ ၎င်းတို့သည် မည်မျှပင် ကောင်းမွန်ပုံ ရသော်လည်း မသင့်တော်ပေ။ လူတို့သည် လက်တွေ့ကျသော ဘုရားသခင်ကိုယ်တိုင်ကို နားလည်သောကြောင့် လူတို့၏နှလုံးသားတွင် စွဲကိုင်ထားသော အတွေးအခေါ်များ၏ အနေအထားကို စွန့်လွှတ်နိုင်ကာ ဘုရားသခင်ကိုယ်တိုင်ကို လူတို့တွင် ဝင်ရောက်ခွင့်ပြုနိုင်ခြင်းသည် လူတို့အတွက် သာ၍အကျိုးရှိ၏။ ဤနည်းသည်သာ လူ့ဇာတိခံယူခြင်း၏ ရည်ရွယ်ချက်အောင်မြင်နိုင်၍ လူတို့သည် ၎င်းတို့၏ ခန္ဓာမျက်လုံးများဖြင့် လက်တွေ့ကျသော ဘုရားသခင်ကိုယ်တိုင်ကို သိနိုင်ကြ၏။

ဘုရားသခင်သည် လူတို့အား ဝိညာဉ်လောက၏ အခြေအနေများကို ကြိမ်ဖန်များစွာ ပြောခဲ့ပြီးဖြစ်သည်- “စာတန်သည် ငါ၏ရှေ့မှောက်လာရောက်သည့်အခါ ငါသည် ၎င်း၏ရက်စက်ကြမ်းကြုတ်မှုအပေါ် တွန့်ဆုတ်သည် မဟုတ်ပေ။ ၎င်း၏အကျည်းတန်မှုကြောင့် ကြောက်ရွံ့ခြင်းလည်း မဖြစ်ပေ- ငါသည် ၎င်းအား လျစ်လျူရှုခြင်းသာ ပြု၏။” ဤသည်မှ လူသားတို့နားလည်ခဲ့သည်မှာ လက်တွေ့တွင်ရှိ အခြေအနေသာဖြစ်၏။ ဝိညာဉ်လောကရှိ သမ္မာတရားကို ၎င်းတို့မသိပေ။ ဘုရားသခင်သည် လူ့ဇာတိခံယူသဖြင့် စာတန်သည် ဘုရားသခင်အား ဤသို့တိုက်ခိုက်လိုသည့်အတွက် စွပ်စွဲနည်းမျိုးစုံကို အသုံးပြုခဲ့၏။ သို့ရာတွင် ဘုရားသခင်သည် ဤသည်အတွက် နောက်ဆုတ်ခြင်း မပြုပေ-—သူသည် လူသားမျိုးနွယ်အကြား စကားပြော၍ လုပ်ကိုင်ရုံသာ ပြုကာ သူ၏လူ့ဇာတိခံ ဇာတိပကတိအားဖြင့် လူတို့အား သူ့ကိုသိစေ၏။ စာတန်သည် ကြီးစွာသောအမျက်ဒေါသဖြင့် မျက်လုံးနီလျက် ဘုရားသခင်၏လူတို့အား အပြုသဘောမဆောင်စေရန်၊ နောက်ဆုတ်စေရန်နှင့် လမ်းပင်ပျောက်စေရန် ကြီးစွာသော အားထုတ်မှုပြု၏။ သို့ရာတွင် ဘုရားသခင်၏ နှုတ်ကပတ်တော်တို့၏ သက်ရောက်မှုကြောင့် စာတန်သည် ရှုံးနိမ့်သဖြင့် ၎င်း၏လျှပ်ပေါ်လော်လည်မှု သာ၍တိုးလေ၏။ ထို့ကြောင့် ဘုရားသခင်သည် လူတိုင်းအား “သင်တို့၏ဘဝများတွင် သင်သည်ဤသို့သောအခြေအနေမျိုးနှင့် ကြုံတွေ့သည့်နေ့ရက် ကျရောက်နိုင်သည်- သင်တို့ကိုယ်သင်တို့ စာတန်၏ဖမ်းဆီးမှုခံရန် သင်လိုလိုလားလား ခွင့်ပြုမည်လော၊ သို့မဟုတ် သင်သည် ငါ့အား သင့်ကို ရယူစေမည်လော” ဟု သတိပေးခဲ့ခြင်းဖြစ်၏။ လူတို့သည် ဝိညာဉ်လောက၌ ဖြစ်သည့်အရာများကို မသိသော်လည်း၊ ဘုရားသခင်ထံမှ ဤသို့သောစကားများကို ကြားသည်နှင့် ၎င်းတို့သည် သတိထားကာ ကြောက်ရွံ့ကြ၏—ဤသည်က စာတန်၏ တိုက်ခိုက်မှုများကို ပြန်လည်ရိုက်ခတ်၍ ဤသည်မှာ ဘုရားသခင်၏ဘုန်းတော်ကို ပြရန် လုံလောက်၏။ ၎င်းတို့သည် ရှေးမဆွကပင် အသစ်သောလုပ်ကိုင်နည်းကို ဆောင်ရွက်ခဲ့ကြသော်လည်း လူတို့သည် နိုင်ငံတော်ရှိဘဝကို ရှင်းလင်းမှု မရှိသေးပေ—၎င်းတို့ နားလည်သော်မှ ရှင်းလင်းမှု ကင်းမဲ့နေသည်။ ထို့ကြောင့် လူတို့အပေါ် သတိပေးချက်တစ်ရပ် ထုတ်ပြန်ခဲ့ပြီးနောက် ဘုရားသခင်သည် ၎င်းတို့ကို နိုင်ငံတော်ရှိဘဝ၏အနှစ်သာရနှင့် မိတ်ဆက်ပေးခဲ့၏- “နိုင်ငံတော်ရှိဘဝသည် လူတို့နှင့် ဘုရားသခင်ကိုယ်တိုင်တို့၏ ဘဝဖြစ်သည်။” ဘုရားသခင်ကိုယ်တိုင်သည် လူ့ဇာတိခံယူထားခြင်း ဖြစ်သဖြင့် တတိယကောင်းကင်၏ဘဝကို ဤကမ္ဘာမြေကြီးပေါ်တွင် အထမြောက်ခဲ့ခြင်းဖြစ်သည်။ ဤသည်မှာ ဘုရားသခင်၏ အစီအစဉ်ဖြစ်ရုံမက ဘုရားသခင်မှ ပြီးမြောက်အောင်မြင်ခြင်းလည်း ဖြစ်၏။ အချိန်ကြာလာသည်နှင့်အမျှ လူတို့သည် ဘုရားသခင်ကိုယ်တိုင်အား တိုး၍သိလာကြသဖြင့် ကောင်းကင်ရှိဘဝကို သာ၍မြည်းစမ်းလာနိုင်ကြ၏။ အဘယ်ကြောင့်ဆိုသော် ဘုရားသခင်သည် မြေကြီးပေါ်တွင် ရှိသည်ဟု ၎င်းတို့ စစ်မှန်စွာ ခံစားခဲ့၍၊ သူသည် ကောင်းကင်ရှိ မရေရာသော ဘုရားသခင်မဟုတ်ဟု ခံစားခဲ့၍ဖြစ်သည်။ ထို့ကြောင့် မြေကြီးပေါ်ရှိဘဝသည် ကောင်းကင်ဘုံရှိဘဝကဲ့သို့ ဖြစ်၏။ အမှန်တရားမှာ ဘုရားသခင်သည် လူ့ဇာတိခံယူ၍ လူ့လောက၏ ခါးသီးမှုကို မြည်းစမ်း၏။ ထို့အပြင် သူသည် ဇာတိပကတိ၌ ခါးသီးမှုကို မြည်းစမ်းနိုင်စွမ်း ရှိလေလေ၊ သူသည် လက်တွေ့ကျသော ဘုရားသခင်ကိုယ်တိုင်ဖြစ်ကြောင်း သာ၍သက်သေပြလေလေ ဖြစ်၏။ ထို့ကြောင့် အောက်ပါနှုတ်ကပတ်တော်များသည် ယနေ့ဘုရားသခင်၏ လက်တွေ့ကျမှုကို သက်သေပြရန် လုံလောက်၏- “ငါကျိန်းဝပ်ရာ ထိုအရပ်သည် ငါ့အား ဖုံးကွယ်ထားသည့်နေရာ ဖြစ်သော်လည်း ၎င်းအရပ်၌ ငါသည် ငါ၏ရန်သူခပ်သိမ်းကို ရှုံးနိမ့်စေခဲ့ပြီး ဖြစ်သည်။ ငါကျိန်းဝပ်ရာအရပ်၌ ငါသည် မြေကြီးပေါ်တွင်နေထိုင်သည့် စစ်မှန်သောအတွေ့အကြုံကို ရရှိခဲ့ပြီးဖြစ်သည်။ ငါကျိန်းဝပ်ရာအရပ်၌ ငါသည် လူသား၏စကားလုံးတိုင်းနှင့် လုပ်ဆောင်ချက်တိုင်းကို လေ့လာလျက် လူသားမျိုးနွယ် တစ်ရပ်လုံးအား စောင့်ရှောက်နေကာ လမ်းညွှန်ပေးနေ၏။” ဇာတိပကတိ၌ အမှန်တကယ်နေလျက်၊ ဇာတိပကတိ၌ လူ့ဘဝကို အမှန်တကယ် တွေ့ကြုံခံစားကာ၊ ဇာတိပကတိအတွင်းမှ လူသားမျိုးနွယ်အားလုံးကို အမှန်တကယ် နားလည်၍၊ ဇာတိပကတိ၌ လူသားမျိုးနွယ်ကို သိမ်းပိုက်လျက်၊ ဇာတိပကတိ၌ အဆင်းနီသောနဂါးကြီးနှင့် အဆုံးအဖြတ်ပေးသော တိုက်ပွဲဆင်နွှဲကာ ဘုရားသခင်၏အမှုခပ်သိမ်းကို ဇာတိပကတိ၌ လုပ်ဆောင်နေ၏- ဤသည်မှာ လက်တွေ့ကျသော ဘုရားသခင်ကိုယ်တိုင်၏ တည်ရှိမှုအတိအကျပင် မဟုတ်သလော။ သို့ရာတွင် ဘုရားသခင်၏ ဤသာမန်နှုတ်ကပတ်တော်များတွင် လူတို့သည် ကျွမ်းကျင်မှုကို တွေ့ရှိခဲ၏။ ၎င်းတို့သည် နှုတ်ကပတ်တော်များကို အလျင်အမြန်သာ ဆန်းစစ်လျက် ဘုရားသခင်၏နှုတ်ကပတ်တော်များကို အဖိုးတန်သည် သို့မဟုတ် ရှားပါးသည်ဟု မခံစားကြပေ။

ဘုရားသခင်၏နှုတ်ကပတ်တော်များသည် အကူးအပြောင်း လွန်စွာကောင်းမွန်၏— “လူသားမျိုးနွယ်သည် သတိမေ့မြောလျက်လဲလျောင်းနေစဉ်” ဟူသောစကားလုံးများသည် ဘုရားသခင်ကိုယ်တိုင်၏ ဖော်ပြချက်ကို လူသားမျိုးနွယ်ခပ်သိမ်း အခြေအနေ၏ ဖော်ပြချက်အဖြစ်သို့ ပြောင်းလဲသွားစေ၏။ ဤနေရာတွင် “အေးသော ထွန်းလင်းမှု၏ ပြင်းစွာတိုးဝှေ့မှုများ” သည် အရှေ့အရပ်မှ လျှပ်ပြက်ခြင်းကို ကိုယ်စားမပြုသော်လည်း ဤသည်မှာ ဘုရားသခင်၏ နှုတ်ကပတ်တော်များ၊ ဆိုလိုသည်မှာ၊ သူ၏အသစ်သော လုပ်ကိုင်နည်း ဖြစ်၏။ ထို့ကြောင့် လူသားတို့၏ ဤဆက်ဆံရေးအမျိုးမျိုးတွင် အသစ်သောနည်းလမ်းကို အသုံးပြုပြီးနောက် ၎င်းတို့အားလုံးသည် ၎င်းတို့၏ ဦးတည်ချက်ပျောက်ဆုံးကာ၊ မည်သည့်နေရာမှလာ၍ မည်သည့်နေရာသို့သွားနေသည်ကို မသိကြဟူသည်ကို တွေ့နိုင်၏။ “လူအများစုသည် လေဆာကဲ့သို့ရောင်ခြည်များ၏ ထိမှန်ခြင်းခံရ၏” သည် အသစ်သောနည်းလမ်းအားဖြင့် သုတ်သင်ဖယ်ရှားခံရသူများ၊ စမ်းသပ်မှုများကို ခံနိုင်ရည်မရှိသူများ သို့မဟုတ် ဒုက္ခများ၏ စစ်ဆေးခြင်းကို ခံနိုင်ရည်မရှိသဖြင့် အနက်ဆုံးသောတွင်းအတွင်းသို့ တဖန်ပစ်ချခြင်းခံရသူများကို ရည်ညွှန်း၏။ ဘုရားသခင်၏နှုတ်ကပတ်တော်သည် လူသားမျိုးနွယ်အား အတိုင်းအတာတစ်ခုအထိ ဖော်ထုတ်၏ —လူတို့သည် ဘုရားသခင်၏နှုတ်ကပတ်တော်များကို တွေ့သည့်အခါ ကြောက်ရွံ့ပုံရ၍၊ ၎င်းတို့သည် ၎င်းတို့၏နှလုံးသားသို့ တိုက်ရိုက်ချိန်ထားသည့် သေနတ်ပြောင်းကို တွေ့သည့်အလား မည်သည့်အရာကိုမျှ မပြောရဲကြပေ။ သို့ရာတွင် ၎င်းတို့သည် ဘုရားသခင်၏နှုတ်ကပတ်တော်များတွင် ကောင်းသည့်အရာများ ရှိသည်ဟုလည်း ထင်ကြ၏။ ၎င်းတို့၏နှလုံးသားများသည် ဝိရောဓိများနှင့် လွန်စွာပြည့်နေလျက် အဘယ်အရာကိုလုပ်ဆောင်ရမည်မှန်း မသိကြပေ။ သို့သော် ၎င်းတို့၏ယုံကြည်ခြင်းကြောင့် ၎င်းတို့သည် စိတ်ကိုသာ တင်းထားကြကာ ဘုရားသခင်သည် ၎င်းတို့ကို စွန့်ခွာသွားမည်ကို စိုးရိမ်သဖြင့် သူ၏နှုတ်ကပတ်တော်များကို သေချာစွာ စူးစမ်း၏။ ဘုရားသခင် ပြောခဲ့သည့်အတိုင်း- “လူသားမျိုးနွယ်အကြား မည်သူသည် ဤအနေအထားတွင် တည်ရှိမနေသနည်း။ မည်သူသည် ငါ၏အလင်းအတွင်း မတည်ရှိသနည်း။ သင်သည် သန်မာလျှင်ပင်၊ သို့မဟုတ် သင်သည် အားနည်းသည်ဆိုပါစို့၊ ငါ၏အလင်းလာခြင်းကို သင်မည်သို့ရှောင်ရှားနိုင်မည်နည်း။” ဘုရားသခင်သည် တစ်စုံတစ်ဦးအား အသုံးပြုပါက ထိုသူသည် အားနည်းသော်မှ ဘုရားသခင်သည် သူ၏ပြစ်တင်ဆုံးမခြင်း၌ ထိုသူအား အလင်းပေး၍ ဉာဏ်ပွင့်စေမည်။ ထို့ကြောင့် လူတို့သည် ဘုရားသခင်၏နှုတ်ကပတ်တော်တို့ကို ဖတ်လေလေ၊ သူ့အား သာ၍နားလည်လေလေဖြစ်ကာ၊ သူ့အပေါ် သာ၍ရိုသေလေးမြတ်လေလေဖြစ်ကာ မဆင်မခြင် မလုပ်ဝံ့လေလေဖြစ်၏။ လူတို့သည် ယနေ့ဤနေရာရောက်လာခြင်းမှာ ဘုရားသခင်၏ ကြီးမားသောတန်ခိုးကြောင့်သာ လုံးဝဖြစ်၏။ သူ၏နှုတ်ကပတ်တော်များ၏ သြဇာအာဏာကြောင့်၊ ဆိုလိုသည်မှာ၊ သူ၏နှုတ်ကပတ်တော်များရှိ ဝိညာဉ်ကြောင့် လူတို့သည် ဘုရားသခင်အပေါ် ကြောက်ရွံ့ကြခြင်းဖြစ်သည်။ လူသားမျိုးနွယ်၏ စစ်မှန်သောမျက်နှာကို ဘုရားသခင်မှ သာ၍ဖော်ထုတ်လေလေ၊ ၎င်းတို့သည် သူ့အား အံ့သြလေလေဖြစ်သောကြောင့် ၎င်းတို့သည် သူ၏တည်ရှိခြင်း၏ အမှန်တရားအပေါ် သာ၍သေချာလေလေဖြစ်၏။ ဤသည်မှာ လူသားမျိုးနွယ်မှ ဘုရားသခင်အား နားလည်ရန်လမ်းကြောင်းပေါ်ရှိ ဘုရားသခင်၏ အချက်ပြမီးဖြစ်၏။ ဤသည်မှာ ၎င်းတို့လိုက်လျှောက်ရန် ဘုရားသခင်မှပေးခဲ့သည့် လမ်းကြောင်းဖြစ်၏။ သင်သည် သေချာစွာစဉ်းစားပါက ဤသို့ပင်ဖြစ်သည် မဟုတ်လော။

အဆိုပါ လမ်းကြောင်းပေါ်မှ အချက်ပြမီးသည် လူသားမျိုးနွယ်၏အရှေ့တွင် ရှိသည် မဟုတ်လော။

ယခင်က:ဆယ့်နှစ်ခုမြောက်သော မိန့်မြွက်ချက်၏ အနက်ဖွင့်ချက်

နောက်တစ်ခုသို့:အခန်း ၁၄

သင်နှစ်သက်နိုင်သည့် အရာများ