အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၃၀

လူအချို့သည် ဘုရားသခင်၏ နှုတ်ကပတ်တော်များထဲ၌ ထိုးထွင်းသိမြင်မှု အနည်းငယ် ရှိနိုင်သည်၊ သို့သော် ၎င်းတို့ထဲမှ အဘယ်သူမျှသည် ၎င်းတို့၏ခံစားချက်များကို ယုံကြည်စိတ်ချမှုမရှိကြချေ။ ၎င်းတို့သည် အပျက်သဘောထဲသို့ ကျရောက်မည်ကို အလွန်အမင်း စိုးရွံ့နေကြ၏။ ထို့ကြောင့်၊ ၎င်းတို့သည် ဝမ်းမြောက်ခြင်းနှင့် ဝမ်းနည်းခြင်းအကြားတွင် အစဉ်အမြဲ လည်ကြပေပြီ။ လူအားလုံး၏ ဘဝများသည် ဝမ်းနည်းခြင်းနှင့် ပြည့်သည်ဟု ဆို၍ရပေသည်၊ ဤထက်ပို၍ ပြောရလျှင်၊ လူတို့၏ နေ့စဉ်ဘဝများတွင် စစ်ဆေးခြင်းရှိ၏၊ သို့သော် နေ့ရက်စီတိုင်းတွင် အဘယ်သူမျှ ၎င်းတို့၏ ဝိညာဉ်များထဲ၌ လွတ်ငြိမ်းစေခြင်းမရရှိကြဟု ငါဆိုနိုင်ပြီး၊ ယင်းမှာ ကြီးမားသည့် တောင်သုံးလုံးက ၎င်းတို့၏ ဦးခေါင်းများပေါ်သို့ ဖိစီးနေသည့်အလားဖြစ်သည်။ သူတို့၏ဘဝများထဲမှ တစ်ခုတစ်လေမျှသည် အချိန်တိုင်း ပျော်ရွှင်ကာ ဝမ်းမြောက်ခြင်းမရှိပေ၊ ၎င်းတို့ အနည်းငယ်မျှ ပျော်ရွှင်ကြသောအခါပင်လျှင် ၎င်းတို့သည် ဟန်ပန်လေပန် ကြိုးစားလုပ်နေကြခြင်းသာ ဖြစ်သည်။ ၎င်းတို့၏ စိတ်နှလုံးများထဲတွင်၊ လူတို့သည် မပြီးဆုံးသေးသော တစ်စုံတစ်ရာနှင့် သက်ဆိုင်သည့် အာရုံတစ်ခု အမြဲရှိကြ၏။ ထို့ကြောင့်၊ ၎င်းတို့သည် ၎င်းတို့၏ စိတ်နှလုံးများထဲ၌ တည်ကြည်ကြသည်မဟုတ်၊ အသက်တာထဲတွင်၊ အမှုအရာတို့သည် အနှစ်မဲ့ကာ မျှတမှုမရှိခြင်းတို့ကို ခံစားရပြီး၊ ဘုရားသခင်၌ ယုံကြည်ခြင်းနှင့် ပတ်သက်လာသောအခါ၊ ၎င်းတို့သည် မအားလပ်ကြသလို အချိန်မလောက်ကြပေ၊ သို့မဟုတ်လျှင် ၎င်းတို့တွင် ဘုရားသခင်၏ နှုတ်ကပတ်တော်များကို စားသောက်ရန် အချိန်မရှိကြ၊ သို့မဟုတ် ဘုရားသခင်၏ နှုတ်ကပတ်တော်များကို စားသောက်ခြင်းငှာ မတတ်စွမ်းနိုင်ကြပေ။ ၎င်းတို့ထဲတွင် အဘယ်သူမျှ စိတ်နှလုံးများထဲ၌ အေးချမ်းကာ ကြည်လင်ပြီး တည်ကြည်မှုမရှိကြပေ။ ယင်းမှာ ၎င်းတို့သည် အစဉ်အမြဲ အုံ့မှိုင်းသော မိုးကောင်းကင်အောက်၌ အစဉ်အမြဲ အသက်ရှင်ကြသည့်အလား၊ အောက်ဆီဂျင်မပါဘဲ အာကာသထဲ အသက်ရှင်ကြသည့်အလားဖြစ်ပြီး၊ ၎င်းတို့အသက်တာများထဲတွင် ဤအရာက ၎င်းတို့ကို ရှုပ်ထွေးမှုဆီ ဦးတည်သွားစေခဲ့ပေပြီ။ ဘုရားသခင်သည် လူတို့၏ အားနည်းချက်များကို အစဉ်အမြဲ ဖြောင့်ဖြောင့်တန်းတန် ပြောဆိုလေ့ရှိပြီး၊ ၎င်းတို့ကို ၎င်းတို့၏ ပျော့ကွက်နေရာ၌ ရိုက်လေ့ရှိသည်၊ သင်တို့သည် တစ်လျှောက်လုံး သူမိန့်ဆိုခဲ့သည့် အသံနေအသံထားအား ရှင်းရှင်းလင်းလင်း မမြင်ကြပြီလော။ ဘုရားသခင်သည် လူတို့အား နောင်တတရန် အခွင့်အရေး ဘယ်သောအခါမျှ မပေးခဲ့သလို လူအားလုံးကို အောက်ဆီဂျင်မပါဘဲ “လကမ္ဘာ” ပေါ်တွင် အသက်ရှင်စေသည်။ အစအဦးမှ ယနေ့ထိတိုင်၊ ဘုရားသခင့် နှုတ်ကပတ်တော်၏ အပေါ်ယံက လူတို့၏ သဘောသဘာဝကို ဖော်ထုတ်ခဲ့ပေပြီ၊ သို့သော် အဘယ်သူမျှ ဤနှုတ်ကပတ်တော်များ၏ အနှစ်သာရကို ရှင်းရှင်းလင်းလင်း မမြင်ခဲ့ကြပေ။ လူ၏အနှစ်သာရကို ဖော်ထုတ်ခြင်းအားဖြင့်၊ လူတို့သည် မိမိတို့ကိုယ်ကို သိလာကြပြီး၊ ဤအကြောင်းကြောင့် ဘုရားသခင်ကို သိလာကြပုံရသည်၊ သို့သော် ဤသည်မှာ အနှစ်သာရထဲက လမ်းစဉ်မဟုတ်ပေ။ ဘုရားသခင့်နှုတ်ကပတ်တော်များ၏ အသံနေအသံထားနှင့် ပိုမိုကြီးမားသော နက်နဲစေ့စပ်မှုတို့က ဘုရားသခင်နှင့် လူတို့ကြားက ရှင်းလင်းပြတ်သားသည့် ခြားနားချက်ကို ပြသပေသည်။ ၎င်းတို့၏ခံစားချက်များ၌၊ ဤအရာက လူတို့ကို ဘုရားသခင်မှာ လက်လှမ်းမမီသောသူနှင့် ချည်းကပ်မရနိုင်သောသူဖြစ်သည်ဟူ၍ မရည်ရွယ်ဘဲ ယုံကြည်မိစေလေသည်။ ဘုရားသခင်သည် အရာခပ်သိမ်းကို လူသိရှင်ကြားဖြစ် စေပြီး၊ ယင်းမှာ အဘယ်သူမျှ ဘုရားသခင်နှင့် လူတို့ကြားက ဆက်နွယ်မှုကို ယခင်အတိုင်း ပြန်လည်ရောက်ရှိစေနိုင်စွမ်း ရှိပုံမရကြပေ။ ဘုရားသခင်၏ မိန့်မြွက်ချက်များအားလုံး၏ ရည်မှန်းချက်မှာ လူအားလုံးကို ဖြုတ်ချရန် နှုတ်ကပတ်တော်များကို အသုံးပြရန်ဖြစ်ပြီး၊ ထိုသို့ဖြင့် သူ၏အမှုတော်ကို ပြီးမြောက်စေရန်ဖြစ်သည်ကို မြင်တွေ့ဖို့ မခဲယဉ်းပေ။ ဤသည်မှာ ဘုရားသခင့်အမှုတော်၏ ခြေလှမ်းတစ်ခုဖြစ်သည်။ သို့သော်၊ ဤအရာသည် ၎င်းတို့၏ စိတ်များ၌ လူတို့ ယုံကြည်ထားကြသည့်အရာ မဟုတ်ပါ။ ၎င်းတို့က၊ ဘုရားသခင်၏ အမှုတော်သည် ၎င်း၏ အထွတ်အထိပ်သို့ ချည်းကပ်နေပြီး၊ ယင်းက အဆင်းနီသော နဂါးကြီးကို အောင်နိုင်ဖို့ရန်အလို့ငှာ၊ တစ်နည်းဆိုရသော်၊ အသင်းတော်ကို ရှင်သန်စေခြင်းနှင့် အဘယ်သူမျှ လူ့ဇာတိခံယူသော ဘုရားသခင်အကြောင်း အယူအဆများမရှိစေခြင်း၊ သို့မဟုတ်လျှင် လူအားလုံးက ဘုရားသခင်ကို သိရှင်းခြင်းတည်းဟူသော ယင်း၏ သိသာမြင်သာမှုအရှိဆုံးသော အကျိုးသက်ရောက်မှုဆီ ချည်းကပ်နေပေသည်။ သို့သော်၊ ဘုရားသခင် မိန့်ဆိုသောအရာကို ဖတ်ကြကုန်အံ့ - “လူတို့၏ စိတ်များထဲ၌၊ ဘုရားက ဘုရားဖြစ်ပြီး၊ အလွယ်တကူ စေ့စပ်မရဘဲ၊ လူက လူဖြစ်နေစဉ်တွင်၊ အလွယ်တကူ အပျော်အပါးမလိုက်စားသင့်ပေ….. ….ရလဒ်အနေဖြင့်၊ ငါ၏ရှေ့မှောက်တွင် ၎င်းတို့သည် အစဉ်အမြဲ နှိမ့်ချကြပြီး သည်းခံတတ်ကြ၏၊ ၎င်းတို့တွင် အယူအဆများစွာ ရှိကြသည့်အတွက်၊ ငါနှင့် သဟဇာတဖြစ်ခြင်းကို မတတ်နိုင်ကြ။” ဤမှ တွေ့မြင်နိုင်သည်မှာ မည်သည့်အရာကို ဘုရားသခင် မိန့်ဆိုသည်ဖြစ်စေ၊ သို့မဟုတ် မည်သည့်အရာကို လူက လုပ်ဆောင်သည်ဖြစ်စေ၊ လူတို့သည် ဘုရားသခင်ကို လုံးဝ သိရှိနိုင်စွမ်းမရှိဟူ၍ ဖြစ်သည်၊ ၎င်းတို့၏ အနှစ်သာရမှ ကပြရသော အခန်းကဏ္ဍကြောင့်၊ မည်သို့ပင်ဖြစ်ပါစေ၊ အားလုံးခြုံငုံပြီး စဉ်းစားလိုက်သော် ၎င်းတို့သည် ဘုရားသခင်ကို သိရှိနိုင်စွမ်း မရှိကြချေ။ ထို့ကြောင့် လူတို့သည် ငရဲ၏သားများအဖြစ် မိမိတို့ကိုယ်ကို မြင်ကြသောအခါတွင် ဘုရားသခင်၏အမှုတော် အဆုံးသတ်ပေလိမ့်မည်။ ဘုရားသခင်သည် သူ၏ စီမံခန့်ခွဲမှု တစ်ခုလုံးကို အဆုံးသတ်ဖို့ရန်အလို့ငှာ၊ လူတို့အပေါ် သူ၏ အမျက်ဒေါသအား လွှတ်ရန်၊ သို့မဟုတ်၊ ၎င်းတို့ကို တိုက်ရိုက်ရှုတ်ချရန်၊ သို့မဟုတ် ၎င်းတို့ကို အဆုံးစွန် သေဒဏ်ချမှတ်ရန် မလိုအပ်ပေ။ သူ၏အမှုတော်ပြည့်စုံခြင်းက မတော်တဆဖြစ်သည့်အလား၊ ကြိုးစားအားထုတ်မှု အနည်းငယ်မျှမပါဘဲ သူ၏ အားလပ်ချိန်တွင် ပြီးမြောက်စေသည့် တစ်စုံတစ်ရာဖြစ်သည့်အလား၊ ဘုရားသခင်သည် သူ၏ကိုယ်ပိုင်အရှိန်ဖြင့် လေပြည်မျှကိုသာ ထုတ်လွှတ်လေသည်။ အပြင်ပန်းမှ၊ ဘုရားသခင်၏ အမှုတော်၌ အရေးတကြီးဖြစ်သည့်အရာအချို့ ရှိပုံပေါ်သော်လည်း ဘုရားသခင်သည် မည်သည့်အရာကိုမျှ လုပ်ဆောင်ခြင်းမရှိသေး၊ သူသည် စကားပြောလေသည်ကလွဲ၍ ဘာမျှမလုပ်ဆောင်ပေ။ ကုန်လွန်ခဲ့သော အချိန်များကကဲ့သို့ အသင်းတော်များကြားက အလုပ်သည် တူညီသော ကြီးမားသည့် ပမာဏမရှိပေ၊ ဘုရားသခင်သည် လူကို ထည့်သွင်းခြင်းမလုပ်၊ ၎င်းတို့ကို မထုတ်ပယ်၊ သို့မဟုတ် ၎င်းတို့ကို ဖော်ထုတ်ပြခြင်းမပြုပါ၊ ထိုကဲ့သို့သော အလုပ်သည် အလွန်သေးဖွဲလှပေသည်။ ယင်းမှာ ဘုရားသခင်သည် ထိုကဲ့သို့သော အလုပ် လုပ်ဆောင်ဖို့ရန် အရေးမစိုက်သည့်အလား မြင် ရပေသည်။ သူပြောသင့်သည့်အရာကို အနည်းငယ်မျှသာ ပြောဆိုသည်၊ ယင်းနောက် လှည့်ပြန်ပြီး အစရှာမရအောင် ပျောက်ကွယ်သွားတတ်ပေသည်၊ ယင်းမှာ၊ အလိုအလျောက် သူ့မန့်မြွက်ချက်များ ပြည့်စုံခြင်း၏ မြင်ကွင်းဖြစ်သည်။ ဤအခိုက်အတန့်ရောက်ရှိသောအခါ၊ လူအားလုံးသည် ၎င်းတို့၏ အိပ်စက်ခြင်းမှ နိုးကြလိမ့်မည်၊ လူသားမျိုးနွယ်သည် နှစ်ထောင်ပေါင်းများစွာ အိပ်မောကျနေခဲ့ကြပြီ၊ သူသည် ငိုက်မျဉ်းခြင်းထဲ တောက်လျှောက်ရှိခဲ့ပေပြီ။ နှစ်များစွာ၊ လူတို့သည် ၎င်းတို့၏ စိတ်နှလုံးများထဲရှိ မတရားမှုကို ပြောဆိုနိုင်စွမ်းမရှိကြဘဲ ၎င်းတို့၏ အိပ်မက်များထဲ၌ ဟိုဟိုသည်သည် အပြေးအလွှားသွားခဲ့ကြပြီး ၎င်းတို့၏ အိပ်မက်များထဲတွင် ကြွေးကြော်ဟစ်အော်ခြင်းပင် ပြုကြသည်။ ထို့ကြောင့် ၎င်းတို့သည် “၎င်းတို့ စိတ်နှလုံးများထဲ၌ မှိုင်တွေမှုအနည်းငယ် ခံစားကြရသည်”၊ သို့သော် ၎င်းတို့နိုးထလာသောအခါတွင်၊ ၎င်းတို့သည် စစ်မှန်သောအချက်များကို ရှာတွေ့လိမ့်မည်ဖြစ်ပြီး၊ “ဤသို့ဖြစ်ပျက်နေခြင်းပါတကား ” ဟူ၍ အံ့အားသင့်စွာပြောကြပေလိမ့်မည်။ ထို့ကြောင့်၊ “ယနေ့တွင်၊ လူအများစုသည် နှစ်နှစ်ခြိုက်ခြိုက် အိပ်မောကျလျက် ရှိနေကြဆဲဖြစ်သည်။ နိုင်ငံတော်တေးမြည်သောအခါမှသာ ၎င်းတို့၏ အိပ်ငိုက်သောမျက်လုံးများ ပွင့်လာကြပြီး ၎င်းတို့ စိတ်နှလုံးများထဲ၌ မှိုင်တွေမှုအနည်းငယ် ခံစားကြရသည်” ဟူ၍ ပြောထားခြင်းဖြစ်ပေသည်။

အဘယ်သူတစ်ဦးတစ်ယောက်၏ ဝိညာဉ်မျှ မလွတ်မြောက်ဖူးခဲ့၊ အဘယ်သူ၏ ဝိညာဉ်မျှသည် အပူအပင်ကင်းပြီး မပျော်ရွှင်ခဲ့ရပေ။ ဘုရားသခင်၏ အမှုတော် လုံးဝပြီးဆုံးသောအခါ၊ အသီးသီး အမျိုးအစားအရ ခွဲခြားခံရမည်ဖြစ်သည့်အတွက်၊ လူတို့၏ ဝိညာဉ်များ လွတ်မြောက်ကြမည်ဖြစ်ပြီး၊ ထို့ကြောင့် ၎င်းတို့အားလုံးသည် ၎င်းတို့၏ စိတ်နှလုံးများထဲ၌ တည်ကြည်မှုရှိကြလိမ့်မည်။ ယင်းမှာ လူတို့သည် ဝေးလံသော ခရီးရှည်အချို့ထွက်ရပြီး အိမ်ပြန်လာသောအခါ ၎င်းတို့၏ စိတ်နှလုံးများ တည်ကြည်လာကြသကဲ့သို့ဖြစ်သည်။ အိမ်ရောက်ရှိရာတွင်၊ လူတို့သည် လောကကြီးက အနှစ်မဲ့ပြီး မျှတမှုမရှိဟု နောက်ထပ်မခံစားကြရတော့ဘဲ ၎င်းတို့၏ နေအိမ်များတွင် အေးအေးချမ်းချမ်း နေထိုင်ကြလိမ့်မည်။ လူသားမျိုးနွယ်များအလယ်တွင် ထိုသို့သော အခြေအနေများ ဖြစ်လိမ့်မည်။ ထို့ကြောင့် ဘုရားသခင်က လူတို့သည် “စာတန်၏ ကျေးကျွန်ဘဝမှ မိမိကိုယ်ကို လွတ်မြောက်စေဖို့ရန် ၎င်းတို့ ဘယ်သောအခါမျှ မလုပ်ဆောင်နိုင်ခဲ့ကြပေ” ဟု မိန့်ဆိုခြင်းဖြစ်သည်။ ဇာတိပကတိ၌ ရှိစဉ်တွင် အဘယ်သူမျှ ဤအခြေအနေမှ မိမိကိုယ်ကို မလွတ်မြောက်စေနိုင်ပါ။ ခေတ္တခဏအတွက်၊ ဘုရားသခင်က လူ၏ အမျိုးမျိုးသော တကယ့်အခြေအနေများအကြောင်း ပြောသည့်အရာကို မေ့ထားလိုက်ပြီး၊ ဘုရားသခင်က လူထံ ထုတ်ဖော်ပြရဦးမည့် နက်နဲမှုများအကြောင်းကိုသာ ပြောဆိုကြကုန်အံ့။ “၎င်းတို့အဘို့ ငါ၏ခန္ဓာသည် ဆူးများနှင့် စက်ဆုပ်ဖွယ်အရာများထဲ ဖုံးလွှမ်းခဲ့ဘိသကဲ့သို့၊ လူတို့သည် လှောင်ပြောင်သရော်သော မျက်လုံးများဖြင့် ကြိမ်ဖန်များစွာ မရေမတွက်နိုင်အောင် ငါ့ကိုကြည့်ခဲ့ကြပြီ၊ ထို့ကြောင့် လူတို့သည် ငါ့ကိုစက်ဆုပ်ကြပြီး ငါသည် တန်ဖိုးမဲ့သည်ဟု ၎င်းတို့က ယုံကြည်ကြ၏”။ နောက်တစ်မျိုးပြောရလျှင်၊ အနှစ်သာရအရ လူ၏ စစ်မှန်သောအရောင်သည် ဘုရားသခင်၏ နှုတ်ကပတ်တော်များထဲ၌ ထုတ်ဖော်ပြသခံရပေသည်၊ သူသည် ဖြူဆူးများဖြင့် ဖုံးလွှမ်းနေပြီး၊ သူနှင့် ပတ်သက်၍ နှစ်သက်စရာ ဘာမျှမရှိ၊ လူသည် ပျော်မွေ့စရာဘာမျှမရှိသော ကျောရိုးဖုံး ဖြူတစ်ကောင်ဖြစ်သည်ကလွဲ၍ ဘာမျှမဟုတ်သည့်အတွက်ကြောင့် လူတို့အတွက် ဘုရားသခင်၏ အမုန်းတရားသည် တိုးပွားလေသည်။ အပေါ်ယံအားဖြင့်၊ ဤစကားများက ဘုရားသခင်အပေါ်[က] လူတို့၏ အယူအဆများကို ဖော်ပြပုံရသော်လည်း အမှန်အားဖြင့်၊ ဘုရားသခင်သည် လူ၏ ပန်းချီကားအား ၎င်း၏ “ပုံသဏ္ဌာန်” အပေါ်အခြေပြုပြီး ရေးဆွဲနေခြင်းဖြစ်သည်။ ဤနှုတ်ကပတ်တော်များသည် ဘုရားသခင်၏ လူသားကို အသေးစိတ်ချေမှုန်းပြခြင်းဖြစ်ပြီး၊ ယင်းမှာ လူ၏ ပုံသဏ္ဌာန်အပေါ် ဘုရားသခင်သည် ချုပ်ဆေးကို ဖြန်းသည့်အလား ဖြစ်သည်၊ ထို့ကြောင့် စကြဝဠာတစ်လျှောက် လူ၏ ပုံသဏ္ဌာန်သည် ခိုင်ခိုင်မာမာ ရပ်တည်နိုင်ပြီး လူတို့ကိုပင်လျှင် အလွန်အံ့အားသင့်စေပေသည်။ သူစကားပြောရန် စတင်သည့်အချိန်မှ၊ လူနှင့်အတူ ကြီးမားသည့်စစ်ပွဲအတွက် ဘုရားသခင်သည် သူ၏ အင်အားစုများကို တပ်ချထားနေခဲ့ပြီးဖြစ်သည်။ သူသည် လူအတွက် အချက်အလက်များ တင်ပြနေသော တက္ကသိုလ် အက္ခရာသင်္ချာ ပါမောက္ခတစ်ဦးကဲ့သို့ဖြစ်သည်။ သူစာရင်းပြုထားသော အရာအားဖြင့် အတည်ပြုထားသည့်အရာဖြစ်သော သက်သေအထောက်အထားနှင့် တန်ပြန်သက်သေအထောက်အထားသည် လူအားလုံးကို အကြွင်းမဲ့ ယုံကြည်လက်ခံစေလေသည်။ ဤအရာသည် ဘုရားသခင့် နှုတ်ကပတ်တော်များအားလုံး၏ ရည်မှန်းချက်ဖြစ်ပြီး၊ ဤအရာကြောင့် ဘုရားသခင်သည် “အချုပ်အားဖြင့်၊ ငါသည် လူ့စိတ်နှလုံး၌ လုံးဝ တန်ဖိုးကင်းမဲ့သွားပြီး မရှိမဖြစ် အိမ်သုံးပစ္စည်းတစ်ခုဖြစ်သည်” ဟူသော နားဝေတိမ်တောင်ဖြစ်စေသည့် ဤစကားလုံးများကို လူထံသို့ သာမန်ကာလျှံကာ ပစ်ပေးခြင်းဖြစ်သည်။ ဤစကားလုံးများကို ဖတ်ပြီးနောက်တွင်၊ လူတို့သည် ၎င်းတို့၏ စိတ်နှလုံးများထဲ၌ ဆုမတောင်းဘဲမနေနိုင်အောင်ဖြစ်ကြပြီး၊ ၎င်းတို့ကို မိမိတို့ကိုယ်ကို ရှုတ်ချစေကာ၊ လူသည် သေထိုက်ပြီး ထိုက်တန်မှု စိုးစဉ်မျှမရှိဟု ၎င်းတို့ကို ယုံကြည်စေသည့် ၎င်းတို့၏ ကျေးဇူးကြွေးတစ်ခု ဘုရားသခင်ထံ ရှိသည်ကို ၎င်းတို့ သိလာကြသည်။ ဘုရားသခင်က “ယင်းမှာ ဤအရာကြောင့် ယနေ့တွင် ငါရှိနေသည့်အခြေအနေထဲ၌ ငါသည် မိမိကိုယ်ကို ရှာတွေ့ရခြင်းဖြစ်သည်” ဟု မိန့်ဆိုလေသည်၊ ယနေ့၏ တကယ့်အခြေအများနှင့် ချိတ်ဆက်မိသောအခါ၊ ယင်းက လူတို့ကို မိမိတို့ကိုယ်ကို ရှုတ်ချစေလေသည်။ ဤသည်မှာ အဖြစ်မှန်မဟုတ်လော။ သင့်ကိုယ်သင် သိရှိရန် ပြုခြင်းခံခဲ့ရလျှင်၊ “ကျွန်ုပ် အကယ်ပင် သေသင့်၏” ဟူသော စကားများ သင်၏ နှုတ်မှ ထွက်လာနိုင်သလော။ ယင်းမှာ လူ၏ တကယ့်အခြေအနေများဖြစ်ပြီး၊ ဤသည်မှာ အလွန်အမင်း စဉ်းစားရကျိုးမနပ်သလို၊ ယင်းမှာ လျောက်ပတ်သည့် ဥပမာတစ်ခုမျှသာ ဖြစ်သည်။

အဓိပ္ပာယ်တစ်ခုအနေဖြင့်၊ ဘုရားသခင်သည် လူတို့၏ ခွင့်လွှတ်ခြင်းနှင့် သည်းခံခြင်းတို့အတွက် တောင်းခံသောအခါတွင် ဘုရားသခင်က ၎င်းတို့ကို သရော်နေသည်ဟု လူတို့မြင်ကြသည်၊ အခြား အဓိပ္ပာယ်အနေဖြင့်၊ ၎င်းတို့ကိုယ်ပိုင် ပုန်ကန်မှုကိုလည်း ၎င်းတို့ ရှုမြင်ရကြသည်၊ ၎င်းတို့သည် လူအတွက် ဘုရားသခင်က မိမိကိုယ်ကို အစွမ်းကုန် အားထုတ်ကြိုးပမ်းဖို့ရန်သာ စောင့်ဆိုင်းနေကြသည်။ ထို့အပြင်၊ လူတို့၏ အယူအဆများနှင့် သက်ဆိုင်၍ ပြောဆိုရာတွင်၊ လူတို့၏ ဘဝဒဿန သို့မဟုတ် ဘာသာစကားတွင် မိမိသည် ကျွမ်းကျင်မှုမရှိဟု ဘုရားသခင်က ဆိုလေသည်။ ထို့ကြောင့်၊ တစ်ဖက်တွင် ဤအရာက လူတို့ကို ဤစကားများအား လက်တွေ့ကျသော ဘုရားသခင်နှင့် နှိုင်းယှဉ်စေပြီး၊ အခြားတစ်ဖက်တွင် ၎င်းတို့သည် ဘုရားသခင်၏ ရည်ရွယ်ချက်များကို သူ၏ နှုတ်ကပတ်တော်များထဲ၌ တွေ့မြင်ကြ၏၊ လူတို့၏ စစ်မှန်သော မျက်နှာကို ဘုရားသခင်က ထုတ်ဖော်ပြသနေပြီး သူသည် ဘုရားသခင်၏ စစ်မှန်သော အခြေအနေများကို လူတို့အား အမှန်တကယ် ပြောဆိုခြင်း မပြုသည်ကို၊ ၎င်းတို့ နားလည်သဘောပေါက်ကြသည့်အတွက်၊ ဘုရားသခင်သည် ၎င်းတို့ကို သရော်နေခြင်းဖြစ်သည်။ ဘုရားသခင့်စကားများ၏ ရှိရင်းစွဲ အဓိပ္ပာယ်မှာ လူသားအပေါ် လှောင်ပြောင်ခြင်း၊ သရော်ခြင်း၊ ရယ်မောခြင်းနှင့် မုန်းတီးခြင်းတို့ဖြင့် ယှက်သန်းလျက်ရှိသည်။ ယင်းမှာ လူသည် ၎င်း၏ လုပ်သမျှ အရာခပ်သိမ်း၌၊ ပညတ်တရားကို သွေဖည်နေပြီး တံဆိုးလက်ဆောင်များ ယူနေသကဲ့သို့ဖြစ်သည်၊ လူတို့သည် မိန်းမပျက်များဖြစ်ကြပြီး၊ ဘုရားသခင်က မိန့်ဆိုဖို့ နှုတ်ဖွင့်ဟသောအခါ၊ ၎င်းတို့သည် ထိတ်လန့်ကြောက်ရွံ့ခြင်း၌ တုန်လှုပ်ကြကာ၊ ၎င်းတို့ကို မည်သူမဆိုအား ရင်ဆိုင်ဖို့ အလွန်ရှက်ရွံ့စေရင်း ၎င်းတို့နှင့်ပတ်သက်သည့် အမှန်တရားမှာ နှိုက်နှိုက်ချွတ်ချွတ် ထုတ်ဖော်ခံရမည်ကို အကြီးအကျယ် ကြောက်ရွံ့ကြလေသည်။ သို့သော်၊ အဖြစ်မှန်များသည် အဖြစ်မှန်များဖြစ်ကြ၏။ ဘုရားသခင်သည် လူ၏ “နောင်တ” ကြောင့် သူ၏မိန့်မြွက်ချက်များကို မရပ်တန့်ပါ၊ လူတို့သည် ပြောရက်စရာမရှိအောင် ပိုမိုအရှက်ရပြီး၊ စကားလုံးများကို ကျော်လွန်၍ အခက်တွေ့လာလေလေ၊ ဘုရားသခင်သည် ၎င်းတို့၏ မျက်နှာများပေါ်တွင် အလွန်ပြင်းထန်သော သူ၏အကြည့်ဖြင့် စူးစိုက်ကြည့်လေသည်။ သူ၏နှုတ်မှ စကားများက လူ၏အကျည်းတန်သော လုပ်ရပ်များအားလုံးကို စားပွဲပေါ်တွင် ခင်းကျင်းလေ၏။ ဤအရာသည်သာ တရားမျှတပြီး ဘက်မလိုက်ခြင်းဖြစ်ပြီး၊ ဤအရာကိုသာ ကျင်းထျန်[ခ] ဖြောင့်မတ်သော တရားသူကြီး ဟုခေါ် ပြီး၊ ဤသည်သာ လူတို့၏ တရားရုံးချုပ်မှ တရားစီရင်ခြင်းဖြစ်ပေသည်။ ထို့ကြောင့် ဘုရားသခင်၏ နှုတ်ကပတ်တော်များကို လူတို့ဖတ်ရှုသောအခါ၊ ရုတ်တရက် နှလုံးဖောက်ပြန် ကြပြီး၊ ၎င်းတို့၏ သွေးဖိအား မြင့်တက်ကာ၊ ယင်းမှာ ၎င်းတို့သည် နှလုံးသွေးကြောဆိုင်ရာရောဂါ ခံစားနေကြရသကဲ့သို့ဖြစ်ပြီး၊ ဦးနှောက်သွေးလွန်ကဲခြင်းက ၎င်းတို့ကို ၎င်းတို့၏ ဘိုးဘေးများနှင့် ဆုံတွေ့ဖို့ အနောက်ပရဒိသုခဘုံသို့ ပြန်လည်ပို့ဆောင်တော့မည်ကဲ့သို့ဖြစ်၏။ ဤသည်မှာ ဘုရားသခင်၏ နှုတ်ကပတ်တော်များကို ၎င်းတို့ ဖတ်ရှုသည့်အခါ တုံ့ပြန်မှုဖြစ်ပေသည်။ နှစ်နှင့်ချီသော အလုပ်ကြမ်းကြောင့် လူသည် အိုမင်းမစွမ်းဖြစ်ရသည်၊ ၎င်းသည် အတွင်း၊ အပြင် နာမကျန်းဖြစ်ပြီး၊ သူ၏ နှလုံးမှသည် သွေးကြောကြီးများ၊ အူမကြီး၊ အူသိမ်၊ အစာအိမ်၊ အဆုတ်၊ ကျောက်ကပ် အစရှိသဖြင့်၊ သူ၏အရာအားလုံးရှိသမျှမှာ နာဖျားကြလေသည်။ သူ့ခန္ဓာကိုယ်တစ်ခုလုံးမှ မည်သည့်အရာမျှ ကျန်းမာခြင်းမရှိ။ ထို့ကြောင့် ဘုရားသခင်၏ အမှုတော်သည် လူ့တို့မရောက်နိုင်သည့် အဆင့်တစ်ခုကို မရောက်သော်လည်း၊ လူတို့အား မိမိတို့ကိုယ်ကို သိရှိစေလေသည်။ လူ၏ခန္ဓာကိုယ်သည် ဗိုင်းရပ်စ်များဖြင့် ပတ်ချာဝိုင်းခံရသောကြောင့်၊ သူသည် အသက်အိုမင်းလာသောကြောင့်၊ သူ၏သေခြင်းသည် နီးကပ်လာပြီး ပြန်လမ်းမရှိပေ။ သို့သော်၊ ဤသည်မှာ ဇာတ်ကြောင်း၏ တစ်စိတ်တစ်ပိုင်းမျှသာ ဖြစ်သည်၊ လူ၏ နာမကျန်းဖြစ်မှု အရင်းအမြစ်ကို ရှာဖွေထားသည့်အတွက်၊ အတွင်းပိုင်းအဓိပ္ပာယ်မှာ ထုတ်ဖော်ပြသခံရဖို့ရန် ရှိပါသေး၏။ အမှန်အားဖြင့်၊ ဤအမှုတော်၏ အဆင့်ပြီးမြောက်သည်နှင့်တစ်ပြိုင်နက်၊ ဇာတိပကတိထဲ၌ အနာဂတ်၏ အမှုတော်ကို ဆောင်ရွက်ဖို့ နည်းလမ်းရှိမည်မဟုတ်ဘဲ၊ ယင်းကို ပြည့်စုံစေဖို့ ဘုရားသခင်၏ ဝိညာဉ်တော်ကို လိုအပ်မည်ဖြစ်သည့်အတွက်၊ ဘုရားသခင်၏ အမှုတော် အလုံးစုံပြည့်စုံသောအချိန်သည် ကမ္ဘာမြေပေါ် ဘုရားသခင်၏ အမှုတော် ပြည့်စုံသောအချိန် မဟုတ်ပေ။ ထို့ကြောင့် ဘုရားသခင်က “စာစောင်ကို တရားဝင် ငါဖွင့်သောအချိန်သည် စကြဝဠာတစ်လျှောက်လုံးရှိ လူတို့ ပြစ်တင်ဆုံးမခံရသောအချိန်ဖြစ်သည်၊ ငါ့အမှုသည် အထွတ်အထိပ်သို့ ရောက်သောအချိန်သည် လောကတခွင်လုံးရှိ လူတို့သည် စမ်းသပ်မှုများ ခံကြရသည့်အချိန်ဖြစ်သည်” ဟု မိန့်ဆိုခဲ့လေသည်။ ဇာတိပကတိ၌ အမှု လက်စသတ်သော အချိန်သည်၊ ဘုရားသခင်၏အမှုတော် အထွတ်အထိပ်သို့ ရောက်ရှိသည့်အချိန်မဟုတ်ပေ၊ ဤအချိန်၏ အထွတ်အထိပ်ဟူသည်မှာ ဤအဆင့်အတွင်းက အမှုတော်ကို ရည်ညွှန်းရုံမျှသာဖြစ်ပြီး၊ ဘုရားသခင်၏ စီမံခန့်ခွဲမှု အစီအစဉ်တစ်ခုလုံး၏ အထွတ်အထိပ် မဟုတ်ပေ။ ထို့ကြောင့်၊ လူ့အပေါ် ဘုရားသခင်၏ သတ်မှတ်ချက်များမှာ မြင့်မားခြင်းမရှိပေ။ သူက လူတို့အနေဖြင့် မိမိတို့ကိုယ်ကို သိရှိဖို့သာ တောင်းဆိုပြီး၊ ဤအကြောင်းကြောင့် အမှုတော်၏ နောက်အဆင့်ကို အစေခံရင်း၊ ယင်းအထဲတွင် ဘုရားသခင်၏ အလိုတော်ကို စွမ်းဆောင်ရရှိခဲ့ပြီးဖြစ်ပေလိမ့်မည်။ ဘုရားသခင်၏[ဂ] အမှုတော် ပြောင်းလဲသည်နှင့်အမျှ လူတို့၏[ဃ] “အလုပ်စံနှုန်း” မှာလည်း ပြောင်းပေသည်။ ယနေ့သည် ကမ္ဘာမြေပေါ် ဘုရားသခင့်အမှုတော်၏ အဆင့်ဖြစ်ပြီး၊ ထို့ကြောင့် ၎င်းတို့အနေဖြင့် အောက်ခြေအဆင့်များမှ လုပ်ကြရမည်ဖြစ်သည်။ အနာဂတ်တွင်၊ တိုင်းနိုင်ငံကို စီမံခန့်ခွဲဖို့ လိုအပ်လိမ့်မည်ဖြစ်ပြီး၊ ထို့ကြောင့် ၎င်းတို့သည် ဗဟိုကော်မတီမှ တာဝန်ပြန်လည်ချထားခြင်းကို ခံရကြလိမ့်မည်။ ၎င်းတို့သည် ပြည်ပသို့ အလည်အပတ်သွားကြလျှင်၊ ပင်လယ်ရပ်ခြားသို့ သွားခြင်းအတွက် လုပ်ထုံးလုပ်နည်းများကို ကိုင်တွယ်ဖြေရှင်းကြရလိမ့်မည်ဖြစ်သည်။ ထိုသို့သော အချိန်များတွင် ၎င်းတို့သည် ၎င်းတို့၏ ဇာတိမြေမှ ဝေးကွာသည့် ပင်လယ်ရပ်ခြား၌ ရှိကြလိမ့်မည်ဖြစ်သည်။ သို့သော် ဤသည်မှာ ဘုရားသခင့်အမှုတော်၏ သတ်မှတ်ချက်များကြောင့် ဖြစ်ဆဲရှိလိမ့်မည်။ လူတို့က “ငါတို့သည် လိုအပ်သည့်အခါ ဘုရားသခင်အတွက် ငါတို့၏ ဘဝများကို စွန့်လွှတ်မည်” ဟု ပြောကြသည်နှင့်အညီ၊ ဤသည်မှာ အနာဂတ်တွင် လျှောက်လှမ်းရမည့် လမ်းစဉ်မဟုတ်သလော။ အဘယ်သူသည် ထိုကဲ့သို့သော ဘဝတစ်ခုကို ပျော်မွေ့ခဲ့ဖူးသနည်း။ တစ်ဦးတစ်ယောက်သည် နေရာအနှံ့ခရီးသွားနိုင်ပြီး၊ ပင်လယ်ရပ်ခြားသို့ အလည်အပတ်သွားကာ၊ ကျေးလက်ဒေသတွင် လမ်းညွှန်မှု ပံ့ပိုးပေးနိုင်ကြသည်၊ သာမန်လူတို့ကြား မိမိတို့ကိုယ်ကို အံ့ဝင်ခွင်ကျဖြစ်စေပြီး၊ ၎င်းတို့သည် အဆင့်မြင့် အဖွဲ့အစည်းများ၏ အဖွဲ့ဝင်များနှင့်အတူ နိုင်ငံ၏ အရေးပါသည့်အကြောင်းအရာများကို ပြောဆိုဆွေးနွေးနိုင်ကြလေသည်၊ လိုအပ်သည့်အခါ ၎င်းတို့သည် ငရဲထဲက ဘဝကို ကိုယ်တိုင်ကိုယ်ကျ မြည်းစမ်းနိုင်ကြပြီး ယင်းနောက်တွင် ကောင်းကင်ဘုံနှင့်ဆိုင်သော ကောင်းချီးမင်္ဂလာများကို ပျော်မွေ့ရန် တတ်နိုင်ကြဆဲဖြစ်သည်။ ဤသည်တို့မှာ လူ၏ကောင်းချီးမင်္ဂလာများ ဖြစ်သည်မဟုတ်လော။ အဘယ်သူသည် ဘုရားသခင်နှင့် နှိုင်းယှဉ်ခဲ့ဖူးသနည်း။ အဘယ်သူသည် တိုင်းနိုင်ငံများအားလုံး အနှံ့အပြား ခရီးသွားခဲ့ဖူးသနည်း။ အမှန်စင်စစ်၊ လူတို့သည် နည်းပေးလမ်းပြမှုများ သို့မဟုတ် ရှင်းပြချက်များ တစ်ခုတစ်လေမျှမရှိဘဲ ဘုရားသခင်၏ နှုတ်ကပတ်တော်များ အချို့အနည်းအကျဉ်းကို နားလည်သဘောပေါက်နိုင်ခဲ့ကြလိမ့်မည်ဖြစ်သည်၊ ယင်းမှာ ၎င်းတို့သည် ဘုရားသခင်၏ အမှုတော်ကို ယနေ့အထိ ရှည်ကြာ စေခဲ့သည့်အရာဖြစ်သည့်၊ မိမိတို့ကိုယ်ကိုယုံကြည်မှု မရှိကြခြင်းသာ ဖြစ်ပေသည်။ ဘုရားသခင်က “၎င်းတို့တွင် ဘာမျှမရှိ” ဟုဆိုသည့်အတိုင်း၊ လူတို့သည် ချို့တဲ့မှု အလွန်များသောကြောင့်၊ ယနေ့၏ အမှုသည် ၎င်းတို့ကို ဧရာမအခက်အခဲများ ဖြစ်ပေါ်စေလေသည်၊ ထို့အပြင် ၎င်းတို့၏ အားနည်းချက်က ဘုရားသခင်၏နှုတ်ကို အလိုအလျောက် ဘောင်ခတ်ခဲ့သည်၊ ဤအရာတို့သည် ဘုရားသခင်၏ အမှုတော်ကို ဆီးတားနေသည့်အရာများ အတိအကျပင်ဖြစ်သည် မဟုတ်လော။ ဤအရာကို သင်တို့ မမြင်နိုင်သေးသလော။ ဘုရားသခင် မိန့်ဆိုသော အရာအားလုံးထဲ၌ ဝှက်ထားသော အဓိပ္ပာယ်ရှိ၏။ ဘုရားသခင် စကားပြောသောအခါ၊ သူသည် လက်ဝယ်ရှိသည့် အမှုကိစ္စကို မလွှတ်တမ်း အသုံးချပြီး၊ ပညာပေးပုံပြင်တစ်ပုဒ်ကဲ့သို့ပင် သူပြောဆိုသမျှသော နှုတ်ကပတ်တော်များအားလုံးတွင် လေးနက်သော သတင်းစကား ပါရှိလေသည်။ ဤရိုးရှင်းသော စကားများတွင် လေးနက်သော အဓိပ္ပာယ်ပါရှိပြီး၊ ထို့ကြောင့် အရေးအကြီးဆုံးသော မေးခွန်းများကို ရှင်းပြလေသည်။ ဤသည်မှာ ဘုရားသခင်၏ နှုတ်ကပတ်တော် အကောင်းဆုံးဖြစ်သည့်အရာ မဟုတ်လော။ ဤအရာကို သင်သိပါသလော။

အောက်ခြေမှတ်ချက်များ -

(က) မူရင်းစာသား၌ “ဤအရာသည် ဘုရားသခင်အပေါ် လူ၏ ယူဆချက်များ ဖြစ်ပုံပေါ်သည်” ဟု ရေးသားထားသည်။

(ခ) ကျင်းထျန် - ဤအသုံးအနှုန်းကို ဧကရာဇ်ကာလ၌ ဖြောင့်မတ်သော တရားသူကြီးကို ရည်ညွှန်းရာတွင် သုံးပါသည်။

(ဂ) မူရင်းစာသား၌ “ဘုရားသခင့်” ကို ချန်ထားသည်။

(ဃ) မူရင်းစာသား၌ “လူတို့၏” ကို ချန်ထားသည်။

ယခင်က:အခန်း ၂၇

နောက်တစ်ခုသို့:သုံးဆယ့်သုံးခုမြောက်သော မိန့်မြွက်ချက်၏ အနက်ဖွင့်ချက်

သင်နှစ်သက်နိုင်သည့် အရာများ