အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၃၉

ဘုရားသခင်၏ နှုတ်ကပတ်တော်ကို ကျော်လွန်ပြီး ငါတို့ဘဝများ ပွင့်လန်းဖို့နှင့် ငါတို့အတွက် ဘုရားသခင်၏ မျှော်လင့်ချက်များနှင့်လျော်ညီအောင် ရှင်သန်နိုင်ဖို့အတွက် ဘဝနှင့်ပတ်သက်သော အရေးကိစ္စများအကြောင်းကို ဆွေးနွေးကြစို့။ အထူးသီးသန့်အနေဖြင့် အသီးသီးတို့သည် အမျိုးအနွယ်အလိုက် ခွဲဖွဲ့ခံရသည့်အချိန်၊ ပြစ်တင်ဆုံးမခြင်း အချိန်ဖြစ်သည့် ဤနေ့ရက် ရောက်ရှိလာခြင်းနှင့်အတူ အခြေအနေအရပ်ရပ်ကို အာရုံထားဖို့နှင့် “စုပေါင်း စိတ်၀င်စားမှုများ” အပေါ် အာရုံစူးစိုက်ဖို့ သာ၍ကြီးမားသည့် လိုအပ်ချက်တစ်ခု ရှိနေသည်။ ဤသည်မှာ ဘုရားသခင်၏ အလိုတော်ဖြစ်ပြီး လူသားအားလုံး အထမြောက်အောင်မြင်သင့်သော အရာလည်းဖြစ်သည်။ ကောင်းကင်ဘုံ၌ရှိတော်မူသော ဘုရားသခင်၏ အလိုတော်အတွက် အဘယ်ကြောင့် ငါတို့သည် မိမိကိုယ်ကို ပူဇော်ဆက်ကပ်ခြင်း မပြုနိုင်မည်နည်း။ “လူတို့၏ဘိုးဘေးများက သူတို့ကို မိမိတို့မိသားစုများထံသို့ အောင်မြင်စွာ ပြန်လည်လမ်းညွှန်မှုပေးနိုင်ရန် လူသားမျိုးနွယ်အားလုံးတို့အတွက် ကိန်းဂဏန်းများကို သတ်မှတ်ပေးခြင်း၊ လူတစ်ဦးစီအပေါ်တွင် ခြားနားသော သင်္ကေတများဖြင့် အမှတ်အသားပြုခြင်း” တို့ကို ဘုရားသခင်လုပ်ဆောင်ပြီး ယင်းက လူတို့သည် မိမိတို့အမျိုးအစားအလိုက် ခွဲဖွဲ့ခံရခြင်းကို ပြသကာ အကျိုးရလဒ်အနေဖြင့် လူသားအမျိုးအနွယ်အားလုံးတို့သည် မိမိတို့၏ စစ်မှန်သောအသွင်သဏ္ဌာန်ကို ဖော်ပြနေကြပေသည်။ ထိုသို့ဖြစ်နေသဖြင့် လူတို့သည် မိမိတို့၏ ဘိုးဘေးများအပေါ် သစ္စာရှိကြသည်ဖြစ်ပြီး ဘုရားသခင်အပေါ် သစ္စာရှိကြသည်မဟုတ်ဟု ဆိုနိုင်သည်။ သို့ရာတွင် လူအားလုံးတို့သည် မိမိတို့ဘိုးဘေးများ၏ လမ်းညွှန်မှုဖြင့် ဘုရားသခင်ကို အစေခံလျက်ရှိနေကြသည်ဖြစ်ရာ ယင်းမှာ ဘုရားသခင်အမှု၏ အံ့သြဖွယ်ကောင်းမှုဖြစ်လေသည်။ အရာခပ်သိမ်းသည် ဘုရားသခင်ကို အစေခံနေသည်ဖြစ်ရာ စာတန်အနေဖြင့် လူတို့ကို နှောင့်ယှက်သည့်တိုင်အောင် ဘုရားသခင်သည် သူ့ကို အစေခံစေရန် “ဒေသန္တရ အရင်းအမြစ်များ” ကို ရယူဖို့ ဤအခွင့်အလမ်းကို အသုံးချ၏။ သို့ရာတွင် လူတို့သည် ဤကိစ္စကို ပိုင်းခြားသိနိုင်စွမ်းမရှိကြပေ။ “ဤသို့ဖြင့် ငါသည် လုပ်ငန်းကိုပါ ခွဲဝေပြီးလျှင် အားထုတ်မှုများကိုပါ ဖြန့်ဝေလိုက်သည်။ ဤသည်မှာ ငါ့စီမံကိန်း၏ အစိတ်အပိုင်းဖြစ်ပြီး မည်သူမျှ မနှောင့်ယှက်နိုင်ပေ” ဟု ဘုရားသခင် ဆိုသည့်အတိုင်းဖြစ်သည်။ ဘုရားသခင်က သတ်မှတ်ထားသည့် အရာအားလုံးနှင့် ပြီးမြောက်ရန် ဘုရားသခင်အလိုရှိသည့် အရာအားလုံးကို ဘုရားသခင်က လုပ်ဆောင်မပြီးမီတွင် လူတို့သည် မြင်တွေ့နိုင်စွမ်းမရှိကြချေ။ ဘုရားသခင်၏ အမှုတော် ပြီးစီးသည့်အခါကျမှသာလျှင် သူတို့သည် မြင်တွေ့နိုင်လေသည်။ ထိုသို့မဟုတ်လျှင် သူတို့သည် မျက်စိကန်း၍ ဘာမျှမမြင်နိုင်သူများဖြစ်သည်။

ယနေ့ ဘုရားသခင်သည် အသင်းတော်များအကြားတွင် အမှုသစ်ကို ပြုနေ၏။ သူသည် အရာခပ်သိမ်းတို့ကို သဘာဝ၏ဖြစ်စဉ်ကို လိုက်နာစေခြင်းဖြင့် လူ၏ဆောင်ရွက်မှုကို အမှန်ပင် သက်သေထင်ရှားစေလေသည်။ “ရှိရှိသမျှ အရာခပ်သိမ်းတို့ကို သဘာဝ၏ဖြစ်စဉ်ကို လိုက်နာစေပြီးလျှင် သဘာဝ၏စေခိုင်းမှုကို ဝန်ခံလိုက်နာစေလျက် တည်ရှိနေသမျှသော အရာခပ်သိမ်းတို့အထဲမှ အရာတစ်ခုစီတိုင်းကို ငါအုပ်စိုးသည်၊ ထိုအရာအားလုံးတို့အထဲက အရာတစ်ခုစီတိုင်းကို ငါအမိန့်ပေးသည်”ဟု ဘုရားသခင်ပြောသကဲ့သို့ဖြစ်သည်။ သင်တို့အနေဖြင့် “သဘာဝ၏ဖြစ်စဉ်ကို လိုက်နာခြင်း” ထဲသို့ မည်သို့သော လိမ္မာသည့် ထိုးထွင်းအမြင်မျိုးရှိနေကြမည်ကို ငါမသိသဖြင့် ဤကိစ္စကို ပြောဆိုကြစို့။ ဤကိစ္စနှင့်ပတ်သက်၍ ငါ၏အမြင်မှာ ဤသို့ဖြစ်၏။ ထိုသူတို့သည် မိမိတို့ဘိုးဘေးများ၏ အိမ်သို့ ဦးဆောင်ခြင်း ခံရသောကြောင့် လူသားမျိုးနွယ်အားလုံးတို့သည် ထွက်လာ၍ “လုပ်ဆောင်” ရမည်ဖြစ်သည်။ ထို့အပြင် သူတို့သည် သဘာဝ၏ဖြစ်စဉ်ကို လိုက်လျှောက်နေသည်ဖြစ်သဖြင့် သူတို့၏ ရှိရင်းစွဲအရာမှာ သူတို့ကို ဤနိယာမအတိုင်း သန့်ရှင်းသော ဝိညာဉ်တော်၏ လမ်းညွှန်မှုနောက်သို့ လိုက်နာစေရင်း သူတို့ထမ်းရွက်ရမည့် မူလတာဝန်ကို ဆောင်ယူလာတတ်လေသည်။ သန့်ရှင်းသောဝိညာဉ်တော်၏ လုပ်ဆောင်မှုသည် လူပုဂ္ဂိုလ်တစ်ဦးစီ၏ အတွင်းအနေအထားအလိုက် ဆောင်ရွက်လျက်ရှိသည်၊ တိတိပပပြောရမည်ဆိုလျှင် ယင်းကို “အရာခပ်သိမ်းက သူ့ကိုအစေခံစေရန် ဘုရားသခင်သည် ၎င်းတို့ကို ထိန်းကြောင်းသည်” ဟုခေါ်သည်။ ဤအချက်သည် သဘာဝဖြစ်စဉ်ကို လိုက်လျှောက်ခြင်းနှင့် ဆက်နွှယ်၏။ လူပုဂ္ဂိုလ်တစ်ဦးသည် မာရ်နတ်၏ အခြေခံသဘာတရားများ မိမိအထဲတွင် ရှိနေခဲ့သည့်တိုင် ဘုရားသခင်သည် လူတို့၏အထဲ၌ ရှိရင်းစွဲဖြစ်သောအရာ၏ အုတ်မြစ်တွင် သန့်ရှင်းသောဝိညာဉ်တော်၏လုပ်ဆောင်မှုကို ထပ်ဖြည့်လျက်၊ လူတို့ကို ဘုရားသခင်၏ အစေခံဖို့ရန် အရည်အချင်းလုံလောက်စေလျက်နှင့် ယင်းအချက်ကို အသုံးချလိမ့်မည်။ ဤသည်မှာ “သဘာဝ၏ဖြစ်စဉ်ကို လိုက်လျှောက်ခြင်း” နှင့်ပတ်သက်၍ ငါပြောဆိုမည့်အကြောင်း အကုန်အစင်ပင်ဖြစ်၏။ သင်တို့၌ ပို၍အဆင့်မြင့်သော ဆွေးနွေးအကြံပြုချက်များ ရှိကောင်းရှိနိုင်သည်။ သင်တို့အနေဖြင့် အဖိုးတန်သည့်အချက်အလက်များ ထောက်ပံ့ပေးနိုင်မည်ဟု ငါမျှော်လင့်သည်။ အဆင်ပြေမည်လား။ သင်တို့အနေဖြင့် သဘာဝ၏ ဖြစ်စဉ်ကို လိုက်လျှောက်ခြင်းတွင် အတူလုပ်ဆောင်ဖို့ ဆန္ဒရှိကြသလော။ သင်တို့အနေဖြင့် ဘုရားသခင်နှင့်အတူ အမှုခွဲဝေဖို့အတွက် ဆန္ဒရှိကြပါ၏လော။ ဤကိစ္စကို မည်ကဲ့သို့ လုပ်ဆောင်ရရှိနိုင်ပါမည့်အကြောင်း သင်တို့စဉ်းစားဖူးကြပါ၏လော။ လူတို့သည် ဘုရားသခင်၏အလိုတော်ကို နားလည်နိုင်စွမ်းရှိကြပြီး မျှဝေထားသည့် စံနှုန်းများအတွက် ဘုရားသခင်ကို ကျေနပ်စေဖို့ အတူတကွလုပ်ဆောင်နိုင်ကာ၊ နိုင်ငံတော်ဆီသို့ သွားရာလမ်းတွင် အတူတကွ ရှေ့သို့ တက်လှမ်းနိုင်လိမ့်မည်ဟု ငါမျှော်လင့်သည်။ အဘယ်ကြောင့်မလိုလားအပ်သော အယူအဆများကို စိတ်ကူးရရန် လိုအပ်မည်နည်း။ ယနေ့ထိတိုင် မိမိတည်ရှိနေခြင်းသည် ဘုရားသခင်အဖို့အလို့ငှာမဖြစ်ဘဲ ရှိနေခဲ့ဖူးသူ မည်သူရှိသနည်း။ ဤကဲ့သို့ ဖြစ်နေကတည်းက အဘယ်အတွက်ကြောင့် ဝမ်းနည်းခြင်း၊ နာကျည်းခြင်းနှင့် မြည်တမ်းခြင်းများပြုဖို့ လိုအပ်မည်နည်း။ ဤအရာသည် မည်သူအတွက်မျှ ကောင်းကျိုးမရှိပေ။ လူတို့၏ ဘဝတစ်ခုလုံးသည် ဘုရားသခင်၏လက်ထဲတွင် ရှိနေသည်ဖြစ်ရာ အကယ်၍ ဘုရားသခင်၏ရှေ့တော်တွင် သူတို့၏ ဆုံးဖြတ်မှုကြောင့်သာ မဟုတ်လျှင် ဗလာကျင်းနေသော ဤလူ့လောကကြီးထဲတွင် မည်သူသည် အချည်းနှီးသက်သက် ဘဝရှင်သန်ဖို့ ဆန္ဒရှိလိမ့်မည်နည်း။ အဘယ်ကြောင့် စိတ်ရှုပ်ခံနေမည်နည်း။ လောကထဲတွင် အမြန်ပြေးလွှားရုန်းကန်နေရင်း ဘုရားသခင်အတွက် ဘာတစ်ခုမျှ သူတို့မလုပ်ဆောင်ပါက သူတို့၏ဘဝတစ်ခုလုံးကို ဖြုန်းတီးပစ်ရာ ရောက်မည်မဟုတ်လော။ အကယ်၍ ဘုရားသခင်သည် သင်၏လုပ်ဆောင်မှုများကို ဖော်ပြထိုက်သည်ဟု မယူဆဘူးဆိုလျှင်ပင် မိမိသေဆုံးချိန်ရောက်ခိုက်တွင် ပျော်ရွှင်သောအပြုံးပန်းတစ်ခုကို မပေးကမ်းတော့ဘူးလော။ သင့်အနေဖြင့် အပြုသဘောဘက်သို့ တိုးတက်အောင် ကြိုးစားသင့်ပြီး အပျက်သဘောဘက်သို့ မဆုတ်ယုတ်သင့်ပေ။ ဤသည်မှာ ပိုကောင်းသော လက်တွေ့လုပ်ဆောင်မှုဖြစ်သည် မဟုတ်လော။ အကယ်၍ သင်၏လုပ်ဆောင်မှုတို့သည် ဘုရားသခင်ကို ကျေနပ်စေဖို့အတွက်သက်သက် ဖြစ်သည်ဆိုလျှင် သင့်အနေဖြင့် အပျက်သဘော သို့မဟုတ် ဆုတ်ယုတ်ခြင်းသဘော ဆောင်နေမည်မဟုတ်ပေ။ အကြောင်းမှာ လူတို့၏စိတ်နှလုံးထဲတွင် နားလည်ရခက်ခဲနေသည့်အရာများ အမြဲပင်ရှိနေတတ်သည်ဖြစ်ရာ သူတို့၏ မျက်နှာများသည် တိမ်မဲများဖုံးအုပ်နေသည်ကို သူတို့အနေဖြင့် သတိထားသိရှိခြင်းမရှိဘဲ ယင်းက သူတို့၏မျက်နှာပေါ်တွင် သူတို့မသိဘဲနှင့် “အရေးအကြောင်းများ” ​ပေါ်ပေါက်လာစေပြီး ယင်းမှာ မြေကြီးက ဆက်လက်ကွဲအက်နေခြင်းကြောင့် ဖြစ်လာပုံရသည်။ ယင်းသည် မြေကြီးရွေ့လျားပြီး မြေကြီးပေါ်က “တောင်ပူစာများ” သို့မဟုတ် “နိမ့်လျှောတွင်းများ” ကို လူတို့သိရှိခြင်းမရှိဘဲ နေရာရွေ့စေသည်နှင့် တူသေးတော့၏။ ဤကိစ္စ၌ ငါသည် လူများကို ရယ်သွမ်းသွေးနေခြင်းမဟုတ်၊ “ဘူမိဗေဒ အသိပညာ” နှင့်ပတ်သက်၍ ပြောပြနေခြင်းသာဖြစ်သည်။

ဘုရားသခင်သည် လူအားလုံးကို ပြစ်တင်ဆုံးမခြင်းထဲသို့ ပို့ဆောင်ခဲ့သည်မှန်သော်လည်း သူသည် ဤကိစ္စနှင့်ပတ်သက်၍ ဘာမျှမပြောချေ။ ထိုအစား သူသည် ဤခေါင်းစဉ်ကို တမင်တကာ ရှောင်ရှားပြီး ခေါင်းစဉ်သစ်တစ်ခုကို အစပြုသည်ဖြစ်ရာ ထိုခေါင်းစဉ်သစ်နှင့် ပတ်သက်၍ အမြင်တစ်မျိုးမှာ ဘုရားသခင်၏ အမှုတော်ကြောင့်ဖြစ်ပြီး နောက်ရှုထောင့်တစ်ခုမှာ အမှု၏ ဤအဆင့်ကို ချက်ချင်းလက်ငင်း ပြီးပြည့်စုံစေဖို့ဖြစ်၏။ အကြောင်းမှာ အမှု၏ ဤအဆင့်ကို အကောင်အထည်ဖော်ဆောင်ရာတွင် ဘုရားသခင်၏ ရည်ရွယ်ချက်များကို ရှေးယခင်ကတည်းက ရရှိခဲ့ပြီးဖြစ်နေသဖြင့် ဘာမျှထပ်ပြောစရာမလိုတော့ပေ။ ယနေ့တွင် သင်တို့အနေဖြင့် ဘုရားသခင့်အမှုတော်၏ နည်းလမ်းများကို မည်မျှမည်ရွေ့ မြင်ပြီးကြသည်ကို ငါမသိပေ။ ငါ၏သိစိတ်ထဲတွင် ဘုရားသခင်၏အမှုတော်သည် ယခင်ကကဲ့သို့ အဆင့်ဆင့်နှင့် အချိန်ကာလများထဲသို့ ရှင်းလင်းစွာပိုင်းခြားနေမှုမရှိဟု ငါအမြဲတမ်းပင် ခံစားရသည်။ ထိုအစား နေ့ရက်တိုင်းသည် မိမိ၏အမှုပြုနည်းကိုယ်စီကို သယ်ဆောင်လာလေ့ရှိပြီး၊ ပြောင်းလဲခြင်းသည် သုံးရက်မှငါးရက်တစ်ကြိမ်နှုန်းမျှ ပေါ်ပေါက်လေ့ရှိပေသည်။ ထိုငါးရက်တာအတွင်းတွင်ပင်လျှင် ဘုရားသခင်၏အမှုတော်နှင့်ပတ်သက်၍ အကြောင်းအရာ နှစ်မျိုးနှစ်စား ရှိနေကောင်းရှိနေမည်ဖြစ်၏။ ထိုအချက်က ဘုရားသခင့်အမှုတော်၏ လျင်မြန်မှုကို ပြသပြီး လူများက အနီးကပ် တုံ့ပြန်မှုပြီး အားစိုက်ကြည့်ချိန် မရလိုက်ခင်မှာပင် ဘုရားသခင်သည် ခြေရာဖျောက်၍ ပေျာက်သွားနှင့်ပြီဖြစ်၏။ ဤသို့အားဖြင့် ဘုရားသခင်သည် အမြဲပင် လူတို့အတွက် နားမလည်နိုင်လောက်အောင် ဖြစ်နေလေ့ရှိရာ ထိုအချက်က သန့်ရှင်းသောဝိညာဉ်တော် လုပ်ဆောင်မှု၏ မသိရှိနိုင်မှုဆီသို့ ဦးတည်သွားစေခဲ့ပြီဖြစ်၏။ အဘယ်ကြောင့် ဘုရားသခင်သည် “သို့ဖြစ်၍ ငါသည် လူကို စွန့်ပစ်ထားသည်” အစရှိသော စကားမျိုးကို အမြဲတမ်း ပြောဆိုလေ့ရှိသနည်း။ လူတို့အနေဖြင့် ဤစကားစုကို အာရုံစိုက်မှု အနည်းငယ်မျှ ပြုကောင်းပြုမည်ဖြစ်သော်လည်း သူတို့သည် ထိုစကားစု၏ဆိုလိုရင်းကို နားမလည်ကြချေ။ ယခု မည်သို့ရှိသနည်း၊ သင်နားလည်ပါ၏လော။ လူတို့သည် သန့်ရှင်းသောဝိညာဉ်တော်၏ မျက်မှောက်တော်ကို နားလည်သိရှိခြင်းမရှိသည်မှာ အံ့ဩစရာမရှိပေ။ လူတို့သည် ဘုရားသခင်ကို ရှာဖွေမှုပြုရာတွင် အမြဲပင် တိမ်သလ္လာဖုံးကွယ်သော လရောင်အောက်တွင် ပြုနေရလေ့ရှိပြီး၊ ဤအချက်သည် လုံးလုံးလျားလျား မှန်ကန်နေသည်ဖြစ်ရာ၊ ဤသို့ဖြစ်သည်မှာ လူတို့ကိုခေါင်းမူးစေပြီး စိတ်ရှုပ်ထွေးစေရန် လူအားလုံး၏ ဦးနှောက်များကို ရောင်ကိုင်းစေလျက် ဘုရားသခင်သည် လူကို တမင်တကာ ကျီစယ်သကဲ့သို့ပင်ဖြစ်တော့၏။ လူတို့သည် မိမိတို့ဘာလုပ်နေသည်ကို သိရှိရန်ပင်ခက်ခဲနေပြီး အိပ်မက်မက်နေဘိသည့်အလားဖြစ်နေရကား သူတို့နိုးလာသောအခါ ဘာဖြစ်ပျက်ခဲ့သည်ကို သိရှိခြင်းမရှိကြတော့ပေ။ လူတို့ကို ကြောင်သွားအောင်ပြုဖို့ လိုသည့်အရာမှာ ဘုရားသခင်ထံတော်မှ ရိုးရိုးနှုတ်ကပတ်တော်အချို့ပင် ဖြစ်သည်။ “ယနေ့တွင် ငါသည် လူအားလုံးကို “မီးဖိုကြီး” ထဲသို့ စစ်ဆေးခြင်းခံဖို့အတွက် ပစ်ထည့်၏။ ငါသည် အမြင့်တွင် မတ်တပ်ရပ်လျက် လူတို့ မီးထဲတွင် လောင်မြိုက်နေသည်ကို အနီးကပ်ကြည့်ရှုနေရာ လူတို့သည် မီးတောက်၏ အနိုင်ကျင့်မှုကိုခံရင်း အမှန်တရားများကို ဖော်ထုတ်လာကြ၏” ဟု ဘုရားသခင်ပြောသည်ကို အံ့ဩစရာမရှိပါချေ။ ဘုရားသခင်၏ အမြဲတစေပြောင်းလဲနေသော နှုတ်ကပတ်တော်များ၏အလယ်တွင် လူတို့သည် အဘယ်အရာပြုရမည်ကို မသိရှိကြပေ။ စင်စစ်အားဖြင့် ဘုရားသခင်ပြောသကဲ့သို့ပင် ပြစ်တင်ဆုံးမခြင်းသည် ရှေးယခင်ကတည်းက စတင်လာခဲ့သည်ဖြစ်ပြီး လူတို့သည် ဤကိစ္စကို သိရှိသဘောပေါက်ခြင်းမရှိခဲ့သဖြင့် သူတို့သည် ဘုရားသခင်က တည့်တည့်ဖွင့်ပြောသည့်အခါကျမှသာ သိရှိကြပြီး ဘုရားသခင်က သူတို့ကို ပြောပြခဲ့ပြီးမှသာလျှင် သူတို့အနေဖြင့် အာရုံစိုက်ကြသည်။ ဘုရားသခင်၏ အမှုတော်သည် ဤအခြေအနေဆီသို့ လုပ်ဆောင်ပြီးသည့်အခါကျမှသာလျှင် လူတို့သည် ပြစ်တင်ဆုံးမခြင်းကို စတင်၍ လေ့လာကြသည်ဟု ဆိုနိုင်ပေသည်။ ယင်းသည် လူတို့က အဏုမြူဗုံးကို သတိပြုသိရှိလာသည့်အခါနှင့်ပင် တူနေတော့သည်။ သို့သော် အချိန်မကျရောက်သေးသဖြင့် လူတို့သည် သတိပြုခြင်းမရှိဘဲ တစ်စုံတစ်ဦးက ယင်းကို ပြုလုပ်ဖို့ စတင်လာသောအခါမှသာ လူတို့သည် စတင်အာရုံစိုက်လာကြလေ၏။ အဏုမြူဗုံး ပေါ်လာသောအခါကျမှသာလျှင် လူတို့သည် ယင်းနှင့်ပတ်သက်၍ ပိုမိုနားလည်သိရှိလာလေသည်။ ဘုရားသခင်က မိမိသည် လူတို့ကို မီးဖိုထဲပစ်ထည့်တော့မည်ဟု ပြောဆိုသောအခါမှသာလျှင် လူတို့သည် အနည်းငယ်မျှ သတိပြုလာကြလေသည်။ အကယ်၍သာ ဘုရားသခင်သည် ပြောဆိုခြင်းမပြုခဲ့ပါလျှင် မည်သူမျှ သိရှိလိမ့်မည်မဟုတ်ချေ၊ ဟုတ်မှန်သည်မဟုတ်လော။ ထို့ကြောင့် “လူတို့သည် ကြိုးတစ်ချောင်းဖြင့် ထိုနေရာသို့ ခေါ်ဆောင်သွားခြင်းခံရဘိသည့်အလား၊ ထုံထိုင်းလာကြသည့်အလား မီးဖိုကြီးထဲသို့ ဘာမျှသိရှိခြင်းမရှိဘဲ ဝင်ရောက်ကြသည်” ဟု ဘုရားသခင်ပြောလေသည်။ ဤအချက်ကို ခွဲခြမ်းစိတ်ဖြာ လေ့လာကြစို့။ လူတို့သည် အမှန်တရားများကို ဖော်ထုတ်လာကြသောအချိန်သည် ပြစ်တင်ဆုံးမခြင်းစတင်နေပြီဟု ဘုရားသခင်ပြောဆိုသည့်အချိန် ဖြစ်သလော သို့မဟုတ် ပြစ်တင်ဆုံးမခြင်းစတင်နေပြီဟု ဘုရားသခင်ပြောဆိုခြင်းမတိုင်မီအချိန် ဖြစ်သလော။ ဤအချက်မှ မြင်တွေ့နိုင်သည်မှာ ဘုရားသခင်က ပြစ်တင်ဆုံးမခြင်းနှင့်ပတ်သက်၍ ပြောဆိုခြင်းမပြုမီပင် လူတို့သည် အပြစ်ဝန်ခံမှုစတင်ခဲ့ကြသည်ဖြစ်ရာ ပြစ်တင်ဆုံးမခြင်းသည် ၎င်းနှင့်ပတ်သက်၍ ဘုရားသခင်က ပြောဆိုခဲ့ခြင်းမရှိမီကပင် ရှိနေနှင့်ခဲ့ကြောင်း ပြသလျက်ရှိပေသည်။ ဤသည်မှာ အမှန်တရားပင်ဖြစ်သည်မဟုတ်လော။

ယခင်က:အခန်း ၃၈

နောက်တစ်ခုသို့:အခန်း ၄၀

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ