အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၄၀

ဘုရားသခင်အတွက် လူသားသည် သူ၏လက်တွင်းမှ ကစားစရာတစ်ခုကဲ့သို့ ဖြစ်သည်၊ သူ၏လက်ထဲမှ လက်ဖြင့် ဆွဲဆန့်ထားသော ခေါက်ဆွဲကဲ့သို့ ဖြစ်သည်၊ ဘုရားသခင် အလိုရှိသည့်အတိုင်း အထူ သို့မဟုတ် အပါး ပြုလုပ်နိုင်သည်၊ သူ စိတ်ကြိုက် ပြုနိုင်သည်။ လူသားသည် အမျိုးသမီးတစ်ဦး စျေးမှဝယ်ယူခဲ့သော ပါရှန်ကြောင်တစ်ကောင်ကဲ့သို့ ဘုရားသခင်၏ လက်ထဲမှ ကစားစရာတစ်ခု အမှန်တကယ်ပင် ဖြစ်သည်ဟု ဆိုခြင်းမှာ မှန်ကန်နိုင်ပေသည်။ သူသည် ဘုရားသခင်၏ လက်ထဲမှ ကစားစရာတစ်ခု ဖြစ်သည်မှာ သံသယဖြစ်စရာ မဟုတ်ပေ၊ ထို့ကြောင့်ပေတရု၏ အသိနှင့်ပတ်သက်ပြီး အမှားအယွင်း တစ်စုံတစ်ခု မရှိခဲ့ပေ။ လူသား၌ ဘုရားသခင်၏ နှုတ်ကပတ်တော်များနှင့် လုပ်ဆောင်ချက်များမှာ အခက်အခဲ မရှိဘဲ သာမန်ကာလျှံကာ ပြီးမြောက်ကြောင်းကို ဤအရာမှ မြင်နိုင်သည်။ သူသည် လူတို့ စိတ်ကူးသကဲ့သို့ ဦးနှောက်ခြောက်အောင် စဉ်းစားခြင်း သို့မဟုတ် အစီအစဉ်များ ချမှတ်ခြင်း မရှိပေ၊ လူသား၌ သူပြုသောအမှုမှာ အလွန်ပင် သာမန် ဖြစ်သည်၊ လူသားကို သူ မြွက်ဆိုသော နှုတ်ကပတ်တော်များမှာလည်း ထိုနည်းတူစွာ ဖြစ်သည်။ ဘုရားသခင် စကားပြောသောအခါ သူသည် မရည်ရွယ်ဘဲ ပြောသကဲ့သို့ ထင်ရသည်၊ သူ၏ စိတ်ထဲ၌ ပေါ်လာသမျှကို အတားအဆီးမရှိ သူ ပြောကဲ့သို့ ထင်ရသည်။ သို့သော်လည်း လူတို့သည် ဘုရားသခင်၏ နှုတ်ကပတ်တော်များကို ဖတ်ရှုပြီးနောက် လုံးလုံးလျားလျား လက်ခံယုံကြည်ကြသည်၊ ၎င်းတို့သည် အလွန်အံ့အားသင့်ကာ မျက်လုံးပြူးမျက်ဆံပြူး ဖြစ်၍ ပြောရန်စကားလုံးများပင် ပျောက်ကုန်ကြလေ၏။ ဤနေရာတွင် မည်သည့်အရာများ ဖြစ်ပေါ်နေသနည်း။ ဘုရားသခင်၏ ဉာဏ်ပညာသည် မည်မျှပင် ကြီးမားကြောင်းကို ဤအရာက ကောင်းစွာ ပြသသည်။ အကယ်၍ လူသား၌ ဘုရားသခင်၏အမှုသည် လူတို့ စိတ်ကူးသကဲ့သို့ တိကျမှန်ကန်စွာစေ့စေ့စပ်စပ် စီစဉ်ထားခြင်း ဖြစ်ရမည်ဆိုပါက၊ ဤ စိတ်ကူးစိတ်သန်းများကို နောက်ထပ်တစ်ဆင့် ကြည့်လျှင် ဘုရားသခင်၏ ဉာဏ်ပညာ၊ အံ့သြဖွယ်ဖြစ်ခြင်းနှင့် ဉာဏ်မမီနိုင်အောင်နက်နဲခြင်းတို့ကို တိုင်းတာနိုင်လိမ့်မည် ဖြစ်သည်၊ ၎င်းမှာ ဘုရားသခင်အပေါ် လူတို့၏ တန်ဖိုးထားခြင်းမှာ နိမ့်ကျလွန်းကြောင်း ပြသခြင်းဖြစ်သည်။ လူတို့၏ လုပ်ဆောင်ချက်များ၌ မိုက်မဲမှု အစဉ် ရှိသောကြောင့် ၎င်းတို့သည် ဘုရားသခင်ကို ထိုနည်း၎င်းပင် တိုင်းထွာကြသည်။ ဘုရားသခင်သည် သူ၏အမှုအတွက် တွက်ချက်ခြင်းများ သို့မဟုတ် အစီအစဉ်များကို ချမှတ်ခြင်းမပြုဘဲ ၎င်းကို ဘုရားသခင်၏ဝိညာဉ်တော်က တိုက်ရိုက် လုပ်ဆောင်ခြင်း ဖြစ်သည်၊ ထို့အပြင် ဘုရားသခင်၏ဝိညာဉ်တော် အမှုပြုသောနိယာမများမှာ လွတ်လပ်ပြီး အချုပ်အနှောင် ကင်းသည်။ ၎င်းမှာ ဘုရားသခင်သည် လူသား၏ အခြေအနေများကို အရေးမစိုက်ဘဲ သူ သဘောရှိ ပြောသကဲ့သို့ဖြစ်သော်လည်း လူသားသည် ဘုရားသခင်၏ နှုတ်ကပတ်တော်များမှ ခွာရန်အနိုင်နိုင်သာ ရှိဆဲဖြစ်သည်၊ ၎င်းမှာ ဘုရားသခင်၏ ဉာဏ်ပညာကြောင့် ဖြစ်သည်။ အဆုံးတွင် အမှန်တရားများမှာ အမှန်တရားများပင် ဖြစ်သည်။ လူအားလုံး၌ ဘုရားသခင်၏ ဝိညာဉ်တော်၏ အမှုမှာ အလွန်ထင်ရှားမြင်သာသောကြောင့် ဤအရာသည် ဘုရားသခင်၏ အမှု၏နိယာမများကို ပြသရန်လုံလောက်၏။ အကယ်၍ ဘုရားသခင်သည် ဖန်ဆင်းခံသတ္တဝါများအပေါ် သူ၏အမှုအတွက် ကြီးမားသော အဖိုးအခကို ပေးခဲ့ရမည်ဆိုပါက ကောင်းသောသစ်ကို အရေးမပါသော နေရာ၌ အသုံးပြုသကဲ့သို့ ဖြစ်မည် မဟုတ်လော။ ဘုရားသခင်သည် သူကိုယ်တိုင် လုပ်ဆောင်ရမည်လော။ ၎င်းမှာ ထိုက်တန်လိမ့်မည်လော။ ဘုရားသခင်၏ ဝိညာဉ်တော်သည် အချိန်ကြာမြင့်စွာ အလုပ်လုပ်နေခဲ့ပြီ ဖြစ်သော်လည်း ခေတ်အဆက်ဆက်တွင် ဘုရားသခင်၏ ဝိညာဉ်တော်သည် ဤနည်းဖြင့် မည်သည့်အခါမျှ အမှုပြုခဲ့ခြင်း မရှိသောကြောင့် ဘုရားသခင် အမှုပြုသော နည်းလမ်းများနှင့် နိယာမများကို မည်သူမျှ သိခဲ့ဖူးခြင်း မရှိပေ၊ ၎င်းတို့သည် မည်သည့်အခါမျှ ရှင်းလင်းခဲ့ခြင်း မရှိပေ။ ဘုရားသခင်၏ဝိညာဉ်တော် ကိုယ်တိုင် ၎င်းတို့ကို ထုတ်ဖော်ခဲ့ပြီး ဖြစ်သောကြောင့် ယနေ့တွင် ၎င်းတို့ ရှင်းလင်းကြသည်၊ ထို့အပြင် ဤသည်မှာ သံသယဖြစ်ဖွယ်အကြောင်း မရှိပေ၊ ၎င်းမှာ ဘုရားသခင်၏ ဝိညာဉ်တော်က တိုက်ရိုက် ပြသခြင်းဖြစ်ပြီး လူသားမှ ပေါင်းရုံးထားခြင်း မဟုတ်ပေ။ ဤအရာ အမှန်တကယ် ဖြစ်ပေါ်နေခြင်း ရှိမရှိ၊ ဤအမှုကို အလုံးစုံပြုပြီးနောက် ဘုရားသခင်၏ အားထုတ်မှုများသည် သူ့ကို ခြေကုန်လက်ပန်းကျစေခြင်း၊ သူ၏ခါး ကိုက်ခဲစေခြင်း နှင့် သူ၏ ခြေထောက်များ နာကျင်စေခြင်း သို့မဟုတ် မစားနိုင်၊ မအိပ်နိုင်ဖြစ်စေခြင်း ရှိမရှိ တတိယကောင်းကင်ဘုံသို့ အလည်တစ်ခေါက် သွားကာ ကြည့်သင့်သည်။ ဘုရားသခင်သည် ဤ နှုတ်ကပတ်တော်များအားလုံးကို ပြောရန် ကိုးကားချက်စာအုပ် မြောက်မြားစွာကို ဖတ်ရှုရန် လိုခဲ့သလော၊ ဘုရားသခင်၏ မြွက်ဆိုချက် မူကြမ်းများသည် စားပွဲပေါ်တွင် ပြန့်ကြဲနေသလော၊ သူသည် အများအပြားပြောဆိုပြီးနောက် အာခြောက်သွားသလော။ အမှန်တရားများမှာ ဆန့်ကျင်ဘက်အတိ ဖြစ်သည်၊ အထက်မှ နှုတ်ကပတ်တော်များသည် ဘုရားသခင် နေထိုင်သောနေရာနှင့် တူညီသည့်အရာ တစ်စုံတစ်ခုမျှ မရှိပေ။ ဘုရားသခင်က "ငါသည် လူသားအတွက် အတန်ကြာ အချိန်ပေးခဲ့ပြီး ကြီးမားသော အဖိုးအခကို ပေးခဲ့သည်။ သို့သော် ယခုအချိန်တွင် မသိရသော အကြောင်းပြချက်တစ်ခုကြောင့် လူတို့၏ အသိစိတ်များသည် ၎င်းတို့၏ မူလအလုပ်ကိုပင် အစဉ် လုပ်ဆောင်နိုင်စွမ်း မရှိ ဖြစ်နေသည်" ဟု ဆိုသည်။ လူတို့၌ ဘုရားသခင်၏ ဝမ်းနည်းခြင်းအကြောင်း တစ်စုံတစ်ရာ အသိ ရှိသည်ဖြစ်စေ၊ မရှိသည်ဖြစ်စေ၊ အကယ်၍ ၎င်းတို့သည် ၎င်းတို့၏ အသိစိတ်ကို ဆန့်ကျင်ခြင်းမပြုဘဲ ဘုရားသခင်၏ ချစ်ခြင်းမေတ္တာအား ချဉ်းကပ်နိုင်ခဲ့ပါက ဤအရာကို စဉ်းစားချင့်ချိန်နိုင်ပြီး အကျိုးသင့်အကြောင်းသင့် ဖြစ်သည်ဟု ယူဆနိုင်ပါလိမ့်မည်။ တစ်ခုတည်းသော စိုးရိမ်မှုမှာ ၎င်းတို့သည် အသိစိတ်၏ မူလအလုပ်ကို လုပ်ဆောင်ရန် လိုလိုလားလား မရှိခြင်း ဖြစ်သည်။ သင် မည်သို့ ပြောမည်နည်း၊ ဤအရာ မှန်သလော။ ဤနှုတ်ကပတ်တော်များသည် သင့်ကို အထောက်အကူ ဖြစ်စေသလော။ သင်တို့သည် အသိစိတ် မရှိသော အမှိုက်အစား အသိစိတ် ရှိသောအရာ အမျိုးအစားဝင် ဖြစ်ရန်မှာ ငါ၏ မျှော်လင့်ချက် ဖြစ်သည်။ ဤ နှုတ်ကပတ်တော်များအပေါ် သင် မည်ကဲ့သို့ ထင်သနည်း။ တစ်စုံတစ်ဦး၌ ဤ အရာနှင့်ပတ်သက်၍ အသိတစ်ခု ရှိသလော။ သင်၏ စိတ်နှလုံးထဲ၌ အပ်တစ်ချောင်း စိုက်နေခြင်းမှာ မနာကျင်သလော။ ဘုရားသခင်သည် အာရုံ မခံစားနိုင်သော အလောင်း၌ အပ်စိုက်သလော။ ဘုရားသခင်သည် အထင်မှား၍၊ အသက်အရွယ် အိုမင်းကာ သူ၏ အမြင်အာရုံ လျော့နည်းခဲ့သလော။ ထိုသို့ ဖြစ်နိုင်ခြေ မရှိဟု ငါ ဆိုသည်။ မည်သို့ပင် ဖြစ်စေကာမူ ဤအရာသည် လူသား၏ အမှား ဖြစ်ရမည်။ ဆေးရုံသို့ သွားပြီး ကြည့်သင့်သည်။ လူသား၏ စိတ်နှလုံးတွင် ပြဿနာတစ်ခု ဧကန်အမှန် ရှိသည်၊ ၎င်းကို "အစိတ်အပိုင်း" အသစ်များဖြင့် ပြင်ဆင်ရန် လိုအပ်သည်၊ ထိုသို့ဆိုသော် မည်သို့ သဘောရသနည်း။ သင် ထိုကဲ့သို့ ပြုမည်လော။

ဘုရားသခင်က "ငါသည် ၎င်းတို့၏ အကျည်းတန်သော မျက်နှာများနှင့် တစ်မူထူးခြားမှုများကို ကြည့်ပြီး လူသားထံမှ နောက်တစ်ကြိမ် ထွက်ခွာပြန်သည်။ ယင်းကဲ့သို့သော အခြေအနေများတွင် လူတို့သည် နားမလည်ကြသေးဘဲ ငါ ငြင်းပယ်ခဲ့သောအရာများကို နောက်ထပ်တစ်ကြိမ် ပြန်ယူကာ ငါပြန်လာမည်ကို စောင့်မျှော်နေကြသည်" ဟု ဆိုသည်။ ဤ "နည်းပညာခေတ်သစ်" အတွင်း ဘုရားသခင်သည် အဘယ်ကြောင့် နွားထီးတစ်ကောင်နှင့် လှည်းအကြောင်းကို ပြောနေဦးမည်နည်း။ ဤသည်မှာ အဘယ်ကြောင့်နည်း။ ဘုရားသခင်သည် နားပူနားဆာ လုပ်ရသည်ကို နှစ်သက်ခြင်းကြောင့်လော။ ဘုရားသခင်သည် ဤထက် ပို၍ကောင်းသောအရာ လုပ်ရန် တစ်စုံတစ်ရာ မရှိသောကြောင့် သူ အချိန်ကို ကုန်လွန်နေစေခြင်းလော။ ဘုရားသခင်သည် လူသားကဲ့သို့ မိမိကိုယ်ကိုယ် အစာဝလင်စွာ သွတ်သွင်းပြီးနောက် အချိန်ဖြုန်းနေခြင်းလော။ ဤ နှုတ်ကပတ်တော်များကို အကြိမ်ကြိမ် ရွတ်ဆိုရာ၌ အကျိုးတစ်စုံတစ်ခု ရှိသလော။ လူတို့သည် ကံဆိုးသူများ ဖြစ်ကြောင်း၊ သင်တို့သည် ၎င်းတို့ သဘောပေါက်စေရန် ၎င်းတို့ကို အမြဲ နားရွက်မှ ကိုင်ဆွဲရမည် ဖြစ်ကြောင်း ငါ ဆိုခဲ့ပြီးဖြစ်သည်။ ၎င်းတို့အား နှုတ်ကပတ်တော်များကို ယနေ့ ပြောပြီးသောအခါ ၎င်းတို့သည် မနက်ဖြန် ချက်ချင်း မေ့လျော့ကြလိမ့်မည်၊ ၎င်းတို့သည် အတိတ်မေ့သောရောဂါကို ခံစားနေရသည့်အလား ဖြစ်ကြသည်။ ထို့ကြောင့် နှုတ်ကပတ်တော်အချို့တို့ကို မပြောပြီးသေးခြင်းမဟုတ်ဘဲ လူတို့သည် ၎င်းတို့ကို အထမြောက်ပြီးခဲ့ခြင်း မရှိသောကြောင့် ဖြစ်သည်။ အကယ်၍ တစ်စုံတစ်ခုကို တစ်ကြိမ် သို့မဟုတ် နှစ်ကြိမ်သာ ဆိုပါက လူတို့သည် မသိနားမလည်သေးဘဲရှိနေသည်၊ ၎င်းကို သုံးကြိမ်တိုင် ပြောရမည်ဖြစ်သည်၊ ဤသည်မှာ အနည်းဆုံး အကြိမ်အရေအတွက် ဖြစ်သည်။ ဆယ်ကြိမ်မှ အကြိမ်နှစ်ဆယ်အထိ ပြောရသော "အဖိုးအို" အချို့ပင် ရှိသည်။ ဤနည်းဖြင့် လူတို့ ပြောင်းလဲပြီးခြင်း ရှိမရှိ ကြည့်ရန် တူညီသောအရာကို မတူညီသောပုံစံများဖြင့် ထပ်ခါတလဲလဲ ပြောသည်။ သင်တို့သည် ဤနည်းဖြင့် စစ်မှန်စွာ လုပ်ဆောင်ခဲ့ပြီးပြီလော။ ငါသည် လူတို့ကို ဆူပူကြိမ်းမောင်းခြင်း မပြုလိုသော်လည်း ၎င်းတို့အားလုံးသည် ဘုရားသခင်ကို ဆော့ကစားနေကြသည်၊ ၎င်းတို့အားလုံးသည် အာဟာရ ဖြည့်ဆေးများကို ပိုမို သောက်သုံးရန် သိကြသော်လည်း ဘုရားသခင်ကြောင့် စိုးရိမ်ပူပန်ခြင်း မရှိကြပေ၊ ဤသည်မှာ ဘုရားသခင်ကို အစေခံခြင်းလော။ ဤသည်မှာ ဘုရားသခင်ကို ချစ်ခြင်းလော။ ၎င်းတို့သည် ကမ္ဘာလောကကြီးထဲတွင် ပူပင်သောကတစ်စုံတစ်ရာ မရှိဘဲ တစ်နေကုန် အချိန်ဖြုန်းခြင်း၊ အားနေခြင်းနှင့် ငြိမ်နေခြင်းမှာ မထူးဆန်းပေ။ သို့သော်ငြားလည်း လူအချို့တို့သည် မကျေနပ်ကြသေးဘဲ ၎င်းတို့၏ ဝမ်းနည်းခြင်းကို ဖန်တီးကြသည်။ ငါသည် အနည်းငယ် ကြမ်းတမ်းကောင်းကြမ်းတမ်းနိုင်သည်၊ သို့သော် ဤအရာသည် မိမိကိုယ်ကိုယ် လွမ်းမောတသခြင်းဟု သိကြသည့်အရာဖြစ်သည်။ သင့်ကို ဝမ်းနည်းစေသူမှာ ဘုရားသခင်လော။ ဤအရာမှာ သင့်အပေါ်သင် ဒုက္ခဆင်းရဲ ကျရောက်စေခြင်းပင် မဟုတ်လော။ ဘုရားသခင်၏ ကျေးဇူးတော်များ တစ်ခုမျှ သင်၏ ပျော်ရွှင်ခြင်း အရင်းအမြစ် ဖြစ်ရန် အရည်အချင်း မပြည့်မီသလော။ သင်သည် တစ်လျှောက်လုံးတွင် ဘုရားသခင်၏ အလိုအပေါ် သတိမရှိခဲ့သည့်အပြင် အပျက်သဘောဆောင်ခြင်း၊ ချူချာခြင်းနှင့် စိတ်သောကရောက်ခြင်း ဖြစ်နေခဲ့သည်၊ ဤကဲ့သို့ အဘယ်ကြောင့် ဖြစ်ရသနည်း။ ဘုရားသခင်၏အလိုတော်မှာ သင့်ကို လူ့ဇာတိ၌အသက်ရှင်စေရန် ပြုရန်လော။ သင်သည် ဘုရားသခင်၏ အလိုတော်ကို မသိနားမလည်ပေ၊ သင်၏ စိတ်နှလုံးအတွင်း စိုးရိမ်ပူပန်၍ သင်သည် ညည်းတွားပြီး စောဒကတက်ကာ တစ်နေ့ကုန် မှိုင်တွေငေးငိုက်ခြင်းဖြင့် အချိန်ကုန်ဆုံးစေသည်၊ ထို့အပြင် သင်၏ လူ့ဇာတိသည် နာကျင်မှုနှင့် ညှဉ်းပန်းနှိပ်စက်မှုကို ခံစားရသည်၊ ၎င်းမှာ သင်နှင့် ထိုက်တန်သောအရာ ဖြစ်ပေသတည်း။ အခြားသူများသည် ပြစ်တင်ဆုံးမခြင်းအလယ်၌ ဘုရားသခင်ကို ချီးမွမ်းရန်၊ ၎င်းတို့သည် ပြစ်တင်ဆုံးမခြင်းမှ လွတ်လာကြပြီး ၎င်း၏ ထိန်းချုပ်ခြင်းကို မခံရန် သင် တောင်းဆိုသည်၊ သို့သော်လည်း သင်သည် ပြစ်တင်ဆုံးမခြင်းထဲ ကျရောက်ပြီးနောက် လွတ်မြောက်နိုင်ခြင်း မရှိပေ။ ဤ ဒွန်ခန်ရူအီ (Dong Cunrui) ပုံ ပေါက်သော "မိမိကိုယ်ကို အနစ်နာခံသော စိတ်ဓာတ်" ကို အတုခိုးရန် နှစ်ပေါင်းများစွာ ကြာမြင့်လေသည်။ သင်သည် နှုတ်ကပတ်တော်များနှင့် အယူဝါဒများကို ဟောကြားသောအခါ သင် မရှက်သလော။ သင်သည် သင့်ကိုယ်သင် သိသလော။ သင်သည် မိမိကိုယ်ကိုယ် မေ့ထားလိုက်ပြီလော။ သင်သည် ဘုရားသခင်ကို စစ်မှန်စွာ ချစ်သလော။ သင်၏ တက်လမ်းများနှင့် ကံကြမ္မာကို မေ့ထားလိုက်ပြီလော။ လူများသည် အံ့အားသင့်ဖွယ်ဖြစ်ပြီး မတွေးတတ်အောင် ခက်ခဲနက်နဲသူများ ဖြစ်ကြောင်း ဘုရားသခင် ပြောသည်မှာ မထူးဆန်းပေ။ လူသားအတွင်း၌ မတူးဖော်ရသေးသော "ရတနာ" မြောက်မြားစွာ ရှိသည်ဟု မည်သူထင်ဖူးခဲ့မည်နည်း။ ယနေ့တွင် ၎င်းကို မြင်ရခြင်းဖြင့် "လူတစ်ဦး၏ မျက်လုံးများကို ပွင့်စေ"လောက်သည်၊ လူတို့မှာ အလွန် "ဆန်းကြယ်သည်။" ငါသည် မရေတွက်တတ်သော ကလေးတစ်ဦးကဲ့သို့အလားဖြစ်၏။ ယနေ့ပင်လျှင် ဘုရားသခင်ကို စစ်မှန်စွာ ချစ်သောသူ မည်မျှ ရှိကြောင်းကို ငါမတွက်ဆရသေးပေ။ ငါသည် အရေအတွက်ကို မည်သည့်အခါမျှ မှတ်မိနိုင်ခြင်း မရှိဘဲ ငါ၏ "သစ္စာမဲ့ခြင်း" ကြောင့် ဘုရားသခင် ရှေ့တွင် စာရင်းရှင်းရသောအချိန် ရောက်သောအခါ ငါ၌ အမြဲ လက်ချည်းဗလာ ဖြစ်ပြီး ငါအလိုရှိသည့်အတိုင်း လုပ်ဆောင်နိုင်စွမ်း မရှိဘဲ ငါသည် ဘုရားသခင်အပေါ် အစဉ် အကြွေးတင်ရှိလျက်နေ၏။ ရလဒ်အနေဖြင့် ငါ စာရင်းရှင်းသောအခါ ငါသည် ဘုရားသခင်၏ အပြစ်ဖော်ဆုံးမခြင်းကို အမြဲခံရသည်။ လူတို့သည် အဘယ်ကြောင့် အလွန်ရက်စက်ယုတ်မာကြောင်းကို ငါမသိ၊ ဤအရာကြောင့် ငါ့ကို အစဉ်အမြဲ ခံစားစေသည်။ လူတို့သည် ကိုယ်ကိုကိုင်း၍ ရယ်မောရန် ဤအခွင့်အရေးကို အသုံးပြုကြသည်၊ ၎င်းတို့သည် ငါ၏ မိတ်ဆွေ အစစ်အမှန်များ မဟုတ်ကြပေ။ ငါ ဒုက္ခရောက်သောအခါ ၎င်းတို့သည် ငါ့ကို တစ်စုံတစ်ရာ အကူအညီ မပေးကြသော်လည်း ငါ့ကို တမင်တကာ လှောင်ပြောင်ကြသည်၊ ၎င်းတို့၌ အမှန်တကယ်ပင် အသိစိတ် မရှိလေချင်း။

ယခင်က:အခန်း ၃၉

နောက်တစ်ခုသို့:အခန်း ၄၁

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ