၄။ သင်အသုံးပြုသည့်သူများကို သံသယမဝင်နှင့်- ဤသည်မှာ မှန်ပါသလား
၂၀၂၀ ဇူလိုင်လမှာ၊ အသင်းတော် အတော်များများရဲ့ အလုပ်ကို ကြီးကြပ်ရင်းနဲ့ ခေါင်းဆောင်အနေနဲ့ ကျွန်တော်အစေခံခဲ့တယ်။ အဲဒီအသင်းတော်တွေထဲက တစ်ခုမှာ အစ်ကို လျူက ခေါင်းဆောင်အနေနဲ့ ခုတင် အရွေးခံခဲ့ရတာ။ အရင်က သူနဲ့ တွဲလုပ်ဖူးတော့ သူ့ကို ကျွန်တော် ကောင်းကောင်းသိတယ်။ သူက ရင့်ကျက်တည်ငြိမ်ပြီး ကိစ္စတွေကို ထောင့်ပေါင်းစုံကနေ ကြည့်တတ်သလို သူ့တာဝန်မှာ ဝန်တာထားတယ်။ တခြားလူတွေကို ကူညီဖို့ ဘုရားနှုတ်ကပတ်တော်တွေကို မိတ်သဟာယပြုရာမှာ တော်တယ်။ အရင်က သူနဲ့အလုပ်လုပ်တုန်းက၊ ပြဿနာတွေနဲ့ ကျွန်တော် ကြုံရချိန်မှာ မိတ်သဟာယနဲ့ ကျွန်တော့်ကို သူအမြဲ ကူညီခဲ့တာလေ။ သူက တော်တော် ယုံကြည်စိတ်ချရသလို ခံစားမိတယ်။ ဒါကြောင့် သူ့အသင်းတော်နဲ့ပတ်သက်လို့ ကျွန်တော် သိပ်စိုးရိမ်စရာ မရှိခဲ့သလို၊ တခြားအသင်းတော်တွေမှာ ကျွန်တော် အားပိုထည့်နိုင်ခဲ့တယ်။ ဒါကြောင့် ပရောဂျက်အမျိုးမျိုး ကိုင်တွယ်ရမယ့်ပုံကို အစ်ကိုလျူကို ရှင်းလင်းမှာကြားပြီးတဲ့နောက်မှာ သူ့အလုပ်ကို ကျွန်တော် သိပ်အရေးမစိုက်တော့ဘူး။ နောက်ပိုင်း သူ့မှာ ဦးတည်ချက်ရှိပုံရပြီး အဲဒီပရောဂျက်အမျိုးမျိုးမှာ ရလဒ်တွေရနေတာတွေ့လိုက်ရတယ်။ ဒါကြောင့် ကျွန်တော့်ကို ပိုလို့တောင် စိတ်အေးသွားစေတယ်။ ကျွန်တော် မစစ်ဆေးရင်တောင် ကြုံရတဲ့ ဘယ်ပြဿနာကိုမဆို သူအမြန်ဖြေရှင်းနိုင်မှာပဲလို့ ကျွန်တော် တွက်လိုက်တယ်။ ဒါကြောင့် သုံးလဆက်တိုက် သူတာဝန်ရှိတဲ့ အလုပ်ကို ကျွန်တော် သိပ်ပြီး အသေးစိတ်မစစ်ဆေးခဲ့ဘူး။ ပိုမြင့်တဲ့ ခေါင်းဆောင်ရာထူးအတွက်တောင် သူ့ကို ကျွန်တော် ထောက်ခံပေးခဲ့တယ်။
နောက်တော့ ဒီဇင်ဘာလမှာ ကျွန်တော့် ခေါင်းဆောင်ဆီကနေ အစ်ကိုလျူက လက်တွေ့အလုပ်မလုပ်ဘူးလို့ ညီအစ်ကို မောင်နှမတချို့ပြောကြတယ်ဆိုပြီး သူ့အလုပ်ကို ဆက်အရေးယူ ဆောင်ရွက်ပြီး စစ်ဆေးဖို့နဲ့ လောလောဆယ် သူ့ရဲ့ ခေါင်းဆောင်လောင်းအဖြစ်ကို ပယ်ဖို့ ပြောထားတဲ့ စာတစ်စောင်ရတယ်။ အဲဒါကိုမြင်တော့ ကျွန်တော် တကယ်အံ့ဩသွားတယ်။ ကျွန်တော် တွေးနေတာက၊ သူ လက်တွေ့အလုပ်မလုပ်ဘူးပေါ့။ ဘယ်လိုလုပ်ဖြစ်နိုင်မှာလဲ။ အဲဒီလိုသာဖြစ်ရင်၊ သူ့အသင်းတော်က ဘယ်လိုလုပ် ရလဒ်တွေ ရနေနိုင်မှာလဲပေါ့။ သူ့တွဲဖက်ဖြစ်တဲ့ အစ်မဝူက ခေါင်းဆောင်တာဝန်နဲ့ စိမ်းတော့ ကောင်းကောင်း သိနိုင်မှာ မဟုတ်ဘူး။ အဲဒါက အသင်းတော်ရဲ့ အလုပ်အားလုံးကို အစ်ကိုလျူတာဝန်ယူနေတဲ့ သဘောဖြစ်မှာ မဟုတ်လား။ ခေါင်းဆောင်က တကယ် ရှင်းရှင်းလင်းလင်း မသိဘဲ၊ အဲဒီအကဲဖြတ်ချက်တွေအတိုင်းပဲ လုပ်နေတာလားပေါ့။ သူနဲ့ ကျွန်တော် အရင်က တွဲလုပ်ဖူးပြီး သူ့ကို ကောင်းကောင်းနားလည်တယ်။ လတ်တလော အဲဒီမှာ အဖမ်းအဆီးတချို့ရှိတယ်လေ။ အဖမ်းအဆီးတွေနောက်က ကိစ္စတွေကို သူ စီမံနေပြီး တခြားကိစ္စတွေအတွက် အချိန်မရှိတာ ဖြစ်နိုင်တယ်။ တကယ့်အလုပ် သူ မလုပ်တဲ့ပုံပေါက်ရင်တောင် နားလည်ပေးလို့ရတယ်။ သူနဲ့ပတ်သက်လို့ ကျွန်တော် မမှားနိုင်ဘူးလေ။ ဒီတော့ ပြဿနာက ဘာလဲ။ အကဲဖြတ်ချက်တွေကို အမြန်ဖွင့်ပြီး၊ အရင်က လက်တွေ့အလုပ် သူမလုပ်ခဲ့ပုံတွေကို ရေးထားတာ ကျွန်တော် တွေ့လိုက်ရတယ်။ “သူတို့က ဘာဖြစ်နေတာလဲ။ အစ်ကိုလျူ ပြောင်းလဲခြင်းရှိမရှိဆိုတာကို ကြည့်မဲ့အစား သူ့ရဲ့ အရင်က အပြစ်တွေကိုပဲ ဖက်တွယ်နေကြတာ။ ဒီလတွေအားလုံးမှာ သူ့ပရောဂျက်တွေ အဆင်ပြေနေခဲ့တာပဲ။ လက်တွေ့အလုပ်ကို သူလုပ်နိုင်ပါတယ်” လို့ ကျွန်တော် တွေးနေမိခဲ့တယ်။ အခြေအနေကို ခေါင်းဆောင်ဆီ ကျွန်တော် ရှင်းပြပြီး သူ့ကို ရွေးကောက်ပွဲဝင်ခွင့်ပေးဖို့ အကြံပြုခဲ့တယ်။
ရက်နည်းနည်းကြာပြီးတဲ့နောက်၊ ကျွန်တော် ပြဿနာကို အလေးအနက်မထားဘဲ သူ့ကိစ္စကို ငြင်းခုံနေတာ မြင်တော့၊ ခေါင်းဆောင်က ကျွန်တော့်ကို ပြောတယ်၊ “ဘယ်သူ့ကိုမှ ကျွန်တော်တို့ အကြွင်းမဲ့ ယုံကြည်ထားလို့ မရဘူး။ လူတိုင်းမှာ ဖောက်ပြန်ပျက်စီးခြင်း ရှိပြီး၊ သမ္မာတရားရပြီး စုံလင်မခံရခင်ထိ ဘယ်သူမှ စိတ်ချလို့မရဘူး။ အားလုံးက ဖောက်ပြန်ပျက်စီးခြင်းကြောင့် ကိစ္စတွေကို ကိုယ့်သဘောတိုင်း လုပ်နိုင်တယ်။ ကြီးကြပ်မှုမရှိဘဲနဲ့ အသင်းတော် အလုပ်ကို ထိခိုက်တဲ့ ဘုရားကိုဆန့်ကျင်တဲ့အရာတွေ ဘယ်သူမဆို လုပ်နိုင်တယ်။ ပြဿနာကို အချိန်မီ ရှာတွေ့ပြီး ဖြေရှင်းဖို့ တကယ့် ကွပ်ကဲကြီးကြပ်မှု လိုတယ်။ ဒါက အသင်းတော်အလုပ်အတွက် တာဝန်ယူတာပဲ”တဲ့။ လုပ်ပါ့မယ်လို့ ပြောလိုက်ပေမဲ့ ကျွန်တော် တွေးနေမိတယ်၊ “ကြီးကြပ်မှုက ခိုင်လုံစေပေမဲ့ အရာရာကို သံသယမထားသင့်ဘူး မဟုတ်လား။ လူတိုင်းက သမ္မာတရားလိုက်စားပြီး တာဝန်ကို ကောင်းကောင်း လုပ်ချင်တာပဲ မဟုတ်လား။ ဘုရားအိမ်တော်က အပြင်လောကလို မဟုတ်ဘူး။ ညီအစ်ကို မောင်နှမတွေက အချင်းချင်း ယုံကြည်ရမယ်၊ သိမ်းငှက်တွေလို အချင်းချင်း စောင့်မကြည့်ရဘူးလေ။ အစ်ကိုလျူက တကယ့်အလုပ်မလုပ်တာမှာ ဆက်စပ်တဲ့အကြောင်းအရာ ရှိတယ်လို့ ပြောပြီးပြီလေ၊ ဒါပေမဲ့ ခင်ဗျားက မယုံဘူး။ အစ်ကိုလျူ ဘယ်လိုလူစားလဲဆိုတာ ခင်ဗျားကို ပြဖို့ ကျွန်တော် စစ်ဆေးလိုက်မယ်”ပေါ့။ ဒီတော့၊ သူတာဝန်ယူထားတဲ့ အသင်းတော်ဆီ ကျွန်တော် သွားလိုက်တယ်၊ အဲဒီမှာ အရင်က ခေါင်းဆောင်ဖြစ်တဲ့ အစ်မလျူက သူတို့အလုပ်အများစုကို တာဝန်ယူထားမှန်း သိလိုက်ရတယ်။ သူ့ရဲ့ လတ်တလော အပြောင်းအရွေ့ကတည်းက၊ သူတို့ပရောဂျက်တွေ စကျဆင်းလာတယ်။ ပြီးတော့၊ ချင်လို့ခေါ်တဲ့ မသင့်တော်တဲ့ ခေါင်းဆောင်ကို ကျွန်တော်က ထုတ်ဖို့ ပြောတဲ့နောက်မှာ သူ မထုတ်ခဲ့ဘူး။ ရေလောင်းတဲ့ သင်းထောက်တွေ ဒါမှမဟုတ် လူသစ်တွေကို ရေလောင်းတဲ့ အလုပ်ကို ဆက်ထိန်းတာနဲ့ပတ်သက်လို့ သူ ကောင်းကောင်း လုပ်မနေခဲ့ဘူး။ အစ်ကိုလျူ သူတို့အလုပ်ကို ဘာတွေလုပ်ခဲ့တယ်ဆိုတာကို မြင်တော့၊ ကျွန်တော် အပြစ်ရှိသလို ခံစားရတယ်။ သူ့အလုပ်ကို နောက်ဆက်တွဲ ကွပ်ကဲဖို့ ခေါင်းဆောင်က သတိပေးခဲ့ပေမဲ့ ကျွန်တော် မလုပ်ခဲ့ဘူး၊ သူ့ကို ကျွန်တော် အရမ်းယုံကြည်စိတ်ချလို့ပေါ့။ သူ့ကို နေရာချထားကတည်းက သူ လွတ်လွတ်လပ်လပ် လုပ်ပိုင်ခွင့်ရှိသင့်တယ်လို့ ထင်ခဲ့မိတယ်။ အဲဒီလိုဖြစ်သွားမယ်လို့ လုံးဝ မတွေးမိဘူး။ အရင်က ကျွန်တော်တို့ ဆက်ဆံခဲ့တာတွေကို ပြန်တွေးမိတယ်၊ သူက စကားသာပြောပေမဲ့ တကယ့်အလုပ်ကိုမလုပ်တဲ့လူစားမျိုး ဖြစ်ပုံမရခဲ့ဘူး။ သူ့ကို ကြန့်ကြာစေတဲ့ ထူးခြားတဲ့ အခြေအနေတွေ ရှိခဲ့တာလားပေါ့။ ဒီကိစ္စအပေါ် တွေးရခက်နေတုန်းမှာပဲ အစ်ကိုလျူကပြောတယ်၊ “လတ်တလောမှာ ကျွန်တော်တို့ ညီအစ်ကို မောင်နှမတချို့ အဖမ်းခံခဲ့ရတယ်။ အဲဒီနောက်ပိုင်း ကိစ္စတွေကို ကိုင်တွယ်ဖြေရှင်းတာက ကသီလင်တနိုင်ပြီး၊ ကျွန်တော် အားလုံးအတွက် အချိန်မရှိခဲ့ဘူး”တဲ့။ အစ်ကိုလျူပြောတာကြားပြီး တွေးမိတယ်။ ငါပြောတဲ့အတိုင်းပဲ သူက လက်တွေ့အလုပ်မလုပ်တဲ့ လူစားမျိုး မဟုတ်ပါဘူးလေ။ အဲဒီအဖမ်းအဆီးနောက်ပိုင်း ကိစ္စအားလုံးကို စီမံရတာက သူ့ရဲ့အချိန်နဲ့ အားအင်အများကြီး ယူခဲ့တာပဲ။ တချို့ကိစ္စတွေကို ကောင်းကောင်း မလုပ်ခဲ့ပေမဲ့ အဲဒီအတွက် အကြောင်းရင်းတွေ ရှိပါတယ်။ ဘယ်သူမှ တာဝန်ကို ပြည့်ပြည့်စုံစုံ မလုပ်ကြပါဘူး ပေါ့။ ဒါကြောင့် လက်တွေ့အလုပ်မလုပ်ခြင်းရဲ့ အကျိုးဆက်တွေနဲ့ပတ်သက်လို့ သူ့ကို မိတ်သဟာယပြုပြီး၊ ချင်ကို ချက်ချင်းထုတ်ဖို့ ကျွန်တော် ပြောခဲ့တယ်။ ထုတ်ပါမယ်လို့ သူပြောတယ်။ ဒါပေမဲ့ အချိန်တချို့ကုန်သွားပြီး ချင်က အဲဒီတာဝန် လုပ်နေတုန်းပဲလို့ ကြားရတယ်။ ဘာဖြစ်နေတယ်ဆိုတာသိရဖို့ အစ်ကိုလျူရဲ့ တွဲဖက်၊ အစ်ကိုလီကို ကျွန်တော် အမြန်ရှာလိုက်တယ်။ သူက ပြောတယ်၊ “ခင်ဗျား ကျွန်တော်တို့ကို အလုပ်တာဝန်ပေးတိုင်း၊ အစ်ကိုလျူက အပြည့်အဝ သဘောတူပေမဲ့၊ နောက်တော့ အဲဒါတစ်ခုမှ သူအကောင်အထည်ဖော်တာ မတွေ့ဘူး။ ခုတင် ကျွန်တော် အရွေးခံရတော့၊ အလုပ်ရဲ့ အသေးစိတ်အချက်တွေကို မရင်းနှီးသလို၊ သူကလည်း ကျွန်တော့်ကို မကူဘူး။ ပြဿနာတွေ ရင်ဆိုင်ရတော့၊ ဘုရားကို အားကိုးပြီး ကိုယ့်ဘာသာလုပ်ခဲ့ရတယ်”တဲ့။ သူ့ဆီက ဒီလိုကြားတော့ ကျွန်တော် အံ့ဩသွားတယ်။ အစ်ကိုလျူက ဘယ်လိုဖြစ်ပြီး လက်တွေ့အလုပ်တစ်ခုမှ မလုပ်ရတာလဲ။ အရင်က သူဒီလို မဟုတ်ပါဘူး။ ဒီအတောအတွင်း သူနဲ့ ကျွန်တော် အတူစုဝေးခဲ့တာပဲ၊ ဒီတော့ ဘာလို့ သူ့ပြဿနာတွေကို သတိမထားမိခဲ့တာလဲပေါ့။ သူ့ကိုအရမ်းယုံကြည်စိတ်ချလွန်းတော့၊ သူ့အလုပ်ကို မကြီးကြပ်ခဲ့ဘူး၊ စစ်ဆေးမနေခဲ့ဘူး။ အဲဒါက မသင့်တော်တဲ့ အဖွဲ့ခေါင်းဆောင်က အချိန်အကြာကြီး နေရာရနေခဲ့ပြီး၊ ဘယ်သူကမှ လူသစ်တွေအပေါ် ရေလောင်းတာကို ကြီးကြပ်နေခြင်း မရှိတဲ့သဘောပဲ။ အဲဒါက ဘုရားအိမ်တော်အလုပ်နဲ့ တခြားလူတွေရဲ့ အသက်ဝင်ရောက်မှုကို နှောင့်နှေးစေတယ်။ ကျွန်မ မကောင်းမှုလုပ်ခဲ့မိပြီ။
အဲဒီနောက်ပိုင်း အစ်ကိုလျူကို တွေ့တဲ့အခါ၊ လက်တွေ့အလုပ်မလုပ်တဲ့အတွက် အရင်နှစ်ရက်က သူ့ကို လူတချို့ ကိုင်တွယ်ဖြေရှင်းခဲ့ပြီး သူ တကယ်နောင်တရမိတယ်လို့ ပြောတယ်။ သူ တာဝန်မဲ့ခဲ့ပြီး ဒီတာဝန်ကို ဖြစ်သလိုလုပ်ခဲ့မိတယ်၊ သူမကောင်းခဲ့ဘူးလို့ ပြောရင်းနဲ့ သူငိုတယ်။ သူ့ကိုယ်သူ သိပြီဖြစ်လို့ သူ့ပြဿနာ ဘယ်လောက်ဆိုးရွားမှန်း သူမြင်တာဖြစ်ရမယ်၊ အဲဒါပြီးရင် သူ ပြောင်းလဲမှာပါလို့ ကျွန်တော် တွက်လိုက်မိတယ်။ နောင်တရဖို့၊ အခုသူ့ကို မထုတ်ပယ်ဖို့နဲ့ ထပ်ပြီး ပံ့ပိုးမှုပေးဖို့ သူ့ကို ကျွန်တော် နောက်ထပ်အခွင့်အရေး ပေးချင်ခဲ့တယ်။ ဒါကြောင့် သူ့ ပြဿနာတွေကို ထောက်ပြပြီး၊ အမှားတွေ ချက်ချင်းပြပြီး အဖွဲ့ခေါင်းဆောင်ကို ထုတ်ဖို့ ပြောလိုက်တယ်။ သူက အလားအလာအပြည့်ပဲ၊ ဒါပေမဲ့ နောက်ပိုင်းမှာ ချင်ကို တကယ်ထုတ်ပယ်ခဲ့ပေမဲ့၊ အဘက်ဘက်မှာ အလုပ်က ရလဒ်တွေ မဖြစ်ထွန်းခဲ့ဘူး။ ညီအစ်ကို မောင်နှမတချို့က သူနဲ့ပတ်သက်လို့ ဆိုးရွားတဲ့ ပြဿနာတချို့ တွေ့ကြတယ်လို့ ကျွန်တော့်ဆီ ပြောခဲ့ကြတယ်။ အဖမ်းအဆီးတွေ ရှိတော့၊ အသင်းတော်ရဲ့ ပိုင်ဆိုင်မှုကို သူ ချက်ချင်း မကာကွယ်ခဲ့သလို၊ ပရောဂျက်နဲ့ပတ်သက်ပြီး ကြိုတင်မပူးပေါင်းခဲ့ဘူး၊ အဲဒါက ဘာမှ မပြီးမြောက်တဲ့ သဘောပဲ။ ဒါပေမဲ့ ဒေါသထွက်စရာအကောင်းဆုံးက အနှောင့်အယှက်ဖြစ်နေတဲ့ မကောင်းမှုပြုသူတွေကို သူ မကိုင်တွယ်ခဲ့ဘဲ၊ သူ့ကိုယ်ရေးကိုယ်တာ ကိစ္စတွေနဲ့ပဲ ဆက်အလုပ်များနေတာပဲ။ အသင်းတော်အလုပ်ကို ပရမ်းပတာ ဖြစ်သွားစေခဲ့တာပေါ့။ အစ်ကိုလျူက ဘာလက်တွေ့အလုပ်မှ လုပ်မနေသလို စစ်မှန်တဲ့ နောင်တ မရခဲ့တာကို ကျွန်တော် တွေ့ခဲ့ရတယ်။ ကျွန်တော် အရမ်း အပြစ်ရှိသလို ခံစားရတယ်။ ကိစ္စတွေက အဲဒီလို ဖြစ်သွားမယ်လို့ လုံးဝ မစဉ်းစားမိခဲ့ဘူး။ သူ့ရဲ့ မကောင်းမှုမှာ ကျွန်တော် ပါဝင်ခဲ့မိပြီး ဘုရားရှေ့မှာ အပြစ်တွေ ကျူးလွန်မိခဲ့တာပဲ။ အရမ်းယုံကြည်မိတဲ့အတွက်၊ သူ့အလုပ်ကို အမြန်ဆုံး လိုက်မကြည့်ခဲ့တဲ့အတွက်လည်း ကိုယ့်ကိုယ်ကိုယ် မုန်းမိတယ်။ အဲဒါ အသင်းတော်အလုပ်အတွက် အရမ်း ထိခိုက်စရာ ဖြစ်ခဲ့တယ်။ အစ်ကိုလျူကို ချက်ချင်း စကားသွားပြောခဲ့ပြီး၊ သူ့ရဲ့ ပြဿနာဖြစ်စေတဲ့ အပြုအမူတွေကို ဖော်ပြလိုက်သလို နောက်ဆုံးမှာ သူ့ကိုထုတ်လိုက်တယ်။
နောက်တော့ ခေါင်းဆောင်က ကျွန်တော့်ကို အပြစ်ဖော်ဆုံးမတယ်၊ “ခင်ဗျား ဘာလို့ သူ့ကို အရမ်းယုံကြည်ခဲ့တာလဲ။ ဘာတစ်ခုမှ ကြီးကြပ်တာမရှိဘဲနဲ့ သူ့ကို အဲဒီလို အရေးကြီးတဲ့အလုပ် တာဝန်ပေးခဲ့တယ်။ ခင်ဗျား ဘယ်လိုလုပ် လက်ရှောင်နိုင်လွန်းရတာလဲ”တဲ့။ ဘုရားနှုတ်ကပတ်တော်တချို့ကိုလည်း ကျွန်တော့်အတွက် ဖတ်ပြခဲ့တယ်။ “အယောင်ဆောင်ခေါင်းဆောင်များသည် တကယ့်အလုပ်ကို မလုပ်သော၊ သို့မဟုတ် မိမိတို့၏ တာဝန်များကို လျစ်လျူရှုနေသော ကြီးကြပ်သူများကို စုံစမ်းစစ်ဆေးမည်မဟုတ်ပေ။ ၎င်းတို့သည် ကြီးကြပ်သူတစ်ယောက် ရွေးချယ်ရန်သာလိုအပ်ပြီး အရာရာက အဆင်ပြေလိမ့်မည်ဟု ထင်မြင်ကြသည်။ ပြီးနောက်တွင် ကြီးကြပ်သူက အလုပ်ကိစ္စအားလုံးကို ကိုင်တွယ်လိမ့်မည်ဖြစ်ပြီး၊ ၎င်းတို့လုပ်ရန် လိုအပ်သမျှမှာ စည်းဝေးမှုများ မကြာခဏကျင်းပရန်သာဖြစ်သည်၊ အလုပ်ကို စောင့်ကြည့်ရန်၊ မည်သည့်အခြေအနေရှိသည်ကို မေးမြန်းရန် မလိုပေ၊ လက်လွှတ်ထားနိုင်သည်ဟု ထင်မြင်ကြသည်။ ကြီးကြပ်သူတစ်ယောက်နှင့်ပတ်သက်သည့် ပြဿနာတစ်ခုကို တစ်ယောက်ယောက်က တိုင်ကြားလျှင် အယောင်ဆောင်ခေါင်းဆောင်က ‘အသေးအဖွဲပြဿနာတစ်ခုသာဖြစ်သည်။ သင့်ဘာသာ ကိုင်တွယ်နိုင်သည်။ ငါ့ကို မမေးနှင့်’ ဟူ၍ ပြောလိမ့်မည်။ ပြဿနာကို တိုင်ကြားသောသူက ပြောသည်။ ‘ထို ကြီးကြပ်သူသည် ပျင်းရိသော အစားကြီးသူဖြစ်သည်။ စားသောက်ခြင်းနှင့် မိမိတို့ကိုယ်ကိုယ် ပျော်တော်ဆက်သည်မှ လွဲပြီး မည်သည့်အရာမျှ မလုပ်ပါ။ ၎င်းတို့သည် အလွန်အမင်း ပျင်းရိကြသည်။ ၎င်းတို့၏ တာဝန်တွင် အနည်းငယ်မျှပင် ဒုက္ခမခံလိုပေ။ ၎င်းတို့၏ အလုပ်နှင့် တာဝန်ကို ရှောင်ကြဉ်ရန်အတွက် လိမ်ညာပြီး ဆင်ခြေများပေးရန် နည်းလမ်းများကို အစဉ် ရှာကြသည်။ ၎င်းတို့သည် ကြီးကြပ်သူတစ်ယောက်ဖြစ်ရန် အရည်အချင်းမပြည့်မီပေ။’ အယောင်ဆောင်ခေါင်းဆောင်က ဖြေလိမ့်မည်။ ‘၎င်းတို့ကို ကြီးကြပ်သူအဖြစ် ရွေးချယ်စဉ်က အဆင်ပြေခဲ့သည်။ သင်ပြောသည့်အရာက မမှန်ကန်ပေ၊ သို့မဟုတ် မှန်ကန်လျှင်ပင် ယာယီသရုပ်သကန်တစ်ခုသာဖြစ်သည်။’ အယောင်ဆောင်ခေါင်းဆောင်သည် ကြိုးစားပြီး ကြီးကြပ်သူ၏ အခြေအနေကို ပိုမိုသိရှိရန် မပြုလုပ်ဘဲ ထိုသူအပေါ် ၎င်းတို့၏ ယခင်က အမြင်များအပေါ်တွင် အခြေခံပြီး အမှုကိစ္စကို အကဲဖြတ်ပြီး ဆုံးဖြတ်သည်။ ကြီးကြပ်သူနှင့်ပတ်သက်သော ပြဿနာများကို မည်သူက တိုင်ကြားသည်ဖြစ်စေ အယောင်ဆောင်ခေါင်းဆောင်က လျစ်လျူရှုသည်။...အယောင်ဆောင်ခေါင်းဆောင်များတွင်အကြီးစား ချို့ယွင်းချက်တစ်ခုလည်းရှိသည်။ ၎င်းတို့သည် မိမိတို့၏ ကိုယ်ပိုင်စိတ်ကူးများအပေါ်တွင် အခြေခံ၍ လူတို့ကို အလျင်အမြန် ယုံကြည်ကြသည်။ ဤသည်မှာ သမ္မာတရားကို နားမလည်ခြင်းကြောင့်ဖြစ်သည်မဟုတ်လော။ ဘုရားနှုတ်ကပတ်တော်သည် ဖောက်ပြန်ပျက်စီးသော လူသားမျိုးနွယ်၏ အခြေအနေများကို မည်သို့ ထုတ်ဖော်သနည်း။ ဘုရားသခင်က မယုံကြည်ချိန်တွင် သင်သည် အဘယ်ကြောင့် လူတို့ကို ယုံကြည်သင့်သနည်း။ လူတို့ကို အသွင်အပြင်များအားဖြင့် ဝေဖန်မည့်အစား၊ ဘုရားသခင်သည် ၎င်းတို့၏ စိတ်နှလုံးကို အဆက်မပြတ် စောင့်ကြည့်နေသည်။ ဤသို့ဆိုလျှင် လူတို့သည် အခြားလူများကို ဝေဖန်ပြီး ထိုသူတို့ကို ယုံကြည်ကြသောအခါ အဘယ်ကြောင့် အလွန်ပင် ပေါ့တန်သင့်မည်နည်း။ အယောင်ဆောင် ခေါင်းဆောင်များသည် စိတ်ကြီးဝင်လွန်းသည် မဟုတ်လော။ ၎င်းတို့ စဉ်းစားသည်မှာ၊ ‘ဤလူကို ငါ ရိပ်စားမိချိန်တွင် ငါမမှားပေ။ မည်သည့်အရာကမျှ မလွဲချော်နိုင်ပေ။ ၎င်းတို့သည် လျှောက်လုပ်သောသူ၊ အပျော်အပါးမက်ပြီး ပင်ပန်းသောအလုပ်ကို မုန်းသောသူ သေချာပေါက်မဟုတ်ပေ။ ၎င်းတို့သည် လုံးဝ အားကိုးရပြီး ယုံကြည်ထိုက်သည်။ ၎င်းတို့ ပြောင်းလဲလိမ့်မည်မဟုတ်။ ပြောင်းလဲလျှင် ၎င်းတို့နှင့်ပတ်သက်ပြီး ငါမှားယွင်းသည်ဆိုသည့် သဘောဖြစ်မည် မဟုတ်လော်’ ဟူ၍ ဖြစ်သည်။ ဤသည်မှာ အဘယ်သို့သော တွေးခေါ်ပုံမျိုးနည်း။ သင်သည် ကျွမ်းကျင်သူတစ်ယောက်ယောက် ဖြစ်သလော။ သင့်တွင် x-ray အမြင်အာရုံရှိသလော။ ဤသည်မှာ သင်၏ အထူး ကျွမ်းကျင်မှုလော။ သင်သည် ဤလူနှင့် တစ်နှစ်၊ သို့မဟုတ် နှစ်နှစ် နေထိုင်နိုင်သည်။ သို့သော် ၎င်းတို့၏ သဘာဝကို လုံးလုံး ဖွင့်ချပြရန် သင့်တော်သည့် ပတ်ဝန်းကျင်တစ်ခုမရှိဘဲ ၎င်းတို့အမှန်တကယ် မည်သူမည်ဝါဖြစ်သည်ကို သင်မြင်နိုင်မည်လော။ ၎င်းတို့သည် ဘုရားသခင်၏ ဖော်ထုတ်ခြင်းကို မခံရလျှင်၊ သင်သည် ၎င်းတို့နှင့် သုံးနှစ်၊ သို့မဟုတ် ငါးနှစ်ပင် အတူယှဉ်တွဲနေထိုင်နိုင်ပြီး ၎င်းတို့က မည်သည့်သဘာဝနှင့် အနှစ်သာရအမျိုးအစားရှိသည်ကို မြင်ရန် ခက်ခဲနေဦးမည်ဖြစ်သည်။ ပြီးလျှင် သင်သည် ၎င်းတို့ကို သိပ်မတွေ့ရသောအခါ၊ ၎င်းတို့နှင့်အတူ သိပ်မရှိသောအခါ ဤသည်မှာ မည်မျှပင်ပို၍ မှန်ကန်သနည်း။ သင်သည် တစ်ခဏတာအမြင်၊ သို့မဟုတ် ၎င်းတို့အပေါ် အခြားလူတစ်ယောက်၏ အပြုသဘောဆောင်သော သုံးသပ်ချက်ကိုအပေါ် အခြေခံ၍ ၎င်းတို့ကို မစဉ်းမစားယုံကြည်ပြီး ထိုသို့သောလူတို့ကို အသင်းတော်အလုပ်အား အပ်နှံရဲသည်။ ဤတွင် သင်သည် အလွန်အမင်း မျက်ကန်းဖြစ်နေသည်မဟုတ်လော။ စိတ်မြန်လက်မြန် ပြုလုပ်နေခြင်းမဟုတ်သလော။ ၎င်းတို့အနေဖြင့် ဤသို့ အလုပ်လုပ်သောအခါ အယောင်ဆောင်ခေါင်းဆောင်များသည် အလွန်အမင်း တာဝန်မသိတတ်ခြင်း မဟုတ်လော။” (အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း) နောက်တော့ ခေါင်းဆောင်က ပြောတယ်၊ “လူတစ်ယောက်ရဲ့ အနှစ်သာရကို တကယ် လုံးဝ မြင်လို့မရနိုင်လို့၊ သူတို့ရဲ့ အလုပ်ကို နိုင်နိုင်နင်းနင်း ကိုင်ဖို့လိုတယ်။ အဲဒီအခါ သူတို့တာဝန်မှာ အမှားတွေနဲ့ ပြဿနာတွေကို ကျွန်တော်တို့မြင်နိုင်ပြီး ကိစ္စတွေကို အချိန်မီ ပြောင်းလဲလို့ရတယ်။ လနည်းနည်းလေးအကြာမှာပဲ အစ်ကိုလျူက အသင်းတော်အလုပ်ကို ဖျက်ဆီးပစ်တော့မလို့။ ဒါက တခြားလူတွေကို ယုံကြည်မှု ထားလွန်းပြီး သူတို့အလုပ်ကို မစစ်ဆေးခြင်းရဲ့ အကျိုးဆက်တွေပဲ။ အဲဒါ မကောင်းမှုလုပ်တာပဲ”တဲ့။ ဘုရားနှုတ်ကပတ်တော်ရဲ့ ထုတ်ဖော်ပြချက်တွေနဲ့၊ ခေါင်းဆောင်ရဲ့ မိသဟာယနဲ့အတူ၊ ဒီဖြစ်ရပ်ပြီးတဲ့နောက်မှာ ကျွန်တော် ကြောက်စိတ်လိုမျိုး ခံစားရပြီး အပြစ်ရှိသလို ခံစားရတယ်။ ဘုရားနှုတ်ကပတ်တော်တွေအရ ကိစ္စတွေကို မကြည့်ခဲ့မိဘဲ လူတစ်ယောက်ကို မမြင်မကန်း ယုံခဲ့မိပြီး၊ အဲဒါက အသင်းတော်ကို ထိခိုက်စေခဲ့လို့ ကိုယ့်ကိုယ်ကိုယ် မုန်းမိတယ်။ အစ်ကိုလျူရဲ့ပြဿနာတွေကို ပြန်တွေးကြည့်တော့၊ သူ့ပြဿနာတွေကို ကျွန်တော် မမြင်ခဲ့တာ မဟုတ်ဘဲ၊ မြင်တဲ့အခါတိုင်း ကိုယ်ယုံကြည်တဲ့အတိုင်း ခိုင်ခိုင်မာမာ ရပ်တည်မိခဲ့တာပဲ။ သူနဲ့ပတ်သက်လို့ အရင်အတွေ့အကြုံနဲ့ပဲ သွားခဲ့တယ်၊ သူဟာ ယုံကြည်ထိုက်တဲ့သူ၊ သူ့တာဝန်အတွက် ဝန်တာရှိတဲ့ တာဝန်ယူတတ်တဲ့ သူလို့ မမြင်မကန်း ပိုင်းဖြတ်ဖို့ပေါ့။ ကြိုးစားလုပ်ကိုင်ပြပြီး အချိန်တစ်ခုကြာ တကယ့်အလုပ်ကို လုပ်တာက လူတစ်ယောက်က အမြဲ အဲဒီလိုဖြစ်မယ်ဆိုတဲ့ သဘော မဟုတ်ဘူးဆိုတာကို အဖြစ်မှန်တွေနဲ့ ဘုရားနှုတ်ကပတ်တော်တွေက ပြခဲ့တယ်။ ကျွန်တော်တို့ထဲက ဘယ်သူမှ သမ္မာတရား မရရှိသေးဘူး၊ အသက်စိတ်သဘောထားတွေက မပြောင်းလဲသေးဘူး၊ ကိုယ့်ရဲ့ ဖောက်ပြန်ပျက်စီးတဲ့ သဘာဝရဲ့ ထိန်းချုပ်တာ ခံနေရတုန်းပဲ၊ သတိမမူဘဲ ဘုရားကို လှည့်စားဖို့ ကြိုးစားနိုင်တုန်းပဲ။ ပြီးတော့ တစ်ခါတလေ ကိုယ်နှစ်သက်တဲ့အတိုင်း လုပ်ကြမှာပဲလေ၊ ဒါကြောင့် ကျွန်တော်တို့က မယုံကြည်ထိုက်ဘူး။ ပြီးတော့ အချိန်ကြာ ဆက်ဆံခြင်းမရှိဘဲနဲ့ လူတစ်ယောက်ကို တကယ်နားမလည်နိုင်သလို၊ နားလည်တဲ့အချိန်မှာတောင် သူတို့ကို လုံးဝ သိချင်မှသိဦးမှာ။ လူတစ်ယောက်ရဲ့ အနှစ်သာရထဲကို မြင်ရဖို့ သမ္မာတရားကို သိဖို့လိုတယ်။ ကျွန်တော်က အစ်ကိုလျူနဲ့ အချိန်တိုပဲ အလုပ်လုပ်ခဲ့တာ၊ ဒါပေမဲ့ သူ့ကို ကောင်းကောင်းသိပြီး ထင်မြင်တာလွဲမှာ မဟုတ်ဘူးလို့ ထင်ခဲ့တယ်။ သူ့ကို အရမ်းယုံကြည်ခဲ့တယ်၊ သူ့အလုပ်ကို လိုက်မကြည့်ခဲ့ဘူး။ ဒါကို ထုတ်ဖော်ပြဖို့ ဘုရားက အခြေအနေတွေအများကြီး ပြင်ဆင်ပြီး ခေါင်းဆောင်က ထပ်တလဲလဲ တင်ပြခဲ့တယ်။ ဒါပေမဲ့ ကိုယ့်ကိုယ်ပိုင် စိစစ်မှုကိုပဲ ဆက်ပြီး မမြင်မကန်း ယုံကြည်နေခဲ့တယ်။ ကျွန်တော် တကယ်ကို မာနထောင်လွှားပြီး စိတ်ကြီးဝင်ခဲ့သလို ကိုယ့်တာဝန်အတွက် တာဝန်ယူစိတ်မရှိခဲ့မှန်း တွေ့ရတယ်။ ခေါင်းဆောင်အနေနဲ့၊ လက်တွေ့အလုပ် လုပ်မနေခဲ့ဘူး၊ ဘုရားအိမ်တော်ရဲ့ အလုပ်ကို ထိန်းသိမ်းမနေခဲ့ဘူး။ ဘုရားရဲ့ စေခိုင်းချက်တာဝန်နဲ့ မထိုက်တန်ခဲ့ဘူး။ ဒါကိုမြင်တော့ ကျွန်တော် တကယ်နောင်တရပြီး အဲဒီလို ဆက်မနေချင်တော့ဘူး။
နောက်ပိုင်း ကိုယ့်ရဲ့ သုံးသပ်ချက်မှာ၊ သူ့အလုပ်ကို လိုက်မကြည့်ဘဲနဲ့ ဘာလို့ သူ့ကို အရမ်းယုံခဲ့မိတာလဲလို့ တွေးမိတယ်။ ဒါရဲ့ အရင်းခံအကြောင်းက ဘာများလဲ။ တစ်နေ့မှာ၊ ဒါကို ဘုရားနှုတ်ကပတ်တော်ထဲမှာ ဖတ်ခဲ့ရတယ်။ “လူအများစုက ‘သင်အလုပ်ခန့်သည့် လူများကို သံသယမရှိနှင့်။ သင်သံသယရှိသည့်လူများကို အလုပ်မခန့်နှင့်’ ဆိုသည့် စကားကို အမှန်တရားအဖြစ် မှတ်ယူကြသည်ဟု ဆိုလျှင် မမှားပေ။ ၎င်းတို့သည် ဤအရာအားဖြင့် လှည့်စားခံရပြီး ချည်နှောင်ခံရသည်။ လူတို့ကို ရွေးချယ်သောအခါ၊ သို့မဟုတ် ခန့်အပ်သောအခါ ၎င်းတို့သည် ဤအရာအားဖြင့် နှောင့်ယှက်ခြင်း၊ လွှမ်းမိုးခြင်းကိုခံရပြီး၊ ၎င်းတို့၏ လုပ်ရပ်များကိုပင် ထိန်းချုပ်ခွင့်ပြုကြလေသည်။ ရလဒ်အနေဖြင့် ခေါင်းဆောင်များနှင့် အမှုဆောင်များစွာတို့သည် အသင်းတော်အလုပ်ကို စစ်ဆေးပြီး လူတို့ကို ရာထူးတိုးခန့်အပ်သည့်အခါတိုင်းတွင် အစဉ်သဖြင့် အခက်အခဲများ၊ စိုးရိမ်ကြောင့်ကြမှုများရှိကြသည်။ အဆုံးတွင် သူတို့လုပ်နိုင်သမျှမှာ ‘သင်အလုပ်ခန့်သည့် လူများကို သံသယမရှိနှင့်။ သင်သံသယရှိသည့်လူများကို အလုပ်မခန့်နှင့်’ ဆိုသည့် စကားလုံးများနှင့် မိမိတို့ကိုယ်ကိုယ် နှစ်သိမ့်ခြင်းဖြစ်သည်။ အလုပ်အကြောင်းကို ၎င်းတို့ စစ်ဆေးသည်၊ စုံစမ်းမေးမြန်းသည့်အခါတိုင်းတွင် ‘“သင်အလုပ်ခန့်သည့် လူများကို သံသယမရှိနှင့်။ သင်သံသယရှိသည့်လူများကို အလုပ်မခန့်နှင့်။” ညီအစ်ကိုမောင်နှမများကို ငါယုံကြည်သင့်သည်။ တကယ်တမ်းတွင် သန့်ရှင်းသောဝိညာဉ်တော်က လူတို့ကို စောင့်ကြည့်လေ့လာသည်။ ထို့ကြောင့် အခြားလူများကို အစဉ်သံသယဝင်ပြီး စောင့်မကြည့်သင့်ပေ’ဟု ထင်မြင်ကြသည်။ ၎င်းတို့သည် ဤစကားရပ်၏ လွှမ်းမိုးခြင်းကို ခံထားရသည်မဟုတ်လော။ ဤစကားရပ်၏ လွှမ်းမိုးခြင်းကြောင့် ဖြစ်ပေါ်လာသော အကျိုးဆက်များမှာ အဘယ်နည်း။ ရှေးဦးစွာ သင်သစ္စာရှိသောအရာမှာ ဘုရားနှုတ်ကပတ်တော်မဟုတ်ပေ။ သင့်အတွက် ဘုရားသခင်၏ စေခိုင်းချက်တာဝန်မဟုတ်သကဲ့သို့၊ ဘုရားသခင်မဟုတ်ပေ။ ယင်းသည် ရှင်သန်နေထိုင်ခြင်းအတွက် ဆိုးယုတ်သည့် အတွေးအခေါ်ဖြစ်ပြီး ဆိုးယုတ်သော ဆင်ခြင်တွေးခေါ်မှုစနစ်ဖြစ်သည်။ သင်သည် ဘုရားသခင်နှင့် ဘုရားနှုတ်ကပတ်တော်ကို ပြောင်ပြောင်တင်းတင်း သစ္စာဖောက်လျက် ဘုရားသခင်ကို ယုံကြည်သည်။ ဤသည်မှာ ကြီးလေးသော ပြဿနာတစ်ခုဖြစ်သည်မဟုတ်လော။ ဒုတိယအနေဖြင့် ဤသည်မှာ ဘုရားသခင်၏ နှုတ်ကပတ်တော်နှင့် သင်၏ တာဝန်များကို ထိန်းသိမ်းရန် ပျက်ကွက်ခြင်းသက်သက် မဟုတ်ပေ။ ဤသည်မှာ ရှင်သန်နေထိုင်ခြင်းအတွက် စာတန်၏ အကြံအစည်များနှင့် အတွေးအခေါ်ကို အမှန်တရားအဖြစ် မှတ်ယူခြင်း၊ လိုက်နာပြီး လက်တွေ့လုပ်ဆောင်ခြင်းဖြစ်သည်။ သင်သည် စာတန်ကို လိုက်နာနေပြီး ဆိုးယုတ်သော အတွေးအခေါ်တစ်ခုဖြင့် အသက်ရှင်နေခြင်းဖြစ်သည်မဟုတ်လော။ ဤသို့ လုပ်ဆောင်ခြင်းသည် ဘုရားနှုတ်ကပတ်တော်များကို လိုက်နာသူဖြစ်ဖို့ မဆိုထားနှင့်။ ဘုရားသခင်ကို နာခံသည့်သူပင်မဟုတ်ဆိုသည့် အဓိပ္ပာယ်ဖြစ်သည်။ သင်သည် လူလိမ်လူညစ်တစ်ယောက်ဖြစ်သည်။ ဘုရားနှုတ်ကပတ်တော်များကို ဘေးဖယ်ပြီး ထိုအစား ဆိုးယုတ်သော စကားရပ်တစ်ခုကို ယူပြီး အမှန်တရားအဖြစ် လက်တွေ့လုပ်ဆောင်ခြင်းသည် သမ္မာတရားနှင့် ဘုရားသခင်ကို သစ္စာဖောက်ခြင်းဖြစ်သည်။ သင်သည် ဘုရားသခင်၏ အိမ်တော်တွင် အလုပ်လုပ်သည်။ သို့တိုင်အောင် ရှင်သန်ုခြင်းအတွက် ဆိုးယုတ်သော ဆင်ခြင်တွေးခေါ်မှုစနစ်နှင့် အတွေးအခေါ်အားဖြင့် ပြုမူဆောင်ရွက်သည်။ သင်သည် မည်သို့သောလူစားမျိုးဖြစ်သနည်း။ ဤသည်မှာ ဘုရားသခင်ကို ဆန့်ကျင်ပုန်ကန်သောသူ၊ ဘုရားသခင်ကို ကြီးစွာ အရှက်ရစေသောသူဖြစ်သည်။ ဤလုပ်ဆောင်မှု၏ အနှစ်သာရသည် အဘယ်နည်း။ ဘုရားသခင်ကို ပြောင်ပြောင်တင်းတင်း ရှုတ်ချပြီး သမ္မာတရားကို ပြောင်ပြောင်တင်းတင်း ငြင်းဆန်နေခြင်းဖြစ်သည်။ ဤသည်မှာ ယင်း၏ အနှစ်သာရမဟုတ်လော။ ဘုရားသခင်၏အလိုတော်ကို မလိုက်လျှောက်ံခြင်းအပြင် သင်သည် ရှင်သန်ရေးအတွက် စာတန်၏ အတွေးမှားများနှင့် ဆိုးယုတ်သော အတွေးအခေါ်များကို အသင်းတော်တွင် သောင်းကျန်းရန် ခွင့်ပြုနေခြင်းဖြစ်သည်။ ဤသို့ပြုလုပ်ခြင်းအားဖြင့် သင်သည် စာတန်၏ ကြံရာပါဖြစ်လာပြီး အသင်းတော်တွင် စာတန်၏ လုပ်ဆောင်မှုများကို ကူညီနေသည်။ ဤပြဿနာ၏ အနှစ်သာရသည် ဆိုးရွားသည်မဟုတ်လော။” (အန္တိခရစ်တို့ကို ဖော်ထုတ်ခြင်း၌ “အသေးစိတ်ရှင်းလင်းချက် ၁- အသေးစိတ်ရှင်းလင်းချက် သမ္မာတရား၏ဖြစ်ခြင်း”) ဘုရားနှုတ်ကပတ်တော်တွေက ကျွန်တော့်အခြေအနေကို ထုတ်ဖော်ပြခဲ့တယ်။ လူတစ်ယောက်ကို အဆင်ပြေပြီး သူ့နေရာနဲ့သူရှိတယ်လို့ ကိုယ်က ခံစားမိရင်၊ သူ့ကို ယုံကြည်ရမယ်လို့ ထင်ပြီးတော့ “သင်အလုပ်ခန့်သည့် လူများကို သံသယမရှိနှင့်” ဆိုတဲ့ ဆိုးယုတ်တဲ့ အတွေးအခေါ်နဲ့ ကျွန်တော် အသက်ရှင်ခဲ့တာပဲ။ အဲဒါကြောင့် အစ်ကိုလျူကို ကျွန်တော် အရမ်းယုံကြည်စိတ်ချခဲ့ပြီး၊ သူ့အလုပ်ကို လိုက်မကြည့်ခဲ့တာပဲ။ သူ့ပြဿနာတွေ ပေါ်လွင်လာပြီး သူ့အလုပ်ကို စစ်ဆေးဖို့ ခေါင်းဆောင်က သတိပေးတဲ့အခါမှာတောင် အဲဒါကို ဘာမှ ကျွန်တော် မစဉ်းစားခဲ့သေးဘူး။ သူ့အလုပ်ကို စစ်ဆေးတာက ယုံကြည်မှုကင်းမဲ့တာလို့ တွေးခဲ့တယ်၊ သူ လက်တွေ့အလုပ်လုပ်မနေတာကို တွေ့တာတောင်မှ သူ့ရဲ့ တကယ့်အခက်အခဲတွေအကြောင်း ပြောပြီး နောင်တရပြနေတာ၊ ငိုနေတာကို မြင်တော့ သူ့ကို ယုံကြည်ပြီး မထုတ်ပယ်ဖို့ ဆုံးဖြတ်ခဲ့တယ်၊ အသင်းတော်အလုပ်ကို ထိခိုက်ပြီး ညီအစ်ကို မောင်နှမတွေရဲ့ အသက်ဝင်ရောက်မှုကို အရမ်းထိခိုက်ခွင့် ပေးနေခဲ့မိတယ်။ အသင်းတော် ခေါင်းဆောင်အနေနဲ့၊ အသင်းတော်ရဲ့ အလုပ်ကို ကျွန်တော် မကာကွယ်နိုင်ခဲ့ရုံမက၊ အယောင်ဆောင် ခေါင်းဆောင်အတွက် အကွယ်အကာတစ်ခုလို ပြုမူခဲ့ပြီး ဘုရားအိမ်တော်ထဲမှာ ခလုတ်တံသင်း ဖြစ်လာခဲ့တယ်။ အဲဒါတွေက ကိုယ်အသုံးပြုတဲ့သူတွေကို သံသယမရှိခြင်းနဲ့ဆိုင်တဲ့ ဆိုးယုတ်တဲ့ စိတ်ကူးတွေကို အခြေခံပြီး လူတွေကို ဆက်ဆံခြင်း အကျိုးဆက်တွေပဲ။ ဘုရားနှုတ်ကပတ်တော်တွေအပေါ် အခြေခံပြီး ကြည့်တဲ့အခါ၊ ကိုယ့်ရဲ့ ရှုထောင့်အမြင်က ဘယ်လောက် အဓိပ္ပာယ်မဲ့မှန်း တွေ့ရတယ်။ ဘုရားနှုတ်ကပတ်တော်နဲ့ သူတောင်းဆိုတာကို လုံးဝ ဆန့်ကျင်နေခဲ့တာပဲ။ အလုပ်ကို ခေါင်းဆောင်တွေက စောင့်ကြည့်ရမယ်ဆိုတဲ့ ဘုရားရဲ့ သတ်မှတ်ချက်က ဖောက်ပြန်ပျက်စီးတဲ့ လူသားမျိုးနွယ်ရဲ့ အနှစ်သာရအပေါ် အခြေခံတယ်။ အဲဒါက ကျွန်တော်တို့အားလုံးမှာ ဖောက်ပြန်ပျက်စီးတဲ့ စိတ်သဘောထားတွေ ရှိလို့ပဲ၊ ဒါကြောင့် သမ္မာတရား မရခင်၊ ကိုယ့်ရဲ့ အသက်စိတ်သဘောထားတွေ မပြောင်းလဲခင်၊ ကျွန်တော်တို့က စိတ်မချရသလို၊ အပြည့်အဝ ယုံကြည်ကိုးစားလို့ မရဘူး။ ကောင်းမွန်တဲ့ လူ့သဘာဝရှိသူတွေတောင် သမ္မာတရားကို မသိလို့၊ သူတို့လုပ်ရပ်တွေမှာ ကိုယ်ကျင့်တရားမကောင်းလို့၊ ဖောက်ပြန်ပျက်စီးတဲ့ စိတ်သဘောထားတွေ ရှိကြလို့ ကိုယ့်သဘောအတိုင်းလုပ်ပြီး ဘုရားအိမ်တော်ရဲ့ အလုပ်ကို နှောင့်ယှက်နိုင်တယ်။ အဲဒါကို ဘယ်သူမှ ငြင်းလို့မရဘူး။ ဘုရားက ကျွန်တော်တို့ရဲ့ အနှစ်သာရကို သိလို့ ခေါင်းဆောင်တွေက အလုပ်ကို ကြီးကြပ်ဖို့ ဘုရားအိမ်တော်က တောင်းဆိုတာပဲ။ အလုပ်ကို စစ်ဆေးတာက ကျွန်တော်တို့တာဝန်တွေအတွက် အကူအညီဖြစ်ပြီး၊ ဘုရားအိမ်တော်ရဲ့အလုပ်ကို အကျိုးပြုတယ်။ ဒါပေမဲ့ “သင်အလုပ်ခန့်သည့် လူများကို သံသယမရှိနှင့်” ဆိုတဲ့ ဆိုးယုတ်တဲ့ စိတ်ကူးက တခြားလူတွေကို မမြင်မကန်းနဲ့ ယုံကြည်စေတယ်။ အလုပ်ကို လက်လွဲလိုက်တာက သူတို့ကို လုပ်ချင်တာ လုပ်ခွင့်ပေးလို့ရတဲ့သဘောဖြစ်ပြီး သူတို့အလုပ်ကို စစ်ဆေးတာက ယုံကြည်မှု ကင်းမဲ့တာကို ပြတယ်လို့ တွေးမိတာပေါ့ အဲဒီရှုထောင့်အမြင်ကို ဖက်တွယ်တာ၊ အလုပ်ကို အချိန်မီ လိုက်မကြည့်တာက ဘုရားအိမ်တော်ရဲ့အလုပ်ကို နှောင့်နှေးပြီး ထိခိုက်စေရုံပဲ တတ်နိုင်တယ်။ တာဝန်ကို လုပ်ဆောင်ပေမဲ့ ဘုရားနှုတ်ကပတ်တော်တွေ၊ သူ့သတ်မှတ်ချက်တွေအတိုင်း မသွားဘဲ၊ အဲဒီအစာ ဆိုးယုတ်တဲ့ အတွေးအခေါ်တွေအတိုင်း သွားတာ၊ စာတန်ရဲ့ အတွေးမှားတွေကို သမ္မာတရားလိုမျိုး ထိန်းသိမ်းတာက သမ္မာတရားကို ငြင်းပယ်ပြီး ဘုရားကို သစ္စာဖောက်တာပဲ။ စာတန်ရဲ့ အကူလို ပြုမူပြီး ဘုရားအိမ်တော်ရဲ့ အလုပ်ကို နှောင့်ယှက်နေတာ။ အဲဒီအကြောင်း တွေးရင်းနဲ့ ပိုကြောက်သွားတယ်။ ကျွန်တော့်တာဝန်မှာ စည်းမျဉ်းတွေ မရှိခဲ့မှန်း၊ ဘုရားနှုတ်ကပတ်တော်တွေ၊ တောင်းဆိုချက်တွေအတိုင်း မသွားခဲ့မှန်း တွေ့ရတယ်။ ဘုရားကို အစေခံနေတုန်း ဘုရားကို ဆန့်ကျင်တဲ့ လမ်းကြောင်းပေါ် အမှတ်တမဲ့ လှမ်းမိခဲ့တာပဲ။ သမ္မာတရားရဲ့ စည်းမျဉ်းတွေပေါ် အခြေခံပြီး ကိုယ့်တာဝန်ကို မလုပ်ခြင်းရဲ့ အကျိုးဆက်တွေက တကယ်လန့်စရာပဲ။
ဘုရားနှုတ်ကပတ်တော် နှစ်ပိုဒ် ဖတ်ခဲ့တယ်။ “‘သင်အလုပ်ခန့်သည့် လူများကို သံသယမရှိနှင့်။ သင်သံသယရှိသည့်လူများကို အလုပ်မခန့်နှင့်’ ဆိုသည့်စကားက မှန်ကန်သည်ဟု သင် ယုံကြည်သလော။ ဤစကားရပ်သည် အမှန်တရားဖြစ်သလော။ ဘုရားအိမ်တော်၏ အလုပ်တွင်၊ မိမိတို့၏ တာဝန်ကို ဖြည့်ဆည်းရာတွင် ဤစကားကို တစ်စုံတစ်ဦးက အဘယ်ကြောင့် အသုံးပြုမည်နည်း။ ဤတွင် ပြဿနာက အဘယ်နည်း။ ဤအရာတို့သည် ရှင်းလင်းစွာပင် မယုံကြည်သူများ၏ စကားများ၊ စာတန်ဆီမှလာသော စကားများဖြစ်သည်။ ဤသို့ဆိုလျှင် ၎င်းတို့သည် ဤအရာတို့ကို အမှန်တရားအဖြစ် အဘယ်ကြောင့် သဘောထားသနည်း။ ၎င်းတို့သည် မှန်သည်၊ မှားသည်ကို အဘယ်ကြောင့် မပြောနိုင်သနည်း။ ဤအရာများသည် သိသိသာသာပင် လူသား၏ စကားများ၊ ဖောက်ပြန်ပျက်စီးသော လူသားမျိုးနွယ်၏ စကားများဖြစ်သည်။ တကယ်ကို သမ္မာတရားမဟုတ်ပေ။ ၎င်းတို့သည် ဘုရားနှုတ်ကပတ်တော်များနှင့် လုံးလုံး ကွဲလွဲနေသည်။ လူတို့၏ လုပ်ရပ်များ၊ အပြုအမူများနှင့် ဘုရားသခင်အား ကိုးကွယ်မှုအတွက် စံအဖြစ် အသုံးမပြုသင့်ပေ။ ဤသို့ဆိုလျှင် ဤစကားကို မည်သို့ ချဉ်းကပ်သင့်သနည်း။ သင်သည် အမှန်တကယ် ခွဲခြားနိုင်စွမ်းရှိပါက၊ သင်၏ လက်တွေ့လုပ်ဆောင်မှု စည်းမျဉ်းအဖြစ် အသုံးပြုဖို့ ဤစကား၏နေရာတွင် မည်သည့်စံအမျိုးအစားကို အသုံးပြုသင့်သနည်း။ စံသည် ‘သင်၏ တာဝန်ကို သင်၏ စိတ်နှလုံးအကြွင်းမဲ့၊ ဉာဏ်ရှိသမျှဖြင့် ထမ်းဆောင်ရန်’ ဖြစ်သင့်သည်။ အခြားလူတို့က မည်သို့ထင်မြင်ပါစေ သင်၏ စိတ်နှလုံးအကြွင်းမဲ့၊ ဉာဏ်ရှိသမျှဖြင့် အမှုအရာများကို လုပ်ဆောင်ခြင်းသည် သင်၏ ဝတ္တရား၊ သင်၏တာဝန်ဖြစ်သည်။ ထို့ကြောင့် သင်၏ ဝတ္တရားကို သင် ဖြည့်ဆည်းသင့်သည်။ သင်၏ တာဝန်ကို ပြီးမြောက်သင့်သည်။ စည်းမျဉ်းနှင့်အညီ လုပ်ဆောင်သင့်သည်။ အမှုအရာများကို ကိုင်တွယ်သင့်သည့်ပုံစံဖြင့် ကိုင်တွယ်သင့်သည်။ မေးမြန်းရမည့်အရာကို မေးမြန်းသင့်သည်။ ပြုပြင်ပြီး ကိုင်တွယ်ဖြေရှင်းရန်လိုအပ်သူတို့ကို ပြုပြင်ပြီး ကိုင်တွယ်ဖြေရှင်းသင့်သည်။ ထုတ်ပယ်ထိုက်သူများကို ထုတ်ပယ်သင့်သည်။ ဤသည်မှာ စည်းမျဉ်းမဟုတ်လော။” (အန္တိခရစ်တို့ကို ဖော်ထုတ်ခြင်း၌ “အသေးစိတ်ရှင်းလင်းချက် ၁- အသေးစိတ်ရှင်းလင်းချက် သမ္မာတရား၏ဖြစ်ခြင်း”) “ခေါင်းဆောင်၊ သို့မဟုတ် အမှုဆောင်တစ်ယောက်သည် မည်သည့်အရေးကြီးသည့်အလုပ်ကို လုပ်ဆောင်သည်ဖြစ်စေ၊ ဤအလုပ်၏ သဘောသဘာဝက မည်သည့်အရာဖြစ်စေ ၎င်းတို့၏ ပထမဦးစားပေးမှာ အလုပ်က မည်သို့ တိုးတက်မှုရှိနေသည်ကို ကောင်းစွာ သိရှိရန်ဖြစ်သည်။ ၎င်းတို့သည် အမှုကိစ္စများကို ဆက်လက်စစ်ဆေးပြီး မေးခွန်းများမေးကာ သတင်းအချက်အလက်များကို ကိုယ်တိုင်ရယူရန်အတွက် ထိုနေရာတွင် ရှိနေရပေမည်။ ၎င်းတို့သည် ကိုယ်ကြားရသည့်အတိုင်း လုပ်ဆောင်ခြင်းသက်သက် သို့မဟုတ် အခြားလူတို့၏ အစီရင်ခံချက်များကိုသာ နားထောင်ခြင်း မပြုလုပ်ရပေ။ ထိုအစား ၎င်းတို့သည် ဝန်ထမ်းများက မည်သို့လုပ်ဆောင်နေသည်၊ အလုပ်က မည်သို့ တိုးတက်နေသည်ကို မိမိတို့ကိုယ်တိုင ကြည့်ရှုလေ့လာရမည်။ မည်သည့်အခက်အခဲများရှိသည်၊ နယ်ပယ်တစ်ခုခုက အထက်က သတ်မှတ်ချက်များနှင့် ကွဲလွဲနေခြင်းရှိမရှိ၊ အထူးလုပ်ငန်းတာဝန်များက စည်းမျဉ်းများကို ချိုးဖောက်ခဲ့ခြင်းရှိမရှိ၊ အနှောင့်အယှက်၊ အဖျက်အဆီးတစ်ခုခု ရှိမရှိ၊ လိုအပ်သော ပစ္စည်းကိရိယာများ၊ သို့မဟုတ် အချို့တာဝန်အတွက် သင်ကြားပို့ချမှုဆိုင်ရာ ပစ္စည်းများ လိုအပ်ခြင်း ရှိမရှိ၊ သင်ယူရမည်။ ၎င်းတို့သည် ဤအရာအားလုံးကို နိုင်နိုင်နင်းနင်းဖြစ်ရမည် ဖြစ်သည်။ မည်မျှ များပြားသော အစီရင်ခံချက်များကို ၎င်းတို့ နားထောင်သည်ဖြစ်စေ၊ သို့မဟုတ် ကြားရသည့်အတိုင်း လုပ်ဆောင်ခြင်းမှ မည်မျှရရှိသည်ဖြစ်စေ၊ ဤအရာတို့သည် ကိုယ်တိုင်သွားရောက်ကြည့်ရှုခြင်းလောက် မကောင်းပေ။ အမှုအရာများကို မိမိကိုယ်တိုင် မြင်တွေ့ခြင်းသည် ပိုမို တိကျမှုရှိပြီး ယုံကြည်စိတ်ချရသည်။ ၎င်းတို့သည် အခြေအနေကို အကျွမ်းဝင်သွားသည်နှင့် တစ်ပြိုင်နက် မည်သည့်အရာဖြစ်ပျက်နေသည်ကို ကောင်းစွာ သိရှိလိမ့်မည်။ ပို၍ပင်အရေးကြီးသည်မှာ မည်သူက အစွမ်းအစကောင်းရှိပြီး ပျိုးထောင်ပေးဖို့ ထိုက်တန်သည်၊ ခေါင်းဆောင်များနှင့် အမှုဆောင်များသည် ၎င်းတို့၏ အလုပ်ကို မှန်မှန်ကန်ကန် လုပ်ဖို့ဆိုလျှင် မည်သည့်အရာက အရေးပါသည်ဆိုသည်ကို ရှင်းလင်းတိကျသော နားလည်သဘောပေါက်ခြင်းဖြစ်သည်။ ခေါင်းဆောင်များနှင့် အမှုဆောင်များသည အစွမ်းအစကောင်းရှိသည့် လူများကို မည်သို့ ပြုစုပျိုးထောင်ပြီး လေ့ကျင့်ပေးရမည်ဆိုသည်နှင့် သက်ဆိုင်သော လမ်းကြောင်းတစ်ခုရှိသင့်သည်။ အလုပ်အချိန်အတွင်းတွင် ဖြစ်ပေါ်သော အမျိုးမျိုးသော ပြဿနာများနှင့် အခက်အခဲများအပေါ် ကောင်းမွန်စွာ သဘောပေါက်ခြင်းနှင့် ကျိုးကြောင်းခိုင်လုံသော နားလည်မှုရှိသင့်ကာ ဤအခက်အခဲများကို မည်သို့ ဖြေရှင်းရမည်ကို သိသင့်သည်။ အလုပ်ကို မည်သို့ ရှေ့ဆက်ရမည်၊ သို့မဟုတ် အလုပ်၏ အနာဂတ်အလားအလာများအတွက် ကိုယ်ပိုင် အယူအဆများနှင့် အကြံပြုချက်များလည်း ရှိသင့်သည်။ ၎င်းတို့သည် မည်သည်သံသယ၊ သို့မဟုတ် စိုးရိမ်မှုမျှ မရှိဘဲ ဤသို့သောအရာများကို အလွယ်တကူ ရှင်းလင်းစွာ ပြောဆိုနိုင်လျှင် ဤအလုပ်သည် ဆောင်ရွက်ရန် အလွန်ပို၍ လွယ်ကူလိမ့်မည်။ဤသို့လုပ်ဆောင်ခြင်းအားဖြင့်၊ ခေါင်းဆောင်တစ်ယောက်သည် တာဝန်များကို ကျေပွန်လိမ့်မည်မဟုတ်လော။ ခေါင်းဆောင်များနှင့် အမှုဆောင်များသည် ဤအရာအားလုံးကို ထည့်သွင်းစဉ်းစားရမည်။ စိတ်ထဲတွင် ဤအရာအားလုံးကို ရှိထားရမည်။ ခေါင်းထဲတွင် ဤအရာတို့ကို အဆက်မပြတ် စဉ်းစားနေရမည်။ အခက်အခဲများကို ကြုံရသောအခါ၊ ပြဿနာကို ကုစားရန်အလို့ငှာ သမ္မာတရားကို ရှာဖွေလျက်၊ ဤအရာများကို မိတ်သဟာယပြု၊ ဆွေးနွေးဖို့ရန်အတွက် လူတိုင်းဆီသို့ ပြန်သွားရမည်ဖြစ်သည်။ ဤနည်းအားဖြင့် ၎င်းတို့အလုပ်သည် လက်တွေ့အရှိတရား၌ အခြေတည်လျှင်၊ ဖြေရှင်း၍ မရနိုင်သော အခက်အခဲရှိလိမ့်မည်မဟုတ်ပေ။” (အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း) ဘုရားနှုတ်ကပတ်တော်တွေက လက်တွေ့အလုပ်လုပ်ခြင်းအတွက် လက်တွေ့လုပ်ဆောင်မှု လမ်းကြောင်းပေးခဲ့တယ်။ စိတ်နှလုံးအကြွင်းမဲ့၊ ဉာဏ်အစွမ်းရှိသမျှနဲ့ ကိုယ့်တာဝန်တွေကို ဖြည့်ဆည်းရမယ်။ ဘယ်သူပဲဖြစ်ဖြစ်၊ ကိုယ်သိသည်ဖြစ်စေ၊ မသိသည်ဖြစ်စေ၊ စစ်မှန်တဲ့ တာဝန်သိစိတ်ရှိတဲ့ ခေါင်းဆောင်တစ်ယောက်က အလုပ်ရဲ့တိုးတက်မှုကို စဉ်ဆက်မပြတ် လိုက်ကြည့်နေမှာပဲ၊ ပြဿနာတွေကို ရှာတွေ့တာနဲ့အမျှ ဖြေရှင်းပေးနေမှာပဲ။ တစ်ယောက်ယောက်က မသင့်တော်ရင် သူတို့ ချက်ချင်း ပြောင်းရွှေ့မှာ။ ပြဿနာတွေနဲ့ပတ်သက်လို့ လူတိုင်းနဲ့ ပူးပေါင်းလုပ်ပြီး ဖြေရှင်းဖို့ သမ္မာတရားကို အတူရှာတယ်။ ဒါက အသင်းတော် ပရောဂျက်တွေမှာ စနစ်ကျ၊ မှန်ကန်တဲ့ တိုးတက်မှုရှိအောင် သေချာလုပ်ပေးတယ်။ ဘုရားနှုတ်ကပတ်တော်တွေကို တွေးရင်းနဲ့ကိုယ့်တာဝန်မှာ တာဝန်ယူဖို့လိုတယ်ဆိုတာ သိပေမဲ့ “သင်အလုပ်ခန့်သည့် လူများကို သံသယမရှိနှင့်” ဆိုတဲ့ ဆိုးယုတ်တဲ့ အတွေးမှားကို ဘာလို့ ကျွန်တော် ဖက်တွယ်ခဲ့သေးတာလဲဆိုတာကို မြင်ခဲ့ရတယ်။ တစ်ယောက်ယောက်ရဲ့ အလုပ်ကို စောင့်ကြည့်နေတာက ယုံကြည်မှုကင်းမဲ့တာပဲ၊ အပြင်လောကထဲက ကြီးကြပ်သူလို သူတို့အတွက် ချုပ်ချယ်မှုပဲလို့ တွေးပြီး အဓိပ္ပာယ်မရှိတဲ့ စိတ်ကူးတစ်ခုကို ကျွန်တော် ထိန်းသိမ်းနေခဲ့တယ်။ နောက်တော့ တွေ့ရတာက ခေါင်းဆောင်တွေ အလုပ်ကို ကြီးကြပ်ဖို့၊ ဘယ်သူ့ကိုမှ ထိန်းချုပ်မထားဖို့၊ ဘယ်သူ့ကိုမှ မယုံကြည်ဘဲ၊ ပြဿနာတွေကို ရှာတွေ့ပြီး မြန်မြန် ဖြေရှင်းဖို့ ဘုရားအိမ်တော်က တောင်းဆိုတယ်ဆိုတာပဲ။ အဲဒါက ညီအစ်ကို မောင်နှမတွေ တာဝန်ကို လုပ်ပြီး ဘုရားအိမ်တော်ရဲ့ အကျိုးစီးပွားကို ကာကွယ်အောင် ကူညီဖို့ပါ။ ခေါင်းဆောင်ရဲ့ တာဝန်တစ်ခုက အလုပ်ကို ကြီးကြပ်ပြီး လိုက်ကြည့်ဖို့၊ အလုပ်ကို လူတိုင်းကလုပ်တဲ့ နည်းလမ်းကို ချက်ချင်းနားလည်ဖို့၊ ပြဿနာတွေကို မြန်မြန် ရှာတွေ့ဖို့နဲ့ သင့်တော်သလို ကိုင်တွယ်ဖို့ပဲ။ အဲဒါက လူတွေရဲ့ တာဝန်တွေမှာ တာဝန်မဲ့မှုကနေ ဖြစ်ပေါ်လာတဲ့ အမှားကြောင့် ဆုံးရှုံးမှုတွေကို လျော့နည်းစေနိုင်တယ်။ အဲဒါက တခြားလူတွေရဲ့ အသက်ဝင်ရောက်မှုနဲ့ ဘုရားအိမ်တော်ရဲ့အလုပ်အတွက် တာဝန်ယူတာပဲ။
အဲဒီနောက်မှာ၊ ခေါင်းဆောင်အသီးသီးရဲ့ အလုပ်ကို ကျွန်တော် အသေးစိတ် သွားကြည့်ခဲ့ပြီး၊ သူတို့ကို ဘယ်လောက်ကောင်းကောင်း သိပါစေ၊ သူတို့ကိုင်တွယ်နေတဲ့ ပရောဂျက်တွေထဲက တိုးတက်မှုတွေကို လေးလေးနက်နက် စစ်ဆေးခဲ့တယ်။ အဲဒီလို တကယ်စစ်ဆေးရာကတစ်ဆင့်၊ ရှားဆိုတဲ့ ခေါင်းဆောင်က လက်တွေ့အလုပ်လုပ်မနေတာ၊ တကယ့်ပြဿနာတွေကို မဖြေရှင်းတာ တွေ့ရတယ်။ သူက အရမ်းလည်း ကြမ်းတမ်းပြီး သူများကို ဒေါသတကြီး ရမ်းတတ်တယ်၊ အဲဒါက အခြေခံအားဖြင့် ဆိုးရွားတာပဲ။ ဒါကြောင့် သူ့ကို ချက်ချင်း ထုတ်ပယ်လိုက်တယ်။ တခြားလူတွေရဲ့ တိုင်ကြားချက်တွေကတစ်ဆင့် သူလုပ်ခဲ့တဲ့ တခြားဆိုးယုတ်တဲ့ အရာအများကြီးကို နောက်ပိုင်းမှာ သိခဲ့ရပြီး၊ မိတ်သဟာယအများကြီး လုပ်ပေးခဲ့တဲ့နောက်မှာ သူ နောင်တမရသေးဘူးလေ။ နောက်ဆုံးတော့ သူက အန္တိခရစ်ဖြစ်တယ်လို့ ကျွန်တော်တို့ ဆုံးဖြတ်ပြီး အသင်းတော်ကနေ နှင်ထုတ်လိုက်တယ်။ အဲဒါက ကျွန်တော့်ကို ကြောက်သွားစေတယ်။ အစ်ကိုလျူနဲ့ပတ်သက်လို့ ကျွန်တော့်ရဲ့ မမှန်တဲ့ စိတ်ကူးတွေကို ပြောင်းလဲစေခဲ့တဲ့ အဲဒါတွေအားလုံး မဖြတ်သန်းရဘဲနဲ့၊ ရှားရဲ့အလုပ်ကို စစ်ဆေးဖို့ တွေးခဲ့မိမှာ မဟုတ်ဘူး။ အဲဒီအန္တိခရစ်က အသင်းတော်ထဲက ညီအစ်ကို မောင်နှမတွေကို ဆက်ထိခိုက်နေမှာ။ အဲဒါရဲ့ အကျိုးဆက်တွေက မတွေးရဲစရာ ဖြစ်နေမှာပဲ။ ဒါကို လက်တွေ့လုပ်ဆောင်လိုက်တာက အလုပ်အပေါ် ကြီးကြပ်ခြင်းရဲ့ အရေးပါမှုကို ပြခဲ့တယ်။ နောက်ဆုံးမှာ လက်တွေ့အလုပ်လုပ်ရာကနေ လာတဲ့ စိတ်ငြိမ်သက်ခြင်းကို ခံစားခဲ့ရတယ်။
ဘုရားနှုတ်ကပတ်တော်ကို မလိုက်လျှောက်ဘဲ သမ္မာတရားကို လက်တွေ့လုပ်ဆောင်ဘဲ ဆိုးယုတ်တဲ့ တွေးခေါ်မှုစနစ်နဲ့ စိတ်ကူးတွေကို ထိန်းသိမ်းရင်း တာဝန်တစ်ခုကို လုပ်တာက ဘုရားကို ဆန့်ကျင်ပြီး အသင်းတော်ရဲ့အလုပ်ကို နှောင့်ယှက်နေတာဖြစ်မှန်း ဒီအတွေ့အကြုံက ပြခဲ့တယ်။ တာဝန်ကို ကောင်းကောင်းလုပ်ပြီး ဘုရားအိမ်တော်ရဲ့ အလုပ်ကို ကာကွယ်ဖို့ အလုပ်ကို ကြီးကြပ်ခြင်းနဲ့ ပတ်သက်တဲ့ ဘုရားရဲ့ သတ်မှတ်ချက်တွေကို လိုက်လျှောက်ရမယ်။ ဘုရားနှုတ်ကပတ်တော်ရဲ့ တရားစီရင်ခြင်းနဲ့ ထုတ်ဖော်ပြချက်တွေက ကျွန်တော့်ရဲ့ မမှန်တဲ့ စိတ်ကူးတွေကို ပြောင်းသွားစေခဲ့တယ်။ ဘုရားကျေးဇူးတော်ပဲ။
