အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ကိုးဆယ့်ကိုးခုမြောက်သော မိန့်မြွက်ချက်

ငါ့အမှု၏အရှိန်အဟုန်သည် အရှိန်မြင့်လာသောကြောင့် မည်သူမျှ ငါ၏ခြေလှမ်းကို လိုက်၍မမီနိုင်ဖြစ်ပြီး ငါ၏စိတ်ကိုလည်း မည်သူမျှထိုးဖောက်၍မရနိုင်၊ သို့သော် ဤသည်မှာ ခရီးပေါက်ရမည့် တစ်ခုတည်းသောလမ်းဖြစ်သည်။ သေခြင်းမှ ရှင်ပြန်ထမြောက်သည်ဟု ငါပြောဆိုချိန်တွင်ဖြစ်သကဲ့သို့ ဤအရာသည် “သေခြင်း” ဖြစ်သည်။ (ထိုအရာက ငါ၏အလိုကို သဘောမပေါက်နိုင်ခြင်း၊ ငါ၏နှုတ်ကပတ်တော်တို့ ဘာဆိုလိုသည်ကို နားမလည်နိုင်ခြင်းကို ရည်ညွှန်းခြင်း ဖြစ်သည်။ ဤသည်မှာ “သေခြင်း” ၏ အခြားသောရှင်းပြချက်ဖြစ်ပြီး ငါ့ဝိညာဉ်တော် စွန့်ပစ်ခြင်းခံရသည်ဟု မဆိုလိုပေ။) သင်တို့နှင့် ငါသည် ဤပြောင်းလဲခြင်းအဆင့်မှ ခန္ဓာကိုယ်ထဲသို့ ကူးပြောင်းသောအခါ သေခြင်းမှ ရှင်ပြန်ထမြောက်ခံရခြင်း၏ မူလအဓိပ္ပာယ်သည် ပြီးပြည့်စုံလိမ့်မည် (ဆိုလိုသည်မှာ၊ ဤအရာမှာ သေခြင်းမှ ရှင်ပြန်ထမြောက်ခြင်း၏ မူလအဓိပ္ပာယ်ဖြစ်သည်)။ ယခုတွင် ဤသည်မှာ သင်တို့၏အခြေအနေဖြစ်သည်၊ သင်တို့သည် ငါ၏အလိုကို သဘောမပေါက်နိုင်သည်သာမက ငါ၏ခြေလှမ်းတို့ကိုလည်း ရှာမတွေ့နိုင်ကြပေ။ ထို့အပြင် သင်တို့၏ ဝိညာဉ်များအတွင်း၌ ဆိတ်ဆိတ်မငြိမ်နိုင်ကြ၊ ထို့ကြောင့် သင်တို့စိတ်အတွင်း မသက်မသာခြင်း ခံစားရသည်။ ဤကဲ့သို့သော အခြေအနေမျိုးမှာ ငါဖော်ပြခဲ့သည့် “ခါးသီးခြင်း” အတိအကျပင်ဖြစ်ပြီး လူတို့သည် ဤခါးသီးခြင်းကို မခံနိုင်ကြပေ။ တစ်ဘက်တွင် သင်သည် သင်၏ကိုယ်ပိုင်အနာဂတ်ကို တွေးတောလျက်ရှိပြီး အခြားတစ်ဘက်တွင် သင်သည် အဘက်ဘက်မှ သင်တို့ကိုပစ်ခတ်လျက်ရှိသော ငါ၏လောင်ကျွမ်းခြင်းနှင့် ငါ၏တရားစီရင်ခြင်းကို လက်ခံလျက်ရှိသည်။ ထို့အပြင် ငါပြောဆိုသောအရာ အသံနေအသံထားနှင့် ဟန်ပန်တို့တွင် သင်တို့သည် နည်းဥပဒေတို့ကို သဘောပေါက်နိုင်ခြင်းမရှိ၊ မိန့်မြွက်ချက်တစ်နေ့ထဲမှာပင် အသံနေအသံထား အမျိုးမျိုးရှိလေသည်၊ ထို့ကြောင့် သင်တို့သည်ကြီးမားစွာ ဝေဒနာခံစားရမည်။ ဤအရာတို့သည် ငါ၏ အမှုထဲက အဆင့်များဖြစ်သည်။ ဤအရာသည် ငါ၏ဉာဏ်ပညာဖြစ်သည်။ နောင်အနာဂတ်တွင် သင်တို့သည် ဤအချက်၌ ပို၍ကြီးမားသော ခါးသီးခြင်းကို တွေ့ကြုံလိမ့်မည်၊ ထိုအရာအလုံးစုံတို့မှာ သူတော်ကောင်းယောင်ဆောင်သူတို့ကို ထုတ်ဖော်လှစ်ဟရန်ဖြစ်သည်။ ဤအရာသည် ယခုတွင် ရှင်းလင်းသင့်ပေပြီ။ ဤသည်မှာ ငါဆောင်ရွက်သောနည်းလမ်းဖြစ်သည်။ ဤသို့သော ခါးသီးမှု၏ စိတ်ဓာတ်လှုံ့ဆော်မှုအောက်တွင်၊ သေခြင်းနာကျင်မှု၏ ညီမျှသောပမာဏနောက်၌ သင်သည်အခြားသော နယ်ပယ်ထဲသို့ ဝင်ရလိမ့်မည်။ သင်သည် ခန္ဓာကိုယ်ထဲသို့ဝင်၍ တိုင်းနိုင်ငံအားလုံးနှင့် လူမျိုးအားလုံးတို့ကို ငါနှင့်အတူ အုပ်စိုးလိမ့်မည်။

မကြာသေးမီက ငါသည် အဘယ်ကြောင့် ပြင်းထန်သော အသံနေအသံထားဖြင့် ပြေဆိုနေခဲ့သနည်း။ ငါ၏အသံနေအသံထားသည် အဘယ်ကြောင့် မကြာခဏပြောင်းလဲပြီး ငါ၏အမှုဆောင်ရွက်ရာ နည်းလမ်းသည်လည်း အဘယ်ကြောင့် မကြာခဏပြောင်းလဲသနည်း။ ငါ၏ဉာဏ်ပညာသည် ဤအရာတို့တွင် ရှိခဲ့ပြီးဖြစ်သည်။ ဤနာမကို လက်ခံသူအယောက်စီတိုင်းအတွက် ငါ၏ နှုတ်ကပတ်တော်များကို မိန့်မြွက်မူပြီ (သူတို့ယုံသည်ဖြစ်စေ မယုံသည်ဖြစ်စေ ငါ၏နှုတ်ကပတ်တော်တို့သည် ပြီးပြည့်စုံနိုင်သည်)၊ ထို့ကြောင့် ငါ၏နှုတ်ကပတ်တော်တို့ကို အယောက်စီတိုင်းတို့သည် ကြားကြ၊ မြင်ကြရမည်ဖြစ်ပြီး ထိုအရာတို့သည် ဖိနှိပ်ချုပ်ထိန်းခြင်း မခံရကြ၊ အကြောင်းမူကား ငါ၌ ငါ၏ဆောင်ရွက်ရာ နည်းလမ်းရှိ၍ ငါ၏ဉာဏ်ပညာရှိ၏။ လူတို့ကိုတရားစီရင်ရန်၊ လူတို့ကို ထုတ်ဖော်လှစ်ဟရန်နှင့် လူတို့၏သဘာဝကို ဖော်ထုတ်ရန် ငါ၏နှုတ်ကပတ်တော်တို့ကို ငါအသုံးပြုသည်။ ထိုသို့ဖြင့် ငါရွေးကောက်သူတို့ကို ငါရွေးချယ်ပြီး ထိုသို့ဖြင့် ငါခွဲခန့်မမှတ်သားထားသော သို့မဟုတ် မရွေးချယ်ထားသော သူတို့ကိုမူ ဖယ်ရှင်းသည်။ ဤအရာအားလုံးတို့သည် ငါ၏ဉာဏ်ပညာနှင့် ငါ၏အမှု၏အံ့ဩဖွယ်ဖြစ်သည်။ ဤအရာသည် ငါ့အမှု၏ဤအဆင့်တွင်ရှိသော ငါ၏နည်းလမ်း အတိအကျပင်ဖြစ်သည်။ လူတို့အကြားတွင် ငါ၏အလိုကို သဘောပေါက်နိုင်သူ တစ်ယောက်တစ်လေမျှရှိသလော။ လူတို့အကြားတွင် ငါ၏ဝန်ထုပ်ကို အရေးထားညှာတာနိုင်သောသူ တစ်ယောက်တစ်လေမျှရှိသလော။ အမှုကို ဆောင်ရွက်နေသူသည် ငါဘုရားသခင် ကိုယ်တော်တိုင်ဖြစ်သည်။ သင်တို့သည် ငါ၏ ဤနှုတ်ကပတ်တော်တို့၏ အရေးပါမှုကို စေ့စေ့စပ်စပ်နားလည်သည့်တစ်နေ့ ရှိလိမ့်မည်ဖြစ်ပြီး ငါသည် အဘယ်ကြောင့် ဤနှုတ်ကပတ်တော်တို့ကို မိန့်ဆိုလိုသည်ကို လုံးဝ ရှင်းလင်းလိမ့်မည်။ ငါ၏ဉာဏ်ပညာသည် အဆုံးမရှိ၊ အနန္တဖြစ်၍ တိုင်းတာ၍လည်းမရနိုင်ပေ၊ ထို့ပြင် ထိုအရာသည် လူတို့မှ လုံးဝ ထိုးဖောက်မရနိုင်သောအရာဖြစ်သည်။ သူတို့သည် ငါပြုသောအရာများထဲမှ ၎င်း၏ အစိတ်အပိုင်းတစ်ခုကိုသာ မြင်နိုင်သည်၊ သို့သော် သူတို့မြင်သောအရာမှာ ချို့ယွင်းချက်များရှိနေသေးလျက် မပြည့်စုံသေးပေ။ သင်တို့သည် ဤအဆင့်မှ နောက်တစ်ဆင့်သို့ အပြည့်အဝကူးပြောင်းပြီးသည့်အခါမှ သင်တို့သည် ထိုအရာကို ရှင်းရှင်းလင်းလင်း မြင်ရမည်ဖြစ်သည်။ သတိရကြလော့။ ယခုချိန်သည် တန်ဖိုးအရှိဆုံးခေတ်ဖြစ်သည်။ ဤအချိန်အခါသည် သင်တို့အသွေးအသား၌ရှိခြင်း၏ နောက်ဆုံးသောအဆင့်ဖြစ်သည်။ သင်၏ယခုအသက်တာသည် နောက်ဆုံးသော သင်၏ ရုပ်ခန္ဓာအသက်တာဖြစ်သည်။ သင်တို့သည် အသွေးအသားမှ ဝိညာဉ်ကမ္ဘာသို့ ဝင်ရောက်သောအခါ ထိုအချိန်တွင် နာကျင်မှုအားလုံးသည် သင်တို့ကိုစွန့်ခွာလိမ့်မည်။ သင်တို့သည် အလွန်ဝမ်းမြောက်ဝမ်းသာလျက် ရွှင်လန်းအားရလျက်နှင့် မရပ်မနားဝမ်းသာလျက် ခုန်ကြလိမ့်မည်။ သို့သော် ငါဆိုသော ဤနှုတ်ကပတ်တော်တို့မှာ သားဦးများအတွက်သာဖြစ်သည်ကို သင်တို့နားလည်ရမည်ဖြစ်သည်၊ အဘယ်ကြောင့်ဆိုသော် သားဦးများသာလျှင် ဤကောင်းချီးမင်္ဂလာနှင့် ထိုက်ထန်ပေ၏။ ဝိညာဉ်ကမ္ဘာသို့ ဝင်ရောက်မှုမှာ အကြီးမားဆုံးသော ကောင်းချီးမင်္ဂလာ၊ အမြင့်ဆုံးသောကောင်းချီးမင်္ဂလာဖြစ်ပြီး အဖိုးတန်ဆုံးသော ရရှိခံစားမှုဖြစ်သည်။ ယခုတွင် သင်တို့စားရသည့်အရာနှင့် ဝတ်ရသည့်အရာတို့သည် အသွေးအသား၏ ပျော်မွေ့ခြင်းများထက်မပိုသကဲ့သို့ ဤသည်မှာ ငါအကယ်ပင် အလေးမထားသော ကျေးဇူးတော်တစ်ပါးဖြစ်သည်။ ငါ့အမှု၏အာရုံစိုက်ရာသည် နောက်တစ်ဆင့်တွင် ရှိသည် (ဝိညာဉ်ကမ္ဘာသို့ဝင်ရောက်ခြင်းနှင့် စကြဝဠာကမ္ဘာကိုရင်ဆိုင်ခြင်း)။

အဆင်းနီသောနဂါးကြီးသည် ငါ၏ပစ်ချ၊ ချေမှုန်းခြင်းကို ခံရပြီးဖြစ်သည်ဟု ငါဆိုခဲ့ပြီးဖြစ်သည်။ သင်တို့သည် ငါ၏နှုတ်ကပတ်တော်တို့ကို အဘယ်သို့ မယုံကြည်နိုင်ကြသနည်း။ သင်တို့သည် အဘယ်ကြောင့် ငါ့အတွက် နှိပ်စက်ညှဉ်းပန်းခြင်းနှင့် ဘေးအန္တရာယ်တို့ကို သည်းခံရန် ဆန္ဒရှိကြသေးသနည်း။ ဤအရာမှာ အပိုဆုံးရှုံးနစ်နာမှု မဟုတ်လော။ ငါကိုယ်တိုင်ကိုယ်ကျ အမှုကိုဆောင်ရွက်စဉ်တွင် သင်တို့သည် သာယာကြည်နူးရန်သာ လိုအပ်သည်ကို ငါသည် သင်တို့အား အကြိမ်ကြိမ် သတိပေးခဲ့ပြီးဖြစ်သည်။ သင်တို့သည် အဘယ်ကြောင့် အရေးယူဆောင်ရွက်ရန် စိတ်အားထက်သန်ကြသနည်း။ သင်တို့သည် မည်သို့မွေ့ပျော်ရမည်ကို အမှန်တကယ်မသိကြ။ ငါသည် သင်တို့အတွက် အရာအားလုံးကို အပြည့်အဝပြင်ဆင်ပြီးဖြစ်သည်၊ သင်တို့ထဲမှ မည်သူမျှ အဘယ်ကြောင့် ငါထံ၌လာ၍မယူကြသနည်း။ သင်တို့သည် ငါဆိုပြီးသည့်အရာကို မသေချာကြသေး။ သင်တို့သည် ငါ့ကိုနားမလည်ကြ။ ငါသည် အနှစ်သာရမရှိသော အလ္လာပသလ္လာပများပြောသည်ဟု ထင်မှတ်သည်၊ သင်သည် အမှန်တကယ် နားဝေတိမ်တောင်ဖြစ်သည်တကား။ (ငါမိန့်ဆိုသည့် ပြည့်စုံသော ပြင်ဆင်ခြင်းဆိုသည်မှာ သင်တို့သည် ငါ့ကိုပို၍ကြည်ညိုကာ ငါ့ရှေ့မှောက်၌ ပို၍ဆုတောင်းသင့်ကြောင်းကို ဆိုလိုသည်၊ ငါ့ကိုခုခံသောသူ အယောက်စီတို့ကို ငါကိုယ်တိုင်ကိုယ်ကျ ကျိန်ဆဲရန် ဆောင်ရွက်မည်ဖြစ်ပြီး သင်တို့ကိုနှိပ်စက်ညှဉ်းပန်းသူတို့ကို အပြစ်ဒဏ်ခတ်မည်။) သင်တို့သည် ငါ၏နှုတ်ကပတ်တော်များအကြောင်း ဘာမျှမသိကြ။ ငါ၏နက်နဲမှုတို့ကို သင်တို့အား ငါထုတ်ဖော်လှစ်ဟပြသည်၊ သင်တို့ထဲမှ မည်မျှသည် ထိုအရာတို့ကို အမှန်တကယ်နားလည်ကြသနည်း။ သင်တို့ထဲမှ မည်မျှသည် နက်နဲစွာ နားလည်ကြသနည်း။ ငါ၏ပလ္လင်သည် မည်သည့်အရာဖြစ်သနည်း။ ငါ၏သံလှံတံသည် မည်သည့်အရာနည်း။ သင်တို့အထဲမှ မည်သူသိသနည်း။ ငါ၏ပလ္လင်ကိုဖော်ပြသောအခါ ထိုအရာမှာ ငါထိုင်သောနေရာဟု လူအများစုက ထင်ကြသည်၊ သို့မဟုတ် ငါကျိန်းဝပ်ရာနေရာ သို့မဟုတ် ငါ့ကိုယ်ကို ရည်ညွှန်းသည်ဟု ထင်ကြသည်။ ဤအရာအားလုံးတို့သည် မှားယွင်းသောနားလည်မှုများဖြစ်သည်၊ ၎င်းတို့သည် ကမောက်ကမဖြစ်သော အရှုပ်အထွေးသက်သက်မျှဖြစ်သည်။ ၎င်းတို့အထဲမှ တစ်ခုမျှမမှန်ပေ၊ ၎င်းတို့မှန်သလော။ ဤသည်မှာ သင်တို့အားလုံး ၎င်းကိုနားလည်သဘောပေါက်ကြသည့် နည်းလမ်းဖြစ်ပြီး ယင်းမှာ အတိုင်းအတာတစ်ခုအထိ ယတိပြတ်မှားယွင်းခြင်း ဖြစ်သည်။ အာဏာဟူသည်မှာ အဘယ်နည်း။ အာဏာနှင့် ပလ္လင်ကြားတွင် မည်သည့်ဆက်နွှယ်မှုရှိသနည်း။ ပလ္လင်သည် ငါ၏အာဏာဖြစ်သည်။ ငါ၏သားဦးများသည် ငါ၏ပလ္လင်ကို မြင့်မြင့်ကိုင်ဆောင်ချိန်သည် ငါ၏သားဦးများ ငါ့ထံမှ အာဏာရရှိမည့်အချိန်ဖြစ်သည်။ ငါသာလျှင်အာဏာရှိသည်၊ ထို့ကြောင့် ငါသာလျှင် ပလ္လင်ရှိသည်။ တစ်နည်းပြောရလျှင် ငါဒုက္ခဆင်းရဲခံသကဲ့သို့ ငါ၏သားဦးတို့သည် ဒုက္ခဆင်းရဲခံပြီးသော် သူတို့သည် ငါ၏အရာအားလုံးနှင့် ဖြစ်ခြင်းတို့ကို လက်ခံလိမ့်မည်ဖြစ်ပြီး ငါ့ထံမှ အရာအားလုံးကိုရရှိလိမ့်မည်ဖြစ်ကာ ဤသည်မှာ သူတို့သည် သားဦးအရိုက်အရာကို ရယူမည့် လုပ်ငန်းစဉ်ဖြစ်သည်။ ယင်းမှာ ငါ၏သားဦးတို့သည် ငါ၏ပလ္လင်ကို ကိုင်မြောက်သောအချိန် ဖြစ်လိမ့်မည်ဖြစ်ပြီး ငါ့ထံမှအာဏာကို လက်ခံသော အချိန်ဖြစ်လိမ့်မည်။ ယခုတွင် သင်သည် ဤအရာကို နားလည်ထားသင့်သည်။ ငါမိန့်ဆိုသောအရာတိုင်းသည် ရှင်းလင်းပြီး အယောက်တိုင်း နားလည်ရန်အလို့ငှာ လုံးဝ ပြတ်သားလှပေသည်။ သင်တို့၏ ကိုယ်ပိုင်အယူအဆများကို ဘေးဖယ်ထား၍ သင်တို့ကို ငါထုတ်ဖော်လှစ်ဟသော နက်နဲမှုများကို လက်ခံဖို့ စောင့်ဆိုင်းလော့။ သို့ဆိုလျှင် မည်သည့်အရာသည် သံလှံတံ ဖြစ်သနည်း။ ယခင်အဆင့်၌ ထိုအရာသည် ငါ၏ ပြင်းထန်သော နှုတ်ကပတ်တော်တို့ကို ဆိုလိုသည်၊ သို့သော် ယခုတွင် အတိတ်ကနှင့်ကွာခြားလေပြီ။ ယခုတွင် သံလှံတံမှာ အာဏာကိုသယ်ဆောင်ထားသော ဘေးဒုက္ခကြီးများဖြစ်သည့် ငါ၏လုပ်ဆောင်မှုများကိုဆိုလိုသည်။ ထို့ကြောင့် သံလှံတံကို ဖော်ပြရာ၌ ထိုအရာသည် အာဏာနှင့်စပ်ဆက်နေလေသည်။ သံလှံတံ၏ မူလအဓိပ္ပာယ်မှာ အာဏာ၏ အစိတ်အပိုင်းဖြစ်သော ဘေးဒုက္ခကြီးများကို ရည်ညွှန်းခြင်းဖြစ်သည်။ ဤအရာကို လူတိုင်း ရှင်းရှင်းလင်းလင်း မြင်ကြရမည်၊ ထိုမှသာလျှင် သူတို့သည် ငါ၏အလိုကို သဘောပေါက်နိုင်၍ ငါ၏နှုတ်ကပတ်တော်များမှ ဗျာဒိတ်ကို ရရှိနိုင်မည်ဖြစ်သည်။ သန့်ရှင်းသော ဝိညာဉ်တော်၏ လုပ်ဆောင်မှုရှိသောမည်သူမဆို သူ၏လက်တွင် သံလှံတံကို ကိုင်ဆောင်ထားပြီး အာဏာရှိသူဖြစ်၍ မည်သည့်ဘေးဒုက္ခကြီးများကိုမဆို စီမံဆောင်ရွက်ရန်အခွင့်ရှိသည်။ ဤသည်မှာ ငါ၏စီမံခန့်ခွဲမှုအမိန့်၏ အပိုဒ်ငယ်တစ်ခုသာဖြစ်သည်။

အရာရာတိုင်းသည် သင်တို့အတွက်ဖွင့်ဟထားပြီး (ရှင်းလင်းစွာ ညွှန်းဆိုထားသော အစိတ်အပိုင်းကို ရည်ညွှန်းခြင်း) အရာရာတိုင်းသည် သင်တို့ထံမှ ဖုံးကွယ်ထားသည် (ငါ့နှုတ်ကပတ်တော်များ၏ လျှို့ဝှက်သော အစိတ်အပိုင်းကို ရည်ညွှန်းခြင်း)။ ငါသည် ဉာဏ်ပညာဖြင့်မိန့်ဆိုသည်၊ ငါသည်သင်တို့ကို အခြားအရာတို့၏ အဓိပ္ပာယ်ကို သဘောပေါက်ခွင့်ပြုစဉ်တွင် (သို့သော် လူအများစုတို့သည် နားလည်နိုင်စွမ်းမရှိကြ) ငါ၏နှုတ်ကပတ်တော်တို့၏ တိုက်ရိုက်အဓိပ္ပာယ်အချို့ကိုသာ နားလည်ရန်အခွင့်ပေးသည်။ အကြောင်းမူကား ဤသည်မှာ ငါ့အမှု၏ အဆင့်တစ်ခု ဖြစ်သောကြောင့် ဖြစ်သည်။ သင်တို့သည် သေချာသော ဝိညာဉ်အသက်တာတစ်ခုသို့ ရောက်ရှိသောအခါမှသာလျှင် ငါ၏နှုတ်ကပတ်တော်၏ စစ်မှန်သောအဓိပ္ပာယ်ကို ငါပြောနိုင်သည်။ ဤသည်မှာ ငါ၏ဉာဏ်ပညာဖြစ်၍ ငါ၏အံ့ဖွယ်အမှုတို့ဖြစ်သည် (သင်တို့ကို စုံလင်စေရန်နှင့် စာတန်ကို လုံးလုံးလျားလျားအနိုင်ယူ၍ နတ်ဆိုးတို့ကို အရှက်ရစေရန်ဖြစ်သည်)။ သင်တို့သည် အခြားသောနယ်ပယ်သို့ မဝင်ရောက်သည့်တိုင်အောင် ပြည့်ပြည့်စုံစုံ နားလည်နိုင်ကြမည်မဟုတ်။ ငါသည် ထိုနည်းလမ်အတိုင်း ဆောင်ရွက်ရသည်အကြောင်းမှာ လူတို့၏အယူအဆများတွင် လူတို့လွယ်လွယ်နှင့် သဘောမပေါက်နိုင်သော အရာများစွာရှိပြီး အကယ်၍ ငါရိုးရှင်းစွာမိန့်ဆိုလျှင်ပင် သင်တို့နားမလည်နိုင်သေး။ စင်စစ်အားဖြင့်လူတို့၏ စိတ်များမှာ ကန့်သတ်မှုရှိပြီး သင်တို့သည် ဝိညာဉ်လောကသို့ ဝင်ရောက်ပြီးနောက်မှသာ သင်တို့ကို ငါသိရှိစေနိုင်မည့်အရာများ များစွာရှိသည်၊ သို့မဟုတ်ပါက လူ့ခန္ဓာသည် လုပ်ငန်းတာဝန်အတွက် အဆင့်မမီဘဲ ငါ၏ စီမံခန့်ခွဲမှုကို ဝင်ရောက်စွက်ဖက်နိုင်ရုံသာ ရှိမည်။ ဤသည်မှာ ငါမိန့်ဆိုသော “ငါ့အမှုရှိ အဆင့်များ” ၏အဓိပ္ပာယ်မှန်ဖြစ်သည်။ သင်တို့၏အယူအဆများတွင် ငါ့ကို သင်တို့ အဘယ်မျှ နားလည်ကြသနည်း။ သင်တို့၏နားလည်သဘောပေါက်ခြင်းသည် အမှားကင်းသလော။ ထိုအရာမှာ သင်၏ဝိညာဉ်တွင်း သင်ရှိသော အသိပညာဖြစ်သလော။ ထို့ကြောင့် ငါ၏အမှုပြီးပြည့်စုံစေရန်နှင့် ငါ၏အလိုကို လုပ်ဆောင်ရန်အလို့ငှာ ငါသည်သင်တို့ကို အခြားသောနယ်ပယ်သို့ ကူးပြောင်းခွင့်ပြုရမည်။ သို့ဆိုလျှင် အခြားသောနယ်ပယ်မှာ အတိအကျအားဖြင့် မည်သည့်အရာနည်း။ ထိုအရာသည် လူတို့ထင်သကဲသို့ ထူးကဲသာလွန်သောမြင်ကွင်းမျိုး အမှန်တကယ်ဖြစ်သလော။ ထိုအရာသည် လေကဲ့သို မတွေ့မမြင် မခံစားရသော်လည်း တည်ရှိနေသည့်အရာ အမှန်တကယ်ဖြစ်သလော။ ငါဆိုပြီးသည်အတိုင်း ခန္ဓာကိုယ်ရှိအခြေအနေသည် အရိုးနှင့် အသားပေါင်းစပ်သည့် အရာတစ်ခုဖြစ်ပြီး၊ လက်ဆုပ်လက်ကိုင်ပြနိုင်သော အရာဖြစ်သည်။ ဤအရာသည် လုံးလုံးမှန်ကန်၍ ဧကန်မလွဲ သေချာလေပြီး လူတိုင်းယုံကြည်ရမည်။ ဤသည်မှာ ခန္ဓာကိုယ်၏စစ်မှန်သော အခြေအနေဖြစ်သည်။ ထို့အပြင် ခန္ဓာကိုယ်တွင် လူတို့ မုန်းသောအရာများ မရှိပေ။ သို့သော် ဤအခြေအနေမှာ အတိအကျအားဖြင့် မည်သည့်အရာ ဖြစ်သနည်း။ လူတို့သည် အသွေးအသားမှခန္ဓာကို ဖြတ်သန်းသောအခါ ကြီးမားသောအုပ်စုသည် ပေါ်လာရမည်။ ဆိုလိုသည်မှာ သူတို့သည် သူတို့၏ အသွေးအသားအိမ်များမှ ခွာကြမည်ဖြစ်ပြီး၊ ထို့နောက် အယောက်စီတိုင်းသည် သူတို့၏အမျိုးအစားနောက်သို့ လိုက်လိမ့်မည်၊ အသွေးအသားသည် အသွေးအသား၌စုလျက် ခန္ဓာသည်လည်း ခန္ဓာ၌ စုစည်းလိမ့်မည်။ ယခုတွင် သူတို့၏အိမ်များ သူတို့၏ မိဘ၊ ဇနီး၊ ခင်ပွန်း၊ သားနှင့်သမီးတို့မှ ကွဲကွာသောသူတို့သည် ဝိညာဉ်ကမ္ဘာထဲသို့ စတင်ဝင်ရောက်ကြပေသည်။ အဆုံးတွင် ထိုအရာသည် ဤနည်းလမ်းအတိုင်းဖြစ်သည်၊ ဝိညာဉ်လောက၏ အခြေအနေမှာ သားဦးတို့အတူတကွ စုစည်းလျက် ငါ၏သန့်ရှင်းသောနာမကို သီချင်းဆိုလျက် ကခုန်ကြမည်၊ ချီးမြောက်ဩဘာပေးကြမည်။ ဤသည်မှာ လှပပြီး အစဉ်သစ်လွင်သော မြင်ကွင်းတစ်ခုဖြစ်သည်။ အားလုံးတို့မှာ ငါ့ကိုမရပ်မနားဘဲ ထာဝရချီးမွမ်းလျက် ငါ၏သန့်ရှင်းသောနာမကို မြင့်မြင့်ကိုင်ဆောင်မည့် ငါချစ်သောသားများဖြစ်သည်။ ဤသည်မှာ ဝိညာဉ်လောကသို့ ဝင်ရောက်ပြီးနောက် အခြေအနေဖြစ်သည်၊ ဝိညာဉ်လောကသို့ ဝင်ရောက်ပြီးနောက် အမှုလည်းဖြစ်ပြီး ငါဆိုခဲ့ပြီးသော အခြေအနေဖြစ်သည့် အသင်းတော်ကို ဝိညာဉ်လောကထဲသို့ ဦးဆောင်လမ်းပြသော အခြေအနေလည်းဖြစ်သည်။ ထို့အပြင် ထိုအရာမှာ ငါ၏အာဏာ၊ ငါ၏အမျက်ဒေါသနှင့် ငါ၏စီရင်ခြင်းတို့ကို ခံယူလျက်သာမက တိုင်းနိုင်ငံအားလုံးနှင့် လူမျိုးအားလုံးတို့ကို အုပ်ချုပ်ရန် ငါ၏သံလှံတံကို ကိုင်ဆောင်လျက် ငါ၏ဇာတိအဖြစ်သည် စကြဝဠာရှိ တိုင်းနိုင်ငံတိုင်းနှင့် တိုင်းနိုင်ငံအားလုံးနှင့် လူမျိုးအားလုံးတို့အကြား၌ ပေါ်ထွန်းခြင်းဖြစ်သည်။ လူအားလုံးနှင့် တောင်ပေါ်၊ မြစ်ထဲ၊ ကန်ထဲနှင့် မြေကြီးစွန်းရှိ အရာအားလုံး ငါ့ကိုချီးမွမ်းရန်နှင့် ငါ့ဘုန်းထင်ရှားစေရန်၊ တစ်ဆူတည်းသော ဘုရားသခင်ကိုယ်တော်တိုင်ဖြစ်သော၊ အရာအားလုံး၏ ဖန်ဆင်းရှင်၊ အရာအားလုံးကိုလမ်းပြ၊ စီမံလျက် တရားစီရင်သူ၊ အရာအားလုံးကို ပြီးမြောက်စေပြီး အရာအားလုံးကို အပြစ်ဒဏ်ပေးကာ အရာအားလုံးကို ဖျက်ဆီးသူဖြစ်သော ငါ့ကိုသိရှိစေရန်အလို့ငှာ ကောင်းကင်နှင့် မြေကြီးကိုတုန်လှုပ်စေသော သက်သေကို လူအားလုံးအကြားနှင့် စကြဝဠာတစ်ခုလုံးအထဲတွင် ဤအရာသည် ငါ့ကို ပေးလေသည်။ ထို့ကြောင့် ဤသည်မှာ ငါ့ဇာတိအဖြစ်၏ ပေါ်ထွန်းခြင်း ဖြစ်ပေသည်။

ယခင်က:အခန်း ၉၇

နောက်တစ်ခုသို့:အခန်း ၁ဝဝ

သင်နှစ်သက်နိုင်သည့် အရာများ