အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ပုံမှန်ဝိညာဉ်ရေးရာအသက်တာသည် လူများကိုလမ်းကြောင်းမှန်သို့ပို့ဆောင်ပေး၏

ဘုရားသခင်ကို ယုံကြည်သူတစ်ဦး၏ အသက်တာလမ်းခရီးတွင် သင်သည် ခရီးတစ်စိတ်တစ်ပိုင်း၊ အနည်းငယ်မျှသာ လျှောက်လှမ်းခဲ့ပြီးဖြစ်၍ လမ်းမှန်သို့ ဝင်ရောက်လျှောက်လှမ်းစရာရှိသေးသဖြင့်၊ ဘုရားသခင်၏ စံနှုန်းကို လက်လှမ်းမီဖို့အရေးက သင်နှင့်ဝေးလှပါသေး၏။ ယခုပင် ဘုရားသခင်၏ တောင်းဆိုချက်များကို ဖြည့်ဆည်းပေးရန် သင်၏လုပ်နိုင်စွမ်းသည် မလုံလောက်သေးပါ။ သင်၏ ယိုယွင်းပျက်စီးသော မွေးရာပါသဘာ၀နှင့် ကိုယ်ကျင့်တရားကြောင့် သင်သည် ဘုရားသခင်၏အမှုကို ဂရုမစိုက်၊ အလေးမထားတတ်။ ယင်းသည် သင်ကျူးလွန်သည့် အကြီးမားဆုံးသော ချို့ယွင်းချက် ဖြစ်ပေသည်။ ထို့အပြင်၊ သန့်ရှင်းသောဝိညာဉ်တော်၏လမ်းကို ရှာတွေ့နိုင်စွမ်း သင်၌မရှိ။ ဤအကြောင်းကို သင်တို့အများစုက နားမလည်၊ ရှင်းရှင်းလင်းလင်းမမြင်နိုင်။ သည့်အပြင် သင်တို့အများစုသည် ၎င်းကိစ္စအား စိတ်အာရုံမပြုဘဲ အလေးထားခြင်းလည်း မရှိချေ။ သင်တို့သည် ထိုသို့ဆက်လက်ပြုမူနေပြီး သန့်ရှင်းသောဝိညာဉ်တော်၏ အလုပ်ကို မသိဘဲနေနေလျှင် ယုံကြည်သူတစ်ယောက်အနေဖြင့် သင်လျှောက်လှမ်းနေသောလမ်းခရီးသည် အဓိပ္ပါယ် ကင်းမဲ့နေလိမ့်မည်။ ထိုသို့ဖြစ်ခြင်းသည် ဘုရားသခင်၏အလိုတော်ကို ဖြည့်ဆည်းရန် ကြိုးပမ်းရာ၌ သင်တို့သည် အစွမ်းရှိသမျှ မလုပ်ဆောင်၊ ဘုရားသခင်နှင့် ပူးပေါင်း၍ မလုပ်သောကြောင့် ဖြစ်၏။ ဘုရားသခင်က သင့်အပေါ် အလုပ်မလုပ်တာမျိုး၊ သို့မဟုတ် ဝိညာဉ်တော်က သင့်ကို စေ့ဆော်မှုမပြုသောကြောင့် မဟုတ်ပေ။ သန့်ရှင်းသောဝိညာဉ်တော်၏ အလုပ်ကို သင်က ဂရုမစိုက်၊ အလေးမထားသောကြောင့် ဖြစ်၏။ အရာရာကို ချက်ချင်းပြောင်းလဲပြီး သန့်ရှင်းသောဝိညာဉ်တော် စေညွှန်ရာသို့ သင်လိုက်လျှောက်ရပါမည်။ ယနေ့အဖို့ ဤအရာသည် အဓိကခေါင်းစဉ် ဖြစ်သည်။ ဤ `သန့်ရှင်းသော ဝိညာဉ်တော်အားဖြင့် ပို့ဆောင်သောလမ်းခရီး ´ သည် လူတွေ ဝိညာဉ်အလင်းတရားကို ရရှိခြင်း၊ ဘုရားသခင်၏ စကားကို သိကျွမ်းခြင်း၊ မိမိတို့၏ လာလတ္တံ့သော လမ်းခရီး၌ ရှင်းလင်းမှုရှိခြင်း၊ ခြေတစ်လှမ်းတိုင်း သမ္မာတရား၌ အသက်ဝင်လျှောက်လှမ်း နိုင်ခြင်းနှင့် ဘုရားသခင်ကို သာ၍သာ၍ သိနားလည်ခြင်းတို့ဖြစ်၏။ သန့်ရှင်းသောဝိညာဉ်တော်လမ်းပြသည့်ခရီး ဆိုသည်မှာ အဓိကအားဖြင့် ဘုရားသခင်၏ စကားကို ရှင်းလင်းစွာ နားလည်လျက်၊ လွဲမှားမှုများနှင့် မှားယွင်းသည့် အယူအဆများ ကင်းစင်ခြင်းဖြစ်ပြီး ထိုသို့လျှင် သူတို့သည် ထိုလမ်းတွင် လျှောက်လှမ်းနိုင်မည်။ ယင်းကဲ့သို့ အကျိုးအမြတ်ကိုရရှိရန် သင်သည် ဘုရားသခင်နဲ့ အတူလုပ် ဆောင်ပြီး၊ လက်တွေ့ကျင့်ဆောင်ရန် လမ်းမှန်တစ်ခုကိုရှာဖွေကာ သန့်ရှင်းသောဝိညာဉ်တော်၏ ဦးဆောင်မှုဖြင့် ထိုလမ်းကို လျှောက်လှမ်းရန် လိုအပ်ပါလိမ့်မည်။ ယင်းသည် လူ၏ပူးတွဲလုပ်ဆောင်ခြင်းနှင့် သက်ဆိုင်သည်ဖြစ်၍၊ ၎င်းသည် သင့်အား ဘုရားသခင် တောင်းဆိုထားသည်များကို ဖြစ်မြောက်ရန်အတွက် သင်လုပ်ဆောင်သောအရာနှင့် လမ်းကြောင်းမှန်သို့ဝင်ရောက်လာရန် သင်မည်သို့လုပ်ဆောင်သည်ကို ဆိုလိုခြင်း ဖြစ်သည်။

သန့်ရှင်းသောဝိညာဉ်တော် ပို့ဆောင်သည့်လမ်းခရီး၌ လျှောက်လှမ်းခြင်းသည် ရှုပ်ထွေးခက်လွန်းလှသည်ဟု ထင်ရသော်လည်း လက်တွေ့လုပ်ဆောင်ခြင်းကို ရှင်းလင်းပြတ်သားစွာ နားလည်လျှင် ထိုလမ်းခရီးစဉ်သည် ပိုမိုလွယ်ကူကြောင်းကို သင်သိမြင်လိမ့်မည်။ အမှန်မှာ ဘုရားသခင် တောင်းဆိုမှုများကိုလူတွေက အားလုံးလုပ်ဆောင်နိုင်ခြင်းပင်ဖြစ်၏။ လူမတတ်နိုင်သည့်အရာကို ဘုရားက အတင်းအဓမ္မမစေခိုင်းပေ။ အခြေအနေတိုင်း၌ လူများ၏ပြဿနာကို ဖြေရှင်းပေးရန်သော်လည်းကောင်း၊ သူတို့၏ သောကများကို အေးငြိမ်းစေရန်သော်လည်းကောင်း ဘုရားက ရှာဖွေနေသည်။ ထိုအကြောင်းကို သင်တို့အားလုံးက နားလည်ရမည်။ ဘုရားသခင်အား နားလည်မှုမလွဲပါစေနှင့်။ သန့်ရှင်းသောဝိညာဉ်တော်၏ လမ်းခရီးဆိုသည်မှာ ဘုရားသခင်၏ စကားကိုအသုံးပြု၍ လူများကိုလမ်းပြခြင်းဖြစ်သည်။ ရှေ့ကဆိုခဲ့သလို၊ ဘုရားသခင်အား သင်တို့၏စိတ်နှလုံးကို အပ်နှင်းလိုက်ပါ။ ထိုအရာသည် သန့်ရှင်းသောဝိညာဉ်တော် ပို့ဆောင်သည့် လမ်းခရီးထဲ လျှောက်လှမ်းခြင်း၌ မရှိမဖြစ်ရှိထားရမည့်လိုအပ်ချက်ဖြစ်၏။ လမ်းမှန်သို့ ရောက်ရှိရန် ဤအရာကို သင်တို့ပြုလုပ်ရမည်။ လူသည် ဘုရားသခင်ထံမိမိစိတ်နှလုံးကို မည်သို့လိုလိုလားလား အပ်နှင်းသနည်း။ ဘုရားသခင်ကို သင်တို့တွေ့ကြုံခံစားရသည့်အချိန်နှင့် ဘုရားသခင်ထံ နေ့စဉ်ဆုတောင်းသည့် အချိန်များတွင် သင်တို့သည် ပေ့ါပေါ့ဆဆပြုလုပ်ကြသည်- သင်တို့သည် အလုပ်နေရင်း ဘုရားသခင်ထံ ဆုတောင်းကြသည်။ သင်တို့သည် အိမ်မှုကိစ္စများ၊ အသွေးအသားကိစ္စများကို စဉ်းစားပြီး အစဉ်အမြဲ စိတ်နှခွဖြစ်နေသည်။ ထိုသို့သော အပြုအမူကို ဘုရားသခင်မျက်မှောက်တော်၌ စိတ်ငြိမ်သက်စွာနေခြင်း ဟူ၍ သတ်မှတ်ရမည်လော။ ယင်းအပြုအမူသည် လောကီအရာကို စွဲလမ်းအားကြီးသည့် သင်၏စိတ်နှလုံးကြောင့်ဖြစ်ကာ ဘုရားသခင်ထံပါးသို့ ပြန်လာခြင်း မရှိသောကြောင့် ဖြစ်သည်။ အကယ်၍ သင်တို့သည် ဘုရားမျက်မှောက်ရှေ့၌ စိတ်နှလုံးငြိမ်သက်စွာ အမှန်တကယ်ရှိလိုပါက၊ အတူလုပ်ဆောင်မှုကို ပြုရမည်။ ဆိုလိုသည်မှာ လူတိုင်းမိမိနှင့်သက်ဆိုင်သည့် ပုဂ္ဂိုလ်၊ မိမိကိစ္စနှင့်ရည်မှန်းချက်ဟူသမျှကို ဘေးဖယ်ကာ၊ ဝိညာဉ်ရေးရာ ကိုးကွယ်မှုဆိုင်ရာ တစ်ကိုယ်ရေအချိန်ယူခြင်းကို ပြုသောအားဖြင့် သင်တို့၏စိတ်နှလုံးငြိမ်းချမ်းလာပြီး ဘုရားသခင်၏မျက်မှောက်၌ တည်ငြိမ်ခြင်းရှိလာမည်။ မိမိကိုယ်ပိုင် ကိုးကွယ်မှုဆိုင်ရာမှတ်စုလည်း သင်တို့၌ရှိသင့်ပြီး ၎င်းမှတ်စုထဲတွင် ဘုရားသခင်၏ စကားကို သင်တို့နားလည် သည့်အတိုင်း ရေးမှတ်ခြင်း၊ သင်တို့၏၀ိညာဉ် မည်သို့ နှိုးဆော်ခံရကြောင်းကို မှတ်စုရေးခြင်းပြု၍၊ သင်တို့ရေးသားထားသောအရာသည် လေးနက်မှုရှိသည်ဖြစ်စေ၊ ရိုးရှင်းသည်ဖြစ်စေ၊ ရေးသာရေးချလိုက်ပါ။ သင့်စိတ်နှလုံးကို ဘုရားမျက်မှောက်တော်တွင် လိုလိုလားလား ငြိမ်ဝပ်စွာရှိစေပါ။ သင်သည် တစ်နေ့လျှင် တစ်နာရီ သို့မဟုတ် နှစ်နာရီအချိန်အတွင်း စစ်မှန်သောဝိညာဉ်ရေးရာ အသက်တာအတွက် အချိန်ယူ ဆက်ကပ်နိုင်ပါက၊ ၎င်းနေ့ရက်၌ပင်၊ သင့်အသက်တာထဲ ကြွယ်၀ခြင်းကို ခံစားလာပြီး သင်၏စိတ်နှလုံးသည် ကြည်လင်ရွှင်ပြလာလိမ့်မည်။ နေ့စဉ် ယင်းကဲ့သို့သော ဝိညာဉ်အသက်တာမျိုးဖြင့် အသက်ရှင်လျှင် သင်၏စိတ်နှလုံးကို ကိုယ်တော်အား ပို၍ပို၍ အပ်နှင်းလာနိုင်မည်ဖြစ်ကာ၊ သင်၏ဝိညာဉ်သည်လည်း သာ၍ အားမာန်ပြည့်၀လာမည်။ သန့်ရှင်းသောဝိညာဉ်တော် ပို့ဆောင်သောလမ်းခရီးသို့ သင်သည် လျှောက်လှမ်းရန် ခွန်အားရှိလာပြီး သင့်အပေါ်သို့ ကောင်းကြီးမင်္ဂလာများ သာ၍သာ၍ ဘုရားသွန်းလောင်းမည်။ သန့်ရှင်းသော ဝိညာဉ်တော် ထင်ရှားဖော်ပြမှုကို ရှာဖွေခြင်း၊ ရရှိခြင်းသည် သင်တို့ဝိညာဉ်အသက်တာ၏ ရည်ရွယ်ချက်ဖြစ် သည်။ ဘာသာရေး အစဉ်လာထုံးစံများ၊ စည်းမျဉ်းစည်းကမ်းများကို လိုက်လျှောက်ခြင်းအားဖြင့်မဟုတ်၊ ဘုရားသခင်ဆိုင်သောအမှု၌ မှန်ကန်စွာလုပ်ဆောင်၍ ကိုယ်ခန္ဓာအား ကြပ်မတ်ခြင်းဖြစ်သည်။ ယင်းသည် လူက ပြုသင့်သည့်အရာဖြစ်သော​ကြောင့် ထိုသို့လုပ်ဆောင်ရန် သင်တို့ရှိသမျှကို ပေးအပ်၍ ဆောင်ရွက်ရမည်။ ပူးပေါင်းလုပ်ဆောင်ခြင်းနှင့် ကြိုးပမ်းမှုများလေလေ၊ သင်၏စိတ်နှလုံးသည် ဘုရားထံသို့ ဆက်ကပ်နိုင်လေလေဖြစ်ကာ၊ ဘုရားသခင်၏ မျက်မှောက်၌ သာ၍စိတ်နှလုံး ငြိမ်ဝပ်လေဖြစ်မည်။ အတိုင်းအတာတစ်ခုထိ ရောက်လာသောအချိန်တွင် ဘုရားသခင်သည် သင့်စိတ်နှလုံးကို လုံးလုံးလျားလျား ရရှိလာလိမ့်မည်။ သင်၏စိတ်နှလုံးကို လှုပ်ယမ်းခြင်း၊ ဆွဲဆောင်ခြင်းအမှုကို ဘယ်သူကမှ မတတ်နိုင်။ သင်သည် ကိုယ်တော်၏ဥစ္စာလုံး၀ဖြစ်လိမ့်မည်။ ဤလမ်းခရီး၌ သင်လျှောက်လှမ်းနေလျှင် နှုတ်ကပတ်တော်ဖွင့်ပြခြင်းကို သင်သည်ခံစားလာပြီး၊ သင်မသိ၊ နားမလည် သောအရာရာ၌ အလင်းကို ပေးလိမ့်မည်။ ဤအရာအားလုံးသည် သင်၏ ပူးပေါင်းလုပ်ဆောင်ခြင်းကြောင့် ဖြစ်ပေါ်လာနိုင်သည်။ ဤအကြောင်းကြောင့် `ငါ့ကိုတိုင်ပင်၍ လုပ်ဆောင်သောသူအားလုံး၊ ငါသည် နှစ်ဆသောဆုလာဘ်မင်္ဂလာပေးမည် ´ဟု ဘုရားသခင် အစဉ်မိန့်တော်မူသည်။ ဤလမ်းခရီးကို မျက်ဝါးထင်ထင် သင်တွေ့မြင်ရမည်။ အကယ်၍ သင်သည် လမ်းမှန်သို့ လျှောက်လှမ်းရန် ဆန္ဒရှိပါက၊ ဘုရားသခင်အား ကျေနပ်အားရစေခြင်းငှါ သင်လုပ်နိုင်သမျှ လုပ်ရတော့မည်။ ဝိညာဉ်အသက်တာတစ်ခု ရယူပိုင်ဆိုင်နိုင်ရန် သင်သည် လုပ်ဆောင်နိုင်သမျှ အားလုံးကို လုပ်ရမည်။ အစပိုင်းတွင် သင်သည် ဤကိစ္စနှင့်ပတ်သက်၍ အမြောက်အမြား ရယူနိုင်လိမ့်မည် မဟုတ်။ သို့သော် မိမိကိုယ်ကို နောက်သို့ပြန်ဆုတ်ခြင်း သို့မဟုတ်၊ ဆန့်ကျင်သောသဘောထားတွင် ပျော်မွေ့ခြင်းအား ခွင့်မပြုပါနှင့်၊ သင်သည် ဆက်လက်၍ ကြိုးစားအားထုတ်ရမည်။ ဝိညာဉ်အသက်တာ၌ ရှင်သန်လေလေ၊ဘုရားသခင်၏စကားများက သင့်စိတ်နှလုံးကို နေရာယူလေလေဖြစ်ကာ၊ ဝိညာဉ်ရေးကို အစဉ်အမြဲမျက်မှောက်ပြုပြီး ထမ်းရသည့်ဝန်ကို အစဉ်အမြဲ ထမ်းဆောင်ကာနေလိမ့်မည်။ ထို့နောက် သင့်၏ အတွင်းနက်ရိှု ဝိညာဉ်အသက်တာ၌ ရှင်သန်လေလေ၊ဘုရားသခင်၏စကားများက သင့်စိတ်နှလုံးကို နေရာယူလေလေဖြစ်ကာ၊ ဝိညာဉ်ရေးကို အစဉ်အမြဲမျက်မှောက်ပြုပြီး ထမ်းရသည့်ဝန်ကို အစဉ်အမြဲ ထမ်းဆောင်ကာနေလိမ့်မည်။ ထို့နောက် သင့်၏ အတွင်းနက်ရှိုင်းဆုံးသော သမ္မာတရားကို ဘုရားသခင်အား ဝိညာဉ်အသက်တာ ရှင်သန်ခြင်းဖြင့် ပြသဖော်ထုတ်နိုင်သည်။ သင်ပြုလိုသောအမှုအရာ၊ သင်စဉ်းစားတွေးတော သည့်အရာ၊ဘုရားသခင်၏စကားကို သင်နားလည်ခြင်းနှင့် အဘယ်နည်းလမ်းအားဖြင့် နားလည်သည့်အရာတို့ကို ဘုရားသခင်အားပြောနိုင်သည်။ ဘယ်အရာမှ အနည်းငယ်ပင် နောက်ဆံတင်းမနေပါနှင့်။ သင့်စိတ်နှလုံးထဲက စကားများကို ဘုရားသခင်အား လက်တွေ့ပြောပါ။ သမ္မာတရားအကြောင်းကိုပြောပါ။ သင့်စိတ်နှလုံးထဲက ရှိသည့်အရာကို ပြောထွက်ဖို့ဝန်မလေးပါစေနှင့်။ ထိုသို့ ပြုလေလေ၊ ဘုရားသခင်၏ ချစ်ခင်နှစ်လိုဖွယ်ကောင်းခြင်းကို သာ၍ခံစားလာကာ၊ သင့်စိတ်နှလုံးသည် ဘုရားသခင်ထံပါးဆီသို့ သာ၍တိုးလေဖြစ်မည်။ ထိုသို့ဖြစ်လာချိန်တွင် ဘုရားသခင်သည် သူတပါးထက် သင့်ကို သာ၍ချစ်ခင်သလို ခံစားလာမည်။ ဘုရားသခင်၏ ထံတော်ပါးမှ ဘယ်အကြောင်းနှင့်မျှ သင်သည် ဘယ်တော့မျှ ထွက်ခွါသွားမည် မဟုတ်တော့ပေ။ ယင်းကဲ့သို့ နေ့စဉ် ဝိညာဉ်ဆိုင်ရာဆုတောင်းခြင်းကို ပုံမှန်ကျင့်သုံးပြီး၊ စိတ်နှလုံးနှင့်မခွာဘဲ ထားရှိလျက်၊ ဘ၀၏ခေါ်ခြင်းအဖြစ် ခံယူပါက ဘုရား၏စကားသည် သင့်စိတ်နှလုံးတွင် ရှိလိမ့်မည်။ ယင်းသည် သန့်ရှင်းသောဝိညာဉ်တော် ထိတွေ့ခြင်းဟု ဆိုလို၏။ ၎င်းသည် သင့်စိတ်နှလုံးကို ဘုရားက အစဉ်အမြဲ ပိုင်ဆိုင်သဖွယ်၊ စိတ်နှလုံးထဲတွင် မေတ္တာအစဉ်ရှိသဖွယ် ဖြစ်လာမည်။ ဘယ်သူကမှ သင့်ထံက ယူမသွားနိုင်။ ထိုသို့ဖြစ်သည့်ချိန်တွင် သင့်အထဲသို့ ဘုရားသခင်သည် အမှန်ရှိနေပြီး သင့်စိတ်နှလုံးထဲတွင် သူသည် နေရာရှိလိမ့်မည်။

ယခင်က:ဘုရားသခင်နဲ့ဆက်နွယ်မှုစစ်စစ်တစ်ခုတည်ဆောက်ခြင်းသည် အလွန်အရေးကြီးသည်

နောက်တစ်ခုသို့:ပြီးပြည့်စုံလင်စေခြင်း ခံရပြီးသော သူတို့ဆီသို့ ကတိတော်များ

သင်နှစ်သက်နိုင်သည့် အရာများ