အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ဘုရားသခင်နဲ့ဆက်နွယ်မှုစစ်စစ်တစ်ခုတည်ဆောက်ခြင်းသည် အလွန်အရေးကြီးသည်

လူတွေက ဘုရားကိုယုံကြည်၏၊ ချစ်၏။ ကိုယ်တော်ဘုရား၏ဝိညာဉ်တော်ကို မိမိတို့၏စိတ်နှလုံး နှင့်တို့ထိခြင်းအားဖြင့် ကိုယ်တော်အားကျေနပ်စေကြ၏။ ထိုသို့ဖြင့် ကိုယ်တော်၏ကျေနပ်အားရမှုကို ရရှိကြသည်။ ဘုရားသခင်၏စကား တော်များ၌သူတို့စိတ်နှလုံးဆက်ကပ်မှုရှိသည့်အချိန်တွင်၊ သူတို့သည် ၀ိညာဉ်တော်အားဖြင့် ထိတွေ့မှုရှိကြ၏။ အကယ်၍ သင်သည် ၀ိညာဉ်ရေးအသက်တာကို မည်မည်ရရလိုချင်၍သော်လည်းကောင်း၊ ဘုရားသခင်နှင့်ဆက်နွယ်မှုစစ်စစ်ကိုတည် ဆောက်လိုလျှင်သော် လည်းကောင်း၊ သင့်စိတ်နှလုံးကို၊ ကိုယ်တော်အားဦးစွာအပ်နှင်းရမည်ဖြစ်ကာ၊ သူ့၏ရှေ့တော်၌ သင့်စိတ်နှလုံးကို တည်ငြိမ်စေပါ။ ဘုရားသခင်အား သင့်စိတ်နှလုံးကိုအကြွင်းမဲ့ဖွင့်ဟပြီးမှသာ၊ သင်က စစ်မှန်သောဝိညာဉ်ရေး အသက်တာတစ်ခုကို တဖြည်းဖြည်း ကြီးထွားစေနိုင်သည်။ အကယ်၍ လူတွေက ဘုရားသခင်အား ယုံကြည်သည့်အရာမှာ မိမိ တို့စိတ်နှလုံးကိုအပ်နှင်းခြင်းမရှိ၊ ကိုယ်တော်၌ စိတ်နှလုံးမထားမရှိ၊ ကိုယ်တော်၏ ဝန်ကို မိမိတို့ဝန်သဖွယ် သဘောမထားဘဲနေလျှင် သူတို့လုပ်ဆောင်မှုဟူသမျှသည် ဘုရားကိုလိမ်လည် လှည့်စားခြင်းဖြစ်လျက်၊ ဘာသာရေးလိုက်စားသောသူတို့၏ အကျင့်ပင်ဖြစ်သည်။ ယင်းသည် ဘုရားသခင်၏ အချီးအမွမ်းမရနိုင်ပေ။ ဤပုဂ္ဂိုလ်မျိုးဆီက ဘယ်အရာမှ ဘုရားကမရနိုင်၊ ယင်းပုဂ္ဂိုလ်က ဘုရားအမှုတော်ကို အပေါ်ကြောမျှသာ လုပ်ဆောင်နိုင်သည်။ ဘုရားအိမ်တော်၌ အမွမ်းအမံပြုသည့်ပမာ၊ နေရာ အလွတ်ကို ယူခြင်းဖြစ်ပြီး ဘုရားအတွက်ကောင်းကျိုးဘာတစ်ခုမှမရှိပါ။ ယင်းပုဂ္ဂိုလ်မျိုးကို ဘုရားကအသုံးမပြု။ ထိုသို့သော ပုဂ္ဂိုလ်တစ်ဦးတွင် သန့်ရှင်းသောဝိညာဉ်တော်အလုပ်လုပ်ဖို့ရန်အတွက်အခွင့်အရေးမရှိ၊ သို့သော် ထိုမျှမကဘဲ၊ စုံလင်ခြင်း၏ တန်ဖိုးဆိုတာလည်း မရှိတော့ပေ။ ယင်းပုံစံပုဂ္ဂိုလ်သည် အမှန်စင်စစ် “လမ်းလျှောက်နေသောလူသေ” ဖြစ်၏။ သူတို့တွင် သန့် ရှင်းသောဝိညာဉ်တော်အသုံးပြုနိုင်သည့် အသုံးအဆောင် တစ်စက်မှမရှိကြ။ - သူတို့သည် စာတန်အပိုင်စီးခံရတဲ့သူတွေဖြစ်ကြ၏။ စာတန်အားဖြင့် အစွန်းရောက်အောင်ပျက်စီးယိုယွင်းကာ ဘုရားသခင်၏ပယ်ရှင်းခြင်း ခံစရာများဖြစ်ကြပါသည်။ မျက်မှောက်တွင် သန့်ရှင်းသောဝိညာဉ်တော်က လူတွေရဲ့ကောင်းသော အရည်အသွေးများကို ကျင့်သုံးစေခြင်းဖြင့် လူတွေကိုအသုံးပြုသည်သာမက၊ သူတို့၏ကျူးလွန်သောအပြစ်များကို အပြောင်းအလဲပြုပေးခြင်းနှင့် စုံလင်စေခြင်းအားဖြင့်လည်း လူတွေကို အသုံးပြုသည်။ သင်၏စိတ်နှလုံးသည် သခင်ဘုရားရှေ့တော်၌ သွန်းလောင်းပြီး ငြိမ်ဝပ်စေနိုင်လျှင်၊ သန့်ရှင်းသောဝိညာဉ်တော်၏ အလင်းပေးခြင်းနှင့်ဖွင့်ဟခြင်းကို ရရှိဖို့အလို့ငှါ၊ သန့်ရှင်းသောဝိညာဉ်တော်အားဖြင့် အသုံးပြုခြင်းခံစေနိုင်မည့် အခွင့်အရေးနှင့် အရည်အသွေးများကို သင်ရရှိလိမ့်မည်။ ထို့အပြင်၊ သင့်အပြစ်များချေစေခြင်းငှါ သန့်ရှင်းသောဝိညာဉ်တော်အတွက် အခွင့်အရေးကို သင်ရရှိလိမ့်မည်။ သင့်စိတ်နှလုံးကို သခင်ဘုရားအား ပေးအပ်ချိန်အတွင်း အပေါင်းလက္ခဏာဆောင်တဲ့အသွင်၌ နက်သထက်နက်အောင် ဝင်ရောက်နိုင်မည်ဖြစ်ကာ သာ၍မြင့်သော ထိုးထွင်းအမြင်လည်း ရှိလာမည်။ အနုတ်လက္ခအသွင်၌ မိမိအမှားများနှင့် အပြစ်များကို နားလည်ခြင်းပိုမိုရှိလာမည်ဖြစ်ကာ၊ ဘုရားသခင်၏အလိုတော်အားရှာဖွေရာ၌ စိတ်အားထက် သန်လာပြီး ငြိမ်သက်စောင့်မျှော်နေသောသူ မဟုတ်တော့ဘဲ နိုးကြားတက်ကြွနေသူဖြစ်ဖြစ်လာလိမ့်မည်။ ယင်းဆိုလိုသည်မှာ သင်သည် လူမှန်တစ်ဦးဖြစ်ပါသည်။ သင့်စိတ်နှလုံးသည် ဘုရားသခင်မျက်မှောက်၌ တည်ငြိမ်မှုရှိသည့် ပရဝုဏ်တွင် သန့်ရှင်းသောဝိညာဉ်တော်၏အချီးအမွမ်းသင်ရသည်ဖြစ်စေ၊ မရသည်ဖြစ်စေ၊ ဘုရားအား ကျေနပ်အားရ စေသည်ဖြစ်စေ၊ မရစေသည်ဖြစ်စေ၊ အဓိက သော့ချက်ကတော့ သင်ကိုယ်က တက်တက်ကြွကြွ ထိုအမှုကိုပြုသည် ၊မပြုသည်အပေါ်တွင်မူတည်သည်။ သန့်ရှင်းသော ၀ိညာဉ်တော်က လူတစ်ဦးကို အလင်းပေး၍ အသုံးပြုသည့်အခါ၊ ထိုလူသည် ဘယ်သောအခါမှ အနုတ်လက္ခဏာမဆောင်၊ သို့သော်၊ တက်တက်ကြွကြွ တိုးတက်စေပါသည်။ ထိုသူ၌ အားနည်းချက်များရှိခဲ့သော်လည်း ၎င်းအားနည်းချက်များအတိုင်း နေထိုုင်ခြင်း မဖြစ်အောင် လုုပ်ဆောင်နိုုင်၏။ သူ၏အသက်တာကြီးထွားခြင်းအား နှောင့်နှေးစေသောအရာမှ ရှောင်ကြဉ်တတ်လျက်၊ ဘုရားသခင်၏အလိုတော်ကို ကျေနပ်စေဖို့အရေးကိုဆက်လက်၍ရှာဖွေနိုင်သည်။ ယင်းသည် သန့်ရှင်းသောဝိညာဉ်တော်၏ မျက်မှောက်တော်ကို သင်ရရှိကြောင်း ပြသည့် လုံလောက်သောစံတစ်ခုဖြစ်၏။ အကယ်၍ လူတစ်ဦးသည် အစဉ်အမြဲအနုတ် လက္ခဏာဆောင်၍သော် လည်းကောင်း၊ မိမိကိုယ်တိုင် အနုတ်လက္ခဏာဆောင်၍ တက်ကြွမှုမရှိသေးသည်ကို သိရှိရန် အလင်း ရရှိ၍သော်လည်း ဘုရားသခင်နှင့်ဆိုင်သောအရာ၌ မရပ်တည်နိုင်၊ မလုပ်ဆောင်နိုင်ဘဲနေသေးလျှင်၊ ထိုလူပုံစံမျိုးက ဘုရား၏ ကျေးဇူးတော်ကိုသာရ၏။ သို့သော် သန့်ရှင်းသောဝိညာဉ်တော်သည် ထိုသူနှင့်အတူမရှိချေ။ လူတစ်ဦးက အနုတ်လက္ခဏာဆောင်လျှင်၊ သူ၏စိတ်နှလုံးသည် ကိုယ်တော်ဘုရား၌ မပြောင်းလဲ၊ သူ၏ဝိညာဉ်သည်လည်း ကိုယ်တော်၏ဝိညာဉ်အား ဖြင့် ထိတွေ့လှုပ်ရှားခြင်း မရှိကြောင်း အဓိပ္ပါယ်ရှိသည်။ အားလုံးက ဤအရာကိုသိမှတ်သင့်ပေသည်။

လူတစ်ဦး၏စိတ်နှလုံးက ဘုရားရှေ့တွင် ငြိမ်သက်မှုရှိခြင်းသည် အရေးကြီးဆုံးအချက်တကာထဲက တစ်ခုဖြစ်ပြီး ၎င်းကို ကိုယ်တွေ့မြင်နိုင်ပါသည်။ ယင်းသည် လူတွေရဲ့ဝိညာဉ်ရေးသက်ဆိုင်သည့် အချက်တစ်ခုဖြစ်ပြီး သူတို့၏အသက်တာ ကြီးထွားခြင်းနဲ့သက်ဆိုင်သည်။ ဘုရားရှေ့တော်၌ သင့်စိတ်နှလုံးတည်ငြိမ်မှုရှိမှသာလျှင်၊ သမ္မာတရားကိုလက်လှမ်းမီဖို့ကြိုး စားခြင်းနှင့် သင်၏စိတ်သဘောထား ပြောင်းလဲမှုများအား အသီးအပွင့်ရှိလာလိမ့်မည်။ အကြောင်းမှာ သင်သည် ဘုရားရှေ့တွင် ထမ်းရမည့်ဝန်ကိုထမ်းလျက် မိမိကိုယ်ကိုလိုအပ်မှုများစွာရှိကြောင်း ခံစား၍သော်လည်းကောင်း၊ သင်သိစရာသမ္မာတရား အမြောက်အမြားရှိကြောင်း၊ လက်တွေ့ကြုံတွေ့စရာအမှန်တရားများ ရှိသေးကြောင်း၊ ကိုယ်တော်၏အလိုတော်အတိုင်း မိမိအမှု ဟူသမျှအပ်နှင်းသင့်ကြောင်းကို သင်သိသောကြောင့်ဖြစ်၏။ ထိုအရာများကိုသင့်စိတ်ထဲတွင် အစဉ်ထားရှိပြီး အသက်မရှူနိုင် လောက်အောင်သင့်ကို ဖိအားပေးနေသကဲ့သို့ဖြစ်လျက်၊ သင့်စိတ်နှလုံးဖိစီးမှုခံစားသဖွယ်ဖြစ်၏။ (သို့သော်၊အနုတ်လက္ခဏာ ဆောင်သည့်အနေအထားမဟုတ်)။ ထိုသို့သောလူတွေသာလျှင် ဘုရားနှုတ်ကပတ်တော်အလင်းကို လက်ခံရန်နှင့် ဘုရား၏ ၀ိညာဉ်တော်အားဖြင့် ထိတွေ့လှုပ်ရှားမှုရှိရန် အရည်အချင်းရှိကြသည်။ ထိုသို့ဖြစ်ရခြင်းမှာ မိမိတို့၏ဝန်တာစိတ်ကြောင့် သော်လည်း ကောာင်း၊ စိတ်လေးသောသူတို့ဖြစ်ကြသောကြောင့်၎င်း၊ သို့ပြီးမှ၊ သူတို့ပေးဆပ်ခဲ့သည့်အဖိုးအခကြောင့် သော်လည်းကောင်း၊ ဘုရားသခင်ရှေ့က သူတို့ခံခဲ့ရသည့် အလွန်ပြင်းထန်သည့် ဒုက္ခဝေဒနာတည်းဟူသော ကိုယ်တော်၏ အလင်းပေးခြင်းနှင့် ဖွင့်ပြခြင်းများကြောင့်ဖြစ်သည်ဟု ဆိုနိုင်ပါသည်။ အကြောင်းမှာ ဘုရားသခင်က ဘယ်သူ့ကိုမှ အထူးဆက် ဆံပြုမူခြင်းမပြုသောကြောင့်ဖြစ်၏။ ကိုယ်တော်သည် လူကိုဆက်ဆံပြုမူရာတွင် အစဉ်အမြဲမျှတမှုရှိ၏။ သို့သော် လူတွေကို ပံ့ပိုးခြင်း၌ အာဏာရှင်ဆန်ဆန် ဘုရားကမပြုပါ။ သူတို့ကို စည်းမဲ့ကမ်းမဲ့မပေးအပ်ချေ။ ထိုသို့ပြုခြင်းသည် ကိုယ်တော်၏ ဖြောင့်မတ်သော သဘောသဘာဝ အသွင်တစ်ခုဖြစ်ပေသည်။ တကယ့်အသက်တာမှာကျတော့ လူအများစုက ၎င်းနယ်ပယ် ထဲရောက်ဖို့လိုအပ်ပါသေးသည်။ အသေးမွှားဆုံးကစပြီး သူတို့စိတ်နှလုံးကို ဘုရားသခင်ထံပါးသို့ပြန်လာဖို့လုံးလုံးလျားလျား လိုသေး၏။ သူတို့၏ ဘဝအနေအထားတွင်ကြီးမားတဲ့အပြောင်းအလဲ ဘာတစ်ခုမှမရှိကြသေးပေ။ အကြောင်းမှာ သူတို့သည် ဘုရားကျေးဇူးတော်အထဲ၌သာ အသက်ရှင်ကြပြီး သန့်ရှင်းသောဝိညာဉ်တော်၏အလုပ်ကို သူတို့တွင်ရရှိဖို့လိုအပ် လျက်ရှိသေးသည့်အတွက်ကြောင့်ဖြစ်သည်။ ဘုရားသခင်အသုံးပြုသောလူတွေ၏ စံချိန်စံညွှန်းမှာ အောက်ပါအတိုင်းဖြစ်သည်။ သူတို့၏စိတ်နှလုံးသည် ကိုယ်တော်ဘုရားထံပါးသို့ ပြောင်းလဲကြ၏။ ဘုရားသခင်၏ စကားတော်များအားဖြင့် ဝန်တာစိတ်ရှိကြ၏။ သူတို့တွင် ပြင်းပြသည့်စိတ်ဆန္ဒနှလုံးသားရှိကြပြီး၊ သမ္မာတရားရှာဖွေရာတွင် စူးစမ်းလေ့လာမှုရှိကြသည်။ ထိုကဲ့သို့သော လူတွေမှသာ သန့်ရှင်းသောဝိညာဉ်တော်၏အလုပ်ကို ရရှိနိုင်ကြကာ၊ အလင်းပေးခြင်းနှင့်ဖွင့်ပြခြင်းကို မကြာခဏရကြသည်။ ဘုရားသခင်အသုံးပြုသောလူတို့သည် အပြင်ပန်းသဏ္ဍန်အားဖြင့် မိုက်မဲသောသူကဲ့သို့ထင်ရပြီး၊ အခြားသူတွေနဲ့ဆက်ဆံမှု မည်မည်ရရမရှိဟန်တူ၏။ သူတို့က မှန်မှန်စကားပြောသော်လည်း သတိမမူစကားပြောခြင်းမပြုကြပေ။ သူတို့က ဘုရားမျက်မှောက်တော်၌ မိမိတို့စိတ်နှလုံးကို တည်ငြိမ်စွာအစဉ်အဆက်ထားကြသည်။ သို့သော် ထိုသို့သောသူတို့သည် သန့်ရှင်းသော ၀ိညာဉ်တော်အားဖြင့်အသုံးတည့်ရန် လိုလေသေးမရှိသောသူတို့ဖြစ်ကြသည်။ ဘုရားသခင်မိန့်ြျမွက်သည့် ဤ “မိုက်မဲသောသူ” သည် အခြားသူတွေနဲ့ဆက်ဆံမှုမည်မည်ရရမရှိသည့်ဟန်တူသည်။ သူတို့တွင် အပြင်ပန်းမေတ္တာ သို့မဟုတ်၊ အပေါ်ယံဆောင်ရွက်ခြင်းများမရှိကြပါ။ သို့သော်၊ သူတို့က ၀ိညာဉ်ရေးအကြောင်းပြောရာတွင် မိမိတို့နှလုံးသားကိုဖွင့်ဟ၍၊ ကိုယ်ကျိုးမငဲ့ဘဲ ဘုရားသခင်ရှေ့က မိမိတို့အမှန်ဆည်းပူးခဲ့သည့် အတွေ့အကြုံမှရရှိသော အလင်းပေးခြင်းနှင့်ဖွင့်ပြခြင်းကို သူတပါးအားဝေငှနိုင်ကြ၏။ ဤနည်းဖြင့်သူတို့က ဘုရားသခင်အား ချစ်သည့်အကြောင်းကို ပြသကြပြီး ဘုရားသခင်၏အလို တော်ကိုကျေနပ်အားရစေကြ၏။ လူအပေါင်းက သူတို့ကိုအသရေပျက်အောင်ပြောနေပြီး လှောင်ပြောင်ပြောဆိုကြလည်း အပြင်လူတွေသော်လည်းကောင်း၊ အပြင်ကဖြစ်ရပ်များနှင့်ပြင်ပအမှုအရာများရဲ့ ထိန်းချုပ်ခြင်းမရှိဘဲနေနိုင်ကြကာ ဘုရား သခင်ရှေ့တွင် စိတ်နှလုံးငြိမ်ဝပ်စွာနေနိုင်ကြသည်။ ထိုကဲ့သို့သောပုဂ္ဂိုလ်မှာ တမူထူးခြားသောထိုးထွင်းအမြင်များရှိ ကြသည့် ပုံပေါ်ပါသည်။ အခြားသူများကဲ့သို့မဟုတ်ဘဲ သူတို့၏စိတ်နှလုံးသည် ဘုရားသခင်ကိုဘယ်တော့မှမစွန့်မပစ်။ အခြားသူများ ကပျော်ရွှင်စရာနှင့်ရယ်စရာစကားစမြေပြောနေစဉ်တွင် သူတို့၏စိတ်နှလုံးသည် ဘုရားသခင် မျက်မှောက်တော်၌ ကျန်ရစ်နေ ဆဲဖြစ်ကာ၊ ဘုရားစကားတော်ကိုဆင်ခြင်အာရုံပြုခြင်း၊ သို့မဟုတ်၊ တိတ်ဆိတ်တဲ့မိမိတို့နှလုံးထဲက ဘုရားသခင်အားဆုတောင်းခြင်း၊ ဘုရားသခင်၏ဖြစ်စေလိုသောအရာများကို ရှာဖွေခြင်းပြုကြ၏။ အခြားလူတွေနဲ့ တကယ့်တကယ်ဆက်ဆံခြင်းအား ထိန်းသိမ်းခြင်းကို ဘယ်တော့မှ အဓိကအာရုံပြုခြင်း မပြုတတ်။ ထိုကဲ့သို့သောပုဂ္ဂိုလ်တွင် ဘဝဒဿနိက ရယ်မရှိ။ အပြင် မှာသူသည် သွက်လက်ပြီး ချစ်ခင်စုံမက်စရာဖြစ်ကာ၊ အပြစ်ကင်းစင်သောသူဖြစ်၏။ သို့သော် တည်ငြိမ်တဲ့စိတ်သူ့မှာပိုင်ဆိုင် ထားသည်။ ယင်းသည် ဘုရားအသုံးပြုသောသူတစ်ဦး၏ ပုံသဏ္ဍန်ဖြစ်သည်။ ဘဝဒဿနိက သို့မဟုတ်၊ “ရှိမြဲအကြောင်းအရာ” စသည့်အရာက ယင်းပုဂ္ဂိုလ်မျိိုးကိုမနိုင်၊ ထိုသို့သောသူသည် မိမိစိတ်နှလုံးကို ဘုရားစကား၌ အကြွင်းမဲ့ ဆက်ကပ်ထား၏။ သူ့စိတ်နှလုံးတွင်ဘုရားသခင်သာ ရှိဟန်တူသည်။ ယင်းပုဂ္ဂိုလ်မျိုးသည် ဘုရားသခင်ဖော်ပြသည့် “ဆင်ခြေမပေးသောသူ” ဖြစ်ကာ၊ ဘုရားသခင်အသုံးတည့်သော ပုဂ္ဂိုလ်ဖြစ်၏။ ဘုရားသခင်အသုံးပြုခြင်းခံရသော သူတစ်ဦး၏အမှတ်အသားမှာ၊ ဘယ်အချိန် ဘယ်နေရာမဆို၊ သူ့စိတ်နှလုံးက ဘုရားရှေ့တွင် အစဉ်အမြဲထားရှိ၏။ အခြားသူတွေက သောက်စားခြင်း၊ ပျော်ပါးခြင်း ဘယ်လောက်ရှိရှိ၊ တဏုာစိတ်၏အလိုသို့လိုက်ကာ၊ အသွေးအသား တပ်မက်ခြင်းအလိုသို့ လိုက်ပါစေ၊ သူ့စိတ်နှလုံးသည် ဘုရားသခင်ကိုဘယ်တော့မစွန့်ပစ်ဘဲ၊ အများသူငါနောက်သို့ မလိုက်သွားပါ။ ဤပုဂ္ဂိုလ်ပုံစံသာလျှင် ဘုရားသခင်၏အသုံးပြုခြင်းအတွက် သင့်တော်သောသူဖြစ်၍ သန့်ရှင်းသော ဝိညာဉ်တော်အားဖြင့် စုံလင်ခြင်းရှိသောသူ အသေအချာတစ်ဦးဖြစ်၏။ သင်သည် အကယ်၍ ဤအဆင့်သို့မရောက်သေးလျှင် ဘုရားသခင်အားဖြင့် အကျိုးအမြတ်ရှိသောသူ၊ သန့်ရှင်းသောဝိညာဉ် တော်အားဖြင့်စုံလင်ခြင်းရှိသောသူ ဖြစ်ဖို့အလို့ငှါ သင်သည် အရည်အချင်းမမီသေးပါ။

အကယ်၍ ဘုရားသခင်နှင့်ဆက်နွယ်မှုစစ်စစ်ကို သင်ရှိလိုလျှင်၊ ဘုရားသခင့်ထံပါးသို့ သင့်စိတ်နှလုံး ပြန်လှည့်ရမည်။ ၎င်းအခြေခံအုတ်မြစ်ပေါ်တွင် အခြားသူတွေနဲ့ဆက်နွယ်မှုစစ်စစ်ကိုလည်း သင်၌ရှိလာလိမ့်မည်။ ဘုရားသခင်နဲ့ဆက်နွယ် မှုစစ်စစ်ကို မရှိလျှင်၊ အခြားသူတွေနဲ့ ဆက်နွယ်မှုများကို ဘယ်လောက်ထိ သင်ထိန်းသိမ်းပါလေစေ၊ သင်ဘယ်လောက်ထိ ကြိုးစားပြီးလုပ်ဆောင်လုပ်ဆောင်၊ သို့မဟုတ်၊ သင်ဘယ်လောက်ထိ အားမာန်ကုန်ခန်းအသုံးပြုပါစေ၊ လုပ်ဆောင်သမျှသည် လူ့ဘဝဒဿနိကနဲ့သာ သက်ဆိုင်နေဆဲဖြစ်လိမ့်မည်။ လူတွေက သင့်ကိုအချီးအမွမ်းပေးရအောင် သင့်ရာထူးနေရာကို လူဘုံအလယ်တွင် ထိန်းသိမ်းစောင့်ရှောက်ကာ၊ လူ့အမြင်၊ လူ့အတွေးနဲ့လုပ်ဆောင်၏။ ဘုရားသခင်၏နှုတ်ကပတ်တော်နှင့် အညီ လူတွေနဲ့ဆက်နွယ်မှုများ အမှန်တကယ် သင်က မတည်ဆောက်ပါ။ အကယ်၍ သင်သည် လူတွေနဲ့ဆက်နွယ်မှုများ ကိုအဓိကမထား၊ သို့သော်၊ဘုရားသခင်နှင့်သာဆက်နွယ်ခြင်းကို ထိန်းသိမ်း၍သော်လည်းကောင်း၊ သင့်စိတ်နှလုံးကို ဘုရားသခင်အား ပုံအပ်ရန်အလိုဆန္ဒရှိပြီး ကိုယ်တော်အားနာခံမှုကိုသင်ယူလျှင်၊ သဘာဝအလျောက်၊ လူအပေါင်းတို့နှင့်သင့်၏ဆက် နွယ်မှုများဟူသည် အမှန်အကန်ဖြစ်လာလိမ့်မည်။ ဤနည်းလမ်းတည်းဟူသော ယင်းဆက်နွယ်မှုများသည် ဇာတိအသွေး အသားပေါ်တွင်တည်ဆောက်ခြင်းမဟုတ်၊ သို့သော်၊ ဘုရားသခင်၏ချစ်ခြင်းမေတ္တာပေါ်တွင်အခြေခံထားပါသည်။ သွေးသား ကိုအမှီပြု၍ အဘယ်မည်သောအကျိုးတုံ့ပြန်မှုများမရှိသည်တိုင်အောင်၊ သို့သော်၊ ၀ိညာဉ်၌မူကား၊မိတ်သဟာရဖွဲ့ခြင်း၊ ချစ်ခြင်း၊ နှစ်သိမ့်ခြင်းနှင့် အချင်းချင်းပံ့ပိုးခြင်းရှိ၏။ ဤအမှုအားလုံးသည် ဘုရားသခင်အား ကျေနပ်အားရစေသည့် နှလုံးသား အပေါ်အခြေခံထားခြင်းတစ်ခုကြောင့်ဖြစ်သည်။ ဤဆက်နွယ်မှုများသည် လူ့ဘဝဒဿနိကကိုအမှီပြုကာ ထိန်းသိမ်းပြုစုခြင်း အားဖြင့်မဟုတ်။ သို့သော် ၎င်းသည် ကိုယ်တော်ဘုရားအတွက်ဝန်တာစိတ်သဘောထားကြောင့် အလိုအလျောက်ဖြစ်ပေါ် လာခြင်းဖြစ်သည်။ လူ့ကြိုးစားအားထုတ်မှု မလိုအပ်ပါ။ ဘုရားသခင်၏နှုတ်ကပတ်တော်၏ ဥပဒေသအားဖြင့် ကျင့်ကြံပြု မူခြင်းဖြစ်သည်။ ဘုရားသခင်၏အလိုတော်ကိုဆင်ခြင်ဖို့အလို့ငှါ သင်အလိုဆန္ဒရှိသလော။ ဘုရားရှေ့တွင် “ဆင်ခြေမ ပေးသောသူ” ဆိုတဲ့ပုဂ္ဂိုလ်တစ်ဦးဖြစ်ရန် သင်အလိုရှိသလော။ သင့်စိတ်နှလုံးကို ကိုယ်တော်ဘုရားအား အကြွင်းမဲ့ပေးအပ်ရန် နှင့် လူတွေအလယ်တွင်သင့်ရာထူးကို မစဉ်းစားတော့ဘဲနေဖို့ရန် အလိုရှိသလော။ သူပေါင်းသင်းခဲ့သည့် လူအပေါင်းတို့ထဲတွင် အကောင်းဆုံးဆက်နွယ်မှုများကို ဘယ်သူဘယ်ဝါနဲ့ရှိသနည်း။ ထိုသူအပေါင်းတို့အနက် ဘယ်သူနဲ့အဆိုးဆုံးဆက်နွယ်မှုများ ရှိသနည်း။ လူတွေနဲ့သင်၏ဆက်နွယ်မှုများ မှန်ကန်ပါသလား။ လူတိုင်းအား ညီတူညီမျှဆက်ဆံသလော။ အခြားသူတွေနှင့်သင် ၏ဆက်နွယ်မှုသည် သင်၏လူ့ဒဿနိကနှင့်အညီထိန်းသိမ်းသလော ၊သို့မဟုတ်၊ ဘုရားသခင်၏ချစ်ခြင်းမေတ္တာကိုအခြေခံ ထားပါသလော။ လူတစ်ဦးက မိမိစိတ်နှလုံးကို ဘုရားသခင်အား မပေးသည့်အချိန်တွင် သူ့ဝိညာဉ်သည် တုံးအလာကာ၊ ထုံထိုင်းလာပြီး သတိလစ်မေ့မြောလာသည်။ ယင်းပုဂ္ဂိုလ်ပုံစံက ဘယ်တော့မှဘုရားသခင်၏ နှုတ်ကပတ်တော်ကိုနားလည်လာလိမ့်မည် မဟုတ်သလို ဘုရားနဲ့ဆက်နွယ်မှုအမှန်ကို ဘယ်တော့မှရလာလိမ့်မည်မဟုတ်ပေ။ ယင်းပုဂ္ဂိုလ်မျိုးက ဘယ်တော့မှ မိမိတို့သဘောသဘာဝကို ပြောင်းလဲလိမ့်မည်မဟုတ်ချေ။ လူတစ်ဦး၏သဘောသဘာဝပြောင်းလဲခြင်းဆိုသည်မှာ စိတ်နှလုံးကို ကိုယ်တော်ဘုရားအား အကြွင်းမဲ့ပေးအပ်ခြင်းနည်းဖြစ်၏။ ဘုရားသခင်၏နှုတ်ကပတ်တော်မှ အလင်းပေးခြင်းနှင့်ဖွင့်ဟခြင်းကို ရရှိခြင်းဖြစ်၏။ ဘုရားသခင်၏အလုပ်က လူတစ်ဦးကို သွက်လက်စွာ လုပ်ဆောင်စေနိုင်သကဲ့သို့ အသိတရားရရှိတဲ့နောက်တွင် သူ၏အနုတ်လက္ခဏာဆောင်သောအရာများကို ရှင်းပစ်ဖယ်ရှားစေနိုင်ပါသည်။ သင်သည်စိတ်နှလုံးကို ကိုယ်တော်ဘုရား အားပေးအပ်နိုင်သည့်အချိန်အတွင်း သင့်ဝိညာဉ်အထဲ၌လှုပ်ရှားနေသောသိမ့်မွေ့ခြင်းဟူသမျှကို နားလည်နိုင်လိမ့်ဖြစ်၍၊ ဘုရားသခင်မှလာသော အလင်းပေးခြင်းနှင့်ဖွင့်ဟခြင်းဟူသမျှကို သိလိမ့်မည်။ ဤအရာကိုလက်စွဲကိုင်ထားပါ။ သို့ပြုလျှင် သန့်ရှင်းသောဝိညာဉ်တော်အားဖြင့် စုံလင်သောအဖြစ်တည်းဟူသော လမ်းခရီး၌ တဖြည်းဖြည်း လှမ်းလာလိမ့်မည်။ ဘုရားမျက် မှောက်တော်၌ သင့်စိတ်နှလုံးငြိမ်ဝပ်စွာရှိလေ၊ သင့်ဝိညာဉ်အသိတရားရှိလေ၊ သိမ့်မွေ့လေဖြစ်ကာ၊ သင့်ဝိညာဉ်ကသန့်ရှင်းေေျသာ ၀ိညာဉ်တော်လှုပ်ရှားခြင်းကို ပိုမိုမြင်တတ်လေလေ ဖြစ်လိမ့်မည်။ သို့ဖြစ်၍ သင့်နှင့်ဘုရားသခင် ဆက်နွယ်မှုသည်သာ၍ စစ်မှန်လိမ့်မည်။ လူတွေနှင့်ဆက်နွယ်မှု အမှန်အကန်တည်ဆောက်ခြင်းဆိုသည်မှာ မိမိတို့စိတ်နှလုံးကို ကိုယ်တော်ဘုရားအား ပေးအပ်ခြင်းအပေါ်တွင် အခြေခံမူတည်၏။ ၎င်းကို လူ့ကြိုးစားအားထုတ်မှုကြောင့်မရနိုင်။ ဘုရားသခင်မရှိလျှင် လူလူချင်းဆက် နွယ်ခြင်းများသည် အသွေးအသားသက်သက်ဖြစ်သည်။ အစစ်အမှန်မဟုတ်ပါ။ သို့သော် ကာမတဏုာ၏အလိုသို့လိုက်ခြင်း ဖြစ်ကာ ဘုရားမုန်တီး၍ ရွံရှာသောဆက်နွယ်မှုတွေဖြစ်ကြ၏။ အကယ်၍ သင့်ဝိညာဉ်သည် တို့ထိခြင်းခံရပြီဟုသင်ဆိုပြီးလျှင်၊ သို့သော်၊ သင်အထင်ကြီးသောသူတွေက လာ၍ မိတ်သဟာရဖွဲ့ရန်ကမ်းလှမ်းလျက်၊ သင်သည်အစဉ်အမြဲသူတို့နဲ့မိတ်ဖွဲ့လို သော်လည်းကောင်း၊ အကယ်၍ သင့်ကိုလာရှာပြီး မကမ်းလှမ်းသောသူတည်းဟူသော သင့်မှာဆန့်ကျင်သည့်အစွဲရှိသူ ၊သင်စိတ်မဝင်စားမည့်သူ ရှိခဲ့လျှင်၊ ထိုအရာသည်ပင် သင့်ရဲ့စိတ်မခိုင်တဲ့ပုဂ္ဂိုလ်ဖြစ်ခြင်းသက်သေဖြစ်၏။ သင်၌ ဘုရားသခင်နှင့် ဆက်နွယ်မှု စစ်စစ်တစ်ခုတစ်လေမျှ လုံးဝမရှိ။ သင်သည် ဘုရားကိုလိမ်လည်ဖို့ကြိုးစားပြီး မိမိ၏အကျည်းတန်ခြင်းကို ဖုံးကွယ်နေသည်။ အကယ်၍ သင်နားလည်သည့်အချို့သောအရာကို ဝေငှနိုင်သည့်တိုင် ရည်ရွယ်ချက်အမှားများ သင့်မှာရှိ၏။ သင်လုပ်ဆောင်သမျှသော အရာသည် လူ့စံချိန်အားဖြင့်သာလျှင် အကောင်းဖြစ်၏။ ဘုရားသခင်ကမူ သင့်ကိုချီမ်းမွမ်းမည် မဟုတ်ပေ။ သင်က ဇာတိအားဖြင့်လုပ်ဆောင်ကာ၊ ဘုရားသခင်၏ ဝန်တာစိတ်အတိုင်းမလုပ်ဆောင်ပါ။ ဘုရားသခင်ရှေ့တွင် သင့်စိတ်နှလုံးကို တည်ငြိမ်စွာထားရှိနိုင်ပြီး၊ ကိုယ်တော်ဘုရားကိုချစ်သောသူအပေါင်းတို့နှင့် အပေါင်းအသင်းမှန်မှန်ကန်ကန် ရှိလျှင်၊ ထိုသို့ဖြစ်မှသာ ဘုရားသခင်အသုံးပြုဖို့ သင့်လျော်ပါသည်။ ဤနည်းလမ်းသာဖြစ်၏။ အခြားသူတွေနဲ့ဘယ်လိုဆက်ဆံ ပါလေစေ၊ ဘဝဒဿနိကနှင့်အညီမဟုတ်ပါ၊ သို့သော်၊ ဘုရားသခင့်ရှေ့၌အသက်ရှင်ခြင်း၊ ကိုယ်တော်ဘုရား၏ အလိုတော်ဝန် ကိုသေချာစဉ်းခြင်းဖြစ်ပါသည်။ သင်တို့အထဲတွင် ယင်းကဲ့သို့သောလူဘယ်နှစ်ယောက်များရှိပါလိမ့်။ အခြားလူတွေနဲ့သင်၏ ဆက်နွယ်ခြင်းများက အမှန်တကယ်ဟုတ်ပါသလော။ ဘယ်အရာပေါ်တွင် အခြေခံထားပါသနည်း။ သင့်အထဲ၌ ဘဝဒဿနိက အယူအဆဘယ်လောက်များများရှိသနည်း။ ထိုအရာများကို စွန့်ပစ်ထားပြီးပြီလော။ သင့်စိတ်နှလုံးသည် ဘုရားသခင်ထံသို့ အကြွင်းမဲ့ပြန်မလာလျှင် သင်သည် ဘုရားသခင်၏လူမဟုတ်ဘဲ စာတန်ဆီကလာတဲ့သူဖြစ်ကာ၊ နောက်ဆုံးတွင် စာတန်ဆီ သို့ပြန်ပို့ခြင်းခံရလိမ့်မည်။ ဘုရားသခင်၏လူတွေထဲက တစ်ယောက်ဖြစ်ရန်သင်က မထိုက်တန်ပါ။ ဤအရာအားလုံးက သင့်ရဲ့ဂရုတစိုက် စဉ်းစားဆင်ခြင်မှုကို တောင်းဆိုနေသည်။

ယခင်က:သင်သည် ဘုရားသခင်ကို ယုံကြည်ရာတွင်၊ ဘုရားသခင်ကို နာခံသင့်သည်

နောက်တစ်ခုသို့:ပုံမှန်ဝိညာဉ်ရေးရာအသက်တာသည် လူများကိုလမ်းကြောင်းမှန်သို့ပို့ဆောင်ပေး၏

သင်နှစ်သက်နိုင်သည့် အရာများ