အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ခုနစ် ယုံကြည်သူ အသစ်များမှ အနည်းဆုံးအနေဖြင့် နားလည်ထားသင့်သည့် သမ္မာတရားများ၏ အခြားသော ရှုထောင့်အချို့

၅။ ဘုရားသခင်၌ ယုံကြည်ခြင်းမှာ ငြိမ်သက်ခြင်းနှင့် ကောင်းချီးမင်္ဂလာများကို ရှာရန်အတွက်သာ မဖြစ်သင့်ပေ

ဆက်စပ်သော ဘုရားသခင်၏ နှုတ်ကပတ်တော်များ-

လူသားအနေဖြင့် ဘုရားသခင်ကို ယုံကြည်သည်နှင့်တစ်ပြိုင်နက် ရရှိခဲ့သည့်အရာသည် မည်သည့်အရာနည်း။ ဘုရားသခင်၏ အကြောင်းကို သင်ဘာတွေ သိရှိခဲ့ပြီးဖြစ်သနည်း။ ဘုရားသခင်အပေါ် သင်၏ယုံကြည်ခြင်းကြောင့် သင်မည်မျှ ပြောင်းလဲခဲ့သနည်း။ ယခုဆိုလျှင် သင်တို့အားလုံး ဘုရားသခင်အပေါ်လူသား၏ ယုံကြည်ခြင်းသည် ဝိညာဉ်ကို ကယ်တင်ခြင်းနှင့်ခန္ဓာ၏ကြွယ်ဝခြင်းအတွက်သာ မဟုတ်မှန်း သိကြပြီး၊ ဘုရားသခင်ကို ချစ်ခြင်း အားဖြင့် သူ၏အသက်တာအား ပြည့်စုံကြွယ်ဝစေရန် မဟုတ်မှန်း အစရှိသဖြင့် သိပြီးဖြစ်သည်။ လက်ရှိအခြေအနေတွင် ခန္ဓာ၏ကြွယ်ဝခြင်း သို့မဟုတ် တခဏတာ ပျော်ရွှင်ခြင်းအတွက် ဘုရားသခင်ကို ချစ်ခြင်းဖြစ်ပါက၊ အဆုံး၌ ဘုရားသခင်ကို သင်၏ချစ်ခြင်းသည် အထွတ်အထိပ် ရောက်ရှိပြီး ဘုရားသခင်ထံ သင်ဘာမှ တောင်းဆိုမနေသော်လည်း သင်ရှာဖွေနေသော ဤချစ်ခြင်းမေတ္တာသည် မသန့်ရှင်းသော ချစ်ခြင်းမေတ္တာသာဖြစ်ပြီး ဘုရားသခင်ကို နှစ်သက်စေခြင်း မပြုပေ။ ဘုရားသခင်ကိုချစ်ခြင်းကို မိမိတို့၏ ခြောက်သွေ့သော အသက်တာများကိုကြွယ်ဝစေရန်နှင့် မိမိတို့နှလုံးသားတွင် ဖြစ်နေသော ဟာကွက်ကို ဖြည့်ဆည်းရန် အသုံးပြုသူများသည် သက်သောင့်သက်သာရှိစွာဖြင့် နေထိုင်လိုသူများသာ ဖြစ်ပြီး ဘုရားသခင်ကို အမှန်တကယ် ချစ်ရန်ရှာဖွေနေသောသူများ မဟုတ်ပေ။ ဤချစ်ခြင်းမျိုးသည် မိမိ၏သဘောဆန္ဒ၊ စိတ်ခံစားမှု ဆိုင်ရာသာယာမှုအား ဖွေရှာခြင်းနှင့် ဆန့်ကျင်ပြီး ဘုရားသခင်သည် ဤကဲ့သို့ ချစ်ခြင်းမျိုးကို မလိုပေ။ ထို့ကြောင့် သင်၏ချစ်ခြင်းသည် မည်ကဲ့သို့သော ချစ်ခြင်းမျိုး ဖြစ်သနည်း။ ဘုရားသခင်ကို မည်သည့်အတွက်ကြောင့် ချစ်သနည်း။ ယခု ဘုရားသခင်အတွက် မည်မျှစစ်မှန်သော ချစ်ခြင်း သင့်တွင်ရှိ သနည်း။ သင်တို့အများစုအကြား၌ရှိသော ချစ်ခြင်းသည် ယခင် ဖော်ပြခဲ့ပြီးသည့်အတိုင်း ဖြစ်သည်။ ဤချစ်ခြင်းမျိုးသည် လက်ရှိအခြေအနေကိုသာလျှင် ထိန်းသိမ်းနိုင်မည်ဖြစ်၏၊ ထာဝရတည်မြဲမှုကို ရရှိနိုင်မည်မဟုတ်သည့်အပြင် လူသား၌လည်း အမြစ်တွယ်နိုင်မည် မဟုတ်ပေ။ ဤချစ်ခြင်းမျိုးသည် ပွင့်လန်းပြီးနောက် ညှိုးနွမ်းကာ အသီးမသီးသော ပန်း၏ချစ်ခြင်းမျိုးဖြစ်သည်။ တစ်နည်းအားဖြင့်ဆိုရလျှင် ဘုရားသခင်ကို ထိုကဲ့သို့ တစ်ကြိမ်ချစ်ပြီးနောက် ရှေ့၌ရှိသောလမ်း၌ သင့်ကို ဦးဆောင်မည့် သူမရှိပါက သင်သည် လဲပြိုကျသွားမည်ဖြစ်သည်။ ဘုရားသခင်အား ချစ်သည့် အချိန်တွင်သာ ချစ်ပြီး နောက်ပိုင်းတွင် သင်၏အသက်တာ စိတ်သဘောထားတွင် ပြောင်းလဲမှု တစ်စုံတစ်ရာ မပြုလုပ်ပါက သင်သည်အမှောင်ထုလွှမ်းမိုးမှု ဆက်လက်ဖုံးအုပ်ခံနေရပြီး မလွတ်မြောက်နိုင်ဘဲ စာတန်မာရ်နတ်၏ ချည်နှောင်ခြင်းနှင့် အရူးလုပ်ခံရခြင်းများမှလည်း ရုန်းထွက်နိုင်မည်မဟုတ်ပေ။ ထိုကဲ့သို့သောလူ မည်သူ့ကိုမျှကို ဘုရားသခင်သည် အပြည့်အဝ ရယူနိုင်တော်မူမည်မဟုတ်ဘဲ အဆုံး၌ သူ၏ဝိညာဉ်၊ စိတ်နှင့်ခန္ဓာသည် စာတန်မာရ်နတ်သာ ပိုင်ဆိုင်နေဆဲဖြစ်မည်။ ဤအရာမှာ မေးခွန်းထုတ်စရာပင် မလိုပေ။ ဘုရားသခင် အပြည့်အဝ မရယူနိုင်သောသူများသည် သူတို့၏မူလနေရာ၊ဆိုလိုသည်မှာ စာတန်မာရ်နတ်ထံသို့၊ ပြန်လည်သွားရောက်ပြီး ဘုရားသခင်၏ အပြစ်ပေးခြင်းအဆင့် နောက်တစ်ဆင့်ကို ခံယူရန် မီးနှင့်ကန့် အစဉ်မပြတ် လောင်ကျွမ်းနေသောအိုင်သို့ ဆင်းသက်မည် ဖြစ်သည်။ ဘုရားသခင် ရယူသောသူတို့သည် စာတန်မာရ်နတ်အား တော်လှန်ပြီး သူ၏ အုပ်စိုးမှုအောက်မှလည်း လွတ်မြောက်မည်ဖြစ်သည်။ ထိုကဲ့သို့သော လူသားများသည် နိုင်ငံတော်၏ လူများအဖြစ် တရားဝင် ရေတွက်ခံရမည် ဖြစ်သည်။ ၎င်းသည် ထာဝရဘုရား၏ နိုင်ငံတော်၏လူများ ဖြစ်လာပုံ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယုံကြည်သူများအနေဖြင့် မည်သည့်ရှုထောင့်အား ဆုပ်ကိုင်ထားသင့်သနည်း” မှ

ယနေ့မှာပင်၊ လက်တွေ့ကျသော ဘုရားသခင်ကို သင်သည် ယုံကြည်သောကြောင့် လမ်းကြောင်းမှန်ကို ဆုံးဖြတ်ရမည်။ ဘုရားသခင်ကို ယုံကြည်သည်နှင့်အညီ သင်သည် ကောင်းကြီးမင်္ဂလာများကိုသာ မရှာသင့်ဘဲ ဘုရားသခင်ကို ချစ်ခြင်းနှင့် သိကျွမ်းခြင်းကို ရှာသင့်သည်။ ဘုရားသခင်၏ ဉာဏ်အလင်းပေးမှုနှင့်အတူ သင်၏ လိုက်လျှောက်မှုအားဖြင့် သင်သည် သူ၏နှုတ်ကပတ်တော်ကို စားသောက်နိုင်ပြီး ဘုရားသခင်ကို စစ်မှန်စွာ နားလည်နိုင်မည်ဖြစ်၍ သင့်နှလုံးထဲမှလာသော ဘုရားသခင်ကိုချစ်ခြင်း အစစ်အမှန်လည်း ရှိလာနိုင်မည်။ တစ်နည်းဆိုလျှင်၊ ဘုရားသခင်ကို သင်၏ ချစ်ခြင်းသည် အစစ်မှန်ဆုံး၊ အဘယ်သူမျှ မဖျက်ဆီးနိုင်၊ မတားဆီးနိုင်သည့် ချစ်ခြင်းမျိုး ဖြစ်သည်။ သို့ပြုလျှင် သင်သည် ဘုရားသခင်ကို ယုံကြည်ခြင်း၌ လမ်းမှန်တွင် ရှိနေသည်။ ထိုအရာက သင်သည် ဘုရားသခင် ပိုင်ဆိုင်သောသူဖြစ်ကြောင်း သက်သေပြသည်၊ အဘယ်ကြောင့်ဆိုသော် သင့်နှလုံးသားသည် ဘုရားသခင်၏ ပိုင်ဆိုင်ခြင်းကိုခံရခဲ့ပြီး အခြားသောအရာများက သင့်ကို မပိုင်ဆိုင်နိုင် သောကြောင့်ဖြစ်သည်။ သင်၏ အတွေ့အကြုံကြောင့်၊ သင်ပေးဆပ်ခဲ့သည့် အဖိုးအခနှင့် ဘုရားသခင်၏ လုပ်ဆောင်ပေးမှုကြောင့် သင်သည် ဘုရားသခင်အပေါ် အလိုအလျောက် ချစ်ခြင်း ပေါ်ပေါက်လာနိုင်ခြင်းဖြစ်သည်။ သို့ဖြစ်၍ သင်သည် စာတန်၏ လွမ်းမိုးမှုမှ ကင်းလွတ်လျက် ဘုရားသခင် နှုတ်ကပတ်တော် အလင်းထဲ၌ အသက်ရှင်သည်။ အမှောင်လွမ်းမိုးမှုမှ ချိုးဖောက် လွတ်မြောက်ပြီးမှသာလျှင် ဘုရားသခင်ကို သင်ရရှိပြီးဟု ယူဆနိုင်ပေသည်။ ဘုရားသခင်ကို သင်၏ ယုံကြည်ခြင်း၌ သင်သည် ဤပန်းတိုင်ကို ရှာဖွေရမည်။ ဤအရာသည် သင်တို့အသီးသီး၏ တာဝန်ဝတ္တရား ဖြစ်၏။ မည်သူတစ်ဦးမျှ အမှုအရာများကို ရှိနေသည့်အတိုင်း မိမိဘာသာ အားရကျေနပ်မနေသင့်ပေ။ သင်သည် ဘုရားသခင်၏ အမှုတော်အပေါ်တွင် စိတ်နှစ်ခွရှိခြင်း သို့မဟုတ် ပေါ့ပေါ့တန်တန် ခံယူခြင်း မဖြစ်နိုင်ပေ။ အရာရာတိုင်း၊ အချိန်တိုင်း၌ ဘုရားသခင်ကို စဉ်းစားသင့်ပြီး သူ့အတွက် အရာရာကို လုပ်ဆောင်သင့်သည်။ ထို့အပြင် သင်စကားပြောသောအခါ သို့မဟုတ် အမှုအရာများပြုသည့်အခါ သင်သည် ဘုရားသခင်၏ အိမ်တော်အကျိုးကို ဦးစားပေးသင့်သည်။ ဤအရာသာလျှင် ဘုရားသခင်၏ အလိုတော်နှင့် ညီသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ယုံကြည်သော သင်သည် သမ္မာတရားအတွက် အသက်ရှင်သင့်သည်” မှ

ဘုရားသခင်ကို အစေခံသောသူ တစ်စုံတစ်ဦးသည် ဘုရားသခင်အဖို့အလို့ငှာ မည်သို့ဒုက္ခခံရမည်ကို သိသင့်ရုံမျှမက ဘုရားသခင်ကို ယုံကြည်ခြင်းဆိုသည်မှာ သူ့ကိုချစ်ရန် ကြိုးစားခြင်းအတွက်လည်းဖြစ်သည်ကို ၎င်းတို့နားလည်သင့်ကြောင်းကို ယခုအခါ လူအားလုံး မြင်ခဲ့ကြပြီဖြစ်သည်။ သင့်ကို ဘုရားသခင်အသုံးပြုခြင်းမှာ သင့်ကို စစ်ဆေးရုံ၊ သို့မဟုတ် သင့်ကို ဒုက္ခခံစေရုံသာ မဟုတ်ဘဲ သူ၏လုပ်ရပ်များကို သင်သိစေရန်၊ လူ့ဘဝ၏ အဓိပ္ပာယ်အမှန်ကို သိစေရန်နှင့် ဘုရားသခင်ကိုအစေခံခြင်းမှာ လွယ်သောအလုပ် မဟုတ်ကြောင်းကို အထူးသဖြင့် သိစေရန်ဖြစ်သည်။ ဘုရားသခင်၏အမှုကို ကြုံတွေ့ခြင်းဆိုသည်မှာ ကျေးဇူးတော်ကို ခံစားခြင်းအကြောင်း မဟုတ်ဘဲ သူ့ကို သင်ချစ်သည့်အတွက်ကြောင့် ဒုက္ခခံခြင်းအကြောင်း ဖြစ်သည်။ သင်သည် ဘုရားသခင်၏ကျေးဇူးတော်ကို ခံစားရသည့်အတွက် သူ၏ပြစ်တင်ဆုံးမခြင်းကိုလည်း ခံစားရပေမည်၊ ထိုအရာအလုံးစုံကို သင်ကြုံတွေ့ရမည်။ သင့်အထဲတွင် ဘုရားသခင်၏ ဉာဏ်ပွင့်စေခြင်းကို သင်ကြုံတွေ့ခံစားနိုင်ပြီး သင့်ကို ကိုင်တွယ်ဖြေရှင်းခြင်းနှင့် သူ၏တရားစီရင်ခြင်းဖြင့်လည်း သူ့ကို ကြုံတွေ့နိုင်သည်။ ထိုနည်းဖြင့် သင်သည် အဘက်ဘက်ကို ကြုံတွေ့မည်ဖြစ်သည်။ ဘုရားသခင်သည် သင့်အပေါ်၌ တရားစီရင်ခြင်းအမှုကို ပြုခဲ့ပြီးသည်သာမက သင့်အား ပြစ်တင်ဆုံးမခြင်းအမှုကိုလည်း ပြုခဲ့ပြီးပြီဖြစ်သည်။ ဘုရားသခင်၏ နှုတ်ကပတ်တော်သည် သင့်ကို ကိုင်တွယ်ဖြေရှင်းခဲ့ပြီးဖြစ်သည်၊ သင့်ကို ဉာဏ်ပွင့်စေခဲ့ပြီး အလင်းပေးခဲ့ပြီးဖြစ်သည်။ သင်ထွက်ပြေးလိုသည့်အခါ ဘုရားသခင်၏ လက်တော်သည် သင့်ကို ဆက်၍ဆွဲကိုင်ထားသည်။ ဤအမှုအားလုံး၏ ရည်ရွယ်ချက်မှာ လူနှင့်ပတ်သက်သော အမှုအရာမှန်သမျှသည် ဘုရားသခင်၏ စီစဉ်ညွှန်ကြားမှုအောက်တွင် ရှိသည်ကို သင်သိစေရန်ဖြစ်သည်။ ဘုရားသခင်ကို ယုံကြည်ခြင်းဆိုသည်မှာ ဒုက္ခခံခြင်း၊ သို့မဟုတ် သူ့အတွက် အမှုအရာများစွာကို လုပ်ဆောင်ခြင်းဖြစ်သည်၊ သို့မဟုတ် သင်၏ဇာတိပကတိ ငြိမ်သက်ခြင်းရရန်၊ သို့မဟုတ် သင့်အတွက် အရာခပ်သိမ်း အဆင်ပြေချောမွေ့စေရန်၊ အရာခပ်သိမ်း သက်သောင့်သက်သာရှိစေရန် ဖြစ်သည်ဟု သင်ထင်ကောင်းထင်နိုင်သော်လည်း ထိုအရာများသည် ဘုရားသခင်ကို ယုံကြည်ရန်အတွက် လူတို့၌ရှိသင့်သော ရည်ရွယ်ချက်များ မဟုတ်ချေ။ အကယ်၍ ထိုအရာမှာ သင်ယုံကြည်သောအရာဖြစ်ပါက သင်၏အမြင်မှာ မမှန်ကန်ဘဲ သင်သည် စုံလင်ခြင်းသို့ အကယ်ပင် ရောက်နိုင်မည်မဟုတ်။ ဘုရားသခင်၏လုပ်ရပ်များ၊ ဘုရားသခင်၏ဖြောင့်မတ်သော စိတ်သဘောထား၊ သူ၏ဉာဏ်ပညာ၊ သူ၏နှုတ်ကပတ်တော်များ၊ သူ၏အံ့သြကြီးမြတ်ခြင်းနှင့် လူ၏ဉာဏ်ဖြင့်စဉ်းစား၍ မမီနိုင်ခြင်းစသည်တို့မှာ လူတို့နားလည်သင့်သော အရာအားလုံးဖြစ်သည်။ ဤနားလည်မှုကို အသုံးပြုကာ ပုဂ္ဂိုလ်ရေးရာ တောင်းခံချက်များသာမက သင်၏စိတ်နှလုံးထဲမှ တစ်ဦးတစ်ယောက်စာ မျှော်လင့်ချက်များနှင့် အယူအဆများကို ရှင်းထုတ်လော့။ ထိုအရာများကို သုတ်သင်ဖယ်ရှင်းလိုက်ခြင်းဖြင့်သာ ဘုရားသခင်တောင်းဆိုထားသော သတ်မှတ်ချက်များကို သင်ပြည့်မီနိုင်မည်။ ဤအရာအားဖြင့်သာ သင်သည် အသက်ကိုရကာ ဘုရားသခင်ကို ကျေနပ်စေနိုင်မည်။ ဘုရားသခင်ကို ယုံကြည်ခြင်းဆိုသည်မှာ သူ့ကိုကျေနပ်စေခြင်းအကြောင်းနှင့် သူသတ်မှတ်ထားသော စိတ်သဘောထားဖြင့် အသက်ရှင်နေထိုင်ခြင်းအကြောင်းဖြစ်သည်၊ ထိုသို့အားဖြင့် သူ၏လုပ်ရပ်များနှင့် ဘုန်းတော်သည် မထိုက်တန်သော ဤလူအုပ်စုအားဖြင့် ထင်ရှားကောင်းထင်ရှားနိုင်ရန်ဖြစ်သည်။ ထိုအရာမှာ ဘုရားသခင်ကို ယုံကြည်ခြင်းအတွက် မှန်သောအမြင်ဖြစ်ပြီး သင်ရှာဖွေသင့်သော ပန်းတိုင်လည်းဖြစ်သည်။ ဘုရားသခင်ကို ယုံကြည်သည့်အရာတွင် သင်၌ မှန်ကန်သော သဘောထားရှိသင့်ပြီး ဘုရားသခင်၏နှုတ်ကပတ်တော်များကိုရရန် ရှာဖွေသင့်သည်။ သင့်အနေဖြင့် ဘုရားသခင်၏နှုတ်ကပတ်တော်ကို စားသောက်ရန်နှင့် သမ္မာတရားကို အသက်ရှင်နေထိုင်နိုင်ရန် လိုအပ်ပြီး အထူးသဖြင့် သူ၏လက်တွေ့လုပ်ဆောင်ချက်များကို မြင်ရန်၊ စကြဝဠာတစ်ဝှမ်းလုံးတွင် သူ၏အံ့သြဖွယ်ကောင်းသော လုပ်ဆောင်ချက်များကို မြင်ရန်သာမက လူ့ဇာတိထဲတွင် သူလက်တွေ့ပြုသောအမှုတို့ကို မြင်ရန်လိုအပ်သည်။ လူတို့၏ အတွေ့အကြုံ အစစ်အမှန်များအားဖြင့် ၎င်းတို့သည် ၎င်းတို့အပေါ်၌ ဘုရားသခင်သည် သူ၏အမှုကို မည်ကဲ့သို့ပြုကြောင်းနှင့် ၎င်းတို့အတွက် သူ၏အလိုတော်မှာ အဘယ်သို့ဖြစ်ကြောင်းကို နားလည်နိုင်မည်။ ခပ်သိမ်းသော ဤအမှုတို့မှာ သူတို့၏ ဆိုးယုတ်သော ဖောက်ပြန်ပျက်စီးနေသည့် စိတ်သဘောထားကို သုတ်သင်ဖယ်ရှားပစ်ရန် ဖြစ်သည်။ သင့်အထဲမှ မသန့်ရှင်းခြင်းနှင့် မဖြောင့်မတ်ခြင်းကို ဖယ်ရှားလော့၊ သင်၏ မှားယွင်းသော ရည်ရွယ်ချက်များကို ခွာချလော့၊ ထို့နောက် သင်၌ ဘုရားသခင်အပေါ် မှန်သောယုံကြည်ခြင်း ပေါ်ပေါက်ကြီးထွားလာနိုင်သည်။ မှန်သောယုံကြည်ခြင်းရှိမှသာ ဘုရားသခင်ကို သင်အမှန်တကယ်ချစ်နိုင်မည်။ သင်သည် ဘုရားသခင်ကို ယုံကြည်ခြင်း အုတ်မြစ်ဖြင့်သာ သူ့ကို စစ်မှန်စွာချစ်နိုင်မည်။ သင်သည် ဘုရားသခင်ကို မယုံကြည်ဘဲ သူ့ကို ချစ်တတ်လာနိုင်သလော။ သင်သည် ဘုရားသခင်ကို ယုံကြည်သည့်အတွက် ထိုအရာနှင့်ပတ်သက်၍ သင်ယောင်ချာချာမဖြစ်ရ။ လူအချို့တို့သည် ဘုရားသခင်ကို ယုံကြည်ခြင်းဖြင့် သူတို့ထံ ကောင်းချီးမင်္ဂလာများ ရောက်ရှိလာကြောင်းကို မြင်လျှင်မြင်ချင်း အားမာန်ဖြင့် ပြည့်ဝလာကြသော်လည်း စစ်ဆေးခြင်းများကိုလည်း ခံစားရမည်ဖြစ်ကြောင်းကို ၎င်းတို့မြင်လျှင်မြင်ချင်း အားအင်အလုံးစုံ ကုန်ခန်းသွားတတ်ကြသည်။ ထိုအရာမှာ ဘုရားသခင်ကို ယုံကြည်ခြင်း ဖြစ်သလော။ နောက်ဆုံးတွင် သင်၏ယုံကြည်ခြင်း၌ သင်သည် ဘုရားသခင်၏ ရှေ့မှောက်တွင် လုံးလုံးလျားလျားနှင့် အကြွင်းမဲ့ နာခံခြင်း ရရှိရမည်။ သင်သည် ဘုရားသခင်ကို ယုံကြည်သော်လည်း သူ့အပေါ် တောင်းဆိုချက်များ သင်၌ ရှိနေသေးသည်၊ သင်မစွန့်ပယ်နိုင်သော ဘာသာရေးအယူအဆများစွာ၊ သင်လက်မလွှတ်နိုင်သော ပုဂ္ဂိုလ်ရေးရာ အကျိုးအမြတ်များ ရှိနေသေးပြီး၊ ဇာတိပကတိ၏ ကောင်းချီးမင်္ဂလာများကို ရှာဖွေနေဆဲဖြစ်ကာ သင်၏ဇာတိခန္ဓာကို ဘုရားသခင်က ကယ်မစေရန်၊ သင်၏စိတ်ဝိညာဉ်ကို ကယ်တင်စေရန် အလိုရှိနေသေးသည်။ ထိုအရာအားလုံးမှာ မှားယွင်းသောအမြင်ရှိသော လူများ၏ ဖော်ပြချက်များပင်ဖြစ်သည်။ ဘာသာရေးအယူဝါဒများရှိသော လူတို့သည် ဘုရားသခင်ကို ယုံကြည်ကြသော်လည်း ၎င်းတို့သည် စိတ်သဘောထား ပြောင်းလဲရန်အတွက် မရှာဖွေကြ၊ ဘုရားသခင်ကိုသိသောပညာကို လေ့လိုက်လိုက်စားခြင်းမရှိကြဘဲ ၎င်းတို့၏ဇာတိပကတိ အကျိုးအမြတ်တို့ကိုသာ ရှာဖွေကြသည်။ သင်တို့အထဲမှ လူများစွာတို့သည် ဘာသာရေးခံယူချက် အတန်းအစားထဲတွင်ရှိသော ယုံကြည်ခြင်းများ ရှိကြသည်။ ထိုအရာမှာ ဘုရားသခင်ကို အမှန်တကယ် ယုံကြည်ခြင်း မဟုတ်ပေ။ ဘုရားသခင်ကို ယုံကြည်ရန်အတွက် လူတို့သည် ဘုရားသခင်အတွက် ဒုက္ခခံလိုသော စိတ်နှလုံးကို ပိုင်ဆိုင်ရမည်ဖြစ်ပြီး ၎င်းတို့ကိုယ်ကို လက်လျှော့လိုစိတ် ရှိရမည်။ ၎င်းတို့အနေဖြင့် ထိုသတ်မှတ်ချက်နှစ်ချက်နှင့် မပြည့်မီသရွေ့ ၎င်းကို ဘုရားသခင်အား ယုံကြည်ခြင်းဟု မသတ်မှတ်နိုင်ပေ၊ ထို့ပြင် ၎င်းတို့သည် စိတ်သဘောထား ပြောင်းလဲခြင်းကို ရနိုင်ကြမည်မဟုတ်။ သမ္မာတရားကို စင်စစ်လိုက်စားသောလူများ၊ ဘုရားသခင်ကိုသိသောပညာကို ရှာဖွေပြီး အသက်ကိုရအောင် အားထုတ်သောလူများသာလျှင် ဘုရားသခင်ကို အမှန်တကယ် ယုံကြည်သောသူများ ဖြစ်ကြသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်” မှ

ဘုရားသခင်ကို ယုံကြည်ခြင်းဆိုသည်မှာ အဘယ်အရာဖြစ်ကြောင်းကို သင်တို့ ယခုနားလည်ကြပြီလော။ ဘုရားသခင်ကို ယုံကြည်ခြင်းဆိုသည်မှာ နိမိတ်လက္ခဏာများနှင့် အံ့သြဖွယ်ရာများကို ရှုမြင်ရခြင်းလော။ ကောင်းကင်ဘုံသို့ တက်ခြင်းဖြစ်သလော။ ဘုရားသခင်ကို ယုံကြည်ရခြင်းမှာ လုံးဝမလွယ်ပါ။ ထိုဘာသာရေးဓလေ့များကို သန့်စင်ပစ်သင့်သည်၊ နာမကျန်းသူများကို ကျန်းမာစေခြင်းနှင့် နတ်ဆိုးများကို နှင်ထုတ်ခြင်းတို့ကို လေ့လာလိုက်စားခြင်း၊ နိမိတ်လက္ခဏာများနှင့် အံ့သြဖွယ်ရာများကို အာရုံစိုက်ခြင်း၊ ဘုရားသခင်၏ သာ၍များသော ကျေးဇူးတော်၊ ငြိမ်သက်ခြင်းနှင့် ဝမ်းမြောက်ခြင်းတို့ကို ငမ်းငမ်းတက်လိုချင်ခြင်း၊ ဇာတိပကတိ၏ ဇိမ်ခံစရာများနှင့် အလားအလာများကို ကြိုးစားရှာဖွေခြင်း စသည့်အရာများသည် ဘာသာရေးဓလေ့များဖြစ်ကြပြီး ထိုသို့သော ဘာသာရေးဓလေ့များသည် မရေရာသော ယုံကြည်ခြင်းမျိုးဖြစ်သည်။ ယနေ့ကာလ၌ ဘုရားသခင်ကို ယုံကြည်ခြင်းအစစ်အမှန်မှာ အဘယ်အရာနည်း။ ၎င်းသည် ဘုရားသခင်၏ နှုတ်ကပတ်တော်ကို သင့်အသက်တာ၏ လက်တွေ့အရှိတရားအဖြစ် လက်ခံခြင်း၊ ဘုရားသခင်ကို အမှန်တကယ် ချစ်နိုင်ရန်အတွက် ဘုရားသခင်၏နှုတ်ကပတ်တော်အားဖြင့် သူ့ကို သိခြင်းဖြစ်သည်။ ရှင်းအောင်ဆိုရလျှင် ဘုရားသခင်ကို ယုံကြည်ခြင်းဆိုသည်မှာ ဘုရားသခင်ကို သင်နာခံနိုင်ရန်၊ ဘုရားသခင်အား သင်ချစ်နိုင်ရန်၊ ဘုရားသခင်၏ ဖန်ဆင်းခံ သတ္တဝါတစ်ဦးအနေနှင့် လုပ်ဆောင်သင့်သော တာဝန်ကို သင်လုပ်ဆောင်နိုင်ဖို့ရန်အတွက်ဖြစ်သည်။ ဤသည်မှာ ဘုရားသခင်ကို ယုံကြည်ခြင်း၏ ရည်ရွယ်ချက်ဖြစ်သည်။ ဘုရားသခင်၏ ချစ်ဖွယ်ကောင်းမှုကို သိသောအသိ၊ ဘုရားသခင်အနေဖြင့် ရိုသေလေးမြတ်ခြင်းကို မည်မျှခံထိုက်ကြောင်းကို သိသောအသိ၊ ဘုရားသခင်သည် သူ၏ဖန်ဆင်းခံများ၌ ကယ်တင်ခြင်းအမှုနှင့် စုံလင်အောင် ပြုလုပ်ပေးသည့် အမှုအား မည်သို့ပြုသည်ကို သိသောအသိကို သင့်အနေဖြင့် စွမ်းဆောင်ရရှိရမည်။ ဘုရားသခင်ကို သင်၏ယုံကြည်ခြင်းအရာ၌ အနည်းဆုံး ထိုသို့သော အသိများ ရှိရမည်။ ဘုရားသခင်ကို ယုံကြည်ခြင်းဆိုသည်မှာ အဓိကအားဖြင့် ဇာတိပကတိ၌ ရှင်သန်နေသော အသက်တာမှ ဘုရားသခင်ကို ချစ်သည့်အသက်တာသို့ ပြောင်းလဲခြင်း၊ သဘာဝကျမှုအတွင်းနေသည့် အသက်တာမှ ဘုရားသခင်၏ဖြစ်ခြင်းအတွင်းတည်သည့် အသက်တာသို့ ပြောင်းလဲခြင်း၊ စာတန်၏အုပ်စိုးမှုအောက်မှ ထွက်လာပြီး ဘုရားသခင်၏ စောင့်ရှောက်ကာကွယ်မှုအောက်၌ အသက်ရှင်ခြင်း၊ ဘုရားသခင်ကို နာခံနိုင်စွမ်းရှိခြင်း၊ ဇာတိပကတိကို မနာခံခြင်း၊ ဘုရားသခင်အား သင့်နှလုံးသား တစ်ခုလုံးကို ရယူခွင့်ပေးခြင်း၊ ဘုရားသခင်က သင့်ကို စုံလင်အောင် လုပ်ပေးနိုင်ဖို့ အခွင့်ပေးခြင်း၊ ဖောက်ပြန်ပျက်စီးသော စာတန်၏ စိတ်သဘောထား မရှိအောင် ကိုယ်တိုင်ရုန်းထွက်ခြင်းတို့ဖြစ်သည်။ ဘုရားသခင်ကို ယုံကြည်ခြင်းသည် အဓိကအားဖြင့် ဘုရားသခင်၏ ဘုန်းနှင့်တန်ခိုးသည် သင့်အထဲ၌ ထင်ရှားစေရန်၊ ဘုရားသခင်၏ အလိုတော်ကို သင်ဆောင်ရွက်နိုင်ပြီး ဘုရားသခင်၏ အကြံအစည်ကို အထမြောက်အောင် သင်လုပ်ဆောင်နိုင်ရန်၊ စာတန်၏ရှေ့၌ ဘုရားသခင်အကြောင်း သင်သက်သေခံနိုင်စွမ်း ရှိစေရန်ဖြစ်သည်။ ဘုရားသခင်ကို ယုံကြည်ခြင်းသည် နိမိတ်လက္ခဏာများနှင့် အံ့သြဖွယ်ရာများကို မြင်တွေ့ရဖို့ မဖြစ်သင့်သကဲ့သို့၊ သင်၏ကိုယ်ပိုင်ဇာတိပကတိအတွက်လည်း မဖြစ်သင့်ပေ။ ဘုရားသခင်ကို ယုံကြည်ခြင်းသည် ဘုရားသခင်ကိုသိအောင် ကြိုးစားရှာဖွေဖို့၊ ဘုရားသခင်ကို နာခံနိုင်စွမ်းရှိဖို့၊ ပေတရုကဲ့သို့ သေသည်အထိ ဘုရားသခင်ကို နာခံဖို့ ဖြစ်သင့်သည်။ ဤသည်မှာ အဓိကအားဖြင့် အောင်မြင်ခြင်းအလို့ငှာ ဖြစ်သည်။ ဘုရားသခင်၏ နှုတ်ကပတ်တော်ကို စားသောက်ခြင်းသည် ဘုရားသခင်ကို သိကျွမ်းရန်ဖြစ်ပြီး ဘုရားသခင် ကျေနပ်စေရန်ဖြစ်သည်။ ဘုရားသခင်၏ နှုတ်ကပတ်တော်ကို စားသောက်ခြင်းက သင့်ကို ဘုရားသခင်အကြောင်း ပိုသိစေသည်၊ ထိုသို့သိပြီးနောက်မှသာ သင်သည် ဘုရားသခင်ကို နာခံနိုင်သည်။ ဘုရားသခင်ကို သင်သိမှ ဘုရားသခင်ကို ချစ်နိုင်သည်၊ ထို့ပြင် ဤရည်ရွယ်ချက်ကို အောင်မြင်စွာ ရယူခြင်းသည် လူသားအနေဖြင့် ဘုရားသခင်ကို ယုံကြည်ရာ၌ ထားရှိသင့်သည့် တစ်ခုတည်းသော ရည်ရွယ်ချက်ဖြစ်သည်။ ဘုရားသခင်ကို သင်ယုံကြည်ရာ၌ သင့်အနေဖြင့် နိမိတ်လက္ခဏာများနှင့် အံ့သြဖွယ်ရာများ ရှုမြင်ရဖို့ အမြဲတမ်း ကြိုးစားနေလျှင် ဘုရားသခင်ကို ယုံကြည်ခြင်းနှင့် ပတ်သက်သော ဤအမြင်သည် လွဲမှားနေ၏။ ဘုရားသခင်ကို ယုံကြည်ခြင်းဆိုသည်မှာ အဓိကအားဖြင့် ဘုရားသခင်၏ နှုတ်ကပတ်တော်ကို အသက်တာ၏ လက်တွေ့အရှိတရားအဖြစ် လက်ခံခြင်းဖြစ်သည်။ ဘုရားသခင်၏ နှုတ်မှလာသော သူ၏နှုတ်ကပတ်တော်များကို လက်တွေ့လုပ်ဆောင်ပြီး သင့်အထဲ၌ ထိုနှုတ်ကပတ်တော်များကို အကောင်အထည်ဖော်ခြင်းတို့ကသာ ဘုရားသခင်နှင့်ဆိုင်သော ရည်ရွယ်ချက်ကို အောင်မြင်စွာ ရရှိခြင်းဖြစ်သည်။ လူသားသည် ဘုရားသခင်ကို ယုံကြည်ရာ၌ ဘုရားသခင်၏ စုံလင်အောင် ပြုလုပ်ပေးသည်ကိုခံရဖို့၊ ဘုရားသခင်ကို ကျိုးနွံနာခံနိုင်စွမ်းရှိဖို့၊ ထို့ပြင် ဘုရားသခင်ကို အပြည့်အဝ နာခံတတ်ဖို့ ကြိုးစားသင့်သည်။ သင်သည် ဘုရားသခင်ကို မြည်တွန်တောက်တီးခြင်း မရှိဘဲ နာခံနိုင်လျှင်၊ ဘုရားသခင်၏ အလိုဆန္ဒများကို သတိပြုနိုင်လျှင်၊ ပေတရု၏ ဝိညာဉ်အသက်တာကို စွမ်းဆောင်ရရှိနိုင်လျှင်၊ ထို့ပြင် ဘုရားသခင်ပြောသည့် ပေတရု၏ပုံစံအတိုင်း အသက်ရှင်နိုင်လျှင် ထိုအချိန်သည် ဘုရားသခင်ကို ယုံကြည်ခြင်းအရာ၌ အောင်မြင်မှုကို သင်ရရှိပြီးသော အချိန်ဖြစ်လိမ့်မည်၊ ထို့ပြင် ဘုရားသခင်က သင့်ကို ရယူပြီးဖြစ်ကြောင်းကို ထိုအရာက ဖော်ပြလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အရာအားလုံးကို ဘုရားသခင်၏ နှုတ်ကပတ်တော်ဖြင့် စွမ်းဆောင်ရရှိသည်” မှ

သင်၏ ဘုရားသခင်ကို ယုံကြည်မှုသည် မည်သည့်စိန်ခေါ်မှုများ၊ သို့မဟုတ် ကြီးစွာသောဘေးဒုက္ခများ၊ သို့မဟုတ် ဆင်းရဲဒုက္ခ စိုးစဉ်းကိုမျှ ဖြစ်ပေါ်စေမည်မဟုတ်ဟု သင်မျှော်လင့်သည်။ အသုံးမကျသော အရာများနောက်သို့ သင်အမြဲလိုက်သည်၊ ဘဝကို တန်ဖိုးရှိအောင် သင်မလုပ်၊ ထိုအစား သင့်အတွေးမြောက်မြားစွာကို သမ္မာတရားရှေ့မှောက်၌ ချထားသည်။ သင်သည် အလွန်ပင် အသုံးမကျပေ။ သင်သည် ဝက်တစ်ကောင်ကဲ့သို့ ရှင်သန်နေသည်၊ သင်သည် ဝက်များ၊ ခွေးများနှင့် ဘာများကွာခြားသနည်း။ သမ္မာတရားနောက်သို့ မလိုက်ဘဲ ယင်းအစား ဇာတိပကတိကို နှစ်သက်သူများ အားလုံးသည် သားရဲများ ဖြစ်ကြသည်မဟုတ်လော။ ဝိညာဉ်မရှိသော ဤအသေကောင်များ အားလုံးသည် လမ်းလျှောက်နေသည့် အလောင်းကောင်များ မဟုတ်ပေလော။ သင်တို့အထဲတွင် စကားပေါင်းမည်မျှပြောပြီးပြီနည်း။ သင်တို့ကြားတွင် အလုပ်အနည်းငယ်လောက်သာ ပြီးမြောက်ထားခြင်း ရှိသလော။ သင်တို့အကြား ငါမည်မျှလောက် ထောက်ပံ့ပေးခဲ့ပြီနည်း။ သို့တိုင် သင်အဘယ်ကြောင့် မရသေးပါသနည်း။ သင်၌ အဘယ်စောဒကတက်စရာ ရှိသနည်း။ သင်သည် ဇာတိပကတိ၌ အလွန်အမင်း ပျော်မွေ့နေသောကြောင့်သာ ဘာမျှမရခြင်း မဟုတ်လော။ သင်၏အတွေးများမှာ အလွန်ပင် တရားလွန်နေသောကြောင့် မဟုတ်သလော။ သင်သည် အလွန်မိုက်မဲသောကြောင့် မဟုတ်လော။ ဤကောင်းချီးမင်္ဂလာများကို ရယူရန် သင်မစွမ်းဆောင်နိုင်ပါက သင့်ကို ဘုရားသခင် မကယ်တင်ခြင်းကို သင်အပြစ်တင်နိုင်မည်လော။ သင်ရှာမှီးသည်မှာ ဘုရားသခင်ကို သင်ယုံကြည်ပြီးနောက် ငြိမ်းသက်ခြင်း ရနိုင်ရန်ဖြစ်သည်၊ သင့်သားသမီးများ နေထိုင်မကောင်း မဖြစ်စေရန်၊ သင့်ခင်ပွန်း အလုပ်ကောင်းကောင်းရရန်၊ သင့်သား ဇနီးကောင်းတစ်ဦးကိုရရန်၊ သင့်သမီး ရည်မွန်သော ခင်ပွန်းတစ်ဦးကိုရရန်၊ သင့်မြင်းများ၊ နွားများ မြေကိုကောင်းစွာထွန်ယက်ရန်၊ သင့်ကောက်ပဲသီးနှံများအတွက် တစ်နှစ်ပတ်လုံး ရာသီဥတုကောင်းမွန်ရန်၊ သင်ရှာဖွေသည်မှာ ယင်းတို့ဖြစ်သည်။ သင်လိုက်လျှောက်သည်မှာ သက်သောင့်သက်သာ နေထိုင်ရန်သာ ဖြစ်သည်၊ သင့်မိသားစုထံသို့ မတော်တဆမှုများ မကျရောက်ရန်၊ သင့်အနား လေပြေဖြတ်သွားရန်၊ သင့်မျက်နှာကို မြေမှုန်မထိစေရန်၊ သင့်မိသားစု၏ ကောက်ပဲသီးနှံများ ရေလွှမ်းမိုးခြင်း မခံရစေရန်၊ မည်သည့်သဘာဝဘေးအန္တရာယ်မှ သင့်အပေါ်သို့ မကျရောက်စေရန်၊ ဘုရားသခင်၏ ထွေးပိုက်မှုထဲတွင် နေထိုင်ရန်၊ ဇိမ်ရှိသောအသိုက်အမြုံထဲတွင် နေထိုင်ရန်တို့အတွက်သာ သင်ရှာမှီးနေသည်။ ဇာတိပကတိနောက်သို့ အမြဲလိုက်နေသည့် သင်ကဲ့သို့သော သတ္တိကြောင်သူတစ်ဦး၌ စိတ်နှလုံးရှိပါသလော၊ သင့်မှာ ဝိညာဉ်ရှိပါသလော။ သင်သည် သားရဲတစ်ကောင် မဟုတ်လော။ အတုံ့အပြန် ဘာကိုမျှ မတောင်းဆိုဘဲ စစ်မှန်သောလမ်းကို သင့်အား ငါပေးခဲ့သော်လည်း သင်သည် မလိုက်လျှောက်။ သင်သည် ဘုရားသခင်ကို ယုံကြည်သော ထိုသူများထဲမှ တစ်ဦးလော။ ငါသည် သင့်အပေါ်သို့ စစ်မှန်သော လူ့အသက်ကို အပ်နှင်းသော်လည်း သင်သည် မလိုက်လျှောက်။ သင်သည် ဝက်များ၊ ခွေးများနှင့် ဘာမျှမထူးဘူး မဟုတ်လော။ ဝက်များသည် လူ့အသက်ကို မလိုက်လျှောက်၊ သူတို့သည် သန့်ရှင်းခြင်းသို့ရောက်ရန် မလိုက်လျှောက်၊ အသက်ဆိုသည်ကို သူတို့နားမလည်။ နေ့စဉ်ဝသည်ထိစားပြီး အိပ်ရုံသာပြုကြသည်။ ငါသည် သင့်အား လမ်းမှန်ကိုပေးပြီးဖြစ်သော်လည်း သင်၌ ဤလမ်းမှန်မရှိသေး၊ သင်သည် လက်ချည်းသက်သက်ပင် ဖြစ်ပေသည်။ ဝက်တစ်ကောင်၏ဘဝ၊ ဤဘဝတွင် ဆက်လက်နေထိုင်ရန် သင်လိုလားပါသလော။ ထိုသို့သောသူများ၏ အသက်ရှင်မှုတွင် မည်သည့်အရေးပါမှု ရှိသနည်း။ သင့်ဘဝသည် အထင်သေးဖွယ်၊ ရှက်ဖွယ်ဖြစ်ပြီး သင်သည် ညစ်ညမ်း၍ သိက္ခာကင်းမဲ့စွာ အသက်ရှင်နေသည်၊ ထို့ပြင် သင်သည် မည်သည့် ရည်မှန်းချက်နောက်သို့မှ မလိုက်ပေ၊ သင့်ဘဝသည် အားလုံးထဲတွင် ရှက်စရာအကောင်းဆုံး ဖြစ်နေသည်မဟုတ်လော။ ဘုရားသခင်ကို သင်ကြည့်ရှုဝံ့သလော။ ဤနည်းအတိုင်း သင်ဆက်တွေ့ကြုံနေပါက သင်ဘာကိုမျှ မရဘဲဖြစ်မည် မဟုတ်လော။ မှန်ကန်သောလမ်းကို သင့်အား ပေးပြီးသော်လည်း နောက်ဆုံးတွင် သင်ရ၊ မရဆိုသည်မှာ သင်၏ ကိုယ်တိုင်ကိုယ်ကျ ကြိုးစားအားထုတ်မှုပေါ် မူတည်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပေတရု၏ အတွေ့အကြုံများ- သူသိသော ပြစ်တင်ဆုံးမခြင်းနှင့် တရားစီရင်ခြင်းအကြောင်း” မှ

ယနေ့ ဘုရားသခင်ကို သင်တကယ်ပဲ မည်မျှချစ်သနည်း။ ထို့ပြင် သင့်အထဲ၌ ဘုရားသခင် လုပ်ဆောင်ပြီးသောအရာအားလုံးကို သင်တကယ်ပဲ မည်မျှသိသနည်း။ ဤအရာများမှာ သင့်အနေဖြင့် သင်ယူသင့်သည့် အရာများဖြစ်သည်။ ကမ္ဘာမြေကြီးပေါ်သို့ ဘုရားသခင် ရောက်ရှိလာသည့်အချိန်တွင် လူသားအထဲ၌ သူလုပ်ဆောင်ပေးခဲ့ပြီး လူသားကို တွေ့မြင်စေသော အရာအားလုံးမှာ လူသားအနေဖြင့် သူ့ကိုချစ်လာပြီး အမှန်တကယ်သိကျွမ်းရန်အလို့ငှာ ဖြစ်သည်။ လူသားသည် ဘုရားသခင်အတွက် ဝေဒနာခံစားနိုင်ပြီး ဤအချိန်အထိ ရောက်ရှိလာနိုင်သည့် အကြောင်းရင်းတစ်ခုမှာ ဘုရားသခင်၏ ချစ်ခြင်းမေတ္တာကြောင့်ဖြစ်ပြီး အခြားအကြောင်းရင်းတစ်ခုမှာ ဘုရားသခင်၏ ကယ်တင်ခြင်းကြောင့်ဖြစ်သည်၊ ထိုမျှမက လူသားအထဲ၌ ဘုရားသခင်လုပ်ဆောင်ပြီးသော တရားစီရင်ခြင်းနှင့် ပြစ်တင်ဆုံးမခြင်းအမှုကြောင့်ဖြစ်သည်။ အကယ်၍ သင်တို့တွင် တရားစီရင်ခြင်း၊ ပြစ်တင်ဆုံးမခြင်းနှင့် ဘုရားသခင်၏စမ်းသပ်မှုများ မရှိပါက၊ ထို့ပြင် ဘုရားသခင်သည် သင်တို့ကို ဝေဒနာမခံစားစေပါက၊ ပွင့်ပွင့်လင်းလင်းပြောရသော်၊ သင်တို့သည် ဘုရားသခင်ကို အမှန်တကယ်မချစ်ပေ။ လူသားအထဲ၌ ဘုရားသခင်၏အမှု ပိုကြီးပြီး လူသား၏ ဒုက္ခဝေဒနာ ကြီးမားလေ၊ ဘုရားသခင်၏အမှုမှာ မည်မျှအဓိပ္ပာယ်ပြည့်ဝကြောင်း ပိုပြသနိုင်လေဖြစ်ပြီး လူသား၏စိတ်နှလုံးမှာ ဘုရားသခင်ကို အမှန်တကယ် ပိုချစ်နိုင်လေဖြစ်သည်။ ဘုရားသခင်ကို မည်သို့ချစ်မြတ်နိုးရမည့်အကြောင်းကို သင်မည်ကဲ့သို့သင်ယူသနည်း။ ဒုက္ခဆင်းရဲနှင့် စစ်ဆေးခြင်းများ မရှိပါက၊ နာကျင်သည့် စမ်းသပ်မှုများ မရှိပါက၊ ထို့ပြင် လူသားကို ဘုရားသခင်ပေးခဲ့သည်တို့မှာ ကျေးဇူးတော်၊ ချစ်ခြင်းမေတ္တာနှင့် သနားကရုဏာများသာဖြစ်ပါက ဘုရားသခင်အပေါ် စစ်မှန်သည့် ချစ်ခြင်းမေတ္တာကို သင်ရရှိနိုင်မည်လော။ တစ်ဖက်တွင် လူသားသည် ဘုရားသခင်၏စမ်းသပ်မှုကာလများအတွင်း သူ၏အားနည်းချက်များကို သိလာပြီး သူသည် အရေးမပါကြောင်း၊ စက်ဆုပ်ဖွယ်ဖြစ်ကြောင်း၊ နိမ့်ကျကြောင်း၊ သူ၌ မည်သည့်အရာမျှ မရှိကြောင်းနှင့် သူသည် အနတ္တဖြစ်ကြောင်း မြင်လေ၏။ အခြားတစ်ဖက်တွင် ဘုရားသခင်သည် သူ၏စမ်းသပ်မှုကာလများအတွင်း သူ၏နှစ်လိုဖွယ်ကောင်းခြင်းကို လူသားအား ပိုမိုတွေ့ကြုံခံစားနိုင်စေသည့် မတူညီသောပတ်ဝန်းကျင်များကို လူသားအတွက် ဖန်တီးပေး၏။ နာကျင်မှုကြီးမားပြီး တစ်ခါတစ်ရံ မကျော်လွှားနိုင်ဘဲ ပြင်းထန်သော ပူဆွေးမှုအဆင့်အထိပင် ရောက်ရှိနိုင်သော်လည်း ၎င်းကို တွေ့ကြုံခံစားပြီးနောက် လူသားသည် သူ့အထဲ၌ ဘုရားသခင်၏အမှုမှာ မည်မျှနှစ်လိုဖွယ်ကောင်းကြောင်း မြင်တွေ့ပြီး၊ ဤအုတ်မြစ်အပေါ်၌သာ လူသားအတွင်း၌ ဘုရားသခင်အပေါ် စစ်မှန်သည့် ချစ်ခြင်းမေတ္တာ မွေးဖွားလာခြင်းဖြစ်သည်။ မျက်မှောက်တွင်၊ လူသားသည် လူ့အနှစ်သာရကို သိရန်မဆိုထားနှင့်၊ ဘုရားသခင်၏ ကျေးဇူးတော်၊ ချစ်ခြင်းမေတ္တာနှင့် သနားကရုဏာသက်သက်ဖြင့် သူ့ကိုယ်သူ အမှန်တကယ် မသိနိုင်ကြောင်း မြင်လေ၏။ ဘုရားသခင်၏ စစ်ဆေးခြင်းနှင့် တရားစီရင်ခြင်းနှစ်ခုလုံးဖြင့်သာ၊ ထိုကဲ့သို့သော စစ်ဆေးခြင်းကာလအတွင်း၌သာ၊ လူသားသည် သူ၏အားနည်းချက်များကို သိနိုင်ပြီး၊ သူ၌တစ်စုံတစ်ရာမျှမရှိကြောင်း သိနိုင်သည်။ ထို့ကြောင့် ဘုရားသခင်အပေါ် လူသား၏ချစ်ခြင်းမေတ္တာသည် ဘုရားသခင်၏စစ်ဆေးခြင်းနှင့် တရားစီရင်ခြင်းအုတ်မြစ်ပေါ်၌ တည်ဆောက်ထားခြင်းဖြစ်သည်။ အေးချမ်းသည့် မိသားစုဘဝ၊ သို့မဟုတ် ရုပ်ဝတ္တုကောင်းချီးမင်္ဂလာများဖြင့်သာ ဘုရားသခင်၏ ကျေးဇူးတော်ကို သင်ခံစားမွေ့လျော်ပါက၊ သင်သည် ဘုရားသခင်ကို မရရှိသေးဘဲ၊ ဘုရားသခင်ကို သင်၏ယုံကြည်ခြင်း ကျရှုံးလေပြီ။ ဘုရားသခင်သည် လူ့ဇာတိ၌ ကျေးဇူးတော်အမှု၏အဆင့်တစ်ဆင့်ကို လုပ်ဆောင်ခဲ့နှင့်ပြီးဖြစ်၍ လူသားကိုလည်း ရုပ်ဝတ္တုကောင်းချီးမင်္ဂလာများ ပေးအပ်ခဲ့နှင့်ပြီးဖြစ်သည်။ သို့သော် လူသားကို ကျေးဇူးတော်၊ ချစ်ခြင်းမေတ္တာ၊ သနားကရုဏာသက်သက်ဖြင့် စုံလင်အောင် မပြုလုပ်နိုင်ပေ။ လူသားသည် သူ၏အတွေ့အကြုံများထဲတွင် ဘုရားသခင်၏ ချစ်ခြင်းမေတ္တာအချို့ကို ကြုံတွေ့ရပြီး၊ ဘုရားသခင်၏ ချစ်ခြင်းမေတ္တာနှင့် သနားကရုဏာကို မြင်တွေ့ရသည်။ သို့သော်လည်း သူသည် အချိန်ကာလတစ်ခုအထိ တွေ့ကြုံခံစားပြီးသည့်တိုင်အောင်၊ ဘုရားသခင်၏ ကျေးဇူးတော်၊ ချစ်ခြင်းမေတ္တာနှင့် သနားကရုဏာတို့သည် လူသားကို စုံလင်အောင် မပြုလုပ်နိုင်ကြောင်း၊ လူသားအတွင်း၌ ဖောက်ပြန်ပျက်စီးနေသည်များကို မထုတ်ဖော်နိုင်ကြောင်းနှင့် လူသားအတွင်း၌ ဖောက်ပြန်ပျက်စီးသော စိတ်သဘောထားကို မဖယ်ရှားနိုင်ကြောင်း၊ သို့မဟုတ် သူ၏ချစ်ခြင်းမေတ္တာနှင့် ယုံကြည်မှုကို စုံလင်အောင် မပြုလုပ်နိုင်ကြောင်း တွေ့မြင်လေ၏။ ဘုရားသခင်၏ ကျေးဇူးတော်အမှုသည် ကာလတစ်ခုအတွက် ဖြစ်ပြီး၊ လူသားသည် ဘုရားသခင်ကို သိရှိရန်အတွက် ဘုရားသခင်၏ကျေးဇူးတော်ကို မွေ့လျော်ခံစားခြင်းအပေါ်၌ အမှီပြုနိုင်ခြင်း မရှိပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် နာကျင်သည့်စမ်းသပ်မှုများကို တွေ့ကြုံခြင်းဖြင့်သာ ဘုရားသခင်၏နှစ်လိုဖွယ်ကောင်းခြင်းကို သိနိုင်မည်” မှ

ဘုရားသခင်၏ နောက်တော်လိုက်သော လူအများအပြားသည် ကောင်းချီးမင်္ဂလာများ မည်သို့ရနိုင်ပုံ၊ သို့မဟုတ် ကပ်ဘေးမှ မည်သို့ရှောင်ရှားနိုင်ပုံတို့ကိုသာ စိတ်ဝင်စားကြသည်။ ဘုရားသခင်၏အမှုနှင့် စီမံခန့်ခွဲမှုဟု ဆိုလိုက်သည်နှင့် ၎င်းတို့သည် အသံတိတ်သွားကြပြီး စိတ်ဝင်စားမှုအားလုံး ကုန်ဆုံးသွားကြသည်။ ထိုသို့သော ငြီးငွေ့ဖွယ်ကောင်းသည့် မေးခွန်းများကို သိခြင်းသည် ၎င်းတို့၏အသက်တာများကို ကြီးထွားနိုင်စေခြင်းလည်းမရှိ၊ အကျိုးလည်းမရှိဟု ထင်မြင်ယူဆကြသောကြောင့် ဘုရားသခင်၏စီမံခန့်ခွဲမှုအကြောင်း သတင်းစကားများကို ၎င်းတို့ကြားဖူးကြသော်လည်း ပေါ့ပေါ့တန်တန်ပင် သဘောထားကြသည်။ ထို့အပြင် ထိုအရာများကို ၎င်းတို့ဘဝ၏ အစိတ်အပိုင်းတစ်ရပ်ဟု လက်ခံဖို့မဆိုထားနှင့် တန်ဖိုးရှိသော အရာတစ်ခုအဖြစ် လက်ခံရမည်ဟုပင် မမြင်ကြပေ။ ထိုသူတို့တွင် ဘုရားသခင်နောက်တော်သို့လိုက်သည်မှာ ကောင်းချီးမင်္ဂလာရရန်ဟူသော အလွန်ရိုးရှင်းသည့် ရည်မှန်းချက်တစ်ခုသာရှိပြီး ၎င်းတို့သည် ဤရည်မှန်းချက်နှင့် မသက်ဆိုင်သော အရာများကို ဆောင်ရွက်ရန် အလွန်ပျင်းရိကြသည်။ ကောင်းချီးမင်္ဂလာများရရှိရန် ဘုရားသခင်ကို ယုံကြည်ခြင်းသည် ၎င်းတို့အတွက် အသင့်တော်ဆုံး ရည်မှန်းချက်ပန်းတိုင်ဖြစ်ပြီး ဤသည်မှာ ၎င်းတို့ယုံကြည်မှု၏ တန်ဖိုးပင်ဖြစ်သည်။ ဤရည်မှန်းချက်ကို မရရှိနိုင်သည့်အရာများမှာ ၎င်းတို့အပေါ် မည်သို့မျှ သက်ရောက်မှုမရှိချေ။ ယနေ့ ဘုရားသခင်ကို ယုံကြည်သူအများစုမှာ ဤသို့ဖြစ်နေသည်။ ဘုရားသခင်အပေါ် ယုံကြည်ခြင်းနှင့်အတူ ၎င်းတို့သည် ဘုရားသခင်အတွက် အသုံးခံကာ ဘုရားသခင်ထံ မိမိတို့ကိုယ်ကို ဆက်ကပ်အပ်နှံကြပြီး ၎င်းတို့တာဝန်ကို ထမ်းဆောင်ကြသောကြောင့် ၎င်းတို့၏ရည်ရွယ်ချက်နှင့် အရင်းခံအကြောင်းရင်းတို့မှာ လက်ခံနိုင်ဖွယ်ရှိပုံပေါက်သည်။ ၎င်းတို့သည် ၎င်းတို့၏ငယ်ရွယ်မှုကို စွန့်လွှတ်ကာ မိသားစုနှင့် အလုပ်တို့ကို စွန့်၍ အိမ်နှင့်ဝေးရာတွင် နှစ်ပေါင်းများစွာပင် အလုပ်များနေကြသည်။ ၎င်းတို့၏ နောက်ဆုံးပန်းတိုင်အတွက် ၎င်းတို့၏စိတ်ဝင်စားမှုများကို ပြောင်းလဲကာ ဘဝအပေါ်ရှုမြင်ပုံကို ပြောင်းလဲ၍ ၎င်းတို့ရှာဖွေရာ ဦးတည်ချက်ကိုပင် ပြောင်းလဲကြသည်။ သို့ရာတွင် ဘုရားသခင်အပေါ် ၎င်းတို့ယုံကြည်ရခြင်း၏ ရည်ရွယ်ချက်ကိုမူ မပြောင်းလဲနိုင်ကြပေ။ ၎င်းတို့ကြိုက်နှစ်သက်ဆုံးအရာများကို စီမံခန့်ခွဲရန် အလုပ်ရှုပ်နေကြသည်။ လမ်းခရီးမည်မျှပင်ဝေးပါစေ၊ လမ်းခရီးတွင် အခက်အခဲများနှင့် အတားအဆီးများ မည်မျှပင်ရှိပါစေ၊ ၎င်းတို့သည် စွဲစွဲမြဲမြဲလုပ်ဆောင်ပြီး သေခြင်းကိုမကြောက်ကြချေ။ မည်သည့်တန်ခိုးကြောင့် ၎င်းတို့သည် ဤသို့ ဆက်လက်ဆက်ကပ်နိုင်ကြသနည်း။ ၎င်းတို့၏ အသိတရားကြောင့်လော။ ၎င်းတို့၏ကောင်းမွန်လွန်း၍ မြင့်မြတ်သော အကျင့်စာရိတ္တကြောင့်လော။ အဆုံးတိုင်အောင် မကောင်းမှုစွမ်းအားများကို တိုက်ထုတ်ရန်ဟူသည့် ၎င်းတို့၏ ကြံ့ခိုင်သည့် စိတ်ဓာတ်ကြောင့်လော။ ဆုရရန်မဟုတ်ဘဲ ဘုရားသခင်ကိုသက်သေခံသည့် ၎င်းတို့၏ ယုံကြည်ခြင်းကြောင့်လော။ ဘုရားသခင်၏အလိုတော်ကို ဖြည့်ဆည်းရန် အရာအားလုံးကို စွန့်လွှတ်လိုသော ၎င်းတို့၏သစ္စာရှိမှုကြောင့်လော။ သို့မဟုတ် လွန်ကဲသည့် ကိုယ်ရေးကိုယ်တာလိုအပ်ချက်များကို အမြဲစွန့်လွှတ်စေခဲ့သည့် ၎င်းတို့၏ ဆက်ကပ်မှုစိတ်ဓာတ်ကြောင့်လော။ ရှင်းရှင်းပြောရပါက ဘုရားသခင်၏ စီမံခန့်ခွဲမှုအလုပ်ကို တစ်ခါမျှမသိခဲ့သူများအတွက် ဤမျှပေးဆပ်ခြင်းမှာ ကြီးမားသောအံ့သြဖွယ်ရာတစ်ရပ်ပင် ဖြစ်တော့သည်။ ယခုအချိန်တွင် ထိုသူတို့ မည်မျှပေးဆပ်ခဲ့ကြောင်းကို မဆွေးနွေးကြပါစို့နှင့်။ သို့ရာတွင် ၎င်းတို့၏အပြုအမူကို ငါတို့လွန်စွာသုံးသပ်ထိုက်ပေသည်။ ၎င်းတို့နှင့် လွန်စွာအနီးကပ် ဆက်စပ်လျက်ရှိသည့် အကျိုးကျေးဇူးများမှလွဲ၍ ဘုရားသခင်ကို မည်သည့်အခါကမျှ နားမလည်သော ထိုသူတို့တွင် ဘုရားသခင်အတွက် ဤမျှပေးဆပ်စေသည့် အခြားအကြောင်းရင်းများ ရှိနိုင်သလော။ ၎င်းတွင် ယခင်က မတွေ့ခဲ့သောပြဿနာတစ်ရပ်ကို ငါတို့တွေ့ရှိရသည်။ ဤသည်မှာ လူသားနှင့် ဘုရားသခင်၏ ဆက်ဆံရေးမှာ မိမိကိုယ်ကျိုးတစ်ခုတည်းကြောင့်သာဖြစ်သည် ဆိုခြင်းဖြစ်သည်။ ဤသည်မှာ ကောင်းချီးမင်္ဂလာများ လက်ခံရရှိသူနှင့် ပေးသူတို့အကြားရှိ ဆက်ဆံရေးဖြစ်သည်။ ရှင်းရှင်းပြောပါက အလုပ်သမားနှင့် အလုပ်ရှင်တို့အကြားရှိ ဆက်ဆံရေးကဲ့သို့ဖြစ်သည်။ အလုပ်သမားသည် အလုပ်ရှင်ချပေးသော ဆုလာဘ်များကို လက်ခံရရှိရေးအတွက်သာ အလုပ်လုပ်သည်။ ဤသို့သော ဆက်ဆံရေးတစ်ရပ်တွင် ချစ်ခြင်းမေတ္တာမရှိ၊ အပေးအယူတစ်ရပ်သာ ရှိသည်။ ချစ်ခြင်းနှင့် အချစ်ခံရခြင်းမရှိ။ ပေးကမ်းစွန့်ကြဲခြင်းနှင့် သနားညှာတာမှုသာ ရှိသည်။ နားလည်မှုမရှိခြင်း၊ ကြိတ်မှိတ်သည်းခံခြင်းနှင့် လှည့်ဖြားခြင်းသာ ရှိသည်။ ရင်းနှီးမှုမရှိ၊ ပေါင်းကူးခင်း၍မရနိုင်သော ကွာဟချက်သာ ရှိသည်။ ဤအနေအထားသို့ ရောက်ပြီဆိုပါက ဤသို့သောလမ်းကြောင်းကို မည်သူက ပြန်ပြောင်း၍ လှည့်လိုက်နိုင်မည်နည်း။ ဤဆက်ဆံရေးသည် မည်မျှဆိုးရွားလာပြီဖြစ်ကြောင်း လူဘယ်နှစ်ဦးသည် အမှန်တကယ် နားလည်နိုင်စွမ်း ရှိကြသနည်း။ လူများသည် ကောင်းချီးမင်္ဂလာခံစားရခြင်း၏ ဝမ်းမြောက်မှုတွင် မိမိတို့ကိုယ်ကို နှစ်မြုပ်ထားသည့်အခါ ဘုရားသခင်နှင့် ဤသို့သောဆက်ဆံရေးသည် မည်မျှရှက်ဖွယ်ကောင်းပြီး အမြင်မတော်သည်ကို မည်သူမျှစိတ်ကူးနိုင်မည် မဟုတ်ဟု ငါယုံကြည်သည်။

ဘုရားသခင်၏ အမှုအကြားတွင် လူသားသည် မိမိဘာသာစီမံခန့်ခွဲနေပြီး ဘုရားသခင်၏ စီမံခန့်ခွဲမှုကို အလေးမထားခြင်းမှာ ဘုရားသခင်အပေါ် လူသားမျိုးနွယ်၏ ယုံကြည်ခြင်းနှင့်ပတ်သက်၍ ဝမ်းနည်းစရာ အကောင်းဆုံး ဖြစ်သည်။ ဘုရားသခင်ကိုနာခံ၍ ကိုးကွယ်ရန်ဆောင်ရွက်နေစဉ် တစ်ချိန်တည်းတွင် လူသားသည် မိမိအကြိုက်နှစ်သက်ဆုံး ပန်းတိုင်ကို တည်ဆောက်နေကာ အကြီးမားဆုံး ကောင်းချီးမင်္ဂလာ ရရှိအောင်နှင့် အကောင်းဆုံး ပန်းတိုင်သို့ ရောက်ရှိအောင် မည်သို့လုပ်ဆောင်ရမည်ကို တွက်ချက်နေခြင်းသည် လူသား၏အကြီးမားဆုံးသော ကျရှုံးမှုဖြစ်သည်။ လူတို့သည် ၎င်းတို့မည်မျှ သနားဖွယ်ကောင်းကြောင်း၊ မုန်းဖွယ်ကောင်းကြောင်းနှင့် ကရုဏာသက်ဖွယ်ကောင်းကြောင်းကို နားလည်သည်ဆိုလျှင်ပင် ၎င်းတို့အကြိုက်ဆုံးအရာများနှင့် မျှော်လင့်ချက်များကို အလွယ်တကူ စွန့်လွှတ်နိုင်ကြသူ မည်မျှရှိသနည်း။ ထို့အပြင် မည်သူက ၎င်း၏ခြေလှမ်းများကို ရပ်တန့်ကာ မိမိအကြောင်းကိုသာ စဉ်းစားခြင်းကို ရပ်စဲနိုင်သနည်း။ ဘုရားသခင်သည် သူ၏စီမံခန့်ခွဲမှုကို ပြီးဆုံးအောင် ဆောင်ရွက်ရန် သူနှင့်အနီးကပ် ပူးပေါင်းလုပ်ကိုင်မည့်သူများ လိုအပ်သည်။ သူ့ကို နာခံရေးအတွက် သူ၏စီမံခန့်ခွဲမှု လုပ်ငန်းတွင် စိတ်ရောကိုယ်ပါ အပ်နှံမည့်သူများ လိုအပ်သည်။ နေ့စဉ်လက်ဖြန့်တောင်းသူမည့်များကို သူမလိုအပ်ပါ။ အနည်းငယ်သာပေး၍ ဤကျေးဇူးပြုမှုအတွက် ပြန်လည်ပေးဆပ်မှု ရယူရန် စောင့်နေသူများကို သာ၍ပင် မလိုပါ။ အနည်းငယ်သာ ပါဝင်လုပ်ကိုင်၍ မိမိတို့၏အောင်မြင်မှုများကို ကျေနပ်ကာ ဘာမျှဆက်မလုပ်တော့သည့်သူများကို ဘုရားသခင်က စက်ဆုပ်ရွံရှာသည်။ သူ၏စီမံခန့်ခွဲမှုလုပ်ငန်းအပေါ် မကျေမချမ်းဖြစ်ကာ ကောင်းကင်ဘုံရောက်ရေးနှင့် ကောင်းချီးမင်္ဂလာများ ရရှိရေးအကြောင်းကိုသာ ပြောလိုကြသည့် သွေးအေးသူများကို သူမုန်းတီးသည်။ လူသားတို့ကို ကယ်တင်ရေးအတွက် သူဆောင်ရွက်သည့်အလုပ်အပေါ် အခွင့်ကောင်းယူသူများကို ပို၍ပင် သူရွံမုန်းသည်။ ထိုသူတို့မှာ ဘုရားသခင်က သူ၏စီမံခန့်ခွဲမှုမှတစ်ဆင့် မည်သည့်အရာတို့ကို အောင်မြင်လိုပြီး မည်သည်တို့ကို ရရှိလိုကြောင်းနှင့် ပတ်သက်၍ မည်သည့်အခါကမျှ ဂရုမစိုက်ခဲ့သည့်အတွက် ဖြစ်သည်။ ၎င်းတို့သည် ကောင်းချီးမင်္ဂလာများရရှိရေးအတွက် ဘုရားသခင်၏အမှုတော်မှ ရရှိသည့်အခွင့်အရေးများကို မည်သို့အသုံးချနိုင်မည်ဆိုသည်ကိုသာ ဂရုစိုက်ကြသည်။ ၎င်းတို့၏အနာဂတ်နှင့် ကံကြမ္မာတို့အပေါ် လုံးဝအာရုံရောက်နေကြသည့်အတွက် ဘုရားသခင်၏စိတ်နှလုံးကို ဂရုမစိုက်ကြပါ။ ဘုရားသခင်၏ စီမံခန့်ခွဲမှုလုပ်ငန်းအပေါ် မကျေမချမ်းဖြစ်ကာ ဘုရားသခင်သည် လူသားမျိုးနွယ်တို့ကို ကယ်တင်ပုံအကြောင်းနှင့် သူ၏အလိုတော်တို့ကို အနည်းငယ်မျှပင် စိတ်မဝင်စားသူတို့သည် ၎င်းတို့နှစ်သက်ရာကိုသာ ဘုရားသခင်၏ စီမံခန့်ခွဲမှုမှ သီးခြားလုပ်ကိုင်နေကြသည်။ ၎င်းတို့၏အပြုအမူကို ဘုရားသခင်က အမှတ်ရခြင်းမရှိ၊ သဘောတူ ခွင့်ပြုခြင်းမရှိ၊ ဘုရားသခင်၏ မျက်နှာသာပေးခံရခြင်း သာ၍ပင်မရှိပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စီမံခန့်ခွဲမှုအထဲ၌သာ လူသားသည် ကယ်တင်ခြင်း ခံရနိုင်သည်” မှ

သင်ယခု မည်သည့်အရာကို လေ့လာလိုက်စားသင့်သနည်း။ သင်လေ့လာလိုက်စားသင့်သည့်အရာမှာ ဘုရားသခင်၏ လုပ်ဆောင်ချက်များကို သင်ဖော်ပြနိုင်စွမ်း ရှိမရှိ၊ သင်သည် ဘုရားသခင်ကို ထုတ်ဖော်ပြသနိုင်သူနှင့် ပေါ်လွင်စေသူ ဖြစ်လာနိုင်ခြင်း ရှိမရှိနှင့် သူ၏အသုံးပြုခြင်းကိုခံရန် သင့်လျော်မှု ရှိမရှိအပေါ်တွင် ဖြစ်သည်။ ဘုရားသခင်သည် သင့်ထဲတွင် အမှန်တကယ် မည်မျှအမှုပြုခဲ့ပြီးပြီနည်း။ သင်မည်မျှမြင်ပြီးပြီနည်း၊ တို့ထိခြင်းကို သင်မည်မျှခံခဲ့ပြီးပြီနည်း။ သင်မည်မျှကြုံတွေ့ခဲ့ပြီး မြည်းစမ်းပြီးပြီနည်း။ ဘုရားသခင်သည် သင့်ကို စမ်းသပ်ခဲ့ပြီးသည်ဖြစ်စေ၊ ကိုင်တွယ်ဖြေရှင်းခဲ့ပြီးသည်ဖြစ်စေ၊ သို့မဟုတ် ဆုံးမပဲ့ပြင်ခဲ့ပြီးသည်ဖြစ်စေ၊ မည်သို့ပင်ဖြစ်ပါစေ သူ၏လုပ်ရပ်များနှင့် သူ၏အမှုတို့ကို သင့်အပေါ်တွင် ပြုပြီးခဲ့ခြင်းဖြစ်သော်လည်း ဘုရားသခင်ကို ယုံကြည်သူတစ်ဦးအနေဖြင့်၊ ဘုရားသခင်၏ စုံလင်အောင်ပြုပေးခြင်းကို ခံရအောင် အားထုတ်လိုသူ တစ်ဦးအနေဖြင့် သင်သည် လက်တွေ့ကျသော သင်၏ကိုယ်ပိုင်အတွေ့အကြုံအားဖြင့် ဘုရားသခင်၏ လုပ်ရပ်တို့ကို ထုတ်ဖော်နိုင်စွမ်းရှိသလော။ ဤအရာအားဖြင့် ဘုရားသခင်၏ နှုတ်ကပတ်တော်ကို သင်လက်တွေ့ကျင့်သုံးနိုင်သလော။ လက်တွေ့ကျသော သင်၏ကိုယ်ပိုင်အတွေ့အကြုံအားဖြင့် အခြားသူများကို သင်ထောက်ပံ့ပေးနိုင်သလော၊ ထို့ပြင် ဘုရားသခင်၏အမှုအတွက် သင့်ကိုယ်သင် အသုံးခံနိုင်သလော။ ဘုရားသခင်၏ လုပ်ရပ်များကို သက်သေခံနိုင်ရန်အတွက် သူ၏လုပ်ရပ်များမှာ မည်သည်တို့ဖြစ်ကြောင်းကို သင်ဖော်ပြနိုင်စွမ်းရှိရမည်၊ သင်၏အတွေ့အကြုံ၊ အသိပညာနှင့် သင်သည်းညည်းခံခဲ့သော ဒုက္ခဆင်းရဲအားဖြင့်သာ ထိုသို့သက်သေခံနိုင်မည်။ သင်သည် ဘုရားသခင်၏လုပ်ရပ်တို့ကို သက်သေခံသောသူတစ်ဦး ဖြစ်သလော။ သင်၌ ဤသို့ပြင်းပြသောဆန္ဒ ရှိသလော။ အကယ်၍ သင်သည် သူ၏နာမတော်ကို သက်သေခံနိုင်သောသူဖြစ်သည်သာမက သူ၏လုပ်ရပ်တို့ကိုလည်း သက်သေခံနိုင်ပြီး သူ၏လူတို့ကို သူတောင်းဆိုသော ပုံသဏ္ဌာန်ဖြင့် အသက်ရှင်နေထိုင်နိုင်ပါက သင်သည် ဘုရားသခင်အတွက် သက်သေခံတစ်ဦးဖြစ်သည်။ အကယ်စင်စစ် သင်သည် ဘုရားသခင်အတွက် မည်သို့သက်သေခံသနည်း။ ဘုရားသခင်၏ နှုတ်ကပတ်တော်ကို လက်တွေ့ကျင့်သုံးရန် ကြိုးစားခြင်းနှင့် တောင့်တခြင်း၊ သင်၏စကားများအားဖြင့် သက်သေခံခြင်း၊ သူ၏လုပ်ရပ်တို့ကို လူတို့အား သိစေခြင်းနှင့် မြင်စေခြင်းစသည့်အရာအားလုံးကို အမှန်တကယ် သင်ရှာဖွေပါက ဘုရားသခင်သည် သင့်ကိုစုံလင်အောင်ပြုပေးလိမ့်မည်။ အကယ်၍ သင်သည် ဘုရားသခင်၏ စုံလင်အောင်ပြုပေးခြင်းနှင့် နောက်ပိတ်ဆုံးတွင် ကောင်းချီးမင်္ဂလာကို ခံစားရရန်သာ ရှာဖွေပါက ဘုရားသခင်အပေါ် သင်၏ယုံကြည်ခြင်း ရှုထောင့်မှာ မဖြူစင်ပေ။ လက်တွေ့အသက်တာထဲတွင် ဘုရားသခင်၏လုပ်ဆောင်ချက်များကို မည်သို့မြင်နိုင်ပုံ၊ သူ၏အလိုတော်ကို သင့်အား သူဖွင့်ပြသောအခါ သူ့ကို မည်သို့ကျေနပ်စေနိုင်ပုံတို့ကို သင်လေ့လာလိုက်စားသင့်သည်၊ သူ၏အံ့သြကြီးမြတ်ခြင်းနှင့် ဉာဏ်ပညာကို မည်သို့သက်သေခံနိုင်ပုံနှင့် သင့်အပေါ် သူ၏ဆုံးမပဲ့ပြင်ခြင်းနှင့် ကိုင်တွယ်ဖြေရှင်းခြင်းတို့ကို မည်သို့ထင်ရှားစေနိုင်ပုံတို့ကို သင်ရှာဖွေသင့်သည်။ ထိုအရာအားလုံးမှာ သင်နားလည်သဘောပေါက်ရန် ယခုကြိုးစားသင့်သော အရာများဖြစ်သည်။ အကယ်၍ ဘုရားသခင်အပေါ်ထားရှိသော သင်၏ချစ်ခြင်းသည် သင့်ကို စုံလင်အောင် သူပြုပြီးနောက် ဘုရားသခင်၏ဘုန်းတော်ကို သင်ဝေမျှယူနိုင်ရန်အတွက်သာဖြစ်ပါက ၎င်းမှာ မလုံလောက်သေးဘဲ ဘုရားသခင်၏ သတ်မှတ်ချက်များကို မပြည့်မီနိုင်သေးပေ။ သင်သည် ဘုရားသခင်၏ လုပ်ရပ်များကို သက်သေခံနိုင်ရန်၊ သူ၏တောင်းဆိုချက်များကို ဖြည့်ဆည်းနိုင်ရန်နှင့် လူတို့အပေါ် သူပြုခဲ့ပြီးသောအမှုတို့ကို လက်တွေ့ကျသည့် နည်းလမ်းဖြင့် ကြုံတွေ့ခံစားနိုင်ရန် လိုအပ်သည်။ ဒုက္ခဝေဒနာဖြစ်စေ၊ မျက်ရည်များဖြစ်စေ၊ သို့မဟုတ် ဝမ်းနည်းခြင်းဖြစ်စေ သင်သည် အားလုံးကို လက်တွေ့ကျကျ ကြုံတွေ့ခံစားရမည်။ ဤသည်မှာ သင်သည် ဘုရားသခင်၏ သက်သေခံတစ်ဦး ဖြစ်နိုင်ရန်အတွက်ပင်ဖြစ်သည်။ အတိအကျအားဖြင့် မည်သည့်အရာ၏ အုပ်စိုးမှုအောက်တွင် သင်ယခုဒုက္ခဆင်းရဲခံနေရပြီး စုံလင်ခြင်းကို ရှာဖွေနေသနည်း။ ၎င်းမှာ ဘုရားသခင်အတွက် သက်သေခံရန်အလို့ငှာ ဖြစ်သလော။ ၎င်းမှာ ဇာတိပကတိ၏ ကောင်းချီးမင်္ဂလာများအတွက်၊ သို့မဟုတ် အနာဂတ်တက်လမ်းအတွက် ဖြစ်သလော။ သင်၏ရည်ရွယ်ချက်များ၊ စိတ်ပါဝင်စားမှုများနှင့် ရရှိအောင် အားထုတ်ရမည့် ပုဂ္ဂိုလ်ရေးရာပန်းတိုင်များ အားလုံးကို တည့်မတ်မှန်ကန်စေရမည်ဖြစ်ပြီး သင်၏ကိုယ်ပိုင်ဆန္ဒဖြင့် ဦးဆောင်၍မရနိုင်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်” မှ

ယခင်က:ဘုရားသခင်ကို ယုံကြည်သူများ ပိုင်ဆိုင်သင့်သော သန့်ရှင်းသူများနှင့်ဆိုင်သော ကျင့်ဝတ်

နောက်တစ်ခုသို့:ဒုက္ခဆင်းရဲ၏အဓိပ္ပာယ်နှင့် ဘုရားသခင်ကို ယုံကြည်သူများ သည်းခံရမည့် ဒုက္ခဆင်းရဲအမျိုးအစား

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ