အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ခုနှစ် ယုံကြည်သူ အသစ်များမှ နားလည်ထားသင့်သည့် အနည်းဆုံးဖြစ်သော သမ္မာတရားများ၏ အခြားသော ရှုထောင့် အချို့

၆။ ဒုက္ခဆင်းရဲ၏အဓိပ္ပာယ်နှင့် ဘုရားသခင်ကို ယုံကြည်သူများ သည်းခံရမည့် ဒုက္ခဆင်းရဲအမျိုးအစား

ဆက်စပ်သော ဘုရားသခင်၏ နှုတ်ကပတ်တော်များ -

ယနေ့တွင် လူအများစုမှာ ထိုအသိပညာမရှိကြပါ။ ဒုက္ခဝေဒနာခံစားရခြင်းက အဖိုးမထိုက်ဟု သူတို့ယုံကြည်ကြသည်၊ သူတို့သည် လောကကမ္ဆာ၏ စွန့်ပစ်ခြင်းကိုခံကြရသည်၊ သူတို့၏နေထိုင်မှု အသက်တာမှာ ပြဿနာဖြစ်နေသည်၊ သူတို့သည် ဘုရားသခင်၏ ချစ်မြတ်နိုးခြင်းခံရသူများ မဟုတ်ဘဲ သူတို့၏ မျှော်လင့်ချက်များမှာ ညှို့မှိုင်းလျက်ရှိနေသည်။ အချို့သူများ၏ဝေဒနာခံစားရခြင်းက အဆင့်တစ်ခုသို့ ရောက်ရှိသည့်အခါ၊ သူတို့၏အတွေးများသည် သေခြင်းသို့ လှည့်သွားကြသည်။ ယင်းသည် ဘုရားသခင်ကို အမှန်တကယ် ချစ်မြတ်နိုးခြင်းမဟုတ်ပါ။ ထိုသို့သော လူများသည် သူရဲဘောကြောင်သူများဖြစ်ပြီး၊ သူတို့တွင် ဇွဲလုံ့လဝီရိယ မရှိကြပါ၊ သူတို့သည် အားနည်းပြီး အစွမ်းအစ မရှိသူများဖြစ်ကြသည်။ ဘုရားသခင်သည် လူသားများက သူ့အားချစ်မြတ်နိုးရန် စိတ်ပြင်းပြစွာ မျှော်လင့်နေသည်။ သို့သော် လူသားများက သူ့ကိုချစ်လေ၊ လူသားများက ဝေဒနာ ပိုခံစားရလေဖြစ်ပြီး၊ လူသားများက သူ့ကိုချစ်လေ၊ လူသားများက သူ၏စစ်ဆေးမှုကို ခံစားရလေဖြစ်သည်။ သင်သူ့ကိုချစ်လျှင် ဒုက္ခဝေဒနာ အခုတိုင်းစီက သင့်အပေါ်သို့ ကျရောက်လိမ့်မည်—သင်ကသူ့ကို မချစ်လျှင်၊ သင့်အတွက် အရာရာတိုင်းက ချောမွေ့စွာ သွားနေကောင်းသွားနေလိမ့်မည့်အပြင်၊ သင့်အနားတဝိုက်ကလည်း ငြိမ်းချမ်းနေလိမ့်မည်။ သင်ဘုရားသခင်ကိုချစ်သည့်အခါ၊ သင့်အနားတဝိုက်ရှိနေသည့်အရာများကို သင်မကျော်လွှားနိုင်ဟု ခံစားရလိမ့်မည်၊ သင်၏ဝိညာဉ်အသက်တာမှ အရမ်းသေးနုပ်နေသည့်အတွက် သင်သည် စစ်ဆေးခြင်း ခံရလိမ့်မည်။ ဒါထက်ပိုပြီး၊ သင်သည် ဘုရားသခင်ကို ကျေနပ်မှုမပေးနိုင်၊ ဘုရားသခင်၏ အလိုတော်က အလွန်မြင့်မားလှပြီး လူတို့တတ်နိုင်သည့် အရာမဟုတ်ပါဟု သင်အမြဲ ခံစားရလိမ့်မည်။ အားလုံးက ဒီလိုဖြစ်နေသည့်အတွက် သင်သည် စစ်ဆေးခြင်းခံရမည်—သင့်အတွင်းတွင် အားနည်းချက် များစွာရှိသည့်အတွက်၊ ဘုရားသခင်၏ အလိုတော်ကို ဖြည့်ဆည်းပေးရန် မတတ်နိုင်ခြင်းက များနေသည့်အတွက်၊ သင်၏အတွင်းပိုင်း၌ စစ်ဆေးခြင်းခံရလိမ့်မည်။ စင်ကြယ်အောင်လုပ်ဆောင်ခြင်းက စစ်ဆေးခြင်းဖြင့်သာ ရရှိအောင်မြင်နိုင်သည်ကို သင်တို့အနေဖြင့် ရှင်းလင်းစွာ တွေ့မြင်တတ်ရမည်။… လူသားသည် အခက်အခဲနှင့် စစ်ဆေးခြင်းကို ကြုံတွေ့ပြီးမှသာလျှင်၊ ဘုရားသခင်၏ နှစ်လိုဖွယ်ကောင်းခြင်းကို သိရှိလာသည်။ ယနေ့ထိတိုင် အတွေ့အကြုံများရရှိခဲ့ပြီးမှ လူသားသည် ဘုရားသခင်၏ နှစ်လိုဖွယ်ကောင်းခြင်း တစိတ်တပိုင်းကို သိရှိလာသည်ဟု ပြောနိုင်သည်—သို့သော် လူသားသည် ချို့တဲ့မှု များလွန်းသည့်အတွက်၊ ဒါကမလုံလောက်သေးပါ။ သူသည် ဘုရားသခင်၏ အံ့သြဖွယ် လုပ်ဆောင်မှုများနှင့် ဘုရားသခင် ချပေးတော်မှုသည့် စစ်ဆေးခြင်းများကို ထပ်ပြီးတွေ့ကြုံရဦးမည်။ သို့မှသာလျှင် လူသားအသက်တာ၏ သဘောသဘာဝသည် ပြောင်းလဲခြင်းကို ခံရမည်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "နာကျင်သည့်စမ်းသပ်မှုများကို တွေ့ကြုံပြီးမှသာ သင်သည် ဘုရားသခင်၏နှစ်လိုဖွယ်ကောင်းခြင်းကို သိနိုင်မည်" မှ

စိတ်မပျက်နှင့်၊ ခွန်အားမနည်းနှင့်၊ ငါသည် သင့်အား ထုတ်ဖော်ပြသမည်။ နိုင်ငံတော်သို့ သွားသောလမ်းသည် ထိုမျှလောက် ချောမွေ့ခြင်းမရှိ၊ မည်သည့် အရာမျှ ထိုသို့ မရိုးရှင်းပေ။ ကောင်းချီးများကို သင်သည် အလွယ်တကူ လိုချင်သည် မဟုတ်လော။ ယနေ့တွင် လူတိုင်းသည် ခါးသီးသော စစ်ဆေးစီရင်ခြင်းကို ကြုံတွေ့ရလိမ့်မည်၊ ထိုကဲ့သို့မဟုတ်လျှင် သင်တို့၏ ငါ့ကို ချစ်သော နှလုံးသားသည် ကြီးထွား သန်မာလာလိမ့်မည် မဟုတ်ဘဲ၊ သင်သည်လည်း ငါ့အတွက် စစ်မှန်သော ချစ်ခြင်းမေတ္တာ ရှိလိမ့်မည်မဟုတ်။ ဤအရာသည် အရေးမပါသော အခြေအနေများသာ ဖြစ်လျှင်ပင်၊ လူတိုင်း ၎င်းတို့ကို ကျော်ဖြတ်ရမည်၊ ၎င်းတို့မှာ အတိုင်းအတာတစ်ခုထိသာ ကွာခြားခြင်း ဖြစ်သည်။ အခြေအနေသည် ငါ၏ ကောင်းချီးများထဲမှ တစ်ခုဖြစ်ပြီး၊ အဘယ်မျှလောက်သော လူတို့သည် မကြာခဏ ငါ့ရှေ့၌ ဒူးထောက်ကာ၊ ငါ၏ ကောင်းချီးကို တောင်းခံသနည်း။ မိုက်မဲသော ကလေးတို့။ အနည်းငယ်သော ကံကောင်းသည့် စကားလုံးတို့ကို ငါ၏ကောင်းချီးဖြစ်သည်ဟု သင်တို့သည် အမြဲတမ်း ယူဆကြသည်၊ သို့သော် ခါးသီးမှုသည်လည်း ငါ၏ ကောင်းချီးများထဲမှ တစ်ခုဖြစ်ကြောင်း မယူဆကြပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "အခန်း ၄၁" အစအဦး၌ ခရစ်တော်၏မိန့်မြွက်ချက်များ မှ

လူကို စစ်ဆေးရန် ဘုရားသခင်အမှုပြုသည့်အခါ လူသည် ထိခိုက်ခံစားရသည်၊ ဘုရားသခင်အပေါ် သူ၏ချစ်ခြင်း သာ၍ကြီးမားလာပြီး ဘုရားသခင်၏ တန်ခိုးကြီးမားမှုသည် သူ့အထဲတွင် ပို၍ ပေါ်ထွက်လာသည်။ အနည်းငယ်အစစ်ဆေးခံရသော လူသည် ဘုရားသခင်ကို အနည်းငယ်ချစ်ပြီး သူ့အထဲတွင် ဘုရားသခင်၏ တန်ခိုးကြီးမားမှုသည် အနည်းငယ် ပေါ်ထွက်မည်။ အစစ်ဆေးခံရခြင်းနှင့် နာကျင်ခြင်း ကြီးမားပြီး အညှဉ်းဆဲခံရခြင်း များလေ၊ ဘုရားသခင်ကိုချစ်သော သူ၏စစ်မှန်သည့်ချစ်ခြင်းမှာ ပို၍နက်ရှိုင်းလေ၊ ဘုရားသခင်အပေါ် ထားရှိသော သူ၏ယုံကြည်ခြင်း ပို၍စစ်မှန်လေဖြစ်ပြီး ဘုရားသခင်ကိုသိသော ပညာသည် ပို၍ နက်ရှိုင်းလာလေ ဖြစ်မည်။ ကြီးမားသော စစ်ဆေးခြင်းနှင့် နာကျင်ခြင်းကို သာမက များစွာ ကိုင်တွယ်ဖြေရှင်းခြင်းနှင့် ဆုံးမပဲ့ပြင်ခြင်းကို ခံရသောသူများ၌ ဘုရားသခင်အပေါ် နက်နက်နဲနဲ ချစ်သောချစ်ခြင်းရှိကာ ဘုရားသခင်အကြောင်းကို ထိုးထွင်းသိမြင်နိုင်ပြီး အလွန်လေးနက်သော ပညာရှိကြောင်း သင်၏အတွေ့အကြုံများထဲမှ သင်မြင်ရမည်။ ကိုင်တွယ်ဖြေရှင်းခြင်း မခံဖူးသေးသော သူများ၌ ရှိသောပညာမှာ အပေါ်ယံဖြစ်ပြီး ၎င်းတို့သည် "ဘုရားသခင် အလွန်ကောင်းမြတ်တယ်၊ လူတွေ သူနဲ့မွေ့လျော်နိုင်ဖို့အတွက် သူတို့အပေါ် ကျေးဇူးတော် သွန်းလောင်းပေးတယ်" ဟူ၍သာ ပြောနိုင်ကြသည်။ အကယ်၍ လူတို့သည် ကိုင်တွယ်ဖြေရှင်းခြင်းနှင့် ဆုံးမပဲ့ပြင်ခြင်းကို ခံဖူးပါက ၎င်းတို့သည် ဘုရားသခင်ကို သိသည့် မှန်သောပညာအကြောင်း ပြောနိုင်ကြမည်။ ထို့ကြောင့် လူအထဲ၌ ဘုရားသခင်ပြုသောအမှုသည် ပို၍အံ့သြဖွယ်ကောင်းလေ၊ ယင်းအမှုသည် သာ၍တန်ဖိုးရှိပြီး အဓိပ္ပာယ်ရှိလေဖြစ်သည်။ ဘုရားသခင်ပြုသောအမှုသည် သင့်အတွက် သာ၍ပိတ်ဆီးနေပြီး သင်၏အယူအဆများနှင့် သဟဇာတမဖြစ်လေ၊ ယင်းအမှုသည် သင့်ကို သိမ်းပိုက်ရန်၊ သင့်ကို ရရန်နှင့် သင့်ကို စုံလင်ခြင်းသို့ရောက်စေရန် ပို၍ပြုနိုင်စွမ်းရှိလေဖြစ်သည်။ ဘုရားသခင်ပြုသောအမှု၏အဓိပ္ပာယ်မှာ အင်မတန် ကြီးမားလေခြင်း။ အကယ်၍ ဘုရားသခင်သည် လူကို ဤနည်းဖြင့် မစစ်ဆေးပါက၊ အကယ်၍ သူသည် ဤနည်းလမ်းအတိုင်း အမှုမပြုပါက၊ သူပြုသောအမှုသည် မထိရောက်ဘဲ အဓိပ္ပာယ်ကင်းမဲ့နေမည်။ ဤအရာမှာ နောက်ဆုံးသော ကာလအတောအတွင်း သူ၏ လက်ရွေးစင် လူစုတစ်စုမှာ သာမန်ထက်ပို၍ အဓိပ္ပာယ်ပြည့်ဝနေသည့် နောက်ခံအကြောင်းရင်းဖြစ်သည်။ ဘုရားသခင်သည် ဤလူစုကို ရွေးကောက်ပြီး ရယူလိမ့်မည်ဟု ယခင်က ဆိုခဲ့ခြင်းဖြစ်သည်။ သင်တို့အထဲတွင် သာ၍ကြီးသောအမှုကို သူပြုလေ၊ သင်တို့၏ ချစ်ခြင်းသည် သာ၍နက်ရှိုင်းပြီး စင်ကြယ်လေဖြစ်သည်။ ဘုရားသခင်ပြုသောအမှု ပို၍ကြီးမားလေ၊ လူသည် သူ၏ ဉာဏ်ပညာကို ပို၍မြည်းစမ်းရလေဖြစ်ပြီး ဘုရားသခင်ကို သိသော သူ၏ပညာ သာ၍နက်ရှိုင်းလေ ဖြစ်သည်။… ယခု သင်သည် အနည်းငယ်သော စစ်ဆေးခြင်းကို ခံနေရသော်လည်း ၎င်းသည် သင်၏အသက်တာ ကြီးထွားရင့်ကျက်ရန်အတွက် များစွာအကျိုးပြုသည်။ ထို့ကြောင့် သင်တို့အတွက် ယင်းကဲ့သို့ ခက်ခဲမှုမျိုးမှာ မရှိမဖြစ်အလိုအပ်ဆုံး ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်" မှ

သမ္မာတရားအတွက် ခက်ခဲမှုကို သင်ခံစားရမည်၊ သမ္မာတရားအတွက် သင့်ကိုယ်သင် ပေးဆပ်ရမည်၊ သမ္မာတရားအတွက် အရှက်တကွဲဖြစ်ခြင်းကို ခံရမည်၊ ထို့နောက် သမ္မာတရားကို သင်ပိုမိုရရှိရန်အတွက် ပို၍ပင် ဒုက္ခဆင်းရဲခံရပေမည်။ ဤသည်မှာ သင်လုပ်သင့်သည့် အရာဖြစ်သည်။ ငြိမ်းချမ်းသော မိသားစုဘဝတစ်ခုအတွက် သမ္မာတရားကို သင်လက်မလွှတ်ရ၊ တဒင်္ဂပျော်ရွှင်မှုအတွက် သင့်ဘဝ ဂုဏ်သိက္ခာနှင့် သမာဓိကို အဆုံးရှုံးမခံရ။ လှပကောင်းမွန်သောအရာ အားလုံးကို သင်လေ့လာလိုက်စားရမည်၊ ပိုမိုလေးနက်သော ဘဝလမ်းကြောင်းကို ရှာမှီးသင့်သည်။ ဤသို့သော ပေါ့တန်သည့်ဘဝတွင် သင်နေထိုင်ပြီး မည်သည့် ရည်ရွယ်ချက်နောက်ကိုမျှ မလိုက်လျှင် သင့်ဘဝကို အချည်းနှီးဖြစ်စေသည် မဟုတ်လော။ ထိုသို့သော ဘဝမှ မည်သည့်အရာကို သင်ရနိုင်မည်နည်း။ အမှန်တရားတစ်ခုအတွက် လူ့လောက၏ ပျော်မွေ့ဖွယ်ရာများ အားလုံးကို ကျော်ခိုင်းသင့်ပြီး ပျော်ရွှင်မှုအနည်းငယ်အတွက် အမှန်တရားအားလုံးကို မစွန့်ပယ်သင့်။ ဤကဲ့သို့သောသူများတွင် သမာဓိ သို့မဟုတ် ဂုဏ်သိက္ခာ မရှိ၊ သူတို့၏ ဖြစ်တည်မှုသည် အဓိပ္ပါယ်အလျှင်းမရှိ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ပေတရု၏ အတွေ့အကြုံများ- သူသိသော ပြစ်တင်ဆုံးမခြင်းနှင့် တရားစီရင်ခြင်းအကြောင်း" မှ

သူ၏အလိုကို မည်ကဲ့သို့ သတိထားရမည်၊ ဘုရားသခင်၏အလိုတော်သည် အဘယ်အရာနည်း ဆိုသည်ကို သင်နားလည်သင့်သည့်အချိန်၌ အခက်အခဲများကို သင်တောင့်ခံဖို့ လိုအပ်သော ပြဿနာတစ်ခု ဖြစ်သည်။ သင်က ကိုယ့်ကိုယ်ကိုယ် ကျေနပ်အားရ မနေရပေ။ ပထမဆုံး သင့်ကိုယ်သင် တစ်ဖက်မှာ ထားလိုက်ပါ။ ဇာတိပကတိထက် ဆိုးဝါးသောအရာ ဘာမျှမရှိပေ။ ဘုရားသခင်ကို ကျေနပ်စေဖို့ ကြိုးစားလုပ်ဆောင်ရမည်ဖြစ်ပြီး သင်၏ တာဝန်ကို ပြီးပြည့်စုံစေရပါမည်။ ဤကဲ့သို့အတွေးမျိုးနှင့်ဆိုလျှင် ဘုရားသခင်သည် ဤကိစ္စ၌ သင့်ဆီကို ထူးခြားသော ထိုးထွင်းသိမြင်ခြင်းအလင်းကို သယ်ဆောင် လာပါလိမ့်မည်။ ပြီးလျှင် သင့်နှလုံးသားသည်လည်း သက်သာခြင်းကို တွေ့ရှိလိမ့်မည်။ ကြီးမားသောအရာဖြစ်ပါစေ၊ သေးငယ်သောအရာဖြစ်ပါစေ၊ သင်၌ တစ်ခုခုဖြစ်သည့်အခါ သင့်ကိုယ်သင် ဘေးတစ်ဖက်မှာထားပြီး ဇာတိပကတိကို အရာအားလုံး၏ အနိမ့်ကျဆုံးအနေနှင့် သတ်မှတ်ပါ။ ဇာတိပကတိကို သင်က ကျေနပ်မှုပေးလေလေ ပိုပြီး အခွင့်အရေး ယူလေလေ ဖြစ်သည်။ ဤတစ်ကြိမ် ကျေနပ်စေခဲ့လျှင် နောက်တစ်ကြိမ်ရောက်သောအခါ ပိုပြီး တောင်းဆိုလိမ့်မည်။ ဤကဲ့သို့ဆက်ပြီးဖြစ်လျှင် သင်က ဇာတိပကတိကို ပိုပြီး ချစ်ခင်လာလိမ့်မည်။ ဇာတိပကတိသည် အလိုရမ္မက် သိပ်ကြီးသည်။ သင်စားသည့်အရာဖြစ်စေ၊ ဝတ်သည့်အရာဖြစ်စေ၊ သို့မဟုတ် ရုတ်တရက် စိတ်ဆိုးသည့်အခါဖြစ်စေ၊ သို့မဟုတ် မိမိ၏ ပျော့ညံ့မှု၊ ပျင်းရိမှုထဲ၌ ပျော်မွေ့နေသည်ဖြစ်စေ၊ သင်ကျေနပ်သလော၊ တကယ် ကျေနပ်စေသလောဆိုသည်ကို အမြဲတမ်းမေးသည်။ လူတွေ၏ ဇာတိပကတိသည် ပိုပြီးနက်ရှိုင်းသည့် အယူအဆတွေထဲ၌ နှစ်မြုပ်ပြီး ဘုရားသခင်ကို မနာခံသည့်အထိ၊ သူ့ကိုယ်သူ မြှောက်စားလာပြီး ဘုရားသခင်၏ အမှုကို သံသယဝင်လာသည့်အထိ ဇာတိပကတိကို သင်က ကျေနပ်မှုပေးလေလေ သူ၏ဆန္ဒက ပိုပြီး ကြီးလာလေလေ၊ ဇာတိပကတိသည် ပိုပြီး ဆိုးဝါးလာလေလေ ဖြစ်သည်။… ထို့ကြောင့် သင်သည် ဇာတိပကတိကို ဆန့်ကျင်တွန်းလှန်ပြီး စွဲလမ်းခြင်း မရှိရ။ သင်၏ ယောင်္ကျား၊ မိန်းမ၊ သားသမီး၊ ရှေ့ရေး၊ အိမ်ထောင်၊ မိသားစု၊ အဘယ်တစ်ခုမျှ အရေးမကြီးချေ။ သင်၌ ဤခံယူချက်ရှိဖို့ လိုသည်။ "ငါ၏ နှလုံးသားထဲ၌ ဘုရားသခင်သာရှိသည်။ ဘုရားသခင်ကို ကျေနပ်စေဖို့၊ ဇာတိပကတိကို ကျေနပ်မှုမပြုဖို့ အကောင်းဆုံး ကြိုးစားရမည်။" ဤကဲ့သို့ ခံယူချက်မျိုးကို သင် အမြဲတမ်း ပိုင်ဆိုင်သည်ဆိုလျှင် အမှန်တရားကို လက်တွေ့ကျင့်သုံးပြီး သင့်ကိုယ်သင် ဘေးဖယ်ထားသည့်အခါမှာ သိပ်အားထုတ်စရာ မလိုဘဲ ပြုလုပ်နိုင်ပါလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်" မှ

ဘုရားသခင်က လူများကို သူတို့အတွင်းမှာရှိသော အရာများကို ကိုင်တွယ်ဖို့အတွက်၊ သူတို့၏အတွေးတွေနှင့် ရင်ဆိုင်ဖို့အတွက်၊ ဘုရားသခင်၏ နှလုံးသား နောက်ကိုလိုက်သော သူတို့၏ အယူအဆတွေကို ကိုင်တွယ်ဖို့အတွက် သမ္မာတရားကို လက်တွေ့ အဓိက ကျင့်သုံးဖို့ တောင်းဆိုသည်။ သန့်ရှင်းသော ဝိညာဉ်တော်သည် လူများ၏ အတွင်းကို ထိတွေ့ပြီး သူတို့အတွင်းမှာ သူ၏အလုပ်ကို လုပ်ဆောင်သည်။ ထို့ကြောင့် ဖြစ်ပျက်နေသည့် အရာအားလုံး၏ နောက်မှာ တိုက်ပွဲတစ်ခုရှိသည်။ လူတို့ သမ္မာတရားကို လက်တွေ့ကျင့်သုံးတဲ့ အချိန်တိုင်း၌ သို့မဟုတ် ဘုရားသခင်၏ ချစ်ခြင်းမေတ္တာကို လက်တွေ့ ကျင့်သုံးသည့်အခါ ကြီးမားသည့် တိုက်ပွဲတစ်ခုရှိသည်။ သူတို့၏ ဇာတိပကတိမှာ အားလုံးက အဆင်ပြေနေပုံပေါက်သော်လည်း သူတို့၏ နှလုံးသားအတွင်းပိုင်းမှာ သေရေးရှင်ရေးတိုက်ပွဲတစ်ခု ဖြစ်ပေါ်နေသည်။ ဤတိုက်ပွဲ ပြီးဆုံးသည့်အခါမှသာ၊ များပြားလှသည့် တွေးတောခြင်းများ အပြီးမှာမှ အောင်မြင်မှုနှင့် ကျရှုံးမှုကို သိရှိနိုင်သည်။ လူသည် ငိုရမလား၊ ရယ်ရမလားဆိုသည်ကို မသိနိုင်။ အဘယ်ကြောင့်ဆိုလျှင် လူတို့၏ အတွင်း၌ရှိသော အကြောင်းပြချက်များသည် မှားယွင်းနေသည်။ သို့မဟုတ် ဘုရားသခင်၏ အမှုအများစုသည် သူတို့၏ အယူအဆများနှင့် တစ်မျိုးဖြစ်နေသည့် အတွက်ပင်။ လူများသည် သမ္မာတရားကို လက်တွေ့ ကျင့်သုံးသည့်အချိန်၌ နောက်ကွယ်၌ကား ကြီးမားသည့် တိုက်ပွဲကြီးတစ်ခု ဖြစ်ပွားနေသည်။ ဤသမ္မာတရားကို လက်တွေ့ကျင့်ကြံသည့်အခါ အဆုံးမှာ သူတို့၏ စိတ်များကို ဘုရားသခင်အတွက် ဖြည့်ဆည်းဖို့ မပြုလုပ်ခင်မှာ နောက်ကွယ်၌ လူများသည် မရေတွက်နိုင်သည့် ဝမ်းနည်းခြင်း မျက်ရည်များ ကျကြရမည်။ ဤသည်မှာ နာကျင်မှုနှင့် ပြုပြင်မှုကို လူတွေခံရသည့် ဤတိုက်ပွဲကြောင့်ပင်။ ဤသည်မှာ စစ်မှန်သည့် ဒုက္ခခံစားရခြင်းပင် ဖြစ်သည်။ တိုက်ပွဲသည် သင့်အပေါ်ကို ကျရောက်လာသည့်အခါ သင်သည် ဘုရားသခင်ဘက်မှ အမှန်တကယ် ရပ်တည်နိုင်လျှင် သင်က ဘုရားသခင်ကို ကျေနပ်စေမှာဖြစ်သည်။ သမ္မာတရားကို လက်တွေ့ကျင့်သုံးခြင်းဖြစ်စဉ်မှာ ဒုက္ခခံစားရခြင်းသည် ရှောင်လွှဲ၍မရနိုင်ချေ။ လူတို့သည် သမ္မာတရားကို ကျင့်ကြံသည့်အခါ သူတို့ အတွင်းထဲက အရာအားလုံးသည် မှန်ကန်သည်ဆိုလျှင်၊ ဤသည်မှာ သူတို့သည် ဘုရားသခင်အားဖြင့် ပြည့်စုံအောင် ပြုလုပ်ပေးဖို့ လိုအပ်လိမ့်မည် မဟုတ်ပေ။ ပြီးလျှင် တိုက်ပွဲဆိုသည်မှာလည်း ရှိမည် မဟုတ်ချေ။ ဒုက္ခလည်း ခံစားရမည် မဟုတ်။ ဤသည်မှာ ဘုရားသခင် အသုံးပြု၍မရနိုင်သည့် အရာများစွာက လူအတွင်းမှာ ရှိနေပြီး ဇာတိပကတိကို ဆန့်ကျင်တွန်းလှန်မှု သင်ခန်းစာကို များစွာ သင်ယူဖို့လိုအပ်သည့် ဇာတိပကတိ၏ တွန်းလှန်မှု အတွင်းသဘောတရားများ များစွာ ရှိနေ၍ဖြစ်သည်။ ဤသည်မှာ ဘုရားသခင်က လူသားကို သူနှင့်အတူဖြတ်သန်းဖို့ တောင်းဆိုသည့် ဒုက္ခခံစားခြင်းဟု ဘုရားသခင်ခေါ်ဆိုသည့် အရာပါပင်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်" မှ

ယခင်က:ဘုရားသခင်၌ ယုံကြည်ခြင်းမှာ ငြိမ်သက်ခြင်းနှင့် ကောင်းချီးမင်္ဂလာများကို ရှာရန်အတွက်သာ မဖြစ်သင့်ပေ

သင်နှစ်သက်နိုင်သည့် အရာများ