အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ပန်းတိုင်

ပန်းတိုင်အကြောင်းကို ပြောသည့်အခါတိုင်း သင်တို့သည် ထိုအကြောင်းအရာကို အထူးအလေးအနက်ထား ပြောဆိုတတ်ကြသည်။ သင်တို့အားလုံးသည် ထိုကိစ္စနှင့်ပတ်သက်လျှင် အထူးတလည် ထိလွယ်ရှလွယ်တတ်ကြသည်။ အချို့သောပုဂ္ဂိုလ်များသည် ကောင်းမွန်သော ပန်းတိုင်တစ်ခုကို အဆုံးတွင် ရဖို့အတွက် ဘုရားသခင်ကို အလွန်ပင် ဦးညွှတ်ပြပ်ဝပ်ချင်နေကြသည်။ သင်တို့၏ စိတ်အားထက်သန်မှုကို ငါနားလည်နိုင်သည်။ စကားလုံးများဖြင့် သင်တို့ ထုတ်ပြောစရာ မလိုပေ။ သင်တို့သည် သင်တို့၏ ခန္ဓာ ဘေးဒုက္ခခံရမှာကို လုံးဝ အလိုမရှိကြ။ နောင်အနာဂါတ်တွင် ကြာရှည်စွာ အပြစ်ပေးခံရမည်ကို ပို၍ပင် မလိုလားကြ။ သင်တို့သည် ဘဝကို သာ၍ လွတ်လပ်လွယ်ကူစွာ ဖြတ်သန်းဖို့ကိုသာ မျှော်လင့်ကြသည်။ ထို့ကြောင့် ပန်းတိုင်အကြောင်း ပြောသည့်အခါတိုင်း သင်တို့ အထူးတလည် စိတ်လှုပ်ရှားတတ်ကြသည်။ သေသေချာချာ အာရုံမစိုက်လျှင် ဘုရားသခင်ကို စော်ကားမိပြီး ဒဏ်ခတ်ခံရမည်ကို စိတ်ထဲ၌ ကြောက်ရွံ့နေကြသည်။ သင်တို့၏ ပန်းတိုင်ကို ရောက်ဖို့အတွက် အလျော့အတင်းပြုလုပ်ရန် သင်တို့ တုံ့ဆိုင်းမနေခဲ့ကြ။ သင်တို့အထဲမှ တစ်ချိန်က ဉာဏ်နီဉာဏ်နက်များပြီး ပေါ့ပေါ့ဆဆ နေထိုင်ခဲ့ကြသည့် သူတော်တော်များများသည်ပင်လျှင် ရုတ်ခြည်းပင် အထူးနူးညံ့သိမ်မွေ့ပြီး စိတ်ရင်းဖြင့် လုပ်ဆောင်လာကြသည်။ သင်တို့၏ စိတ်ရင်းဖြင့် လုပ်ဆောင်မှုသည် ကျောစိမ့်စဖွယ်ပင် ဖြစ်သည်။ မည်သို့ပင်ဆိုစေကာမူ သင်တို့အားလုံးသည် ရိုးသားသော နှလုံးသားကို ပိုင်ဆိုင်ကြသည်။ အစမှအဆုံးတိုင် သင်တို့သည် ငါ့အားရင်ဖွင့်ပြောဆိုခဲ့ကြသည်။ သင်တို့၏ နှလုံးသားထဲမှ မည်သည့် လျှို့ဝှက်ချက်ကိုမျှ မဖုံးကွယ်ခဲ့ကြ။ အပြစ်တင်မှု၊ လိမ်လည်လှည့်ဖြားမှု သို့မဟုတ် သစ္စာရှိမှု တို့နှင့် ဆိုင်သော လျှို့ဝှက်ချက်များ ဖြစ်ပါစေ သင်တို့သည် ငါ့အား ရင်ဖွင့် ပြောဆိုခဲ့ကြသည်။ ခြုံပြောရလျှင် သင်တို့သည် သင်တို့ နှလုံးသား၏ အနက်ရှိုင်းဆုံးနေရာမှ ပဓာနကျသော အရာများကို အလွန်ပွင့်လင်းစွာ ငါအား ဝန်ခံခဲ့ပြီးဖြစ်သည်။ မှန်ပါသည်၊ ထိုကိစ္စများသည် ငါ့အတွက် ကြုံတွေ့နေကျကိစ္စများလို ဖြစ်နေပြီ ဖြစ်သဖြင့် ငါသည် မည်သည့်အခါမှ ထိုကိစ္စများကို မရှောင်လွှဲခဲ့ပေ။ သင်တို့သည် ဘုရားသခင်၏ ထောက်ခံမှုကို ရရှိဖို့ ဆံချည်တစ်မျှင် စွန့်ရမည်ထက် သင်တို့၏ ပန်းတိုင်ကို ရောက်ဖို့အတွက် မီးပင်လယ်ထဲသို့သာ ဆင်းလိုကြသည်။ ဤသို့ဆိုသော်လည်း ငါသည် သင်တို့အား အလွန်အမင်း တရားသေ ဆက်ဆံနေခြင်း မဟုတ်။ သင်တို့၏ သစ္စာရှိသော နှလုံးသားသည် ငါလုပ်သမျှကို ရင်ဆိုင်ဖို့ အလွန်တရာပင် လုံလောက်မှု မရှိသောကြောင့် ဖြစ်သည်။ ငါဆိုလိုသည့်အရာကို သင်တို့ နားလည်ချင်မှ နားလည်ပေမည်။ ထို့ကြောင့် သင်တို့ကို ရိုးစင်းသည့် ရှင်းလင်းချက်လေးတစ်ခု ပေးမည်။ သင်တို့ လိုအပ်သည့်အရာသည် သမ္မာတရားနှင့် အသက် မဟုတ်၊ မည်သို့ပြုမူဆောင်ရွက်ရမည်ဟူသော နိယာမများလည်း မဟုတ်၊ အထူးသဖြင့် ငါအပတ်တကုတ် အားထုတ်ကြိုးပမ်းလုပ်ဆောင်ထားသည့် အလုပ်လည်း မဟုတ်ပေ။ သင်တို့ လိုအပ်သောအရာမှာ ရုပ်ပိုင်းဆိုင်ရာ ပိုင်ဆိုင်မှုများဖြစ်သော ချမ်းသာကြွယ်ဝမှု၊ အဆင့်အတန်း၊ မိသားစု၊ အိမ်ထောင်ရေးစသည်တို့ ဖြစ်သည်။ ငါ၏ နှုတ်ကပတ်တော်များနှင့် ငါ၏အလုပ်ကို သင်တို့သည် လုံးဝ ဥပေက္ခါပြုထားကြသည်။ ထို့ကြောင့် သင်တို့၏ ယုံကြည်ခြင်းကို “နိုးကြားတက်ကြွမှုမရှိသော ယုံကြည်ခြင်း”ဟု ငါပြောနိုင်သည်။ သင်တို့သည် သင်တို့ လုံးလုံးလျားလျား ဆပ်ကပ်ထားသော အရာများကို ရဖို့အတွက် ဘာမဆို လုပ်လိုကြသော်လည်း သင်တို့၏ ယုံကြည်ခြင်းအကျိုးအတွက်ဆိုလျှင်တော့ မည်သည့်အရာကိုမျှ မပစ်ပယ်လိုကြကြောင်းကို ငါသိပြီးဖြစ်သည်။ သင်တို့သည် အတော်အသင့်သာ သစ္စာရှိပြီး အတော်အသင့်သာ လေးလေးနက်နက်ရှိကြသည်။ ထို့ကြောင့် စိတ်နှလုံးထဲ၌ အပြည့်အဝ ရိုးသားမှု မရှိသူများသည် ဘုရားသခင်ကို ယုံကြည်ခြင်း မရှိသည့် ရှုံးနိမ့်သူများဟု ငါပြောခြင်း ဖြစ်သည်။ သေချာစဉ်းစားကြည့်ပါ။ သင်တို့အထဲတွင် ရှုံးနိမ့်သူများစွာ ရှိပါသလား။

အောင်မြင်မှုဆိုသည်မှာ မိမိတို့၏ ဆောင်ရွက်ချက်များကြောင့် ရရှိသည့်အရာ ဖြစ်ကြောင်းကို သင်တို့ သိသင့်သည်။ မအောင်မြင်ဘဲ အရှုံးနှင့်ရင်ဆိုင်ရခြင်းသည်လည်း အခြားအကြောင်းအချက်များကြောင့် မဟုတ်၊ မည်သူမပြု မိမိမှုသာ ဖြစ်သည်။ သင်တို့သည် ဘုရားသခင်ကို ယုံကြည်ရမည့်အစား ပိုမိုခက်ခဲပြီး ပို၍ ဒုက္ခခံရမည့် အလုပ်တစ်ခုခုကိုသာ ပြီးအောင် လုပ်လိုကြသည်။ ထိုသို့သောကိစ္စကိုသာ သင်တို့ အလွန်အလေးအနက်ထား လုပ်ဆောင်လိုသည်ကို ငါယုံကြည်သည်။ ထိုသို့သောကိစ္စနှင့် ပတ်သက်လျှင် သင်တို့သည် အမှားတစ်ခုမျှပင် မလုပ်လိုကြ။ ယင်းသည် သင်တို့အားလုံး အသက်တာ၌ မရပ်မနား ကြိုးပမ်းလုပ်ဆောင်နေသည့် အရာများ ဖြစ်သည်။ သင်တို့သည် သင်တို့မိသားစုဝင်တစ်ဦးတစ်ယောက်ကိုမျှ လိမ်လည်လှည့်ဖြားမည် မဟုတ်သည့် အခြေအနေမျိုးတွင်ပင် ဇာတိခန္ဓာထဲရှိ ငါ့ကို လိမ်လည်လှည့်ဖြားနိုင်ကြသည်။ ဤသည်မှာ သင်တို့ အစဉ်အမြဲ လုပ်ဆောင်လေ့ရှိသည့် လုပ်ရပ်တစ်ခုဖြစ်သလို သင်တို့ဘဝတွင် လက်တွေ့ကျင့်သုံးသောမူလည်း ဖြစ်သည်။ သင်တို့၏ ပန်းတိုင်ကို ရောက်နိုင်ဖို့၊ လှပ၍ ပျော်ရွှင်ဖွယ်ကောင်းသော ပန်းတိုင်တစ်ခုရှိဖို့နှင့် ငါ့ကို လိမ်လည်လှည့်ဖြားဖို့အတွက် သင်တို့သည် ယုံမှားစေသော ပုံရိပ်ကို ပျိုးထောင်နေကြသည် မဟုတ်လော။ သင်တို့၏ သစ္စာနှင့် ရိုးသားမှုသည် ယာယီသာ ဖြစ်ကြောင်း ငါ သတိထားမိသည်။ သင်တို့၏ ဆန္ဒများနှင့် သင်တို့၏ ပေးဆပ်သည့် အရာသည် အနာဂတ်အတွက်မဟုတ် လတ်တလောအတွက်သာ ဖြစ်သည် မဟုတ်လော။ သာယာလှပသည့် ပန်းတိုင်တစ်ခုသို့ သေချာပေါက် ရောက်ရှိရန် သင်တို့သည် နောက်ဆုံးအနေဖြင့် တစ်ကြိမ်တစ်ခုသာ ကြိုးစားအားထုတ်လိုကြသည်။ သင်တို့၏ ရည်ရွယ်ချက်မှာ အပေးအယူပြုလုပ်ဖို့သာ ဖြစ်သည်။ သမ္မာတရားအတွက် ကျေးဇူးသိသောကြောင့် မဟုတ်၊ ငါပေးဆပ်ခဲ့သည့် တန်ဖိုးနှင့်အညီ ငါ့ကို ပြန်လည် ပေးဆပ်ဖို့အတွက်လည်း မဟုတ်ပေ။ တစ်နည်းဆိုသော် သင်တို့သည် ပါးနပ်လိမ်မာစွာသာ ဆောင်ရွက်လိုကြသည်။ ကိုယ်လိုတာကို ရဖို့အတွက် ကြိုးပမ်းလိုသည့် ဆန္ဒမရှိကြ။ ဤသည်မှာ သင်တို့၏ နှလုံးသားထဲမှဆန္ဒ မဟုတ်ပါသလော။ သင်တို့ ဟန်မဆောင်ကြနှင့်၊ ထိုအပြင် မအိပ်နိုင်၊ မစားနိုင်ဖြစ်သည်အထိ သင်တို့၏ ပန်းတိုင်အကြောင်း ခေါင်းပေါက်အောင် မစဉ်းစားကြနှင့်။ အဆုံးတွင် သင်တို့၏ ပန်းတိုင်ကို အဆုံးအဖြတ်ပေးပြီး ဖြစ်မည်မှာ အမှန်ပင် မဟုတ်ပါလော။ သင်တို့သည် ဖြောင့်မတ်ပြီး လက်ခံလိုစိတ်ရှိသော နှလုံးသားဖြင့် သင်တို့၏ တာဝန်ကို ကျေပွန်အောင် အစွမ်းကုန် လုပ်ဆောင်သင့်သည်၊ မည်သည့်အရာကိုမဆို ပေးဆပ်ဖို့ ဝန်မလေးဘဲ လုပ်ဆောင်လိုသောစိတ် ရှိသင့်သည်။ သင်တို့ ပြောခဲ့ကြသည့်အတိုင်း နေ့ရက်အချိန် ကျရောက်သည့်အခါ ဘုရားသခင်သည် သူ့အတွက် ဒုက္ခခံခဲ့သူ၊ ပေးဆပ်ခဲ့သူ မှန်သမျှကို ဆိုးဆိုးဝါးဝါး ဆက်ဆံမည် မဟုတ်ပေ။ ဤသို့သောခံယူချက်မျိုးသည် စွဲကိုင်ထားထိုက်သည့် ခံယူချက်မျိုးဖြစ်ပြီး မည်သည့်အခါမျှ မမေ့သင့်သည့် ခံယူချက်မျိုးဖြစ်သည်။ ဤနည်းအားဖြင့်သာ သင်တို့ကို ငါစိတ်ချနိုင်မည်ဖြစ်သည်။ ထိုကဲ့သို့မဟုတ်ပါက သင်တို့နှင့်ပတ်သက်လျှင် မည်သည့်အခါမျှ ငါစိတ်အေးလက်အေး နေနိုင်မည် မဟုတ်သည့်အပြင် သင်တို့သည် ငါ မနှစ်မြို့သည့်သူများ အစဉ်ဖြစ်နေလိမ့်မည်။ သင်တို့အားလုံးသည် သင်တို့၏ အသိစိတ်ကို နာခံပြီး ငါ့အတွက် အရာအားလုံးကို ပေးဆပ်ကာ ငါ၏အလုပ်အတွက် အစွမ်းကုန်ကြိုးစားရုံသာမက ငါ၏ဧဝံဂေလိလုပ်ငန်းအတွက် တစ်သက်လုံး ကြိုးပမ်းဆောင်ရွက်နိုင်မည်ဆိုပါက ငါ၏နှလုံးသားသည် သင်တို့အတွက် ဝမ်းမြောက်ရွှင်လန်းမည် မဟုတ်လော။ သင်တို့နှင့်ပတ်သက်၍ ငါ လုံးလုံး စိတ်ချနိုင်မည် မဟုတ်လော။ သင်တို့လုပ်ဆောင်နိုင်သည့်အရာသည် ငါမျှော်လင့်ထားသည့်အရာ၏ အလွန်သေးနုတ်သည့် အစိတ်အပိုင်းလေးတစ်ခုမျှသာ ဖြစ်နေသည်မှာ ရှက်ဖွယ်လိလိပင် ဖြစ်သည်။ ဤကဲ့သို့သော အခြေအနေမျိုးတွင် သင်တို့သည် သင်တို့မျှော်လင့်ထားသည့်အရာကို ငါ့ထံမှ ရှာဖွေရန် မည်သို့လျှင် အတင့်ရဲနိုင်သနည်း။

သင်တို့၏ ပန်းတိုင်နှင့် ကံကြမ္မာသည် သင်တို့အတွက် အလွန်အရေးကြီးသည်။ ယင်းတို့သည် သင်တို့ အလွန်စိတ်ဝင်စားသည့် ကိစ္စများဖြစ်သည်။ သင်တို့သည် ကိစ္စများကို ဆောင်ရွက်သောအခါ၌ အထူး ဂရုစိုက်ဆောင်ရွက်ခြင်း မရှိလျှင် ပန်းတိုင် မရှိခြင်းနှင့်တူသည်၊ သင်တို့၏ ကံကြမ္မာကို ဖျက်ဆီးခြင်းပင်ဖြစ်သည်ဟု သင်တို့ ယုံကြည်ကြသည်။ သို့သော် ပန်းတိုင်အတွက်သာ ကြိုးပမ်းအားထုတ်ခြင်းသည် အကျိုးမဲ့သည့် အားထုတ်မှုဖြစ်သည်ကို သင်တို့ သတိပြုမိပါသလား။ ထိုသို့သော ကြိုးပမ်းအားထုတ်မှုမျိုးသည် စစ်မှန်သော အားထုတ်မှု မဟုတ်၊ အတုအယောင်၊ အလိမ်အညာသာ ဖြစ်သည်။ ဤသို့ဖြစ်ပါက မိမိတို့၏ ပန်းတိုင်အတွက် လုပ်ဆောင်သော သူတို့သည် အဆုံး၌ ရှုံးနိမ်ကြလိမ့်မည်။ အဘယ်ကြောင့်ဆိုသော် လိမ့်လည်လှည့်ဖျားမှုကြောင့် ဘုရားသခင်ကို လူတို့၏ယုံကြည်ခြင်း၌ ကျရှုံးမှုများဖြစ်ပေါ်သောကြောင့် ဖြစ်သည်။ ငါသည် မြှောက်ပင့်ခြင်း၊ ဖော်လံဖားခြင်း၊ စိတ်အားထက်သန်စွာ ဆက်ဆံခြင်းတို့ကို မခံလိုကြောင်းကို အရင်က ပြောခဲ့ပြီးဖြစ်သည်။ ငါသည် ရိုးသားသောသူများအား ငါ၏သမ္မာတရားနှင့် မျှော်လင့်ချက်များကို လက်ခံစေလိုသည်။ ထို့အပြင် လူအများက ငါ့အတွက် စဉ်းစားပေးပြီး ငါ့ကို အထူးဂရုစိုက်နိုင်စွမ်းရှိကာ ငါ့အတွက် အရာအားလုံးကို စွန့်လွှတ်နိုင်စွမ်းရှိသည်ကို ငါနှစ်သက်သည်။ ဤနည်းအားဖြင့်သာလျှင် သင်တို့သည် ငါ၏ စိတ်နှလုံးကို နှစ်သိမ့်နိုင်သည်။ ယခုအချိန်တွင် သင့်တို့ထံ၌ ငါ မနှစ်သက်သည့်အချက် မည်မျှရှိသနည်း။ ငါနှစ်သက်သည့် အချက် မည်မျှများများ ရှိသနည်း။ သင်တို့၏ ပန်းတိုင်ကို ရောက်အောင်ကြိုးစားလုပ်ဆောင်စဉ် သင်တို့၌ တွေ့ရသည့် အကျည်းတန်မှုများအားလုံးကို သင်တို့ သတိပြုမိခြင်း မရှိကြပါသလော။

အကောင်းမြင်ပြီး တက်ကြွနေသောသူတို့၏ စိတ်ကို ထိခိုက်စေလိုသည့်စိတ် ငါ၏စိတ်၌ မရှိပေ။ အထူးသဖြင့် မိမိ၏ တာဝန်ကို သစ္စာရှိစွာ ဆောင်ရွက်နေသူတို့ကို အားလျော့အောင် လုပ်လိုသောဆန္ဒ ငါ၌ မရှိပေ။ မည်သို့ပင်ဆိုစေကာမူ သင်တို့၏ မစုံလင်မှုများအကြောင်းနှင့် သင်တို့၏ နှလုံးသားထဲ၌ ညစ်နွမ်းသည့်စိတ်ရှိကြောင်းကို သင်တို့ အယောက်စီတိုင်းအား ငါသတိပေးရမည် ဖြစ်သည်။ ဤကဲ့သို့ပြုလုပ်ရခြင်း၏ ရည်ရွယ်ချက်မှာ ငါ၏နှုတ်ကပတ်တော်များနှင့် ရင်ဆိုင်ရသောအခါ သင်တို့သည် သင်တို့၏ နှလုံးသားအစစ်ကို ပေးနိုင်စွမ်းရှိဖို့ ငါမျှော်လင့်ဖို့ ဖြစ်သည်။ အကြောင်းမှာ ငါအမုန်းတီးဆုံးအရာမှာ လူတို့ ငါ့ကို လိမ်လည်လှည့်ဖြားခြင်းဖြစ်သောကြောင့် ဖြစ်သည်။ ငါ၏အလုပ်၏ နောက်ဆုံးအဆင့်၌ သင်တို့သည် ထူးချွန်ပေါက်မြောက်စွာလုပ်ဆောင်နိုင်စွမ်းရှိပြီး အပြည့်အဝသစ္စာရှိလျက် နိုးကြားတက်ကြွမှု မရှိသော ယုံကြည်ခြင်းရှိသူများ မဟုတ်တော့ဖို့ကိုသာလျှင် ငါမျှော်လင့်မိသည်။ မှန်ပါသည်၊ သင်တို့အားလုံး၌ ပန်းတိုင်ကောင်းတစ်ခုရှိဖို့ကိုလည်း ငါမျှော်လင့်ပါသည်။ မည်သို့ပင်ဆိုစေကာမူ သင်တို့ထံမှ ငါလိုအပ်သည့် အရာတစ်ခု ရှိသေးသည်။ ယင်းမှာ ငါ့ကိုသာ အဆုံးတိုင် သစ္စာရှိဖို့ လုပ်ဆောင်သောအခါ၌ သင်တို့ အကောင်းဆုံး ဆုံးဖြတ်ချက်ချဖို့ ဖြစ်သည်။ ငါ့အပေါ် အပြည့်အဝ သစ္စာမရှိသောသူသည် စာတန်အလွန်တန်ဖိုးထားသောသူ ဧကန်အမှန်ပင် ဖြစ်လိမ့်မည်။ ထိုသူကို ငါ ဆက်လက် အသုံးပြုမည် မဟုတ်။ သူ့ကို ကြည့်ရှုစောင့်ရှောက်ဖို့အတွက် သူ၏မိဘအိမ့်ကို သူ့ကို ငါပြန်စေမည်။ ငါ၏ အလုပ်သည် သင်တို့အတွက် အလွန်အထောက်အကူ ဖြစ်ခဲ့သည်။ သင်တို့ထံမှ ငါရဖို့ မျှော်လင့်သည့်အရာမှာ ရိုးသားပြီး အကောင်းမြင်တတ်သော နှလုံးသားဖြစ်သည်။ သို့ရာတွင် ယခုအချိန်ထိ ငါ ဘာမျှ မရရှိသေးပေ။ စဉ်းစားကြည့်ပါ။ တစ်နေ့ ငါသည် စကားဖြင့် မဖော်ပြနိုင်လောက်အောင်ပင် ယခုကဲ့သို့ ခါးခါးသီးသီး ခံစားနေရသေးလျှင် ငါသည်သင်တို့ကို မည်သို့ မြင်မည်နည်း။ ငါသည် သင်တို့ကို ဖော်ဖော်ရွေရွေ ဆက်ဆံမည်လော။ ငါ၏စိတ်နှလုံးသည် ငြိမ်သက်ခြင်း ရှိမည်လော။ ခက်ခက်ခဲခဲ စိုက်ပျိုးပြီးနောက် သီးနှံတစ်ခုတစ်လေကိုမျှ ရိတ်သိမ်းခြင်း မပြုရသေးသည့် သူတစ်ဦး၏ ခံစားချက်ကို သင်တို့ နားလည်ပါသလား။ ထိခိုက်ဒါဏ်ရာ ကြီးကြီးမားမားရရှိထားသူတစ်ဦး၏ နာကျင်မှု မည်မျှကြီးမားသည်ကို သင်တို့ နားလည်ပါသလား။ မျှော်လင့်ချက်အပြည့်နှင့် လူတစ်ဦးသည် တစ်စုံတစ်ဦးနှင့် အဆင်မပြေဖြစ်ပြီး ခွဲခွာရသောအခါ၌ ခံစားရသည့် နာကျင်မှုကို သင်တို့ ခံစားဖူးပါသလား။ ရန်စခြင်းခံခဲ့ရသော သူတစ်ဦး၏ ဒေါသကို သင်တို့ မြင်ဖူးပါသလား။ ရန်လိုသည့် စိတ်ဖြင့် ဆက်ဆံခြင်းကို ခံရရုံသာမက လိမ်လည်လှည့်ဖျားခြင်းခံခဲ့ရသူတစ်ဦး ခံစားရသည့် အလျင်အမြန် လက်စားချေလိုသည့် ခံစားချက်ကို သင်တို့ နားလည်နိုင်ပါသလား။ အဆိုပါပုဂ္ဂိုလ်များ၏ စိတ်ကို သင်တို့ နားလည်လျှင် အယောက်စီတိုင်းကို အပြစ်နှင့်အလျေက် ပေးဆပ်မည့်အချိန်၌ ဘုရားသခင်၌ မည်သို့သော စိတ်သဘောထားရှိမည်ကို မှန်းဆကြည့်ဖို့ သင်တို့အတွက် မခက်ခဲသင့်ဟု ငါထင်ပါသည်။ နိဂုံးချုပ်အနေဖြင့် သင်တို့၏ ပန်းတိုင်အတွက် သင်တို့အားလုံးသည် အလေးအနက်ထား ကြိုးစားအားထုတ်ကြမည်ဟု ငါမျှော်လင့်။ မည်သို့ပင်ဖြစ်စေကာမူ သင်တို့ကြိုးပမ်းအားထုတ်သောအခါ၌ လှည့်ဖြားသည့် နည်းလမ်းများကို အသုံးမပြုကြနှင့်။ သို့မဟုတ် ငါ၏စိတ်နှလုံးထဲ၌ သင်တို့ကို စိတ်ပျက်နေလိမ့်အုံးမည်။ ထိုကဲ့သို့ စိတ်ပျက်ခြင်းသည် မည်သည့်အရာကို ဖြစ်စေသနည်း။ သင်တို့သည် ကိုယ့်ကိုယ်ကို လှည့်စားနေခြင်းပင် မဟုတ်လော။ မိမိတို့၏ ပန်းတိုင်အကြောင်းကို စဉ်းစားသော်လည်း ကိုယ့်ပန်းတိုင်ကိုယ် ဖျက်ဆီးသောသူများသည် လုံးဝ ကယ်တင်လို့ မရနိုင်သောသူများ ဖြစ်သည်။ ထိုကဲ့သို့သော ပုဂ္ဂိုလ်များ အလွန်အမင်း ဒေါသထွက်လျှင်ပင် မည်သူက သူတို့ကို ကိုယ်ချင်းစာနာမည်နည်း။ ခြုံပြောရလျှင် သင်တို့၌ သင့်တော်ကောင်းမွန်သော ပန်းတိုင်တစ်ခုရှိလာဖို့ ငါဆန္ဒပြုလိုစိတ် ရှိဆဲဖြစ်သည်။ ထို့အပြင် သင်တို့ထဲမှ တစ်ဦးတစ်ယောက်မျှ ဘေးဒါဏ်မခံရဖို့ ငါမျှော်လင့်သည်။

ယခင်က:သင်မည်သူ့ကို သစ္စာစောင့်သိသနည်း

နောက်တစ်ခုသို့:သတိပေးချက် ၃ ချက်

သင်နှစ်သက်နိုင်သည့် အရာများ