အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

တစ်ရာ့တစ်ခုမြောက်သော မိန့်မြွက်ချက်

ငါ၏စီမံခန့်ခွဲမှုကို နှောင့်ယှက်သောသူ သို့မဟုတ် ငါ၏အကြံအစည်များကို ဖျက်ဆီးရန်ကြိုးစားသောသူ တစ်စုံတစ်ဦးကိုမျှ ငါသက်ညှာမည်မဟုတ်။ ငါပြောသော နှုတ်ကပတ်တော်များမှ မည်သည့်အရာကို ငါဆိုလိုကြောင်းကို အယောက်တိုင်း နားလည်သင့်ပြီး ငါမည်သည့်အကြောင်းအရာကို ပြောနေကြောင်း ရှင်းလင်းစွာသိသင့်သည်။ လက်ရှိအခြေအနေကိုအကြောင်းပြု၍ အယောက်တိုင်းသည် မိမိတို့ကိုယ်ကို ဆန်းစစ်သင့်သည်၊ သင်တို့ မည်သည့်အခန်းကဏ္ဍတွင် လုပ်ဆောင်နေသနည်း။ သင်တို့ ငါ့အတွက် အသက်ရှင်နေခြင်းဖြစ်သလော သို့မဟုတ် စာတန်အတွက် သင်တို့အစေခံနေခြင်းဖြစ်သလော။ သင်တို့တစ်ဦးချင်းစီနှင့် အယောက်တိုင်း၏ အပြုအမှုများသည် ငါ့ထံမှလာသလော၊ သို့မဟုတ် မာရ်နတ်ထံမှလာသလော။ ငါ၏ စီမံခန့်ခွဲရေးပညတ်များကို ဖောက်ဖျက်မိခြင်းကြောင့် ငါ၏ ပြင်းထန်သောအမျက်သင့်ခြင်းကို ရှောင်ရှားရန် ဤအချက်အားလုံးကို ရှင်းလင်းစွာသိသင့်သည်။ အတိတ်ကိုပြန်ကြည့်ပါက လူတို့သည် ငါ့အပေါ် အမြဲသစ္စာမဲ့ခဲ့ကြပြီး သားသမီးဝတ် မကျေပွန်ခဲ့ကြပေ၊ ၎င်းတို့သည် ငါ့အား မရိုသေကြဘဲ၊ ထိုမျှမက ငါ့အား သစ္စာဖောက်ခဲ့ကြသည်။ ဤအကြောင်းရင်းများကြောင့် လူတို့သည် ငါ၏တရားစီရင်ခြင်းကို ယနေ့ ရင်ဆိုင်ရခြင်းဖြစ်သည်။ ငါသည် လူသားတစ်ဦးအဖြစ်သာ ပေါ်ထွန်းသော်လည်း ငါလက်မခံသောသူအားလုံးသည် ငါ၏သုတ်သင်ဖယ်ရှင်းခြင်း၏ ပစ်မှတ်များဖြစ်ကြလိမ့်မည်။ (ဤအရာအားဖြင့် ငါ၏အဓိပ္ပါယ်ကို သင်နားလည်သင့်သည်၊ သင်မည်မျှ ရုပ်ချောသည့်အကြောင်း သို့မဟုတ် သင်မည်မျှ ချစ်စဖွယ်ကောင်းသည့်အကြောင်း မဟုတ်ဘဲ သင့်အား ငါကြိုတင်ခွဲခန့်ထားခြင်းနှင့် ရွေးချယ်ခဲ့ခြင်းအကြောင်း ဖြစ်သည်။ ဤသည်မှာ အကြွင်းမဲ့မှန်ပါသည်။ အဘယ်ကြောင့်ဆိုသော် ငါသည် လူသားအဖြစ်ပေါ်ထွန်းကောင်းပေါ်ထွန်းနိုင်သော်လည်း သင်သည် ငါ၏ဘုရားဖြစ်ခြင်းကို သတိမူမိရန် ငါ၏လူသားသဘာဝကို ကျော်၍ မြင်ရန်လိုသောကြောင့်ဖြစ်သည်။ “သာမန်လူသားသဘာဝနှင့် အကြွင်းမဲ့ဘုရားဖြစ်ခြင်းမှာ ပြီးပြည့်စုံသောဘုရားသခင်ကိုယ်တိုင်၏ ခွဲခြား၍မရသော အပိုင်းနှစ်ပိုင်းဖြစ်သည်” ဟု ငါကြိမ်ဖန်များစွာဆိုခဲ့ပြီးဖြစ်သည်။ မည်သို့ပင်ဆိုပါစေ သင်တို့သည် ငါ့ကိုနားမလည်သေးဘဲ သင်တို့၏မသဲကွဲသော ထိုဘုရားသခင်ကိုသာ အရေးပေးတွယ်ကပ်နေကြသည်။ သင်တို့သည်ဝိညာဉ်ရေးရာအကြောင်းအရာများကို နားမလည်ကြသော လူများဖြစ်ကြသည်။ သို့ရာတွင် ယင်းကဲ့သို့သောလူတို့သည် ငါ၏သားဦးများ ဖြစ်လိုကြသေးသည်။ အရှက်မရှိလိုက်လေ။ ၎င်းတို့သည် ၎င်းတို့၏ဝိညာဉ်အသက်တာအမှန်တကယ်မှာ မည်သည့်အရာဖြစ်ကြောင်းကို မမြင်ကြပေ။ ၎င်းတို့သည် ငါ၏လူမျိုးဖြစ်ရန်ပင်လျှင် အဆင့်မရှိကြပေ၊ ၎င်းတို့သည် ငါနှင့်အတူရှင်ဘုရင်များဖြစ်ကြမည့် ငါ၏သားဦးများ အဘယ်သို့ဖြစ်နိုင်ကြမည်နည်း။ ယင်းကဲ့သို့သောလူများသည် ၎င်းတို့ကိုယ်ကို ၎င်းတို့ မသိကြပေ၊ ၎င်းတို့သည် စာတန်၏အမျိုးဖြစ်ကြသည်၊ ၎င်းတို့သည် ငါ၏အိမ်ထောင်စုတွင် အိမ်တိုင်တစ်တိုင်ဖြစ်ရန်ပင် မထိုက်တန်ဘဲ ငါ့ရှေ့မှောက်တွင် အစေခံရန် သာ၍ပင် မထိုက်တန်ကြပေ။ ထို့ကြောင့် ငါသည်၎င်းတို့အား တစ်ယောက်ပြီးတစ်ယောက် သုတ်သင်ဖယ်ရှင်းပြီး တစ်ယောက်ပြီးတစ်ယောက် ၎င်းတို့၏သရုပ်အစစ်အမှန်တို့ကို ငါထုတ်ဖော်မည်။

ငါသည်အောင်မြင်မှုရခဲ့ပြီး စကြဝဠာတစ်ခုလုံးတွင် ရှင်ဘုရင်အဖြစ်စိုးစံနေခဲ့ပြီဖြစ်သောကြောင့် ငါ၏အမှုသည် အတားအဆီးနှင့် မည်သည့်အဟန့်အတားတစ်စုံတစ်ခုမျှ မရှိဘဲတစ်ဆင့်ပြီးတစ်ဆင့် ရှေ့ဆက်သွားသည်။ (ငါဆိုလိုနေသောအရာမှာ စာတန်မာရ်နတ်ကို အနိုင်ယူပြီးနောက်တွင် ငါသည်ငါ၏တန်ခိုးကို တစ်ဖန်ပြန်ရရှိခဲ့ပြီးဖြစ်ကြောင်း ဆိုလိုခြင်းဖြစ်သည်။ ငါသည်သားဦးတို့အား အလုံးစုံရခြင်းကြောင့် အောင်မြင်ခြင်းအလံသည် ဇိအုန်တောင်ပေါ်တွင် လွှင့်ထူမည်ဖြစ်သည်။ ဆိုလိုသည်မှာ ငါ၏သားဦးတို့သည် ငါ၏အောင်မြင်ခြင်းအလံ၊ ငါ၏ဘုန်းအသရေ၊ ငါ၏ဝါကြွားစရာဖြစ်သည်၊ ၎င်းတို့သည်စာတန်အား ငါအရှက်ရစေခဲ့ပြီးကြောင်း သင်္ကေတဖြစ်ပြီး ၎င်းတို့သည် ငါအမှုပြုသည့်နည်းဖြစ်၏။ ငါ၏ကြိုတင်ခွဲခန့်ထားခြင်းကိုခံရပြီးနောက် စာတန်၏ဖျက်ဆီးခြင်းကို ခံခဲ့ရသော်လည်း ငါ့ဘက်သို့ အသစ်တစ်ဖန်ပြန်လာကြသောလူတစ်စုအားဖြင့် ငါသည်အဆင်းနီသောနဂါးကြီးကို အရှက်ရစေကာ ပုန်ကန်ခြင်း၏သားအားလုံးကို ငါကိုင်တွယ်မည်။) ငါ၏သားဦးများသည် ငါ၏အနန္တတန်ခိုးတည်သောနေရာဖြစ်ကြသည်၊ ၎င်းတို့သည် ပြောင်းလဲ၍မရနိုင်ဘဲ မငြင်းနိုင်သော ငါ၏ကြီးမြတ်သောအောင်မြင်မှုဖြစ်သည်။ ငါ၏သားဦးများအားဖြင့် ငါ၏စီမံခန့်ခွဲမှုအစီအစဉ်ကို ငါပြီးမြောက်စေမည်၊ ဤသည်မှာ “သင်တို့အားဖြင့် တိုင်းနိုင်ငံအားလုံးနှင့် လူမျိုးအပေါင်းတို့အား ငါ၏ပလ္လင်ရှေ့သို့ ငါပြန်လာစေမည်” ဟု ငါအတိတ်ကဆိုခဲ့စဉ်က ဆိုလိုခဲ့ခြင်းဖြစ်သည်။ ထိုမျှမက ၎င်းမှာ “သင်တို့၏ ပုခုံးများပေါ်မှ လေးလံသောဝန်” ကို ငါဆိုလိုခဲ့ခြင်းဖြစ်သည်။ ရှင်းသလော။ နားလည်သလော။ သားဦးများသည် ငါ၏စီမံခန့်ခွဲမှုအစီအစဉ်တစ်ခုလုံးကို ပုံဆောင်ခြင်းဖြစ်သည်။ ထို့ကြောင့် ငါသည်ဤလူစုအား မည်သည့်အခါကမျှ မသက်ညှာဘဲ ၎င်းတို့အား ငါပြင်းထန်စွာ အမြဲဆုံးမခဲ့ခြင်းဖြစ်သည်။ (လောကထဲတွင်ခံစားရခဲ့သော နာကျင်မှုဝေဒနာများ၊ မိသားစုများ၏အဖြစ်ဆိုးများ၊ မိဘများ၊ ခင်ပွန်းသည်များ၊ ဇနီးသည်များနှင့် သားသမီးများ၏စွန့်ပစ်ခြင်း။ အကျဉ်းချုပ်အားဖြင့် လောကကြီး၏စွန့်ပစ်ခြင်းနှင့် ခေတ်ကာလ၏ပစ်ပယ်ခြင်း။) ထို့ကြောင့် ယနေ့ ငါ့ရှေ့သို့လာရန် သင်၌ကောင်းသော အခွင့်အလမ်းရှိသည်။ ဤသည်မှာ သင်တို့ မကြာခဏစဉ်းစားခဲ့ကြသည့် “ဤနာမကို အခြားလူများ အဘယ်ကြောင့်လက်မခံသော်လည်း ငါလက်ခံခဲ့သနည်း” ဟူသော မေးခွန်း၏ အဖြေပင်ဖြစ်သည်။ သင် ယခုသိရလေပြီ။

ယနေ့တွင် မည်သည့်အရာမျှ အတိတ်ကနှင့်မတူညီပါ။ ငါ၏စီမံခန့်ခွဲမှုအစီအစဉ်သည် နည်းလမ်းအသစ်များကို ကျင့်သုံးခဲ့သည်၊ ငါ၏အမှုသည် ယခင်ကထက်ပို၍ မတူညီတော့ဘဲ ငါ၏ဖွင့်ဆိုချက်များသည် ယခုအခါ ပို၍ပင် မဆိုခဲ့စဖူး ဖြစ်ကြသည်။ ထို့ကြောင့် သင်တို့သည် ငါ့အားသင့်တင့်လျောက်ပတ်စွာ အစေခံသင့်ကြောင်းကို ငါထပ်ခါတလဲ အလေးပေးပြောဆိုခဲ့ခြင်းဖြစ်သည် (ဤသည်မှာ အစေခံသူများအား ပြောခြင်းဖြစ်သည်)။ သင်တို့ကိုယ်သင်တို့ အဖျက်သဘောဆန်စွာ မဆက်ဆံကြဘဲ အလေးအနက်ထားကာ ဆက်၍လိုက်လျှောက်ကြလော့။ ကျေးဇူးတော်အနည်းငယ်ကို ရသည်မှာ ဝမ်းမြောက်ဖွယ်ဖြစ်သည် မဟုတ်သလော။ ၎င်းသည် လောကထဲတွင် ဒုက္ခဆင်းရဲခံရခြင်းထက် သာ၍ပိုကောင်းသည်။ သင်တို့အား ငါဆိုလေပြီ။ အကယ်၍ သင်သည် ငါ့အားစိတ်နှလုံးအကြွင်းမဲ့ အစေခံမည့်အစား ငါသည် မဖြောင့်မတ်ဟု ငါ့အပေါ် မကျေမချမ်းဖြစ်ပါက သင်သည် မနက်ဖြန် မရဏာနိုင်ငံနှင့်ငရဲထဲသို့ ဆင်းရလိမ့်မည်။ မည်သူမျှ စောစီးစွာမသေလိုကြပေ၊ ဤသို့ပင်မဟုတ်သလော။ တစ်ရက်မျှပင် ပိုသည်ဆိုလျှင်လည်း ထိုတစ်ရက်သည် အရေးပါသဖြင့် သင်သည် ငါ၏စီမံခန့်ခွဲမှုအစီအစဉ်တွင် သင့်ကိုယ်သင် လုံးလုံးလျားလျား ဆက်ကပ်ပြီး ထို့နောက်တွင် သင့်အတွက် ငါ၏တရားစီရင်ခြင်းနှင့် သင့်အပေါ်ကျရောက်မည့် ငါ၏ဖြောင့်မတ်သော ပြစ်တင်ဆုံးမခြင်းကို စောင့်ရမည်ဖြစ်သည်။ ငါဆိုနေသောအရာမှာ အဓိပ္ပါယ်မရှိဟု မထင်နှင့်၊ ငါ၏ဖြောင့်မတ်ခြင်းနှင့် ငါ၏စိတ်သဘောထားအားဖြင့် ငါဆိုခြင်းဖြစ်သည်၊ ထိုမျှမက ငါ၏ဘုန်းအာနုဘော်နှင့်ဖြောင့်မတ်ခြင်းဖြင့် ငါအမှုပြုခြင်းဖြစ်သည်။ ငါသည်မဖြောင့်မတ်ဟု လူတို့ကဆိုကြသည်။ ဤသည်မှာ ၎င်းတို့ ငါ့အား မသိသောကြောင့်ဖြစ်၏။ ၎င်းမှာ ၎င်းတို့၏ဆန့်ကျင်ပုန်ကန်တတ်သော စိတ်သဘောထားကို ရှင်းလင်းစွာ ဖော်ပြခြင်းဖြစ်သည်။ ငါ့အတွက်မူကား စိတ်ခံစားမှုမရှိဘဲ ဖြောင့်မတ်ခြင်း၊ ဘုန်းအာနုဘော်၊ တရားစီရင်ခြင်းနှင့် အမျက်သာလျှင် ရှိသည်။ အချိန်ပို၍ကြာလာလေ ငါ၏စိတ်သဘောထားကို သင်ပို၍မြင်လာလေဖြစ်မည်။ လက်ရှိအချိန်အခါသည် အကူးအပြောင်းအဆင့်တစ်ခုဖြစ်ပြီး သင်တို့သည် ဤအရာ၏သေးငယ်သော အစိတ်အပိုင်းတစ်ခုကိုသာ မြင်နိုင်ကြသည်၊ ပြင်ပမှအရာအချို့တို့ကို ကြည့်နိုင်ကြသည်၊ ငါ၏သားဦးများပေါ်ထွန်းသောအခါ ငါသည် သင်တို့အားအရာခပ်သိမ်းကို မြင်စေပြီး အရာခပ်သိမ်းကို နားလည်စေမည်။ လူအယောက်တိုင်းသည် ၎င်းတို့၏စိတ်နှလုံးများနှင့် နှုတ်ဖြင့်ဝန်ခံကာ လက်ခံယုံကြည်ကြလိမ့်မည်။ ငါ့အတွက်သက်သေခံရန် သင်တို့အား ငါပွင့်လင်းစွာ ပြောဆိုစေမည်၊ ငါ့အား အစဉ်အမြဲချီးမွမ်းစေကာ အစဉ်အမြဲထောမနာပြုစေမည်။ ဤသည်မှာ ဧကန်မုချ ဖြစ်ပြီး မည်သူမျှပြောင်းလဲ၍မရနိုင်သော အရာဖြစ်သည်။ လူတို့သည် ၎င်းကိုယုံကြည်ရန်မဆိုထားနှင့် အနည်းငယ်မျှ စိတ်ကူး၍ပင် မရနိုင်ကြပေ။

သားဦးဖြစ်ကြသောသူများသည် ရူပါရုံများအကြောင်း တိုး၍ ရှင်းလင်းလာကြသည်၊ ငါ့အပေါ် ၎င်းတို့၏ချစ်ခြင်းသည် ပို၍ပင် ကြီးမားလာသည်။ (ဤသည်မှာ ငါ့အားစာတန်၏စုံစမ်းနှောင့်ယှက်မှု ဖြစ်သော စိတ်ကူးယဉ်ချစ်ခြင်း မဟုတ်ဘဲ၊ ရှင်းလင်းစွာမြင်ရမည့် အရာတစ်စုံတစ်ခု ဖြစ်သည်။ ထို့ကြောင့် ငါ့ရှေ့တွင်မိမိတို့၏နှစ်လိုဖွယ်ဆွဲဆောင်မှုများကို ထုတ်ကြွားသောသူများ ရှိကြောင်း အတိတ်က ငါဆိုခဲ့ခြင်းဖြစ်သည်။ ယင်းကဲ့သို့သောလူတို့သည် ၎င်းတို့၏ပုံပန်းသွင်ပြင်များကို ငါစွဲမက်မည်ဟု ယုံကြည်ကြသောစာတန်၏ လက်ပါးစေများဖြစ်ကြသည်။ အရှက်မရှိ လိုက်လေ။ ကံဆိုးမိုးမှောင်ကျသူများထဲတွင် အနိမ့်ကျဆုံးသောသူများ ဖြစ်လေတကား။) သို့သော်လည်း ဤကာလတစ်လျှောက် ငါ၏ဤနှုတ်ကပတ်တော်များကြောင့် သားဦးများကိုယ်တိုင် မဟုတ်ကြသောလူများသည် ရူပါရုံများနှင့်ပတ်သက်ပြီး တိုး၍ ရှင်းလင်းစွာမသိလာကြတော့ဘဲ ငါ့အပေါ်ယုံကြည်မှု ဆုံးရှုံးလာကြသည်။ ထို့နောက်တွင် ၎င်းတို့သည် အဆုံးတွင်လဲကျသည့်အထိ တဖြည်းဖြည်း စိတ်ဝင်စားမှု လျော့ပါးလာလေသည်။ ထိုလူတို့သည် ၎င်းတို့ကိုယ်ကို၎င်းတို့ ထိန်းချုပ်နိုင်ခြင်းမရှိပေ။ ၎င်းမှာ ဤကာလအတောအတွင်း ငါပြောနေသောအရာ၏ ရည်မှန်းချက်ပန်းတိုင်ဖြစ်သည်၊ အယောက်တိုင်းသည် (သားဦးများအား ပြောနေခြင်း) ဤအရာကိုမြင်သင့်ပြီး ငါ၏ဖွင့်ဆိုချက်များနှင့် လုပ်ဆောင်မှုများအားဖြင့် ငါ၏အံ့သြဆန်းကြယ်မှုကို မြင်သင့်ပါသည်။ ငါသည်ငြိမ်သက်ခြင်းအရှင်၊ ထာဝရခမည်းတော်ဖြစ်သည်၊ ငါသည်အံ့သြဖွယ်ဖြစ်သည်၊ ငါသည်အတိုင်ပင်ခံဖြစ်သည်ဟု အဘယ်ကြောင့် အဆိုရှိသနည်း။ ငါ၏မည်သူမည်ဝါဖြစ်ခြင်း၊ ငါ၏ဖွင့်ဆိုချက်များ သို့မဟုတ် ငါပြုသည့်အရာအားဖြင့် ဤအရာကိုရှင်းပြရန်မှာ အလွန်အပေါ်ယံဆန်သည်၊ ၎င်းမှာဖော်ပြပြောဆိုရန်ပင် မထိုက်တန်ပေ။ ငါ့အားငြိမ်သက်ခြင်းအရှင်ဖြစ်သည်ဟု ခေါ်ရခြင်းအကြောင်းမှာ သားဦးတို့အားပြည့်စုံခြင်းသို့ ရောက်စေနိုင်သောငါ၏တန်ခိုး၊ စာတန်အား ငါ၏တရားစီရင်ခြင်းနှင့် သားဦးတို့အပေါ် ငါပေးအပ်ချီးမြှင့်သော အကန့်အသတ်မဲ့သည့် ကောင်းကြီးမင်္ဂလာများကြောင့်ဖြစ်သည်။ ဆိုလိုသည်မှာ သားဦးများသာလျှင် ငါ့အားငြိမ်သက်ခြင်းအရှင်ဟု ခေါ်ရန်အရည်အချင်းရှိသည်၊ အဘယ်ကြောင့်ဆိုသော် ငါသည်ငါ၏သားဦးများအားချစ်သောကြောင့် ဖြစ်ပြီး ငြိမ်သက်ခြင်းအရှင်ဟူသောဂုဏ်ပုဒ်သည် သားဦးများ၏နှုတ်များမှလာသင့်သည်။ ငါ၏သားဦးများအတွက် ငါသည်ငြိမ်သက်ခြင်းအရှင် ဖြစ်သည်။ ငါ၏သားများနှင့် ငါ၏လူမျိုးအတွက် ငါသည်ထာဝရခမည်းတော်ဟု အမည်ရသည်။ ငါ၏သားဦးများတည်ရှိခြင်းကြောင့်လည်းကောင်း၊ ငါ၏သားဦးများသည် ငါနှင့်အတူရှင်ဘုရင်ဖြစ်ခြင်း၏ တန်ခိုးကိုကိုင်စွဲထားနိုင်ပြီး တိုင်းနိုင်ငံအားလုံးနှင့် လူမျိုးအပေါင်း (သားများနှင့်လူမျိုးတို့) ကို အုပ်စိုးနိုင်ကြသောကြောင့်လည်းကောင်း၊ သားများနှင့်လူမျိုးတို့သည် ငါ့အား၊ သားဦးများ၏အထက်၌ရှိသော ဘုရားသခင်ကိုယ်တော်တိုင်ဟု အဓိပ္ပါယ်ရသည့်၊ ထာဝရခမည်းတော်ဟု ခေါ်သင့်သည်။ ငါသည်သားများ၊ လူမျိုးတို့နှင့်သားဦးများ မဟုတ်သောသူများအတွက် အံ့သြဖွယ်ဖြစ်သည်။ ငါ့အမှု၏အံ့သြဖွယ်ဖြစ်ခြင်းကြောင့် မယုံကြည်သူများသည် (၎င်းတို့၏မျက်လုံးများအား ငါဖုံးကာထားခြင်းကြောင့်) ငါ့အား လုံးဝမမြင်နိုင်ကြဘဲ ငါ၏အမှုကိုရှင်းလင်းစွာ လုံးဝမမြင်နိုင်ကြသဖြင့် ၎င်းတို့အတွက် ငါသည်အံ့သြဖွယ်ဖြစ်သည်။ နတ်ဆိုးများအားလုံးနှင့် စာတန်အတွက် ငါသည်အတိုင်ပင်ခံဖြစ်သည်၊ အဘယ်ကြောင့်ဆိုသော် ငါပြုသောအရာမှန်သမျှမှာ ၎င်းတို့အားအရှက်ရစေပြီး၊ ငါပြုသောအရာမှန်သမျှမှာ ငါ၏သားဦးများအတွက် ဖြစ်သောကြောင့်ဖြစ်သည်။ ငါ၏ခြေလှမ်းတိုင်းသည် အဆင်ပြေချောမွတ်လျက်နေပြီး ငါသည်တစ်ဆင့်ချင်းစီတွင် အောင်မြင်မှုရသည်။ ထိုမျှမက ငါသည်စာတန်၏အကြံအစည်အားလုံးကို ရှင်းလင်းစွာမြင်နိုင်ပြီး ၎င်း၏အကြံအစည်များကို ငါ့အားအစေခံစေရန်အသုံးပြုပြီး ငါ၏ရည်ရွယ်ချက်များကို အသုံးတော်ခံရန် ၎င်းအား မကောင်းသည့်ဘက်မှ အရာတစ်ခုဖြစ်စေသည်။ ဤသည်မှာ ငါသည်အတိုင်ပင်ခံဖြစ်သည်ဟူသော အဓိပ္ပါယ်ဖြစ်ပြီး၊ ၎င်းအားမည်သူကမျှ မပြောင်းလဲနိုင်ဘဲ မည်သူကမျှ လုံးလုံးလျားလျား နားလည်နိုင်ခြင်းမရှိပေ။ သို့သော်လည်း ငါ၏ပုဂ္ဂိုလ်ဖြစ်ခြင်းအရဆိုပါက၊ ငါသည်ငြိမ်သက်ခြင်းအရှင်ဖြစ်၍၊ ထာဝရခမည်းတော်ဖြစ်သည်သာမက အတိုင်ပင်ခံနှင့်အံ့သြဖွယ်လည်းဖြစ်သည်။ ဤအရာထဲတွင် မမှန်သောအရာတစ်စုံတစ်ခုမျှမရှိ။ ၎င်းမှာ မငြင်းနိုင်ဘဲ ထာဝရတည်သော သမ္မာတရားပင်ဖြစ်သည်။

ငါ၌ ပြောစရာမြောက်မြားစွာရှိသည်၊ ၎င်းမှာ အမှန်တကယ်ပင် နှိုင်းဆ၍မရပေ။ ထို့ကြောင့် သင်တို့စိတ်ရှည်ရန်နှင့် စောင့်ရန်လိုအပ်သည်။ သင်ပြုသည့်အရာမှန်သမျှတွင် စိတ်စေ့ဆော်မှုအချို့အပေါ်၌ မလုပ်ဆောင်နှင့်။ အဘယ်ကြောင့်ဆိုသော် သင်တို့အတိတ်ကနားလည်ခဲ့သည့်အရာများမှာ ယနေ့တွင် ခေတ်ကုန်သွားပြီဖြစ်သည်၊ ၎င်းသည်သက်ဆိုင်ခြင်းမရှိတော့ဘဲ လက်ရှိအချိန်သည် မင်းဆက်တစ်ဆက်နှင့်တစ်ဆက်အကြား အကူးအပြောင်း ကာလတစ်ခုကဲ့သို့ အပြောင်းအလဲ ကာလတစ်ခုဖြစ်သောကြောင့် သင်တို့၏အတွေးအခေါ်နှင့် သင်တို့၏အယူအဆအဟောင်းများကို သင်တို့ပြောင်းလဲရန် လိုအပ်သည်။ ဤသည်မှာဖြောင့်မတ်သန့်ရှင်းခြင်းဝတ်ရုံကို ဝတ်ဆင်ခြင်း၏ စစ်မှန်သောရည်ရွယ်ချက်ဖြစ်သည်။ ငါကိုယ်တိုင်၏ နှုတ်ကပတ်တော်များကို ငါသာရှင်းပြနိုင်ပြီး ငါလုပ်ဆောင်ရန်အတွက် ငါတာဝန်ယူထားသောအရာကို ငါသာသိသည်။ ထို့ကြောင့် ငါ၏နှုတ်ကပတ်တော်များသာလျှင် မစင်ကြယ်ခြင်းကင်း၍ ငါရည်ရွယ်သောအရာ အပြည့်အဝဖြစ်သဖြင့် ၎င်းမှာ ဖြောင့်မတ်သန့်ရှင်းခြင်းဝတ်ရုံကို ဝတ်ဆင်ခြင်းဖြစ်သည်။ လူသားတို့ စိတ်၏သိနားလည်မှုမှာ စိတ်အထင်မျှသာဖြစ်သည်၊ ၎င်းတို့၏နားလည်နိုင်မှုမှာ မသန့်ရှင်းဘဲ ငါ၏ရည်ရွယ်ချက်များနှင့် ပြည့်မီနိုင်ခြင်းမရှိပေ။ ထို့ကြောင့် ငါကိုယ်တိုင်စကားပြောပြီး ငါကိုယ်တိုင်ရှင်းပြခြင်းဖြစ်၍ ဤသည်မှာ “ငါကိုယ်တိုင် အမှုပြုသည်” ဟူခြင်း၏ ရည်ရွယ်ထားသော နောက်ခံအဓိပ္ပါယ်ဖြစ်သည်။ ၎င်းမှာ ငါ၏စီမံခန့်ခွဲမှုအစီအစဉ်၏ မရှိမဖြစ်သောအစိတ်အပိုင်းတစ်ခု ဖြစ်ပြီး လူအားလုံးသည် ငါ့အား ထောမနာပြုပြီးချီးမွမ်းရမည်။ ငါ၏နှုတ်ကပတ်တော်များကို နားလည်မှုအတွက်မူကား ယင်းအစွမ်းတန်ခိုးကို လူတို့အား ငါမည်သည့်အခါကမျှ မပေးခဲ့ခြင်းကြောင့် ၎င်းတို့၌ ထိုအရာအတွက် အစွမ်းအစ လုံးဝ မရှိကြခြင်းဖြစ်သည်။ ဤသည်မှာ မာရ်နတ်အား အရှက်ရစေရန်အတွက် ငါ၏နည်းလမ်းများထဲမှ နည်းလမ်းတစ်ခုဖြစ်သည်။ (အကယ်၍ လူတို့သည် ငါ၏ဖွင့်ဆိုချက်များကို နားလည်ခဲ့ပြီး ၎င်းတို့သည်တစ်ဆင့်ချင်းစီမှ ငါ၏ရည်ရွယ်ချက်များကို စူးစမ်းနိုင်ကြပါက၊ စာတန်သည် လူတို့အား အချိန်မရွေးပိုင်ဆိုင်နိုင်ကာ အကျိုးဆက်အနေဖြင့် လူတို့သည် ငါ့အားကျောခိုင်းစွန့်ခွာကြမည်ဖြစ်သဖြင့် သားဦးများကို ရွေးချယ်မည့် ငါ၏ရည်မှန်းချက်ပန်းတိုင် ပြည့်မီရန် ဖြစ်နိုင်တော့မည်မဟုတ်ပေ။ အကယ်၍ ငါသည်နက်နဲမှုအားလုံးကို နားလည်ပြီး မည်သူမျှ ဉာဏ်မမီနိုင်သောဖွင့်ဆိုချက်များကို ငါကိုယ်တိုင်ပြောနိုင်ခဲ့သည်ဆိုပါက ငါသည်လည်းစာတန်၏ ပိုင်ဆိုင်ခြင်းကို ခံရနိုင်မည်ဖြစ်သည်။ ဤသည်မှာ ငါသည်လူ့ဇာတိအဖြစ်ရှိစဉ် ငါသည်သဘာဝလွန်အဖြစ် လုံးလုံးလျားလျား မဖြစ်ခြင်း၏ အကြောင်းရင်းဖြစ်သည်။) အယောက်တိုင်းသည် ဤနှုတ်ကပတ်တော်များ၏ အရေးပါမှုကို ရှင်းလင်းစွာနားလည်ရန်နှင့် ငါ၏ဦးဆောင်မှုနောက်သို့ လိုက်ကာအမှုများကို ပြုကြရန် မဖြစ်မနေလိုအပ်ပါသည်။ သင်တို့ကိုယ်တိုင်အတွက် အလွန်လေးနက်သောနှုတ်ကပတ်တော်များနှင့် သြဝါဒများကို နားလည်ရန်မကြိုးစားကြနှင့်။

ယခင်က:ကိုးဆယ့်ခြောက်ခုမြောက်သော မိန့်မြွက်ချက်

နောက်တစ်ခုသို့:တစ်ရာ့နှစ်ခုမြောက်သော မိန့်မြွက်ချက်

သင်နှစ်သက်နိုင်သည့် အရာများ