အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

တစ်ရာ့နှစ်ခုမြောက်သော မိန့်မြွက်ချက်

ငါသည် အတိုင်းအတာတစ်ခုအထိ ပြောဆိုခဲ့ပြီး အတိုင်းအတာတစ်ခုအထိ အမှုပြုခဲ့ပြီး ဖြစ်သည်၊ သင်တို့ အားလုံးသည် ငါ၏ အလိုကို နားလည်သဘောပေါက်သင့်ပြီး ငါ၏ ဝန်ကို အမျိုးမျိုးသော အတိုင်းအတာအထိ ထောက်ထားနိုင်သင့်သည်။ ယခုသည် ဇာတိပကတိမှ ဝိညာဉ်ရေးရာ လောကထဲသို့ ပြောင်းလဲသော အခိုက်အတန့် ဖြစ်ပြီး သင်တို့သည် ခေတ်ကာလများကို ခွလျက်နေကြသော ရှေ့ပြေးများ၊ စကြဝဠာ အစွန်းများတစ်လျှောက်သို့ ဖြတ်ကူးသော စကြဝဠာနှင့်ဆိုင်သော လူများ ဖြစ်ကြသည်။ သင်တို့သည် ငါ၏ အချစ်မြတ်နိုးဆုံးသူများ ဖြစ်ကြပြီး၊ ငါချစ်သောသူများ ဖြစ်ကြသည်။ ငါ၌ သင်တို့မှအပ အခြားချစ်ခြင်းမရှိဟု ဆိုနိုင်သည်၊ အဘယ်ကြောင့်ဆိုသော် အားသွန်ခွန်စိုက်လုပ်ရသော ငါ၏ ကြိုးပမ်းမှု အားလုံးသည် သင်တို့အတွက် ဖြစ်သောကြောင့် ဖြစ်သည်၊ ၎င်းကို သင်တို့ မသိခြင်း ဖြစ်နိုင်သလော။ အရာခပ်သိမ်းကို အဘယ်ကြောင့် ငါဖန်ဆင်းခဲ့မည်နည်း။ သင်တို့အား အလုပ်အကျွေးပြုရန် အရာခပ်သိမ်းကို အဘယ်ကြောင့် ငါထိန်းကျောင်းခဲ့မည်နည်း။ ဤအရာအားလုံးသည် သင်တို့အတွက် ငါ့ချစ်ခြင်းမေတ္တာ၏ ဖော်ပြချက်များပင် ဖြစ်သည်။ ငါသည် သင်တို့အား ရရှိခဲ့ခြင်းကြောင့် တောင်များနှင့် တောင်များထဲမှ အရာခပ်သိမ်း၊ ကမ္ဘာမြေကြီးနှင့် ကမ္ဘာမြေကြီးပေါ်မှ အရာခပ်သိမ်းသည် ငါ့အား ချီးမွမ်း ထောမနာပြုကြသည်။ အမှန်ဆိုပါက အရာခပ်သိမ်း လုပ်ဆောင်ခဲ့ပြီး ဖြစ်သည့်အပြင် အရာခပ်သိမ်းသည် အစုံအလင် ပြီးမြောက်ခဲ့ပြီ ဖြစ်သည်။ သင်တို့သည် ငါ့အတွက် ထူးကဲသော သက်သေကို ခံခဲ့ကြပြီး ငါ့အတွက် နတ်ဆိုးများနှင့် စာတန်ကို အရှက်ရစေခဲ့ကြသည်။ ငါ၏ အပြင်ဘက်မှ လူများ၊ အရေးကိစ္စများနှင့် အရာအားလုံးသည် ငါ၏ သြဇာအာဏာအောက်တွင် ဝန်ခံကြပြီး၊ ငါ၏ စီမံခန့်ခွဲမှု အစီအစဉ် ပြည့်မြောက် ပြီးဆုံးခြင်းကြောင့် အားလုံးသည် ၎င်းတို့၏ အမျိုးအလိုက် နောက်လိုက်ကြသည် (ငါ၏ လူများသည် ငါနှင့်သက်ဆိုင်ပြီး စာတန်၏ အမျိုးသည် မီးအိုင်ထဲသို့ အားလုံး သွားကြရမည်၊ ၎င်းတို့သည် ထာဝရ ငိုကြွေးမြည်တမ်းခြင်းနှင့် အစဉ်အမြဲ ပျက်စီးခြင်းခံရမည့် နေရာဖြစ်သည့် အဆုံးမဲ့သော တွင်းနက်ထဲသို့ သွားကြသည်။) “ပျက်စီးခြင်း” အကြောင်းနှင့် “ထိုအချိန်မှ စတင်ကာ ၎င်းတို့၏ ခန္ဓာ၊ စိတ် နှင့် ဝိညာဉ်ကို ယူကာ၊” ဟူ၍ ငါဆိုသည့်အခါ ၎င်းတို့အား စာတန်၏ လက်သို့ အပ်လိုက်ခြင်းနှင့် ၎င်းတို့အား နင်းခြေရန် အခွင့်ပေးကြောင်းကို ငါဆိုလိုနေခြင်းဖြစ်သည်။ တစ်နည်းအားဖြင့်ဆိုသော် ငါ၏ အိမ်သူအိမ်သား မဟုတ်သောသူ အားလုံးသည် ပျက်စီးခြင်း၏ အရာများ ဖြစ်ကာ ၎င်းတို့သည် ဆက်၍ မတည်မရှိရ။ ဤသည်မှာ လူတို့ စိတ်ကူးသကဲ့သို့ ၎င်းတို့သည် ကွယ်ပျောက်သွားလိမ့်မည် မဟုတ်ပေ။ ထို့အပြင် ငါ၏ အပြင်ဘက်၊ ငါ၏ အကြံအစည်ထဲမှ အရာခပ်သိမ်းသည် မတည်ရှိခြင်း ဖြစ်သည်ဟုလည်း ဆိုနိုင်ပြီး ၎င်းသည် သေပြီးနောက် ထာဝရ ပြစ်ဒဏ်ခံရခြင်း၏ စစ်မှန်သော အဓိပ္ပာယ်ဖြစ်သည်။ လူတို့၏အမြင်တွင် ၎င်းတို့သည် ဆက်၍ တည်ရှိနေသေးသည့်ပုံ ပေါက်သော်လည်း ငါ၏ အမြင်တွင်မူ ၎င်းတို့သည် ဘာမျှမရှိခြင်းအဖြစ်သို့ ပြောင်းသွားပြီ ဖြစ်ကာ ထာဝရ ပျက်စီးခြင်းသို့ ရောက်ကြလိမ့်မည် ဖြစ်သည်။ (ငါဆက်၍အမှုမပြုသောသူနှင့် ငါ၏ အပြင်ဘက်၌ ရှိသောသူ မည်သူမဆိုအပေါ် အလေးပေးခြင်း ဖြစ်သည်။) လူသားများတွင် ၎င်းတို့ မည်သို့ စဉ်းစားပါစေ၊ ဤအရာကို သဘောပေါက်နိုင်ကြခြင်း မရှိဘဲ ၎င်းတို့ မည်သို့ မြင်ပါစေ ၎င်းကို ထိုးထွင်းနိုင်ခြင်း မရှိကြပေ။ ၎င်းတို့အား ငါ ဉာဏ်မဖွင့်ပေးပါက၊ အလင်းမပေးဘဲ တိကျပြတ်သားစွာ မညွှန်ပြပါက မည်သူမျှ ရှင်းလင်းစွာ နားမလည်နိုင်ပေ။ ထို့အပြင် အယောက်တိုင်းသည် ၎င်းနှင့်ပတ်သက်ပြီး ပို၍ပို၍ ဝိုးတိုးဝါးတား ဖြစ်ကာ ပို၍ပင် ဗလာနတ္တိ ဖြစ်ကြောင်း ခံစားရပြီး လိုက်လျှောက်ရန် လမ်းကြောင်း မရှိဟု တိုး၍ ခံစားကြရလိမ့်မည်၊ ၎င်းတို့သည် သေဆုံးနေသော လူများနှင့် တူညီလုနီးပါး ဖြစ်ကြသည်။ ယခုအခါတွင် (သားဦးများမှအပ လူအားလုံးကို ဆိုလိုခြင်း) လူအများစုသည် ဤအခြေအနေတွင် ရှိကြသည်။ ဤအရာများကို အလွန် ရှင်းလင်းစွာ ငါပြောဆိုသော်လည်း ဤလူတို့၌ တုံ့ပြန်မှု အနည်းငယ် ရှိပြီး ၎င်းတို့၏ ဇာတိသွေးသား ပျော်ရွှင်မှုများအတွက် ဆက်၍ ဂရုစိုက်နေကြသည်၊ ၎င်းတို့ စားလိုက် အိပ်လိုက်၊ အိပ်လိုက် စားလိုက် လုပ်နေကြပြီး ငါ၏ နှုတ်ကပတ်တော်များကို ဆင်ခြင်ခြင်း မရှိကြပေ။ အကယ်၍ ၎င်းတို့ ထကြွလုံ့လရှိလျှင်ပင် ၎င်းမှာ ခေတ္တခဏမျှသာဖြစ်ပြီး နောက်ပိုင်းတွင် ငါ့အား လုံးဝ နားမထောင်ခဲ့ကြသည့်အလား လုံးလုံးလျားလျား မပြောင်းလဲဘဲ ယခင်ကကဲ့သို့ပင် ၎င်းတို့ ဆက်၍ရှိနေကြသည်။ ဤသည်မှာ ဝန်ထုပ်ဝန်ပိုးများ မရှိသော တာဝန်မဲ့သည့် ထုံးစံအတိုင်းဖြစ်သော လူများ၊ အသိသာဆုံးသော ကပ်ပါးရပ်ပါးများ ဖြစ်ကြသည်။ နောက်ပိုင်းတွင် ၎င်းတို့အား တစ်ယောက်ပြီး တစ်ယောက် ငါပစ်ပယ်မည်။ မစိုးရိမ်နှင့်။ တစ်ယောက်ပြီး တစ်ယောက် ငါသည် ၎င်းတို့အား အဆုံးမရှိသော တွင်းနက်ထဲသို့ ပြန်ပို့မည်။ သန့်ရှင်းသော ဝိညာဉ်တော်သည် ဤသို့သော လူအမျိုးအစားပေါ်၌ မည်သည့်အခါမျှ အလုပ်မလုပ်ဘဲ ထိုလူပြုသည့် အရာမှန်သမျှမှာ ဆုကျေးဇူးတစ်ခု ဖြစ်သည်။ ဤဆုကျေးဇူးအကြောင်းကို ငါဆိုသည့်အခါ ဤသူသည် ငါ၏ အစေခံသူဖြစ်ပြီး အသက်မရှိသော လူတစ်ဦးဖြစ်ကြောင်း ငါဆိုလိုခြင်းဖြစ်သည်။ ၎င်းတို့ တစ်ဦးတစ်ယောက်ကိုမျှ ငါအလိုမရှိဘဲ ၎င်းတို့အား ငါသုတ်သင်ဖယ်ရှားမည် (သို့သော်လည်း ယခုတွင်မူ ၎င်းတို့သည် အနည်းငယ် အသုံးဝင်ကြသေးသည်)။ အစေခံသူများဖြစ်ကြသောသူများ နားထောင်လော့။ သင့်ကို ငါအသုံးပြုနေခြင်းမှာ သင့်အား ငါမျက်နှာသာပေးကြောင်း ဆိုလိုသည်ဟု မထင်နှင့်။ ထိုအရာမှာ လွယ်ကူလှသည် မဟုတ်။ အကယ်၍ သင့်အား ငါမျက်နှာသာ ပေးစေလိုပါက သင်သည် ငါလက်ခံသောသူဖြစ်ကာ ငါကိုယ်တိုင် ပြည့်စုံခြင်းသို့ရောက်စေသောသူ တစ်စုံတစ်ဦး ဖြစ်ရမည်။ ဤသည်မှာ ငါချစ်သော လူအမျိုးအစား ဖြစ်သည်။ လူတို့က ငါသည် အမှားတစ်ခု ပြုခဲ့ပြီဟု ဆိုခဲ့လျှင်ပင် ငါသည် မည်သည့်အခါမျှ ကတိပျက်မည် မဟုတ်ပေ။ သင်သိသလော။ အစေခံသော သူများသည် ကျွဲနွားစုနှင့် မြင်းများ ဖြစ်ကြသည်။ ၎င်းတို့သည် ငါ၏ သားဦးများ အဘယ်သို့ ဖြစ်နိုင်ကြမည်နည်း။ ၎င်းမှာ အဓိပ္ပာယ် မရှိသောအရာ ဖြစ်လိမ့်မည် မဟုတ်လော။ ၎င်းမှာ သဘာဝ၏ နိယာမတရားများအား ဖောက်ဖျက်မှု တစ်ခုပင် ဖြစ်လိမ့်မည် မဟုတ်လော။ ငါ၏ အသက်၊ ငါ၏ အရည်အချင်း ရှိသော မည်သူမဆိုသည် ငါ၏ သားဦးများ ဖြစ်ကြသည်။ ဤသည်မှာ လက်တွေ့ကျသော အရာတစ်ခု ဖြစ်သည်၊ မည်သူမျှ ၎င်းကို မငြင်းနိုင်။ ၎င်းမှာ ထိုသို့ ဖြစ်ရမည်၊ ထိုသို့ မဟုတ်ပါက သားဦးတို့၏ အခန်းကဏ္ဍတွင် လုပ်ဆောင်နိုင်သောသူ၊ အစားထိုးနိုင်သောသူ တစ်စုံတစ်ဦးမျှ ရှိလိမ့်မည် မဟုတ်ပေ။ ဤသည်မှာ စိတ်ခံစားချက်ကို အခြေခံကာ ပြုသော ကိစ္စတစ်ခု မဟုတ်ပေ၊ အဘယ်ကြောင့်ဆိုသော် ငါသည် ဖြောင့်မတ်သော ဘုရားသခင် ကိုယ်တော်တိုင် ဖြစ်သည်၊ ငါသည် သန့်ရှင်းသော ဘုရားသခင် ကိုယ်တော်တိုင် ဖြစ်သည်၊ ငါသည် ဘုန်းအာနုဘော်နှင့် ပြည့်သော၊ ထိပါးစော်ကား၍ မရသော ဘုရားသခင် ကိုယ်တော်တိုင် ဖြစ်သည်။

လူတို့အတွက် မဖြစ်နိုင်သော အရာမှန်သမျှသည် ငါ့အတွက် အဆင်ပြေချောမွေ့၍ အချုပ်အနှောင်ကင်းသည်။ ၎င်းကို မည်သူမျှ မရပ်တန့်နိုင်ဘဲ မည်သူကမျှ မပြောင်းလဲနိုင်ပေ။ စာတန်မာရ်နတ်လေးကို သာမက ယင်းကဲ့သို့ ကြီးမားသော ကမ္ဘာလောကကြီးသည် ငါ၏ လက်ထဲတွင်သာ ရှိကြသည်။ အကယ်၍ ငါ၏ စီမံခန့်ခွဲမှု အစီအစဉ်နှင့် ငါ၏ သားဦးများကြောင့်သာ မဟုတ်ခဲ့ပါက သေခြင်း အနံ့ဆိုးဖြင့် နံဟောင်နေပြီး လူတကာနှင့် သောင်းပြောင်း လိင်ဆက်ဆံတတ်သည့် ဆိုးယုတ်သော ဤခေတ်ကာလအဟောင်းကို ငါဖျက်ဆီးပစ်ခဲ့သည်မှာ ကြာလှပြီဖြစ်သည်။ သို့သော်လည်း ငါသည် မှန်ကန်မှုဖြင့် အမှုပြုပြီး ပေါ့ပေါ့တန်တန် စကားမပြောပေ။ ငါပြောလိုက်သည်နှင့် ပြောသည့်အတိုင်း ဖြစ်မြောက်လိမ့်မည်၊ အကယ်၍ မဖြစ်မြောက်လျှင်လည်း ငါ့အတွက် အရာခပ်သိမ်းကို ဖြစ်မြောက်စေကာ ငါ၏ လုပ်ဆောင်ချက်များကို လမ်းဖွင့်ပေးမည့် ငါ့ဉာဏ်ပညာ၏ ရှုထောင့်ရှိသည်။ အကြောင်းမှာ ငါ၏ နှုတ်ကပတ်တော်များသည် ငါ၏ ဉာဏ်ပညာ ဖြစ်သောကြောင့် ဖြစ်သည်၊ ငါ၏ နှုတ်ကပတ်တော်များသည် အရာခပ်သိမ်း ဖြစ်ကြသည်။ လူတို့သည် ထိုနှုတ်ကပတ်တော်များကို အခြေခံအားဖြင့် နားလည်နိုင်ကြခြင်း မရှိသည့်အပြင် ၎င်းတို့အား သဘောပေါက်နိုင်ကြခြင်း မရှိပေ။ “မီးအိုင်” ဟူ၍ မကြာမဏ ငါရည်ညွှန်းသည်။ ထိုအရာမှာ မည်သည့်အရာကို ဆိုလိုသနည်း။ ၎င်းသည် ကန့်နှင့်ရောသော မီးအိုင်နှင့် အဘယ်သို့ ကွာခြားသနည်း။ ကန့်နှင့်ရောသော မီးအိုင်ဆိုသည်မှာ စာတန်၏ သြဇာလွှမ်းမိုးမှုကို ရည်ညွှန်းပြီး မီးအိုင် ဆိုသည်မှာ စာတန်၏ အုပ်စိုးမှုအောက်၌ရှိသော ကမ္ဘာမြေတစ်ခုလုံးကို ဆိုလိုသည်။ ကမ္ဘာမြေပေါ်မှ အယောက်တိုင်းသည် မီးအိုင်ထဲတွင် လောင်မြိုက်ခြင်းကို ခံကြရမည် (တစ်နည်းဆိုသော် ၎င်းတို့သည် တိုး၍ ဖောက်ပြန်ပျက်စီးလာကြပြီး ၎င်းတို့၏ ဖောက်ပြန်ပျက်စီးမှုသည် အဆင့်တစ်ခုသို့ ရောက်သောအခါ ၎င်းတို့သည် တစ်ယောက်ပြီး တစ်ယောက် ငါ၏ ဖျက်ဆီးခြင်းကို ခံကြရမည်၊ ယင်းကဲ့သို့ ဖျက်ဆီးရန် ငါစကားတစ်ခွန်းထက် ပို၍ ပြောရန်မလိုဘဲ ငါ့အတွက် လွယ်ကူလှသည်)။ ငါ၏ အမျက် ပို၍ ကြီးလေ၊ မီးအိုင် တစ်ခုလုံးတွင် မီးတောက်မီးလျှံ ပို၍ ကြီးလေ ဖြစ်သည်။ ဤသည်မှာ လူတို့သည် ပို၍ ပို၍ ဆိုးယုတ်လာကြောင်းကို ရည်ညွှန်းသည်။ ငါ၏ အမျက် ပေါက်ကွဲသည့် အချိန်သည် မီးအိုင် ပွင့်ထွက်ပေါက်ကွဲသည့် အချိန် ဖြစ်လိမ့်မည်၊ ဆိုလိုသည်မှာ ထိုအချိန်သည် ကမ္ဘာ စကြဝဠာ တစ်ခုလုံး ပျက်စီးခြင်းသို့ ရောက်သည့်အချိန် ဖြစ်လိမ့်မည်။ ထိုနေ့ရက်တွင် ငါ၏ နိုင်ငံတော်သည် ကမ္ဘာမြေကြီးပေါ်၌ အပြည့်အဝ ပေါ်ထွန်းလာမည်ဖြစ်ပြီး အသက်သစ် တစ်ခု စတင်လိမ့်မည်။ ဤသည်မှာ များမကြာမီ ပြည့်စုံလာမည့် အရာတစ်စုံတစ်ခု ဖြစ်သည်။ ငါပြောခြင်းကြောင့် အရာခပ်သိမ်းသည် အမြင်တွင် ပြည့်စုံလာမည် ဖြစ်သည်။ ဤသည်မှာ ဤအကြောင်းအရာအပေါ် လူတို့၏အမြင် ဖြစ်သော်လည်း အရာခပ်သိမ်းသည် ငါ့အတွက် လွယ်ကူခြင်းကြောင့် ငါ၏ အမြင်တွင် အရာများသည် ကြိုတင်၍ ပြီးစီးဖြစ်မြောက်ခဲ့ပြီ ဖြစ်သည်။ ငါပြောသောအခါ ပြောသည့်အတိုင်း ဖြစ်သည်၊ ငါ ပြောသည့်အခါ ပြောသည့်အတိုင်း တည်သည်။

နေ့စဉ်နေ့တိုင်း သင်တို့သည် ငါ၏ နှုတ်ကပတ်တော်များကို စားကြသည်၊ ငါ၏ ဗိမာန်တော်ထဲမှ ဆီဥကို အရသာတွေ့ကြသည်၊ ငါ၏ အသက်ရေစီးရာမြစ်မှ ရေကို သောက်ကြသည်၊ ငါ၏ အသက်ပင်မှ အသီးကို ခူးဆွတ်ကြသည်။ ထိုသို့ဆိုလျှင် ငါ၏ ဗိမာန်တော်ထဲမှ ဆီဥဆိုသည်မှာ အဘယ်နည်း။ ငါ၏ အသက်ရေစီးရာမြစ်မှ ရေဆိုသည်မှာ အဘယ်နည်း။ အသက်ပင် ဆိုသည်မှာ အဘယ်နည်း။ အသက်ပင်၏ အသီးဆိုသည်မှာ အဘယ်နည်း။ ဤကြားနေကျ အသုံးအနှုန်းများကို လူသား အားလုံး နားမလည်နိုင်ကြဘဲ၊ အားလုံး ရှုပ်ထွေးကြသည်၊ ထိုအသုံးအနှုန်းများကို တာဝန်မဲ့စွာ ပြောဆိုနေကြသည်၊ မဆင်မခြင် အသုံးပြုနေကြပြီး ၎င်းတို့အား ကြုံရာကျပန်း အသုံးချနေကြသည်။ ဗိမာန်တော်ထဲမှ ဆီဥဆိုသည်မှာ ငါဆိုခဲ့ပြီးသော နှုတ်ကပတ်တော်များနှင့် သင်တို့အား ငါပေးခဲ့ပြီးသော ကျေးဇူးတော်ကို ဆိုလိုခြင်း မဟုတ်ပေ။ ထိုသို့ဆိုသော် စင်စစ်အားဖြင့် ၎င်းမှာ မည်သည့်အရာကို ဆိုလိုသနည်း။ ရှေးကာလများ ကတည်းက ငါ၏ ဗိမာန်တော်ထဲမှ ဆီဥကို အရသာခံရန် အခွင့်ရခဲ့သောသူ တစ်စုံတစ်ဦး မည်သည့်အခါကမျှ မရှိခဲ့ပေ။ နောက်ဆုံးသော ကာလတွင်သာ၊ ငါ၏ သားဦးများအကြားတွင် လူတို့သည် ငါ၏ ဗိမာန်တော်ထဲမှ ဆီဥဆိုသည်မှာ မည်သည့်အရာ ဖြစ်ကြောင်းကို မြင်နိုင်ကြမည်။ “ငါ၏ ဗိမာန်တော်ထဲမှ ဆီဥ” ဟု ဆိုသော စကားထဲမှ “ဗိမာန်တော်” ဆိုသည်မှာ ငါ၏ လူပုဂ္ဂိုလ် ဖြစ်ပြီး ငါ၏ ကိန်းဝပ်ရာဖြစ်သည့် ဇိအုန်တောင်ကို ရည်ညွှန်းခြင်း ဖြစ်သည်။ ငါ၏ ခွင့်ပြုချက် မရှိဘဲ မည်သူမျှ အဝင်အထွက် မပြုနိုင်။ “ဆီဥ” ဆိုသည်မှာ မည်သည့်အရာကို ဆိုလိုသနည်း။ ဆီဥ ဆိုသည်မှာ ငါနှင့်အတူ ခန္ဓာကိုယ်ထဲတွင် စိုးစံရမည့် ကောင်းချီးမင်္ဂလာကို ဆိုလိုသည်။ ယေဘုယျအနေဖြင့် ဆိုပါက ဤသည်မှာ ငါနှင့်အတူ ခန္ဓာကိုယ်ထဲတွင် စိုးစံရမည့် သားဦးတို့၏ ကောင်းချီးမင်္ဂလာကို ဆိုလိုပြီး ၎င်းသည် နားလည်ရန် မခက်ခဲပါ။ အသက်ရေစီးရာမြစ်မှ ရေတွင် အဓိပ္ပာယ်နှစ်မျိုးရှိသည်၊ တစ်ခုမှာ ငါ၏ အတွင်းဆုံး ဖြစ်ခြင်းထဲမှ စီးထွက်သော အသက်ရေကို ရည်ညွှန်းသည်၊ ဆိုလိုသည်မှာ ငါ၏ နှုတ်မှထွက်သော နှုတ်ကပတ်တော် တစ်လုံးချင်းစီ ဖြစ်သည်။ အခြားတစ်ခုမှာ ငါ့လုပ်ဆောင်မှုများ၏ နည်းဗျူဟာနှင့် ဉာဏ်ပညာကို သာမက ငါ၏ဖြစ်ခြင်းနှင့် ငါ၏အရာအားလုံးကို ရည်ညွှန်းခြင်း ဖြစ်သည်။ ငါ၏ နှုတ်ကပတ်တော်များထဲတွင် အဆုံးမရှိသည့် ဝှက်ထားသော နက်နဲရာများ ရှိသည် (ထိုနက်နဲရာများသည် ဆက်လက် ဝှက်ထားခြင်း မရှိတော့ခြင်းသည် အတိတ်ကာလနှင့် ဆန့်ကျင်ဘက်ဖြစ်ကြောင်း ပြသနေသော်လည်း အနာဂတ်တွင် အများတကာကို ဖွင့်ပြချက်နှင့် နှိုင်းယှဉ်ပါက ထိုနက်နဲရာများသည် ဝှက်ထားဆဲပင်ဖြစ်သည်။ ဤနေရာ၌ “ဝှက်ထားသည်” ဆိုသည်မှာ အပြည့်အဝ မဟုတ်ဘဲ နှိုင်းယှဉ်ချက်အရ ဖြစ်သည်)၊ ဆိုလိုသည်မှာ အသက်ရေစီးရာမြစ်မှ ရေသည် အစဉ် စီးဆင်းနေသည်။ ငါ့အထဲတွင် အနန္တဉာဏ်ပညာရှိပြီး လူတို့သည် ငါ၏ဖြစ်ခြင်းနှင့် ငါ၏အရာအားလုံးကို လုံးလုံးလျားလျား နားလည်သဘောပေါက်နိုင်ခြင်း မရှိကြချေ၊ ဆိုလိုသည်မှာ အသက်ရေစီးရာမြစ်မှ ရေသည် အစဉ် စီးဆင်းနေသည်။ လူသားတို့၏ အမြင်တွင် ကိုယ်ထည်ရှိသော သစ်ပင်အမျိုးအစား များစွာရှိကြသော်လည်း မည်သူတစ်ဦးတစ်ယောက်မျှ အသက်ပင်ကို မမြင်တွေ့ဖူးကြချေ။ သို့သော်လည်း လူတို့သည် ထိုအသက်ပင်ကို ယနေ့ တွေ့ကြသော်လည်း ၎င်းတို့သည် နားမလည်ကြသေးဘဲ အသက်ပင်ကို စားကြောင်းကိုပင် ပြောလိုက်သေးသည်။ ၎င်းမှာ အမှန်တကယ်ပင် အဓိပ္ပာယ် မရှိလိုက်လေခြင်း။ ၎င်းတို့သည် အသက်ပင်ကို လက်လွတ်စပယ် စားကြမည်တကား။ လူတို့သည် အသက်ပင်ကို ယနေ့ မြင်ကြသော်လည်း နားမလည်ကြဟု အဘယ်ကြောင့် ငါဆိုသနည်း။ အဘယ်ကြောင့် ငါထိုသို့ဆိုသနည်း။ ငါ၏ နှုတ်ကပတ်တော်များ၏ အဓိပ္ပာယ်ကို သင်နားလည်သလော။ ယနေ့ခေတ် လက်တွေ့ကျသော ဘုရားသခင် ကိုယ်တော်တိုင်သည် ငါကိုယ်တိုင် ဖြစ်ပြီး အသက်ပင်လည်း ဖြစ်သည်။ ငါ့ကို တိုင်းထွာရန် လူသားတို့၏ အယူအဆကို အသုံးမပြုနှင့်၊ အပြင်ပန်း ကြည့်ပါက ငါသည် အပင်တစ်ပင်နှင့် မတူသော်လည်း ငါသည် အသက်ပင် ဖြစ်ကြောင်းကို သင် သိသလော။ ငါ၏ လှုပ်ရှားမှု၊ ငါ၏ စကားနှင့် အပြုအမူ တစ်ခုချင်းစီသည် အသက်ပင်၏ အသီးဖြစ်ပြီး ၎င်းတို့သည် ငါ၏ ပုဂ္ဂိုလ်ဖြစ်သည်၊ ၎င်းတို့သည် ငါ၏ သားဦးများ စားသင့်သော အရာများ ဖြစ်သဖြင့် နောက်ဆုံးတွင် ငါ၏ သားဦးများနှင့် ငါသာလျှင် တစ်ထပ်တည်း တူကြလိမ့်မည်။ ၎င်းတို့သည် ငါ့အား အသက်ရှင်နေထိုင်နိုင်ပြီး ငါ့အတွက် သက်သေခံနိုင်ကြ လိမ့်မည်။ (ဤသည်တို့မှာ ဝိညာဉ်ရေးရာ လောကထဲသို့ ငါတို့ ဝင်ရောက်ပြီးနောက်တွင် ဖြစ်သောအရာများဖြစ်သည်။ ခန္ဓာကိုယ်အားဖြင့်သာ ငါတို့ တစ်ထပ်တည်း တူညီနိုင်ကြသည်၊ သွေးသားဇာတိအားဖြင့် ငါတို့သည် အကြမ်းဖျင်းသာ တူညီနိုင်သော်လည်း ငါတို့ထံ၌ မိမိတို့၏ ကိုယ်ပိုင်အကြိုက်များ ရှိသေးပါသည်။)

ငါ၏တန်ခိုးကို ငါ၏သားဦးများထဲ၌ ထင်ရှားစေမည်သာမကဘဲ ငါ၏တန်ခိုးကို ငါ၏သားဦးများ၏ တိုင်းနိုင်ငံများနှင့် လူမျိုးအပေါင်းတို့အား အုပ်ချုပ်မှုအားဖြင့်လည်း ငါထင်ရှားစေမည်။ ဤသည်မှာ ငါ့အမှု၏ အဆင့်တစ်ခု ဖြစ်သည်။ ယခုအချိန်သည် အဓိကကျပြီး ယခုအချိန်သည် အလှည့်အပြောင်း ကာလ ပို၍ပင်ဖြစ်သည်။ အရာခပ်သိမ်း ဖြစ်မြောက်သည့်အခါ သင်တို့သည် ငါ၏ လက်များမှာ မည်သည့်အမှုကို ပြုကြောင်းနှင့် ငါသည် မည်ကဲ့သို့ စီစဉ်ပြီး စီမံခန့်ခွဲကြောင်းကို သင်တို့ မြင်ရလိမ့်မည် ဖြစ်သော်လည်း ဤသည်မှာ မတိကျသော အရာတစ်ခု မဟုတ်ချေ။ ကမ္ဘာပေါ်မှ တိုင်းနိုင်ငံ အားလုံး၏ ပြောင်းလဲမှုအရ ၎င်းသည် အလွန် ဝေးကွာသောအရာ မဟုတ်၊ ၎င်းသည် လူတို့ စိတ်ကူးနိုင်ခြင်း မရှိသော အရာတစ်စုံတစ်ခု ဖြစ်သည်သာမက ၎င်းတို့ ကြိုတင်၍ မမြင်နိုင်သောအရာ တစ်စုံတစ်ခု ဖြစ်သည်။ ကောင်းချီးမင်္ဂလာခံစားရန်နှင့် အကျိုးခံစားရရန် အခွင့်အရေးကို လက်လွတ်ဆုံးရှုံးခြင်း မရှိစေရန် သင်သည် သတိမမူခြင်း သို့မဟုတ် ဂရုမစိုက်ခြင်း လုံးဝ မရှိရ။ နိုင်ငံတော်၏ အလားအလာသည် အမြင်တွင် ရှိပြီး ကမ္ဘာမြေကြီး တစ်ခုလုံးသည် တဖြည်းဖြည်း ခြောက်ကပ်တိတ်ဆိတ်ခြင်းသို့ ကျရောက်လျက်ရှိသည်။ အဆုံးမဲ့သော တွင်းနက်နှင့် ကန့်နှင့်ရောသော မီးအိုင်မှ ငိုကြွေးမြည်တမ်းသံများ ထွက်ပေါ်ပြီး လူတို့အား ခြောက်လှန့်ကာ ၎င်းတို့အား ကြောက်ရွံ့စေပြီး အရှက်ရစေသည်။ ငါ၏ နာမအားဖြင့် ရွေးချယ်ခြင်းကို ခံရပြီး သုတ်သင်ဖယ်ရှင်းခြင်းကို ခံရသော မည်သူမဆို အဆုံးမဲ့သော တွင်းနက်ထဲတွင် ရှိလိမ့်မည်။ ထို့ကြောင့် ငါအကြိမ်များစွာ ပြောခဲ့ပြီးသည်နှင့်အညီ သုတ်သင်ဖယ်ရှားရမည့် အရာများကို အဆုံးမဲ့သော တွင်းနက်ထဲသို့ ငါပစ်ချမည်။ ကမ္ဘာမြေကြီး တစ်ခုလုံး ဖျက်ဆီးခြင်း ခံရသည့်အခါ အဖျက်ဆီးခံရသော အရာခပ်သိမ်းသည် ကန့်နှင့်ရောသော မီးအိုင်သို့ သွားမည် ဖြစ်သည်၊ ဆိုလိုသည်မှာ ၎င်းသည် မီးအိုင်ထဲမှ ကန့်နှင့်ရောသော မီးအိုင်ထဲသို့ လွှဲပြောင်းခြင်းကို ခံရလိမ့်မည်။ ထိုအချိန်တွင် အယောက်တိုင်းသည် ထာဝရ ပျက်စီးခြင်းအတွက် (ငါ၏ အပြင်ဘက်၌ ရှိသောသူ အားလုံးကို ဆိုလိုသည်) ဖြစ်သည် သို့မဟုတ် ထာဝရ အသက်အတွက် (ငါ၏အထဲ၌ ရှိသောသူ အားလုံးကို ဆိုလိုသည်) ဖြစ်သည် ဟူ၍ အဆုံးအဖြတ်ပေးခြင်းကို ခံကြရလိမ့်မည်။ ထိုအချိန်တွင် ငါနှင့် ငါ၏သားဦးများသည် နိုင်ငံတော်ထဲမှ ပေါ်ထွက်လာကာ ထာဝရကာလထဲသို့ ဝင်ရောက်ကြရမည်။ ဤသည်မှာ နောက်တွင် ပြည့်စုံလာမည့် အရာ တစ်စုံတစ်ခုဖြစ်ပြီး သင်တို့အား ယခု ငါပြောလျှင်လည်း သင်တို့ နားလည်ကြလိမ့်မည် မဟုတ်ပေ။ သင်သည် ငါ၏ ဦးဆောင်မှု နောက်သာ လိုက်နိုင်သည်၊ ငါ၏ အလင်းထဲတွင် လျှောက်လှမ်းနိုင်သည်၊ ငါ၏ ချစ်ခြင်းမေတ္တာထဲတွင် ငါနှင့်အတူ ရှိနေနိုင်သည်၊ ငါ၏ အိမ်တွင် ငါနှင့်အတူ မွေ့လျော်နိုင်သည်၊ ငါ၏ နိုင်ငံတော်ထဲတွင် ငါနှင့်အတူ စိုးစံနိုင်ပြီး ငါ၏ သြဇာအာဏာဖြင့် တိုင်းနိုင်ငံအားလုံးနှင့် လူမျိုးအပေါင်းတို့ကို ငါနှင့်အတူ အုပ်စိုးနိုင်သည်။ အထက်တွင် ငါဆိုခဲ့သော အရာများမှာ သင်တို့အား ငါပေးနေသော အဆုံးမဲ့ ကောင်းချီးမင်္ဂလာများ ဖြစ်သည်။

ယခင်က:တစ်ရာ့တစ်ခုမြောက်သော မိန့်မြွက်ချက်

နောက်တစ်ခုသို့:တစ်ရာ့လေးခုမြောက်သော မိန့်မြွက်ချက်

သင်နှစ်သက်နိုင်သည့် အရာများ