အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

တစ်ရာ့ခြောက်ခုမြောက်သော မိန့်မြွက်ချက်

ငါ၏ နှုတ်ကပတ်တော်များကို မသိကြသော သူများ၊ ငါ၏ သာမန် လူ့သဘာဝကို မသိကြသော သူများနှင့် ငါ၏ ဘုရားသဘောသဘာဝကို အာခံသောသူများ အားလုံးသည် ဘာမျှမရှိခြင်းထဲသို့ ဖြိုချဖျက်ဆီးခြင်းကို ခံရမည်။ မည်သူ တစ်ဦးတစ်ယောက်မျှ ဤအရာမှ လွတ်ငြိမ်းခွင့်ရမည် မဟုတ်ဘဲ ၎င်းသည် ငါ၏ စီမံအုပ်ချုပ်ရေး အမိန့်ဖြစ်၍ ငါ၏ အမိန့်၏ အပြင်းထန်ဆုံး အပိုဒ်ငယ် ဖြစ်သောကြောင့် အားလုံးသည် ဤအရာကို ခံကြရမည် ဖြစ်သည်။ ငါ၏ နှုတ်ကပတ်တော်များကို မသိကြသော သူများသည် ငါရှင်းရှင်းလင်းလင်း ညွှန်ပြခဲ့သော အရာတို့ကို နားထောင်ခဲ့သော သူများ ဖြစ်ကြသော်လည်း ယင်းနှုတ်ကပတ်တော်များကို မသိကြသေးပေ၊ တစ်နည်းအားဖြင့်ဆိုသော် ၎င်းတို့သည် ဝိညာဉ်ရေးနှင့်ဆိုင်သော အကြောင်းအရာများကို နားမလည်ကြသောသူများ ဖြစ်သည် (ငါသည် လူသားများအတွက် ဤအင်္ဂါကို မဖန်ဆင်းပေးခဲ့ခြင်းကြောင့်၊ ၎င်းတို့အား များစွာ ငါမတောင်းဆိုခြင်း ဖြစ်သည်၊ ငါ၏ နှုတ်ကပတ်တော်များကို ၎င်းတို့ နားထောင်ကြရန်နှင့် ထိုနှုတ်ကပတ်တော်များအတိုင်း လက်တွေ့လုပ်ဆောင်ကြရန်မျှသာ တောင်းဆိုထားခြင်း ဖြစ်သည်)။ ၎င်းတို့သည် ငါ၏ အိမ်တော်မှ လူများ မဟုတ်၊ ငါနှင့် အမျိုးအစား မတူညီကြပေ၊ ၎င်းတို့သည် စာတန် အုပ်စိုးသော နိုင်ငံနှင့် သက်ဆိုင်ကြသည်။ ထို့ကြောင့် ဝိညာဉ်ရေးနှင့်ဆိုင်သော အကြောင်းအရာများကို နားမလည်ကြသော ယင်းလူတစ်ဦးတစ်ယောက်ကိုမျှ ငါမလိုမရှိပေ။ ငါသည် ခြေလွန်လက်လွန် ဖြစ်ခဲ့သည်ဟု ယခင်က သင်တို့ ထင်ခဲ့ကြသည်၊ ယနေ့ သင်နားလည်လိမ့်မည်။ သားရဲများသည် ဘုရားသခင်နှင့် မည်ကဲ့သို့ စကားလက်ဆုံပြောနိုင်မည်နည်း။ ၎င်းမှာ အဓိပ္ပာယ်မရှိသောအရာ မဟုတ်သလော။ ငါ၏ သာမန် လူ့သဘာဝကို နားမလည်ကြသော သူများသည် ငါ၏ လူ့သဘာဝထဲတွင် ငါပြုသည့် အရာတို့အား ၎င်းတို့၏ ကိုယ်ပိုင် အယူအဆများကို အသုံးပြုကာ တိုင်းထွာသော သူများ ဖြစ်ကြသည်။ နာခံခြင်းအစား ၎င်းတို့သည် မိမိတို့၏ ဇာတိ မျက်လုံးများဖြင့် ငါ့အား ဦးခေါင်းသန်းရှာရန် ကြိုးစားကြသည်။ ငါအချည်းနှီး ပြောဆိုခဲ့ခြင်းကြောင့် ဖြစ်ကောင်းဖြစ်နိုင်သလော။ ငါ၏ သာမန် လူ့သဘာဝသည် ငါ၏ မရှိမဖြစ်သည့် အစိတ်အပိုင်းတစ်ခုဖြစ်သော ပြီးပြည့်စုံသည့် ဘုရားသခင် ကိုယ်တော်တိုင် ဖြစ်ကြောင်းကို ငါဆိုခဲ့ပြီးဖြစ်၍ ဤသည်မှာ ငါ၏ သာမန် လူ့သဘာဝနှင့် ပြီးပြည့်စုံသော ဘုရားသဘောသဘာဝတို့ တစ်ခုနှင့်တစ်ခု အတူပူးပေါင်းလျက် လုပ်ဆောင်သော မှန်ကန်သည့်နည်း ဖြစ်သည်၊ ငါ၏ သာမန် လူ့သဘာဝအားဖြင့် ငါပြုသော အမှုများသည် လူတို့၏ အယူအဆများနှင့် မကိုက်ညီသည့်အခါ၊ ငါ့ကို အာခံသောသူများနှင့် ငါနှင့်သဟဇာတ မဖြစ်သောသူများသည် ထုတ်ဖော်ခြင်းကို ခံကြရမည်။ ထို့နောက် ငါသည် လူ့သဘာဝမှတစ်ဆင့် ငါ၏ အသံကို မြွက်ဆိုရန် ငါ၏ ပြီးပြည့်စုံသော ဘုရားသဘောသဘာဝကို အသုံးပြုပြီး လူအချို့တို့အား ဤပုံစံဖြင့် ငါကိုင်တွယ်ဖြေရှင်းသည်။ အကယ်၍ ငါပြုသည့်အရာကို သင်နားမလည်သော်လည်း သင်နာခံပါက ဤသို့သော လူအမျိုးအစားကို ငါစီရင်ချက် မချဘဲ အသိဉာဏ်ပွင့်လင်းစေမည်။ ဤလူအမျိုးအစားကို ငါချစ်ပြီး သင်၏နာခံမှုကြောင့် သင့်ကို ငါအသိဉာဏ်ပွင့်လင်းစေမည်။ ငါ၏ ဘုရားသဘောသဘာဝကို အာခံသော သူများထဲတွင် ငါ၏ နှုတ်ကပတ်တော်များကို မသိကြသော သူများ၊ ငါ၏ သာမန် လူ့သဘာဝနှင့် သဟဇာတ မဖြစ်ကြသော လူများနှင့် ဘုရားသဘောသဘာဝထဲတွင် ငါပြုသောအရာများ (ဥပမာအားဖြင့် ငါအမျက်ဒေါသထွက်ခြင်း သို့မဟုတ် အသင်းတော်ကို တည်ဆောက်ခြင်း အစရှိသည်တို့အား) သဘောမတူကြသောသူများ ပါဝင်သည်။ ထိုအရာ အားလုံးမှာ ငါ၏ ဘုရားသဘောသဘာဝကို အာခံသော ထုတ်ဖော်ပြသချက်များ ဖြစ်ကြသည်။ သို့သော်လည်း ငါအလေးပေး ပြောသည့်အရာ တစ်ခုရှိပြီး သင်တို့ အယောက်တိုင်း အာရုံစိုက်သင့်သော အရာမှာ၊ ယနေ့ ငါဖြစ်သော လူသားနှင့် သဟဇာတ မဖြစ်သော လူများသည် ငါ၏ ဘုရားသဘောသဘာဝအား အာခံသောသူများ ဖြစ်သည်ဆိုခြင်းပင် ဖြစ်၏။ လူသားဖြစ်သော ငါသည် ပြီးပြည့်စုံသော ဘုရားသခင် ကိုယ်တော်တိုင် ဖြစ်ကြောင်း အဘယ်ကြောင့် ငါဆက်၍ ဆိုနေသနည်း။ ငါ၏ လူသား ဖြစ်သော စိတ်သဘောထားသည် ဘုရားသဘောသဘာဝနှင့်ဆိုင်သော စိတ်သဘောထား၏ အလုံးစုံ ဖြစ်သည်၊ လူတို့၏ အယူအဆများကို အသုံးပြု၍ ငါ့အား မတိုင်းထွာနှင့်။ ယခုပင်လျှင် လူများစွာတို့က ငါ၌ သာမန် လူ့သဘာဝ ရှိသောကြောင့် ငါပြုသော အရာများ အားလုံးသည် သေချာပေါက် မှန်ကန်နိုင်မည် မဟုတ်ဟု ဆက်၍ ပြောဆိုလျက်ရှိသည်။ ဤလူများကို ငါပြောမည်၊ သင်သည် အသက်သေဆုံးရန် တောင်းဆိုနေခြင်း မဟုတ်သလော။ ငါပြောနေသော နှုတ်ကပတ်တော် တစ်လုံးကိုမျှပင် ၎င်းတို့ နားမလည်ကြဘဲ၊ ၎င်းတို့သည် မျက်ကန်းများ၊ အဆင်းနီသော နဂါးကြီးမှ ပေါက်ပွားသော သူများ လုံးလုံး ဖြစ်လေတကား။ အယောက်တိုင်းကို နောက်တစ်ကြိမ် ထပ်၍ ငါပြောမည် (ထို့အပြင် နောက်ပိုင်းတွင် ငါထပ်၍ ပြောတော့မည် မဟုတ်၊ အကယ်၍ ဤအရာကို စော်ကားသောသူ မည်သူမဆို ကျိန်ခြင်းကို မုချ ခံကြရမည်)၊ ငါ၏ နှုတ်ကပတ်တော်များ၊ ငါ၏ ရယ်ခြင်း၊ ငါ၏ စားခြင်း၊ ငါ၏ အသက်ရှင်ခြင်း၊ ငါ၏ စကားပြောခြင်းနှင့် အပြုအမူ အားလုံးသည် ဘုရားသခင် ကိုယ်တော်တိုင်ဖြစ်သည့် ငါမှ ပြုခြင်းဖြစ်ပြီး ထိုအထဲတွင် လူသား ရောနှောသည့် လက္ခဏာ တစိုးတစိမျှ မရှိ၊ တစ်ခုမျှ မရှိ။ တစ်ခုမျှ လုံးလုံး မရှိ။ အယောက်တိုင်း သင်တို့၏ စိတ်ကိုလှည့်စားသော လှည့်ကွက်များကို ရပ်တန့်ရမည်၊ သင်တို့၏ အရေးမပါသော တွက်ချက်မှုများကို ရပ်ရမည်။ ဤအရာကို သင်တို့ ဆက်၍ပြုလေ သင်တို့ ပျက်စီးခြင်းသို့ ပို၍ ရောက်လေ ဖြစ်လိမ့်မည်။ ငါ၏ အကြံဉာဏ်ကို နားထောင်လော့။

ငါသည် အယောက်တိုင်း၏ အတွင်းကျဆုံးသော စိတ်နှလုံးကို အမြဲ စိစစ်သည်၊ ၎င်းတို့၏ စကားလုံး တစ်လုံးချင်းနှင့် အပြုအမူ တစ်ခုချင်းကို စိစစ်ပြီး ငါနှစ်သက်သောသူများနှင့် ငါမနှစ်သက်သော လူများအား တစ်ယောက်ချင်းစီ ရှင်းလင်းစွာ ငါမြင်သည်။ ဤသည်မှာ လူတို့ စိတ်ကူးနိုင်ခြင်း မရှိသောအရာ တစ်စုံတစ်ခုဖြစ်၍ ထိုထက်မကသည်မှာ လူတို့ ဖြစ်မြောက်နိုင်ခြင်း မရှိသောအရာ တစ်စုံတစ်ခု ဖြစ်သည်။ ငါသည် မြောက်မြားစွာ ပြောခဲ့ပြီး အမှုအရာ များစွာတို့ကို ပြုခဲ့ပြီး ဖြစ်သည်၊ ငါ၏ စကားနှင့် ငါ၏ အမှု နောက်ကွယ်မှ ငါ၏ ရည်ရွယ်ချက်များမှာ အဘယ်အရာများ ဖြစ်ကြောင်းကို မည်သူသည် ရှင်းလင်းစွာ ပြောနိုင်လိမ့်မည်နည်း။ ထိုရည်ရွယ်ချက်များ အကြောင်းကို မည်သူမျှ ရှင်းလင်းစွာ ပြောဆိုနိုင်ခဲ့ခြင်း မရှိပေ။ ဤအရာပြီးနောက် နောက်ထပ် ငါပြောဦးမည်၊ တစ်ဖက်တွင် ဤအရာသည် ငါမနှစ်သက်သောသူ အားလုံးကို သုတ်သင်ဖယ်ရှင်းခြင်းဖြစ်ပြီး အခြားတစ်ဖက်တွင် ၎င်းသည် ဤအရာနှင့်စပ်လျဉ်း၍ သင်တို့အား အနည်းငယ် ပို၍ ဒုက္ခခံစေခြင်းဖြင့် သင်တို့သည် သေခြင်းမှ ရှင်ပြန်ထမြောက်ခြင်းကို ပို၍ နက်နက်နဲနဲ တဖန် ခံစားရမည် ဖြစ်သည်။ ဤအရာကို လူတို့ အဆုံးအဖြတ်ပေးနိုင်ခြင်း မရှိသည့်အပြင် မည်သူမျှ ၎င်းကို ရှောင်ရှားနိုင်ခြင်း မရှိပေ။ ဤအရာကို ယခု သင်သိလျှင်လည်း အချိန်ရောက်သည့်အခါ ဤဒုက္ခဆင်းရဲကို သင်ရှောင်တိမ်းနိုင်လိမ့်မည် မဟုတ်ပေ၊ အဘယ်ကြောင့်ဆိုသော် ဤသည်မှာ ငါအမှု ပြုသည့်နည်း ဖြစ်ခြင်းကြောင့် ဖြစ်သည်။ ငါ၏ ရည်မှန်းချက်များ ပြည့်မီရန်နှင့် သင်တို့အပေါ်၌ ငါ၏အလို ပြည့်စုံစေရန် ဤကဲ့သို့ ငါအမှုပြုရမည်ဖြစ်သည်။ ဤအကြောင်းကြောင့် “သင်တို့ ခံစားရမည့် နောက်ဆုံးသော ဒုက္ခဆင်းရဲ” ဟု ခေါ်ခြင်း ဖြစ်သည်။ သင်တို့၏ ဇာတိခန္ဓာသည် နောက်ပိုင်းတွင် ဒုက္ခဆင်းရဲကို နောက်တစ်ဖန် ခံရလိမ့်မည် မဟုတ်ပေ၊ အဘယ်ကြောင့်ဆိုသော် အဆင်းနီသော နဂါးကြီးသည် ငါ၏ အမြစ်ဖြတ် ချေမှုန်းခြင်းကို ခံရပြီးဖြစ်လိမ့်မည်ဖြစ်၍ ၎င်းသည် နောက်တစ်ဖန် ဆူပူထကြွဝံ့မည် မဟုတ်တော့ချေ။ ဤသည်မှာ ကိုယ်ခန္ဓာထဲ မဝင်မီ နောက်ဆုံးသော အဆင့် ဖြစ်သည်၊ ၎င်းမှာ အကူးအပြောင်း အဆင့် တစ်ခု ဖြစ်သည်။ သို့သော်လည်း မစိုးရိမ်ကြနှင့်၊ ငါသည် သင်တို့အား ဘေးရောက်သည့် ကာလ တစ်ခုပြီး နောက်တစ်ခု တစ်လျှောက်လုံး အကြွင်းမဲ့ ဦးဆောင်သွားမည် ဖြစ်သည်။ ငါသည် ဖြောင့်မတ်သော ဘုရားသခင် ကိုယ်တော်တိုင် ဖြစ်ကြောင်းကို ယုံကြည်ကြလော့။ ငါပြောခဲ့သော အရာများသည် မုချ ဖြစ်မြောက်လာမည် ဖြစ်သည်။ ငါသည် ယုံကြည်အားကိုးထိုက်သော ဘုရားသခင် ကိုယ်တော်တိုင် ဖြစ်သည်။ တိုင်းနိုင်ငံ အားလုံး၊ တိုင်းပြည် အားလုံးနှင့် ဂိုဏ်းဂဏ အားလုံးသည် ငါ့ထံသို့ ပြန်လာနေကြပြီး ငါ၏ ပလ္လင်တွင် စုဝေးနေကြပြီ ဖြစ်သည်။ ဤသည်မှာ ငါ၏ ကြီးမြတ်သော တန်ခိုးဖြစ်ပြီး ငါသည် ဆန့်ကျင်ပုန်ကန်ခြင်း၏ သားသမီး တစ်ဦးချင်းနှင့် အယောက်တိုင်းကို တရားစီရင်ကာ ခြွင်းချက် တစ်စုံတစ်ရာ မရှိဘဲ ၎င်းတို့အား ကန့်နှင့်ရောသော မီးအိုင်ထဲသို့ ပစ်ချမည် ဖြစ်သည်၊ အားလုံး ရပ်တည်ချက်ကို ပြင်ဆင်ရမည်။ ဤသည်မှာ ငါ၏ စီမံခန့်ခွဲမှု အစီအစဉ်၏ နောက်ဆုံး အဆင့် ဖြစ်ပြီး ဤအရာ ပြီးဆုံးသည့်အခါ ငါသည် ချမ်းသာခြင်းထဲသို့ ဝင်ရောက်မည်၊ အဘယ်ကြောင့်ဆိုသော် အရာခပ်သိမ်း ပြီးမြောက်ပြီး ငါ၏ စီမံခန့်ခွဲမှု အစီအစဉ်သည် ဆုံးခန်းသို့ ရောက်လာမည် ဖြစ်သည်။

(ငါ၏ စိတ်နှလုံးသည် ပူပန်မှု မရှိသော်လည်း) ငါ၏ အမှု၏ အရှိန် တိုးမြင့်လာခြင်းကြောင့် သင်တို့အား ငါ၏ နှုတ်ကပတ်တော်များကို နေ့စဉ် ငါဖွင့်ပြမည်၊ သင်တို့အား မဖော်ပြဘဲ ထားသော လျှို့ဝှက်နက်နဲမှုများကို နေ့စဉ် ငါဖော်ထုတ်မည်၊ ထိုအခါ သင်တို့သည် ငါ၏ ခြေလှမ်းများ နောက်သို့ အနီးကပ် လိုက်လျှောက်နိုင်ကြမည် ဖြစ်သည်။ (ဤသည်မှာ ငါ၏ ဉာဏ်ပညာ ဖြစ်သည်၊ ငါ၏ နှုတ်ကပတ်တော်များကို အသုံးပြုကာ လူတို့အား ပြည့်စုံခြင်းသို့ ရောက်စေရန် ဖြစ်သော်လည်း လူတို့အား ဆုံးမရန်လည်း ဖြစ်သည်။ အားလုံးသည် ငါ၏ နှုတ်ကပတ်တော်များကို ဖတ်ရှုကာ ငါ၏ နှုတ်ကပတ်တော်များထဲမှ ငါ၏ အလိုနှင့်အညီ လုပ်ဆောင်နိုင်ကြမည် ဖြစ်သည်။ အနုတ်လက္ခဏာဆန်သော သူများသည် အနုတ်လက္ခဏာဆန်ကြလိမ့်မည်၊ ထုတ်ဖော်ခြင်းကို ခံရမည့်သူများသည် ၎င်းတို့၏ စရိုက်အမှန်များကို ပြသလိမ့်မည်၊ ပြောင်ပြောင်တင်းတင်း အာခံသော သူများသည် အာခံကြလိမ့်မည် ဖြစ်ပြီး ငါ့ကို သစ္စာရှိရှိ ချစ်ကြသော သူများသည် ပို၍ပင် သစ္စာရှိကြလိမ့်မည်။ ဤအကြောင်းကြောင့် အားလုံးသည် ငါ၏ ခြေလှမ်းများ နောက်သို့ လိုက်လျှောက်နိုင်ကြမည် ဖြစ်သည်။ ငါဖော်ပြခဲ့သော အခြေအနေ အမျိုးမျိုးမှာ ငါ၏ အမှုပြုသည့် နည်းလမ်းများ အားလုံး ဖြစ်ကြပြီး ငါရယူလိုသော ရည်မှန်းချက်များ ဖြစ်သည်။) အတိတ်က၊ ငါသည် သင်တို့အား မည်သို့ပင် ဦးဆောင်သည်ဖြစ်စေ သင်တို့သည် တူညီသော လမ်းကြောင်းကို လေ့လာလိုက်စားသင့်ကြောင်း၊ သင်တို့အား မည်သည့် အရာကိုမဆို ငါပြောပါစေ သင်တို့ နားထောင်သင့်ကြောင်း ငါပြောခဲ့ဖူးသည်။ ဤသည်မှာ အဘယ်အရာကို ငါဆိုလိုခြင်း ဖြစ်သနည်း။ သင်တို့ သိကြသလော။ ငါ၏ နှုတ်ကပတ်တော်၏ ရည်မှန်းချက်နှင့် ရည်ရွယ်ချက်မှာ အဘယ်နည်း။ သင်တို့ နားလည်ကြသလော။ ဤအရာကို လူမည်မျှက အပြည့်အဝ ရှင်းလင်းစွာပြောဆိုနိုင်သနည်း။ “ငါသည် သင်တို့အား မည်သို့ပင် ဦးဆောင်သည် ဖြစ်စေ သင်တို့သည် တူညီသော လမ်းကြောင်းကို လေ့လာလိုက်စားသင့်ကြသည်” ဟု ငါပြောသောအခါ ငါဖြစ်သော လူသားအနေဖြင့် ငါ၏ လမ်းညွှန်မှုကိုသာ ဆိုလိုခြင်းဖြစ်သည် သာမက ငါပြောသော နှုတ်ကပတ်တော်များနှင့် ငါလျှောက်သော လမ်းကြောင်းကို ရည်ညွှန်းခြင်း ဖြစ်သည်။ ယနေ့တွင် ဤနှုတ်ကပတ်တော်သည် အမှန်တကယ် ပြည့်စုံလာခဲ့ပြီ ဖြစ်သည်။ သင်တို့သည် ၎င်းတို့ အားလုံးကို ရှင်းလင်းစွာ မြင်နိုင်ကြရန်အလို့ငှာ ငါ၏ နှုတ်ကပတ်တော်များကို ငါပြောလျှင်ပြောချင်း နတ်ဆိုးနှင့်ဆိုင်သော သရုပ်အမျိုးမျိုးသည် ငါ၏ မျက်မှောက်တော် အလင်းတွင် ဖော်ထုတ်ခြင်း ခံကြရသည်။ ငါ၏ ဤနှုတ်ကပတ်တော်သည် စာတန်အား ကြေညာချက်တစ်ခု ဖြစ်သည်သာမက သင်တို့ အားလုံးကို တာဝန်ပေးစေခိုင်းချက် တစ်ခုလည်း ဖြစ်သည်။ သင်တို့ အများစုသည် ၎င်းမှာ သင်တို့အား တာဝန်ပေးစေခိုင်းချက် တစ်ခု ဖြစ်ကြောင်း ယုံကြည်ကာ ဤနှုတ်ကပတ်တော်ကို လျစ်လျူရှုကြသည်၊ သို့သော် ဤသည်မှာ တရားစီရင်ခြင်း နှုတ်ကပတ်တော် ဖြစ်ကြောင်း၊ အခွင့်တန်ခိုးပါသော နှုတ်ကပတ်တော် ဖြစ်ကြောင်းကို သင်တို့ သဘောပေါက်ခြင်း မရှိကြပေ။ ငါ၏ နှုတ်ကပတ်တော်များ၏ ရည်မှန်းချက်မှာ ငါ့အတွက် ကောင်းမွန်စွာ အစေခံရန်နှင့် ငါ့အား အကြွင်းမဲ့ နာခံရန်အတွက် စာတန်အား အမိန့်ပေးရန် ဖြစ်သည်။ အတိတ်တွင် ငါဖွင့်ပြခဲ့သော လျှို့ဝှက်ဆန်းကြယ်မှုများထဲတွင် သင်တို့ နားမလည်ကြသေးသော အရာများစွာ ဆက်၍ ရှိနေသဖြင့် အနာဂတ်တွင် သင်တို့အား ပို၍ ငါဖွင့်ပြမည် ဖြစ်သောကြောင့် သင်တို့သည် သာ၍ ရှင်းလင်းပြီး အကုန်အစင် နားလည်နိုင်ကြမည် ဖြစ်သည်။

ဘေးဒဏ်များ ကျရောက်သောအခါ လူတို့သည် ကြောက်လန့်တကြား ဖြစ်ကာ ၎င်းတို့သည် ဝမ်းနည်းခြင်းနှင့် ၎င်းတို့ အတိတ်က ပြုခဲ့သော မကောင်းမှုများကို မုန်းတီးခြင်းဖြင့် ငိုကြွေးကြသော်လည်း ဤခေတ်ကာလသည် အမျက်တော် ကာလ ဖြစ်သောကြောင့် ထိုအချိန်တွင် အလွန်နောက်ကျနေပြီ ဖြစ်သည်။ ဤအချိန်သည် လူတို့အား ကယ်တင်ရန်နှင့် ကျေးဇူးတော်ကို ပေးရန် အချိန် မဟုတ်ဘဲ၊ အစေခံများ အားလုံးကို ရှင်းလင်းရန်နှင့် ငါ့အတွက် ငါ၏ သားများကို အုပ်စိုးခွင့်ပေးရန် အချိန် ဖြစ်သည်။ ဤသည်မှာ အတိတ်နှင့် အမှန်ပင် ကွဲပြားပြီး ၎င်းသည် ကမ္ဘာမြေကြီးအား ဖန်းဆင်းပြီးကတည်းက မကြုံဖူးသည့် အရာ ဖြစ်သည်။ ငါသည် ကမ္ဘာမြေကြီးအား တစ်ကြိမ်သာ ဖန်ဆင်းခဲ့ခြင်းကြောင့် ကမ္ဘာမြေကြီးအား တစ်ကြိမ်သာ ငါဖျက်ဆီးမည်ဖြစ်ပြီး ငါကြိုတင်ခွဲခန့်ထားသောအရာကို မည်သူမျှ ပြင်ဆင်ပြောင်းလဲနိုင်မည် မဟုတ်ပေ။ “ပေါင်းစည်းထားသော ခရစ်ယာန်လူများ” နှင့် “ပေါင်းစည်းထားသော စကြဝဠာဆိုင်ရာ လူသစ်များ” ဟူသော ဝေါဟာရ နှစ်ခုကို ယခင်က မကြာခဏ ဖော်ပြခဲ့သည်။ ၎င်းတို့အား မည်ကဲ့သို့ ရှင်းပြသင့်သနည်း။ ပေါင်းစည်းထားသော ခရစ်ယာန် လူများသည် သားဦးများကို ရည်ညွှန်းခြင်း ဖြစ်သလော။ ပေါင်းစည်းထားသော စကြဝဠာဆိုင်ရာ လူသစ်များသည်လည်း သားဦးများကို ရည်ညွှန်းခြင်း ဖြစ်သလော။ မဟုတ်ပေ၊ လူတို့သည် ၎င်းကို မှန်ကန်စွာ အဓိပ္ပာယ်ကောက်ခြင်း မရှိကြသေး။ လူတို့၏ အယူအဆများသည် အမှုအရာတို့အား ဤအတိုင်းအတာထိသာ နားလည်နိုင်ကြခြင်းကြောင့် သင်တို့အား ဤနေရာတွင် ယခု ဤအရာကို ငါရှင်းပြမည်။ ပေါင်းစည်းထားသော ခရစ်ယာန် လူများနှင့် ပေါင်းစည်းထားသော စကြဝဠာဆိုင်ရာ လူသစ်များမှာ မတူညီဘဲ ၎င်းတို့တွင် ကွဲပြားခြားနားသော အဓိပ္ပာယ်များ ရှိကြသည်။ ၎င်းတို့သည် တိုက်ရိုက်အားဖြင့် အလွန် မကွဲပြားဘဲ တစ်မျိုးတည်း ဖြစ်သည်ဟု ထင်ရသော်လည်း အခြေအနေ အစစ်အမှန်မှာ လုံးဝ ဆန့်ကျင်ဘက် ဖြစ်သည်။ ပေါင်းစည်းထားသော ခရစ်ယာန် လူများ ဆိုသည်မှာ မည်သူတို့ကို အတိအကျ ရည်ညွှန်းခြင်း ဖြစ်သနည်း။ သို့မဟုတ် ၎င်းတို့သည် မည်သည့်အရာကို ရည်ညွှန်းခြင်း ဖြစ်သနည်း။ ခရစ်ယာန် လူများ အကြောင်းကို ဆိုပါက အယောက်တိုင်းသည် တစ်ညီတစ်ညွတ်တည်း ငါ့ကို တွေးမိကြမည် ဖြစ်သည်။ ဤသည်မှာ လုံးဝ သံသယ ဖြစ်ရမည့် အရာ မဟုတ်ပါ။ ထို့အပြင် လူသားတို့၏ အယူအဆများထဲတွင် “လူသားများ” ဟူသော ဝေါဟာရသည် လူသားများကို မလွဲမသွေ ရည်ညွှန်းခြင်း ဖြစ်ရမည်ဟု ထင်တတ်ကြပြီး မည်သူ တစ်ဦးတစ်ယောက်မျှ ၎င်းကို အခြားအရာနှင့် ဆက်စပ်နိုင်ကြခြင်း မရှိခဲ့ပေ။ “ပေါင်းစည်းထားသော” ဟူသည့် ဝေါဟာရ အကြောင်း ဆိုသည့်အခါ လူတို့က ၎င်းမှာ လူများစွာအား စုစည်းထားခြင်း ဖြစ်၍ တစ်စုတစ်စည်းတည်း ဖြစ်ခြင်းကြောင့် ပေါင်းစည်းထားသည်ဟု ခေါ်ကြောင်း ထင်တတ်ကြသည်။ ဤနေရာတွင် လူသားတို့၏ စိတ်များမှာ အလွန်ရိုးစင်းကြောင်းနှင့် ၎င်းတို့သည် ငါ၏ အဓိပ္ပာယ်ကို လုံးဝ နားမလည်နိုင်ကြောင်းကို မြင်နိုင်သည်။ ယခု ပေါင်းစည်းထားသော ခရစ်ယာန်လူများနှင့်ပတ်သက်သည့် အကြောင်းကို ငါတရားဝင် စတင်ကာ မိတ်သဟာယဖွဲ့မည် (သို့သော်လည်း အယောက်တိုင်းသည် ၎င်းတို့၏ ကိုယ်ပိုင် အယူအဆများကို ဘေးသို့ ချိတ်ထားရမည်၊ ထိုသို့မဟုတ်လျှင် ထိုဝေါဟာရကို ငါရှင်းပြလျှင်လည်း မည်သူမျှ နားလည်သဘောပေါက်နိုင်မည် မဟုတ်ပေ၊ ၎င်းကို လူတို့ ယုံကြလိမ့်မည် မဟုတ်သကဲ့သို့ နားလည်ကြလိမ့်မည်လည်း မဟုတ်ပေ)၊ ငါ၏ နှုတ်ကပတ်တော်များကို ပြောလျှင်ပြောချင်း ငါ၏ သားဦးများ အားလုံးသည် ငါ၏ အလိုနှင့်အညီ လုပ်ဆောင်နိုင်ကာ ငါ၏ အလိုကို ဖော်ပြနိုင်ကြလိမ့်မည် ဖြစ်သောကြောင့် ၎င်းတို့သည် တစ်စိတ်တည်းနှင့် နှုတ်တစ်ခုတည်း ဖြစ်ကြမည်။ ၎င်းတို့သည် တိုင်းနိုင်ငံ အားလုံးနှင့် လူမျိုးအပေါင်းတို့အား တရားစီရင်ကြသည့်အခါ ၎င်းတို့သည် ငါ၏ ဖြောင့်မတ်ခြင်းကို ဆောင်ကာ ငါ၏ စီမံအုပ်ချုပ်ရေး အမိန့်များကို အကောင်အထည်ဖော်နိုင်ကြမည် ဖြစ်သည်၊ ၎င်းတို့သည် ငါ၏ ထုတ်ဖော်ပြသမှု ဖြစ်ပြီး ငါ၏ သရုပ်သကန် ဖြစ်ကြသည်။ ထို့ကြောင့် ပေါင်းစည်းထားသော ခရစ်ယာန်လူများ ဆိုသည်မှာ သားဦးများသည် ငါ၏ စီမံအုပ်ချုပ်ရေး အမိန့်များကို အကောင်အထည်ဖော်ကြမည့် အမှန်တရား ဖြစ်သည်ဟု ဆိုနိုင်ပါသည်၊ ၎င်းတို့သည် သားဦးများ၏ လက်ထဲ၌ ရှိသော အခွင့်အာဏာ ဖြစ်ကြသည်၊ ထို့အပြင် ဤအရာအားလုံးမှာ ခရစ်တော်နှင့် သက်ဆိုင်ခြင်းကြောင့် ပေါင်းစည်းထားသော ခရစ်ယာန်လူများဟု ဝေါဟာရတွင်ခြင်း ဖြစ်သည်။ ထို့အပြင် သားဦးများ အားလုံးသည် ငါ၏ အလိုနှင့်အညီ လုပ်ဆောင်နိုင်ကြသဖြင့် ပေါင်းစည်းထားသော ဟူသည့် ဝေါဟာရကို ငါအသုံးပြုခြင်း ဖြစ်သည်။ ပေါင်းစည်းထားသော စကြဝဠာဆိုင်ရာ လူသစ်များ ဆိုသည်မှာ ငါ၏ နာမထဲ၌ရှိသော လူအားလုံးကို ဆိုလိုသည်၊ အခြားနည်းဖြင့် ဆိုပါက ငါ၏ သားဦးများ၊ ငါ၏ သားများနှင့် ငါ၏ လူများ ဖြစ်ကြသည်။ “အသစ်” ဆိုသည်မှာ ငါ၏ နာမကို ရည်ညွှန်းခြင်း ဖြစ်သည်။ ၎င်းတို့သည် ငါ၏ နာမထဲ၌ ရှိကြပြီး (ငါ၏ နာမ၌ အရာခပ်သိမ်း ပါရှိပြီး ၎င်းသည် ထာဝရ သစ်လွင်ကာ မအိုမဟောင်း၊ ၎င်းကို လူက ပြောင်းလဲ၍ မရ) ၎င်းတို့သည် အနာဂတ်တွင် ထာဝရ အသက်ရှင်ကြမည် ဖြစ်သောကြောင့် ၎င်းတို့သည် စကြဝဠာဆိုင်ရာ လူသစ်များ ဖြစ်ကြသည်။ ဤနေရာတွင် “ပေါင်းစည်းထားသော” ဟူသည်မှာ လူအရေအတွက်နှင့်သက်ဆိုင်ပြီး ၎င်းသည် ပထမ ဝေါဟာရနှင့် မတူပေ။ ငါ၏ နှုတ်ကပတ်တော်ကို ပြောသည့်အခါ လူအပေါင်း ယုံကြည်သင့်သည်။ သံသယ မရှိကြနှင့်။ သင်တို့၏ လူ့အယူအဆများနှင့် လူ့အတွေးအခေါ်များကို ဖယ်ရှားလော့။ လျှို့ဝှက်နက်နဲမှုများကို ထုတ်ဖော်သည့် ငါ၏ လက်ရှိ လုပ်ငန်းစဉ်မှာ လူ့အယူအဆများနှင့် အတွေးအခေါ်များကို ဖယ်ရှားသည့် လုပ်ငန်းစဉ် အတိအကျ ဖြစ်သည် (အဘယ်ကြောင့်ဆိုသော် လူတို့သည် ၎င်းတို့၏ ကိုယ်ပိုင်အယူအဆများကို အသုံးပြုကာ ငါ့ကို တိုင်းထွာကြပြီး ငါပြောသော အရာတို့ကို တိုင်းထွာကြသည်၊ လူ့အယူအဆများနှင့် လူ့အတွေးအခေါ်များကို ငါဖယ်ရှားရန် ငါကိုယ်တိုင် ထုတ်ဖော်ထားသော လျှို့ဝှက်နက်နဲမှုများကို ငါအသုံးပြုသည်)။ ဤအမှုသည် မကြာမီတွင် ပြီးဆုံးမည် ဖြစ်သည်။ ငါ၏ လျှို့ဝှက်နက်နဲမှုများအား အဆင့်တစ်ခုအထိ ထုတ်ဖော်ပြီးသည့်အခါ လူတို့သည် ငါ၏ နှုတ်ကပတ်တော်များအပေါ်၌ တွေးခေါ်ခြင်း နည်းလမ်းအဆင့်ဆင့်တို့ မထားရှိလုနီးပါး ဖြစ်သွားမည်ဖြစ်ပြီး ၎င်းတို့သည် ငါ့အား တိုင်းထွာခြင်းငှာ ၎င်းတို့၏ လူ့အယူအဆများ အသုံးပြုခြင်းကို ရပ်တန့်ကြလိမ့်မည် ဖြစ်သည်။ ၎င်းတို့ နေ့စဉ် တွေးသည့်အရာကို ငါထုတ်ဖော်ကာ ငါတန်ပြန်တိုက်ခိုက်မည်။ တစ်ချိန်ချိန်တွင် လူတို့သည် နောက်ထပ် တွေးတောကြတော့မည် မဟုတ်ပေ၊ မည်သည့် အတွေးအခေါ်မျှ မရှိဘဲ ၎င်းတို့၏ ဦးခေါင်းများသည် ဗလာဖြစ်ကာ ၎င်းတို့သည် ငါ၏ နှုတ်ကပတ်တော်များကို အကြွင်းမဲ့ နာခံကြလိမ့်မည် ဖြစ်သည်၊ ထိုအချိန်မှာ သင်တို့သည် ဝိညာဉ်ရေးရာ လောကထဲသို့ ဝင်ရောက်ကြသည့် အချိန် ဖြစ်လိမ့်မည်။ ဤသည်မှာ သင်တို့အား ဝိညာဉ်ရေးရာ လောကထဲသို့ ငါဝင်ခွင့်မပြုမီ ငါ၏ အမှုထဲမှ အဆင့် တစ်ဆင့် ဖြစ်သည်။ သင်တို့သည် အပြစ်နှင့်ကင်းစင်ပြီး သန့်ရှင်းခြင်းသို့ မရောက်မီနှင့် ဝိညာဉ်ရေးရာ လောကထဲသို့ မဝင်ရောက်မီ လူ့အယူအဆများကို ဖယ်ရှားရမည် ဖြစ်ပြီး ဤသည်မှာ “ငါသည် သန့်ရှင်းသော ဝိညာဉ်ပကတိ ခန္ဓာကိုယ် ဖြစ်သည်” ဟူသော အရာ၏ မူရင်း အဓိပ္ပာယ် ဖြစ်သည်။ သို့သော်လည်း သင်တို့သည် ငါ၏ ခြေလှမ်းများအတိုင်း လုပ်ဆောင်ကြရမည် ဖြစ်ပြီး သင်တို့ သဘောမပေါက်မီ ငါ၏ အချိန်မှာ ရောက်လာမည် ဖြစ်သည်။

ယခင်က:တစ်ရာ့ငါးခုမြောက်သော မိန့်မြွက်ချက်

နောက်တစ်ခုသို့:တစ်ရာ့ခုနစ်ခုမြောက် မိန့်မြွက်ချက်

သင်နှစ်သက်နိုင်သည့် အရာများ