အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ဘုရားသခင်ကို သိခြင်းသည် ကိုယ်တော်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ သွားရာလမ်းဖြစ်၏

ဘုရားသခင်ကို ယုံကြည်ခြင်း၌ ဘဝအသစ်တဖန်မွေးဖွားခြင်းကို သင်တို့ အယောက်စီတိုင်း စူးစမ်းခြင်းဖြင့် မြင်နိုင်သည်များမှာ- - ဘုရားသခင်နောက်တော်သို့ လိုက်လျှောက်ရာတွင်၊ သင်ဘုရားသခင်ကို အမှန်တကယ် နားလည်သည်၊ အမှန်တကယ် သဘောပေါက်သည်၊ အမှန်တကယ် သိလာသည်ဖြစ်စေ၊ လူအမျိုးမျိုးအထွေထွေအပေါ်တွင် ဘုရားသခင်ထားရှိသော သဘောထားကို သင်အမှန်တကယ် သိသည်ဖြစ်စေ၊ သင့်အပေါ်တွင် ဘုရားသခင် မည်ကဲ့သို့ အလုပ်လုပ်နေကြောင်းနှင့် သင့်လုပ်ဆောင်မှု တစ်ခုချင်းကို ဘုရားသခင် မည်သို့ သတ်မှတ်သည်တို့ကို သင်အမှန်တကယ် နားလည်သည်ဖြစ်စေ စသည်တို့ ဖြစ်ပါသည်။ သင့်တိုးတက်မှု၏ ဦးတည်ရာကို လမ်းညွှန်ပေးလျက်၊ သင့်ဘဝကြမ္မာကို စီမံလျက်၊ သင့်လိုအပ်ချက်များကို ပံ့ပိုးလျက်၊ သင့်နံဘေး၌ရှိသော ဤဘုရားသခင်ကို နောက်ဆုံးအကြိမ် ဆန်းစစ်ခြင်းတွင် သင်မည်မျှ နားလည်ပြီး သင်မည်မျှ အမှန်တကယ် သိပါသနည်း။ နေ့စဉ်နေ့တိုင်း သင့်အတွက် ကိုယ်တော်အလုပ်လုပ်လျက် ရှိသည်ကို သင်သိပါသလား။ ကိုယ်တော်၏ နေ့စဉ်လုပ်ဆောင်မှုတို့ အခြေခံသော နိယာမများနှင့် ရည်ရွယ်ချက်များကို သင်သိပါသလား။ သင့်ကို ကိုယ်တော်မည်သို့ လမ်းပြသည်ကို သင်သိပါသလား။ ကိုယ်တော်သည် သင့်အား မည်သည့် နည်းစနစ်များဖြင့် ထောက်ပံ့နေသည်ကို သင်သိပါသလား။ သင့်အား ကိုယ်တော် ရှေ့ဆောင်လမ်းပြနေသော နည်းလမ်းများကို သင်သိပါသလား။ ဘုရားသခင် သင့်ထံမှ ဘာကို ရယူလိုသည်၊ သင့်ထံတွင် မည်သည့်အရာကို ပြီးမြောက်အောင်မြင်လိုသည်ကို သင်သိပါသလား။ သင်ပြုမူသော နည်းလမ်းအမျိုးမျိုးတို့အပေါ် ကိုယ်တော်မည်သို့ သဘောထားသည်ကို သင်သိပါသလား။ သင်သည် ဘုရားသခင် ချစ်သောသူတစ်ယောက် ဖြစ်မဖြစ်ကို သင်သိပါသလား။ ကိုယ်တော်၏ ဝမ်းမြောက်မှု၊ စိတ်ဆိုးမှု၊ ဝမ်းနည်းမှုနှင့် ပီတိဖြစ်မှု၊ ယင်းတို့၏နောက်ကွယ်ရှိ စိတ်ကူးများနှင့် အကြံအစည်များ၊ ကိုယ်တော်၏အနှစ်သာရတို့၏ မူလရင်းမြစ်ကို သင်သိပါသလား။ နောက်ဆုံး အနေဖြင့် သင်ယုံကြည်သော ဤဘုရားသခင်မှာ မည်သည့်ကဲ့သို့သော ဘုရားသခင်ဖြစ်ကြောင်း သင်သိပါသလား။ ဤမေးခွန်းများနှင့် အခြားသော မေးခွန်းများတို့သည် သင်ဘယ်တုန်းကမျှ နားမလည်ခဲ့သည့် သို့မဟုတ် မစဉ်းစားခဲ့သည့် အရာများ ဖြစ်နေပါသလား။ ဘုရားသခင်ကို ယုံကြည်ခြင်းနောက်သို့ သင်လျှောက်လိုက်ရာတွင် ဘုရားသခင်၏ နှုတ်ကပတ်တော်များကို အမှန်တကယ် ကျေးဇူးတင်ပြီး တွေ့ကြုံခံစားခြင်းဖြင့် ကိုယ်တော်အပေါ် သင်နားလည်မှု လွဲနေခြင်းများကို ရှင်းလင်းပြီးပါပြီလော။ ဘုရားသခင်၏ စည်းကမ်းများနှင့် ဆုံးမခြင်းတို့ကို ရရှိပြီးနောက်တွင် စစ်မှန်သော နာခံခြင်းနှင့် အရေးစိုက်ခြင်းတို့ကို သင်ပြုပါပြီလော။ ဘုရားသခင်၏ ပြစ်ဒဏ်ခတ်ခြင်းနှင့် အပြစ်စီရင်ခြင်းတို့လုပ်စဉ်တွင် လူသားတို့၏ ပုန်ကန်လိုစိတ်နှင့် စာတန်မာရ်နတ်စိတ်သဘောတို့ကို သိမြင်လာပြီး၊ ဘုရားသခင်၏ မြင့်မြတ်ခြင်းအကြောင်း အနည်းငယ်မျှလောက် နားလည်မှု ရရှိပြီးပါ၏လော။ ကိုယ်တော်၏ နှုတ်ကပတ်တော်တို့၏ လမ်းညွှန်မှုနှင့် ဉာဏ်အလင်းရခြင်းတို့ဖြင့် အသက်တာအတွက် အမြင်အသစ်ကို စတင်ရရှိပြီ လား။ ဘုရားသခင်ထံမှလာသော စမ်းသပ်စုံစမ်းခြင်းအမှုထဲတွင် လူသားတို့၏ ပြစ်မှုများအပေါ် ကိုယ်တော်သည်းမခံနိုင်မှုနှင့် သင့်ထံမှ ကိုယ်တော် တောင်းဆိုသောအရာနှင့် သင့်အား မည်သို့ ကယ်တင်နေပုံတို့ကို သင်မခံစားမိဘူးလား။ ဘုရားသခင်အပေါ် နားလည်မှုလွဲခြင်းဆိုသည်မှ မည်သည့်အရာမှန်း သင်မသိပါက၊ သို့မဟုတ် ဤနားလည်မှု လွဲခြင်းကို မည်သို့ ရှင်းလင်းရမှန်း သင်မသိပါက၊ သင်သည် ဘုရားသခင်နှင့် စစ်မှန်သည့် ဆက်ဆံရေးမရှိသည့်အပြင် ကိုယ်တော်ကို မည်သည့်အခါမျှ နားလည်ခြင်း မရှိခဲ့ဟု ပြောနိုင်ပါသည်။ သို့မဟုတ် ကိုယ်တော့်ကို သင်မည်သည့်အခါကမှ နားလည်လိုစိတ် မရှိခဲ့ဟု ပြောနိုင်ပါသည်။ အကယ်၍သင်သည် ဘုရားသခင်၏ စည်းကမ်းနှင့် ပြစ်ဒဏ်ခတ်ခြင်းတို့မှာ မည်သည့်အရာမှန်း သင်မသိပါမူ နာခံခြင်းနှင့် အရေးစိုက်ခြင်းတို့မှာ မည်သည့်အရာကို ဆိုသည်မှန်း သင်မသိခဲ့ကြောင်း၊ သို့မဟုတ် ဘုရားသခင်ထံ သင်အမှန်တကယ် နာခံခဲ့ခြင်း သို့မဟုတ် ကိုယ်တော့်ကိုအရေးစိုက်ခြင်း မည်သည့်အခါကမျှ မရှိခဲ့ကြောင်း သေချာလှပါသည်။ အကယ်၍ သင်သည် မည်သည့်အခါကမျှ ဘုရားသခင်၏ ပြစ်ဒဏ်ပေးခြင်းနှင့် တရားစီရင်ခြင်းကို ခံခဲ့ရခြင်းမရှိခဲ့ပါက၊ ကိုယ်တော်၏ ကြီးမြတ်ခြင်းမှာ ဘာလဲဆိုသည်ကို သင်မသိမှာသေချာသည်။ ထို့ပြင် လူသားတို့၏ ပုန်ကန်ခြင်းမှာ ဘာလဲဆိုသည်ကိုလည်း သင်ရှင်းလင်းစွာ မသိမှာသေချာသည်။ အကယ်၍ သင့်မှာ အသက်တာအပေါ် မှန်ကန်သည့် အမြင် သို့မဟုတ် မှန်ကန်သည့် ရည်မှန်းချက် မည်သည့်အခါကမျှ အမှန်တကယ် မရှိခဲ့ပါလျှင်၊ သို့သော်လည်း သင့်အနာဂတ် အသက်တာလမ်းအပေါ် စိတ်ရှုပ်ထွေးခြင်း၊ ဆုံးဖြတ်ချက်မကျခြင်းတို့ ဖြစ်လျက် ရှိနေသေးပါလျှင် ရှေ့သို့ဆက်လျှောက်ရန် ချီတုံချတုံဖြစ်သည့် အခြေအနေသို့ပင် ရောက်ရှိနေပါလျှင်၊ ဘုရားသခင်၏ ဉာဏ်အလင်းရခြင်းနှင့် လမ်းညွှန်ခြင်းတို့ကို သင်မည်သည့်အခါကမျှ အမှန်တကယ် မရရှိကြောင်း သေချာပါသည်။ ထို့ပြင် ဘုရားသခင်၏ နှုတ်ကပတ်တော်အားဖြင့် သင်မည်သည့်အခါကမျှ ထောက်ပံ့ခံရခြင်း၊ ဖြည့်တင်းပေးခံရခြင်းတို့ အမှန်တကယ်မရှိ ဟူ၍လည်း ပြောနိုင်ပါသည်။ အကယ်၍ ဘုရားသခင်၏ စမ်းသပ်စုံစမ်းခြင်းအမှုကို သင်မခံရသေးပါက လူသားတို့ ပြစ်မှုများအတွက် ဘုရားသခင်၏ သည်းမခံနိုင်မှုကိုလည်း သင်အသေအချာ မသိ ဆိုသည်ကို ပြောစရာပင်မလို၊ အဆုံးတွင် သင့်ထံမှ ဘုရားသခင် လိုချင်သည့် အရာကိုလည်း သင်နားလည်မည်မဟုတ်။ ထို့ပြင် လူသားတို့အပေါ် ကိုယ်တော်၏ စီမံခန့်ခွဲမှုနှင့် ကယ်တင်ခြင်းအလုပ် တို့ကိုလည်း သာ၍နားလည်မည် မဟုတ်ချေ။ လူတစ်ယောက်သည် ဘုရားသခင်ကို နှစ်ပေါင်းမည်မျှကြာအောင် ယုံကြည်စေကာမူ ဘုရားသခင်၏ နှုတ်ကပတ်တော်တို့ကို တွေ့ကြုံခံစားဖူးခြင်း၊ သိမြင်နားလည်ခြင်း မည်သည့်အခါမျှ မရှိခဲ့ပါလျှင် သေချာသည်မှာ ထိုသူသည် ကယ်တင်ခြင်းလမ်းသို့ လျှောက်လှမ်းနေခြင်း မဟုတ်ပေ။ ဘုရားသခင်အပေါ် ၎င်း၏ယုံကြည်ခြင်းသည် အမှန်တကယ် အနှစ်မပါသည့် ယုံကြည်ခြင်းဖြစ်သည်မှာ သေချာပါသည်။ ဘုရားသခင်နှင့် စပ်ဆိုင်သည့် အသိပညာတို့မှာလည်း သုညဖြစ်နေသည်မှာ သေချာပါသည်။ ဘုရားသခင်ကို ရိုသေလေးမြတ်ခြင်းမှာ ဘာလဲဆိုသည်ကို သူမသိကြောင်းကို ပြောရန်ပင်မလိုပါချေ။

ဘုရားသခင်၏ ပိုင်ဆိုင်မှုများနှင့် ဖြစ်တည်မှု၊ ဘုရားသခင်၏ အနှစ်သာရ၊ ဘုရားသခင်၏ စိတ်သဘောထား- ယင်းတို့အားလုံးကို ကိုယ်တော်၏ နှုတ်ကပတ်တော်များမှ တဆင့် လူသားအားလုံးကို သိစေပြီး ဖြစ်သည်။ လူသည် ဘုရားသခင်၏ နှုတ်ကပတ်တော်ကို တွေ့ကြုံခံစား ရပါက ထိုနှုတ်ကပတ်တော်တို့ကို ကျင့်ကြံနေစဉ် ဘုရားသခင်ဟောကြားသော နှုတ်ကပတ်တော်၏ နောက်ကွယ်မှ ရည်ရွယ်ချက်ကို နားလည်လာလိမ့်မည်။ ဘုရားသခင် နှုတ်ကပတ်တော်၏ အရင်းအမြစ်နှင့် နောက်ခံအကြောင်းကို နားလည်လာလိမ့်မည်။ ဘုရားသခင် နှုတ်ကပတ်တော်၏ ရည်ရွယ်ရင်း အကျိုးဆက်တို့ကို နားလည်လာပြီး ကျေးဇူးတင်လာပါလိမ့်မည်။ လူသားတို့အတွက်၊ အမှန်တရားနှင့် အသက်တာကို ရရှိဖို့အတွက်လည်းကောင်း၊ ဘုရားသခင်၏ စေတနာကို အမိအရ ဖမ်းဆုပ်ယူခြင်း၊ ကိုယ်တော်၏ အစီအစဉ်အောက်တွင် သူ၏သဘောထားကို ပြောင်းလဲခံရခြင်းနှင့် ဘုရားသခင်၏ အချုပ်အချာ အာဏာနှင့် စီစဉ်ခြင်းများကို နာခံနိုင်စွမ်း ရှိလာခြင်းတို့အတွက် လည်းကောင်း၊ ယင်းတို့မှာ လူသားတို့ တွေ့ကြုံရမည့်၊ အမိအရဖမ်းဆုပ်ရမည့်၊ ရယူရမည့် အရာအားလုံးပင်ဖြစ်ပါသည်။ လူသားသည် ယင်းအရာများတို့ကို တွေ့ကြုံခြင်းများ၊ အမိအရဖမ်းဆုပ်ခြင်းများ၊ ရယူခြင်းများ ပြုလုပ်သည်နှင့် တချိန်တည်းမှာပင် ဘုရားသခင်ကို တဖြည်းဖြည်းနားလည် လာပါလိမ့်မည်။ ဤအချိန်တွင် ထိုသူသည် ကိုယ်တော့်အကြောင်း အမျိုးမျိုးသော အသိပညာ ဒီဂရီများကိုလည်း ရရှိလာပါလိမ့်မည်။ ဤနားလည်ခြင်းနှင့် အသိပညာတို့သည် ထိုသူ စိတ်ကူးလိုက်ရာမှ သို့မဟုတ် စီကုံးရေးသားရာမှ ထွက်ပေါ်လာသည့် အရာမဟုတ်။ သို့သော် ၎င်း၏ စိတ်ထဲတွင် ဖြစ်ပေါ်လာသည့် ကျေးဇူးတင်ခြင်း၊ တွေ့ကြုံခြင်း၊ ခံစားခြင်းနှင့် သူ့အတွင်း၌ပင် ထောက်ခံခြင်းတို့ မှ ဖြစ်ပေါ်လာရခြင်း ဖြစ်ပါသည်။ ယင်းတို့ကို ကျေးဇူးတင်ခြင်း၊ တွေ့ကြုံခြင်း၊ ခံစားခြင်းနှင့် ထောက်ခံခြင်းတို့နောက်တွင် ဘုရားသခင်အကြောင်း လူသားတို့ အသိပညာသည် အနှစ်သာရကို ရယူသည်။ ဤအချိန်တွင် သူရယူသည့် အသိပညာမှာ အမှန်တကယ်၊ အစစ်အမှန်နှင့် တိကျမှန်ကန်မှု ရှိသည့် အသိပညာဖြစ်သည်။ ထို့ပြင် ဘုရားသခင် အကြောင်းကို စစ်မှန်သော နားလည်ခြင်းနှင့် အသိပညာတို့ကို ကိုယ်တော်၏ နှုတ်ကပတ်တော်တို့အပေါ် ကျေးဇူးတင်ခြင်း၊ တွေ့ကြုံခြင်း၊ ခံစားခြင်းနှင့် ထောက်ခံခြင်းတို့မှတဆင့် ရယူခြင်းသည် သာလျှင် လူသားနှင့် ဘုရားသခင်အကြား စစ်မှန်သည့် ဆက်ဆံရေး ဖြစ်ပါသည်။ ဤကဲ့သို့ ဆက်ဆံရေးမျိုးတွင် လူသားသည် ဘုရားသခင်၏ ရည်ရွယ်ချက်များကို အမှန်တကယ် သဘောပေါက် နားလည်လာပြီး ဘုရားသခင်၏ ပိုင်ဆိုင်မှုနှင့် ဖြစ်တည်မှုကို အမှန် သိနားလည်လာသည်။ ဘုရားသခင်၏အနှစ်သာရကို အမှန် နားလည်လာသည်။ ဘုရားသခင်၏ သဘောထား ကို တဖြည်းဖြည်း သဘောပေါက် နားလည်လာသည်။ ထို့နောက် ဖန်ဆင်းထားသော အရာအားလုံးတို့အပေါ် ဘုရားသခင်၏ အုပ်စိုးမှုအကြောင်း မှန်ကန်သော အနက်အဓိပ္ပာယ်အပေါ် သေချာသည့်အဆင့်သို့ ရောက်ရှိလာသည်။ ထို့ပြင် ဘုရားသခင်၏ ကိုယ်ပိုင်လက္ခဏာနှင့် အနေအထား တို့ နှင့်ပတ်သက်သည့် အသိပညာအပေါ် ခြေခြေမြစ်မြစ် သိရှိလာသည်။ ဤကဲ့သို့ ဆက်ဆံရေးမျိုးဖြစ်ပေါ်စဉ် ကိုယ်တော်အား ဘွားကနဲပေါ်လာသည်ဟု မမြင်တော့ခြင်း သို့မဟုတ် ကိုယ်တော့်အပေါ် မိမိ၏ကိုယ်ပိုင် သံသယများကို အလိုမလိုက်တော့ခြင်း သို့မဟုတ် ကိုယ်တော့်အား နားလည်မှုလွဲခြင်း၊ သို့မဟုတ် ကိုယ်တော့်အား ပြစ်တင်ရှုပ်ချခြင်း သို့မဟုတ် ကိုယ်တော့်ကို ဝေဖန်ခြင်း သို့မဟုတ် ကိုယ်တော့်ကို သံသယရှိခြင်းတို့ မရှိတော့ဘဲ လူသားသည် ဘုရားသခင်နှင့် ပတ်သက်သည့် သူ့အမြင်ကို တစ်ဆင့်ပြီးတစ်ဆင့် ပြောင်းလဲလာသည်။ အကျိုးဆက်မှာ လူသားသည် ဘုရားသခင်နှင့် ငြင်းခုံခြင်း နည်းလာမည်။ ဘုရားသခင်နှင့် ပဋိပက္ခဖြစ်မှု နည်းလာမည်။ ဘုရားသခင်ကို ပုန်ကန်လိုသည့် အခိုက်အတန့်များ နည်းလာမည်။ အပြန်အလှန်အားဖြင့် လူသား၏ ဘုရားသခင်အပေါ် ဂရုစိုက်ခြင်းနှင့် နာခံခြင်းတို့မှာ တိုး၍ကြီးထွားလာပြီး ဘုရားသခင်ကို ကြည်ညိုမှုမှာ ပို၍စစ်မှန်လာပြီး ပို၍လည်း နက်ရှိုင်းလာပါလိမ့်မည်။ ဤကဲ့သို့ ဆက်ဆံရေးမျိုးအတွင်း လူသားသည် အမှန်တရား၏ အထောက်အပံ့နှင့် အသက်တာနှစ်ခြင်းမင်္ဂလာကို ရယူလိမ့်မည်သာမက တစ်ချိန်တည်းမှာပင် ဘုရားသခင်အကြောင်း မှန်ကန်သည့် အသိပညာကိုလည်း ရရှိဦးမှာ ဖြစ်ပါသည်။ ဤကဲ့သို့ဆက်ဆံရေးမျိုးအတွင်း လူသား၏သဘောထား ပြောင်းလဲသွားပြီး ကယ်တင်ခြင်းခံရမည့်အပြင် တချိန်တည်းတွင် ဘုရားသခင်ကို အမှန်တကယ် ကြည်ညိုခြင်းနှင့် ဖန်ဆင်းရှင်ကို ကိုးကွယ်ခြင်းတို့ ရှာမှီးမှာပင် ဖြစ်ပါသည်။ ဤကဲ့သို့ ဆက်ဆံရေးမျိုး ရှိခြင်းအားဖြင့် လူသား၏ ဘုရားသခင်အပေါ် ယုံကြည်ခြင်းသည် စာရွက်အလွတ် တစ်ရွက်၊ သို့မဟုတ် အလုပ်မပါသည့် အပြောသက်သက်နှုတ်ကတိ၊ သို့မဟုတ် မျက်စိမှိတ်ပြီး ကောက်ကောက်ပါအောင် လိုက်ခြင်းနှင့် ပုဂ္ဂိုလ်ရေးရာ ကိုးကွယ်ခြင်း ပုံမျိုး မဟုတ်တော့ချေ။ ဤကဲ့သို့ ဆက်ဆံရေးမျိုးသည်သာ လူသား၏အသက်တာကို တစ်ရက်ပြီးတစ်ရက် ရင့်ကျက်လာစေပြီး၊ ယခုအချိန်မှသာ သူ၏သဘောထား တဖြည်းဖြည်းချင်း ပြောင်းလဲလာပါလိမ့်မည်။ ထို့ပြင် ဘုရားသခင်အပေါ် သူ၏ယုံကြည်ခြင်းသည် ဝိုးတိုးဝါးတား မရေရာသော ယုံကြည်ခြင်းမှ အမှန်တကယ် ကြည်ညိုခြင်း၊ စစ်မှန်သော နာခံခြင်းနှင့် ဂရုစိုက်ခြင်းဆီသို့ တစ်ဆင့်ပြီးတစ်ဆင့် ပြောင်းလဲသွားမှာ ဖြစ်ပါသည်။ ဘုရားသခင်ကို ရှာဖွေရာ၌ လူသားသည်လည်း ခံယူသူအဖြစ်မှ ပြုလုပ်သူအဖြစ်သို့၊ ဖြစ်လာမှ ပြုလုပ်သူအဖြစ်မှ အပြုသဘောဆောင်သော အလုပ်များကို လုပ်သူအဖြစ်သို့ တဖြည်းဖြည်းချင်း တိုးတက် ပြောင်းလဲသွားပါလိမ့်မည်။ ဤကဲ့သို့ ဆက်ဆံရေးမျိုးဖြင့်သာ ဘုရားသခင်၏အကြောင်း မှန်ကန်သော အသိပညာဖြင့်၊ ဘုရားသခင်ကို အမှန်တကယ် သဘောပေါက် နားလည်နိုင်သည့် အခြေအနေသို့ ရောက်ပါလိမ့်မည်။ လူအများစုတို့မှာ ဘုရားသခင်နှင့် အမှန်တကယ် ဆက်ဆံရေးမရှိသောကြောင့် ၎င်းတို့၏ ဘုရားသခင်အကြောင်း အသိပညာမှာ စာများနှင့် ဒေသနာများ အဆင့်ဖြစ်သော သဘောတရားအဆင့်၌ ရပ်နေကြသည်။ ဘုရားသခင်ကို နှစ်ပေါင်းမည်မျှကြာ ယုံကြည်လာခဲ့သည်ဖြစ်စေ လူအများစုသည် မိရိုးဖလာပုံစံ ကိုးကွယ်ဂါရဝပြုခြင်း အခြေခံတွင် ငြိတွယ်နေပြီး ဒဏ္ဍာရီလာ အသွေးအရောင်တို့နှင့် ခေတ်နောက်ကျနေသော အယူသီးမှုတို့တွင် ရုန်းထွက်မရနိုင်ကြဘဲ ဘုရားသခင်ကို သိသည့်အပိုင်းမှာတော့ မတိုးတက်ချေ၊ သူတို့စတင်ခဲ့သည့် နေရာမှာပင် ရှိနေသေးသည်။ ဘုရားသခင်အကြောင်း လူသား၏အသိပညာကို စတင်ခဲ့သည့်နေရာတွင် ရပ်တန့်ထားသင့်သည် ဆိုသည်မှာ လက်တွေ့ကျကျ တကယ်ဖြစ်တည်ခြင်း မရှိကို ဆိုလိုပါသည်။ ဘုရားသခင်၏ အနေအထားနှင့် ကိုယ်ပိုင် လက္ခဏာတို့အပေါ် လူသား၏ အတည်ပြုချက်မှ လွဲလျှင် ဘုရားသခင်အပေါ် လူသား၏ ယုံကြည်မှုမှာ ဝိုးတိုးဝါးတား မရေရာ မသေချာသည့် အဆင့်မှာသာ ရှိနေသေးပါသည်။ ဤသို့ဖြစ်ပါက လူသားသည် ဘုရားသခင်အပေါ် မည်မျှ အမှန်တကယ် ကြည်ညိုလာပါသနည်း။

ဘုရားသခင်တည်ရှိကြောင်း သင်မည်မျှ ခိုင်ခိုင်မာမာ ယုံကြည်စေကာမူ၊ ယင်းအချက်က ဘုရားသခင်အကြောင်း သင့်အသိပညာကို လည်းကောင်း၊ ဘုရားသခင်အပေါ် သင့်ကြည်ညိုခြင်း ကိုလည်းကောင်း အစားဝင်မယူနိုင်ပါ။ ဘုရားသခင်၏ ကောင်းကြီးမင်္ဂလာများနှင့် ကိုယ်တော်၏ ဘုန်းကျက်သရေတို့ကို သင်မည်မျှ မွေ့လျော်သည် ဖြစ်ပါစေ ယင်းအချက်က ဘုရားသခင်အကြောင်း သင့်အသိပညာ၏ နေရာကို အစားဝင်မယူနိုင်ပါ။ သင့်၌ရှိသမျှအားလုံးကို ဘုရားသခင်ထံ ဆက်ကပ်၍ ကိုယ်တော်အတွက် တိုးချဲ့ဖို့ သင်မည်မျှ စိတ်ဆန္ဒရှိပြီး စိတ်အားထက်သန်နေသည် ဖြစ်ပါစေ ဤအချက်က ဘုရားသခင်အကြောင်း သင့်အသိပညာ၏နေရာကို အစားဝင်ယူ၍ မရပါ။ ကိုယ်တော်ဟောကြားသော တရားတော်များနှင့် ရင်းနှီးကျွမ်းဝင်ကာ သင်ကြီးပြင်းလာခြင်း ဖြစ်ကောင်းဖြစ်မည် သို့မဟုတ် ထိုတရားတော်များကို သင်အလွတ်ရကာ နောက်ပြန်ပင် သွက်လက်စွာ ပြန်ရွတ်နိုင်သည်ဆိုဦးတော့ ယင်းအချက်က ဘုရားသခင်အကြောင်း သင့်အသိပညာ၏ နေရာကို အစားဝင်မယူနိုင်ပါ။ သို့သော်လည်း ယတိပြတ် ဆုံးဖြတ်ထားသော သူသည် ဘုရားသခင်နောက်တော်သို့ လိုက်လျှောက်နိုင်ကောင်း လျှောက်နိုင်ပါသည်။ အကယ်၍ သူသည်ဘုရားသခင်နှင့် စစ်မှန်သော ဆက်ဆံရေး မည်သည့်အခါကမျှ မရှိခဲ့ပါမူ သို့မဟုတ် ဘုရားသခင်၏ နှုတ်ကပတ်တော်တို့နှင့် စစ်မှန်သော အတွေ့အကြုံမရှိခဲ့ပါမူ၊ သူ၏ ဘုရားသခင်အကြောင်း အသိပညာမှာ ကွက်လပ်သက်သက် သို့မဟုတ် အဆုံးအစမရှိ လွင့်မြောနေခြင်းထက် ပိုလိမ့်မည်မဟုတ်။ ထိုအားလုံးအတွက် ဘုရားသခင်နှင့် “ပုခုံးချင်းတိုက်”ကာ သင်ဖြတ်သွားကောင်း သွားနိုင်သည် သို့မဟုတ် ကိုယ်တော်နှင့် မျက်နှာချင်းဆိုင် တွေ့ချင်တွေ့နိုင်မည်၊ ဘုရားသခင်အကြောင်း သင့်အသိပညာမှာ သုညသာလျှင် ရှိနေသေးပေလိမ့်မည်။ ထို့ပြင် ဘုရားသခင်အပေါ် သင့်ကြည်ညိုမှုမှာ ဗလာကြွေးကြော်သံ သို့မဟုတ် စိတ်ကူးယဉ်မှု တစ်ခုထက် ပိုမည်မဟုတ်ပေ။

လူများစွာတို့သည် သူတို့၏ အထူးတန်ဖိုး အထားဆုံး ပိုင်ဆိုင်မှုများအဖြစ် နှုတ်ကပတ်တော်ထဲရှိ အကောင်းဆုံး ကျမ်းပိုဒ်များကို အလွတ်ကျက်ရန် သေချာစွာ ဆုံးဖြတ်ထားကြသည်အထိ ဘုရားသခင်၏ နှုတ်ကပတ်တော်များကို နေ့စဉ်ဖတ်ရန် ဆုပ်ကိုင်ထားကြသည်။ ထို့အပြင် နေရာအနှံ့ ဘုရားသခင်၏ နှုတ်ကပတ်တော်များကို ဟောကြားကြသည်။ ကိုယ်တော့်တရားများဖြင့် အခြားသူများကို ပံ့ပိုး ထောက်ပံ့ကူညီကြသည်။ ယင်းသို့လုပ်ခြင်းမှာ ဘုရားသခင်အား သက်သေခံရန်၊ ကိုယ်တော်၏ နှုတ်ကပတ်တော်များကို သက်သေခံရန်နှင့် ဘုရားသခင်၏ လမ်းအတိုင်း လိုက်လျှောက်ရန်ဟု ၎င်းတို့ထင်ကြသည်။ ယင်းသို့လုပ်ခြင်းမှာ ဘုရားသခင်၏ နှုတ်ကပတ်တော်အတိုင်း နေခြင်းဖြစ်သည်ဟု ထင်ကြသည်။ ယင်းသို့လုပ်ခြင်းမှာ ၎င်းတို့၏ အသက်တာ အစစ်အမှန်ထဲသို့ ကိုယ်တော်၏ နှုတ်ကပတ်တော်များကို ယူဆောင်လာခြင်း ဖြစ်သည်။ ယင်းသို့လုပ်ခြင်းဖြင့် ဘုရားသခင်၏ ချီးမွမ်းခြင်းကို ၎င်းတို့ရရှိလိမ့်မည်၊ ကယ်တင်ခြင်းရရှိမည်၊ ပြီးပြည့်စုံစေမည်ဟု ထင်ကြသည်။ သို့သော် ဘုရားသခင်၏ နှုတ်ကပတ်တော်တို့ကို ၎င်းတို့ဟောကြားခြင်းစဉ်မှာပင် လက်တွေ့၌ ဘုရားသခင်၏ နှုတ်ကပတ်တော်ကို မည်သည့်အခါမျှ မလိုက်နာကြ၊ သို့မဟုတ် ဘုရားသခင်၏ နှုတ်ကပတ်တော်ထဲတွင် ဖော်ပြထားသည့်အတိုင်း ကိုက်ညီစေရန် ၎င်းတို့ကိုယ်ကို အားမထုတ်နိုင်ကြ။ သူတပါးတို့ကို လိမ်လည်လှည့်ဖျားကာ ၎င်းတို့အပေါ် ကြည်ညိုခြင်းနှင့် ယုံကြည်ခြင်းတို့ ရရှိရန်၊ မိမိတို့ဘာသာ စီမံခန့်ခွဲလုပ်ဆောင်ရန်၊ ဘုရားသခင်၏ ဂုဏ်ကျက်သရေကို အလွဲသုံးစားလုပ်ရန်နှင့် ခိုးယူရန် အတွက် ဘုရားသခင်၏ နှုတ်ကပတ်တော်များကို သုံးကြခြင်းသာ ဖြစ်သည်။ ဘုရားသခင်၏ နှုတ်ကပတ်တော်များကို ဝေငှခြင်းကြောင့် တတ်နိုင်လာသည့် အခွင့်အလမ်းကို အသုံးချခြင်းဖြင့် ဘုရားသခင်၏အလုပ်နှင့် ကိုယ်တော်၏ ချီးကျူးခြင်းကို အချည်းနှီးပင် မျှော်လင့်ကြသည်။ နှစ်ပေါင်းမည်မျှကြာအောင် ကုန်ဆုံးသွားသည်ဖြစ်စေ ဘုရားသခင်၏ နှုတ်ကပတ်တော်ကို ဟောကြားခြင်း လုပ်ငန်းတွင် ဘုရားသခင်၏ ချီးမွမ်းခြင်းကို ဤလူများခံရခြင်းငှာ မတတ်စွမ်းနိုင်သည်သာမက၊ ဘုရားသခင်၏ နှုတ်ကပတ်တော်များကို သက်သေခံရန် လုပ်ငန်းစဉ်တွင် ၎င်းတို့လိုက်လျှောက်ရမည့် လမ်းကို ၎င်းတို့ ရှာဖွေတွေ့ရှိခြင်းငှာ မတတ်စွမ်းနိုင်သည်သာမက၊ ဘုရားသခင်၏ နှုတ်ကပတ်တော်အားဖြင့် အခြားသူများကို ပံ့ပိုးခြင်း၊ ထောက်ပံ့ခြင်း လုပ်ငန်းစဉ်တွင် ၎င်းတို့သည် မိမိကိုယ်ကိုပင် မထောက်ပံ့နိုင် မဖြည့်ဆည်းနိုင်သည်သာမက၊ ဤအလုပ်အားလုံးကို လုပ်ဆောင်ရာတွင် ဘုရားသခင်ကို ၎င်းတို့သိခြင်းငှာ မစွမ်းဆောင်နိုင်၊ ဘုရားသခင်အတွက် အစစ်အမှန် ကြည်ညိုခြင်းတွင် မနိုးကြားနိုင် သည်သာမက၊ အခြားတဘက်တွင်မူ ဘုရားသခင်အပေါ် ၎င်းတို့၏ နားလည်မှုလွဲနေခြင်းများမှာ ပို၍ နက်ရှိုင်းလာခဲ့ပြီး ကိုယ်တော့်အပေါ် မယုံကြည်မှုမှာ ပိုမိုစိုးရိမ်ဖွယ်ရာ ဖြစ်လာခဲ့ကာ ကိုယ်တော့်အကြောင်း ၎င်းတို့၏စိတ်ကူးစိတ်သန်းများမှာ ပို၍ပင် တမင်တကာ ချဲ့ကားထားကြသည်။ ဘုရားသခင်၏ နှုတ်ကပတ်တော်များအကြောင်း ၎င်းတို့၏ သီအိုရီများဖြင့် ပံပိုး လမ်းညွှန်ထားခြင်းဖြင့် ၎င်းတို့၏လိုအပ်ချက် ပြီးပြည်စုံနေသကဲ့သို့၊ ၎င်းတို့ စွမ်းရည်များကို သက်သောင့်သက်သာ အသုံးချနေသကဲ့သို့၊ အသက်တာတွင် ၎င်းတို့၏ရည်ရွယ်ချက်၊ ၎င်းတို့၏တာဝန်တို့ကို ရှာဖွေတွေ့ရှိပြီး သကဲ့သို့၊ မိမိတို့ဘဝသစ်ကို ရရှိအောင်နိုင်ပြီး ကယ်တင်ခြင်း ရပြီးသကဲ့သို့၊ အလွတ်ရွတ်ဆိုပြိုင်ပွဲတွင် ဘုရားသခင်၏ နှုတ်ကပတ်တော်တို့ကို မိမိတို့လျှာမှ နှုတ်တရွရွ ရွတ်ဆိုခြင်းဖြင့် ၎င်းတို့သည် အမှန်တရားကို ရရှိခြင်း၊ ဘုရားသခင်၏ ရည်ရွယ်ချက်များကို ဆုပ်ကိုင်ထားခြင်း၊ ဘုရားသခင်ကို သိကျွမ်းရန် လမ်းကို ရှာဖွေတွေ့ခြင်းတို့ ဖြစ်နေသကဲ့သို့၊ ဘုရားသခင်၏ နှုတ်ကပတ်တော်များကို ဟောကြားနေစဉ်အတွင်း ဘုရားသခင်နှင့် မျက်နှာချင်းဆိုင် မကြာခဏဆိုသလို တွေ့ရသကဲ့သို့ ၎င်းတို့ပုံမှာ ပေါ်နေပါသည်။ ၎င်းတို့သည် မကြာခဏဆိုသလို ငိုပွဲများဆင်နွှဲသည်ထိ “စိတ်လှုပ်ရှား” ကြပြီး ဘုရားသခင်၏ နှုတ်ကပတ်တော်တွင် “ဘုရားသခင်” ကိုမကြာမကြာ ဦးဆောင်စေတတ်သည်။ သူတို့သည် ကိုယ်တော်၏ စိတ်အားထက်သန်သည့် စာနာမှုနှင့် ကြင်နာသည့် စေတနာကို မနားမနေ ဆုပ်ကိုင်ထားသည့်ပုံ ပေါ်နေပြီး တစ်ချိန်တည်းမှာပင် ကိုယ်တော်၏ အနှစ်သာရကို သိရှိလာရန်၊ ကိုယ်တော်၏ တရားသော သဘောသဘာဝကို နားလည်လာရန်၊ ဘုရားသခင်၏ လူသားတို့ကို ကယ်တင်ခြင်းနှင့် ကိုယ်တော်၏ စီမံခန့်ခွဲမှုကိုလည်း ဆုပ်ကိုင်ထားကြသည်။ ဤအုတ်မြစ်ကို အခြေခံ၍ သူတို့သည် ဘုရားသခင်၏ တည်ရှိမှုကို ပိုမိုခိုင်မာစွာ ယုံကြည်လာသည့် ပုံပေါ်သည်။ ကိုယ်တော်၏ မြင့်မားသောအခြေအနေကို ပို၍ သိမြင်ပုံပေါ်ပြီး ကိုယ်တော်၏ ကြီးကျယ်ခမ်းနားခြင်းနှင့် ထူးကဲသာလွန်မှုကို ပို၍နက်နက်နဲနဲ ခံစားရပုံပေါ်သည်။ ဘုရားသခင်၏ နှုတ်ကပတ်တော်နှင့် ပတ်သက်၍ သမန်ကာလျှံကာမျှ အသိပညာထဲ နစ်မြုပ်နေပြီး ၎င်းတို့၏ ယုံကြည်ခြင်းများ ကြီးထွားလာပုံပေါ်သည်။ သူတို့၏ ဒုက္ခဆင်းရဲကို သည်းခံရန် ဆုံးဖြတ်ချက်ကို အားတင်းပေးပုံရသည်။ ထို့ပြင် ဘုရားသခင်နှင့်ဆိုင်သော သူတို့၏ အသိပညာကို ပိုမိုနက်နဲစေပုံ ရပါသည်။ သူတို့မသိသည်မှာ ၎င်းတို့အမှန်တကယ် ဘုရားသခင်၏ နှုတ်ကပတ်တော်များကို တွေ့ကြုံခံစားရချိန်အထိ ဘုရားသခင်အကြောင်း ၎င်းတို့၏ အသိပညာနှင့် ကိုယ်တော်အကြောင်း ၎င်းတို့၏ ထင်မြင်ယူဆချက်တို့မှာ ၎င်းတို့ကိုယ်တိုင် ဖြစ်ချင်သော စိတ်ကူးများနှင့် ထင်ကြေးများမှ ထွက်ပေါ်လာခြင်းသာ ဖြစ်ပေသည်။ သူတို့၏ ယုံကြည်ခြင်းမှာ ဘုရားသခင်ထံမှလာသော စမ်းသပ်ခြင်း တစ်စုံတစ်ရာ၏ အောက်တွင် စမ်းသပ်မခံနိုင်။ သူတို့၏ ယုံကြည်သက်ဝင်မှုနှင့် အရေးပါမှုဆိုသည် တို့မှာ ဘုရားသခင်၏ စမ်းသပ်စုံစမ်းခြင်း သို့မဟုတ် စစ်ဆေးခြင်းအောက်တွင် ဆုပ်ကိုင်မထားနိုင်။ သို့သော် သူတို့၏ ကြံ့ခိုင်မှုမှာ သဲပေါ်တွင်ဆောက်သော ရဲတိုက်ကဲ့သိုဖြစ်ပြီး သူတို့ပြောသော ဘုရားသခင်၏အကြောင်း အသိပညာမှာလည်း ၎င်းတို့၏ စိတ်ကူးယဉ် အထင်တစ်ခုထက် မပိုပါ။ အကယ်စင်စစ် ဘုရားသခင်၏ နှုတ်ကပတ်တော်ထဲ၌ အများကြီး ကြိုးပမ်းအားထုတ်ထားသည့် ဤလူများ၏ ယုံကြည်ခြင်းအစစ်အမှန် ဆိုသည်မှာ အဘယ်နည်း၊ နာခံခြင်းအစစ်အမှန် ဆိုသည်မှာ အဘယ်နည်း၊ ဂရုစိုက်ခြင်းအစစ်အမှန် ဆိုသည်မှာအဘယ်နည်း သို့မဟုတ် ဘုရားသခင်အကြောင်း အသိပညာ အစစ်အမှန် ဆိုသည်မှာ အဘယ်နည်း ဆိုသည်တို့ကို မည်သည့်အခါကမျှ သဘောပေါက်ခြင်း မရှိခဲ့ကြပေ။ သူတို့သည် သဘောတရား၊ စိတ်ကူးယဉ်မှု၊ အသိပညာ၊ လက်ဆောင်၊ ရိုးရာဓလေ့၊ အယူသီးခြင်းသာမက လူသားအချင်းချင်းစာနာသည့် လူ့ကျင့်ဝတ်တန်ဖိုးတို့ကို ယူပြီး ယင်းတို့ကို ဘုရားသခင်ကို ယုံကြည်ခြင်းနှင့် ကိုယ်တော်နောက် ထက်ကြပ်လိုက်ခြင်းတို့အတွက် “ရင်းနှီးငွေ” နှင့် “စစ်လက်နက်များ” အဖြစ် ပြောင်းလဲလိုက်ပါသည်။ ယင်းသို့ ပြုလုပ်သည်သာမက ဘုရားသခင်အပေါ် ၎င်းတို့၏ယုံကြည်ခြင်းနှင့် ကိုယ်တော်နောက်သို့ ထက်ကြပ်လိုက်ခြင်းတို့၏ အခြေခံအုတ်မြစ် အဖြစ်သို့ ပြုလုပ်လိုက်ပါသည်။ တချိန်တည်းမှာပင် ဤရင်းနှီးငွေနှင့် လက်နက်အမျိုးမျိုးကို သူတို့ယူဆောင်၍ ဘုရားသခင်ကို သိနားလည်ခြင်း အတွက်လည်းကောင်း၊ ဘုရားသခင်၏ စစ်ဆေးခြင်း၊ စမ်းသပ်စုံစမ်းခြင်း၊ အပြစ်ဒဏ်ခတ်ခြင်းနှင့် စီရင်ချက်ချခြင်းတို့ကို ရင်ဆိုင်ရန်အတွက် လည်းကောင်း၊ မျက်လှည့် အဆောင်လက်ဖွဲ့အဖြစ် သုံးကြသည်။ အဆုံးတွင် ၎င်းတို့ ရှာမှီးထားသမျှသည် ဘာသာရေး ဂယက်အနက်နှင့် ခေတ်နောက်ကျနေသော အယူသီးမှုအောက်တို့တွင် နစ်မြုပ်နေသော ဘုရားသခင်အကြောင်း သုံးသပ်ချက်များထက် မပိုချေ။ ယင်းတို့သည် စိတ်ကူးယဉ်ဆန်သော၊ သဘာဝမကျသော၊ နားလည်ရန်ခက်သော အရာများ ဖြစ်၍ ၎င်းတို့၏ ဘုရားသခင်ကို သိကျွမ်းခြင်းနှင့် အဓိပ္ပာယ်ဖွင့်ဆိုခြင်း နည်းလမ်းမှာ အထက်အရပ်ရှိကောင်းကင်ဘုံ၊ သို့မဟုတ် ကောင်းကင်ပေါ်ရှိ အဘိုးအိုကိုသာ နားလည်သောသူများကဲ့သို့ ပုံစံခွက် တစ်မျိုးတည်းတွင် လောင်းထားသလို ရှိနေသည်။ ဘုရားသခင်၏ အမှန်တကယ်တည်ရှိခြင်း၊ ကိုယ်တော်၏ အနှစ်သာရ၊ ကိုယ်တော်၏ သဘောထား၊ ကိုယ်တော်၏ ပိုင်ဆိုင်ခြင်းနှင့် ဖြစ်တည်ခြင်း စသည်ဖြင့် ဘုရားသခင် အစစ်အမှန်နှင့်သာ သက်ဆိုင်ပြီး ဆုပ်ကိုင်ရယူရန်ပင် မသိသော အရာများဖြစ်ပြီး လုံးဝမဆီလျော်ဘဲ၊ ဝင်ရိုးစွန်းနှစ်ခုကဲ့သို့ ခြားနားဝေးကွာနေပါသည်။ ဤနည်းအားဖြင့် သူတို့သည် ဘုရားသခင် နှုတ်ကပတ်တော်၏ ထောက်မခြင်းနှင့် အားဖြည့်ခြင်းအောက်တွင် နေရသော်လည်း ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းလမ်းကို အကယ်စင်စစ် မလျှောက်လှမ်းနိုင်ကြပေ။ ဤကဲ့သို့ဖြစ်ရသည့် အကြောင်းရင်းမှန်မှာ ဘုရားသခင်ကို မည်သည့်အခါကမျှ သိကျွမ်းလာခြင်း၊ ကိုယ်တော်နှင့် စစ်မှန်သော ဆက်သွယ်မှု သို့မဟုတ် ဆက်ဆံရေးတို့ မရှိခဲ့သောကြောင့် ဖြစ်ပါသည်။ ထို့ပြင် ၎င်းတို့အတွက် ဘုရားသခင်နှင့် နှစ်ဦးနှစ်ဘက် အပြန်အလှန် နားလည်ခြင်းသို့ ရောက်ရှိဖို့ မဖြစ်နိုင်။ ဘုရားသခင်ကို စစ်မှန်စွာ ယုံကြည်ခြင်း၊ ကိုယ်တော့်နောက် လိုက်လျှောက်ခြင်း သို့မဟုတ် ဝတ်ပြုကိုးကွယ်ခြင်း ပြုလုပ်ဖို့ရန် ထကြွနိုးကြားမှုမရှိကြ။ ထို့ကြောင့် ဘုရားသခင်၏ နှုတ်ကပတ်တော်ကို သူတို့ အလေးဂရုထားသင့်သည်။ ဘုရားသခင်ကို သူတို့ အလေးဂရုထားသင့်သည်။ ဤရှုထောင့်အမြင်နှင့် သဘောထားတို့သည် သူတို့၏ ကြိုးပမ်းအားထုတ်မှုကို အချည်းနှီးဖြစ်စေပြီး ပျက်စီးကိန်းသို့ ဆိုက်စေသည်။ ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း လမ်းသို့ ထာဝရပင် မလိုက်လျှောက်နိုင်ဘဲ ပျက်စီးကိန်းသို့ ဆိုက်စေသည်။ ၎င်းတို့ မျှော်မှန်းထားသော ပန်းတိုင်နှင့် ၎င်းတို့ သွားနေသည့် လမ်းကြောင်းမှာ ၎င်းတို့သည် ဘုရားသခင်၏ ထာဝရ ရန်သူဖြစ်ကြောင်းနှင့် ကယ်တင်ခြင်းကို မည်သည့်အခါမျှ ရလိမ့်မည်မဟုတ်ကြောင်း ညွှန်ပြနေပါသည်။

အကယ်၍ ဘုရားသခင်နောက်သို့ နှစ်ပေါင်းများစွာ လိုက်လျှောက်ခဲ့ပြီး ဘုရားသခင်၏ နှုတ်ကပတ်တော်များကို နှစ်ပေါင်းများစွာ မွေ့လျော်ခဲ့သော သူတစ်ယောက်၏ ဘုရားသခင်၏ အနှစ်သာရအားဖြင့် ကိုယ်တော်အကြောင်း ဖွင့်ဆိုထားသည့် အနက်အဓိပ္ပာယ်သည် ရုပ်တုဆင်းတုများရှေ့ မှောက်လျက်လှဲကာ ကိုးကွယ်သော သူတစ်ယောက်၏ အနက်အဓိပ္ပာယ် ဖွင့်ခြင်းနှင့် ဆင်တူနေပါလျှင်၊ ဤသူသည် ဘုရားသခင် နှုတ်ကပတ်တော်၏ စစ်မှန်မှုကို ရရှိထားခြင်းမရှိဟု ညွှန်ပြနေပါသည်။ ဤသည်မှာ သူသည် ဘုရားသခင် နှုတ်ကပတ်တော်၏ စစ်မှန်မှုကို ရရှိမထားခြင်းကြောင့် ဖြစ်ပြီး၊ ဤအကြောင်းကြောင့်ပင် စစ်မှန်ခြင်း၊ အမှန်တရား၊ ရည်ရွယ်ချက်များနှင့် လူ့လောက၏ တောင်းဆိုချက်များ၊ အားလုံးတို့ပါရှိသည့် ဘုရားသခင်၏ နှုတ်ကပတ်တော်သည် ထိုသူနှင့် လားလားမျှ မသက်ဆိုင်ပေ။ ယင်းကဲ့သို့သောသူသည် ဘုရားသခင်နှုတ်ကပတ်တော်၏ အနက်အဓိပ္ပာယ်ပေါ်တွင် မည်မျှကြိုးစားပမ်းစား အလုပ်လုပ်သော်လည်း အချည်းနှီးသာ ဖြစ်သည်ဟု ပြောရမည်ဖြစ်ပါသည်။ အဘယ်ကြောင့်ဆိုသော် ထိုသူလိုက်စားသည်မှာ စကားလုံးများသာ ဖြစ်ပြီး သူရရှိမည်မှာလည်း စကားလုံးများသာ ဖြစ်ပါသည်။ ဘုရားသခင်၏ နှုတ်ကပတ်တော်များမှာ အပြင်ပန်းအားဖြင့် ရိုးစင်းသည်ဖြစ်စေ၊ ခက်ခဲနက်နဲသည်ဖြစ်စေ အသက်တာထဲ ချင်းနင်းဝင်ရောက်လာနေသော လူသားတို့အတွက် မရှိမဖြစ်သော အမှန်တရားအားလုံးပင် ဖြစ်ပါသည်။ ၎င်းတို့သည် ဝိညာဉ်တော်အရရော အသွေးအသားအရပါ သူ့အား ရှင်သန်စေမည့် သက်စမ်းရေ၏ ရေသောက်မြစ် ဖြစ်ကြပါသည်။ လူသားများ အသက်ရှင်သန်နေရန် လိုအပ်ချက်များ၊ လူသား၏နေ့စဉ် ဘဝကို ဖြတ်သန်းခြင်းအတွက် တရားသေ လက်ခံထားသော ဝါဒနှင့် ဘာသာအယူဝါဒ၊ ကယ်တင်ခြင်းရရှိရန် သူဖြတ်သန်းရမည့် လမ်း၊ ပန်းတိုင်နှင့် ဦးတည်ရာ၊ ဘုရားသခင်ရှေ့မှောက်၌ ဖန်ဆင်းထားသောသူ ဖြစ်သည်နှင့်အညီ သူ့တွင် ပိုင်ဆိုင်ထားရမည့် အမှန်တရားအားလုံးနှင့် ဘုရားသခင်ကို လူသားတို့ မည်ကဲ့သို့ နာခံရမည် မည်ကဲ့သို့ ကိုးကွယ်ရမည်နှင့် ပတ်သက်သည့် အမှန်တရားအားလုံးကို နှုတ်ကပတ်တော်တို့က သတ်မှတ်ပေးပါသည်။ နှုတ်ကပတ်တော်တို့သည် လူသားတို့၏ ရှင်သန်မှုကို သေချာစေသည့် အာမခံချက်များ ဖြစ်ပါသည်။ ၎င်းတို့သည် လူသားတို့၏ နေ့စဉ်ခွန်အား ဖြစ်ပါသည်။ လူသားတို့ ကြံ့ခိုင်စေရန်နှင့် မတ်မတ်ရပ်စေနိုင်သည့် ခိုင်မာသော အထောက်အကူလည်း ဖြစ်ပါသည်။ နှုတ်ကပတ်တော်တို့သည် ဖန်ဆင်းခံလူသား ကျင့်ကြံနေထိုင်ရမည့်အတိုင်း သာမန်လူ့လောက၏ အရှိတရားဖြင့် ပြည့်စုံနေသည်။ လူသားတို့ အကျင့်ပျက် ခြစားခြင်းမှ ကင်းလွတ်ပြီး စာတန်၏ညွတ်ကွင်းမှ ရှောင်တိမ်းနိုင်သည့် အမှန်တရားဖြင့် ကြွယ်ဝသည်။ မမောမပန်းနိုင်သော အဆုံးအမ၊ တိုက်တွန်းခြင်း၊ အားပေးတိုက်တွန်းခြင်းနှင့် ဖန်ဆင်းထားသော လူသားများအတွက် ဖန်ဆင်းရှင်ဘုရားသခင်က ပေးသော ဖြေသိမ့်မှုတို့ဖြင့် ပြည့်ဝနေသည်။ နှုတ်ကပတ်တော်တို့သည် အပြုသဘောဆောင်သည့် အရာအားလုံးကို လူသားတို့ နားလည်ရာတွင် လမ်းညွှန်ပေးသော၊ ဉာဏ်အလင်းပြသော အချက်ပြမီး ဖြစ်ပါသည်။ သမာဓိရှိသော၊ ကောင်းမွန်သော အရာများကို လူသားများ ကျင့်သုံးပြီး ယင်းတို့ကို ပိုင်ဆိုင်ရာတွင် သေချာစေသည့် အာမခံဖြစ်ပါသည်။ လူပုဂ္ဂိုလ်များ၊ ဖြစ်ရပ်များနှင့် အရာဝတ္ထုများ အားလုံးတို့ကို တိုင်းတာသော စံသတ်မှတ်ချက် ဖြစ်သည်။ ထို့ပြင် လူသားတို့အား ကယ်တင်ခြင်းနှင့် အလင်းရှိရာ လမ်းသို့ လမ်းညွှန်ပေးသည့် လမ်းကြောင်းပြ ညွှန်မှတ်လည်း ဖြစ်ပါသည်။ အမှန်တရားနှင့် အသက်တာဖြင့် လူသားကိုထောက်ပံ့ခြင်းသည်သာ ဘုရားသခင်၏ နှုတ်ကပတ်တော်ကို အမှန်တကယ် တွေ့ကြုံရခြင်း ဖြစ်လျှင်သော်လည်းကောင်း၊ ပုံမှန်လူသားချင်း စာနာမှု၊ အဓိပ္ပာယ်ရှိသောဘဝ၊ စစ်မှန်သော ဖန်ဆင်းခြင်း ခံရသူ၊ ဘုရားသခင်ထံတွင် နာခံခြင်းအစစ်အမှန် တို့ကို နားလည်လာသော အခါမှသာလျှင်လည်းကောင်း၊ ဘုရားသခင်ကို မည်သို့ အလေးဂရုပြုရမည်၊ ဖန်ဆင်းခံလူသားတစ်ယောက်၏ တာဝန် ဝတ္တရားများကို မည်သို့ ကျေပြွန်အောင် လုပ်ဆောင်ရမည်၊ လူသားစစ်စစ်တစ်ယောက်နှင့် တူအောင်မည်သို့ နေရမည်စသည်တို့ကို နားလည်လာသည့် အခါတွင်လည်းကောင်း၊ စစ်မှန်သော ယုံကြည်မှုနှင့် စစ်မှန်သော ကိုးကွယ်မှုဆိုရာတွင် မည်သည်ကို ဆိုလိုကြောင်း သူနားလည် လာသောအခါမှသာလျှင်လည်းကောင်း၊ ကောင်းကင်၊ မြေကြီးနှင့် အရာအားလုံးတို့၏ အုပ်ချုပ်သူသည် မည်သူမည်ဝါဖြစ်ကြောင်း သူနားလည်လာမှသာလျှင်လည်းကောင်း၊ ဖန်ဆင်းရာအားလုံးတို့၏ အရှင်သခင်မှာ မည်သည့်နည်းလမ်းဖြင့် အုပ်ချုပ်သည့်၊ ခေါင်းဆောင်သည့်၊ ဖန်ဆင်းခြင်းအတွက် ထောက်ပံ့ပေးသည့် နည်းလမ်းကို နားလည်လာသည့် အခါတွင်လည်းကောင်း၊ ဖန်ဆင်းရာအားလုံးတို့၏ အရှင်သခင် တည်ရှိပုံ၊ ပေါ်လာပုံ၊ အလုပ်လုပ်ပုံ နည်းလမ်းများကို နားလည် သဘောပေါက်လာသည့် အခါတွင်လည်းကောင်း၊ သို့သော် ဘုရားသခင်၏ နှုတ်ကပတ်တော်ကို အမှန်တကယ် တွေ့ကြုံခြင်းမှာ ကင်းလွတ်နေပါလျှင်၊ ဘုရားသခင်၏ နှုတ်ကပတ်တော်များနှင့် အမှန်တရားတို့နှင့် ပတ်သက်၍ အမှန်တကယ် အသိပညာ သို့မဟုတ် အမြင် ရှိမည်မဟုတ်ပေ။ ယင်းကဲ့သို့သော လူမျိုးသည် ရှင်နေသောအလောင်းကောင်၊ စံနမူနာ အခွံ့ချည်းသက်သက် ဖြစ်ပြီး၊ ဖန်ဆင်းရှင်နှင့် ပတ်သက်သည့် အသိပညာ အားလုံးမှာ မည်သို့ပင်ဖြစ်စေ သူနှင့်မဆိုင်ပါ။ ဘုရားသခင်၏ မျက်စိထဲတွင်၊ ယင်းသို့သော သူသည် ကိုယ်တော်ကို မည်သည့်အခါမျှ မယုံကြည်၊ မည်သည့်အခါကမျှ ကိုယ်တော့်နောက် လိုက်လျှောက်ခြင်းမရှိပါ။ ထို့ကြောင့် ဘုရားသခင်က ထိုသူ့ကို ကိုယ်တော့်ကို ယုံကြည်သူ သို့မဟုတ် ကိုယ်တော့်နောက်သို့ လိုက်လျှောက်သူအဖြစ် အသိအမှတ်မပြု။ စစ်မှန်သော ဖန်ဆင်းခံအဖြစ်ပင် အသိအမှတ်မပြုပါချေ။

ဖန်ဆင်းခံလူသား အစစ်အမှန်သည် ဖန်ဆင်းရှင်မည်သူ ဆိုသည်ကို သိရမည်။ လူသားအား မည်သည့်အတွက် ဖန်ဆင်းထားသည်ကို သိရမည်။ ဖန်ဆင်းခံလူသားအဖြစ် တာဝန် ဝတ္တရားများကို မည်သို့ လုပ်ဆောင်ရမည်ကို သိရမည်။ အရာအားလုံး၏ ဖန်ဆင်းရှင်ဘုရားကို မည်သို့ ကိုးကွယ်ရမည်ကို သိရမည်။ ဖန်ဆင်းရှင်၏ ရည်ရွယ်ချက်များ၊ ဆန္ဒများနှင့် တောင်းဆိုချက်များကို နားလည်ရမည်။ သဘောပေါက်ရမည်။ သိရမည်။ အလေးဂရုပြုရမည်။ ဖန်ဆင်းရှင်၏ နည်းလမ်းအတိုင်း - ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းကို လုပ်ဆောင်ရမည်။

ဘုရားသခင်ကို ကြောက်ရွံ့ခြင်းမှာ အဘယ်နည်း။ ထို့ပြင် မကောင်းမှုကို မည်သို့ ရှောင်ကြဉ်ရမည်နည်း။

“ဘုရားသခင်ကို ကြောက်ရွံ့ခြင်း” ဆိုသည်မှာ ဖော်ပြခြင်းငှာ မစွမ်းသာသည့် ထိတ်လန့်ခြင်း၊ ကြောက်ရွံ့ခြင်းကို ဆိုလိုခြင်းမဟုတ်။ သို့မဟုတ် ရှောင်ပြေးရန်မဟုတ်၊ သို့မဟုတ် အဝေးတစ်နေရာမှာ သွားထားရန်မဟုတ်။ သို့မဟုတ် ရုပ်တုဆင်းတု ကိုးကွယ်ခြင်း သို့မဟုတ် အယူသီးခြင်းမဟုတ်။ တကယ်တမ်းတွင် ကြည်ညိုခြင်း၊ တန်ဖိုးထားလေးစားခြင်း၊ ယုံကြည်ခြင်း၊ နားလည်ခြင်း၊ အလေးဂရုပြုခြင်း၊ နာခံခြင်း၊ ဆက်ကပ်ခြင်း၊ မေတ္တာထားခြင်းတို့အပြင် ချွင်းချက်မရှိသော၊ ညည်းညူခြင်းမရှိသော ကိုးကွယ်ခြင်း၊ အတုံ့အပြန်ပေးဆပ်ခြင်းနှင့် အပ်နှံခြင်းတို့လည်း ပါဝင်သည်။ ဘုရားသခင်အကြောင်း အသိပညာ အစစ်အမှန်မရှိလျှင် လူ့လောကတွင် စစ်မှန်သည့် ကြည်ညိုခြင်း၊ စစ်မှန်သည့် ယုံကြည်ခြင်း၊ စစ်မှန်သည့် နားလည်ခြင်း၊ စစ်မှန်သည့် အလေးဂရုပြုခြင်းနှင့် နာခံခြင်းတို့ ရှိမည်မဟုတ်ပေ။ သို့သော် ထိတ်လန့်ခြင်း၊ စိုးရိမ်ပူပန်ခြင်း၊ သံသယရှိခြင်း၊ နားလည်မှုလွဲခြင်း၊ ရှောင်လွှဲခြင်းနှင့် ရှောင်တိမ်းခြင်းတို့သာ ရှိမည်။ ဘုရားသခင်အကြောင်း အသိပညာ အစစ်အမှန်မရှိလျှင် လူ့လောကတွင် စစ်မှန်သည့် ဆက်ကပ်ခြင်းနှင့် အတုံ့အပြန် ပေးဆပ်ခြင်းတို့ ရှိမည်မဟုတ်။ ဘုရားသခင်အကြောင်း အသိပညာ အစစ်အမှန်မရှိလျှင် လူ့လောကတွင် စစ်မှန်သည့် ကိုးကွယ်ခြင်းနှင့် အပ်နှံခြင်းတို့မရှိဘဲ ကျိုးကြောင်းမမြင်တော့သည့် ရုပ်တုဆင်းတု ကိုးကွယ်ခြင်းနှင့် အယူသီးခြင်းတို့သာ ရှိမည်။ ဘုရားသခင်အကြောင်း အသိပညာ အစစ်အမှန်မရှိလျှင် လူ့လောကတွင် ဘုရားသခင်၏ နည်းလမ်းအတိုင်း လုပ်ဆောင်ဖို့ရန်၊ သို့မဟုတ် ဘုရားသခင်ကို ကြောက်ရွံ့ရန် သို့မဟုတ် မကောင်းမှုကို ရှောင်ကြဉ်ရန် မဖြစ်နိုင်။ ထိုနည်းတူ၊ လူသားတို့လုပ်ဆောင်သည့် လုပ်ဆောင်မှုတိုင်းနှင့် အပြုအမူတိုင်းတို့သည် ပုန်ကန်လိုခြင်း၊ ဖီဆန်ခြင်းတို့ဖြင့် အသရေဖျက်မှု၊ အပြစ်တင်ယိုးစွပ်မှု၊ ကိုယ်တော့်အပေါ် သွားပုတ်လေလွင့် ထင်မြင်ချက်များဖြင့် ပြည့်နှက်နေမည်ဖြစ်သည်။ ထို့ပြင် မကောင်းသော အပြုအမူတို့သည် အမှန်တရားနှင့် ဘုရားသခင် နှုတ်ကပတ်တော်၏ စစ်မှန်သော အဓိပ္ပာယ်ကို ဆန့်ကျင်နေလိမ့်မည်။

ဘုရားသခင်ကို အမှန်တကယ် ယုံကြည်ကိုးစားခြင်းအားဖြင့် ဘုရားသခင်နောက်သို့ မည်သို့ လိုက်လျှောက်ရမည်၊ မည်သို့ မှီခိုရမည်ကို လူသားတို့ အမှန်တကယ် သိလာပါလိမ့်မည်။ ဘုရားသခင်ကို အမှန်တကယ် ယုံကြည်ကိုးစားပြီး မှီခိုမှသာ လူသားတို့တွင် စစ်မှန်သော နားလည်ခြင်းနှင့် သဘောပေါက်နိုင်စွမ်း ရှိနိုင်ပါသည်။ ဘုရားသခင်ကို အမှန်တကယ် သဘောပေါက်နားလည်နိုင်စွမ်းရှိမှသာ ကိုယ်တော့်အား အမှန်တကယ် အလေးဂရုပြုလာ ပါလိမ့်မည်။ ဘုရားသခင်ကို စစ်မှန်စွာ အလေးဂရုပြုမှသာ လူသားတို့တွင် စစ်မှန်သော နာခံလိုစိတ် ရှိနိုင်ပါသည်။ ဘုရားသခင်ထံတွင် စစ်မှန်စွာ နာခံမှသာ လူသားတို့တွင် စစ်မှန်သည့်ဆက်ကပ်ခြင်း ရှိနိုင်ပါသည်။ ဘုရားသခင်ထံပါး စစ်မှန်စွာ ဆက်ကပ်မှသာ လူသားတို့တွင် ချွင်းချက်မရှိ၊ ညည်းညူခြင်းမရှိသည့် စစ်မှန်သည့် အတုံ့အပြန် ပေးဆပ်ခြင်း ရှိနိုင်ပါသည်။ စစ်မှန်သည့် ယုံကြည်ခြင်းနှင့် မှီခိုခြင်း၊ စစ်မှန်သည့် နားလည်မှုနှင့် အလေးဂရုပြုခြင်း၊ စစ်မှန်သည့် နာခံမှု၊ စစ်မှန်သည့် ဆက်ကပ်ခြင်းနှင့် အတုံ့အပြန် ပေးဆပ်ခြင်းတို့ ရှိမှသာလျှင် ဘုရားသခင်၏ စိတ်သဘောထား နှင့် အနှစ်သာရကို လူသားတို့ နားလည်လာနိုင်ပြီး ဖန်ဆင်းရှင်၏ ကိုယ်ပိုင် လက္ခဏာများကို အမှန်တကယ် သိလာနိုင်ပါသည်။ ဖန်ဆင်းရှင်အား လူသားတို့ အမှန်တကယ် သိလာမှသာ စစ်မှန်သည့် ကိုးကွယ်မှုနှင့် တိုးလျှိုးခြင်းတွင် လူသားတို့ နိုးကြားလာမည် ဖြစ်ပါသည်။ ဖန်ဆင်းရှင်အား အမှန်တကယ် ကိုးကွယ်ပြီး တိုးလျှိုးနိုင်မှသာ လူသားတို့သည် မိမိတို့၏ မကောင်းသော လမ်းများကို အမှန်တကယ် ဘေးဖယ်ထားနိုင်ပါလိမ့်မည်။ ယင်းကို မကောင်းမှုမှ ရှောင်ကြဉ်ခြင်းဟု ပြောရပါမည်။

ဤသို့ပြုလုပ်ရာတွင် “ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း” လုပ်ငန်းစဉ်တစ်ခုလုံး ပါဝင်ပါသည်။ ထို့ပြင် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း အလုံးစုံပါ အကြောင်းအရာနှင့် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ ရောက်ရန်အတွက် ကျော်ဖြတ်ရမည့် လမ်းလည်း ဖြစ်ပေသည်။

“ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း” နှင့် ဘုရားသခင်ကို သိခြင်းတို့သည် ကြိုးမျှင် မြောက်မြားစွာတို့ဖြင့် ခွဲခြားမရနိုင်စွာ ဆက်သွယ်ထားပါသည်။ ထို့ပြင် ယင်းတို့နှစ်ခုအကြား ဆက်သွယ်မှုမှာ သက်သေပြရန်မလို ရှင်းနေပြီးသား ဖြစ်ပါသည်။ အကယ်၍ လူတစ်ယောက်သည် မကောင်းမှုကို ရှောင်ကြဉ်လိုပါက ထိုသူသည် ဦးစွာ ဘုရားသခင်ကို အမှန်တကယ် ကြောက်ရွံ့ရမည်။ အကယ်၍ လူတစ်ယောက်သည် ဘုရားသခင်ကို အမှန်တကယ် ကြောက်ရွံ့လိုပါက ထိုသူသည် ဦးစွာ ဘုရားသခင်အကြောင်း အသိပညာအမှန် ရှိရမည်။ အကယ်၍ လူတစ်ယောက်သည် ဘုရားသခင်အကြောင်း အသိပညာအမှန် ရှိလိုပါက ထိုသူသည် ဦးစွာ ဘုရားသခင်၏ နှုတ်ကပတ်တော်များနှင့် တွေ့ကြုံရပြီး၊ ဘုရားသခင်၏ နှုတ်ကပတ်တော်များ၏ အစစ်အမှန်တရားကို မွေ့လျော်ကာ၊ ဘုရားသခင်၏ ကျိုးနွံအောင် ဆုံးမခြင်းနှင့် စည်းကမ်း၊ ပြစ်ဒဏ်ခတ်ခြင်းနှင့် တရားစီရင်ခြင်း တို့ကို တွေ့ကြုံရပါလိမ့်မည်။ အကယ်၍ လူတစ်ယောက်သည် ဘုရားသခင်၏ နှုတ်ကပတ်တော်များနှင့် တွေ့ကြုံလိုပါက ထိုသူသည် ဘုရားသခင်၏ နှုတ်ကပတ်တော်များနှင့် ဦးစွာ တေ့တေ့ဆိုင်ဆိုင် ဆုံရမည်။ ဘုရားသခင်နှင့် တေ့တေ့ဆိုင်ဆိုင် ဆုံရမည်။ ထို့နောက် လူသားများ၊ အဖြစ်အပျက်များနှင့် အရာဝတ္ထုများပါဝင်သော ပတ်ဝန်းကျင် အမျိုးမျိုးတို့အကြောင်း ရေးထားသည့် ဘုရားသခင်၏ နှုတ်ကပတ်တော်များကို တွေ့ကြုံရန် အခွင့်အရေးများပေးပါရန် ဘုရားသခင်အား တောင်းပန်ရမည်။ အကယ်၍ လူတစ်ယောက်သည် ဘုရားသခင်၊ ဘုရားသခင်၏ နှုတ်ကပတ်တော်များနှင့် တေ့တေ့ဆိုင်ဆိုင် ကြုံတွေ့ချင်ပါလျှင် ဦးစွာ ထိုသူသည် ရိုးရှင်းသော၊ ဖြောင့်မတ်သော နှလုံးသား၊ အမှန်တရားကို လက်ခံရန် အဆင်သင့်ဖြစ်မှု၊ ဒုက္ခများကို သည်းညည်းခံနိုင်သည့် စိတ်ဆန္ဒ၊ မကောင်းမှုကို ရှောင်ကြဉ်ရန် ဆုံးဖြတ်ချက်နှင့် သတ္တိ၊ စစ်မှန်သော ဖန်ဆင်းခံလူသား ဖြစ်လာရန်ဟူသော ပြင်းပြသည့် ရည်မှန်းချက်တို့ကို ပိုင်ဆိုင်ရပါမည်။... ဤနည်းအားဖြင့် ရှေ့သို့ တစ်လှမ်းချင်း လှမ်းကာဖြင့် ဘုရားသခင်နှင့် ပို၍နီးကပ် လာပါလိမ့်မည်။ သင့်နှလုံးသားသည် ပို၍ ဖြူစင်လာပါ လိမ့်မည်။ ထို့ပြင် သင့်အသက်တာနှင့် ရှင်သန်ခြင်း တန်ဖိုးများသည် ဘုရားသခင်အကြောင်း သင့်အသိပညာတို့နှင့်အတူ ပို၍အဓိပ္ပာယ် ရှိလာမည်ဖြစ်ပြီး ပို၍ပင် တောက်ပအောင် အရောင်လက်လာပါ လိမ့်မည်။ တစ်နေ့နေ့တွင်မူ ဖန်ဆင်းရှင်မှာ ပဟေဠိမဟုတ်ကြောင်း၊ ဖန်ဆင်းရှင်ကို သင့်ထံမှ ဝှက်ထားခြင်း မည်သည့်အခါကမျှ မရှိကြောင်း၊ ဖန်ဆင်းရှင်သည် သူ့မျက်နှာတော်အား သင့်ထံတွင် မည်သည့်အခါကမျှ ဖုံးကွယ်မထားကြောင်း၊ ဖန်ဆင်းရှင်သည် သင်နှင့်မဝေးကွာကြောင်း၊ ဖန်ဆင်းရှင်သည် သင့်အတွေးထဲက အဆက်မပြတ် တမ်းတသော်လည်း သင့်ခံစားချက်များဖြင့် လက်လှမ်းမမီနိုင်သည့်သူ မဟုတ်တော့ကြောင်း၊ ကိုယ်တော်သည် အစစ်အမှန်ဖြစ်ပြီး သင်၏ ဝဲဘက်နှင့်ယာဘက်ကို အမှန်တကယ် စောင့်ရှောက်နေကြောင်း၊ သင့်ဘဝကို ပံ့ပိုးပေးနေကြောင်းနှင့် သင့်ကံကြမ္မာကို ထိန်းချုပ်နေကြောင်း သင်ခံစားလာရပါလိမ့်မည်။ ကိုယ်တော်သည် ဝေးလံလှသော မိုးကုပ်စက်ဝိုင်းတွင် ရှိနေသည်မဟုတ်။ ကိုယ်တော်သည် မိမိကိုယ်ကို တိမ်တောင်မြင့်မြင့်ကြားတွင် ဝှက်ထားသည်မဟုတ်။ ကိုယ်တော်သည် သင့်နံဘေးတွင် ရှိနေသည်။ သင့်အတွက် အရာရာ ဦးဆောင်လျက်ရှိသည်။ ကိုယ်တော်သည် သင့်မှာရှိသမျှ အရာရာဖြစ်သည်။ သင့်မှာရှိသော တစ်ခုတည်းသောအရာလည်း ဖြစ်သည်။ ထိုကဲ့သို့သော ဘုရားသခင်သည် သင့်အသည်းနှလုံးဖြင့် ကိုယ်တော့်အား ချစ်ခွင့်၊ ကိုယ်တော့်အားတွယ်ကပ်ခွင့်၊ နီးကပ်စွာ ဆုပ်ကိုင်ခွင့်၊ ကြည်ညိုခွင့်၊ ကိုယ်တော့်ကို ဆုံးရှုံးမှာ ကြောက်ခွင့် တို့ကို ပေးသည်။ ကိုယ်တော့်ကို စွန့်ခွာရန်၊ ကိုယ်တော့်ကို မနာခံရန်၊ ကိုယ်တော့်ကို ရှောင်ဖယ်ရန် သို့မဟုတ် ကိုယ်တော့်ကို အဝေးမှာထားရန် ဆန္ဒများ ဖြစ်ပေါ်မလာစေပါ။ သင့်အတွက် လိုအပ်သည်မှာ သင်သည် ကိုယ်တော်ကို အလေးဂရုထားရန်၊ နာခံရန်၊ ကိုယ်တော်သင့်ကို ပေးသမျှ တုံ့ပြန်ရန်နှင့် ကိုယ်တော့် အုပ်စိုးမှုထံတွင် သင့်ကိုယ်ကို အပ်နှင်းရန်ဖြစ်ပါသည်။ ကိုယ်တော်၏ လမ်းညွှန်မှု၊ ပံ့ပိုးမှု၊ စောင့်ကြည့်မှု၊ ကိုယ်တော်၏ ကာကွယ်စောင့်ရှောက်မှု၊ သင့်အတွက်ဆုံးဖြတ်ပေးခြင်းနှင့် စီမံပေးခြင်းတို့ကို သင် ငြင်းပယ်လိမ့်မည် မဟုတ်တော့ချေ။ သင့်အတွက် လိုအပ်သည် အားလုံးမှာ သင်သည် ကိုယ်တော်၏နောက်သို့ လိုက်လျှောက်ရန်၊ ကိုယ်တော်၏ ဘယ်ဘက် သို့မဟုတ် ညာဘက်တွင် နေ၍ အတူတူ လျှောက်လှမ်းရန်၊ သင်၏တစ်ခုတည်းသော အသက်တာအဖြစ် ကိုယ်တော့်ကို လက်ခံရန်၊ သင်၏ တစ်ဦးတည်းသော အရှင်သခင်၊ သင်၏ တစ်ဦးတည်းသော ဘုရားသခင်အဖြစ် ကိုယ်တော့်ကို လက်ခံရန်ပင် ဖြစ်ပါသည်။

ယခင်က:ဘုရားသခင်၏ စီမံခန့်ခွဲမှုအထဲ၌သာ လူသားသည် ကယ်တင်ခြင်း ခံရနိုင်သည်

နောက်တစ်ခုသို့:ဘုရားသခင်၏အလုပ်၊ ဘုရားသခင်၏ စိတ်သဘောထားနှင့် ဘုရားသခင်ကိုယ်တော်တိုင် ၃

သင်နှစ်သက်နိုင်သည့် အရာများ