အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

လူတို့၊ ဝမ်းမြောက်ကြလော့

ငါ၏အလင်း၌ လူတို့သည် အလင်းကို တဖန်မြင်ကြ၏။ ငါ၏နှုတ်ကပတ်တော်၌ လူတို့သည် မွေ့လျော်စရာတို့ကို ရှာတွေ့ကြ၏။ ငါသည်အရှေ့အရပ်မှလာ၍ ထိုအရပ်မှ နှုတ်ခွန်းဆက်၏။ ငါ၏ ဘုန်းအာနုဘော် တောက်ပသည့်အခါ နိုင်ငံအားလုံး ထွန်းလင်း၍၊ အရာခပ်သိမ်းတို့သည် အလင်းသို့ခေါ်ဆောင်ခြင်း ခံရကာ၊ အရာတစ်ခုမျှ အမှောင်တွင် ကျန်ရစ်ခြင်းမရှိပေ။ နိုင်ငံတော်တွင် ဘုရားသခင်နှင့် ဘုရားသခင်၏လူတို့၏အသက်တာသည် မယှဉ်သာအောင် ပျော်ရွှင်လျက်ရှိ၏။ ရေတို့သည် လူတို့၏ ကောင်းချီးကြွယ်ဝသော အသက်တာများအတွက် ကကြ၏၊ တောင်တို့သည် လူတို့နှင့်အတူ ငါ၏ အလျှံအပယ်ရှိခြင်းကို မွေ့လျော်ကြ၏။ လူသားအားလုံးသည် ငါ၏နိုင်ငံတော်အပေါ် ၎င်းတို့၏သစ္စာရှိမှုကို ပြသလျက် ကြိုးပမ်းနေကြ၏၊ ကြိုးစားအားထုတ်နေကြ၏။ နိုင်ငံတော်တွင် ပုန်ကန်မှုမရှိတော့ပေ၊ ခုခံမှု မရှိတော့ပေ၊ ကောင်းကင်နှင့်မြေကြီးတို့သည် အချင်းချင်းအပေါ် မှီခိုအားထားလျက်၊ ဘဝ၏ပျော်ရွှင်မှုများ တစ်လျှောက် လူသားနှင့်ငါသည် နီးကပ်ကာ၊ နက်ရှိုင်းစွာခံစားလျက် အတူတကွ မှီနေကြ၏ …. ဤအချိန်တွင် ငါသည် ကောင်းကင်ဘုံနှင့်ဆိုင်သော ဘဝကို တရားဝင်စတင်၏။ စာတန်၏နှောင့်ယှက်မှု မရှိတော့ပေ၊ ထို့အပြင် လူတို့သည် အနားယူခြင်းအတွင်း ဝင်ရောက်ကြ၏။ စကြဝဠာတစ်ခွင်လုံး ငါရွေးကောက်သောသူများသည် လူတို့အကြား နေထိုင်သော လူတို့ကဲ့သို့မဟုတ်ဘဲ၊ ဘုရားသခင်နှင့်နေသော လူတို့အဖြစ် ငါ၏ဘုန်းတန်ခိုး၌ နေကြ၏၊ ပြိုင်ဘက်ကင်းစွာ ကောင်းချီးမင်္ဂလာများ ခံစားကြရ၏။ လူတိုင်း စာတန်၏ဖျက်ဆီးခြင်းကို ခံခဲ့ကြရ၏၊ ဘဝ၏ခါးသီးမှုနှင့် ချိုမြိန်မှုတို့ကို မြည်းစမ်းခဲ့ကြရ၏။ မည်သူသည် ယခု ငါ့အလင်းတွင် နေထိုင်လျက် ဝမ်းမြောက်ခြင်းမရှိဘဲ အဘယ်သို့နေနိုင်မည်နည်း။ တစ်စုံတစ်ဦးသည် ဤမျှလှပလှသော အခါသမယကို မည်ကဲ့သို့ စွန့်လွှတ်၍ ကျော်လွန်စေနိုင်မည်နည်း။ လူတို့။ ယခု သင်တို့၏နှလုံးသားများရှိ သီချင်းများကို သီဆို၍ ငါ့အတွက် ကကြလော့။ ယခု သင်တို့၏ရိုးသားသောနှလုံးသားတို့ကို မြှင့်၍ ငါ့အားဆက်ကပ်ကြလော့။ ယခု သင်တို့၏ စည်တို့ကိုတီးလျက် ငါ့အတွက် တီးကြလော့။ ငါသည် စကြဝဠာတစ်ခွင်လုံး ပျော်ရွှင်ခြင်းကို ထွန်းလင်း၏။ ငါ၏ ဘုန်းအာနုဘော်နှင့်ပြည့်ဝသော မျက်နှာကို လူတို့အား ငါပြ၏။ ငါသည် မြည်ဟည်းလိမ့်မည်။ ငါသည် စကြဝဠာကို ကျော်လွန်လိမ့်မည်။ ငါသည် လူတို့အကြား အုပ်ချုပ်ပြီဖြစ်၏။ ငါသည် လူတို့၏ ချီးမြှောက်ခြင်းကို ခံရ၏။ ငါသည် ပြာသောကောင်းကင်တွင် လွင့်မျော၍ လူတို့သည် ငါနှင့်အတူလှုပ်ရှား၏။ ငါသည် လူတို့အကြား လမ်းလျှောက်၍၊ ငါ၏လူတို့သည် ငါ့အား ဝိုင်းရံကြ၏။ လူတို့၏နှလုံးသားတို့သည် ဝမ်းမြောက်နေကြ၏၊ ၎င်းတို့၏ သီချင်းများသည် ကောင်းကင်ကို ကွဲအက်စေလျက် စကြဝဠာကို လှုပ်ကြ၏။ စကြဝဠာသည် မြူပိတ်ဖုံးနေခြင်း မရှိတော့ပေ၊ ရွှံ့မရှိတော့ပေ၊ မိလ္လာများ စုရုံးခြင်း မရှိတော့ပေ။ စကြဝဠာ၏ သန့်ရှင်းသူတို့။ ငါ၏ စစ်ဆေးမှုအောက်တွင် သင်တို့၏စစ်မှန်သော မျက်နှာသည် ဖော်ထုတ်ခြင်းခံရ၏။ သင်တို့သည် အညစ်အကြေး ဖုံးလွှမ်းနေသော လူသားတို့မဟုတ်ဘဲ၊ ကျောက်စိမ်းကဲ့သို့ သန့်စင်သော သန့်ရှင်းသူများဖြစ်ကြ၏၊ အားလုံးသည် ငါချစ်သောသူများ၊ အားလုံးသည် ငါ၏သာယာကြည်နူးခြင်းများ။ အရာခပ်သိမ်း အသက်ပြန်ရှင်လာကြ၏။ သန့်ရှင်းသူအားလုံးသည် ငါ့အားအစေခံလျက်၊ ကောင်းကင်၌ ပြန်ရောက်နေကြ၏။ ငါ၏နွေးထွေးသော ပွေ့ဖက်မှုအတွင်း ဝင်ရောက်လျက်၊ ငိုကြွေးခြင်း မရှိတော့ဘဲ၊ စိုးရိမ်လွန်ကဲခြင်း မရှိတော့ဘဲ၊ ၎င်းတို့ကိုယ်ကိုယ် ငါ့အား ဆက်ကပ်လျက်၊ ငါ့အိမ်သို့ ပြန်လာကြကာ၊ ၎င်းတို့၏မွေးရပ်ဌာနေတွင် ၎င်းတို့သည် ငါ့အား အဆုံးမရှိချစ်ကြလိမ့်မည်။ ပြောင်းလဲခြင်း မရှိပေ။ ဝမ်းနည်းပူဆွေးမှု အဘယ်မှာနည်း။ မျက်ရည်များ အဘယ်မှာနည်း။ ဇာတိပကတိမှာ အဘယ်မှာနည်း။ ကမ္ဘာမြေကြီး မရှိတော့ပေ။ ကောင်းကင်သည် ထာဝရဖြစ်၏။ ငါသည် လူတို့အားလုံးထံ ပေါ်လာကာ လူတို့အားလုံးသည် ငါ့အား ချီးမွမ်းကြ၏။ ရှေးအတီတေကတည်းကနှင့် ယခုမှသည် နောင်ထာဝစဉ်တည်ရှိသော ဤဘဝ၊ ဤအလှသည် ပြောင်းလဲမည် မဟုတ်ပေ။ ဤသည်မှာ နိုင်ငံတော်ရှိ အသက်တာဖြစ်၏။

ယခင်က:နှစ်ဆယ့်ငါးခုမြောက်သော မိန့်မြွက်ချက်

နောက်တစ်ခုသို့:နှစ်ဆယ့်ခြောက်ခုမြောက် မိန့်မြွက်ချက်

သင်နှစ်သက်နိုင်သည့် အရာများ