အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

လက်တွေ့လုပ်ဆောင်ခြင်း (၇)

သင်တို့၏ လူ့သဘာဝသည် အလွန်ချို့တဲ့နေ၏၊ သင်တို့၏ အသက်ရှင်မှုပုံစံသည်လည်း နိမ့်ကျပြီး အလွန်အရှက်ရစရာ ဖြစ်နေသည်၊ သင်တို့၌ လူ့သဘာဝ လုံးဝ မရှိပေ၊ ထိုးထွင်းနားလည်နိုင်စွမ်းလည်း မရှိ။ ထို့ကြောင့် သင်တို့သည် လျော်ကန်သော လူ့သဘာဝ၏အရာများနှင့်အတူ မိမိတို့ကိုယ်ကိုယ် ပြင်ဆင်ထားဖို့ လိုသည်။ အသိစိတ်ရှိခြင်း၊ ဆင်ခြင်တုံတရားရှိခြင်း၊ ထိုးထွင်းနားလည်နိုင်စွမ်းရှိခြင်း၊ မည်သို့ ပြောဆိုပြီး မည်သို့ ရှုမြင်ရမည်ကို သိခြင်း၊ သန့်ရှင်းခြင်းကို အလေးထားခြင်း၊ လျော်ကန်သော လူတစ်ဦးကဲ့သို့ ပြုမူခြင်းစသည့် အရာများအားလုံးသည် လျော်ကန်သော လူ့သဘာဝအတိုင်း မည်သို့ပြုမူရမည်ကိုသိခြင်း ဖြစ်သည်။ ထိုအရာများကို သင်တို့သေသေချာချာ လုပ်ဆောင်လျှင် သင်တို့၏ လူ့သဘာဝကို စံနှင့်အညီ ဖြစ်သည်ဟု ယူဆမည်။ အခြားကဏ္ဍတစ်ခုမှာ ဝိညာဉ်အသက်တာအတွက် သင်တို့ကိုယ် သင်တို့ ပြင်ဆင်ရမည် ဖြစ်သည်။ လောက၌ ပြုသော ဘုရားသခင်၏ အမှုအလုံးစုံကို သင်တို့ သိရမည်ဖြစ်ပြီး ကိုယ်တော်၏ နှုတ်ကပတ်တော်များ၏ အတွေ့အကြုံ ရှိရမည်။ ကိုယ်တော်၏ စီမံမှုများကို သင်မည်သို့ နာခံရမည်ကို သိသင့်သည်။ ဖန်ဆင်းခံသတ္တဝါတစ်ဦး၏ တာဝန်များကို မည်သို့ ကျေပွန်အောင် လုပ်ရမည်ကိုလည်း သင်သိသင့်သည်။ အောက်ပါကဏ္ဍနှစ်ခုသည် ယနေ့ သင်ဝင်ရောက်သင့်သည့် ကဏ္ဍနှစ်ခု ဖြစ်သည်။ ပထမကဏ္ဍမှာ လူ့သဘာဝရှိသော အသက်တာအတွက် သင့်ကိုယ်သင် ပြင်ဆင်ခြင်း ဖြစ်သည်။ ဒုတိယကဏ္ဍမှာ ဝိညာဉ်အသက်တာနှင့်ဆိုင်သော လက်တွေ့လုပ်ဆောင်ခြင်းဖြစ်သည်။ ဤကဏ္ဍနှစ်ခုစလုံးသည် မရှိမဖြစ်လိုအပ်သော ကဏ္ဍနှစ်ခု ဖြစ်သည်။

လူအချို့တို့သည် အလွန်ပင် ကတ်သီးကတ်သတ်နိုင်လှပြီး၊ လူ့သဘာဝနှင့်ဆိုင်သော အရာများဖြင့်သာ သူတို့ကိုယ်သူတို့ ပြင်ဆင်ထားရန်သာသိကြသည်။ သူတို့၏ အသွင်သဏ္ဌန်၌ မည်သည့် ချွတ်ယွင်းချက်ကိုမျှ ရှာလို့မရပေ၊ သူတို့ ပြောသောအရာများနှင့် သူတို့၏ ပြောပုံ၊ ဆိုပုံသည် သင့်တင့်လျောက်ပတ်ပြီး သူတို့၏ အဝတ်အစားသည်လည်း အလွန်ခံ့ညားသည်၊ အလွန်လျော်ကန်သည်။ သို့သော် သူတို့၏အထဲ၌ ဘာမျှ မရှိပေ။ သူတို့သည် အပြင်ပန်း၌သာ လျော်ကန်သော လူ့သဘာဝကို ပိုင်ဆိုင်သည်။ မည်သည့်အရာကို စားရမည်၊ မည်သည့်အဝတ်ကို ဝတ်ဆင်ရမည်၊ မည်သည့်စကားကို ပြောရမည်စသည်တို့ကိုသာ အာရုံစိုက်ကြသောသူ အချို့ရှိသည်။ ကြမ်းပြင်တံမြက်စည်းလှည်းခြင်း၊ အိပ်ယာခင်းခြင်းနှင့် သန့်ရှင်းရေး လုပ်ခြင်းတို့ကိုသာ သီးသန့် အာရုံစိုက်တတ်ကြသောသူများပင် ရှိသေးသည်။ ထိုအရာများအား မည်သို့ လုပ်ဆောင်ရမည်ကို သူတို့ ကောင်းကောင်းကျင့်ထားကြသည်၊ သို့သော် နောက်ဆုံးသော ကာလရှိ ဘုရားသခင်၏ အမှုအကြောင်း၊ သို့မဟုတ် တရားစီရင်ခြင်းအကြောင်း၊ ပြစ်တင်ဆုံးမခြင်းအကြောင်း၊ စစ်ဆေးခြင်းအကြောင်းနှင့် စမ်းသပ်ခြင်းအကြောင်းတို့နှင့် သက်ဆိုင်သည့် ၎င်းတို့၏ အသိပညာအကြောင်းကို ပြောပြရန် သူတို့ကို သင်မေးလျှင် ထိုအရာများနှင့်ဆိုင်သော အတွေ့အကြုံ သူတို့၌ နည်းနည်းမျှပင် မရှိကြပေ။ သင်သည် သူတို့ကို "လောက၌ လုပ်ဆောင်သည့် ဘုရားသခင်၏ အဓိကအမှုကို သင်နားလည်ပါသလား။ လူဇာတိခံသည့် ဘုရားသခင် ယနေ့လုပ်ဆောင်သည့် အမှုနှင့် ယေရှု၏ အမှုတို့အကြား မည်သို့ကွာခြားသနည်း။ ယေဟောဝါလုပ်သည့် အမှုနှင့် မည်သို့ ကွာခြားသနည်း။ သူတို့သည် ဘုရားတစ်ပါးတည်း ဖြစ်ပါသလား။ ကိုယ်တော်သည် ခေတ်ကို အဆုံးသတ်ဖို့ လာသလော သို့မဟုတ် လူသားများကို ကယ်တင်ဖို့လာသလော။ ကိုယ်တော်လုပ်သည့်အမှုသည် မည်သည့်အမှုနည်း" ဟု မေးလျှင် သူတို့၌ ဤအရာများအကြောင်း ပြောစရာ ဘာမျှရှိမည် မဟုတ်ပေ။ အချို့သည် အပေါ်ယံ၌ လှပစွာ ဆင်ယင်ထားကြသည်၊ ညီအမများသည် ပန်းတစ်ပွင့်တမျှလှအောင် သူတို့ကိုယ်သူတို့ ပြင်ဆင်ထားကြသည်။ ညီအစ်ကိုများသည်လည်း မင်းသားများ သို့မဟုတ် စတိုင်ကျသော သူဌေးသားများနှင့် တူကြသည်။ သူတို့သည် သူတို့စားသည့် အရာများနှင့် အပေါ်ယံ၌ ဝတ်ဆင်သည့် အရာများကိုသာ စိတ်ဝင်စားကြပြီး အတွင်း၌ ခိုကိုးရာမဲ့ကြသည်၊ ဘုရားသခင်၏အကြောင်း စိုးစဉ်းမျှ မသိကြပေ။ ထိုသို့ဖြစ်ခြင်းသည် အဓိပ္ပါယ်မဲ့သည် မဟုတ်လော။ အချို့သူများမှာမူ သူတောင်းစားများကဲ့သို့ မသပ်မရပ် ဝတ်ဆင်ထားကြပြီး အရှေ့တိုင်း ကျွန်များနှင့် အကယ်ပင်တူကြသည်။ သင်တို့ထံမှ ငါတောင်းဆိုသည့်အရာကို သင်တို့ အမှန်တကယ်ပင် နားမလည်သလော။ သင်တို့အချင်းချင်း ဆွေးနွေးကြလော့၊ သင်တို့ မည်သည့် အရာကို အမှန်တကယ်ရခဲ့ပြီနည်း။ သင်တို့သည် ဤနှစ်များအားလုံး ဘုရားသခင်ကို ယုံကြည်ခဲ့ပြီး ဤအရာကိုသာ သင်တို့ ရိတ်သိမ်းကြရ၏၊ သင်တို့ မရှက်ကြသလော။ သင်တို့ ရှက်ကြောက်ခြင်းမရှိကြ သလော။ သင်တို့သည် ဤနှစ်များအားလုံး မှန်သောလမ်းကိုလေ့လာလိုက်စားနေခဲ့ကြ၏၊ သို့သော်လည်း ယနေ့ သင်တို့၏ ဝိညာဉ်အသက်တာသည် စာကလေးတစ်ကောင်၏ ဝိညာဉ်အသက်တာထက်ပင် သေးငယ်နေသည်။ သင်တို့အကြား၌ရှိသော မိန်းမပျိုများ ကို ကြည့်ပါ၊ ပန်းကလေးများကဲ့သို့ လှအောင် ပြင်ဆင်ထားကြပြီး သင်တို့အချင်းချင်း တစ်ယောက်နှင့်တစ်ယောက် နှိုင်းယှဉ်ကြည့်နေကြသည်။ သင်တို့ မည်သည့်အရာနှင့် နှိုင်းယှဉ်နေကြသနည်း။ ပျော်မွေ့ခြင်းဖြစ်သည် မဟုတ်လော။ ထို့နောက် သင်တို့ မည်သည့်အရာများကို တောင်းဆိုကြသနည်း။ ငါလာသည်မှာ စံပြမယ်လေးများကို စုဆောင်းဖို့ရန် လာသည်ဟု သင်တို့ထင်ကြသလော။ သင်တို့၌ အရှက်လုံးဝ မရှိကြ။ သင်တို့၏ အသက် အဘယ်မှာနည်း။ သင်တို့ လိုက်နေကြသည်များမှာ သင်တို့၌ရှိသည့် လွန်ကဲသော ဆန္ဒများနောက်သို့ မဟုတ်လော။ သင် အရမ်းလှသည်ဟု သင်ထင်သည်။ သင်သည် ကြော့ကြော့မော့မော့ ဝတ်စားကောင်း ဝတ်စားထားနိုင်သည်၊ သို့သော်လည်း သင်သည် နောက်ချေးပုံ၌ မွေးသည့် တွန့်လိမ်နေသည့် လောက်ကောင်တစ်ကောင် မဟုတ်လော။ ယနေ့ ကောင်းကင်မှ ကောင်းချီးမင်္ဂလာများကို သင်ကံအားလျော်စွာ ခံစားခွင့်ရခြင်းသည် သင့်ကို ဘုရားသခင်က ခြွင်းချက်အနေနှင့် မြှင့်တင်ခြင်းကြောင့် ဖြစ်ပြီး သင်၏လှပသော မျက်နှာကြောင့် မဟုတ်ပေ။ သင်မည်သည့်နေရာမှ လာသည်ကို ယခုတိုင် သင်ရှင်းရှင်းလင်းလင်း မသိသေးသလော။ အသက်ဟု ပြောလိုက်သည်နှင့် သင်သည် ပါးစပ်ကို ပိတ်ပြီး ဘာမျှ မပြောတော့ပေ၊ သင်သည် သစ်သားနှင့်လုပ်ထားသော ကြက်များကဲ့သို့ ဖြစ်သော်လည်း ၀တ်ကောင်းစားလှ ဝတ်ဆင်ဝံ့သေးသလော၊ သင်၏ မျက်နှာကို ပါးနီလိမ်း၍ ပေါင်ဒါရိုက်ဖို့ တွေးနေသေးသလော။ သင်တို့ထဲ၌ရှိသော လူပေါ်ကြော့များကို ကြည့်ပါ။ သူတို့သည် ထိန်းရကျောင်းရအလွန်ခက်သူများဖြစ်ပြီး တစ်နေကုန် လည်ပတ်တတ်ကြသည်။ သူတို့၏ မျက်နှာပေးသည်လည်း အေးအေးစက်စက်နှင့် စိတ်ဝင်စားမှု မရှိသော မျက်နှာပေးဖြစ်ပြီး သူတို့သည် ဘယ်သွားသွား ကောင်းကောင်းမွန်မွန် ပြုမူပြောဆိုခြင်း မရှိကြပေ။ လူသားဆန်သောအချက် တစ်စုံတစ်ခု သူတို့၌ ရှိသလော။ အမျိုးသားဖြစ်စေ၊ အမျိုးသမီးဖြစ်စေ သင်တို့အယောက်စီတိုင်းသည် သင်တို့၏အာရုံကို မည်သည့်နေရာ သို့မဟုတ် မည်သူ့ထံ၌ တစ်နေကုန် နှစ်မြှုပ်ထားကြသနည်း။ သင်တို့ကိုယ်သင်တို့ အစာကျွေးနိုင်ဖို့အတွက် မည်သူ့ကို အားကိုးရကြောင်း သင်တို့ သိသလော။ သင်၏ အဝတ်အစားကို ကြည့်လော့၊ သင့်လက်ထဲ၌ သင်ရိတ်သိမ်းခဲ့သည့်အရာများကို ကြည့်လော့၊ သင်၏ ဗိုက်ကို ပွတ်လော့၊ ဤယုံကြည်ခြင်းနှစ်များအားလုံးအတွင်း သင်၏ သွေးချွေး ပေးဆပ်ပြီး လုပ်ဆောင်ခဲ့မှုမှ အသီးအပွင့်မှာ အဘယ်နည်း။ ရှုခင်းလျှောက်ကြည့်ဖို့ သင်က စဉ်းစားနေသေးသည်၊ အနံ့ထွက်နေသော လူဇာတိကို အလှဆင်ဖို့ စဉ်းစားနေသေးသည်၊ ယင်းတို့သည် မည်သည့်တန်ဖိုး ရှိသနည်း။ သင့်ကို လျော်ကန်သောသူတစ်ဦး ဖြစ်ဖို့ပြောထားသော်လည်း ယနေ့သင်သည် မလျော်ကန်သည့်အပြင် ဆန့်ကျင်ဘက် ဖြစ်နေသည်။ ထိုသို့ဖြစ်နေသည့်လူက ငါ့ရှေ့မှောက်သို့ အဘယ်ကြောင့် ရိုင်းစိုင်းစွာလာရဲသနည်း။ သင်၏ ဆွဲဆောင်မှုကို လှည့်လည်ပြသပြီး သင်၏ဇာတိပကတိကို ကြွားဝါပြသော၊ ဇာတိပကတိ၏ တပ်မက်မှု၌ အမြဲအသက်ရှင်နေသော၊ ဤကဲ့သို့သော လူ့သဘာဝနှင့် သင်သည် ညစ်ညမ်းသော နတ်ဆိုးများနှင့် ဝိညာဉ်ဆိုးများ၏ မျိုးဆက်ဖြစ်သည် မဟုတ်လော။ ထိုညစ်ညမ်းသော နတ်ဆိုးအား အချိန်ကြာကြာ ဆက်ရှိနေခွင့် ငါပေးမည် မဟုတ်။ သင်၏နှလုံးသားထဲ၌ ရှိသော အတွေးများကို ငါမသိဘူးဟု မထင်နှင့်။ သင်၏ တပ်မက်မှုနှင့် သင်၏ ဇာတိပကတိကို တင်းတင်းကျပ်ကျပ် သင်ထိန်းချုပ်ကောင်း ထိန်းချုပ်ထားမည်။ သို့သော် သင်၏နှလုံးသားထဲ၌ရှိသော အတွေးများနှင့် သင်၏မျက်စိက တပ်မက်သည့်အရာများအားလုံးကိုမူ ငါမသိနိုင်ဟု သင်ထင်သလော။ ငယ်ရွယ်သော မိန်းမပျိုများ၊ သင်တို့သည် သင်တို့၏ ဇာတိပကတိကို မြင်သာအောင် လမ်းသလားပြဖို့အတွက် မိမိကိုယ်ကို ပန်းကလေးတစ်ပွင့်ကဲ့သို့ လှပအောင် ပြင်ဆင်ကြသည် မဟုတ်လော။ သင်တို့အဖို့ ယောက်ျားများသည် မည်သို့သော အကျိုးကျေးဇူးများ ဖြစ်သနည်း။ သူတို့သည် သင်တို့ကို ဒုက္ခပင်လယ်ထဲမှ အမှန်ကယ်တင်နိုင်သလော။ ထို့အပြင် သင်တို့ထဲတွင် လူပေါ်ကြော့များ ဖြစ်ကြသော အမျိုးသားများအားလုံးသည် လူကြီးလူကောင်းတစ်ဦး၊ ဂုဏ်ရှိသောသူတစ်ဦးဟု အထင်ခံရအောင် ဝတ်စားဆင်ယင်ကြသည်၊ ယင်းမှာ သင်တို့၏ နှစ်လိုဖွယ်ကောင်းသော ချောမောသည့်ရုပ်ရည် အနည်းအကျဉ်းကို ကြွားဝါပြရန် မဟုတ်လော။ မည်သူ့အတွက် သင်တို့ ထိုသို့ လုပ်ကြသနည်း။ သင်တို့အဖို့ အမျိုးသမီးများသည် မည်သို့သော အကျိုးကျေးဇူးများ ဖြစ်သနည်း။ သင်တို့ အပြစ်ကျူးလွန်ကြသည့် အဓိကအကြောင်းအရင်းမှာ သူတို့ဖြစ်သည် မဟုတ်လော။ အသင် အမျိုးသားများနှင့် အမျိုးသမီးတို့၊ ငါသည် သင်တို့အား နှုတ်ကပတ်တော်များ ပြောဆိုခဲ့ပြီးဖြစ်သည်။ သို့သော် သင်တို့သည် ငါ၏ နှုတ်ကပတ်တော်များထဲမှ အနည်းအကျဉ်းကိုသာ နာခံကြသည်။ သင်တို့သည် နားလေးကာ၊ မျက်စိမှုန်ပြီး၊ စိတ်နှလုံးသည်လည်း သင်တို့၏ ခန္ဓာ၌ တပ်မက်မှုသာရှိသည်အထိ မာကျော၏၊ သင်တို့သည် ယင်း၏ ချုပ်နှောင်မှုကို ခံနေရပြီး လွတ်မြောက်အောင် ရုန်းမထွက်နိုင်ပေ။ အညစ်အကြေးများအကြား၌ လူးလွန့်နေသော လောက်ကောင်များဖြစ်သည့် သင်တို့၏အနားသို့ မည်သူသွားလိုသနည်း။ မူလအစ၌ သင်တို့သည် လျော်ကန်သောလူ့သဘာဝ မရှိသောသူ ဖြစ်ကြောင်း၊ သင်တို့သည် နောက်ချေးပုံထဲမှ ငါပေါ်ထွန်းစေသူသာဖြစ်ကြောင်းကို မမေ့နှင့်။ သင်တို့၏ထံမှ ငါတောင်းဆိုသောအရာသည် သင်တို့၌ မူလကမရှိသည့် လျော်ကန်သော လူ့သဘာဝဖြစ်သည်။ သင်တို့၏ ဇာတိပကတိသည် နှစ်ပေါင်းများစွာ နတ်မိစ္ဆာက ပုံစံသွင်းလေ့ကျင့်ထားသည့်ဇာတိ ဖြစ်သည်။ ထိုဇာတိပကတိကို ထုတ်ပြဖို့ သင်တို့အား ငါမတောင်းဆိုပေ။ သို့မဟုတ် သိုးပြီး အနံ့ထွက်နေသည့် သင်တို့၏ ဇာတိပကတိကစေခိုင်းသည့်အတိုင်း အထိန်းအကွပ်မရှိ အသက်ရှင်ဖို့ကိုလည်း သင်တို့အား ငါမတောင်းဆိုပေ။ သင်တို့သည် မိမိကိုယ်ကိုယ် ဤသို့ ဝတ်စားဆင်ယင်ကြသောအခါ အရင်ထက် သာ၍ ခိုင်မာစွာ ချုပ်နှောင်ခံရမည်ကို မကြောက်ကြသလော။ သင်တို့သည် မူလက အပြစ်တရားနှင့် စပ်ဆိုင်ကြောင်းကို သင်တို့ မသိကြသလော။ သင်တို့၏ ခန္ဓာကိုယ်သည် တပ်မက်မှုများနှင့် ပြည့်နေသည်ကို သင်တို့ မသိကြသလော။ သင်တို့၏ တပ်မက်မှုသည် သင်တို့၏အဝတ်များမှပင် စိမ့်ထွက်နေသောကြောင့် သင်တို့၏ အခြေအနေများအား မခံမရပ်နိုင်လောက်အောင်ကို ရုပ်ဆိုးပြီး ညစ်ညမ်းသည့် နတ်မိစ္ဆာများအဖြစ် ထုတ်ဖော်ပြသနေသည်အထိပင် ဖြစ်သည်။ ဤအရာနှင့် ပတ်သက်၍ အလွန်ရှင်းလင်း အထင်ရှားဆုံးသူတို့မှာ သင်တို့ မဟုတ်လော။ သင်တို့၏ နှလုံးသားများ၊ မျက်စိများ၊ နှုတ်ခမ်းများကို ညစ်ညူးသည့် နတ်မိတ်စ္ဆာများက ညစ်ညမ်းအောင် ပြုလုပ်ထားကြသည် မဟုတ်လော။ ၎င်းတို့သည် မညစ်ညမ်း သလော။ ကိုယ်ကျင့်တရားပျက်သည့်[က] အပြုအမူတစ်ခုခုကိုမလုပ်သရွေ့ သင်သည် အသန့်ရှင်းဆုံးသူဖြစ်သည်ဟု သင် ထင်သလော။ လှလှပပ ဝင်ဆင်ခြင်းအားဖြင့် သင်တို့၏ ယုတ်ညံ့သော စိတ်နှလုံးကို ဖုံးထားနိုင်သည်ဟု သင်ထင်သလော။ ထိုသို့ လုံးဝ မဖြစ်နိုင်ပေ။ သာ၍ လက်တွေ့ကျဖို့ သင်တို့အား ငါအကြံပေးလိုသည်။ မမှန်မကန် မလုပ်ကြနှင့်၊ ဟန်မဆောင်ကြနှင့်၊ လှည့်လည်ကာ ကိုယ်ကို ဟန်ရေးမပြကြနှင့်။ သင်တို့ တစ်ဦးနှင့်တစ်ဦး သင်တို့၏ တပ်မက်မှုကို ထုတ်ဖော် ပြကြသည်။ သို့သော် သင်တို့ ရမည့်အရာမှာ ထာဝရဒုက္ခနှင့် ကရုဏာကင်းသောဆုံးမခြင်း ဖြစ်သည်။ အဘယ်ကြောင့် သင်တို့သည် တစ်ဦးနှင့်တစ်ဦး ကလူလျက် မေတ္တာမျှဖို့လိုသနည်း။ ထိုသို့လုပ်ဆောင်ခြင်းသည် ရိုးဖြောင့်သောအပြုအမူ ဖြစ်ပါသလော။ ထိုသို့လုပ်ဆောင်ခြင်းသည် သင်တို့အား လေးစားထိုက်သူတစ်ဦး ဖြစ်စေပါသလော။ သင်တို့ထဲတွင် အောက်လမ်းနည်းနှင့် ဆေးကုခြင်း၊ မှော်အတတ်ကိုကျင့်ခြင်းတို့ လုပ်သူများကို ငါစက်ဆုပ်ရွံရှာသည်၊ သင်တို့ထဲမှ မိမိ၏ ဇာတိပကတိကို ချစ်သော ပျိုရွယ်သည့် ယောက်ျားများနှင့် မိန်းမပျိုများကို ငါစက်ဆုပ်ရွံရှာသည်။ သင်တို့ကိုယ်သင်တို့ ချုပ်တီးသင့်သည်၊ အဘယ်ကြောင့်ဆိုသော် ယခု သင့်မှာ လျော်ကန်သောလူ့သဘာဝရှိဖို့နှင့် သင်၏ တပ်မက်မှုကို ကြွားလုံး မထုတ်ဖို့ လိုအပ်သောကြောင့် ဖြစ်သည်။ သင်တို့၏ ဇာတိပကတိသည် အလွန်ပင် ပေါများပြီး သင်တို့၏ တပ်မက်မှုသည်လည်း အလွန်ပင်ပြင်းထန်သဖြင့် သင်တို့သည် ရနိုင်သမျှ အခွင့်အရေးတိုင်း သင်တို့အတွက် ယူတတ်ကြ၏။

သင်၏လူ့သဘာဝ၏ အပြန်ပန်းအသက်တာကို ကောင်းစွာ စီမံထားသော်လည်း ဘဝ၏ အသိပညာအကြောင်း ပြောပြဖို့ သင့်အားမေးသောအခါ သင့်မှာ ပြောစရာ ဘာမျှမရှိပေ။ ဤကဏ္ဍ၌ သင်သည် ချို့တဲ့သည်။ သင်သည် သမ္မာတရားနှင့်အတူ မိမိကိုယ်ကိုယ် ပြင်ဆင်ထားရမည်။ လူ့သဘာဝရှိသော သင်၏အသက်တာသည် အကောင်းဘက်သို့ ပြောင်းလဲလာပြီဖြစ်သောကြောင့် သင်၏အထဲ၌ ရှိသော အသက်သည်လည်း ပြောင်းလဲလိမ့်မည်။ ဆိုလိုသည်မှာ ဘုရားသခင်ကို ယုံကြည်ခြင်းအပေါ် သင်၏ အတွေး၊ အမြင်များ ပြောင်းလဲခြင်း၊ သင်၏အတွင်းရှိ အသိနှင့် တွေးခေါ်မှုပြောင်းလဲခြင်း၊ သင်၏အယူအဆထဲ၌ ရှိသည့် ဘုရားသခင်နှင့်ပတ်သက်သော အသိ ပြောင်းလဲခြင်းတို့ ဖြစ်လိမ့်မည်။ ဆုံးမခံရခြင်း၊ ထုတ်ဖေါ်ခြင်းများနှင့် ထောက်ပံ့ခြင်းတိုအားဖြင့် သင်၏အသိကို စင်ကြယ်လာစေရင်း သင့်ကိုယ်သင် သိသောအသိ၊ လူ့ဘ၀အပေါ် အသိ၊ ဘုရားသခင်ကို ယုံကြည်ခြင်းအပေါ်အသိတို့ကို သင်တဖြည်းဖြည်း ပြောင်းလဲသည်။ ဤနည်းလမ်းဖြင့် လူသား၏အထဲ၌ ရှိသော အတွေးများ ပြောင်းလဲလိမ့်မည်၊ အမှုအရာများကို သူတို့ ရှုမြင်ပုံ ပြောင်းလဲလိမ့်မည်၊ သူတို့၏ စိတ်သဘောထားအမြင်လည်း ပြောင်းလဲလိမ့်မည်။ ဤပြောင်းလဲခြင်းသည်သာ အသက်တာစိတ်သဘောထား ပြောင်းလဲခြင်း ဖြစ်သည်။ တစ်နေကုန် စာအုပ်များ ဖတ်ဖို့၊ သို့မဟုတ် အဝတ်လျှော်ပြီး သန့်ရှင်းရေးလုပ်ဖို့ သင့်ကို ငါမတောင်းဆိုပေ။ သင်၏ လျော်ကန်သောလူ့သဘာဝနှင့် ပြဿနာများ မရှိရဟူသည်မှာ ဟုတ်ပေသည်။ ထိုသို့လုပ်ဆောင်နိုင်ခြင်းသည် အနည်းဆုံး လိုအပ်သောအရာဖြစ်သည်။ ထို့အပြင် ပြင်ပကိစ္စများကို သင်ကိုင်တွယ်သောအခါ ထိုးထွင်းနားလည်နိုင်သောဉာဏ်နှင့် ဆင်ခြင်တုံတရား အချို့ရှိရဦးမည်၊ သို့သော် အရေးအကြီးဆုံးမှာ အသက်၏ သမ္မာတရားနှင့်အတူ ပြင်ဆင်ထားဖို့ဖြစ်သည်။ ဝိညာဉ်နှင့်ဆိုင်သော ကိစ္စများကို ပြောသောအခါ သင်သည် လူ့သဘာဝနှင့်ဆိုင်သောကိစ္စများကို လျစ်လျူရှုတတ်သည်။ ယင်းမှာ မှားယွင်းသည်။ အသက်နှင့်စပ်လျဉ်း၍ သင်သည် ကိုယ့်ကိုယ်ကို ပြင်ဆင်သောအခါ သင်သည် ဘုရားသခင်၏ နှုတ်ကပတ်တော်များကို စားသောက်ခြင်းအပေါ် အာရုံစိုက်ရမည်၊ ဘုရားသခင်ကို သိသော အသိအကြောင်း၊ လူ့ဘ၀အကြောင်းနှင့် အထူးသဖြင့် နောက်ဆုံးသောကာလ၌ ဘုရားသခင် လုပ်သည့် အမှုအကြောင်း သင် ပြောနိုင်ရမည်။ သင်သည် အသက်ကို ကြိုးစားရှာဖွေနေသူဖြစ်သဖြင့် သင့်ကိုယ်သင် ထိုသို့ ပြင်ဆင်ထားရမည်။ သင်သည် ဘုရားသခင်၏ နှုတ်ကပတ်တော်များကို စားသောက်သောအခါ သင်၏ကိုယ်ပိုင် အခြေအနေမှန်ကို ၎င်းတို့နှင့် နှိုင်းယှဉ်တိုင်းတာရမည်။ ဆိုလိုသည်မှာ သင်တကယ့်အတွေ့အကြုံများ ရနေစဉ်တွင် သင့်မှာရှိသော အားနည်းချက်များကို တွေ့ရှိပြီးနောက် လက်တွေ့လုပ်ဆောင်ရန် နည်းလမ်းကို သင်ရှာဖွေနိုင်စွမ်းရှိပြီး သင်၏လွဲမှားသည့် အရင်းခံအကြောင်းများနှင့် အယူအဆများကို ကျောခိုင်းနိုင်စွမ်းရှိရမည်။ သင် ဤအရာ၌ အမြဲကြိုးစား လုပ်ဆောင်သည့်အပြင် ဤအရာများကို အမြဲအားထုတ်လုပ်ဆောင်လျှင် သင့်မှာ လိုက်လျှောက်ဖို့ လမ်းကြောင်းတစ်ကြောင်းရှိလာလိမ့်မည်။ အနှစ်မဲ့သည်ဟု သင်ခံစားရမည်မဟုတ်၊ ဤနည်းဖြင့် သင်သည် လျော်ကန်သောအခြေအနေတစ်ခုကို ထိန်းထားနိုင်လိမ့်မည်။ သို့မှသာ သင်သည် သင်၏ကိုယ်ပိုင်အသက်တာ၌ ဝန်တာထားသူတစ်ဦးဖြစ်ပြီး၊ သို့မှသာ ယုံကြည်ခြင်းရှိသူတစ်ဦး ဖြစ်လာမည် ဖြစ်သည်။ ဘုရားသခင်၏ နှုတ်ကပတ်တော်များကို ဖတ်ရှုပြီးနောက် လူအချို့သည် နှုတ်ကပတ်တော်အတိုင်း လက်တွေ့ မလုပ်ဆောင်နိုင်ကြခြင်းမှာ အဘယ်ကြောင့်နည်း။ အရေးကြီးသည့်အချက်ကို နားမလည်သောကြောင့် ထိုသို့ဖြစ်နေခြင်း မဟုတ်လော။ လူတို့သည် ဘဝ နှင့် ကစားနေသောကြောင့် ထိုသို့ဖြစ်နေခြင်း မဟုတ်လော။ သူတို့သည် ၎င်းတို့ကို ဖတ်သောအခါ သူတို့ကိုယ်တိုင်၏ အခြေအနေများကို ဘုရားသခင်၏ နှုတ်ကပတ်တော်များနှင့် နှိုင်းယှဉ်တိုင်းတာနိုင်စွမ်း မရှိသောကြောင့် နှင့် သူတို့ကိုယ်တိုင်၏အခြေအနေများကို ကျွမ်းကျင်ပိုင်နိုင်မှု မရှိနိုင်သောကြောင့် သူတို့သည် အဓိကအချက်ကို နားမလည်ခြင်းဖြစ်ပြီး လက်တွေ့လုပ်ဆောင်ဖို့ နည်းလမ်း မရှိခြင်း ဖြစ်သည်။ လူတချို့က "ကျွန်ုပ်သည် ဘုရားသခင်၏ နှုတ်ကပတ်တော်များကို ဖတ်ရှုသောအခါ ကျွန်ုပ်၏ အခြေအနေကို နှုတ်ကပတ်တော်များနှင့် နှိုင်းယှဉ် တိုင်းတာကြည့်ပြီးပြီ၊ ကျွန်ုပ်သည် ပျက်စီးယိုယွင်း နေသောသူ၊ အစွမ်းအစနည်းသောသူဖြစ်ကြောင်းကိုလည်း ကျွန်ုပ်သိ ၏၊ သို့ရာတွင် ဘုရားသခင်အလိုကို ဖြည်းဆည်းနိုင်စွမ်း ကျွန်ုပ်တွင် မရှိပါ"ဟု ပြောကြသည်။ သင်သည် အပေါ်ယံကိုသာ မြင်ဖူးသေးသည်။ ဇာတိပကတိ၏ သာယာမှုများကို မည်သို့ ဘေးဖယ်ပုံနှင့် ပတ်သက်၍မူ၊ မိမိကိုယ်ကိုယ် မှန်သည်ဟု ယူမှတ်မှုကို မည်သို့ ဘေးဖယ်ထားမည်နည်း၊ သင့်ကိုယ်သင် မည်သို့ ပြောင်းလဲမည်နည်း၊ ဤအရာများအတွင်းသို့ မည်သို့ ဝင်ရောက်မည်နည်း၊ သင်၏အစွမ်းအစကို မည်သို့ တိုးတက်အောင်လုပ်မည်နည်း၊ မည်သည့်ကဏ္ဍမှ စလုပ်ရမည်နည်း စသည့်အရာများ အားလုံးသည် သင်မသိသော စစ်မှန်သည့် အရာများ ဖြစ်သည်။ အပေါ်ယံအရာ အချို့ကိုသာ သင်နားလည်သည်။ သင်သည် အမှန်ပင် အလွန်စာရိတ္တပျက်နေ သောသူဖြစ်ကြောင်းကိုသာ သင်သိသည်။ သင်၏ ညီအစ်ကိုမောင်နှမများကို သင်တွေ့သောအခါ သင်မည်မျှ ဖောက်ပြန်ပျက်စီးကြောင်း သင်ပြောပြပြီး၊ သင့်ကိုယ်သင်သိကာ သင်၏အသက်တာအတွက် သင်သည် ကြီးမားသော ဝန်ထုပ်ဝန်ပိုးထမ်းနေကြောင်းကို သင်သိသည်ဟု ထင်ရသည်။ အမှန်မှာ သင်၏ဖောက်ပြန်ပျက်စီးသော စိတ်သဘောထားသည် မပြောင်းလဲသေးပေ၊ ယင်းက သင်သည် လက်တွေ့လုပ်ဆောင်ရန် နည်းလမ်းကို မတွေ့သေးဟူသည့်အချက်ကို သက်သေပြသည်။ သင်သည် အသင်းတော်တစ်ခုကို ဦးဆောင်နေလျှင် ညီအစ်ကိုမောင်နှမများ၏ အခြေအနေကို သင်နားလည်ပြီး ထောက်ပြနိုင်ရမည်။ သင်ပြောသမျှမှာ "သင်တို့ မနာခံကြ။ နောက်ပြန်သွားနေသည်"ဟုသာ ဖြစ်ပါက ကောင်းသလော။ သူတို့ မည်သို့ မနာခံကြောင်း၊ မည်သို့ နောက်ပြန်သွားနေ ကြောင်းပြောသည့်အခါ သင်သည် ၎င်းတို့၏တိကျသောသရုပ်သကန်များအကြောင်း ပြောရမည်၊ ဆိုလိုသည်မှာ သင်သည် ၎င်းတို့၏ မနာခံသော အနေအထေားများ၊ မနာခံသော အပြုအမူများနှင့် စာတန်ဆန်သော စိတ်သဘောထားများအကြောင်း ပြောရမည်၊ ယင်းမှာ ၎င်းတို့ လုံးဝဥဿုံ အခိုင်အမာယုံကြည်စေရန်ဖြစ်သည်။ ဤကိစ္စကိုရှင်းပြရန် သင်သည် အချက်အလက်အမှန်များကို ပြောနိုင်ပြီး ဥပမာများ ပေးနိုင်ကာ၊ ပုန်ကန်သောအပြုအမူများမှ အမှန်တကယ် မည်သို့ခွဲထွက်ရန်နှင့် လက်တွေ့လုပ်ဆောင်သည့် လမ်းကြောင်းကို ညွှန်ပြနိုင်ပါက၊ သို့မှသာ သင်သည် ၎င်းတို့ကို သင့်ဘက်သို့ ပါလာစေနိုင်မည်ဖြစ်သည်။ ထိုကဲ့သို့သောသူသာလျှင် အခြားသူများကို ဦးဆောင်နိုင်ပြီး သမ္မာတရား၏ လက်တွေ့ကျမှုကို ပိုင်ဆိုင်သူတစ်ဦးဖြစ်သည်။

ယခု အတော်အတန် ဆွေးနွေးမှုနှင့် သမ္မာတရား၏ထောက်ပံ့မှုများစွာတို့ကို သင်တို့အား ပေးပြီးခဲ့ပြီ။ သို့သော် အကြောင်းအရာများကို သင်ဆက်စပ်ရမည်၊ သမ္မာတရားမည်မျှ ငါဖော်ပြခဲ့ကြောင်းကို သင် ကောက်ချက်ချနိုင်ရမည်။ လူတစ်ဦးပိုင်ဆိုင်သင့်သည့် လျော်ကန်သော လူ့သဘာဝ၏ စရိုက်လက္ခဏာအချို့၊ လူတစ်ဦး၏ အသက်တာ၏ စိတ်သဘောထားပြောင်းလဲခြင်းနှင့်ဆိုင်သော အဓိကအချက်များ၊ ရူပါရုံများပိုမိုကြီးမားနက်ရှိုင်းလာခြင်း၊ သင်နားလည်လာသည့် ခေတ်ကာလတလျှောက် လူတို့၏ မှားယွင်းသည့် သိခြင်း နှင့် တွေ့ကြုံခြင်းနည်းလမ်းများ- သင်ကိုယ်တိုင်၌ ဤအရာများကို ခွဲခြား၊ သိမြင်နိုင်စွမ်း ရှိမှ သင်သည် မှန်သောလမ်းကြောင်းပေါ်သို့ ဝင်ရောက်ရုံသာ ဝင်ရောက်ပြီး ဖြစ်လိမ့်မည်။ ဘာသာရေးလောကမှလူများသည် ကျမ်းစာကို ဘုရားသခင်သဖွယ် ကိုးကွယ်ကြသည်။ အထူးသဖြင့် သူတို့သည် ဓမ္မသစ်ကျမ်းရှိ ခရစ်ဝင်ကျမ်း လေးကျမ်းကို ယေရှု၏မျက်နှာ လေးမျက်နှာသဖွယ် သဘောထားကြသည်။ ထိုနည်းတူ ခမည်းတော်၊ သားတော်နှင့် သန့်ရှင်းသော ဝိညာဉ်တော်ကိုလည်း သုံးပါးတစ်ဆူအဖြစ် ပြောကြ၏။ ဤအရာများသည် လုံးဝကျိုးကြောင်းဆီလျော်မှု မရှိဆုံး အရာများ ဖြစ်သည်။ ထိုအရာများကို သင်တို့ အားလုံး ထွင်းဖောက်မြင်တတ်ရမည်၊ ထို့အပြင် အထူးသဖြင့် ဘုရားသခင်၏ အနှစ်သာရ လူဇာတိခံခြင်းနှင့် နောက်ဆုံးသောကာလ၌ လုပ်သည့် အမှုအကြောင်းကို သင်တို့သိရမည်။ ဝိညာဉ်၌ အသက်ရှင်ခြင်း၊ သန့်ရှင်းသော ဝိညာဉ်တော်နှင့် ပြည့်ဝခြင်း၊ မည်သည့်အရာနှင့် ကြုံရသည်ဖြစ်စေ လက်လျှော့ခြင်း၊ သြဇာအာဏာကို နာခံခြင်း စသည်တို့သည် လက်တွေ့လုပ်ဆောင်သည့် နည်းလမ်းဟောင်းများ ဖြစ်သည်။ သင်တို့သည် လက်တွေ့လုပ်ဆောင်ခြင်းနှင့်ဆိုင်သော ဤအယူလွဲများ နှင့် လမ်းလွဲမှုများကိုလည်း သိရမည်။ အရင်က လူတို့မည်သို့ လက်တွေ့ လုပ်ဆောင်ခဲ့ကြောင်းနှင့် ယနေ့ခေတ်၌ လူတို့မည်သို့ လက်တွေ့လုပ်ဆောင်ရ မည်ကိုလည်း သင်တို့သိသင့်သည်။ အသင်းတော်များ၌ ခေါင်းဆောင်များနှင့် အလုပ်လုပ်ကြသူများသည် အချင်းချင်း ပူးပေါင်းဆောင်ရွက်သင့်ပုံ၊ မိမိကိုယ်ကို မှန်သည်ဟု ယူမှတ်မှုကို မည်သို့ ဘေးဖယ်ထားပြီး တင်စီးခြင်း မပြုဘဲ နေပုံ၊ ညီအစ်ကိုမောင်နှမများ အချင်းချင်း အတူယှဉ်လျက် နေပုံ၊ အခြားလူများနှင့်သာမက ဘုရားသခင်နှင့် လျော်ကန်သော ဆက်ဆံရေးကို တည်ဆောက်ပုံ၊ လူသား၏ အသက်တာ၌ ရည်မွန်မှု ရရှိအောင် လုပ်ဆောင်ပုံ၊ လူတို့သည် ၄င်းတို့၏ ဝိညာဉ်အသက်တာ၌ ပိုင်ဆိုင်သင့်သည့်အရာ၊ ဘုရားသခင်၏ နှုတ်ကပတ်တော်များကို စားသောက်သင့်ပုံ၊ အသိဉာဏ်နှင့် ဆက်စပ်သည့်၊ ရူပါရုံများနှင့် ပတ်သက်သည့်၊ လက်တွေ့လုပ်ဆောင်သော လမ်းကြောင်းနှင့် သက်ဆိုင်သည့် ဘုရားသခင်၏ နှုတ်ကပတ်တော်များ၊ ဤအရာများအားလုံးအကြောင်းကို မပြောရသေးသလော။ ဤနှုတ်ကပတ်တော်များအားလုံးသည် သမ္မာတရားနောက် လိုက်သောသူများအတွက် ဖြစ်ပြီး၊ မည်သူ့ကိုမျှ မျက်နှာသာမပေးပေ။ ယနေ့ သင်တို့သည် အမှီအခိုကင်းမဲ့စွာ အသက်ရှင်နိုင်စေသည့် အစွမ်းအစကို ပျိုးထောင်သင့်သည်။ မှီခိုလိုစိတ်အမြဲ ဆွဲကိုင်မထားလေနှင့်၊ အနာဂတ်တွင် သင်တို့ကို လမ်းပြမည့်သူမရှိသောအခါ သင်သည် ငါ၏ ဤနှုတ်ကပတ်တော်များကို သတိရလိမ့်မည်၊ ဆင်းရဲဒုက္ခကြီးစွာ ခံရသော အချိန်များ၌ အသင်းတော်၏ အသက်တာကို ဦးဆောင်ဖို့ မဖြစ်နိုင်ပေ။ ညီအစ်ကိုမောင်နှမများ တစ်ဦးနှင့်တစ်ဦး မတွေ့နိုင်၊ အများစုမှာ မိမိတို့ဘာသာနေထိုင်ကြပြီး အကောင်းဆုံးအနေဖြင့် ၎င်းတို့အရပ်ထဲရှိ အခြားသူများ နှင့် မိတ်သဟာရဖွဲ့နိုင်ခြင်းသာ ရှိ၏၊ ထို့ကြောင့် သင်တို့၏ လက်ရှိ ဝိညာဉ်အသက်တာသည် လုံးဝ မလုံလောက်ပေ။ ဆင်းရဲဒုက္ခများအလယ်တွင် လူတော်တော်များများသည် ကြံ့ကြံ့ခံနိုင်ဖို့ ခက်ခဲသည်ကို တွေ့ကြလိမ့်မည်။ အသက်လမ်းကို သိပြီး သမ္မာတရား အလုံအလောက် ရှိသော သူများသာလျှင် ရှေ့ဆက်တိုးတက်နိုင်ကာ တဖြည်းဖြည်း သန့်စင်စေခြင်းနှင့် ပြောင်းလဲခြင်းကို ရရှိနိုင်ကြသည်။ ဆင်းရဲဒုက္ခခံရဖို့ဆိုသည်မှာ လု့း၀မလွယ်ပေ။ ရက်အနည်းငယ်လွန်လျှင် ခံရသော ဆင်းရဲဒုက္ခကို ကျော်ဖြတ်နိုင်လိမ့်မည်ဟု သင်ထင်လျှင် သင်၏အတွေးက ခက်ခဲသည့်အရာအပေါ် အလွန် ရိုးရှင်းနေသည်။ အယူ၀ါဒများစွာကို နားလည်ရုံဖြင့်သာ သင်ကြံ့ကြံ့ခံနိုင်လိမ့်မည်ဟု သင်ထင်သည်၊ သို့သော် ထိုသို့ မဟုတ်။ ဘုရားသခင်၏ နှုတ်ကပတ်တော်များ၌ အနှစ်သာရရှိသော အမှုအရာများကို သင်မသိလျှင်၊ သမ္မာတရား၌ အရေးကြီးသည့် အချက်ကို နားလည်နိုင်စွမ်း မရှိလျှင်၊ လက်တွေ့လုပ်ဆောင်ဖို့ နည်းလမ်း သင့်မှာ မရှိလျှင် တစ်ချိန်ချိန်၌ သင်တစ်ခုခုဖြစ်သောအခါ သင် ဝေခွဲမရဖြစ်လိမ့်မည်။ စာတန်၏ သွေးဆောင်မှုကို သင်ကျော်ဖြတ်နိုင်မည် မဟုတ်ဘဲ စစ်ဆေးမှု ဆိုက်ရောက်ခြင်းကိုလည်း သင်ကျော်ဖြတ်နိုင်မည် မဟုတ်ပေ။ သင့်မှာ သမ္မာတရားလည်း လုံးဝ မရှိ၊ ရူပါရုံ လုံးဝမရှိလျှင် အချိန်တန်လျှင် သင့်ကိုယ်သင် မပြိုလဲအောင် တားဆီးနိုင်မည် မဟုတ်ပေ။ ထိုအချိန်၌ သင်သည် မျှော်လင့်ချက်များအားလုံးကို စွန့်လွှတ်ပြီး "ငါသည်လည်း သေရမည်ပင်၊ ထို့ကြောင့် အဆုံးအထိ ပြစ်တင်ဆုံးမခြင်းကို ခံလိုက်ခြင်းက ကောင်းလိမ့်မည်။ ပြစ်တင်ဆုံးမခြင်းဖြစ်စေ၊ မီးကန်ထဲသို့ သွားခြင်းဖြစ်စေ ဖြစ်ချင်ရာ ဖြစ်ပါစေတော့၊ ဖြစ်လာသည့်အရာများကို ငါလက်ခံမည်" ဟု ပြောလိမ့်မည်။ ယင်းမှာ အစေခံများ၏ ခေတ်ကာလအတွင်းကဲ့သို့ ဖြစ်သည်၊ အချို့လူများက ၎င်းတို့ အစေခံများဖြစ်နေပြီ ဖြစ်သောကြောင့် အသက်ကို ကြိုးစားရှာဖွေဖို့မလို။ သူတို့သည် ဆေးလိပ်သောက်၍ အရက်သောက်ကာ ဇာတိအလိုလိုက်၏၊ ၎င်းတို့သည် အားလုံး လုပ်ခဲ့ကြသည်။ တအချို့က လောကသို့သာ အလုပ်လုပ်ရန် ပြန်သွားကြ၏။ ပတ်ဝန်းကျင်မှ ရန်လိုသောအခါတွင်လည်း ထိုသို့ပင်ဖြစ်သည်၊ သင်သည် ယင်းကို မကျော်ဖြတ်နိုင်ပါက အနည်းငယ်မျှ စိတ်လျှော့လိုက်သည်နှင့် တပြိုင်နက် သင်သည် မျှော်လင့်ချက်များအားလုံးကို စွန့်လွှတ်လိမ့်မည်။ သင်သည် စာတန်၏ လွှမ်းမိုးမှုကို အောင်နိုင်ခြင်း မရှိလျှင် သင်မသိမီ စာတန်၏ ဖမ်းဆီးခြင်းကို ခံရပြီး ထပ်မံဖျက်ဆီးဖို့ အပ်နှင်းခြင်း ခံရလိမ့်မည်။ ထို့ကြောင့် ယနေ့ သင့်ကိုယ်သင် သမ္မာတရားဖြင့် ပြင်ဆင်ရမည်၊ အမှီအခိုကင်းကင်း နေနိုင်ရပြီး ဘုရားသခင်၏ နှုတ်ကပတ်တော်များကို ဖတ်ရှုသောအခါ၌ လက်တွေ့လုပ်ဆောင်ရန် နည်းလမ်းကို ရှာဖွေနိုင်ရမည်။ သင့်ကိုရေလောင်း၍ ဦးဆောင်လမ်းပြရန် ခေါင်းဆောင်များ သို့မဟုတ် အလုပ်သမားများ မရှိခဲ့လျှင်လည်း သင့်မှာ လျှောက်လှမ်းရန် လမ်းကြောင်းတစ်ခု ရှိသင့်သည်၊ သင်၏ အားနည်းချက်များကို ရှာဖွေနိုင်သင့်ပြီး ကိုယ်တိုင် ရှိထားသင့်သည့် သမ္မာတရားများကို ရှာဖွေပြီး လက်တွေ့လုပ်ဆောင် သင့်သည်။ ကမ္ဘာမြေသို့ လာပြီးနောက် ဘုရားသခင်သည် လူကို အမြဲအဖော်ပြုနိုင်မည်လော။ လူတချို့၏အယူအဆများအတွင်း ယုံကြည်ချက်က- ဘုရားသခင် ကျွန်ုပ်တို့၌ အတိုင်းအတာတစ်ခုအထိ ကိုယ်တော် အမှု မပြုလျှင် ကိုယ်တော်၏ အမှု ပြီးပြီဟု မသတ်မှတ်နိုင်။ အဘယ်ကြောင့်ဆိုသော် စာတန်က ကိုယ်တော်ကို စွပ်စွဲသောကြောင့် ဖြစ်သည်ဟူ၍ ဖြစ်သည်။ ငါသင့်ကို ပြောမည်၊ ငါ၏ နှုတ်ကပတ်တော်များကို ပြောဆိုပြီးသောအခါ၊ ယင်းမှာ ငါ၏အမှုကို အောင်မြင်စွာလုပ်ပြီးခြင်း ဖြစ်သည်။ ငါ၏ မြွက်ဆိုချက်များ အဆုံးသတ်သည်နှင့် ငါ၏အမှုလည်း ပြီးလိမ့်မည်။ ငါ့အမှု ပြီးဆုံးခြင်းသည် စာတန်ကို အောင်နိုင်ခြင်း၏ သက်သေဖြစ်ပြီး ထို့သို့ဖြစ်သည့်အတွက် စာတန်၏ စွပ်စွဲခြင်း မရှိဘဲ အောင်မြင်စွာ လုပ်ဆောင်ခဲ့ပြီးပြီဟု ဆိုနိုင်သည်။ သို့သော် ငါ၏အမှု ပြီးသောအခါ၌ သင်တို့၏ အတွင်း၌ ဘာမျှ မပြောင်းလဲသေးလျှင် သင်တို့ကဲ့သို့သော လူများသည် ကယ်တင်ရန် မဖြစ်နိုင်သူများ ဖြစ်ပြီး သုတ်သင်ဖယ်ရှားခြင်း ခံရမည်။ လိုသည်ထက်ပိုပြီး ငါအလုပ် လုပ်မည်မဟုတ်ပေ။ သင့်ကို အတိုင်းအတာတစ်ခုအထိ သိမ်းပိုက်ခြင်းခံရပြီး သောအခါမှသာ တနည်းအားဖြင့် သင်အားလုံး သမ္မာတရား၏ ရှုထောင့်အားလုံးကို ရှင်းရှင်းလင်းလင်း သိသောအခါ၌ သင်၏ အစွမ်းအစ တိုးတက်လာပြီး ဖြစ်လိမ့်မည်၊ အတွင်း၌သာမက အပြင်၌ပါ သင် သက်သေခံကြလိမ့်မည်ဟူသည့် အခြေအနေအထိ ဖြစ်လာသောအခါ လောက၌ ငါသည် အမှုကို ပြီးအောင် ပြုလိမ့်မည်ဟူသည်မှာ မမှန်ပေ။ ယင်းမှာ မဖြစ်နိုင်ပေ။ ယနေ့ သင်တို့အထဲ၌ ငါပြုသောအမှုသည် လျော်ကန်သော လူ့သဘာဝထဲသို့ သင်တို့ ၀င်ရောက်ရန် ဦးဆောင်ခေါ်သွားဖို့ လုပ်ဆောင်ခြင်း ဖြစ်သည်၊ ယင်းသည် ခေတ်အသစ်တစ်ခုကို ဆောင်ကျဉ်းလာ သောအလုပ်နှင့် လူသားမျိုးနွယ်အား ခေတ်သစ်၏အသက်အတွင်းဝင်ရောက်ရန် ဦးဆောင်လမ်းပြသော အလုပ် ဖြစ်သည်။ တစ်ဆင့်ပြီး တစ်ဆင့်ပြီးမြောက်သည့် ဤအမှုကို သင်တို့အကြားတွင် တိုက်ရိုက် လုပ်ဆောင်၍ ဖော်ဆောင်သည်၊ သင်တို့အား ငါမျက်နှာချင်းဆိုင်ပြီး လက်တွဲ သင်ကြားပေးခဲ့သည်၊ သင်တို့၌ မရှိသည့် အရာမှန်သမျှကို ပေးသနားပြီး သင်တို့နားမလည်သည့် အရာမှန်သမျှကို ငါပြောသည်။ သင်တို့အတွက်တော့ ဤအမှုများအားလုံးသည် အသက်၏ အထောက်အပံ့ဖြစ်ပြီး လျော်ကန်သော လူ့သဘာဝ၏ အသက်တာထဲသို့ သင်တို့ကို လမ်းပြသည့် အလုပ်ဖြစ်သည်ဟု ပြောနိုင်သည်၊ ဤသည်မှာ နောက်ဆုံးသောကာလ၌ လူတစ်စု၏အသက်အတွက် သီးသန့် အထောက်အပံ့ပေးရန် ဖြစ်သည်။ ငါ့အတွက် ဤအမှုများအားလုံးသည် ခေတ်ဟောင်းကို အဆုံးသတ်ပြီး ခေတ်အသစ်တစ်ခေတ်ကို ဆောင်ကျဉ်းဖို့ ဖြစ်သည်၊ စာတန်နှင့် ပတ်သက်၍၊ ငါသည် သူ့ကို နှိမ်နင်းဖို့အတွက်သာ လူဇာတိခံခဲ့ခြင်း ဖြစ်သည်။ သင်တို့အကြား၌ ငါလုပ်သောအမှုသည် ယနေ့အတွက် အထောက်အပံ့နှင့် အချိန်ကိုက်ပေးသည့် ကယ်တင်ခြင်းဖြစ်သည်၊ သို့သော် ဤတိုတောင်းသောနှစ်အနည်းငယ်အတွင်း၌ သမ္မာတရားအားလုံးကိုသာမက အသက်လမ်းနှင့် အနာဂတ်၌ လုပ်မည့်အမှုကိုပင် သင်တို့အား ငါပြောပြပြီး ထိုသို့ပြောခြင်းသည် အနာဂတ်၌ သင်တို့လျော်ကန်စွာ တွေ့ကြုံခံစားဖို့ရန်အတွက် လုံလောက်လိမ့်မည်။ ငါပြောသည့် နှုတ်ကပတ်တော်များအားလုံးသည် သင်တို့အတွက် ငါ၏တစ်ခုတည်းသော တိုက်တွန်းချက်ဖြစ်သည်။ တခြားဘယ်အရာကိုမျှ ငါမတိုက်တွန်းပေ။ ယနေ့ ငါပြောသည့် နှုတ်ကပတ်တော်များကို ကြုံတွေ့ခံစားရသည့် အတွေ့အကြုံ သင်တို့၌ လုံးဝ မရှိသလို၊ ထိုနှုတ်ကပတ်တော်များ၏ အတွင်းပိုင်း အဓိပ္ပါယ်ကို နားမလည်ကြသောကြောင့် ယနေ့ ငါပြောသည့် နှုတ်ကပတ်တော်များ အားလုံးသည် သင်တို့အတွက် ငါ၏တိုက်တွန်းချက်ဖြစ်သည်။ တစ်နေ့တွင် ယနေ့ငါပြောသည့်အတိုင်း သင်တို့၏ အတွေ့အကြုံများမှ အသီးအပွင့်များ ဖြစ်ထွန်းလာလိမ့်မည်။ ဤနှုတ်ကပတ်တော်များသည် ယနေ့သင်တို့ ရရှိသော ရူပါရုံများဖြစ်ပြီး အနာဂတ်တွင် သင်တို့မှီခိုအားထားမည့် အရာများဖြစ်၏၊ ၎င်းတို့သည် ယနေ့ အသက်အတွက် အထောက်အပံ့နှင့် အနာဂတ်အတွက် တိုက်တွန်းချက် ဖြစ်သည်၊ ပို၍ကောင်းသော တိုက်တွန်းချက် မရှိပေ။ အဘယ်ကြောင့်ဆိုသော် လောက၌ ငါအလုပ်လုပ်ရန်ရသောအချိန်သည် ငါ၏ နှုတ်ကပတ်တော်များကို သင်တို့ တွေ့ကြုံခံစားရရန် ရသောအချိန်လောက် မကြာသောကြောင့် ဖြစ်သည်။ ငါ၏အလုပ်ကို ပြီးရုံသာ ငါလုပ်နိုင်လိမ့်မည်။ သင်တို့ကမူ ရှည်လျားသောဘဝခရီး၌ အသက်ကို ရှာဖွေနေလိမ့်မည်။ များစွာသော အမှုအရာများကို တွေ့ကြုံရပြီးမှ သင်တို့သည် အသက်လမ်းကို အပြည့်အဝ ရရှိနိုင်ကြလိမ့်မည်၊ သို့မှသာ ယနေ့ ငါပြောသည့် နှုတ်ကပတ်တော်များ၏ အတွင်းပိုင်း အဓိပ္ပါယ်ကို သင်တို့နားလည်နိုင်စွမ်းရှိလိမ့်မည်။ သင်တို့၏ လက်များထဲ၌ ငါ၏ နှုတ်ကပတ်တော်များ ရှိသောအခါ၊ ငါ၏ စေခိုင်းချက်များအားလုံးကိုလည်း သင်တို့ အားလုံး လက်ခံရရှိပြီးသောအခါနှင့် သင်တို့ လုပ်သင့်သည့်အရာအားလုံးကိုလည်း သင်တို့ကို ငါစေခိုင်းပြီးသောအခါ အကျိုးဆက်မည်မျှ ကောင်းကောင်းရသည်ဖြစ်စေ နှုတ်ကပတ်တော်၏ အမှု ပြီးဆုံးသောအခါ ဘုရားသခင်၏ အလိုတော် ဆောင်ရွက်ပြီး ဖြစ်လိမ့်မည်။ သင်သည် အတိုင်းအတာတစ်ခုအထိ ပြောင်းလဲခြင်းခံရလိမ့်မည်ဟု သင်ထင်သကဲ့သို့ မဟုတ်ပေ။ ဘုရားသခင်သည် သင်၏ တွေးဆချက်များအတိုင်း မလုပ်ဆောင်ပေ။

လူတို့၏အသက်တာများသည် ရက်အနည်းငယ်အတွင်းသာ ဖွံ့ဖြိုးကြီးထွား လာသည် မဟုတ်ပေ၊ ဘုရားသခင်၏နှုတ်ကပတ်တော်များကို သူတို့ နေ့စဉ် စားသောက်သော်လည်း ထိုမျှနှင့် မလုံလောက်သေးပေ။ သူတို့၏ အသက်တာများ၌ သူတို့ ဖွံ့ဖြိုးကြီးထွားသည့် အချိန်ကာလကို ကြုံဖို့လိုသည်၊ ဤသည်မှာ လိုအပ်သော ဖြစ်စဉ်တစ်ခု ဖြစ်သည်။ ယနေ့ လူတို့၌ ရှိသော အစွမ်းအစနှင့်ဆိုလျှင် သူတို့ မည်သည့်အဆင့်သို့ ရောက်နိုင်မည်နည်း။ လူတို့၏ လိုအပ်ချက်များအပေါ်မူတည်ပြီး ဘုရားသခင်က အလုပ်လုပ်သည်၊ သူတို့၏ ပင်ကို အစွမ်းအစအပေါ်မူတည်ပြီး သင့်တော်သော တောင်းဆိုမှုများကို ပြုလုပ်သည်။ မြင့်မားသည့် အစွမ်းအစရှိသော လူတစ်စု အလယ်တွင် ဤအမှုကို ဆောင်ရွက်ခဲ့သည်ဆိုပါစို့၊ ထိုသို့ဖြစ်လျှင် မြွက်ဆိုခဲ့သောနှုတ်ကပတ်တော်များသည် သင်တို့အကြားရှိ နှုတ်ကပတ်တော်များ ထက်သာ၍ အဆင့်မြင့်မည်၊ ရူပါရုံများလည်း သာ၍ အဆင့်မြင့်မည်။ သမ္မာတရားများသည်လည်း သာ၍ပင် အဆင့်မြင့်မည် ဖြစ်သည်။ နှုတ်ကပတ်တော် အချို့သည်လည်း သာ၍ ပြင်းထန်ရလိမ့်မည်ဖြစ်ပြီး လူသား၏အသက်များကို သာ၍ ထောက်ပံ့နိုင်စွမ်းရှိရလိမ့်မည်ဖြစ်ကာ နက်နဲသောအရာများကိုလည်း သာ၍ ထုတ်ဖော်ပြနိုင်စွမ်းရှိရလိမ့်မည် ဖြစ်သည်။ ထိုသူတို့အလယ် စကားပြောသောအခါ၌ သူတို့၏ လိုအပ်ချက်များအပေါ်မူတည်ပြီး ဘုရားသခင်က သူတို့ကို ထောက်ပံ့ပေးမည် ဖြစ်သည်။ ယနေ့ သင်တို့ထံမှ တောင်းဆိုသောအရာများသည် သင်တို့ထံမှ ဖြစ်နိုင်သမျှ အမြင့်မားဆုံး တောင်းဆိုချက်များဟု ဆိုနိုင်သည်။ အကယ်၍ သာ၍အစွမ်းအစရှိသော လူများထံ၌ ဤအလုပ်ကို လုပ်မည်ဆိုလျှင် ငါ၏တောင်းဆိုချက်များ သာ၍ မြင့်မားမည် ဖြစ်သည်။ ဘုရားသခင်၏ အမှု အားလုံးသည် လူတို့၏ ပင်ကို အစွမ်းအစေအပေါ်မူတည်ပြီး လုပ်ဆောင်သော အလုပ်များ ဖြစ်သည်။ ယနေ့ လူတို့သည် ဖြစ်နိုင်သမျှ အမြင့်မားဆုံး အတိုင်းအတာအထိ ပြောင်းလဲခံရခဲ့ပြီး သိမ်းပိုက်ခံရခဲ့ပြီ ဖြစ်သည်။ ဤအဆင့်၌ရှိသော အလုပ်၏ အကျိုးဆက်များကို တိုင်းတာဖို့အတွက် သင်တို့၏ ကိုယ်ပိုင် တွေးဆချက်များကို မသုံးကြနှင့်။ မည်သည့် အရာများကို ပင်ကိုအားဖြင့် သင်တို့ပိုင်ဆိုင်ကြောင်းကို သင်တို့ ရှင်းရှင်းလင်းလင်း သိသင့်ပြီး၊ သင်တို့ကိုယ်သင်တို့ အလွန် အထင်မကြီးသင့်။ အရင်းခံအားဖြင့် သင်တို့ထဲတွင် မည်သူမျှ အသက်ကို ကြိုးစားရှာဖွေခြင်း မရှိ၊ သင်တို့သည် လမ်းပေါ်လျှောက်သွားနေသည့် သူတောင်းစားများ ဖြစ်သည်။ ဘုရားသခင် သင်တို့ကို အမှုပြုဖို့အတွက် ရူပါရုံကြီးတစ်ခုကို သင်တို့မြင်သည့်အခါပြုသလို သင်အားလုံးသည် အပြည့်အဝ ယုံကြည်ပြီး မြေပေါ်၌ ပြပ်ဝပ်ကြသည်အထိ ဖြစ်လိမ့်မည်ဟု သင်ထင်သည်။ ယင်းမှာ ဖြစ်နိုင်လိမ့်မည် မဟုတ်ပေ။ အဘယ်ကြောင့်ဆိုသော် နိမိတ်လက္ခဏာများကို မမြင်ဖူးသူများသည် ငါပြောသည့် နှုတ်ကပတ်တော်များကို အပြည့်အဝ မယုံနိုင်ကြသောကြောင့် ဖြစ်သည်။ သင်တို့ ၎င်းတို့ကို သေသေချာချာ လေ့လာသော်လည်း အပြည့်အဝတော့ ယုံမည် မဟုတ်၊ ဤသည်မှာ လူ့သဘာဝဖြစ်သည်။ သမ္မာတရားနောက်လိုက်သော သူတို့၏ အတွင်း၌မူ ပြောင်းလဲမှုအချို့ ရှိလိမ့်မည်၊ ကြိုးစားရှာဖွေခြင်း မရှိသောသူတို့၏ ကနဦးယုံကြည်ခြင်းမှာမူ အားနည်းလာပြီး ပျောက်ပင် ပျောက်ကွယ်သွားနိုင်သည်။ သင်တို့၏ အကြီးမားဆုံး ပြဿနာမှာ ဘုရားသခင်၏ နှုတ်ကပတ်တော်များ ပြည့်စုံသည်ကို မမြင်ရဘဲ အပြည့်အဝ မယုံနိုင်ခြင်းဖြစ်ပြီး၊ နိမိတ်လက္ခဏာများကို မမြင်ဘဲ သင်တို့ ပြန်လည်ပြေလည်အောင် လုပ်မှာ မဟုတ်ခြင်း ဖြစ်သည်။ ထိုအမှုအရာများ မတိုင်မီ မည်သူက ဘုရားသခင်အပေါ် သစ္စာရှိပြီး အခြားမည်သူ့ကိုမျှ သစ္စာမရှိဘဲ နေနိုင်သနည်း။ ထို့ကြောင့် သင်တို့ ယုံကြည်သည်မှာ ဘုရားသခင်မဟုတ်၊၊ နိမိတ်လက္ခဏာများဖြစ်သည်ဟု ငါပြောသည်။ သမ္မာတရား၏ ကဏ္ဍအမျိုးမျိုး အကြောင်းကို ငါ ယခု ရှင်းရှင်းလင်းလင်း ပြောဆိုခဲ့ပြီး၊ ကဏ္ဍများအားလုံးကိုလည်း အဆင်သင့် ဖြစ်စေခဲ့ကာ၊ ဤသမ္မာတရားများသည်လည်း အချင်းချင်း အကျိုးပြုနိုင်ကြသည်။ သင် ၎င်းတို့ကို လက်တွေ့လုပ်ဆောင် ရန်သာ လိုသည်။ ယနေ့ သင့်ကို ငါလမ်းပြပြီး အနာဂတ်၌ သင်သည် ၎င်းတို့ကို သင်ကိုယ်တိုင် လက်တွေ့လုပ်ဆောင် သင့်သည်။ လောလောဆယ် ငါပြောသော နှုတ်ကပတ်တော်များသည် လူတို့၏ အခြေအနေမှန်အပေါ်မူတည်ပြီး သူတို့အပေါ် တောင်းဆိုချက်များ ပြုသည်၊ ထိုအပြင် ငါသည် သူတို့၏ လိုအပ်ချက်များ၊ သူတို့အထဲ၌ ရှိသော အရာများ အပေါ်မူတည်ပြီး အလုပ် လုပ်သည်။ လက်တွေ့ကျသောအလုပ်ကို လုပ်ရန်နှင့် လူတို့၏ အခြေအနေမှန်နှင့် လိုအပ်ချက်များ အပေါ်မူတည်ပြီး အလုပ်လုပ်ရန် လက်တွေ့ကျသော ဘုရားသည် လောကသို့ ရောက်လာခဲ့ပြီး ဖြစ်သည်။ သူသည် ယုတ္တမတန်သောသူ မဟုတ်ပါ။ ဘုရားသခင် လုပ်ဆောင်သောအခါ၌ လူတို့ကို အတင်းအကျပ် မလုပ်ခိုင်းပေ။ ဥပမာအားဖြင့် သင်လက်ထပ်ခြင်း၊ လက်မထပ်ခြင်းသည် သင်၏ အခြေအနေမှန်အပေါ်တွင် အခြေခံသင့်သည်။ သမ္မာတရားကို သင့်အား ရှင်းလင်းစွာ ပြောပြထားပြီး ဖြစ်သည်။ သင့်အား ငါချုပ်ထိန်းမထားပေ။ တချို့သူတို့၏မိသားစုများသည် မင်္ဂလာ မဆောင်လျှင် ဘုရားသခင်ကို မယုံရဟု ပြောသည်အထိ ၎င်းတို့ကို ဖိနှိပ်ကြသည်၊ ထို့ကြောင့် အပြန်အလှန်အားဖြင့် မင်္ဂလာဆောင်ခြင်းသည် ၎င်းတို့အတွက် အထောက်အကူဖြစ်သည်။ တချို့လူများအတွက်မူ မင်္ဂလာဆောင်ခြင်းသည် အကျိုးမရှိသည့်အပြင် မင်္ဂလာဆောင်သောကြောင့် သူတို့၌ မူလရှိသည့်အရာကိုပင် ဆုံးရုံးကြသည်။ ဤသည်ကို သင်၏ အခြေအနေမှန်များနှင့် သင်၏ ကိုယ်ပိုင် ဆုံးဖြတ်ချက် အားဖြင့် ဆုံးဖြတ်ရမည်။ ငါသည် သင်တို့ထံမှ တောင်းဆိုမှုများ ပြုလုပ်ရန်အတွက် စည်းမျဉ်းစည်းကမ်းများကို ဖန်တီးခြင်း မဟုတ်ပေ။ များစွာသောလူတို့က "ဘုရားသခင်သည် လက်တွေ့ကျ၏၊ ကိုယ်တော်၏ အမှုတော်သည် စစ်မှန်မှုထဲ၌ အခြေခံပြီး ကျွန်ုပ်တို့၏ အခြေအနေမှန်၌ အခြေခသည်"ဟု အမြဲပြောနေကြသည်၊ သို့သော် အကယ်စင်စစ် မည်သည့် အရာက ယင်းကို စစ်မှန်သောအမှု ဖြစ်စေသည်ကို သင်သိသလော။ တစ်နေကုန် အနှစ်သာရမဲ့သောစကားများ မပြောနှင့်။ ဘုရားသခင်၏အမှုသည် စစ်မှန်ပြီး စ်မှန်မှုအပေါ်အခြေခံသည်။ မည်သည့် အယူဝါဒမျှမပါ၊ လုံး၀ လွတ်လပ်ပြီး အားလုံး ဖွင့်ဟထားကာ ဖုံးကွယ်ထားခြင်း မရှိပေ။ ဤအခြေခံသဘောတရားအချို့သည် မည်သည့် အသေးစိတ်အချက်အလက်များအကြောင်း ပြောသနည်း။ ဤအရာများက ဘုရားသခင်၏ မည်သည့်အမှုနှင့် သက်ဆိုင်သည်ကို သင်ပြောနိုင်သလော။ သင် အသေးစိတ်အချက်အလက်များအကြောင်း ပြောရမည်၊ သင်သည် ကဏ္ဍတော်တော် များများ၌ အတွေ့အကြုံ ရှိပြီး သက်သေခံရမည်ဖြစ်ပြီး ဤကဏ္ဍများကို သင် အထူး ရှင်းရှင်းလင်းလင်း သိမြင်ရမည်၊ သို့မှသာလျှင် သင်သည် ဤနှုတ်ကပတ်တော်များကို ပြောဆိုဖို့အတွက် အရည်အချင်းရှိသူတစ်ဦး ဖြစ်မည်။ အကယ်၍ တစ်စုံတစ်ဦးက သင့်အား "လူဇာတိခံသောဘုရားသခင်သည် နောက်ဆုံးသောကာလ၌ ကမ္ဘာမြေကြီး ပေါ်တွင် မည်သည့်အမှုကို ပြုခဲ့သနည်း။ အဘယ်ကြောင့် သူ့ကို သင်တို့က လက်တွေ့ကျသောဘုရားဟု ခေါ်သနည်း။ "လက်တွေ့ကျသော"ဟူသည့် စကားလုံး၌ မည်သည့်အရာပါဝင်သနည်း။ သူ၏ လက်တွေ့ကျသော အမှု အကြောင်းကိုသာမက ထိုအလုပ်၌ မည်သည့်အရာ ပါဝင်ကြောင်းကို တိတိကျကျ သင်ပြောနိုင်သလော။ ယေရှုသည် လူဇာတိခံသည့် ဘုရားသခင်ဖြစ်ပြီး ယနေ့ဘုရားသခင်သည်လည်း လူဇာတိခံသော ဘုရားသခင်ဖြစ်သည်၊ ၎င်းတို့ အကြား ကွာခြားချက်မှာ အဘယ်နည်း။ တူသော အချက်များမှာ မည်သည့် အချက်များနည်း။ သူတို့တစ်ဦးစီ မည်သည့် အမှုကို လုပ်ခဲ့ပြီးပြီနည်း။" ဟုမေးပါက သင်ဖြေနိုင်သလော။ ဤအရာအားလုံးသည် သက်သေခံခြင်း ဖြစ်သည်။ ထိုမေးခွန်းများကြောင့် စိတ်ရှုပ်ထွေးမသွားပါနှင့်။ "ယနေ့ ဘုရားသခင်၏ အမှုသည် စစ်မှန်၏၊ သူသည် မည်သည့်အခါမျှ နိမိတ်လက္ခဏာများနှင့် အံ့သြဖွယ်ရာများကို မပြ"ဟု ပြောသော အခြားသူများလည်း ရှိသည်။ သူသည် နိမိတ်လက္ခဏာများနှင့် အံ့သြဖွယ်ရာများကို အကယ်ပင် မည်သည့်အခါမျှ မပြသလော။ ထိုအချက်ကို သင်အမှန်တကယ် သိသလော။ ငါ၏အမှုသည် အဘယ်အရာဖြစ်သည်ကို သင်အကယ်စင်စစ် သိသလော။ နိမိတ်လက္ခဏာများနှင့် အံ့သြဖွယ်ရာများကို ပြမည်မဟုတ်ဟု ပြောကြသည်၊ သို့သော် သူလုပ်သည့် အလုပ်နှင့် သူပြောသည့် နှုတ်ကပတ်တော်များ အားလုံးသည် နိမိတ်လက္ခဏာများ မဟုတ်လော။ နိမိတ်လက္ခဏာများနှင့် အံ့သြဖွယ်ရာများကို ပြမည်မဟုတ်ဟု တချို့က ပြောကြသည်။ သို့သော် ယင်းသည် ဤနှုတ်ကပတ်တော်များကို မည်သူ့အားပြောခဲ့သနည်းဟူသည့် အချက်အပေါ်၌ မူတည်သည်။ အသင်းတော်သို့ မသွားဘဲ သူသည် လူတို့၏ အခြေအနေကို အရှိအတိုင်း ဖော်ပြခဲ့ပြီး၊ စကားပြောခြင်းမှလွဲ၍ အခြားမည်သည့်အလုပ်ကိုမှ မလုပ်ဘဲ၊ သူသည် လူတို့ကို ရှေ့သို့ဆက်သွားစေခဲ့သည်၊ ဤအရာများသည် နိမိတ်လက္ခဏာများ မဟုတ်လော။ နှုတ်ကပတ်တော်များ ပြောရုံဖြင့် သူသည် လူတို့ကို သိမ်းပိုက်ခဲ့သည်၊ အလားအလာ သို့မဟုတ် မျှော်လင့်ချက်များ မရှိသော်လည်း လူတို့သည် ဝမ်းမြောက်စွာ ကိုယ်တော်၏နောက်သို့ လိုက်ကြသည်။ ဤအရာများသည် နိမိတ်လက္ခဏာများ မဟုတ်လော။ သူစကားပြောသောအခါ သူ၏ နှုတ်ကပတ်တော်များက လူတို့၏အတွင်း၌ ခံစားချက်တစ်မျိုး ဖြစ်ပေါ်စေသည်။ ဝမ်းမြောက်ခြင်း မခံစားရပါက အလွန်ဝမ်းနည်းခြင်း ခံစားရ၏၊ စစ်ဆေးခြင်း မခံရပါက ပြစ်တင်ဆုံးမခြင်းခံရ၏။ စိတ်ထိခိုက်စေသော နှုတ်ကပတ်တော် အနည်းငယ်ဖြင့် သူသည် လူတို့ကို ပြစ်တင်ဆုံးမသည်။ ယင်းသည် သဘာဝလွန်ဖြစ်ရပ် မဟုတ်လော။ လူပုဂ္ဂိုလ်တစ်ယောက်သည် ထိုသို့ ပြုနိုင်သလော။ ကျမ်းစာကို သင်နှစ်ပေါင်းများစွာ ဖတ်ခဲ့သည်၊ သို့သော် သင်ဘာမျှ နားမလည်ခဲ့ပေ၊ ဘာမျှ ထိုးထွင်းမြင်ခဲ့ပေ၊ ထို့အပြင် သင်သည် ခေတ်မမီတော့သည့် သမားရိုးကျ ယုံကြည်နည်းများနှင့် မခွဲနိုင်ခဲ့ပေ။ သင်သည် ကျမ်းစာကို လုံး၀ နားမလည်နိုင်ခဲ့ပေ။ သို့သော် သူသည် ကျမ်းစာကို အပြည့်အဝနားလည်နိုင်သည်။ ဤအချက်သည် သဘာဝလွန်ဖြစ်ရပ် မဟုတ်လော။ ဘုရားသခင် လောကသို့ လာသောအခါ၌ မည်သည့် သဘာဝလွန်ဖြစ်ရပ်မျှ မဖြစ်ခဲ့လျှင် သူက သင်တို့ကို သိမ်းပိုက်နိုင်ပါမည်လော။ သူသည် သာမန်ထက်ထူးကဲသည့် ဘုရားသဘာဝအလုပ်ကို မလုပ်ခဲ့လျှင် သင်တို့အနက် မည်သူ ယုံမည်နည်း။ သင်၏မျက်စိ၌ သာမန်လူတစ်ယောက်က သင်တို့နှင့်အတူ အလုပ်လုပ်ပြီး နေထိုင်နေသည်ဟု ထင်ရသည်၊ သူ၌ ပုံမှန်၊ ရိုးရိုး လူတစ်ဦး၏ အပြင်ပန်းသဏ္ဌာန်ရှိသည်ဟု ထင်ရသည်၊ သင်မြင်သောအရာသည် ပုံမှန်လူ့သဘာဝ၏ အပြင်ပန်းသဏ္ဌာန် ဖြစ်သည်၊ သို့သော် အမှန်မှာ အလုပ်လုပ်နေသော ဘုရား၏သဘောသဘာ၀ဖြစ်သည်။ ယင်းသည် ပုံမှန်လူ့သဘာဝ မဟုတ်ပေ၊ ဘုရားသခင်၏သဘာဝ၊ ဘုရားသခင် ကိုယ်တိုင်ပင် အလုပ်လုပ်နေခြင်း ဖြစ်သည်။ သူသည် အမှုပြုဖို့အတွက် ပုံမှန်လူ့သဘာဝကို အသုံးပြုခြင်းသာ ဖြစ်သည်၊ အကျိုးဆက်အနေဖြင့် သူ၏ အလုပ်သည် သာမန်အလုပ်လည်းဖြစ်သလို၊ သဘာဝလွန့် အလုပ်လည်း ဖြစ်သည်။ သူပြုသောအမှုကို လူသားမလုပ်နိုင်ပေ။ သာမန်လူတို့ မလုပ်နိုင်သော အလုပ်ကို သာမန်ထက်ထူးကဲသူတစ်ဦးက လုပ်ခြင်းဖြစ်သည်။ သို့သော် သာမန်ထက်ထူးကဲသောအရာသည် ဘုရားသဘောသဘာဝဖြစ်သည်။ ယင်းမှာ လူ့သဘာဝက သာမန်ထက်ထူးကဲခြင်းမဟုတ်ပဲ ဘုရားသဘာဝက လူ့သဘာဝနှင့် မတူခြင်း ဖြစ်သည်။ သန့်ရှင်းသော ဝိညာဉ်တော် အသုံးပြုသူသည်လည်း သာမန်ဖြစ်ပြီး၊ ပုံမှန်လူ့သဘာဝရှိသူ ဖြစ်သည်၊ သို့သော် သူသည် ဤအလုပ်ကို လုပ်နိုင်စွမ်း မရှိပေ။ ခြားနားချက်မှာ- သင်က "ဘုရားသခင်သည် သဘာဝလွန်တန်ခိုးရှိသည့် ဘုရားသခင် မဟုတ်၊ သူသည် မည်သည့် သဘာဝလွန်ဖြစ်ရပ်ကိုမျှ မလုပ်။ ကျွန်ုပ်တို့၏ ဘုရားသခင်သည် လက်တွေ့ကျပြီး စစ်မှန်သည့် နှုတ်ကပတ်တော်များကို ပြောသည်၊ သူသည် စစ်မှန်၍ လက်တွေ့ကျသောအမှု ပြုရန် အသင်းတော်သို့ သွားခဲ့သည်၊ နေ့တိုင်း သူသည် ကျွန်ုပ်တို့ကို မျက်နှာချင်းဆိုင် စကားပြောပြီး မျက်နှာချင်းဆိုင်ပြီး ကျွန်ုပ်တို့၏ အခြေအနေကို ထောက်ပြသည်၊ ကျွန်ုပ်တို့၏ ဘုရားသခင်သည် အမှန်တကယ်စစ်မှန်သော ဘုရားသခင် ဖြစ်သည်။ သူသည် ကျွန်ုပ်တို့နှင့်အတူ နေသည်၊ သူ၏ဖြစ်တည်ခြင်း တစ်ရပ်လုံးသည် ပုံမှန်ဖြစ်သည်၊ ရှင်းရှင်းပြောရလျှင် သူသည် ဘုရားသခင် ဖြစ်ကြောင်းကို သက်သေပြစရာ ဘာမျှမရှိ။ သူဒေါသထွက်လာသည့် အချိန်များပင်ရှိပြီး သူ့အမျက်၏ ထည်ဝါမှုကို ကျွန်ုပ်တို့ မြင်ကြသည်၊ ထို့အပြင် တစ်ခါတစ်ရံသူပြုံးသောအခါ ကျွန်ုပ်တို့သည် သူ၏ ပြုံးသည့် အမူအရာကို မြင်တွေ့ကြသည်။ သူသည် ပုံသဏ္ဌာန်ရှိသည့် ဘုရားသခင်ကိုယ်တိုင်ပင် ဖြစ်သည်၊ အသွေးအသားနှင့် ဖွဲ့စည်းထားသူဖြစ်သည်၊ အမှန်တကယ်ရှိသူ ဖြစ်သည်"ဟု သင် ပြောကောင်း ပြောလိမ့်မည်။ သင်ထိုသို့ သက်သေခံသောအခါ ယင်းသည် မပြည့်စုံသော သက်သေခံချက် ဖြစ်သည်။ ထိုသို့ပြောခြင်းက အခြားသူများအတွက် မည်သည့် အထောက်အကူဖြစ်သနည်း။ ဘုရားသခင်ကိုယ်တိုင် လုပ်သည့် အမှု၏ အတွင်းပိုင်း ဇာတ်ကြောင်းနှင့် အနှစ်သာရကို သင်သက်သေမခံ နိုင်လျှင် ယင်းကို သက်သေခံနေခြင်းဟု မခေါ်ပေ။

ဘုရားသခင်အတွက် သက်သေခံသောအခါ၌ အဓိကအားဖြင့် ဘုရားသခင်၏ အမှုအကြောင်း၊ ဘုရားသခင်က လူတို့ကို မည်သို့ သိမ်းပိုက်ကြောင်း၊ သူက လူတို့ကို မည်သို့ ကယ်တင်ကြောင်း၊ သူက လူတို့ကို မည်သို့ ပြောင်းလဲကြောင်းနှင့် သမ္မာတရား၏ စစ်မှန်မှုအတွင်း လူတို့ ဝင်ရောက်နိုင်အောင် မည်သို့ လမ်းပြပြီး လူတို့အား သိမ်းပိုက်ခြင်းခံရသည့် အခွင့်၊ စုံလင်အောင် ပြုလုပ်ခြင်း ခံရသည့်အခွင့်နှင့် သူ့အားဖြင့် ကယ်တင်ခြင်းခံရသည့် အခွင့်တို့အား ပေးကြောင်းကို သင်သိသလောက် ပြောဖို့လိုသည်။ သက်သေခံခြင်းဆိုသည်မှာ သူ၏ အမှုအကြောင်းနှင့် သင်တွေ့ကြုံခဲ့သည့် အရာများအားလုံးအကြောင်း ပြောခြင်း ဖြစ်သည်။ သူ၏ အမှုကသာ သူ့ကို ကိုယ်စားပြုနိုင်သည်၊ သူ၏ အလုပ်ကသာ သူ့၏အလုံးစုံကို လူသိထင်ရှား ဖော်ပြနိုင်သည်။ သူ၏ အမှုသည် သူ့အတွက် သက်သေခံသည့် အရာဖြစ်သည်။ သူ၏အမှုနှင့် မြွက်ဆိုချက်များသည် ဝိညာဉ်တော်ကို တိုက်ရိုက်ကိုယ်စားပြုသည်၊ သူလုပ်သည့် အလုပ်ကို ဝိညာဉ်တော်က ဆောင်ရွက်ခြင်းဖြစ်သည်။ သူပြောသည့် နှုတ်ကပတ်တော်များကိုလည်း ဝိညာဉ်တော်က ပြောခြင်း ဖြစ်သည်။ ဤအရာများသည် လူဇာတိခံထားသော ဘုရားသခင်အားဖြင့်သာ ဖော်ပြသော အရာများဖြစ်သည်။ အမှန်တကယ်တွင် ထိုအရာများသည် ဝိညာဉ်တော်၏ ဖော်ပြချက်ဖြစ်သည်။ သူပြုသည့်အမှုနှင့် သူပြောသည့် နှုတ်ကပတ်တော်များသည် သူ၏ အနှစ်သာရကို ကိုယ်စားပြုသည်။ ကိုယ်တိုင် လူဇာတိခံပြီး လူတို့အကြား၌ လာပြီးနောက်ပိုင်းတွင် ဘုရားသခင်က စကားလည်း မပြော၊ အလုပ်လည်း မလုပ်ဘဲ သူ၏ အစစ်အမှန်ဖြစ်ခြင်း၊ သူ၏ သာမန်ဖြစ်မှုနှင့် အတိုင်းအဆမရှိ တန်ခိုးကြီးမှုကို သိအောင်လုပ်ဖို့ သင်တို့အား ပြောလျှင် သင်လုပ်နိုင်မည်လော။ ဝိညာဉ်တော်၏ အနှစ်သာရသည် မည်သို့ဖြစ်ကြောင်းကို သင်သိနိုင်မည်လော။ သူ့ဇာတိ၏ ပင်ကိုအရည်အသွေးများ သည် မည်သို့ဖြစ်ကြောင်းကို သင်သိနိုင်မည်လော။ သူ့ အမှု၏ အဆင့်တစ်ခုစီတိုင်းကို သင်တို့ တွေ့ကြုံခဲ့သောကြောင့်သာ သင်တို့အား သူ့အတွက် သက်သေခံပေးရန် သူတောင်းဆိုခြင်းဖြစ်ပြီး သင်တို့ ထိုသို့ မတွေ့ကြုံခဲ့လျှင် သူက သင်တို့အား ထိုသို့ပြုရန် တောင်းဆိုမည် မဟုတ်ပေ။ ထို့ကြောင့် ဘုရားသခင်အတွက် သင်သက်သေခံသောအခါ သူ၏ ပုံမှန်လူ့သဘာဝ အပြင်ပန်းသဏ္ဍာန်အတွက်သာ သက်သေခံနေခြင်း မဟုတ်ဘဲ၊ သူလုပ်သည့် အလုပ်အတွက်နှင့် သူပြသည့်နည်းလမ်းအတွက်လည်း သက်သေခံနေခြင်း ဖြစ်သည်၊ ယင်းသည် သင့်ကို သူက မည်သို့ သိမ်းပိုက်ခဲ့ကြောင်းနှင့် မည်သည့် ကဏ္ဍများ၌ သင့်ကို စုံလင်အောင် ပြုလုပ်ပေးခဲ့ကြောင်းတို့ကို သက်သေခံဖို့အတွက် ဖြစ်သည်။ ထိုသို့ သက်သေခံခြင်းသည် သင်ပြုသင့်သည် သက်သေခံခြင်းမျိုး ဖြစ်သည်။ သင် မည်သည့် နေရာသွားသွား၊ "ကျွန်ုပ်တို့၏ ဘုရားသခင်သည် အမှုပြုရန် ရောက်လာပြီး သူ၏အမှုတော်သည် အမှန်တကယ် လက်တွေ့ကျသူ ဖြစ်သည်။ မည်သည့် သဘာဝလွန်ဖြစ်ရပ် သို့မဟုတ် နိမိတ်လက္ခဏာများနှင့် အံ့သြဖွယ်ရာများကို မသုံးဘဲ ကိုယ်တော်က ကျွန်ုပ်တို့ကို ရယူခဲ့ပေပြီ" ဟု ဟစ်အော်ပါက အခြားသူများက "ကိုယ်တော်က နိမိတ်လက္ခဏာများ၊ အံ့သြဖွယ်ရာများ မပြဆိုသည်မှာ မည်သည့်အရာကို ဆိုလိုပါသနည်း။ နိမိတ်လက္ခဏာများ၊ အံ့သြဖွယ်ရာများ မပြဘဲ ကိုယ်တော်က သင့်ကို သိမ်းပိုက်နိုင်သလော"ဟု မေးလိမ့်မည်။ ထိုအခါ သင်က "ကိုယ်တော်ပြုသော အမှုက ငါ့ကို စကားပြောခြင်း ဖြစ်၏။ မည်သည့် နိမိတ်လက္ခဏာနှင့် အံ့သြဖွယ်ရာကိုမှ မပြဘဲ သူသည် ကျွန်ုပ်တို့ကို သိမ်းပိုက်ခဲ့သည်၊ သူလုပ်သည့် အမှုက ကျွန်ုပ်တို့ကို သိမ်းပိုက်ခဲ့ခြင်း ဖြစ်သည်"ဟု ပြောနိုင်သည်။ အဆုံး၌ အရေးပါသည့်အရာ တစ်ခုမျှ သင်မပြောနိုင်လျှင်၊ တိတိကျကျ ဘာမျှ သင်မပြောနိုင်လျှင် ထိုအရာသည် သက်သေခံနေခြင်းလော။ လူ့ဇာတိခံဘုရားက လူတို့ကို သိမ်းပိုက်သောအခါ သူ၏ ဘုရားသဘာဝရှိသော နှုတ်ကပတ်တော်များက လူတို့ကို သိမ်းပိုက်ခြင်း ဖြစ်သည်။ လူ့သဘာဝက ထိုသို့ မလုပ်နိုင်ပေ။ ထိုအမှုသည် သေမျိုးဖြစ်သည့် သာမန်လူတစ်ဦး လုပ်နိုင်သည့်အမှု မဟုတ်ပေ။ သာမန်လူတို့ အကြားရှိ အစွမ်းအရှိဆုံးသူများပင် ထိုအမှုကို မလုပ်နိုင်ပေ။ အကြောင်းမှာ သူ၏ ဘုရားသဘာဝသည် ဖန်ဆင်းခံသတ္တဝါများထက် သာ၍မြင့်မားသောကြောင့် ဖြစ်သည်။ လူတို့အတွက် ထိုအမှုသည် ထူးကဲသည့် အမှုဖြစ်သည်။ အခြေခံအားဖြင့် ဖန်ဆင်းရှင်သည် မည်သည့် ဖန်ဆင်းခံသတ္တဝါထက်မဆို သာ၍မြင့်မားပေသည်။ ဖန်ဆင်းခံသတ္တဝါများသည် ဖန်ဆင်းရှင်ထက်ပိုပြီး မမြင့်မားနိုင်ပေ၊ သင်သည် သူ့ထက်မြင့်မားလျှင် သူက သင့်ကို သိမ်းပိုက်နိုင်မည် မဟုတ်ပေ။ သူက သင့်ထက် မြင့်မားသောကြောင့်သာ သင့်ကို သိမ်းပိုက်နိုင်ခြင်းဖြစ်သည်။ လူသားမျိုးနွယ် တစ်ခုလုံးကို သိမ်းပိုက်နိုင်သောသူသည် ဖန်ဆင်းရှင်ဖြစ်သည်။ သို့သော် သူ့အတွက် အခြားမည်သူကမျှ ဤအမှုကို မပြုနိုင်ပေ။ ဤသည်မှာ သက်သေခံခြင်း ဖြစ်သည်။ သင်ပြုသင့်သည့် သက်သေခံမှုမျိုး ဖြစ်သည်။ ပြစ်တင်ဆုံးမခြင်း၊ တရားစီရင်ခြင်း၊ စစ်ဆေးခြင်း၊ စမ်းသပ်ခြင်း၊ အခက်အခဲများနှင့် ဆင်းရဲဒုက္ခများနှင့် ဆိုင်သော အဆင့်တစ်ခုစီကို သင်တွေ့ကြုံခဲ့ပြီးဖြစ်ပြီး သိမ်းပိုက်ခြင်းကိုလည်း သင်ခံခဲ့ပြီးဖြစ် သည်၊ ဇာတိပကတိနှင့်ဆိုင်သော မျှော်လင့်ချက်များ၊ သင်၏ စိတ်ကို လှုံ့ဆော်သောအရာများနှင့် ဇာတိပကတိနှင့်ဆိုင်သော သင်၏ စိတ်ဝင်စားမှုများ ကိုလည်း သင်ဘေးဖယ်ထားပြီး ဖြစ်သည်။ တနည်းအားဖြင့် လူအားလုံး၏ နှလုံးသားကို ဘုရားသခင်၏ နှုတ်ကပတ်တော်များက လုံး၀သိမ်းပိုက်ထားပြီး ဖြစ်သည်။ သူတောင်းဆိုသလောက် သင်၏အသက်တာ မကြီးထွားသေးသော်လည်း သင်သည် ဤအရာများ အားလုံးကို သိသည်။ သူလုပ်သည့် အရာကြောင့် အပြည့်အဝ ယုံကြည်သည်။ ဤသည်မှာ သက်သေခံခြင်းပင် ဖြစ်သည်။ ဤသက်သေခံမှုသည် စစ်မှန်သည်။ လုပ်ဆောင်ရန် ဘုရားသခင်လာခဲ့သည့် အမှုဖြစ်သော တရားစီရင်မှုနှင့် ပြစ်တင်ဆုံးမမှုတို့သည် လူကို သိမ်းပိုက်ရန်အတွက် ဖြစ်သည်။ သို့သော် သူသည် သူ၏အလုပ်ကိုလည်း အဆုံးသတ်သလို ခေတ်တစ်ခေတ်ကိုလည်း အဆုံးသတ်ပြီး သူ့အမှု၏ နောက်ဆုံးအပိုင်းကိုလည်း လုပ်ဆောင်သည်။ ခေတ်တစ်ခေတ်လုံးကို သူက အဆုံးသတ်သည်။ လူသားအားလုံးကိုလည်း ကယ်တင်ပြီး လူသားများကို အပြစ်မှ အပြည့်အဝ ကယ်လွှတ်ကာ သူဖန်ဆင်းခဲ့သည့် လူသားများကို ပြည့်ပြည့်စုံစုံ ရယူခဲ့သည်။ ဤအရာများအားလုံးသည် သင်သက်သေခံသင့်သည်များ ဖြစ်သည်။ ဘုရားသခင်၏ အမှု မြောက်များစွာကို သင်တွေ့ကြုံခဲ့ပြီးဖြစ်သည်၊ မျက်စိဖြင့် ကိုယ်တိုင်မြင်ခဲ့ပြီးဖြစ်သည်၊ ကိုယ်တိုင် ကိုယ်ကျကြုံခဲ့ပြီးဖြစ်သည်၊ ထို့ကြောင့် အဆုံးသို့ရောက်ပြီး သင်လုပ်သင့်သည့် အလုပ်ကိုပင် မလုပ်နိုင်ခြင်း မဖြစ်လေနှင့်။ ယင်းမှာ အလွန်သနားစဖွယ်ကောင်းလိမ့်မည်။ အနာဂတ်တွင် ဧဝံဂေလိတရား ပျံ့နှံ့သောအခါ၌ သင်ကိုယ်တိုင်သိသည့် အရာအကြောင်း သင်ပြောနိုင်သင့်သည်၊ သင်၏နှလုံးသားထဲ၌ ရရှိခဲ့သည့် အရာအားလုံးအတွက် သက်သေခံနိုင်သင့်သည်၊ အစွမ်းကုန် ကြိုးစားသင့်သည်။ ဤသည်မှာ ဖန်ဆင်းခံသတ္တဝါတစ်ဦး ကြိုးစားလုပ်ဆောင်သင့်သည့်အရာ ဖြစ်သည်။ ဘုရားသခင့် အမှု၏ ဤအဆင့်၏ စစ်မှန်သော အဓိပ္ပာယ်မှာ အဘယ်နည်း။ ဤအမှုအဆင့်၏ အကျိုးဆက်ကား အဘယ်နည်း။ ယင်း၏ပမာဏမည်မျှကို လူ၌ လုပ်ဆောင်ခဲ့သနည်း။ လူတို့ မည်သည့်အရာကို လုပ်ဆောင်သင့်သနည်း။ လူဇာတိခံယူထားသော ဘုရားသခင် လောကသို့ ရောက်လာပြီးကတည်းက လုပ်ဆောင်ခဲ့သည့် အမှုများအားလုံး အကြောင်းကို သင်တို့ရှင်းရှင်း ပြောပြနိုင်သောအခါ သင်တို့၏ သက်သေခံမှုသည် ပြည့်စုံလိမ့်မည်။ သူ့အမှု၏ အရေးပါမှု၊ ပါဝင်သည့် အရာများ၊ အနှစ်သာရ၊ ထိုအရာအားဖြင့် ဖော်ပြသည့် သူ၏ စိတ်သဘောထားနှင့် သူ့အမှု၏ အခြေခံသဘောတရားများဟူသည့် အကြောင်းအရာငါးမျိုးကို သင်ရှင်းလင်းစွာ ပြောပြနိုင်သောအခါ၊ ဤအရာက သင်သည် ဘုရားသခင်အတွက် သက်သေခံနိုင် ကြောင်းနှင့် သင့်မှာ အမှန်တကယ် အသိပညာရှိကြောင်းကို သက်သေပြလိမ့်မည်။ သင်တို့ထံမှ ငါတောင်းဆိုသောအရာသည် သိပ်မမြင့်မားဘဲ အမှန်တကယ် လေ့လာလိုက်စားသူများအားလုံး လုပ်ဆောင်နိုင်သည့်အရာ ဖြစ်သည်။ ဘုရားသခင်အတွက် သက်သေခံသူများထဲမှ တစ်ဦးဖြစ်လာဖို့ သင်စိတ်ပိုင်းဖြတ်ထား လျှင် ဘုရားသခင် မည်သည့်အရာကို စက်ဆုပ်ရွံရှာကြောင်းနှင့် မည်သည့်အရာကို ချစ်မြတ်နိုးကြောင်း သင်နားလည်ရမည်။ သူ၏ အမှုများစွာကို သင်တွေ့ကြုံခဲ့ပြီး ဖြစ်သည်။ သူ၏ အမှုအားဖြင့် သူ၏ စိတ်သဘောထား၊ သူ၏အလိုနှင့် လူသားမျိုးနွယ်အပေါ် သူသတ်မှတ်ထားသည့် အရာများကိုလည်း နားလည်ပြီး သူ၏ အမှုကို အသုံးပြုပြီး သူ့အတွက် သက်သေခံကာ သင်၏တာဝန်ကို ထမ်းဆောင်ရမည်။ "ကျွန်ုပ်တို့ ဘုရားသခင်ကို သိသည်၊ ကိုယ်တော်၏ တရားစီရင်မှုနှင့် ပြစ်တင်ဆုံးမ မှုက အလွန်ပြင်းထန်သည်။ သူ၏ နှုတ်ကပတ်တော်တွေက အလွန်ပြင်းထန်သည်၊ ဖြောင့်မတ်ကာ ထူးကဲ၏၊ မည်သည့်လူသားကမျှ မချိုးဖောက် အပ်သော နှုတ်ကပတ်တော်များဖြစ်သည်"ဟုသာ သင်ပြောနိုင်သည်။ သို့သော် အဆုံး၌ ထိုနှုတ်ကပတ်တော်များသည် လူသားကို အထောက်အပံ့ ပေးသလော။ ထိုနှုတ်ကပတ်တော်များသည် လူတို့၌ မည်သို့သော အကျိုးဆက်များကို ဖြစ်စေသနည်း။ တရားစီရင်ခြင်းနှင့် ပြစ်တင်ဆုံးမခြင်းသည် ကောင်းသောအမှု ဖြစ်ကြောင်းကို သင်အမှန်တကယ် သိသလော။ ဘုရားသခင်၏ တရားစီရင်မှုနှင့် ပြစ်တင်ဆုံးမမှုသည် သင်၏ စိတ်သဘောထားကို ဖော်ပြနိုင်စွမ်းရှိပါသလော။ ၎င်းတို့က သင်၏မနာခံမှုကို ဖော်ပြနိုင်စွမ်းရှိပါသလား။ သင်၏အထဲ၌ ရှိသောအရာများကို ဖယ်ရှားနိုင်စွမ်းရှိပါသလား။ တရားစီရင်ခြင်းနှင့် ပြစ်တင် ဆုံးမခြင်း မရှိလျှင် သင်မည်သို့ ဖြစ်မည်နည်း။ စာတန်က သင့်အား မည်မျှ ဖောက်ပြန်ပျက်ဆီးအောင်လုပ်ထားသည်ကို သင်အမှန်တကယ် သိသလော။ ဤအရာများအားလုံးသည် ယနေ့ သင်တို့ကိုယ်သင်တို့ ပြင်ဆင်သင့်သည့်အရာများ၊ ယနေ့ သင်တို့ သိသင့်သည့် အရာများ ဖြစ်သည်။

ယနေ့ ဘုရားသခင်၌ယုံကြည်ခြင်းသည် သင်တို့၏စိတ်ကူးထဲ၌ရှိသော ယုံကြည်ခြင်းမျိုး မဟုတ်ပေ။ ဆိုလိုသည်မှာ ဘုရားသခင်၏ နှုတ်ကပတ်တော်များကို ဖတ်ရှုရုံဖတ်ရှုဖို့၊ ဆုတောင်းဖို့၊ သီချင်းဆိုဖို့၊ ကဖို့၊ သင်တို့၏တာ၀န်ကို ထမ်းဆောင်ဖို့နှင့် လျော်ကန်သောလူ့သဘာဝရှိသည့် အသက်တာဖြင့် အသက်ရှင်ဖို့ သာလိုသည့် ယုံကြည်ခြင်းမျိုးမဟုတ်ပေ။ ထိုမျှရိုးရှင်းနိုင်ပါသလား။ အဓိကကျသည့် အရာမှာ ရလဒ်ဖြစ်သည်။ သင်မည်မျှလုပ်ခဲ့ကြောင်း မဟုတ်။ အကောင်းဆုံး ရလဒ်ကို အမှန်တကယ်ရအောင် သင်မည်သို့ လုပ်နိုင်သနည်းဟူသည့် အချက်ဖြစ်သည်။ စာအုပ်တစ်အုပ်ကို လက်ထဲ၌ ကိုင်ထားစဉ်တွင် အသိပညာအနည်းငယ်အကြောင်းကို သင်ပြောကောင်း ပြောနိုင်ပေလိမ့်မည်၊ သို့သော် စာအုပ်ကို သင့်လက်မှ ချလိုက်သောအခါ သင့်မှာ ပြောစရာမရှိပေ။ ယင်းက သင်သည် နှုတ်ကပတ်တော်များ နှင့် အယူဝါဒများအကြောင်းကိုသာ ပြောနိုင်ပြီး အတွေ့အကြုံနှင့်ပတ်သက်သော အသိပညာ မရှိကြောင်းကို ပြ၏။ ယနေ့ အဓိကအချက်ကိုသင်နားလည်ရမည်။ ဤသည်မှာ စစ်မှန်မှုထဲသို့ ဝင်ရောက်နိုင်ရန်အတွက် အလွန်အရေးကြီးသည့် အစိတ်အပိုင်းတစ်ခု ဖြစ်သည်။ အောက်ပါလေ့ကျင့်ခန်းဖြင့် စလော့၊ ဦးစွာ ဘုရားသခင်၏ နှုတ်ကပတ်တော်များကို ဖတ်လော့၊ ၎င်းတို့ထဲ၌ရှိသော ဝိညာဉ်ရေးရာနှင့်ဆိုင်သော အခေါ်အဝေါ်များကို နားလည်အောင် လုပ်လော့၊ အရေးကြီးသော ရူပါရုံများကိုရှာလော့၊ လုပ်တွေ့လုပ်ဆောင်သည့် ကဏ္ဍများကို ဖော်ထုတ်ပြီး၊ ၎င်းတို့ကို တစ်ခုပြီးတစ်ခု တစ်စုတစ်စည်းတည်း ရှိအောင်လုပ်ပြီး သင် ထိုအရာများကို ကြုံစဉ်တွင် ၎င်းတို့ထဲသို့ ဝင်ရောက်လော့။ ဤအရာများသည် သင်နားလည်ရမည့် အဓိက အရာများ ဖြစ်သည်။ ဘုရားသခင်၏ နှုတ်ကပတ်တော်များကို စားသောက်နေစဉ်တွင် အရေးပါဆုံးလက်တွေ့ လုပ်ဆောင်မှု ထဲမှ တစ်ခုမှာ- ဘုရားသခင်၏ နှုတ်ကပတ်တော်များမှ အခန်းတစ်ခန်းကို ဖတ်ပြီးလျှင် ရူပါရုံနှင့်ပတ်သက်သည့် အရေးကြီးသည့် အစိတ်အပိုင်းများကို တွေ့နိုင်စွမ်းရှိခြင်း၊ လက်တွေ့လုပ်ဆောင်မှုနှင့် ပတ်သက်သော အရေးကြီးသည့် အစိတ်အပိုင်းများကို တွေ့နိုင်စွမ်းရှိခြင်း၊ အသက်တာ၌ ရူပါရုံများကို အခြေခံအဖြစ် အသုံးပြုခြင်းနှင့် လက်တွေ့လုပ်ဆောင်မှုကို မိမိအတွက် လမ်းပြသဖွယ် အသုံးပြုခြင်း ဖြစ်သည်။ ဤအရာသည် အားလုံးထဲမှ သင်တို့အလိုအပ်ဆုံးသောအရာ ဖြစ်ပြီး၊ သင်တို့မှာရှိသည့် အကြီးမားဆုံးသော အခက်အခဲလည်း ဖြစ်သည်၊ သင်တို့၏ နှလုံးသားထဲ၌ ထိုအချက်ကို အလေးပေးခဲလှသည်။ သင်တို့အားလုံး ယေဘုယျအားဖြင့် ပျင်းရိခြင်း၊ စိတ်ထက်သန်မှု မရှိခြင်း၊ ပေးဆပ်လိုစိတ် မရှိခြင်း သို့မဟုတ် ဘာမျှမလုပ်ဘဲ စောင့်နေခြင်း အခြေအနေအတွင်း ရှိကြသည်။ တချို့လူများသည် မကျေမနပ်ပင် ပြောဆိုတတ်ကြသည်။ ဘုရားသခင့် အမှု၏ရည်ရွယ်ချက်များနှင့် အရေးပါမှုတို့ကို သူတို့ မသိကြပေ။ သမ္မာတရားကို လေ့လာလိုက်စားဖို့ သူတို့အတွက် ခက်ခဲသည်။ ထိုသို့သောလူများသည် သမ္မာတရားကို အလွန်မုန်းကြသည်။ သူတို့သည် အဆုံး၌ သုတ်သင်ဖယ်ရှားခြင်း ခံရမည့်သူများ ဖြစ်သည်။ သူတို့ထဲတွင် မည်သူ့ကိုမျှ စုံလင်အောင် ပြုလုပ်ပေးဖို့ မဖြစ်နိုင်သလို မည်သူမျှလည်း ကျန်ရှိနိုင်မည် မဟုတ်ပေ။ လူတို့သည် စာတန်၏ စွမ်းအားများကို တွန်းလှန်ရန် နည်းနည်းလေးမျှ စိတ်ပိုင်းဖြတ်ထားခြင်း မရှိလျှင် သူတို့အတွက် မျှော်လင့်ချက် မရှိပေ။

ယခု သင်တို့၏ ကြိုးစားလိုက်လျှောက်မှု ထိရောက်ခြင်း ရှိ၊ မရှိကို လောလောဆယ် သင်တို့ ပိုင်ဆိုင်သည့်အရာတို့အပေါ်၌ အခြေခံပြီး တိုင်းတာသည်။ ယင်းသည် သင်တို့၏ ရလဒ်ကို ဆုံးဖြတ်ဖို့အတွက် အသုံးပြုသည့် အရာဖြစ်သည်၊ ဆိုလိုသည်မှာ သင်တို့ ပေးဆပ်ခဲ့သည့်အရာနှင့် သင်တို့ လုပ်ခဲ့သည့်အရာများအားဖြင့် သင်တို့၏ ရလဒ်ကို ဖော်ပြသည်ဟု ဆိုလိုခြင်းဖြစ်သည်။ သင်တို့၏ ရလဒ်သည် သင်တို့၏ လိုက်လျှောက်မှု၊ သင်တို့၏ ယုံကြည်ခြင်း၊ သင်တို့လုပ်ခဲ့သည့် အရာများအားဖြင့် ဖော်ပြခံရလိမ့်မည်။ သင်တို့အားလုံးအထဲတွင် ကယ်တင်ရန် မဖြစ်နိုင်သူများများစွာ ရှိသည်၊ အဘယ်ကြောင့်ဆိုသော် ယနေ့သည် လူတို့၏ရလဒ်များကို ထုတ်ဖေါ်ပြသည့်အချိန်ဖြစ်ပြီး ငါသည် မိုက်မဲစွာလုပ်မည် မဟုတ်ပေ၊ လုံး၀ ကယ်တင်၍ မရသူများကို နောက်တစ်ခေတ်ထဲသို့ ငါဦးဆောင်မည် မဟုတ်ပေ။ ငါ၏အမှု ပြီးဆုံးသည့်အချိန် ရောက်လိမ့်မည်။ နံဟောင်နေပြီး ကယ်တင်ရန် လုံး၀မဖြစ်နိုင်သည့် ဝိညာဉ်ကင်းမဲ့နေသည့် အသေကောင်များအပေါ် ငါအလုပ် လုပ်မည် မဟုတ်။ ယနေ့သည် လူကို ကယ်တင်ရန် နောက်ဆုံးသော ကာလဖြစ်သည်။ အကျိုးမရှိသည့်အလုပ်ကို ငါလုပ်မည်မဟုတ်။ ကောင်းကင်နှင့် မြေကြီးကို မကြိမ်းမောင်းနှင့်၊ လောက၏ အဆုံးသည် နီးလာပြီဖြစ်ပြီး ယင်းမှာ ရှောင်လွှဲ မရပေ။ အမှုအရာတို့သည် ဤအခြေအနေအထိပင် ရောက်လာပြီဖြစ်ပြီး၊ တားဆီးရန်အတွက် လူတစ်ဦးအနေနှင့် သင်လုပ်နိုင်သည့်အရာ ဘာမျှမရှိ၊ သင့်စိတ်တိုင်းကျ ပြောင်းလဲ၍မရပေ။ မနေ့က သင်သည် သမ္မာတရားနောက်လိုက်ရန် ပေးဆပ်ခဲ့ခြင်း မရှိ၊ သင်သည် သစ္စာလည်း မရှိခဲ့ပေ။ ယနေ့ အချိန်ကျရောက်ပြီဖြစ်သည်။ သင်သည် ကယ်တင်ရန် မဖြစ်နိုင်သူ ဖြစ်ပြီး မနက်ဖြန်တွင် သုတ်သင်ဖယ်ရှားခြင်း ခံရမည်သူ ဖြစ်သည်။ သင်ကယ်တင်ခံရနိုင်ချေ လုံးဝမရှိပေ။ ငါ၏ နှလုံးသားသည် နူးညံ့ပြီး၊ သင့်ကို ကယ်တင်ရန် ငါအကောင်းဆုံး လုပ်ဆောင်ခဲ့သော်လည်း၊ သင်ကိုယ်တိုင် အပြင်းအထန်မကြိုးစားလျှင် သို့မဟုတ် သင်ကိုယ်တိုင်အတွက် မစဉ်းစား၊ မဆင်ခြင်လျှင် ငါနှင့် အဘယ်သို့ ဆိုင်သနည်း။ မိမိတို့၏ ဇာတိပကတိကိုသာ နှစ်သက်ပြီး သက်သောင့်သက်သာ နေရသည်ကို နှစ်သက်သူများ၊ မပြတ်သားသော ယုံကြည်ခြင်း ရှိသူများ၊ အောက်လမ်းဆေးနှင့် မှော်အတတ်ကို ကျင့်သူများ၊ လက်လွှတ်စပယ်နေတတ်ပြီး မသပ်မရပ် စုတ်စုတ်ပြတ်ပြတ်နေကြသူများ၊ ယေဟောဝါကို ပူဇော်ထားသည့်အရာများနှင့် သူ၏ ပိုင်ဆိုင်မှုများကို ခိုးယူကြသူများ၊ တန်စိုးလက်ဆောင်ကို နှစ်သက်သူများ၊ ကောင်းကင်နိုင်ငံသို့သွားရန် အကြောင်းမဲ့သက်သက် အိမ်မက်မက်ကြသူများ၊ မာနထောင်လွှားပြီး စိတ်ကြီးဝင်ကာ ကိုယ်နာမည်ကြီးဖို့၊ ကိုယ်ချမ်းသာဖို့သာ ကြိုးစားကြသူများ၊ ရိုင်းသောစကားများကို ပျံ့အောင်လုပ်သူများ၊ ဘုရားသခင် ကိုယ် တော်တိုင်ကို စော်ကားပြောဆိုကြသူများ၊ မည်သည့်အလုပ်မျှ မလုပ်ဘဲ ဘုရားသခင်ကိုယ်တော်တိုင်အား ဆန့်ကျင်ဝေဖန်မှုလုပ်ပြီး အသရေဖျက်သူများ၊ အခြားသူများနှင့် အုပ်စုဖွဲ့ပြီး သီးခြားအဖွဲ့ဖွဲ့ရန် ကြိုးစားသူများ၊ ကိုယ့်ကိုယ်ကို ဘုရားသခင်ထက် ပိုပြီး ချီးမြှောက်သူများ၊ ဘာကိုမျှ အလေးအနက်မထားဘဲ အသက်ရှင်နေသည့် ငယ်ရွယ်သော အမျိုးသားများနှင့် အမျိုးသမီးများ၊ လိင်ကိစ္စများတွင် ကိုယ်ကျင့်သိက္ခာ ကင်းမဲ့မှုကိုခံနေရသော လူလတ်ပိုင်းနှင့် အသက်ကြီးသော အမျိုးသားများနှင့် အမျိုးသမီးများ၊ မိမိ၏နာမည်ကြီးမှုနှင့် ကြွယ်ဝချမ်းသာမှု၌ မွေ့လျော်ကာ အခြားသူများအကြား၌ ကိုယ်ပိုင်အဆင့်အတန်းကို ရှာဖွေကြ သူများ၊ အပြစ်နွံထဲ၌ရှိပြီး နောင်တ မရကြသူများ အစရှိသည့် သူများအားလုံးသည် ကယ်တင်ရန် မဖြစ်နိုင်သူများဖြစ်သည် မဟုတ်လော။ လိင်မှုကိစ္စတွင် ကိုယ်ကျင့်သိက္ခာကင်းမဲ့ခြင်း၊ အပြစ်လွန်ကျူးခြင်း၊ အောက်လမ်းဆေးများကို အသုံးပြုခြင်း၊ မှော်တတ်ကို ကျင့်ခြင်း၊ ရိုသေလေးမြတ်မှုမရှိသော၊ ရိုင်းစိုင်းသော စကားများ ပြောဆိုခြင်း စသည့် အရာများအားလုံးသည် သင်တို့အကြား၌ အထိမ်းအကွပ်မရှိ ဖြစ်နေကြပြီး သမ္မာတရားနှင့် အသက်ကိုပေးသည့် နှုတ်ကပတ်တော်များက သင်တို့အကြား နင်းချေခံကြရသည်၊ သန့်ရှင်းသောဘာသာစကားကို သင်တို့အလယ် ညစ်ညမ်းစေ ကြ၏။ တပါးအမျိုးသားဖြစ်သော သင်တို့၌ ညစ်ညမ်းမှု၊ မနာခံမှုလွန်ကဲနေသည် တကား။ အဆုံး၌ သင်တို့ မည်သည့်နေရာသို့ ရောက်ကြမည်နည်း။ ဇာတိပကတိကို ချစ်မြတ်နိုးကြသူများ၊ ဇာတိပကတိ၏ မကောင်းမှုများကို လွန်ကျူးသူများ၊ လိင်မှုကိစ္စတွင် ကိုယ်ကျင့်သိက္ခာကင်းမဲ့ခြင်းထဲ မိနေသောသူများသည် အဘယ်ကြောင့် ဆက်လက်အသက်ရှင်ရဲကြသနည်း။ သင်တို့ကဲ့သို့သောလူများသည် ကယ်တင်ရန် မဖြစ်နိုင်သည့် လောက်ကောင်များဖြစ်သည်ကို သင် မသိကြသလော။ ဤအရာ၊ ထိုအရာ တောင်းဆိုဖို့ရန် သင်တို့၌ မည်သည့် အရည်အချင်းများ ရှိသနည်း။ သမ္မာတရားကို ချစ်မြတ်နိုးခြင်းမရှိဘဲ ဇာတိပကတိကိုသာ ချစ်မြတ်နိုးကြသူများ၏ အတွင်း၌ ယနေ့တိုင် ပြောင်းလဲမှုအနည်းငယ်မျှပင် မရှိချေ။ သို့ဖြစ်၍ ထိုကဲ့သို့သောသူများကို မည်သို့ကယ်တင်၍ ရမည်နည်း။ ယနေ့ထိတိုင် အသက်လမ်းကို ချစ်မြတ်နိုးခြင်း မရှိသူများ၊ ဘုရားသခင်ကို မချီးမြောက်သူများ၊ ကိုယ်တော့်အတွက် သက်သေခံခြင်း မပြုသူများ၊ မိမိတို့ ဂုဏ်အဆင့်အတန်း ရရှိဖို့အတွက် လျှို့ဝှက်ကြံစည်ကြသူများနှင့် ကိုယ့်ကိုယ်ကို ချီးမွမ်းကြသူများသည် ပြောင်းလဲခြင်းမရှိ၊ အရင်လိုပင် ဖြစ်သည် မဟုတ်လော။ သူတို့ကို ကယ်တင်ရာ၌ မည်သည့် တန်ဖိုးရှိသနည်း။ သင့်ကို ကယ်တင်၍ရနိုင်၊ မရနိုင်ဟူသည့် အချက်သည် သင့်မှာ အရည်အချင်း မည်မျှရှိသနည်း သို့မဟုတ် သင်အလုပ်လုပ်သည်မှာ နှစ်ပေါင်းမည်မျှ ကြာပြီးဖြစ်သနည်း ဟူသည့် အချက်အပေါ်၌ မမူတည်ပေ၊ သင်မည်သူမည်ဝါဖြစ်ကြောင်း အထောက်အထားများ အပေါ်၌ သာ၍ပင် မမူတည်ပေ။ သင်၏ လိုက်လျှောက်မှုသည် အသီးအပွင့်ဖြစ်၊ မဖြစ် ဟူသည့် အချက်အပေါ်၌ မူတည်သည်။ ကယ်တင်ခြင်းခံရသူများသည် အသီးသီးသည့် သစ်ပင်များဖြစ်ကြောင်း၊ အရွက်အမြောက်အများနှင့် အပွင့်များ အများအပြားရှိသော်လည်း အသီးမပေးသည့် သစ်ပင်များမဟုတ်ကြောင်းကို သင်သိသင့်သည်။ လမ်းပေါ်၌ နှစ်ပေါင်းများစွာ သင်အချိန်ကုန်ခဲ့လျှင်ပင် မည်သည့်အကျိုးရှိသနည်း။ သင်၏ သက်သေခံချက်ကား အဘယ်မှာနည်း။ ဘုရားသခင်အား သင်ကြောက်ရွံ့ခြင်းသည် သင့်ကိုယ်သင် ချစ်သော အချစ်နှင့် ရာဂစိတ်ပြင်းထန်သော သင်၏ဆန္ဒနှင့် ယှဉ်လျှင် အလွန်ပင်နည်းသည်။ ထိုကဲ့သို့သောသူသည် ကိုယ်ကျင့်တရားပျက်သူတစ်ဦး မဟုတ်လော။ ထိုသူတို့သည် ကယ်တင်ခြင်းအတွက် စံနမူနာ အဘယ်သို့ ဖြစ်နိုင်မည်နည်း။ သင်၏ သဘာဝသည် ပြောင်းလဲ၍ မရ၊ သင်သည် အလွန်ပုန်ကန်တတ်ပြီး သင့်ကို ကယ်တင်ရန် မဖြစ်နိုင်ပေ။ ထိုလူအမျိုးအစားသည် သုတ်သင်ဖယ်ရှားခြင်း ခံရမည့်အမျိုးအစား မဟုတ်လော။ ငါ၏အမှုပြီးသည့်အချိန်သည် သင့်အတွက် နောက်ဆုံးသောကာလ ဆိုက်ရောက်မည့် အချိန်မဟုတ်လော။ သင်တို့အကြားတွင် ငါအလုပ်များစွာ လုပ်ခဲ့ပြီး နှုတ်ကပတ်တော်များစွာ ပြောဆိုခဲ့၏။ သင်တို့နားထဲသို့ မည်မျှ ရောက်သနည်း။ ငါပြောခဲ့သည့် နှုတ်ကပတ်တော်များထဲမှ မည်မျှကို သင်တို့ နာခံခဲ့ကြသနည်း။ ငါ၏အမှု အဆုံးသတ်သည့်အချိန်သည် သင်ငါ့ကို ဆန့်ကျင်မှု ရပ်သည့်အချိန်သည် ငါ့ကို ဖီဆန်မှု ရပ်သည့်အချိန်လည်း ဖြစ်မည်။ ငါအမှုပြုနေစဉ်ကာလအတွင်း သင်တို့ငါ့ကို အမြဲဆန့်ကျင်သည်၊ ငါ၏ နှုတ်ကပတ်တော်များကို မည်သည့်အခါမျှ သင်တို့ မလိုက်နာကြ။ ငါက ငါ့အမှုကို ပြုပြီး သင်က သင့်ကိုယ်ပိုင်အလုပ်ကိုလုပ်သည်၊ ကိုယ်ပိုင်နိုင်ငံဖန်တီးသည်။ အသင် မြေခွေးနှင့် ခွေးအုပ်များ၊ သင်တို့ လုပ်သမျှသည် ငါ့ကို ဆန့်ကျင်သည့်အရာများ ဖြစ်သည်။ သင်တို့ကိုသာ ချစ်သည့်သူများကို ထွေးပွေ့ထားရန် သင်တို့ အမြဲကြိုးစားနေကြသည်။ သင်တို့၏ ကြောက်ရွံ့မှုသည် အဘယ်မှာ ရှိသနည်း။ သင်တို့ လုပ်သမျှသည် မရိုးသားပေ။ သင်တို့၌ နာခံခြင်းသော်လည်းကောင်း ရိုသေခြင်းသော်လည်းကောင်း မရှိ၊ သင်တို့ လုပ်သမျှသည် မရိုးသားသလိုပြစ်မှားစော်ကားမူများ ဖြစ်သည်။ ယင်းကဲ့သို့သော သူများသည် ကယ်တင်ခြင်းခံရနိုင်ပါမည်လော။ လိင်ကိစ္စ၌ စောင့်စည်းမှု မရှိသော၊ ကာမရာဂစိတ်ပြင်းပြသော ယောက်ျားများသည် ၄င်းတို့၏ ကိုယ်ပိုင်ပျော်ရွှင်မှုအတွက် ကလက်တက်တက် ပြည့်တန်ဆာများကို အမြဲ ဆွဲခေါ်လိုကြသည်။ ထိုသို့ လိင်ကိစ္စ၌ စောင့်စည်းမှုမရှိသော မိစ္ဆာများကို ငါ လုံး၀ ကယ်တင်မည်မဟုတ်။ ညစ်ညမ်းသော မိစ္ဆာများဖြစ်သည့် သင်တို့ကို ငါမုန်းတီးသည်။ သင်တို့၏ ကာမရာဂစိတ်ပြင်းပြမှုနှင့် ကလက်တက်တက်ပြုမူမှုတို့သည် သင်တို့အား ငရဲသို့ ထိုးဆင်းသွားစေမည်ဖြစ်သည်။ သင်တို့ကိုယ်တိုင်အတွက် သင်တို့၌ ပြောစရာ မည်သည့်အရာရှိသနည်း။ ညစ်ညမ်းသော နတ်ဆိုးများဖြစ်သော၊ ဝိညာဉ်ဆိုးများ ဖြစ်သော သင်တို့သည် အလွန်ပင် စက်ဆုပ်ဖွယ် ကောင်းကြသည်။ သင်တို့သည် ရွံရှာဖွယ်ဖြစ်သည်။ ထိုကဲ့သို့သော အမိုက်သရိုက်သည် မည်သို့ ကယ်တင်ခြင်း ခံရပါမည်နည်း။ အပြစ်တရား၏ ချုပ်နှောင်ခြင်းကို ခံနေရသူများသည် ကယ်တင်ခြင်း ခံရနိုင်ပါသလော။ ယနေ့ ဤသမ္မာတရား၊ ဤလမ်းနှင့် ဤဘဝသည် သင်တို့အတွက် ဆွဲဆောင်မှုမရှိပေ။ အပြစ်လွန်ကျူးခြင်း၊ ငွေကြေး၊ အဆင့်အတန်း၊ ကျော်ကြားမှု၊ ဥစ္စာတိုးပွားမှု၊ ဇာတိပကတိ၏ ပျော်ရွှင်မှုများ၊ အမျိုးသားများ၏ ခန့်ညားမှုနှင့် အမျိုးသမီးများ၏ ကလက်တက်တက် အပြုအမူများသည်သာ သင်တို့အတွက် ဆွဲဆောင်မှုရှိသော အရာများဖြစ်သည်။ ငါ၏ နိုင်ငံတော်သို့ ဝင်ရန် သင်တို့၌ မည်သို့သော အရည်အချင်းများ ရှိသနည်း။ သင်တို့၏ ဂုဏ်သိက္ခာအကြောင်း မဆိုနှင့် သင်တို့၏ ပုံသဏ္ဌာန်သည် ဘုရားသခင်၏ပုံသဏ္ဌာန်ထက်ပင် ပိုမိုကြီးမြတ်နေပြီး သင်တို့၏ အဆင့်အတန်းသည် ဘုရားသခင်၏အဆင့်အတန်းထက် မြင့်ကာ သင်တို့သည် လူများ ကိုးကွယ်သည့် ဆင်းတုသဖွယ် ဖြစ်လာနေသည်။ သင်သည် ကောင်းကင်တမန်မင်းဖြစ်နေပြီ မဟုတ်လော။ လူတို့၏ ရလဒ်များကို ထုတ်ဖေါ်ပြသောအခါ၌ တနည်းအားဖြင့် ကယ်တင်ခြင်းအမှု ပြီးဆုံးခါနီးအချိန်၌ သင်တို့အနက်မှ လူအများအပြားသည် ကယ်တင်ရန် မဖြစ်နိုင်သည့် အသေကောင်များ ဖြစ်လိမ့်မည် ဖြစ်ပြီး သုတ်သင်ဖယ်ရှားခံရမည်။ ကယ်တင်ခြင်းအမှုကို လုပ်ဆောင်နေသည့် ကာလအတွင်း ငါသည် လူအားလုံးအပေါ်၌ ကြင်နာကာ ကောင်းမြတ်သည်။ အမှု ပြီးဆုံးသည့်အခါ ကွဲပြားသောလူအမျိုးမျိုး၏ ရလဒ်များ ဖော်ထုတ်ပြခြင်းခံရပြီး၊ ထိုအချိန်၌ လူတို့၏ ရလဒ်များကို ထုတ်ဖေါ်ပြပြီး ဖြစ်မည် ဖြစ်သည့်အတွက် ငါသည် ကြင်နာ၊ ကောင်းမြတ်တော့မည် မဟုတ်ပေ၊ အယောက်စီတိုင်းကို ၎င်းတို့၏ အမျိုးအစားအလိုက် ခွဲထားပြီး ဖြစ်နေလိမ့်မည်၊ ကယ်တင်ခြင်းအမှုကို ပြုခြင်းသည် အဓိပ္ပါယ်ရှိမည် မဟုတ်တော့ပေ။ အဘယ်ကြောင့်ဆိုသော် ထိုအချိန်၌ ကယ်တင်ခြင်းခေတ် ကုန်လွန်ပြီး ဖြစ်မည် ဖြစ်သည်။ ယင်းသည် ကုန်လွန်ပြီး ဖြစ်သည့်အတွက် ပြန်ရောက်လာမည် မဟုတ်ပေ။

အောက်ခြေမှတ်စုများ-

က။ မူရင်းစာသား၌ "ကိုယ်ကျင့်တရားပျက်သည့်"ဟူသည့် စကားလုံး မပါပေ။

ယခင်က:သိမ်းပိုက်ခြင်းအလုပ်၏ အတွင်းသမ္မာတရား (၄)

နောက်တစ်ခုသို့:အဖြည့်ခံဖြစ်ရန် သင်အဘယ်ကြောင့် အလိုမရှိသနည်း