အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

တစ်ဆယ့်ခုနစ်ခု မြောက်သော မိန့်မြွက်ချက်

အသင်းတော်သည် တည်ဆောက်ခြင်း ခံရပြီး၊ ထိုအရာကို ဖြိုချရန် စာတန်သည် ၎င်း၏ အစွမ်းရှိသမျှ ကြိုးစားလျက်ရှိသည်။ ၎င်းသည် ငါ၏ အဆောက်အအုံအား ဖြစ်နိုင်သမျှသော နည်းလမ်းမျိုးစုံဖြင့် ဖြိုချလိုသောကြောင့်၊ အသင်းတော်အား လျင်မြန်စွာ သန့်စင်ရမည်ဖြစ်သည်။ အသုံးမကျသောအရာ သို့မဟုတ် ဆိုးညစ်မှုများ မည်သို့မျှ မကျန်စေရ။ အသင်းတော်ကို သန့်စင်ရလိမ့်မည်၊ သို့ဖြစ်၍ ထိုအရာသည် အပြစ်အနာအဆာ ကင်းမဲ့လာကာ၊ ယခင်အတိုင်း သန့်စင်၍ ဆက်လက်တည်ရှိ နေမည်ဖြစ်သည်။ သင်တို့သည် နိုးထရမည်ဖြစ်ပြီး၊ အချိန်တိုင်း၌ စောင့်စားကာ၊ သင်သည် ငါ့၏ရှေ့မှောက်တွင် ပို၍ဆုတောင်းရမည်။ သင်သည် စာတန်၏ အမျိုးမျိုးသော ဇာတ်ကွက်များနှင့် ကောက်ကျစ်သော အကြံအစည်များကို သိမှတ်ရမည်၊ ဝိညာဉ်ကို သိလျက်၊ လူသားများကို သိမှတ်ပြီး၊ အမျိုးမျိုးသော လူသားများ၊ အခြေအနေများနှင့် အကြောင်းအရာများကို သတိပြုနိုင်ရမည်။ ငါ၏ နှုတ်ကပတ်တော်ကို သင်သည် ပိုမိုစားသောက်ပြီး၊ ပို၍အရေးကြီးသည်မှာ၊ သင်သည် သင်ကိုယ်တိုင် ထိုအရာများကို စားသောက်နိုင်ရမည်။ သမ္မာတရားအားလုံးကို တပ်ဆင်ကာ၊ ငါ၏ ရှေ့မှောက်သို့ လာရောက်သောကြောင့် ငါသည် သင်တို့၏ ဝိညာဉ်မျက်စိများကို ဖွင့်ပေးပြီး၊ ဝိညာဉ်တော် အထဲတွင် ရှိသည့်၊ နက်နဲသောအရာများကိုမြင်ရန် သင်တို့ကို အခွင့်ပေးမည်။ အသင်းတော်သည် ၎င်း၏ တည်ဆောက်ခြင်း အဆင့်ဆင့်ကို အကောင်အထည် ဖော်သည့်အချိန်တွင်၊ စာတန်ကို တွန်းလှန်သော[က] သန့်ရှင်းသူများ၏ တိုက်ပွဲဖြစ်ပေါ်လာသည်။ သင်တို့ ရှေ့တွင် စာတန်၏ အမျိုးမျိုးသော အကျည်းတန်သော အင်္ဂါရပ်တို့ကို ချထားသည်၊ သင်တို့သည်ရပ်လျက်၊ နောက်သို့ ပြန်လျောကျသွားမည်လော၊ သို့မဟုတ် သင်တို့သည် ငါ့ကို အမှီပြုပြီး မတ်တပ်ရပ်လျက်၊ ရှေ့သို့ တိုး၍ လှမ်းလျှောက်သွားမည်လော။ စာတန်၏ ဖောက်ပြန်ခြင်းနှင့် အကျည်းတန်သော အင်္ဂါရပ်များကို စေ့စပ်သေချာစွာ ဖော်ထုတ်ကာ၊ ချမ်းသာပေးသည့် သဘောထားကိုမပေး၊ သနားကြင်နာမှုကို မပြသနှင့်။ စာတန်ကို သေသည့်တိုင်အောင် တိုက်ခိုက်လော့။ ငါသည် သင်၏ အထောက်အပံ့ ဖြစ်ပြီး၊ သင်သည် ယောက်ျားကလေးငယ်၏ ဝိညာဉ်ရှိရမည်။ စာတန်သည် ၎င်း၏နောက်ဆုံးသော သေခြင်းဖြင့် မချိတင်ကဲ တိုက်ခိုက်နေသော်လည်း၊ ၎င်းသည် ငါ၏ တရားစီရင်ခြင်းမှ လွတ်မြောက်နိုင်ခြင်း ရှိလိမ့်မည် မဟုတ်ပေ။ စာတန်သည် ငါ၏ ခြေအောက်တွင် ရှိနေပြီး၊ သင်တို့၏ ခြေအောက်တွင်လည်း နင်းလျှောက် သွားခံရသည်။ ထိုအရာသည် မှန်ပေ၏။

ဘာသာရေးကိုင်းရှိုင်းသော နှောင့်ယှက်သူများ အားလုံးနှင့် အသင်းတော်၏ အဆောက်အဦးကို ဖြိုချသူတို့သည် အနည်းငယ်မျှပင် ခွင့်လွှတ်ခြင်းမခံရဘဲ၊ ငါသည် သူတို့ကို ချက်ချင်းတရားစီရင်မည်။ စာတန်ကို ဖော်ထုတ်၊ ၎င်းအား နင်းခြေ၊ ၎င်းအား အကြွင်းမဲ့ ဖျက်စီးပြီး၊ ၎င်းပုန်းကွယ်စရာ မည်သည့်အရပ်မှာမျှ မရှိအောင် ထားရမည်။ နတ်ဆိုးများနှင့် တစ္ဆေများတို့၏ ဟန်အမှုအရာ အားလုံးတို့ကို ငါ၏ရှေ့တော်မှောက်တွင် သူတို့ ပုံသဏ္ဌာန်အမှန် သေချာစွာ ထုတ်ဖော်ပြီး၊ ငါသည် သူတို့ကို ဘယ်သောအခါမျှ လွတ်မြောက်လိမ့်မည် မဟုတ်သည့် အောက်ခြေမဲ့ တွင်းထဲသို့ ပစ်ချကာ၊ သူတို့အားလုံးသည် ငါတို့ ခြေအောက်၌ ရှိကြသည်။ အကယ်၍ သင်သည် သမ္မာတရားအတွက် ကောင်းသည့် တိုက်ပွဲဝင်လိုလျှင်၊ ပထမဦးဆုံး အနေဖြင့်၊ စာတန်ကို အလုပ်လုပ်စေရန် မည်သည့် အခွင့်အရေးမျှ မပေးနှင့်၊ ပြီးနောက် ထိုကဲ့သို့ လုပ်ဆောင်ရန် သင်သည် စိတ်တစ်ခုထဲ ရှိရမည်ဖြစ်ပြီး၊ ပူးပေါင်းလုပ်ဆောင်မှုတွင် အစေခံနိုင်ရမည်၊ သင်၏ ကိုယ်ပိုင် အယူအဆများ၊ ခံယူချက်များ၊ အမြင်များနှင့် အမှုအရာများကိုလုပ်ဆောင်ရာ နည်းလမ်းများကို စွန့်လွှတ်ကာ၊ သင်၏ နှလုံးသားကို ငါ့အထဲတွင် ငြိမ်သက်စေလျက်၊ သန့်ရှင်းသော ဝိညာဉ်တော်၏ အသံကို စူးစိုက်ကာ၊ သန့်ရှင်းသော ဝိညာဉ်တော်၏ လုပ်ဆောင်မှုအပေါ်တွင် အာရုံစိုက်ပြီး ဘုရားသခင်၏ နူတ်ကပတ်တော်ကို အသေးစိတ် တွေ့ကြုံခံစားရန် လိုအပ်သည်။ သင်၌ ရည်ရွယ်ချက် တစ်ခုသာ ရှိရမည်ဖြစ်ပြီး၊ ၎င်းမှာ ငါ၏ အလိုတော်ကို ပြီးမြောက်စေနိုင်ခြင်း ဖြစ်သည်။ သင့်ထံတွင် အခြားသော ရည်ရွယ်ချက် မရှိရ။ သင်၏ စိတ်နှလုံး အပြည့်အဝဖြင့် ငါ့ကို ကြည့်ရမည်၊ ငါ၏ အပြုအမှုများနှင့် ငါလုပ်ဆောင်သော အရာများကို နီးကပ်စွာ စောင့်ကြည့်ပြီး၊ ပေါ့ဆခြင်း လုံးဝမဖြစ်ရ။ သင်၏ ဝိညာဉ်သည် ထက်မြက်ကာ၊ သင်၏ မျက်စိများကို ဖွင့်ထားရမည်။ သာမန်အားဖြင့်၊ ထိုသို့သော ရည်ရွယ်ချက်များနှင့် ရည်မှန်းချက်များ မှန်ကန်မှုမရှိသည့် သူများ၊ ထိုသို့သော အခြားသူများ၏ ဂရုစိုက်မှုကို လိုလားသောသူများ၊ အမှုအရာများကို ပြုလုပ်ဖို့ရန် စိတ်အားထက်သန်သော သူများ၊ နှောင့်ယှက်ခြင်းကို ဖြစ်လေ့ဖြစ်ထရှိသော သူများ၊ ဘာသာရေး အယူဝါဒ အားကြီးသောသူများ၊ စာတန်၏ လက်ပါးစေ… စသည်ဖြင့် ထိုသို့သောသူများ ရပ်တည်လာချိန်၌ အသင်းတော်အတွက် သူတို့သည် အခက်အခဲများ ဖြစ်စေပြီး၊ ညီအစ်ကို မောင်နှစ်မများတို့၏ စားခြင်းနှင့် သောက်ခြင်းတို့သည် အချည်းနှီး ဖြစ်လာသည်၊ ထိုကဲ့သို့သော သူများ လှုပ်ရှားလာသည်ကို သင်သည် တွေ့ရှိချိန်တွင် ချက်ချင်း ထုတ်ပယ်ပစ်ရမည်။ အကယ်၍ သူတို့သည် ထပ်ကာထပ်ကာ နှိုးဆော်သော်ငြားလည်း ပြောင်းလဲခြင်းမရှိပါက၊ ထိုအချိန်တွင် သူတို့သည် ကြီးစွာသော ဒုက္ခကို ခံရလိမ့်မည်။ အကယ်၍ သူတို့ကိုယ်သူတို့ ခုခံကာကွယ်ပြီး၊ သူတို့၏ အပြစ်များကို ဖုံးကွယ်ဖို့ရန် ခေါင်းမာစွာ သူတို့၏ နည်းလမ်းများဖြင့် ကြိုးစားသော၊ ထိုသို့သောသူများကို၊ အသင်းတော်သည် သူတို့အား ချက်ချင်း ဖြတ်တောက်ပစ်သင့်ပြီး၊ သူတို့ ကြိုးကိုင်ခြယ်လှယ်ဖို့ရန် နေရာမရှိအောင် ထားရမည်။ အနည်းငယ်မျှသော အရာကို ကယ်တင်ရန် ကြိုးစားသည့်အတွက်၊ များစွာသော အရာတို့ကို လက်လွှတ်ဆုံးရှုံးခြင်း မဖြစ်စေဘဲ၊ သင်၏ မျက်စိသည် အခြေအနေတစ်ရပ်လုံးအပေါ်တွင် ထားရှိရမည်။

ယခုတွင် သင်၏ ဝိညာဉ်မျက်စိတို့ကို ဖွင့်ထားပြီး၊ အသင်းတော်တွင်ရှိသည့် အမျိုးမျိုးသော လူတို့ကို ခွဲခြား သိမြင်ရမည်။

အဘယ်ကဲ့သို့သော သူသည် ဝိညာဉ်ရေးရာ အကြောင်းအရာများကို နားလည်ပြီး၊ ဝိညာဉ်တော်ကို သိသနည်း။

အဘယ်ကဲ့သို့သော သူသည် ဝိညာဉ်ရေးရာ အကြောင်းအရာများ နားမလည်သနည်း။

အဘယ်ကဲ့သို့သော သူ၏အထဲ၌ ညစ်ညမ်းသော ဝိညာဉ်များ ရှိသနည်း။

အဘယ်ကဲ့သို့သော သူများအပေါ်တွင် စာတန်သည် အလုပ်လုပ်နေသနည်း။

အဘယ်ကဲ့သို့သော သူသည် နှောင့်ယှက်ခြင်းကို ဖြစ်စေတတ်သနည်း။

အဘယ်ကဲ့သို့သော သူများအပေါ်တွင် သန့်ရှင်းသော ဝိညာဉ်တော် အလုပ်လုပ်နေသနည်း။

အဘယ်ကဲ့သို့သော သူသည် ဘုရားသခင်၏ ဝန်ထုပ်ကို ထည့်သွင်းစဉ်းစားကြောင်း ပြသသနည်း။

အဘယ်ကဲ့သို့သော သူသည် ငါ့အလိုတော်အတိုင်း ပြီးမြောက်နိုင်သနည်း။

ငါ၏ သစ္စာရှိသော သက်သေမှာ အဘယ်သူနည်း။

သန့်ရှင်းသော ဝိညာဉ်တော်မှ အသင်းတော်များကိုပေးသော ဉာဏ်အလင်းရခြင်းသည် ယနေ့အတွက် အမြင့်ဆုံးသော ရူပါရုံဖြစ်သည် ဆိုသည်ကို သိလော့။ ဤအရာများနှင့်ပတ်သက်၍ နားဝေတိမ်တောင် မဖြစ်ဘဲ ထိုအစား သင်သည် အချိန်ယူကာ စေ့စပ်သေချာစွာ သဘောပေါက် နားလည်ရမည်။ ထိုအရာသည် သင်တို့ ဘဝတိုးတက်မှုရှိရန်အတွက် အလွန်အမင်း အရေးပါသည်။ သင်၏ မျက်စိတို့ရှေ့တွင်ရှိသော ဤအရာများကို သင်သည် နားမလည်ပါက၊ သင်သည် ရှေ့ဆက်လမ်းကို လျှောက်လှမ်းနိုင်လိမ့်မည် မဟုတ်ဘဲ၊ ဖြားယောင်းသွေးဆောင်ခြင်း၏ အန္တရာယ်၌ သင်ကျရောက်လိမ့်မည်ဖြစ်ပြီး၊ အချိန်မရွေး အကျဉ်းချခံရခြင်းနှင့် သင်သည် ဝါးမျိုခြင်းကို ခံရနိုင်သည်။ ယခုတွင် အဓိက အရေးပါသော အရာမှာ သင်၏ နှလုံးသားထဲ၌ ငါနှင့် နီးကပ်စွာ ရှိနေနိုင်ရန်နှင့် ငါနှင့်အတူ ပို၍ မိတ်သဟာရဖွဲ့နိုင်ရန်တို့ကို အလေးထားကာ၊ ငါနှင့် တိုး၍ နီးကပ် လာပြီး၊ ငါနှင့်အတူ မိတ်သဟာရဖွဲ့ခြင်းဖြင့်၊ သင်၌ လိုသောအရာ သို့မဟုတ် သင်ရှာဖွေသောအရာ မှန်သမျှသည် ပြည့်စုံလိမ့်မည် ဖြစ်သည်။ သင်၏ ဘဝအသက်တာသည် သေချာစွာ ဖြည့်ဆည်းပေးခံရလိမ့်မည်ဖြစ်ပြီး၊ သင်သည်လည်း အသစ်သော ဉာဏ်အလင်းရခြင်း ရရှိလိမ့်မည်။ ယခင်က သင်အဘယ်ကဲ့သို့ မသိနားမလည်ခဲ့ခြင်းကို ငါသည် မည်သည့်အခါမျှ မကြည့်ရှုဘဲ၊ သင်တို့၏ အကျင့်သီလ ဖောက်ဖျက်ခြင်းကို မမှတ်မိ။ ငါသည် သင်ငါ့အပေါ် မည်ကဲ့သို ချစ်သည်ကို ကြည့်ရှုသည်၊ သင်သည် ငါ့အား အခြားသော အရာအားလုံးထက် ပိုချစ်နိုင်သလော။ သင်၏ မသိနားမလည်ခြင်းကို စွန့်ပစ်ရန် သင်သည် နောက်သို့ လှည့်ပြန်လာနိုင်ပြီး၊ ငါ့အပေါ်တွင် မှီခိုနိုင်ခြင်းရှိမရှိကို မြင်ရန် ငါကြည့်ရှုသည်။ အချို့သော သူများသည် ငါ့အား တေ့တေ့ဆိုင်ဆိုင် ရန်ရှာကာ၊ ပွင့်လင်းစွာ ငါ့အား ဖီဆန်ပြီး အခြားသောသူများကို စီရင်သည်၊ သူတို့သည် ငါ၏ နူတ်ကပတ်တော်တို့ကို မသိဘဲ၊ သူတို့သည် ငါ၏မျက်နှာကို ရှာဖွေတွေ့ရှိရန် ပို၍ပင် နည်းသော အလားအလာ ရှိသည်။ ငါ၏ရှေ့မှောက်တွင်ရှိပြီး ငါ့ကို ရိုးသားစွာ ရှာဖွေ၍ ဖြောင့်မတ်ခြင်းတရားကို ဆာလောင်ပြီး ငတ်မွတ်သော နှလုံးသား ရှိသည့် သူအားလုံးတို့၊ သင့်ကို ငါသည် အသိဉာဏ်ပွင့်လင်းစေမည်၊ သင့်ကို ထုတ်ဖော်ပြသ၍၊ ငါ့ကို သင်၏ မျက်စိများဖြင့် မြင်နိုင်ရန် အခွင့်ပေးကာ ငါ၏အလိုတော်ကို ကိုယ်တိုင်ကိုယ်ကျ နားလည်သဘောပေါက်စေမည်၊ သင်နားလည်ရန်အလို့ငှာ ငါ၏နှလုံးသားကို သင့်အား ဧကန်မုချ ဖော်ထုတ်ပြသမည်။ ငါ၏ နူတ်ကပတ်တော်နှင့်အညီ သင်၏အထဲတွင် ငါဉာဏ်ပွင့်စေသောအရာတို့ကို သင်သည် လက်တွေ့ကျင့်သုံးရမည်၊ ထိုသို့မပြုလျှင် သင်သည် တရားစီရင်ခြင်းခံရမည်။ ငါ၏အလိုတော်ကို လိုက်လျှောက်လော့၊ သို့ပြုလျှင် သင်သည် လမ်းလွဲသွားမည် မဟုတ်ပေ။

ငါ၏ နူတ်ကပတ်တော်အတွင်း ဝင်ရောက်ဖို့ရန် ရှာဖွေသော ထိုသူတို့သည်၊ နှစ်ဆသော ကျေးဇူးတော်နှင့် ကောင်းချီးမင်္ဂလာများ သင့်အပေါ်ကျရောက်ပြီး၊ သင်သည် အသစ်သော အသိဉာဏ်ပွင့်လင်းစေခြင်းကို နေ့တိုင်း ရရှိကာ၊ အသစ်သော ထိုးထွင်းသိမြင်စွမ်းသည့် ဉာဏ်ကို နေ့တိုင်းရရှိပြီး၊ ငါ၏ နူတ်ကပတ်တော်ကို နေ့ရက်တိုင်း စားခြင်းနှင့် သောက်ခြင်းတွင် ပိုမိုလန်းဆန်းလာခြင်းကို ခံစားရမည်၊ သင်သည်လည်း သင်၏ ကိုယ်ပိုင် ပါးစပ်ဖြင့် အရသာခံလိမ့်မည်၊ ဤအရာမှာ အဘယ်မျှ ချိုမြိန်သနည်း။ သင်သည် သတိရှိရမည် ဖြစ်ပြီး၊ ထိုးထွင်းသိမြင်စွမ်းသော ဉာဏ်အချို့နှင့် ချိုမြိန်သော အရသာရှိသည့်အချိန်တွင် ကျေနပ်အားရ နေရမည်မဟုတ်၊ ရှေ့သို့ ဆက်လက် ရှာဖွေခြင်းသည်သာ သော့ချက်ဖြစ်သည်။ သန့်ရှင်းသော ဝိညာဉ်တော်၏ လုပ်ဆောင်မှုမှာ အမှန်တကယ်ပင် အံသြဖွယ်၊ အစစ်အမှန် ဖြစ်သည်ဟု အချို့သော လူတို့သည် ထင်ကြသည်။ ထိုအရာမှာ အနန္တတန်ခိုးရှင် ဘုရားသခင်၏ ပုဂ္ဂိုလ်က ပွင့်လင်းစွာ ထုတ်ဖော်ခြင်းဖြစ်ပြီး၊ သာ၍ ကြီးသော နိမိတ်လက္ခဏာများနှင့် အံသြဖွယ်ရာများသည် ရှေ့တွင် တည်လျက်ရှိသည်။ သတိထားပြီး အချိန်တိုင်း နိုးကြားနေရမည်၊ သင်၏ မျက်စိတို့ကို အရင်းအမြစ်တွင် စူးစိုက်ကြည့်ကာ၊ ငါ၏ မျက်မှောက်တွင် ငြိမ်သက်ခြင်း ရှိလျက်၊ အလေးဂရုပြုကာ၊ သေချာစွာ နားထောင်ပြီး၊ ငါ၏ နူတ်ကပတ်တော်တို့ကို စိတ်ချနိုင်ရမည်။ မရေရာခြင်း မဖြစ်ရ၊ အကယ်၍ သင်၌ သံသယရှိလျှင်၊ ဂိတ်တံခါးတို့ အလွန်တွင် သင်သည် လမ်းပျောက်သွားလိမ့်မည်ကို ငါစိုးရိမ်သည်။ ရှင်းလင်းသော ရူပါရုံရှိလော့၊ ခိုင်မာသော ရပ်တည်ချက်ပေါ်တွင် မတ်မတ်ရပ်လျက်၊ အသက်ရေစီးချောင်းနောက်ကို လိုက်ပြီး၊ ၎င်းစီးဆင်းရာ မည်သည့်အရပ်ကိုမဆို နီးကပ်စွာ လိုက်လျှောက်လော့။ လုံးဝဥဿုံ အနည်းငယ်မျှသော တွန့်ဆုတ်ခြင်း မရှိရ။ စားလော့၊ သောက်လော့ ပြီးလျှင် ဂုဏ်တော်ချီးမွမ်းကာ၊ သန့်စင်သော နှလုံးသားဖြင့် ရှာဖွေပြီး၊ အရှုံးမပေးနှင့်။ ငါ၏ ရှေ့မှောက်သို့ သင်နားမလည်သော မည်သည့်အရာမဆို သာ၍ ယူဆောင်လာပြီး၊ သံသယရှိသော နှလုံးသားမရှိကြောင်း သေချာလျက်၊ ထိုသို့ပြုလျှင် သင်သည် ကြီးစွာသော ဆုံးရှုံးမှု ခံစားရခြင်းကို ရှောင်ရှားနိုင်မည်။ ဆက်ထိန်းထားလော့။ ဆက်ထိန်းထားလော့။ နီးနီးကပ်ကပ်နေလော့။ အနှောင့်အယှက်များကို ဖယ်ရှားပြီး၊ အသောက်အစား အပျော်အပါး၌ မွေ့လျော်ခြင်း မပြုနှင့်။ စိတ်ပါလက်ပါ ဆက်လက်လုပ်ဆောင်ပြီး၊ နောက်သို့ ပြန်မဆုတ်နှင့်။ သင်တို့၏ နှလုံးသားကို အချိန်တိုင်း ဆက်ကပ်ပြီး၊ အဘယ်သောအခါမျှ တဒင်္ဂပင် မလွတ်စေနှင့်။ သန့်ရှင်းသော ဝိညာဉ်တော်၌ အစဉ်တစိုက် အသစ်သော လုပ်ဆောင်မှုကို ပြုလုပ်ရန်ရှိသည်၊ အသစ်သော အရာများအားလုပ်ဆောင်ကာ၊ အသစ်သော ဉာဏ်အလင်းရခြင်း နေ့ရက်တိုင်း ရှိသည်၊ တောင်ပေါ်တွင် အသွင်သဏ္ဌာန်ပြောင်းလဲခြင်းဖြစ်သည့် ဘုရားသခင်၏ သန့်ရှင်းသော ဝိညာဉ်ခန္ဓာသည် ပေါ်ထွန်းလျက်ရှိပြီးဖြစ်သည်။ ဖြောင့်မတ်ခြင်း နေသည် အလင်းကို ထုတ်လွှတ်လျက် ထွန်းတောက်ကာ၊ တိုင်းနိုင်ငံတိုင်းနှင့် လူတိုင်းတို့သည် သင်၏ မွန်မြတ်သော မျက်နှာကို မြင်ကြပြီးဖြစ်သည်။ ငါ၏ အလင်းသည် ငါ၏ ရှေ့မှောက်သို့ လာသောသူတိုင်းပေါ်တွင် ထွန်းတောက်လိမ့်မည်။ ငါ၏ နူတ်ကပတ်တော်တို့သည် အလင်းဖြစ်၍ သင်ကိုရှေ့မှ ဦးဆောင်သွားသည်။ သင်တို့လျှောက်လှမ်းခြင်း၌ လက်ယာဘက် သို့မဟုတ် လက်ဝဲဘက် သွေဖည်ခြင်း ရှိလိမ့်မည် မဟုတ်ဘဲ ငါ၏ အလင်းအတွင်း၌ လျှောက်လှမ်းပြီး သင်၏ ပြေးခြင်းသည်လည်း အချည်းနှီး အားထုတ်မှု ဖြစ်လိမ့်မည်မဟုတ်။ သန့်ရှင်းသော ဝိညာဉ်တော်၏ လုပ်ဆောင်မှုကို သင်သည် ရှင်းလင်းစွာ တွေ့မြင်ရမည် ဖြစ်ပြီး၊ ငါ၏ အလိုတော်သည် ထိုအထဲတွင် တည်လျက်ရှိသည်။ နက်နဲရာအားလုံးသည် ဖုံးကွယ်ခြင်း ခံထားရပြီး၊ ၎င်းတို့ကို ဖြည်းညင်းစွာ သင့်အားထုတ်ဖော်ပြသမည်။ ငါ့နူတ်ကပတ်တော်ကို သင့်စိတ်တွင် အချိန်တိုင်း သိမ်းထားပြီး၊ ငါနှင့်အတူ ပို၍ မိတ်သဟာရဖွဲ့ရန် ငါ့ရှေ့မှောက်သို့ လာလော့။ သန့်ရှင်းသော ဝိညာဉ်တော်၏ လုပ်ဆောင်မှုသည် တိုးပွားလာသည်။ ငါ၏ခြေလှမ်းများအတိုင်း လျှောက်လော့၊ ကြီးသော အံသြဖွယ်ရာများသည် ရှေ့တွင်ရှိပြီး၊ ၎င်းတို့ကို သင့်အား တစ်ခုခြင်းစီ ထုတ်ဖော်ပြသလိမ့်မည်။ ဂရုစိုက်သောသူများ၊ စောင့်ဆိုင်းသောသူများ နှင့် နိုးထနေသောသူများသာ ၎င်းတို့ကို မြင်ရလိမ့်မည်။ အားထုတ်မှု လျှော့မချစေရန် သေချာရမည်။ ဘုရားသခင်၏ စီမံခန့်ခွဲခြင်း အစီအစဉ်သည် ၎င်း၏ နောက်ဆုံးအဆင့်သို့ ချဉ်းကပ်လာကာ၊ အသင်းတော် တည်ဆောက်ခြင်းသည် အောင်မြင်လိမ့်မည်။ အောင်မြင်ခြင်းတို့ကို အများအပြား တည်ခင်းထားပြီး ဖြစ်ကာ၊ အောင်မြင်သော ယောက်ျား ကလေးငယ်သည် ပြုလုပ်ခြင်းခံရလိမ့်မည် ဖြစ်ပြီး၊ သူတို့သည် ငါနှင့်အတူ နိုင်ငံတော်သို့ ဝင်ရောက်ရလိမ့်မည်၊ ငါနှင့်အတူ ရှင်ဘုရင့်အရိုက်အရာကို ခံယူကာ၊ တိုင်းနိုင်ငံတိုင်းကို သံလှံတံဖြင့် အုပ်စိုးပြီး အတူတကွ ဘုန်းထင်ရှားလိမ့်မည်။

အောက်ခြေမှတ်စုများ -

(က) မူရင်းစာသား၌ “စာတန်ကို တွန်းလှန်သောကို” ချန်လှပ်ထားသည်။

ယခင်က:တစ်ဆယ့်ငါးခုမြောက် မိန့်မြွက်ချက်

နောက်တစ်ခုသို့:တစ်ဆယ့်ကိုးခုမြောက်သော မိန့်မြွက်ချက်

သင်နှစ်သက်နိုင်သည့် အရာများ