အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၇၃

ငါ့စကားတို့သည် ပြောဆိုလိုက်သည်နှင့်တပြိုင်နက် ပြည့်စုံခြင်းသို့ ရောက်ရှိပြီး၊ ၎င်းတို့သည် အဘယ်သောအခါမျှ ပြောင်းလဲခြင်းမရှိဘဲ အပြည့်အဝ မှန်ကန်ခြင်း ရှိကြသည်။ ဤအရာကို အောက်မေ့လော့။ ငါ၏နှုတ်မှထွက်သော စကားလုံးတိုင်း၊ စကားရပ်တိုင်းကို သေချာစွာ ထည့်သွင်းစဉ်းစားရမည်။ သင် ဆုံးရှုံးခြင်းကို ခံစားရပြီး ငါ၏တရားစီရင်ခြင်း၊ ငါ၏အမျက်ဒေါသ၊ ငါ၏လောင်မြိုက်ခြင်းတို့ကိုသာ ခံယူရမည်ကိုစိုး၍ ပုံမှန်ထက်ပို၍ သတိပြုလော့။ ယခုတွင် ငါ၏ အမှုသည် အလွန်လျင်မြန်စွာ လုပ်ဆောင်လျက်ရှိ၏၊ သို့သော်လည်း ၎င်းသည် အဆင့်မမြင့် မယဉ်ကျေးခြင်းမဟုတ်ပဲ အတိုင်းအတာတစ်ခုအထိ သိမ်မွေ့ကာ သာမန်မျက်စိဖြင့် မမြင်ရနိုင်လုနီးပါး ဖြစ်ပြီး၊ လူ့လက်များဖြင့် ထိတွေ့ရန် မဖြစ်နိုင်။ ၎င်းသည် အထူးပင် သိမ်မွေ့သည်။ ငါ့စကားများသည် ဘယ်သောအခါမျှ အဓိပ္ပါယ်မရှိ မဖြစ်ဘဲ အားလုံးသည် မှန်ကန်သည်။ စကားလုံးတိုင်းသည် စစ်မှန်ပြီး တိကျမှန်ကနသည်ကို သင်သည် ယုံကြည်သင့်သည်။ အရေးမထားဘဲ မနေနှင့်၊ ဤသည်မှာ အဓိကကျသော အခိုက်အတန့်ဖြစ်သည်။ ကောင်းကြီးမင်္ဂလာ သို့မဟုတ် ကံဆိုးခြင်းတို့သည် ဤအခိုက်အတန့်တွင် ရှိသည်။ ခြားနားချက်မှာ ကောင်းကင်နှင့် မြေကြီးကဲ့သို့ ဖြစ်သည်။ သင်သည် ကောင်းကင်သို့ သွားမည်လား သို့မဟုတ် မရဏာနိုင်ငံသို့ သွားမညလား ဆိုသည်မှာ ငါ၏ ထိန်းချုပ်မှုအောက်တွင် လုံးလုံးလျားလျားရှိသည်။ မရဏာနိုင်ငံသို့ သွားမည့်သူမျာသည် ၎င်းတို့၏ နောက်ဆုံးသေအဲ့ဆဲဆဲ ရုန်းကန်ခြင်းကို ရင်ဆိုင်နေရကာ၊ ထိုအချိန်တွင်၊ ကောင်းကင်သို့ သွားမည့်သူတို့သည် ၎င်းတို့၏ နောက်ဆုံးသော ဆင်းရဲဒုက္ခအနည်းငယ်မျှကို ခံစားရပြီး၊ ငါ့အတွက် သူတို့၏ နောက်ဆုံးအသုံးခံခြင်းကို ပြုကြသည်၊ ထို့ပြင် အနာဂတ်တွင် သူတို့ပြုသမျှသော အရာအားလုံးသည် လူတို့အား ဒုက္ခပေးသော အရေးမပါသည့် အရာများအားလုံး(အိမ်ထောင်ရေး၊ အလုပ်အကိုင်၊ စိတ်ညစ်ညူးဖွယ်ရာ ချမ်းသာမှု၊ ရာထူး၊ ဂုဏ်တို့ စသည်ဖြင့်) မပါဘဲ၊ ပျော်ရွှင်ရန်နှင့် ချီးမွမ်းရန်ဖြစ်သည်။ သို့သော်လည်း မရဏာနိုင်ငံသို့ သွားမည့်သူများအတွက်မှာ၊ ၎င်းတို့၏ ဆင်းရဲဒုက္ခခံရခြင်းသည် ထာဝရဖြစ်ပြီး (ဤအရာမှာ ၎င်းတို့၏ ဝိညာဉ်၊ စိတ်နှင့် ခန္ဓာတို့ကို ရည်ရွယ်သည်)၊ အပြစ်ဒဏ်ပေးသော ငါ့လက်မှ အဘယ်သောအခါမျှ မလွတ်မြောက်ရ။ ဤနှစ်ဖက်မှာ ရေနှင့်မီးကဲ့သို့ တခြားစီဖြစ်သည်။ ကံဆိုးခြင်းကို ခံစားရသော သူတို့သည် ကံဆိုးခြင်းကို ဆက်လက် ခံစားရလိမ့်မည်ဖြစ်ပြီး၊ ထိုအချိန်တွင် ကောင်းကြီးခံစားရသောသူတို့သည် သူတို၏ စိတ်နှလုံးအတွင်း၌ ကျေနပ်အားရသည်အထိ ပျော်မွေ့ရလိမ့်မည် ဆိုသော အချက်များမှာ ရောထွေးယှက်တင်ခြင်း မရှိ။

ဖြစ်ရပ်အားလုံးနှင့်၊ အရာအားလုံးသည် ငါ၏ ထိန်းချုပ်ခြင်းကို ခံရပြီး၊ သင်တို့၊ (ငါ၏ သားများ၊ ငါ၏ ချစ်လှစွာ သောသူများ) သည် ငါနှင့် ပို၍ပင်စပ်ဆိုင်သည်ကို ဖော်ပြရန် မလိုအပ်ပေ။ သင်သည် ငါ၏ နှစ် ၆၀ဝ၀ စီမံကိန်း၏ ပုံဆောင်ခဲ ဖြစ်ပြီး၊ ငါ၏ ရတနာများ ဖြစ်ကြသည်။ သူတို့သည် ငါ့အား သိသာထင်ရှားစေသောကြောင့်၊ ငါချစ်သော သူအားလုံးသည် ငါ့အမြင်တွင် နှစ်လိုဖွယ်ရာ ဖြစ်ကာ၊ ငါမုန်းတီးသောသူများ၊ ငါကြည့်ပင်မကြည့်ဘဲ ငါစက်ဆုပ်ရွံ့ရှာသောသူတို့သည် စာတန်မှ ဆင်းသက်လာသူများဖြစ်ပြီး စာတန်နှင့် စပ်ဆိုင်ကြသည်။ ယနေ့တွင် လူတိုင်းသည် သူတို့ကိုယ်သူတို့ ပြန်လည်စစ်ဆေးသင့်သည်၊ အကယ်၍ သင်၏ ရည်ရွယ်ချက်များသည် မှန်ကန်ပြီး သင်သည် ငါ့အား အမှန်တကယ် ချစ်မြတ်နိုးလျှင် သင်သည် ငါ၏ ချစ်ခြင်းကို ဧကန်မုချ ခံရမည်ဖြစ်သည်။ သင်သည် ငါ့အား စစ်ကန်စွာ ချစ်မြတ်နိုးရမည်ဖြစ်ပြီး ငါ့အား မလိမ်လည်မလှည့်ဖြားရ။ ငါသည် လူတို့၏ အတွင်းအကျဆုံးသော စိတ်နှလုံးများကို စစ်ကြောသော ဘုရားသခင်ဖြစ်သည်။ အကယ်၍ သင်၏ ရည်ရွယ်ချက်များသည် မှားယွင်းပြီး သင်သည် အေးစက်ကာ ငါ့အား သစ္စာ မရှိလျှင် ငါ၏ စက်ဆုပ်ရွံရှာခြင်းကို သင်သည် သေချာခံရမည်ဖြစ်ပြီး သင်သည် ငါ၏ရွေးခြယ်ခြင်း သို့မဟုတ် ငါ၏ကြိုတင်ပြဋ္ဌာန်းခြင်းကို ခံရသူများ မဟုတ်ကြပေ။ သင်သည် ငရဲသို့သွားရန် စောင့်ဆိုင်းနေရုံမျှသာ ဖြစ်မည်။ အခြားသော သူတို့သည် ဤအရာများကို မြင်ချင်မှ မြင်နိုင်လိမ့်မည် ဖြစ်သော်လည်း၊ လူတို့၏ စိတ်နှလုံးအတွင်း နက်ရှိုင်းစွာ ကြည့်သော ဘုရားသခင်ဖြစ်သည့် ငါနှင့် သင်သာ သိနိုင်မည်။ တိကျသော အချိန်တစ်ခု ရောက်သည့်အခါတွင် သူတို့အား ထုတ်ဖော်ပြသလိမ့်မည်။ ရိုးသားသောသူတို့သည် စိုးရိမ်ပူပန်ရန် မလိုအပ်ဘဲ၊ မရိုးသားသောသူတို့သည် ကြောက်ရွံ့စရာ မလိုအပ်ပေ။ ထိုအရာအားလုံးသည် ငါ၏ အမြော်အမြင်ရှိသော အကြံအစည် ဖြစ်ပေသည်။

လုပ်ငန်းတာဝန်သည် အရေးတကြီးနှင့် ခက်ခဲပြီး၊ ငါ့အတွက် နောက်ဆုံးအကြိမ် အသုံးခံရန်၊ ဤအပြီးသတ် လုပ်ဆောင်မှုကို လက်စသတ်ရန် သင်တို့အား လိုအပ်သည်။ ငါ၏ တောင်းဆိုချက်များသည် မမြင့်မားပေ၊ ငါသည် သင်တို့ကို ငါနှင့်အတူ ကောင်းစွာ ပူးပေါင်းဆောင်ရွက်နိုင်ရန်၊ ငါ့ကို အရာရာ၌ ကျေနပ်အားရစေရန်၊ သင်၏အထဲ၌ ငါ၏လမ်းညွှန်မှုကို လိုက်လျှောက်ရန်သာ လိုအပ်သည်။ မျက်စိကန်းသောသူ မဖြစ်စေနှင့် ပန်းတုံးတိုင်ရှိပြီး၊ အရာရာတိုင်၌ ငါ၏ ရည်ရွယ်ချက်များကို ရှုထောင့်ပေါင်းစုံမှ ခံစားလော့။ အဘယ့်ကြောင့်ဆိုသော် ငါသည် သင်တို့အဖို့ ဖုံးကွယ်ထားသော ဘုရားသခင် မဟုတ်တော့သောကြောင့်ဖြစ်သည်။ ငါ၏ရည်ရွယ်ချက်တို့ကို နားလည်သဘောပေါက်ရန်အတွက်၊ ဤအရာနှင့်စပ်လျဉ်း၍ သင်တို့သည် အလွန်ရှင်းလင်းနေရမည် ဖြစ်သည်။ အလွန်တိုတောင်းသော အချိန်ကာလ၌၊ သင်တို့သည် စစ်မှန်သော နည်းလမ်းကို ရှာဖွေသော နိုင်ငံခြားသားများဖြင့် တွေ့ဆုံရလိမ့်မည်သာမက၊ ပို၍အရေးကြီးသောအရာမှာ၊ သင်တို့၌ ၎င်းတို့အား ဦးဆောင်လမ်းပြနိုင်သော အရည်အချင်း ရှိသင့်ခြင်းပင်ဖြစ်သည်။ ဤအရာသည် ငါ၏ အရေးတကြီး ရည်ရွယ်ချက်ဖြစ်သည်။ အကယ်၍ ဤအရာကို သင်မမြင်နိုင်လျှင် အလုပ်ဖြစ်လိမ့်မည်မဟုတ်။ မည်သို့ပင်ဆိုစေကာမူ သင်သည် ငါ၏ အနန္တတန်ခိုးကို ယုံကြည်ရမည်။ လူများသည် မှန်ကန်နေသမျှ ကာလပတ်လုံး ငါသည် သူတို့ကို စစ်သည်ကောင်းများ ဖြစ်စေရန် သေချာစွာ လေ့ကျင့်ပေးမည်။ အရာရာအားလုံးသည် ငါ့အားဖြင့် သင့်လျော််စွာ စီစဉ်ထားခြင်းခံရသည်။ သင်တို့သည် ငါ့အတွက် ဒုက္ခခံဖို့ရန် ဆန္ဒပြင်းပြနေရမည်။ ဤသည်မှ, အဓိကကျသော အခိုက်အတန့်ဖြစ်သည်။ ၎င်းကို လက်မလွတ်စေနှင့်။ သင်တို့၏ အတိတ်ကအရာများကို ငါသည် အမှတ်ထားမည်မဟုတ်။ သင်သည် ငါ့ရှေ့တွင် မကြာခဏ ဆုတောင်းပြီး အသနားခံရမည်၊ ငါသည် သင်၏ ပျော်ရွှင်မှုနှင့် အသုံးပြုမှုတို့အတွက် လုံလောက်သော ကျေးဇူးတော်ကို သင့်အပေါ် နှင်းအပ်လိမ့်မည်။ ကျေးဇူးတော်နှင့် ကောင်းကြီးမင်္ဂလာများသည် တူညီသည်မဟုတ်။ ယခု သင်တို့မွေ့လျော််နေသော အရာသည် ငါ၏ ကျေးဇူးတော်ဖြစ်ပြီး၊ ငါ၏ မျက်စိရှေ့တွင် ဖော်ပြရန် မထိုက်တန်သော်လည်း ကောင်းကြီးမင်္ဂလာများမူကား သင်တို၏ အနာဂတ်တွင် အနန္တကာလ မွေ့လျော်ရသောအရာ ဖြစ်လိမ့်မည်။ ထိုအရာတို့သည် လူတို့ မစဉ်းစားခဲ့ဖူးဘဲ၊ စိတ်ကူး၍ပင် မရနိုင်ခဲ့သော ကောင်းကြီးမင်္ဂလာများ ဖြစ်ကြသည်။ ငါဆိုသည်ကား ဤအကြောင်းရင်းကြောင့် သင်တို့သည် ကောင်းကြီးခံစားကြရပြီ၊ ဖန်ဆင်းခြင်းကာလကတည်းက လူသား မခံစားရသေးသော ကောင်းကြီးမင်္ဂလာ ဖြစ်ပေ၏။

ငါ၏ အလုံးစုံတို့ကို သင်တို့ကို ငါသည် ထုတ်ဖော်ခဲ့ပြီးဖြစ်သည်။ ငါအစဉ်အမြဲ မြင်ရသောအရာမှာ သင်တို့၏ အပြုံးမျက်နှာများ ဖြစ်ကြစေရန်အလို့ငှာ ငါ၏စိတ်နှလုံးကို သင်တို့ ထောက်ထားနိုင်စေရန်၊ အရာရာတိုင်း၌ ငါ့အတွက် စဉ်းစားနိုင်ရန်နှင့်၊ အရာရာတိုင်း၌ ငါ့ကို ထောက်ထားနိုင်ရန်သာ ငါမျှော်လင့်ပေသည်။ ယခုမှစ၍ သားဦးအရာကို ရရှိသော သူတို့သည် ရှင်ဘုရင်များကဲ့သို့ ငါနှင့်အတူ မင်းပြု စိုးစံရမည်ဖြစ်သည်။ သူတို့သည် ညီအစ်ကိုတို့၏ အနိုင်ကျင့်ခြင်းကို ခံရလိမ့်မည်မဟုတ် ထိုသို့သာမက သူတို့သည် ငါ၏ ဆုံးမခြင်း သို့မဟုတ် ရိုက်နှက်ဆုံးမခြင်းတို့ကို ခံရလိမ့်မည်မဟုတ် အဘယ့်ကြောင့်ဆိုသော် ငါ၏ လုပ်ဆောင်မှုများ၌ထားရှိသော အခြေခံသဘောတရားများမှာ သားဦးအုပ်စုတွင် ပါဝင်သောလူတို့သည် သူတပါးတို့၏ အထင်အမြင်သေးခြင်းနှင့် အနိုင်ကျင့်ခြင်းကို ခံခဲ့ရသောသူများ ဖြစ်ပြီး ဘဝအသက်တာ၏ အကောင်းအဆိုး ပြောင်းလဲတတ်သော လောကဓံတရားကို ခံစားခဲ့ရပြီးသောသူများ ဖြစ်သည်။ (သူတို့သည် ငါ၏နှင့် ကြိုတင်၍ ချိုးဖျက်ခြင်းနှင့် ရိုက်နှက်ဆုံးမခြင်းတို့ကို ခံခဲ့ရပြီး ဖြစ်ကြကာ၊ ကြိုတင်၍ စုံလင်စေပြီး ဖြစ်ကြသည်။) ၎င်းတို့သည် သူတို့ ကြိုတင်ရရှိမည့် ကောင်းကြီးများကို ငါနှင့်အတူ မွေ့လျော်ခဲ့ပြီးဖြစ်သည်။ ငါသည် ဖြောင့်မတ်သောသူဖြစ်ပြီး၊ အဘယ်သောအခါမျှ မည်သူတစ်ဦးတစ်ယောက်ကိုမျှ ဘက်လိုက်သောသူ မဟုတ်ပေ။

ယခင်က:အခန်း ၇၂

နောက်တစ်ခုသို့:အခန်း ၇၄

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ