အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၇၂

ချို့ယွင်းချက် သို့မဟုတ် အားနည်းချက်တို့ကို သင်ရှာဖွေတွေ့ရှိသည်နှင့်တစ်ပြိုင်နက် ဖယ်ရှားရန် သင်သည် ငါ့အပေါ်တွင် မှီခိုရမည်။ အချိန်မဆွဲနှင့်၊ သို့မဟုတ်လျှင် သန့်ရှင်းသော ဝိညာဉ်တော်၏ အမှုသည် သင်နှင့် အလွန်ဝေးကွာနေလိမ့်မည်ဖြစ်ပြီး၊ သင်သည် အလွန်နောက်ကျကျန်ခဲ့လိမ့်မည်။ သင်သည် ငါရှေ့မှောက်သို့ မကြာခဏ တိုး၍နီးကပ်စေခြင်း၊ ဆုတောင်းခြင်းနှင့် မိတ်သဟာယဖွဲ့ခြင်းတို့ဖြင့်သာ သင့်ကို ငါတာဝန်ပေးစေခိုင်းထားသော အလုပ်ကို ပြီးမြောက်စေနိုင်မည်။ ထို့သို့မဟုတ်လျှင်၊ မည်သည့်ရလဒ်မျှ ရရှိလိမ့်မည် မဟုတ်ဘဲ၊ အရာရာအားလုံးသည် အချည်းနှီး ဖြစ်လိမ့်မည်။ ယနေ့ ငါ၏အမှုသည် ယခင်ကကဲ့သို့ မဟုတ်။ ငါချစ်သောလူတို့အတွင်း၌ရှိသော ဘဝအသက်တာ အတိုင်းအတာမှာ၊ ယခင်ကကဲ့သို့ လုံးဝမဟုတ်။ သူတို့အားလုံးသည် ငါ၏ နှုတ်ကပတ်တော်တို့ကို ရှင်းလင်းစွာ နားလည်ပြီး၊ ၎င်းတို့အတွင်းထဲထိ ထိုးထွင်းသိမြင်စွမ်းသောဉာဏ် ရှိကြသည်။ ဤအရာသည် အသိသာအထင်ရှားဆုံးသော ရှုထောင့်ဖြစ်ပြီး၊ ငါ့အမှု၏အံ့သြဖွယ်ရာကို ပြန်လည်ဆင်ခြင်နိုင်စွမ်း အရှိဆုံးပင် ဖြစ်သည်။ ငါ့အမှု အရှိန်အဟုန်သည် ပို၍မြင့်လာပြီး၊ ငါ၏ လုပ်ဆောင်မှုတို့သည် အတိတ်ကနှင့်မတူ ဧကန်အမှန် ကွဲပြားသည်။ ၎င်းကို လူတို့အနေဖြင့် တွေးတောစိတ်ကူးကြည့်ရန် ခက်ခဲလှပြီး၊ လူတို့အနေဖြင့် နားလည်သဘောပေါက်ရန်မှာ ပို၍ပင် မဖြစ်နိုင်ပေ။ သင်တို့အတွက် အဘယ်အရာမျှ နက်နဲမှု မဟုတ်တော့ပေ၊ တကယ်တမ်း၌ အရာအားလုံးကို သိနားလည်စေ၊ ပေါ်လွင်နေစေပြီးဖြစ်သည်။ ထိုအရာသည် သိသာရိုးရှင်းသည်၊ ထိုအရာသည် လွှတ်ခြင်းခံရပြီး၊ ထို့အပြင် ထိုအရာသည် လုံးဝ အချုပ်အချယ်ကင်းသည်။ ငါချစ်သော ထိုသူတို့သည် မည်သူတစ်ဦးတစ်ယောက်၊ အဖြစ်အပျက်၊ အရာဝတ္ထု သို့မဟုတ် မည်သည့်နေရာ သိုမဟုတ် မည်သည့် ပထဝီဝင် အနေအထားတို့၏ ကန့်သတ်ချုပ်ချယ်ခြင်းကို ဧကန်အမှန် မခံရဘဲ၊ သူတို့သည် ပတ်ဝန်းကျင်အားလုံး၏ ပြဋ္ဌာန်းထိန်းချုပ်ထားခြင်းတို့ကို ကျော်လွန်သွားလိမ့်မည်ဖြစ်ပြီး၊ ဇာတိပကတိမှ လွတ်မြောက်လာမည်။ ဤအရာသည် ငါ၏ ကြီးမြတ်သော အမှု၏ ပြီးစီးမှုဖြစ်သည်။ မည်သည့်အရာမျှ ကျန်ကြွင်းတော့မည် မဟုတ်၊ ထိုအရာသည် လုံးဝ ပြီးဆုံးသွားလိမ့်မည် ဖြစ်သည်။

ကြီးမြတ်သော အမှုကို ပြီးမြောက်ခြင်းဆိုသည်မှာ ငါချစ်သော သူတို့အားလုံးနှင့် သားဦးအားလုံးတို့ကို ရည်ညွှန်းလျက် ပြောခြင်းဖြစ်သည်။ ဤမှ နောက်နောင်တွင် သင်သည် မည်သူတစ်ဦးတစ်ယောက်၊ အဖြစ်အပျက် သို့မဟုတ် အရာဝတ္တု၏ ထိန်းချုပ်မှုကိုမျှ ခံရတော့မည် မဟုတ်ပေ။ သင်သည် စကြဝဠာတစ်ခုလုံးကို ဖြတ်သန်းလျက်၊ စကြဝဠာရှိ အမျိုးမျိုးသော တိုင်းနိုင်ငံများတို့ လှည့်လည်သွားလာလိမ့်မည်၊ ထို့ကြောင့် သင်၏ ခြေရာတို့သည် နေရာအနှံ့ ကျန်ရစ်လိမ့်မည်။ ဤအရာကို အလွန်ဝေးကွာလွန်းလှသည်ဟု မထင်မြင်နှင့်၊ ဤသည်မှာ သင့်မျက်စိရှေ့တွင် မကြာသောအချိန်၌ အမှန်တကယ် ဖြစ်ပျက်လာမည့် တစ်စုံတစ်ခုသောအရာ ဖြစ်သည်။ ငါပြုသောအရာကို သင်တို့အား တာဝန်ပေးစေခိုင်းမည်ဖြစ်ပြီး၊ ငါ၏ခြေ နင်းလျှောက်သွားသော နေရာများတို့တွင် သင်တို့၏ခြေရာများ ရှိလိမ့်မည် ဖြစ်သည်။ ယင်းမှာ သင်တို့နှင့် ငါသည် ရှင်ဘုရင်များကဲ့သို့ အတူစိုးစံသည် ဟူသောစကား၏ အမှန်တကယ် စစ်မှန်သော အဓိပ္ပာယ် ဖြစ်ပေသည်။ ငါ၏ဖွင့်ပြမှုမှာ အဘယ့်ကြောင့် ပိုမိုရှင်းလင်းလာကာ၊ တိုး၍ထင်ရှားပေါ်လွင်လာပြီး၊ အနည်းငယ်မျှပင် ဖုံးကွယ်ထားခြင်း မရှိသည်ကို သင်တို့သည် တွေးတောခဲ့ပြီးသလော။ အဘယ်ကြောင့် ငါသည် အမြင့်ဆုံးသက်သေခံခဲ့ရပြီး နက်နဲသောအရာအားလုံးနှင့် နှုတ်ကပတ်တော်အားလုံးကို သင်တို့ကို ပြောခဲ့ရသနည်း။ အထက်ဖော်ပြပါ လုပ်ဆောင်မှုမှလွဲ၍ အခြားသော အကြောင်းရင်း ဘာမျှမရှိ။ မည်သို့ပင်ဆိုစေ၊ ယခုလက်ရှိ သင်တို့၏ လုပ်ဆောင်မှုတိုးတက်နှုန်းသည် နှေးကွေးလွန်းလှသည်။ ငါ၏ ခြေလှမ်းများကို သင်သည် လိုက်၍မမီ၊ ငါနှင့်အတူ ကောင်းစွာ မပူးပေါင်းမဆောင်ရွက်နိုင်ဘဲ၊ ယခုတွင် ငါ၏အလိုကို သင်သည် အောင်မြင်အောင် စွမ်းဆောင်နိုင်ခြင်း မရှိသေးပေ။ ငါ၏ စိတ်နှလုံးအလိုကို သင်တို့ တတ်နိုင်သမျှအစောဆုံး ဖြည့်နိုင်စေရန်အတွက် ငါသည် သင်တို့ကို ပိုမိုပြင်းထန်စွာ လေ့ကျင့်ပေးကာ၊ သင်တို့အား စုံလင်စေခြင်းဖြစ်သော ငါ၏အမှုကို အရှိန်မြှင့်ရပေမည်။

ယခု အသိသာအထင်ရှားဆုံးမှာ၊ သားဦးအဖွဲ့သည် အပြည့်အဝ ဖွဲ့စည်းပြီးသွားပြီဖြစ်ပြီး၊ အားလုံးသည် ငါ၏ အတည်ပြုခြင်းခံရကာ၊ ခွဲခန့်မှတ်သားထားပြီးဖြစ်သော သူများနှင့် လောကကို ဖန်ဆင်းခြင်းအစကပင် ငါ၏ ရွေးချယ်ခြင်းကို ခံရသောသူတို့ ဖြစ်ကြပြီး၊ ငါ၏ကိုယ်ပိုင်လက်ဖြင့် တစ်ဦးချင်းစီကို ထောက်မထားသည်။ ဤနေရာ၌ လူသား၏ အခန်းကဏ္ဍမပါဝင်ဘဲ၊ သင်၏ ထိန်းချုပ်နိုင်စွမ်းထက် ကျော်လွန်သည်။ ဘဝင်မမြင့်နှင့်၊ ဤအရာအားလုံးသည် ငါ၏ သနားကြင်နာခြင်းနှင့် ကရုဏာ ဖြစ်သည်။ ငါ၏အမြင်တွင်၊ အရာအားလုံးသည် ပြီးမြောက်ပြီး ဖြစ်သည်။ သင်တို့၏ မျက်စိများသည် အလွန် မှုန်ဝါးနေသောကြောင့်သာဖြစ်ပြီး ယခုထိတိုင်ပင် သင်တို့သည် ငါ၏ အမှုများ၏ အံ့သြဖွယ်ရာများကို ရှင်းလင်းစွာ မမြင်နိုင်ကြ။ ငါ၏ အတိုင်းအဆမဲ့တန်ခိုး၊ ငါ၏ ဉာဏ်ပညာ၊ ငါ၏ အပြုအမူ တစ်ခုစီတိုင်းနှင့် ငါ၏ စကားလုံးတိုင်းနှင့် လုပ်ဆောင်မှုတိုင်းကို သင်တို့သည် ကောင်းမွန်လှစွာ ရှင်းလင်းခြင်းမရှိဘဲ၊ အမှန်ပင် နားမလည်နိုင်ကြပေ။ ထို့ကြောင့် ရှင်းလင်းစွာ ငါပြော၏။ ငါ့သားတို့အဖို့၊ ငါချစ်သောသူတို့အဖို့ ငါသည် ကုန်ကျခြင်းအားလုံးကို ပေးရန် ဆန္ဒရှိကာ၊ အပင်ပန်းခံရန် ဆန္ဒရှိပြီး၊ ငါ့ကိုယ်ငါ အသုံးချရန် ဆန္ဒရှိသည်။ ငါ၏ နှုတ်ကပတ်တော်များမှတစ်ဆင့် သင်သည် ငါ့ကို သိသလော။ သင်သည် ဤထက် ပိုမိုရှင်းလင်းစွာပြောရန် ငါ့ကို လိုအပ်သလော။ အသောက်အစား အပျော်အပါး၌ မွေ့လျော်ခြင်း မဖြစ်တော့နှင့်၊ ငါ၏ စိတ်နှလုံးကို ထည့်သွင်းစဉ်းစားလော့။ ယခုတွင် ဤကဲ့သို့ ကြီးမြတ်သည့် နက်နဲသောအရာကို သင်တို့အား ပြောကြားခဲ့ပြီးသောအခါ၊ သင်တို့ အဘယ်အရာကို ပြောဖို့ရန် ရှိသနည်း။ သင်တို့၌ စောဒကတက်ခြင်းများ ရှိသေးသလော။ အကယ်၍ သင်သည် အဖိုးအခကို မပေးဘဲ ကြိုးစားလုပ်ဆောင်လျှင်၊ ငါခံခဲ့သော ဒုက္ခအားလုံးနှင့် သင်သည် ထိုက်တန်သလော။

ယနေ့ခေတ်လူတို့သည် သူတို့ကိုယ်သူတို့ ထိန်းချုပ်နိုင်ခြင်း မရှိပေ။ အကယ်၍ ငါသည် တစ်စုံတစ်ဦးကို မျက်နှာသာ မပေးပါက၊ သူတို့သည် အလိုရှိကောင်း ရှိမည်ဖြစ်သော်လည်း၊ သူတို့သည် ငါ့ကို ချစ်နိုင်လိမ့်မည် မဟုတ်။ သို့သော် ငါခွဲခန့်မှတ်သားထားထားပြီး ရွေးချယ်ထားသော လူတို့သည် သူတို့အလိုရှိကောင်း ရှိစေကာမူ လွတ်ဖို့ရန် တတ်စွမ်းလိမ့်မည် မဟုတ်၊ သူတို့ မည်သည့်အရပ်သို့ သွားသည်ဖြစ်စေ သူတို့သည် ငါ၏ လက်ဖဝါးအတွင်းမှ လွတ်ဖို့ရန် တတ်စွမ်းလိမ့်မည်မဟုတ်။ ငါ၏ဘုန်းအာနုဘော်သည် ထိုသို့ဖြစ်လေ၏၊ ငါ၏တရားစီရင်မှုဆိုလျှင် ထို့ထက်ပင်သာသေးသည်။ ငါ၏အစီအစဉ်နှင့်အညီ၊ ငါ၏အလိုနှင့်အညီ၊ လူသားအားလုံးသည် သူတို့၏ အရေးကိစ္စများကို ဆောင်ရွက်ရမည် ဖြစ်သည်။ ယခုမှစ၍ အရာအားလုံးသည် ငါ၏လက်သို့ အပြည့်အဝ ပြန်လည်ရောက်ရှိလာပြီး၊ သူတို့၏ ကိုယ်ပိုင်ထိန်းချုပ်မှုထက် ကျော်လွန်လျက်ရှိသည်။ ယင်းကို လုံးလုံးလျားလျား ငါထိန်းချုပ်ထား၏၊ ငါစီမံထား၏။ အကယ်၍ လူတစ်ဦးသည် အသေးအဖွဲနည်းလမ်းဖြင့် ပါဝင်လျှင် ငါသည် သူတို့ကို ပေါ့တန်စွာ လွှတ်ပေးလိမ့်မည် မဟုတ်။ ငါသည် အရာအားလုံးကို ဖန်ဆင်းသော စစ်မှန်သည့် တစ်ပါးတည်းသော ဘုရားသခင်၊ လူသားတို့အကြားလာပြီး၊ ငြင်းပယ်ခံရကာ၊ သူတို့၏ အသရေဖျက်ခြင်းခံရသောသူ၊ အရာရာတိုင်းကို ထိန်းချုပ်ပြီး စီမံသူ၊ နိုင်ငံတော်ကို အုပ်စိုးသည့် ရှင်ဘုရင်၊ စကြဝဠာကို စီမံခန့်ခွဲသော ဘုရားသခင်ကိုယ်တော်တိုင်၊ ထို့ထက်ပိုမိုစွာ၊ လူသားတို့၏ သေခြင်းနှင့် ရှင်ခြင်းကို ထိန်းချုပ်သော ဘုရားသခင်၊ မရဏာနိုင်ငံသော့ကို ကိုင်ထားသောသူ ဖြစ်ကြောင်း ယနေ့မှစ၍ ငါသည် လူတို့အား ငါ့ကို စတင်သိစေမည်။ ငါသည် လူသား အားလုံးတို့အား (လူကြီးများ၊ ကလေးသူငယ်များ၊ သူတို့ထံတွင် ဝိညာဉ်များ ရှိသည်ဖြစ်စေ၊ မရှိသည်ဖြစ်စေ၊ သို့မဟုတ် သူတို့သည် ရူးသွပ်သောသူများ သို့မဟုတ် ချို့ယွင်းချက်များ ရှိနေသောသူများ၊ စသည်ဖြင့်) ငါ့အကြောင်းကို သိစေမည်။ ငါသည် မည်သူတစ်ဦးတစ်ယောက်ကိုမျှ ဤလုပ်ဆောင်မှုမှ ခွင့်ပြုလွတ်ငြိမ်းခွင့်ကိုမပေး၊ ဤအလုပ်သည် အကြီးလေးဆုံးသော အလုပ်ဖြစ်ကာ၊ ငါကောင်းမွန်စွာ ပြင်ဆင်ထားသော အလုပ်ဖြစ်ပြီး၊ ယခုပင် စတင်လုပ်ဆောင်ခြင်းခံရသောအလုပ် ဖြစ်သည်။ ငါပြောသောအရာသည် ပြီးမြောက်လိမ့်မည်။ သင်၏ ဝိညာဉ်မျက်စိများကို ဖွင့်ကာ၊ သင်၏ ကိုယ်ပိုင် အယူအဆများကို ဘေးသို့ ချထားပြီး၊ ငါသည် စကြဝဠာကို စီမံအုပ်ချုပ်သော စစ်မှန်သည့် တစ်ပါးတည်းသော ဘုရားသခင် ဖြစ်သည်ကို သိမှတ်လော့။ ငါသည် မည်သူတစ်ဦးတစ်ယောက်ကိုမျှ ထိမ်ချန်ထားခြင်းမရှိဘဲ၊ ငါ၏ စီမံအုပ်ချုပ်ရေးဆိုင်ရာ အမိန့်များကို လူတိုင်းဆီသို့ သက်ရောက်ရန် လုပ်ဆောင်သည်။

သင်တို့၏ ကိုယ်ပိုင်အရာများ အားလုံးကို ဘေးဖယ်ထားလော့။ ငါ့ထံမှ သင်ရရှိသော အရာများသည် ပို၍တန်ဖိုးကြီးပြီး၊ ပို၍ အရေးပါသည် မဟုတ်သလော။ ထိုအရာတို့နှင့် သင်၏အမှိုက်များသည် ကမ္ဘာတစ်ခုခြားသကဲ့သို့ ကွာခြားခြင်းဖြစ်သည် မဟုတ်သလော။ အသုံးမဝင်သော အရာများကို စွန့်ပစ်ရန် အချိန်မဆွဲနှင့်။ ကောင်းချီးမင်္ဂလာများကို ရရှိခံစားမည်လော၊ သို့တည်းမဟုတ် ကံဆိုးမိုးမှောင်ကျခြင်းကို တွေ့ကြုံရမည်လော ဆိုသည်ကို ထိုအရာက ယခုပင် ဆုံးဖြတ်ချက်ချပေးသည်။ ယခုသည် အဓိကကျသောအချိန် ဖြစ်ပြီး၊ အလွန်အရေးပါသော အချိန်ပင် ဖြစ်ပေသည်။ သင်သည် ဤအရာကို မြင်နိုင်သလော။

ယခင်က:ခြောက်ဆယ်ကိုးခုမြောက်သော မိန့်မြွက်ချက်

နောက်တစ်ခုသို့:ခုနှစ်ဆယ့်ခုနှစ်ခုမြောက် မိန့်မြွက်ချက်

သင်နှစ်သက်နိုင်သည့် အရာများ