အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း၇၁

ငါ၏အလုံးစုံတို့ကို သင်တို့အား ထင်ရှားပြပြီးသော်လည်း အဘယ်ကြောင့်သင်တို့သည် ငါ၏စကားများကို စိတ်ဝိညာဉ် အကြွင်းမဲ့စဉ်းစား သုံးသပ်ခြင်းမရှိကြသနည်း။ အဘယ်ကြောင့်ငါ၏စကားများကို အမှိုက်ကဲ့သို့ မှတ်ယူသနည်း။ ငါပြောသောအရာသည် မှန်ကန်မှုမရှိသလော။ ငါ့စကားသည် သင်တို့၌ အရေးပါသော အစိတ်အပိုင်းကို မထိမိသလော။ အမြဲအစဉ်နှောင့်နှေးနေသည်။ အစဉ်အမြဲတွန့်ဆုတ်နေစေသည်။ အဘယ်ကြောင့် သင်တို့သည် ဤသို့ပြုမူသနည်း။ ငါသည်ရှင်းလင်းစွာ ပြောပြပြီမဟုတ်လော။ ငါ့စကားများကို သတိရှိရှိ စဉ်းစားသုံးသပ်ရမည်ဖြစ်ပြီး၊ အနီးကပ်အာရုံစိုက်ရမည်ကို ငါသည်အကြိမ်ပေါင်းများစွာ ပြောခဲ့ပြီ။ သင်တို့၌ တစ်ဦးတစ်ယောက်သည် နာခံ၍နှိမ့်ချသော ကလေးငယ်ဖြစ်သလော။ ငါသည်အချည်းအနှီးပြောခဲ့ပြီလော့။ လုံးလုံးလျားလျား အကျိုးမဲ့သလော။ သင့်အထဲ၌ရှိသောအရာတွင် ငါ၏အလိုနှင့် အဘယ်မျှလောက် ကိုက်ညီမှုရှိသနည်း။ ခဏတာအတွက်သင်သည် အပြစ်ဖော်ဆုံးမခြင်းမခံရလျှင် သင်သည် ကိုယ်ကျင့်သိက္ခာမဲ့၍ အထိန်းအကွပ်မဲ့သော သူဖြစ်လာမည်။ မည်သို့ပြုမူရမည်ကိုလည်းကောင်း၊ မည်သို့ပြောဆို ရမည်ကိုလည်းကောင်း ငါသည်ရှင်းလင်းစွာ မဖော်ပြလျှင် သင်၏စိတ်နှလုံးတွင် သင်အသိမဲ့သည် မဟုတ်လော။ သင်ကိုငါပြောပြသည်ကား ဆုံးရှုံးမှုကိုရင်ဆိုင်ရသူမှာ နာမခံသောသူ၊ ကျိုးနွံခြင်းမရှိသောသူ၊ မိုက်မဲစွာ ယုံကြည်သောသူသာဖြစ်သည်။ အကယ်၍ တစ်စုံတစ်ဦးသည် ငါပြောသောအရာကို အာရုံမစိုက်ဘဲနေသော် လည်းကောင်း၊ အသေးစိတ်များကို နားမလည်နိုင်သော်လည်းကောင်း၊ ၎င်းသည် ငါ၏ရည်ရွယ်ချက်များကို သဘောပေါက်နိုင်မည် မဟုတ်ပေ။ ၎င်းသည်လည်း ငါ့ကိုအစေခံနိုင်မည် မဟုတ်ပေ။ ဤကဲ့သို့သော ပုဂ္ဂိုလ်သည် ငါ၏ရိုက်နှက်ခြင်းကိုခံ၍ ငါ၏တရားစီရင်ခြင်းကိုလည်း ရင်ဆိုင်ရလိမ့်မည်။ အသေးစိတ်ကိုနားမလည်ခြင်းမှာ အလွမ်အမင်း မထီလေးစားပြုခြင်းနှင့် တမင်သက်သက် ကမူးရှုးတိုးပြုခြင်းပင်ဖြစ်သည်။ ထိုကြောင့် ဤသို့သော ပုဂ္ဂိုလ်အား ငါမုန်း၏။ သူတို့အပေါ်ငါသည် နူးညံ့ပျော့ပြောင်းခြင်းမရှိဘဲ သူတို့အားကရုဏာ မထားဘဲ သူတို့သည် ဘုန်းအာနုဘော်နှင့် တရားစီရင်ခြင်းကိုသာ ရင်ဆိုင်ရမည်။ သင်သည်ငါကို လှည်းဖြားဝံ့သေးလျှင် ကြည့်ပါ။ ငါသည်လူ၏အတွင်းပိုင်အကျဆုံး နှလုံးသားကို စစ်ဆေးသောဘုရားဖြစ်ကြောင်းကို အားလုံးသိရမည်။ သို့မဟုတ်လျှင် လူတို့သည်မိမိလုပ်ရပ်ကို စိတ်ပူပန်ခြင်းမရှိဘဲ ငါကိုလိမ်လည် လှည်းစားကြလိမ့်မည်။ ဤအကြောင်းကြောင့်သာ လူအချို့တို့သည် သတိမရှိဘဲ ငါ၏ရိုက်နှက်ခြင်းကိုခံရခြင်း ဖြစ်သည်။ ငါသည်တရားမျှတမှုမရှိဘဲ အဘယ်သူမျှ မဆက်ဆံဟူ၍လည်းကောင်း၊ ငါသည်မှားယွင်းသော အရာကိုမပြုဟူ၍လည်းကောင်း၊ ငါလုပ်သမျှတို့သည် ငါ့လက်၏ အမျှော်အမြင်ရှိသော စီမံမှုအတိုင်းဖြစ်သည်ဟူ၍လည်းကောင်း ငါပြောခဲ့ပြီ။

ငါ၏တရားစီရင်ခြင်းသည် ငါ့ကိုသစ္စာရှိစွာ မချစ်ခင်သောသူအားလုံးအပေါ် ကြရောက်သည်။ ထိုအချိန်တွင် အဘယ်သူသည် ငါ၏ကြိုတင်ခွဲခန့်မှတ်သားခြင်းနှင့် ရွေးနုတ်ခြင်းခံသည်ကိုလည်းကောင်း၊ အဘယ်သူသည်ငါ၏ သုတ်သင်ခြင်းခံခဲ့သည်ကိုလည်းကောင်း ရှင်းလင်းသွားမည်။ ဤအရာများကို ဖုံးကွယ်ခြင်း မရှိဘဲ ရှင်းလင်းဖော်ပြရမည်။ လူအားလုံးဖြစ်စေ၊ အဖြစ်အပျက်အားလုံးဖြစ်စေ အရာအားလုံးတို့သည် ငါ့စကားများကို ပြည့်စုံစေဖို့တည်ရှိခြင်းဖြစ်ပြီး ငါ၏နှုတ်အားဖြင့်ပြောသောစကားများကို အစစ်အမှန်ဖြစ်စေရန် လုပ်ဆောင်နေကြသည်။ ငါ၏လက်သည် စင်္ကြာဝဠာ၏ အစွန်ဆုံးထိတိုင်အောင် ထိန်းချုပ်သည်။ ငါ၏စကားများကို နာမခံသောသူများကိုလည်းကောင်း၊ ငါ၏လုပ်ရပ်များတွင် မပါဝင်သောသူများကိုလ လည်းကောင်း ငါရိုက်နှက်မည်။ ဤသို့ဖြင့် ၎င်းပုဂ္ဂိုလ်သည် အပ္ပါယ်ငရဲသို့နစ်မြုတ်ပြီး အသက်မရှင်ချေ။ ငါ့စကားအားလုံးတို့သည် ညစ်ညမ်းခြင်းမရှိဘဲ သင့်တော်၍တိကျမှုရှိသည်။ သင်တို့၏ မိန့်ခွန်းများသည် ငါ၏ မိန့်ခွန်းနှင့် ထပ်တူညီနိုင်သလော။ ငြီးငွေ့ဖွယ်ကောင်းအောင်ရှည်လျား၍ အဓိပ္ပါယ်မဲ့ပြီး ရှင်းရှင်းလင်းလင်း မရှင်းပြပေ။ သို့သော်လည်းသင်သည် အချို့သောအရာများကို ရရှိသည်ဟု ထင်မှတ်သည်။ ငါသည်သင့်ကို ပြောပြသည်ကား လူတစ်ဦးသည် မိမိကိုယ်ကိုမှန်ကန်သည်ဟုထင်လျှင် ထိုသူသည်ငါ၏ထံမှစ၍ဝေးနေလေသည်။ ၎င်းတို့သည် ငါ၏အလိုကို ထည့်သွင်းစဉ်းစားခြင်းမရှိ။ ငါ၏နာမကိုလည်း အပြင်းထန်ဆုံး မထီမဲ့မြင်ပြု၍ ငါကို လှည်းဖြားကြသည်။ အရှက်မရှိသောသူများသည် မိမိအသက်တာကိုမကြည့်။ အဘယ်မျှလောက်မိုက်မဲ၍ အသိမဲ့ကြသနည်း။

အချိန်တိုင်းနှင့် ကိစ္စတိုင်းတွင် ငါ၏စကားများသည် ညွှန်ပြလျက်ရှိသည်။ ယခုထက်ထိတိုင်အောင် သင်တို့သည်နားမလည်၊ အရှင်းအလင်းဖြစ်နိုင်သလော။ ငါ့ကိုစိတ်ပျက်စေလိုသလော။ သင်တို့၏ စိတ်ဓာတ်များကို ကိုင်မြောက်၍ သင်တို့၏သတ္တိကိုခေါ်ကြ။ ငါ့ကိုချစ်သောသူအားလုံးကို မာယာအားဖြင့် ငါသည်မဆက်ဆံပေ။ လူ့စိတ်နှလုံး၏အနက်ရှိုက်ဆုံးအရပ်ကို ငါစစ်ဆေး၍ တစ်ဦးစီတိုင်း၏ စိတ်ထဲ၌ရှိသော အရာအားလုံးကို ငါသိသည်။ ၎င်းအားလုံးတို့သည် အလွယ်တကူသိမြင်နိုင်အောင်ငါလုပ်၍ ငါ၏စစ်ဆေးခြင်းကို ရင်ဆိုင်ကြရမည်။ ငါ့ကိုအမှန်တကယ်ချစ်သောသူ အဘယ်သူမျှ ငါသည်လျစ်လျူမရှုပေ။ သူတို့သည် ငါ၏ကောင်းချီးများကို လက်ခံရရှိ၍ ဘုရင်များဖြစ်ဖို့အလို့ဌါ ကြိုတင်ခွဲခန့်မှတ်သားထားသော သားဦးများ ဖြစ်ကြသည်။ ငါ့ကိုအမှန်တကယ်မချစ်သောသူမူကား မိမိပရိယာယ်များ၏ ပစ်မှတ်များဖြစ်ကြပြီး ကံဆိုးခြင်းကို လက်ခံရရှိသောသူများ ဖြစ်ကြသည်။ ၎င်းသည်လည်း ငါ၏ကြိုတင်ခွဲခန့်မှတ်သားခြင်းပင်ဖြစ်သည်။ စိတ်ပူပန်ခြင်းမရှိကြနှင့်။ ငါသည်တစ်ယောက်ပြီးတစ်ယောက် ထုတ်ဖော်လိမ့်မည်။ ငါသည်ဤအလုပ်ကို ကြိုတင်ပြင်ဆင်ခဲ့ပြီဖြစ်၍ အစပြုလုပ်ဆောင်ခဲ့ပြီ။ ၎င်းအားလုံးတို့သည် ပရမ်းပတာမဟုတ်ဘဲ စနစ်တကျစီစဉ်ထားခြင်းဖြစ်သည်။ အဘယ်သူသည် ရွေးချယ်ခြင်းခံရပြီး အဘယ်သူသည် သုတ်သင်ခြင်း ခံရမည်ကို ငါဆုံးဖြတ်ခဲ့နှင့်ပြီ။ တစ်ယောက်ပြီးတစ်ယောက် ထုတ်ဖော်ခံရသည်ကို သင်တို့မြင်ရကြလိမ့်မည်။ ဤအချိန်များအတောအတွင်းတွင် ငါ၏လက်သည် အဘယ်အရာလုပ်နေသည်ကို သင်တို့မြင်ရကြလိမ့်မည်။ ငါ၏ဖြောင့်မတ်ခြင်းနှင့် ဘုန်းအာနုဘော်သည် အဘယ်သူမျှ ပုန်ကန်ပြစ်မှားခြင်း သို့မဟုတ် ခုခံခြင်းတို့ကို ခွင့်မပြုသည်ကိုလည်းကောင်း၊ ပုန်ကန်ပြစ်မှားသူများကို ပြင်းထန်စွာပြစ်ဒဏ်ပေးမည်ကိုလည်းကောင်း လူအာလုံးတို့သည် မြင်ရကြလိမ့်မည်။

ငါသည်တစ်ဦးချင်းစီ၏ အတွင်းပိုင်းအကျဆုံး စိတ်နှလုံးသားကို အဆက်မပျက် စူစမ်းရှာဖွေသောသူဖြစ်သည်။ အပြင်ပိုင်း သဏ္ဌာန်အားဖြင့်သာ ငါ့ကိုမကြည့်နှင့်။ မျက်ကန်းသောသူများ။ ရှင်းလင်းစွာ ငါပြောသောစကားများ ကို သင်တို့နားဆင်ခြင်းမရှိ၍ ကိုယ်တိုင် ပြီးပြည့်စုံသောဘုရားဖြစ်သည့်၊ ငါ့အားယုံကြည်ခြင်းမရှိကြချေ။ ငါ့ထံမှ တစ်စုံတစ်ရာကိုဖုံးကွယ်ခြင်းနှင့် လိမ်လည်ခြင်းကို ကျင်ဆောင်သောသူအား ငါသည်လုံး၀ သီးခံမည်မဟုတ်ပေ။

ငါပြောသမျှတို့ကို သတိရပါ၏လော။ ငါ့ကိုမြင်ခြင်းသည် ထာဝရမှ ထာဝရသို့ ဖုံးကွယ်ထားသော နက်နဲမှုတစ်ခုစီတိုင်းကို မြင်ခြင်းနှင့်တူ၏။ ဤကြေညာချက်ကို စေ့စပ်သေချာစွာ သင်စဉ်းစားသုံးသပ် ခဲ့သလော။ ငါသည်ဘုရားဖြစ်သည်။ ငါ့နက်နဲမှုများအား သင်တို့အဖို့ပြသခဲ့ပြီ။ သင်တို့မမြင်ပြီသလော။ အဘယ်ကြောင့်ငါ့ကို အာရုံမစိုက်ဘဲနေကြသနည်း။ အဘယ်ကြောင့် သင့်စိတ်၌ရှိသော၊ အလွန်မသေချာမရေရာသော ဘုရားကိုကိုးကွယ်သနည်း။ တပါးတည်းသောဘုရား၊ မှန်ကန်သောဘုရားဖြစ်သည့် ငါသည် အဘယ်သို့ အမှားပြုနိုင်သနည်း။ သေချာကြပါလော့။ ငါ၏စကားတိုင်နှင့် လုပ်ဆောင်မှုအစဉ်တိုင်းကိုလည်းကောင်း၊ ငါ၏ပြုံးရယ်ခြင်းကိုလည်းကောင်း၊ ငါ၏စားသောက်ခြင်းကိုလည်းကောင်း၊ ငါ၏ဝတ်ဆင်ခြင်းကိုလည်းကောင်း၊ ငါ၏အရာခပ်သိမ်းသည် ဘုရားကိုယ်တိုင်လုပ်ဆောင်ခြင်းဖြစ်သည်။ သင်တို့သည် ငါ့ကို ဝေဖန်ကြသည်။ ငါရောက်ရှိလာခြင်းမတိုင်မှီ သင်တို့သည် ဘုရားကိုမြင်ခဲ့ကြပြီဆိုသည်မှာ ဖြစ်နိုင်သလော။ သို့ဖြစ်လျှင် သင်တို့သည် အဘယ်ကြောင့်ငါအား သင့်စိတ်ထဲ၌ရှိသည့်ဘုရားနှင့် အမြဲတမ်းနှိုင်ယှဉ်နေသနည်း။ ထိုအရာအားလုံးသည် လူသားများ၏ ခံယူချက်များဖြစ်သည်။ ငါ၏လုပ်ဆောင်မှုများနှင့် ပြုမူပုံများသည် သင်၏ စိတ်ကူးစိတ်သန်းများနှင့် ကိုက်ညီမှုမရှိသည် မဟုတ်လော။ ငါ၏လုပ်ဆောင်မှုနှင့် ပြုမူပုံများ မှန်ကန်မှုရှိမရှိ ထင်မြင်ချက်ပေးရန် အဘယ်သူကိုမျှ ငါခွင့်မပြုပေ။ ငါသည်တစ်ပါးတည်းသော၊ စစ်မှန်သောဘုရားဖြစ်သည်။ ဤအရာသည် ပြောင်းလဲ၍မရနိုင်သော၊ လုံးဝဥသုန် မှန်ကန်သောသမ္မာတရားဖြစ်သည်။ မိမိပရိယာယ်၏ လှည်းစားခြင်းကို မခံကြနှင့်။ ငါစကားများသည်လုံးဝရှင်းလင်းသည်။ ငါ၌လူသားသဘာဝ အနည်းငယ်မျှမရှိ။ ငါ၏အရာအားလုံးသည် ဘုရားကိုယ်တိုင်ဖြစ်ကြောင်း မည်သည့်အရာမျှ ဖုံးကွယ်မှုမရှိဘဲ သင်တို့အား အပြည့်အဝဖော်ပြခဲ့ပြီ။

ယခင်က:အခန်း ၇၀

နောက်တစ်ခုသို့:အခန်း ၇၂