အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၇၀

ငါ၏နက်နဲသောအရာကို ထုတ်ဖော်၍ ဖုံးကွယ်ခြင်းမရှိဘဲ ပွင့်လင်းစွာ ဖွင့်ပြပြီဆိုသည်မှာ ငါ၏ကျေးဇူးတော်နှင့် ဂရုဏာတော် သက်သက်သာလျှင် ဖြစ်သည်။ ထိုမျှမက ငါ၏စကားသည် လူများအကြားတွင် ဖုံးကွယ်ခြင်းမရှိဘဲ မြင်သာလာခြင်းသည်လည်း ငါ၏ကျေးဇူးတော်နှင့် ဂရုဏာတော်အားဖြင့်သာ ဖြစ်သည်။ ငါအတွက် ရိုးရှင်းစွာ မိမိကိုယ်ကို အသုံးခံသူများနှင့် ငါ့ထံသို့ မိမိကိုယ်ကို ဆက်ကပ်သောသူများကို ငါချစ်၏။ ငါဖြစ်ဖွားစေသောသူ ဖြစ်သော်လည်း ငါ့ကို မသိသည်သာမကဘဲ ခုခံသောသူအားလုံးတို့ကိုမူ ငါမုန်း၏။ ငါ့အတွက် ရိုးရှင်းသောသူ အဘယ်သူကိုမျှ ငါမစွန့်ပစ်ဘဲ သူတို့၏ ကောင်းကြီးများကို နှစ်ဆတိုးပေးမည်။ ကျေးဇူးမသိတတ်သောသူများကို နှစ်ဆပြစ်ဒဏ်ပေး၍ အလွယ်တကူ ချမ်းသာပေးမည် မဟုတ်ချေ။ ငါ၏နိုင်ငံတော်တွင် မဖြောင့်မှန်ခြင်းမရှိ၊ လှည့်ဖြားခြင်းမရှိ၊ လောကီဆန်ခြင်းမရှိ၊ ဆိုလိုသည်မှာ သေခြင်း၏အနံ့အသက်မရှိဘဲ အားလုံးတို့သည် မှန်ကန်၏၊ အားလုံးတို့သည် ဖြောင့်မတ်၏၊ အားလုံးတို့သည် သန့်ရှင်း၏၊ ပွင့်လင်းမြင်သာမှုလည်းရှိ၏၊ ဝှက်ထားခြင်းမရှိ၊ ဖုံးကွယ်ထားခြင်းမရှိ၊ အားလုံးတို့သည် လန်းဆန်း၍ ဝမ်းမြောက်ခြင်းဖြင့်ပြည့်၏၊ အားလုံး တိုးတတ်ဖွံ့ဖြိုးကြ၏။ တစ်စုံတစ်ယောက်သည် သေခြင်း၏ အနံ့အသက်ကိုခံမိလျှင် ၎င်းသည် ငါ၏နိုင်ငံတော်တွင် ဆက်လက်နေထိုင်ခွင့်မရှိဘဲ ငါ့သံလှံတံ၏ အုပ်ချုပ်ခြင်းကိုသာ ခံရမည် ဖြစ်သည်။ ရှေးအတီတေကာလမှစ၍ ယနေ့တိုင်အောင် အဆုံးမဲ့သည့် နက်နဲသောအရာများကို နောက်ဆုံးသောနေ့ရက်များတွင် ငါ၏ရယူခြင်းကိုခံရသည့် သင်တို့ကို အပြည့်အဝ ထုတ်ဖော်ပြခဲ့ပြီးဖြစ်သည်။ ကောင်းကြီးမင်္ဂလာကို မခံစားရသလော။ ထင်ရှားစွာ ဖော်ပြသောကာလထက် ငါ၏အုပ်စိုးခြင်းကို သင်တို့ မျှဝေခံစားသော ကာလသည် ပို၍ရှည်၏။

အမှန်စင်စစ် ဘုရင်များကဲ့သို့ အုပ်ချုပ်သောသူများသည် ငါ၏ကြိုတင်ခွဲခန့်မှတ်သားခြင်းနှင့် ရွေးချယ်ခြင်းပေါ်၌ တည်မှီလျက်ရှိကြပြီး လူ့ဆန္ဒတစုံတခုမျှ မရှိရချေ။ ၎င်းနှင့်ပတ်သက်၍ တစုံတယောက်သည် ပါဝင်လိုလျှင် ထိုလူသည် ငါ၏ရိုက်နှက်ခြင်းကို ခံရမည်။ သူသည်လည်း ငါ့ဒေါသမီး၏ ပစ်မှတ်ဖြစ်သည်။ ဤအရာသည် ငါ၏ဖြောင့်မတ်ခြင်းနှင့် ဘုန်းအာနုဘော်၏ အခြားသောဘက် ဖြစ်သည်။ ငါသည် အရာခပ်သိမ်းကို အုပ်ချုပ်သည်၊ ငါသည် အာဏာအပြည့်ဝနှင့်တကွ ဉာဏ်ပညာရှိသောဘုရားဖြစ်သည်၊ ငါသည် မည်သူ့ကိုမျှ မသက်ညှာ၊ ရက်စက်၍ ကိုယ်ရေးကိုယ်တာ ခံစားချက်များမရှိကြောင်း ငါပြောခဲ့ပြီးဖြစ်သည်။ ငါ၏ဖြောင့်မတ်ခြင်း၊ မှန်ကန်ခြင်းနှင့် ဘုန်းအာနုဘော်ဖြင့် အားလုံးကို ငါဆက်ဆံသည် (မည်သို့ပင် စကားပြော ကောင်းသည်ဖြစ်စေ ကင်းလွတ်ခွင့်မပေး)။ တစ်ချိန်တည်းမှာပင် ငါသည် အားလုံးတို့အား အံ့ဘွယ်သော ငါ၏လုပ်ရပ်များနှင့် ၎င်း၏ဆိုလိုရင်းကို ပို၍မြင်စေခြင်းငှာ အစွမ်းပေးမည်။ ဝိညာဉ်ဆိုးများ၏ ပြုမူကျင့်ကြံမှုအားလုံးတို့ကို တစ်ယောက်ပြီးတစ်ယောက် ပြစ်ဒဏ်ပေးပြီး၊ တစ်ယောက်ပြီးတစ်ယောက် အနက်ဆုံးသော တွင်းထဲသို့ ပစ်ချမည်။ သူတို့အလုပ်လုပ်ရန် နေရာအခြေအနေ ချန်မထားဘဲ ဤအမှုကို အချိန်မစတင်မီ ငါအဆုံးသတ်ခဲ့ပြီ။ ငါကြိုတင်ခွဲခန့်မှတ်သားထားသော၊ ရွေးနုတ်ထားသော သူများဖြစ်ကြသည့် ငါရွေးချယ်ထားသောသူအားလုံးကို မည်သည့်အချိန်ဖြစ်စေ ထိုသူတို့ မပိုင်စေရပေ။ ငါ့လူတိုသည် အမြဲတမ်းသန့်ရှင်း၏။ ငါ၏ကြိုတင်ခွဲခန့်မှတ်သားခြင်းနှင့် ရွေးနုတ်ခြင်းကို မခံရသောသူတို့ကို စာတန်ဘက်သို့ ငါလွှဲပြောင်းမည်ဖြစ်ပြီး ငါနှင့်အတူ ဆက်လက်နေထိုင်ခွင့်မပေး။ ကဏ္ဍအားလုံး၌ရှိသော ငါ၏အုပ်ချုပ်မှုအမိန့်များထဲတွင် ငါ၏ဖြောင့်မတ်ခြင်းနှင့် ဘုန်းအာနုဘော်တို့သည် အမြဲပါဝင်လျက် ရှိသည်။ ငါသည် စာတန်ကို မုန်းသောကြောင့် စာတန်၏ ပြုစားမှုကိုခံသောသူများတွင် မည်သူတစ်ဦးကိုမျှ ငါအလွတ်ပေးဘဲ သူတို့၏ ခန္ဓာကိုယ်နှင့်တကွ အားလုံးကို မရဏာနိုင်ငံသို့ ပစ်ချမည်။ ငါသည် ကင်းလွတ်ခွင့်မပေးဘဲ လုံးဝဖျက်ဆီးမည်။ သူ့အလုပ်ကို အကောင်အထည်ဖော်ရေးအမှုတွင် အနည်းဆုံး အခွင့်ရေးမျှပင် ငါမပေး။ စာတန်၏ ဖျက်ဆီးမှုကို အတိုင်းအတာတစ်ခုထိခံသော (ဘေးအန္တရာယ်၏ ပစ်မှတ်များဖြစ်ကြသော) သူများသည်လည်း ငါကိုယ်တိုင်၏ပညာပါသော စီစဉ်မှုပင်ဖြစ်သည်။ စာတန်၏ ရက်စက်ကြမ်းကြုတ်မှုဟု မယူဆဘဲ ငါသည် စကြဝဠာတစ်ခုလုံး၌ အရားအားလုံးကို အုပ်စိုးသော အနန္တတန်ခိုးရှင် ဘုရားရှင်ဖြစ်ကြောင်းကို သိမှတ်ကြလော့။ ငါ၌ မဖြေရှင်းနိုင်သော ပြဿနာဟူ၍ မရှိပေ။ ထိုမျှမက ငါပြော၍မရနိုင်သော စကားဟူ၍လည်းကောင်း၊ ငါမပြီးမြောက်နိုင်သော အရာဟူ၍လည်းကောင်း မည်သည့်အရာမျှမရှိပေ။ လူသည် ငါ၏အကြံပေးများသဖွယ် မပြုမူရ။ ငါ့လက်ဖြင့်ရိုက်ပြီး မရဏာနိုင်ငံသို့ ပစ်ချမည်ကို သတိရှိကြလော့။ ငါ၏လက်ဖြင့် အဆုံးသတ်ကာ မရဏာနိုင်ငံသို့ ပစ်ချခံရခြင်းကို သတိပြုကြလော့။ သင့်ကိုငါပြောပြသည်ကား ယနေ့ငါနှင့်အတူ လိုလားစွာ ပူပေါင်းသောသူတို့သည် ဆုံးရှုံးမှုကို ရှောင်ကြဉ်လျက် တရားစီရင်ခြင်းဝေဒနာမှ လွတ်မြောက်ခြင်းဖြင့် ပညာအရှိဆုံးသောသူများ ဖြစ်ပေသည်။ ဤအရာအားလုံးသည် ငါ၏စီရင်မှုနှင့် ကြိုတင်ခွဲခန့်မှတ်သားမှုများ ဖြစ်သည်၊ မိမိကိုယ်ကို ကြီးမားသည်အထင်နှင့် ကြီးကျယ်စွာ ပြောဆိုကာ အမြော်အမြင်ကင်းမဲ့သော ဝေဖန်မှုများ မပြုကြနှင့်။ ဤအရာအားလုံးတို့သည်လည်း ငါ၏ကြိုတင်ခွဲခန့်မှတ်သားခြင်း မဟုတ်လော။ ငါ့ကိုအကြံပြုလိုသော သင်တို့မှာ မရှက်မရှိကြ။ သေးငယ်၍ သနားဖွယ်သော မိမိ၏ အရွယ်အစားကို သင်မသိပေ။ သို့ပေမည့်လည်း ပေါ့ပါစွာထင်မှတ်၍ မိမိကိုယ်ကို နားမလည်ကြပေ။ အချိန်ကြာလာသည်နှင့်အမျှ ငါ၏စကားများကို မနားမထောင်ဘဲ ငါ၏ကြိုးပမ်းအားထုတ်မှုကို အချည်းနှီးဖြစ်စေသည်။ ယင်းမှာ ငါ၏ကျေးဇူးတော်နှင့် ဂရုဏာတော်ဖြစ်ကြောင်းကိုလည်း မစဉ်းစားပေ။ မိမိ၏ ကျွမ်းကျင်တတ်သိမှုကိုသာ ထပ်ခါထပ်ခါ ပြသဖို့ သင်တို့သည် ပို၍လိုလားသည်။ မိမိကိုယ်ကို ပါးနပ်သည်ဟု ယူဆသော သူတို့သည် မည်သို့သော ပြစ်တင်ဆုံးမခြင်းကို ခံရမည်ဖြစ်ကြောင်း သင်တို့သတိရှိကြသလော။ ငါ့စကားများကို ဂရုမစိုက်၊ သစ္စာမစောင့်၊ နှလုံးမသွင်းသောသူများ၊ အမျိုးမျိုးသောအရာ၌ ငါ့ကိုဟန်ဆောင် အသုံးပြုသည်။ ဒုစရိုက်ကိုပြုသူများ၊ ငါ၏စိတ်နှလုံးကို မည့်သည်အချိန်တွင် အပြည့်အဝ ထည့်သွင်းစဉ်းစား နိုင်မည်နည်း။ ငါ၏စိတ်နှလုံးကို ထည့်သွင်းစဉ်းစားခြင်း မရှိသောကြောင့် ဒုစရိုက်ကိုပြုသူများဟု သင်တို့ကိုခေါ်ရသည်မှာ မတရားသဖြင့် ပြုမူခြင်းမဟုတ်ဘဲ သင်တို့နှင့် ထိုက်တန်သော အခေါ်အဝေါ်ဖြစ်သည်။

တစ်ချိန်က ဖုံးကွယ်ထားခဲ့သောအရာများကို ယနေ့ သင်တို့ တစ်ဦးချင်းစီကို ငါပြမည်။ အဆင်းနီသော နဂါးကြီးသည် အဆုံးမဲ့တွင်းထဲသို့ ပစ်ချခံရပြီး လုံးဝဖျက်ဆီးခြင်းခံရပြီ။ အကြောင်းမူကား ၎င်းသည် ခရစ်တော်အတွက် အစေမခံနိုင်သောကြောင့် သူ့ကို ဆက်လက်ထားရှိခြင်းမှာ လုံးဝအကြောင်းမထူးပေ။ ယခုအချိန်မှစ၍ အနာဂတ်တွင် အဆင်းနီသောအရာ မရှိတော့ပေ။ တန်ဖိုးမဲ့အဖြစ် တဖြည်းဖြည်း ချုံးကျသွားမည်။ ငါပြောသည်အတိုင်း ငါလုပ်သည်။ ဤအရာသည် ငါ့အလုပ်၏ ပြီးပြည့်စုံခြင်းဖြစ်သည်။ လူသားအယူအဆများကို ဖယ်ရှား၍ ငါပြောခဲ့သမျှတို့ကို ငါလုပ်ခဲ့ပြီ။ ကျွမ်းကျင်တတ်သိရန် ကြိုးစားသောသူသည် မိမိ၏ ပျက်ဆီးခြင်းကိုလည်းကောင်း၊ ရှုတ်ချခြင်းကိုလည်းကောင်း ဖြစ်စေ၍ အသက်မရှင်လိုသောသူ ဖြစ်သည်။ ထို့ကြောင့် သင့်ဆန္ဒကို ငါဖြည့်ဆည်းပေး၍ ထိုသို့သောလူကို လုံးဝထိန်းသိမ်းမည် မဟုတ်ပေ။ ယခုမှစ၍ လူဦးရေ တိုးလာသည်နှင့်အမျှ ငါနှင့်အတူ လိုလားစွာ မပူးပေါင်းသော သူအားလုံးတို့သည် တန်ဖိုးမဲ့အဖြစ် ထုတ်ပယ်ခြင်းခံရမည်။ ငါအခွင့်အရေးပေးခဲ့သောသူသည် ငါပြည့်စုံစေမည့်သူလည်း ဖြစ်သည်။ အဘယ်သူကိုမျှ ငါမလွှင့်ပစ်။ ငါပြောသောအရာတွင် ဆန့်ကျင်ဘက် မပါရှိပေ။ ငါနှင့်အတူ လိုလားစွာ ပူပေါင်းခြင်း မရှိသောသူတို့သည် ပို၍ပြစ်တင်ဆုံးမခြင်းကို ခံရမည် ဖြစ်သော်လည်း နောက်ဆုံးတွင် ငါကယ်တင်မည်။ သို့သော် ထိုအချိန်တွင် သူတို့အသက်တာသည် အတော်အတန် ခြားနားမှုရှိမည်။ သင်သည် ၎င်းကဲ့သို့သောပုဂ္ဂိုလ် ဖြစ်လိုသလော။ ထ၍ငါနှင့်အတူ ပူးပေါင်းလော့။ ငါ့အတွက် ရိုးရှင်းစွာ မိမိကိုယ်ကို အသုံးခံသောသူများကို ငါသည်လည်း သဘောထား သေးသိမ်စွာ မဆက်ဆံပေ။ ငါ့ထံသို့ မိမိကိုယ်ကို ရိုးရှင်းစွာ ဆက်ကပ်သော သင့်အပေါ်၌ ငါ၏ကောင်းကြီးများ သွန်းလောင်းပေးမည်။ မိမိကိုယ်ကို ငါ့ထံသို့ အကြွင်းမဲ့ ပေးအပ်ကြလော့။ သင်စားသောအရာဖြစ်စေ၊ သင်ဝတ်သောအရာဖြစ်စေ၊ သင်၏အနာဂတ်အားလုံးသည် ငါ့လက်ထဲ၌ရှိသည်။ သင်၏အဆုံးမဲ့ ဝမ်းမြောက်ခြင်းအတွက် ငါသည် အလုံးစုံတို့ကို စနစ်တကျ စီစဉ်ပေးမည်ဖြစ်၍ မကုန်ဆုံးနိုင်ချေ။ အကြောင်းမူကား "ငါ့အတွက် ရိုးသားစွာ အသုံးခံသောသူကို ငါသည် ကောင်းကြီးများစွာ ဧကန်ပေးမည်"ဟု ငါပြောနှင့်ပြီ။ အားလုံးသော ကောင်းကြီးမင်္ဂလားများသည် ငါ့အတွက် ရိုးသားစွာ ပေးဆပ်သောသူတိုင်း၏အပေါ်သို့ ရောက်ရှိလာသည်။

ယခင်က:အခန်း ၆၉

နောက်တစ်ခုသို့:အခန်း ၇၁

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ