အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၆၇

ငါ့သားများသည် လူသားများအားလုံးရှေ့တွင် လူသိရှင်ကြား သွားရောက်မျက်နှာပြသည်။ ငါ့သားများကို လူသိရှင်ကြား အာခံဝံ့သူတို့ကို ငါသည် ပြင်းထန်စွာ ပြစ်တင်ဆုံးမမည် ဖြစ်ကြောင်းမှာ အသေအချာပင် ဖြစ်သည်။ ယနေ့တွင် အသင်းတော်ကို ဦးဆောင်လမ်းပြရန် နိုးထနိုင်သောသူ အားလုံးတို့သည် သားဦးများအရာကို ယခုရရှိပြီးဖြစ်၍ ယခုပင်ငါနှင့်အတူ ဂုဏ်အသရေကို ခံရမည်ဖြစ်သည်၊ ငါပိုင်သမျှ အားလုံးသည်လည်း သင်တို့၏အပိုင်ဖြစ်သည်။ ဟန်ဆောင်ခြင်းမရှိဘဲ ငါ့စကားကို ရိုးသားစွာ နာခံသောသူ အားလုံးတို့အား မြောက်များစွာသော ကျေးဇူးကို ငါပေးအပ်မည်။ သို့ဖြစ်၍ သင်သည် အခြားသူများထက် သာလွန်၍ ခွန်အားကြီးသောသူ ဖြစ်လာမည်။ ငါ၏အလိုသည် သင်တို့သားဦးများအပေါ်တွင် အပြည့်အဝရှိပြီး သင်တို့သည် အမြန်ဆုံး ရင့်ကျက်၍ ငါပေးအပ်သော တာဝန်များကို ပြီးပြည့်စုံစေဖို့သာ ငါဆန္ဒရှိသည်။ ငါပေးအပ်သော တာဝန်သည် ငါ့စီမံခန့်ခွဲမှုအစီစဉ်၏ နောက်ဆုံးစီမံကိန်းဖြစ်ကြောင်း သိထားကြလော့။ သင်၏ စိတ်နှလုံးအကြွင်းမဲ့၊ ဉာဏ်ပညာရှိသမျှ၊ အစွမ်းသတ္တိရှိသမျှနှင့်တကွ သင်၏အလုံးစုံကို ငါ့ထံပေးအပ်နိုင်ရန်နှင့် အားလုံးကို ငါ့အတွက် အသုံးခံရန်သာ သင်တို့အပေါ် ငါမျှော်လင့်သည်။ အမှန်စင်စစ် အချိန်သည် လူကိုမစောင့်။ အဘယ်သူမျှ၊ ဘယ်အရာဝတ္ထုမျှ ငါ့အလုပ်ကို နှောင့်နှေးစေနိုင်မည်မဟုတ်။ ငါ့အလုပ်သည် ပိတ်ဆို့ခြင်းမရှိဘဲ ချောမွေ့စွာ တိုးတတ်နေသည်ကို သိထားကြလော့။

ငါ၏ခြေလှမ်းများသည် စကြဝဠာ တစ်ခွင်လုံးကို လျှောက်လှမ်း၏။ ငါ၏မျက်လုံးများသည်လည်း လူတစ်ယောက်စီတိုင်းကို အဆက်မပြတ် စစ်ဆေး၏။ ထိုမျှမက စကြဝဠာတစ်ခုလုံးကို ငါစောင့်ကြည့်သည်။ ငါ၏စကားများသည် စကြဝဠာအဆုံးထိတိုင် ရောက်ရှိသည်။ ငါ့ကိုအစေမခံဝံ့သော မည်သူမဆို ငါ့အပေါ်သစ္စာမစောင့်ဝံ့သော မည်သူမဆို၊ ငါ့နာမကို တရားစီရင်ရဲသော မည်သူမဆိုနှင့်၊ ငါ၏သားများကို ဆဲဆို၍ ထိခိုက်နစ်နာအောင် ပြောရဲသော မည်သူမဆို၊ ထိုသို့ အမှန်တကယ် လုပ်ဆောင်သော ၎င်းအားလုံးတို့သည် ပြင်းထန်သော တရားစီရင်ခြင်းကို ခံရကြမည်။ ငါ၏တရားစီရင်ခြင်းသည် အလုံးစုံကျရောက်လိမ့်မည်။ ဆိုလိုရင်းမှာ ယခုအချိန်သည် တရားစီရင်ခြင်းခေတ်ကာလဖြစ်၍ ငါ၏တရားစီရင်ခြင်းသည် စကြဝဠာတစ်ခုလုံး အပြည့်အဝ ပြန့်နေသည်ကို သတိရှိသောသူသည် မြင်ရမည် ဖြစ်သည်။ ငါ့မိသားစုသည်လည်း ကင်းလွတ်ခွင့်မရဘဲ ငါ့အလိုနှင့် ကိုက်ညီမှုမရှိသော အတွေးများ၊ စကားများနှင့် အပြုအမူများ ရှိသူတို့သည် တရားစီရင်ခြင်း ခံရမည်ဖြစ်သည်။ ငါ၏တရားစီရင်ခြင်းသည် လူတစ်စု သို့မဟုတ် အရာတစ်ခုအတွက်သာ မဟုတ်ဘဲ စကြဝဠာတစ်ခုလုံးအတွက်ဖြစ်ကြောင်း သင်နားလည်ရမည်၊ ယင်းကို သဘောပေါက်ပြီလော။ သင်တို့သည် မှားယွင်းသော ခံယူချက်တစ်ခု ယခုတခဏရှိလျှင် တရားစီရင်ခြင်းကို ချက်ချင်း ကြုံတွေ့ရမည်ဖြစ်သည်။

ငါ၏တရားစီရင်ခြင်းသည် ပုံသဏ္ဌာန်အမျိုးမျိုးကို ဆောင်တတ်၏။ ဤအရာကို သိထားကြလော့။ ငါသည် တစ်မူထူးခြား၍ စကြဝဠာ၏ ဉာဏ်ပညာပြည့်စုံသော ဘုရားဖြစ်သည်။ ငါ၏တန်ခိုး လက်လှမ်းမမီသောအရာဟူ၍ မရှိ။ ငါ၏တရားစီရင်ခြင်း အားလုံးတို့ကို သင်တို့ထံ ဖော်ပြခဲ့ပြီ။ သင်တို့၌ မှားယွင်းသော အတွေးများရှိလာလျှင် သင့်ကို ငါသည် ခံစားသိရှိစေမည်ဖြစ်သည်။ သင်တို့ မှားယွင်းကြောင်း ငါသတိပေးမည်။ သင်တို့နားမထောင်လျှင် သင်တို့ကို ချက်ချင်း ငါစွန့်ပစ်မည် (ငါ့နာမကို သံသယရှိခြင်းကို ဆိုလိုသည် မဟုတ်ဘဲ သွေးသားကျေနပ်မှုနှင့်ဆိုင်သော အပြင်ပိုင်း ကိုယ်ကျင့်အပြုအမူများကို ဆိုလိုခြင်းဖြစ်သည်)။ သင်တို့သည် အတွေးအားဖြင့် ငါ့ကို အာခံလျှင်လည်းကောင်း၊ ငါ့ကိုစောဒကတက်လျှင်လည်းကောင်း၊ အသက်တာ၏ ခံစားမှုများကို မလိုက်နာဘဲ စာတန်၏အကြံအစည်များကို အကြိမ်ကြိမ် လက်ခံလျှင်လည်းကောင်း သင်တို့သည် နာကျင်မှုကိုခံစား၍ သင်တို့၏ ဝိညာဉ်သည် အမှောင်ထဲ၌ ရောက်ရှိနေမည်ဖြစ်သည်။ ငါနှင့်နီးကပ်စွာနေရမည်။ သင်တို့၏ ပုံမှန်အခြေအနေများကို ပြန်လည်ရရှိရန် တစ်ရက်၊ နှစ်ရက်အတွင်း လုံးဝလုပ်ဆောင်နိုင်မည် မဟုတ်သောကြောင့် သင်တို့၏အသက်တာသည် သိသိသာသာ အလွန်နောက်ကျကျန်ရစ်လိမ့်မည်။ အပြောအဆို၌ ကိုယ်ကျင့်တရားပျက်သော သင်တို့၏ပါးစပ်များ၊ လျှာများကို ပဲ့ပင်ဆုံးမပြီး၊ သင်တို့၏လျှာများသည် ရိုက်နှက်ဆုံးမခြင်းခံရမည်။ ကိုယ်ကျင့်တရား၌ အကန့်အသတ်မဲ့ပျက်စီးနေသော သင်တို့၏ဝိညာဉ်များကို ငါသတိပေး၍ လိုက်နာခြင်း မရှိသောသူများကို ငါသည် ပြင်းထန်စွာ ပြစ်တင်ဆုံးမမည်။ ငါ့ကို လူသိရှင်ကြား တရားစီရင်ပြီး အာခံသောသူများ၊ ဆိုလိုသည်မှာ စကားအားဖြင့်လည်းကောင်း၊ အပြုအမူအားဖြင့်လည်းကောင်း ငါ့ကို နာခံခြင်းမရှိသောသူများကို ငါသည် လုံးလုံး သုတ်သင်ဖယ်ရှင်း၍ စွန့်ပစ်မည်။ အကောင်းဆုံးသော ကောင်းကြီးများကိုလည်း ဆုံးရှုံး၍ ပျက်စီးခြင်းသို့ ရောက်ရှိစေမည်။ ဤသူတို့သည် ရွေးနုတ်ခြင်းကိုခံခဲ့ရသော်လည်း သုတ်သင်ခြင်းကိုခံရသော သူများဖြစ်သည်။ အသိမဲ့သောသူများ၊ ဆိုလိုသည်မှာ ရူပါရုံမရှင်းလင်းသောသူများကိုမူ ငါသည် အသိဉာဏ်ပွင့်လင်းစေ၍ ကယ်တင်မည်။ သို့သော် အမှန်တရားကို သိလျက်ပင် လက်တွေ့ မလုပ်ဆောင်သောသူများကို သိသည်ဖြစ်စေ၊ မသိသည်ဖြစ်စေ အပေါ်၌ ဖော်ပြထားသော စည်းမျဉ်းများအတိုင်း ငါဆောင်ရွက်မည်။ အစကတည်းကပင် ရည်ရွယ်ချက် မှားယွင်းသောသူများကိုမူ စစ်မှန်မှုကို ထာဝရ နားလည်သဘောပေါက်ခြင်း မရှိရအောင် ငါဖြစ်စေ၍ နောက်ဆုံးတွင် သုတ်သင်ဖယ်ရှင်းခြင်းကို တဖြည်းဖြည်း ခံရကြမည်။ တစ်ယောက်မျှမကျန်၊ တစ်ယောက်ပြီးတစ်ယောက် သုတ်သင်ဖယ်ရှင်းခြင်းကို ခံရမည်။ ယခု သူတို့ ကျန်နေသေးသည်မှာ ငါ၏အစီအစဉ်အရ ဖြစ်သည်။ အကြောင်းမူကား ငါသည် အလွန်လျင်မြန်စွာ မပြုလုပ်ဘဲ စနစ်တကျ လုပ်ဆောင်လျက်ရှိသည်။

ငါ၏တရားစီရင်ခြင်းသည် စုံလင်စွာ ထုတ်ဖော်ခဲ့ပြီဖြစ်၍ ကွဲပြားခြားနားသော သူများအတွက် ကြံရွယ်ခြင်းဖြစ်သောကြောင့် သူတို့သည် မိမိတို့၏သင့်လျော်သော နေရာများကို ယူကြရမည်။ မိမိချိုးဖောက်ထားသော စည်းမျဉ်းပေါ်မူတည်၍ ၎င်းနှင့်ညီညွတ်သော တရားစီရင်ခြင်းကို ငါဆောင်ရွက်သွားမည်။ နောက်ဆုံးသောကာလ၌ ခရစ်တော်ကို လက်မခံသောသူများ၊ ဤနာမည်၌ မရှိသောသူများအတွက် စည်းမျဉ်းတစ်ခုသာ ရှိ၏၊ ငါ့ကိုအာခံသောသူများ၏ စိတ်၊ ဝိညာဉ်နှင့် ခန္ဓာကိုယ်ကို ငါသည် တုံ့ဆိုင်းခြင်းမရှိဘဲ မရဏာနိုင်ငံသို့ လွှင့်ပစ်မည်။ ငါ့ကို အာခံခြင်း မပြုသောသူတို့သည် ဒုတိယတရားစီရင်ခြင်းမတိုင်မီ ရင့်ကျက်ဖို့ရန် ငါစောင့်ဆိုင်းပေးမည်။ ငါ၏စကားများသည် ဝှက်ထားခြင်းမရှိ၊ ရှင်းလင်းပြည့်စုံစွာ ရှင်းပြ၏။ သင်တို့သည် ထိုစကားများကို စိတ်ထဲ၌ အမြဲထိန်းသိမ်းနိုင်ဖို့သာ ငါအလိုရှိသည်။

ယခင်က:အခန်း ၆၆

နောက်တစ်ခုသို့:အခန်း ၆၈

သင်နှစ်သက်နိုင်သည့် အရာများ