အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ခုနှစ် ယုံကြည်သူ အသစ်များမှ နားလည်ထားသင့်သည့် အနည်းဆုံးဖြစ်သော သမ္မာတရားများ၏ အခြားသော ရှုထောင့် အချို့

၁။ ဘုရားသခင်အပေါ် ၎င်းတို့၏ ယုံကြည်ခြင်းထဲ၌ ဘုရားသခင်၏အမှုသစ်ကို လူတို့ ဆန့်ကျင်ခြင်း၏ အရင်းအမြစ်ကို သင်တို့ သိရမည်

ဆက်စပ်သော ဘုရားသခင်၏ နှုတ်ကပတ်တော်များ -

လူသားသည် ဘုရားသခင်ကို ဆန့်ကျင်သည့်အကြောင်းမှာ တစ်ဖက်တွင် ယိုယွင်းပျက်စီးနေသော စိတ်သဘောထားမှ ထွက်ပေါ်လာပြီး အခြားဖက်တွင် ဘုရားသခင်ကို လစ်လျူရှုခြင်း၊ ဘုရားသခင်အမှု၏ စည်းမျဉ်းတို့နှင့် လူသားအတွက် ထားသည့် သူ၏အလိုကို နားမလည်ခြင်းတို့မှ ထွက်ပေါ်လာခြင်း ဖြစ်သည်။ ဘုရားသခင်ကို ဆန့်ကျင်သော လူ့သမိုင်းထဲတွင် ယင်းရှုထောင့်နှစ်ခု ပေါင်းစပ်နေ၏။ ယုံကြည်ခြင်း၌ နုနယ်သောသူတို့ ဘုရားသခင်ကို ဆန့်ကျင်ဘက် ပြုကြခြင်းမှာ သူတို့ဗီဇသဘာဝထဲတွင် ထိုစိတ်သဘောထားများ ကိန်းအောင်းနေ၍ ဖြစ်ပြီး၊ ယုံကြည်ခြင်း၌ နှစ်ပေါင်းများစွာ ကြာလာသောသူတို့ ဘုရားသခင်ကို ဆန့်ကျင်ဘက် ပြုကြခြင်းမှာမူ ထိုသူတို့၏ ပျက်စီးနေသော စိတ်သဘောထားအပြင် ဘုရားသခင်ကို လျစ်လျူရှုခြင်း၏ ရလဒ်ပင် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်ကို မသိသောသူ အားလုံးသည် ဘုရားသခင်ကို ဆန့်ကျင်သောသူများ ဖြစ်ကြသည်" မှ

ဘုရားသခင်၏ အမှုသည် ဆက်လက် တိုးတက်လျက်ရှိရာ ယင်းအမှု၏ ရည်ရွယ်ချက်မှာ မပြောင်းလဲပဲ တည်ရှိနေသော်လည်း အမှုများကို ဆောင်ရွက်သည့် နည်းလမ်းများမှာမူ ဘုရားသခင်အား လိုက်နာသူများကဲ့သို့ပင် အစဉ်မပြတ် ပြောင်းလဲလျက်ရှိသည်။ ဘုရားသခင်၏ အမှုများပြား လာသည်နှင့် အမျှ လူသားတို့သည် ဘုရားသခင်ကို နှံ့စပ်စွာ ပိုမို သိမြင်လာကြရပြီး ၎င်းတို့၏ စိတ်သဘောထားသည်လည်း ဘုရားသခင်၏ အမှုနှင့် လျော်ညီစွာ ပြောင်းလဲလာကြသည်။ သို့ရာတွင် ဘုရားသခင်၏ အမှုမှာ ထာဝစဉ် ပြောင်းလဲနေတတ်သဖြင့် သန့်ရှင်းသော ဝိညာဉ်တော်၏ အမှုကို မသိသူများနှင့် သမ္မာတရားကိုမသိသူ စိတ်ပျက်ဖွယ် လူသားတို့သည် ဘုရားသခင်အား ဆန့်ကျင်သူများ ဖြစ်လာကြသည်။ ဘုရားသခင်၏ အမှုသည် မည်သည့်အခါမျှ ဟောင်းနွမ်း မသွားပဲ အမြဲတမ်းအသစ် အသစ်များသာ ဖြစ်နေသောကြောင့် လူသားတို့၏ ထင်မြင်ချက်များနှင့် မည်သည့်အခါမျှ ကိုက်ညီခြင်းမရှိပါ။ ဘုရားသခင်သည် အမှုဟောင်းများကို မည်သည့်အခါမျှ ထပ်မံလုပ်ဆောင်ခြင်း မပြုသည့်အပြင် တစ်ခါမျှ မလုပ်ဆောင် ဖူးသေးသည့် အမှုများကိုလည်း တဟုန်ထိုး လုပ်ဆောင်သည်။ ဘုရားသခင်သည် သူ၏အမှုကို ထပ်ခါတလဲ ပြန်လုပ်ဆောင်ခြင်း မရှိသည့်အတွက် ယနေ့လက်ရှိကို လူသားတို့က သူ၏ အတိတ်က အမှုကို အခြေခံလျက် အစဉ်သဖြင့် ဝေဖန်အကဲဖြတ်လေ့ရှိကြရာ အမှုအတွက် ခေတ်ကာလသစ်တစ်ခု၏ အဆင့်တစ်ဆင့်စီတိုင်းကို ဆောင်ရွက်နိုင်ရန် ဘုရားသခင်အတွက် အလွန့်အလွန်ပင် ခက်ခဲလာသည်။ လူသားတို့က မြောက်များလှစွာသော အတားအဆီးများကို ဖြစ်ပေါ်စေလျက်ရှိသည်။ လူသားတို့၏ စဉ်းစား တွေးခေါ်မှုများသည် အလွန်ပင် အမြင် ကျဉ်းမြောင်းလှသည်။ ဘုရားသခင်၏ အမှုကို လူတစ်ဦး တစ်ယောက်ကမျှ မသိနားမလည်ဘဲနှင့် ထိုသူအားလုံးက ထိုအမှုကို အဓိပ္ပာယ်ဖွင့်ဆိုကြသည်။ ဘုရားသခင်နှင့် ဝေးသည့်နေရာတွင် လူသားတို့သည် အသက်တာ၊ သမ္မာတရားနှင့် ဘုရားသခင်၏ ကောင်းချီး မင်္ဂလာများကို ဆုံးရှုံးကြရသည်။ သို့တည်းတိုင် ထိုလူသားတို့မှာ အသက်တာနှင့် သမ္မာတရားကို လည်းကောင်း၊ လူသားမျိုးနွယ်အပေါ် ပေးသနားသည့် ဘုရားသခင်၏ ကောင်းချီးမင်္ဂလာထက် ကြီးမြတ်သည့် အရာမရှိဆိုသည်ကို လည်းကောင်း လက်ခံခြင်း မရှိကြပေ။ လူသားအားလုံးသည် ဘုရားသခင်ကို ရယူလိုသော်လည်း ဘုရားသခင်၏ အမှုအတွင်း အပြောင်းအလဲများ ရှိလျှင်မူ သည်းခံနိုင်ခြင်းမရှိချေ။ ဘုရားသခင်၏ အမှုသစ်ကို လက်ခံခြင်း မရှိသူများက ဘုရားသခင်၏ အမှုသည် အပြောင်းအလဲ ကင်းမဲ့၍ ထာဝရ တည်မြဲနေသည်ဟု ယုံကြည်ကြသည်။ ဘုရားသခင်ထံမှ ထာဝရ ကယ်တင်ခြင်းကို ရရှိရန် လိုအပ်သမျှသော အရာအားလုံးမှာ ပညတ်တော်ကို ထိန်းသိမ်းလျက် ၎င်းတို့၏ အပြစ်များကို နောင်တရပြီး ဝန်ခံနေသရွေ့၊ ဘုရားသခင်၏ စိတ်နှလုံးကို ထာဝရ ကျေနပ်နှစ်သိမ့်မှု ပေးနိုင်လိမ့်မည်ဟု ၎င်းတို့ ယုံကြည်ချက်ထားရှိသည်။ ဘုရားသခင်သည် လူသားတို့အတွက် လက်ဝါးကပ်တိုင်ပေါ်တွင် သံမှိုဆွဲနှက် ခံခဲ့သော၊ ပညတ်တော် ဥပဒေအောက်ရှိ တစ်ပါးတည်းသော ဘုရားသခင် ကိုယ်တော်သာဖြစ်နိုင်သည်၊ ဘုရားသခင်သည် သမ္မာကျမ်းစာကို မကျော်လွန်နိုင်၊ မကျော်လွန်သင့် အစရှိသဖြင့်လည်း ၎င်းတို့က ထင်မြင်ချက်ထားရှိသည်။ အဆိုပါ ထင်မြင်ချက်များကပင် ၎င်းတို့အား ဥပဒေသ ဟောင်းများသို့ ခိုင်မြဲစွာ ချုပ်နှောင်ထားစေလျက် တင်းကျပ်သော စည်းမျဉ်းများဖြင့် ချုပ်ချယ် ကန့်သတ်ထားခြင်း ဖြစ်သည်။ ဘုရားသခင်၏ မည်ကဲ့သို့သော အမှုသစ်မဆို ဗျာဒိတ်များအရ သက်သေခိုင်လုံစွာ ပြနိုင်ရမည်ဖြစ်ကာ အဆိုပါအမှု၏ အဆင့်တစ်ခုစီတိုင်းတွင် သူ့အား စစ်မှန်သော နှလုံးသားဖြင့် နောက်တော်သို့လိုက်သောသူ အားလုံးတို့ကိုလည်း ဗျာဒိတ်များပြသရမည်၊ သို့မဟုတ်ပါက ထိုအမှုမှာ ဘုရားသခင်၏ အမှုမဟုတ်နိုင်ဟု ယုံကြည်ကြ၏။ လူသားတို့အတွက် ဘုရားသခင်ကို သိရှိ နားလည်လာရန်မှာပင် လွယ်ကူသည့် ကိစ္စတစ်ခု မဟုတ်ပေ။ လူသားတို့၏ စိတ်ပျက်ဖွယ် စိတ်နှလုံးနှင့် ဘဝင်မြင့်၍ မိမိသာအရေးပါသည်ဟု ထင်တတ်ကြသော ပုန်ကန်တတ်သည့် သဘာဝပါ ထည့်ပေါင်းလိုက်ပါလျှင် ဘုရားသခင်၏ အမှုသစ်ကို လက်ခံရန် လူသားတို့အတွက် လုံးဝပို၍ပင် ခက်ခဲပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်ကို မိမိ၏ အယူအဆများထဲတွင် အနက်အဓိပ္ပာယ် ဖွင့်ဆိုထားပြီးဖြစ်သော လူသားမှာ ဘုရားသခင်၏ ဗျာဒိတ်များကို အဘယ်သို့ လက်ခံရရှိနိုင်မည်နည်" မှ

လူတို့ ဘုရားသခင်ကို ယုံကြည်သည့် ကာလတစ်လျှောက်တွင် အယူအဆအမျိုးမျိုး၏ လွှမ်းမိုးမှုက ဘုရားသခင်အပေါ် ထင်မြင်ယူဆချက်များစွာကို အဆက်မပြတ်ပေါ်ထွက်စေကာ ဆင့်ကဲပြောင်းလဲစေသဖြင့် ဘုရားသခင်ကို အစေခံသည့် ဘာသာရေးသမား များစွာသည် ဘုရားသခင်၏ ရန်သူများ ဖြစ်သွားကြသည်ဟု ပြော၍ရသည်။ ဤသို့ဖြင့် လူတို့၏ ဘာသာရေး အယူအဆများ ပြင်းထန်လေလေ၊ ၎င်းတို့သည် ဘုရားသခင်ကို ဆန့်ကျင်လေလေဖြစ်ပြီး ဘုရားသခင်၏ ရန်သူဖြစ်လေလေပင် ဖြစ်တော့သည်။ ဘုရားသခင်၏ အမှုသည် အမြဲအသစ်ဖြစ်၍ ဟောင်းနွမ်းခြင်းမရှိ၊ အယူဝါဒကို မည်သည့်အခါမျှ မဖြစ်ပေါ်စေဘဲ အနည်းနှင့်အများ ဆိုသကဲ့သို့ အစဉ်မပြတ် ပြောင်းလဲကာ အသစ်ပြုပြင်နေသည်။ ဤအမှုသည် ဘုရားသခင်၏ ပင်ကို စိတ်သဘောထား၏ ဖော်ပြချက်ဖြစ်သည်။ ၎င်းသည် ဘုရားသခင့်အမှုတော်၏ ပင်ကိုနိယာမဖြစ်သကဲ့သို့ ဘုရားသခင်က မိမိ၏စီမံခန့်ခွဲမှုကို ဆောင်ရွက်သည့် နည်းလမ်းများထဲမှတစ်ခု ဖြစ်သည်။ ဘုရားသခင်သာ ဤနည်းဖြင့် အလုပ်မလုပ်ခဲ့ပါက လူသည် ပြောင်းလဲနိုင်လိမ့်မည် မဟုတ် သို့မဟုတ် ဘုရားသခင်ကို သိနိုင်လိမ့်မည် မဟုတ်၊ စာတန်သည်လည်း ရှုံးနိမ့်တော့မည် မဟုတ်ပေ။ ထို့ကြောင့် သူ၏အမှုထဲတွင် တသမတ်တည်းမဟုတ်ဟု ထင်ရသော်လည်း စင်စစ်အားဖြင့် ပုံမှန်ဖြစ်သော ပြောင်းလဲမှုများ အစဉ်မပြတ် ဖြစ်ပေါ်သည်။ လူက ဘုရားသခင်ကို ယုံကြည်သည့် ပုံစံမှာမူ အတော်အတန် ကွာခြားသည်။ သူသည် ရင်းနှီးကျွမ်းဝင်ပြီးသား အယူဝါဒများနှင့် စနစ်ဟောင်းများကို ဖက်တွယ်ထားပြီး ထိုအရာများ ဟောင်းလေလေ သူ့အတွက် နှစ်လိုဖွယ်ရှိလေလေဖြစ်သည်။ လူ၏မိုက်မဲသောအသိဉာဏ်၊ ကျောက်တုံးကဲ့သို့ မာကျောသော အသိဉာဏ်က ဉာဏ်မမီနိုင်အောင် နက်နဲလှသည့် ဘုရားသခင်၏အမှုသစ်နှင့် နှုတ်ကပတ်တော်ကို မည်သို့ လက်ခံနိုင်မည်နည်း။ လူသည် အမြဲအသစ်ဖြစ်လျက် ဟောင်းနွမ်းခြင်း လုံးဝမရှိသည့် ဘုရားသခင်ကို ရွံ့မုန်းပြီး ဆံပင်ဖြူ၍ မလှုပ်ရှားနိုင်သည့် ရှေးပဝေသဏီသမျှ ဟောင်းနွမ်းသည့် ဘုရားသခင်ကိုသာ နှစ်သက်သည်။ ဤသို့နှင့် လူနှင့် ဘုရားသခင်တို့တွင် အကြိုက်တစ်မျိုးစီ ရှိကြသောကြောင့် လူသည် ဘုရားသခင်၏ ရန်သူဖြစ်သွားသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်၏ ယနေ့အမှုကို သိသောသူများသာလျှင် ဘုရားသခင်ကို အစေခံနိုင်သည်" မှ

လူသားသည် အမှုတစ်မျိုးကိုသာ သို့မဟုတ် ကျင့်နည်းတစ်မျိုးကိုသာ လက်ခံနိုင်၏။ လူသား အတွက် ၎င်းတို့နှင့် မကိုက်ညီသော သို့မဟုတ် ၎င်းတို့ထက်အဆင့်မြင့်သော အမှု သို့မဟုတ် ကျင့်နည်းများကို လက်ခံရန် ခက်ခဲသော်လည်း--သန့်ရှင်းသော ဝိညာဉ်တော်သည် အမှုအသစ်ကို အစဉ် ဆောင်ရွက်နေသဖြင့် ဘုရားသခင်၏ အမှုအသစ်ကို ဆန့်ကျင်သည့် ဘာသာရေး ကျွမ်းကျင်သူများအုပ်စု တစ်စုပြီးတစ်စု ပေါ်ပေါက်၏။ ထိုသူတို့သည် ကျွမ်းကျင်သူများ ဖြစ်လာရခြင်းမှာ အတိအကျအားဖြင့် ဘုရားသခင်သည် အစဉ်အမြဲအသစ်ဖြစ်လျက် မည်သည့်အခါမျှ ဟောင်းနွမ်းခြင်းမရှိသည်ကို လူသားသည် လုံးဝမသိရှိ သောကြောင့်နှင့် ဘုရားသခင်၏အမှု၏ အခြေခံသဘောတရားများကို လုံးဝမသိသည့်အပြင် ဘုရားသခင်မှ လူသားကို ကယ်တင်သည့် နည်းများစွာကိုလည်း လုံးဝမသိသောကြောင့် ဖြစ်၏။ ထိုသို့ဖြစ်သောကြာင့် အမှုမှာ သန့်ရှင်းသော ဝိညာဉ်တော်မှလာသည့်အမှု သို့မဟုတ် ဘုရားသခင် ကိုယ်တိုင်ထံမှ လာသည့်အမှု ဟူသည်ကို လူသားမှ လုံးဝဥဿုံ ပြောနိုင်စွမ်းမရှိပါ။ ၎င်းသည် ယခင်က နှုတ်ကပတ်တော်များနှင့် ကိုက်ညီပါက လက်ခံ၍ ယခင်ကအမှုနှင့် ကွဲပြားချက်များရှိပါက ဆန့်ကျင်၍ ငြင်းပယ်သော သဘောထားကို လူအများအပြား ဖက်တွယ်ကြ၏။… သင်တို့သည် ဘုရားသခင်၏အမှုကို ဆန့်ကျင်ခြင်း၊ သို့မဟုတ် ယနေ့အမှုကို တိုင်းတာရန် သင်တို့၏ကိုယ်ပိုင် အတွေးအခေါ်များကို အသုံးပြုခြင်းမှာ သင်တို့သည် ဘုရားသခင်၏ အခြေခံသဘောတရားများကို မသိသောကြောင့်နှင့် သန့်ရှင်းသော ဝိညာဉ်တော်၏ အမှုကို လုံလောက်စွာ အလေးအနက် သဘောမထား သောကြောင့်ဟူသည်ကို သိထားပါ။ ဘုရားသခင်အပေါ် သင်တို့၏ဆန့်ကျင်ခြင်းနှင့် သန့်ရှင်းသော ဝိညာဉ်တော်၏ အမှုအပေါ် သင်တို့၏ ဟန့်တားပိတ်ဆို့ခြင်းသည် သင်တို့၏ အတွေးအခေါ်များနှင့် နဂိုဗီဇအရ ဝင့်ဝါမှုကြောင့်ဟူသည်ကို သိထားပါ။ ဤသည်မှာ ဘုရားသခင်၏ အမှုသည် မှားယွင်းသောကြောင့် မဟုတ်ဘဲ သင်တို့သည် သဘာဝအားဖြင့် နာခံမှုမရှိလွန်းသဖြင့် ဖြစ်သည်။… ဘုရားသခင်အပေါ် လူတို့၏သိခြင်းသည် တိကျလေလေ၊ သူ့အပေါ်ဆန့်ကျင်မှု နည်းလေလေ ဖြစ်၏။ ၎င်းနှင့်ဆန့်ကျင်ဘက်မှာ ဘုရားသခင်အပေါ် လူတို့အသိနည်းလေလေ၊ သူ့ကိုဆန့်ကျင်ရန် အလား အလာ များလေလေဖြစ်၏။ သင့်အတွေးအခေါ်များ၊ သင်၏သဘာဝဟောင်းနှင့် သင်၏ လူ့သဘောသဘာဝ၊ စရိုက်လက္ခဏာနှင့် ကိုယ်ကျင့်တရားဆိုင်ရာ သဘောထားအမြင်တို့သည် သင်ဘုရားသခင်အပေါ် ခုခံရာတွင် အသုံးပြုသည့် "ငွေလုံးငွေရင်း” ဖြစ်၍ သင်သည် အကျင့်ပျက်၊ သိက္ခာကျ၍ အောက်တန်းကျလေလေ၊ ဘုရားသခင်၏ ရန်သူဖြစ်လေလေ ဖြစ်၏။ အလွန်ဆိုးရွားသော အတွေးအခေါ်များရှိ၍ မိမိကိုယ်ကိုယ် သူတစ်ပါးထက် သာ၍ဖြောင့်မတ်သည်ဟူသော စိတ်နေသဘောထား ရှိသူများသည် လူ့ဇာတိခံယူသော ဘုရားသခင်၏ ရန်လိုမှု ပိုခံရလေဖြစ်၍၊ ထိုကဲ့သို့သော သူများသည် အန္တိခရစ်များဖြစ်ကြ၏။ သင်၏ အတွေးအခေါ်များကို ပြုပြင်ပြောင်းလဲခြင်း မရှိပါက ၎င်းတို့သည် ဘုရားသခင်ကို အစဉ်ဆန့်ကျင်နေလိမ့် မည်။ သင်သည် ဘုရားသခင်နှင့် မည်သည့်အခါမျှ သဟဇာတရှိလိမ့်မည် မဟုတ်။ ထို့အပြင် သင်သည် သူ့ထံမှ အစဉ်အမြဲ ဝေးကွာလျက်ရှိလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်၏ အမှုအဆင့် သုံးဆင့်ကို သိခြင်းသည် ဘုရားသခင်ကို သိခြင်း၏ လမ်းကြောင်းဖြစ်သည်" မှ

ဖာရိရှဲတို့ ယေရှုကိုဆန့်ကျင်ရခြင်းအကြောင်းရင်းကို သင်တို့သိလိုပါသလား။ ဖာရိရှဲတို့၏ အခြေအမြစ်ကို သင်တို့သိလိုပါသလား။ ၎င်းတို့သည် မေရှိယအကြောင်း စိတ်ကူးယဉ်မှုများနှင့် ပြည့်နှက်နေခဲ့ကြသည်။ ထို့အပြင် မေရှိယလာမည်ဟုသာ ၎င်းတို့ယုံကြည်ခဲ့ပြီး အသက်တာ၏ သမ္မာတရားကို မရှာခဲ့ကြ။ ထို့ကြောင့် ၎င်းတို့သည် ယနေ့တိုင် မေရှိယကို စောင့်နေဆဲဖြစ်၏။ ထိုသူတို့သည် အသက်တာ၏ သမ္မာတရားကို မသိ၊ သမ္မာတရား၏လမ်းခရီးကိုလည်း မသိသောကြောင့် ဖြစ်၏။ ဤသို့ မိုက်မဲ၊ ခေါင်းမာ၍ အသိဉာဏ်ကင်းမဲ့သူတို့သည် ဘုရားသခင်၏ ကောင်းချီးမင်္ဂလာကို ခံစားရမည်ဟုသင်မည်သို့ဆိုနိုင်မည်နည်း။ မေရှိယကို သူတို့သည်မည်သို့ မြင်နိုင်ကြမည်နည်း။ ထိုသူတို့သည် သန့်ရှင်းသောဝိညာဉ်တော်၏ အမှုတော်၏လမ်းညွှန်ချက်ကို မသိသဖြင့် ယေရှုကိုဆန့်ကျင်၏။ ဤသည်မှာ ယေရှုပြောသည့် သမ္မာတရား၏လမ်းခရီးကို မသိသောကြောင့်ဖြစ်၏။ ထို့အပြင် ထိုသူတို့သည် မေရှိယကိုနားမလည်သောကြောင့်လည်း ဖြစ်၏။ ထို့အပြင် ထိုသူတို့သည် မေရှိယကို တစ်ခါမျှမြင်ဖူးခြင်းမရှိ၊ မေရှိယနှင့်အတူ တစ်ခါမျှအဖော်ပြုခြင်း မရှိခြင်း တို့ကြောင့် မေရှိယ၏အနှစ်သာရကို နည်းအမျိုးစုံဖြင့် ဆန့်ကျင်နေစဉ်အခါပင် မေရှိယ၏ နာမအပေါ် အချည်းနှီးသောချီးကျူးဂုဏ်ပြုမှုကို ပေး၏။ ဤဖာရိရှဲတို့သည် အနှစ်သာရအားဖြင့် ခေါင်းမာ၍ ဝင့်ဝါပြီး သမ္မာတရားကို နာခံခြင်းမရှိကြ။ ထိုသူတို့ ဘုရားသခင်ကို ယုံကြည်ရခြင်း၏ အခြေခံသဘောတရားမှာ ကိုယ်တော်ရှင်၏တရားတော် မည်မျှပင်လေးနက်သည်ဖြစ်စေ၊ ကိုယ်တော်ရှင်၏တန်ခိုးအာဏာ မည်မျှပင်မြင့်မားသည်ဖြစ်စေ၊ မေရှိယဟု အခေါ်မခံရလျှင် ကိုယ်တော်ရှင်သည် ခရစ်တော် မဟုတ်ဟူ၍ဖြစ်သည်။ ဤအမြင်များသည် ကြီးကျယ်လွန်း၍ ရယ်ဖွယ်မကောင်းပါသလား။ သင်တို့သည် ယေရှုကို အနည်းငယ်မျှပင် နားမလည်သည့်အတွက် ရှေးအကျဆုံးသော ဖာရိရှဲတို့၏ အမှားများကို သင်တို့ ကျူးလွန်ရန် အလွန်မလွယ်ကူပေဘူးလားဟု ငါ သင်တို့ကို တစ်ဖန်ပြန်မေး၏။ သင်သည် သမ္မာတရား၏လမ်းခရီးကို သိမြင်နိုင်သလား။ သင်သည် ခရစ်တော်ကို ဆန့်ကျင်ခြင်းမပြုဟု အမှန်တကယ်အာမခံနိုင်သလား။ သင်သည် သန့်ရှင်းသောဝိညာဉ်တော်၏ အမှုတော်နောက် လိုက်နိုင်မည်လား။ သင်သည် ခရစ်တော်ကို ဆန့်ကျင်မည်၊ ဆန့်ကျင်ခြင်းမပြုမည်ကို မသိပါက သင်သည် သေခြင်း၏ချောက်ကမ်းပါးတွင် နေလျှက်ရှိနေပြီဟု ငါဆိုသည်။ မေရှိယကို မသိခဲ့သောသူခပ်သိမ်းသည် ယေရှုကိုဆန့်ကျင်ခြင်း၊ ယေရှုကိုငြင်းပယ်ခြင်း၊ ကိုယ်တော်ကို အသရေဖျက်ခြင်းများ လုပ်နိုင်စွမ်းရှိသည်။ ယေရှုကို နားမလည်သူခပ်သိမ်းသည် ကိုယ်တော်ကို ငြင်းပယ်ခြင်းနှင့် ကိုယ်တော်ကို ဝေဖန်ပုတ်ခတ်ခြင်းများ ပြုနိုင်စွမ်းရှိသည်။ ထို့အပြင် ၎င်းတို့အားလုံးသည် ယေရှုတစ်ဖန်ကြွလာခြင်းကို စာတန်၏ လှည့်ဖြားမှုဟု မြင်နိုင်စွမ်းရှိကြပြီး ယေရှုခရစ် ဇာတိပကတိတစ်ဖန်ခံယူ၍ပြန်လာခဲ့သည်ကို သာ၍ များသောသူများက ရှုတ်ချလိမ့်မည်။ ဤသည်အားလုံးတို့သည် သင်တို့အား ကြောက်ရွံ့စိတ် မပေါ်စေဘူးလား။ သန့်ရှင်းသောဝိညာဉ်တော်ကို ပြစ်မှားခြင်း၊ သန့်ရှင်းသောဝိညာဉ်တော်မှ အသင်းတော်တို့ကို ပြောသည့်စကားများကို ပျက်စီးစေခြင်းနှင့် ယေရှုမှထုတ်ဖော်ပြောဆိုခဲ့သည့် အရာခပ်သိမ်းကို ပစ်ပယ်ခြင်းတို့နှင့် သင်တို့ရင်ဆိုင်ရမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ယေရှု၏ဝိညာဉ်ခန္ဓာကို သင်တွေ့သည့်အချိန်သည် ဘုရားသခင်မှ ကောင်းကင်နှင့်မြေကြီး အသစ်တစ်ဖန်ပြန်၍ပြုလုပ်ပြီးချိန် ဖြစ်မည်" မှ

စာတန်၏ လူသားကို ယိုယွင်းဖျက်ဆီးခြင်းသည် လူသား၏ ဘုရားသခင်ကို အတိုက်အခံပြုခြင်းနှင့် ပုန်ကန်ခြင်း၏ အရင်းအမြစ်ဖြစ်သည်။ လူသားသည် စာတန်၏ ယိုယွင်းဖျက်ဆီးမှုကို ခံရသောကြောင့် လူ့အသိဉာဏ်ထုံသွားကာ၊ ကိုယ်ကျင့်တရား ယိုယွင်းပြီး သူ၏အတွေးများ ဆုတ်ယုတ်သွား၍ သူ၌ ခေတ်နောက်ကျော့သော စိတ်ပိုင်းဆိုင်ရာ ရှုမြင်ပုံလည်း ရှိသည်။ စာတန်၏ ယိုယွင်းဖျက်ဆီးခြင်း မခံရမီ လူသားသည် သဘာဝအားဖြင့် ဘုရားသခင်နောက်လိုက်ကာ သူ၏ နှုတ်ကပတ်တော် ကို နာခံခဲ့သည်။ အသိဉာဏ်နှင့် အသိစိတ် ပကတိဖြစ်လျက် ပုံမှန်လူ့သဘောသဘာဝကို ပိုင်ဆိုင်ခဲ့သည်။ စာတန်၏ ယိုယွင်းဖျက်ဆီးမှုကို ခံရပြီးနောက် သူ၏ နဂိုအသိဉာဏ်၊ နဂိုအသိစိတ်နှင့် လူ့သဘောသဘာဝသည် ထုံထိုင်းသွားကာ စာတန်၏ ချို့ယွင်းစေခြင်းကို ခံရသည်။ ထိုကြောင့် သူသည် ဘုရားသခင်ကို နာခံခြင်းနှင့် ဘုရားသခင်အပေါ် ချစ်ခြင်း ပျောက်ဆုံးခဲ့ရသည်။ လူ့အသိဉာဏ် မူမမှန်ဖြစ်လာကာ သူ၏ စိတ်သဘောထားသည် တိရိစ္ဆာန်၏ စိတ်သဘောထားနှင့် တူလာ၍ သူ၏ ဘုရားသခင်ကို ပုန်ကန်ခြင်းသည် သာ၍ပင် အကြိမ်ရေ စိပ်လာကာ သာ၍ ပြင်းထန်လာသည်။ သို့ပါလျက် လူသားသည် ထိုအခြင်းအရာကို သိမှတ်ခြင်း၊ ရိပ်မိခြင်းမရှိ။ မဆင်မခြင် ဆန့်ကျင်ပုန်ကန်ခြင်းသာ ဖြစ်သည်။ လူ့အသိဉာဏ်၊ ထိုးထွင်း သိမြင်စွမ်းနှင့် သိစိတ်လက္ခဏာများသည် သူ့စိတ်သဘောထားကို ဖွင့်ပြနေသည်။ သူ၏ အသိဉာဏ်နှင့် ထိုးထွင်းသိမြင်စွမ်း အကောင်းပကတိ မဟုတ်တော့သည်သာမက သိစိတ် အလွန်အမင်း ထိုင်းမှိုင်းလာခြင်းကြောင့် သူ့စိတ်သဘောထားသည် ဘုရားသခင်ကို ပုန်ကန်ခြင်းဖြစ်သည်။…

ယိုယွင်းပျက်စီးသော လူ့စိတ်သဘောထားကို ဖွင့်ပြသော အကြောင်းရင်းသည် အခြားမဟုတ်၊ သူ၏ ထုံထိုင်းသောသိစိတ်၊ မနာလိုမုန်းတီးသော သဘာဝနှင့် ဆုတ်ယုတ်သော အသိဉာဏ် တို့ဖြစ်သည်။ အကယ်၍ လူသား၏ သိစိတ်နှင့် အသိဉာဏ်သည် နဂိုအခြေအနေ ပြန်လည်ရရှိပါက ဘုရားသခင်ရှေ့တွင် အသုံးခံထိုက်သူ ဖြစ်လာပေမည်။ လူသားသည် ဘုရားသခင်ကို တိုး၍ပုန်ကန်လာကာ ယေရှုကို ကားတိုင်တွင် သံနှင့်ရိုက်၍ နောက်ဆုံးသော ကာလတွင် လူ့ဇာတိခံယူသော ဘုရားသခင်ကို သူ့အိမ်သို့ ဝင်ခွင့် ပိတ်ပင်သည်သာမက ဘုရားသခင်၏ သွေးသားခန္ဓာကို ရှုတ်ချကာ ထိုသွေးသားခန္ဓာကို စက်ဆုပ်ရွံရှာဖွယ်ဖြစ်၍ အောက်တန်းကျသည်ဟု ရှုမြင်သည့်အထိ ပြင်းထန်လာခြင်းသည် လူ့သိစိတ် ထုံမြဲထုံခြင်း၊ လူ့အသိဉာဏ် လူစဉ်မမီသည့် အပြင် ပို၍ပို၍ ထိုင်းမှိုင်းခြင်းကြောင့် ဖြစ်သည်။ လူသားသည် လူ့သဘောသဘာဝ အနည်းငယ်မျှ ရှိခဲ့သော် လူ့ဇာတိခံယူသော ဘုရားသခင်၏ သွေးသားခန္ဓာကို ထိုသို့ရက်စက်စွာ ဆက်ဆံမည်မဟုတ်ပေ။ အသိဉာဏ် အနည်းငယ်ရှိခဲ့သော် လူ့ဇာတိခံယူသော ဘုရားသခင်၏ သွေးသားခန္ဓာအပေါ် အလွန်ရက်စက်ခဲ့လိမ့်မည် မဟုတ်ပေ။ အသိတရား အနည်းငယ်မျှ ရှိခဲ့လျှင်လည်း လူ့ဇာတိခံယူသော ဘုရားသခင်ကို ထိုနည်းဖြင့် "ကျေးဇူးတင်"ခဲ့လိမ့်မည် မဟုတ်ပေ။ လူသားသည် ဘုရားသခင် လူ့ဇာတိခံယူသော ကာလတွင် အသက်ရှင်လျက် ထိုကဲ့သို့ ကောင်းမွန်သော အခွင့်အရေးကို ပေးခဲ့သူ ဘုရားသခင်အား ကျေးဇူးတင်စိတ် မရှိခဲ့ရုံမက၊ ဘုရားသခင် ကြွလာခြင်းကို ကျိန်ဆို၍ ဘုရားသခင် လူ့ဇာတိခံယူခြင်းကို လုံးဝဂရုမစိုက်သည့်အပြင် ဆန့်ကျင်ခြင်းနှင့် ငြီးငွေ့ခြင်းသာလျှင် ရှိခဲ့သည်။… လူ့စိတ်သဘောထားသည် အလွန်ရက်စက်တတ်လာ၍၊ အသိဉာဏ် အလွန်ထိုင်းမှိုင်းလာကာ၊ သိစိတ်သည်လည်း နတ်ဆိုး၏ လုံးဝနင်းခြေ ဖျက်ဆီးမှုကို ခံခဲ့ရကာ ရှေးကာလကပင် နဂိုသိစိတ် မဟုတ်တော့ပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "မပြောင်းလဲသော စိတ်သဘောထား ရှိခြင်းသည် ဘုရားသခင်နှင့် ရန်ဘက်ပြုခြင်းဖြစ်သည်" မှ

ခမ်းနားသည့် ဘုရားကျောင်းများထဲတွင် သမ္မာကျမ်းစာကို ဖတ်ရှုတတ်သော ထိုသူများသည် သမ္မာကျမ်းစာကို နေ့စဉ် ဖတ်ရွတ်နေသည့်တိုင် ဘုရားသခင်အမှု၏ ရည်ရွယ်ချက်ကို မည်သူမျှ နားမလည်။ ဘုရားသခင်ကို မည်သူမျှ မသိကျွမ်းနိုင်သေးပဲ၊ ဘုရားသခင်၏ စိတ်နှလုံးနှင့်လည်း မည်သူမျှ တစ်ထပ်တည်းမကျပေ။ သူတို့သည် တန်ဖိုးမဲ့၍ ကိုယ်ကျင့်သိက္ခာ ကင်းမဲ့သူများဖြစ်ကာ ဘုရားသခင်ကိုပင် သွန်သင်ရန် အမြင့်တွင် ကိုယ်စီ ရပ်တည်နေကြ၏။ သူတို့သည် ဘုရားသခင်၏ နာမကို ကိုင်ဆောင်ပြတတ်သော်လည်း စိတ်ဆန္ဒမှာမူ ဘုရားသခင်ကို ဆန့်ကျင်တတ်ကြ၏။ သူတို့သည် ဘုရားသခင်ကို ယုံကြည်သူများအဖြစ် ကိုယ့်ကိုယ်ကိုယ် တံဆိပ်ကပ်ထားကြသော်လည်း သူတို့သည် လူ့အသားကိုစားပြီး လူ့အသွေးကို သောက်သောသူများပင် ဖြစ်ကြ၏။ ထိုသူအားလုံးသည် လူ့ဝိညာဉ်ဝါးမျိုတတ်သည့် နတ်ဆိုးများ ဖြစ်ကြပြီး၊ မှန်ကန်သောလမ်းသို့ ခြေလှမ်းရန် ကြိုးစားသူတို့ကို ရည်ရွယ်ချက်ရှိစွာဖြင့် အနှောက်အယှက်ပေးတတ်သော မာရ်နတ်တို့ ဖြစ်ကြကာ၊ ဘုရားသခင်ကို ရှာဖွေသော သူတို့၏လမ်းကို ဟန့်တား ကြန့်ကြာစေမည့် အရာများနှင့် ပိတ်ဆို့တတ်ကြသော မာရ်နတ်များဖြစ်ကြ၏။ သူတို့သည် "အကြမ်းပတမ်း လူသား" များ ဖြစ်ကြသော်လည်း၊ သူတို့သည် အန္တိခရစ်များဖြစ်ကာ လူများအား ဘုရားသခင်တဘက် ဆန့်ကျင်ဘက်ပြုရန် ဦးဆောင်သောသူများဖြစ်ကြောင်း သူတို့၏ နောက်လိုက်များက မည်သို့ သိနိုင်မည်နည်း။ သူတို့သည် ဤသူများမှာ အထူးသဖြင့် ဝိညာဉ်များကို ဝါးမျိုရန် ရှာဖွေနေကြသည့် ရှင်သန်နေသော မာရ်နတ်တို့ဖြစ်သည်ကို မည်ကဲ့သို့ သိနိုင်မည်နည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်ကို မသိသောသူ အားလုံးသည် ဘုရားသခင်ကို ဆန့်ကျင်သောသူများ ဖြစ်ကြသည်" မှ

ယခင်က:မှန်သောခေါင်းဆောင်များနှင့် မှားသောခေါင်းဆောင်များ၊ မှန်သောသိုးထိန်းများနှင့် မှားသောသိုးထိန်းများအကြားရှိ ကွာခြားမှု ကို သင် မည်ကဲ့သို့ ပြောမည်နည်း။

နောက်တစ်ခုသို့:မှန်သောလမ်းကို ရှာဖွေရာ၌ သင်၌ ဆင်ခြင်တုံတရား ပိုင်ဆိုင်ရမည်

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ စစ်မှန်သော လမ်းခရီးကို စုံစမ်းခြင်းအပေါ် အမေးအဖြေတစ်ရာ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ