ကျင့်ဝေ့ အမေရိကန်နိုင်ငံ

အနန္တတန်ခိုးရှင် ဘုရားသခင် ပြောသည်မှာ- “ပြင်းထန်သော နှုတ်ကပတ်တော်များဖြစ်စေ၊ တရားစီရင်မှုဖြစ်စေ၊ ပြစ်တင်ဆုံးမမှုဖြစ်စေ ဘုရားသခင့်အမှု၏ အဆင့်တိုင်းသည် လူသားကို စုံလင်စေရန်ဖြစ်ပြီး လုံးဝသင့်လျော်မှုရှိသည်။ ဘုရားသခင်သည် ဤကဲ့သို့သော အမှုကို ခေတ်ကာလအဆက်ဆက်တွင် မည်သည့်အခါမျှ မလုပ်ဆောင်ခဲ့ဖူးပေ။ သူ၏ဉာဏ်ပညာကို သင်တို့ အသိအမှတ်ပြုစေရန် ယနေ့ သူသည် သင်တို့အတွင်း၌ အမှုပြုခြင်း ဖြစ်သည်။ သင်တို့သည် မိမိတို့၏အတွင်း၌ နာကျင်မှုအချို့ကို ခံစားခဲ့ပြီး သော်လည်း၊ သင်တို့၏စိတ်နှလုံးသည် တည်ကြည်မှုကို ခံစားရပြီး ငြိမ်သက်ခြင်း ရှိနေသည်။ သင်တို့အနေဖြင့် ဘုရားသခင့်အမှု၏ ဤအဆင့်ကို မွေ့လျော်ခံစားနိုင်ခြင်းမှာ သင်တို့၏ ကောင်းချီးမင်္ဂလာပင်ဖြစ်သည်။ အနာဂတ်တွင် သင်တို့အနေဖြင့် မည်သည့်အရာကို ရရှိနိုင်မည်ဖြစ်စေ ယနေ့တွင် သင်တို့အတွင်း၌ ဘုရားသခင်၏အမှုနှင့်ပတ်သက်၍ သင်တို့မြင်ရသမျှမှာ ချစ်ခြင်းမေတ္တာပင် ဖြစ်သည်။ လူသားသည် ဘုရားသခင်၏ တရားစီရင်ခြင်းနှင့် စစ်ဆေးခြင်းတို့ကို မကြုံတွေ့ရပါက၊ သူ၏လုပ်ဆောင်မှုများနှင့် စိတ်အားထက်သန်မှုသည် အပေါ်ယံအဆင့်တွင် အမြဲရှိနေမည်ဖြစ်ပြီး သူ၏စိတ်သဘောထားသည်လည်း အမြဲမပြောင်းမလဲ တည်ရှိနေမည် ဖြစ်သည်။ ဤအရာအား ဘုရားသခင်၏သိမ်းပိုက်ခြင်းကို ခံထားရခြင်း အဖြစ် မှတ်ယူ၍ ရသလော။ ယနေ့တွင် လူသားအတွင်း၌ မာနထောင်လွှားမှုနှင့် စိတ်ကြီးဝင်မှုတို့ များစွာရှိနေသေးသော်လည်း၊ လူသား၏ စိတ်သဘောထားကမူ ယခင်ကထက် များစွာတည်ငြိမ်၏။ ဘုရားသခင်က သင့်အား ရိုက်နှက်ဆုံးမခြင်းမှာ သင့်ကို ကယ်တင်ရန် ဖြစ်၏၊ ထို့ပြင် သင့်အနေဖြင့် ထိုအချိန်တွင် နာကျင်မှုအနည်းငယ် ခံစားရနိုင်သော်လည်း၊ သင့်စိတ်သဘောထားထဲ၌ ပြောင်းလဲမှု ဖြစ်ပေါ်လာသည့် နေ့ရက် ရောက်ရှိလာလိမ့်မည်။ ထိုအချိန်တွင် သင်သည် ပြန်ပြောင်းတွေးကြည့်ပြီး ဘုရားသခင်၏အမှုသည် မည်မျှအမြော်အမြင် ရှိကြောင်းကို မြင်လိမ့်မည်ဖြစ်ကာ၊ ထိုအချိန်၌ ဘုရားသခင်၏ အလိုတော်ကို သင်အမှန်တကယ်နားလည်လိမ့်မည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ နာကျင်သည့်စမ်းသပ်မှုများကို တွေ့ကြုံခြင်းဖြင့်သာ ဘုရားသခင်၏နှစ်လိုဖွယ်ကောင်းခြင်းကို သိနိုင်မည်) ကျွန်မ၏ တာဝန်တွင် စိတ်အားထက်သန်မှုနှင့် အဖိုးအခ ပေးရန် လိုလားခြင်းတို့သည် ဘုရားသခင်၏ အသိအမှတ်ပြုမှုကို ရရှိနိုင်သည်ဟု ကျွန်မ ထင်လေ့ရှိခဲ့သည်။ ဘုရားနှုတ်ကပတ်တော်များ၏ တရားစီရင်ခြင်းနှင့် ပြစ်တင်ဆုံးမမှုကို လက်ခံခြင်း ဒါမှမဟုတ် စိတ်သဘောထားဆိုင်ရာ ပြောင်းလဲမှုကို လိုက်စားခြင်းအပေါ် ကျွန်မ အာရုံမစိုက်ခဲ့မိပါ။ မာနထောင်လွှားပြီး အာဏာရှင်ဆန်ဆန်သာ ကျွန်မ တာဝန်ကို ကျွန် လုပ်ဆောင်ခဲ့သည်။ ညီအစ်ကိုမောင်နှမများကို ကျွန်မ ဘောင်ခတ်ပြီး ထိခိုက်စေခဲ့ကာ အသင်းတော်၏ အလုပ်ကို နစ်နာစေခဲ့ပါသည်။ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်း မရှိဘဲနှင့်၊ ကျွန်မ၏ ဖောက်ပြန်ပျက်စီးသော စိတ်သဘောထား သန့်စင်ခံရကာ ပြောင်းလဲနိုင်မည်မဟုတ်သကဲ့သို့ ဘုရားသခင်ကို စိတ်ကျေနပ်စေဖို့ ကျွန်မ၏ တာဝန်ကို မည်သည့်အခါတွင်မျှ ကောင်းစွာ လုပ်ဆောင်နိုင်မည်မဟုတ်သည်ကို နောက်ဆုံးတွင် ကျွန်မ သိခဲ့ရသည်။ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းတို့သည် ကျွန်မတို့၏ ကယ်တင်ခြင်းဖြစ်သည်ကို ကျွန်မ အမှန်တကယ် တွေ့ကြုံခဲ့ရပြီး ဖြစ်သည်။

၂၀၁၆ခုနှစ်တွင်၊ ကျွန်မကို အပြင်အဆင် ဒီဇိုင်နာ တာဝန်ပေးခံခဲ့ရသည်။ ကျွန်မက၊ “ငါက အခန်းတွင်းဒီဇိုင်းပညာကို သင်ခဲ့ပြီးတော့ ဒီနယ်ပယ်မှာ အတွေ့အကြုံက လေးနှစ်ကျော်ရှိပြီးပြီ။ ဒါကို ကောင်းကောင်းမွန်မွန်လုပ်ပြီး ဘုရားကျေနပ်အောင်လုပ်ဖို့ ငါရဲ့ ပညာရပ်နဲ့ဆိုင်တဲ့ ကျွမ်းကျင်မှုတွေကို အပြည့်အ‌ဝ အသုံးပြုရမယ်”ဟု ဆိုရင်း ပျော်မြူးသွားခဲ့သည်။ ထို့နောက်တွင်၊ ကျွန်မ ညီအစ်ကိုမောင်နှမများနှင့် ပညာများ သင်ယူခဲ့ပြီး အခြေခံသဘောတရားများနှင့် ပတ်သက်၍ မိတ်သဟာယပြုခဲ့ကြသည်။ တစ်ခဏကြာပြီးနောက်တွင် ကျွန်မ၏ တာဝန်တွင် ရလဒ်အချို့ကို စတင်တွေ့ခဲ့ရသည်။ တစ်စုံတစ်ဦးက၊ “မင်းတို့ ဒီအပြင်အဆင်မှာ တကယ်ကောင်းကောင်းလုပ်ခဲ့ကြတာပဲ၊ တကယ် လက်တွေ့ကျလိုက်တာ” ဟု ပြောသည်ကို ကျွန်မ ကြားသည့်အခါ၊ ယင်းမှာ ဘုရားသခင်၏ လမ်းပြမှုဖြစ်သည်ဟု ကျွန်မ ပြန်ဖြေခဲ့သော်လည်း၊ ကျွန်မ တွေးခဲ့သည်မှာ၊ “ဒါပေါ့၊ ဘယ်သူ ဒီဇိုင်းဆွဲခဲ့လဲ မသိဘူးလား။ ငါက ကျွမ်းကျင်သူတစ်ယောက်ပဲကို” ဟူ၍ ဖြစ်သည်။ ကျွန်မ စတင် မော်ကြွားလာပြီး၊ သာ၍ ကျယ်လောင်စွာ စကားပြောခဲ့သည်။ အခြား အဖွဲ့သားများ၏ တာဝန်များတွင် အမှားအချို့ မြင်ခဲ့ရချိန်တွင်၊ သူတို့အပေါ် အထင်သေးခဲ့မိပါသည်။ သူတို့နှင့်အတူ အပြင်အဆင် အစီအစဉ်များကို မဆွေးနွေးတော့ပါ။ ကျွန်မ ဒီဇိုင်းပညာလေ့လာခဲ့ပြီးဖြစ်သည့်အတွက်၊ သူတို့က ကျွန်မ၏ စိတ်ကူးများဖြင့် လုပ်ဆောင်မည်ဖြစ်သည့်အတွက်၊ အချိန်ဖြုန်းခြင်းဖြစ်ကာ ဆွေးနွေးဖို့မလိုဟု ထင်ခဲ့မိသည်။ ကျွန်မက ဒီဇိုင်းနှင့်ပတ်သက်၍ မိမိဘာသာ လုပ်ပြီးနောက် ဒါရိုက်တာနဲ့ သွားဆွေးနွေးခဲ့ပါသည်။

အဖွဲ့ခေါင်းဆောင်အဖြစ်ကို ကျွန်မ ရာထူးတိုးခံခဲ့ရသည့်နောက်တွင်၊ ညီအစ်ကိုမောင်နှမတွေအပေါ် ကျွန်မ ပို၍ပင် အထင်အမြင်သေးလာခဲ့သည်။ တစ်ခါက ကျွန်မတို့ စားသောက်ဆိုင် ပြကွက်အခင်းအကျင်းတစ်ခုကို ပြင်ဆင်နေခဲ့ချိန်တွင်၊ အဖွဲ့ထဲက အစ်ကိုကျန်းက၊ “အရှေ့တံခါးက နိမ့်နေတယ်၊ ကြည့်မကောင်းဘူးနော်” ဟု ပြောခဲ့သည်။ ကျွန်မ တစ်ခုတစ်လေမျှ သည်းခံမနေခဲ့ပါ။ ကျွန်မက၊ “ကျွန်မက စားသောက်ဆိုင် အပြင်အဆင်အတွက် ဒီဇိုင်းအများကြီး ဆွဲခဲ့ဖူးတာပဲ။ တံခါးအမြင့် ဘယ်လောက်ရှိသင့်လဲဆိုတာ ကျွန်မ မသိဘူးလို့ ရှင်တကယ်ထင်နေတာလား။ ရှင်က သိပ်အများကြီးမလုပ်ခဲ့ဖူးဘူး။ ဒီဇိုင်းပညာမသင်ဖူးဘူး၊ လက်တွေ့အတွေ့အကြုံလည်း သိပ်မရှိတာတောင်မှ ငါ့ကို ဘယ်လိုရေကူးရမယ်ဆိုတာ သင်ပေးချင်တာလား” ဟု တွေးခဲ့သည်။ ကျွန်မ စိတ်မရှည်စွာ သူ၏အကြံကို ပယ်ချလိုက်ပြီး၊ ကျွန်မလိုချင်တဲ့အတိုင်း အယောက်တိုင်းကို ထိန်းသိမ်းစေခဲ့သည်။ ယင်းကို ကင်မရာမန်းက မြင်ခဲ့ချိန်တွင်၊ တံခါးက အရမ်းနိမ့်ပြီး ရိုက်ချက်ကို ကွယ်နေလိမ့်မည်။ ထိုနည်းဖြင့် သူရိုက်၍ ရမည်မဟုတ်ဟု ပြောခဲ့ပါသည်။ တံခါးအသစ်လုပ်ရုံကလွဲပြီး ကျွန်မတို့မှာ ရွေးစရာမရှိခဲ့ပါ။ နောက်ပိုင်းတွင်၊ ကျွန်မတို့ ဗီရိုတစ်လုံးလုပ်ဖို့လိုလာခဲ့သည်၊ ထို့ကြောင့် အစ်ကိုချန်းအား ကျွန်မဆွဲထားသည့်အတိုင်း ဗီရိုတစ်လုံးလုပ်ရန် ပြောခဲ့သည်။ သူက၊ “အလယ်ပိုင်းက အရမ်းကျယ်နေတယ်။ ကြည့်လို့မကောင်းဘူး။ နည်းနည်းလောက် ကျဉ်းလိုက်ရင်ရော”ဟု ပြောခဲ့သည်။ ကျွန်မက၊ “အွန်လိုင်းကနေ ပစ္စည်းမျိုးစုံ ငါ ကြည့်ခဲ့တယ်၊ ပြီးတော့ ဒါတွေက အချိုးအဆမှန်တာတွေပဲလေ။ ငါပြောသလိုလုပ်ရင် နင်မမှားနိုင်ဘူး”ဟု တွေးခဲ့သည်။ ယုံကြည်သည့်အတိုင်း ခိုင်ခိုင်မာမာရပ်တည်လျက်၊ ကျွန်မက၊ “ရှင်ဘာတွေပြောနေတာလဲ။ ကျွန်မဆွဲထားတဲ့အတိုင်းပဲ လုပ်လိုက်ပါ”ဟု ပြောခဲ့ပါသည်။ နောက်ဆုံးတွင် အယောက်တိုင်းက အလယ်ပိုင်းက အရမ်းကျယ်ပြီး ကြည့်လို့မကောင်းပါဟု ပြောလာကြပါသည်။ အစ်ကိုချန်းသည် ယင်းကို ပြန်ပြင်ဖို့ အချိန်ပိုပေးခဲ့သည်၊ ယင်းက ရိုက်ကူးရေး လုပ်ငန်းစဉ်ကို နှောင့်နှေးစေခဲ့သည်။ ကျွန်မသည် မိမိကိုယ်ကိုယ် မသုံးသပ် သို့မဟုတ် သိဖို့ မကြိုးစားခဲ့ဘဲ ယင်းနှင့်သက်ဆိုင်၍ မည်သည့်အရာကိုမျှ မစဉ်းစားခဲ့ပါ။ ကျွန်မ၊ “တစ်ခါတလေ အမှားမလုပ်မိတဲ့သူ ဘယ်သူရှိလို့လဲ။ ပြန်ပြင်ဖို့ အချိန်နဲ့ ပစ္စည်းနည်းနည်းလောက်က ကြီးမားတဲ့ ကိစ္စ မဟုတ်ပါဘူး” ဟု တွေးခဲ့သည်။

တစ်ကြိမ် တွေ့ဆုံပွဲတစ်ခုပြီးသည့်နောက်တွင်၊ အစ်ကိုကျန်းက ကျွန်မအတွက် ဤမှတ်ချက်ပေးခဲ့သည်- “အစ်မက ခုတစ်လော အခြားသူတွေနဲ့ အလုပ်လုပ်နေချိန်မှာ တော်တော်ကို စိတ်ဓာတ်မာနေတာ သတိထားမိတယ်။ ကျွန်တော်တို့ အကြံပေးတာတွေကိုလည်း နားမထောင်သလို၊ လုံးဝ အလားအလာကောင်းတဲ့ အရာတစ်ချို့ကိုတောင် ပယ်ချပစ်တယ်။ အစ်မရဲ့ နည်းလမ်းအတိုင်း ကိစ္စတွေကို ကျွန်တော်တို့ကို အမြဲ မရမက လုပ်စေပြီး လူတွေကို တင်တင်စီးစီး စကားပြောသလို နှိမ်တယ်။ ဒါတွေအားလုံးက မာနထောင်လွားတဲ့ စိတ်သဘောထား အမူအရာတွေပဲ။” ဤအရာကို နှုတ်ဖြင့် ကျွန်မလက်ခံခဲ့သော်လည်း၊ “ငါက မာနထောင်လွှားပေမယ့် အဲဒါက ပြဿနာကြီးတစ်ခုမှ မဟုတ်တာ”ဟု စဉ်းစားနေခဲ့မိပါသည်။ ရက်အနည်းငယ်ကြာပြီးနောက်တွင်၊ အစ်ကိုလျူကလည်း ကျွန်မက အခြားသူများကို နားမထောင်သကဲ့သို့ ၎င်းတို့ကို နှိမ်ခဲ့သည်ဟု ဆိုရင်း၊ မာနထောင်လွှားခြင်းအတွက် ကျွန်မကို ကိုင်တွယ်ဖြေရှင်း ခဲ့ပါသည်။ သူပြောလို့မပြီးခင်တွင်ပင် ကျွန်မ၏ အတားအဆီးများက တက်လာခဲ့သည်။ ကျွန်မက၊ “ရှင်တို့ထဲက ဘယ်သူမှ ကျွန်မနဲ့ယှဉ်လို့မရဘူး။ ရှင်က ကျွန်မကို ကိုင်တွယ်ဖြေရှင်းရဲတယ်ပေါ့”ဟု တွေးခဲ့သည်။ ထိုအရာကို ကျွန်မ ပိုတွေးလေလေ ပိုပြီးလက်မခံနိုင်လေလေ ဖြစ်သည်။ ဘုရားထံ ကျွန်မ၏ ဆုတောင်းချက်များတွင်ပင် ဆင်ခြေများ ကျွန်မ ဖန်တီးနေမိခဲ့သည်။ ယင်းကို ကျွန်မ ပိုလုပ်ဆောင်လေလေ၊ ကျွန်မ၏ ဝိညာဉ်က ပိုပိုပြီး မှောင်မိုက်ကာ ဖိစီးလာလေလေ ဖြစ်လာခဲ့သည်။ ကျွန်မ၏ အပြင်အဆင်ဒီဇိုင်းများတွင် ဦးတည်ချက်များစွာ ကျွန်မ မရှိခဲ့သော်လည်း၊ ကျွန်မ မိမိကိုယ်ကို မသုံးသပ်ခဲ့မိသေးပါ။ တစ်ရက်တွင် ကျွန်မခြေထောက်ကို ရှည်လျားသည့် ဟက်တက်ကွဲဒဏ်ရာ ဖြစ်စေလျက် သတ္တုခုံစောင်းဖြင့် ရိုက်မိခဲ့သည်။ ဆေးရုံတွင် ၇ ချက်ပင် ချုပ်ခဲ့ရပါသည်။ ဤသည်မှာ မတော်တဆမဟုတ်ဘဲ၊ နောက်ကွယ်တွင် ဘုရားသခင်၏ အလိုတော် သေချာပေါက်ရှိခဲ့သည်ကို ကျွန်မ ကောင်းကောင်း သိခဲ့သည်။ နောက်ဆုံးတွင် ကျွန်မ၏ စိတ်နှလုံးကို ကျွန်မ ငြိမ်သက်စေခဲ့ပြီး၊ တကယ်ကို သုံးသပ်ခဲ့သည်။ ညီအစ်ကိုမောင်နှမများက အကြံပေးချက်များ သို့မဟုတ် အကူအညီဖြစ်သည့် ထောက်ပြချက်များ ရှိလာချိန်တိုင်းတွင်၊ ကျွန်မ လက်ခံမယုံကြည်ခဲ့သကဲ့သို့ ခုခံနေခဲ့သည်။ ကျွန်မ လုံးဝ လက်မခံ သို့မဟုတ် ကျိုးနွံနာခံခြင်း ရှိမနေခဲ့ပါ။ ကျွန်မက မယုံနိုင်စရာကောင်းလောက်အောင် မာကျောနေခဲ့ပါသည်။ ဤအတွေးဖြင့်၊ ကျွန်မ၏ ဖောက်ပြန်ပျက်စီးသော စိတ်သဘောထားကို သိအောင် ကျွန်မကို လမ်းပြပေးဖို့ တောင်းလျှောက်ရင်း ဘုရားသခင်ထံ ဆုတောင်းခဲ့ပါသည်။

ကျွန်မ၏ မနက်ခင်း ဝတ်ပြုချိန်များတွင် ဤဘုရားနှုတ်ကပတ်တော်များကို ဖတ်ခဲ့ရပါသည်- “အခြားသောသူများကို သင့်ထက် နိမ့်ကျသည်ဟု သဘောထားပါက၊ သင်သည် မိမိကိုယ်ကိုယ်မှန်ကန်သည်ဟု ယူမှတ်သောသူ၊ စိတ်ကြီးဝင်သောသူ ဖြစ်ပြီး၊ မည်သူ့ကိုမျှ အကျိုးမပေးပေ။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ အစအဦး၌ ခရစ်တော်၏ မိန့်မြွက်ချက်များ၊ အခန်း (၂၂)) “သင်သည် ကောင်းကင်ထက် အနည်းငယ်မျှသာ နိမ့်ကျသော်လည်း ကမ္ဘာမြေထက် အဆုံးမရှိ မြင့်မားသော မွေးရာပါ ပါရမီရှင်တစ်ဦးဖြစ်သည်ဟု မထင်လေနှင့်။ သင်သည် အခြားမည်သူမဆိုထက် တော်နေရန်ဝေးစွ၊ ငါ၏လုပ်ရပ်များကို အသေးစိတ်အကျဆုံးကအစ ရိပ်စားနိုင်ပုံရနေဘိသည့်အလား မိမိကိုယ်ကိုယ် အလွန်အထင်ကြီးကာ သိမ်ငယ်စိတ် လုံးဝမရှိဖူးသည့်အတွက် သင်သည် ကမ္ဘာမြေပေါ်မှ ဆင်ခြင်တုံတရား ရှိသည့် မည်သူမဆိုထက် သာ၍မိုက်မဲနေပုံမှာ ချစ်စဖွယ်ပင် ကောင်းနေသေးတော့သည်ဟု ဆိုနိုင်ပေသည်။ အမှန်တွင်၊ သင်သည် ငါလုပ်ဆောင်ရန် ကြံရွယ်ထားသောအရာကို မသိသကဲ့သို့၊ ယခု ငါလုပ်ဆောင်နေသည့်အရာကို သာ၍ပင် သတိမမူမိသည့်အတွက် အခြေခံအားဖြင့် ဆင်ခြင်တုံတရား ကင်းမဲ့နေသူတစ်ဦး ဖြစ်ပေသည်။ ထို့ကြောင့် လူ့ဘဝအပေါ် သိမြင်နားလည်ခြင်း ရေးရေးမျှပင် မရှိသော်လည်း၊ မြေကို ထွန်ယက်စိုက်ပျိုးစဉ် ကောင်းကင်ဘုံ၏ ကောင်းချီးမင်္ဂလာများအပေါ် လုံးဝမှီခိုအားထားသော လယ်သမားဖြစ်သည့် မြေပေါ်၌ ပင်ပင်ပန်းပန်းအလုပ်လုပ်နေသည့် လယ်သမားအိုတစ်ဦးနှင့်ပင် သင်သည် တန်းတူမဟုတ်ဟု ငါဆို၏။ သင်သည် မိမိ၏အသက်တာအဖို့ နှစ်ခါမတွေး၊ ကျော်ကြားမှုနှင့်ပတ်သက်၍ သင့်အနေဖြင့် ဘာမျှ မသိသကဲ့သို့၊ သင်၌ မိမိကိုယ်ကိုယ် သိသောအသိ သာ၍မရှိချေ။ သင်သည် အလွန် ‘မြင့်မြတ်’ ပါသည်တကား။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ မသင်ယူသောကြောင့် ပညာမဲ့မြဲ မဲ့နေသောသူများ- ၎င်းတို့သည် သားရဲတိရစ္ဆာန်များ ဖြစ်ကြသည် မဟုတ်လော) ဤအရာကို ဖတ်ပြီးသည့်နောက်တွင် ကျွန်မ ဝမ်းနည်းမိသည်။ နှုတ်ကပတ်တော်တိုင်းဖြင့် ကျွန်မ ဖော်ထုတ်ခံနေခဲ့ရသည်ဟု ခံစားခဲ့ရသည်။ ကျွန်မ အပြင်အဆင်ဒီဇိုင်နာ ဖြစ်လာကတည်းက၊ လုပ်ငန်းအကြောင်းကို သိပြီး အတွေ့အကြုံလည်းရှိခဲ့သည့်အတွက်၊ ကျွန်မတွင် မရှိမဖြစ်သော ပါရမီတစ်ခုရှိခဲ့သည်ဟု ကျွန်မ ထင်ခဲ့ပါသည်။ ကျွန်မသည် ကျွမ်းကျင်သူဖြစ်ခဲ့သောကြောင့်၊ အခြားမည်သူမျှ ကျွန်မ၏အချိန်ပေးခြင်းနှင့် မထိုက်တန်ဟု တွေးလျက်၊ ညီအစ်ကို မောင်နှမများနှင့် ပတ်သက်၍ ကျွန်မ မောက်မာခဲ့သည်။ ကျွန်မ အမြဲ ဆုံးဖြတ်ချက်ချခဲ့ပြီး၊ အခြားသူများနှင့် အလုပ်ကိစ္စ မဆွေးနွေးချင်ခဲ့ပါ။ သူတို့တွင် မည်သည့် ဒီဇိုင်းအသိပညာမျှ မရှိသည့်အတွက်၊ ယင်းမှာ အချိန်ဖြုန်းခြင်းဖြစ်သည်ဟု တွေးခဲ့မိပါသည်။ တစ်စုံတစ်ရာကို အင်တင်တင်ဖြင့် ကျွန်မ ဆွေးနွေးခဲ့ချိန်တွင်၊ ကျွန်မက ဗဟုသုတပိုရှိသောသူဖြစ်သောကြောင့် အမှုအရာများကို သာ၍ နှံ့နှံ့စပ်စပ် မြင်နိုင်မည်ဟု ကျွန်မ တွေးခဲ့သည်။ သူတို့ အကြံပေးခဲ့သည့် မည်သည့်အရာကိုမျှ ကျွန်မ လုံးဝ စူးစမ်းစစ်ဆေးခြင်း လုံးဝ မလုပ်ခဲ့ဘဲ၊ ယင်းတို့ကို ခါးခါးသီးသီး ငြင်းခဲ့သည်။ အခြားသူများအတွက် အခြေခံအကျဆုံး လေးစားမှုပင် ကျွန်မ မရှိခဲ့ပါ။ ကျွန်မက မာနထောင်လွှားပြီး၊ မိမိကိုယ်ကိုယ် သုံးသပ်ဖို့ ညီအစ်ကိုမောင်နှမများက ပြောခဲ့ချိန်တွင်၊ ယင်းကိုလည်း လက်မခံနိုင်ခဲ့ဘဲ၊ အတိုက်အခံလုပ်မြဲလုပ်ခဲ့သည်။ ကျွန်မသည် မာနထောင်လွှားခြင်းကိုသာ ထုတ်ဖော်ပြခဲ့သည်ကို ကျွန်မ မြင်ခဲ့ရသည်။ ကျွန်မ၏ မာနထောင်လွှားသော စိတ်သဘောထားဖြင့် အသက်ရှင်ရင်း၊ အခြားသူများအပေါ် အထင်သာသေးခဲ့ကာ ညီအစ်ကိုမောင်နှမများကို နှိမ်ကာ နာကျင်စေခဲ့သည်မှလွဲ၍ မည်သည့်အရာမျှ မလုပ်ဆောင်ခဲ့ပါ။ ကျွန်မသည် အခြားသူများအား ကျွန်မကို အတင်းအကျပ် နားထောင်စေရင်း၊ သူတို့ကို အမှုအရာများအား အဖန်ဖန် ပြန်ုလုပ်ဆောင်စေရင်းနှင့် အသင်းတော်၏ အလုပ်ကို နှောင့်ယှက်ရင်း၊ ကျွန်မ၏ အလုပ်တွင် မာနထောင်လွှားခဲ့ကာ တစ်ဦးတည်းဩဇာဖြင့် အုပ်ချုပ်တတ်ခဲ့သည်။ မကောင်းမှုကို ကျွန်မ တကယ် လုပ်ဆောင်နေခဲ့ပါသည်။ ဤအရာအားလုံးကို နားလည်သွားလျက်၊ ကျွန်မ အနည်းငယ် စိုးရွံ့မိခဲ့သည်။ ဘုရားသခင်ထံ ကျွန်မ ဆုတောင်းကာ နောင်တရခဲ့သည်။ မာနထောင်လွှားခြင်းဖြင့် အမှုအရာများကို ကျွန်မ နောက်ထပ် မလုပ်ဆောင်ချင်တော့ပါ။

ထို့နောက်ပိုင်း ကျွန်မ၏ တာဝန်တွင်၊ ကျွန်မ သတိရှိစွာ မိမိကိုယ်ကိုယ် ဘေးဖယ်ထားပြီး၊ ကျွန်မ၏ အားနည်းချက်များကို ထေမိဖို့ရန် အခြားလူတို့၏ အကြံပြုချက်များကို ပိုနားထောင်ဖြစ်ခဲ့သည်။ တစ်ခါတစ်ရံတွင် ကျွန်မက ဒီဇိုင်းဆွဲခဲ့ပြီး၊ ညီအစ်ကိုမောင်နှမများက ကျွန်မ၏ စိတ်ကူးများနှင့် မတူကွဲပြားသည့် အကြံပြုချက်များစွာ ရှိခဲ့ကြသည်။ ယင်းတို့ကို ကျွန်မ ပယ်ချတော့မလို့ ဖြစ်ခဲ့သည်၊ ထို့နောက် ကျွန်မ တစ်ဖန် မာနထောင်လွှားမိခဲ့သည်ကို နားလည်ခဲ့သည်။ မိမိကိုယ်ကိုယ် စွန့်လွှတ်ပြီး ကျွန်မ၏ ဖောက်ပြန်ပျက်စီးသော စိတ်သဘောထားဖြင့် အသက်မရှင်တော့ရန် ကျွန်မကို လမ်းပြဖို့ တောင်းလျှောက်ရင်း ကျွန်မ၏ စိတ်နှလုံးထဲတွင် ဘုရားသခင်ထံ ကျွန်မ ဆုတောင်းခဲ့သည်။ ဘုရားအိမ်တော်၏ အလုပ်ကို အကျိုးအရှိဆုံးဖြစ်စေမည့် မည်သူမဆို၏ အကြံပြုချက်ဖြင့် ကျွန်မ လုပ်ဆောင်ချင်ခဲ့သည်။ အခြားသူများ၏ စိတ်ကူးများကို ကျွန်မ လက်ခံလိုက်သည်နှင့် တစ်ပြိုင်နက်၊ ကျွန်မတို့၏ ဇာတ်ဝင်ပစ္စည်း အသုံးအဆောင်များက ပိုကောင်းစွာ အလုပ်ဖြစ်ခဲ့သည်၊ ယင်းတို့ ပိုအသုံးဝင်လာသည်၊ လက်တွေ့ကျလာပြီး သာ၍ မြန်မြန်ဆန်ဆန် ပြုလုပ်လာနိုင်သည်ကို တွေ့ခဲ့ရသည်။ ဘုရားနှုတ်ကပတ်တော်များကို လက်တွေ့လုပ်ဆောင်ခြင်း၏ ချိုမြိန်မှုအရသာတစ်ခု ကျွန်မ ရရှိခဲ့သည်။ သို့သော် ကျွန်မ၏ မာနထောင်လွှားသော သဘာ၀ကို အမှန်တကယ် နားမလည်ခဲ့သကဲ့သို့၊ မိမိကိုယ်ကိုယ် သိခြင်း ကင်းမဲ့ခဲ့သည်။ လအနည်းငယ် ကြာပြီးနောက်တွင်၊ ကျွန်မတို့၏ အပြင်အဆင်ကို အယောက်တိုင်းက ကောင်းကောင်း လက်ခံကြပြီး၊ ကျွန်မ၏ တာဝန်တွင် အောင်မြင်မှုအချို့ ရှိခဲ့သည်ကို ကျွန်မ တွေ့ခဲ့ရသည်။ ကျွန်မ မသိလိုက်ခင်တွင်၊ ကျွန်မ၏ မာနထောင်လွှားသော စိတ်သဘောထားက ထွက်ပေါ်လာနေခဲ့သည်။

တစ်ကြိမ်တွင် သူဌေးတစ်ဦး အိမ်၏ အပြင်အဆင်တစ်ခုကို ကျွန်မတို့ အတူတကွ ဆင်နေခဲ့ချိန်တွင်၊ ကျွန်မက၊ “ဒီလိုလူတစ်ယောက်မှာ သူတို့ရဲ့ အဆင့်အတန်းကို ထင်ဟပ်စေဖို့၊ အဆင့်မြင့်ပစ္စည်းတွေ ရှိမှာပဲ”ဟု တွေးမိခဲ့သည်။ ကျွန်မလိုချင်သည့်အတိုင်းသာ ညီအစ်ကိုမောင်နှမများကို ကျွန်မ စီစဉ်စေခဲ့သည်။ အစ်ကိုကျန်းက အရမ်း ခေတ်ဆန်လွန်ပြီး၊ အဓိက ဇာတ်ကောင်၏ မျိုးဆက်နှင့် မကိုက်ဟု ထောက်ပြခဲ့သည်။ ယင်းကို ကြားရသည်မှာ ကျွန်မ အလွန်မကျေနပ်ခဲ့ပါ။ ကျွန်မ၊ “ရှင်က ဘာသိလို့လဲ။ ဒါက ပြောင်းလွယ်ပြင်လွယ်တယ်လို့ ခေါ်တယ်။ အချိန်ကာလ တစ်ခုခုအတွက် မကန့်သတ်ဘဲ သူ၏ အဆင့်အတန်းအတိုင်း ဒီဇိုင်းဆွဲရမှာပေါ့။ ကျွန်မ မြင်သလောက်တော့၊ ဒီလိုအိမ်တွေက ဘယ်လိုပုံစံရှိသင့်လဲဆိုတာ ရှင်မသိတာပါ။ ရှင့်စိတ်ကူးတွေက အရမ်းဟောင်းနေပြီ”ဟု တွေးခဲ့မိပါသည်။ ကျွန်မ သူ့ကိုပြောလိုက်သည်မှာ၊ “ကျွန်မက အချိန်ကာလနဲ့ ပတ်သက်ပြီး သိပါတယ်။ ကျွန်မကိုသာ ယုံလိုက်ပါ” ဟူ၍ ဖြစ်သည်။ မကြာမီတွင် ပြုတင်းပေါက်များက အရမ်းခေတ်ဆန်နေတယ်ဟုလည်း အစ်ကိုကျန်းက ပြောခဲ့သည်။ သူတို့ အဘယ်ကြောင့် ခေတ်နောက်ကျပြီး လိုက်လျောညီထွေ မနေနိုင်သနည်းဟု တွေးရင်း၊ ကျွန်မ အလွန် ဒေါသထွက်ခဲ့သည်။ စိတ်ကို ကျွန်မ ပြန်ထိန်းပြီး ကျွန်မ၏ အမြင်နှင့်ပတ်သက်၍ မလျှော့တမ်းပြောခဲ့သည်။ အစ်ကိုချန်းက မည်သည့်အရာကိုမျှ နောက်ထပ်မပြောတော့ပါ။ အပြင်အဆင်ပြီးစီးခဲ့ချိန်တွင်၊ ဒါရိုက်တာက ကျွန်မတို့ဒီဇိုင်းမှာ လက်တွေ့မဆန်ပါ၊ အရမ်း တောက်ပြောင်လွန်းပြီး၊ အဓိက ဇာတ်ကောင်၏ မျိုးဆက်အတွက် ကောင်းစွာမလိုက်ဖက်ပါ။ ကျွန်မတို့ ပြန်လုပ်ရမည်ဟု ပြောသည့်အခါ ကျွန်မ အံ့ဩသွားခဲ့ရသည်။ သို့သော် ကျွန်မ လက်ခံမနေခဲ့သေးပါ။ သူတို့က အသိအမှတ်မပြုနိုင်ခဲ့ခြင်းသာဟု ခံစားခဲ့သည်။ သို့သော် အယောက်တိုင်းက အလုပ်မဖြစ်ဘူးဟု ပြောခဲ့သည့်အတွက်၊ အပြင်အဆင်ကို ပြန်လုပ်ရန် ကျွန်မ အင်တင်တင်ဖြင့် လက်ခံခဲ့သည်။

နောက်ပိုင်း အချို့သော အချိန်တွင်၊ အပြင်အဆင်အတွက် ၈၀ ခုနှစ်ပုံစံ အိပ်ယာအပူပေးစနစ် လုပ်ဖို့လိုအပ်ခဲ့သည်။ ယင်းအတွက် ကျွန်မတို့ ငွေများစွာ လိုအပ်မည်ဟု တွေးနေခဲ့သော်လည်း၊ အစ်ကိုကျန်းက ကျွန်မတို့ဘာသာ ထိုအရာကို လုပ်ဆောင်ပါက ငွေများစွာ ချွေတာနိုင်မည်ဟုပြောခဲ့ပြီး၊ သူ့စိတ်ထဲတွင် အသေးစိတ် အစီအစဉ် ရှိခဲ့ပါသည်။ သို့သော် ကျွန်မမှာ ထိုစိတ်ကူးအတွက် အထင်သေးခြင်းမှလွဲ၍ မည်သည့်အရာမျှ မရှိခဲ့ပါ။ ကုန်ကျစရိတ် နည်းနည်းအတွက် ကျွန်မတို့ဘာသာ လုပ်နိုင်သော်လည်း၊ ယင်းက တာရှည်ခံမည်မဟုတ်ပါ။ ယင်းက အချည်းနှီး အားထုတ်မှုတစ်ခုသာ ဖြစ်မည် မဟုတ်ပါလား။ ဒါရိုက်တာကိုလည်း အစ်ကိုကျန်း၏ စိတ်ကူးက တကယ်ကို အလုပ်ဖြစ်မှာမဟုတ်ဟု ကျွန်မ ပြောပြခဲ့သည်။ ဒါရိုက်တာက ကျွန်မ၏ အသုံးစရိတ်က အရမ်းမြင့်သောကြောင့်၊ အိပ်ယာအပူပေးစနစ်နဲ့ ကန်ဇာတ်ကွက်ကို ဘေးချိတ်ထားခဲ့သည်ဟု ပြောခဲ့သည်။ ထို့နောက်တွင် အစ်ကိုကျန်းက နောက်ထပ် အကြံပြုချက်တစ်ခု ဖွင့်ဟခဲ့ပြီး ကျွန်မက သူနားမလည်သကဲ့သို့ ခေါင်းမာနေသည်ဟု ထင်လျက် သူ့ကို ဩဝါဒပေးခဲ့သည်။ သူက ကျွန်မအား‌ဖြင့် ဘောင်ခတ်ခံရသည်ကို အခြားသော အစ်မတစ်ဦးက မြင်ခဲ့ပြီး ကျွန်မ မာနထောင်လွှားသည်ဟု ပြောခဲ့သည်။ ယင်းကို ကျွန်မ လက်ခံဖို့ငြင်းဆိုခဲ့ပါသည်။ ဒါရိုက်တာနှင့်အတူ အပြင်အဆင် အစီအစဉ်များကို ဆွေးနွေးနေချိန်တွင်ပင်၊ ကျွန်မ မာနထောင်လွှားကာ တင်းမာမြဲ တင်းမာနေခဲ့သည်။ အကျိုးဆက်အနေဖြင့်၊ တစ်ခါတစ်ရံတွင် အပြင်အဆင်များက ကျွန်မတို့လိုအပ်သည့်အရာ မဟုတ်ခဲ့သကဲ့သို့ ပြန်၍ပင် လုပ်ဆောင်ခဲ့ရသည်။ ဤအရာက ရုပ်ရှင်ရိုက်ကူးရေးကို နှောင့်နှေးစေခဲ့လေသည်။

သိပ်မကြာခင် ထိုတာဝန်မှ ကျွန်မ ဖယ်ရှားခံခဲ့ရသည်။ ခေါင်းဆောင်က ကျွန်မကို၊ “ခင်ဗျားက မာနထောင်လွှားတယ်၊ ကိစ္စတွေကို ကိုယ့်နည်းလမ်းနဲ့ကိုယ် လုပ်ပြီး အမြဲဆုံးဖြတ်ချက်ချတယ်။ လူတွေကို တင်တင်စီးစီး ဩဝါဒပေးတယ်။ ခင်ဗျားက ဆရာကြီးလို ဖြစ်ပြီး သူတို့က ခင်ဗျားရဲ့တပည့်တွေလို ပြုမူတယ်လို့ ညီအစ်ကို မောင်နှမတွေက ပြောကြတယ်။ လူတိုင်းက ခင်ဗျား နှိမ်တာ ခံစားရတယ်”ဟု ပြောပြခဲ့သည်။ ဤအရာကို ကျွန်မ ကြားချိန်တွင် ကြက်သေသေသွားခဲ့သည်။ ကျွန်မ အရမ်း မာနထောင်လွှားပြီး အခြားသူတွေအဖို့ ယုတ္တိမတန်ခဲ့သည်ကို မည်သည့်အခါတွင်မျှ ကျွန်မ စိတ်မကူးမိခဲ့ပါ။ ကျွန်မ အရမ်းဝမ်းနည်းခဲ့သည်မှာ ခေါင်းဆောင်ပြောသည့် အခြားမည်သည့်အရာကိုမျှ မကြားခဲ့ပါ။ ရက်အနည်းငယ်ကြာ ကျွန်မ စိတ်မချမ်းမြေ့ဖြစ်ခဲ့ရသည်။ ကျွန်မ ကောင်းကောင်း မစားနိုင် မအိပ်နိုင် ဖြစ်ခဲ့သည်။ ကျွန်မ၏ ဆင်ခြင်သုံးသပ်မှု အတောအတွင်းတွင် ဘုရားနှုတ်ကပတ်တော်များ၏ စာတစ်ကြောင်းက စိတ်ထဲရောက်လာခဲ့သည်- “အယောက်စီတိုင်းသည် မိမိတို့၏ အသက်တာတစ်လျှောက်၌ ဘုရားသခင်အား မည်ကဲ့သို့ယုံကြည်နေခဲ့သည်ကို အသစ်တစ်ဖန် ပြန်လည်ဆန်းစစ်သင့်ပေသည်။” (နှုတ်ကပတ်တော်၊ အတွဲ (၂)၊ ဘုရားသခင်ကို သိကျွမ်းခြင်းနှင့် စပ်လျဉ်း၍၊ ကျမ်းဦးစကား) ကျွန်မက၊ “ငါ ဘုရားအပေါ် ယုံကြည်လာတာ အခုဆို ၅ နှစ်ရှိသွားပြီဆိုပေမယ့်၊ ကိုယ့်ကိုယ်ကို သိဖို့ ဒါမှမဟုတ် သုံးသပ်ဖို့ တစ်ခါမှမလုပ်ခဲ့ဖူးဘူးပဲ။ မသိလိုက်ဘဲ မာနထောင်လွှားမှုတွေ အများကြီး ထုတ်ဖော်ပြမိပြီ။ ငါ တကယ် ကိုယ့်ကိုယ်ကိုယ် အမှန်တကယ် သုံးသပ်ရမယ်”ဟု တွေးလျက် ဤအရာကို တွေးဆမိခဲ့သည်။ ဘုရားသခင်ထံ ဤဆုတောင်းချက် ကျွန်မ ဆိုခဲ့သည်- “အို ဘုရားသခင် ကျွန်မအနေနဲ့ ကျွန်မရဲ့ ဖောက်ပြန်ပျက်စီးတဲ့ စိတ်သဘောထားကို သိနိုင်ဖို့နဲ့ ကိုယ့်ကိုယ်ကိုယ် မုန်းတီးပြီး စွန့်လွှတ်နိုင်ဖို့၊ ကျွန်မကို လမ်းပြပြီး အသိဉာဏ်ပွင့်လင်းစေပါ။ ကျွန်မ နောင်တရဖို့ လိုလားနေပါတယ်။” တစ်ရက်တွင် ကျွန်မသည် အကိုကျန်း အကြံပေးခဲ့သည့်အတိုင်း ၈၀ ခုနှစ်ပုံစံ အိပ်ရာအပူပေး ပုံစံတစ်ခု ပြုလုပ်ထားပြီးဖြစ်သည့် ရုပ်ရှင်ရိုက်နေသည့် နေရာတစ်ခုသို့ လက်တိုလက်တောင်းများ လုပ်ဖို့အတွက် သွားခဲ့သည်။ ယင်းမှာ ကျွန်မ၏ ကနဦး အသုံးစရိတ်ထက် ထက်ဝက် သက်သာခဲ့သည်။ အစ်ကိုကျန်းနှင့် အခြားသူတို့သည် ကတ်ထူပြားမှ ဇာတ်ဝင်ပစ္စည်း အသုံးအဆောင်များစွာလည်း ပြုလုပ်ခဲ့ကြသည်။ သူတို့သည် အချိန်နဲ့ ခွန်အားကို ချွေတာပြီး ပိုနည်းပါးသည့် ပစ္စည်းများ သုံးလျက် ကောင်းကောင်းလုပ်ခဲ့ကြသည်။ ဤအရာကို ကျွန်မ မြင်သည်တွင် အရှက်ရမိခဲ့သည်။ ကျွန်မ မည်မျှ မာနထောင်လွှားပြီးဖြစ်ကာ ကျွန်မတို့၏ ရိုက်ကူးရေးကို မည်မျှ နှောင့်နှေးစေခဲ့ပြီးဖြစ်သည်ကို ကျွန်မ တွေ့ခဲ့ရသည်။ ကျွန်မ ကိုယ့်ကိုယ်ကိုယ်၊ “အခြားသူတွေကို ငါ့စကား အမြဲနားထောင်စေပြီး ငါဘာလို့ အရမ်း မာနထောင်လွှားခဲ့တာလဲ၊ ဒီအရာရဲ့ အရင်းအမြစ်က ဘာလဲ”ဟု စတင်မေးခဲ့သည်။

တစ်မနက် ကျွန်မ၏ ဝတ်ပြုခြင်းများတွင် ဘုရားနှုတ်ကပတ်တော်များထဲတွင် ဤအရာကို ကျွန်မ ဖတ်ခဲ့ရသည်- “သင်သည် သင့်အတွင်း၌ သမ္မာတရားကို အမှန်တကယ် ပိုင်ဆိုင်ပါက သင်လျှောက်လှမ်းသည့် လမ်းကြောင်းမှာ အလိုအလျောက်မှန်ကန်သော လမ်းကြောင်းဖြစ်လိမ့်မည်။ သမ္မာတရားမရှိပါက မကောင်းမှုပြုရန် လွယ်ကူပြီး မရည်ရွယ်ဘဲ ယင်းကို သင်လုပ်မိလိမ့်မည် ဖြစ်သည်။ ဥပမာ၊ အကယ်၍ မာနထောင်လွှားခြင်းနှင့် စိတ်ကြီးဝင်ခြင်းတို့သည် သင်၏အတွင်းတွင် တည်ရှိခဲ့ပါက၊ ဘုရားသခင်ကို ဖီဆန်ခြင်းမှ ထိန်းထားဖို့ မဖြစ်နိုင်ပေ။ သင်သည် သူ့ကိုဖီဆန်ရန် လှုံ့ဆော်ခြင်းခံရမည်။ သင်သည် ရည်ရွယ်ချက်ရှိရှိနှင့် ထိုအရာကို ပြုမည်မဟုတ်၊ သင်၏ မောက်မာပြီး ထောင်လွှားသော သဘာဝဗီဇ၏ အုပ်စိုးမှုအောက်၌ သင် ထိုသို့ပြုလိမ့်မည်။ သင်၏ မောက်မာခြင်းနှင့် စိတ်ကြီးဝင်ခြင်းတို့သည် သင့်ကို ဘုရားသခင်အား အထင်အမြင်သေးစေမည်ဖြစ်ပြီး သူ့အား အရေးမပါသောသူအဖြစ် မြင်စေမည်ဖြစ်သည်။ ထိုအရာတို့သည် သင့်ကိုယ်သင် ချီးမြှောက်စေလိမ့်မည်ဖြစ်ပြီး အစဉ်တစိုက် မိမိကိုယ်ကို ထုတ်ဖော်ကြွားဝါစေလိမ့်မည် ဖြစ်ကာ နောက်ဆုံးတွင် သင့်ကို ဘုရားသခင်၏ နေရာတွင် ထိုင်စေ၍ သင့်ကိုယ်သင်အတွက် သက်သေခံစေလိမ့်မည် ဖြစ်သည်။ အဆုံးတွင် သင်သည် အကိုးကွယ်ခံရဖို့ရန် မိမိကိုယ်ပိုင် စိတ်ကူးများ၊ မိမိကိုယ်ပိုင် အတွေးအခေါ်နှင့် မိမိကိုယ်ပိုင် အယူအဆများကို သမ္မာတရားများအဖြစ် ပြောင်းလဲလိမ့်မည်။ မိမိတို့၏ မောက်မာ၍ ထောင်လွှားသော သဘာဝ၏ အုပ်စိုးမှုအောက်၌ လူတို့သည် မည်မျှများပြားလှသော ဒုစရိုက်မှုကို ပြုကြသည်ကို ကြည့်လော့။” (နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားအား လိုက်စားခြင်းအားဖြင့်သာ စိတ်သဘောထား ပြောင်းလဲမှုတစ်ခုကို ရရှိနိုင်သည်”) ဤအရာကို ကျွန်မ ဖတ်ခဲ့ရချိန်တွင် မအီမသာ ခံစားခဲ့ရသည်။ ကျွန်မ၏ မာနထောင်လွှားသော စိတ်သဘောထားကို သိခဲ့ပြီးဖြစ်သော်လည်း၊ မာနထောင်လွှားခြင်း၏ အကျိုးဆက်များနှင့်ပတ်သက်၍ ဘာမျှ မသိခဲ့ပါ။ နောက်ဆုံးတွင် ဘုရားနှုတ်ကပတ်တော်များ ဖော်ပြခဲ့သည့်အရာမှနင့် ကျွန်မကို မကောင်းမှုလုပ်ပြီး ဘုရားသခင်ကို ဆန့်ကျင်ဖို့ တွန်းပို့ခဲ့သည့် ကျွန်မ၏ စကားလုံးများနှင့် လုပ်ရပ်များအပေါ် သုံးသပ်ခြင်းအားဖြင့် ကျွန်မ သိမြင်ခဲ့ရသည်။ ကျွန်မ၏ မာနထောင်လွှားသော သဘာ၀က ကျွန်မကို မိမိကိုယ်ကိုယ် များစွာတွေးတောဖို့ တိုက်တွန်းခဲ့သည်၊ ထို့သို့ဖြင့် ကျွန်မ ကျွမ်းကျင်မှု အနည်းငယ်ရှိခဲ့သောကြောင့် အခြားသူတို့နှင့်သက်ဆိုင်၍ မည်သည့်အရာမျှ မတွေးခဲ့ပါ။ အမှုအရာများအပေါ် ကျွန်မ၏ သဘောထားမှုက အမြဲ မှန်ကန်ပြီး မည်သူမျှ ကျွန်မနှင့် တန်းတူမဟုတ်၊ ကျွန်မပြောသည့်အတိုင်း သူတို့လုပ်ရမည်ဟု ကျွန်မ ထင်ခဲ့မိသည်။ ကျွန်မက “ဘယ်ဘက်”ဟု ပြောပါက၊ မည်သူမျှ ညာဘက်သွား၍မရသကဲ့သို့၊ ဘယ်သူမျှ အခြား အကြံပေး၍မရပါ။ ကျွန်မစကားနားမထောင်သည့် မည်သူမဆိုကို ကျွန်မ ကြိမ်းမောင်းခဲ့ပြီး၊ တစ်ဇွတ်ထိုးဆန်ကာ အာဏာရှင်ဆန်ခဲ့ပါသည်။ ကျွန်မသည် ထိန်းချုပ်ချင်နေခဲ့ပြီး၊ အန္တိခရစ်တစ်ဦး၏ လမ်းကြောင်းကို လျှောက်နေခဲ့ပါသည်။ ဘုရားသခင်ထံမှ “သင်၏ မောက်မာခြင်းနှင့် စိတ်ကြီးဝင်ခြင်းတို့သည် သင့်ကို ဘုရားသခင်အား အထင်အမြင်သေးစေမည်ဖြစ်ပြီး သူ့အား အရေးမပါသောသူအဖြစ် မြင်စေမည်ဖြစ်သည်၊”ဟူသည့် ဤစကားများသည် ကျွန်မ၏ တာဝန်တွင် ကျွန်မ မည်သို့ ကြွားဝါခဲ့ပြီးဖြစ်သည်ဆိုသည့်အကြောင်းကို အထူးသဖြင့် တွေးမိစေခဲ့သည်။ မည်သည့်အခါတွင်မျှ ဘုရား၏အလိုတော် သို့မဟုတ် သမ္မာတရား၏ အခြေခံသဘောတရားများကို ကျွန်မ မရှာဖွေခဲ့မိပါ။ အခြားသူများက အကြံပြုချက်မျာဒ ရှိခဲ့ချိန်တွင်၊ ယင်းက ဘုရားထံမှ လာခြင်း ဟုတ်မဟုတ်၊ ဘုရားသခင်၏ လမ်းပြမှု ဟုတ်မဟုတ်ဆိုသည်ကို ကျွန်မ လုံးဝ မစဉ်းစားခဲ့ပါ။ ကျွန်မ၏ စိတ်ကူးမဟုတ်ပါက၊ ကျွန်မ နားကိုမထောင်ခဲ့ပါ။ ဘုရားသခင်ကို ကြောက်ရွံ့မှုတစ်ခုတစ်လေမျှ ကျွန်မ လုံးဝ မရှိခဲ့သည်ကို တွေ့ခဲ့ရသည်။ ကျွန်မ အလွန် မာနထောင်လွှားခဲ့သည်မှာ အခြားသူတို့ကို အထင်သေးခြင်းဖြင့် ဆက်ဆံခဲ့ပြီး စိတ်နှလုံးထဲတွင် ဘုရားသခင်အတွက် နေရာမရှိခဲ့ပါ။ ယုံကြည်ခြင်းဖြင့်၊ သမ္မာတရားနှင့် သန့်ရှင်းသောဝိညာဉ်တော်၏ လုပ်ဆောင်မှုကို ကျွန်မ ကျိုးနွံနာခံသင့်ပါသည်။ ညီအစ်ကိုမောင်နှမများက မည်သည့် အကြံပြုချက် ရှိသည်ဖြစ်စေ၊ ယင်းက ကျွန်မ၏ စိတ်ကူးနှင့် ကိုက်ညီသည်ဖြစ်စေ၊ မညီသည်ဖြစ်စေ၊ သန့်ရှင်းသောဝိညာဉ်တော်ထံမှ လာဖို့ ဖြစ်နိုင်ပါသည်။ ယင်းကို ကျွန်မ လက်ခံပြီး ဘုရားကို ကြောက်ရွံ့တတ်သည် ကျိုးနွံနာခံသော စိတ်နှလုံးဖြင့် ယင်းကို ကျွန်မ စူးစမ်းစစ်ဆေးသင့်ပါသည်။ ယင်းသည် သမ္မာတရားနှင့် ကိုက်ညီကာ ဘုရားအိမ်တော်၏ အလုပ်ကို အကျိုးပြုမည်ဆိုပါက၊ ကျွန်မ နာခံကာ အကောင်အထည်ဖော်သင့်သည်။ သန့်ရှင်းသောဝိညာဉ်တော်၏ အသိဉာဏ်ပွင့်လင်းစေခြင်းနှင့် လမ်းပြမှုမှ တစ်စုံတစ်ရာကို ကျွန်မ ငြင်းပယ်မိပါက၊ ယင်းမှာ ဝိညာဉ်တော်၏ လုပ်ဆောင်မှုကို ဟန့်တာခြင်းနှင့် ဘုရားသခင်ကို ခုခံခြင်း ဖြစ်သည်။ ယင်းသည် ဘုရားသခင်၏ စိတ်သဘောထားကို ပုန်ကန်ပြစ်မှားပေသည်။ ကျွန်မသည် ကျွန်မ၏ တာဝန်ကို မာနထောင်လွှားမှုဖြင့် လုပ်ဆောင်ခဲ့ပြီး ညီအစ်ကိုမောင်နှမများကို နှိမ်ကာ လုံးဝ ကောင်းမွန်သော စိတ်ကူးများကို ချောင်ထိုးထားလျက်၊ ကျွန်မ ဩဇာဖြအုပ်ချုပ်ခဲ့သည်။ ဤအရာက အသင်းတော်၏ အလုပ်ကို နှောင့်ယှက်ခဲ့ပါသည်။ အလုပ်ထုတ်ခံရခြင်းက ကျွန်မအပေါ် ဘုရားသခင်၏ ဖြောင့်မတ်သော စိတ်သဘောထား ကျရောက်လာခြင်း ဖြစ်သည်။ ညီအစ်ကိုမောင်နှမများအား ကျွန်မ ပြုလုပ်ခဲ့ပြီးသည့် ထိခိုက်စေခြင်းနှင့် အသင်းတော်အလုပ်ကို ကျွန်မ ဖြစ်စေခဲ့သည့် ဆုံးရှုံးမှုများ အားလုံးအကြောင်းကို တွေးရင်း၊ ကျွန်မ အလွန်နောင်တရကာ အပြစ်ရှိသလို ခံစားခဲ့ရသည်။ ကျွန်မ၏ ဖောက်ပြန်ပျက်စီးမှုကို တကယ် မုန်းခဲ့သည်။ တစ်ချိန်တည်းတွင်၊ ကျွန်မ၏ မာနထောင်လွှားမှုနှင့် ခေါင်းမာမှုတို့ကြောင့် ကျွန်မ ပြင်းပြင်းထန်ထန် တရားစီရင်ခံရပြီး ပြစ်တင်ဆုံးမခြင်း မခံခဲ့ရပါက၊ မိမိကိုယ်ကိုယ် မည်သည့်အခါတွင်မျှ သိရှိမည်မဟုတ်၊ ဘုရားသခင်ကို ကျွန်မ ခုခံမြဲခုခံနေခဲ့မိမည်ဖြစ်သောကြောင့်၊ ဘုရားသခင်ကို အပြည့်အဝ ကျေးဇူးတင်မိခဲ့သည်။

နောက်ပိုင်းတွင် နောက်ထပ် ဘုရားသခင်၏ နှုတ်ကပတ်တော်များ ကျမ်းတစ်ပိုဒ်ကို ကျွန်မ ဖတ်ခဲ့ရသည်- “အချိန်အများစုတွင်၊ ပါရမီရှိပြီး ဆုကျေးဇူးရှိကြသည့် လူတို့၏ အတွေးများ၊ လုပ်ရပ်များနှင့် စိတ်နေစိတ်ထားတို့သည် သမ္မာတရားနှင့် ကွဲလွဲကြသော်လည်း၊ ၎င်းတို့ ကိုယ်တိုင်သည် ဤအရာကို မသိကြချေ။ ၎င်းတို့က၊ ‘ကျွန်ုပ် မည်မျှ လိမ္မာပါးနပ်သည်ကို ကြည့်ပါ။ အင်မတန် တော်သည့် ရွေးချယ်မှုများ ကျွန်ုပ် ပြုလုပ်ခဲ့သည်။ အလွန့်အလွန် အမြော်အမြင်ရှိသည့် ရွေးချယ်မှုများပါတကား။ သင်တို့ထဲမှ မည်သူမျှ ငါ့ကို ယှဉ်၍မရ’ ဟု တွေးကြဆဲဖြစ်သည်။ ၎င်းတို့သည် အတ္တအပြည့်နှင့် မိမိကိုယ်ကိုယ် သဘောကျသည့် အခြေအနေတစ်ခုတွင် အစဉ်အမြဲ အသက်ရှင်ကြလေသည်။ ၎င်းတို့၏ စိတ်နှလုံးများကို တည်ငြိမ်စေကာ ဘုရားသခင်က ၎င်းတို့အား မည်သည့်အရာ တောင်းဆိုသည်၊ သမ္မာတရားက မည်သည့်အရာဖြစ်သည်ဆိုသည်နှင့် သမ္မာတရား၏ အခြေခံသဘောတရားများက မည်သည့်အရာများဖြစ်သည် ဆိုသည်တို့ကို ချင့်ချိန်စဉ်းစားဖို့ ၎င်းတို့အတွက် ခက်ခဲပေသည်။ ၎င်းတို့အတွက် သမ္မာတရားနှင့် ဘုရားသခင်၏ နှုတ်ကပတ်တော်များထဲသို့ ဝင်ရောက်ဖို့ ခက်ခဲပြီး သမ္မာတရားကို လက်တွေ့လုပ်ဆောင်ခြင်း၏ အခြေခံသဘောတရားများကို ရှာတွေ့ဖို့ သို့မဟုတ် သဘောပေါက်ဖို့နှင့် သမ္မာတရား၏ လက်တွေ့အရှိတရားထဲသို့ ဝင်ရောက်ဖို့ ၎င်းတို့အတွက် ခက်ခဲပေသည်။” (နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူတို့ အသက်ရှင်ဖို့ မှီခိုနေခဲ့ကြသည့် အရာအတိအကျ”) ကျွန်မတို့အနေဖြင့် ဘ၀တွင် ကျွန်မတို့၏ ဆုကျေးဇူးများနှင့် အားသာချက်များအပေါ် မှိခိုကြပါက၊ ကျွန်မတို့ ပိုပြီးမာနထောင်လွှားကာ မိမိကိုယ်ကိုယ် ကျေနပ်အားရလာမည်ဖြစ်ပြီး၊ သမ္မာတရား၏ အခြေခံသဘောတရားများ ရှာဖွေခြင်းမရှိဘဲ ထိုအရာများက သမ္မာတရားဖြစ်သည်ဟု တွေးထင်လာကြမည်ဖြစ်သည်ကို ဘုရားသခင်၏ နှုတ်ကပတ်တော်များက ကျွန်မကို ပြပါသည်။ ကျွန်မတွင် အရည်အချင်းအချို့ရှိသောကြောင့်၊ ညီအစ်ကို မောင်နှမများက အပြင်အဆင်ဒီဇိုင်းများနှင့် ဇာတ်ဝင်ခန်း အသုံးအဆောင်များအတွက် ကျွန်မမပါဘဲ လုပ်နိုင်ကြမည်မဟုတ်ဟု ကျွန်မ တွေးထင်ခဲ့သော်လည်း၊ အမှန်တွင်၊ သူတို့ထဲမှ အချို့သည် ကျွန်မ လုပ်နိုင်သည်ထက်ပင် သာ၍ကောင်းစွာ ဇာတ်ဝင်ခန်း အသုံးအဆောင်များ ဖန်တီးကြရင်း၊ မိမိတို့၏ တာဝန်များကို အတတ်ပညာဆိုင်ရာ အတွေ့အကြုံတစ်ခုတစ်လေ မရှိဘဲ တကယ်ကို ကောင်းစွာ လုပ်ဆောင်ခဲ့ကြပါသည်။ ကျွန်မအနေဖြင့် အမြင်ရှိတယ်၊ ကျွမ်းကျင်ပြီး စိတ်ကူးကောင်းများရှိသည်ဟု ထင်ခဲ့သော်လည်း၊ ကျွန်မက ကိစ္စရပ်များကို ရှုပ်ထွေးစေခဲ့သည်။ ကျွန်မ ပြုလုပ်ခဲ့သည့်အရာများက အသုံးမဝင်သကဲ့သို့၊ အချိန် ခွန်အားနှင့် ငွေကို ဖြုန်းတီးရင်း၊ မကြာခဏ ပြန်လုပ်ခဲ့ရသည်။ သမ္မာတရား၏ အခြေခံသဘောတရားများကို ရှာဖွေခြင်းမရှိဘဲ ကျွန်မ၏ ဆုကျေးဇူးများနှင့် အားသာချက်များအပေါ် မှိခိုခြင်းအားဖြင့်၊ သန့်ရှင်းသောဝိညာဉ်တော်၏ အလုပ် ကျွန်မ ကင်းမဲ့ခဲ့သောကြောင့် ကျွန်မ၏ တာဝန်ကို ကောင်းစွာ မလုပ်ဆောင်နိုင်ခဲ့သည်ကို ကျွန်မ မြင်ခဲ့ရသည်။ တစ်စုံတစ်ဦး၏ စိတ်နှလုံးက မှန်ကန်သည့်နေရာတွင် ရှိပါက၊ ဘုရားက အသိဉာဏ်ပွင့်လင်းစေကာ လမ်းပြလိမ့် မည်ဖြစ်သည်။ ဘုရားသခင်သည် မည်သည့်လူသားကမျှ စိတ်ကူးမရနိုင်သည် ဉာဏ်ပညာကို ပေးသနားပါသည်။ ကျွန်မ အရမ်းဂုဏ်ယူခဲ့သည့် ထိုဆုကျေးဇူးနှင့် ကျွမ်းကျင်မှုများမှာ တန်ဖိုးမရှိခဲ့သည်ကို ကျွန်မ နားလည်လိုက်ရသည်။ ထိုအရာများကို ကျွန်မ၏ အရင်းအနှီးအဖြစ် ယူခြင်းသည် တကယ့်ကို မာနထောင်လွှားပြီး ယုတ္တိမတန်ခဲ့ပါ။ ထိုအရာနှင့် ပတ်သက်၍ စဉ်းစားရင်း ကျွန်မ အလွန် အရှက်ရမိခဲ့သည်။ ထို့နောက် ဘုရားသခင်ထံ ဤဆုတောင်းချက်ကို ကျွန်မ ဆိုခဲ့ပါသည်- “ကျွန်မရဲ့ မာနထောင်လွှားတဲ့ စိတ်သဘောထားနဲ့ ကျွန်မ ဆက်အသက်မရှင်ချင်တော့ပါဘူး။ သမ္မာတရားကို ကျွန်မ ခိုင်ခိုင်မာမာ လိုက်စားပြီး လက်တွေ့လုပ်ဆောင်ဖို့နဲ့ ကျွန်မရဲ့ တာဝန်ကို ကောင်းကောင်း လုပ်ဆောင်ဖို့ ကျွန်မ ဆန္ဒရှိပါတယ်။”

နောက်ပိုင်းတွင် ယုံကြည်သူအသစ်များကို ရေလောင်းပေးခြင်း တာဝန်ကို ကျွန်မ ယူခဲ့ပြီး၊ အခြားသူများနှင့် အလုပ်လုပ်နေချိန်တွင် ပို၍ သိုသိုသိပ်သိပ် နေမြဲနေခဲ့သည်။ တစ်စုံတစ်ရာ ဖြစ်လာသည့်အချိန်တိုင်းတွင် ဘုရား၏အလိုတော်ကို သတိရှိစွာ ကျွန်မ ရှာဖွေခဲ့ပြီး၊ အခြားသူတို့၏ အကြံပြုချက်များကို ပိုနားထောင်ခဲ့သည်။ တစ်ရက်တွင် အဖွဲ့ထဲက အစ်ကိုတစ်ယောက်က၊ “အစ်မရဲ့ ညီအစ်ကိုမောင်နှမတွေကို ရေလောင်းပြီး ထောက်ပံ့ပေးတဲ့ ပုံစံက နည်းနည်း တင်းမာနေတယ်။ သိပ်မထိရောက်ဘူး။ လူတစ်ဦးချင်းစီရဲ့ အားနည်းချက်တွေနဲ့ပတ်သက်ပြီး ရေလောင်းတာကို အာရုံစိုက်နိုင်ရင် ပိုကောင်းမယ်နော်”ဟု ကျွန်မထံ ပြောလေသည်။ ကျွန်မသိပ်ပြီး လက်ခံယုံကြည်ခြင်း မရှိခဲ့ပါ။ ကျွန်မ၏ အတွေ့အကြုံအားလုံကို အသုံးချနေခဲ့သောကြောင့်၊ အဘယ်သို့ တစ်ခုတစ်လေ ကျွန်မ အမှားလုပ်နေနိုင်မည်နည်းဟု ကျွန်မထင်ခဲ့သည်။ ကျွန်မက သူ့ကို ငြင်းလိုက်ဖို့ လုပ်နေမိတဲ့အချိန်တွင်ပင် ကျွန်မ၏ မာနထောင်လွှားမှုက တစ်ဖန် ခေါင်းထောင်လာခဲ့ပြီးဖြစ်သည်ကို ကျွန်မ နားလည်လိုက်သည်။ ဘုရားသခင်ထံ အသံမဲ့ ဆုတောင်းချက်တစ်ခု ကျွန်မ ဆိုခဲ့ပြီးနောက်၊ ဤဘုရားနှုတ်ကပတ်တော်များ စာပိုဒ်က စိတ်ထဲပေါ်လာခဲ့သည်- “ကွဲလွဲသောခံယူချက်ကို အခြားလူတို့က ဖွင့်ဟလာသောအခါ ဖြစ်ပေါ်လေသည်— ထင်ရာမြင်ရာနှင့် မဆင်မခြင်လုပ်ခြင်းမှ ရှောင်ကြဉ်ရန် မည်သည့် လက်တွေ့လုပ်ဆောင်မှုကို သင်ထားရှိနိုင်သနည်း။ သင်သည် ဦးစွာ နှိမ့်ချခြင်းသဘောထား ရှိရမည်၊ သင်က မှန်ကန်သည်ဟု ယုံကြည်သောအရာကို ဘေးဖယ်ထားရမည်ဖြစ်ပြီး လူတိုင်းကို မိတ်သဟာယပြုရန် အခွင့်ပေးရမည် ဖြစ်သည်။ သင်၏နည်းလမ်းက မှန်ကန်သည်ဟု သင်ယုံကြည်လျှင်ပင်၊ ယင်းကို ထပ်တလဲလဲ မလျှော့တမ်း မပြောသင့်ပေ။ ပထမအနေဖြင့် ၎င်းသည် ရှေ့တစ်လှမ်းတက်ခြင်းမျိုး ဖြစ်သည်။ ယင်းက သမ္မာတရားကို ရှာဖွေခြင်း၊ သင့်ကိုယ်သင် ငြင်းပယ်ခြင်းနှင့် ဘုရားသခင်၏အလိုတော်ကို ဖြည့်ဆည်းခြင်းဟူသော သဘောထားကို ပြသသည်။ သင့်တွင် ဤသဘောထား ရှိသောအခါ၊ သင်သည် သင့်ကိုယ်ပိုင်ခံယူချက်ကို မစောင့်ထိန်းတော့သည်နှင့် တစ်ပြိုင်နက်၊ ဆုတောင်းတော့သည်။ သင်သည် အမှားနှင့်အမှန်ကို မသိသောကြောင့် အကောင်းဆုံး၊ အသင့်တော်ဆုံး ပြုလုပ်ရမည့်အရာကို ထုတ်ဖော်ရန်နှင့် ပြောပြရန် သင်က ဘုရားသခင်ကို အခွင့်ပေးသည်။ အယောက်တိုင်းက မိတ်သဟာယတွင် ပါဝင်လာကြသောအခါ သန့်ရှင်းသော ဝိညာဉ်တော်က သင့်အား ဉာဏ်အလင်း အားလုံးကို ယူဆောင်လာပေးသည်။” (ဘုရားသခင်၏ မိတ်သဟာယဖွဲ့ခြင်း) ယခင်က အခြားသူများကို နှိမ်ရင်းနှင့် ဘုရားအိမ်တော်၏ အလုပ်ကို နှောင့်ယှက်ရင်း ကျွန်မ အလွန် မာနထောင်လွှားကာ ခေါင်းမာခဲ့သည်။ လူတို့ကို နှိမ်ရင်း၊ ဘုရားသခင်ကို ခုခံရင်းဖြင့် ထိုသို့ ကျွန်မ ဆက်လုပ်နေ၍ မဖြစ်ဘဲ အခြားလူတို့၏ အကြံပြုချက်များကို နားထောင်ရမည်ကို ကျွန်မ သိခဲ့သည်။ ထိုအရာကို ကျွန်မ ပထမဦးစွာ လက်ခံကာ ကျိုးနွံနာခံသင့်သည်၊ ထို့နောက် ဘုရားသခင်၏ အလိုတော်ကို ရှာဖွေသင့်ပေသည်။ ယင်းမှာ ဘုရားသခင်၏ လမ်းပြမှုကို ရရှိဖို့ တစ်ခုတည်းသော နည်းလမ်း ဖြစ်သည်။ ထို့ကြောင့်၊ ကျွန်မသည် ဤအစ်ကိုပြောသည်ကို စိတ်ရှည်ရှည် ပြီးအောင်နားထောင်ပြီး၊ ကျွန်မ၏ နည်းစနစ်တွင် တိုးတက်ဖို့ တကယ် လိုနေသည်ကို နားလည်ခဲ့သည်။ သူအကြံပေးခဲ့သည့် နည်းလမ်းက ပိုလိုက်လျောညီထွေဖြစ်ကာ ဆီလျော်ခဲ့သည်။ ထိုအရာကို ကျွန်မ လက်တွေ့လုပ်ဆောင်ခဲ့ပြီး၊ တကယ် ထိရောက်သည်ကို တွေ့ခဲ့ရသည်။ ထို့နောက်တွင် ညီအစ်ကိုမောင်နှမများက ကျွန်မကို ထောက်ပြဝေဖန်ချက်များ ပေးကြသည့်အခါ၊ ကျွန်မ နောက်ထပ် မခုခံတော့ဘဲ ယင်းတို့ကို လက်ခံကာ စူးစမ်းစစ်ဆေးခဲ့ပြီး၊ သာ၍ ကောင်းသည့် လက်တွေ့လုပ်ဆောင်ခြင်း လမ်းကြောင်းတစ်ခုကို ရှာတွေ့ဖို့ အခြားသူများနှင့် အမှုအရာများကို ဆွေးနွေးခဲ့ပါသည်။ ထို့နောက်တွင် အယောက်တိုင်းက ထိုသို့သော ရေလောင်းခြင်းမျိုးမှ များစွာ ရရှိခဲ့ကြသည်ကို ပြောဆိုခဲ့ကြသည်။ ကျွန်မ စစ်မှန်သော ငြိမ်သက်ခြင်း ခံစားချက်တစ်ခု ခံစားခဲ့ရသည်။ ဤသည်မှာ ဘုရားသခင်၏ လမ်းပြမှုဖြစ်သည်ကို ကျွန်မ သိခဲ့ပြီး၊ သူ့ထံ ကျွန်မ၏ ကျေးဇူးတင်ရှိခြင်းနှင့် ချီးမွမ်းခြင်းတို့ကိုသာ ပူဇော်နိုင်ခဲ့သည်။ ကျွန်မ၏ တာဝန်ကို မာနထောင်လွှားစွာ လုပ်ဆောင်ခြင်းအစား၊ သမ္မာတရား၏ အခြေခံသဘောတရာများကို လက်တွေ့လုပ်ဆောင်ခြင်းမှလာသည့် ဘုရားသခင်၏ ကောင်းချီးမင်္ဂလာများကိုလည်း ကျွန်မ တွေ့ကြုံခဲ့ရပါသည်။