အယ်ဒီတာ၏ မှတ်စု- လွန်ခဲ့သော နှစ်များအတွင်း “သွေးလ”ဟူသည့် ကောင်းကင်ဆိုင်ရာ အံ့ဖွယ် ဖြစ်ရပ်သည် မကြာခဏ ဖြစ်ပေါ်လျက်ရှိသည်။ အမျိုးမျိုးသော ဘေးအန္တရာယ်များဖြစ်သည့် ကပ်ရောဂါများ၊ ငလျင်များ၊ ငတ်မွတ်ခေါင်းပါးမှုများ အစရှိသည်တို့လည်း ပိုမိုဆိုးရွားလာခဲ့သည်။ နောက်ဆုံးသော ကာလနှင့် ပတ်သက်သည့် သမ္မာကျမ်းစာ၏ ပရောဖက်ပြုချက်များသည်လည်း များသောအားဖြင့် ပြည့်စုံပြီးဖြစ်၏။ ကြီးမားသော ကပ်ဘေးသည် ယခုတွင် ကျွန်ုပ်တို့အပေါ် ကျရောက်နေပြီ ဖြစ်သောကြောင့် ကျွန်ုပ်တို့ အနေနှင့် သခင်၏ ပြန်ကြွလာခြင်းကို မည်သို့ ကြိုဆိုသင့်သနည်း။ ဤဆောင်းပါးတွင် အဖြေကို သင်သိနိုင်သည်။

၂၀၂၆ ခုနှစ်၊ မတ်လ ၃ ရက်နေ့မှာ ရှားပါးတဲ့ “သွေးလ” တစ်စင်း ကောင်းကင်မှာ ပေါ်လာလိမ့်မယ်။ ဖြစ်စဉ်တစ်ခုလုံးက ၅ နာရီလောက် ကြာမှာဖြစ်ပြီး လက ရဲရဲနီသွားတဲ့ လကြတ်ချိန်က တစ်နာရီလောက် ကြာမယ်။ ဒီရှားပါးတဲ့ သွေးလကို ကမ္ဘာ့နေရာအတော်များများကနေ မြင်ရမှာပါ။

လတ်တလောနှစ်တွေမှာ သွေးလတွေက ကမ္ဘာကြီးကို အဆက်မပြတ် သတိပေးနေသလိုမျိုး ထပ်ခါတလဲလဲ ပေါ်ထွန်းခဲ့တယ်။

၂၀၁၄ ခုနှစ်၊ ဧပြီလ ၁၅ ရက်နေ့မှာ သွေးလဟာ လေးကြိမ်ဆက်တိုက် ပေါ်ထွန်းရာမှာ ပထမဆုံးအကြိမ် အံ့သြဖွယ် ပေါ်ထွန်းလာပြီး ကောင်းကင်ကြီးကို သွေးရောင်လွှမ်းသွားစေခဲ့တယ်။

၂၀၁၄ ခုနှစ်၊ အောက်တိုဘာလ ၈ ရက်နေ့မှာ ဒုတိယမြောက် သွေးလ ပေါ်လာပြီး သတိပေးခေါင်းလောင်းသံတွေ ဆက်ပြီး မြည်နေခဲ့တယ်။

၂၀၁၅ ခုနှစ်၊ ဧပြီလ ၄ ရက်နေ့မှာ တတိယမြောက် သွေးလ ဆက်ဖြစ်ခဲ့ပြီး ထူးဆန်းတဲ့ မြင်ကွင်းတွေ ခဏခဏ ဖြစ်လာတယ်။

၂၀၁၅ ခုနှစ်၊ စက်တင်ဘာလ ၂၇ ရက်ကနေ ၂၈ ရက်နေ့မှာ စတုတ္ထမြောက် သွေးလက ထူးခြားကြီးမားတဲ့လနဲ့ တိုက်ဆိုင်နေတယ်။

၂၀၁၈ ခုနှစ်၊ ဇန်နဝါရီလ ၃၁ ရက်နေ့မှာ ရှားပါးတဲ့ “ထူးခြားကြီးမားတဲ့ အပြာရောင် သွေးလ” သုံးမျိုးပေါင်းစပ်မှုကြီး ကောင်းကင်မှာ ပေါ်လာခဲ့တယ်။

၂၀၁၉ ခုနှစ်၊ ဇန်နဝါရီလ ၂၁ ရက်နေ့မှာ “ ထူးခြားကြီးမားတဲ့ သွေးရောင် ဝံပုလွေလ” က ညကောင်းကင်ယံကို လှုပ်ခတ်သွားစေတယ်။ အနီရောင်လက “ဝံပုလွေလ” နဲ့ တွဲပြီး ပေါ်လာတာဖြစ်ပြီး ဒါက နောက်ထပ် ရှားပါးတဲ့ ကောင်းကင် ဖြစ်စဉ်တစ်ခုပါပဲ။

၂၀၂၁ ခုနှစ်၊ မေလ ၂၆ ရက်နေ့မှာ သွေးလက ထူးခြားကြီးမားတဲ့လနဲ့ နောက်တစ်ကြိမ် တိုက်ဆိုင်သွားပြန်တယ်။

၂၀၂၂ ခုနှစ်၊ မေလ ၁၆ ရက်နေ့မှာ “ပန်းသွေးလ” က အရှေ့ဘက်အရပ်မှာ ထွက်ပေါ်လာပြီး လူတွေက လမင်းကြီး သွေးရောင်ပြောင်းသွားတာကို ထပ်ပြီး မြင်တွေ့ခဲ့ရတယ်။

၂၀၂၅ ခုနှစ်၊ မတ်လ ၁၃ ရက်ကနေ ၁၄ ရက်နေ့မှာ နောက်ထပ် သွေးလတစ်စင်း ပေါ်လာခဲ့တယ်။ “တီကောင်လ” လို့ ခေါ်တဲ့ လပြည့်ဝန်းက သွေးရောင်နီသွားခဲ့တယ်။

၂၀၂၅ ခုနှစ်၊ စက်တင်ဘာလ ၇ ရက်ကနေ ၈ ရက်နေ့မှာ ၈၂ မိနစ်ကြာတဲ့ ရှားပါး သွေးလ ဖြစ်ပျက်ခဲ့တယ်။

ဒီလို ထပ်ခါတလဲလဲ ပေါ်လာတဲ့ သွေးလတွေက တကယ်ပဲ နက္ခတ္တဗေဒ ဖြစ်စဉ်သက်သက်ပဲလား။ ဒါမှမဟုတ် ကြီးမားတဲ့ ကပ်ဘေးတွေ တဖြည်းဖြည်း နီးကပ်လာနေပြီဆိုတာကို ကျွန်တော်တို့ကို သတိပေးနေတာများလား။

ပရောဖက်ပြုဆရာများစွာတို့က “သွေးလ”၏ ဖြစ်ပေါ်ခြင်းသည် အနာဂတ်တွင် ပုံမှန်မဟုတ်သောဖြစ်ရပ်များနှင့် ကြီးမားသော ဖြစ်ရပ်များ၏ ရှေ့ပြေးနိမိတ်ဖြစ်ကြောင်း ယုံကြည်ကြသည်။ သမ္မာကျမ်းစာ ပညာရှင်များစွာကလည်း “သွေးလ” ပေါ်ပေါက်မှုသည် သမ္မာကျမ်းစာ ယောလ အနာဂတ္တိကျမ်း အခန်းကြီး ၂ အငယ် ၂၉ မှ ၃၁ တွင် ဖော်ပြထားသော “ထိုနေ့ရက်များတွင် အစေခံ ယောက်ျားမိန်းမတို့ အပေါ်သို့လည်း ငါ၏ဝိညာဉ်တော်ကို ငါသွန်းလောင်းမည်၊ ထို့အပြင် အံ့ဖွယ်ရာများဖြစ်သည့် သွေး၊ မီးလျှံ၊ မီးခိုးတိုင်တို့ကို ကောင်းကင်၌လည်းကောင်း၊ မြေကြီးပေါ်၌လည်းကောင်း ငါပြမည်။ ယေဟောဝါ၏ ကြောက်မက်ဘွယ်သော နေ့ကြီးမတိုင်မီ၊ နေသည် မှောင်မိုက်အဖြစ်သို့လည်းကောင်း၊ လသည် သွေးအဖြစ်သို့လည်းကောင်း ပြောင်းလိမ့်မည်။” ဟူသော ပရောဖက်ပြုချက်ကို ပြည့်စုံစေသည်ဟု ယုံကြည်ကြသည်။ ထို့အပြင် ဗျာဒိတ်ကျမ်း အခန်းကြီး ၆ အငယ် ၁၂ တွင် “ဆဋ္ဌမတံဆိပ်ကိုဖွင့်သောအခါ ငါကြည့်လျှင် ကြီးစွာသော မြေလှုပ်ခြင်းဖြစ်၏။ နေသည်အမွေးဖြင့် ရက်သောအဝတ်ကြမ်းကဲ့သို့ မည်း၏။ လအလုံးသည် အသွေးကဲ့သို့ဖြစ်၏။” ဟုလည်း ဖော်ပြထားသေးသည်။ ပရောဖက်ပြုချက်ထဲတွင် ဖော်ပြထားသည့် “ကြောက်မက်ဘွယ်သော နေ့ကြီး” သည် ကြီးမားသော ကပ်ဘေးကို ရည်ညွှန်းခြင်း ဖြစ်သည်။ လွန်ခဲ့သော နှစ်အနည်းငယ်အတွင်း အမှန်တကယ်ပင် ထိတ်လန့်တုန်လှုပ်ဖွယ်ဖြစ်သည့် ငလျင်လှုပ်ခြင်း၊ ငတ်မွတ်ခေါင်းပါးခြင်း၊ ကပ်ရောဂါများနှင့် ရေကြီးခြင်း ကဲ့သို့သော ဘေးအန္တရာယ်များ မကြာခဏ ဖြစ်ပွားခြင်းနှင့်အတူ ဘေးအန္တရာယ်များသည် တဖြည်းဖြည်း ကြီးမားလာသည်ကို ကျွန်ုပ်တို့ အလုံးစုံ မြင်တွေ့ရသည်။ ထို့အပြင် ကမ္ဘာ့အခြေအနေသည် မငြိမ်မသက် ဖြစ်လာပြီး အဆက်မပြတ် ပြောင်းလဲနေပြီး စစ်ပွဲများ၊ အကြမ်းဖက် ဖြစ်ရပ်များ၊ အကြမ်းဖက်တိုက်ခိုက်မှုများ မကြာခဏ ဖြစ်ပွားလာပြီး အရှိန်မြှင့်တက်လာသည်။ ကမ္ဘာ့ဥတုရာသီသည် ပူနွေးလာပြီး အစွန်းရောက် ရာသီဥတုများနှင့် အမျိုးစုံသော နက္ခတ္တဗေဒဆိုင်ရာ အံ့သြဖွယ်ကောင်းသော ဖြစ်ရပ်များလည်း မကြာခဏ ဖြစ်ပေါ်လျက်ရှိသည်။ သမ္မာကျမ်းစာထဲမှာ ပရောဖက်ပြုထားတဲ့ နောက်ဆုံးသော ကာလရဲ့ နိမိတ်လက္ခဏာတွေက တစ်ခုပြီးတစ်ခု ပေါ်လာခဲ့ပါပြီ။ သွေးလတွေ ခဏခဏ ပေါ်ထွန်းလာတာက ကြည့်ကောင်းရုံ သက်သက်မဟုတ်ဘဲ နောက်ဆုံးသော ကာလရဲ့ သတိပေးချက်တစ်ခု ဖြစ်ပါတယ်။

ကြီးမားသော ကပ်ဘေးသည်လည်း ရောက်လာပြီ ဖြစ်သည်နှင့်အညီ ကျွန်ုပ်တို့ အနေနှင့် ဘုရားသခင်၏ ကယ်တင်ခြင်းကို ရရှိရန် သခင်ကို မည်သို့ ကြိုဆိုသင့်သနည်း။ သခင်ယေရှု ပြောခဲ့သည်မှာ “ငါ့သိုးတို့သည် ငါ့စကားသံကိုနားထောင်၍ ငါ့နောက်သို့လိုက်ကြ၏။ ထိုသိုးတို့ကို ငါသိ၏။” (ရှင်ယောဟန်ခရစ်ဝင် ၁၀:၂၇) “သင်တို့အား ငါပြောစရာစကားအများရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။” (ရှင်ယောဟန်ခရစ်ဝင် ၁၆:၁၂-၁၃) ထို့နောက် သမ္မာကျမ်းစာ၏ ဗျာဒိတ်ကျမ်း အခန်း ၂ နှင့် အခန်း ၃ တွင်လည်း ပရောဖက်ပြုထားသည်မှာ “ဝိညာဉ်တော်သည် အသင်းတော်တို့အား အဘယ်သို့ မိန့်တော်မူသည်ကို နားရှိသောသူ မည်သည် ကား ကြားပါစေ။” ဟူ၍ ဖြစ်သည်။ ယင်းပရောဖက်ပြုချက်များမှ ဘုရားသခင်သည် လူများအား သမ္မာတရားအားလုံးဆီသို့ လမ်းပြရန် နောက်ဆုံးသော ကာလတွင် နှုတ်ကပတ်တော်များ ပြောကြားမည်ဖြစ်ပြီး ၎င်းတို့ကို သန့်စင်ပြီး ကယ်တင်ရန်နှင့် ဘုရားသခင်၏ နိုင်ငံတော်ထဲသို့ ခေါ်ဆောင်ရန် အဆင့်အသစ်တစ်ခုကို ဆောင်ရွက်မည်ဖြစ်သည်ကို ကျွန်ုပ်တို့ တွေ့မြင်နိုင်သည်။ ဘုရားသခင်၏ အသံတော်ကို နားထောင်ပြီး ဘုရားသခင်၏ ပေါ်ထွန်းခြင်းကို တမ်းတခြင်းအားဖြင့်သာ ကျွန်ုပ်တို့သည် သခင်ယေရှု၏ ပြန်ကြွလာခြင်းကို ကြိုဆိုနိုင်ကာ ဘုရားသခင်၏ ကယ်တင်ခြင်းခံရရန်နှင့် စုံလင်အောင်ပြုခြင်းခံရရန် အခွင့်အရေးရှိနိုင်သည့်အပြင် ကိုယ်တော်နှင့်အတူ လှပသောပန်းတိုင်သို့ ဝင်ရောက်နိုင်မည်ဖြစ်သည်။ သို့တည်းမဟုတ်ပါက သခင်၏ ပြန်ကြွလာခြင်းကို ကျွန်ုပ်တို့ လွဲချော်ရသည်နှင့် ဘုရားသခင်၏ ကယ်တင်ခြင်းကို ကျွန်ုပ်တို့ ဆုံးရှုံးမည်ဖြစ်ကာ နောက်ဆုံးသောကာလ၏ ကြီးမားသော ကပ်ဘေးများထဲသို့ ကျရောက်ပြီး ဖယ်ရှားရှင်းလင်းခြင်းနှင့် အပြစ်ဒဏ်ပေးခြင်းတို့ကို ခံရမည်ဖြစ်သည်။ ယင်းနှင့်ပတ်သက်၍ ဘုရားသခင်ပြောထားသည်မှာ အောက်ပါအတိုင်းဖြစ်၏။

ဘေးအန္တရာယ်မျိုးစုံ တစ်ခုပြီး တစ်ခု ကျရောက်လိမ့်မည်။ နိုင်ငံအားလုံးနှင့် နေရာအားလုံး ဘေးအန္တရာယ်များ ကြုံတွေ့ရလိမ့်မည်။ ကပ်ရောဂါ၊ အစာခေါင်းပါးခြင်း၊ ရေကြီးခြင်း၊ မိုးခေါင်ခြင်းနှင့် ငလျင်လှုပ်ခြင်းများသည် နေရာတိုင်း၌ ဖြစ်လေ၏။ ဤဘေးအန္တရာယ်များသည် တစ်နေရာ၊ နှစ်နေရာ၌သာ ဖြစ်ပျက်နေခြင်း မဟုတ်သကဲ့သို့ တစ်ရက်၊ နှစ်ရက်အတောအတွင်း ပြီးဆုံး သွားလိမ့်မည်လည်း မဟုတ်ပေ။ ထိုအစား ၎င်းတို့သည် သာ၍ သာ၍ ကျယ်ပြန့်သော နယ်ပယ်အနှံ့ တိုးချဲ့လိမ့်မည် ဖြစ်ပြီး၊ သာ၍ သာ၍ ပြင်းထန်လာလိမ့်မည် ဖြစ်သည်။ ဤအချိန်ကာလ အတောအတွင်းတွင် ပိုးမွှားကပ်ဆိုး မျိုးစုံ တစ်ခုပြီး တစ်ခု ဖြစ်ပေါ်လိမ့်မည် ဖြစ်ပြီး ခပ်သိမ်းသော နေရာတို့၌ လူသားစားသည့် ဖြစ်ရပ် ဖြစ်ပွားလိမ့်မည်။ ဤသည်မှာ မြောက်မြားစွာသော တိုင်းနိုင်ငံများနှင့် လူမျိုးအပေါင်းတို့အပေါ် ငါ၏ တရားစီရင်ခြင်း ဖြစ်သည်။

—နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ အစအဦး၌ ခရစ်တော်၏ မိန့်မြွက်ချက်များ၊ အခန်း (၆၅)

အပြောကျယ်လှသော ဤလောကကြီးတွင် ကွင်းပြင်များအတွင်းသို့ သမုဒ္ဒရာရေများ နုန်းတင်ခြင်း၊ သမုဒ္ဒရာအတွင်းသို့ ကွင်းပြင်များ ဖုံးလွှမ်းသွားခြင်းတို့ မရေမတွက်နိုင်အောင် ထပ်ခါထပ်ခါ ဖြစ်ပျက်နေ၏။ အရာခပ်သိမ်းအလယ်တွင် အရာအားလုံးကို အချုပ်အခြာအာဏာ ကိုင်စွဲသော သူမှတစ်ပါး မည်သူမျှ ဤလူသားမျိုးနွယ်ကို မဦးဆောင်သကဲ့သို့ လမ်းမပြနိုင်ပေ။ ဤလူသားမျိုးနွယ်အတွက် အားသွန်ခွန်စိုက် အလုပ်လုပ်ရန်၊ သို့မဟုတ် ပြင်ဆင်မှုများ လုပ်ဆောင်ရန် “အင်အားကြီးသောသူ” တစ်ယောက်မျှ မရှိပေ၊ ဤလူသားမျိုးနွယ်ကို အလင်းပန်းတိုင်ဆီသို့ ရှေ့ဆက်သွားရန် ဦးဆောင်သွားနိုင်သူနှင့် လူ့လောကကြီး၏ မတရားမှုများမှ ရုန်းထွက်လွတ်မြောက်စေနိုင်သူ သာ၍ပင် မရှိပေ။ ဘုရားသခင်သည် လူသားတို့၏ အနာဂတ်အတွက် ကြေကွဲဝမ်းနည်းသည်၊ လူသားတို့၏ ကျရှုံးမှုအတွက် ပူဆွေးသောက ရောက်သည်၊ ထို့ပြင် လူသားတို့သည် ယိုယွင်းပျက်စီးခြင်းနှင့် ပြန်လမ်းမဲ့ လမ်းကြောင်းဆီသို့ တစ်လှမ်းချင်း ချီတက်သွားနေသဖြင့် နာကျင်လေသည်။ ဘုရားသခင်၏ စိတ်နှလုံးကို လုံးလုံးလျားလျား ကြေကွဲစေခဲ့ပြီး ဆိုးယုတ်သောသူကို ရှာဖွေရန် ဘုရားသခင်ကို စွန့်လွှတ်ခဲ့ကြသည့် ထိုသို့သော လူသားမျိုးနွယ်သည် မည်သည့်နေရာသို့ ရှေးရှုသွားကောင်း သွားနိုင်သည်ကို မည်သူကမျှ ဆင်ခြင်စဉ်းစားခဲ့ဖူးခြင်း မရှိကြချေ။ ဘုရားသခင်၏ အမျက်ဒေါသကို မည်သူမျှ ခံစားမိရန် မကြိုးစားကြခြင်း၊ ဘုရားသခင်ကို ကျေနပ်သဘောကျစေမည့် လမ်းကို မည်သူမျှ မရှာဖွေကြခြင်း၊ သို့မဟုတ် ဘုရားသခင်ထံတော်သို့ တိုးဝင်ချဉ်းကပ်ရန် မည်သူမျှ မကြိုးစားကြခြင်း၊ ထိုထက်ပို၍ပင် ဘုရားသခင်၏ ပူဆွေးမှုနှင့် နာကျင်မှုတို့ကို နားလည်ပေးရန် မည်သူမျှ မကြိုးစားကြခြင်းတို့မှာ ထိုအကြောင်းကြောင့် အတိအကျပင် ဖြစ်တော့သည်။ ဘုရားသခင်၏ အသံတော်ကို ကြားပြီးသည့်နောက်တွင်ပင် လူသားသည် သူ့လမ်းသူ ဆက်လျှောက်နေ၏၊ ဘုရားသခင်ထံမှ လမ်းလွဲသွားရန် ဆက်လက်လုပ်ဆောင်နေပြီး ဘုရားသခင်၏ ကျေးဇူးတော်နှင့် ဂရုစိုက်မှုကို ရှောင်ဖယ်ကာ ဘုရားသခင်၏ သမ္မာတရားကို ရှောင်ရှားလျက် ဘုရားသခင်၏ ရန်သူဖြစ်သော စာတန်ထံသို့ သူ့ကိုယ်သူ ရောင်းချရန်သာ ပိုနှစ်သက်နေသည်။ လူသားသည် မလျှော့တမ်း ခေါင်းမာနေခဲ့ပါက ဘုရားသခင်ကို လုံးလုံး ဥပေက္ခာပြုသည့် ဤလူသားမျိုးနွယ်ကို ဘုရားသခင်သည် မည်သို့ဆက်ဆံမည်ဟူသည်ကို မည်သူစဉ်းစားဖူးသနည်း။ ဘုရားသခင်သည် လူသားထံသို့ ထပ်ခါတလဲလဲ သတိပေးခြင်းများနှင့် တိုက်တွန်းနှိုးဆော်ခြင်းများ ပြုရသည့် အကြောင်းရင်းကို မည်သူမျှ မသိကြပေ။ အကြောင်းမှာ ကိုယ်တော်သည် မိမိ၏ လက်တော်ထဲ၌ အရင်က တစ်ခါမျှ မဖြစ်ဖူးသော ကပ်ဘေးများ၊ လူ၏ ဇာတိပကတိနှင့် စိတ်ဝိညာဉ်အတွက် မခံနိုင်လောက်မည့်၊ ဇာတိပကတိကို အပြစ်ဒဏ်ပေးခြင်းမျှသာမက လူ၏ စိတ်ဝိညာဉ်ကို ပစ်မှတ်ထားသော ကပ်ဘေးများကို ပြင်ဆင်ထားတော်မူသောကြောင့် ဖြစ်၏။ ဘုရားသခင်၏ အကြံအစည် ပျက်ပြားသွားပြီး သူ၏နှိုးဆော်ချက်များနှင့် တိုက်တွန်းချက်များသည် တုံ့ပြန်မှုကို မရပါက သူ့အနေဖြင့် မည်သည့်ဒေါသအမျက်မျိုး ထုတ်လွှတ်မည်ကို သင်သိရန် လိုအပ်သည်။ သူ၏ ဒေါသအမျက်သည် ဖန်ဆင်းခံတစ်ဦးတလေမျှ ကြုံတွေ့ဖူးသော သို့မဟုတ် သိဖူးသော အရာများနှင့် လုံးဝတူညီမည် မဟုတ်ပေ။ ထို့ကြောင့် ထိုကပ်ဘေးများသည် မကြုံစဖူးသောအရာဖြစ်ပြီး မည်သည့်အခါမျှလည်း ထပ်မံ ဖြစ်ပေါ်လာမည် မဟုတ်ဟု ငါပြောသည်။ အကြောင်းမှာ ဘုရားသခင်၏ အကြံအစည်သည် လူသားမျိုးနွယ်ကို ဤတစ်ကြိမ်သာ ဖန်ဆင်း၍ ဤတစ်ကြိမ်သာ ကယ်တင်ရန် ဖြစ်သောကြောင့်ဖြစ်သည်။ ဤအကြိမ်မှာ ပထမဆုံးအကြိမ်ဖြစ်သကဲ့သို့ နောက်ဆုံးအကြိမ်လည်း ဖြစ်သည်။ ထို့ကြောင့် လူသားမျိုးနွယ်ကို ဤတစ်ကြိမ်ကယ်တင်သော ဘုရားသခင်၏ အပင်ပန်းခံသော ရည်ရွယ်ချက်များနှင့် စိတ်ထက်သန်သော မျှော်လင့်စောင့်စားမှုတို့ကို မည်သူမျှ နားမလည်နိုင်ပေ။

—နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ဘုရားသခင်သည် လူ့အသက်၏ အရင်းအမြစ်ဖြစ်သည်

ဘုရားသခင်၏ အမှုသည် ကြီးမားသော လှိုင်းလုံးတစ်ခုကဲ့သို့ ရှေ့သို့ တစ်ဟုန်ထိုးတက်လေသည်။ မည်သူကမျှ သူ့ကို မထိန်းထားနိုင်သကဲ့သို့ မည်သူကမျှ သူ၏ ချီတက်ခြင်းကို မရပ်တန့်စေနိုင်ပေ။ ဘုရားသခင်၏ နှုတ်ကပတ်တော်များကို သေချာစွာ နားထောင်သောသူများနှင့် ဘုရားသခင်ကို ရှာဖွေကာ ဆာငတ်သောသူတို့သာ ဘုရားသခင်၏ ခြေလှမ်းများနောက်လိုက်နိုင်ပြီး သူ၏ကတိတော်ကို ရရှိနိုင်ပေသည်။ ထိုသို့မဟုတ်သူများသည် ပြင်းထန်သော ဘေးဒုက္ခနှင့် အလွန် ထိုက်တန်သည့် အပြစ်ဒဏ်ပေးခြင်းကို ခံရကြလိမ့်မည်ဖြစ်သည်။

—နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ နောက်ဆက်တွဲ (၂)- လူသားမျိုးနွယ်တစ်ရပ်လုံး၏ ကံကြမ္မာအပေါ် ဘုရားသခင် အချုပ်အခြာအာဏာ ကိုင်စွဲသည်