အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

လမ်းကြောင်း… (၄)

လူသားတို့ ဘုရားသခင်ချစ်မြတ်နိုးဖွယ်ကောင်းသည်ကို တွေ့ရှိနိုင်ခြင်း၊ မျက်မှောက်ခေတ်တွင် ဘုရားသခင်ကို ချစ်နိုင်မည့်နည်းလမ်းကို ရှာဖွေနိုင်ခြင်းနှင့် ယနေ့ကာလ နိုင်ငံတော်၏ သင်ကြားလေ့ကျင့်မှုကို ခံယူလိုခြင်း စသည်တို့အားလုံးသည် ဘုရားသခင်၏ကျေးဇူးကြောင့် ဖြစ်သည်။ ထိုမျှမက ဤသည်မှာ လူသားကို သူ မြေတောင်မြှောက်ပေးနေခြင်းဖြစ်သည်။ ဤအကြောင်း တွေးမိတိုင်း ဘုရားသခင် ချစ်မြတ်နိုးဖွယ်ကောင်းသည့်အကြောင်းကိုကျွန်ုပ် ပြင်းထန်စွာ ခံစားမိသည်။ ဘုရားသခင်သည် ကျွန်ုပ်တို့ကို အမှန်တကယ်ချစ်သည်။ သို့မဟုတ်လျှင် သူချစ်မြတ်နိုးဖွယ်ကောင်းသည်ကို မည်သူတွေ့ရှိနိုင်မည်နည်း။ ဤအကြောင်းအရာအားဖြင့်သာ ဤလုပ်ဆောင်မှုတစ်ခုလုံးကို ဘုရားသခင်ကိုယ်တိုင် လုပ်ဆောင်ခြင်းဖြစ်သည်ကို ကျွန်ုပ်တွေ့ရှိရကာ လူသားများသည် ဘုရားသခင်၏ ဦးဆောင်လမ်းပြမှုနှင့် ညွန်ကြားမှုကို ရယူကြောင်း တွေ့ရှိရသည်။ ဤအကြောင်းအရာအတွက် ဘုရားသခင်ကို ကျွန်ုပ် ချီးမွမ်းထောမနာပြုကာ ညီအစ်ကိုမောင်နှမများကိုလည်း ကျွန်ုပ်နှင့်အတူ ဘုရားသခင်အား ချီးမွမ်းကြစေလိုသည်- “အကြီးမြတ်ဆုံးဘုရားဖြစ်သော ကိုယ်တော်သာလျှင် ဘုန်းတော်အားလုံးကို ပိုင်ဆိုင်သည်။ ကိုယ်တော်၏ဘုန်းတော် တိုးပွါးစေကာ ကိုယ်တော်တိုင် ရွေးချယ်၍ သိမ်းယူထားသော ကျွန်တော်မျိုးတို့၌ ထုတ်ဖေါ်ပြသူပါ။” ကျွန်ုပ်သည် ဘုရားသခင်ထံမှ ဉာဏ်အမြင်ပွင့်ခြင်းကို ရယူထားသည်။ စကြဝဠာအတွင်း ရှိရှိသမျှအားလုံး ဘုရားသခင်၏ ဘုန်းတော်အလုံးစုံကို ကျွန်ုပ်တို့အားဖြင့် အကြွင်းမဲ့ မြင်တွေ့ကြစေရန် ခေတ်ကာလများ မစတင်မီအချိန်ကတည်းက ဘုရားသခင်သည် ကျွန်ုပ်တို့ကံကြမ္မာကို ကြိုတင်စီစဉ်ထားပြီး နောက်ဆုံးသောကာလတွင် ကျွန်ုပ်တို့ကို ပိုင်ဆိုင်လိုသည့် ဆန္ဒရှိခဲ့သည်။ ထိုကြောင့်ကျွန်ုပ်တို့သည် နှစ်ပေါင်းခြောက်ထောင်တိုင်တိုင် ဘုရားသခင်၏စီမံခန့်ခွဲမှုအစီအစဉ်၏ ပုံဆောင်ခဲများဖြစ်သည်။ ကျွန်ုပ်တို့သည် စကြဝဠာတစ်ပြင်လုံးတွင် ဘုရားသခင်၏ လုပ်ဆောင်မှုအတွက် စံနမူနာဖြစ်သည်။ ပုံစံဖြစ်သည်။ ကျွန်ုပ်တို့အပေါ်ထားရှိသော ဘုရားသခင်၏ စစ်မှန်သောမေတ္တာ မည်မျှကြီးမားသည့်အကြောင်းနှင့် ကျွန်ုပ်တို့အထဲတွင် သူလုပ်ဆောင်ခဲ့သည့်အရာများနှင့် သူပြောခဲ့သောအရာများသည် ခေတ်ကာလများ မစတင်မီအချိန်ကာလထက် အဆပေါင်း သန်းနှင့်ချီ၍ စောနေသည်ကို ယခုမှသာ ကျွန်ုပ်တွေ့ရှိခဲ့သည်။ ဣသရေလနိုင်ငံနှင့် ပေတရုတွင်ပင်လျှင် ဘုရားကိုယ်တိုင် လုပ်ဆောင်မှုနှင့် ပြောဆိုမှု ဤမျှ များများစားစား မရှိခဲ့ပေ။ ဤအချက်သည် ထိုလူစုဖြစ်သောကျွန်ုပ်တို့ သည် မယုံနိုင်လောက်အောင် ကောင်းချီးမင်္ဂလာ ခံစားခဲ့ရသူများဖြစ်ကြသည်ကို ပြသနေပေသည်။ ရှေးကာလသန့်ရှင်းသူများ မယှဉ်နိုင်အောင် ကောင်းချီးခံစားခဲ့ရသည်။ ထိုကြောင့် နောက်ဆုံးသောကာလ၏ လူသားတို့သည် ကောင်းချီးခံစား ရသူများဖြစ်သည်ဟု ဘုရားသခင် အစဉ်တစိုက်ပြောခဲ့ခြင်း ဖြစ်သည်။ အခြားသူတို့ မည်သို့ ဆိုကြစေကာမူ ကျွန်ုပ်တို့သည် ဘုရားသခငထံမှ ကောင်းချီးမင်္ဂလာ အများဆုံးခံစားရသူများ ဖြစ်သည်ကို ကျွန်ုပ်ယုံကြည်သည်။ ကျွန်ုပ်တို့အပေါ်တွင် ဘုရားသခင် သွန်းလောင်းသော ကောင်းချီးမင်္ဂလာများကို ကျွန်ုပ်တို့ ခံယူသင့်သည်။ ဘုရားသခင်အား စောဒကတက်သူ ရှိကောင်းရှိပေမည်။ သို့ရာတွင် ကောင်းချီးမင်္ဂလာအပေါင်းသည် ဘုရားသခင်ထံမှလာ၍၊ ကျွန်ုပ်တို့ ထိုက်တန်သူများ ဖြစ်သည်ကို သက်သေပြခြင်းဖြစ်သည် ဟု ကျွန်ုပ်ယုံကြည်သည်။ သူတစ်ပါးသည် စောဒကတက်၍ ကျွန်ုပ်တို့နှင့် သဘောထားမတိုက်ဆိုင်သော်မှ ကျွန်ုပ်တို့အား အပ်နှင်းပြီးသော ဘုရား၏ကောင်းချီးမင်္ဂလာကို သူတစ်ပါးမှ လက်ခံခြင်း သို့မဟုတ် နှုတ်ယူခြင်းမပြုနိုင်ပေ။ ဘုရားသခင်သည် ကျွန်ုပ်တို့အပေါ့် အလုပ်လုပ်လျက် ကျွန်ုပ်တို့နှင့် မျက်နှာချင်းဆိုင် စကားပြောနေသဖြင့်— ကျွန်ုပ်တို့နှင့်ဖြစ်သည်၊ သူတစ်ပါးနှင့် မဟုတ်— ဘုရားသခင်သည် မိမိဆန္ဒရှိသော အရာကို လုပ်ဆောင်၍ လူတို့သည် လက်ခံ ယုံကြည်ခြင်းမရှိလျှင် ဒုက္ခရှာရာ ရောက်သည်မဟုတ်လော။ အရှက်ရအောင် ပြုနေခြင်းမဟုတ်လော။ ဤအကြောင်းအရာကို ကျွန်ုပ် နက်ရှိုင်းစွာကြုံတွေ့ခဲ့ရသောကြောင့် ဤသို့ပြောခြင်းဖြစ်သည်။ ကျွန်ုပ်သာလျှင် လက်ခံနိုင်သောအရာကို ဘုရားသခင်မှ ကျွန်ုပ်အား ပြုသကဲ့သို့ အခြား မည်သူပြုနိုင်မည်နည်း။ ဘုရားသခင်က ကျွန်ုပ်အပေါ်တွင် ယုံယုံကြည်ကြည် ဤသို့ပြုခြင်းသည် ကျွန်ုပ် ကံထူးခြင်းဖြစ်သည်။ ခွဲခြားခြင်းကင်းလျက် ထိုသို့ပြုနိုင်သော အခြားတစ်စုံတစ်ဦး ရှိမည်လော။ သို့ရာတွင် ကျွန်ုပ်စိတ်နှလုံးကို ကျွန်ုပ်၏ညီအစ်ကိုမောင်နှမများ နားလည်လိမ့်မည်ဟု ကျွန်ုပ်မျှော်လင့်သည်။ သူတစ်ပါးကို ကျွန်ုပ်၏အရည်အချင်းအကြောင်း ဝါကြွားနေခြင်းမဟုတ်ပါ။ အကြောင်းအရာတစ်ခုကို ရှင်းပြခြင်းသာဖြစ်သည်။ ကျွန်ုပ်တို့အားလုံး၏ စိတ်နှလုံးများ ဘုရားသခင်ရှေ့မှောက်တွင် သန့်စင်ပြီးသားဖြစ်ရန်အတွက် ဘုရားသခင်အား ဘုန်းတော်အပေါင်းနှင့် ပြည့်စုံစေ၍ ဘုရားသခင်မှ တစ်ဦးချင်း၏စိတ်နှလုံးကို လေ့လာဆန်းစစ်စေရန် ကျွန်ုပ်ဆန္ဒရှိသည်။ ကျွန်ုပ်၏ နှလုံးသား၏ နက်ရှိုင်းသောနေရာမှ ဆန္ဒတစ်ခုကို ထုတ်ဖေါ်လိုသည်။ ကျွန်ုပ်သည် ယဇ်ပလ္လင်ပေါ်တွင်ပူဇော်မည့် အပျိုစင်ကဲ့သို့ ဖြစ်လာစေရန်၊ ထိုမျှမက သိုးသူငယ်ကဲ့သို့ နာခံမှုရှိလာစေရန်၊ လူသားမျိုးနွယ်အလယ်တွင် သန့်ရှင်းသည့်ဝိညာဉ်ခန္ဓာဖြင့် ထင်ရှားနိုင်ရန် ဘုရားသခင်မှကျွန်ုပ်အား လုံးလုံးလျားလျား ပိုင်သည်ကို ကျွန်ုပ်မျှော်လင့်လျက်ရှိသည်။ ဤသည်မှာ ကျွန်ုပ်၏ ကတိဖြစ်၏- ဘုရားသခင်ရှေ့မှောက်တွင် ကျွန်ုပ်ပြုခဲ့သော ကတိကဝတ် ဖြစ်သည်။ ဤကတိကဝတ်ကို ဖြည့်စွမ်းခြင်းအားဖြင့် ဘုရားသခင်၏ မေတ္တာကို ပေးဆပ်လိုသောဆန္ဒ ကျွန်ုပ်တွင်ရှိသည်။ သင်သည် ဤသို့ပြုရန် လိုလိုလားလား ရှိသလော။ ကျွန်ုပ်၏ ကတိကဝတ်သည် ပိုမိုများပြားသည့် ငယ်ရွယ်သော ညီအစ်ကိုမောင်နှမများကို အားတက်စေကာ ပိုမိုများပြားသည့် လူငယ်လူရွယ်များအား မျှော်လင့်ခြင်း ရှိစေလိမ့်မည် ဟု ကျွန်ုပ်ယုံကြည်သည်။ ဘုရားသခင်သည် လူငယ်လူရွယ်များအား အထူးအာရုံစိုက်ပုံရသည်ဟု ကျွန်ုပ်ခံစားရသည်။ ဤခံစားချက်သည် ဘက်ပါသော ကျွန်ုပ်၏ခံစားချက် ဖြစ်ကောင်းဖြစ်မည်။ သို့ရာတွင် လူငယ်လူရွယ်များသည် အနာဂတ်မျှော်မှန်းချက် ရှိသည်ဟု ကျွန်ုပ် အမြဲတမ်းခံစာ ရသည်။ ဘုရားသခင်သည် လူငယ်လူရွယ်များအတွင်း ပုံမှန်ထက် အလုပ်ပိုလုပ်ဟန် တူသည်။ ထိုးထွင်းသိမြင်ဉာဏ်နှင့် အမြော်အမြင် အားနည်းသော်လည်း အလွန်အမင်း တက်ကြွကာ မွေးခါစ နွားကလေးများအလား ကမူးရှုးထိုးလုပ်တတ်သော လူငယ်များသည် ကောင်းသောအရာကို စွမ်းဆောင်နိုင်သည့် အရည်အသွေး လုံးဝမရှိကြခြင်းမဟုတ်ဟု ကျွန်ုပ်ယုံကြည်သည်။ နုပျိုသူတို့၏ အပြစ်ကင်းစင်ခြင်း သူတို့၌ရှိသည်ကို မြင်နိုင်ကာ ၎င်းတို့သည် ဆန်းသစ်သောအရာများကို လက်ခံလွယ်သူများ ဖြစ်ကြသည်။ လူငယ်လူရွယ်များတွင် မောက်မာခြင်း၊ ခက်ထန်ခြင်းနှင့် စိတ်လိုက်မာန်ပါ ပြုလုပ်တတ်သောသဘာဝ ရှိသော်လည်း အလင်းသစ်ကိုလက်ခံနိုင်သည့် သူတို့၏အရည်အချင်း အပေါ်တွင် ထိုအရာများသည် အကျိုးသက်ရောက်မှု မရှိပေ။ အကြောင်းမှာ လူငယ်တို့သည် ယေဘုယျအားဖြင့် ခေတ်နောက်ကျသောအရာများကို စွဲကိုင်ထားခြင်းမပြုကြပေ။ ထိုကြောင့် လူငယ်များနှင့် သူတို့၏ မတိုင်းတာနိုင်သော အလာအလာကောင်းများနှင့် ရှင်သန်နိုင်စွမ်းကို ကျွန်ုပ်မြင်သည်။ ထိုအနေအထားမှ သူတို့အပေါ် နူးညံ့သောခံစားချက်များ ကျွန်ုပ်တွင်ရှိလာသည်။ အသက်ပိုကြီးသော ညီအစ်ကိုမောင်နှမများကို မနှစ်သက်ခြင်း ကျွန်ုပ်၌မရှိသော်လည်း သူတို့အပေါ် ကျွန်ုပ်စိတ်ဝင်စားမှုလည်း နည်းသည်။ အသက်ပိုကြီးသော ညီအစ်ကိုမောင်နှမများကို အနူးအညွတ်တောင်းပန်ပါသည်။ ကျွန်ုပ်ပြောဆိုခဲ့သောစကားသည် လမ်းကြောင်းမတည့်သောစကား သို့မဟုတ် မညှာမတာပြောသောစကား ဖြစ်ကောင်းဖြစ်နေပေမည်။ သို့သော် မဆင်မခြင်ပြောဆိုခဲ့ခြင်းကို သင်တို့အားလုံး ခွင့်လွတ်ကြမည်ဟု မျှော်လင့်ပါသည်။ အဘယ်ကြောင့်ဆိုသော် ကျွန်ုပ်အသက်ငယ်လွန်း၍ ကျွန်ုပ်စကားပြောသည့်ပုံစံအပေါ် အလေးအနက် သိပ်မထားတတ်သူ ဖြစ်သည်။ သို့သော် အမှန်ကိုပြောရလျှင် အသက်ကြီးသော ညီအစ်ကို မောင်နှမများ လုပ်ဆောင်သင့်သည့် ဝတ္တရားများလည်း ရှိပေသည်။ လုံးဝအသုံးမဝင်သူများ မဟုတ်ကြပေ။ အကြောင်းမှာ ကိစ္စရေးရာများကို ဖြေရှင်းဖူးသည့်အတွေ့အကြုံရှိ၍ အမှုကိစ္စများကို ကိုင်တွယ်ရာတွင် တည်ငြိမ်မှုရှိပြီး အမှားပြုလုပ်ခြင်း နည်းပါးသည်။ ဤအရာများသည် ၎င်းတို့၏အားသာချက်များ မဟုတ်လော။ ကျွန်ုပ်ဆန္ဒမှာ ကျွန်ုပ်တို့အားလုံးကို ဘုရားသခင်ရှေ့မှောက်တွင် “အို ဘုရားသခင်- ကျွန်ုပ်တို့ အားလုံး ကွဲပြားသော ကျရာနေရာတွင် တာဝန်ကျေပွန်လျက် သင့်အလိုကို အကောင်းဆုံး ဖြည့်စွမ်းပေးပါရစေ” ဟု ပြောစေလိုသည်။ ဤသည်မှာ ဘုရားသခင်၏ အလိုဖြစ်သည်ဟု ကျွန်ုပ် ယုံကြည်သည်။

ကျွန်ုပ်၏ အတွေ့အကြုံအရ ပြောရလျှင် ဤလမ်းကြောင်းကို ဗြောင်ဆန့်ကျင်သူ၊ တစ်နည်းအားဖြင့် ဘုရားသခင်၏ ဝိညာဉ်ကို တိုက်ရိုက်ဖီဆန်သူသည် အများအားဖြင့် အသက်အရွယ် ပိုမိုကြီးရင့်သူများ ဖြစ်ကြသည်။ ထိုသူတို့ဆုပ်ကိုင်သော ဘာသာရေးအယူအဆများသည် အလွန်ခိုင်ကာ ကဏ္ဍတိုင်းတွင် ဘုရားသခင်၏ နှုတ်ကပတ်တော်အား ရှေးကျသောအကြောင်းအရာများနှင့် နှိုင်းတတ်ကြသည်။ နှုတ်ကပတ်တော်ကို ကျင့်သုံးရာတွင် လွန်လေပြီးသောအချိန်ကာလများတွင် သူတို့လက်ခံခဲ့ဖူးသော နည်းလမ်းအတိုင်း အမြဲတမ်းကျင့်သုံးသည်။ ရယ်ဖွယ်ကောင်းသည်မဟုတ်လော။ ထိုသို့သောလူသည် ဘုရားသခင်၏အမှုကို ဆောင်ရွက်နိုင်မည်လော။ ဘုရားသခင်သည် ထိုလူမျိုးကို မိမိလုပ်ငန်းတွင် အသုံးပြုနိုင်မည်လော။ သန့်ရှင်းသောဝိညာဉ်တော်သည် မည်သည့်နေ့ရက်အတွက်မဆို မိမိအမှုကို ဆောင်ရွက်ရန် ချမှတ်ထားသောနည်းလမ်းရှိသည်။ လူတို့သည် ခေတ်နောက်ကျသောအရာများကိုသာ တွယ်ကပ်နေပါက သမိုင်းဇာတ်စင်ပေါ်မှ ၎င်းတို့တွန်းထုတ်ခြင်းခံရမည့်နေ့ရက် ရောက်လာမည်။ ဘုရားသခင်သည် သူ၏အမှုအဆင့်တိုင်းတွင် လူသစ်များကို အသုံးပြုလေ့ရှိသည်။ လူတစ်ဦးသည် အခြားလူများအား အသုံးမတည့်တော့သည့် ဟောင်းနွမ်းသောအကြောင်းအရာများကို သင်ကြားပို့ချနေလျှင် လူတကာကို ဖျက်ဆီးနေခြင်းသာ မဟုတ်လော။ ထိုအရာသည် ကိုယ်တော်၏လုပ်ငန်းကို နှောင့်နှေးစေမည်မဟုတ်လော။ သို့ဖြစ်လျှင် ဘုရားသခင်၏အမှုသည် မည်သည့် အချိန်ကာလတွင် ပြီးမြောက်နိုင်မည်နည်း။ ကျွန်ုပ်ပြောခဲ့သည့်အကြောင်းအရာနှင့်ပတ်သက်၍ အယူအဆရှိသူများ ရှိကောင်းရှိမည်။ ကျွန်ုပ်၏ အယူအဆကို လက်မခံနိုင်ခြင်း ရှိကောင်းရှိပေမည်။ သို့ရာတွင် သင်တို့ပူပန်ခြင်းကင်းရန် ကျွန်ုပ်မျှော်လင့်သည်။ အလားတူအချင်းအရာများစွာ မကြာမီ ပေါ်ပေါက်မည်ဖြစ်ပြီး ဤအရာများနှင့်စပ်လျှင်း၍ အစစ်အမှန်ဖြင့်သာ ရှင်းပြနိုင်မည်ဖြစ်သည်။ အချို့သော အကျော်အမော်ပုဂ္ဂိုလ်များ၊ ဂုဏ်သိက္ခာရှိသင်းအုပ်ဆရာများ သို့မဟုတ် ကျမ်းအနက်ဖွင့်သူများထံသို့ ချဉ်းကပ်၍ ဤလမ်းကြောင်းကို ဟောပြောလျှင် သာ၍ကောင်းမည်။ ပထမတွင် ၎င်းတို့မှ ပွင့်ပွင့်လင်းလင်း ငြင်းဆိုဦးမည် မဟုတ်ပေ။ သို့ရာတွင် ကျမ်းစာအုပ်ကိုဆွဲထုတ်ကာ သင်နှင့် ယှဉ်ပြိုင်လိမ့်မည်။ သင်တို့အား ဟေရှာယအနာဂတ္တိကျမ်းနှင့် ဒံယေလအနာဂတ္တိကျမ်းကို ပြန်ပြောခိုင်းလိမ့်မည်။ ဗျာဒိတ်ကျမ်းကိုပင် ရှင်းပြခိုင်းနိုင်သည်။ ပြန်ပြောနိုင်ခြင်းမရှိလျှင်၊ သင်တို့ကို ငြင်းပယ်၍ ခရစ်တော်အယောင်ဆောင်သူ၊ မဟုတ်မမှန်သည့် အဓိပ္ပါယ်မရှိသောလမ်းစဉ်ကို ဝါဒဖြန့်သူဟု သတ်မှတ်လိမ့်မည်။ အချိန်တစ်နာရီမျှ ကြာလာသောအခါ သင်အသက်မရှူနိုင်သည်အထိ သင့်ကို အမျိုးမျိုးစွပ်စွဲလိမ့်မည်။ ထိုအပြုအမူသည် ပွင့်ပွင့်လင်းလင်း ခုခံခြင်းမဟုတ်လော။ ထိုအနေအထားသည် အစပြုခြင်းမျှသာဖြစ်သည်။ ဘုရားသခင်၏လုပ်ဆောင်မှု နောက်တစ်ဆင့်ကို သူတို့ ဟန့်တားနိုင်မည်မဟုတ်ပေ။ ၎င်းကိုလက်ခံရန် သန့်ရှင်းသောဝိညာဉ်တော်က သူတို့အား မကြာမီ ဖိအားပေးလိမ့်မည်။ ဤလမ်းကြောင်းသည် ဖြစ်လေ့ရှိသော ဦးတည်ချက်ဖြစ်သည်။ လူသားများ မစွမ်းဆောင်နိုင်သောအရာ၊ လူတို့ စိတ်ကူး၍ပင် မရသောအရာဖြစ်သည်။ ဘုရားသခင်၏ လုပ်ဆောင်ချက်သည် စကြဝဠာ တစ်ခုလုံး အဟန့်အတားမရှိ ပျံ့နှံ့လိမ့်မည်ဟု ကျွန်ုပ်ယုံကြည်သည်။ ဤသည်မှာ ဘုရားသခင်၏ အလိုဖြစ်ကာ၊ မည်သူတစ်ဦးတစ်ယောက်မျှ ဆီးတားနိုင်ခြင်း မရှိပေ။ ဘုရားသခင် ကျွန်ုပ်တို့အား ဉာဏ်အမြင်ပွင့်စေလျက် အလင်းသစ်ပိုမိုလက်ခံရရှိစေရန်နှင့် ဤအမှုကိစ္စတွင် ဘုရားသခင်စီမံကွပ်ကဲမှုကို ကျွန်ုပ်တို့ မနှောင့်ယှက်မိစေရန် မစပါစေ။ ဘုန်းတော်နှင့်ပြည့်စုံသော သူ၏နေ့ရက် ရောက်လာသည်ကို ကျွန်ုပ်တို့ ဖူးမြင်ခွင့်ရအောင် ဘုရားသခင်၏ ကရုဏာ ကျွန်ုပ်တို့အပေါ်တွင် သက်ရောက်ပါစေသော်။ စကြဝဠာတစ်ပြင်လုံး ဘုရားသခင်၏ဘုန်းတော်ထင်ရှားသောနေ့၌ ကျွန်ုပ်တို့သည်လည်း သူနှင့်အတူ ဘုန်းအသရေ ရရှိမည့်နေ့ဖြစ်သည်။ ထိုနေ့ရက်သည် ကျွန်ုပ်နှင့်အတူ လိုက်လျှောက်သူများထံမှ ခွဲခွါရမည့်နေ့လည်း ဖြစ်နိုင်သည်။ ကျွန်ုပ်၏ ညီအစ်ကိုမောင်နှမများသည်လည်း ကျွန်ုပ်နှင့်အတူ ဘုရားသခင်အား ဤသို့ ကျယ်လောင်စွာ အသနားခံကြလိမ့်မည်ဟု ကျွန်ုပ်မျှော်လင့်သည် - ဘုန်းတော်နှင့်ပြည့်စုံသော သူ၏နေ့ရက်ကို ကျွန်ုပ်တို့အသက်ရှင်နေစဉ်ကာလတွင် ဖူးမြင်ခွင့်ရအောင် ဘုရားသခင်၏ ကြီးမြတ်သောအမှု လျင်မြန်စွာပြီးမြောက်ပါစေ။ ကျွန်ုပ်အသက်ရှင်နေစဉ်ကာလတွင် ဘုရားသခင်၏အလို ပြည့်စုံ မည်ကို ကျွန်ုပ်မျှော်လင့်ဆဲဖြစ်ကာ၊ ဘုရားသခင်သည် သူ၏လုပ်ငန်းကို ကျွန်ုပ်တို့အတွင်း၌ ဆက်လက်ဆောင်ရွက်ရန်နှင့် မည်သည့်အခါမျှ အဆီးအတားမှန်သမျှ မရှိရန် ကျွန်ုပ်မျှော်လင့်သည်။ ဤသည်မှာ ကျွန်ုပ်၏ ထာဝရရည်မှန်းချက်ဖြစ်သည်။ ကျွန်ုပ်တို့၏ ချစ်ကြည်ရင်းနှီးမှု တန်ဖိုးပိုမိုရှိလာစေရန် ဘုရားသခင် ကျွန်ုပ်တို့နှင့် အစဉ်အမြဲရှိနေ၍ ကျွန်ုပ်တို့စပ်ကြားတွင် သူ၏မေတ္တာတံ တား ထိုးပါစေ။ မေတ္တာသည် ကျွန်ုပ်တို့ကြားတွင် နားလည်မှုကို ဖန်တီးပေး၍၊ ထိုမေတ္တာသည် ကျွန်ုပ်တို့ကို ပိုမိုရင်းနှီးစေနိုင်ပြီး၊ ကျွန်ုပ်တို့ကြား ကွာဝေးမှုမှန်သမျှကို ဖယ်ရှားပေးကာ အချင်းချင်းအကြားရှိသည့် မေတ္တာ ပို၍နက်ရှိုင်းလာပြီး၊ ပို၍ ကျယ်ပြန့်လာပြီး၊ ပို၍ချိုမြိန်လာသည်ကို ကျွန်ုပ်မျှော်လင့်သည်။ ဤသည်မှာ ကျွန်ုပ်၏ဘုရားသခင် အလိုရှိသောအရာ ဟု ကျွန်ုပ်ယုံကြည်သည်။ ကျွန်ုပ်၏ညီအစ်ကိုမောင်နှမများ ကျွန်ုပ်နှင့်ပိုမိုရင်းနှီးလာကာ၊ ပေါင်းသင်းဆက်ဆံရသည့် တိုတောင်းလှသောနေ့ရက်ကာလကို အားလုံးတန်ဖိုးထားကာ လှပသော အမှတ်ရစရာများ ဖြစ်ကျန်ခဲ့စေရန် ကျွန်ုပ်မျှော်လင့်သည်။

တရုတ်ပြည်မကြီး၌ ဘုရားသခင်၏အလုပ်တွင် လှုပ်ရှားမှုခြေလှမ်းများ ပိုများသော်လည်း ရှုပ်ထွေးမှု လုံးဝမရှိပေ။ ထိုခြေလှမ်းအားလုံးကို သုံးသပ်ကြည့်လျှင် အကျိုးမဲ့အကြောင်းမဲ့ဖြစ်ခြင်း မဟုတ်ပေ။ ခြေလှမ်းအားလုံးပြီးစီးအောင် ဘုရားသခင်ကိုယ်တိုင်ဆောင်ရွက်ပြီး လူအားလုံး သူ့လုပ်ငန်းတွင် ကဏ္ဍအမျိုးမျိုးမှ ပါဝင်သည်။ ဤဇာတ်လမ်း၏ အခန်းတိုင်းသည် လူ့အတွက် ရယ်စရာကောင်းသည်။ အံ့သြရသည်မှာ လူတိုင်း ဇာတ်ကောင်အဖြစ် ပါဝင်ရမည့်အခန်းကဏ္ဍ ရှိခြင်းပင်ဖြစ်သည်။ စမ်းသပ်မှုတစ်ခုစီတွင် လူတို့၏ပါဝင်သရုပ်ဆောင်မှုသည် ဘဝတွင် တကယ်ဖြစ်နေသည်နှင့်တူလှကာ တစ်ဦးစီအား ဘုရားသခင်၏မင်တံဖြင့် ကွက်ကွက်ကွင်းကွင်း ထင်ထင်ရှားရှား ရေးခြစ်ထားသည်။ လူတိုင်းတွင် နေ့အလင်းရောင်အောက်တွင် ပေါ်လွင်သည့် အရာများစွာရှိ၏။ ဘုရားသခင်သည် သူ့အလုပ်အားဖြင့် လူအပေါင်းအား လှောင်ပြောင် နေသည်ဟု ဆိုလိုခြင်းမဟုတ်ပါ။ ထိုသို့ပြုလုပ်ပါက အဓိပ္ပာယ်လုံးဝရှိမည် မဟုတ်ပေ။ ဘုရားသခင်လုပ်ဆောင်သော အရာဟူသမျှ ရည်မှန်းချက်ရှိသည်။ သူသည် အရေးပါမှုနှင့် အဖိုးထိုက်တန်မှုမရှိသော မည်သည့် အရာကိုမဆို လုံးဝလုပ်ဆောင်သူမဟုတ်ပေ။ သူလုပ်ဆောင်သမျှသည် လူသားကို ပြည့်စုံစေ၍ ပိုင်ဆိုင်ရန်အတွက်ဖြစ်သည်။ ဘုရားသခင်၏ နှလုံးသားသည် လူသားကောင်းစားရေးအတွက် လုံးလုံးလျားလျားဖြစ်သည်ကို ဤနေရာတွင် ကျွန်ုပ် အမှန်တကယ် တွေ့မြင်ခဲ့ရသည်။ ဤအကြောင်းအရာကို ပြဇာတ်ဟု ဆိုနိုင်သကဲ့သို့ တကယ့်ဘဝ၏ ပုံပမာဟုလည်း ဆိုနိုင်သည်။ သို့ရာတွင် ပြဇာတ်ကို အစစအရာရာညွန်ကြားသူ ဘုရားသခင်အတွက်မူ လူအပေါင်းတို့သည် ပြဇာတ်ပြီးမြောက်စေရေးအတွက် အားလုံးပါဝင်ကြရန်ဖြစ်သည်။ တစ်ဘက်ကကြည့်လျှင် ဘုရားသခင်သည် ဤနည်းအားဖြင့် လူအပေါင်းကိုရယူ၍ သူ့ကိုပိုချစ်လာစေသည်။ ဤသည်မှာ သူ့အလိုဖြစ်သည်မဟုတ်လော။ ထိုကြောင့် မည်သူမျှ မစိုးရိမ်ကြရန် ကျွန်ုပ်မျှော်လင့်သည်။ ဘုရားသခင်၏အလိုကို သင်မသိသလော။ ကျွန်ုပ်များစွာပြောခဲ့ပြီ။ ညီအစ်ကိုမောင်နှမအားလုံး ကျွန်ုပ်၏ နှလုံးသားကို နားလည်စေချင်သည်။ နားလည်မှု မလွဲစေလိုပေ။ သင်တို့အား ဘုရားသခင် အပြည့်အဝ ပိုင်ဆိုင်လိမ့်မည်ဟု ကျွန်ုပ် ယုံကြည်သည်။ လူတိုင်း မတူညီသောလမ်းကို လျှောက်ကြသည်။ သင်တို့ဖဝါးအောက်တွင် ခင်းထားသောလမ်းသည် ဘုရားသခင်ဖွင့်ထားသောလမ်းဖြစ်၍ သင်တို့အားလုံး “အို- ဘုရားသခင်၊ ကျွန်ုပ်၏ဝိညာဉ် ကိုယ်တော်ထံသို့ပြန်ရောက်စေရန် ကျွန်ုပ်အား ကိုယ်တော်ပိုင်သတော်မူပါ” ဟု ဆုတောင်း ပဌနာပြုမည်ကို ကျွန်ုပ်မျှော်လင့်သည်။ သင့်ဝိညာဉ်၏ နက်ရှိုင်းသောနေရာမှ ဘုရားသခင်၏ လမ်းပြမှုကို ရှာရန် အသင့်ဖြစ်နေပြီလော။

ယခင်က:လမ်းကြောင်း… (၃)

နောက်တစ်ခုသို့:လမ်းကြောင်း… (၅)

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ