အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

လမ်းကြောင်း… (၃)

ငါ့အသက်တာတွင် ငါ၏ ခန္ဓာကိုယ်နှင့် စိတ်နှလုံးကို ဘုရားသခင်အား လုံးလုံးလျားလျား ပေးအပ်လိုသောဆန္ဒ အမြဲတမ်းရှိသည်။ ဤနည်းဖြင့် ငါ၏အသိစိတ် အပြစ်ကင်း၍ ငြိမ်သက်ခြင်း အနည်းငယ်ရသည်။ အသက်ကို မီအောင်လိုက်သောသူသည် မိမိစိတ်နှလုံးကို ဘုရားသခင်အား ဦးစွာ လုံးလုံးလျားလျား ပုံအပ်ရမည်။ ဤသည်မှာ ကြိုတင်သတ်မှတ်ချက် ဖြစ်သည်။ ငါ၏ ညီအစ်ကို မောင်နှမများကို ငါနှင့်အတူ ဘုရားသခင်အား ဤသို့ ဆုတောင်းစေလိုသည်၊ “အို ဘုရားသခင်၊ ကျွန်ုပ်၏နှလုံးသား ကိုယ်တော်ထံသို့ လုံးလုံးလျားလျား လှည့်စေရန်၊ ကိုယ်တော်အားဖြင့် ကျွန်ုပ်၏ဝိညာဉ်သည် နိုးဆော်ခြင်းခံရစေရန်၊ ကျွန်ုပ်၏ စိတ်နှလုံးနှင့် ဝိညာဉ်အတွင်း၌ ကိုယ်တော်၏ ချစ်ခင်နှစ်လိုဖွယ်ကောင်းခြင်းကို မြင်နိုင်ရန်၊ ကမ္ဘာသူကမ္ဘာသားများသည် ကိုယ်တော်၏ လှပတင့်တယ်မှုကို ဖူးမြင်ရသော ကောင်းချီးမင်္ဂလာ ခံစားကြစေရန်၊ ကောင်းကင်မှ ကိုယ်တော်၏ဝိညာဉ်တော်အား မြေကြီးသားများပေါ်သို့ ကျေးဇူးတော်သွန်းလောင်းစေပါ။ ဘုရားသခင်၊ ကျွန်ုပ်တို့၏မေတ္တာသည် တာရှည်ခံ၍ ထာ၀ရမပြောင်းလဲသောမေတ္တာ ဖြစ်ရပါမည့်အကြောင်း ကိုယ်တော်၏ ဝိညာဉ်တော်မှ ကျွန်ုပ်တို့၏ ဝိညာဉ်များကို ပြန်လည်နှိုးဆော်စေတော်မူပါ။” ငါတို့အားလုံး အထဲ၌ ဘုရားသခင်၏ လုပ်ဆောင်မှုသည် ငါတို့၏ နှလုံးသားများကို ဦးစွာ စစ်ဆေးမှုပြု၍ ငါတို့၏ နှလုံးသားများကို သူ့ထံသို့ ဖွင့်ချပြလိုက်သောအခါ ငါတို့၏ ဝိညာဉ်များကို သူစတင်နှိုးဆော်ပေးသည်။ လူတစ်ဦးသည် ဘုရားသခင်၏ ချစ်ခင်နှစ်လိုဖွယ်ကောင်းခြင်း၊ သာလွန်ကြီးစိုးခြင်းနှင့် ကြီးမြတ်ခြင်းတို့ကို ဝိညာဉ်ထဲ၌သာ မြင်နိုင်သည်။ ၎င်းသည် လူသားများအထဲရှိ သန့်ရှင်းသော ဝိညာဉ်တော်၏ လမ်းကြောင်းဖြစ်သည်။ သင့်၌ ထိုကဲ့သို့သော အသက်တာ ရှိသလော။ သန့်ရှင်းသော ဝိညာဉ်တော်၏ အသက်တာကို သင်ကြုံတွေ့ခဲ့ဖူးသလော။ သင့်ဝိညာဉ်ကို ဘုရားသခင် နှိုးဆော်ခဲ့ဖူးသလော။ လူတို့အတွင်း၌ သန့်ရှင်းသော ဝိညာဉ်တော် မည်သို့အလုပ်လုပ်သည်ကို သင်မြင်ခဲ့ဖူးသလော။ သင်၏နှလုံးသားကို ဘုရားသခင်အား လုံးလုံးလျားလျား အပ်နှံခဲ့ပြီးသလော။ သင်၏နှလုံးသားကို ဘုရားသခင်အား လုံးလုံးလျားလျား အပ်နှံခဲ့သော် သန့်ရှင်းသော ဝိညာဉ်တော်၏ အသက်တာကို သင်တိုက်ရိုက် တွေ့ကြုံနိုင်၍ သူ၏လုပ်ဆောင်မှုကို သင့်အား အဆက်မပြတ် ဖွင့်ပြနိုင်သည်။ ထိုအခါ သင်သည် သန့်ရှင်းသော ဝိညာဉ်တော် အသုံးပြုခြင်းခံရသော လူတစ်ဦး ဖြစ်လာနိုင်သည်။ ထိုသို့သော လူတစ်ဦးဖြစ်လာရန် သင်ဆန္ဒ ရှိသလော။ ငါမှတ်မိသည်မှာ သန့်ရှင်းသော ဝိညာဉ်တော်၏ နှိုးဆော်ခြင်းကို ငါခံရပြီး ငါ၏ နှလုံးသားကို ဘုရားသခင်အား ဦးစွာ ပေးအပ်ခဲ့သော အချိန်တွင် ကိုယ်တော်ရှေ့မှောက်၌ ငါဒူးထောက်၍ ဤသို့ ကျယ်လောင်စွာ ပြောခဲ့သည်။ “အို ဘုရားသခင်၊ ကိုယ်တော်၏ ကယ်တင်ခြင်းတရားကို ကျွန်ုပ် နားလည်နိုင်အောင် မျက်စိဖွင့်ပေးခဲ့သူမှာ ကိုယ်တော်သာလျှင် ဖြစ်သည်။ ကျွန်ုပ်၏ နှလုံးသားကို ကိုယ်တော်အား လုံးလုံးလျားလျား အပ်နှံလိုပါသည်။ အလိုတော်အတိုင်း ဖြစ်စေဖို့ရန်ကိုသာ ကျွန်ုပ် တောင်းလျှောက်ပါသည်။ ကိုယ်တော့်မျက်မှောက်တွင် ကျွန်ုပ်နှလုံးသားကို ကိုယ်တော် အသိအမှတ်ပြုကာ ကိုယ်တော်၏ အလိုတော်ကို ထမ်းဆောင်ရန်ကိုသာ ကျွန်ုပ်တောင့်တပါသည်။” ထိုဆုတောင်းချက်သည် ငါ့အတွက် မမေ့နိုင်ဆုံးသော ဆုတောင်းချက်ဖြစ်သည်။ ငါသည် အလွန်နှိုးဆော်ခြင်းကို ခံခဲ့ရလျက် ဘုရားသခင်ရှေ့မှောက်တွင် ခါးသီးစွာ ငိုကြွေးခဲ့သည်။ ထိုဆုတောင်းချက်သည် ကယ်တင်ခံရပြီးသူတစ်ဦးအနေဖြင့် ဘုရားသခင်ရှေ့တွင် ဦးဆုံးအောင်မြင်ခဲ့သော ငါ၏ ဆုတောင်းချက် ဖြစ်သည်။ ၎င်းသည် ငါ၏ ဦးဆုံးပြင်းပြသော ဆန္ဒလည်းဖြစ်ခဲ့သည်။ နောက်ပိုင်းတွင် သန့်ရှင်းသော ဝိညာဉ်တော်၏ နှိုးဆော်ခြင်းကို မကြာခဏ ငါခံစားခဲ့ရသည်။ သင့်တွင် ဤအတွေ့အကြုံမျိုး ရှိခဲ့ဖူးသလော။ သန့်ရှင်းသော ဝိညာဉ်တော်သည် သင့်အတွင်း၌ မည်သို့အလုပ်လုပ်ခဲ့ဖူးသနည်း။ ဘုရားသခင်ကို ချစ်နိုင်အောင် စူးစမ်းရှာဖွေသူအားလုံးသည် ၎င်းအတွေ့အကြုံမျိုး အနည်းနှင့်အများ ရှိမည်ဟု ငါထင်သည်။ သို့သော် ထိုအကြောင်းအရာများကို သူတို့ မေ့လျော့ကြသည်။ အကယ်၍ တစ်ဦးတစ်ယောက်က သူတို့တွင် ထိုအတွေ့အကြုံမျိုး မရှိခဲ့ကြောင်း ပြောလျှင် ထိုသူမှာ ကယ်တင်ခြင်း မရရှိသေးသည့်အကြောင်းနှင့် စာတန်၏ ပိုင်နက်အတွင်း ရှိနေသေးသည့်အကြောင်း သက်သေပြခြင်း ဖြစ်သည်။ လူတိုင်း၌ သန့်ရှင်းသော ဝိညာဉ်တော် လုပ်ဆောင်သောအလုပ်သည် သန့်ရှင်းသော ဝိညာဉ်တော်၏ လမ်းကြောင်းဖြစ်သည်သာမက၊ ဘုရားသခင်ကို ယုံကြည်၍ သူ့ကိုရှာနေသူတို့၏ လမ်းကြောင်းလည်း ဖြစ်သည်။ လူသားတို့အပေါ် သန့်ရှင်းသော ဝိညာဉ်တော်၏ လုပ်ဆောင်မှု ပထမခြေလှမ်းသည် သူတို့၏ ဝိညာဉ်များကို နှိုးဆော်ခြင်း ဖြစ်သည်။ နောက်တစ်ဆင့်တွင် လူတို့သည် ဘုရားသခင်ကို စတင်၍ချစ်လာကာ အသက်ကိုစတင်၍ ရှာသည်။ ဤလမ်းကြောင်းပေါ်၌ရှိသော အရာအားလုံးသည် သန့်ရှင်းသော ဝိညာဉ်တော်၏ ရေစီးကြောင်း အတွင်းထဲတွင် ရှိကြသည်။ ဤအရာများသည် တရုတ်ပြည်မကြီးတွင် သာမက စကြ၀ဠာတစ်ခွင်လုံးတွင်ရှိသည့် ဘုရားသခင်အလုပ်၏ ပြောင်းလဲနိုင်မှုစွမ်းအားများ ဖြစ်သည်။ ကိုယ်တော်သည် လူသားမျိုးနွယ် အားလုံးအပေါ် ဤသို့ လုပ်ဆောင်သည်။ အကယ်၍ လူအချို့သည် နှိုးဆော်ခြင်းခံရမှု တစ်ခါမျှ မရှိခဲ့ဖူးသော် သူတို့သည် ဤပြန်လည်ရှင်သန်မှု ရေစီးကြောင်း၏ အပြင်ဘက်တွင် ရှိနေသည်ကို ပြသနေခြင်း ဖြစ်သည်။ နေမင်းအောက်တွင် အသက်ရှင်နေသူတိုင်း ဘုရားသခင် နှိုးဆော်ခြင်းဖြင့် ဤလမ်းကြောင်းပေါ်တွင် လျှောက်လှမ်းနိုင်စေရေးအတွက် လူအားလုံးကို ကိုယ်တော် နှိုးဆော်ရန် ငါ၏နှလုံးသားသည် ဘုရားသခင်ကို မရပ်မနား ဆုတောင်းလျက်ရှိသည်။ မပြောပလောက်သောအရာကို ဘုရားသခင်အား ငါတောင်းလျှောက်နေခြင်း ဖြစ်ကောင်းဖြစ်ပေမည်။ သို့ရာတွင် ဤအရာကို ဘုရားသခင် ဆောင်ရွက်လိမ့်မည်ဟု ငါယုံကြည်သည်။ ငါ၏ ညီအစ်ကိုမောင်နှမအားလုံး ထိုအရာအတွက် ဆုတောင်းကြရန် ကျွန်ုပ်မျှော်လင့်သည်။ ဘုရားသခင်၏ အလိုတော်ပြည့်စုံစေရန်၊ ကိုယ်တော်၏ လုပ်ငန်း မကြာမီ ပြီးစီး၍ ကောင်းကင်မှ ကိုယ်တော်၏ ဝိညာဉ်တော် အနားယူစေရန် တောင်းစေလိုသည်။ ဤသည်မှာ ငါ၏ သေးငယ်သော ကိုယ်ပိုင်မျှော်လင့်ချက် ဖြစ်သည်။

ဘုရားသခင်သည် နတ်ဆိုးတို့၏ မြို့တစ်မြို့တွင် မိမိလုပ်ငန်းကို ဆောင်ရွက်နိုင်စွမ်းရှိလေရာ၊ စကြ၀ဠာတစ်ခွင် မရေမတွက်နိုင်အောင် များပြားသော နတ်ဆိုးတို့၏ မြို့များတွင် သူ့လုပ်ငန်းကို ဧကန်ဆောင်ရွက်နိုင်မည်ဟု ငါယုံကြည်သည်။ နောက်ဆုံးသောခေတ်နှင့်ဆိုင်သော ငါတို့သည် ဘုရားသခင်၏ ဘုန်းအသရေကို မုချ ဖူးမြင်ရမည်။ ၎င်းကို “အဆုံးတိုင်အောင် နောက်တော်သို့ လိုက်ခြင်း၏ရလဒ်သည် ကယ်တင်ခြင်းဖြစ်သည်” ဟု ခေါ်တွင်သည်။ ဘုရားသခင်၏ လုပ်ငန်း ဤအဆင့်တွင် သူ့ကိုယ်စား မည်သူ့ကိုမျှ အစားထိုး၍ မရနိုင်ပေ။ ဘုရားသခင်ကိုယ်တော်တိုင်သာလျှင် လုပ်ဆောင်နိုင်သည်။ အဘယ်ကြောင့်ဆိုသော် ၎င်းသည် သာမန်အဆင့်ထက် ထူးကဲသော အဆင့်ဖြစ်သည်။ သိမ်းပိုက်ခြင်းအဆင့် အလုပ်ဖြစ်သည်။ လူသားများသည် အခြားလူသားများကို မသိမ်းပိုက်နိုင်ပေ။ ဘုရားသခင်၏ နှုတ်တော်ထွက် နှုတ်ကပတ်တော်နှင့် သူကိုယ်တိုင်ပြုလုပ်သော အရာများသာလျှင် လူသားများကို သိမ်းပိုက်နိုင်သည်။ ဘုရားသခင်သည် စကြ၀ဠာတစ်ခွင်လုံးတွင် အဆင်းနီသော နဂါးကြီး၏ နိုင်ငံကို အစမ်းသပ်ခံနယ်မြေအဖြစ် အသုံးပြုနေသည်။ ထိုနေရာပြီးလျှင် ဤအလုပ်ကို အခြားနေရာအနှံ့အပြား၌ သူစတင်မည်ဖြစ်သည်။ ဆိုလိုသည်မှာ ဘုရားသခင်သည် စကြ၀ဠာအနှံ့ သာ၍ကြီးသောအလုပ်ကိုလုပ်၍ စကြ၀ဠာအတွင်း ရှိကြသော လူအားလုံးသည် ဘုရားသခင်၏ သိမ်းပိုက်ခြင်းအလုပ်ကို ရရှိကြမည်ဖြစ်သည်။ ဂိုဏ်းဂဏနှင့် ဂိုဏ်းကွဲ အားလုံးမှ လူတို့သည် လုပ်ငန်း၏ ဤအဆင့်ကို လက်ခံကြရမည်။ ဤသည်မှာ လက်သင့်ခံရမည့်လမ်းကြောင်း ဖြစ်သည်။ ဤလမ်းကြောင်းမှ မည်သူမျှ မလွတ်မြောက်နိုင်ပေ။ ဘုရားသခင်က သင့်အား တာဝန်ပေး စေခိုင်းထားသော ဤအရာကို သင်လက်ခံလိုသည့်ဆန္ဒ ရှိ၏လော။ သန့်ရှင်းသော ဝိညာဉ်တော်က တာဝန်ပေး စေခိုင်းထားသော အရာတစ်ခုကို လက်ခံခြင်းသည် ဂုဏ်ရှိသည်ဟု အမြဲတမ်း ငါခံစားမိသည်။ မည်သူမျှ မလွတ်မြောက်နိုင်ပေ။ ငါ၏အမြင်အရ ဤသည်မှာ လူသားအပေါ်ထားသော ဘုရားသခင်၏ အကြီးမားဆုံး ယုံကြည်စိတ်ချမှု ဖြစ်သည်။ စကြ၀ဠာတစ်ခွင်လုံး ဘုရားသခင်၏ ဘုန်းတော် ထင်ရှား၍ ငါတို့၏အသက်တာ အချည်းနှီးမဖြစ်စေရန် ငါ၏ ညီအစ်ကိုမောင်နှမများသည် ငါနှင့် ဘေးချင်းယှဉ်၍ အားကြိုးမာန်တက် လုပ်ဆောင်လျက် ဘုရားသခင်ထံမှ ဤအရာကို လက်သင့်ခံကြရန် ငါမျှော်လင့်သည်။ ဘုရားသခင်အတွက် ငါတို့ တစ်ခုခု လုပ်သင့်သည်။ သို့မဟုတ် သူနှင့် ကတိသစ္စာပြုသင့်သည်။ တစ်ဦးတစ်ယောက်သည် ဘုရားသခင်ကို ယုံကြည်သော်လည်း လိုက်နာလုပ်ဆောင်ခြင်း အကောင်အထည်မရှိလျှင် ထိုသူ၏ အသက်တာ အချည်းနှီးဖြစ်၍ ၎င်းတို့၏ အသက်တာကုန်ဆုံးချိန်တွင် မျှော်ကြည့်စရာဟူ၍ ကောင်းကင်ပြာနှင့် ဖုန်မှုန့်ရောင်မြေကြီးသာ ရှိမည်။ ၎င်းသည် အဓိပ္ပာယ်ရှိသော အသက်တာ ဟုတ်မည်လော။ သင်အသက်ရှင်စဉ် ဘုရားသခင်၏ သတ်မှတ်ချက်များနှင့် ပြည့်မီနိုင်ခြင်းသည် လှပတင့်တယ်ခြင်းတစ်မျိုး မဟုတ်လော။ သင်တို့သည် အဘယ်ကြောင့် အမြဲတမ်းဒုက္ခရှာကာ စိတ်ပျက်အားငယ်နေရသနည်း။ သင်တို့သည် ထိုနည်းဖြင့် ဘုရားသခင်ထံမှ တစ်စုံတစ်ရာကို ရရှိနိုင်သလော။ ဘုရားသခင်သည်လည်း သင့်ထံမှ တစ်စုံတစ်ရာကို ရယူနိုင်သလော။ ငါသည် ဘုရားသခင်နှင့် ကတိသစ္စာပြုထားသည့် ဘောင်အတွင်း ငါ၏ နှလုံးသားကို သူ့ထံ ရိုးရှင်းစွာအပ်နှံသည်၊ သူ့ကို ငါ၏စကားများဖြင့် မလှည့်စားချေ။ ထိုအရာမျိုးကို ငါပြုလုပ်မည် မဟုတ်။ ကောင်းကင်ဘုံမှ သူ၏ဝိညာဉ်တော် စိတ်ချမ်းသာစေရန် ငါ၏နှလုံးသားဖြင့်ချစ်သော ဘုရားသခင်ကို နှစ်သိမ့်ရန်သာ ငါအလိုရှိသည်။ နှလုံးသားသည် တန်ဖိုးရှိကောင်းရှိမည် ဖြစ်သော်လည်း ချစ်ခြင်းမေတ္တာသည် ပို၍ အဖိုးထိုက်တန်သည်။ ဘုရားသခင် နှစ်ခြိုက်ပျော်မွေ့သောအရာသည် ငါ၌ရှိသည့် အလှပ အတင့်တယ်ဆုံးသောအရာ ဖြစ်စေမည့် အကြောင်းနှင့် ငါဆက်သသောမေတ္တာ သူ့၌ ပြည့်၀စေရန်အတွက် ငါ၏ နှလုံးသားမှ အဖိုးအထိုက်တန်ဆုံးအရာကို ဘုရားသခင်အား ပေးလိုသောဆန္ဒ ရှိသည်။ ဘုရားသခင် နှစ်ခြိုက်ပျော်မွေ့စေရန် သင့်မေတ္တာကို သူ့အား အပ်နှံလိုသောစိတ် သင့်တွင်ရှိသလော။ ၎င်းကို သင်ဆက်လက်ရှင်သန်ရန်အတွက် ရင်းနှီးမြှပ်နှံမှု ဖြစ်စေလိုသလော။ ငါ၏အတွေ့အကြုံမှ ငါမြင်သောအရာမှာ ဘုရားသခင်ကို မေတ္တာပေးဆပ်လေလေ ငါသည် ပျော်ရွှင်မှုနှင့် အသက်ရှင်နေရသည်ဟု ခံစားရလေလေ ဖြစ်ကာ အတိုင်းအဆမရှိသော ခွန်အားကိုရရှိ၍ ကိုယ်စိတ်နှစ်ပါး လုံးလုံးလျားလျား ဆက်ကပ်လိုသော ဆန္ဒရှိလာကာ ဘုရားသခင်ကို ငါသည် လုံလောက်စွာ မချစ်နိုင်ဟု အမြဲတမ်း ခံစားရသည်။ ထိုကြောင့် သင်၏မေတ္တာသည် မပြောပလောက်သော မေတ္တာလော။ သို့မဟုတ် မကုန်ဆုံးနိုင်သော မေတ္တာလော။ မတိုင်းတာနိုင်သော မေတ္တာလော။ သင်သည် ဘုရားသခင်ကို ဧကန်အမှန် ချစ်လိုလျှင် သင့်တွင် ပို၍များသော ပေးဆပ်စရာမေတ္တာ အမြဲတမ်း ရှိနေလိမ့်မည်။ ထိုသို့မှန်သည်ရှိသော် ဘုရားသခင်ကိုချစ်သော သင့်မေတ္တာလမ်းကြောင်းတွင် မည်သူနှင့် မည်သည့်အရာ ကြားခံနေနိုင်မည်နည်း။

ဘုရားသခင်သည် လူတို့၏ မေတ္တာဟူသမျှကို အဖိုးထိုက်တန်သောအရာအဖြစ် မြင်သည်။ သူ့အား ချစ်သောသူများအပေါ်တွင် ကောင်းချီးမင်္ဂလာ ထပ်ဆင့်၍ပင် ပုံပေးသည်။ ထိုသို့ ပြုလုပ်ရခြင်းမှာ လူ့မေတ္တာသည် ရခဲ၍ နည်းလွန်းကာ မမြင်နိုင်လောက်အောင် သေးငယ်သည်။ ဘုရားသခင်သည် စကြ၀ဠာတစ်ခွင်လုံးတွင် လူသားများ သူ့ကိုပြန်ချစ်ရမည်ဟု တောင်းဆိုရန် ကြိုးစားခဲ့သည်။ သို့ရာတွင် ခေတ်အဆက်ဆက်မှသည် ယနေ့တိုင်အောင် ဘုရားသခင်ကို စစ်မှန်သောမေတ္တာ ပြန်ပေးကြသူ အရေအတွက် နည်းပါးလွန်းသည်။ ငါမှတ်မိသရွေ့ဆိုလျှင် ပေတရု ပါ၀င်သည်။ သို့ရာတွင် ယေရှုကိုယ်တိုင် သူ့ကို လမ်းပြပို့ဆောင်၍ ယေရှုသေဆုံးချိန်၌သာ သူ့မေတ္တာအားလုံး ဘုရားသခင်အား ပုံအပ်ကာ မိမိကိုယ်ပိုင်အသက်တာကို နိဂုံးချုပ်စေခဲ့သည်။ အခွင့်အလမ်း မသာသော ဤလိုအခြေအနေများကြောင့် ဘုရားသခင်သည် အဆင်းနီသော နဂါးကြီး၏နိုင်ငံကို ထင်ရှားသော သက်သေ သာဓကအနေဖြင့် အသုံးပြုလျက် စကြ၀ဠာတစ်ခွင် မိမိလုပ်ငန်းနယ်ပယ်ကို ကျဉ်းမြောင်းစေခဲ့သည်။ သူ၏ စွမ်းအားနှင့် ကြိုးစားအားထုတ်မှု အားလုံးကို တစ်နေရာတည်းတွင်သာ အာရုံစိုက်သည်။ ဤနည်းအားဖြင့် ရလဒ် ပိုကောင်း၍ သူ၏ သက်သေအတွက် သာ၍အကျိုးဖြစ်ထွန်းပေမည်။ ဤအခြေအနေ နှစ်ခုအောက်တွင် ဘုရားသခင်သည် စကြ၀ဠာတစ်ခွင်လုံးအတွက် မိမိ၏အလုပ်ကို တရုတ်ပြည်မကြီးရှိအရည်အချင်း အနိမ့်ဆုံး လူများဆီသို့ ရွှေ့လာကာ ထိုသူတို့ မိမိအား ချစ်တတ်လာသော် မိမိလုပ်ငန်း နောက်တစ်ဆင့်တိုးရန် မျှော်ကိုး၍ သူ၏ ကြင်နာသော သိမ်းပိုက်ခြင်းအလုပ်ကို စတင်ခဲ့သည်။ ဤသည်မှာ ဘုရားသခင်၏ စီမံချက်ဖြစ်သည်။ ဤနည်းအားဖြင့် သူ့လုပ်ငန်း၏ အသီးအပွင့် ရလဒ်သည် အကြီးကျယ်ဆုံး ဖြစ်မည်။ သူ့လုပ်ငန်း၏ နယ်ပယ်သည် ဗဟိုထိန်းချုပ်မှုရှိ၍ ဘောင်ခတ်ထားသည်။ ငါတို့၏နေ့ရက် ရောက်ရှိလာစေရန်အတွက် ငါတို့အတွင်း၌ ဘုရားသခင် အလုပ်လုပ်ခဲ့ရာတွင် မည်မျှကြီးမားသောတန်ဖိုး ပေးဆပ်ခဲ့ရ၍ မည်မျှကြိုးစားအားထုတ်ခဲ့ရသည်မှာ ရှင်းလှပေသည်။ ဤသည်မှာ ငါတို့၏ ကောင်းချီးမင်္ဂလာ ဖြစ်သည်။ ထို့ကြောင့် လူ့ထင်မြင်ချက်များနှင့် မကိုက်ညီမှု တစ်ခုမှာ အနောက်နိုင်ငံသားများသည် ကောင်းသောနေရာဒေသတွင် ငါတို့ပေါက်ဖွားလာသည်ကို မနာလိုကြခြင်းဖြစ်သည်။ သို့ရာတွင် ငါတို့အားလုံးသည် မိမိကိုယ်ကိုယ် နိမ့်ကျ၍ ကျိုးနွံသူများ ဟုမြင်ကြသည်။ ဤသည်မှာ ဘုရားသခင်က ငါတို့ကို စိတ်ဓာတ်မြှင့်ပေးခြင်း မဟုတ်လော။ နှင်းချေခြင်းကို တစ်ချိန်လုံးခံခဲ့ရသူများဖြစ်သည့် အဆင်းနီသော နဂါးကြီး၏ သားစဉ်မြေးဆက်များကို အနောက်နိုင်ငံသားများ မျှော်ကြည့်ကြသည်။ ဤသည်မှာ ငါတို့၏ ကောင်းချီးမင်္ဂလာ ဧကန်အမှန်ဖြစ်သည်။ ဤအကြောင်းအရာကို ငါတွေးမိသောအခါ ဘုရားသခင်၏ သနားကြင်နာခြင်း၊ ချစ်မြတ်နိုးခြင်းနှင့် နီးကပ်ခြင်းတို့သည် ငါ့ကို လွှမ်းမိုးလာသည်။ ဤအခြင်းအရာကို ကြည့်ခြင်းအားဖြင့် ဘုရားသခင်၏ လုပ်ဆောင်ချက်သည် လူသား၏ထင်မြင်ချက်များနှင့် တခြားစီဖြစ်၍ ဤလူသားများအားလုံး ကျိန်ဆိုခြင်းကိုခံရသော်လည်း သူသည် ပညတ်တော်၏ ချုပ်ချယ်မှုများအားဖြင့် ဘောင်ခတ်ထားခြင်း မခံရဘဲ မိမိ၏ လုပ်ငန်းကို ကမ္ဘာကြီး၏ ဤတစ်နေရာတွင် တမင်တကာ ဗဟိုပြု၍ လုပ်ဆောင်ခဲ့သည်။ ထိုအကြောင်းကြောင့် ငါ၀မ်းမြောက်ကာ အတိုင်းအဆမရှိသော ပျော်ရွှင်မှုကို ခံစားရသည်။ က္ကသရေလလူမျိုး၏ ယဇ်ပုရောဟိတ်အကြီးများကဲ့သို့ လုပ်ငန်းကို ဦးဆောင်သူတစ်ဦးအနေဖြင့် ဝိညာဉ်တော်၏ အလုပ်ကို တိုက်ရိုက်ဆောင်ရွက်နိုင်၍ ဘုရားသခင်၏ ဝိညာဉ်တော်အတွက် တိုက်ရိုက် အစေခံခဲ့သည်။ ၎င်းသည် ငါ၏ ကောင်းချီးမင်္ဂလာ ဖြစ်သည်။ ဤသို့သောအရာကို မည်သူ စဉ်းစားဝံ့အံ့နည်း။ သို့သော် ယနေ့တွင် ဤအရာသည် ငါတို့ အပေါ်တွင် မမျှော်လင့်ဘဲ ရောက်ရှိလာသည်။ ၎င်းသည် ငါတို့ကို အောင်ပွဲခံစေသည့် ကြီးမားသော ပျော်ရွှင်မှုဖြစ်သည်။ နောက်ချေးပုံထဲမှ ငါတို့ကို ဘုရားသခင်က ကြီးကျယ် ခမ်းနားစွာ အသုံးပြုလျက် သူ့မေတ္တာကို ကျေးဇူးပြန်ဆပ်ခွင့်ရရန်အလို့ငှာ ငါတိုကို ဘုရားသခင် ဆက်လက်၍ ကောင်းချီးပေး၍ စိတ်ဓာတ်မြှင့်ပေးမည်ဟု ငါမျှော်လင့်သည်။

ယခု ငါလျှောက်လှမ်းနေသည့် လမ်းကြောင်းမှာ ဘုရားသခင်၏ မေတ္တာကို ပြန်လည်ပေးဆပ်သည့် လမ်းကြောင်းဖြစ်သည်။ သို့ရာတွင် ၎င်းသည် ဘုရားသခင်၏ အလိုတော်မဟုတ်သည့်အပြင် ငါလျှောက်လှမ်းနေသင့်သည့် လမ်းကြောင်းလည်းမဟုတ်ဟု ငါခံစားရသည်။ ငါ့အတွက် ဘုရားသခင်၏ အလိုတော်မှာ သူ့အတွက် ကြီးစွာ အသုံး၀င်စေရန်ဖြစ်သည်။ ဤသည်မှာ သန့်ရှင်းသော ဝိညာဉ်တော်၏ လမ်းကြောင်းဖြစ်သည်။ ငါမှားကောင်းမှားပေမည်။ ဤလမ်းကြောင်းသည် ရှေးယခင်က ဘုရားသခင်နှင့် သန္နိဋ္ဌာန်အခိုင်အမာတည်ဆောက်ခဲ့ပြီးချိန်မှစ၍ ငါလျှောက်လှမ်းလာခဲ့သော လမ်းကြောင်းဖြစ်သည်ဟု ငါထင်သည်။ ငါလျှောက်လှမ်းသင့်သည့် လမ်းကြောင်းပေါ်သို့ အမြန်ဆုံးရောက်ရှိကာ ဘုရားသခင်၏ အလိုတော် အမြန်ဆုံးပြည့်စုံစေရန်၊ ဘုရားသခင်၏ လမ်းပြပို့ဆောင်မှုကို ငါရယူလိုသည်။ အခြားသူများ မည်သို့တွေးသည်ဖြစ်စေ ဘုရားသခင်၏ အလိုတော်ကို လုပ်ဆောင်ခြင်းသည် အရေးအကြီးဆုံးဖြစ်၍ ငါ၏အသက်တာအတွက် အရေးအပါဆုံးဖြစ်သည်ဟု ငါယုံကြည်သည်။ ငါ့အား ဤအခွင့်အရေးကို ပိတ်ပင်နိုင်သူ မရှိပေ။ ဤသည်မှာ ငါ၏ ကိုယ်ပိုင်အမြင်ဖြစ်ကာ ဤသည်ကို နားမလည်နိုင်သောသူ ရှိကောင်းရှိမည်။ သို့သော် ထိုအရာကို ငါသည် မည်သူ့ကိုမျှ ရှင်းချက်ထုတ်ပြရန်မလိုဟု ငါယုံကြည်သည်။ ငါလျှောက်လှမ်းသင့်သော လမ်းကြောင်းကို ငါလျှောက်လှမ်းမည်။ ငါလျှောက်သင့်သော လမ်းကြောင်းကို တွေ့ရှိသည်နှင့် ထိုလမ်းကြောင်းကို နောက်မဆုတ်တမ်း လျှောက်လှမ်းသွားမည် ဖြစ်သည်။ သို့ဖြစ်၍ ငါတစ်ကြိမ်ထပ်ပြောဦးမည့် စကားမှာ၊ ဘုရားသခင်၏ အလိုတော်ကို လုပ်ဆောင်ရန် ငါစိတ်ပိုင်းဖြတ်သည်။ ငါ၏ ညီအစ်ကိုမောင်နှမများ ငါ့ကို ပြစ်တင်ဝေဖန်ခြင်း မရှိကြစေရန် ငါမျှော်လင့်သည်။ အားလုံးကို ခြုံငုံ၍ ငါတစ်ဦး၏ အမြင်ကို ဖော်ပြရသော် အခြားသူတို့သည် မိမိတို့နှစ်သက်သကဲ့သို့ ပြောဆိုနိုင်သည်။ သို့ရာတွင် ဘုရားသခင်၏ အလိုတော်ကို လုပ်ဆောင်ခြင်းသည် အခရာဖြစ်၍ ဤအကြောင်းအရာနှင့် ပတ်သက်၍ ငါ့အပေါ် ကန့်သတ်ချုပ်ချယ်ခြင်း မရှိသင့်ပေ။ ကိုယ်တော်၏ အလိုတော်ကို ငါ လုပ်ဆောင်ရာတွင် မမှားနိုင်ပေ။ ဤသို့ဆောင်ရွက်ရာတွင်လည်း ငါ၏အကျိုးကို အခြေခံကာ စီမံ၍ မရပေ။ ငါ၏နှလုံးသား အတွင်းပိုင်းကို ဘုရားသခင် ရှုမြင်ထားပြီးဖြစ်သည်ဟု ငါယုံကြည်သည်။ ဤအကြောင်းကို သင်မည်သို့ နားလည်သင့်သနည်း။ သင်သည် မိမိကိုယ်ကို ဘုရားသခင်အား ဆက်ကပ်လို၏လော။ ဘုရားသခင်၏ အသုံးတော်ခံလို၏လော။ ဘုရားသခင်၏ အလိုတော်ကို လုပ်ဆောင်ရန် သင်စိတ်ပိုင်းဖြတ်ထားပြီလော။ ငါပြောခဲ့သော စကားများသည် ငါ၏ ညီအစ်ကိုမောင်နှမများအတွက် အထောက်အမ တချို့တစ်၀က် ဖြစ်စေရန် ငါမျှော်လင့်သည်။ ငါ၏အမြင်သည် အပေါ်ယံဆန်လွန်းသော်လည်း ငါတို့ စိတ်ထဲ၌ရှိသမျှ အဆီးအတားမရှိ အပြန်အလှန်ပြောဆိုဆက်ဆံနိုင်ရန်နှင့် ဘုရားသခင် ငါတို့နှင့်အတူ ထာဝရရှိစေရန်၊ ငါပြောနိုင် ဆိုနိုင်သည့် အရာများကို ပြောဆိုဆဲဖြစ်သည်။ ဤစကားများသည် ငါ၏ နှလုံးသားမှလာသော စကားဖြစ်သည်။ ယနေ့အတွက် ပြင်းပြလှိုက်လှဲသော ငါ၏စကားများသည် ဤမျှသာ ဖြစ်သည်။ ငါ၏ ညီအစ်ကိုမောင်နှများ ကြိုးကြိုးစားစား အလုပ်ဆက်လုပ်ကြရန် ငါမျှော်လင့်၍ ဘုရားသခင်၏ ဝိညာဉ်တော်မှ ကျွန်ုပ်တို့ကို အစဉ်အမြဲ ကြည့်ရှုဆောင်မခြင်းကို ငါမျှော်လင့်သည်။

ယခင်က:လမ်းကြောင်း… (၂)

နောက်တစ်ခုသို့:လမ်းကြောင်း… (၄)

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ