အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၂၂

ဘုရားသခင်ထံ၌ ယုံကြည်ခြင်းသည် လွယ်ကူစွာ လုပ်ဆောင်နိုင်သော အရာမဟုတ်။ သင်သည် ရှိရှိသမျှတို့ကို စားသောက်ကာ၊ အားလုံးသည် အလွန်စိတ်ဝင်စားစရာကောင်းသည်၊ အလွန်အရသာရှိသည်ဟု တွေးတောလျက်၊ ကြုံရာကျပန်းနေ၏။ ချီးကျူးနေသော လူအချို့ ရှိသေးသည်၊ ၎င်းတို့သည်ကား စိတ်ဝိညာဉ်များတွင် ချင့်ချိန်နိုင်စွမ်း မရှိခြင်း သာဖြစ်သည်။ ဤအတွေ့အကြုံကို အကျဉ်းချုံးပေါင်းရုံးကြည့်ရန် အချိန်ယူထိုက်၏။ နောက်ဆုံးသောကာလတွင် အမျိုးမျိုးသောဝိညာဉ်တို့သည် ဘုရားသခင်သားသမီးတို့၏ ရှေ့ဆက်သော ခြေလှမ်းတို့ကို အတိအလင်း စိန်ခေါ်ကာ၊ အသင်းတော်၏တည်ဆောက်ခြင်းကို ဖြိုဖျက်ရာတွင်လည်း ပါဝင်ကြလျက်၊ ၎င်းတို့၏အခန်းကဏ္ဍအသီးသီးကို ဆောင်ရွက်ရန် ထွက်ပေါ်ကြ၏။ အကယ်၍ သင်သည် စာတန်အား လုပ်ဆောင်ရန် အခွင့်အရေးများ ပေးလျက်၊ ဤအရာကို ပေါ့ပျက်စွာ ခံယူလျှင်၊ အသင်းတော်သည် ကမောက်ကမ ဖြစ်လိမ့်မည်၊ လူတို့သည် အထိတ်တလန့်ဖြစ်ကာ၊ ထင်ရာစိုင်းလိမ့်မည်၊ ပြင်းထန်သည့်အခြေအနေများတွင်မူ လူတို့သည် အမြင်အာရုံ ဆုံးရှုံးကြလိမ့်မည်။ ဤသို့ဆိုလျှင် ငါက နှစ်ပေါင်းများစွာ အပင်ပန်းခံကာ ပေးဆပ်ထားသော အဖိုးအခသည် အားလုံးအချည်းနှီး ဖြစ်လိမ့်မည်။

အသင်းတော်ကို တည်ဆောက်သော အချိန်သည် စာတန်၏ သွေးရူးသွေးတန်း အဖြစ်ဆုံးသော အချိန်ဖြစ်၏။ စာတန်သည် ဆူပူလှုပ်ရှားမှု၊ နှောင့်ယှက်မှုတို့ကို အနည်းငယ်သောလူတို့အားဖြင့် မကြာခဏ ဖြစ်ပွားစေ၏၊ ထိုသူတို့သည် ဝိညာဉ်တော်ကို မသိသောသူများ သို့မဟုတ် စာတန်၏ အခန်းကဏ္ဍတွင် အလွယ်တကူ ဝင်ရောက်လုပ်ဆောင်သော ယုံကြည်သူအသစ်များ ဖြစ်ကြသည်။ လူတို့သည် သန့်ရှင်းသောဝိညာဉ်တော်၏အမှုကို ယေဘုလျအားဖြင့် နားမလည်ကြခြင်းကြောင့်၊ ၎င်းတို့၏ ကိုယ်ပိုင်အကြိုက်များ၊ လုပ်ပုံလုပ်နည်းများ၊ အယူအဆများနှင့်အညီ၊ အရေးကိစ္စများကို စိတ်ကူးပေါက်သလို တက်ကုန်လက်ကုန် လုပ်ကြ၏။ သင်သည် ဘာကိုမျှ မပြောနှင့်၊ ဤသို့ဆိုခြင်းမှာ သင့်ကို ကာကွယ်ရန်အတွက် ဖြစ်သည်။ နားစိုက်ထောင်၍၊ ကောင်းစွာ နာခံပါ။ အသင်းတော် နှင့် လူ့အဖွဲ့အစည်းဟူသည် ခြားနားသည်။ သင် အလိုရှိသည်အတိုင်း ပြောဆိုခြင်း သို့မဟုတ် သင် ထင်သော မည်သည့်အရာကိုမဆို ပြောဆိုခြင်း မပြုရ။ ဤနေရာသည် ဘုရားသခင်၏ အိမ်တော် ဖြစ်သောကြောင့်၊ ယင်းသို့သောအလုပ်မျိုး ဖြစ်လိမ့်မည်မဟုတ်။ ဘုရားသခင်သည် လူတို့၏ လုပ်ဆောင်ပုံနည်းလမ်းကို လက်မခံပေ။ သင်သည် ဝိညာဉ်တော်နောက်သို့လိုက်ခြင်းဖြင့် အရေးကိစ္စများကို ဆောင်ရွက်ရမည်၊ ဘုရားသခင်၏ နူတ်ကပတ်တော်များအတိုင်း အသက်ရှင်နေထိုင်ရမည်၊ ထိုသို့ပြုလျှင် အခြားသောသူတို့သည် သင့်ကို လေးစားကြလိမ့်မည်။ သင်၏အထဲတွင်ရှိသော အခက်အခဲများအားလုံးကို သင်သည် ဘုရားသခင်အပေါ် မှီခိုအားထားခြင်းဖြင့် ဦးစွာ ဖြေရှင်းရမည်။ သင်တို့၏ ယိုယွင်းသော စိတ်သဘောထားတို့ကို အဆုံးသတ်စေပြီး၊ သင်တို့၏ ကိုယ်ပိုင် အခြေအနေများကို အမှန်တကယ် နားလည်နိုင်စွမ်း ရှိကာ၊ အကြောင်းကိစ္စတို့အား မည်သို့လုပ်ဆောင်သင့်သည်ကို သိလော့၊ နားမလည်သော အရာမှန်သမျှကို ဆက်၍ မိတ်သဟာယ ပြုလော့။ သင့်ကိုသင် မသိခြင်းမှာ သင့်အတွက် လက်ခံနိုင်ဖွယ်ရာမရှိပေ။ သင်၏အနာရောဂါကို ဦးစွာ ငြိမ်းစေလော့၊ ထို့ပြင် ငါ၏နှုတ်ကပတ်တော်များကို စဉ်းစားဆင်ခြင်လျက်၊ ငါ၏နှုတ်ကပတ်တော်များကို ပို၍ စားသောက်ခြင်းဖြင့်၊ ငါ၏နှုတ်ကပတ်တော်များနှင့်အညီ ဘဝကို ရှင်သန်ကာ ပြုမူနေထိုင်လော့။ သင်သည် အိမ်တွင် ရှိနေသည်ဖြစ်စေ သို့မဟုတ် အခြားနေရာတွင် ရှိနေသည် ဖြစ်စေ၊ သင်၏အထဲတွင် ဘုရားသခင်အား တန်ခိုးတော်ကို စွဲကိုင်ခွင့် ပြုသင့်သည်။ သွေးသားခန္ဓာနှင့် သဘာဝကျခြင်းတို့ကို စွန့်ပစ်လော့။ ဘုရားသခင်၏ နူတ်ကပတ်တော်များကို သင်၏အထဲတွင် အမြဲတမ်း စိုးမိုးခွင့်ပေးလော့။ သင်၏ အသက်တာသည် ပြောင်းလဲနေသည်မဟုတ်ဟု စိုးရိမ်စရာ မလိုပေ၊ သင်၏စိတ်သဘောထားသည် ကြီးစွာပြောင်းလဲနေပြီဖြစ်ကြောင်းကို၊ သင်သည် တဖြည်းဖြည်း ခံစားလာရလိမ့်မည်။ ယခင်က သင်သည် ကျော်ကြားဖို့ရန် အလျင်လိုခဲ့၏၊ သင်သည် မည်သူ့ကိုမျှ မနာခံခဲ့သလို၊ သင်သည် ရည်မှန်းချက် ကြီးခဲ့ကာ၊ မိမိကိုယ်ကို အမှန်ထင်သည်မျိုး၊ မာနကြီးခဲ့သည်မျိုး ရှိခဲ့၏၊ ထို့နောက်တွင် သင်သည် ၎င်းအရာများကို တဖြည်းဖြည်း စွန့်ပစ်လာမည်ဖြစ်သည်။ အကယ်၍ သင်သည် ၎င်းတို့အား ယခုတွင် စွန့်ပစ်လိုလျှင်၊ ထိုအရာသည် မဖြစ်နိုင်။ ဤသည်မှာ သင်၏ အတ္တဟောင်းသည် ၎င်းအရာကို ထိတွေ့ခွင့်ပေးလိမ့်မည် မဟုတ်သောကြောင့်ဖြစ်သည်၊ ၎င်းအရာသည် သင်၏အတွင်း၌ အလွန်နက်ရှိုင်းစွာ အမြစ်တွယ်နေ၏။ ထို့ကြောင့် သင်သည် ကိုယ်တိုင်အားထုတ်မှုများ ပြုရမည်၊ သန့်ရှင်းသောဝိညာဉ်တော်၏အမှုကို ယုံကြည်မှုပြည့်ဝစွာ တက်ကြွစွာ နာခံ ရမည်၊ ဘုရားသခင်နှင့် ပူးပေါင်းဆောင်ရွက်ရန် သင်၏စိတ်ဆန္ဒကို အသုံးပြု၍၊ ငါ ၏နူတ်ကပတ်တော်တို့ကို လက်တွေ့လုပ်ဆောင်ချင်စိတ် ရှိရမည်။ အကယ်၍ သင်သည် အပြစ်တစ်ခုကို ကျူးလွန်လျှင်၊ ဘုရားသခင်က သင့်အား ဆုံးမပဲ့ပြင်လိမ့်မည်။ သင်သည် နောက်ပြန်လှည့်၍ နားလည်သဘောပေါက်လာချိန်တွင်၊ အားလုံးတို့သည် သင်၏ အတွင်း၌ ရုတ်ခြည်း ကောင်းမွန်လာလိမ့်မည်။ အကယ်၍ သင်သည် ကျူးလွန်စွာ ပြောဆိုလျှင်၊ သင်သည် အတွင်း၌ ချက်ချင်း ဆုံးမပဲ့ပြင်ခံရလိမ့်မည်။ ဘုရားသခင်သည် ထိုသို့သောအရာကို ဝမ်းမြောက်ခြင်း မရှိကြောင်း သင် သိသည်၊ ထို့ကြောင့် ထိုအရာအား ရပ်တန့်လိုက်မည်ဆိုလျှင်၊ သင်သည် စိတ်ငြိမ်းချမ်းခြင်းကို တွေ့ကြုံခံစားရလိမ့်မည်။ အချို့သောယုံကြည်သူအသစ်များသည် ဘဝ၏ခံစားချက်များကို နားမလည်ကြ၊ သို့မဟုတ် ဘဝ၏ ခံစားချက်များအတွင်း မည်ကဲ့သို့ နေထိုင်ရမည်ကို နားမလည်ကြပေ။ သင်၏အတွင်း၌ အဘယ့်ကြောင့် ဂနာမငြိမ် ဖြစ်နေရသည်ကို၊ သင်သည် တစ်စုံတစ်ရာမျှ ထုတ်မပြောသော်လည်း၊ တစ်ခါတစ်ရံတွင် သင် တွေးမိသည်။ ဤသို့သောအချိန်များတွင် မှားနေသည်မှာ သင်၏ အတွေးနှင့် စိတ် တို့သာ ဖြစ်သည်။ တစ်ခါတစ်ရံ၌ သင့်တွင် ကိုယ်ပိုင်ရွေးချယ်မှုများ၊ ကိုယ်ပိုင်အယူအဆများနှင့် ထင်မြင်ချက်များ ရှိ၏။ တစ်ခါတစ်ရံတွင် သင်သည် အခြားသူများကို သင့်ထက် နည်းပါးသည်ဟု သဘောထား၏။ တစ်ခါတစ်ရံတွင်မူ သင်သည် တစ်ကိုယ်ကောင်းဆန်သော ကိုယ်ပိုင်တွက်ချက်မှုများကို ပြုလုပ်နေကာ၊ ဆုတောင်းခြင်း မပြု၊ သင့်ကိုယ်သင် ဆန်းစစ်ခြင်း မပြုပေ။ ဤသည်မှာ သင်၏အတွင်း၌ ဂနာမငြိမ်ဖြစ်ရသည့် အကြောင်းရင်း ဖြစ်သည်။ ဘယ်သို့သောပြဿနာ ဖြစ်သည်ကို သင် သိကောင်းသိလိမ့်မည်။ ထို့ကြောင့် သင်၏နှလုံးသားတွင် ဘုရားသခင်၏နာမကို ချက်ချင်း ခေါ်ဆို၍၊ ဘုရားသခင်နှင့် နီးကပ်စွာနေပါ၊ ထိုသို့လျှင် သင်သည် သက်သာလာလိမ့်မည်။ သင်၏ နှလုံးသားသည် ပျာယာခတ်ပြီး၊ ဂနာမငြိမ် ဖြစ်နေချိန်၌၊ ဘုရားသခင်သည် သင့်အား စကားပြောရန် အခွင့်ပေးသည်ဟု သင်သည် လုံးဝမတွေးနှင့်။ အထူးသဖြင့် ယုံကြည်သူအသစ်များဖြစ်သောထိုသူတို့သည် ဘုရားသခင်ကို ဤအချက်တွင် ကောင်းစွာ နာခံရမည်။ လူသား၏အတွင်း၌ ဘုရားသခင် ထည့်သွင်းပေးသော ခံစားချက်တို့မှာ ငြိမ်းချမ်းခြင်း၊ ဝမ်းမြောက်ခြင်း၊ ကြည်လင်ပြတ်သားခြင်းနှင့် သေချာခြင်းတို့ ဖြစ်၏။ မကြာခဏဆိုသလို လူတို့သည် နားမလည်ဘဲ၊ အကြောင်းအရာများကို ရှုပ်ထွေးစေကာ၊ စိတ်ကူးပေါက်သလို လုပ်တတ်ကြသည်၊ ဤအရာတို့သည် နှောင့်ယှက်ခြင်းများ ဖြစ်ပြီး၊ သင်သည် ဤအရာကို အထူးဂရုပြုရမည်။ သင်သည် ဤအခြေအနေမျိုးအား ဖြစ်တတ်သည်ဆိုလျှင်၊ "ကြိုတင်ကာကွယ်ပေးသောဆေးဝါး"တချို့ကို ဦးဆုံး သောက်သင့်၏၊ သို့မဟုတ်လျှင်၊ သင်သည် နှောင့်ယှက်ခြင်းများကို ဖန်တီးလိမ့်မည်ဖြစ်ပြီး၊ ဘုရားသခင်က သင့်အား ရိုက်လိမ့်မည်။ မိမိကိုယ်ကို မှန်ကန်သည်ဟု မမှတ်ယူနှင့်၊ အခြားသူများ၏ ခွန်အားများကို ရယူကာ သင်၏ ကိုယ်ပိုင်မပြည့်ဝခြင်းတို့ကို ထေမိစေရန် အသုံးပြုလော့၊ အခြားသောသူများသည် ဘုရားသခင်၏ နှုတ်ကပတ်တော်များဖြင့် မည်သို့ နေထိုင်သည်ကို ကြည့်ရှုပြီး၊ ၎င်းတို့၏ ဘဝများ၊ လုပ်ရပ်များနှင့် ပြောဆိုမှုများသည် သင်ယူထိုက်သည် မထိုက်သည်ကို ကြည့်လော့။ အခြားသောသူများကို သင့်ထက် နိမ့်ကျသည်ဟု သဘောထားမည်ဆိုလျှင်၊ သင်သည် မိမိကိုယ်ကိုမှန်ကန်သည်ဟု ယူမှတ်ခြင်း၊ စိတ်ကြီးဝင်ခြင်း ဖြစ်ပြီး၊ အဘယ်သူတစ်ဦးတစ်ယောက်အတွက်မျှ အကျိုးမရှိပေ။ ယခုအချိန်တွင် အရေးကြီးသည်မှာ အသက်တာအပေါ်အာရုံစိုက်ရန်၊ ငါ ၏နူတ်ကပတ်တော်တို့ကို ပို၍ စားသောက်ရန်၊ ငါ၏နူတ်ကပတ်တော်တို့ကို တွေ့ကြုံ၍ သိရှိရန်၊ ငါ၏နူတ်ကပတ်တော်တို့ကို စစ်မှန်စွာဖြင့် သင်၏အသက်တာ ဖြစ်လာစေရန်တို့ပင် ဖြစ်သည်၊ ဤသည်မှာ အဓိက ကျသောအရာ ဖြစ်၏။ ဘုရားသခင်၏ နူတ်ကပတ်တော်များနှင့်အညီ မနေထိုင်နိုင်သော တစ်စုံတစ်ယောက်၏ အသက်တာသည် ပြီးပြည့်စုံနိုင်သလော။ မဖြစ်နိုင်ပေ။ သင်သည် ငါ၏နူတ်ကပတ်တော်တို့ဖြင့် အချိန်တိုင်း နေထိုင်ရမည်။ အသက်တာတွင်၊ ငါ၏ နူတ်ကပတ်တော်တို့သည် သင်၏ ကျင့်ဝတ်စည်းကမ်း ဖြစ်ရမည်။ အကြောင်းအရာများကို သေချာသောနည်းလမ်းတစ်ခုဖြင့် လုပ်ဆောင်ခြင်းသည် ဘုရားသခင် ဝမ်းမြောက်သောအရာဖြစ်ပြီး၊ အခြားသောနည်းလမ်းဖြင့် လုပ်ဆောင်ခြင်းသည် ဘုရားသခင် မုန်းတီးသောအရာ ဖြစ်ကြောင်းကို၊ ထိုအရာများက သင့်အား ခံစားမိစေလိမ့်မည်။ သင်သည် လမ်းကြောင်းမှန်ပေါ်တွင် တဖြည်းဖြည်း လျှောက်လှမ်းလာလိမ့်မည်။ မည်သည့်အရာတို့သည် ဘုရားသခင်ထံမှ အရင်းခံပြီး၊ မည်သည့်အရာတို့သည် စာတန်ထံမှ အရင်းခံဖြစ်ပေါ်သည်ကို သင်သည် နားလည်ရမည်။ ဘုရားသခင်ထံမှ အရင်းခံသောအရာများသည် သင့်အား ရူပါရုံများအပေါ် ပို၍ပင် ရှင်းလင်းလာစေပြီး၊ ညီအစ်ကိုမောင်နှမတို့နှင့်အတူ ချစ်ခြင်းမေတ္တာကို ထက်သန်စွာမျှဝေလျက်၊ ဘုရားသခင်နှင့် ပို၍ ပို၍ နီးကပ်ခြင်းကို ဖြစ်စေ၏။ သင်သည် ဘုရားသခင်၏ ဝန်ထုပ်ဝန်ပိုးကို အရေးထားကြောင်း ပြသနိုင်ခြင်းဖြစ်ပြီး၊ ဘုရားသခင်အား ချစ်သော သင်၏နှလုံးသားသည် မလျော့နည်းသွားပေ၊ သင် လျှောက်လှမ်းရန် လမ်းတစ်ခုက ရှေ့တွင် ရှိနေခြင်းဖြစ်သည်။ စာတန်ထံမှ အရင်းခံသောအရာများမှာမူ သင့်အား ရူပါရုံများကို ဆုံးရှုံးစေပြီး၊ သင့်ထံတွင် ယခင်က ရှိခဲ့သည်များအားလုံးမှာ ပျောက်ဆုံးကုန်၏။ သင်သည် ဘုရားသခင်နှင့် ခပ်တန်းတန်းဖြစ်လာကာ၊ သင့်ထံတွင် ညီအစ်ကိုမောင်နှမများအပေါ် ချစ်ခြင်းမေတ္တာလည်း မရှိတော့ပဲ၊ မနှစ်သက်ဖွယ်ရာ နှလုံးသားတစ်ခုသာ ရှိနေ၏။ သင်သည် ထင်ရာစိုင်းလာကာ၊ အသင်းတော်အသက်တာ၌ ဆက်၍ မရှင်သန်ချင်တော့ပဲ၊ ဘုရားသခင်ကို ချစ်သော သင်၏နှလုံးသားသည်လည်း မရှိတော့ပေ။ ဤသည်မှာ စာတန်၏ လုပ်ဆောင်မှုဖြစ်ပြီး၊ မိစ္ဆာဝိညာဉ်များကြောင့် ဖြစ်ပေါ်လာသည့် အကျိုးဆက်လည်း ဖြစ်သည်။

ယခုအချိန်သည် အတိမ်းအစောင်းမခံနိုင်သောအခိုက်အတန့် ဖြစ်၏။ သင်သည် နောက်ဆုံးသော မိနစ်အချိန်ထိတိုင်အောင် ဆက်၍ ကြိုးစားလုပ်ကိုင်ရမည်၊ အကောင်းနှင့်အဆိုးကို ခွဲခြားနိုင်ရန်အလို့ငှာ သင့်ဝိညာဉ်၏ မျက်လုံးများကို ကြည်လင်စေရမည်၊ အသင်းတော် တည်ဆောက်ရာတွင်လည်း သင်တို့ တတ်နိုင်သရွေ့ အစွမ်းကုန် အားထုတ်ကြိုးပမ်းရမည်။ စာတန်၏ လက်ပါးစေများ၊ ဘာသာရေး နှောင့်ယှက်မှုများနှင့် မိစ္ဆာဝိညာဉ်တို့၏ လုပ်ဆောင်မှုကို ဖယ်ရှားကြလော့။ အသင်းတော်ကို သန့်စင်စေကာ၊ ငါ၏ အလိုကို မပိတ်ဆီးစေပဲ ဖော်ဆောင်စေလော့၊ ထို့ပြင် ကပ်ဘေးများ၏ ရှေ့ပြေးဖြစ်သော ဤမျှ တိုတောင်းသည့် အချိန်အတောအတွင်းတွင် ငါသည် သင်တို့ကို ဖြစ်နိုင်သလောက် လျင်မြန်စွာဖြင့် အမှန်တကယ် ပြည့်စုံစေလိမ့်မည်၊ သင်တို့အား ဂုဏ်ကျက်သရေ ရှိစေမည်။

ယခင်က:အခန်း ၂၁

နောက်တစ်ခုသို့:အခန်း ၂၃